7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
بعیونی بعیونی من ترحل یطفه الشوف
بعیونی بعیونی اگرب من رمشی الخوف
خوفی اعلی اولیدی
یبنی او مو بیدی
عشت یبنی الفرح والنوح
تسیل ادموعک ابعینی
أو ضد ریح الیجی اشموعک
عشت ما بینک اوبینی
ازرعت هرشک سهم بلروح
او عشگ سهمک گلب طینی
اومثل دمعه الچواها الهم
یلکبر ناری تبچینی
دمعاتی دمعاتی من ابچی اتسیل اعیون
دمعاتی دمعاتی چن سوط ابگلب امتون بدموعی گیدی یبنی او مو بیدی
إذا راید تفارجنی یلکبر لا تروح ابساع
اریدن منک اشبع شوف وبعینی اطم الوداع
انه ابروحی کرهت احشای چی جبتک گبر للگاع
یلکبر من رسول الله أحبک چی حملت اطباع
من ترحل من ترحل یرحل طاها أمن الکون
من ترحل من ترحل یولیدی اتعودهم اشلون
الویلک جیدی یبنی او مو بیدی
طلع هودج باسم امک یلکبر ونته راعیه
أو علی هودجها یولیدی علم زودک کسر فیه
علی الهزل عجب تقبل یلکبر تمشی مسبیه
ولا من المعزه اضل یلکبر لمک اشویه
ذلونی ذلونی یولیدی الهودج وین
ذلونی ذلونی خلونی ابشوف العین
امن العز تجریدی یبنی او مو بیدی
بیت ابحیرتی بینی علیک ابگطعة انفاسك
يبني ابجسمك ارگبتک بت لورافگت راسک
یبنی أؤمن شفت امک سبیه اشصار بحساسک
شفت راسک یدگ للگاع ابرمحه أو چن زعل جاسک
ایبنی ایبنی الامک دنیت اوداع
ایبنی ایبنی راسک من لاح الگاع
وتگلیلی هیدی یبنی او مو بیدی
یبنی او من رجعنه اشلون رجعتنه المدینتنه
اگولن ما رجعنه احیاء اگول امن السبی متنه
وحگ راسک نظل للموت ما ننسه مصیبتنه
یلکبر والی ذبحتکم مثلکم یبنی ذبحتنه
حد موتی حدموتی انظر راسک مگطوع
حد موتی حدموتی من عینی اتسیل ادموع
عاشوری ابعیدی یبنی او مو بیدی
الی الموفق ابن الزهراء سید رضا القارونی
وأداء الرادود ابو جليل دردوشي
للشاعر الموفق فلاح طالب الماجدي بصوت حسين عدنان الكوبعي
Читать полностью…
قصيدة علي الاكبر ع
طلع يوسف كربله ـ امن الخيم للحومه
كلّه غِيره ومرجله ـ وحان بالطّف يومه
°°°°°°°°°°°°°°°°°°°°°°°°
هاشمي وعالحق ثباته وسيفه يعدل لو شطر
كربله شــاهد عَيـَــانه ترك بيها اروع صـــور
تحت امره الموت صـــار وكلمن ايشوفه انبهر
ضاگت الوسعه عليهم مايصــــح درب المفر
صوته شِبه الزلزله ـ وياحـــــلاة اعلومه
كله غيره ومرجله ـ وحان بالطف يومه
°°°°°°°°°°°°°°°°°°°°
ســـــيفه ابابيل وعليهم چنه سجيل ونزل
دخنت ســوح المنايه لعلي الاكبر من حمل
ذكّر اشــــــباه الرجال بعلي ومعركة الجمل
كل مخطط فشل عــدهم لمن اعليهم زعل
مـــات كلمن قاتَـلَه ـ وذل يزيــــد وگومه
كله غيـره ومرجله ـ وحان بالطف يومه
°°°°°°°°°°°°°°°°°°°°
غُبْره صارت بالمعاره حين هب چن عاصفه
ونجَلَت لنّه ايتبــــــــــختر والرجال امچتفه
من هتف هل من مبـــارز بكر عن عينه اختفه
خاف من شاهد جثثهم حدر جدمه امخالفه
الگابله اليوم ابتله ـ روحــه تبقه تلومه
كله غيره ومرجله ـ وحان بالطف يومه
°°°°°°°°°°°°°°°°°°°°
سطّر اعجوبه بمشيته وجْهه شمس الله وضوت
زمهرت عينه عليهم حـــــــدره گاع الله انطـوت
والجيــــوش الگابلها اندهشـــت وعــنه انزوت
روج يردم روج دمــــهم كربـله بيـــــــه ارتوت
بيرغه ابچـفه عِلَه ـ ومايهاب اخصومه
كله غيره ومرجله ـ وحان بالطف يومه
°°°°°°°°°°°°°°°°°°°°°
ابد ميهاب المنايه ويطــــــبگ العشره سوه
اضطراب وقلق مرهم ضــجه صارت نينوه
علي براسه اومن يقاتل يفني ابن غانم نوه
ونطلق مثل الشراره السلِم من سيفه انجوه
نينوى صـارت اله ـ والحـرب محسومه
كله غيره ومرجله ـ وحان بالطف يومه
°°°°°°°°°°°°°°°°°°
✍الخادم
كامل السعيدي
انه الاكبر المعروف...وحدي الگوم الاگيهه
ماخذ زودي بالميدان
من عمي گمر عدنان
بالطف ثبتت عنوان
وحدي الگوم الاگيهه
«»«»«»
انه ابن الشجاع حسين-- دوم اتفاخر ابعودي
جدي المصطفى المختار -- وارث منه مجهـودي
حـالف من اسل سيفي-- اطوي العسكر ابزودي
وراث صولت الكــــــرار
بالميـــــــدان اشب النار
وحدي ابكل عزم وصرار
موت احمر اراويهه
«»«»«»«
اشما زاد العدد ماخاف -- والله وما اهـم بيهم
صح سبعين الف لاكن -- واحد واحد اكظيهم
تتـــرادم تضل اعداي -- لمن اجبل اعليهم
ضرب السيف يحلالي
فنه اليـــوگف اگبالي
راسي ابكل حرب عالي
بسمي المعركه انهيهه
«»«»«»«»
اصبـح للفواطم سور -- مــن شر العده احرسهن
مادام انه بالميـدان -- يخسه اليوصل اخيمهن
وي عمي الگمر عباس--- بالطــف انه ادللهن
ميمرهن هضـــــم وياي
يبقن كل وكـــت بحماي
ترجف من خيالي اعداي
راس ابراس اطگ بيهه
«»«»«»«»
شعندچ ياآميه اجيوش -- عالسبعين الـف زيدي
ماهــــم ابعـــدد ماخاف -- ساعات الحرب عيدي
بيــــــرق للنصر مرفوع -- گام ايرفرف بأيدي
وادي الطـف اگلبنه
وجيـش ايزيد اذلنه
ضرب السيف ارقبنه
ضلمه الحومه اخليهه
«»«»«»«»
اسمع صاحت الفرسـان-- يمكن حيدر الطبنه
رد بچفوفه ذو الفقـار-- بيه شتت عساكرنه
وانـــــه اتفاخر ابجــدي -- وماخذ هالعزم منه
بيهم رجعت صفـــــــين
من حشمني ابوي حسين
اطلبهه العــــــساكر دين
كلهه ابصارمي اطويهه
«»«»«»«»
الخادم
كامل السعيدي
شمسويه بيك الخيل والناس
معقوله هذا انته يعباس
حاجيني عالجفين وسهم الي صاب العين
**
يا ابوفاضل بيه ضاگت واخو مثلك وين اكو
انته غير احزام ظهري ليش شمتّ العدو
عازة الخوان عازه ينولي الماعنده اخو
استوحدوني خويه عگبك وبعد لحسينك منو
بطيحت الرايه طاح الحسين
دليني خويه اليوجعك وين
وبگلبي احس نارين وسهم الي صاب العين
**
حسين صاحو مات اخيك كلت ابو فاضل عدل
غيرة الله براسك انته تنطي روحك مو سهل
ما مصدك تمشي عني وتنجتل يا ابالفضل
مال ظهري من عفتني ومال وياي الحمل
عباس اشوفنك جنت جيش
تتركني وانه بعازتك ليش
ظهري انكسر مرتين وسهم الي صاب العين
**
الرايه من مالت شفتها ملت كلي ونحنيت
صحت توه انكسر ظهري المصرعك اركض اجيت
من المخيم للشريعه خلص عمري وشيبيت
بحجري من خليت راسك ليش نزلته وبجيت
ياهو ألك بآخر انفاسك
وياهو اليخلي بحجره راسك
الحيل اجيبه منين وسهم الي صاب العين
****
ياهو انته من گلتلي خويه كل حيلي انهدم
عين شفت السهم بيها وعين جامد بيها دم
تحيرت خويه وعذرتك اهنا يشيال العلم
عينك اويه السهم تطلع منها شيطلعه السهم
