7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصائد في ذكرى شهادة سيدي ومولاي الإمام موسى الكاظم عليه السلام
قصيدة { يا موسى بن جعفر }
لا ما تبقه حاير ... بس إندب يزاير
يا موسى إبنَ جعفر .... يا موسى إبنَ جعفر
……………………………………………………………………………………………………
يم باب الحوائج هالحوائج تگظي كلهه
كل شِدّه تهون وما تظل وإهنانـــه حَلهه
كل زاير يگصده يخلي بي روحه وأملهه
ربك باب للحــاجـــات ثـــق بابــه جعلهه
زوره ومن تِطلبه ... گلّه يابو طِلبه
يا موسى إبنَ جعفر .... يا موسى إبنَ جعفر
……………………………………………………………………………………………………
جنّه اعله الأرض صارت فخــر بالكاظميـه
هاي إزيارته بأعظم أجــر محـــســوبه هيّه
يامَن حاضــر بصـحـن الغريـب بصافي نيّه
سولف حاجــتــك تاخذ جــوابــك هالمسيّه
مَيرد خالي چفّك ... والكاظم يعرفك
يا موسى إبنَ جعفر .... يا موسى إبنَ جعفر
……………………………………………………………………………………………………
إندب هالغـريـب وإذكـر بدمـعـك مصـابـه
مَيخلّيك يعرف بـيـك تنـتـظره اعلـــه بابه
كل مهمــوم لا مَيـدوم هَــمّــه ولا عــذابــه
يسأل والســـؤال ابلا جَــدَل ياخـــذ جوابه
يحضر بالشدايد ... لا ما ينسه واحد
يا موسى إبنَ جعفر .... يا موسى إبنَ جعفر
……………………………………………………………………………………………………
حتى عن بُعد هم يسـتـمـع تلگاه حاضـر
مَيعوف الغريب إبغربته وما يبقه حــايـر
وبأسمه إنوصف من خالقه جبر الخواطر
ســابع ســادة الأطهار يدري الگلبه صـابـر
يسمع كل نداءه ... لو صاح ابدُعاءه
يا موسى إبنَ جعفر .... يا موسى إبنَ جعفر
……………………………………………………………………………………………………
چف موصوف للملهوف يمسحهه المدامع
والينخاه روحــه إوياه ما تبــقــه المواجع
يلمح دوم كل مهضوم زاره وگلبه خاشــع
باب إمراد ينطي إمراد يكرم صدره واسع
يفهم كل وضعنه ... لو گلنه بدمعنه
يا موسى إبنَ جعفر .... يا موسى إبنَ جعفر
……………………………………………………………………………………………………
راهب آل طه وبالسجــــن ظل گلبه دامـي
زوره وصيح عالي الصوت وينك يا إمامي
نبع الطِيـــبْ ظل روّاي كـل ولهــان ظامي
صيح اليوم يا مســمـــوم أبعــثــلك سلامي
عامر دوم بيته ... ظل معروف صيته
يا موسى إبنَ جعفر .... يا موسى إبنَ جعفر
……………………………………………………………………………………………………
كل هاي الملايين التگصده ابهالزياره
ملهوفه وحزينه و هوّه مَــأمَــنْ للحياره
غصبن عالظلم موسى إنتصر هذا إنتصاره
قِبله الكل محب وبكل فخر حافـــظ دياره
وبهاي المسيّه .... صرخة رافضيه
يا موسى إبنَ جعفر .... يا موسى إبنَ جعفر
……………………………………………………………………………………………………
خادم الحسين عليه السلام
عمار هليل الواسطي
جوكات تشييع الرمزي لمولاي موسى الكاظم عليه السلام
عشرة أهــــــل عشرتنه وياك
خسران كلمن موسى جافاك
فزعت محب فزعتنه
ثورت عشگ جوگتنه
گول وفعل شيعتك وياك
ــــــــــــــــــــــــــــــــــــــ
روح المحب ياموسى تنعاك
مو هينه يابو الرضا بلواك
رفع الضـــــــلم غايتنه
نواسي الرضا بجمعتنه
گلب الموالي حاشه ينساك
حسين...
ــــــــــــــــــــــــــــــــــــ
أربـــــــــع محاميل النعش شالنه
هسه الضريح اطوفه انس وجّنه
عليك الخـــــلگ ملتمه
بخيت الضريحك شمه
عطرك يموسى عطر جَنه
حسين...
ــــــــــــــــــــــــ
خادم موسى الكاظم ص
✍️ياسر الزيادي
بما جرى عليك يا باب الحوائج هو مواساة لِما جرى على الحوراء زينب (ع)
..........
الوادم اتعيش الفـرح وحزن الطواميــر ابألم
يهل البخت عدكم ضوه مدفون حزنه بالخيم
ياخذ مصابه لكربله لحـــد الخرابـه وينفجـــع
أبو الرضا أبحزنه يون ومن السجن گلبه أنلچم
من سجن لسجن يا عِظم المصاب
يا أهل الغدر لو جاكم عِتاب
هذا ابن الزجيه وما عدكم رَحم
وچم گيد أعله چفه ويزداد العذاب
........
ما مر عله عيونك شمس وتذكرت ذاك العصر
جلد اليطيح أمن العضد وداك صوب أم الخدر
زلمه وتشيــل أكبــــر ألم بس الحرم ما تحتمل
والســـوط من يلسع ظهر شوغة مره ما تنغفر
يا جرح التشيله وزينب تنضرب
سمعوها كـــلام الما يـدخل گلب
ها زينب واخيرا ظلــج ينعـرف
من عگب الكفاله عاشت بالغرب
.............
يا رحمة الله بالارض خدك عله تــرب السجــن
ما طالت النومه ويجي طيف الضعن بين المُدن
ويتبلل اترابك دمع وتنادي خدر الله أبجرح
ولو هود الليل وتفز اجروح الضعن بيك وتون
دخلوهن اسارى لحد بــاب القصر
ويا دم الچفافي أمن أحجار الغدر
الكوفه أمن السطوح اتشامر علضعن
والشام ألمصيبه اليهتك بالخدر
................
غيضك طفح من الرجس من يشتم امك فاطمه
وتتمنه روحك تنقبض وترفع گيودك للسمه
اشحال البگت متحيره وتتسابگ الناس أبشتم
وهيبة ضعن طر الدرب وخيط الحبل يگطر دِمه
يا گلب العقيله ابكل خطوه يموت
ما صارت گبل للمجلس تفوت
ما عرفو خدرها بس هسه انعرف
خدر الله الگبل الما سامعله صوت
...............
جرح السجن ما ينلچم تلگه الخرابه ابكل وكت
ما تغفه طفله امخدره وما تغفه عينك لو ردت
تتلمس اقدامك أذا تٍشعر جمر داسه الطفل
وصوت لرقيه ابدمعتك صحت ابأسمها وهم متت
ويا آخر نَفس خلصــته أبهــلا
الميت أهله تحضر أهلك بالفله
اخر دمعه منك طاحت علوجه
لأجل الماتـــت ابغصــة كربله
.........
تمت
عمار جاسم
((ابوي))
جيتك والحزن عثــــرلي الاجدام
وجــــروحك بگــــــلبي ديرة ايتام
احسك بالسجن من تنضرب حيل
كل سوط اعله متنك تصرخ الشام
ابوي ...
"""""""""""""""""""""""""""""""""""''''''''''
يــــا أبـوي ..
ياموسى ابن جعفر جـازي العيون
كلشي بروحي ظل وياك مسجون
ترى الفاگد ابو كل خلگـه مدفون
شفتك عالجسر شــو اصفر اللون
صفارك مال فرگه وشبحةّ العين
أنه السجــــاد بيه وبيك الحسين
ضاعت حتى چلـــماتي بالدروب
اسولف بيش يالمـــاخذني ليوين
ابوي ...
"""""""""""""""""""""""""""""""""""''''''''''
شلون اصيح ..
