7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
من خيمه لعد خيمة ⛺…زينب تركض ابهيمة
والجمر بذيالها… وشيلم اطفالها
والشمر يبرالها…. سوطه بيدة
★★★★★★★★★★
اتگوم وطـيح العقيله يم خيمها وتشتعل
ساعة طفله اطيح يمها وساعة يتلوع طفل
منين ماتركض تشاهد نوگ واسياط وحبل
والشمر جدام اهلها ايگلها اصعدچ عا الهزل
اشماتگرب على اخوتها..الشمر ابسوطه يشحتها
ويلي عذب حالها… وشيلم اطفالها…
والشمر يبرالها…. سوطه بيدة
★★★★★★★★★★
ابعيني چن الطف اشوفه ويعرض اصورة الوحي
هذا وحي الشعر يمي وظل يصـــــــــور مسرحي
اطفال من الخوف ترجف وستمع صوت الرحي
وانه گتله هايه زينب ياشمــــــــــــــر ماتستحي
تركض وبعبايتها… رادت تطفي خيمتها
الصخر يبچي الحالها…. وشيلم اطفالها
والشمر يبرالها..... يابو فاضل
★★★★★★★★★★
عني مكشوف الغطاء وخانگ عيوني الدمع
وگمت اشوف الطف مناحه وصوت بالخيمة
استمع
هبت ارياح المنايـه وخمدت كـــــــل الشمع
الخيل تركض وانه اشوفن ضلع مكسور ابضلع
حافر خط اثر حافر…. اه يالوعـــــة العاشر
حسين طاح اگبالها… وشيلم اطفالها…
والشمر يبرالها…. سوطه بيدة
★★★★★★★★★★
غـــورگت عــين العقيله واجت تبچي محزمـــة
زينب وشافت اخوها طايح اويجري الـــــدمه
صاحت وشهگت يويلي وصدت اعله امخيمه
يا اللهي حسين طايح المن امخلــــــي السمه
فوگ الغبره وجه الله….وراسه اعله الرمح صله
وجثته محد شالها…. وشيلم اطفالها
والشمر يبرالها..... سوطه بيدة
★★★★★★★★★★
تركض ونار ابخيمها وچم طفل يمها انسحگ
وچف رقية ابهدم زينب من اجت يمها احترگ
چم عزيز وچم عزيزة ابحرگ الاخيام افترگ
اگماط عبدالله لحوافر منه اخذن چم علگ
صاحت سكنه مرعوبه… ليش اخيمنه منهوبه
وعالترب كفالها…. وشيلم اطفالها…
والشمر يبرالها.…… سوطه بيدة
★★★★★★★★★★
حسين طاح اعله الترايب ويلي محزوز النحر
وزينب اتصيح يااللهي من عسه ابذمة النهر
ابعرس جاسم مافرحنه ولاعلي الأكبر حظر
ولانحر عبدالله سالم حته يشتمه الگمر
رمله اليله مالومه…. وجاسم حضر اهدومه
والعرس چتالها….. وشيلم اطفالها…
والشمر يبرالها.……. سوطه بيدة
★★★★★★★★★★
ـــــــــــــــــــــــــــــــــــــــــــ
ماجد حبيب الخيكاني
ونسالكم الدعاء❤️
عائلة الامام الحسين ع نعي
****
شذكر يامصيبه تريد عنه اخبار..رضيع حسين والنبله وكلب امه
لو سكنه العليله وخيام صارت نار..وهذا ايريد ابوه وذاك يم عمه
لو ارسم الك اهات اخت حسين ..يوم الطاح الاكبر يم ابو اليمه
لو عابس وجون ونافع اذكر ليك..لو عريس صارت حنته بدمه
لو عباس اذكره وزنده لمن راح..ومن صدره يتدنه حسين ويشمه
لو ميمون يصهل فزع العباس..كوم حسين طايح عالثره ولمه
وحك عباس كل كومه..ولمه
الفخر كل الفخر حيدر..ولمه
الفدت عباس لااخوانه..ولمه
ثلاث اوصال صار اعله الوطيه
*
حبيب الدخل للحومه..وعابس
ونافع من برز وجه..وعابس
الحر بااخر اوقاته..وعابس
ونال العاليه وحسن البقيه
ابو علي السعيدي
مجلس نعي لعلي الأكبر #من_ديوان_قربان_الطف_ج٣
❥━──➸➽❥❂❥━──➸➽❥❂
صلى الله عليك يا رسول الله صلى الله عليك وعلى أهل بيتك المظلومين صلى الله عليك يا شبيه المصطفى الأمين يبن ابي عبد الله الحسين،ما خاب من تمسك بكم وأمن من لجأ إليكم يا ليتنا كنا معكم سادتني فنفوز والله فوزا عظيما.
*القريض*
حزن ابن ليلى يستدر مدامعي
ومضاء عزمته يثير هنائي
بدر تتوجه شمائل أحمد
بفصاحة وسماحة ومضاء
متجلبب من حيدر بشجاعة
ومن الحسين موشح بإباء
ملك الوغى بحسامه فأحالها
دهماء أعيت ألسن البلغاء
والسبط يرصده وفوق جبينه
للناظرين بوادر السراء
وإذا به يدعوه أدركني فقد
دارت عليَّ بجمعها أعدائي
❥━──➸➽❥❂❥━──➸➽❥❂
ابوذيه
عله الأكبر لنوحن ليل ونهار
حيلي انهدم يوم الطاح ونهار
عليه عيوني تجري اسيول ونهار
واظل للموت اون صبح ومسيه
❥━──➸➽❥❂❥━──➸➽❥❂
نعي گرناوي
عله الدنيه العفى بعدك يالوليد
الم هجرك حنه ظهري وعماني
المك بالحصير اوصال واوصال
كتر منك اشيله يطيح ثاني
علي الاكبر سهم فرگاك كتال
وبلب الگلب يبني رماني
عسه عمر الابو بجفاك لاطال
ولابعدك اعيش اني ثواني
❥━──➸➽❥❂❥━──➸➽❥❂
نعي مجرد
يوليدي لأجلك لعمي العيون
امصابك عليه ابد ميهون
وانه بغيابك اصبر اشلون
انكسر ظهري وگلبي محزون
❥━──➸➽❥❂❥━──➸➽❥❂
ما فكرت بيه بالوداع
بروحتك كلشي يالولد ضاع
اوياك اندفن ريت بفرد گاع
ما تهده بعدك هاي الاوجاع
❥━──➸➽❥❂❥━──➸➽❥❂
آهات روحي ما اظن تهيد
وانته صرت عن عيني بعيد
يالشوفتك چن طلة العيد
هدمت كل حيلي يالوليد
❥━──➸➽❥❂❥━──➸➽❥❂
يقول الراوي بعدما قتل من قُتل وإذا بشبيه رسول الله، وسليل علي والحسين يطلب الاذن للقتال ولكن لم يتمالك الحسين عليه السلام حينما رأى ولده أمامه يودعه دون أن تنهمر دموع عينيه ثم يجمع كلتا يديه خلف عنق ولده علي الأكبر ثم يجذبه ليضمه إليه ويشبعه لثماً وتقبيلاً حتى اختلطت دموعهما.ثم ودع النساء اللواتي تحلقن حوله وقلن له: ارحم غربتنا فلا طاقة لنا على فراقك.لكنه مضى إلى حيث لقاء الأحبة محمداً وحزبه صارخاً بالقوم:
أنا علي بن الحسين بن علي نحن وبيت الله أولى بالنبي
تالله لا يحكم فينا ابن الدعي اضربكم بالسيف حتى ينحني
اطعنكم بالرمح حتى ينثني ضرب غلام هاشمي علوي
وبعد أن قتل مقتلة عظمية من القوم عاد إلى أبيه الحسين عليه السلام يشكو إليه ما ألم به من العطش والألم ... فقال له ابيه الحسين ارجع يا بني فإن لك كأساً مدخرة عند جدك رسول الله.
فرجع الأكبر إلى المعركة وما زال ينوشهم بسيفه وهم يفرون أمامه، إلى أن جاءه اللعين مرة بن منقذ العبدي، وهو يقول: عليَّ آثام العرب إن لم أثكل به أباه.
