7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
((مشايه بدربكم))
اجيت ألحگ ركبكم
وأگلكــــم آنه احبكم .. ومشـايه بدربكم
مشت ناس التـودكم
يـــ بس الخير عدكم .. الْـزمكم مايهدكم
اليــلزمّكم لـــزمتوهّ
وللمشــــــايه جبتوهّ
بچفافيــــكم تغطوهّ
ذهب ودموع تنطوهّ
أنــــه باسط ذراعي للخدامه
ماريد العمـــــر يگضي ندامه
أحبك والأحبك ماتت أعليك
أحبك وأنته مسلوب العمامه
أنه من خيــرك أنعمّ
وهواك بروحي أشتم
يامــــولاي يحســــين
بس صــــدرك تهشم
سلام الله على حروفك حسينآ ...
"""""""""""""""""""""""""""""""""""''''''''''
صــــح بالروح جذبه
بـــــس حسين احـبه .. وأبچـيله وأندبه
لجلك مجلس أحضر
وحتى الشـــيب يكبر .. من گلولي منحر
وأشوف الصوره بالطيف
بيك مثلـــــم الســــــيف
رمل يچـــــويك يحسين
ويلفح روحــــك الصيف
سمعت التل أجاك وانته طايح
الدم بعيونك وشفت المــلامح
شفــــــت يمك عبايه وفرزنتها
تگلك ياعجيْد الـــــــروح رايح
تگلــــــها ياهضيمه
وهيه تگول هيــمه
اجينه بسدك أنلوذ
بعد ماعدنه خـيمه
سلام الله على حروفك حسينآ ...
"""""""""""""""""""""""""""""""""""''''''''''
گلبك عش مساكين
السهم ذابح نبـــيين .. وكلهم صاحو حسين
خرز سبحةّ محمد
طشاش الله ولحد .. ام عون تصيح ياجَدْ
بسم الدين مـذبوح
نحر حسين وينـوح
ذولي اسـلامهم زُوْر
جدنه الشَيَدْ صروح
يعت بنحــــره والغاره الخيامي
وأگلهم مــــاي لتذبحونه ضامي
تفتت چبده من الحر والسيوف
وطايح عالرمل هذا المحـــامي
ولــــن خياله عشره
ياويلي اعــله صدره
وخده وحتى العيون
وغدت بالروح جمره
سلام الله على حروفك حسينآ ...
"""""""""""""""""""""""""""""""""""''''''''''
أَلّـمك وانته طـــشار
أجيسك تنچـوي بنار .. نار بچفي وأحتار
مّدافع آنه والخــــيل
هـــا يحسين ياويــل .. خويه اتهدم الحيل
اركض اسمع ضـلوع
أضـــــلن يمـك تلوع
العيله أتلــــوع وياك
وغده الدلال مفجوع
اشوف الخيل والمو خيل تسحگ
اثيابك بالحوافر خـــــــويه تنشگ
أصدهن بيش وآنه الحـيل ممرود
كلشي البيه مـــــــن السوط دنگ
انتهت عشرتْ عمرنه
ياخـــــويه انــــذبحنه
وبرمحــــك يعـــباس
متعـــــــلگ نحـــــرنه
سلام الله على حروفك حسينآ ...
عبد زينب
محمد الابراهيمي
((اجيت امشي))
بدنــائَتّ نفسي متعني
بذنبي بجرمي وبقبحي
بعصياني بجـذب حالي
آنـــــه المصطنع جرحي
اجيت امشي ..
نوح وبالسفينه صَعَدت كلشي
اجيت امشي ..
فك بابك احبك ياحلم رمشي
اجيت امشي ..
يا اشياء روحي وياغــلاة الشي
تگصر خطوةّ المحتاج .. بس محتاج
ياشيخ العرب والتـــاج .. وأبن التــاج
ضلمه وحبــك الوهاج .. يـــــالـوهاج
يــثآر الله
امس باچي أعله عبدالله
يوجه الله
أنــه الگـلبي بعشگ صلى
اجيت امشي ...
"""""""""""""""""""""""""""""""""""'''''''''''
اجيـــــت وعايف الدنيا
اجيــــت بدمعه اعيوني
ندم كل خطوه بالممشه
المثلك چــــان عافـوني
بدمع عيني ..
اريد اغسل اذنوبي واغسل اسنيني
بدمع عيني ..
أنه شمنطيك وانته اهواي منطيني
بدمع عيني ..
بحبل ياريت اجيك وعاصـر ايديني
يگلبي كافي هذا حسين .. رايـــح وين
شدلك بالنبض چم عيـن .. اسمــع زين
واضح والدرب صـــوبين .. ذاك حسين
يگلبي اسمع
اريدك من ترد تركع
يكلبي اخضع
موش انته اذا ترجع
اجيت امشي ...
"""""""""""""""""""""""""""""""""""''''''''''
نواسي الصـعدت الناگه
بس ماصحت النه النوگـ
وياكثر الهـــــلا التجــرح
دربك بل هلا مسحــوگ
الهلا بدربك ..
أحسها باربعينــــك عـورت گلبك
الهلا بدربك ..
تماشــــيني وتذكرني بطـعم حبك
الهلا بدربك ..
رغم مو عل هزيله وگاصد القربك
تبچيني الهــــلا چـندوب .. نــــار تلوب
ودَلالك يحدي وبياصوب .. ذاك صوب
وضعنك والشماته دروب .. يالمــسلوب
سبي وهزله
ودّموع أصـــيح نوصله
الاسر سهله
افراگ حسين شيحمله
اجيت امشي ...
""""""""""""""""""""""""""""""""""""""""
اوصلك يبو جـروحي
بس اسنيـــني تطـشر
وادنگ راسي وعيوني
وصلت عمةّ الاكـــــبر
اجت زينب ..
واضن ضهر الهزيله من الهضم شيب
اجت زينب ..
تصيح حسين خـــــويه والعمر حدب
اجت زينب ..
ضعن من الهوى يــــاناس ظل يتعب
دمع الشوگ يحرگ روح .. للمــذبوح
طاحت والگلب مطروح .. روح بروح
ومدمعها غده مسفـــوح .. حيل تنوح
هوت طاحت
من كبر الكبر ناحت
بهضم صاحت
زينب عجبه ماماتت
اجيت امشي ...
