7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قال الامام الصادق ع ( كونوا زينا لنا و لا تكونوا شينا علينا )
……………………………………………………………
صادق الدين ينادي ••• صادق الدين
زين مو شين علينه ••• زين مو شين
أدب وبحسن الصفات
صيروا للـمذهب دُعـاة
صادق الدين ••• صادق الدين
……………………………………………………………
يامن تحملون اسمي شيعه واصفى من الذهب
الـلـه خـالقـكـم لـجلـنه وقـف للـصادق كـتب
مـا اريـد حـجـايه عـنكم لا شـكايه و لا عـتب
كـون تتـرحّـملي كـلهـا مـربّي اشـياعه بـأدب
ارفـع الـراس بادبكم ••• ارفـع الـراس
صيرو نوماس يشيعه ••• صيرو نوماس
شـيعـة الصـادق أُباة
صيروا للمذهب دُعاة
صادق الدين ••• صادق الدين
……………………………………………………………
صـير نافذ بالبصيره مـثل عـباس الگمر
لا تفـرط بالعـقيـده لا يـخوفـك كـل شـمر
ابد مو شيعي احسبه للضلع كلمن نكر
والترضه عليه احسبه مشارك بدفع و كسر
الينكر الباب يـشيعه ••• الينكر الـباب
وي الاصحاب مصيره ••• وي الاصحاب
و ينحشر وي الجُناة
صيروا للمذهب دُعاة
صادق الدين ••• صادق الدين
……………………………………………………………
من نفس طينته صرتوا روح حره وطاهره
بالـحزن تحـزن مـثلنه و بالفـرح مـستبشره
موش منه الماله دمعه عل حُسين ومنحره
المـاطـبع بالـصدر چـفه ما اجـيه بالآخـره
الماله عاشور اتركه ••• الماله عاشور
يظل بلا نور طريقه ••• يظل بلا نور
حـسينكم هـو النجاة
صيروا للمذهب دُعاة
صادق الدين ••• صادق الدين
…………………………………………………………..
دين جاهز جبنه الكم بدمنه مدفوع الثمن
باب و البسمار أُمنه و الي عل هـزّل مشن
ليش متفرقين صـرتو گـاع مـزروعه بفتن
كلمن يحرّف حقيقه بصدر ابو اليمه طعن
اليبقه وفاي احسبه ••• اليبقه وفاي
جايب الماي لرقيه ••• جايب الماي
يـطفي نار الثاكـلات
صيروا للمذهب دُعاة
صادق الدين ••• صادق الدين
……………………………………………………………
و الله احـن مـن امكـم احـنه الكم أنريد الفرح
چن جرح عبدالله نشعر لو طفل شيعي انجرح
نـفتخـر بالـطايـع اهـلـه و بـشـهاده الهـم نجح
كـل عمرنه بليل عشنه و انتو يا شـيعه الصبح
ذبـح و سـموم لجلكم ••• ذبح و سموم
يمحي الهموم وجهكم ••• يمحي الهموم
بيكم انعـيش الحياة
صيروا للمذهب دُعاة
صادق الدين ••• صادق الدين
……………………………………………………………
المهدي مو( مُنتَظر) اسمه (مُنتظِر)إلكم عمل
مـن يشـوف الديـن بيـكم للـفرج يـصبح امل
لا خـروح بهـل تـفرق وراح اجـيبـلكم مـثل
يستحيل بخرم ابره يفوت من عدها الجمل
يوم الاثنين عملكم ••• يوم الاثنين
قائم الدين يشوفه ••• قائم الدين
تچوي گلبه المنكرات
صيروا للمذهب دُعاة
صادق الدين ••• صادق الدين
……………………………………………………………
✍️ ( سيد خضر الزاملي )
استشهاد الامام الصادق ع
الصادق نودعـه الليله .. ودمع الحـزن نبچـيله
هاليله تحـضرنـه الزچـيه .. تبـچـي الامام الجعـفريه
………………………
ياشيعـته الصادق رحل .. هاليله وافاه الأجل
وغمـضها ويلي اعيونه
ركن الشريعـة منـهدم .. بهذا العزه شدو الحزم
والكـاظم اتـواسـونه
لمجلسنه حضرت فاطمه .. عالخد اجـتكم لاطمه
بنت النبي ومحزونه
الله اليعين بهل مصيبه اعياله
شـيخ الهواشم چـافيات ادلاله
يا وحـشة الدار المـشه راعيـها
ويافـرگت الـوالد صدگ چـتاله
لمن يمـوت الـوالي .. خلـته تضل للـتالي
وداره تضل دوم بعزيه .. تبچي الامام الجعفريه
………………………
بالسم چبدته تمردت .. والروح للباري اصعدت
وكل شيعـته حزنانه
وكل هاشمي الليله بحزن .. عالصادق ينوح ويون
وما تـنـطفي نيرانه
وكل فاطميه اتنوح اله .. بهاي المصيبه امولـوله
ولبست سواد احزانه
كـسرة ظـهر ياناس فـگـد الغالي
جرحه يضل وسط الگلب للتالي
العـايلـه اتـيـه افـگــد والـيـها
وهلـيلـه احـنه راح منـه الـوالي
بـهذا المسه صادقـنـه .. يا للأسف ودعـنـه
والعين بالمدمع جريه .. تبچي الامام الجعفريه
………………………
مات وترس عينه الدمع .. او وناته چانت تنسمع
يا عمـتي المسبيه
بنيران بيته من احترگ .. بعبراته ودموعه اخـتنگ
واتـذكـر العـلويـه
من حرگو عليها الخيم .. من النار تـتراكض حرم
واطفالها المسبيه
مــا فـارگ اخـيالـه صـور عمـاته
كل يــوم عايش بالسبي ولـوعاته
چا شنهو حال حسين ذيچ الساعه
يسحـگن جـمـر شاهـدهـن ابنياته
وصادقنه عاش الحاله .. نـار وجـمـر بعـياله
ركضت ابيته الهاشميه .. تبچي الامام الجعفريه
………………………
لكنه نعشه من انحمل .. بالدفن حضروه الاهل
وهـالــو عليه اتـرابه
مابيه جرح لا منذبح .. لا راسه مشيول برمح
وتنـظر عليه احبابه
لفـو الصادق بالچفـن .. واثـيابه ما اتـسلبن
ما سلبته السلابه
مات واهل واحبابـه اليشيعونه
مامات وبخيل العده يسحگونه
لكـن اويـلي السحـگـته الخياله
بذيچ الحـوافر ماردات اعـيونه
محزوز نحره من مات .. ووجهه الحلو بيه طبرات
وركضت اله اخته السبيه .. تبچي الامام الجعفريه
………………………
وماشافـته امه فاطمه .. غرگان ابنها بالدمه
شافت الصادق سالم
بس ذاك ابنها بكربله .. مذبوح من راحت اله
وفوگ الرمل ضل نايم
احسين لمن شـافـته .. امـه ابـد ما عرفـته
امفرهـدينه الوادم
لا وجه ضل عنده وتعرف اعيونه
ولا لـون ضل عـنده وتعرفه بلونه
دم ولحـم مـتـبـدي فـوگ الغـبره
چـا نعـمة الله بحـافـر يـدوسـونه
من داستـه الخياله .. مردت جمـيع اوصاله
وذيچ الخيول الاعوجيه .. تبچي الامام الجعفريه
الشاعر عقيل الحسناوي..
.