بالعمد راسك حيل ممرود
ولا عين لا جفين لا جود
والرايه طاحت وين وسهم الي صاب العين
***
انته اخوي وانته جيشي وخويه من عندي خذوك
طول عمرك ماعفتني وعن اخيك فرگوك
بيك شمسوين خويه وليش هيجي گطعوك
انته ذاك الگمر جنك حيل خويه غيروك
شسوت يخويه بحالك اعداي
مو الاولي متغير اهواي
صوب دليلي البين وسهم الي صاب العين
***
والله دنيه وفرگتنه وجنه ابد ما نفترگ
انته جنت النفس خويه لوعفت ريتي اختنگ
الخيل من يبعدها عني صدري لمن ينسحگ
وخويه زينب ياهو الها الخيمه لمن تحترگ
عباس گلي بزينب شلون
يسبونها وتروح المتون
ومجتفه الايدين وسهم الي صاب العين
****
تمت
ميثم العمري
بَسْمِ اللهِ الرَّحْمَنِ الرَّحِيْمِ
بيا ساعة نشوفك مهديها
راية عبّاس ترف بيها
___
ندعي ودمع الحُب يتزاحم
تظهر وتقيم انتَ المآتَم
وتنادي [يا أهل العالَم]
وتصفّي اولها وتاليها
___
نحسب للطلعة ونتأمّل
تاخذ ثار الفوگ الهزّل
وبصوتك تقراه المقتل
وعيون الشّيعة تبچّيها
___
توصل يم حسين وگبره
وتشيل [الأصغر] مِن صدره
وتسأل ليش انصاب بنحره
ما ذنبه وْشنهي الجانيها
___
للكافل تتعنه تطوفه
وبچفّك تلطم لچفوفه
تنحب للهامة المخسوفة
ولعينه الصّرخة تعلّيها
___
صرخاتك كلّش تتعلّه
من تشاهد ذيچ التّلّة
ركظت عمتك لا مو سهلة
تندب وتحشّم واليها
___
تگصد للغرقد وبحسرة
تبني شچم گبّة وچم حضرة
وتدلينه بگبر الزّهرة
ونطوف وياك بواديها
___
اِتْطَلْع [الشّيخين] تحاسبهم
عالشّجرة بچفّك تصلبهم
إنتَ الحاكم وتعذّبهم
وجيوش البّاطل تفنيها
___
تاخذ ثارات المكسورة
والخير اِيْـعِـم المعمورة
ووجهك يضوي الكون بنوره
وعدلًا يالقائم تمليها
شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي
محـرم اصدگ خدمـه عــدنه
مــواكب اقدس حـب جمــعنه
ااااه
محرم جرحك يـهدنــه ولاكن جيته واهـسنـه
ولمـن رفــت الـ رايات تحزمت كـل مواكبـنـه
مــحرم جـامع الــوادم وحــبب خادم بـ خادم
وكــلمن زلـت جــدامه تلــگا يعـتذر نــادم
نعــطش حـزن هذا الشهر
وكــون بدمع نـجمع نهـر
نسگـي الـ بقن بلايه ابو
ودمه على مــد الـ بصـر
عشگـنه ... باقـي وبي تنافـس
عشگــنه ... دايم بلــ مجــالس
**༺༺༻༻*
محرم خدمـه مو سمعه ابجو الـ هشمو ضلعـه
ضـل موحد بـ حومه وخته الـ شاهـدت وضعه
محــرم قصه يـوحـيها يــاذي كــل جـرح بيــها
يــ بدي بـ قـصة الـماي ويضكي بحرمه سابيها
شــدو الهمم وكـت الــطم
كـون بعزاء نكــسر عـضم
الـ ما داست جدامه الجمر
ما يعرف حساس الـ هضم
عشگــنه ... ما يقـبل خسـاره
عشگنــه ... بلـ دمـعه وتجاره
**༺༺༻༻*
شـهر الطاعه والخدمه الـ ما يخدم صـبح اعمه
هــنياله الــ خدم لحسين والبـاچـي صدك زلمـه
شهـر نـستقبله بملـگه بجي وبـ گلوب محترگه
كـونه العاشـگ الولهـان متونه مـن الـطم زرگــه
فـضل الوفـاء لأم الــ بنين
درستـنه حــب ذاك الحنين
بيـنه صبـح حـرگ الـ خيم
ونلـهب جـمر مـن الـ ونين
عشگــنه ... ناتج من مـصايب
عشگــنه ... للــ صارن غرايب
**༺༺༻༻*
محرم عشنه آمــالك ولاكن نكره أفعــالـك
بيك الزاهـده حارت ليـش وياها وشمـالـك
بــ ناگه هزله مسـبيه ليش وهيه علويـه
هـاي ايامك الــ تخنگ الصادق ذاكر شـويـه
هــذا الشـهر خدمه وعـزاء
ويتعـاله صوت حـد كربـلاء
حــيا على حـب الـ حســين
وحــيا على رب الــ وفـــاء
عشگــنه ... لا يوجد مثيـله
عشگــنه ... كـفال الثگــيله
**༺༺༻༻*
خــادم ال محمـد
✍️منـتظر خالـد المنـصوري
*القصيدة من ديوان 📚 مسير الفواطم لإرض المظالم الجزء الاول*
*قصيدة للنزول (نصبو خيم بيها)*
❥━──➸➽❥❂❥━──➸➽❥❂
نزلو كربله ونصبو خيم بيها
وزينب خايفه اليوم اعله واليها
❥━──➸➽❥❂❥━──➸➽❥❂
زينب خايفه اعله حسين وعياله
وصلت كربله و العين هماله
وخاف تميل بيهه الدنيا مياله
ضلت بس تون والعين تجريها
❥━──➸➽❥❂❥━──➸➽❥❂
ضلت بس تون ودموعها بخدها
عله الوليان بس الله يساعدها
وصلت كربله ولا حيل ضل عدها
باجر ضيم وامصايب تراويها
❥━──➸➽❥❂❥━──➸➽❥❂
تراويها مصايب وادي الطفوف
وذبح خوانها گدامها تشوف
وتشاهد رؤس اهلها مگطعه بسيوف
وحيده تظل ولا واحد يحاميها
❥━──➸➽❥❂❥━──➸➽❥❂
وحيده اتصير من عگب التكفلها
انزلي الخيمتچ راعي العلم گلها
ضلت حايره وادموعها تهلها
اخيام البين گالت مااطب ليها
❥━──➸➽❥❂❥━──➸➽❥❂
اخيام البين گالت ماريدنها
تون اليوم زينب عالزلم ونها
عازنها والطمن دوم عازنها
غريبه ورايده احباب التعازيها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
*قصيدة لليوم الثالث من محرم*
*من ديوان عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
*أحا من هذا الشهر زينب تنادي*
*الحر اجانه وبالدرب لازم الوادي*
❥━──➸➽❥❂❥━──➸➽❥❂
احا من هذا الشهر زينب حزينه
وتنادي يا عباس يا حامي الضعينه
جبتوني خويه لكربله ومن المدينه
خوفي يخويه بهالشهر تنسبي اولادي
❥━──➸➽❥❂❥━──➸➽❥❂
زينب حزينه وتنتحب والدمع همال
من يوم طبت كربله هيه والعيال
خافن يضل اعله النهر نايم الكفال
يحسين حومه لا تطب وارحم بحالي
❥━──➸➽❥❂❥━──➸➽❥❂
يحسين هايه كربله طبينه بيها
وشلون باجر تنسبي اه يا وليهه
وظلت عليله بالنزل ننحب عليها
خويه علينه اتحوم هالگوم الاعادي
❥━──➸➽❥❂❥━──➸➽❥❂
هاليوم روحي موجله من وادي الطفوف
كلها يتامه تصير بأجر عيني اتشوف
روحي عليك محيره وكاتلها الخوف
اجذب الونه والحزن حرگ افادي
❥━──➸➽❥❂❥━──➸➽❥❂
يا اهل المروه هنا ابد لتنزلوني
يا خويه ابو السجاد يفدنك عيوني
ابگه وحيده بكربله لا تخلوني
واطفالي خويه من الرعب تلزم الوادي
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
قصيده للحسين واخيه ع (( عكيلي))
فعلن فعلن فعلن فعلن ~~~~
نلطم علعين وعلراس
ماننسه حسين وعباس
🏴🏴🏴🏴🏴🏴
اعليهم دمعتنه سجابه
ماننسه حسين ولصحابه
وعباس ويايوم امصابه
ثبت ويه احسين الساس
✍ام مرتضى الخزرجي
🏴🏴🏴🏴🏴🏴
ثبت ويه احسين الدين
وضحه ابچفينه وبالعين
طاهر من نسل الطيبن
بي كل غيره وكل احساس
ام ✍🏻زين العابدين لمحمداويه
🏴🏴🏴🏴🏴🏴🏴🏴
ماننسه الطف ذاك ويومه
وحسين التتجاره ادمومه
وزينب عالهزل. مهمومه
وتتفرج ياوسفه الناس
✍🏻ام زهراء الزيداويه البصراويه
🏴🏴🏴🏴🏴🏴🏴🏴🏴
مصاب حسين يبجينه.