عبد زينب
محمد الابراهيمي
من الارشيف
إلى كريم ال محمد الحسن المجتبى عليه السلام
يمته نـــزوره وعالگبــر ننظـر منــايـر
يمتـه المواكــب تهتف أتفضل يزايــر
وكلها اتعناه تجمعنه ذكراه
يمته المواكــب تهتف أتفضل يــزايـر
*----------*----------*
يمته نگصــد للحسن احنـه بمواكــب
للزيــاره أهنــاك غصبن عالنــواصـب
نعلـي رايـــة يا علـي والكـل تـــراقب
بحضرته التيجـان تخضع والمــراتب
كلها تزوره وبالصحن تهمــل دمعـها
عاشوره أبسابع صفـر كلهـــا فجعها
بالهم ندبناه تجمعنه ذكراه
يمته المــواكب تهتف اتفضل يـزاير
*----------*----------*
كون سابـــع صفــر نبــديها المـــآسـي
يبدل إعــلام الصحن مـوكــب رئأسي
وتعلن ليومـــه حـداد أهـــل الكـراسي
وللزچــيه بالحسـن نگصــد نـــواسـي
يمته أنّتعَنه وبالگبــر ننصــب عــزيه
يمته نواسي الطاهره الزهره الزچيه
نتعنه ننعاه تجمعنه ذكراه
يمته المـواكب تهتف أتفضل يــزايـر
*----------*----------*
من ضريـــح الحسن نحييها الشعـائــر
نلطم أصـــدور ونهـــل دمـــع النواظـر
بليلة القاسم شبـــاب الشيعــه حاضـر
والنويـني اليقــــره عالبــــث المبـــاشر
جسام ياضنوتي رايح رايح من أعيوني
ما رحمني الدهر وأنـــت نـــور البصـــر
رايح رايح من أعيوني
أبصوت المواجع نستمع احنه لمصابه
ونعلگ شمع ونهل دمع جمــرة شــبابه
وأّنادي ويلاه تجمعنه ذكراه
يمته المــواكب تهتـف أتفضل يــــزاير
*----------*----------*
أهناك مـن صحن الحسن نور الهدايه
نـــرفـــع آذان التشـــهـد بالـــولايــه
وتمســـع إذانـــي بفخــر كــل البرايا
علــي مـــن الله أبكتابــه أعظــم أيـه
عالمبــاشــر يُنقــل أذان المنـــــاره
وتنّقـــلْ للعالــم أهنــــاك الــزيـاره
تشاهدها عيناه تجمعنه ذكراه
يمته المواكب تهتف أتفضل يزايـر
*----------*----------*
كــــون مشـايـــه انتعنـــه أبـــربعينه
مـــن ضريـــح حسين نگصـد المدينه
والمـــواكب كلها منتشـــره وحــزينه
تنادي اهلـن بيـك يـــا زايــــر ولينــه
أتفضــل يزايـــر للحــسن هاليلـه يمنـــه
يسجلنه في سجله الحسن ليكم خِدمنهَ
بعزه خدمناه تجمعنه ذكـراه
يمته المــواكـــب تهتــف أتفضل يــزاير
*----------*----------*
الشاعر
موسى البديري
الشاعر الحسيني ظاهر حبيب الهليجي (ولائيه)
كتبنالك عهـد بالــذر --- يحسين بدمه المنحر
لليعشـك حبـيـبه --- يدفع دم ضريبه
*
شمى طال الـزمن يحسين --- أركاب الشيعه عالمذبح
ضريبه مـن الدموم انطــت --- لحــد اليـــوم هـل تسفح
اميـه وكـــل بــن العبــاس --- تاريخ الحقــــــد يشرح
بغضأ لليحـب حيــــدر --- قضيه أمــن الشمس اوضح
شمى سال الدمه اعله الكاع --- تخضر مـن جديـد اتباع
والحبكم عجيبه --- يدفع دم ضريبه
*
رد بينـه الـزمن مولاي --- لرض الطـف رجع بينه
هـذا الناصبي وجيشـه --- كلهــه تريـــد تولينـــــه
تحزمنـــه بمحبتكــــــم --- صحنه المــوت جاوينه
ابلبيـك النـــــداء انصيح --- يحسين انتـــــه والينه
ركاب بحبــــك انقدم --- الـك يحــــــسين مانتهم
للشيبه الخضيبه --- يدفع دم ضريبه
*
رضينـه ننذبـــح لجلك --- ونتكطع الف مـره
سرعشكك يبوالسجاد --- طلسـم الله الي يفسره
جـم حجاج مـل سيفه --- جم ايزيد مل صبره
ونجدد عهد كل يــوم --- الكم يا بني الزهــره
فرض مثل الصلاه حبكم --- دمنه يرخص الدمكم
لوداجه التريبه --- يدفع دم ضريبه
---
يا اروع مثل للنــاس --- كتبته بخاتمــت امــرك
لا هيهــــات للظـالــم --- دمــــك ردد ونحــــرك
خالد كل وكت مولاي --- باقي بكـل وكت ذكرك
نهجك تضيحه وثــوره --- خيعونـه المشـه بأمرك
ثارك والعهد موجــــــود --- للمهدي نصير اجنــــــود
ولهاي المصيبه --- يدفع دم ضريبه
*
فـرق بين اليهاب السيف --- وما بين الهد المنحر
انطينه اعله حبه اجفوف --- ورضينه بحبه نتوذر
طبـع بينــه المحبتكــم --- الشهاده جن شهد واكثر
اليموت بحب ابوالسجاد --- اله الفردوس تـتـنطــر
بعدنه بهل العهد باقيــن --- نصيح حسين لو ميتيـــن
من عشكه ولهيبه --- يدفع دم ضريبه
⬛️◾️القصيدة-2-◾️⬛️
وإني أنا بنتُ الخدورِ السوآترِ
ولم ترَ لي ظلاً عيونُ النوآظِـر ِ
وهاأنا ذا أُسبىٰ على عُجفِ نوقِهِم
وقد كنتُ أُحمىٰ من رجالٍ أكآبـر ِ
يُعنفُني هذا وذاكَ يَسبُني
وسرتُ مع الأعدآءِ مِن دونِ نآصر ِ
أميرَتُهُم أمسي عجيباً أسيرةً
ومن قبل ُبين الناس ِتُروىٰ مفاخري
فما أشَبَهَت كلُّ الرزايا .. رزيَّتي
ولم تجرِ في الدنيا علىٰ أيِّ كافر ِ
وكنتُ إذا زرتُ البقيعَ تحِِّفُـني
رجال ُ نِـزار ٍكالصقور ِ الكوآسر ِ
ووالديَ الكرارُ يُطفي سراجَهُم
لـِئلا يُرىٰ ظلي وذا الليل ُساتري
فأينَ مضََوا عني حُماتي وفتيتي !
وهل قَبِلُوا أُهدىٰ إلىٰ شرِِّ فآجر ِ!
وهل هكذا يجفونَ زينبَ فخرَهُم!
وهل ياتُرىٰ يرضُونَ كسراً لخاطري !
وإني فما بارَحتُ نوَحي وحُرقَتي
على فقدِهِم تَهمي دموعُ محاجري
وبعدَهُمُ أنعىٰ وروحي حزينةٌ
وذكراهُم ُ دوماً تُهيجُ مشاعري
#سمير_الصالحي
#البصرة_الموالية
⬛️◼️القصيدة-3-◼️⬛️
هذي الأميرةُ سارَت بينَ عُدوانِ
سبيةً بينَ أيتام ٍ ونسوان ِ
بنتُ الخدورِ بلا سترِ يظلِلُها
وهي التي لم تُشاهَدْ وسطَ كوفان ِ
آهٍ عليها حبالُ الأسرِ تَهضِمُها
تَبُثُ لوعَتَها مِن قلبِها الحاني
ونحوَ شامِ العدا تَمشي معاتبةً
لأهلِها وهيَ في نَوحٍ وأحزان ِ
إني العقيلة ُ بعدَ العزِِّ حاسرةٌ
فأينَ قومي تُرى! أم أينَ خِلاني!
فالشامِتونَ تَمادَوا في شماتَتِهِم
والشاتِمونَ أباحُوا شَتمَ إخواني
وقد أصابَ فُؤادي قولُ طاغيةٍ
(عدوةَ الله ِكُفي) حينَ ناداني
رأيتُ رأسَ أخي في الطشتِ يضرِبُهُ
باغٍ بِمِخصَرةٍ والحالُ آذاني
هذا وكنتُ بقَصرِ الجَورِ صابرةً
وصَرخَتي ثورةٌ دَوَّت بإعلان ِ
لكنَّ غُربتََنَا قد أوهَنَت جَلَدي
وترك ُ أهلي ضحايا الغدرِ أبكاني
#سمير_الصالحي
🏴نعي
شكوىٰ العقيلة من آلآم ومآسي السبي
وطريق الأسر للشام بصحبة الأعدآء
🏴 نعي-مجردات
درب اليسر گطع دليلي
وراسك گبالي يهِِّد حيلي
ولحد اليفزعلي ويجيلي
وظل عالنهر نايم چفيلي
—————————
🏴 نعي - مجردات
ماحسَّبت للشام أوصل
يحسين واصعد نوگ هزَّل
وآني العقيلة وما اتحمّل
ومااظن مروتك هيچ تقبل
بحادي الظعن حيف اتوسل
چا وين عني الي تِكّفل
نام وعليه عيب يسأل ..