قصيده على لحن ابا صالح التماس دعا
اباصالح غثني يا مولاي
جمره بنفاسي تشكي منها الروح
اباصالح طوَّل اغيابك
يا ارض تدعي ابگلبک المجروح
*ابا صالح یا ابا صالح*
✔✔✔✔✔✔✔
لون تقصد للمدینه هناک
شابحه عیونک للنبي و گبره
یبو صالح فدوه اذکرنه
یم گبر امک فاطمه الزهره
لون تنحب للضلع و العين
و الجنين الطاح ويلي بالعصره
تون انت و فاطمه چفها
اعلی الضلع تنعي من الكسُر و تنوح
*ابا صالح یا ابا صالح*
✔✔✔✔✔✔✔✔
لون تقصد للبقیع تزور
سیدي اذكرنه الجدك المسموم
لون تنصب شمعة دموعك
الجدك السجاد اذكرنه يالمعصوم
کتر گبر الباقر اذکرنه
و من علی الصادق تنحب و مهموم
عله ، اُمّ الاربعه سلم
من گبرها حب لِلْحُسین ایفوح
*ابا صالح یا ابا صالح*
✔✔✔✔✔✔✔✔
یبو صالح لو مشیت الطف
سیّدي اذكرنه بكل دمع مذروف
لون تنحب للگمر عباس
و السهم بالعین لا نظر لَاچْفوف
کتر تل الزیني توگف
تذكر المذبوح و بگلب ملهوف
عليك بجاه زينب اذكرنه
يم مزار حسين سيّدي من اتروح
*ابا صالح یا ابا صالح*
✔✔✔✔✔✔✔✔
يبوصالح لو بچیت ادموم
یم ضریح حسین جدک المنحور
لون تذكر حرگت الخیمات
تنسبي زينب و الخصم مسرور
و الحسین اعلی الرمل مطروح
عالرمح راسه و عینه لاخته اتدور
عليك ابدم منحر الأصغر
اذكرنه عد مصرع جدك المذبوح
*ابا صالح یا ابا صالح*
✔✔✔✔✔✔✔✔
کلمات الاقل ناصرالبوعبيد
في ذكرى استشهاد الامام جعفر الصادق
عليه السلام
يا أمير الفقة واحكام الشريعه
يبو الكاظم غيبتك اعظم فجيعه
★★★★★
ناحت الاقلام ومداد المحابر
اختلط جمر گلوبنه بدمع المحاجر
والزمن لمن غبت مذهول حاير
يبن حامي الجار والزهره الوديعه
★★★★★
يامداد العلم. يانور المجالس
مدرسة خرجَّت الآف المدارس
سابع الاكوان تبچيلك يسادس
وعلى احبابك ضاگت الدنيا الوسيعه
★★★★★
يابو الخير الياوكت منهم تقاسي
شفت من اهل الخديعه شگد مآسي
جبل ماتنهزم يلعزمك رواسي
ياضوه الاسلام وانواره وربيعه
★★★★★
كل حسابات المخالف غيَّرتها
والمذاهب اربعه بحيره عفتها
وبقناعه من علومك وصلتها
حجج عندك بالبراهين المنيعه
★★★★★
رادوا يصغرون شانك يلي شانك
عالي ويهابون ياجعفر مكانك
سيد الحكمة وبعد سيد زمانك
وخاب كل ظالم يظن انته تطيعه
★★★★★
يلسحرت الناس قانعهم دليلك
بغدر ليش المارحم قابل جميلك
عِلَّتَك زادت وطّوّل الم ليلك
عن غدر سموك أصحاب الخديعه
الشاعر حسن لعيبي الحريشاوي
فِي مَدْحِ الْإِمَام جَعْفَرٍ الصَّادِقِ عَلَيْهِ السَّلَامُ (فصحى)
سَلَامًا أَيُّهَا الصَّادِق . بِعِلْم الْمُصْطَفَى نَاطِقٌ
صِرَاط الْخَالِق الْأَقْوَم
وَنَهْج الْمُصْطَفَى الْأَكْرَم
سَلَامًا أَيُّهَا الصَّادِق
★★★★★
سَلَامًا أَيُّهَا الطَّاهِر تَقِيَّّا هَادِيًا صَابِرٌ
حَكِيم عَالِمٍا ذَاكِرٍ . بنهج الْمُرْتَضَى سَائِر
لِدَيْن الْمُصْطَفَى نَاصِر . سَدِيدِ الرَّأْيِ كالباقر
ايانور الْهُدَى الأَزْهَر
وَفَّقَه الْمُرْتَضَى حَيْدَرٌ
سَلَامًا أَيُّهَا الصَّادِق
★★★★★
سَلَامًا مِنْ جَوًى قَلْبِي إلَى إيمَانُك الرَّحْبِ
سَلِيل الْكَوْثَر الْعَذْبِ . ايامجدا مِنْ الرُّبِّ
تُنِير الْكَوْن بِالْحَبّ . مِنْ الشَّرْق إِلَى الْغَرْبِ
ايانور الْمَدَى الاجمل
ايامجد الْهُدَى الْأَكْمَل
سَلَامًا أَيُّهَا الصَّادِق
★★★★★
سَلَامًا ثامن الْمَجْد . وَفِيًّا صَادِقٌ الْعَهْد
تَقَيَّ هَادِيًا مَهْدِيّ . . مِن الْمَهْد إلَى اللّحْدِ
دُعِيت النَّاس لِلرُّشْد لِفِعْل الْخَيْرِ وَالزُّهْدِ
فيَالِق عِلْمُك الْأَقْوَى
هي الْإِيمَانِ وَالتَّقْوَى
سَلَامًا أَيُّهَا الصَّادِق
★★★★★
تَقِيّ عَارِفا عَامِلٌ . بِحُكْمِ الْخَالِقِ الْعَادِل
بِعِلْم وَافِر كَامِل. شَدِيدٌُ تَقْمَع الْبَاطِل .
روؤف تَنَصَّح الْجَاهِل كَرِيمً تُطْعِم السَّائِل .
فَعُلِم للمدى أَسْبَق
لَهُ أَبْوَابُ لاتغلق
سَلَامًا أَيُّهَا الصَّادِق
★★★★★
ايادنيا مِن الْفِكْر . عَلَى طُولِ الْمَدَى تَجْرِي
مُضِيئً كَوْكَبٍ دُرِّيٍّ جَلِيلُ الشَّأْنِ وَالْقَدْر
فَلَا (النعمان) و(الثوري) كذكراك مِنْ الذَّكَرِ
ك(طه)سرت فِي الْخَلْقِ
بِعَذْب الْقَوْل وَالرِّفْق
سَلَامًا أَيُّهَا الصَّادِق
الشاعر حسن لعيبي الحريشاوي
ليش الدمع عالوجنات
يادنيه ليليه ايبات
فكد الابو ماينحمل
وكسر الخواطر موسهل
ليش ليش هايدنيه
......................
بالغدر ماكو مثيلج ماتعرفين الحنان
شلون يخلص تالي عمري وانتي مابيج الامان
هواي راح اعيوني تسهر بيج ويطول الزمان
شضامتلي يا مصيبه وياخرابه ويامكان
لاجمني كلبي ومالوم
منج شفت بس هموم
وهمومج التكتل كتل
وكسر الخواطر مو سهل
ليش ليش هايدنيه
.....................
عالمحنه شبيج انتي تعتنين وبالحزن
ناسيه لوبيهه اذكرج خذتي مني اطيب حضن
الزهره من راحت لهسه اسهر الليل واون
خذتي شمعت عيني امي والكلب ذاك اليحن
امي تضل وسط البال
وسهمج الليله الجتال
اكبار المصايب من تحل
وكسر الخواطر مو سهل
ليش ليش هايدنيه
....................
الحطني بعيونه ويكلي انتي نبضات الكلب
وانتضر بابي يدكه وعيني تربي اعله الدرب
هذا ابوي وكل حياتي افراكه يهضمني وصعب
ادري مايسلم الطيب بيج لازم ينضرب
هزيتي دين الاسلام
صوّبتي حيدر بالهام
دمعي على مصابه يهل
وكسر الخواطر مو سهل
ليش ليش هايدنيه
.........................
خذتي ابوي وكلشي بيّه تهدم الهاذه الامر
بعد مايهنالي اعيشن بيج يلطبعج جمر
عمري بوجوده شحلاته وراح وياه العمر
شلون اكضيهه حياتي و والدي بحضن الكبر
منج بنص كلبي صواب
من الباب والهل محراب
وي والدي راح العدل
وكسر الخواطر مو سهل
ليش ليش هايدنيه
..........................