وعباس الي ضحه بعينه.
ونطه الهامه وي جفينه.
يبقه النه شعار ونبراس.
ام ✍🏻فاطمة الزهراء
🏴🏴🏴🏴🏴🏴🏴🏴🏴
نبراس حسين ايضل اسمه
لجل الدين ضحه بدمه
من عنده اتعلمه الهمه
حبنه لي اكبر مقياس
✍️ام احمد المنصوريه
🏴🏴🏴🏴🏴🏴🏴🏴
ماننسه مصابك للمحشر
ولا جسمك عالغبره مطشر
ماناسينك ياابو الا كبر
وياك الگطع الانفاس
ام ✍️ ام مهدي الفرطوسيه
🏴🏴🏴🏴🏴🏴🏴🏴
ياهيبه وتعجب صولاتك
كفال احسين وخياتك
أرعبت ايزيد ابهداتك
وبالحومه دكت لجراس
ام ✍🏻رحمه الگاظميه
🏴🏴🏴🏴🏴🏴🏴🏴🏴
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
نعي للشباب القاسم ع
🏴🏴🏴🏴🏴
محلى الولد لو طل علية
يمشي ويحب بأدية
مات الولد وشلون بية
✍🏻 هدى المرزوق
💔💔💔💔💔💔💔💔💔
مات الولد ياريت وياه
عزيز گلبي شلون انساه
حلو المعاني وين الكاه
✍🏻الشاعره كريمه البو حلوه
💔💔💔💔💔💔💔💔💔
تمنيت موتي وي الولد
ويحطونه بنفس اللحد
وسفه اوليدي شال وابعد
ام ✍🏻 مهدي الفرطوسيه
💔💔💔💔💔💔💔💔💔
وين الكه حلو المعاني
وفراكه والله عماني
الموت ماله ماخذاني
✍🏻 ام مرتضى الحواسي
💔💔💔💔💔💔💔💔💔
تمنيت موتتنه سويه
وضاع التعب واشلون بيه
كون الولد لامه تجيه
تعال يفدنك اعيوني
✍🏻 ام حيدر العباديه عماره
💔💔💔💔💔💔💔💔💔
محله الولد محله كعدته.
وسفه على التربان عفته.
دكيت صدري بيوم شفته
✍🏻 ام فاطمة الزهراء
💔💔💔💔💔💔💔💔💔
دكيت صدري وصحت يمه.
عيوني على المدلول تعمه.
وكلبي عليه صار يتغمه.
✍🏻ام فاطمة الزهراء
💔💔💔💔💔💔💔💔💔
ابو طول لحلو ضيعيته
حنين لولد ما حويته
ضلت حنته ولكبر زفيته
✍🏻 العلويه ام رقيه لبطاط
💔💔💔💔💔💔💔💔💔💔
ضلت حنتك يالولد يبني
ماحسبت تمشي وتهدني
ردتك للكبر يمه تزتني
✍🏻 هدى المرزوق
💔💔💔💔💔💔💔💔💔
تمت بعون الله بأقلام شاعرات سيد الشهداء عليه السلام غير مبري الذمه اليحذف الاسماء أو يتلاعب بيها
🔶 #محرم_1446هـ
🔸 #نعي_مجاريد
عيــون ام الحسن باجر يشيعـة
علــى الماتــم تــــدوّر بالفجيعــــة
تصيح اوليــدي اوداجــه كطيعه
ــــــــــــــــــ ❈ ❈ ❈ ــــــــــــــــــ
تكول ابني انذبح واقليبي انعــاب
اريـد انحب عليه ابّيــن الاحبــاب
بكل مجلس أنه لكعد على الباب
بكل مجلس ذكُر لحسين منصوب
أدوّر هالمجالس وين يا صــوب
أجي والطم على جسمه المسلوب
ــــــــــــــــــ ❈ ❈ ❈ ــــــــــــــــــ
ألطــم عالصـدر وانســه اللي بيّــه
واتذكـــر دمــــع بنتــي السبيّـــة
تعذّبنــي جـــروح الغاضـريـــــة
ــــــــــــــــــ ❈ ❈ ❈ ــــــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
#محرم_1446هـ
🎙 للقارئ حرية اختيار الطور
○ #إقتراحات👇
● نعي طور ياليلة الحادي عشر
● لطمية لحن سريع مثل هذا لطمنا للأبد على حسين ومصابه
هـذا عهدنــا اويـه النبي
كـل ناصبـــي منهـابــه
هــــذا لطمنــــا للأبــــد
لجل السبــط و مصابـــه
┈┉┅━●●ـ❀ـ❀ـ❀ـ●●━┅┉┈
هــذا عهـد وي فاطمــة
احسيـــن لا منعــوفــــه
نبجي عليــه بكل زمن
ويزيــد تخســه سيوفــه
ننحب عليه و عالحســن
عبـــاس نبجـي كفوفــه
ياحيــدر إنّــادي بشجــن
لحسيــن نفــدي ترابــه
┈┉┅━●●ـ❀ـ❀ـ❀ـ●●━┅┉┈
يافاطمــــــة لا تحزنــــي
كلنـــــه الــــچ وفّايــــــه
بس إحضرينــــه بالعــزه
جبنـــا العلــم و الرايـــه
كل قلب شيعي بيت الچ
كـــل بيت بــــي قرايــة
كل مؤمــن يعيش بحزن
يصبـــغ ســــواد ثيابــــه
┈┉┅━●●ـ❀ـ❀ـ❀ـ●●━┅┉┈
يالَلرسـول اعلـه العهــد
ما ننسى شهــر امحـرم
ونصيـح ياحيـدر مــدد
ونقيـــم بسمــــه المأتــم
كلمــا تمــر بينه الشــــدد
عدنه السنـد ما نهتــــم
بقلوبنـــا إبــــن النبـــي
حتــى الشفــا بترابـــه
┈┉┅━●●ـ❀ـ❀ـ❀ـ●●━┅┉┈