#سمير_الصالحي
#البصرة_الموالية
*قصيده للسيده رقيه ع السلام على طور شال الشهيد حسين لمسلم الوائلي*
*فزت لابوها اتريد واتصيح ابويه حسين*
*كلبي عليه مشتاك وانطر.ءاله نصين*
..............
ضج البچي والنوح وسط الخرابه اليوم
عمتها صاحت صوت عمه بگلب مهظوم
ياعمه لاتبچين گلبي تره مالوم
ومنين اجيب حسين وضل راسه عدالگوم
لمن سمعها ايزيد گلهم شنو الونين
....................
گالوله بت حسين تبچي على العطشان
واتريد ابوها اليوم ماتدري ضل عريان
فوك الثرى مگلوب صدره غِده ميدان
وراسه ابرمح مرفوع واتهوس العدوان
وده الرقيه الراس گللها متسكتين
...................
..............
حيف ابطشت جابوه راسك يبو اليمه
اهل الغدر حطوه وامخضب ابدمه
صاحت شني الجابوه وامغطه ياعمه
زاد وشرب ماريد گلبي كثر همه
من شالت المنديل وايهلن العينين
.................
من شالت المنديل شافت نحر مذبوح
حيره يبويه شلون من كل كتر مجروح
وشلون اضمده شلون شفت الِدمِه مسفوح
فوك النحر حسيت طلعت يبويه الروح
ناداني صوت ايصيح يمدلله تمشين
................
شنهي الاثر هذا باذنج يالبنيه
يمسح عليه وصاح يابويه يرقيه
كتله يبويه اعداك سيلبو الترچيه
وجرو اذاني حيل والوجنه مدميه
گلي امشي بويه اوياي بهالدنيه لاتبقين
..................
صاح العليل ابصوت ياعمه شيليها
ماتت رقيه ابنوح عن راسه ميليها
زينب تون واتصيح ناري شيطيفيها
ويلاه يبت حسين والونه عدتيها
اتجدد مصاب حسين رحتي اله اتنوحين
....................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
المصابك يالحسن مانشفت عيوني
عليك أمن الدمع يمه نخطف لوني
..................
نخطف لوني يلون امك يفرحتهه
تعال وشوف روحي شكبر حسرتهه
يومك زيد بروحي مصيبتهه
مثل اليوم ذاكه البيه عصروني
عليك أمن الدمع يمه نخطف لوني
................
مكسورة ضلع ماينجبر ضلعي
يوميه عله واحد يهل دمعي
يبني مايطمنك لو شفت وضعي
فوك الهظم كل ساعه يجرحوني
عليك أمن الدمع يمه نخطف لوني
.....................
الك يمه سوالف ضلت ابالي
يافتشة عيون امك يدلالي
بيك الناس يبني شيبت حالي
سهام النعش من صابوك صابوني
عليك أمن الدمع يمه نخطف لوني
.................
بمصابك اني اجيت ويعتلي وني
وطشتك من نضرته حيره حيرني
شفت جبدك بنصه وصحت آ يبني
تره الاذوك كبلك اني اذوني
عليك أمن الدمع يمه نخطف لوني
................
ياجرح الاعوفه وياجرح ابدي
وليليه الدمع نايم عله خدي
بمصابك يالحسن والله انمرد جبدي
ردو يمه إليه اردود كسروني
عليك أمن الدمع يمه نخطف لوني
...................
طلع نعشك ييمه وزادت احزاني
عليك الدهر انعى بحركه خلاني
مضلومه وزماني هواي بجاني
إليه بكل وكت ناس اليعادوني
عليك أمن الدمع يمه نخطف لوني
..................
گلب امك الزهره ماكو احن منه
كل مجلس عليك بدمعي اتعنه
ايدي اعله الضلع ومعاشره الونه
لجموني بمصابك مايداووني
عليك أمن الدمع يمه نخطف لوني
محمد هادي العقابي
بين خولة ورقية عليهما السلام
--------
يا جرح من هل زمان العذبك
جرح من الشام لو من بعلبك
..............
جسمك المسلوب ظل بكربله
لچن گلبك راح ويه العايله
راسك اعلى الرمح يقره البسمله
وگلبك يشوف اليتامه تنادبك
...............
وانجسم نصين حين اللي وصل
بعلبكّ وبيهه ركب الموت حل
هناك بنتك خوله وافاها الاجل
وهذا اول سهم بالهم صوبك
.................
ومن ديار الشام لن ثاني سهم
حين جابوا راسك مخضّب ابدم
وشافتك بنتك وشهگت بالألم
وظلت بدمعات همهه تخاطبك
...............
وماتت الطفله رقيه بهل وطن
وگلبك جروحه عليهه اتنازفَن
نصف عد خوله ونصف عدهه اندفن
وشبگته وظل الحنين ايعاتبك
..............
من رقيه اونين يعله لغيبتك
وهاي خوله تنتحب لمصيبتك
ماتت وبيهه اللهيب لفرگتك
وبمكاتيب العتاب تكاتبك
.................
دموعهه تبعث مراسيل العتاب
والدليل اعليك بالآهات ذاب
ماتت وتنشد عن اسباب الغياب
تنادي اه يحسين عني اشغيبك
.............
عقيل الكاظمي
*اه يازينب اه:*
اسيوف العده ابجسم حسين گطعت
وعگبـــــــه ويلـغــرب بلــدان گطعت
تلــگونــــي اهـالـــي الــشـام گط.عت
ابحجر واحبالهم تاكل بديه.
✒️… ملا عاشور الصيداوي
موشح :
يا رقيه .. يا رقيه .. يا رقيه .. يا رقيه
عمه نشفي دموعج السچابه
مـــا يطـــول وآلـــــدچ بغـيابه
*
عمه يا زينب احــس دلالـي ذاب
ليش ابوي حسـين طـول بالغياب
تلتهب نيـراني لــو زاد العـــتاب
وادري يشــــتاگ الابو لحـــبابه
عمه ابوي شعجب طول غيبته
عمـتي تجرحـني سـاعة فركته
شلــون يتركــها العزيزة طفلته
والدهر يا عمه ســـــــل انيابه
*
وين ابويه حسين نـاوي بها السفر
انتظر مـــن عنده مـــــا بين خــبر
اني من فركاه احس ظهري انكسر
اني اســــــــــأل ما سمعت جوابه
عمه مـن ونج تهيج جــــروحي
يا رقيه ومــثل نوحــج نــــوحي
عمه اضمچ بالگلب وبــــروحي
عمه كــــــل غايب ورا اسـبابه
فزت من النوم والــمدمع جـره
هسه اجاني وعيني جانت تنظره
وينه ابـو حســين وينه شـــأخره
بگـــــلبي نيران الهـــجر لهابه
عمه شفته يصيح اسمعج طفلتي
مـــا اجيتـج اعــتذر يا مهجــتي
يا رقــيه بســيف حـزوا ركبتي
ضامــي ابوج وسلــــبوه اثيابه
يا رقـيه اهــل الــغدر منعـوني
مـــن بقيت لوحـدي حــاطـوني
من يضربونج احـس ضربوني
وآلدج وحده وصريعه اصحابه
راسي من فوك الرمح حاجاكم