ميته بعيوني يدنيه انتي من كد الضلم
انه زينب شنهي ذنبي ومنج اشبع بس هظم
بيج ابوي انصاب راسه وجازيه الطبره العضم
اليله ياعظم المصيبه من ابوي انه انحرم
يادنيه مومال افراك
كلساع احنن وشتاك
من وجهه والله ما امل
وكسر الخواطر مو سهل
ليش ليش هايدنيه
محمد هادي العقابي
لطميه وزن نصاري للسيده فاطمه العليله ع
━━━•✿🪬✿•━━━
من ارض المدينه ابعث سلامات
للراحن سوه وكلهن عزيزات
━━━•✿🪬✿•━━━
اكتب بالرساله ويجري دمعي
عمه ام عون والله احنيتي ظلعي
اسمعي چلمتي وباخواني ارجعي
ورَجعي اهل الفخر واهل الكرامات
*✍🏻أم عبــــــد اللــــــــــه العابـــــــــــدي*━━━•✿🪬✿•━━━
رديلي ابوي وكل اخوتي
اخافن لوجفو يلفيني موتي
صحت يهل الرحم سمعو نخوتي
تره حبر الرساله صار دمعات
✍🏻ام حسين العسكري ناصريه
━━━•✿🪬✿•━━━
الملم ذكرياتي وتجري العيون
يروحي كطعي ضنج مايردون
فركاچن يخيه عليه ميهون
اصبر بالگلب كلهن عزيزات
✍🏻الشاعرة ام روكان الشمري
━━━•✿🪬✿•━━━
كتب اكتابي بالدمعات الهن
عافني عليله ليش گلهن
انشد واسأل الي مشه عنهن
امي وعمتي وكل الاخيات
*ام منـ✍️ــذر الحجار*
━━━•✿🪬✿•━━━
اكتب بالرساله اعيوني اتسيل
وافراگ ومرض مانايمه الليل
من الخوف يرجف جسمي ونحيل
وعمتي ما تردلي بعد هيهات
✍🏻ام رافد العسكري
━━━•✿🪬✿•━━━
تموت افراحنه ونعگـد حِزنه
وعيون السهر نلبسها كلنــه
تخله اديارنه من اهل المحنه
يهلنه بدونكم صـرنه غريبات
زمـــ✍🏻ــــن حــــاتــم الربيـــعي واســــــــــــــــــــــط
━━━•✿🪬✿•━━━
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 شوال الخير / ١٤٤٥هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
📌 السراج المنير 📌
كان الإمام الصادق (عليه السلام) السراج المنیر في العلم والمعرفة، حيث أكد أهمية تحصیل العلم للشيعة وخاصة الشباب:-
📍وکان یذكر دائمًا:
«لست أحب أن أری الشاب منکم إلا غادیًا في حالین، إما عالمًا أو متعلمًا»
📍وکان یحذر: «لو أُتیت بشاب من شباب الشیعة لا یتفقه لأدّبته»
هذا التركيز والإصرار على الفهم العميق للتعاليم الدينية يرجع إلى حقيقة، هي أن الضعف في الأسس الدينية سيؤدي إلى الانحراف والضلالة في الدين .
📍كما قال:
«لا خیر في من لا یتفقه من أصحابنا، یا بشیر إن الرجل منهم إذا لم یستغن بفقهه احتاج إلیهم، فإذا احتاج إلیهم أدخلوه في باب ضلالتهم، وهو لا یعلم»
🔹إن السیرة العملية والتعاليم الشفویة للإمام الصادق علیه السلام فيما يتعلق بالتسامح مع الآخرين، تنیر الدرب لأتباعه وتمنعهم من الوقوع في خضمّ التطرّف .
🔹 کان الإمام الصادق علیه السلام یؤکد دائمًا على أن يتصرف الشيعة بحیث لا تفضي تصرفاتهم إلى تشویه الشيعة وأئمتهم من قبل أتباع الأديان والمذاهب الأخرى، وأن لا ینشأ تصور خاطئ من الشيعة لدی الآخرين .
🔹على سبيل المثال، نُقل عنه:
«خالقوا الناس بأخلاقهم، صلوا في مساجدهم، وعودوا مرضاهم، واشهدوا جنائزهم، وإن استطعتم أن تکونوا الأئمة، والمؤذنین فافعلوا، فإنکم إذا فعلتم ذلك قالوا: هؤلاء الجعفریة، رحم الله جعفرًا ما کان أحسن ما یؤدب أصحابه. وإذا ترکتم ذلك قالوا:- هؤلاء الجعفریة، فعل الله بجعفر، ما کان أسوأ ما یؤدب أصحابه»
📚 1. ميزان الحكمة ج2 ص1401
📚 2. بحار الأنوار ج1 ص214
📚 3. الكافي ج1 ص33
📚 4. من لا يحضره الفقيه ج1 ص383
كل سنه نتحزم وننصب عزيه
وبالدمع نحيي الليالي الصادقيه
***
احنه بالمجلس يسمونه المجانين
وعدنه حب الصادق بكد حب الحسين
وينها اصحب المجالس واللطم وين
نفتخر لو عنه كالو رافضيين
احنه بالدم تدري وقعنه الهويه
وبالدمع نحيي الليالي الصادقيه
**
صرخة الخدام يتردد صداها
والمجالس جعفر الصادق بداها
كال ايحو امرنا وكلها دعاها
وراية الصادق نضل نمشي وراها
احنه شيعه وما نساوم عالقضيه
وبالدمع نحيي الليالي الصادقيه
*
والله لوله الصادق الطب ماله عنوان
مدرسة اهل العلم نور العلم جان
خرجة مدرسة جابر ابن حيان
يختلف مذهب الصادق عن الاديان
هاي اكبر جامعة وتحمي الرعيه
وبالدمع نحيي الليالي الصادقيه
**
للامام الصادق انضحي بعمرنه
لجله كون ويالطم نكسر صدرنه
من خدمنه منبره صرنه شكبرنه
ما يضيع التعب ومسجل اجرنه
رافضيه ونبقه نهتف رافضيه
وبالدمع نحيي الليالي الصادقيه
***
لازم الشيعي الصدك يفدي العقيده
الشيعي ما يهتم ابد لو كطعو ايده
باقي نهجه وحب علي يمشي بوريده
واحنه صحنه الما يريدك ما نريده
امن الطفوله نحب علي حامي الحميه
وبالدمع نحيي الليالي الصادقيه
*
ليش كبر الصادق امهدم نشوفه
لازم بخط الذهب تنخط حروفه
يجي يوم ومرقده نكصد نطوفه
ومثل جده حسين يستقبل ضيوفه
والامام المهدي يبنيها البنيه
وبالدمع نحيي الليالي الصادقيه
****
تمت
تحسين الخفاجي
نزززله للأمام الصادق ع السلام
خادمكم عبدالهادي العريفاوي
----------------------
شيعه مذهبنه العلوم الجعفريه ٢
نبقه معدن صافي رغما عالدهور
أولياء العتره وليوم النشور
لاخيانه ولا حديث العدنه زور
واحنه مانعبد عجل للسامريه
------------------------،،-
مايهمنه افعال ذوله اهل الجهل
ولاعبدنه اللات والعزى وهبل
احنه منهجنه علي خير العمل
واحنه يكفينه فخر بالرافضيه
-----------------------
جعفرالصادق سليل الانبياء
وكل بني العباس زمرة اشقياء
ضد اهل بيت النبي زرعوا عداء
زادوا اضعاف الحقد عن ال أميه
------------------------------
ابنك الكاظم تكييد بالحديد
والظلم ضد موسى بن جعفر شديد
لعنه ضد هارون ذاك اللا رشيد
حكمه وينه واصبحت داره خليه
----------------------
زمرة ال سعود زمرةجائره
هيه من نفس السلاله الفاجره
هدمت ليش القبور الطاهره
ذوله اسلاف الكسرضلع الزجيه
-------------------------
مايهمنه الزمره عباد الوثن
والفتن موجوده عدهم كل زمن
الباقر السجاد نبنيه والحسن
وجعفر الصادق ابو الطلعه البهيه
-------------------------
سيدي الصادق نسولف عالاهم
بالطفوف هناك نيران الخيم
وعالشريعه يطيح شيال العلم
وعالرمح راس الحسين بن الزجيه
------------------
((كلمنه الطير))
بــحــبـك كـــلمـنه الطير
ومن فضلك صـرنه بخير
فـــرحــان اخـــدم عباس
امــلك عشــگـــك لا غـير
ياحنين جروحنه بالشوگ منذور
ياشطب رَيحآنه وعـــالخادم سور
غيره منك رايدين اعله الخيمات
يـــالگــمر تــدرينه مـتانين عاشور
بجـــرح تانينه .. عاشور المصاب
بــس تـــأذينه .. طَـوَلّ بـــالغياب
نريد نلطملك .. عــباس بدمــوع
وانتـــه بچينه .. عالدمه خضـاب
يالكفيل ارزقنا محرم ...
