7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة استشهاد الإمام السجاد ع السلام
خادمكم عبدالهادي العريفاوي لحن ناري بدليلي تسعر
بيدك دفنت حسينك والباري هو يعينك
حسين بحصيره اتلمه وانصاره كلهم يمه
والباري هو يعينك
-------------------------
بطف كربله عشت الام والطف تشوفه بعينك وحسينك موذرينه
وكل نايبه تشاهدها مرسومه تبقه بعينك يالموقفك ياذينه
ونته العليل بروحك جا وينه عمك وينه
يسعر عليه اونينك
ياربي عهدك معهود من نحره يكمل دينك فاز الذي يحب دينه
ياأبو الباقر وشصار منك نريد الأخبار
بالصبر صرت القمه وانصاره كلهم يمه
والباري هو يعينك
-----------------------------
ومن المرض ماظل حيل كبالك ابوك تشوفه والشمر من حز نحره
تنهض وتوكع مالوم ولاتكدر انته تعوفه ادوس الحوافر صدره
اصعب مصيبه التاذيك وياجرح انته تروفه تشوف الجثث متوذره
بدرب السبي تدري تروح متعني أرض الكوفه واتودعه آخر نظره
ودعي الاخو ياعمه وانصاره كلهم يمه
والباري هو يعينك
------------------------------
عاشر محرم احزان وترادفن بالعاشر
من كربله المشؤومه
وليل هدعش واويلاه وظعن السبايا باجر
والعايله مهظومه
لاتكدر تحامي عيال بهاي المصيبه تكابر
والأهل كلهم نومه
للطف تصد بعيونك موقفك يدمي الخاطر لمن تصد للحومه
جسمك نحيل ووجعان وبالخيم شعلو نيران
واعضاءك المتألمه وانصاره كلهم يمه
والباري هو يعينك
----------------------------
مهظومه روحك مولاي لمن تجر انفاسك
انفاسك القدسيه
واصعب مصاب تشوفه عالنهر ظل عباسك للخيم مابي جيه
ياعمي يصعب حالك والعمد صوب راسك
وجفوفك المرميه
وتدري اشجره واللي صار يقراها زين احساسك زينب مشت مسبيه
ياعمي لرض الكوفه اختك مشت مجتوفه
ونحر الحسين تشمه وانصاره كلهم يمه
والباري هو يعينك
--------------------------
شفت المصايب كلها بطف كربله والامه
ونته العشتها الالام
ذبحوا ابوك العطشان واتوجهوا لخيامه
من النار ماتبقه خيام
ليل هدعش واويلاه مرعوبه كل ايتامه
وشنهو ذنبها الأيتام
وحادي الظعن من يحدي وروس الأهل جدامه درب السبي لرض الشام
وروس الأهل فوك ارماح وحادي الظعن بيهم صاح
بالممشه شدوا الهمه وانصاره كلهم يمه
والباري هو يعينك
------------------------
طف كربله هد حيلك وسط الكلب الالامه
ونته العشت احزانه
من ال أميه لمروان بالحقد شد احزامه
ضد القلع بيبانه
ومنهم هشام الملعون ضدك علن احكامه
وصار الحكم ميدانه
بالسم يكططع جبدك أصدر امر لزلامه
يالجبدتك وجعانه
عشت الظلم من سفيان واخر ظلم من مروان
مانبري الهم ذمه وانصاره كلهم يمه
والباري هو يعينك
بالك يم روحي ويم راسك بالي
بويه ادخيل الله شكد رمحك عالي
اخر همي ترجيتي // اشبكك جانت امنيتي
*
راسك عني بعد امتار / امد اجفوفي مالوحك
دمعك هذا فوكي يطيح / لودم تكطر اجروحك
اعله اطراف اصابع رجلي اوكف
وداير مداير رمحك افتر
راسك بعيد هواي عني
شيال رمحك بلكي يعثر
كمت ادعي امن الله يعثر شيالك
شما امدلك جفي يضحك جتالك
باگو مني عافيتي // اشبكك جانت امنيتي
****
اعله راسك عيني مارمشت / ورگبتي اعليك مكسوره
جسمك عفته عل تربان / ورمحك عايش بدوره
جسمك رمح ماخذ مجانه
بس راس باقي مامش امتون
وي رمحك اهتز خايفه اعليك
لا توگع ابگد ما يهزون
تنازلت الحضنك وشبگاتي الصدرك
جا ليش اگبالي يهوسون ابنحرك
لاتوگع يحنيتي // اشبگك جانت امنيتي
**
اماشيك الدرب كله // ويسرع جدمي وي رمحك
وكل مااعثر واوكع // شيال الرمح يضحك
مااسمع اسم الله امنطيحآ
بس الظحك يترس اذاني
ارتاح جنت اله اعله صدرك
هسه الرمح ماخذ مكاني
امشي واتعثر امن الشوج برجلي
ياطفله التكدر تتحمل مثلي
اموت بدمعه تاليتي // اشبكك جانت امنيتي
**
طفله اشجابني اعله الظيم // ماتعرف سهر عيني
المصبرني عل دنيه // انتظرك تحاجيني
مابيهه كل راحه الخرايب
يخوفون بيه وانه طفله
بس تغفه عيني يطگني بالسوط
الذابح وريدك جا شگله
بس تغفه عيوني احلم شابگتك
يفززني الشالك بسوط يطگ بنتك
ويخنگني الهوه بريتي // اشبگك جانت امنيتي
**
تهت من الظعن باليل // خذتني الجسمك ادموعي
حاجاني النحر بهداي // جوه الحافر اضلوعي
مامش مجان الينشبگ بيك
موذر وذر بويه شيلمك
بصدرك اشوف مشابگ اسهام
وحتى الرمل غافي اعله جسمك
جا طلعت روحي بأخر انفاسي
ونحرك حاجاني موتج يم راسي
ردي الظعنج ابنيتي // اشبگك جانت امنيتي
**
اليموت ادري يغمض اعيون// شعجب فاتحهن اعيونك
جا فوگ الذبح والظيم // يطگوني ويقهرونك
كدامك يطگون المتون
بالسوط وانت تشوف عينك
تباوع عليه وتبجي اشوفك
من عل رمح اسمع ونينك
محنيه امتوني ودم منهن ييجري
كل هذا الشفته اكبر من عمري
بعدك هايه تاليتي // اشبگك جانت امنيتي
**
محمد خضير الزيدي
🏴 هاتان قصيدتان لشهادة الإمام السجاد ع
◼️◾️القصيدة-3-◾️◼️
لا زالَ يذرِفُ دمعَهُ بأنين ِ
زينُ العباد ِ فحالُهُ يُشجِيني
قد شاهدَ السبطَ الحُسينَ وأهلَه ُ
مابينَ مَنحور ٍ وبين َ طعين ِ
لم يرتوِ الماءَ الذي حَرموهُمُ
وإلى الفُراتِ مُعاتِباً بِرَنين ِ
مالي أراكَ وقَد بَخِلتَ بِقطرَة ٍ
عَن خَيرِ خَلقٍ مِن بَني ياسين ِ
مُتذَكِراً صِورَ النِساءِ حواسِراً
إذ رُوِِّعَت بالسَوطِ والتَوهِين ِ
وَيصيحُ مِثلي مَن يُقادُ مُكبَلاً !