وبينما كان الأكبر يطارد كتيبة من القوم، إذ جاءه هذا اللعين من خلفه ليضربه على رأسه ويفلق هامته، فنادى الأكبر! عليك مني السلام أبا عبد الله هذا جدي رسول الله وقد سقاني من حوضه الأوفى شربة لا أظمأ بعدها أبداً ثم أن فرسه ذهب به إلى مخيم الأعداء، فهذا يضربه بسيفه وذاك يطعنه برمحه والآخر يريد بسهم حتى سقط على الأرض، وجاءه الحسين مسرعاً اضطجع إلى جنبه واضعاً خده على خده وهو يقول: بني علي على لدينا بعدك العفا، أما أنت فقد استرحت من هم الدنيا وغمها وأبقيت أباك لهمها وغمها وما أسرع اللحاق بك.
نعي زريجي
يريت انه التوسدت المنيه
ولا اشوفك امدد عالوطيه
بگت دمعاتي عالوجنه جريه
وامك تنطرك تكسر الخاطر
❥━──➸➽❥❂❥━──➸➽❥❂
دعيت الله ترد يالولد سالم
لكن صوبك يبني الظالم
وبگيت اعله الترب يالولد نايم
حالك صعب ويطرالگلب طر
❥━──➸➽❥❂❥━──➸➽❥❂
وبينما كان الحسين مستغرقاً في لوعة ولده وإذ به يسمع صوتاً عزيزاً عليه وهاتفة تنادي: ولداه واعلياه واابن أخياه، نعم إنه صوت زينب، فنهض الحسين نحو المخيم...
جابه حسين گاصد صوب الخيام
و تلگته العقيله وتلطم الهام
تصيح شلون يبني عالثره تنام
وسفه غدرتك هالگوم ظلام
❥━──➸➽❥❂❥━──➸➽❥❂
بعدك شباب وما يرحموك
بسهام ونبل وارماح صابوك
والراس ينزف دمه خلوك
مادري هالناس شيطلبوك
❥━──➸➽❥❂❥━──➸➽❥❂
أما حال امه الفاقدة ساعد الله قلبها كأني بلسان حالها:
اباب الخيم عيني ربيه
انتظرك ييمه ترد عليه
مو تأخذك مني المنيه
بعدك بعد ياهو الاليه
❥━──➸➽❥❂❥━──➸➽❥❂
والله افجعت دلالي يحسين
جبت ابني اليه مغمض العين
وگلبي عليه انكسر نصين
عگبه احير انطي الوجه وين
❥━──➸➽❥❂❥━──➸➽❥❂
نعي الفراق"طور الشيخ زمان الحسناوي"
آييمه ... يالولد يا ماي عيني
آييمه ... يا بعد روحي وسنيني
آييمه ... ما حسبتك تخليني
آييمه ... اعليك ازيدنه ونيني
❥━──➸➽❥❂❥━──➸➽❥❂
تخميس
يا كوكباً ما كان أقصر عمره
وكذا تكون كواكب الأسحار
جاورت أعدائي وجاور ربه
شتان بين جواره وجواري
*بقلم ✍🏻خادمة اهل البيت ع*
*الشاعرة العلوية مريم النور:🍃*
لطميه للقاسم ع عن لسان حال رمله ع
مانامت اليل مانامت اليل
ياناس الي مضيعة الولد مانامت اليل
وايركد الحيل وايركد الحيل
الفراك تكتل حسرته وايركد الحيل
............
ياناس المضيعه ولد شنهي صبرها
لوراح من عدها ومشه شلها بعمرها
واعتاب ماينفع بعد قاسي دهرها
والمدمع ايسيل والمدمع ايسيل
مكسوره الخاطر تضل والمدمع ايسيل
...............
مكسور كلبي يالولد ياهوه اليجبره
وتدري الكلب من ينكسر مايبره كسره
حزنانه وتكضي العمر حسره عالحسره
اعليمن اتميل اعليمن تميل
والوالده خلاف الولد واعليمن اتميل
.............
عليمن تذبين الحمل لويثكل اوطاح
لاينفع الون والبجه ولاينفع اصياح
والراح من عدها ولد لا تضن ترتاح
لورايد ايشيل لورايد ايشيل
ايحمل اضعون الوالده لورايد ايشيل
.........
لوراح من عندج ولد ماتطفى ناره
سهمج يضل بس البجه ولاغيره جاره
وحزنج ابد ماينكضي ودمعج تجاره
نارج بالادليل نارج بالا دليل
ماتطفى يارمله بعد نارج بالادليل
..............
شلون يطبكلي جفن من بعد جسام
والله يعين الفاركت لاتغفه واتنام
شيعود دهري بالولد واترد الايام
يوليدي ادخيل يوليدي ادخيل
وياك اخذني لورحت يوليدي ادخيل
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب المآسي الفاطميه الجزء السادس
لسان حال القاسم بن الحسن يخاطب أمه (وزن هجري)
يمه ذكريني يرملة. من تمر زفة شباب
لموت لجل حسين يحله وبالدمه يحله الخضاب
★★★★★
احله زفه الموت عندي. غير هذا مااريد
اسعد الشبان كلها. اليوم يايمه. سعيد
من تگول الناس عني القاسم توذر شهيد
مايهمني بعد هذا. لوصرت تحت التراب
★★★★★
زفتي محلاها يمه. من الحرب ارجع خضيب
النصرة المظلوم عمي الوگف بالحومه غريب
أَمَرْ مِنْ الَأَمَرْ عندي. من ينادي. ولامجيب
ايعز عليه من ينادي. ومالگه الصوته جواب
★★★★★
ماإلي بالدنيا مطلب. ولاحياة بهلوجود
غايتي نصرة محمد. وأوفي لحسين العهود
نصرته الفوز المؤكد. يعني معناها. الخلود
ونصرة الباطل خيانه. الدين طه والكتاب
★★★★★
اتذكري يمه الوصيه. والدي ايوصي ويعيد
حسين بيه الگوم تغدر. هذا يوم الموبعيد
القاسم ابني درع لأجله. بلحرب لوضل وحيد
هذا يوم الچنت اريده. قربة لله موثواب
★★★★★
اليوم يوم الوفه العمي. من بعد ذيچ السنين
ابحجره رباني ورعاني. عاطفه وطيب وحنين
عمري وأيامي وشبابي. فدوه. كلهن للحسين
باب للجنه الوسيعه. وشافع بيوم الحساب
الشاعر حسن لعيبي الحريشاوي
هالليله مو ليلة شمع
ليلة حزن ليلة دمع
طفو الشمع طفو الشمع
😭😭😭😭
جاسم طلع من الخيم
وناثر اجفانه للجدم
ياسهمي حنظل ياسهم
لا مارجع ابني عليه مارجع
طفو الشمع طفو الشمع
😭😭😭
ماشفنه عريس بدماه
متخضبه بلحاه وشفاه
وغصنه ذبل واظيعتاه
كلبي نوجع يمه يعريس نوجع
طفو الشمع طفو الشمع
😭😭😭
جلوه سووله للصبي
وعوذوله اسم النبي
يا هضمتي وياتعبي
حيلي نصدع يمه يجسام نصدع
طفو الشمع طفو الشمع
😭😭😭
الوالده تنطر كبرته
تعرسه وتعجن حنته
جسام عرسه مصيبته
حنه ودمع صارن سوه حنه ودمع
طفو الشمع طفو الشمع
تمت بعون الله
٢٣ذو الحجه
بقلمي ام حسين الملايه
دگوَّا الصْدُورْ يَخدَّام
دگوَّا الصْدُورْ يَخدَّام على الصار وَجَرَه
★★★★★
دگوا الصدور بالاحزان. على أصحاب الشْيَّم
بطعن السيوف والرماح. . ولاواحد سِلَمْ
بين مطعون وسليب
ماسِلَمْ جون وحبيب
يعاين حسين للاصحاب جسوم اموذره
دگوا الصدور يخدام على الصار وجره
★★★★★
تلگته الگوم بالسيوف. گرب شاطي النهر
گطعوا ازنود والچفوف سْبَوَا ضي الگمر
حسين ناده ياعضيد. راح اضل دونك وحيد
ظهري مكسور يعباس. يسبع الگنطره
دگوا الصدور يخدام على الصار وجره
★★★★★
هِلَّوا الدموع يخدام. للاكبر لو فِزَعْ
داسته الخيل والجيوش على الغبره وگع
گابله بصوت الونين
صاح من شافه الحسين
دمي چن سال يمدلول. يمن دمك جره
★★★★★
وطفل عطشان حرامات. ولاضاگ العذب
ليش مذبوح يَظْلَّام . ولاعنده. ذنب
العمره من عمر الربيع ليش مذبوح الرضيع
ينظر دماه يظن ماي. نزل من منحره
دگوا اصدور يخدام. على الصار وجره
★★★★★
للحسن نور عليه چان. يخاف من الزمن
شاف الحسين على الگوم. هجم شبل الحسن
وحده مابين الألوف. شخلت بجسمه السيوف
جثه علگاع بلاراس. تعود الحيدره
★★★★★
گال الحسين رضا الله. مناي ومطلبي
خذيني بالحال يلسيوف. لجل دين النبي
ناده ياربي الجليل. شقدمت لجلك قليل
وسفه الاسلام والاحكام. طريح على الثره
دگوا الصدور يخدام. على الصار وجره
الشاعر حسن لعيبي الحريشاوي
هوسات شجاعيه بحق قمر العشيره ((ع))
قائد ماكو قائد حيد بس هوه
جر نهر الفرات وجابه بالگوه
سبعين ألف عِد عباس ماتسوه
من صدهم ماترسوا عينه
*---------------*---------------*
سل سيفه الگمر وتْنكْروا القاده
وما رد هام سالم هيبة الساده
اليجي عنّاي لازم ياخذ امراده
و يوزع موت العدوانه
*---------------*---------------*
نفخت صور گالوا هايه مو صوله
برز و الگوم ضلت كلها مذهوله
جمدت يمه خصمه اتگول مشلوله
خالسهم و يجول بكيفه
*---------------*---------------*
طلع بيده العلم عباس المچنه
الزلم بالخوف گامت ترتجف منه
بدم اعداه خله السيف يتحنه
و فرحان السيف بصولاته
*---------------*---------------*
✍ خادم العباس ع
الشاعر رعد الچريخي
ابو ذيات الليله الثامنه
الليالي ابچبدتي تطحن ... رحه الها
اوعيني امن الدمع مامش .. راحلها
اشلون اوليد هل ليله ...... راح الها
ابليلة زفته او ذبحوه أميه
جدامي انذبح ضامي ... وشفتاه
يخر الدمه من نحره ..... وشفتاه
يجاسم شفت كل لوعه ... وشفت آه
منها الموت اشوه او اخف ليه ...