"""""""""""""""""""""""""""""""""""''''''''''
مــأذيني درب الشوگ
اتـنـفس بس مـخنوگ
مــــضيعني بـليـل الآه
ومن الغربه ومحـروگ
يـــــبو فـاضل انته كل سر مكنون
المايشوف ابــابــك تهــديله عيون
حيل أنــــه ممنونك مولاي عباس
وي الخدم حاسبني مولاي ممنون
زاهي الـمنضر .. صـاير بالدليل
منــك اتشَــكر .. حضرة الكفيل
حــاجه الدنـيا .. مــولاي بأديـك
انــته لــلخـدر .. عـبـاس الوكيل
يالكفيل ارزقنا محرم ...
"""""""""""""""""""""""""""""""""""''''''''''
اجمل شـهم حبيت
مـــن حبك اتعليت
حبيت ابو النوماس
يــاقمر لهـل البيـت
يالملكت أگليبي وبالشـوگ احتار
يـــاعــزيز الزيــنب يا چـــلمةّ صار
ســـرك المــكفوله الضميته بروح
حتى نضرة زينب محسوبه اسـرار
غـيرتـك غـــيره .. للعـفه عــــــفاف
قـــمر تصـــويره .. بس بيها اختلاف
من القمر اجمل .. يـــاكــوكب فريد
تــشـهد الـــديره .. وآل ابــــي مناف
يالكفيل ارزقنا محرم ...
"""""""""""""""""""""""""""""""""""''''''''''
خدمــه ولطم مشاي
وأبــــــابه اوزع مــاي
(چا) هوه هذا الخير
اي هــوه هـــذا الرآي
اي محرم جانه عــباس شتگول
مروتك اتبدلني واسمي مشيول
(عبد ) يـم اعتابك ويريد دموع
تـــرد زاير زينب عــباس معقول
زايــر الــحـــره .. تــشـهدلي السنين
واصـرخ بعـبره .. ها يخت الحسـين
جـاي اشكـيلك .. زودنـــي جــــروح
اركض بصحره .. ومـــاتغـفـآلي عين
يالكفيل ارزقنا محرم ...
"""""""""""""""""""""""""""""""""""''''''''''
يــم بــابك المبـخوت
لازم سره اعله الموت
چا يمته دمي ايفيض
بـحـبك حـلو التـابوت
أَسـَرتــني اعـيونــك (ما)هاد البال
قيداني الحاجـــب بالشوگ احبال
حيره لو ما شوفك بالنـضره ارتاح
ســاعه انضر گبــتك يَتبدلّ الحال
ياسكن حالي .. بالنضره عطوف
وحـتى آمالي .. زيـــاره للــرئوف
انـتـه وديـني .. يــم بـاب الجواد
والدمع هالي .. معـصومه اشوف
يالكفيل ارزقنا محرم ...
عبد زينب
محمد الابراهيمي
((مواقيت الجرح))
حُبك مواقيت الجرح
ابــلادمع ماعندي راي
حبك اصول المحنتي
والجرح دولةّ ضمــاي
نوح والسـهر
وبلـــوه النهر
وجمر وحجر .. والشارد منين
وانتـــه بألم
ونار الخــيم
وحار السهم .. ياروحي يحسين
ألف وتسعميةّ جرح وحوافر الخيل
وين اليـــباري عيلتك ويخوف اليل
حسين حسين ...
"""""""""""""""""""""""""""""""""""''''''''''
بلامعنى اعيش بلاعزه
ولاگــــلبي يقبل مايهيد
قمة وجَودي بمجـلسك
تمد چفك الهاي العبيد
باچــر يـــمر
موت وحشر
وحبك أمـــر .. تأمرني يهواي
هيــــمه الزمن
وغفلله و وسن
وانته الــــوطن .. يالبگبر جاي
شنطيتك وعيله بجمر اطفال ويعثرون
للنـــار منطي عيلتك بنصها ويطيحون
حسين حسين ...
"""""""""""""""""""""""""""""""""""''''''''''
درب العشـــگ عثرةّ حزن
وانت الجروحك الماتغيب
واليبــــرد بــــــدربك يــرد
يحسيني بس انته الطبيب
انتـــه الهوى
ثُـــــمَ الدوى
وگلبي أرتوى .. من عشگه ممنون
آخ ودمـــــع
ليــل وشمع
شلون انمنع .. من دمع العيون
بلاثوب ويلي بالثرى حتى البس الثوب
ما جوز مـــن زيارته ومن حــبي ماتوب
حسين حسين ...
"""""""""""""""""""""""""""""""""""''''''''''
هايه دمعــتي بمجلسك
بروحي احبك واشتريك
هـــــنه الاديـــن أمعوده
وبكل مسه تلطم عليك
ناس الغدت
بحبك علت
مــــاحسبت .. نايم على الگاع
عيـــله برعب
وكلش صعب
وانته بتــــرب .. وضعن الاهل ضاع
يالنايم بسن الرمــــــح وعيالك بخوف
دمك الداحيها الأرض كل هذا ونعوف
حسين حسين ...
"""""""""""""""""""""""""""""""""""''''''''''
دمــــك ديانةّ كل نبي
والهزل اقدس بالثبات
اضخم عقيده دمعـتك
ومحبتك هــيه النجاة
نــــام الجرح
صاحي برمح
وحـــز الذبح .. دين اعله الاديان
كسر الضــلع
وشوغةّ صبع
نــــــار ودمع .. يالعاري عطشان
والعيله من درب الدرب وجروح الايام
وزينب غريبه ميسره من تجهب الشام
حسين حسين ...
عبد زينب
محمد الابراهيمي
((قيدّ العشگ))
على قيدّ العشگ والدمعه عشنه
ومن نهـر الجـرح رحــنه وشربنه
غيرك ماي آسن بي طـعم غيض
ومــــايك سيدي بــــي لذه شفنه
وشفناك انته ابو الحگ
وبيـــــك العِلــمّ يشهگ
ياصادق محمد ..
بيت الحكمه والراي
بس علتـــــهم الماي
آثار اعله كل خد ..
عدهم عـزيه
صبح ومسيه
بــــالغاضريه .. حچيهم
لا ماكـو راحه
كلهم نيـــاحه
ويعله صياحه .. بچيهم
صادق آل محمد ...
"""""""""""""""""""""""""""""""""""''''''''''
من منهل عشــگ جـودك روينه
ومن عندك عـــرفنه الدنيا شينه
يشيخ الســاده ياناعي الســـبيات
على دموعك وحزنك من مشينه
عزاء حسين قمنه
يالتحــضر لطمنه
يارايةّ عزائي ..
رايــــه وبيدك انتـــه
وكل مجلس حضرته
يالتسمع بكائي ..
روحه الفريده
وگـايدني بيده
ياحزني أعيده .. بشجيه
وتبدي المدامع
وضيم المواجع
زينــب تــوادع .. رقيه
صادق آلـ محمد ...
"""""""""""""""""""""""""""""""""""''''''''''
صادقنه وفخر من صرنه شيعه
وفــوگ الراس يـالامره ونطيعه
لكـــــن يابشــر چـا يمته نـرتاح
يـــــمته نــروح مشــايه البقيعه
يمته تصير هايه
رايه وفوگ رايه
مشايه ومواكب ..
خــدام وتحييك
يزايرنه هلا بيك
زوار الاطايب ..
حضره ومناره
اتلـــم الحياره
هـــاي الزياره .. وسروره
امنـيــتي هيه
گبـــل المنـيه
لبـــن الزجيه .. ازوره
صادق آلـ محمد ...