مكتوب إسمـه عالعــرش
هُــوَّ نجــــــاة الأمــــــــة
و القــاتَله خــان النبــــي
وخالف حديث العصمة
هــذا حفيــد المصطفــى
كــان الرســول ايشمّــه
و ابفمّـــه كــان ايقبّــله
بـاب الله صايــــر بابــــه
┈┉┅━●●ـ❀ـ❀ـ❀ـ●●━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
قصيده الى مولاتي العليله عليها السلام
🪶😔🪶😔🪶😔🪶😔🪶😔
عليلـه الوحدي عافانـــي الوالي
من اهلي صبح ليش النزل خالي
🪶😔🪶😔🪶😔🪶😔🪶😔
عليله انه يبويه ليش عفتوني
ماكلتوا خطيه من تركتــــــوني
بويه الحك لكم بس تهمل اعيوني
اشلون اصبر يبويه حسين يالغالي
✍️خادمة الزهراء ام رقيه الحسناوي
♾️♾️♾️♾️♾️
شلون اصبر وشوفنه النزل گلي
ومضلم عگب اهنه يالولي ومخلي
اضل ابدارهم عگب المشو شلي
فراكك ياعزيز الروح شل حالي
✍️ام منتظر لأسدي
♾️♾️♾️♾️♾️♾️
انظر للضعن من شال عني ابعيد
لاعمتي واخوتي اشلون گلبي يهيد
مريضه أني يبويه والمريض أيريد
يضل وياي أخي ونضر احوالي
✍️أم كرار مناذره
♾️♾️♾️♾️♾️
طوي الليل بويه والله مانامه
رتك يلولي ترجعلي بسلامه
بويه الموت بانت اله علامه
ضاعت من بعدكم كلها امالي
✍🏻الشاعره عاشقة كربلاء الطفوف ام محمد ال درويش
♾️♾️♾️♾️♾️♾️♾️
بويه عليك وناتي رد زيدنها
ماگلتو عليله من يظل يمها
روحي عليك بويه بيش اصبرنها
وانه اخلاف ابوي النوح يصفالي
✍️العلويه ام علي
♾️♾️♾️♾️♾️
عليله الوحدي والنوح سهمي
لاعمتي بقت لاابوي لاعمي
وحشه الدار بويه وزاد همي
من اهلي صبح ياناس هل خالي
✍️ام حسين الحلفي
....
✍️✍️✍️تمت بحمد الله تعالى
في رابطة خدام الحسن عليه السلام
نسالكم الدعاء 🙏🙏
[٤]▪️قصيدة لطم
في دخول شهر الأحزان
هبني كمالَ الإفتجاعِ عليكَ
يا حسين …يا حسين
١/خوَيْدِمٌ يا سيِّدي لستُ خادمْ
رجواي أنْ أُرْضِيْ البتولةَ فاطِمْ
عسى أنالُ حُظْوَةً في المآتِمْ
بضميري…أنتَ عالِمْ !
ظامٍ أنا في أضلعي ضرامُ
آهٍ وللدنيا بها سهامُ
ما ليْ سواكَ…راجٍ عطاكَ
من قِربةِ العباسِ لي مَرَامُ
سيدي فامسحْ على شَعْري وشِعري والشعورْ
محضَ تقصيرٍ تراني وكذا محضَ قصورْ
عاشَ غيري في هناءٍ وبطيبٍ وسرورْ
(وأنا المُحْرِمُ عنْ لذَّاتِهِ كلَّ الدُّهورْ)
خوَيْدِمٌ يا بنَ البتولِ لديْكَ
هبني كمالَ الإفتجاعِ عليكَ
يا حسين …يا حسين
٢/أستغفرُ اللهَ على سيِّئاتي
أخشى بها الحرمانَ منْ زفراتي
منْ خدمتي إياكَ حتَّى مماتي
بكَ أحيا…يا نجاتي
مولايَ هدَّتْ كاهلي الذنوبُ
واليومَ في "مُحرَّمٍ" أتوبُ
أنتَ مآلي…رفقاً بحالي
يا مَنْ بهُ تُستَتَرُ العيوبُ
تائهاً جئتُكَ أعمى ، مطْرِقَ الرَّأْسِ كَسِيحْ
فسوى أنتَ سقيمٌ ، إنَّما أنتَ الصحيحْ
هاكَ وِجْداني ذبيحاً فيكَ يدعو يا ذبيحْ
(ضمَّني عندَكَ يا مولايَ في هذا الضريحْ)
دعْني مدى الأيَّامِ في مُقْلتيكَ
هبني كمالَ الإفتجاعِ عليكَ
يا حسين …يا حسين
٣/لا سابقٌ في الحبِ أو لكَ لاحقْ
عَجِبتُ، فيكَ ما قضى كلُّ عاشِقْ !
يا فاتقاً جُرْحَ الوجودِ وراتقْ
ماءُ جَفني…لكَ دافِقْ
يا أيها العزيزُ كيفَ تبقى
عريانَ في حرِّ العراءِ مُلقى ؟!
شِلْواً تبيتُ..ولا أموتُ !
حقاً ، أهذا العشقُ كانَ عِشقا ؟!
سيدي جئتُ كليماً لكَ بينَ الحرمينْ
نادباً رأساً قطيعاً عالياً فوقَ الرُّدينْ
ثَمَنُ الدَّمعَةِ روحي ، لمْ أسَلْ : كيفَ؟ وأينْ؟
(وقليلٌ تُتْلَفُ الأرواحُ في رُزءِ الحُسينْ)
أنفاسُ عُمْرِيْ منكَ كانتْ إليكَ
هبني كمالَ الإفتجاعِ عليكَ
يا حسين …يا حسين
٤/أُنْظُرْ لِقلْبي يا إمامَ الحيارى
رأى قماطَ طِفلِكَ "المُستجارا"
أَشْعِلْ بهِ منْ كربلاكَ جِمارا
عَلَّ يغدو…في الغيارى !