انـي حـاميكم واجـيت وياكــم
راســي يهـتز لـــو نذل اذاكــم
آه يا درب الســـــــبي واجنابه
*
من تون بـ هالوضع سمعوها
بالطشت راس الأبو انطــوها
كل قصـدهم طفله ويسكـتوها
زادوا هموم الگلب وتعـــــابه
على راس حسين حطت راسها
بويه اكــعد حـاجـته بأحسـاسها
لنها ميته وگـــاطعه انفــــاسها
آ يا شام الالــــــــــــم ومصـابه
كلمة من عمق الگلب نحچيها
يا رقــــيه مصـــيبتج نحــيها
الخدمــة من خــدامج تقبليها
والشفاعه نريـد يــوم احسابه
الشاعر مهند المياحي
قصيده للسيده رقيه ع تنقري بعدة الحان
رقيه اتصيح خويه وحيل ضربوها
احا احا
ونيران الهظم بالروح شبوها
••••••••••••••••••
مهظومه رقيه بلدموع تصيح
من كثر الحزن كلساع مني تطيح
من ضرب المتن يامتن ضل اصحيح
التوكع بالمشي لا مايتانوها
••••••••••••••••••
اصد ليها ودليلي موجر بناره
ودمع العين ظل بوحده يتجاره
تلوذ من لسياط بهدمي تداره
من الراس لو صرخت يجروها
••••••••••••••••••
تنادي عمه زينب ليش يسبونه
بنات اهل الراساله مايعرفونه
ولظلام ابد لا مايرحمونه
جفوف الطاهره بالنار جوها
••••••••••••••••••
ما زيد يخويه بالعتب همك
من حركت جروحي اليوم اكلمنك
ردت عباس اخذ هالعزم منك
اكبالي والحرم بسياط يولوها
••••••••••••••••••
شحجيلك بعد يحسين حاجيني
من انظر رقيه بس تصب عيني
شمر وحرمله تالي يماشيني
زينب بت علي عالناكه ركبوها
••••••••••••••••••
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
قصيدة الى سيدتي ومولاتي زينب ع
عندي جرح ماينسي
جرح الأخو وجرح السبي
بالكَلب جرحين
عباسي وحسين
===============
چم عام مراني أون لسه المدامع سايله
كلما يهل شهر الحزن اذكر مصايب كربله
اذكر أبو الأكبر بقه عريان ضامي بالفله
وبدر الهواشم منطرح عباس حامي العايله
اذكر الطف ولوعتي
من ذبحو كَبالي اخوتي
شما مرت سنين
دمعاتي بالعين
===============
هيهات انسه نينوى بيهه شنو الصار وجره
حسين ضل وسفه ايام مذبوح نايم عالثره
وخيل اعوجيه تسحگه ويلاه ابن الطاهره
عطشان ضل أوبالشمس شفافه آه مفطره
انشال بحصيره مونعش
أو عالترب ضل ميت عطش
ترفسه الملاعين
إبن الميـــاميــن
===============
طاحت حسين عمامته وانه مره وبغربتي
وعباس أبو طول الحلو عالنهر نايم هيبتي
ابلا كفيلي المن اصد زغار وحرم وبركَبتي
من حركَو عليه الخيم اهنانه كبرت حيرتي
لوحدي بحرم متحيره
وخـلوني اروح ميسـره
ادخــل دواوين
واجري بالونين
===============
صعبه مره بين الزلم و مكتله ويلي هلي
ماانسه هاي الفاجعه متحيره ماعندي ولي
ادخل بديوان العدو وانه العقيله بت علي
ومن زمخ عليه الشمر تمنيت يمي كافلي
عباسي والله لو عدل
شحده سباني هل النذل
عباسي الحنين
مثله بعد ويــن
===============
تمت والحمد لله
بقلمي المتواضع
✍ للشاعرة وخادمة الحُسين
رقية العامري
قصيدة للإمام السجاد عليه السلام عن الإمام الباقر عليه السلام ينعى والده.....
انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي
يزوار عالتعب كواكم
يزوار ياهله وحياكم
.........................
هله بالزاير أجانه .. ننتظر جيته لكانه
يمر بينه ولا نسانه .. نحسب لأيامه
بيده شايل رايه سوده .. أحنه بالخدمه على موده
من يشرفنه بوجوده .. يا هله وخدامه
تفرح الزهره الزجيه .. تشوف فزعه جعفريه
وألكم تقدم تحيه .. يالرفعتو الهامه
يزوار المهدي يمشي وياكم
يزوار ياهله وحياكم
........................................
ترفرف الرايه بيمينه .. عالتعب الله اليعينه
ينصر المذهب ودينه.. بيده حلوه الرايه
احنه نحجيهه بصراحه .. بهالدرب كل تعب راحه
بلطم ودموع ومناحه .. توصل المشايه
هالدرب ثامن عجيبه .. عشك محبوب الحبيبه
تهمل دموع المصيبه .. هله بالوفايه
يزوار نلهج بطرواكم
يزوار ياهله وحياكم
...........................................
بموكب الخدمه نشاهد .. شمّرت كلها السواعد
والمعاق بكرسي كاعد .. والهله بلسانه
من الفجر شدت حزمها .. تركض وحافي جدمها
لا تعب لاحر يهمها .. تفرح بملكانه
ابو الموكب صوته عالي .. والدمع عالخد يلالي
فدوه مر بينه يغالي .. وبات يمنه هنانه
يزوار أحنه نترجاكم
يزوار ياهله وحياكم
........................................
أسرع الخطوه يزاير .. بالمشي تحيي الشعاير
باجر تشوف المناير .. كربله متانيتك
للفرج أدعي بمسيرك .. خاطر المهدي يجيرك
دوم مرتاح وضميرك .. صافي يشبه نيتك
لو شفت شايب أسنده .. من الدرب حيله تبده
ماكو بس عوجيته عنده .. حزّمه بجفيتك
يزوار نفرح بملكاكم
يزوار ياهله وحياكم
.........................................
شكرا لرب الجلاله .. خله درب الأستحاله
يصير واقع لا محاله .. حسين هو شراعنه
للحسين الجاذبيه .. وحبه صار ألنه هويه
هالزياره عالميه .. الكون كله بكاعنه
ياهله بكل الجناسي .. الكصدت الزهره تواسي
والله أحطهم على راسي .. خل تشوف أطباعنه
يزوار الدار هاي دياركم
يزوار ياهله وحياكم
........................................
يله شدوها حزمكم .. مرجله وإيثار كلكم
ماكو بالدنيا مثلكم .. بالعشك تتباهه
زياره أبد ماكو مثلها .. الكون محتار بشكلها
لغز ماواحد يحلها .. ولاعرف معناهه
اليلتزم دوم بصلاته .. لافرض فد يوم فاته
هذا موبس بحياته .. آخره شمحلاهه
يزوار للصلاه ناداكم
يزوار ياهله وحياكم
........................................