الحزن ما دام لحد ... دام عليها
اهل دمعه اعله بنها .. دمعه ليها
لگت أثياب عرسه ..... دم عليها
عمت عيني اصرخت راح امن اديه
ابو فاطمة الطائي
#يوم_سابع
صاح أخوي
هاي اول مره يسمعها الحُسين
صاح أخوي
ضيع ابدرب النهر ما يدري وين
صاح أخوي
هاي دنيا والقــــدر قصــة غَريب
راعي خيمه وي عضيده السليب
حسين عينه علـ النهر ما غَمضت
سمع صوت أمن النهر زاد النحيب
من سمعها سولف بگلبه الضيـــــاع
ليش گتلي (خويه ) لا قصدك وداع
هاي كلمة وحسره چانت للحسيـــن
عاش ويه حسين والسيـــد مطــــاع
××××××××××××××××××××××
وين أخوه
حسين محني ظهره رايح للنهر
وين أخوه
وايده ما تركت صفاحه يالگمر
وين اخوه
كعد يم راسه ويگله اشلون بيه
خويه گوم ولا ترد خاطر أليـــه
فتح عينه لكن أبعينه مصــاب
السهم نايم والدمه غطه الثنيه
گله گـــــوم وما گـــــدر ينهض اله
شَدّ الحسيـــــن أعله حيله بهالبله
خويه گوم وخل نرد صوب الخيم
راح اضل وحدي غَريــــب أبكربله
يا عباس ... يا خويه
××××××××××××××××××××××
ابلا چفوف
هاي مِحنه وما مثلها بهالمصاب
أبلا چفوف
يا خلگ الينصاب يلزم بالصواب
أبلا چفوف
حيرة العباس مـا صـــــارت مِثلهـــا
من طرف واحد يشبگه صعبه حلها
راد يحضن راسه بس سهمهَ عِرض
الحيره هاي الماكو واحد يگدر الها
طيحت اليسند ظهر يكسر ظهر
ويكسر إِعماد الخيم موت الگمر
الچان واگف علـ الخيم چنه علي
هسه طايح حيله كله أعله النهـر
يا عباس ... يا خويه
××××××××××××××××××××××
علـ الخيام
هاي أخر نضره لخيام الحَميه
علـ الخيام
بعينه دمعه ويعتذر منها رُقيه
علـ الخيام
الخيمه دمعه وترتوي منــك دلال
الماي عوفه وارجـــع لچف العيال
أطفال تعطش بالخيم كلها عليك
بغيبتك يتبدل أبچفــــك حِبـــــال
أخر أوداع الخيم حسره وحنين
وهاي ثاني مره بانت علـ الحسين
يجي من مصاب محني أعله الارض
ويه كل مصـــــاب يكبر بالسنيـن
×××××××××××××××××××××
لا يموت
حسين راجع وحده يصفج بالادين
لا يموت
صاح زينب خويه مهضوم الحسين
لا يموت
خويه هضموني الشماته علهـالنهر
صوت منهم وحـــــدك ابلايه گمر
ها كسرنه ظهرك بـــــدون الكفيل
صحت خويه كوم مو ظهري انكسر
طاح عامود الخيم يمّ الخـــــدر
حَضري روحج خويه لايام العِسر
هاي ساعات وتشب نار الخيـــم
وأبقه عاري علترب أبشمس الظهر
××××××××××××××××××××××
#عمار_التميمي
ميمر """القاسم""""
ابن الحسن وسط الحرب صاح انه
...............................................
سوح الوغى كشخت بحلو ارسومه
وحسن الحسن كحل نظرها الحومه
دروب الزمها عليها ماملزومه
والزلم من عده غدت حيرانه
.........
حيرانه ماتدري الزلم عالمشرد
جسام خلاها الحرايب تحتد
يانار سيفه على الزلم ماتخمد
فراس ميدان الحرب ميدانه
........
ميدانه من ابن وجد بحروبه
من ال مايوم بحرب مغلوبه
الوكت الضراب أمثالهم مضروبه
التاريخ يشهد مايجل السانه
.......
السانه يسولف رغم كل العاده
بيت الحمد عالعرب جانو ساده
بملگه الزلم هاشم عليهم قاده
صيده الكلف يتخيره بعدوانه
.......
بعدوانه يتخير الثاجل صارم
صاحو رجع لينه الحسن موجاسم
بالروس يهشم مثل زاده الهاشم
ليگلط الحربه بدم يكرمه امجانه
..........
امجانه ثابت يحصد العياله
ومنه غدت تتراجف الخياله
تيه يمينه العسكر ويشماله
ويعزب بسيفه الحرب ديوانه
........................
خادمكم قاسم المالكي
الامام القاسم ع
القصيدة : عودك الاخضر ذبل ياضنوتي
محرم الحرام
▪️▫️▪️▫️▪️▫️
يالرحت عني بعجل
المــاي منك ماخجل
عودك الاخضر ذبــل ياضنوتـــي
ــــــــــــــــــــــــــــــــــــــــــــــــــــــــــــــــ
مساهره الليل ودمعاتي مثل موادعك ماخلت الحيل
يايمـه بالويـل مكابله الحنه بحركتي ودمعتي اتسيل
وليلك اطويل شلون يكظي وانه حملي بدونك ايميل
افراكك اثكيل وبيه جــم ذكــره ابفركتك ضلت اتعيل
ما بينك ونـــار الحــرب
ياجاسم اشسيوه القلب
وحـــدك وجيش الغرب ياضنوتـــي
ــــــــــــــــــــــــــــــــــــــــــــــــــــــــــــــــ
يا حـر الصواب شـاب لايكله العـرس لا مو للمصاب
عطرت الاثياب للفــرح مـــو تنترس بالــدم والتراب
وصـــار الغياب ولسه اشم ابثوبك وجرحي ولاطاب
شمعـــك الذاب انه من دونك ظــلام ابوسط سرداب
للعـــرس ياما افرحت
وبالوداع انـــه طحت
شفيد عمــري لو رحت ياضنوتـــي
ــــــــــــــــــــــــــــــــــــــــــــــــــــــــــــــــ
يابني جســام جم فرح عاش الضحكتك جانت أحلام
ومـرت اعـوام البيهـا جنـت الزفتـك احسبهـا ايـــام ..