أنظُرهُ كيْ يُخفِّفَ الأذيَّهْ
لوْ شوْكَةً مِنْ قدَمَيْ "رُقيَّهْ"
وافرشْ ضلوعي…وانثر دموعي
حتَّى تدوسَ فوقَها "صفيَّهْ"
ثوبِيَ الأسودُ عزٌّ ، غيرهُ ثوبٌ رثيثْ
جازعاً أبكي لأيتامٍ غدتْ دونَ مُغيثْ
ولآياتِ عفافٍ سُبيتَ نحْوَ الخبيثْ
(قدْ برى أجسامهُنَّ الضربُ والسيرُ الحثيثْ)
مِنْ أجْلِها خُذني صنيعَ يديكَ
هبني كمالَ الإفتجاعِ عليكَ
يا حسين …يا حسين
تمت بعناية الحجة عجل الله تعالى فرجه
الشاعر علي عسيلي العاملي
#لطم_١٤٤٦
#محرم_١٤٤٦
#اللهم_عجل_لوليك_الفرج
الرادود الحسینی ابوجلیل دردوشی:
ادخل ادخيل طول ياليل
طول ياليل اليله
خل تشبع شوف العيله
ادخيل ادخيل طول ياليل
طول ياليل الأحزان
وبسترك خليني ارتاح
مادام احذالي الوليان
ماريدن يطلع مصباح
ارحم ياليل ابحالي
خل اگعد یم الوالی
من هم البیه احچیله
طول یا لیل الیله
ودخیل ودخیل
یالیل أو وکتک حساس
لو طر اصباحک ماشین
خل نتروه امن العباس
شوف اونتروه من احسین
ابطرة فجرك افگدهم
خاف الله أولا تبعدهم
المن تالیها اشکیله
طول یا لیل الیله
وادخیل ادخیل
المن یالیل اشکی الحال
حرمه أو غریبه أویه الناس
حملی اشیعدله لو مال
ومنین اجیب العباس
انخامن أو یتنخه
ایشد الحمل لورخه
ایتچیله لو بیه میله
طول یالیل الیله
ودخیل ادخیل
المن یلیل أو رمله
ویاها تگصی الایام
اومنواها مابین اهله
جسام ینزف جسام
العرسه عمامه اتحفه
مو للرماح اتزفه
أو سمر الجنه ایغنیله
طول یا لیل الیله
ودخیل ادخیل
بالله یا لیل او گلی
اعلی الهادی کون اتصلی
الاکبر البیه متحلی
باچرک بیه شیخلی
یتگطع اربا اربا
أو یتعفر أبها التربه
ارحم ابحالة ليله
طول ياليل اليله
ودخیل ادخیل
من کلمات وألحان وأداء الرادود ابوجليل دردوشي
مولاي الغريب مولاي الغريب
٠٠٠٠ ٠٠ ٠٠٠٠
جيتك سيدي ندمان اجيتك
خايف وامنت لمن الكيتك
يشراي الحجي وماي العيون
اقبلني عبد عندك نخيتك
لو مامجلسك يحسين مدري بيا درب ضايع
يمشبعني خيرك خير ونته ماي ماشابع
مامثلك شفت مذبوح بخدمته كل بشر طامع
يل بصدرك تروك الخيل ورمح من الضهر طالع
عيشني بحلم بيه الجمت اجروحك
وصيرن بالعشك يحسين مذبوحك
وكون الخيل تركض فوك صدري الخيل
واشوف اشلون طلعت سيدي روحك
مولاي الغريب مولاي الغريب
٠٠٠٠ ٠٠ ٠٠٠٠
غوتني الدنيه عنك تيهتني
العالم ثاني ماعرفه خذتني
وكضيت اسنين عمري بلايه عنوان
وصرت انسان من جفك الزمني
جنت ضايع بلا عنوان الخادم صار عنواني
عشگتك من ذبح يحسين وكلشي عليك حسداني
من اطبن للحسينيات امك كاعده تاني
هله باليبجي عله ابني تصيح وهاجت احزاني
امك فاطمه ومن تنشد عليه
وينه اليبجي للعطشان يوميه
مدري شكبر حضي يصير
يامولاي
اتمنه بمجلسك موجود اليليه
مولاي الغريب مولاي الغريب
٠٠٠٠ ٠٠ ٠٠٠
كضيت ايام عمري عنك بعيد
تقبل توبتي يبن الاجاويد
خليني عبد عندك يلحسين
ونفذ كلشي مني سيدي تريد
ماي لوجه جبته وجيت وادري ماتفشلني
سنين العمر راحت وين هاي دموعي تسلني
ندمان شكثر ندمان هاي الدنيه غرتني
رغم ماشايل من اجروح بس حبك يدللني
أمير وتستمع يحسين كلماتي
بس انته الوحيد اليشري دمعاتي
هاي الناس موش حنان مومثلك
يل تنطي اجر أضعاف خطواتي
مولاي الغريب
مولاي الغريب
٠٠٠٠ ٠٠ ٠٠٠٠
انه الغلطان من ياهي اعتذر الك
اجيت اتؤسلك عن ذنبي اكلك
خل عيني تهل دوم عله طاريك
يل من طيني كلشي حته طفلك
يل مضحي عله مودي عزاز وانه لمامضحيلك
امن عليك يامولاي كون بمجلس ابجياك
عمر كله گضه تقصير دخيلك سيدي دخيلك
اماره النفس بالسوه ومن يامعضله اشكيلك
اخذها الكربله وعيشها بلعاشر
عسه غفله ويجيها تايه الحفر
وتشوف جروح كلبك يلحنين شلون
وعينك صوب زينب سيدي تناظر
مولاي الغريب مولاي الغريب
خام اهل البيت ع
فلاح طالب الماجدي
#
يامن راد يوسف مـــن مغيبه
سالم للخيــــام اوليدي جيبه
ربــي ألطف عليه
رجع اوليدي اليه
*
يربي ابجــاه كلمن عنــــده يمك
جاه. اليــــوم اريد اوليدي منك
مترجع الداعــي انعـــــرف عنك
ضميته حــــــــرز بالـروح اسمك
اترجــــــــاك يــا خــالق السبعه
من ارض المعاره اوليدي رجعه
يـا رب البريــــــه
رجع اوليدي اليه
**
تغير وجــه ابوه حســــــين شفته
شنهو الصـار وي ابنــــــــي سئلته
گلي ادعي العلي ايصيب ابضربته
بـــرز بكـــر ابن غانــــم ليه لمحته
هد حيلي ولچــــم گلبي ابكلامه
ادعــــي ايعـــود الاكبر بالسلامه
وضمه ابـين اديه
رجع اوليدي اليه
*
ابني وعندي غالي وهوه ضخري
ربيتــــــــه ونطيته اسنين عمري
ردته ايضل سنــــــد ليـــام كبري
وردته ايهيل بيــــده اتراب گبري
جيـــــت اتوسـلك يـارب الاكوان
رجع يوسفي وخل انسه الاحزان
بعـده اشلون بيه
رجع اوليدي اليه
**
حيل اتعذبت مــــن ضيــــم دنياي
ردت اوليدي عنــــي ايشيل بلواي
حيـــل ارتـــاح كـون الاكبـر اوياي
وبوادي الطفــوف ايصيرلي افياي
يلچمني الگلـــب لو لحـــضه عفته
وسفه ايضــــيع كل تعــبي التعبته
برض الغاظـــريه
رجع اوليدي اليه
****
ابني افتخــــر وتبــــاهه ابشبابه
بلله اشلون اتحمــــــــــل غيـابه
ربي ادخيل مــن جمرة مصـــابه
ماضلـي صبر وجرع عــــــــذابه
فكري احتـــــار وتعــــذب دليلي
