7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
استشهاد الامام العسكري ع
البُگه براسك يمهدي بالامام العسكري
تعزية كل جعفري
بالنوايح .. يابو صالح
تعزية كل جعفري
""""""""
ما نگول الله ايعوضك بيمن ايعوضك نگول !
واللي فاگدهم يمهدي إثنعش ويه البتول
ولو نعدهم .. للـتودهم
ويه جدهم .. تلطعش ويه الرسول
والدك هالليله يرحل منهو يبقالك بعد
لا ابو ولا من ولد
نواسي جينه .. يا ولينه
تعزية كل جعفري
""""""""
هالمصيبة تچوي گلبك تختلف عن كل مصاب
هالحبيب انت الـتدفنه وبايدك اتهل التراب
بهم وحسره .. اتنزله گبره
وتلقي نظره .. تدفن ايات الكتاب
والدك گبره ترشه بدمعك وماي الورد
وللبُعُد يلله استعد
كل سنينك .. تبچي عينك
تعزية كل جعفري
""""""""
اخر احبابك يمهدي شفته صح بالسم يطيح
وابو اليمه انذبح ضامي وسلبوا ثياب الذبيح
بلايه رحمه .. يجري دمه
وابنه يمه .. بنحره نبلة ودم يسيح
حسين راسه برمح عالي وراس عبد الله برمح
منذبح يم منذبح
شگد مصايب .. آ يغايب
تعزية كل جعفري
"""""""""
سيدي صبراً جميل انذكرك بزينب نريد
الشمر گلها سبية آخذچ الا لـيزيد
يسروهه .. وشتموهه
وچتفوهه .. حالها حال العبيد
صاح شدوا حيل اديهه ولا ترخون الحبل
يلله صَعدوها الهزل
بمحنة اهلك .. نعتذر لك
تعزية كل جعفري
""""""""""
العسكري بالسم تشوفه وعمتك اهناك شتشوف
الشمر راواهه عمداً راس مگطوع وچفوف
وبيسرهه .. شگد قهرهه
تصد گمرهه .. بجثته اثار السيوف
بلا يمينه ولا يساره بعينه نبلة حرمله
وزينب اتعاين إله
شكُبره صبرك .. شكُبره قهرك
تعزية كل جعفري
"""""""""
والدك يالمهدي تالي اتشيع بگبره اندفن
وجدك المذبوح عاري بلا غسل وبلا چفن
وبالصحاري .. وبالظهاري
جسمه عاري .. ضلوع صدره اتهشمن
علي السجاد بحصيرة تالي جسمه يلملمه
يلملمه ويبچي دمه
بغربة جدك .. وانت وحدك
تعزية كل جعفري
""""""""""
شيعتك كل جمعة ندعي يعجّل الله باللقاء
ننتظر بالكوفة تحضر واللقاء بكربلاء
يمته يمته .. تظهر انته
الشيعي ونته .. تعتلي صبح ومساء
چفك الطاهر نبوسه (ألعجل يبن الحسن)
كافي مو طال الزمن
صحنه كلنه .. يا املنه
تعزية كل جعفري
انيس الخفاجي الكربلائي
❇️ قصائد استشهاد الامام الحسن العسكري عليه السلام
ذا نِدائي * بِوَلائي لستُ انساكَ يبنَ محمدْ
صوتُ قلبي * سَيُلَبّي لستُ انساكَ يبنَ محمدْ
صرخةٌ في ذاتي رتَّلَت آياتي يا إمامي
-----------
صرخة من ذاتي وصداها يردد اسمك
رتِلَت آيات من قرآن همّك
اذكرِت چبدك سيدي ومصاب سمك
اوعلى فراش الفاجعة اتصوّرت جسمك
بأنيني * وحَنيني وفؤادٍ بحُزنٍ توقَّدْ
هاجَ حُزني * ذابَ جَفني لست انساك يبن محمدْ
صورةُ المأساةِ رَتَّلَتْ آياتي يا إمامي
------------
سيدي بدار الغرب خلصت سنينك
او لا حصل واحد على همومك يعينك
جمرة السم خمّدت جمرة ونينك
چف مماتك غمّض اعلى النوح عينك
بِرِثائي * وبُكائي سوفَ أنعاكَ دَهراً مؤبَّدْ
جمرُ وجدي * خَطَّ عهدي لستُ انساكَ يبنَ محمدْ
واستَمِع آهاتي رتَّلَتْ آياتي يا إمامي
-----------
سيدي يل عسكري يبن الأطايب
سنين عمرك خلصت آلام ومصايب
حتى شبلك غاب من غدر النواصب
سيدي ولا زال عن كل عين غايب
غابَ صبرا * صارَ فجرا بانتظارِ الظهورِ المؤيَّدْ
وشِعاري * بانتظاري لستُ انساكَ يبنَ محمدْ
ساكباً دمعاتي رتَّلَتْ آياتي يا إمامي
-----------
غاب مهدينه ولواء الثار بيده
وبفؤاده تنزف جروح العقيده
كَسِر ضلع الزهره وحسين او وريده
اوياه سكنت دار الاحزان البعيده
وَالبلايا * وَالرزايا بينَ أحشائِهِ تتجدَّدْ
فهْيَ تَسعى * وهْوَ يَنعى لستُ انساكَ يبنَ محمدْ
وجراحُ الآتي رتَّلَتْ آياتي يا إمامي
-------------
ياللي چبدك من لهيب السم تفطر
وبدياجير اللحد نورك تستر
خصمك بهل يوم رد باحقاده أكثر
واعلى گبرك جمع حشوده ونوه الشر
وَاعتقادي * بالجهادِ أُرخِصُ العمرَ واللهُ يَشهَدْ
في حياتي * ومماتي لستُ أنساكَ يبنَ محمّدْ
رافعاً راياتي * رتَّلَتْ آياتي ** يا إمامي
---------------
عقيل الكاظمي / بغداد
قصيدة لاستشهاد الامام العسكري ع
بداية غيبتك بيهه ابتدت رحلة غيابي
بأمان الله رحت وانه اكتبت قصه عذابي
اعله دهري شكد اعاتب.
انه الفاكد كواكب
………
ماظال كلشي من الدمع. ياوالدي وروحيتي
بينك وبين الطف كضت. من ضيمي كل عافيتي
بسامره ذبحولي حلم. وبكربله امنيتي
اعله كبوركم صحت بهضم . يادنيتي شخليتي
طواريك تهد خيل واحس بيهه بضلوعي
وماي دموعي خلص وبدمه تنزل دموعي.
انه الشابع مصايب. انه الفاكد كواكب
……..