وأنا إمامُ الخَلقِ و التَكوينِ
حَتى مَضى في ليّلةٍ مَشؤُمَةٍ
والسُم ُ مَدسُوسٌ لهُ بِكَمين ِ
والباقرُ المفجُوعُ يَنحبُ مُذ رَأى
أثَرَينِ حِينَ الغُسلِ والتَكفين ِ
في ظَهرِهِ مَجَلٌ بِفعلِ جِرابهِ
قَد كانَ يَحمِلُهُ إلى المِسكين ِ
والقَيّدُ في عُنُقِ العليلِ مُؤَثِرٌ
وبِحُرقَةٍ يَشكُو ضَياعَ الدِين ِ
لهفي فكَم أدمَى البُكاءُ عُيونَه ُ
عُمُراً قَضاهُ بِعبرَةٍ وحَنينِ
سَجَادُكُم ناحَت عَليهِ مَلائِكٌ
و لِفَقدِهِ يَنعاهُ كُلُ حَزينِ
#سمير_الصالحي
#النجف_الأشرف
————————————-
⬛️◼️القصيدة-4-◼️⬛️
مِن بعدِ ما مَضَت بهِ الأرزآء ُ
وجَرت بعَرصةِ كربلاءَ دمآء ُ
ورأى الحسينَ توزعَت أشلاؤهُ
وبِخَيلِهِم طُحِنَت لهُ أعضاء ُ
ونساؤهُ فوقَ الهزالِ بلا وِطا
تُسبى وليسَ على النياقِ غطآء ُ
وهوَ المقيدُ بالسلاسلِ بينَها
زينُ العبادِ الطاهرُ البكاّء ُ
فَبرغمِ علتهِ تكَّفلَّ ظعنَهُم
مُتَجلِداً تَرعى لهُ الحوراء ُ
مابارَحَت تلكَ المآسيَ عينُهُ
لهفي عليهِ فقد علاهُ عنآء ُ
والحزنُ منهُ على أبيهِ شعارُهُ
ينعاهُ شَجواً والدموعُ رثاء ُ
حتى سَقَاهُ السُمَ أبناءُ الخَنا
وفعالُهُم بالطاهرينَ عِدآء ُ
أبناءُ عبدِ المُلكِ يا بِئساًلهُم
غالُوهُ والحقدُ الدفينُ جزآء ُ
فمضى شهيداً والقيودُ كشاهدٍ
وبجيدِهِ قد أثَرَّ الإدماء ُ
#سمير_الصالحي
#البصرة_الموالية
⚫️ نعي-نصاري
خل تفزع بني هاشم الليله
وتسل سيوفها بهمه وتجيله
الباقر يا وسف دمعه يهيله
عله السجاد مات بغدر مسموم
خلص عمره ينوح بليل ونهار
لجل حسين دمعه يسيل نثار
يتذكر عطش چبده الفلا صار
يصيح الله واكبر مات مظلوم
تشوف عيونه عماته وخواته
تهيج احزان گلبه وذكرياته
بعذاب وضيم خلص كل حياته
يا ويلي عليه اتحمل اهموم
عگب موته غده يغسله الباقر
شاف اثار جسمه وفكره حاير
اثاري الجامعة تفطر مراير
يوم برگبته بس تشخب دموم
#سمير_الصالحي
#قصائد_في_خدمة_الخطباء
#محرم_١٤٤٦
#مصائب_الهاشميات
#مجلس_الشام
صورة شعرية.. لسان حال العقيلة زينب عليها السلام لصاحب الزمان صلوات الله وسلامه عليه
(وزن الطويل)
يطالب ثاري يا مهدي .. إلك يا عمه أشكي الحال
دَخْلوني على ابن زياد .. أسيره مگيده بحبال
١/من طبيت للمجلس .. صرت بچفوفي أتستر
تاليها نظر لَيّه .. وِبْإيده عَلَيْ أشّر
گلهم منهو هالحرمه .. گالوا هاي بت حيدر
زينب إخْت ابو فاضل .. الچان الحامي والكفّال
٢/يا مهدي شسولفلك .. المصايب لو أعد كثره
منها مْصيبه أذّتني .. وخلّت بالگلب كسره
راس حسين بعيوني .. شفته ينضرب ثغره!
والملعون يتشفّى .. بيهِ وْتنظره الأطفال
٣/ما خلصت مصايبنه .. ولا خلصت ترى الآلام
بعد كوفان مشونا .. مسبيات لارض الشام
وخلّوا عالرماح الروس .. گبال الحرم والأيتام
وعلي السجاد ويّانه .. منّ الضّرب ظهره مال
#عظم_الله_أجوركم ◾️
فاطمة علي رزق
اسألكم الدعاء
قصيده للمشّايه
گـومـي يازهـراء واتـلـگـي اليعـزّون
مختلط ماي التعب وي دمع العيون
يالزهره شوفي بعينچ
مشـّايه اجو لحسـينچ
مختلط ماي التعب وي دمع العيون
اجت هاي البشر يالزهره ملهوفه
گصدت للحبيب اشتاگت تشوفه
يعت بيهه الحنين ورادت تطوفه
تذكر جود اخيّه وطيحة چفوفه
.......................
گومي يم حسين واتلگي المواكب
حرمه وياهه طفل وبصفّه شايب
للـمـوت مـا ناســيـنـچ
مشـّايه اجو لحسـينچ
مختلط ماي التعب وي دمع العيون
الزاير حجّي چنّه ولابس حرامه
بـيـت الله الحسين وحلّت ايامه
يـذكـر بالطـفـوف شصار بايتامه
راسـه عله الـرمـح والنار بخيامه
......................
كعبه عدنه حسين صار ويمّه نسعه
عـرفـاته تـل اخـيـتـه ونجري دمعه
سمعوا صدى لـونـينچ
مشـّايه اجو لحسـينچ
مختلط ماي التعب وي دمع العيون
گصدو لابو فاضل صاحب الرايه
ياعـبـاس اجـوك بـحـزن مـشـّايه
يابـاب الـحـوائـج يالـصـرت غايه
يبو فاضل حـوائـج عدهم هوايه
........................
گـصـدو لـراعـي الكفاله الكلّه نوماس
مـرّه صـاحـو ياحـسـين ومـرّه عباس
وبـكـربله مـواسـيـنـچ
مشـّايه اجو لحسـينچ
مختلط ماي التعب وي دمع العيون
شوفي يالـزچـيـه ثوره شيعيه
ثـوره تقودهه حـرمـه حسينيه
وي زيـنـب اجـو بالاربـعـيـنـيـه
هاي ام الخدر ماتمشي مسبيه
.......................
هاي زينب بت علي متروسه غيره
تـرجــع بـهـيـئـة امـيـره مـو اسيره
عالـصـار الله يـعـيـنـچ
مشـّايه اجو لحسـينچ
مختلط ماي التعب وي دمع العيون
يمشون لحبيبچ والحزن جمره
من كثر البواچي عيونهم حمره
ماننساچ صـاحـو والله يالزهره
سجلينه عليچ الماشـرب گـطره
........................
عليچ زيـنـب يالـزچـيـه يالتشفعين
سجّلينه بـدفـتـر اليمشون لحسـين
بالـگـبـر ومـتـانـيـنـچ
مشـّايه اجو لحسـينچ
مختلط ماي التعب وي دمع العيون
سيد علي المدني
____
#نسالكم_الدعاء
٠
الله اكبر الله اكبر لقد حان موعد المشايه
الله اكبر الله اكبر بدت تنحط بالجفوف الرايه
الله أكبر الله اكبر والوجوة بطينها محنايه
حي على المسير ، مسير الشرف
حي على الرحيل ، وصول الهدف
حي على المرور ، بأرض النجف
صراط المشايه وعزم وي قرايه
درب واضح كله يصير النه مرايه
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
الله اكبر الله اكبر قصة معزب يجلب بزاير
الله اكبر الله اكبر رحلة لاحضان الحبيب الصابر
الله اكبر الله اكبر منضر يكحل عيون الناضر
حي على الزحوف ، لارض الحبيب
حي على الهتاف ، بقبر الطبيب
حي على الأمام ، سميعاً مجيب
بحضن لاگه احبابه وعطر جنه ترابه
اختنگ زأير يمه الهوه يفل نگابه
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
الله اكبر الله اكبر رحلة من الضلمات لنور
الله اكبر الله اكبر ماغرگ يرکب سفينة عاشور
الله اكبر الله اكبر من الزغر للخدمه خادم منذور
حي على النجاة ، من أرض العدم
حي على الدخول ، بأرض الخدم
حي على الركوب ، بركب الخيم
نجاة لخدامة مسير اللطامه
حياة العايشها نذر بس لخيامه
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
الله اكبر الله اكبر بدأت قصة عشگ للساقي
الله اكبر الله اكبر اكتب وهوه المحلي اوراقي
الله اكبر الله اكبر أخو زينب ترس كل اعماقي
حي على السلام ، بأرض الكرب
حي على العويل ، بلايه گلب
حي على المسير ، بأجمل درب
درب عيب نمله بمشيتك تتعله
مرض يمه يشافي ولاتبقه عله
كرار تحسين الخيگاني