حيدر مطر العبادي
لحن (اجيت امشي)
بصوت
ملا بشير شوگي
بصره
من ضيم اليسر جيت••بظعن
أحزاني رديت
من يتلكه الظعون••حسين بگبره مدفون
««««((()))»»»»
إجيت من اليسر مدكبعه بحزاني
حسين وكافــــــــلي مـــحد تلكـاني
گبل إم الخـــدر إسمي ويخـــــواني
كل عثره بيسر تشتمـــــني عدواني
من أعثر گبل وين••چنت أتوچه بثنين
الكافل فكده ميهون••حسين بگبره مدفون
««««((()))»»»»
حلم عندي إمنرد ألكاهم إگبالي
وين حسين إخوي إوين كفالي
وصلت الشام بس بكربله بالي
مشتاكه بكثر ماضربو إعيالي
إلهم گلبي مشتاك••مايتحمل إفراك
حلمي إتشوفه العيون•حسين بگبره مدفون
«««««((())))»»»»»
إجـــــــيت من السبي يهلي تلكوني
إذا شفتوني مـــــــاظنكم تعرفوني
إنحنه طولي نكسر ضهري انخطف لوني
مـــــــچويه إديه إوارمـــــه إمتوني
يعصر بيه الأمصاب••عصرة إمي بالباب
جيت وگلبي محزون••حسين بگبره مدفون
««««((()))»»»»
ردت نضره أخيره حسين أودعنه
گبل لايحدي ظعـــــني لليسر عنه
رفعنه إچفوف ونسلم ولاچـــنه
أثاري إلنه رفــــع راس برمح منه
يمشي ويانه مكطوع••لو وَن ونه مسموع
راسه إمحير الكون••حسين بكبره مدفون
««««(((())))»»»»»
يحسين الشمر ضل حارس الأيتام
إشلون المثلي تكدر إلها عين تنام
رقيه وخوله ماتن من عذاب الشام
عدهــــم عيد ثاري ذبحك الضلام
إنت بعينك تشوف••دكو يمك إدفوف
ويم راسك يركصون••حسين بگبره مدفون
««««((()))»»»»
الطلكــــــها إبوي تكــــابلت وياي
وضدي تحالفن طف كربله ودنياي
موبس بالسبي لوعني سوط إعداي
حته الكلمه خنجر صرت أحس بحشاي
ترسو گلبي طعنات••الشام وكوفه شمات
شسوي ومايشمـتون •حسين بكبره مدفون
«««((()))»»»
الشاعر نسيم
الحميداوي
انه الفوگ الهزل مفتر////دولها
بسبينه وحسره البگلبي//دولها
عليل ومالگت روحي. ///دولها
دواهه حسين ابوي وگطع بية
__
انه المرت عليه اشكال //والوان
المصايب والضلوع انحنن//والوان
من اذكر سبي النسوان///والوان
احس الموت اروح صار الية
___
ليالي السبي ما يخطر///خي الهن
و علوياتنه اينومس///خي الهن
بنات حسين بس اني///خي الهن
اخوتي اذبحو بالغاضرية
__
النعي
يمكن البلطف مات ورتاح
ماشاف نار وحرگ وصياح
ولا مشه وياه بالضعن ذباح
ولاشاف روس اوفوگ الارماح
__
حادي الرچايب شتم عمتي
واحد تعده وضرب اختي
صدت وگلتلها اسكتي
والسلسله بيدي ورگبتي
__
الشاعر حيدر الخفاجي
لا تلومونا
بل انصفونا
نحن عشاق الحسين .. لا تلومونا
ناس الي بينا تلوم لا مو سببنه
خلها توجه اللوم وتنشد گلبنه
بعين البصيرة تشوف بيه شكتبنه
حب الحبيب حسين هو الجذبنه
وهالحب ذنب لو صار نرضى بذنبنه
محد من العذال يمتلك حبنه
قد عشقناه
كيف ننساه
وهو نور المقلتين .. لا تلومونا
كَلب اليحب حسين ما يعرف الخوف
خل الاعادي تلوم نحجيها مكشوف
وين الي يحجي انصاف ويملك المعروف
خل يفتح الدلال واباطنه يشوف
ما يلكَه بيه هناك بس اربع حروف
أيكونن أسم حسين موقعهن يشوف
كم عذبونا
لا يرهبونا
صرخة في الخافقين .. لا تلومونا
كود الي يريد يلوم يملك أدله
وللعاذل احنه نكول وبرغم جهلة
غير ابو اليمة حسين ياهو التقبله
غيره الذي يختار يرضى المذلة
حبه بدمانه يسير فكره نحمله
كل غالي هذا اليوم لجله نبذلة
فهو مولانا
ومقتدانا
انه نور اليقين .. لا تلومونا
لافته على الدلال خطينه اسمه
سال من اجلنه حسين بكربلا دمه
سيوف ونبل ورماح فصلت جسمه
ما ظن نوافي وياه لمن نخدمه
يا قائد بهاليوم مثل ابو اليمة
حتى الطفل للدين بيده يقدمه
قدم القربان
في رضا الرحمن
فهو ضحى بالبنين .. لا تلومونا
قائدنه للاصلاح قدم بنينه
وما سالم الاشرار لا مد يمينه
عانق بلهفة الموت من أجل دينه
هو النجاة وصار النه سفينة
انتيه الدرب لولاه بنوره اهتدينة
اهرة ودنيا نصيح وأشهد علينه
به هدينا
دنياً ودينا
يا سراج النشأتين .. لا تلومونا
من دمه للاجيال جم حكم شرع
هو السفينة وصار مسراها اسرع
صوب النجاة تسير وأصبحت اوسع
وبالحشر كل الناس الرحمته تفزع
وما غير ابو السجاد للمحب يشفع
من أجل دمنه حسين بدمه تبرع
مهجة الزهرا
قد مات صبرا
قد بكته كل عين .. لا تلومونا
جمرة مصاب حسين ما لحظة تبرد
حبه اليوجر النار واحشانة موكَد
ما تنطفي هيهات والباري يشهد
دمع المصاب يسيل من دم على الخد
ياهو بخلود حسين قائد تخلد
يضل ذكره بالوجدان حي ايتجدد
جاد بالنجر
خص بالذكر
ذكره طول السنين ... لا تلومونا
للشاعر الاديب السيد سعد الذبحاوي
لا تبطين يلناگه
اريد اخواني مشتاگه
يم أهل الهله ،، اريد الكربله
------------------------------------------
اريدن يم هلي وديني تعبانه
اريد أوصل واصيح حسين هاي آنه
وكت خلانه مسبيات خلانه
وينك يلأخو بس گوم ويانه
تعبنه من البواچي ونظرة الغربه
عطشنه ومايهم ليهسه منشربه
ذكرنه الطف واهالينه
فوگ النوگ ونينه
اجيت امعلعله ،، اريد الكربله
----------------------------------------
اريد اوصل واشم اتراب خواني
رجعت الكربله ومديت ذرعاني
ها عباس ها يحسين هايه آني
يلمدفون اريدك كون دفاني
اجيتلكم واريدن ملگه للخوه
تراهه ابدونكم دنياي مو حلوه
هلرديت يلكافل
ما تسمع يبو فاضل
تلگى القافله ،، اريد الكربله
-------------------------------------
أذب الروح فوگ ترابهم وانعى
على الحزو وريده وكسرو ضلعه
على چفوف الكفيل الونه والدمعه
ها يخوان زينب مالكم رجعه ؟
شحچي وهالكلام الدمعه خانگته
بلوى المنذبح وتروح منه اخته
وايسموهه مسبيه
الگبل تتسمى علويه
الگلب رايد هله ،، اريد الكربله
--------------------------------------
اجيت من السبي عباس مهمومه
اريد اخوان تتلگاني مهضومه
واصيح حسين خويه امطول النومه
اختك من مصاب الشام ملچومه
اريد اهلي ابيارغ ويتلگوني
اريد چفوف تمسح دمعة عيوني
يا ونه المثل ونتي
وين الگال هاي اختي
اخيتي امدلله ،، اريد الكربله
-------------------------------------
اخذ حيلي التراب وحيل شابگته
يدافن طول اخوي اتريده عايلته
آخوي الچان امنه الزهره حاضنته
وسفه خيولهم بالحومه ساحگته
صبح تحت الرمال الچان حامينه
لموه بالحصيره شلون والينه
صحنه اهنا يوالدنه
اجينه من اليسر كلنه
يراعي المرجله ،، اريد الكربله
كلمات الخادم / رعد الفريجي
28 / محرم الحرام / 1446
ثوابها الى روح المرحومه والدتي
اختك يالحسن .. ياروحي.. وجروحي
عنك سولفن
........................
حاربتني الناس خويه ابلا سبب اذوني
تدري يبن امي بمصابك يالحسن جرحوني
الليل هذا ايمر عليه ودمعتي بعيوني
انه زينب ياهضيمه منك ايحرموني
ضل بيه الام.. بغيابك.. بمصابك
يلجمني الزمن
..................
شلون اقنع روحي تصبر وانه اشوف بعيني
بالطشت دمك يخويه الموقف ايبجيني
سممو جبدك يغالي تموت وتخليني
صار يومك مثل جمره وبالگلب يجويني
ياحزن الگلب.. من ترحل.. شتحمل
بعدك يامحن
........................
حسين مخنوك بعبرته. محني ظهره وحاير
وصبح مكسور اعله فكدك. كلبه وي الخاطر
صاح ياريحة ابونه . ودم جره من الناظر
بعازتك يحزام ظهري. ردتك انه لباچر
يافگد الاخو.. شيتوصف.. وانته اعرف
يالگلبك احن
...................