"""""""""""""""""""""""""""""""""""''''''''''
تمــــــــر بيا جــرح سود الليالي
وعـــدنه بــــالبقيع اشگد غوالي
الحسن والباقر وسجادنه اهناك
وصــــادقنه الابــــد مارد سؤالي
حنين اشما سئلته
ابو النخـوه عرفته
يالروحه كريمه ..
أنه رايد دمعـتي
ونيران الجمرتي
للطفله اليتيمه ..
گلـــبي يويله
الذيچ العليله
ياهو اشتكيله .. وسمعني
تـــرسم اماني
وگلب اليتاني
لا يـــــــازماني .. يحزني
صادق آلـ محمد ...
عبد زينب
محمد الابراهيمي
قصيده موشح قريض للامام الصادق عليه السلام
المستهل
صرخة تعلو السماء السابعه
سورة الكوثر تعزي الواقعه
***
ماله القلب امتلى صوت العويل
غاظب بل فاقد الصبر الجميل
ما له قد قرر اليوم الرحيل
رفضا تلك الحياة الخادعه
*
لا يلام المرء أن خاف القدر
ان أتى أو مسه الهم والضجر
ما لنا و الموت حق عالبشر
كل نفس بالقضاء قانعه
*
قد هوى نجل الصراط المستقيم
هل أتى قد صابه الهول العظيم
قد قضى مولانا بالسم السقيم
سورة النجم بكت والقارعه
****
يا لها من حرقة تأتي الاسى
أقبلت بل ابكت القلب دما
حسرة للدهر كم سهم رما
كم جراح انزفت كم فاجعه
*
قد بكى لعلمه حبر القلم
والمدارس تعتلي صوت الالم
و المنابر معرضه عن الكلم
قد هوى شمس العلوم الساطعه
**
المالكي و الشافعي و الحنبلي
قد رووا عن علمه القول الجلي
قد على من شأنه الرب العلي
وانبثق منه العلوم النافعه
****
سار نعش الصادق نحو البقيع
يا لا يومي انه يوم فجيع
قد خسرنا العلم و الحصن المنيع
وارتوت منه الجنان الرافعه
***
لخادم اهل البيت مكي البهادلي الكربلائي
اهواي اجروحك وصاير رمل بيهن
ومحتاره يخويه شلون اداويهن
خويه احجيلي عنك وين اليوجعنك
*
من الخيام اركض اجيتك وتركض ايتامي وراي
حسين شفت الخيل يمك وانه صحت شعدها هاي
عالرمل نايم لگيتك وگتلي زينب خويه ماي
من الشمس يختي بعباتج گومي سويلي فياي
حيره ومدري من ياهيه ابديلك
مدري امسح اجروحك مدري افييلك
الخيل الگطعنك وين اليوجعنك
*
حيرتني شلون نايم بالشمس وكت الظهر
وتنجوي كلساع اشوفك حاره الگاع شكثر
ادري من سهم المثلث خويه ظهرك منكسر
حسين گلي انشلع گلبي ليش صدرك منحفر
حرت يحسين خويه منين الزمنك
من امسح اجروحك خاف الجمنك
تحاجيني اسمعنك وين اليوجعنك
**
عالوجه مرمي لگيتك وخويه متوسد اديك
اتدور عله الهوى انفاسك والهوى ضايع عليك
اهواي سحگات الحوافر خيلهم شمسويه بيك
بعيني مره انظر بناتك ومره اديرن عيني ليك
اگول اشلون بيهن من تفارگهن
بحرگ اخيامي خاف النار تحرگهن
ما اريد افجعنك وين اليوجعنك
***
اجروحك الف وتسعميه يعني كل جسمك جرح
الطعنه عالطعنه يخويه واصل الگلبك رمح
خويه سهم المرد حبدك صار لجروحي ملح
وادري كلهن يوجعنك والاشد جرح الذبح
اثنعش طبره الشمر ابنحرك ايطبرك
واذا خلص ذبح ايرفسك ابصدرك
وشلون اجمعنك وين اليوجعنك
**
حسين خويه الخيل صلفه عليك بالحافر تدگ
شگد ثگيله واعوجيه ومن سحگها مختنگ
تساوه صدرك وي ظهرك وراح من كثر السحگ
ومن ردت خويه اشبگنك عاينت ما تنشبگ
اشبگنك ردت يحسين ما اگدر
ضلوعك راحن وكل صدرك مكسر
بالغربه اضيعنك وين اليوجعنك
*****
شمر من يمك طردني ولزم بيده شيبتك
اگبالي ظل بسيفه يومي وبده ايحز برگبتك
بالرمح من شال راسك سلبوها اعمامتك
صاح احرگو گلب زينب وسحل جابو جثتك
جاب الراس يمي وگلي هذا حسين
ومن السوط زينب گلي ترحن وين
بدموعي اودعنك وين اليوجعنك
****
تمت
ميثم العمري
لحزننا نداء .. قد زلزل السماء
بالصادق عزاء .. ياصاحب الزمان
@@@
ياللي شايل روح مجروحه ابحزنها
على عتره كل مسه تبچي وتونها
وين هالغيبه صفه تالي زمنها
ابگد غيابك باقيه الناس ابفتنها
…
مذ غبت والوجود .. قد غيب الامان
ووجدنا يسود .. ياصاحب الزمان
@@@
والله حالك بالحزن لا مو قليله
وهيه ثاراتك على اچتافك ثجيله
ابكل كتر من النبي بضعه لدليله
بالوطن لو بالغرب طاحت قتيله
…
قبوركم دليل .. لم تخلُ من مكان
لإرثك الثقيل .. ياصاحب الزمان
@@@
الليله شيعتكم يابن سيد البريه
رجعت اتجدد عزاكم هالعشيه
على صادق عترة الهادي الابيه
گبلت اتواسي ابمدامعها الزچيه
…
قد اطلق الوجيب .. بحزنها العنان
لصبرك العجيب .. ياصاحب الزمان
@@@
هاللي چان اعله البشر معروف نبراس
وسفه تجهل بالدهر مقداره هالناس
شيخ اجدادك لفض عالضيم لنفاس
من اميه ازلامها ومن آل عباس
…
وان اتت فرص .. فالدهر بفتتان
تجرع الغصص .. ياصاحب الزمان
@@@
من يوم امك والضلع بالباب مهشوم
لي يوم جدك جعفر وبفراشه مسموم
ياگلب منك يضل بالآه ملچوم
لمن اتزوره وضريحه اتشوفه مهدوم
…
قبرٌ بلا ضريح .. مقيدٌ مهان
بقيعه الجريح .. ياصاحب الزمان
@@@
هل تجيله ابغرقده وتنوح لجداد
وهم تجي الزهره وتلوج ابفگد لولاد
بالمدينه وكل جرح بالذكرى ينعاد
وبالدعا تطلب گببهم تالي تنعاد
…
دعاءك الرفيع .. لخالق الجنان
يعمر البقيع .. ياصاحب الزمان
@@@
علي احمد الحمود
٢٩-٤-٢٠٢٤
شهادة الصادق ع
زينب ع في اول زياره الى قبر والدها امير المؤمنين ع..