لسان حال مولاي الامام علي السجاد عليه السلام
لوعات وحسرات ... يــم بـاب السـاعات
خيّر اهــل الـــشام اعلـــينه .. رشِّ الماي الـحار
گــــدام الاطــفال ... راس حسين انشال
ومن شعره ايشدونه بشجره.. ويشمرونه حجار
آنه العليل المنـــكسر .. مچتوف بحبال الأسر
ودم چفي ينزف مجروح
بالشام آلام وغصص .. ماصارت بكل القصص
واتعــلعــت بــــيها الروح
روس أهلي فوگ ارماح
رافـــــعــــــهـن الــذباح
ويم باب الساعات انـــظرله ايـــنزّلهن بــيـده
والتــذبح الاحـــــساس
راس الكـــــــمر عـباس
من شاله وخلاه عالشجره وي راس اعضيده
وعمّـاتي ابـــأحزان ... تنظـــر للــــوليان
روس اعله الشجره امعلگيهم .. والشمّات هواي
شامت گام يصيح ... هلبت راس يطيح
وشامت ثاني گبال الكــــافل .. گام يـبدي الماي
ـــــــــــــــــــــــــــــــــــ1ـــــــــــــــــــــــــــــــــــــــــ
شمّات نـــــــاداهم نذل.. ألتـمو مثل عين النمل
صيّح وهمّه يسمعون
گلهم حجر خلي نلم .. ونشمر على روس الزلم
بالروس لعبه ايسوون
شــــمرو عليها احجار
وراس الكــــفيل اندار
الراس حســين ودم بعيونه راد ايحاميله
شما أشگـف بيــــــمناي
يضربوني سوط اعداي
وحتى الروس بسوط انطگت گدام العيله
والدم مني يسيل ... أگبالي الروس تميل
شيب ودم يگطر من عدها .. وامنادس شمّات
والهضمة ايضحكون ... والصعبه ينادون
ذاك حــــــسين امعلّگ راسه .. شـوفن يبنيات
ـــــــــــــــــــــــــــــــــــ2ـــــــــــــــــــــــــــــــــــــــــ
اشگف حجر ويّ عمّتي .. عن روس اهلنا وشدتي
الجامعه اتريد امتـون
ثوبي ثـگل من الدمه .. وبيـــه الـجروح امحزّمه
وانلچم من ايشتمون
ملــــتمة كل النــاس
تنظر عـــلى العباس
واتريد اتجر سهم عيـــونه وتلچـــــمنا بهايه
والجربه كلها اسـهام
رفعوها وسط الشام
والصعبة نشاهد چف شامت هووس بالرايه
واعمامة عباس ... اتهوس بيها الناس
وحســــــين ايرتل ضل نـحره .. بـآيات القران
وبالسوط يضربوه ... يردون يسكتوه
ومايسكت صوت الحگ عالي .. گدام الطغيان
ـــــــــــــــــــــــــــــــــــ3ـــــــــــــــــــــــــــــــــــــــــ
شفايفنه كلها امفطره ... اعلينه العطش لازم سره
والسوط فوگانه يطيح
وعماتي انظرها بألــم ... تــنظر نحـر راعي العلم
واطفالنا اتون وتـصيح
دمعاتي وابلا صــــوت
صلـــن صلاة الــــموت
من شمرو گدامـي حجاره وبالكافل طاحت
والهظمة شوف العــين
يضربونه راس حسين
والحره انظـرها بلوعتـــها چم مــــره ماتت
عالشجره الدم طاح ... اواحد بيهم صاح
ماي الشجره لاتسگوها .. خــافن تروه الــروس
والسلاب نشوف ... بثوب حسين يطوف
وكدام النسوان يهوّس .. خُبث شگد مـــتروس
ـــــــــــــــــــــــــــــــــــ4ـــــــــــــــــــــــــــــــــــــــــ
ايهزّونها الشجره برمح ... وعمّــاتي كلــش تنجرح
خافن الروس ايطيحون
عبد الله ماعنده شعر ... شدوه شلون اعله الشجر
وعبدالله راسه زغيرون
الشاله برمح فرحان
من شـاهد الاغصان
طـگ غـصن ابچـفه وعلگ بي عبد الله بدمه
وشفت الرباب تنوح
شافت ابن مــذبوح
والشامت گام يلولــيله يحــــرگ گــــلب امه
ياهي امه ايصيحون ... وبراسه يشدّون
راح ايطيح الشامت ناده .. واهنا شـفنه الموت
شايب شفــته انــدار ... وبچفينه احجار
ويشامر عالروس اگبالي..ويضحك عالي الصوت
ـــــــــــــــــــــــــــــــــــ5ـــــــــــــــــــــــــــــــــــــــــ
الشام كاسرلي الظهر ... وطبت السوگ شگد قهر
والناس تنظـــر شـمّات
والنوگ هزله ونــوِّخت ... وبسياطهم گوّه مشت
ووگفت اباب الساعات
دخان بالأنفــــــاس
وارماد فوگ الراس
من أخيمنه البطف شبّت والحسره أچبيره
شمْرَت الْماي الحار
حرگة اوجوه ازغار
والناس ال البشام انظــرها ماعدهم غيره
هضمه تشوف العين ... علويات حــــسين
دم واتراب عليهن صــــــاير .. والدمـعات أثگال
أيشتمونه بأحقــــاد ... واعليـــنه الهم زاد
والناگة اتمـــــيل ويردوها .. توگـع منها اطفال
ـــــــــــــــــــــــــــــــــــ6ـــــــــــــــــــــــــــــــــــــــــ
#رزقهم_سلام_الله_عليهم
#احمد_رزاق_الاعرجي
" نزله كربلائي تراث ( لمولاي زين العابدين عليه السلام )
- محرم الحرام - 1446
يا ابو الباقر سيدي يالمسموم
عاشور حزنك ماطفت ناره دوم
يالعايش جروح السبي يالمظلوم
يامولاي اعليك الزهره
نريد منك بس نظره
---------------------------
ياسيدي بدمع الحزن نادينه
اعليك الحُسين ادير عينك لينه
خدام الك مولاي هم تدرينه
عدنه حوائج يّم بابك
ياسيدي بجاه امصابك
-------------------------
غير المجالس لا ابد ما نِهوّه
غير الخِدامه لا ابد ما نِسوّه
فدوه التعب لحسين والله فدوه
والخير كله بالخدمة
نشكركم اعله هالنعمه
---------------------------
قبلة شعائرنه تضل هيّه الروح
نعوف كلشي وما نعوف المذبوح
من كربله هذا عشكنه المجروح
خِدمتكم لا ما نِتركها
اغلى امن الروح ونِعشكها
--------------------------
ياعلي السجاد بكلبنَه اليسعر
عاهدنه الله ما نعوف المنبر
واليِخدم احسينه صدك ما يِزغر
والخادم يامحلى الخادم
واليبقى بس بيكم هايم
----------------------------
الخادم _ ابو فدك الشامي ✍
( عله طور المرحوم حمزه الزغير )
زينب من الخيمه إطلعت... ⬆️
ودعتك الله ياعيوني ــــــــــــ لشام باجر ياخذوني
ـــــــــــــــــــــ
اعذرني عفتك ياضوه العين
ولشام باجر خــويه ماشــين
بس راسك الويانه يــحسين
فوك الرمح يحدي اضعوني
ودعتك الله ياعيوني ــــــــــــ لشام باجر ياخذوني
ودعتك الله وباجر نروح
ويمك امانه عايفه الروح
يحسين يبن امي يمذبوح
وياك ياريت اذبحوني
ودعتك الله ياعيوني ــــــــــــ لشام باجر ياخذوني
ــــــــــــــــــــــ
ودعتك الله وهذه حالي
حرمه سبيه بغيــر والي
تعبانه خويه من الجرالي
ياخويه عاين علمتوني
ودعتك الله ياعيوني ــــــــــــ لشام باجر ياخذوني
ــــــــــــــــــــــــ
درب اليسر مابيه حـيله
محد بقه خويه اشتكيله
الضعن مابي بس عليله
والغرب خويه عذبوني
ودعتك الله ياعيوني ــــــــــــ لشام باجر ياخذوني
ـــــــــــــــــــــــ
ودعتك الله ورايـحه بعيد
باجر نطب لمـجلس يزيد
بشام عدهــم طبتي عيد
وبسوك تالي يوكفوني
ودعتك الله ياعيوني ــــــــــــ لشام باجر ياخذوني