القاسم يقبل چفوفك. ومنهدم كل حيله
وفوك صدرك خله راسه. وانته ماتحچيله
ورمله صاحت وي ابونه. هاي اخر ليله
الحمل طايح يبو محمد. ياهو اليتچيله
عشنه بهل حزن..وانه اختك.. عله بختك
ودموعي الجرن
........................
تموت وتضل ذكرياتي تخنك ابانفاسي
ومن اصد بيتك يبيتي ينلجم احساسي
سوالفك ضحكتك رسمك طابعات براسي
ياجبير اخوان گلبي وعزوتي ونوماسي
رايح للكبر ... ياروحي ... وضل نوحي
حارمني الوسن
.......................
خلاف عينك خويه مدري ياهو اليبارينه
مدري انت مدري حيدر علي المودعينه
سلف شايل من مجانه وكف تره ادواوينه
يالحسن موتك شبيه بحيدره والينه
يالتشبه علي ... شكد صعبه ... نضل غربه
واحنه اهل الوطن
محمد هادي العقابي
قصيدة بحق السيدة خولة بنت الحسين عليهما السلام
انه اعاتب خولة بت حسين انة الشيعة نسوني
انه اعاتب ليش ما مرة بمـحرم تذكروني
--------------------------------------------- ----
انه بت حسين اخت سكنة ورقية
شما جرة بالطــــف عليهن صار بية
يبس شفافي العــــطش بالغاظرية
والحبل طول الســــبي ياكل بدية
انه اعاتب قصة مرة اعلى المنابر سولفوني
انه اعاتب ليش ما مرة بمـحرم تذكروني
------------------------------------------------
انه علـوية وزغــــــيرة يا زمــــــــــاني
عد ابــــوي شكَد عزيــــــــزة ودللاني
ترفة رجلي والجمر بيها چــــــــــواني
اعتب اعلى الما ذكر همي ونساني
انه اعاتب يالتسمعون العتب زيد شجوني
انه اعاتب ليـش ما مرة بمــحرم تذكروني
------------------------------------------------
معودة بأحضان ابوي عــــــــيوني تغفة
نامت سهام المنــــــــية بحــظنة وسفة
منــــــين ما اريدن احظنة يســــيل نزفة
شلون ياشيعة أطيب وجرحي يشفة
انه اعاتب هذا حالي وبالغرب من يدفنوني
انه اعاتب ليش ما مرة بمـحرم تذكـروني
------------------------------------------------
اندفنت بعيد بس روحي بمحرم
شما يمر عاشــــــور بيه ﷲ يعلم
الدمع بالعين يجري دموع من دم
واحظر بكل عام وين ايصير مأتم
انه اعاتب ما سمعت اهل المآتم يندبوني
انه اعاتب ليش ما مرة بمحــرم تذكروني
------------------------------------------------ --
انتــضر كل عام اخــــــبار المنابر
كَلبي ياهالناس ظل لليوم حاير
انتظر ظليت بلكــــــي اليوم باچر
لا شفت رادود لا يذكــرني شاعر
انه اعاتب انه باب الله يشيعة يكَصدوني
انه اعاتب ليش ما مرة بمــحرم تذكروني
------------------------------------------------
الكتبوا الــتاريخ ما كتــــــبوه كلة
بالسبي لحســــين هم تموت طفلة
اطي دوم مراد واشفي البيه علة
لو تطيح بضيج صيح دخيل خولة
انه اعاتب ما ارد محتاج لو مرة نخوني
انه اعاتب ليش ما مرة بمحرم تذكروني
------------------------------------------------
أسألكم الدعاء رائد الاسدي
قريبٌ مطلعُ الفجرِ
ويدنُو موعدُ النصرِ
يكونُ الزحفُ بُركانا
لِـردِّ القدسِ عنوَانا
منَ النهرِ الى البحرِ
**
ألا فاسمَع نداءَ العهدِ منّا بالوفاءِ
لأرضٍ كان مسرى النورُ منها للسماءِ
جليلٌ قدرُها السامي بقدرِ الكبرياءِ
لها الزحفُ سيأتي والنداءُ الكربلائي
سنبقى إن تخلّى الكلُّ ضَعفاً ثابتِين
بعزمٍ راسخٍ مثلَ الجبالِ ولانَلين
نِدانا في ذُرى المجدِ جميعاً ياحُسين
لأقصى العزِّ نمضي لانُبالي بٱبتلاءِ
بنا الإعصارُ قد ثارا
فثارَ العزمُ إعصارا
سيبدأُ ثأرُنا الآنا
يكونُ الزحفُ بُركانا
**
قضيَّتُنا إنتصارٌ في زمانِ الإنكسارِ
وكلُّ جهُودنا اتَّجهَت لتَصحيحِ المسَارِ
وعَودةُ حقِّ أهلِينا وإبعادُ الدمار ِ
وقَلعُ الغُدةِ الشَوهاءِ من هذي الديارِ
بِنا أسيَادُ مجدٍ أكّدُوا وهُمُ الثُقاةْ
بأن الفتحَ مضمونٌ ويومُ النصرِ آت
وأن صلاتنا في القدسِ من بعد الشَتات
ويُزهرُ غصنُ زيتونٍ ويزهُو باخضِرارِ
طموحٌ واقعٌ أمسى
بصوتٍ ألهبَ النفسا
ألا لبيكَ أقصانا
يكونُ الزحفُ بُركانا
**
سيَرضى اللهُ عنا إن وَفَينا بالوعودِ
وصُنَّا الأرضَ والذكرى وتاريخَ الجُدودِ
فإرثُ الدينِ إن يُمحى بأرجاسِ الحَقودِ
سنَجني غضبةَ الجبارِ رداً للجُحودِ
فأرضُ القدسِ واللّدِ وأحراشُ الجليلْ
كبئرِ السبعِ أو حيفا ويافا والخليلُ
كجسمٍ واحدٍ فردٍ ولانرضى البديلْ
حدودُ الحقِّ تبقى والدِما دونِ الحدودِ
فداءُ النفسِ للمَسرى
وهذي الصولةُ الكبرى
وموعدُ حَسمِها حانا
يكونُ الزحفُ بُركانا
=============
لقمان البدران
( السيده رقيه ع)
اصيح ... جيبولي الراس الحظني
اصيح ... فراگ الغالي متعبني
اجه الراس بطشت// بعد ما صيحت
≈≈≈≈≈≈≈≈≈≈≈
التقينه من بعد فتره طويله
واخيرآ راح اسولف واشتكيله
من حظنته راحت همومي الثگيله