ياهو الغريب بدنيته. مثلي ومثل احزاني
لا والد ولاعندي اخو. هيج الوكت خلاني
البكّاء من كثر البچي. والدنيا دار احزاني
من مثلي عماته انسبن. ومتغيرات الواني
انه العرفو اسم عمته وحبل خلو بديهه
انه ابن العايله الحركو خيم عزهن عليهه
صرت من ضيمي شايب. انه الفاكد كواكب
……..
يابيت اهلنه بلا ابو. ولاصوت للحنيه
هالليله ميتلي وطن. ودعت الانسانيه
خليتني بعمر الورد. بس الله يدري شبيه
نعشك احس هودج سبي. وروحي المشت مسبيه
كضو اهل الله والباقي انه وغربة زماني
مناره بديره مهجوره ومنو اليسمع اذاني
اعيش بلا حبايب. انه الفاكد كواكب
………
فوك الجتاف جنازتك. وكل خطوه عثره بدربي
مااحس حفرولك كبر. يحفرون احس بكلبي
جوه الترب صار الضوه. والهوه الچان بگربي
صحت ان وعد الله حق. يادمعه بالخد كتبي
انه وعمري ووجع روحي وعشرتي وذكرياتي
الثامن من ربيع اول. حضر موت امنياتي
شفت بيه العجايب. انه الفاكد كواكب
……..
الدنيا شكبرهه والبشر. يابويه ادري هوايه
هل من مناصر لو صحت. ياهو اليشيل الرايه
محد يجاوب صرختي. بس اسمع اني حچايه
لبيك يامهدي اعتله. صوت الخدم وفايه
صبراً ياخدم راجع واعيد الغاضريه
وعله الرايه اخط بدمعي. ياثار الزچيه
مع الوقت المناسب. انه الفاكد كواكب
………
نسألكم الدعاء
حسين صادق العقابي
لاستشهاد الامام الحسن العسكري عليه السلام -
ليش ايامك صارت مره
يانور بظلمة سامره
صابر علمايعرف قدرك
يابوالمهدي شمكثر صبرك
يانور بظلمة سامره
★★★★★
حنيّت الدار امفارگها
دار المختار وطاريها
دار الكرار وطيبتها
جبريل الچان ايمر بيها
يم العدوان الماترحم
ايامك صارت تاليها
چم شبهه توضحها بعلمك
واثار الباطل تمحيها
ال العباس وسطوتهم
ماشفت الراحه ابدولتهم
جور اشگد يتحمل صدرك
يابو المهدي شمكثر صبرك
يانور بظلمة سامره
★★★★★
اركان الدوله امشيدها
والمستقبل راسم شكله
من نورك شعّت انواره
وعن الناس يزيح الذله
ايذل المتكبر والطاغي
والخط المرسوم يكمله
لهذي الاسباب المذكوره
مرت ضدك ابشع حمله
يبن الانوار المظلومه
حتما دولتهم مهزومه
مايكبر شان الي ايصغرك
يابو المهدي شمكثر صبرك
يانور بظلمة سامره
★★★★★
من كل سفياني وعباسي
شكد شافوا لوعات العتره
رحله من الهم مرت بيهم
من اول يوم من الهجره
من دار المختار اولها
لحد دار اخرها ابسامره
من بيت المتواضع ركنه
ليش الحاكم مهتز قصره
تحقيق وتفتيش ابداره
چم جاسوس يلم اخباره
من ناس تعرفك وتنكرك
يابو المهدي شمكثر صبرك
يانور بظلمة سامره
★★★★★
مصلح الهم چنك عيسى
يضيعونك ليش التصلحهم
مكسور الخاطر شاريهم
رفضوا خيرك زادوا شرهم
مانصحوا وياك ابلحظه
اجاهد كل وكتك تنصحهم
دومك للصح رايد بيهم
وحاقد للظلمه ايرجعهم
تعطيل الدين وانواره
مقصد هلناس الغداره
وهذا الحال الشاغل فكرك
يابو المهدي شمكثر صبرك
يانور بظلمة سامره
★★★★★
للخير اتريد اتوصلهم
لكن امر الحاكم يرفض
تبني الانسان ونفسيته
لاترفع بيه ناس وتخفض
رايد بالامه المظلومه
تنقذها وبالواقع تنهض
بالسم ينهي الحاكم عمرك
لامن صدفه ولاسوء الحظ
بالسم حارب كلمن مثلك
جم معصوم تعذب قبلك
بالسم ينهي الحاكم عمرك
يابو المهدي شمكثر صبرك
يانور بظلمة سامره
الشاعر حسن لعيبي الحريشاوي
لاستشهاد الامام الحسن العسكري عليه السلام
من دمعي وجت نار بحشاي
لفگد الامام الحسن مولاي
★★★★★
والد الحجة المات مظلوم
من گوم بيهم مانفع لوم
غدر وشماته معدن الگوم
ماحصل بالصعبات وَفَّاي
★★★★★
سود الفواجع لملم البين
مفجوع گلب الحجة والدين
موحش زمانه وتهمل العين
راح السند بالشده حَمَّاي
★★★★★
اليوم الامام المهدي مفجوع
بصدره المواجع ألف موضوع
صارت حياته احزان ودموع
الحامل الرايه وصاحب الراي
★★★★★
شذنب الحسن هلگوم جافوه
ومثل الامام الهادي سموه
وحده بظلام السجن خلوه
وهو الظلام الناس مَحَّاي
★★★★★
بياثار لهل الذنب مطلوب
ذاك الامام الوفي المهيوب
أبسم الخيانه طاح مصيوب
طلعت اسباب الخافيه اهواي
★★★★★
عايش حياته تحت الانظار
وحرَّاس فوگ اتراقب الدار
حسبوا وجود العسكري اخطار
خيوط الجريمه تبدي من هاي
الشاعر حسن لعيبي الحريشاوي
عجّل يالغايب ناديـــنه
وطلب ثارك يا مهدينه
ــــــــــــــــــــــــــــــــــــــــــــــــــ
يامن رب الــعزّه اختارك
منّ الضالم تاخــــذ ثارك
تنتـــظرك عالنار انصارك
سيف ابجف ايدك خلينه
عجّل يالــغايب ناديـــنه
ــــــــــــــــــــــــــــــــــــــــــــــــــ
اطلب ثار اظلوع الزهــــره
حرّگ الباب وجرح السطّره
ولمحسن ومصابه بصـــغّره
يالمهدي وطبرت والينه
عجّل يالغايب ناديـــنه
ــــــــــــــــــــــــــــــــــــــــــــــــــ
تاخذ ثار السمّو جـــبده
ما خلّو گبره بصف جده
صابو نعشه بسهم الرده
ورتدو عن طـٰه ودينه
عجّل يالغايب ناديـنه
ــــــــــــــــــــــــــــــــــــــــــــــــــ
اطلب دم الحــــزو نــــحره
داست خيل الگوم بصدره
وشبّانه الطاحو عــــــالغبره
وعمك لنگطعن جفّينه
عجّل يالغايب ناديـــنه
ــــــــــــــــــــــــــــــــــــــــــــــــــ
ثـــور وافزع للعــــــلويه
عالهـزل راحت مســـبيه
ماكو والـــي اتلوذ ابفيّه
موقفها لهــــسه ايذّينه
عجّل يالغايب ناديـــنه
ــــــــــــــــــــــــــــــــــــــــــــــــــ
يهل العالم صيح ونادي
واهتف يا ثارات اجدادي
امن السجاد الّحدّ الهادي
نار وتســعر بيك وبينه
عجّل يالغايب ناديـــنه
ــــــــــــــــــــــــــــــــــــــــــــــــــ
ثار المــــــسموم بســـــامـره
وعظم امصابه اعليك وغدره
فگد الوالـــــد يترك حســـره
بدلال ابنه ويعله اونينه
عجّل يالغايب ناديــــنه
علي كاظم المنصوري
للامام الحسن العسكري عليه السلام
ياكريم الساده فضلك فقط الله يقدره
شفت بس حبك امين وينجي هول الاخره
… ..