ــــــــــــــــــــــــــــــ
الشاعر
مصطفى الحسني
نداء العقيلة زينب سلام الله عليها لأخيها الحسين عليه السلام. (ميمر)
بظعوني شلون ياخويه. بظعوني شلون
بينه اسوت عدوانك
وجت نار بصيوانك. بظعوني شلون
★★★★★
مظلم نهاري ودمعتي بعيوني
حرمه وغريبه امحيره بظعوني
لوداعك العدوان. ماخلوني
حر الشمس يحسين غير لوني
ماضل كل لون ياخويه. ماضل كل لون
هاي ضعونك تاليها
ماضل كافل يحميها. بظعوني شلون
★★★★★
جبال الصبر من لوعتي مصدوعه
اتحملت من هذا الشهر. چم لوعه
ترضه غريبه وبالاسر. مفجوعه
بين الثمر شجره اصبحت مگطوعه
اعيالك يبچون ياخويه. اعيالك يبچون
ياهو ايحاميها اعيالك
انظر منهوبه ارحالك. بظعوني شلون
★★★★★
گلت انا اودعك خويه وتودعني
الشمر عنك بالزجر. يمنعني
بدونك زماني ياشهم ضيعني
زينب أسيره الوادم اتسمعني
مذهوله الراي. ياخويه. مذهوله الراي
عيالك راحوا يلغالي
هجوا بليهمه اگبالي. بظعوني شلون
★★★★★
لوبيدي ابقه ابكربله ماعوفك
آخر مسيه اتمر بعد مااشوفك
ياعين تغفه. وحتى اشوف طيوفك
ابساع الخلگ يلي انكروا معروفك
تكتل فرگاك. ياخوية. تكتل فرگاك
فرت من نار اخيامك
محتاره اجمع بايتامك. بظعوني شلون
★★★★★
عالي برمح للشام ياضي عيني
والكربله رد راسك. ايباريني
الطيبه ظني باچر اتوديني
خابت ظنوني. چنك امخليني
بخاطر مكسور ياخويه. بخاطر مكسور
ضعون وردت منهوبه
الچانت باسمك مهيوبه. بظعوني شلون
الشاعر حسن لعيبي الحريشاوي
نعي بحق العقيلة زينب عليها السلام
على يامنهن أم الخدر تنحب
رزايا اهواي منها الگلب شَيَّب
على الماشاف گطرة ماي يشرب
وجسمه على الثرى طاح وتسلب
لوحامي الضعن علجيش من طب
گطيع ازنود وبعينه تصوب
لو عريس بدمومه تخضب
لو الاكبر هوه على الگاع كوكب
لوطفل الرضيع ابحال الأصعب
لولضعون بيها الگوم تنهب
لولخيام بيها النار تلهب
لونسوان فوگ الهزل تركب
ها گد مايله الدنيا وي زينب
الشاعر حسن لعيبي الحريشاوي
__
ياخويه جيت من اليسر ملهوفه
يبعد العافيه .....الكضت من دونك
اكعدلي خويه وحال اختك شوفه
يشوك عيوني .....شكثر لعيونك
ماتت زينبك ماتت
بيوم مر منك ضعنهه ولليسر راحت
دارت بالغرب دارت
اوين ما ديره تطبهه تنعرف صارت
مشت بشمس وليل
حرمه وفاكده حيل
انوح فراكم صبح ومسيه
عليه تباوع الناس
وصد مهظومه لراس
وكله شوف اميرتكم سبيه
_
جيت عله كبرك هايمه ومشتاكه
شتغير خويه ....وتعز ملكانه
كالساع اطيح واعثر من الناكه
يسكف الخوه....نهدم فوكانه
المن عايشه ولمن
سود الايام بجفاكم بس تره الضلن
تريدك روحي تريدك
خويه شمس سنين عمري غربت بيدك
يعمري الراح وضاع
وسافه ادفنك الكاع
صحت ويلاه يخوي والكبر يسمع
سمع بالنوح والاه
وحجي بحركه وياه
باجر للمدينه لوحدي ارجع
___
ذبيت روحي عله الكبر مكسوره
يكسر الخاطر .........بعد شيجبره
فاركتك وعنك رحت مجبوره
البعد ياخذني ......وتردني العشره
بلهفه جيتك بلهفه
طيحت الماعدهه والي بالغرب كلفه
يشفه جرحي ما يشفه
ولا يلمه الوكت ونسه ولا وكف نزفه
جبت كل ذكره وجيت
خاف تكول انه نسيت
وشلون انسه عمري الخلص وياك
يعزي وهيبتي شلون
فاركت اختك ام عون
كووم من الكبر يالجيت بحماك
____
يحسين عذبني السبي وايامه
اشوفن موتي .....صرت ليليه
بذيج الخرابه عفت بنتك نايمه
بهذيج الغربه ....عفتهه ارقيه
ماتت بالغرب ماتت
حين جابو راسك الهه وبالطشت شافت
صاحت ياحسين صاحت
وين حظنك يالحنين وعل طشت طاحت
طفله وحظنك تريد
وانته صاير بعيد
كلي بيش اصبرهه رقيه
تبجي بشوك يحسين
شسوه بحالهه البين
راحت بنتك من ثنين اديه
____
الشاعر
مصطفى الحسني
فزاعية للشام
❥ــــــــــــ🕊️ـ❁❁🕊️ــــــــــــــ❥
من شفت الطشت جابوه.
راس حسين موتني
❥ــــــــــــ🕊️ـ❁❁🕊️ــــــــــــــ❥
هد حيلي وخلص صبري
ريت المنگطع نحري
ولاشفت بطشت ذخري
يضرب،بي خال ابني
❥ــــــــــــ🕊️ـ❁❁🕊️ــــــــــــــ❥
للمجلس اجو بينه
وكلها تباوع اعلينه
والطاغي يسب بينه
والله الشتم شيبني،
❥ــــــــــــ🕊️ـ❁❁🕊️ــــــــــــــ❥
شفت الشام متزينه
واحنه احبال بايدينه
واهلي مادرو بينه
درب اليسر تعبني
❥ــــــــــــ🕊️ـ❁❁🕊️ــــــــــــــ❥
دمعي خلص بعيني
بلية حسين تدريني
يازهراء عينيني
فرگة اولادج الهدني
❥ــــــــــــ🕊️ـ❁❁🕊️ــــــــــــــ❥
محتارة بمداليلة
نوبة اباري اعليلة
وينه عادل الميلة
مايحضر يساعدني
❥ــــــــــــ🕊️ـ❁❁🕊️ــــــــــــــ❥
ذاك اليحضر الشدة
ماجنة بنت عندة
ومدلله ومتعودة
عالخوان تحرسني
❥ــــــــــــ🕊️ـ❁❁🕊️ــــــــــــــ❥
وابن حسين اذاني
لو ياعمه ناداني
متگصصه ذرعاني
والجامعه التوجعني
❥ــــــــــــ🕊️ـ❁❁🕊️ــــــــــــــ❥
اصبر ياعلي كتلة
حالك محد يحملة
ياهضمتنه،موسهلة
من عدوانك تسبني
❥ــــــــــــ🕊️ـ❁❁🕊️ــــــــــــــ❥
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
قصيدة للشام
❥ــــــــــــ🕊️ـ❁❁🕊️ــــــــــــــ❥
جمره بكلبي ضلت كلمة الشام
ماضنيت هيج تدور الايام
❥ــــــــــــ🕊️ـ❁❁🕊️ــــــــــــــ❥
خلاني الوكت ادخل دواوين
مـــِْن صارو عليه اهلي بعيدين
ماذلني الزمن لْـۆ باقي حسين
وهسه محيره وبيدين ضلام
❥ــــــــــــ🕊️ـ❁❁🕊️ــــــــــــــ❥
بالكوفه جنت بالشام هليوم
جيت الها ودليلي محمل هموم
وحيلي من الدرب ياناس.مهدوم
مـــِْن يوم اهدعش سهرانه ما انام
❥ــــــــــــ🕊️ـ❁❁🕊️ــــــــــــــ❥
فرتني. الكفر كل السواكه
كل ضيم اليسر دلالي ضاكه
ردت بحلم ويه اهلي أتلاكه
واحجي هموم كلبي وكل الالام
❥ــــــــــــ🕊️ـ❁❁🕊️ــــــــــــــ❥
تدرون الدرب ينرادله احنان
وانه مشيت وحدي بغير وليان
شتصير المره مـــِْن دون وليان
بلياهم مشت ومنزله الهام
❥ــــــــــــ🕊️ـ❁❁🕊️ــــــــــــــ❥
بالشام القهر ألوان واشكال
تعبني الوكت وحمولي اثكال
كلمه خارجيه شلون تنكال
النه وذاك جدنه العله الاسلام
❥ــــــــــــ🕊️ـ❁❁🕊️ــــــــــــــ❥
ماضل ضيم ماشفته وجرعتته
ديوان الدعي تالي دخلته
وراس حسين بيدينه نضرته
يضرب بي ما مجنه مـــِْن الاسلام
❥ــــــــــــ🕊️ـ❁❁🕊️ــــــــــــــ❥
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
من جروح احزانك..... تنسبي نسوانك
عالرمح راسك يخويه...وانه هم مسبيه
*******
ينسمع صوت النعي بحسره بچينه
الحادي مر اعليهم وشفنه ولينه
حسين مامعقوله جسمه امگطعينه
اشفافه متفطره وعلي ومعطشينه