جيت يم گبرك اخبرك جيت يم گبرك
يـاعلي بهجـرك غريبـه ياعلي بهجرك
فـهمه وضعي مـن دمـعـتي
ويحچي دمعي عن غربـتـي
،،،،،،،،،،،،،،،،،،،،،،،،،،،،،،،،،،،،،،،
يالخذت كل عمري .. بدمعي اجيت اليجري
زايره گبرك واگـلك .. نكسر بعــدك ظـهري
جيت اسولف حالي .. بغـيـبتك يالغالي
بغربه وبوحشه بغيابك .. والهضم چتالي
ماحملت اغـيابك .. وانـتظر يـم بابـك
بلكي باحلامي اشوفك .. منَ غفه يم اعتابك
اني وايتامي انتظرتك اني وايتامي
بلكي باحلامي تمرني بلكي باحلامي
هــدنـي شوگي اولـهـفـتـي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
جيت ازورن گبرك .. ضمني بويه بكـترك
خايفه من شر زماني .. وچان اماني بصدرك
خايفه من باچـر .. بويه يـوم العـاشر
لعيني تتراولي جـثه .. يدوس بيها الحافر
صور هوسه بعيني .. چن اشوف احسيني
طايح ايأشرلي بيده .. وخيل بينه وبيني
عالثره طايح اشوفه عالثره طايح
بالدمه سابح يبويه بالدمه سابح
ماي اسمعه يگول اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
ياعلي بهـل حالـه .. فرهـدوها اعـيالـه
اطفال اشوفنها ضمايه .. اتدوسها الخياله
بنار اشوف اخيامي .. تحترگ جدامي
وهاي مچويه تگلي .. وذاگ يصرخ ضامي
وين افـر بطفـالي .. وطشـروها اعيالي
واحترگ بيتي عليه .. الـمن اخوتي خالي
نــار بخـيامي يبويه نــار بخـيامي
وتسحگ اجدامي بجمرها تسحگ اجدامي
وگلبي تلهب بيه جمرتي
يحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
والنسه الحيرانه .. تركض وعـطشانه
وكربله ذيچ اشكبرها .. بالزلـم ملـيانه
هذا يسلب طفله .. ذاك يضرب رمله
وهذا ليلى ايسب طفلها .. وحايره شتگله
نصيح ياوالينـه .. ياعلي الحـگ لـينه
بالسياط اللي ولـتنـه .. شگـگوها اعبينه
الحگ اعلينه يبويه الحگ اعلينه
حبال بيدينه اربطوها حبال بدينه
منـيدي حبلي لايد اخيتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وعگب ميچـتفـوني .. عالهزل يسبوني
وعلى اجساد اخواني بويه .. عمداً ايمروني
شگد خبيث الحادي .. يمشي يـم اولادي
وبحرگ گلبچ يزينب .. يگـلي نلت امرادي
وبالي ابـد مو يمه .. حسين ادور جسمه
شفته بس اشلون شوفه .. مسبحينه ابدمه
وشافته اعيوني اخيي شافته عيوني
يمـه دفنـوني يوادم يمـه دفنـوني
دفـنـو گـلـبـي يــم اخـوتي
ويحچي دمعي عن غربـتي
،،،،،،،،،،،،،،،،،،،،،،،،،،،،،،،،،،،،،،،
وبخـيالي الشفـتـه .. بويـه مـاصدگـتـه
لهسبب جيتك يبويه .. احچيلي عنه انته
شـام ياهـو امشيله ؟ .. ويايزيــد احچـيـله؟
عنك وعن امي فاطم .. وعليّ يگـوه بحيله
يايزيـد ايسـبني؟ .. ويجـزي كـلمن طگـني
وراس اخوي يضربه اشوفه .. غير اموت ابحزني
راسه ايضربه اشوفه راسه ايضربه
واسمك ايسبه اسمعه اسمك ايسبه
وانـي حـرمـه وبـحـسرتي
ويحچي دمعي عن غـربـتي
الشاعر عقيل الحسناوي..
قصيدة نزززززله بحق مسلم بن عقيل ع ألسلام خادمكم عبدالهادي العريفاوي
واتساب ٠٧٨١٠٥٥٢٥٥٧ خاص للرواديد
-------------------------------
مسلم المغوار شنهي اسراره
مسلم المغوار شنهي اسراره
ثورة الأحرار عنوان اليقين
في طريق الحق دوما صابرين
ولهذا اليوم منهاج الحسين
كل زمن اقره نهج ثواره
--------------------------
ها هو المغوار شبل المرتضى
عاد بالحملات شيئ قد مضى
وبجيش الكفر قد ضاق الفضا
وين تشرد من يشن الغاره
---------------------------
لايهاب الموت في برق السيوف
راسما في الحرب عنوان الطفوف
أنه وآلله ذو القلب الرؤوف
وناس واقعها الغدر غداره
---------------------------
مسلم الصنديد عنوان ألسلام
لاأجيد النطق في وصف الكلام
واقع الأشرار للحق لئام
ليش صارة عالارض جباره
-------------------'-------
ثورة الأحرار في كل العصور
ينتمي للحق ذو القلب الغيور
داعيأ للبغيي ويلا والثبور
منهج الحق شو قليله انصاره
---------------------------
لانحب اليوم نهج الناصبي
فاقد الإيمان ذو العقل الغبي
بالحسين السبط يبقى مطلبي
الإمام المهدي ياخذ ثاره
---------------------------
قالها الرحمن بالخلق رحيم
لن يعادي الحق ذو القلب السليم
من يعادي الحق شيطانن رجيم
ربنا يعلم بالخلك واسراره
----------------------------
ال أميه اليوم في الوجه الجديد
تطلب الحكم الى دولة يزيد
شيعة الكرار طوقن من حديد
بيهم العالم بكت محتاره
---------------'--------------
لاستشهاد الامام جعفر الصادق عليه السلام
هذا ميدان المعارف تزهي نور احكامه
بصادق العترة الشريفه نَوَّرَت أيامه
هذا صوت الامامه
هذا صوت الامامه
★★★★★
وين أصحاب المذاهب يحچي كل واحد شكل
بالقياس الحكم مره ومره مويم العقل
اقوالهم بدعه وضلاله اقوال ما الهن أصل
بعيد عن الدين صاروا أبد ما إلهم فضل
المااخذ عنه القيم يلبس اثياب الندم
جعفر الصادق هدايه والمحبه انسامه
هذا صوت الامامه
هذا صوت الامامه
★★★★★
هذا صوت الدين جعفر هذا مفتاح العلم
هذا عنوان المعارف توعيه وحكمه وعزم
بطل ميدان المعارف وينها اگباله الزلم
وينهم اهل المذاهب وينها أصحاب الفِهْم
رَدَّوا ابطاري الفشل محد العلمه وصل
جعفر الصادق امامي دومه عالي الهامه
هذا صوت الامامه
هذا صوت الامامه
★★★★★
قاصد ابهاي المعارف هلبشر يهديها
ونشر أسرار الامامه وماقصد باريها
وثورة حسين وشرفها وكل معاني البيها
وعن امام العصر دنيا بالعدل يمليها
حارب الشر والبدع بيده دين الله انرفع
ابدماهاب النوايب لوصفت گدامه
هذا صوت الامامه
هذا صوت الامامه
الشاعر حسن لعيبي الحريشاوي
#قصيدة_گعدية..
.
.