وعتذرلي ماگدر يفتح شليله
بحزن ... ظميته الصدري ابقوه
بحزن ...بس ملگا چن مو هوه
على نحره نمت//بعد ما صيحت
≈≈≈≈≈≈≈≈≈≈≈
قدمولي بطشت شي بس ماعرفته
انه حسبالي اكل جابو رفظته
مااريدآ اكل راسه انه الطلبته
وصله فوگه وخرتها بعيني شفته
عجيب ... راس امغيرين اوصافه
عجيب ... من الطگ ماهنه اشفافه
بعد كلشي شفت//بعد ما صيحت
≈≈≈≈≈≈≈≈≈≈≈
گبل عيني بويه گلبي الشافك
حيل متغيره يبويه اوصافك
واخيرآ هل رمح قرر وعافك
الخيزرانه مارده بويه شفافك
شفت ...الراس ابعصه يطگونه
شفت ... امچان التربه يكسرونه
خفت كلش خفت// بعد ما صيحت
≈≈≈≈≈≈≈≈≈≈≈
ليش هيجي سنونك انته مكسريهن
عيونك الحلوه الاحبهن رمل بيهن
شفافك البيهن بستني مذبليهن
مفطرات ودم يبس بويه عليهن
يبوي... وظعك كلش اذاني
يبوي... بس هل كلمه يصيح الساني
وي راسك سولفت // بعد ما صيحت
≈≈≈≈≈≈≈≈≈≈≈
مااسولف انته بعيونك شفتنه
چنت شاهد عل شمر لمن يعتنه
بس جسد امشي وغلاتك من عفتنه
انته ماميت عدل وحنه الي متنه
سبي ... وراسك جان ايبارينه
سبي ... ماعافانه ايفيي علينه
الك شكرآ گلت// بعد ما صيحت
≈≈≈≈≈≈≈≈≈≈≈
يلمحلي كلشي عالي وشحلاتك
يلا انزل حان موعدها صلاتك
البقه براسك رمح موش ابحياتك
وهوه من الهز وصل بويه اللهاتك
رمح ... من الهز شارگ بلعومك
رمح ... ياوسفه امخربها ارسومك
شكثر بويه متت// بعد ما صيحت
≈≈≈≈≈≈≈≈≈≈≈
تمت_ ازهر الزيدي
السيدة رقية ع
عمري هلال *** سلبو كل حلمي وفجعوني
وبيا حـــال *** طفله بيا ذنب ويسبوني
مهضومه وحرت بأمري
العاشر اكبر من عمري
رقية انه وحلم عمري ودعته بأمان الله
اهون بالصبر روحي منذكر وجه عبد الله
من شفت النبل صابه وبنحره السهم صله
بيني وبينه سجاده عثره وطاري اسم الله
انزف اه ** وي دمعي المابطل ساعة
واويلاه ** من دهري الحشم اوجاعه
أيوب اتعجب صبري
العاشر اكبر من عمري
بمحراب المنيه ايات صلو كل هلي وخوتي
حضرت الجروح بليل سكته وما طلع صوتي
اصد بوجه ابوي حسين وارسم حلمي وموتي
واصفن واذكر حچايات عمي وسيد مروتي
وي الليل ** اگعد نتعاتب للعاشر
دمعي يسيل ** ع الخد ومكسوره خاطر
حزني واهاتي وصغري
العاشر اكبر من عمري
سرنه والمنيه ابرت شمسنا وگمر والنجمات
وكل نگله جدم گلبي يفطر وجه الــــولايات
عمتي الزرعت بروحي حيل وعفت احچايات
مو مـــــــوكب ضعن قران بيه تترتل الآيات
عندي احساس ** ينزف قــــــربان القران
والعبـــــــاس ** ع الشاطي بلايا الذرعان
ياوسفه وسالم نحري
العاشر اكبر من عمري
نزلنه بكربله رايات رايه تكــــــــــــاود برايه
جله الغيم بسما الطفوف هل راعي المسنايه
تكفل بالشريعة هناك واعـــد سكنه بحچايه
عطشت غيره گــــــاع الله تروت زلم وفايه
طلبو ثار ** بغضن وبحيدر عادونه
شبو نار ** بخيام ونضعف رادونه
مستعره ويلهب جمري
العاشر اكبر من عمري
اه الشـــــام اوف الشام زيد بلوتي بلــوه
حدو بينه بلا وليان واليحدي بله مـــروه
عمتي وبالعليل تگود تحدي بريحة الخوه
بعد الاكبر وجسام امشي ولا اثر سلـــــوه
اوف الشام ** طشتك يابويه العذبني
ضنو نام ** گلبي ويم راسك موتني
يل رايد تنشد ذكري
العاشر اكبر من عمري
خادم الامام الحسين ع
الشاعر علي الزيداوي
نعي يقراء بالحان متنوعه
عن عودة زينب الى كربلاء
__
يبن امي اجيت مورمه الجدام.
لجن ما بجيت كبال ظلام.
ولا كدام خصمك دنكت هام.
وصيتك هاي يمشيم يضرغام.
_
لجمت ادموع عيني ولاعفتهن.
حتى انا يوالي ما شفت.
نيمت الجروح وسكنتهن .
وجيت اليوم يمك فززتهن .
_
ششكيلك يخويه ونور عيناي.
وراسك برمح يحسين وياي.
يدري بحالتي ويشوف بلواي .
وكل ليله اشتكيله نار ولماي.
_
كلليله تظل عيني سهيره.
يمشيم ينوماس العشيره.
تدري بهظمتي خويه جبيره.
عزيزة كوم وخذوني اسيره.
__
لكيتك من اجيت بلايه عنوان.
ادور وعتب اعله الدهر خوان.
طم عيني وعماني على الخوان.
حسافه اهل البخت طمهم التربان.
____
بجيت عليك لمن حان الغروب.
وجيتك تايهه ومضيعه الدروب.
اروحن وين يامشكر يمهيوب
يالفكدت حنه ظهري يامسلوب.
__
زرعت ادروب حزني عزاز وعزاز.
صبحت الهم يخويه جفوف جناز.
ظل جفني ودليلي ليك محتاز.
جفني الما هده وطول الدرب فاز.
____
الترابك اجيت احجيله الصار.
وحسبله شكر ماتونه ازغار.
ورود وذوبلت وزغيره الاعمار.
من ضرب العده وتدري الوكت حا ر.
__
مسيرتنه خلصت ونوب اجيناك.
نريد انوادعك يامن فكدناك.
لو طايح بدينه نبقه وياك.
تدري الدنيا ماتسوه بلياك.
___
لازم نرد ديرتنه يامظلوم.
ونسولف بهلنه اسوو الكوم.
ونصبلك عزه ونعاك للدوم .
يل من العزه ونوح محروم.
__
انصبلك مأتم ياضوه العين.
وصيحن يا خلك مظلوم الحسين.
براضي كربله وبين الملاعين.
ظل اينادي لاناصر ولامعين.