وانه فوك الناگه.......اشكد الك مشتاگه
ليش خويه امسلبينك.....جثتك مرميه
*******
گلبي....ماينطي اعوفك خويه دامي
وانه من فوك.....الهزل ابعث سلامي
والضمه....شمسوي حالك لسه ضامي
صدرك امكسر وحس كسرت عظامي
من البچي مخنوگه.....خيمتي محروگه
شلون اشاهدكم يخوتي..مشيتي محنيه
*******
اهوايه ....متغير يخويه شلونك انته
وانه من......صديت بجروحي ندهته
اتفاجئت .. ونظر عليه بس ماعرفته
اشسوت.....الخيل ابحوافرهه نظرته
امكسرات اسنونك......ما اشوف اعيونك
الخيل اشمسويه بأخيي..ماعرفته اشبيه
*******
ينتهي حلمي جرح وبروحي حسبات
ويانه راسك هذا يحرس ليلي ويبات
ينظر وياي الضعن كل لحظه لچمات
لو تگع.......وحده يون زينب سلامات
خويه تدري اطفالك..اشكد تطيح اكبالك
والرمح محروك شفته.....بحسرته يوميه
*******
اتوجهت درب السبي وبروحي حيره
خويه فحطنه الدرب شوف المسيره
الكوفه ما يحصل غيور وكله غيره
الناس تتشمت بشر ميت ضميره
حرمه وبلا والي........انظر الكفالي
خويه ياعباس دهري...مارحمني اشويه
*******
خويه من بعد الجره شفت المصيبه
اسمع......... ينادون زينب يا غريبه
الكوفه طبتهه بعد شفت العجيبه
وانه اشاهد راسك يصدلي بنحيبه
ينجرح دلالي......والشماته اكبالي
بالخرابه تالي صرنه.......نامت العلويه
*******
طبت المجلس صعب مرت عليه
حرمه وطب ياخلك ديوان اميه
ايصيح ابن مرجانه زينب ياسبيه
والهضم ....ياخذني بنواع الرزيه
نشد عن احسيني .....وانه تهمل عيني
يدير عالعباس وجهه...قصده يشمت بيه
*******
#تمت بعون الله تعالى
#خادمكم...يوسف الفتلاوي
:
كربلا يا كربلا
—---------—
كربلا يا كربلا يا كربلاء
كربلا لا زلت كربا وبلاء
—---------—
(دارج)
كربله يعني ضعن للطاهرين
ضعن ابو اليمه الحسين اويه الاهل
كربله يعني عساكر حايطين
ابهالضعن يوم الذي بل طف نزل
كربله غارات يعني واغتيال
يعني صوب احسين جيش الضل حمل
كربله يعني لطم يعني شجون
كربله يعني حزن يعني بكاء
كربلا يا كربلا يا كربلاء
كربلا لا زلت كربا وبلاء
—-------------
(فصحی)
كربلا يعني دماء سائلات
يعني اجساد كستها السافيات
كربلا يعني نساء ظاميات
قد حرمن الماء في جنب الفرات
كربلا يعني خيول غائرات
نحو اطناب بنار مسعرات
كربلا يعني غيوم ممطرات
من سماها ليس ماء بل دماء
كربلا يا كربلا يا كربلاء
كربلا لا زلت كربا وبلاء
—-------------
(دارج)
كربله يعني اسه يعني قهر
وين ما تنظر اخيام امحرگه
كربله يعني رعب يعني خطر
مكان امن بيهه ابد مايلتگه
كربله اخيول ابحوافرهه تدوس
اطفال ابو اليمه حدرهه امسحگه
كربله يعني نهب يعني سلب
يعني سوط امورم امتون النساء
كربلا يا كربلا يا كربلاء
كربلا لا زلت كربا وبلاء
—------------
(فصحی)
كربلا يعني بقي الطهر وحيد
لامعين لانصير لا عضيد
هل هي الشمس هوت فوق الصعيد
ام حسين ينزف دم الوريد
صوت اطبال تري هل حل عيد
ام هو السبط علي الترب شهيد
ترجف الارض تري يوم الوعيد
حان ام حل علي الخلق البلاء
كربلا يا كربلا يا كربلاء
كربلا لا زلت كربا وبلاء
—------------
(دارج)
كربله يعني شباب اعله الترب
امخضبه بدمومهه ومتجرحه
كربله يعني اقمار اعله الرماح
كربله يعني اطفال امذبحه
كربله يعني جثث وبلايه روس
بل عري فوگ الوطيه امطرحه
كربله يعني گمر يم النهر
طاحن اچفوفه و وگع يمه الواء
كربلا يا كربلا يا كربلاء
كربلا لا زلت كربا وبلاء
—----------
(فصحی)
كربلاءٌ يعني حزن وعويل
يعني اسري من نساء وعليل
كربلا يعني خيول وصهيل
قد شفت قلبا من الطهر غليل
كربلا صبرا به قل مثيل
لم تراه زينب الا جميل
يا لقلب قد راي اغلا خليل
قد كسته الريح ثوبا بالعراء
كربلا يا كربلا يا كربلاء
كربلا لا زلت كربا وبلاء
—---------------
(دارج)
كربله يعني حرم متيسره
بلسلاسل عل هزل متگيده
كربله يعني ضعينه ابلا رجال
غصب عن ارجالهه متبعده
كربله يعني اطفال ابلا ضره
اتصب دمع بسكوت عن عين العده
يعني خدّر طافت ابكل البلاد
يعني جور ومظلمه و ذل وعناء
كربلا يا كربلا يا كربلاء
كربلا لا زلت كربا وبلاء
—---------—
تمت بعون من ا... لخادم اهل البيت سيد ناصر الموسوي
لحن وأداء الرادود الحسيني ابوجليل الدردوشي
#قصائد_في_خدمة_الخطباء
#محرم_١٤٤٦
#مصائب_الهاشميات
#طريق_السبي
صورة شعرية: لسان حال السيدة زينب عليها السلام لرأس سيد الشهداء عليه السلام وابي الفضل العباس عليه السلام في طريقها من الكوفة الى الشام...
(طور الجفيري)
١/أنظر لراسك يالگمر
ومِنّه اطلُب يْحِجْبِ النَّظر
خافن يشوف اصعب صور
برحلةْ سبينا وْيَه الغُرُب
٢/خافن تصدلي بهالوضع
وتهمل منِ العين الدمع
خافن ونينك ينسمع
لو شفته متني ينضرب
٣/راسك مثل راس الحُسين
خافن يشوفن بالإيدين
حبال وأنا بْلايه مُعين
ودمعاتي من عيني تِصُب
٤/كل طفله لو تبچي وتنوح
فوگاها سوط انظر يلوح
خافن تشوفون الجُروح
بيهن يخويه عن قُرُب
#عظم_الله_أجوركم ◾️
فاطمة علي رزق
اسألكم الدعاء
يزوار هلا هواي علي وياكم علي
هلا الراح هلا الجاي، هلا بديرة هلي
_***____
منين ما باوع عليكم بيكم انتو حرورة
بيكم الهمة تنادي حسين والله نزورة
الشوارع دون ظلكم كلهة جن مهجورة.
الواحد اليمشي أبوحدة هذا قلب الثورة
يزوار هلا هواي علي وياكم علي
هلا الراح هلا الجاي هلا بديرة هلي
_***__
خط جهادي على الزيارة كلهة هالمشاية
مثل ماشالوا تفگهم شالوا أهمة الراية
ماكو غاية غير حُبه حسين هو الغاية
زغير وعلى المايعرفة گام وزّع ماية.
يزوار هلا هواي علي وياكم علي
هلا الراح هلا الجاي هلا بديرة هلي
***
عايش آنة على الخدامة والرزق مِن صوبكم
جرحي طايب وي عمري مِن أمسن ثوبكم.
نور جادرنة نشوفه مِن صفاء أوجوهكم
ندعي الله بكل محرم نرزق مِن نوركم.
يزوار هلا هواي علي وياكم علي
هلا الراح هلا الجاي هلا بديرة هلي
_***___
على طول الدرب نشهد كلهة صارت خوة.
تراب أللي مِن تعبكم هذا أحسن دوة.
شيب وي أزغر شباب بحيلة شال مروة
والله غير حسين صاحو كلشي ما نسوة
يزوار هلا هواي علي وياكم علي
هلا الراح هلا الجاي هلا بديرة هلي
***_
بلمواكب خل نباوع واحد يجب واحد
شيعي والسني أخوّه ماكو بيهم حاقد
بروحة وبأهلة يعزب لو گصدهم گاصد
حسين يشهد هالمواكب والله أكبر شاهد
يزوار هلا هواي علي وياكم علي
هلا الراح هلا الجاي هلا بديرة هلي
***_
كلمات الشاعر حسن حمزة هاشم
نسألكم الدعاء.