أحقاد الأجداد.. ورثتّه الأحفاد.. بالصادق تنعاد
وادم تكفيريه ... گوم الوهابيه
🏴🕌🚩🏴🚩🕌🏴
١/
مستمـر نهـج الضلالـه و الخديعـه و المآثـم
من زمن آدم جذوره ولحـد ما يظهـر القائـم
مانبي ومُرسل تخلّص من حقدهم والمظالم
هـابـيــل هـذا أول جـرح
ويحيى النبي راسه برمح
و حسيــن مثـلــه ينذبـح
وانسبت ذيچ الفواطم
من نفس الأفكار.. گبر الصادق صار.. واضح بس احجار
أحقاد ابليسيه ... گوم الوهابيه
🏴🕌🚩🏴🚩🕌🏴
٢/
الصادق ابفقه وعلومه شافت العالم عجايب
بهل العلوم الاحمديـه اتنوّرت باقي المذاهب
نال الاسلام ابزمانـه أشرف و أعلى المراتب
هالعالِم الفـذ و الشهم
تحوي دروسه كل علم
شخصيه لازم تنكرم
موش گبره اويه الترايب
أشياخ التكفير.. بس عدهم تفكير.. تهديم وتفجير
أفكار الرجعيه ... گوم الوهابيه
🏴🕌🚩🏴🚩🕌🏴
٣/
فضل للصادق علينه و مدرسة طلّابه تشهد
من هِشام ومن زُراره و جابـر ابعلمـه تـفـرّد
وكل تطـوّر بالبريـه ابفضل جعفر بن محمد
بس الّي ربّـك ماسخه
و افكاره كلها امفخّخه
واقصد هذيچ المشيخه
حتى ما خلّتله مرقد
منهج آل الشيخ.. تفجير وتفخيخ.. تشويه التاريخ
ملّتها اجراميه ... گوم الوهابيه
🏴🕌🚩🏴🚩🕌🏴
٤/
ولو حچينه إعلى المراقد عن حكمها بالشريعه
جائز وشوف البخاري گبته والحضره وسيعه
وبس قبور العتره تُهدم إي لأن وِلد الوديعه
قُـرآنُـنــا قَـد أورَدَا 👉🏼فصيح
وبسُورة الكهفِ النِّدا
ابنُوا عَلَيۡهِم مَّسۡجِدا
و هالنهج واجب نطيعه
واحفاد الشيطان.. ضد نهج القرآن.. ما خلّوا بنيان
من دون انسانيه ... گوم الوهابيه
🏴🕌🚩🏴🚩🕌🏴
٥/
شلون كل منهج تعرفه على الحق لو ع الرديه
المُحـق يـتـبـــع علينــه الباطـل ايبـايــع أميـه
ويه اليهود تشوفه واگف ويعادي أتباع الزچيه
واجب يطبعون وفرض
ولامريكا يتراكض ركض
ايطيّح صواريخي ابّغض
ويگول عنها مسرحيه
أحفاد أهل الفيل.. منهجهم تضليل.. دوم ويه اسرائيل
بذره ابريطانيه ... گوم الوهابيه
🏴🕌🚩🏴🚩🕌
٦/ بيت المصيبة
الصادق ورغم الجراله مانسى الطف وعذابه
ولو قره الناعي بشجونه المدمع ايغرّگ ثيابه
وداره من شبّوها ناره مانسى حسين ومصابه
طفّاها والمدمع جمـر
گلـولـه مـولاي الصبـر
گلهم دموعي عالخِدر
اعلى زينب والسبايـا ابلا مخيّم ع الترابـه
.....................
✍🏼 علي نوري الحلفي
((للامام الصادق ع))
أحـتركت الدار وذكـر عـمـاتـه
هـاي الـرزيـه السببت وفـاتـه
اصعب واشد يوم حتى مـن السـموم
السببت وفـاتـه السببت وفـاتـه
*----------------------*---------------------*
رغـم عـلمـه ورغـم اسـمـه يـهـل دمعه
سَبي الـخـدّر اذا يـذكَـر اختلف وضعه
الگلب جمره وخلص عمره مثل شمعه
گضه اسنينه على احسينه بحزن ينعه
الصادق دموعه للخدر سجابه
الـحـد المنيه وعايش ابعذابـه
*----------------------*--------------------*
الحِرگ عـافـه لمَـن شافه انچوه گلبه
ذكر عمته وبـچـه سكته الدمـع صبه
الجـره بأهله هتف سـهلـه وشكر ربه
يگول اصعب مره تظرَب عَلّي صعبه
بعيونه راسم رَكضة العقيله
ونار المُخيّم شبت ابدليله
*------------------------*---------------------*
الحزن والهـم بـقـه ملتم وسط روحه
ألـم يلـهب وسبي زينب رسـم نـوحه
البچي عاده وجرح زاده عله اجروحه
الظلام ايحل الجفن ينزل دمه موحه
ابجـفـنـه خـلت كـربـلـه علامه
لمصاب الحسين وحرك خيامه
*---------------------------*---------------------*
ولا ينـسـه الـبـقـه ابشمسـه عـلـه الغبره
نسه الفرحه وكبر جرحه السحگ صدره
الحزن ما خف يناعي الطف يصيح اقره
يـون وحَـده أنـمـرد چـبـده بألـم كَسره
أخـر حياتـه وما بـرد حنينه
خلونه نبچي وبالدمع نعينه
*--------------------------*----------------------*
اذا يـسـمـع مــره تــوگــع كـثـر وَنـه
ايعرف هـايه وشـنـو الغايـه القره عنه
يشيعي اسمع الحچي واقنع رساله ألنه
اعـلـه عـماتـه اويه دمـعاتـه لحد دفنه
اليومه الاخير أودمعته عليهن
ماينسه الحبال الـكلت اديهن
*---------------------------*--------------------*
خادم الامام الصادق (ع)
✍الشاعر رعد الجريخي
لسان حال الامام الصادق ع عندما احرق المنصور داره .
……………………………………………………………
من شبوا النار
بعيوني عرضت عمتي .. من شبوا النار
بالعايله شـلون
واحتارت ام عون .. من شبوا النار
……………………………………………………………
ينار الظلمه بله شعندج ويانه
تحزمتي الحركنه بشغف ولهانه
شبع هالموت منّه وانت جوعانه
لحگتي اطفالنه البالعطش ذبلانه
ما عندج احساس
اعليهم تمطرين بجمر .. ماعندج احساس
بالبر يتيهون
واحتارت ام عون .. من شبوا النار
……………………………………………………………
بدت وي الزجيه النار قصتها
ذكرت شلون خلف الباب لهبتها
وادين الماله ابو اعالباب عصرتها
ينار الردت اردود اتحرگ بتها
و اتكمل الدور
من فاطمه لأم الخدر .. وتكمل الدور
گامو يزيدون
واحتارت ام عون .. من شبوا النار
……………………………………………………………
انه الصادق يشيعه وسبب دمعاتي
مو بيتي و لا لمراكـض ابناتي
شفت بالنار سوده اجدام عماتي
ولذيال العبي المحتركه اهاتي
لو جمره لو شوچ
تسحكهن ارقيه بجدم .. لو جمره لو شوج
و تهل العيون
واحتارت ام عون .. من شبوا النار
……………………………………………………………
هلي وخافن صدك بس انا وياهن
ولا ميمون خالي ويصهل احذاهن
و لا سوط الشمر بالمتن اذّاهن
ولا وحده اعله وحده بحبل شداهن
لا صعدن النوگ
لا شبعن احجار وشتم .. لا صعدن النوگ
بيهن يفرّون
واحتارت ام عون .. من شبوا النار
……………………………………………………………
احترك بيتي لچن الغرف موجوده
موش تراب بيها البسط ممدوده
مو ليل اهدعش والخيم مفكوده
هيمه وليله من غير الكمر سوده
والحامي سلّاب
ناهب قميصه و خنصره .. والحامي سلّاب
ما ظن يرحمون
واحتارت ام عون .. من شبوا النار
……………………………………………………………
يشيعه الگال منكم اتبع الصادق
لازم للمجالس من صدك عاشق
يدافع عالشعائر كل وكت ناطق
وي الفعل حچي الخادم ايطابق
هالعالم يگول
ادّبت جعفر شيعتك .. هالعالم يكول
للطف تحزنون
واحتارت ام عون .. من شبوا النار
……………………………………………………………
✍️ ( سيد خضر الزاملي )
((قصة الحبل))
قصةّ الحــــبل وصعدت الهزل
دمعتي تصـيح ويـن ابو الفضل
""""""""""""""""""""""""""""""""""''''''''''''
قصةّ چفوفي وحبلهن مثل نار خيامي بيه
شلون لو مالت الهزله وانـه مجتوفات اديه
ناگتي ما بيها همه وتعثر من سـياط أميــه
ياحبل ماكافي مني من الصبح حد المسيه
يا راعي العلم يانــــور الخيَم
والله تألــــمت وين ابو الفضل
"""""""""""""""""""""""""""""""""""'''''''''''