____
*ناعية الخيام*
نزله الى مولاي قمر بني هاشم عليه السلام
ثـــار الگمر وينه_ أظهر يمهدينــه
يـــــــــــامهدي يـــــــــــامهدي
❥❥❥ـــــــــــــ❁❁ـــــــــــــ❥❥❥❥
ثـــار الگمر ياسيدي هالشيعة منتضره
هذا ينوح عــــالگمر ذاك اليدگ صدره
وسفه الكفيل ينـــــام مطروح عالغبره
عبـــــاس ندري عالنهر چفوفه متوذره
ونبـــله طفت عينه_أظهر يمهدينـــــه
يـــــــــــامهدي يـــــــــــامهدي
❥❥❥ـــــــــــــ❁❁ـــــــــــــ❥❥❥❥
لعيون صوبوها بسهم فيضو بدمومه
وسفــــه يطيح الچان مزلزل الحومه
هذا أبــــو فاضل هذا التخبل رسومه
تعلمنه من عنده الوفه يامحله تعلومه
ولطيحتــــه بچينه_أظهر يمهدينــــــه
يـــــــــــامهدي يـــــــــــامهدي
❥❥❥ـــــــــــــ❁❁ـــــــــــــ❥❥❥
طايح گمر عالمشرعه وكله دمه جوده
ون للكفيل نــــــــريد ولطامه مريوده
لطمو ونــــــو بحرگه عالگطعو زنوده
بكل عَزه للعبــــــاس فاطمة موجوده
بداعت أبــو سكينه_أظهر يمهدينــــه
يـــــــــــامهدي يـــــــــــامهدي
❥❥❥ـــــــــــــ❁❁ـــــــــــــ❥❥❥❥
أقسم عليكم بـــــالذي طفوهن عيونه
بيرغ الكافل هسه بحــــــرگه ترفعونه
بيرغ أبــــــــــــو الكلفات لا لا تنزلونه
رفعو وللعبــــــــاس بس نبچي خلونه
نحــــاچي خلينه_أظهر يمهدينــــه
يـــــــــــامهدي يـــــــــــامهدي
❥❥❥ـــــــــــــ❁❁ـــــــــــــ❥❥❥
نسولفله للعبـــــاس ويسمع بواچينه
بحيــره أبـــــو النوماس لا مايخلينه
مگطعات چفوفه وهــــــواي منطينه
من فدوه لسم الكافل أحنه واهالينه
بحســـــره ضلينه_أظهر يمهدينـــــــه
يـــــــــــامهدي يـــــــــــامهدي
❥❥❥ـــــــــــــ❁❁ـــــــــــــ❥❥❥
لطمت الكافل تــــــــــره بالچ تبرديهه
أكفلنه يا أبا الفضل صيحي وعيديهه
لطمي وللعبـــــــــــاس الطمه شديهه
الزهره بـــــالماتم تره بالدمع واسيهه
مـــــولاي حَنينه_أظهر يمهدينــــه
يـــــــــــامهدي يـــــــــــامهدي
❥❥❥ـــــــــــــ❁❁ـــــــــــــ❥❥❥
تمت والحمد لله
بقلمي المتواضع
عاشقة أبا الفضل الشاعرة رقية العامري
ثكيل ستشهاد العليل
بالغربه خلص حيلي
وعين السمه تبجيلي
انه العليل انه العليل
،،،،،،،،،،،،،،،،،،،،
ياهو مثلي بهل زمن شاف المصايب
وحدي باقي وبالحزن دلالي ذايب
انه ابن ذاك الوكَع فوكَ الترايب
وخته شافها مشت بيد الأجانب
عمتي مشت مجتوفه
وضاع الحلم بالكوفه
انه العليل انه العليل
،،،،،،،،،،،،،،،،،،،،
ياهو منكم ياخلك يسأل عليه
انه ابن الطلعو اخته سبيه
صح عدل بس موتتني الغاضريه
ويلي ياجرح السبي شمخلي بيه
جرح الزمن عاميني
وجمر القهر يجويني
انه العليل انه العليل
،،،،،،،،،،،،،،،،،،،،،،
ابيضت من الفركَه نعرف عين يعكوب
والبصر رد للنبي وي رجعت الثوب
شلون يرجع حيلي وانه هواي متعوب
والله مثل الشمعه عمري صاير ايذوب
وعايف ابو ابطعناته
وطلعت تره ابنياته
انه العليل انه العليل
،،،،،،،،،،،،،،،،،،،،،،،،
دهري سماني العليل وهاذ وضعي
وينترس نهر الفرات ابفيض دمعي
اه يافراك الأبو الكاسرلي ضلعي
وي ابوي الكربله ياروحي ارجعي
مابيه حيل افراكَه
جرحت دليلي الناكَه
انه العليل انه العليل
،،،،،،،،،،،،،،،،،،،،،،،،،،،
راح اموت بغربتي وتدفني السنين
حسرتي جي مامتت وي والدي حسين
محترك دمي مثل حرك الصواوين
اليش يسبيني الزمن ويه النساوين
حيرني وكتي بحيره
وبعيوني ضلمه الديره
انه العليل انه العليل
،،،،،،،،،،،،،،،،،،،،،،،،،،
والله مشتاك الأخوي الأكبر اهواي
عفته مطبور ويموت بعازت الماي
الموت ياوادم اجاني وبعده ماجاي
لا متت ويا اسف لا راجع وياي
صار الدمع يعميني
فراك الأخو امأذيني
انه العليل انه العليل
العبد ابوفايز الرافضي
الفاتحه على روح والدي
قصيدة بحق الامام السجاد عليه السلام
نجري الدمع عالسجاد جد وابو والاحفاد
من يمر يوم ابن حسين عـــن الحزن تحچي العين
-------------------------------
اعله فطرتنة نحب حسين واولادة
وتعلمــنة من اهلنة نخدم السادة
النبي ســيد علينة هوة واحفادة
سادتنــــة وأئمتنة ولنة القادة
علمني ابوي وجدي للهادي اوفي بعهدي
اعله ابنة نظل حزنـــاين عـــن الحزن تحچي العين
--------------------------------
رظعنة من صــدر امنة محبتهم
وهلنة علمونة شـــلون خدمتهم
نحزن من تمر بينة مـــصيبتهم
اهل بيت النبي والدنيا خانتهم
زين العباد الليلة دمع الحزن يجريلة
لمصابة حزنان الدين عن الحزن تحچي العين
---------------------------------
صبر صَبر وتعدة كل وصف صبرة
شاف اشـــلون ابية منكَطع نحرة
وعمة ابلا جفـوف ومرمي عالغبرة
وشاف عظيـدة الاكبر جثة متوذرة
وبعينة شاف القاسم أمخلي عرسة ونايم
بالدمع كَظاهه ســــنين عن الحزن تحچي العين
--------------_---------------------
ما بطل ونينة ولا دمـع عينة
وتعلمنة الحزن من حزنة والينة
نريد انساعد المظلوم بــونينة
نقيم ابكل سنة وننصب تعـازينة
نقيم العزة للمظلوم وللحشر هالعادة ادوم
يومك علي ماناسيـــن عـــن الحزن تحجي العين
------------------------------
شاف من الزمان امصايب واهوال
وحمل من المصايب والقهر اشكال
حزن البيه ماتكَدر تحمــلة جبال
الم حزنه شديد ايشيب الاطـــفال
خالد يظل ما ننساه بكل سنة نجدد ذكراه
شما انقدم احنة مقصرين عن الحزن تحچي العين
-----------------------------------------
لبس ثوب الحزن وتحمل الآهات
شكثر كَلبة حمل من دنيته شوغات
ليل انهار عينة تسچب الدمعــات
مجرة دموع صار ابوجهه مرسومات
دموعة تصب ليل انهار بخدودة حفرت انهار
حزن الكلب عالطيـــبين عـــن الحزن تحچي العين
-------------------------------------------
اسالكم الدعاء
رائد الاسدي
روحي بيها اذنوب الـمن تشتكي
راح امحي ذنوبها امنمشي مشي
لبن الزچيه الغالي
يل ساكن ابدلالي
🎤🎤🎤🎤🎤🎤🎤🎤🎤🎤🎤🎤
گــاصد للحسين اوصافيه النيه
واقسمــلــه اگطع اچفوف رجليه
اشما طال الطريق انگوله اشويه
معتازه الهواك اوطـــــالبه الريه
هاي كلها ابالي
غيرك فلا يحلالي
🎤🎤🎤🎤🎤🎤🎤🎤🎤🎤🎤🎤
لاتلــومــوني ابمقامه اشما اگول;
اي وحگ عـباس وزهــره البتول
اتحيرت بحسين شو كل العقول
تروحلك لك شبانها اوحته الكهول
نضره اريد الحالي
لا تخيب امالي
🎤🎤🎤🎤🎤🎤🎤🎤🎤🎤🎤🎤
منه واگــصد للــگمر اكمل مسير
يگضــي همي الي عليه اشما يصير
الله خصه يگضي حاجه الكل فقير
اگصــد الباب الحــوائج مـا تحير
اقسم علي بالغالي
ايحلهه الك للتالي
🎤🎤🎤🎤🎤🎤🎤🎤🎤🎤🎤🎤
ادخــل الــحضرة عجيد المشرعه
اقــراه يمــه ابيات عـن الواقعه
گــول زينب بــل احبال اموجعه
ايضهضب العباس عن هل فاجعه
زاير الك وابالي
الضيم غير حالي
🎤🎤🎤🎤🎤🎤🎤🎤🎤🎤🎤🎤
اويا بو فاضل تره التل الزينبي
لسه بيه شعواط مــن حرگ العبي
ابابه اركــع ونحني وحبــي حبي
ارد اواسي ابهاي لحضه امن السبي
وحزان بت الوالي
ليهسه تتراوالي
🎤🎤🎤🎤🎤🎤🎤🎤🎤🎤🎤🎤
خادم أهل البيت ع) ابو ماجد الشغانبي