يانار الجـــــروح التحرگ النار
اركض والعـذاب بروحي يندار
بطاموره وعذابك بالحچي حار
المثلك ينفگد كل عمره محتار
أنه وليدك اجيت وبالي مخنوگ
يبويه آنه الرضا ويـادمعةّ الشوگ
دمعتي ضعــون زينب لمن تسير
والوادم شماته والدهــــــر سوگ
ابوي ...
"""""""""""""""""""""""""""""""""""''''''''''
بويه آخ ..
بالمغيسل أگلــب بيك معقــــول
بصدرك شو أثر شو چنهن خيول
لو هاي الرفس بــــويه يمكتـــول
يضربونك ال الله حتى متگـــول
أچفن بيك وانتــه تصيح مذبوح
ابوي حسين فوگ الگاع مطروح
من ياصفحه اگلبك زينب تصيح
فوگ الهزله والــــــدلال مجروح
ابوي ...
"""""""""""""""""""""""""""""""""""''''''''''
ياعذاب ..
يحفرون اللحــد وآنه الگلب شاب
مــن غربةّ اتــــراب الغـربةّ التراب
صرت آنــه الضلع والــوادم البـاب
دفنت مصاب ابوي وخضر مصاب
غـــــــربه ثنينه ولاعدنه ديره
انته بمــــوت وآنه بلا عشيره
افزعمن الـوادم كلهم اجناب
كبرت حسرتي الدمعه چبيره
ابوي ...
عبد زينب
محمد الابراهيمي
صوت المناير كاظمي ... موسى هلا بزواره
___
بلال الحِــزن أذّن واعتــلن صـوتـيـن
لقد حــــانَ عزائـــه صاحـب الگـبتين
الصوت الثاني يطلع من دموع العين
النشيد الكاظمي " هذا الغريب منين "
فاتحـها بابـه بلا قفل ... لا ما يرد خــطــاره
___
رجال الخِدمه خــادم حَشَّم بخـادِم
هِـتـــف لَبــيــك يا راهِب بني هاشِم
يمكـــن حتى شبـــاچه نـــــده هايم
هلا بالجـــايْـنـِــي بزيـــارة الكـاظِــم
هذه مَشـيكم للأبد ... بس الله يدري اسراره
____
تِسولف علىٰ الگُـبّه رايه وي رايــه
هذوله عالجسر وصــلوا المشـايــه
واحدكـــم ابعين أبو الرضا هـوايه
يِحِب ادموعكم لو صــارت اقرايه
يرعاكم بطول الدرب ... ما غِبتوا عن أنظاره
_
إذا زاد الخَـــطر زادَت مَـساعِيــكم
تمشــي اگلــوبكم من قَبِل رِجليكم
بكل خطوه الأمام المَهدي يحميكم
اباب الصحن يهــتف يا هلا بيـــكم
وين اليِشَيْعِ اجْنازِتـه ... الكاظم يَحَيْ انصاره
_
سجين و حَرَّر الانســـان مِنْ قيــده
يطِش بالخير و اهوه مگيـــده ايده
نصيــحه الراد غيــره محـــد يريده
فقط موسى بن جعفر هوه اليفيده
هو الوسيله السادسه ... من علي عامر داره
__
شفِت مشــلول زايــر بي عـشــگ يكبر
شُــمر عِـكَّـــازته و ما گـــــال ما اگـــدر
من أقصى العراق هــواي اِجَت تِحـضر
الزوار ابـ أمــانـــة مــوســى ابن جـعفر
جبريل بجناحه نزل ... يحـميكم الله اختاره
___
.الشاعر حاتم صبري الكاظمي
مَـلاذ الدنــيه بَعـتـــابَه
كريـم و ما يسِــد بـابه
الحوائج بينه من تكـثر
بأمانة موسىٰ بن جعفر
_
أنصحَـك لو يشِد حربه على گلبك زمانك
إذا تختـنگ روحك لو يضيگ بهم مكانك
إذا شِفـت البـشـر ضِدّك تعنّــه و بحـنانك
دخيلك گلّه عندي و الي ما عندي بأمانك
عد عينك .. حُب ابو طِـلبه وطَـن
لـ سنينك .. ماكــو من گــلبه أحن
بيمـيـنك .. ينطي كلشي بلا ثمَــن
يوگفــلك .. ما يعــوفك لـ الـزمَـن
بعـطر جــنة عَــدَن داره
يسمو صاحِــب الشــاره
همــوم الوكت من تِكــبر
بأمانة موسى بن جــعفر
__
المريض الي يطب صحنه يشــافي منّـه عِلتْـه
و الـ ما يمشي بس ينخاه يرجع يمشي شفتـه
الكفـيف اعيونه ترجَع لو دِعه موسـى بدمعته
يـ الزايـر تِــرِد مــســرور گــبــره لــو شبــگـته
لتــعــوفــه ... هوه مفتاح الشدد
بحــروفــه ... قــل هــو الله أحد
من اطوفه ... أطلب و أكثــر بعد
بمــعروفـه ... خالي ما ترجع أبـد
و لا يكسر أبد خاطِر
يگُر اعيــون كل زاير
بـ جــوابـــه لا ميـتأخر
بأمانة موسى بن جعفر
____
عِشِت من زغري جوّه خيمته وروحه الرؤوفه
أبويــه يگــودني لـ گـبره و يگــلــي لا تعــوفه
إذا صــدري يضيگ ارتاح لو بـس مرّه أشـوفه
أحس فاتحــلي بابـه مَــدري فاتــحلي چفوفه
سألـوني ... بحبه مقياس العـشگ
عرفوني ... روحـي دونه تخــتنگ
يدروني ... برحمـــته نبـضي يدگ
بعيـوني ... عندي بس هو الصدگ
اكتَبِت بالمدمــع الهايم
أحِب راهب بني هاشم
علــيه الدنيــه من تفــتَر
بأمانة موسى بن جــعفر
_
بلاد البيها گـبره كل خطــر ما يبــقه لو مَـر
العراق بفضله و ألطافه أبد ميمسـه كل ضَر
اليزوره بدمعه يم فاطمه شانه وجاها يكبَر
سلام الله عليك اينادي يا موسى بن جعفر
خلانـي ... عايش أنه برحـمته
سواني ... و انرزقـت ابنعـمته
دلانــي ... واعتـكفت بخـيمته
عـلاني ... سـيدي في خـدمته
وحق الباري و املاكـه
بيــت الــروح شــباكه
صده الدمعــات يتكــرر
بأمانة موسى بن جعفر
_
اجيـته و گـتله انته بحالتـي مــولاي عـالـِـم
الشـغــله من أذبـها يـمك أطــلع بيــها سالـم
يتــغــيـرون و أنه باقــي مَـيغــيرني واهِــم
خير براسي سـويت و صرتلك خوش خادِم
بحنيتك ... ما يهمني كل خطـر
عافيتك ... عوضَتني من البـشر
تربيـتك ... شايل اسمك يا فخر
و بيتك ... يحله بالخدمه السهر
صحت وافتخر عنواني
أســد بغــداد سلــطاني
نخيـته بكلشي ما قـصَّر
بأمانة موسى بن جعـفر
الشاعر حاتم صبري الكاظمي
..
مجلس الامام الكاظم ع
💧💧💧💧💧💧💧
١/ لي حبيبٌ بين طياتِ السجونْ
حالُهُ واللهِ قد أدمى العيونْ
إن تسلني من تُراهُ من يكونْ؟
إنهُ موسى الكريمُ ابنُ الكرام
٢/إن أنفاسي َ في الصدرِ تضيقْ
فوليُّ اللهِ في همٍّ وضيقْ
ذاك سجنٌ أم ترى لحدٌ عميقْ
لهف نفسي دفنوا فيهِ الامام!!
٣/يا "عليَّ بنَ سويدٍ" لي رجاءْ
خذ من الصدرِ لهُ بعض الهواءْ
أسرجِ الدمعةَ من عيني ضياءْ
لحبيبٍ كلُّ دنياهُ ظلام !
٤/ من لهُ قد خلقَ اللهُ الوجودْ
جسمُهُ قد ذابَ من ثقلِ القيودْ
ذاك موسى الطهرِ في حالِ السجودْ
ستراهُ بعضَ جلدٍ وعظام !!