مـابيــــــه احتمل فرگـت خليلي
ردت انضل سويه
رجـــــع ابني اليه
*
الخادم
كامل السعيدي
نادة رقيه--ابهاي المسيه-- يالاكبر اترجاك
ترجع يغالي--تدري أليالي--مايسون ابلياك
ياخويه رايح وين
رد لمك ولحسين
*
على دربك زرعت اعيوني وتريه
ترد وتنفســك يالبيـــــك حنـــيه
ليلى اتنــــوح منك تنتظر جـــيه
وبـــوك اتغيـرن لجلك معـــــانيه
لاتبطي عنه- يخلص صبرنه- سيف الهجر چتال
ارجع علينه- سكت بجينه- لتخيب الآمال
كل احنه منتظرين
رد لمك ولحسين
***
شفتك من مشيت وسيفك ابيمناك
وسمع صوت ابوك ايگلك الله اوياك
سلملي اعله جدك بالجنان اهناك
بس هالساعه ضلت خلصت دنياك
ياضل خواتك-- خلصت حياتك- ياوسفه يومك حان
موهينه اعوفك-- وبعيني اشوفك-- متوسد التربان
فرگنه خويه البين
رد لمك ولحسين
*
وحق عمي الكفيل ورايته وجوده
معزه اشگد الك بالروح موجوده
احس روحي اويه روحك حيل معگوده
عشت وياك خويه ايام معدوده
ياماي العيون-- تتركني اشلون-- ماأگدر آنه انساك
يصعب عليه-- اصواب المنيه-- يالغالي مر فرگاك
دمعاتي عالخدين
رد لمك ولحسين
****
احس وياك خلصت بالطف اسنيني
بعد كلشي انتهى مابينك اوبيني
أمل ماضل بعد ترجع تحاميني
رحت عني وغيابك حيل ياذيني
گرب رحيلي-- اتعذب دليلي-- صدگني ماضل حيل
حسراتي كثرن-- وجروحي كبرن-- ياخويه شفت الويل
والحيل أجيبه امنين
رد لمك ولحسين
*
يالأكبر ينور اعيوني يارجواي
ماتسوه بدونك ياشهم دنياي
رتك يمي تبقه وكل وكت وياي
توگف سور أليه لولفوني اعداي
عذبني بعدك-- كل روحي عندك-- يالأكبر احتاريت
شفت العجايب-- ابوادي المصايب-- بعدك متت ياريت
خلصن دموع العين
رد لمك ولحسين
***
الخادم
كامل السعيدي
فاطمة العليله
كل البــنات اويه الابو گعدن يلعبن
بس انه دمعـاتي على خدي يصبن
يگولن. هاي الماخـذوها
يگولن. ماموجود ابوها
كل البنات
°°°°°°°°°°°°°°°°°°°°°°°°°
خيــــعون الابوهـا اويـاها ليليه
ويضمها اعله صدره الكله حنيه
الابو مثل الدعاء لوجبنه طاريه
خيمه وتســــتراح التگعد ابفيه
يوجعني گلبي اشما شفت اب وي بناته
چا ماخـــــذاني والدي اويه امــــدللاته
انوحن ـ روحـي عـذبوها
انوحن ـ والونه اسمعوها
كل البنات
°°°°°°°°°°°°°°°°°°°°°
اذا عـن الدلال ايســــولفن يمي
اذكـــر لمت اهلي اوالدي وعمي
يخلص ليلي بالون وغرگ بهمي
ليليه عليهم يحــــــــــترگ دمي
ياطفله مثلي اتعــــــذبت بفراگ اهلها
ومن شوفت عزاز الگلب گطعت املها
تناطر .. لكن ما اجــوها
تناطر .. بالدار اتركــوها
كل البنات
°°°°°°°°°°°°°°°°°°°°°
يجن يمي ويســـــألن عن اخياتي
وتكــبر حســـــرتي وتزيد لوعاتي
گلبـــي ايذوب امن اذكر عزيزاتي
ماضن طفله عاشت نص معاناتي
كل غايب الاهله رجـع بس انه أتاني
لارد ضعـــنهم لاخـــــبر منهم اجاني
يوحــشة .. داري المــا لفوها
بالاحزان .. مــن راحو ملوها
كل البنات
°°°°°°°°°°°°°°°°°°°°°°°
ما اطلــــــع والعب وي البحـــــلي
ماضل عندي واهس فارگت خلي
ارد مــــــن يستقر بينه الامر گلي
ولحد هسه ولا مرســـــال واصلي
ماادري شنهو العطله مرسال الاحباب
ضلـيت اركض عالهـوه لو حـرك الباب
يروحي .. حنت عل جفوها
يروحي .. كلش مرمــــروها
كل البنات
°°°°°°°°°°°°°°°°°°°°°
جفو نور البصـــر والدنيه خذلتني
على جمرة هجرهم امشي خلتني
تضعضع حيلي والحسبات سلتني
ومن كثــــر البواچي الناس ملتني
اتحير دليلي ونهظم عگب العزيزين
لايمي زينب لاعلي لا والدي حسين
بالوداع .. روحي حيروها
بالوداع .. عله چملـــــوها
كل البنات
°°°°°°°°°°°°°°°°°°
✍الخادم
كامل السعيدي
هل من توبه . ماگلك مثل الحر جيتي
هل من توبه . هاي الكلمه اكبر من نيتي
هل من توبه . يحسين انته اكفل تربيتي
انه المالي غيرك وانته تدريني
يتيم وماردت غيرك يربيني
اريد ابمجلسك تتبنه دمعاتي
احجب كلشي اذا رادت تزل عيني
مالي غيرك ياحسين
ضايع ابهاي السنين
وانته ابو گلب الحنين
حبيبي ياحسين حبيبي ياحسين
،،،،،،،،،،،،،،،،،،،،،،،،،،،،،،،،،،
منْ لِي غيرُك . انته الساتر كل اذنوبي
منْ لِي غيرُك . بخيامك غطيت اعيوبي
منْ لِي غيرُك . ما اسوه خلافك محبوبي
خنگه الدنيه لاجن خدمتك حلوه
ضامي اعله الدمع وبحزنك اتروه
ارزقني الحزن والحرگه المصابك
الدنيه ابلا مجالس كلشي ماتسوه
خلني اعيش ويالمصاب
وعالدموع افتحلي اباب
اعيوني المصابك ثواب
حبيبي ياحسين حبيبي ياحسين
،،،،،،،،،،،،،،،،،،،،،،،،،،،،،،،،،،
جيتك نادم . خجلان وماشيلن عيني
جيتك نادم . شفتك مذبوح وتنطيني
جيتك نادم . شفتك عطشان وترويني
ضعت ابدربي بس شفتك درب توبه
اخيامك ملجأ الماتنعد اذنوبه
عفو عام انته للرايد عفو الروحه
حسين اول ستر بس منسلب ثوبه
ساتر اشگد يالحبيب
وللأسف اسمك سليب
ياجرح ماضن يطيب
حبيبي ياحسين حبيبي ياحسين
،،،،،،،،،،،،،،،،،،،،،،،،،،،،،،،،،،
لا تعتقني . غيرك ياهو اليقبل بيه
لا تعتقني . اخيامك احلا امن الحريه
لا تعتقني . ابلا عطرك مخنوگه الريه
شسوه ابلا خدمتك ياهوه انفاسي
ابلا مجلس لطم يتشتت احساسي
اقبل اعتذاري وانته ابو الرحمه
عفوگ عني اكثر من شعر راسي
اشگد احبك ياجريح
افتخر وبروحي اصيح
الزم ثوبك مايطيح
حبيبي ياحسين حبيبي ياحسين
...