ابد ما جنت انه افكر الصعده و النزله شني
جان ابو النوماس حاضر ابو فاضل ينـحني
جان لازم كلشي بيـــده بس أأشـر يعتنــــي
من مشه كلشي تهدم كلشي ما اضـن ينبني
والبنيته راح بطلعةّ الصــباح
بروحةّ النـهر وين ابو الفضل
""""""""""""""""""""""""""""""""""''''''''''''
شكد يطير البال بيه ويرجع بسوط العدو
حَسبت مو زينب آنه اسئل بروحي منــــو
العل هزل مچتوفه ياهي علي مـو ألها ابو
ينسه كـــل ايام عمره والله اليفارگ اخــو
أسمع الهتـــــاف من صدى العفاف
حتى گلبي صاح وين ابو الفـــضل
"""""""""""""""""""""""""""""""""""'''''''''''
اخ يا صفنةّ عيوني شگـد مواقــف تنجمع
مهد خالي وجاي اهـزه ويمه صينيـةّ شمع
وليش بس أربـع اصابع سلبو حتـى الصبع
عاري صدرك يا حبيبي خويه ماتملك ضلع
يهمل الضلوع واهمل الدموع
ونظرتك تدور وين ابو الفـضل
"""""""""""""""""""""""""""""""""""'''''''''''
كل حياتي بغير اخــوتي صعبه وآنه عالهزل
لمة اخواني بعيــده بكربله ضـــــــاع الشمل
صدر اخوي بعيني شفتــه نضره لا ماتنحمل
وشفت چفين الكفاله وصحت متبدي الفضل
رايـــــح الضياء ضلمه كـــربلاء
بالسبي وبچيت وين ابو الفضل
عبد زينب
محمد الإبراهيمي
الامام الصادق ع
لسان حال بنت الامام الصادق ع
شگد سولفت عن حرگ الاخيام
ودارت علـينـه بـويـه الايـام
شفته الحرگ بعيوني
بس لا بعد يسبوني
+++++++++++
بحرگ الخيم بس الحرم هيچ اسمعت من عندك
هسه الحمد لله عدل بعدك ولذنه بسدك
ماعدنه چويات اطمئن ليش الدموع بخدك
تتمنه اخو مثل الگمر من شفت روحك وحدك
تركض علينه امفرع الراس
لمن صحت وينك يعباس
وآنه الزمتها امتوني
بس لا بعد يسبوني
++++++++++++
بعيوني اشوفك بس گلت عني تظم الآمك
اتهمس بصدرك گمت مامش كسر بعضامك
لا سامح الله لو متت وجسمك تخيطه اسهامك
ماعدنه زينب بالسبي ياهو اليلم ايتامك
بويه اطمئن ما ابچي عالماي
عندي المهم تبقى اننه وياي
لو عالهزل ركبوني
بس لا بعد يسبوني
+++++++++++
تدري آنه من شفت اللهب بالخطوه صارت عثره
ويه الحرم ما روكضت من حجره وادخل حجره
بمچاني اموت احسن گلت لاخدي چف ايسطره
خو هسه اموت اولا رمح راسك عيوني تنظره
يكسر گلب حال النساوين
بالي مشه لعيال الاحسين
بهالموقف وبچوني
بس لا بعد يسبوني
++++++++++++
والكاظم اعليه ركض ياخويه وينك صحته
جاني وصحت بعدك عدل لو بعده ذبحك وكته
لا تگصد الصوب النهر جرح النهر سامعته
اسكينه لا ماي ارتوت لا عمها رد الاخته
خل يحترگ خل يوگع البيت
بس تبقى انته گبالي ياريت
من ترحل ايسلبوني
بس لا بعد يسبوني
++++++++++
مو احنه اهل بيت النبي والواجب ايقدرونه
بيتك مزار اهل العلم شمسوي ويحرگونه
يالصادق ونفرظ متت عندك گبر يبنونه
مثل الحُسين بكربله واحبابك ايزورونه
گبرك بعـد هـم مثلـه ينـزار
بي حضره لو بس رمله وحجار
وزوارك ايذكروني
بس لابعد يسبوني
ثائر الوبيعي
قصيدة رثاء للأمام الصادق ع ألسلام
خادمكم عبدالهادي العريفاوي
-----------------------
صادق القول بأسرار السماء وارث العلم
لأصحاب الكساء
----------------------------
دمعة المظلوم في القلب الحزين
لن تفارق جفنه طول السنين
انت والله لنا الحبل المتين
والدوانيقي له الفعل اللعين
وتعرضتا لأنواع البلاء وارث العلم لاصحاب الكساء
-----------------------------
ياابا الكاظم عنوان ألسلام
جعفر الصادق ياسادس أمام
وبنو العباس كفارن لئام
وعلى ال النبي صبوا إنتقام
ناصبوا للهادي في الحكم عداء وارث العلم لاصحاب الكساء
--------------------------
والدوانيقي وظلم اللا رشيد
لعنة الله على الطاغي العنيد
قول ال المصطفى القول السديد
والموالي عاش في النهج سعيد
أنه والله درب النبلاء وارث العلم لاصحاب الكساء
-----------------------------
ياامام الحق ذو القلب الرؤوف
بغياب النور قد بان الخسوف
تعلم الاهوال في يوم الطفوف
بحسين المرتهن تعلوا السيوف
وقعة الطفي بها تسبى النساء وارث العلم لأصحاب الكساء
----------------------------
منهج الأعلام نور المؤمنين
لأمام العدل نحن الطائعين
هو وآلله دليل الحائرين
والشعار يا لثارات الحسين
عهدنا للمهدي رايات العزاء وارث العلم لأصحاب الكساء
-------------'-----------------
لحن(مواقيت الجرح)
بصوت
ملا حسن الزينبي
ناصريه
لحن( قيد العشگ)
بصوت
ملا صادق هاشم
بغداد
عظم الله لك الاجر سيدي ياصاحب الزمان
😭
علی امك يادمع عيناك ياريت ؟؟
غبت عنهه وليالي الشوم ياريت
تون وتگول كونك تجي ياريت
تغمض اعيوني الي وتسبل اديّه
😭😭
ام محمد الحجاج
ياصاحب الزمان
گوم واسي الكاظم بـ هالليله
ابوالده الصادق ودمعك سيله
يالموالي گوم حزنك جدده
مأتم احزانك الليله شيده
شارك الكاظم امصيبة والده
امصاب ابوه الليلة هدم حيله
***
خلي عينك مو دمع تذرف ادموم
وعلى الصادق ارتدي سود الهدوم
يوم فكده اتيتمت كل العلوم
يومه يصعب ي المحب تفصيله
***
صادق من آل النبي وسادس إمام
چان لاهل المعرفه غاية ومرام
منه تاخذ دينها وعلم الكلام
يشرح الها الفلسفة وتصغيله
***
للعلم أسس وشيد جامعه
واسعه وبيها مناهج نافعه
نهلة اعلومه مذاهب اربعه
كلهة چانت تشهد ابتفضيله
***
جعفر الصادق رسم منهج قويم
يربح الچان اعله دربه يستقيم
ابحكمته فسر القرآن الكريم
لإن هوه العالم ابتأويله
***
صار لأرباب العلم كعبة أمل
چم فقيه ابعهده من علمه انتهل
ابمثل هاي الليله وافاه الأجل
وشرع ابنه الكاظم ابتغسيله
غسله الكاظم ابجاري مدمعه
چفنه و صلى عليه وودعه
ناده المنادي هلموا انشيعه
شيعته هبت النعشه اتشيله
***
شيعت نعشه ومشت بي للبقيع
ابصوت واحد تصرخ الفگده الجميع
ينتحب چدامه الناعي ويذيع
اعليه ينعه والخلگ تبچيله
***
ودعه ابلحده وعليه هال التراب
وعلى فگده هلت ادموع المصاب
ذكر جده حسين مسلوب الثياب
لا عشيره ولا أهل تلفيله
***
اتصور الكاظم مصيبة كربله
اتذكر حسين وشفاه الذابله
حرگ الخيام وصريخ العايله
وحرم ماعدهه ولي تشكيله
كلمات الشاعر المبدع : ابو فاطمة العبودي
مولاتي العقيلة بعد العز والدلال والكفالة
شاء الله ان تُسبی .
كاني بها تقول بلسان حال الشاعر .
ابو ذيه
مثل ميلة زماني مال متني
خِلگ السوط مامل مال متني
تتلاچم جروحي مالمتني
صرت انچفي امن انطگ عالوطية
😭😭
مولاتي العقيلة عليها السلام تنظر لراس اخيها العباس وكانها تكلمه
😭😭
ننطگ والهضيمه مالمتنه
ومثل ميلتي رمحك مال متنه
ماگتلي ابو اليمه ماله متنه
طحنتّه طحن خيل آل اميّه
😭😭
ام محمد الحجاج