قرر الله يجازي اتعابك واهدالك مهدي الاكوان
جا شمسوي لربنه الواحد واطالك هذ السلطان
ويا كلماتك لمن تدعي بكل كلمه تعادل اذان
العافك لو يملك هلكوكب فوك شما يملك خسران
الراد يوصل لله لازم انته تصبح معبره
شفت بس حبك امين وينجي هول الاخره
… .
العافك لكن ضل يتعبد طبق فكر ونهج ابليس
اصف جي طب منكم لله برمشه وجر عرش لبلقيس
يامؤنس خوف ابراهيمك ويم ابنك خادم ادريس
ساكت وبروحك تتعبد وعلمك ذاتي بلا تدريس
كل خصال اهلك اجتك مشيتك جن حيدره
شفت بس حبك امين وينجي هول الاخره
… .
حكك محجوب اعله الوادم ياهو اليحمل ثكل الكون
عمرك كاضي بكلمة ابشر ماتعرف كلمة الشلون
الاعمه الماشاف بكل عمره من تمرله يصير عيون
يتبعك دين الله بكل خطوه جن عين وطبكات جفون
ذكرك الايمان كله وموش ياهو اليذكره
شفت بس حبك امين وينجي هول الاخره
… ..
بذكر افضالك يابو المهدي نميز العاقل والجهال
بس انته التنطي وماتاخذ وتغير من حال لحال
ومن تكرم تنطي ومتحسب بيدك كون وشنهو المال
ماشايف اسم اني بذكره مو بس ذنبي يطهر البال
بلايه شك البيك لازم علصراط اتعبره
شفت بس حبك امين وينجي هول الاخره
… .
يلما راجع منك سائل فد مره بخاطر مكسور
حته العاصي من تادبه ضل بتادبيك مستور
مو عجبه الجاي احجي عنك جا شتوقع من النور
التتنفس من عنده الوادم يتنفسك ويضل يدور
رزق مو شي اكتسابي حبك البي مفخره
شفت بس حبك امين وينجي هول الاخره
… .
مجتبى الدفاعي
نعي لسان حال الامام الحجه عج باستشهاد ابيه الامام العسكري عليه السلام
بدمع سجاب واسوني يشيعه
بفكد عودي عشت بعظم فجيعه
نهدم حيلي وحك حامي الشريعه
ضيعني زماني شلون ضيعه
التف دين الاسلام ابثوب الاسود
من شاف الجبد بالسم تمرد
اعاين للرسول ادموعه عالخد
جرحه من المصيبه صعب ينشد
يشيعتنه اريد اتساعدوني
بالماتم تنشفوها عيوني
بدمع سجاب لمن تواسوني
لجن جرح انفتك من تندبوني
انا المنتظر معروف بلسم
لجروحي الدموع تصير بلسم
ابوي الكظه يا هلناس بلسم
غسلته ودفنته ابذني اديه
عليك اعظم مصايب سدت وجرن
ودموعك حكهن امنتهيج وجرن
مصايب عودك وكربله وجرن
نار الثار ياروح الزجيه
الخادم عبدالمعين الشمري
هايبو المهدي مصابك بينه
يالحسن مولاي مر علينه
سيدي ننعاك هاليوم بحزن
والكلب مولاي يمك ضل يون
ها يبو المهدي يبو كلب اليحن
نريد اسمك سيدي يبجينه
#################
اليوم سامره الحزن بيها نتشر
عليك ضهر المهدي هاليوم نكسر
بكل هضيمه وكل الم هوه نقهر
فكدك بكل وكت ضل ياذينه
################
بالحزن والنوح نلطم والدمع
يالحسن مولاي ملتم الجمع
بالمدينه بعد ماضن نستمع
صوتك ولا انته التنادينه
################
اهل بيتك كلهم نذبحو سرا
وانته مسموم وصدك هاذا الجرا
حكها كل الشيعه تلطم ياترا
انته حزنك بالكلب والينه
#################
هضمه صارت سيدي لمن رحت
والمجالس بسمك بيوم الشلت
كلها قامت والعزء لجلك صحت
بسمك اليوم العزء مسمينه
##################
وداد البخاتري
(للامام العسكري)
عظم الله...اجرنا واجركم
يامهدي
ــــــــــــــــــــــــــــــــــــــــ
يابو العزه ويابو الجرح.. يبن الحسن نادينه
بمصاب ابوك العسكري.. مـاجـور يـامـهدينه
جـبـت العمر كله تون...يــاگلبك الله ايـعينه
وانـخـــفف اعليك الحمل...للتعزيه اتــعنينه
عظم الله...اجرنا واجركم
يامهدي
ــــــــــــــــــــــــــــــــــــــــ
صبرك جبل يبن الحسن.. فــاق الزمن واتعده
بس أبمصيبة والـــــــدك.. مـــاي الصبر واتبده
تنظـــــــر ابوك بلا ذنب.. بالسم تصوب چبده
عمره وشبابه ياوسف ٠٠ كله انسلب من عنده
عظم الله...اجرنا واجركم
يامهدي
ــــــــــــــــــــــــــــــــــــــــ
عالي ابخــلودك والعِدهَ.. هيهات لن اتـــلوحك
الله اليصبرك سيدي.. وتطيب ريت اجروحك
تشتاگ چنت الوالدك.. وتنــعاه نبرة نــوحـــك
لمن سمعت امصيبته.. چا شنهي صار بروحك
عظم الله...اجرنا واجركم
يامهدي
ــــــــــــــــــــــــــــــــــــــــ
الله اليهون امصيبتك.. ابفگد الحسن هاليله
مثلك منو بهذا الحزن.. ناح وتهــــــدم حيله
لمن حظرت اجـنازته.. صليت لوتـبــــچـــيله
بالغربه خلُصت العمر.. ولا واحـد التـــشكيله
عظم الله...اجرنا واجركم
يامهدي
ــــــــــــــــــــــــــــــــــــــــ
كل المصايب هونت.. ومصيبتك بحسينك
يالدمعك اتغير دمه.. وراسم طفوف ابعينك
تنعى الغريب ابكل وكت.. ومايهده ساعه اونينك
والمغربيه من تجي.. مولانا الله ايعينك
عظم الله...اجرنا واجركم
يامهدي
ــــــــــــــــــــــــــــــــــــــــ
مابين مسموم وقتل.. اهلك گضو يالحجه
ونيران گلبك سيدي.. طول العمر متوهجه
والطلعتك يبن الحسن.. نتوسل ونترجه
يبن الذراري الطيبه.. مهرك يساعه اتسرجه
عظم الله...اجرنا واجركم
يامهدي
ــــــــــــــــــــــــــــــــــــــــ
حيدر بشار الدراجي
قصيدة منبرية للامام العسكري عليه السلام
نسألكم الدعاء ( ابو عبد الله الكعبي )
المستهل..