العبد ابوفايز الرافضي
الفاتحه على روح والدي
*قصيدة للنزول الى كربلاء(ردو اضعوني)*
من ديوان📚 مسير الفواطم لأرض المظالم جزء ٥
❥━──➸➽❥❂❥━──➸➽❥❂
لا تنزلوني لا تنزلوني
بكربله يحسين لاتنزلوني
ردو اضعوني ردو اضعوني
خايفه منها ردو اضعوني
❥━──➸➽❥❂❥━──➸➽❥❂
لا تنزلوني بهالارض يحسين
روحي مالومه وبس اهل العين
خاف افگدكم يخوتي الطيبين
لا تخلوني لا تخلوني
وحدي يالوليان لا تخلوني
❥━──➸➽❥❂❥━──➸➽❥❂
لا تخلوني وحدي يالوليان
للوطن ردني خويه يا ريسان
من وصلت الها والگلب وجعان
تهمل عيوني تهمل عيوني
ما نشف دمعي تهمل عيوني
❥━──➸➽❥❂❥━──➸➽❥❂
مانشف دمعي يصب عالوجنات
مختنگ صدري وبس اجر حسرات
خايفه بيكم تغدر الشمات
من تعوفوني من تعوفني
خويه اشوف الضيم من تعوفوني
❥━──➸➽❥❂❥━──➸➽❥❂
راح اشوف الظيم وامشي مسبيه
ما يخلوني يمك شويه
والزلم والخيل تفتر عليه
ما يرحموني ما يرحموني
يضربوني بسوط ما يرحموني
❥━──➸➽❥❂❥━──➸➽❥❂
يضربوني بسوط يخوتي الارجاس
واضل محتاره والطم اعله الراس
ساعه انادي حسين ساعه يا عباس
ماتسمعوني ماتسمعوني
وانتم منومين ماتسمعوني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
#من_ديوان_قربان_الطف_ج١
فزاعيه لمسير الضعن إلى كربلاء
❥━──➸➽❥❂❥━──➸➽❥❂
تمشي بزود أخوها عمة الساده
اجت وي الغريب حسين وولاده
❥━──➸➽❥❂❥━──➸➽❥❂
بزود الي كفلها رافعه الهامه
من سار الضعن خلاها جدامه
شال العلم بيده وشاد حزامه
مثل هاليوم هذا حيدره راده
❥━──➸➽❥❂❥━──➸➽❥❂
راده الوالي ابو يتكفل الحره
خذاها للطفوف وشد على المهره
وهيه خايفه والروح منكسره
من غدر الاعادي تروح الحياده
❥━──➸➽❥❂❥━──➸➽❥❂
تعنت للطفوف وخايفه اعليهم
كفار الاعادي واتغدر بيهم
الأمر لو بيدها جا ما مشت بيهم
مصيبتهم تهد الحيل مراده
❥━──➸➽❥❂❥━──➸➽❥❂
تظل خوانها فوك الترب نومه
وهي محيره والروح مالومه
عليهم بس تنوح وحيل مهظومه
حسين بخيلهم ينسحك يفاده
❥━──➸➽❥❂❥━──➸➽❥❂
يسحكون العده باجر عله امتونه
والصيوان لو طبو يحركونه
اريد الطم لهل زينب وممنونه
الينخه اخوان زينب ياخذ امراده
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
*القصيدة من ديوان 📚 عبرات وأنين الجزء الثاني*
*قصيدة للنزول الى كربلاء*
❥━──➸➽❥❂❥━──➸➽❥❂
هاذي كربله يحسين بالعيله وصلناها
وحشه وتخمش الدلال يالوليان شفناها
❥━──➸➽❥❂❥━──➸➽❥❂
وحشه وتخمش الدلال طبتها يوالينه
وصلنه لكربله هاليوم وعفنه ديار اهالينه
ومن بعدك يخويه حسين چا ياهو اليحامينه
وظلت هالعليله تنوح ويانه ما خذيناها
❥━──➸➽❥❂❥━──➸➽❥❂
هاذي كربله يحسين ظلمه وموحشه هاليوم
من يوم ادخلت بيها من عندي الگلب مالوم
حزنانه وأهل العين وخوفي اعله اخوتي هاليوم
أرض الكدر والاحزان حملنه واجيناها
❥━──➸➽❥❂❥━──➸➽❥❂
عفنه ديار اهالينه وظلت موحشه الديران
بعجل يحسين ردونه لديار النبي العدنان
هاذي كربله بيها حرگ الخيم والصيوان
اجينه اليوم لأرض الشوم والديران عفناها
❥━──➸➽❥❂❥━──➸➽❥❂
الساده نزلو الضعون بوادي كربله يمشون
وبدار الحزن هاليوم للمعركه يتانون
حملو عيالكم وامشو منكم هالعده يخافون
بعجل ردني يخال ابني صعبه اليوم ممشاها
❥━──➸➽❥❂❥━──➸➽❥❂
بعجل ردونه يالخوان يم ديار اهالينه
من طبينه لأرض ألطف ما واحد نشد بينه
اخافن هاي الكفار ابد ما تنغر علينه
وگلبي موجر وحزنان من يوم الوصلناها
❥━──➸➽❥❂❥━──➸➽❥❂
*بقلم✍🏻خادمة اهل البيت*
*الشاعرة العلويه مريم النور*
*نسألكم الدعاء الفاتحه الى روح اختي ولامواتكم:🍃*
قصيده لسان حال السيده زينب عليها السلام يوم العاشر ومصاب اخوتها ع السلام ~💔وين الكابلت زينب بالونين
ابعاشر راح منها قرت العين
سده الماجان علبال
حسين امكطع اوصال
وعباس الكفل ما عده چفين
♕♕♕♕♕♕♕♕♕♕♕♕♕
ضلت حايره ودك على الراس
وگوه بت علي اجر بالنفاس
اصيح الله واكبر كوم عباس
احسين ابخيل داسو
ومن القفه ذبحو
وانه علنوك امشي امربطه ايدين
ام ✍🏻زين العابدين لمحمداويه
♕♕♕♕♕♕♕♕♕♕♕♕♕
مايمها علي وبعيده الدروب.
ظلت بس حريم وياها وتلوب.
محتاره وتنطي الوجه ياصوب.
ساعه اصيح يابوي.
وساعه تنادي ياخوي .
عنها فركاهم وسفه البين.
ام✍🏻 فاطمة الزهراء
♕♕♕♕♕♕♕♕♕♕♕♕♕♕
ضلت تنتحب ضايع دربها
چانون الحزن صوب گلبها
موچب بالجمر تلزم صبرها
بعدوين الأخو راح
روس الاهل برماح
صرنه بس حرم كلنه نساوين
✍️هدى المطر ام محمد
♕♕♕♕♕♕♕♕♕♕♕♕♕♕
ياصوب الوجه تنطي العقيله
تبجي ابكربله وماكو وسيله
صعب امصابهه مكفله ابعيله
ضامي حسين مذبوح
ودمه بترب مسفوح
حسافه ويه العده بت تمشين
✍ام مرتضى الخزرجي
♕♕♕♕♕♕♕♕♕♕♕♕♕
ظلت حايره وماعدها والي
گظو اهل الكرامه هيج تالي
واملاك السمه تحن عله حالي
بچت حته السماوات
بيوم حسين من مات
ماعدنه محامي ولاكو امعين
ام ✍️حسين الحسني
♕♕♕♕♕♕♕♕♕♕♕♕♕♕
نومه اعله الترب ضلو أخوتي
صحت مليت ماسمعو الصوتي
وياهم اتمنه ايصير موتى
عگبهم ابقى وحدي
اودمعاتي اعله خدي
نار افراگهم بيه چوانين
✍️ ام احمد المنصوريه
♕♕♕♕♕♕♕♕♕♕♕♕♕♕♕
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيهه
🔶 #محرم_1446هـ
🔸 #لسان_حال_ام_البنين_ع
🔸 #نعي
لفــى الليــل يمــه وانتـو غيّـاب
تفت روح القلب فركــة الاحبــاب
أبد ما هوّدِّت عينـي على البــاب
┈┉┅━❀◕ـ◕❀◕ـ◕❀━┅┉┈
آنــه امكم يبعـد امكم يشبّــان
صرت مثل السجينة ابّين قضبان
صُبَح بيتي بعدكم بيت الاحـزان
┈┉┅━❀◕ـ◕❀◕ـ◕❀━┅┉┈
لـــوَن هــذا السفــر لَيّــه يردكــم
مــا ظــل القلب ينـدب بُعــدكـم
لكنّــي احس دهـــري حصدكــم
┈┉┅━❀◕ـ◕❀◕ـ◕❀━┅┉┈
حصدكم هذا دهــري وخـان بيــه
فزعتــوا فــزعــة وحــدة للمنيــة
وابدمكــم سقيتــــوا الغاضريــــة
┈┉┅━❀◕ـ◕❀◕ـ◕❀━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
#محرم_1446هـ
💠 لسان حال إمامنا المنتظر عليه السلام..
في أول محرم
يـــ أمُ الحســن يمـه
ادري بــكِ اتحُضريــن
لمّــن يجـي عاشــور
وتصيحـي آ يحسيــن
ــــــــــــــــ ❖ ❖ ❖ ـــــــــــــــــ
يمــه تعالـي اويـــاي
خل نندب المظلــوم
بس لا تلطمي العيـــن
خافـــن تهــل ادمــوم
لطـم الصــدر عوفيــه
كسـرچ بعــد ما طـاب
گعــــدي بقــرب زينب
و ادعــي للمعزّيــــن
ــــــــــــــــ ❖ ❖ ❖ ـــــــــــــــــ
شدي العــــزه ويــــاي
واتحضّري اعله النوح
مــا تخمــــد العبــرات
عاللـي رِحَل مذبــوح
جسمه على الرمـلات
ودم ركبتــه مسفــوح
ويلي على العطشان
نــور القلب و العيـن
ــــــــــــــــ ❖ ❖ ❖ ـــــــــــــــــ
يــا يمـــــه نتحــــــزّم
سيـل الدمــــع من دم
هَــــــل أول امحــــرم
بي فجعــة اسنينــــي
نلبس ثيـاب الســود
نلطـم على لخـــدود
شهر الرزيـــة ايعــــود
ويرجــع مــرار البيــن
ــــــــــــــــ ❖ ❖ ❖ ـــــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
#محرم_1446هـ
😔 #لسان_حال السيدة زينب (ع) مع شمس آخر نهار ذي الحجة.