الردتـــه مادام ليش اعيشن بالجـــرح وبنفس الالام
مابين السهــام ضــاع حلمـي الورد وما بين الاخيــــام
بالصوانـــي اشكد شمع
ياوسفه طفاها الدمـــع
وبروحتك راح انفجـــع ياضنوتـــي
ــــــــــــــــــــــــــــــــــــــــــــــــــــــــــــــــ
يايمـــه العيـون شافت الماينجرع من توكــع اشلــون
ردتك الي عـون و روحتك خلت كسر عكس اليروحون
شاهــد اللــــون حكــه يتغير يجاسم واعمــي العيــون
اصــواب المتون اهــون وما اسمع الطايــح يصيحون
رضيت كلبـــي بالبعد
عالفركه لا ما مستعد
وانه مـــو مالت فكد ياضنوتـــي
ــــــــــــــــــــــــــــــــــــــــــــــــــــــــــــــــ
اشكبره كســري يبني من حزن الحزن بيه انته تدري
امنيتي كبــــري اوياك اموتن واندفن مايسوه عمري
وضاق صـــدري ياجاسم الفرحه صفت دمعات تجري
ومحني ضهـري وعايشه على النايحه ومفتقده صبري
جسام ياقرص الشمس
ردتك ابثــــوب العرس
العطـــر بيك وينغرس ياضنوتـــي
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : دربك مثل لون الورد
محرم الحرام
▪️▫️▪️▫️▪️▫️
جســام ردتــك للفرح واحلامي ورديه
دربك مثل لون الورد راسمته بيديه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
جسام ردتك للفرح يابعد عيني وروحي
ربيتك الحد التعب ماسولفت عن نوحي
يوليدي يهروش الكلب بانت تراها جروحي
ياروحي لايام الحزن حضري متاعج روحي
ربيتك وردتــــه الربــه للزفـــه تاليه
ودمعي عالوجنه دبـــه وحيل مابيـه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
كل خطوه محسوبه بعرس هذا الحلم ماينشاف
يبني يجاسم من رحت دمعي بالحنه انــــراف
يالتزهي يالوجهك كمر ومجمل انجومه اوصاف
يأبني يا عطــر الحسن وبيا حـــزن كلبي انعاف
البعد خلانـــي انجـــوي ماتعـــرف شبيه
ومن انه اشوفك ارتـوي واحسبها مكضيه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
كل ليله تكضي للسهر يبن الحسن لفراحك
هسه الفرق زفتك حرب ويتعالى بيها انياحك
ظليت بالخيمه انتظر وترجع الي بجراحك
الطف ييمه الما رحم جنحي انكسر وجناحك
الحنه صارت بالدمـــه وبالامــي ليليه
وحزنانه يايمه السمــه وعيوني مجويه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
عمري تبده على الشمع يالماخذ اسنيني وياك
ملجومه من هذا الجره متوذره ياريت احذاك
اذاني فكدك يالرحت ومايرحم كليبي جفاك
اشلون اودعك يانبُض ماتنحجي الـ الله وياك
بكلبي بس ماتنحجي واشصعبها اعليه
اعيونــي اذاها البجي تريدك أنت شويه
ياوسفــه ياوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
ياحلم روحي شما رحت تبقى وتضل يمه وياي
انتَ السند وانتَ الهوئ يالطولك ايهبلي فياي
راسمتك بكلشي حلو يانبض كلبي وعيناي
عطشانه شوفك وارتوي جا شلي يمه بالماي
ياضوه عيوني وانتظر بلكت الك جيه
كلبي جم مره انكسر ياهوئ الريه
ياوسفة الوسفه _ طفو ضوه الزفه
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
#نزله الامام القاسم ع
القصيدة : اشراقه قدسيه
محرم الحرام
▫️▪️▫️▪️▫️▪️
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
خــل اشوفك أسد زائـــر بالمعـــاره ياشهم
انته من تاريخ واضــــح بيك متوزع العلم
الينظر بقاموس دربــك يفهـــم المــاينفهم
انته التوضح الرساله بعمر للحــب ينرسم
والثكال اعلومه رايد الملزومه
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
اشراقه قدسية بطلعتك ونرسم وجهك كمر
غالب الورده ابترافه وصبحك اليروي النهر
الدنيا تحله ابفي وجودك دونك ايصير السهر
اعيوني مشبوحه الجمالك يبني يحزام الضهر
بالجروح اداوي يالنهارك ضاوي
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
يبني ياسباح كلبي غالي ومحلي النبض
كل حلم تكبرله زفه وحلمي هذا المفترض
وتالي ابدي من وداعك حلمي حسيته انرفض
وكامت اعيوني ابدمعها ياسفر بيها انعرض
عايش بنص روحي لاتجمل اجروحي
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
اخر ايامـــي ييمــه ابزفتـــك ميت صبح
وتروح ياوسفه بشبابك وانته مومالت جرح
ورده وازكيها ابحنانـــي اغبشلها وتنذبح
لابقت لايامـــي شمعه اهواي لاجمني الرمح
ويادمعها اعيوني ميته ماتدروني
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
يبني و الفرحه تلاشت بيها غابش هالجفه
وراحت اسنيني ابمماتك شمعه عمري وانطفه
شلون جازاني زمانـــي واليّ بالنيه اشخفى
وعله هالدنيا ييمــه مـــن غبت يبني العفه
مغمضات اعيونك ما اعيش ابدونك
يبني جاســــم يبني جاســــم
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
جنت انه اخاف عليك يمه يحسدونك
واشلون اشوف الكوم يبني يوذرونك
حلمي عرس وبخور عمامك يحنونك
و يهوس العباس لمن يزفونك
انطيني نحرك خل اشمه
وعرس المبارك ييمه
دايفه الحنه بدمعتي
وبالهلاهل صوت لجمه
عفت الحرب تكتل وبثيابك تعدل
ليك فزعت لمن شفت خيل الرفس تصهل
....................................................
يا سلسبيل الروح متبدي بالميدان
واول عرس شفناه بي تلطم النسوان
المثلك ورد متروس مو تنذبح عطشان
وترسوها دم و رمال صينيتك العدوان
ثياب عرسك من لكوها
بخيمه اسكينه احركوها
ويا صواني العرس ذيجه
بخيلهم شو طشروها
ما ينشبع منك واشلون اعوفنك
لا تبتعد بخدك ورد خليني اشمنك
.....................................................
موذر يبعد امك و ما ميزك باالعين
بس يبني نيشانك هاالحنه باالجفين
امنيتي الف مبروك ايكلي اكون حسين
و ع الخير يا رمله ولد ابنج اتشوفين
بعرسك الهلهوله ونه
واهليه نطش دمعنه
الخيل لاينطيها الله
جفت صينيه الحنه
ومرتك اجوا ليها وباكوا تراجيها
لو تنسلب لو تنضرب لو تنجوي ايديها
...............................................
عريس و اجمل شاب يا فرحه ايامي
الحنه وصواني الياس طشروها كدامي
بعين الحقيقه تموت يا اجمل احلامي
يمه اعله بخت الماي من تنذبح ضامي
وين اكو ام عريس تنعه
وابدال كل هلهوله دمعه
وع الرمح باجر ازفك
بكل خرابه احط شمعه
ما نثرت امك ياس نثرت رمل ع الراس
لمن طحت كافي اسمعت سكتني العباس
...................................................
ثوب العرس جسام يبني عليك يلوك
بس ما شفت عريس بحافر فرس مسحوك
كونك تشم عطاب كلب امك المحروك
من تسمع بمرتك باجر تطب لسوك
شفت واحد اجه علينه
كلت ابني رجع لينه
ثاري واحد لبس ثوبك
وحرك خيمتنه وبجينه
مهنه يبعد امك يالحنتك دمك
لعرسك عفت ما قصرت يسوه الذبح عمك
..................................................