مثل جبد الحسن جبد الحسن ممرود
الله ايساعدك هاليله يالموعود
النص..
١
اعزي المهدي بمصابك يبو المهدي
غيرك ياعزيز الروح ما عندي
اجيتك معتني بالدمعه البخدي
شايل رايه وابزندي العلك مشدود
الله ايساعدك هاليله يالموعود
٢
يالله يالخدم سامره موعدنه
غير الونه آنه او انت ما عدنه
غركانين خلي انجلب ابردنه
نلبس اسود او نمحي الذنوب السود
الله ايساعدك هاليله يالموعود
٣
الحسن مثل الحسن بيبانه مفتوحه
الكل مجروح بيده ايطيب اجروحه
الامام العسكري يستاهل النوحه
هاليوم البجي يا هالخدم مريود
الله ايساعدك هاليله يالموعود
٤
الف لعنه عله العباسي واعوانه
الخليفه المعتمد مثل اهله عادانه
من سمه تكطع جبده مولانه
الخليفه الراشد او بس هو ما مرشود
الله ايساعدك هاليله يالموعود
٥
اليقود الناس طالح واصله هم طالح
على دمكم صعد واعله الدمه سابح
ظهورك يمته يا مولانه ابو صالح
تاخذ ثار اهل بيت النبي المفكود
الله ايساعدك هاليله يالموعود
🏴جدد مآسيها🏴
في مصاب الامام العسكري عليه السلام
اتون ام الحسن والدمعه تجريها
امصاب العسكري جدد مآسيها
————
اتنوح ام الحسن هالليله واتنادي
ياامصابك يايمه فطر افادي
مجروح الدليل وجمره وگادي
وامصاب الولي هالليله ماذيها
————
حضرتّه المسيه وراسه اتشده
اتون وتنوح هذا اوليدي ابشده
مسموم وغريب وفطروا جبده
ونسوانه تون يا ويلي اعليها
____
جيتنك ييمه انعى ملهوفه
واميه اشربه ابدمعه مذروفه
ماانسى حسين وهمه وطيوفه
عطشان ومهجته ماهو راويها
—————-
اقبالي يون واحبابه مفجوعه
جيتنه بحزن يدريني
موجوعه
ماذيني الضلع والسحگوا اضلوعه
واخته والحرم عدوانه سابيها
—————
ارويه بدموعي وجيت اشربته
وبجفوفي الجسد انظر واجلبنه
ياخوفي الصدر كسروه اشوفنه
واخته املوعه وغربه حدوا بيها
————-
تمت بحمد الله تعالى
بقلم:#بنت_الشمري
راح العسكري الليله // والمهدي انهدم حيله
*
مثل هذا اليوم أمامك بيده شيع والده
غسله بدمعه حنينه اوسط لحده وسده
المهدي من يشتاك كالو يبجي يكعد وحده
ساكن بذيج الصحاري ونوحه لحضه ما هده
دمعه عينه تبجيله // والمهدي انهدم حيله
* * * * * * * * * * * * * *
المهدي من كثر البواجي اعيوني يا ناس انعمن
المهدي كل جمعه يشيعه يكعد اباب الصحن
الدنيه كلها ما تكفي دمعه من ابن الحسن
حته يعكوب بكيانه والله عالمهدي حزن
وامه الزهره تدعيله // والمهدي انهدم حيله
* * * * * * * * * * * * * * *
جم محب فايض حنانه والورد بيده ذبل
حته طير الصاف تدري دور وعنك سأل
كلها هليله تنادي العجل يالمهدي العجل
تكتل الغربه حبيبي مثل بيت بلا أهل
ياهو الغيرك اشكيله // والمهدي انهدم حيله
* * * * * * * * * * * * * * * *
المهدي هليله بعبرتي ردت اعقد مجلسه
انه مجنونه وحبيبه وهوه يدري بعابسه
كمت ادك بحركه صدري واللطم اتنفسه
ومدرسة انا لطمنا عندي أجمل مدرسه
امنين الغايب ابديله // والمهدي انهدم حيله
* * * * * * * * * * * * * * *
العسكري اجفوف الظلاله الليله بالسم غدرته
وانضر السبعه العجايب بجت دم لمصيبته
نزلت الأملاك كلها والطيور اتلكته
وفوك نعشه هالمسيه تنوح ضلت شيعته
بجفها احبابه توميله // والمهدي انهدم حيله
* * * * * * * * * * * * * * * * * * * * * *
يابو صالح كلي وينك عدنه ما ضلت مهج
ما رعتنه الدنيه بعدك يمته يالمهدي الفرج
انته يعسوب الديانه وانته حجه اعله الحجج
نهجك الطاهر تبعنه وما نبدل هالنهج
أرواح الغالي نفديله // والمهدي انهدم حيله
* * * * * * * * * * * * * * * *
تمت
تحسين الخفاجي
#من_ديوان_قربان
_الطف_ج٦
قصيدة للاحباب (فارگتهم) لسان حال مولاتنا زينب عليها السلام عندما رجعت إلى المدينة.