٥/ساقُهُ -ويلاهُ- رُضّت بالحديدْ
غُلَّ في أصفادِهِ حتى الوريدْ
آهِ ما أثقله ُ نعشُ الشهيدْ
حاملاً أغلالَهُ لاقى الحِمام !(الموت)
٦/فوق جسرٍ وضعوا نعشَ الغريبْ
مات مسموماً بذا قال الطبيبْ
هل لهذا المَيْتِ أهلٌ أو قريب ْ
يطلبونَ ثأرَهُ بين الأنام !
٧/جسرُ بغدادَ به ِ جَلَّ المصابْ
عادَ في الموعدِ من بعد الغيابْ
و إلى النعشِ أتى أوفى الصِحابْ
قرأوا الفاتحةَ بعد السلام !
٨/ مات. من عينيهِ أجرى دمعتينْ
دمعةً تجري على الجدِّ الحسينْ
وعلى الحوراءِ أمِّ الصابرينْ
دمعةً تجري على حرقِ الخيام !!!
#عظم الله أجوركم
محمد طالب العاملي
موشح للامام الكاظم ع
جمره الك ماتنطفي يابو الرضا
شما يمر يومك يوج بينه الغضه
**
جمره الك ماتنطفي طول العمر
مثل عاشوراء يومك من يمر
تشبه السجاد بگيود اليسر
الساگ من گيد الحديد امرضرضه
جمره الك ماتنطفي يابو الرضا
****
اعليك يالكاظم تون كل شيعتك
يم جسر بغداد تنعى امصيبتك
ليش ثلث الليال ضلت جثتك
ابلا دفن مطروح والموعد گضه
جمره الك ماتنطفي يابو الرضا
****
ياغريب الما حضر واحد الك
من اهل بيتك اجاك وغسلك
ابعيد عن ولدك قضيت وعن هلك
وجفن عينك سيدي مَن غمضه
جمره الك ماتنطفي يابو الرضا
**
بيد غربه جنازتك تچوي الگلب
موحش التشييع لو كلهم غرب
وساكن اخريسان دمعاته تصب
راح ابوه الغالي بيش ايعوضه
جمره الك ماتنطفي يابو الرضا
***
فاطمه المعصومه يالكاظم تون
اعليك يابوها غدت سود الجفن
هناك بالغربه الحزن زاد الحزن
اعليك يابوها غدت متمرضه
جمره الك ماتنطفي يابو الرضا
*
اعليك يامولاي دمع الحب نزل
ياشمس بغداد تضوي من الازل
ياطبيب الروح تشفي وكل علل
ريت سم الصابك بچبدي مضه
جمره الك ماتنطفي يابو الرضا
****
ها يشيخ الساده يا تاج الفخر
وين سجانك صفه بيه الدهر
وين صار الطاغي ماضله اثر
وهاي گبتك طخت اعنان الفضا
جمره الك ماتنطفي يابو الرضا
*
عمار حسن الدراجي
☘لاستشهاد الكاظم ع☘
النص //وزن الميمر
مستفعلن مستفعلن مستفعل
اويلاه علكاظم ومعصومه
اويلاه بنيته بچت مهمومه
🏴🏴🏴🏴🏴
جت الحزينه تسأل اعله الوالي
ماشافته ومچانه مظلم خالي
صاحت يبويه ارجوك عاين حالي
ضلت تون مالحگت مندومه....
اويلاه علكاظم ومعصومه
✍☘ام فراس الساعدي ☘
🏴🏴🏴🏴🏴
ضلت تون معصومه ماشافته
ابساعة غفل ويلي الابو فگدته
بدمعاتها لمن. رحل نادته
روحي الفگدك يالابو. مالومه
اويلاه. عالكاظم ومعصومه
✍️ #ام زهراء الزيداويه البصراويه
🏴🏴🏴🏴🏴
ونت لابوها و رادته هاليله
والبعده من دم الدمعها اتسيله
صارت الباري ابحالها تشكيله
ورسمة حزن بعيونها مرسومه
اويلاه عالكاظم و معصومه
✍️ #علويه ام فاضل
🏴🏴🏴🏴🏴
مشتاگه اَشوفنک یَبویه وجیتک
دِخلیت دارک خالیه مَلگیتک
اِتلگه بتک یَل اِلابو نادیتک
الفاگد عزیز اشلون یخلص یومه
اویلاه عالکاظم و معصومه
✍️ #یسرا الموسوی
🏴🏴🏴🏴🏴
بطاموره بالغربه ياوسفه امخليه
تنحب ابنيـته الليله وتنوح اعليه
من السلاسل تدي من دم ايديه
مالحـگت مشـتاگه اجته ابهومه
اویلاه عالکاظم و معصومه
✍️ #الشاعره العلويه ام مصطفى الموسوي
🏴🏴🏴🏴🏴
يكسر الخاطر وجع كلبه ومطروح
كل شيعته هاليوم متألمه تنوح
امصابه يشابه بعد جده المذبوح
احا علی الكاظم ياويلي ويومه
اويلاه علكاظم ومعصومه
✍🏻سلمى أم جعفر
🏴🏴🏴🏴🏴
تمت بعون الله
وبأقلام شاعرات رابطة الطفوف
❌❌غير مبري الذمه. اليحذف الاسماء او يغيرهن
نعي للأمام الكاظم عليه السلام
يالبالسجن حالك شلونه
وعونه الگعد وياك عونه
يگولون وجهك خرب لونه
جلد وعظم صاير يگولون
من الفراگ وضيم هارون
شمسوي جوه الگاع مسجون
مسجون بين اربع حياطين
المن تدير العين بالعين
ولدك وخوانك بعيدين
ولدك واخوتك كلهم ابعاد
وحيلك تضعضع سيدي وباد
عليك احزنت صوبين بغداد
عليك احزنت كرخ ورصافه
يقاضي الحوائج والكلافه
مسموم گلبك ماتشافه
روحك گضت والگلب مالوم
يگولون مات البطل مسموم
چا كون اخوتك يمك اليوم
ماگعدوا الخوان يمك
ولادروا بالملعون سمك
من كل كتر مسفوح دمك
اجروحك اهواي ودمك يسيل
عالجسر ذبوك الحماميل
چا وينهم ركابت الخيل
وين السباع اليوم عنك
امتونك وگلبك يوجعنك
وعدوانك شيردون منك
عدوك نذل موش ابن اجاويد
چا بيمن ايطلبك وشيريد
درب المدينه وكربله ابعيد
شاعرة اهل البيت
ام هجران العمارچيه
غير مبري الذمه من يحذف اسم الشاعره او ينسب الرثاء لشخص اخر
فزاعية للأمام الكاظم عليه السلام (( شو محد يتچيله ))
وحده اينازع المعصوم
شو محد يتچيله
صبح لازم اجروحه
وحده اينازع بروحه
لهله العين مشبوحه
من يوگف يطيح ومات كل حيله
من يوگف ابساع يطيح
مثل السعف بين الريح
وين اهلي وعمامي ايصيح
عنه ابعاد ويلاده ومداليله
عنه ابعاد ويلاده
ماسمعوه من ناده
صارت ناحله افاده
تتراجف اعضامه وكل مفاصيله
ضل كلساع يتغير
صار الحيد وجهه اصفر
والسندي عليه يفتر
فرحان النذل وامعيد الليله
فرحان النذل سماه
تالي اعله الجسر ذباه
خل نصيح واويلاه
خل ناخذ نعش والهاشمي انشيله
خل انروح ونشيعه
بينه اليلطم وينعه
وبينه اليهمل الدمعه
موش ادموع دم الكاظم ابچيله
موش ادموع نبچي بدم
يستاهل المشيم
بس هوه اليشيل الهم
من هم العلينه انريد نشچيله
لشاعرة اهل البيت
ام هجران العمارچية
غير مبري الذمه من يمسح اسم الشلعره او ينسب الرثاء لشخص اخر
استشهاد الامام الكاظم عليه السلام
نعازي مولاتنا فاطمة المعصومة بمصاب والدها ..