مرتضى عامر الشمري
ليلة العاشر … ذبحـــوا الوالي
ليلة العاشر…. سافــــر الغالي
★★★★★★★★★★
ليــــلة العــــاشـــــر جــــــــرح ماينســـــه
اشسوه بيه وانـــــه بت خـــير النــــســـه
كـــــربــــلـه صـــارت ظــــــلام امعسعسه
والـــزمَــن وي بــت علي كلـش قــــســــه
وصحت يالناطر…. دمعتي اتلالي
ليـــــلة العاشر…. سافــــر الغالي
★★★★★★★★★★
حـــــافـــيه أركـــض بالمعارة اموزرة
والخـــــيم فــــــــوگ العيال أموجرة
صحت بين الگــــوم وانـــه امحــيرة
يامَـــن ايحشـمــلــي ســبع الگنــطرة
زينب اتناطر… والدمع هالي
ليلة العاشر….. سافـــر الغالي
★★★★★★★★★★
رحت صوب المشرعة اوبدموعي اصيح
يابـــو فاضـــل زحمه لـــو هدمي يطيح
انـــه زينــــــب گبل مامســانــــي ريـــح
والشمر هســــه يطگنــــي ويستــريــــح
انته ماحاضر….. هوا يبرالي
ليلة العاشر… سافــــر الغالي
★★★★★★★★★★
حسين اول تالي يغفه اعله التراب
وليـــلـة العـــاشـــر گمر دنيانا غاب
ليـــش عبـــدالله انحرم من الرباب
وليش نامت بالترب هـــاي الشباب
چم جفن ساهر…. هم مثل حالي
ليلة العاشر…… سافـــــر الغالي
★★★★★★★★★★
بـــس اشيع بالجــنايـــــز للقبور
واعله حالي بچت من دم الطيور
گمت اشد روحي علگ بيد اليزور
وبالمگابر گاعده واشعل بس بخور
ابكسرت الخاطر….. ظلت اعيالي
ليلة العاشر…… سافــــــر الغالي
★★★★★★★★★★
چـــم عـــزيــــز المني راح ابلا وداع
الغالي نايـــــم بالتـــــرب مالچ يگاع
انـــه اخت حسين واشعـــر بالظياع
وبيتي ظل فارغ يويلي من السباع
چم ظهر كاسر…. ياگمر عالي
ليلة العاشر… سافـــــر الغالي
★★★★★★★★★★
ــــــــــــــــــــــــــــــــــــــــــ
ماجد حبيب الخيكاني
ونسألكم الدعاء
#من_ديوان_قربان_الطف_ج٩
قصيدة للرضيع(يوليدي دللول)
❥━──➸➽❥❂❥━──➸➽❥❂
في ليالي الفراق المؤلمه تجلس الرباب امام مهد ابنها عبد الله الرضيع فتنظر إلى المهد خالي وتذكر كيف كان ينام في المهد ويغفوا في احضانها فظلت تبكي وتنادي:
بعد ما اگول يوليدي دللول
لان حضني فرغ منك يمدلول
حضني اليوم خالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
بعد ماتمر هالچلمه بلساني
برباك شكثر ظليت اعاني
خذاك بساع من ايدي زماني
چنت تغفه عله اچتافي وحناني
راح ارباي ذاك وتعب الأيام
المن روحي طلع مفطوم بسهام
عانيت الليالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
الليل مساهره ودموعي بالعين
ردت تكبر واشوفك ذخر ومعين
اجتك بالنحر ياسطرة البين
ودلالي انفطر يوليدي نصين
اباوع للمهد واتخيل الگاك
واشبگك يالولد واسمع مناغاك
يجرحني خيالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
چنت انظر لوجهك لمن تنام
اسولفلك هواي آمال وأحلام
ماحسبت دهري هيچ الي ظام
من بين ايدي ترحل بيد ظلام
ماظنيت يبني مايشربوك
تفرفح بيد ابوك حسين خلوك
وانه الهم صفالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
بگيت بحسرتي ما انام بليل
صوتك اذكره وادموعي تسيل
ليش امك عفتهه بحسره وبويل
أمن اسمع طفل ناغه ينهد الحيل
للموت ابقه بدموعي وحنيني
ادري ماترد ليه وتجيني
بس الون حلالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
يالنحرك ترف وزغير عالموت
ادك عالراس وابچي بعالي الصوت
ورد عمري انفگد من ايدي بسكوت
الولي بدمع عيني وگلبي مفتوت
تبچي الناس ظلت ويه مبچاي
ابن روحي فگدته وثمر دنياي
عزيز وعلي غالي ... ظل مشدوه بالي
بعد ما اگول يوليدي دللول
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
نعي إلى عبد الله الرضيع
عطشان الوليد عطشان الوليد..ردناله شربة ماي عطشان الوليد
عبد الله شيريد عبد الله شيريد.من سمع طاري الموت عبد الله شيريد
هاك أخذه بالايد هاك أخذه بالايد.بلكت ترحمه الكوم هاك أخذه بالايد
ماظنتي يهيد ماظنتي يهيد..الا بسهم جتال ماظنتي يهيد
ياقلب الحسين ياقلب الحسين..لمن خذاه للموت ياقلب الحسين
ويكابل البين ويكابل البين..ياخذ رضيعه وياه ويكابل البين
يلكاهن منين يلكاهن منين..بعبد الله لو عباس يلكاهن منين
ياورد السنين ياورد السنين..ميت عطش ياحيف ياورد السنين
كال الهم اسكوه كال الهم اسكوه..ميت عطش ذبلان كال الهم اسكوه
بيديكم أخذوه بيديكم أخذوه. تسكونه شربت ماي بيديكم أخذوه
يا ناس ارحموه يا ناس ارحموه..بالحرب مامشمول يا ناس ارحموه
بالسهم ذبحوه بالسهم ذبحوه..من النحر ياحيف بالسهم ذبحوه
وانذبح بيده وانذبح بيده..أبنه طلب يسكيه وانذبح بيده
فوك الصعيده فوك الصعيده..ما نزل دمه وطاح فوك الصعيده
من دم وريده من دم وريده..عبد الله يشرب ليش من دم وريده
ميت يعيده ميت يعيده..لمه التظن يسكوه ميت يعيده
ماجابه لمه ماجابه لمه...لزينب خذاه بالحال ماجابه لمه
سابح ابدمه سابح ابدمه..من جابه ابوه حسين سابح ابدمه
شحال ابو اليمه شحال ابو اليمه..أبنه انذبح بديه شحال ابو اليمه
محمد النوري
فزاعيه للقاسم عليه السلام( يا زينب تلگيني )
بنص الخيم صاح حسين
يا زينب تلگيني
❥━──➸➽❥💔❥━──➸➽❥💔
صاح أو تهمل أدموعه
ومنه أمهدمه أضلوعه
جاسم طفو أشموعه
وهلي الدمع يا عيني
❥━──➸➽❥💔❥━──➸➽❥💔
لن زينب تلگته
وبيده الولد شافته
منه أنذبحت أرگبته
راح الگلهه حنيني
❥━──➸➽❥💔❥━──➸➽❥💔
طلعت تصرخ أبهليوم
ويلي أعليك يلمظلوم
ما لايگ عليك النوم
يا عمه دحاچيني
❥━──➸➽❥💔❥━──➸➽❥💔
عمه هاي تاليهه
گلي أمك شحاچيهه
فدوه گوم رد ليهه
أتجافيهه وتجافيني
❥━──➸➽❥💔❥━──➸➽❥💔
وأهلك وسفه ما زفوك
ولا بچفوفهم حنوك
عمك شايلك لاگوك
ويگلي دعينيني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٨ من شهر شوال
الموافق / ٢٠٢٤/٥/٧
يابدر تام
يـابــدر تـام .. يبني جسام
نزلت اويانه الشمس
زفـتـك يـوم العـرس
يبني جسام .. يبني جسام
ــــــــــــــــــــــــــــــــــــــــ
يـمـه بعيـوني فـرح يمـه بعيـوني دمـع
يمه هاي الحنه بيدي الياس جبته والشمع
احلـم بعرسـك اظـل والاهـل بـي تجتمـع
وزفتك مــو للمـنـايا زفـتـك بين الـربـع
ها يرجواي .. ونور عيناي
لايگ اعليك اللبـس
زفتك يـوم الـعـرس
يبني جسام .. يبني جسام
ــــــــــــــــــــــــــــــــــــــــ
يمه مااحمــل قـهـر لحظة لوعني ابعدت
ليش موبيدي ازفك بالحـرب شـو عرست
شلون لو اسمع خبر بين عـدوانك طحت
انا اموت اوياك يبني والله لـو گالـوا متت
وبين الارجاس .. يذبل الياس
كافي تنطيهم درس
زفتك يـوم الـعـرس
يبني جسام .. يبني جسام
ـــــــــــــــــــــــــــــــــــــــــ
والله جاسم من طلع اخذ كلشي أبدنيتي
خلـه بـس الاه عندي ياعذابـي ومحنــتي
زفته ادموع الاجل وسكته طاحت دمعتي
هاي هـيـه ياحبيـبـي اجـت ساعـة غربتـي
يبني لاتروح .. صاحت الروح
اليوم مايشبه امس
زفتك يوم الـعـرس
يبني جسام .. يبني جسام
ــــــــــــــــــــــــــــــــــــــــــ
قاتل اجيوش العده تگول چنه حيدرة
وابد ماهمه عددهم چنه سبع الگنطرة
عاد صولات الحسن وابواليمه ينظـرة
وامه ماتگدر تصدله بعد ابنها امحيرة
وطاح ياناس .. رفعة الراس
ابني ذبحاه الـرجس
زفتك يوم الـعـــرس
يبني جسام .. يبني جسام
ـــــــــــــــــــــــــــــــــــــــــ
شلـون زفـــة زفته هاشم ابوسط الحرب
هذا عريس الشهادة ماشرب مــاي العذب
ورمله لـمـن شافتـه والله هالموقف صعب
حرة ياجاسم عفتها بغربة ويطول الدرب
ليش الاحلام .. صارت اوهام
والامل يبني بحبس
زفتك يـوم الـعـرس
يبني جسام .. يبني جسام
ـــــــــــــــــــــــــــــــــــــــــ
شمعة طفاها القـدر وحنة فاضت بالدمه
صرت بغيابك يجاسم عـالـونين امـعلمـة
غاب جدك بالحرب والــوديـعـة فاطـمـة
يبني ماحضروني وسفة ابهالمصيبة المؤلمة
اشتكي الحال .. ودمعي همال
وياهو بهمومي يحس
زفتـك يـوم الـعــرس
يبني جسام .. يبني جسام
الشاعر فاروق الغنامي
26
............