❥━──➸➽❥❂❥━──➸➽❥❂
فارگتهم ... والدمع من عيني يجري
فارگتهم ... من بعدهم ضاع عمري
اعزاز عن عيني ابعدو ... بالترب اهلي بقو
فارگتهم فارگتهم
❥━──➸➽❥❂❥━──➸➽❥❂
راحو احبابي من أدية وفارگوني
وسافروا عني وجفوني وضيعوني
اعليهم ابجي وأبد ما تسكت عيوني
ليش يا ناس الاحبنهم جفوني
ماخذوني ... بس اون وخلص صبري
ماخذوني ... وياهم احفر ريت كبري
ليش ناموا بالترب ... اعلية فرگاهم صعب
فارگتهم فارگتهم
❥━──➸➽❥❂❥━──➸➽❥❂
ناموا وخلوني دمعاتي جرية
المات ما يرجع ابد مرة علية
أيست ونگطع ظني وهاي هية
آه يحنان الگلوب اگطعوا بية
ياهجرهم ... صعب بي بس الله يدري
يا هجرهم ... سيف جنه بوسط صدري
گلبي ما يحمل هجر ... بعد ما اريد العمر
فارگتهم فارگتهم
❥━──➸➽❥❂❥━──➸➽❥❂
شلي انة بالعمر من عگب الاحباب
من مشوا لليوم دمع العين سجاب
فراگهم حط جرح بية وأبد ما طاب
بقيتي ظلمة وموحشة يا دا الأطياب
غابوا بساع ... الجنت اظن يبقون ذخري
غابوا بساع ... اوجهت للباري امري
غابوا وغاب الضوه ... الجانوا فياي وهوه
فارگتهم فارگتهم
❥━──➸➽❥❂❥━──➸➽❥❂
غابوا وغاب الضوه والدنيه ضلمه
وعلي حتى الهوى يخنكي امن اشمه
عيوني من عگب الاودهم كون تعمه
آه يا كلبي وعذابه وآ يهمه
آ يكلبي ... بيك نار الفرگه تسري
آ يكلبي ... والحزن كاسرلي ظهري
شاب راسي والدليل ... عزاز
هدموا إليّ الحيل
فارگتهم فارگتهم
❥━──➸➽❥❂❥━──➸➽❥❂
ذاب دلالي وتحطم من بعدهم
الف وسفة اعله التراب ينام خدهم
بين تربان اسكنوا ونسد لحدهم
آه منك يا زماني اعليه ردهم
يا زماني ... ردهم واجبرلي كسري
يا زماني ... لو وياهم تنهي امري
ردهم علية يازمن ... ما احمل هم ومحن
فارگتهم فارگتهم
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
قصيدة لرجوع السيدة زينب للمدينة خطاب السيده ام البنين عند ملاقاتها للسيدة زينب
من ديوان #مواجع_الطف_الجزء_الثاني
{{ يالمحد سمع صوتچ }}
يالمحد سمع صوتـچ يـعلويــه
تالي اويه الغرب تمشين مسبيه
حرامات اخت عباس وحسين
حرامات تمشي اويه الملاعين
يزينب يزينب 2
•───✧◐◐✧───•
يالعشتـي بدلال ابجـال اخوتـچ
وجارچ ماسمع همسات صوتچ
يااخت النـشامـه وعلي عـودچ
يـالماطـالعـه من باب بـيـتـچ
والأخوان على خيالچ يخافـون
والأخوان اثر جدمچ يمسحون
يزينب يزينب2
•───✧◐◐✧───•
يزينب سولفيلي شسوت اعداچ
كعدي احچيلي كلشي صار وياج
يـاهو الضاربـچ عـالمتن واذاچ
وچاوين الكفيل ام عــون وداچ
علامات عليچ مبينه هـواي
علامات چن ماشاربه الماي
يزينب يزينب2
•───✧◐◐✧───•
ام عـون الغالية چاوينه عــبـاس
كفيلچ وين ابو الغيره ونومــاس
وين الكلي يمه اختي عله الـراس
انه ابنـي اعرفه غيـره واحسـاس
ييمه خاف مقصر وياچ
ييمه كولي ويـن خــلاچ
يزينب يزينب2
•───✧◐◐✧───•
تجاوبها العقيله وتـدمع العيـن
تكلها ابنـچ وفّـي ماقـصر حنيـن
فده لحسين اخو وانطاله چفين
وانه بزوده شيخه وبت سلاطين
الهظيمه خلافه انه شفتها
الهظيمه بغـيابـه عشتهــا
يزينب يزينب2
•───✧◐◐✧───•
احچيلچ بعد بحسين وشصار
وحيد بكربلـه وما يمـه نـغــار
وجسمه بخيل أميه صارطشار
واحنـه أسرونــه صغـار وكبـار
وأجينه متعوبات كلنـه
وأجينه ماجبنـه اهلنـه
يزينب يزينب2
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
❇️ قصائد الامام الحسن العسكري عليه السلام
#رئيسية
جيت اقره قرآن العشگ بيدي سلاحي
ثوب الوفه بسوح الحرب أصبح وشاحي
جندي بحشد حبك صرت ناذر دمائي
-----------
شبّت على حدود الوطن نار الخيانه
باعوا ترابه وخانوا حگوگ الأمانه
والأرخصوا هذا الوطن
خانوه بالسر والعلن
بالطائفية وبالفتن هزوا كيانه
شنوا حرب عل معتقد واضح هدفهم
دين الضغائن والغدر مبدأ سلفهم
وآنه اعلى دين المصطفى صار ابتدائي
جندي بحشد حبك صرت ناذر دمائي
----------------
راياتهم تشبه ضمائرهم مظلمه
ووجوههم صفره وأبد ما بيهه رحمه
اسم الله عل رايه انحمل
بس بسرائرهم هُبل
بسوء النَوايا والعمل عقدوا الهمّه
من سيرة ابن النابغه درسوا السُنه
وآنه اعلى منهاج النبي ما مِلِت عنه
سيرة الهادي والوصي هو الروائي
جندي بحشد حبك صرت ناذر دمائي
---------------
شنّوا حربهم بالحقد ضد الشريعه
وبدمهم الخسّه وجرائمهم شنيعه
مره بقتل مره بنحِر
وسبايكر شاهد عصِر
ويصرخ نزِفنه المستمر ذوله احنه شيعه
ولمّن وصل يم مرقدك جيش المطامع
رادتني ساحات الشرف عنك أدافع
ولبّيت والعالم سِمَع صرخة ندائي
جندي بحشد حبك صرت ناذر دمائي
-------------
حشّدني حبك والحرب بهواك عيدي
بسمك أحفّز همتي وذكرك نشيدي
ناذر بدربك منحري
وجرحي انتفض يل عسكري
وصرت بغرامك عسكري وسلاحي بيدي
يصعَد غُبار الملحمة وتصعد الغيره