لاتغيبي... يــاشمس باجـر عذابــي
لاتغيبي... والصبـح يبــدأ مصابــي
لاتغيبي... تجمعت خيل اعله بابـي
بس تروحي... يبتدي باجر محــرم
بس تروحي... الهلال انظرله مأتم
بس تروحي... كنه بقليبي تخــذّم
😔 #لسان_حالها_مع_شيعتها
تبدي باجر... رحلتي ويّ الفجيعــة
تبدي باجر... ترجع الطف الفضيعة
تبدي باجر... دمعتي وياكم يشيعة
┈┉┅━❀ـ❀ـ❀ـ❀ـ❀━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
اذكرني يرايح للزياره 😭💔
_*اذكرني يرايح للزياره*_
_*من تنظر القبه والمناره*_
🔷💢___
ياقاصد كربله وصل سلامي الله
الى حضرت ابو الاكبر إمامي الله
اريد توصل منودي وهيامي الله
ودمعة شوقي مختصره بكلامي
دعوه وحق فاطمه الزهره
تاخذني من حضره لحضره
والدعوه من فاطم بشاره
من تنظر القبه والمناره
🔷💢___
وين الي يزف إليه البشاره
ياخذني مع الزوار زاير
بلا جنحان قلبي صبح طاير
حمامه عالقباب واعالمناير
مشتاق وجنحاني كسيره
يجبرني بس شيخ العشيره
بشرني يازاير بشاره
من تنظر القبه والمناره
🔷💢___
اتيه وبس درب الحسين ادله
انا مشلوع قلبه من محله
وانا المحتاج شباجه واقبله
كثر ماسلم الباري وصله
ادعي تحت قبته الشريفه
يكتبني هالايام ضيفه
طلبه توصلني لدياره
من تنظر القبه والمناره
🔷💢___
يازاير طلبه خذني هالمسيه
ازور الاضرحه بالغاضريه
ووجه كل سلامي والتحيه
الى احسين والى العباس اخيه
ارد زمانه هاالضريحين
ويتسجل اسمي زاير الحسين
يكتبني دمعي لو تجاره
من تنظر القبه والمناره
نــســــــألكم الدعـــــاء وبرائـــــــة الذمـــــه إن وجـــــــــد أخطـــــاء اثنــــــاء نقـــــل القصيـــــده
خــــــادمه لخدمـــــة الزهــــــراء وابنائهـــــــا عليهم الســـــــلام
_*خـــــــــادمتكم ( أمينـــــــــه) تسألكم الدعـــــــــاء🌹🍃*_
لا اجيـــــــــز حذف اسمـــــــــي
الرادود .... ملا عبد الهادي البطيان
الشاعر ... عود البن احمد الاحسائي
https://youtu.be/UGV1_6Xzi90?si=DX2ACYZEeiR6Av0q
(( ارحمها يَهلال ))
في ذكرى هلال المحرم الحرام
إرحمها يَهْلال خافَن تموت
ريت السِمَه تزال بس لا تفوت
طيفَك شِجَنْها … ارحم حزنْها
❃❃❃❃❃❃❃❃❃❃❃❃❃❃❃
بيا وجه يَهْلال وجهَك بالسِمَه يظهر يبان
كل مُحَرَّم يبچي مِنَّك و الحزن هَزْ كل مكان
هاذي مو بس تِنْعَه زينب اُوْياها ينْعَه كل كيان
يإللي طيفَك سيف شامخ و يگطر ألْوان إمْتِحان
…………….
ما تدري لو جيت تهيج الجروح
و چم عبره هَلّيت و مِنَّك تنوح
و يتْعالىٰ وَنْها … ارحم حزنْها
❃❃❃❃❃❃❃❃❃❃❃❃❃❃❃
هالسِمَه لا تبدي بيها و ارْحَم الگلب الكسير
هوايَه زينب تدري عانت و شالَتْ الهَمّ الكبير
لو تشوفَك ليها باين مَدْري يَهْلال اِشْيصير
تحيي ذِكْرىٰ هالغوالي و ذِكْرىٰ مَذْبوح و عَفير
…………….
ليتك تواريت خلف السحاب
شگد بيها خَلّيت زَفْرَه و عذاب
ضيمَك سِكَنْها … ارحم حزنْها
❃❃❃❃❃❃❃❃❃❃❃❃❃❃❃
كل نَجِمْ حولَك يحَلْفَك يا هِلال إسْتر ضِياك
لا تِفَجّر عين زينب بالدَمِع لَمَّن تَراك
تشوف خوها الوافي لَمَّن بالعُلا تشخص سَناك
و عَ الوجن يجري فُراتَه و رايتَه شَهْگَة هَلاك
…………….
چم مَرَّه عباس صارت تصيح
مَخْنوگَة أنفاس تگوم و تطيح
كافل ظَعَنْها … ارحم حزنْها
❃❃❃❃❃❃❃❃❃❃❃❃❃❃❃
زيح وَجْهَك لو تُوِدْها و اِتْرك الدنيا سَواد
بالعقيله اِشْباگي تدري غير موت اُوْيَه الرَماد
بس صُوَر مَرْسومَه بيها الكوفَه وَيَّه بن زياد
و صورَة الشام الأليمَه بالحبل وسفه تگاد
…………….
ضامرها مَحْروگ بذاك المَسير
صورَتها عَ النوگ و أقسىٰ مَصير
الباغي رهَنْها … ارحم حزنْها
❃❃❃❃❃❃❃❃❃❃❃❃❃❃❃
تدري بيها تشوف طيفَك و تذكر امْصاب المريع
تذكر احسين و تشوفه عَ الثرىٰ طايح صريع
و حوله أسياف الأعادي و كل جَرِح ينزف وَجيع
و عَ الصدر بعد العوادي داسه هالشمر الوضيع
…………….
عَ المَنْحَر السيف دَمَّه اِسْتباح
و تاليها يا حيف روس و رِماح
ذِبْحو أمِنْها … ارحم حزنْها
❃❃❃❃❃❃❃❃❃❃❃❃❃❃❃
في لياليك الكئيبه ما نِسَتْ أصعب لَيال
ليلة اِحْدَعْشَر عليها صَعْبَه تِنْساها مُحال
حرمه مفجوعه و غريبه وما بُگَتْ ليها رجال
ترعىٰ أيتام و أرامل اِمْسَلّبَه و حالتها حال
…………….
ما ظَلَّتْ اِخْيام عگب إللي صار
ياوسفه لأزْلام شَبّوها بالنار
طايح ركنها … ارحم حزنْها
❃❃❃❃❃❃❃❃❃❃❃❃❃❃❃
حسره ياهي حسره تدري خَلَّفِت وسط الگلوب
و جمره ما يخمد لَهَبْها تسْتعر رغم الخطوب
نبگه لحسين و مُصابَه نكتوي لضيمَه نذوب
نواسي زينب بالنوايح و عن ألَمْنا ما نتوب
…………….
في كل عزا يگوم نواسي البتول
و نصرخ يَمَظلوم يبن الرسول
وما حِدْنا عَنْها … ارحم حزنْها
❃❃❃❃❃❃❃❃❃❃❃❃❃❃❃
الشاعر : أبو شهيد الأحسائي
السبت ١٤٤٥/١١/٢هـ
════════════
*لا يجوز و محاسب شرعاً حذف او تغيير التوقيع*