يوليدي جسام....يوليدي جسام
.................
امك تكسر الخاطر
گلب امك اشگد حاير
الله يساعد گلبي
جمر بغيابك صاير
تفكيري كله يمك
يايمة ياروح امك
مت بغيابك يالولد
بالخيمة جابك عمك
يوليدي جسام....يوليدي جسام
................
مو ظهري بس المحني
طاح ابغيابك متني
ماوچد أنه ابعيني
ها يالولد ها يبني
فدوة رحت لعيونك
وشلون اعيش ابدونك
يبني يتعب اسنيني
من امك ايحرمونك
يوليدي جسام.... يوليدي جسام
....................
عمري بعد مايسوة
يابو حواجب حلوة
متگطع انت گبالي
راحتلك امك فدوة
تكبر گلت واخطبلك
وابعرسك اني افرحلك
ومتخيلة ازفك بيدي
كل لحظة چنت احسبلك
يوليدي جسام.... يوليدي جسام
................
يوليدي چنت اتمنه
بيديك احطن حنه
وكل ربعك ايزفونك
وابعرسك أنه اتهنه
العرسك اعد يومية
وامحضرة الصينية
تالي تجيني ابدمك
وافتر زماني بية
يوليدي جسام.... يوليدي جسام
..................
واهدومك امحضرتهن
وابعنبر امبخرتهن
كل ساعة اشمن بيهن
بعدك منو اليلبسهن
محضرة الك هلهوله
تتركني مامعقوله
تالي تروح ابساعة
چن امك المچتوله
يوليدي جسام......يوليدي جسام
....................
ونسألكم الدعاء
الخادم عمار الساعدي
لشهادة القاسم بن الحسن المجتبى عليهما السلام على طور (حرم عندي) لباسم الكربلائي
يصب دمي لأجل عمي
أمامي وقرة أعيوني
★★★★★
انا ابن النبي المرسول رحمه وخير للوادم
وابوي المجتبى الطاهر امام ومن بني هاشم
أصلنه على الارض رحمه وعالم من بعد عالم
وجدي المرتضى الكرار وانا الباسل ( القاسم )
أحاربكم واعرَّفكُم
بنفسي لوتجهلوني
★★★★★
هظمتوا حسين ابواليمه ومنكم ياخلگ همي
بشهر واحد نكرتوها رسايل وصلت العمي
جهل لوماتعرفونه لولمع الذهب يعمي
انا ابن الحسن روحي لبواليمه وفداه دمي
إله أسنيني ونظر عيني
النصرته ماتمنعوني
★★★★★
أنا القاسم اتعنيت للحومه اواجهكم
أحمي عمي وعياله وخيام الحرم منكم
شتنكرون بالمحشر لوتشهد رسايلكم
يلكل رحمه مابيكم وغير الغدر ماعدكم
العمر ذمه لبواليمه
حب حسين مضموني
★★★★★
قليله بعيني كثرتهم شماتكثر عساكرها
الحومه ماتهد عزمي ولاكثرة مخاطرها
بوادم علطمع والمال مبيوعه ضمايرها
كسروا هيبة الاسلام ياهو البعد يجبرها
مثل عمي يضل عزمي
الحرب ماغيرت لوني
★★★★★
رخص عمري لبواليمه وشبابي وزهرة أيامي
للضل لامعين وناس ومهموم الگلب ضامي
ومن اسهام تتخاطف جبينه للاسف دامي
البواتر ماتألمني غربته زادت آلامي
يوصوني ويذكروني
للطف اهلي رَبوُّني
الشاعر حسن لعيبي الحريشاوي
نعي
الليله الثامنه (القاسم)
لسان حال رمله ع
يـجـاسم يبني ربـيـتـك ولـلشـيـب الـولـد يراد
يـزهـرة عـمـري وسنيني ما ادري زمانـي اشـراد
اكـابـر وحـمـل جروحي لچن ماينفع الهه اضماد
شسوي وفرگتك صعبه والگلبي الـصبـر مـا فـاد
احـلـم بـيـك يـولـيـدي افـز وصورتـك بـالـعـين
يالغالي انگطع رجواي هالفجعه اجتني مـنـيـن
عفتني بحزني والدمعه وعگبك ما رحمني البين
امــك يـا بــعــد امــك واهلك عـرسـك متانين
چانت ضنتي اتشوفـك عيني وبـيـدك الـحنـه
يـوم بـيـوم احـسـبـهـن گـلـت يـكـبـر وزفـنـه
اجتنه الغاضـريـه منين يـويلي وگطعت الضنه
يـيـمه الـمـوت اشوالـي امـوت واخلص اتـمـنـه
دهـري زاوداني أعـلـيك وبـعـد هيهات نتلاگـه
الـمـثـلـك ولـد ويـروح يـتـرك نـار حـرّاگــه
ثـكـلـه وبالحزن ضليت وروحي عليك متلاگه
يگلولي خـذاچ الـشـيب گلتلـهـم عـلـى فـراگـه
*------------------*--------------*
ابوذيات
الـلـيـالـي خـوش بـفـراگـك .. يزتني
وشـجـاهـه أسـهـام عدوانك .. يزتني
يـجـاســم يـاهـو الـگــبــري .. يزتني
ويـقـره الـفـاتـحـة ويـنـصب عـزيـه
*-----------------*--------------*
ظـهـري انـكـسـر بـمـصـابـك.. وحنيت
ودمـعـتـي ســالــت بــخـدي.. وحنيت
يـجـاسـم خـضـبـت شـيـبـي.. وحنيت
بــدمــك والـنــهــار اظـلــم عــلــيـــــه
*---------------*---------------*
✍خادم الحسين ع
الشاعر رعد الجريخي
يجـــاسم عالــــوطيه
بقـــت جثتــــك رميه
*-----*-----*-----*-----*
جــاسم يــا نبــض روحــي وألمها
اطشــرهــــا بعــد عينـــك ولمـــها
ازعـــل عينــي بغيابــك وألـــومها
أذا متصب دمـــع صبــح ومسيه
*-----*-----*-----*-----*
شمعـــات الحــزن أمـــــك وجنـها
يمن فگــدك سلـب روحــي وجنها
لــوّن تهمــل دمــع أنســـن وجنـها
مـــا تشبــه دمـــع عيني الجــــريه
*-----*-----*-----*-----*
يريحه من الحسن دهري نشرها
ورايــات الحزن بعـــدك نشــرها
المدامــع يمّــه عالوجنه نشــرها
مـــا تنشف لحـــد يـــوم المنيــه
*-----*-----*-----*-----*
ييمّـه الونــه هـاك اسمــع لحنـها
بعد عينــك رمـــاح الـهم لحنـها
اچفوفي مــن دمـه الهامه لحنها
مــو حنّـت عـــرس حنّــت منيـه
*-----*-----*-----*-----*
ييمه الــروح مـن بعدك شجـاها
بس النــوح يـا جــاسم شجـاها
كــون بهامتي الصابـك شجـاها
ولا هامــك تخضــب عالــوطيه
*-----*-----*-----*-----*
الشاعر
موسى البديري
راوي الحدث خيمه ضل منها بالهيمه
وتسولف الأم
معرس رخص روحه جروح أمه بجروحه
رمله ويجسام
.............................................