وأعلِن هجومي والعدو يعلِن نفيره
يَسقط لواءه ويرتفع بالحق لوائي
جندي بحشد حبك صرت ناذر دمائي
-------------
أول سلفهم صاب بالمحراب جدك
وآخرهم بسم الخيانه صاب چبدك
المعتمَد صوب چبدتك
واحفاده هدموا گبتك
ولليوم ظلت غربتك وجروح فگدك
كلما أثور اعلى الخصم وبگلبي ناري
منهم أريد لچتلتك آخذ بثاري
واستشهد بسوح العشگ لجلك رجائي
جندي بحشد حبك صرت ناذر دمائي
--------------
بحِجر الشهادة من طحت يل غالي لجلك
ميت وعيني اعلى الدرب منتظره شبلك
وجروحي تنخه المنتظر
يا ساعه تظهر يا گمر
الدنيه انملت جور وخطر محتاجه عدلك
يل عسكري وتحت اللحد من صار أمري
ظليت اناطر والأمل تحضر بگبري
بيك ابتديت ويمّك ايصير انتهائي
جندي بحشد حبك صرت ناذر دمائي
-----------
عقيل الكاظمي / بغداد
قصيدة ( مر بينه ) إلى الامام الحجة ابن الحسن العسكري عليهم السلام
مــر بينــه مــر بينــه
صحره احنه وانته الماي
تــروينــه چلــمــة جــاي
يالغايـــب شنــهي الـراي
مـــر بينــه. مــر بينــه
*----------*----------*
تتاني الــروح ويـن الجيتـك مطـره
صفت بعدك يغايــب بالبعد صحـره
يتامى احنـه ونتاني منــك النظـره
نحلفـك بيش بحسين وگطع نحـره
تـدرينــــه تـدرينــــه
ننتظـــرك يـالـمـوعـود
يالمهـدي يمـتـه أتعــود
وتـــرد الفــرحـه اردود
مـــر بينــه مــر بينــه
*----------*----------*
مــر بيـنا الحـــزن نشــف مـدامعــنه
وحچي الشمات لجلك هد مسامعنه
بـلا نـــورك يغـــايــب سيدي ضعنــه
وبس انتــه التطـــيب كل مواجعنه
تــاذينــــه تـــاذينــــه
نسمعها واحنــه ازغار
چــا وين الغايب صـار
يالمهــدي لجــل الثــار
مـــر بينــه مــر بينــه
*----------*----------*
ظلمه الدنيه مرنه واشعـل الشمعـه
وامسح من جفنّه سيــدي الدمـعـه
بغايبك كل وكـت يبن الحسن ننعه
نحلفك بالبقن بچفوفه بـس تسعـه
تـروينـــه تـروينــــه
يبست بينـه الامـــال
ملينه القيـــل وقــال
يالمهدي بهذا الحــال
مـــر بينــه مــر بينــه
*----------*----------*
ضاگــت بالنــفس يالغــايب الريه
يا نســمة صبــح يـل كلــها حنيـه
الفرحه أويه العقيله چنها مسبيه
وبس انتــه التردهه مـن بني ميه
ملينـــه ملينــــه
مـن الـدمعه ومــن الاه
يــا جــرح المـا ننســاه
كل يــوم نعيـش ويــاه
مـــر بينــه مــر بينــه
*----------*----------*
مثــل حــال العليله لجيتــك انتــاني
البعـد يـبن الحسن غيرهــن الــواني
هااا هســه يجـي مــا مــره تنسـاني
يزيح اهمومي كلها ويجلي احـزاني
نــادينـــه نــادينـــه
عجــل عجــل مــولاي
يا عمري الراح وجــاي
يــــا قبلـــة كـــل وفاي
مـــر بينــه مــر بينــه
*
الشاعر
موسى البديري
استشهاد الامام العسكري ع
……………………………………………………………
اليوم يندب كل موالي وجعفري
السلام اعله الامام العسكري
وا اماماه •• وا اماماه
……………………………………………………………
السلام اعله الامام المنغدر
حتى للثلاثين ماجازي العمر
ورده ماتت وانجرح بيها العطر
عاشت ابليل وفلا شافت فجر
الحسن موسى وهمه گوم السامري
السلام اعله الامام العسكري
وا اماماه ••وا اماماه
……………………………………………………………
يا امام و مقتلك اكبر جرح
صار سمهم سيف وانت المنذبح
ليل همه وانته مشراگة صبح
ماصخه الدنيه و رحل عنها الملح
كربلاء ابموتك اتعازي الغري
السلام اعله الامام العسكري
وا اماماه •• وا اماماه
……………………………………………………………
الج يا سامره مشتاگ الگلب
بالبواجي البيت ابو محمد اطب
يا امامي الخلص عمرك بالغرب
انت عيسى ابوسط دارك منصلب
فدوه الك روحي ودليلي وناظري
السلام اعله الامام العسكري
واماماه •• وا اماماه
……………………………………………………………
تسقط الملويه وي المعتمد
وعاشت الگبه الشريفه وللابد
اشجاب عنوان النعامه اعله الاسد
ابو محمد سيف ماشاف الغمد
اسمه اية موت لمن ينقري
السلام اعله الامام العسكري
وا امامام •• وا اماماه
……………………………………………………………
السلام اعله الامام و دمعته
من ذكر جده السليب و ذبحته
طافحه الخيل بحوافر داسته
وثلث تيام الشموس الصهرته
ذكر عماته بهزايل تنسري
السلام اعله الامام العسكري
وا اماماه •• وا اماماه
……………………… .…………………………………
السلام اعله الامام و عل الابن
المهدي لفراگ الابو يبجي و يون
زغير ما شابع دلال و لا حضن
توم وي المهدي مولود الحزن
والهموم تبيع بيه و تشتري
السلام اعله الامام العسكري
وا اماماه ••وا ماماه
……………………………………………………………
السلام اعليك و اعله السيده
نرجس الحره الجليله الخالده
مثل مريم هي اميره ومسعده
لان للموعود هي الوالده
شما تريد الباري ويگلها ابشري
السلام اعله الامام العسكري
وا اماماه •• وا اماماه