🏴🏴
ساعدنهه
شال ابوها الليله ٢
🏴🏴
ساعدنهه باللطم ... ساعدنهه
شال ابوها الليله
من ابوها تنحرم
ليه امتد چف الظلم
سنين حبسه اطويله
ساعدنهه
شال ابوها الليله
🏴🏴
ساعدن معصومه ... ساعدنهه
شال ابوها الليله
چبدته مسمومه
شلون تحمل يومه
احباب ماكو تشيله
ساعدنهه
شال ابوها الليله
🏴🏴
ساعدن معصومه ... ساعدنهه
شال ابوها الليله
للابو مهظومه
من اجنهه علومه
مات بزناجيله
ساعدنهه
شال ابوها الليله
🏴🏴
من اجه ليهه الخبر ... ساعدنهه
شال ابوها الليله
محد بموته حضر
لهله مشبوح النظر
راد اخو ايتچيله
ساعدنهه
شال ابوها الليله
🏴🏴
وينه ليعازيهه ... ساعدنهه
شال ابوها الليله
فاگده واليهه
سنين مارد ليهه
اخلاف عينه اذليله
ساعدنهه
شال ابوها الليله
🏴🏴
مات بالغربه بسجن ... ساعدنهه
شال ابوها الليله
روحه لحبابه تحن
الليله وياها نون
نلطم ونبچيله
ساعدنهه
شال ابوها الليله
🏴🏴
ام محمد الحجاج
يا بابَ الحاجاتِ..يا مولانا الكاظمْ
يا عِطرَ الدَّمعاتِ..من أجفانِ القائمْ
يا بابَ الله
وشهيدَ الله
يا إبنَ الآلِ
ورَسولِ الله
من صبركَ لاحْ
ألمٌ وجراحْ
يَا كاظِمُ في بئرِ الظلامِ دُعَاكَ فَاحْ
حزنٌ وأسى
ليلٌ ومسَا
يا كاظمُ في القلبِ هواكُم قد رَسَى
سلْ عن صبرٍ وكفاحْ.. عن موسى مولانَا
سلْ آلاماً لجراحْ.. وفراقاً قد حَانَ
&&&&&&&
يُسجَنُ ظُلمَا
يُأخَذُ يُرمَى
سنواتٍ يَقضي في
بئرِ الظُّلمةْ
دمعٌ لعيونٌ
ضربٌ لمتونْ
ويلاهُ على المظلومِ في قعرِ السُّجون
واسى السَّجادْ
بالقيدِ يُقادْ
واسى الحوراءَ تُسبى ما بينَ البلادْ
آهٍ للمَسجونِ.. قد قُيِّدَ بالأصفادْ
ظلماً من هارونِ.. يَسقي فيه الأحقادْ
&&&&&&&
يقضي مسمومْ
آهٍ مظلومْ
تنعاهُ الأملاكُ
والحزنُ يَدومْ
صبرٌ وجهادْ
وليالي شِدَادْ
آذَوهُْ وأردَوهُ فالموتُ لهُ يُرادْ
ليلٌ قد طالْ
وثلاثُ ثِقالْ
أيامٍ قد مَرَّتْ تَعني التِّرحَال
لهفي سُمَّ المَولى.. في سجنِ ابنِ الشَّاهِكْ
في نارٍ فَلْيَصلَى.. في بئرٍ منْ مَالكْ
&&&&&&&
تشهدُ بغدادْ
كلَّ الأحقادْ
وحكَايَةُ جِسرٍ
بعدَ استشهادْ
في الموتِ غريبْ
كالجدِّ غريبْ
لهفاهُ لهُ يمضي كالمَولَى تريبْ
أبقوهُ وحيدْ
في البعدِ فريدْ
وبأيدي الأعداءِ آهْ يقضي شهيدْ
أسَفاً فوقَ الجِسرِ.. قد نُودِيَ بالكاظمْ
بأيادٍ للغدرِ.. تسمعُ قولَ الظالمْ
زينب فيّاض
قصيدة ندبه ( للامام الكاظم ع )
.....................
جيتك و اريد ابشاره منك
سبع بغداد و الله اعرفنك
عليه ضيم جيتك و اندبنك
سبع و اهلك اسباع و كلهم اكفايه
تعنيتك و روحي اليوم شجايه
مثل اهل شجاع و كلك امروه
اجيتك ناخيه يالتسمع النخوه
باليني زماني و بلوتي بلوه
و روحي يم ضريحك تون نعايه
انعة من الهضم جيتك يبن جعفر
واحس نار بدليلي اموجره وتسعر
ادگ بابك و اصيحن بعد ما اكدر
جثيره اهموم گلبي كلش اهوايه
مهضومة وهضمتي تمرد بگلبي
اجيتك طالبه و عيوني الك تربي
و يم بابك اگول لدمعتي صبي
اسمعني دخيلك فدوه مولايه
اسمعني نخيتك ها يبوطلبه
عليه ضيم و اني جيتك امحبه
اريد احجي البگلبي و تسهل الصعبه
ازامط بيك و اتنخه الك جايه
ازامط بيك اجيك حيل ما بيه
دخيل اسمك تراهي الروح مگضيه
امشي اعليك ذيج المشت مسبيه
و اعرفك ما تقصر تگضي كل غايه
الليله بمجلسك جيتك تشكيني
يالكاظم اندبك يا بعد عيني
ضاگت حيل و النار بجوانيني
الليله انخاك و انته دوم ويايه
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
لشهادة الامام الكاظم ع
منتظرين .. ضوه وجه الامامه
منتظرين .. يرد الــنه بــسلامه
يانـاس الهجــر نــار
يچــوي اكبار وزغار
وأذتنه الملامه
---------
تانينه ونتــاني بعـــد .. حـــد مايجينــه الغايب
ياناس مــن امناطره .. ازغــرنه صـــاير شـايب
بين المطامير اختـفه .. واحنه الظهوره انراقب
ياصاحب الغيبه الذي .. خلافه ولا ظل صاحب
متاملين / ودعاء النـــدبه كـــبر
متاملين / يرد موسى ابن جعفر
الجمعه يومه لو صار
يچــوي كـبار وزغــار
واذتنه الملامه
-----
اليفگدله يـالوادم محـب .. مـــن البچي يتـغير
والعوده اخضر لو بچــه .. يذبل ويصبح اصفر
هيه المصيـبه بالحچــي .. وگـــبالنه يتـــطـشر
وشــماتنــه بكــثر الرمل .. لاوالله يمــكن اكـثر
محتارين / وشماته هواي يحچون
محتارين / الكـاظم ويـن مسجون
حچي الشمات شو حار
يچــوي اكــبار وزغـــار
واذتنه الملامه
-------
الشوگ الاخذنه للجسر .. شوگ الگمـر لسكينه
ركضة ضمايــه للنهـر .. اركضنه وعذب ملگينه
ابچفينه ردنه نرتوي .. ونـــبوسـهـــن چفــــينه
غايبنـه رد وللاســف .. بالســلسله امــگيــدينه
مصدومين/ هتف هاتفهم وصاح
مصدومين / امــام الرافضـه راح
دمعنه بخدنه محتار
يچــوي كــبار وزغار
واذتنه الملامه
------
مابيـــن طيات الحچــي .. اندور ونبحث لازم
ونــاشــــد بهــل ياتــرى .. اين اسـتقر الكاظم
قائمنه وين ابيـا سجـن .. مسجون عد ياظالم
ندعي الله دوم بكل وكت ..عجل ظهور القائم
مشتاگين / يجنه ومامســمم
مشاگين / الطوله چـنه بلسم
الهــجر الكاظـم اثار
يجوي اكبــار وزغار
واذتنه الملامه
-------
بجسر الرصافه ننـتـــظر .. ولا مانـمــل امتــاناه
ويــن الله غايــبنه يرد .. ويمسح الروس بيمناه
الدرب اليمر بيه من يجي.. ارواحنه نطش والله
ايرد النــه يارب نــندعي .. الكاظـم عدل نتمناه
عطشانين / العطف گلبـه وامانه
عطشانين / نلــوذ بــسد حــنانه
بجمر افــراگه ننهار
يچوي اكبار وزغار
واذتنه الملامه
------
حيدر تركي الكربلائي
قصائد في ذكرى شهادة سيدي ومولاي الإمام موسى الكاظم عليه السلام
قصيدة { يا صاحب الزمان }
أنتَ المُعزّى سيدي يا خاتم العتره
..........................................................................................................................................