خيالي بليلة الحادي عشر للطف اخذني وهام
ولگيت الطف جثث وسيوف ولايمشي بخيالي جدام
اريدن من يسولفلي موادع رمله ويجسام
وحيد امه وگرب عرسه وماتدري الزمان اشضام
ياهو لسئله ويحجيلي موادع الولد يرويلي
وصله من خيم توميلي ورحتلها
حنت العرس حنتها دمعة أم ولد دمعتها
لوعة الفگد لوعتها وگلتلها
بين الرمل شفتج وعن جاسم اسئلتج
عندج خبر هام
معرس رخص روحه جروح أمه بجروحه
رمله ويجسام
"""""""""""'''''''''''''''''''''''''''''''''''''''''''''''''''''''""""""""""""
بدت تحجيلي وتگلي على هونك وحجي يل ولهان
يل رايد خبر مني على جاسم زينة الشبان
انه خيمته وشفته من أنوى يروح للميدان
راح العمه ابو اليمه واذن من عمه رايد جان
عمه من نظر لوصيه لفرگتك نده مابيه
ومن إذن رجع هم ليه الوالدته
رايح الحرب والديني أفدي هالعمر لحسيني
اوفي انه الج بسنيني وشبگته
صاحت يادلالي شيعوضك يل غالي
بدر امك التام
معرس رخص روحه جروح أمه بجروحه
رمله ويجسام
"""""""""""""""""""""""""""""""""""""""""""""""""""""
راح ورمله تانته وبيها النار لهابه
بطه وعمه گصدله وراح لحد ما عالصدر جابه
وجاسم حين شافته ومنها العين سجابه
گعدت يمه وتگله الصابك گلبي هم صابه
موتي يالولد موبيدي بداعت الربه يوليدي
جلمة رد علي يوحيدي يايمه
للحرب عسن ماخذني يبني للدمع عايفني
بفرگتك ذبح ذابحني يالچمه
جروحك ولم بيه خليهن عليه
على امك ترى ولام
معرس رخص روحه جروح أمه بجروحه
رمله ويجسام
"""""""'""""""""""""""""""""""""""""""""""""""""""""""
عرسك جان ياجاسم تگله مناطرته سنين
ويرسمك صور بالي مو وحده ولاهي ثنين
الهواشم توگف بعرسك ييمه واليزف حسين
ماحسبت يبني بيوم يخطفك من اديه البيت
عمك العرس منتظره صوغة ضم الك لو بشره
شگد الك حجي وياكثره ويبالي
تالي بالدمه تتحنه وللعرس بعد ياضنه
گبلك الأجل أتمنه يالوالي
منين ابدي وحجيلك يل فرهدو حيلك
فرهود الخيام
معرس رخص روحه جروح أمه بجروحه
رمله ويجسام
"""""""'''''''"""""""'''''''''''''""""""""""""""""""""""
عدها وصلت الخيمه حجت وتلفتت ليه
جاسم سولفت عنه ماگتلي شجره عليه
انه الماكلتني النار رغم كل شي كلت بيه
وصيت الحسن لن ظميت طفت من گربت ليه
گلبي محترگ لاجنه علي من دماه اتحنه
ونت ام ولد بي ونه وشبيدي
جاسم الحسن وعلومه وسفه زفته بالحومه
ورمله نادته ومهظومه يوليدي
شموع وياس محضره لعرسك عود مگدره
وغدر الدهر ظام
معرس رخص روحه جروح أمه بجروحه
رمله ويجسام
"""""""""""""""""""""""""""""""""""""""""""""""""
خادمكم قاسم المالكي
يا ابن الحسن المجتبى
القصيدة : ايصلي لو صافه
محرم الحرام 1446 هــ
▫️▪️▫️▪️▫️▪️
من اعيونه ومبسمه الله خلق هالسمه
الكمر لو شافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
القاسم والجمال امن الحسن كله
ابمشيته وبالكرم وبشكله وبفعله
اللغـاز ابجماله وصعـــبه تتفســـر
الــعمه مثل ابو فاضل صعب حله
اجه الطف واجـــه بلامـه ودرع من الحسن كامل
طلع مثل الشمس يضوي بشروقه جنه ابو فاضل
ياجماله البلضمه خضار وحل موسمه
النهر وضفافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
روحـــه امن الورد لا بل ورد جنه
واكبر من وصف شاعر يصف حسنه
تشوفه المجتبى ومره تشوفه الماي
وجه من الكمـــر بل الكمـــر منه
ابن اكرم بشر والله خلق من طينته القاسم
نهر من الوفه العمه جــره بغيرة بني هاشم
خاتم مبهم طلسمه بروحه لوحه مرسمه
الشافه ماعافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
وصيه على الزند معكــوده من غيره
اذا يبقى الحُسين الوحـــده وبحيره
قبل لاتنفتح طك عرجـه سل السيف
الوفيـــه ذاتـــه مـن كيفه يهل خيره
بوصافه وفعل ذاتـــه تشوفـــه سيد الموقف
نزل شايل عزم حيدر وانه ابن الحسن يهتف
الجرح العم بلسمه بوصافه الحب سمه
الحب لو طافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
شبل مــن الحسن بالطف بذل روحـــه
وعلى متون الوفـــه دك لافته ولوحـــه
اهدعش من العمر قدمها بس لحسين
عشك درب الشهاده ونزفت اجروحـــه
وره اعيونه وفه مبني وشهاده وعزه والنخوه
بثنيات الخيم صيته ولمع نجمه وركض هوه
يامحله الخاتمه ونطى بجفه الدمه
العالم بطيافه ايصلي لوصافه ويصيح الله الله
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : جنه الماي
محرم الحرام
▪️▫️▪️▫️▪️▫️
يجسام .. اشعل شمع لعيونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
الليله مختلفه يغالي والسمه تضويلك
الليله مومثل اليالي والكمر يحجيلك
الفرح يوليدي راحه ومن شفت يوميلك
بسمك العطشان يروه والنهر يصغيلك
جنه الماي .. هذا اهواي .. وشلونه
كلنه نصيح .. هاي الريح .. من لونه
يجسام .. بيرغ تشيله متونك
يجسام .. ابهل عرس خيعونك
ـــــــــــــــــــــــــــــــــــــــــــــــــــــــــــــــ
سودن العشاك طوله وياحلاة اعناده
جاسم العريس هذا هيبه وابن الساده
بلسم الملجوم صار وصار والله ضماده
فرحة العشاك ايه وعنده بيها ايراده
كلشي وياه .. بس تقراه .. تلكونه
هاي الروح .. فدوه تروح .. لعيونه
يجسام .. وبالفرح يردونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
الفرح مرسوم زفه وبوسه من اوريدك
وزفة العشاك طولك تنرسم من عيدك
يافرح ماخذني نجمه من ترد بجديدك
يبني ما ادري بفرحها روحي هاي تريدك
كلشي يصير .. والتدبير .. بفراحه
لم الناس .. والعباس .. واجراحه
يجسام .. كلشي يصيح شلونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
ياحلاة الحنه يبني تنرسم بجفوفك
وانرسم ضحكة حبايب ياحلاة زلوفك
العرس يايمه ديره وتنرسم بطيوفك
جبت حناتك بديه بكلشي يفرح شوفك
انته ادواي .. وانته اهواي .. بصفاتك
جنك طير .. يمه وغير .. نظراتك
يجسام .. مشهد صار من لونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
انكتب يايمه اشوفك لابس ثياب العرس
ومنك اتحنت ليالي بيها معروف الهمس
يومك الماصح مثيله يختلف عن الامس
انته ياضي كل حياتي انته ياقرص الشمس
افرح دوم .. موش بيوم .. فرحانه
دمع العين .. صار سنين .. حزنانه