……………………………………………………………
✍️ ( سيد خضر الزاملي )
نعي عن الإمام العسكري عليه السلام
سَمَّوك ياسيدي و متغيره الوانك
قصد العده ياجبل تتهدم اركانك
يابوكلام العذب مافارگ السانك
نكروك يلعسكري وماردوا احسانك
من سجن بيك السجن يردون عدوانك
ظنوك تهتز صدگ لويضعف ايمانك
حرموك من الاهل وابعدوا خلانك
ثلاثين ماكملت يلذبلت اغصانك
سم وخيانه وغدر مافاز من خانك
انذلوا أسياد القصر وانته ارتفع شانك
الشاعر حسن لعيبي الحريشاوي
لاستشهاد الامام الحسن العسكري عليه السلام
ساكن گلوب الوفيه هوه الروضه العسكريه
★★★★★
نرثي اركان الامامه والمعارف والشهامه
نسچب الدمعه بمقامه بهلمصاب وهلرزيه
★★★★★
الباري سامره حفظها وجنه علدنيا فرضها
مسچ والياقوت ارضها أي وحگ سيد البريه
★★★★★
يبو الحجه شنهي ذنبك حيف بالسم يگضي نحبك
شكثر منهم عانى گلبك من المهد حد المنيه
★★★★★
جينه باحزان ومدامع بينه لوعات ومواجع
ندري يوم الحشر شافع وحگ من راحت سبيه
★★★★★
مقصد افكار الضلاله ينمحي وجه العداله
قدمت لكن رساله تزيح ليل الجاهليه
★★★★★
العسكري مولاي أجينه الگلب يمطر حنينه
زاد بمصابك ونينه ونت العاشک خفيه
★★★★★
مهديت ابكل اراده المن اتصير القياده
باچر اتكون السياده الصاحب الطلعه البهيه
الشاعر حسن لعيبي الحريشاوي
نعي للامام الحسن العسكري ع
الـــــزهــره اليوم يتجدد حـــزنها
يــــــهمل يا خلگ من دم جِفــنها
الـــــمصايب كثرن اعليها وعمنها
ابـــــسامره الحسن مسموم ابنها
السامره الزجــــيه اتعنــت اليـــوم
اجت من المدينه امحمّله اهــــموم
وگلبها اعله الحسن يا ناس ملجِوم
تصيح العسكري ابيا ذنب مــسموم
مســــــــــموم الحسن هاي المسيه
انــــــــــصبوله العزاء يالجعفــــريه
وعــــــــــزوني يشيعه بهــــــالرزيه
ولــــــــــطموّ روسكم ويه الزجــيه
الّــــــطمو روسكم والدمعه هــــلوها
حزيــــــنه ام حسن هالليه واسوها
ومجــالسكم يشيعه اليوم انصبوها
وشيلو اجنازت العسكري وشيعوها
علي كاظم المنصوري
نواسي الليله الامام المنتظر
جبد ابوه العسكري تكطع وذر
@@@@@@@@@@
وي ولينه لابد انسيل الدمع
ظلوع نهشم بالهظم موبس ضلع
الليله جبرائيل والحق منفجع
وبالحزن كلب السمه لجله نفطر
@@@@@@@@@@
ماهده ولاشاف راحه من الزمن
كلهه لمن حشدت كوم الفتن
المهدي ويلي حكهن عيونه جرن
ينظر الوالده من السم نعصر
@@@@@@@@@@
ظالم العباسي وذر جبدته
لارحم لاذمه يتم عيلته
الليله كل شيعي ينزل دمعته
بالسماء السابعه انذاع الخبر
@@@@@@@@@@
والدك شيعوه موجوده الصحاب
لكن المظلوم جدك عالتراب
ظل ثلث تيام عاري بلا ثياب
وصدره بخوافر الخيل امننحفر
@@@@@@@@@@
بقت دارك عامره وبيهه منار
وخيم جدك كلهه حركوهن بنار
شلون موقف يوم سحكوها الزغار
واه يالموعود جم خد انسطر
@@@@@@@@@@
عيلتك مصيونه ما مرها السبي
وجدك عياله سباها الناصبي
من الشمس ويلي كلب لون العبي
من الرفس يالمهدي جم ضلع نكسر
@@@@@@@@@@
ننتظر يومك بشد لهفه وأمل
ياولي ماي الصبر منه وشل
لمته سيفك يمحي اصحاب الجهل
واليحبكم حكه يالمهدي انتظر
@@@@@@@@@@
الخادم عبد المعين الشمري
1-قصيده لسان حال السيده الزهراء (عليها السلام) تواسي الامام الحجه عج باستشهاد ابيه الامام العسكري ( عليه السلام)
ابوك العسكري مسموم
يمه الليله مفجوعه
$$$$$$$$$$$$$$$$$
يمه ماهده بالي
وتغير بالعجل حالي
انحب والدمع سالي
وبس الحزن يبرالي
ظل جرح يلجم جرح
ونظرت الشامت ملح
وصعب الحال يالموعود
وناري استعرت بلوعه
///////////////////////
يالمهدي اختلف وضعي
الطم عالصدر ونعي
يمه انسيته ألم ظلعي
وجمر لمن نزل دمعي
مافتر كلبي يون
بهظم غاطيني الحزن
ومامرتاحه دمعه ونار
وسط الروح مطبوعه
///////////////////////
دموعك من شفتهه بساع
كام ادور بيه الكاع
حالي من الفجيعه التاع
وشكبره الجرح ماظاع
والوحي ويانه انهظم
ايصيح نور الله انظلم
هدلن حزن جنحانه
وعلينه تهمل دموعه
///////////////////////
هواي جروح بيك كبار
حيلك حكه كله انهار
بجرح العصره والبسمار
وطبرة حيدر الكرار
وشفت جرح الهامه
وعله الكاع عمامه
هاي مصايب الاشرار
بكلبك كلهه مجموعه
///////////////////////
وجرح الحسن فت الروح
وجرح حسين هز اللوح
ومن شفت الكمر مطروح
ودمه عله النهر مسفوح
من اعددلك احير
تدري بحالي اشيصير
طر العرش جسم حسين
يويلي طحنو ضلوعه
///////////////////////
وناري ونارك استعرن
سمعنه النوك من ونن
العلويات من ركبن
بنار الفاجعه اتجون
اشد وقسه من الضرب
تنظر عليهن غرب
يبجن سكته يوليدي
وحتى الونه ممنوعه
///////////////////////
الخادم عبدالمعين الشمري
مهضوم وبكلبي اهموم