وداعة الله… اشتاگت لحضنچ الغوالي~
وداعة الله… والشمل ضاع بليالي~
〰〰〰〰
آيايمه … طيفك اگبالي المسيه
آيايمه… ودمعتي ظلّت جريه
آيايمه… راحت امي من اديّه
〰〰〰
لا تغيبي… .مظلمه سنين العمر
لا تغيبي… ماگدر اشوفك بالگبر
لا تغيبي…. فاقد بفقدچ صبر
〰〰〰
آيا يمه… گومي ليّه واحضنيني
آيا يمه… يمه ليش تيتميني
آيا يمه… اخذي وياچ سنيني
〰〰〰
خادمة آل محمد ✍🏻
جفيري~
يالنايمة تحت التراب
ردي يا يمه من الغياب
من بعدچ العمر بعذاب
وعيوني ما تجف الدمع
〰️〰️〰️〰️
ذاب بونينه هالگلب
يالساكنة تحت الترب
دمعي على فراگك يصب
وگلبي عليچ منفج
خادمة آل محمد✍🏻
لفقد الأحبة فراقيات*
صعب الفراق والقبر غيّب صورهم
انا لقعد عالقبر واسال ليش ضمهم
ما ردوا لينه وظلت خالية دورهم
والحزن خيّم على قلبي بفقدهم
〰〰
غابوا عني والدار وحشه بلاياهم
ودمعتي سالتي حزن على فرقاهم
راح الغالي والدار بعده خليّ
ومن نوره الدنيا مظلمه علي
من بعده البكي والحزن صاير سجيه
غابت البسمة من وراحو الاحباب
فارقوني احبابي وما رجعوا الغوالي
صبري طال وشو صعبه الليالي
صورة احبابي دوم بخيالي
ما تفارق عيوني والدمعه جريه
يا دار لو تعودي بنوهم زهيه
والايام. بقرب الغاولي مضيه
لو ترجع يا زمن ويلتموا سويه
خطفهم البين وغابت علومهم
خادمة آل محمد✍
*لو فارگونا ٱحبابنا*
للفواتح وفراق الأحبة~ طور الانين العاملي♪
لو فارگونا ٱحبابنا
ما نگدر نرد العمر
طور الأنين العاملي♪
〰〰〰〰
ما ظلّت إلنا بس صور
كل غالي نايم بالتراب
ما نگدر نرد العمر
لو طوّل علينا الغياب
وليفگد احبابه واهله
يگضّي العمر كلّه عذاب
تسيلن مدامع هالعيون
والعبرة بس سلوى ٱلِنا
〰〰〰〰
ذكراهم بوسط الگلب
لو فارگونا للأبد
شينفع دمعنا من يهل
لو ناموا في وسط اللحد
عالعشرة نبكي عالمضو
اشتقاگت اضمنهم بعد
اهل المقابر من غفوا
نروي الگبر بدموعنا
〰〰〰〰
ودّعنا اهلنا من مشوا
كل غالي نام بمقبره
غربة الفراق شگد صعب
حيّ القلوب الصابره
لوّع گلبنا هالفراق
طيف لصورهم حاضره
نشتم عطرهم بالتراب
الماتوا سبب احزاننا
〰〰〰〰
خادمة آل محمد✍🏻
*لفقد الأم الأحبة مقتبسة من لحن ظلت بس صورهم*
لحظة ودّعتهم ~ صعبه فارگتهم
غابوا عن عيوني وعني راحوا وما يردّون~
لا بالطيف اجوني وراحو وودعوني وغابو عن عيوني وما يردّون~
〰️〰️〰️〰️〰️〰️
ٱحبابي فارگوني -- غابوا عن عيوني
ودمعاتي جريه --بهالمسيه-- ولا يردون
ناموا بالترايب-- غابو هالحبايب--
ودمعاتي جريه-- بهالمسيه-- ولا يردون
〰〰〰〰
ظلت بس ليالي -- ودمعاتي تلالي
راحوا الغوالي-- بهالمسيه-- وما يردون
فرگتهم شو صعبه-- غربه والله غربه--وحسراتي شجيه-- بهالمسيه-- ولا يسمعون
〰〰〰〰
آشواقي اليهم-- دمعاتي عليهم --تجري هالمدامع-- بالمواجع وما يردون
وبْبالي صورهم--ولساني باسمهم--يلهج بذكرهم وسالت هالعيون
〰〰〰〰
غابو عن نواظر-- ومكسورة الخواطر --
لفراق الاحبه-- غربه والله غربه-- وگلبي محزون
خادمة آل محمد✍🏻
تلوگ القياده لزينب الحره
هيه الاميره والزلم أسره
==========
يخسه اليگول الحره ذلوها
ذلت يزيد بقصره شافوها
ظلت اميرة الحره يدروها
جتفت يزيد بقصره ماجتفوها
ذلت يزيد وهدمت قصره
هيه الاميرة والزلم اسره
==========
ظلت عزيزه الحره مهيوبه
كشفت يزيد وفسقه وعيوبه
وبخده خلت طينت إذنوبه
زينب تذلهم هاي مكتوبه
هيبتها هيبة فاطمه الزهره
هيه الأميره والزلم أسره
==========
كالتله زينب عدهن ايامك
وشما تطول اتخلص اوهامك
هاي اني زينب ثورة كدامك
باطل تراك وباطل اسلامك
الاسلام منك والله يتبره
هيه الاميره والزلم اسره
==========
ترجيه بذنك هاي الاحجايه
جيت اني اذلك والحجي هوايه
بيدي الگمر خلاها هالرايه
إلا أدگ بقصرك الثايه
توها بدت من قصرك الثوره
هيه الأميره والزلم أسره
==========
من تحجي زينب تسكت القاده
ذلت زلمهم عمة الساده
اتحير يزيد وحچيه مافاده
بالخطبه قصره اهتزت اوتاده
للساده هيبة وهيبة العتره
هيه الاميره والزلم أسره
==========
اتلعثم يزيد وتيه السانه
وارجاله يمه وكلها حيرانه
عار اعل گصته باقي نيشانه
تاريخه اسود والزمن هانه
تاريخه اسود لمن اتنظره
هيه الأميرة والزلم أسره
==========
الشاعر علي النائلي
مقدمة ( لمولاي زين العابدين عليه السلام )
( دِموعك كربلائك ) محرم الحرام.1446
دِموعك كربلائك " لِخيامك عزائك
السّلامُ عليكَ ياعلي ابنَ الحُسين
---------------------------
نشرح بالمصيبه والحدث واقع
ابو المقتل بعد انت صدك جازع
يبو الباقر عله باب المُخيم
اليعيش ارماد بعيونه حَرِك شابع
نارك ذكرياتك " بالخيمه حياتك
السّلامُ عليكَ ياعلي ابنَ الحُسين
----------------------------
ياسيّد الدمع ايامك انت الطف
عله عيون العطاشى جرح تتوصف
عطش جم فاطميه روحك تشوفه
آيات الخيام وكربله المُصحف
ياتسبيحة النوح " تقراها يمذبوح
السّلامُ عليكَ ياعلي ابنَ الحُسين
-----------------------------
عله بالك الخيل الداست احسينك
بخيالك يا حوافر عاشت اسنينك
يزين العابدين ومن ظُهر عاشور
جم ظلع انكسر ما بينه وبينك
عاشورك يِفجعك " كاسر هوّ ظِلعك
السّلامُ عليكَ ياعلي ابنَ الحُسين
---------------------------
لعيون الكفيل إتسافر اعيونك
من كَد الضِمه ما ينعرف لونك
عله العباس عمّك منكِسِر حيلك
عله ماي الشريعة طاحن امتونك
تنحب يابوفاضل " دمعك انت هامل
السّلامُ عليكَ ياعلي ابنَ الحُسين
----------------------------
يامولاي ارزقنه لطم و ادموع
عالمهشوم صدره نِكسر احنه ظلوع
كل خادم اُمنيته بالعزاء اِيموت
كون احترك بالخدمة بكلب مشلوع
واليِخدم اِمامه " يِعشكها الخِدامه
السّلامُ عليك ياعلي ابنَ الحُسين
---------------------------
الخادم _ ابو فدك الشامي ✍
رئيسية ( لمولاي زين العابدين عليه السلام )
( يا ابا حمزه الثَمالِي ). 1446 هج
ويدخل عليه احد اصحابه "ابا حمزه الثَمالي" ويسأله على دموعه وبكائه فيقول الامام. ع 👇
راح اسولف بالجرالي
يا ابا حمزه الثَمالِي
كربله حزني " الشام موتني
يا ابا حمزه الثَمالِي
-----------------------------
يا عَم يا ابا حمزه يالتسأل على حزني
المن ابجي ليل انهار ليش وهذا كل وني
هم مَرّت عله بالك علويه انسبت مني
هم سامع قبل بالشام آه الشام شيبني
هذا حالي بالمُصيبه
عمِتِي زينب غريبه
السبي عذبني " الشام موتني
يا ابا حمزه الثَمالِي
--------------------------
جزاك الله كل الخير يالكلبك علينه ينوح
يا عَم القتل عادة بس زينب اشد جروح
دخلنه باب الساعات وكالو ذوله اهل مذبوح
هناك احجارهم اسهام وعيون الشماته تلوح
اجت كالو عالسبيه
هيه هاي الهاشميه
احجايه كتلتني " الشام موتني
يا ابا حمزه الثَمالِي
----------------------------
هوّ العنده مسبيه منه يروح كل الحيل
ما بين السبي والطف ولا نامت عيوني بليل
شما اتصور المقتل افز وبكلبي صوت الخيل
انا مضيع بشر مذبوح ونحره جان مثل الهيل
يا عطر عايش خيالي
والحوافر اعله بالي
اثنين هظمني " الشام موتني
يا ابا حمزه الثَمالِي
---------------------------
كلما اشرب اني الماي اتذكر انا العطشان
جمر وبصدري يحركني وبخيامي الورد ذبلان
ظُهر عاشور بعيوني المُخيم محترك نيران
من خيمه الى خيمه اشوفن رَكضّت النسوان
بالطف انا جروحي تلهب
كلما تُمر كبالي زينب
جروحي تلجمني " الشام موتني
يا ابا حمزه الثَمالِي
-----------------------------
اني الشام موتني اشد من الطفوف هواي
بركبتِي الجامعة تنزف عاشرت الدِمه مشاي
الدم مثل النهر يجري مثل عين الكمر عالماي