سابع جرح يبن الحسن وبگلبك آثاره
للكاظم وجمر الحزن لا ما طفت ناره
هالليله يبن العسكري تواسيك زواره
حاضر أكيد بفجعته يالحاضر إبداره
أتمنى منك سيدي هذا المسه نظره
أنتَ المُعزّى سيدي يا خاتم العتره
..........................................................................................................................................
نظره لجميع العاهدك ويتاني بالدمعه
موعد ظهورك وبصبر فاق وجزه السبعه
يحسبلك يظل سيدي امن الجمعه للجمعه
ضاگت تراهه بغيبتك بعيوني كل وسعه
ما تخمد بروحي أبد للحزن چم جمره
أنتَ المُعزّى سيدي يا خاتم العتره
..........................................................................................................................................
أقسم عليك بغربتك وبغربــــة الكاظم
لهاي الملايين الإجت تحضرهه يالقائم
كل دمعه سالت من جفن هذا الجفن حالم
حالم يشوفك والحزن وسط الگلب دائم
إنطيني من صبرك صبر گلبي خلص صبره
أنتَ المُعزّى سيدي يا خاتم العتره
..........................................................................................................................................
تتلگّه يبن العسكري هالليله كل زاير
تدعيله حتماً سيدي من گلبك الصابر
تقضي الحوائج بالدعاء الربّك القادر
وأدعيلك بيوم الفرج ريت الفرج باجر
دين الله بسمك ينتصر سيفك يخط نصره
أنتَ المُعزّى سيدي يا خاتم العتره
..........................................................................................................................................
بالكاظم الليله المحب واساك يالغايب
يالحاضر إنته بكل گلب يالطاعتك واجب
بدم الحسين بكربله غيرك منو يطالب
ثارات عندك تنتظر هذا الزمن كاتب
طوّل ظلام الفاجعه ليلك متى فجره
أنتَ المُعزّى سيدي يا خاتم العتره
..........................................................................................................................................
يخلص دمع عمر الشمع حزني طبع بيّه
أترقّبك يا سيدي ودنيانه مگظيّه
من بعد كل هذا الصبر لازم الك جيّه
هالدنيه تعدلهه بعد ما تبقى مچْفيّه
عهدك كتبته بالدمه وابْصَمت بالعَشره
أنتَ المُعزّى سيدي يا خاتم العتره
..........................................................................................................................................
خادم الإمام الحسين عليه السلام
عمار هليل الواسطي
مدد يابو الرضا...شور...للكاضم ع
ياباب الحوائج... ياموسى ابن جعفر
ــــــــــــــــــــــــــــــــ. مستهل
آه.... وحــــده بغربته
آه.... يبچي عله عمته
ضيم...خلصّن سنينه
آه....تســـــبي محنته...آه تسبي محنته
مـــا ناسي ابسنينه
عايشهه ابــــــونينه
سجــــــنه الخرابــــــه
وطـف تارس عـيـــــــنه
اخمسطعش عام... ما نشف دمعه
وحده ويروحه.....خلصهه لوعـــه
گيوده چن حبل السبـــايه
سابع اجــروح آل الهدايه
هم صعد ناگه هـــــــزيله
يشبه عمته بالــــــــرزايه
بطاموره ولوحدك
زاد الجــرح عندك
وبشدت الاصفااد
نحلان كل جسمك
ياباب الحوائج...ياموسى ابن جعفر
ـــــــــــــــــــــــــــــــــــــــــــــــــــــــــــ
بآه.. تقره المصيبه
بآه....زينب غريبه
تنوح....عالچثته ضـــلت
آه.... عاري وسليبه....آه عاري وسليبه
ليش يبن الزچــــــــيه
يجرعونك أذيــــــــــه
حا نيــتك ســــــلاسل
لــــو صرخت رقيـــــه
لو جرح عباس...... سبل دموعك
لو ركض زينب....حاني ضلوعك
حته بوضوءك تذكر چفين
تعطش يمر گلبك احسين
سجنك بي ملامح مخيم
ودمعك نهر عالخد صوبين
آثار دم وجروح
وياحرگته المتروح
يرسم حـــرم تنگاد
حگها تذوب الروح
ياباب الحوائج...ياموسى ابن جعفر
ـــــــــــــــــــــــــــــــــــــــــــــــــــــــ
بسم....رادو مماته
بسم..ختمو حياته
آه....يبن الزچــــيه
بسم...تالي وفاتـه...بسم تالي وفاته
بالـــــونه عله حسين
باقي ابلا تــــــچفين
نعشك بيد احبـــابك
جدك ماعنده مـــعين
نعشك عالروس....كل محب كبر
صاحو بالدموع...ياموسى ابن جعفر
الشام الماعشت لوعة مصابه
صح سجنك يشبه الخــــرابه
بس ما نسبت لك حـــــــرمه
ولا طفلتك صرخت يـــبابـه
أنحب عله التركو
عاري بتـرب خـلو
لاجمعو اوصــــاله
لاتغسل وادفـــــنو
ياباب الحوائج.... ياموسى ابن جعفر
ـــــــــــــــــــــــــــــــــــــــــــــــــــــــــــ
ياسر الزيادي...
وي سجودك. كلشي يسجد ياسجين
وي سجودك. حسرة ودموع وأنين
تبچي حيطان السجن. كلشي لمصابك يون
==========
بغربة عايش بالسجن والحسره بالروح
وي ونينك يابو طلبه العالم اينوح
تدعي للباري بدموع وگلب مجروح
رايد تواسي الغريب الضامي مذبوح
وبمصابك تنحب اعليك السماء
وبمصابك بكل الم تمطر دماء
الدمع باب لكل حزن. كلشي لمصابك يون
==========
اربع اعوام وعشر من عمرك ألام
ضيم شفت وبس مأسي وناس ظلاّم
ماشفت راحه ابد من جور الايام
مساهره جروحك وابد ماتگدر تنام
والمصيبه. سجنك بگد الكبر
والمصيبه. لموتك اشگد تنتظر
لااخو لامن ابن. كلشي لمصابك يون
==========
بجفك گيود السلاسل ترسم اثار
جن نبي ودعوة نبي خانوه بالغار
بغربتك يابو الرضا بطامورة محتار
امتداد لكل مصيبة مصابك الصار
يارزية. بيك اشوفن جم الم
يارزية. باب محروك وخيم
ليل جرحك من يجن. كلشي لمصابك يون
==========
خنگة الطامورة خنگه بكل مسيه
ولوردت تشتم هوه تحين المنيه
عالوجه طاغي يسطرك شهل الاذيه
مثل ذاك اللي سطر وجه الزجيه
ذكرياتك. وجه فاطم منسطر
ذكرياتك. تشوف باب وبي جمر
گلب ظالم مايحن كلشي لمصابك يون
==========
حزنك بسجنك نعرفه بهذا الامصاب
تنحب لحال الذبيح الظل عالتراب
شحال زينب يالغريب ابين الاجناب
جرح عمتك بالسبي ينزف ولاطاب
والمدامع. تبجي بله ليا جرح
والمدامع. حسين جدك منذبح
ظل ثلاث بلا دفن. كلشي لمصابك يون
==========
الشاعر علي النائلي
إستشهاد الامام الكاظم عليه السلام
موسى بن جعفر ــ يا ديره ساكن
تجاوب قيـــوده ــ بيـــن الزنـازن
وا ويلاه عالمسموم
كل سجين اتزوره أهله ــ عنها ما تگطع وصاله
حتى لو يصعب عليهــا ــ تبعث السجنه رساله
بس شهيــد الكاظميــه ــ محــد اتعنــه واجاله