يجسام .. تكسر روح من دونك
يجسام .. ابهل عرس خيعونك
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : حنت اللام
محرم الحرام
▪️▫️▪️▫️▪️▫️
حنت اللام يبني جسام
حظرت ثوب العرس عطرت الخيام
ــــــــــــــــــــــــــــــــــــــــــــــــــــــــــــــــ
عطرت ثوبك دمع اخ وحزن هاليله
حضرت صينيه الك الليله موش طويله
بخيامي وزعت الشمع الفركه هاي ثكيله
يبني بالحومه انكتب رايح تودع العيله
حضروا سهام وماتت احلام
البيها اريدنك شمس عطرت الاخيام
ــــــــــــــــــــــــــــــــــــــــــــــــــــــــــــــــ
بحِنتك ردته الفرح ليش الحزن يبرالي
ياجاسم بهذا المسه والله نفطر دلالي
الزفتك انصب عزه ما مرت اهيه ابالي
كل ظني اشوفك تبتسم وافرح الك بالتالي
جفت اقلام لحضتي بعام
يومك احلى امن الامس عطرت الاخيام
ــــــــــــــــــــــــــــــــــــــــــــــــــــــــــــــــ
تلبس ثياب العرس يبني وضحكتك حلوه
وتكشخ اكبال الكمر عمك يكلك فدوه
تمشي ونطش الورد ونزفك اعلى اللبوه
ثاري كل هذا حلم مات الحلم بالصحوه
بليل الاوهام تصعب ايام
بعطرك البي منغرس عطرت الاخيام
ــــــــــــــــــــــــــــــــــــــــــــــــــــــــــــــــ
تحنت اجفوفك دمه وجسمك ييمه مطبر
ماشفتك بثوب العرس جايمته اشوفك اكدر
مثل النوارس عالجرف حلمك ييمه اطشر
يبني يجسام العمر ياريتـــه يكصر اكثر
فرحت اقوام هاي الاحكام
بيه حزنك منحبس عطرت الاخيام
ــــــــــــــــــــــــــــــــــــــــــــــــــــــــــــــــ
جنت متأمله الفرح ومحظره يمه الزينه
وهسه كلبي انه انجرح والشامت يصد لينه
ميته ريت وما شفت جسمك اموذرينه
من حكي الطم وانتحب راح الولد وسنينه
هل خبر هام يبن الاكرام
للخيم رد بالهمس عطرت الاخيام
ـــــــــــــــــــــــــــــــــــــــــــــــــــــــــــــــ
ادفنت روحي ابالم جبت الدمع لجفوني
والطمت وجهي بترب ردت تعمه اعيوني
يايمه عكبك ياصبر ينفع بعد لظنوني
جان ابني والسند شايل حملها امتوني
مابقى اودام الموعد الشام
ضليت بعده ابلا نفس عطرت الاخيام
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
الامام القاسم ع
القصيدة : قراري ومصيري
محرم الحرام
▪️▫️▪️▫️▪️▫️
قراري ومصيري _ لحسين اميري
ــــــــــــــــــــــــــــــــــــــــــــــــــــــــــــــــ
انه القاسم انه وعمــي الكمر وحسين
انه ابن البلكرم ينطي ضوه من العين
انـــه جــدي القلع خيبر بطــل صفين
على نهج الذكرته امشي نهجنه الدين
ادافـع عن خيام العـــم مصيري البين
فلا اركع واعرف ابدربــي ياخــذ ويـــن
محكم ضميري _ لحسين اميري
ــــــــــــــــــــــــــــــــــــــــــــــــــــــــــــــــ
يِبن سعــد وجهودك هايه ابــد متفيد
جمعك هـذا ماراهبنـــي عزمـي ايزيد
يشجــرة باطــل المــاي الظلاله اتريد
ظَلك ابـنَ هنــد ومـد ظـــلام الايــد
وركضت البيعته ولاجله تهــد وتحيد
فـ واللهِ النصــر دمــي واحسبه العيد
بنـــارٍ سعيري _ لحسين اميري
ــــــــــــــــــــــــــــــــــــــــــــــــــــــــــــــــ
انــه الماخايف وجــدي علـــي الكـرار
علــم عدنــه اشيصير ابكربله ويندار
رضيت بقسمة الباري والي اشيختار
اضــل متوذر ابحــر الشمس والنــار
كلشــي ولا تظلنــي الدنيـــا ياكُفـــار
انطبع دين الله بينه وصرنه كلنه احرار
شذاي وعبيري _ لحسين اميري
ــــــــــــــــــــــــــــــــــــــــــــــــــــــــــــــــ
وحــك رب العــرش وبعزتــه وقــدره
على دين الله اساسي ومصدري العتره
وصيــة امن العزيـــز الوالد وأمـــره
اذا شفت السبط وحده تجي اتنصره
ونحــرك قدمــه يوليدي قبل نحـــره
وجسمك عـ الارض جدك علي يحضره
بشمس الضهيري _ لحسين اميري
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
حضرت لوليدي شمعه وذيج الثياب
لجاسم تلوك الهلاهل موش التراب
يا ترافه ابني ميت ومتحني
...........................................................
شايل احساس الفراشه ال علورد تفتر
الله خالق مثل لونه بس علي الاكبر
تغار من عده البلابل ترف ومعطر
كمر كامل راح ابني بس اجه موذر
كتله مو حلوة الترابه وانته عريس
التراب يلوح خده وشامته يجيس
راح تعبي وضني ميت ومتحني
..................................................................
ملتزم ابني بصلاته وعارف بدينه
عينه ما تنضر معاصي تنضر حسينه
لو يمر ضل حرمة يمه يغض طرف عينه
كربلا نهبت جماله وذبحت سنينه
ذكرى بالخيمه ثيابه وعود البخور
والعصافير اعله وجهه تصلي وتزور
بالذبح متهني. ميت ومتحني
................................................................
جفنه غافي وشعره نازل واصل متونه
مثل راية سلم كلبه الكل يحبونه
شامته بخده عجيبه وانفرد لونه
من بريق العرش ابني انخلقن عيونه
بالاعراس الناس تنثر ورد والياس
ويوم عرسه سكينه نثرت رمل ع الراس
كبر همي وحزني. ميت ومتحني
.............................................................
عمره ما سمعني جلمه غير يا عيني
شما اكله يكول حاضر يمه امريني
قل اعوذو من فراكة وتالي يجفيني
يا وصيته المثله ترفه بعرس ذكريني
والورد محروك كلبه مثل الشموع
زفته اعله رماح صارت طشو دموع
والبواجي تعتني ميت ومتحني
...................................................................
ذاكة دمة الترس ثوبه بياض وجه امه
لا حسافه ولا هضيمه جي نصر عمه
ما يدور ع المعاصي اليلكة ابو اليمه
مثل ابو شيخ يتمنه وفرهدوا حلمه
مثل ابوه وليدي طالع كله مرجله
الجيش اجه يذبح يريد وكاللهم هلا
راح المدللني ميت ومتحني
....................................................................
امنيتي حنه وبيها شمعه بعرس جاسم
يهوس العباس عمه بنص بني هاشم
ويلبس ابني ثوب عرسه ويكشخ الهايم
واسمع اعله الخير رمله والفرح دايم
مبارك يكلولي رمله و شايفه الخير
يهلهلن عماته يمه ويفرح الطير
الشوك كام يهزني ميت ومتحني
....................................................................
..
الشاعر مرتضى عامر الشمري