وبيدين العقيله احبال مجتوفه بسبي دنياي
جم خرابه بروحي عاشت
كل حياتي اهناكه ماتت
هواي تعبني " الشام موتني
يا ابا حمزه الثَمالِي
-----------------------------
الخادم _ ابو فدك الشامي ✍🏻
لسان حال الامام زين العابدين عليه السلام في قصر يزيد عليه اللعنه
جدنه لو جدك محمد
هآلاذان اعلينه يشهد
منّه الطاهره وحيدر الكــــرار
وسبطين النبي وجعفر الطيار
ــــــــــــــــــــــــــــــــــــــــــــــــــ
آنا ابن النــبوه الباري عــــــلاني
علي الكرار جدي وهـوه قــــرأني
خديجه وفاطمه والحسن عنواني
حــــجه اعليكم انا ابأمر ربـــاني
من أنا خل تعـــرف الناس
احسين ابوي وعمي عباس
انا ابن الاطآيب وبن الاطهار
منّه الطاهره وحيدر الكــــرار
ــــــــــــــــــــــــــــــــــــــــــــــــــ
احنه اهل العلم ولحلم والحكمه
جانت جاهليه ودنيتـــــك ظلمه
بعث ربك محمد للبــــشر نعـمه
نورها الرسول بــحلمه وبعلــــمه
ونادا اسمعو يا مسلمين
علمي علمته لبو حسين
علي هوه الامير واله الاخيار
منه الطاهره وحيدر الكــــرار
ــــــــــــــــــــــــــــــــــــــــــــــــــ
احنه اهل الكرم نتسمى بـالعتره
حيدر بالسجود وينطي للفقـــره
بثياب العرس تتـصدق الزهــــره
يلم كل اليتامى الحسن عالسفره
اربعه انطت ام البنين
وعزب العباس جفين
ذب خنصره احسين وعزّب المار
منه الطاهره وحــــــيدر الكــــرار
ــــــــــــــــــــــــــــــــــــــــــــــــــ
مظّرب للمثل صرنه بشجاعتنه
شسولفلك بعــد حيدر قيادتنه
يشهد خيبر ومرحب بســـالتنه
مرفوعه وتظل مرفوعه رايتنه
منْ نطب انزلز الكـــون
والكفر كلهم يظيـــعون
عالباطل نظل دوم احــنه ثوار
منّه الطاهره وحيــدر الكــــرار
ــــــــــــــــــــــــــــــــــــــــــــــــــ
تلاوه امعطره بالحـــــق فصاحتنه
ومن حمزه وعلي معروفه شيمتنه
وبعمي الگمر متـــــمثله غـــــيرتنه
وزينب مو ســــبيه هـــاي اميرتنه
تبقى اميره ورافعه الراس
تشـهد وخل تسمع الناس
من تخطب تدندگ روس الاشرار
منّه الطـــــاهره وحيدر الكــــرار
ــــــــــــــــــــــــــــــــــــــــــــــــــ
واجب عالبشر صارت ولايــتنه
الفاز امن الخلگ فاز ابمــحبتنه
لْراد الجنه خل يصعد سفينتنه
يبايعنه ويجي ينصر قــظيتنه
لينصر المظلوم والـــــدين
يضمن الجنه ويه الحسين
يحشره الباري باجر ويه الانصار
من الــــــطاهره وحيدر الكــــرار
علي كاظم المنصوري
قصيدة للسبي {امشي واعثر بالوجع}
امشي واعثر بالوجع
انسه واصبر ما نفع
عافني وراح الحنين
ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
امشي واعثر بالوجع والتفت كلساع
بلكي ابو فاضل يجيني حلو الاطباع
روحي متعوبه احس من ليل الوداع
راحت ايام المحنه اندفنت ابگاع
هسه مسبيه صرت ** يفزع الكافل ردت
ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
هسه مسبيه صرت وامشي وي ضلام
وانه حرمه لوحدي ووياي ايتام
ماشفت راحه إنه من حرگ الخيام
وعيني حلفت من تفارگنه ولا تنام
بعد ما بيه صبر ** بلوعه خلصت العمر
ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
بلوعه خلصت العمر مو يدري عباس
شلون خلاني وحيده وشيب الراس
يمشي وياي الوجع وبدليلي هل جاس
چي ينضروني الشماته وگوم الارجاس
حيل متعوب الگلب ** امشي مسبيه صعب
ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
كلشي بأيام السبي آذاني والليل
من يمر اعليه والله يفرهد الحيل
اگبالي تطلع ذكرياتي ودمعتي اتسيل
واضل احچي وي الگلب چي بي الكفيل
اضل احچي عله الجره ** وحزني يصبح مكبره
ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
اضل احچي اعله الجره والدمعه تجري
واصيح يا عباس خويه يابو خدري
كون ترجعلي وانه انطيك عمري
من عفتني وداعتك اذاني دهري
ابغيبتك متني انضرب ** ورحت لبعيد الدرب
ايجيب ماي ومارجع ** ايجيب ماي ومارجع
❥❥❥❥ـــــــــــــ❁❁ـــــــــــــ❥❥❥
#للشاعره غدير الحساني
يبويه بهل درب وبهل مسية... يبو روح الحنينه
كلبي اشتاك للكعده سويه،،،، يبو روح الحنينه
ذكرتك ويه الغروب
وروحي كامت اتلوب
تعال وشوف بويه شصار بيه.... يبو روح الحنينه
ــــــــــــــــــــــــــــــــ
يبو روح الحنينه وخيمة البيت ــــــ يمـــدلل بناتك
مثل دموعي لمتهن بالخدود ــــــ التمـت ذكـرياتك
الخيل المشه ويانه بويه لشام ـــــ اضنهن ساحكاتك
حوافرهن يبويه عطر اشم بي ــــــ شميــته بثيابك
شميته وذكــــرتك
تحضر يمي ردتك
وتنام بحضنك اليلة رقية ..... يبو روح الحنينه
ــــــــــــــــــــــ
انه اصغر بناتك بويه يحسين ــــــــــ وخذوني اسيرة
جدامي مورمه وانه امشي لشام ــــــ ويه الماعنده غيره
يضربوني وعلي تشكفهه السياط ــــــ عمتنه الجبيره
المجتوفه بحبل وطيح بالكاع ـــــ شلون تكوم حيره
اكوم شلون اذا اطيح
يضربوني اذا اصيح
حيره محيره ومجتوفه اديه.... يبو روح الحنينه
ــــــــــــــــــــــ
يبويه اليل لو جلجل علينه..... اسولفله واحاجي
ياهو يردلي ابوي الراح مني.... ماريد الـــــتراجي
عله رجلين عمتي راسي اخلي... وانامن علبواجي
يبويه من الالم ما نامن اليل ــــ يدواي وعلاجي
كلما تغفه العيون
افز بجرح المتون
شسوت بيه بويه الغاضريه ـــــــ يبو روح الحنينه
ـــــــــــــــــــ
بويه بلايه عينك شلي بالعين ـــــــــــ يحــنين يغالي
صارن سود بويه ليالي فركاك ــــــــ يمــــحلي اليالي
انه طول الدرب كالساع اشتاك ـــــــ وانته اعرف بحالي
اجي جوه الرمح ارد الحضن الراس،،،، بس الرمح عالي
كلما نكعد شواي
ادور يمك فياي
يبويه بفركتك شفت الاذيه.... يبو روح الحنينه
ـــــــــــــــــــــــ
الشاعر
مصطفى الحسني
قصيدة لشام
❥ــــــــــــ🕊️ـ❁❁🕊️ــــــــــــــ❥
بين الكوفه والشام بيج تفر الايام
وانتي الجنتي تمشين والعباس جدام
❥ــــــــــــ🕊️ـ❁❁🕊️ــــــــــــــ❥
شلون ايام يازينب تمــر بــيج
للكوفه العده غصبن مشو بيج
وهسه الشام كل محنه تراويج
حقج من تعتبين حرمه بلايه ازلام
والعباس جدام
❥ــــــــــــ🕊️ـ❁❁🕊️ــــــــــــــ❥
أجيتي مـــِْن المدينه وياج حراس
وخــــيالج فـــلا تـــتباوعه الناس
مـــِْن ياصوب ردتــي يدور عباس
خايف لٱ تزعلين.حته اليل مينام
والعباس جدام
❥ــــــــــــ🕊️ـ❁❁🕊️ــــــــــــــ❥
وبس الراس هسه وياج يمشي
عينه عليج زينب مـــِْن عثرتي
اهتز مـــِْن الرمح يوم اللي طحتي
وبالكوه تكومين من ذبحة الضرغام
والعباس جدام
❥ــــــــــــ🕊️ـ❁❁🕊️ــــــــــــــ❥
الماعدها ولي تدخل مجالس
وتصير لحرمهم هيه حارس
يفزع كون الها الًيَوُمًِ فارس
والدها ابو حسين الفارس المقدام
والعباس جدام
❥ــــــــــــ🕊️ـ❁❁🕊️ــــــــــــــ❥
الصارت للضعن هسه الكفيله
وآه يالـــشام لوعـتـتها ثكيله
حكها لْـۆ كضت وتضل نحيله
مـــِْن حرك الصواوين.وشماته الضلام
والعباس جدام
❥ــــــــــــ🕊️ـ❁❁🕊️ــــــــــــــ❥
عتبي اعليك حلال المشاكل
ويه حسين ما جيت. وتقاتل
عني شلون يالكرار غافل
ماكتلي شتريدين. أفنيلج الضلام
والعباس جدام
❥ــــــــــــ🕊️ـ❁❁🕊️ــــــــــــــ❥
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
قصيدةللشام في مجلس يزيد
(طور وديني يريح الهاب)
❥ــــــــــــ🕊️ـ❁❁🕊️ــــــــــــــ❥
مردني الراس. ياناس من شفته
تطكه ليش ياضالم سألته
مردتلي احشاي. تطك ملفاي
يرد وياي ياريت رايدته
❥ــــــــــــ🕊️ـ❁❁🕊️ــــــــــــــ❥
دخلت ديوان هل طاغي.