يمنـــع احبابـــه تـزوره ــ هذا هــارون الضلاله
بطاموره ظلمه ــ لن تالي داره
بليلــه ايتعبــد ــ وصايم نهاره
وا ويلاه عالمسموم
اتمنــه أولاده يجونــه ــ مَرّه لو يحصل وَصلهم
يكشف آلامه وجروحه ــ عن ظلم سجنـه يگلهم
مثلــه بالغربــه بنينــــه ــ عاشــت اتبدد شملهـم
لاحِــقوهــم حارِبـوهــم ــ هـاجِـرو حتى وطنهم
عيله وغريبه ــ يِحزِن خبرها
بين المنافي ــ گضّت عمرها
وا ويلاه عالمسموم
عايش ابزنزانه ظلمـه ــ نوره لبوجهــا ضواهــا
حور وأملاك التحيطه ــ اتسبح ويسمع صداهـا
حـَيّـر السجّـانــه أمره ــ حجــة الارض وسماها
موسى لجنود الخليفه ــ غيّــر افكـــار وهداهـا
سجّانه اعلن ــ گال آنه تايب
انته شفيعي ــ يبـن الاطايب
وا ويلاه عالمسموم
ابغربته اتحوم الاعـادي ــ زمره متلثمه ابغدرهـا
ذولـــه اتبـاع السقيفــه ــ والظلم شاع ابعصرها
الحاربـو جـده الصميده ــ سدد ابچبــده خطرها
وبسجــن هــارون تالــي ــ ودِعَــت روحه عمرها
وانگله ويلك ــ من هالجريره
تنتظره ناره ــ هذا مصيــره
وا ويلاه عالمسموم
خَبَر للشيعـــه وصلها ــ امن السجن يطلع وليها
عالجسر شافو جنازه ــ عاينــــو آثــــــار بيهــــا
والاثر مسموم چبده ــ والحـــزن خَيّـــم عليهـا
بصرخه للظالم تلعنـه ــ عالوجــه لطمـت بديهــا
ساعة وداعـك ــ تصعب عَلينه
بسيل المدامع ــ دِفنـَـو ولينــه
وا ويلاه عالمسموم
كلمات عمار الراشدي
أركضلك بِشِر حافي...بگلبي مو عله اچتافي
نعـشَـك أشـيله .. يا موسىٰ بن جعفر
___
يا قريب من الگلب ... واعله نسياني بعيدْ
شما يقل بيه العمر ... شـوگي للملگـه يزيدْ
هوّه عالمثلك صبر ... يا حبيبــي ما يفــيدْ
شلون اعيش وانظرك ... جْنازه مِتگيده بحديدْ
گالـو أنته من دونه .. واحد تَـيّهْ اعيـونه
بفرگة خليله .. يا موسى بن جعفر
___
ما يلِم شوگي حضن ... مثل حضنك ما لگيت
أنته عايش بالسـجن ... و فوگ راسي انه بيت
شـلون اتهــنّه بعـذِب ... وانته بالسَم انسگيت
وصَل گيـدك للعـظـم ... گــوه بالگـوه مشـيت
من ثگـله وَزِن گيدَك .. رادَت تنكِسِر إيـدَك
صعبـه تزيلـه ... يا موسى بن جعفر
___
مِـثْـل المـضـيّــع هـلَـه ... سنيـني تلگـاها سَراب
وجهي بيه كَسرَة جَرِح ... كافـي يالكاظم غياب
من كـثُر شـوگي إلك ... گمـت أشم حتى التراب
هيچي أندلَـك و أجي ... بـ يا هَـلا تفتحلي باب
أسأل سيدي شلونك ... شو سطره عله عيونك
كلش ثجيله ... يا موسى بن جعفر
___
روحـك بـلا عــافِــيــه ... لحالك اتمَلكني خوف
ليش يالتگضي الشـدد ... تِنهَض و توگع أشوف
گـمر و ابطْنِ الســجـن ... وجهك بحالة خِسوف
و مو ســواد اعمامتك ... هذه دم من الچـفوف
كل چَف تِنزِف اعظامَه ... تِمسَحـهِن بالعْمـامَه
اتضَـمِد مَسيله ... يا موسى بن جعفر
___
كـربلــه بشـيبَك شِــفِت ... والحَبِس چنْ خيمتك
مثــل جــدك بالعــطـش ... يـابِـسَــه يا شِـفِّـتَــك
صِرِت مِنْ سجن لسجن ... بالصـحاري مَشْــيتـك
الضـرَب مَـتْنَـك سيدي ... ضِـرَب زيــنب عـمِتَـك
مِـنِّ اسياطه مَحـنيـّـه ... عمتك كلفه مَسبيّـه
فوگ الهزيله ... يا موسى بن جعفر
____
روحي تركُــض بالحِـزِن ... تـعـثَـر تگــوم و تطـيح
گلت أشــوفك يا ضــوه ... و انصِدَم گلبي الجريح
طولـَــك اگـبالي انچـفه ... متـت لكن گمـت أصيح
جسمك بنــعشــه سِلَم ... مو مثــل جــدّك ذبيــح
مو مثله عله الذاري ... جسمك ما بقه عاري
ليله اعله ليله ... يا موسى بن جعفر
الشاعر حاتم صبري الكاظمي
..
مــو قَــيـده بچّــاله العين
الكاظم ينوح اعله حسين
الكاظميّه ... الغاضريّه ... بعيونه
__
بحياطين السجن مرســوم گدامـه
حـسيـن ايباوع ايحرگـون بخـيامه
طعنه فوگ طعنه شيحجي الالامه
گــوّه اجروحه يمسحـهن بالعـمامه
من العطش ذاب هواي
ماي الله حرمـوه الماي
بيا منيّه ... الغاضريّه ... بعيونه
___
نِسه ثگل القيــود و كل هضُم حاله
و جرح عاشور ابد ما طاح من باله
عله طاري الحوافر تبــچــي أغلاله
شما يذكــر حـسين اتسحگه خيّاله
بي چم رمح ظل مغروس
چم حافر بصـدره ايدوس
و چم رزيّه ... الغاضريّه ... بعيونه
___
أكل چفّــه الحديد و هـذه ما هَـمّـه
يگول حسيــن هاين كل جرح يـمّـه
يا ويــلي السِهــام امكسره ابجسـمه
اضلوعه مطشره و محد إجه ايـلمّه
يا كلــمه لـ جـروحه تـلوگ
صدره اويه ظهره مطبوگ
بـ هالقضيّه ... الغاضريّه ... بعيونه
____
يگـول انه أموت و جسمي عالقبله
و أكو ناس التجي تابوتي و تحمله
ثلث تيــام عــاري جدي مـو سهـله
محد شيـَّعـه من النـاس بـس قـلّه
رحــمة البـاري القــيّوم
جسمه بحصيره ملموم
جروحه بيّه ... الغاضريّه ... بعيونه
____
چم ديــره و سجــن مَر بيـها بأهاتــه
تــذكــر عالهــزل مِــن سِــبوا عـمــاته
و ضرب السوط مرسوم اعله دمعاته
و شِـمّات العـقيــله اليـوم شــمــاتـــه
تــجــرح اعيـون الشـمّــات
منـهن گــلــب زينــب مـات
زينبيّــه ... الغاضريّه ... بعيونه
الشاعر حاتم صبري الكاظمي
مسدوده بيبانك….وتبچي اعله سجـانك…طول السنين
تتنطرك ناسك…وشيب انترس راسك...أ يالحنين
يمته الفرج….. يمته الفرج
★★★★★★★★★
كل نظام ايـــزول حكمه والسلاطين
وتنهـــدم كل القصور اعله الشياطين
تبقه حَـــي اوما تموت ابرَغم ألسنين
انته من اتموت يعني ايموت الحسين
رفتلك الرايه…. وهم جينه مشايه…. چنها اربعين
شفنه الگمر باسك….وشيب انترس راسك... أ يالحنين
يمته الفرج….. يمته الفرج
★★★★★★★★★
جيـــنه يــم بــابـك يـبن جعـفـر اجـــيــنه
ابدمعـة المخـنـوگ الــك مديـنه اديـــــــنه
لا تــفــشــلـــــنـــه يـــــبـو روح الحنيـــنه
انمشي اعلـــــيك الــكـفَل ذيـــچ الظعيـنه
يانسمة الجنه… ماظن تفشلنه…. مدينه اديَـــــن
مشينه عباسك… وشيب انترس راسك... أ يالحنين
يمته الفرج….. يمته الفرج
★★★★★★★★★
انته باب الله والك انطه الكرامه
وندري بيدك ينمسح دمع اليتامه
ياسجين المثلك اتعشگه الحمامه
ورغمٱ اعله انف السچن كبَر مقامه
التمينه يم بابك… ونبچي على امصابك… بدمعه وانين
نتنفس انفاسك…. … وشيب انترس راسك... أ يالحنين
يمته الفرج….. يمته الفرج
★★★★★★★★★
شچم شخص يمــك وگف ذريـــه طالب
ويقسم اعليك ابعلي ابــــن ابــــي طالب
شچم مريض من العلل يشكي ومطايب