وكلها. كبالي ملتمه
غرب ماترحم بحالي.
ومنهم تهضم الكلمه
يكلولي اخت عباس.
تبقه بلا زلم زحمه
صعب ياناس
عفت عباس
علئ جرف الماي ماگطرة شربته
❥ــــــــــــ🕊️ـ❁❁🕊️ــــــــــــــ❥
وتاليها اجه وياي
راسه عالرمح يبرة
يگلي أمني لتخافين
كلنه وياج يالحرة
حته بدخلتي ليزيد.
بالمجلس واشم عطرة
ردت يسمع.
حجي المدمع
من ابجي من الهظم سكته
❥ــــــــــــ🕊️ـ❁❁🕊️ــــــــــــــ❥
وكفت وكفةرمح علكاع.
من ناشدني عن اهلي
كلي بلا اهل جيتي.
شبعي ضيم وتحملي
ريت الدنيا عافتني.
وميته وياهم احسنلي
ولا طبيت.
الك يا ريت
ولا طشت الذهب شفته
❥ــــــــــــ🕊️ـ❁❁🕊️ــــــــــــــ❥
شفت راس الاخو يمه.
وبيده يحرك شفافه
گلت يا الطاغي شيل العود.
ربك يا الداعي خافه
هذا ابن الواصي الكرار.
حار الكون بوصافه
تضربه شلون.
امام الكون
لبمهدة الملايك كلها ناغته
❥ــــــــــــ🕊️ـ❁❁🕊️ــــــــــــــ❥
عساها انشلت جفوفك
يمن الحسين روعته
ولا راعيت الم ومصاب
بنات وضيم عائلته
شتكل لله وذبحت حسين
. عمدآ رضرضت جثته
تطلبة بيش.
ذبحته ليش
وجبت للشام على النوك عائلته
❥ــــــــــــ🕊️ـ❁❁🕊️ــــــــــــــ❥
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
لطميه ثكيله دخول الكوفه
❥ــــــــــــ🕊️ـ❁❁🕊️ــــــــــــــ❥
تدخل مجلس الشمات ياهو الكالها زينب
متزينه المدينه الًيَوُمًِ والدمام ضل يضرب
❥ــــــــــــ🕊️ـ❁❁🕊️ــــــــــــــ❥
دخلت بت علي هاليوم مجلس طاغي الكوفه
وفرحان بهضيمتهة وكاعد يضحك تشوفه
واخوها حسين فوك ارماح بالدم تكطر زلوفه
وثغر القبله المختار بي ريح الهوى يلعب
❥ــــــــــــ🕊️ـ❁❁🕊️ــــــــــــــ❥
هضيمه وتكسر الدلال ماتنوصف حالتها
شلون سباع وكت الضيج بالتربان عافتها
وتاليها لأرض، كوفان فوك رماح جابتها
بس روس وبدون اجساد فوك اسنان تتكلب
❥ــــــــــــ🕊️ـ❁❁🕊️ــــــــــــــ❥
هاي الجانت بكوفان سلطانه بزمن حيدر
خلاها الزمان شلون بالنسوان تتحير
وعليها بكل مسى وصباح هالعدوان تتأمر
أكشر يا زمان أرضيت بت المرتضى تنسب
❥ــــــــــــ🕊️ـ❁❁🕊️ــــــــــــــ❥
لْـۆ موجود كافلها محد يجسر عليها
ما جان بهضم وبذل يرضى ومايخليها
يخلي اعداها ترس الكاع كلهم جوه رجليها
بس وينه خذاه الموت ذاك الكافل اليرهب
❥ــــــــــــ🕊️ـ❁❁🕊️ــــــــــــــ❥
غبر ياموت خذيت سباع منـِْها وضلت وحيده
تحرسها كبل شجعان هسه تكطع البيده
ولا والي البقه وياها مـــِْن تنزل تكض أيده
الكوفة وصلت بيا حال نيران بكلبها تشب
❥ــــــــــــ🕊️ـ❁❁🕊️ــــــــــــــ❥
شيطفيها نار احشاج مـــِْن عفتي خمس خوان
كلها بلا غسل وأجفان كلها موسده التربان
عون وجعفر وعثمان وحسين وكمر عدنان
حكج ينكسر ضهرج مشي بليه الاخو يتعب
❥ــــــــــــ🕊️ـ❁❁🕊️ــــــــــــــ❥
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
زعل سيفه العباس
راس ظل يلطم راس
وابو فاضل والله گد احچايته
*******
مهله رادو منه گالو ضاع جرفين النهر
عطوه منه اتريد كلها حسبت ينطي الگمر
فلتت الحجاج شافوا تيهه امنين المفر
والشمر بالخنسه شارد بين اجروف الخطر
غيض بان النوماس
زعل سيفه العباس
وابو فاضل والله گد احچايته
******
وحده عباس اعتناهم جيشهم خلص رعب
وگف عزريل ويشاهد سيل دمهم من يصب
علن حالتهه الطوارئ گصه اوياهم بالحرب
چفه بسم الله يبدي راح يفنيهه العرب
حلوه ابچفوفه انباس
زعل سيفه العباس
وابو فاضل والله كد احچايته
******
شاع صوت اشگد دخيلك ها يعباس الشهم
سطرة العباس بيهم رنت وشردت زلم
عنده تسبيح الزچيه بالحرب شوف العزم
فحط الخياله كلها سبع بيهم ما يهم
بيها دك حيل ساس
زعل سيفه العباس
وابو فاضل والله كد احچايته
*******
عاجل الطف وبخزرته هيبه تحلى المرجله
اترخص من حسين عازم هذا ابن عقد الوله
رجّع الطف ظهر سابع وگف يطوي كربله
والحسام ايخاف يزعل شمره وحده ايدلله
ابراسه محلاته الطاس
زعل سيفه العباس
وابو فاضل والله كد احچايته
*******
بينت فرسان غالب علي خلف بس علي
خيبر الطف عاد بيها وابو فاضل معتلي
اتخورست والزلم سكته هاك اسمع ما يلي
بحر من الدم جعلهه غيمه ابد ما تنجلي
خمد بيها الأنفاس
زعل سيفه العباس
وابو فاضل والله كد احچايته
*******
تمت بعون الله تعالى
الشاعر___يوسف_الفتلاوي