ويقسم إعلـــيك ابــدمـــــع أم المصايب
لا لا ترد ايده…. ابجاه الفده اوليده… أعني الحُسين
نفس المُهر داسك….وشيب انترس راسك...أ يالحنين
يمته الفرج….. يمته الفرج
★★★★★★★★★
من تظيگ الدنيا بيــــنه ويصعب الحال
مثل ابونا اتصير واحنه ابحضنك اطفال
رغــــم مابــــيدك لَهســــه اثـــــار الحبال
تنحنــي جـــــدام ناســــــك مثل الادلال
ياالمابرد زادك…. وتوزع امرادك…. عالزائرين
مغطينه بحساسك….وشيب انترس راسك... أ يالحنين
يمته الفرج….. يمته الفرج
★★★★★★★★★
اشما نغيم من هضمنه اونمطر اجروح
احنه لـــو ما ألـــــك بلله المن انروح
النسمه للغرگـــان والله تنشره ابروح
وهســـه غرگانين ماينفعنه ألف نوح
ضمنه ابوسط روحك…وغطينه بجروحك… والله المُعين
ينزف عشگ سَاسك….وشيب انترس راسك... أ يالحنين
يمته الفرج….. يمته الفرج
★★★★★★★★★
ـــــــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
☘لاستشهاد الامام الكاظم ع ☘
ندبه/ لطلب العافية
مستفعلن مستفعلن مستفعلن
موسى ابن جعفر بالشدد بيه الكفه
ونخيت ابو طلبه وردت منه الشفه
ياباب المراد اندبت سد حاجتي
ناديت مولايه برجا وبدمعتي
الحالتي انظر ايست من طيبتي
جفوفك سخيه بالعطه بيهن صفه
نبضي حسين
♡•♡•♡•♡•♡•♡•♡
اچفوف الكرم ماتنثني لليندبه
اتعنه وصفي اللكلب لابن العبه
معروف ابو طلبه ابكرم يامطيبه
ابغداد الك كله شهد گربك دفه
ام✍🏻 رحمه الگاظميه
♡•♡•♡•♡•♡•♡•♡
موسى ابن جعفر تندبه ارض وسمه
ملعون كلمن عانداه صوبه عمه
وبتالي صبره جبدته سم ودمه
قاضي الحاجات والكل وفه
✍️☘️ام فراس الساعدي ☘️
♡•♡•♡•♡•♡•♡•♡
ماخاب كلمن يندبه حيد واسد
ينطي كريم اونرتجي منه بعد
ماانسه وكفاته الي وكت الشدد
عنده دوه الكل داي صاحب معرفه
✍ام مرتضى الخزرجي
♡•♡•♡•♡•♡•♡•♡
عنده دوه ودكتور من كل العلل
صم وبكم يشفون والعنده شلل
المستعصي امره يطيب مايعرف ملل
نوره يشع بالكون ما لحضه طفه
خادمة الموعود الغزي
♡♡♡♡♡♡♡
تمت باقلام شاعرات رابطه
الچفوف السخيه.
قصيده لمولانا موسى ابن جعفر عليه السلام...تقرأ فزاعي وبعدة اطوار
خل نشيع المسموم
اتغرب ويلي بحزانه
•┈•❈❉✹✹❉❈ •┈•
ياگلب بحزن وجروح لا تبرد
جثمان الغريب الليله يتوسد
محد من هله وي النعش محد
يحظر دفنته ويهيل تربانه
•┈•❈❉✹✹❉❈ •┈•
يحظر دفنته ويفتح زناجيله
وين الي يون للكاظم الليله
بدموع وحزن هاليله يبجيله
عله جسر لرصاف يشع جثمانه
•┈•❈❉✹✹❉❈ •┈•
عله سچة عذاب الخاطر توزع
جبد الكاظم بسم العده تكطع
المدمع ماسكن ظل سايل المدمع
حكه من تهل هاليوم نهرانه
•┈•❈❉✹✹❉❈ •┈•
لجل باب الحوائج ساچبة العبره
بالتشيع صاحو وين اللي يحضره
عله التابوت خلو اعمامته الخضره
وبمشهد حزن شيوصف احزانه
•┈•❈❉✹✹❉❈ •┈•
لجل موسى العيون اليوم هماله
السجن ذاك وضلامه مارحم حاله
تاليها الغريب ايولم ارحاله
شال وهالكلب شيطفي نيرانه
•┈•❈❉✹✹❉❈ •┈•
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
هوسات للأمام الكاظم عليه السلام
صايم من امس لليوم تدرونه
ياعدوان بالسم لاتفطرونه
اجو زوار خلوهم يشوفونه
(( واعياله وربعه مضيعينه ))
صار اسنين عنهم غايب الريسان
من سجن السجن وامگابل السجان
يعاتب بالنشامه ويصد للميدان
(( واليوم ايريد اهل الحومه ))
اليوم ايريد سبع الگنطره يحضره
سجن وافراگ وامصابب خلص عمره
الف عبره بدليله وموش بس عبره
(( من يذكر بته تهل عينه ))
تهل ادموع عينه لو ذكر بته
يدري مناطره وتتفكر الجيته
طگ گلبي اعله ابوي اتصيح رايدته
(( شيبني ودولبني افراگه ))
صاحت گبل اوان الشيب شيبني
افراگه اصواب فوگ اصواب صوبني
انشدك يالرضا ولاتضم جاوبني
(( ميت لو حي البيه غيره ))
ميت لو عدل لو بالسجن بعده
ماتدري تهشم وانمرد چبده
ضل اعله الجسر مشمور شيرده
(( والميت بالسم شيجيبه ))
شاعرة اهل البيت
ام هجران العمارچيه
غير مبري الذمه من يحذف اسم الشاعره او ينسب الرثاء لشخص اخر
وين المنكسر كلبه وفكد احباب
مصاب الكاظم وحزنه اشد مصاب
****
مصاب الكاظم بشرحه يفت الروح
ومثل حسين ثلتيام ضل مطروح
منعو شيعته اتشيله وعليه اتنوح
ابن الطاهر وطاهر واعز انساب
( يكسر خاطر كل احبابه )
****
وجه الله الكاظم بالسجن محتار
مثل حسين مضلوم وقليل انصار
صاراله السجن وسفه السكن والدار
وماصار الجره بيهم بلا اسباب
(ملعون القاتل ياشيعه)
****
ياناس الامام الكاظم المعصوم
بسجن السندي وافاه الاجل مسموم
حتى الدين سالم ينسجن مضلوم
معذور البجه لجله ابدمع سجاب
(ويلعن هارون واعوانه)
****
امام الشيعه وتنادي العمر يفداك
ماننساك ابدوالله ماننساك
و من هارون نتبره الذي سماك
وماهاب النبي جدك ابد ماهاب
(ملعون وسم اسياده)
****
الهي بجاه وليك موسه الكـاظم
عجـل بالفـرج مهديـنه القائـم
ياخذ ثار اجداده وبنصر حاسم
ويظهر النه وجه الله العلينه غاب
(ويرفع رايه ويطلب ثاره)
كلمات
احمد السالمي
****
في حق الامام الكاظم. ع
بالسجن ومتاني موتي
صارت الدمعه سلوتي
ياموت ريحني
خلصني من وني
ارحمني ياموت
-----------
وكتي حمني مصايب بكبر الجبال
بالسجن خلصت عمري والبعد طال
شرد اسولف انه وحجي همومي ثكال
بس صداي يرد عليه وجرحي جتال
وفاركت كل الغوالي
تمر ساعات وليالي
والحسره تذبحني
خلصني من وني
ارحمني ياموت
------------
بالحديد مكيد ومجتوفه اديه
ونتظر كل لحظه تلفيني المنيه
بسجن هارون المحن تنزل عليه
تحملت ظيم وقهر وشكد اذيه
شال من اعيوني النوم
خلصيت العمر. مهموم
وجروحي تاذيني
خلصني من وني
ارحمني ياموت
-----------
عايش ابزنزانه بين اربع حياطين
والهل عني صفو كلهم. بعيدين
انتظر موتي يجيني صارلي سنين
بين احزاني بقيت ودمعي بالعين
وبصلاتي دوم ساجد
لجل رب الكون عابد
ودموعي بعيني
خلصني من وني
ارحمني ياموت
-------------
مااعرف اليل من يمر عليه
ظلمه بعيوني الوكت صبح ومسيه
وبالحبال مربطات اثنين اديه
جروح بيه اهواي مااحمل اذيه
كمت اجر انفاسي كوه
بيه. سجاني. اسوه
وهمومي تلفيني
خلصني من وني
ارحمني ياموت
------------
بالجي تطلع مني روحي وخلص ارتاح
عمري ماي اتبده غفله ونجفه وطاح
الجمعه فوك الجسر اسمع ونه وصياح
ميت ومسموم انه. وكلي. اجراح
كلمن يشاهد امامه
والحبل هوه العلامه
وسهام ترميني
خلصني من وني
ارحمني ياموت
--------------
الخادم.
رحيم الصالحي
قصيدة ثگيله ( لوفاة الامام الكاظم ع )
.....................
ما اجه منه خبر .. و اني شبعانه قهر
و ذبل اعيوني السهر .. ايعود يمته -٢
لا خبر منك لفه و ماجت وصيه
بويه مو هينه ترا الفرگه عليه
كلساعه اگولن بالسجن ويلي شبديه
وحشة المغرب تخنگة شگد خطيه
جندوب يتحمل صبر .. و ذبل اعيوني السهر
ايعود يمته -٢
بالسجن و امگيدينه شحاله بليل
هم نمر اباله هسه و دمعته اتسيل
لو يون وحده و يلوج من الزناجيل
مدري ليش الليله احسه ما اله حيل
ذابل و عوده انكسر .. و ذبل اعيوني السهر
ايعود يمته -٢
ذابل من الضيم احس واعيونه تربي
الليل اضنن والدي يدعي يربي
من الهضم و الگيد وسفه گام يحبي
و اه ياعيني اعله ابويه ادموم صبي
ادموعي اجريهن نهر .. و ذبل اعيوني السهر
ايعود يمته -٢
شكثر مشتاگة احضنه و أگعد اوياه
و الله يا ناس الابو يكتلنه فرگاه
شلون نحمل غيبته و نرهم بلياه
الحنين شما بعد كل يوم ننعاه
ايامنه صعبه تمر .. و ذبل اعيوني السهر
ايعود يمته -٢
يكتل اغياب الابو و تكتل وحشته
و بالهضم تصبح ترا لو راح بنته
تبقة تحتام اعله شخصه و لگعدته
اخ يا محله الابو و يا محله جيته
شمحله وياه السمر .. و ذبل اعيوني السهر
ايعود يمته -٢
شمحله گعداته الولي ساعات الاغروب
هسه تخنگه وحشته و بعده انلوب
وين ننطي اوجوهنه من بعده يا صوب
و الله بويه الگلب من اجفاك متعوب
لشوكت ابقة انتظر .. و ذبل اعيوني السهر
ايعود يمته -٢
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
#شهادة_مولانا_الكاظم(ع)
#المَولى_السّجين🖤
جِسرَ الرّصافةِ نادِ في الأشهادِ
قَتلوهُ مَسمومًا بَنو الأوغادِ
يا عَبرتي صُبّي الأسى والحزنَ في
كأسِ النّوى واروي ثرى بغدادِ
موسى ابنُ جعفرَ بالقيودِ مُكبّلٌ
فَعليهِ تجري دمعةُ الأصفادِ
في قعرِ سِجنِ البَغيِ يَتلو مُصحفًا
والقيدُ يرمُقُ أزهدَ العُبّادِ
ترتيلةُ الآياتِ بلسمُ جُرحِهِ
والنّزفُ مِن ثِقلِ السّلاسلِ بادِ
لَهفي على نَعشِ الإمامِ ثلاثةً
مُلقًى قُبالةَ أعيُنِ الجَلّادِ
لم يأبَهِ الشّيطانُ للنّسَبِ الّذي
يَحوي إمامًا بُغيةَ الأحقادِ
عينُ السّماءِ لرُزئِهِ ذرَفَت دَمًا
لَهفي لسابعِ خيرةِ الأسيادِ
يا سجنَ هارونَ الّذي شهِدَ العزا
جَلَّ المُصابُ بأطهرِ الأجدادِ
#واإماماه🖤
#واجدّاه🖤
#وامسموماه🖤
#أعظم_اللّٰه_أجوركم🏴
زينب الموسوي
#بنت_الزهراء
https://youtu.be/jrbveYW_ynE?si=IhjtedS6VvnIMjft
معصومه اجت 😭💔
_*معصومه اجت وين التعزيها*_
دخل للعزه تون اعله واليها
*(معصومه اجت وين التعزيها)*
تعثر بالجدم وتصيح يايابه
*(معصومه اجت وين التعزيها)*
اجيتك من بعيد ادموعي سجابه
*(معصومه اجت وين التعزيها)*
سجن هارون ريته انهجم بحبابه
*(معصومه اجت وين التعزيها)*
دموع العين للمسموم تجريها
*(معصومه اجت وين التعزيها)*
دخلت للعزه وماحد تلقاها
*(معصومه اجت وين التعزيها)*
مايمها خوات تلطم وياها
*(معصومه اجت وين التعزيها)*
ولا ون اعله ابوها ونن اوياها
*(معصومه اجت وين التعزيها)*
على جسر الرصافه اليوم واليها
*(معصومه اجت وين التعزيها)*
ضلت عالجسر ياجثة الكاظم
*(معصومه اجت وين التعزيها)*
امام الرافضه يسمونه هالوادم
*(معصومه اجت وين التعزيها)*
ماحد شيعه مات بسجن ظالم
*(معصومه اجت وين التعزيها)*
الشيعه اليوم طلعة تبجي اعليها
*(معصومه اجت وين التعزيها)*
ليش خوانه هجم بيتج يادنيا
*(معصومه اجت وين التعزيها)*
........................................
*(هجم بيتج يادنيا . ليش خوانه)*
الكاظم غدرتي وصرتي سجانه
يادنيه ليش خوانه ببن جعفر
خلص عمره وحياته بسجن يتحسر
معصومه على ابوها القلب يتفطر
تريد تشوف ابوها بروح لهفانه
دنيا قاسيه ويه الزين ماترحم
لو صابت تصيبها لومالها مرهم
الكاظم ياذنب مات بسجن مظلم
خلاص عمره غريب بوسط زنزانه
خلاص عمره غريب بوسط طاموره
حرمتينه يادنيا ليش من نوره
من جان بسجن ماحد يجي يزوره
يادنيا شبيج ماذليتي عدوانه
جادر خل ينصبون الساده اليوم
جا وين الهواشم مايلطمون
*الساده اليوم . جادر خل ينصبون*
جادر خل ينصبون للحباب
ابن جعفر باوسفه اليوم هالغاب
اهله والعمامه دزوله العتاب
يخلونه ياوسفه الحين . يخلونه