يالعسـكري جيت اليوم
**
اجيت ودمعتي تجري … يامسموم
نارك شــــبت ابصدري … يامسموم
بغــــربه حـالتك ادري … يامسموم
بگاع اهلك وهم مظلوم
يالعسكري جــيت اليوم
**
مـــن يا فاجعه ابدي … يامسموم
مصايبكم كلن چبدي … يامسموم
الله يســـاعد المهدي … يامسموم
هم غايب ويبجي دموم
يالعسكـــري جيت اليوم
**
الله يعينه حـــال ابنك … يامسموم
حته مــــا شـــبـع منك … يامسموم
ظل بأذنه صده حزنك … يامسموم
وباللوعه يگــعد ويگوم
يالعسـكري جيت اليوم
**
المهدي يصيحك ويندب … يامسموم
خلافك شــــاب وتغييب … يامسموم
رمش عينه اضــن شيب … يامسموم
ماشاف من بعدك نوم
يالعسكري جيت اليوم
**
عباده خلصت دربك … يامسموم
بيـــن الناس التعبك … يامسموم
بيا لوعه سكت كلبك … يامسموم
مـن كربله ظل ملچوم
يالعسكري جيت اليوم
**
نـــــــذكر كربله عندك … يامسموم
نام اعله الرمل جــدك … يامسموم
مثلك من متت وحدك … يامسموم
بس ماكو خياله تحوم
يالعسكري جيت اليوم
**
شمعه وخمـدت بسكته … يامسموم
بيا ذنــــب انقتلت انته … يامسموم
الاجل ماجان الك وكته … يامسموم
ويوميه ميـت معصوم
يالعسكري جيت اليوم
**
بيــــــن النــــور والضَلمه … يامسموم
جنت تنشر وعي وحكمه … يامسموم
الما متعــــــلم اتـــعلمه … يامسموم
مـــا خلو النعمه اتدوم
يالعسكري جيت اليوم
**
قواعـــــد علمك امتدت … يامسموم
بكـــــــل العالم انتشرت … يامسموم
رغم مقتول بس طلعت … يامسموم
لكل واعي ورثت علوم
يالعسكري جيـت اليوم
**
المازاير يجــي ايزورك … يامسموم
تنطي لمــحة من نورك … يامسموم
ويبجي لظلمك وجورك… يامسموم
ومن عندك يرد مـــآلوم
يالعسكري جيــت اليوم
**
عزيز المياحي
قصيدة منبرية للامام الحسن العسكري عليه السلام
ابو عبد الله الكعبي
نسألكم الدعاء
المستهل..
يا مسموم @@ يالعسكري
يا مظلوم @@ يالعسكري
النص..
1
الامام العسكري هاليله يتسمم
مثل جبد الحسن هم جبده يتخذم
اهل البيت كلها ابفگده تتألم
وابكل بيت شيعي ينصب مأتم
يا مسموم @@ يالعسكري
يا مظلوم @@ يالعسكري
2
عهد ويه الامام المهدي نتعهد
عزاء العسكري كل عام يتجدد
تنوح الشيعه لمصابك يبو محمد
قلبنه ابهالمصيبه ساعه ما يبرد
يا مسموم @@ يالعسكري
يا مظلوم @@ يالعسكري
3
ابرايات الحزن نترسها سامره
او مجالسنه نضل نعقدها بالحضره
الف هنياله بالخدمه الفنه عمره
ميتركه علي او ما تتركه الزهره
يا مسموم @@ يالعسكري
يا مظلوم @@ يالعسكري
4
سلام الله على المسموم هاليله
تضل اعيونه اشما عشنه تبجيله
نواعي إمن القلب بمصابه ننعيله
لبن الهادي كلنه ارواح نهديله
يا مسموم @@ يالعسكري
يا مظلوم @@ يالعسكري
5
كفت أربعين احسين بس ماكف
عزمنه اعله الخدامه والله مايوكف
خدمنه طه وابهالخدمه نتشرف
او دمعنه اعله الرضا واسكينه ماينشف
يا مسموم @@ يالعسكري
يا مظلوم @@ يالعسكري
6
روايه عن رسول الرب خلق ربنه
شيعه الحد قيام الساعه تندبنه
تضل منصوبه للعتره مواكبنه
الله ايحبنه يوم البيها حببنه
يا مسموم @@ يالعسكري
يا مظلوم @@ يالعسكري
*اديار فاطم *
موشح للامام العسكري ع
اديارفاطم هالمسا حزنانه
شال عنها العسكري مولانه
امودع الله سيدي يبن الطهر
مثل ابوك وجدك انهيت العمر
شوف امك عالولد شبعت قهر
واعلى يوم العسكري تنخانه
تصيح يبني يالحسن بعدك شباب
واشبعت يوليدي باشكال العذاب
اه ويلي امن العدو دلاله ذاب
وذابت المهجه واهي خلصانه
شنو ذنبك يالولد ويسمموك
ماكفاهم يالحسن سموا ابوك
ليش يوليدي بحقدهم وسموك
وخلوا اديارالحسن خلوانه
نعازي مهدينا المسيه ابهل مصاب
من مصيبة والده يبدا الغياب
والله يوم العسكري مر وعذاب
غاب والينه وبدت بلوانه
لجله والله هالمسا اندق الصدور
وليت سامرا اله نسعى ونزور
ويلي قلبج فاطمه كله كسور
يعينج الله عالولد لهفانه
تمت بقلم :بنت الشمري
للصحن جينه. نواسي مهدينه
العسكري بيده. ايسجل اسامينه
***
الخدمه نوعيه بيها روحيه ابدار الامام
نرفع الرايه واحنه وفايه بهذا المقام
اليوم كردوس الخدم رافع شعاره
والتحيه تختلف جوه المناره
عالامام نسلم ونقره الزياره
نقترب منه وهوه يقبلنه
بالصحن نشتم ريحت الجنه
***
كل ايادينه بيد مهدينه نبع الحنان
سيد النعمه وعطره نشتمه بهذا المكان
من نطب سامره ياخذنه العشك وين
وشحلات الهوه يم العسكريين
ما يرد خالي اليدك باب الامامين
اشمحله سامره الناضر تسره
وحلف المهدي خادم الحضره
**
كل سنه نعاهد حضرت القائد ونحي العزاء
بالصحن نصطف وخدم نتشرف الراعي العطاء
الرايه هاي المنتظر يشرف عليها
يعني عطر العسكري موجود بيها
بعلي الهادي ونرجس احنه مزوريها
تبقه رايتنه رمز خدمتنه
بدار ابو صالح تعله صيحتنه
**
كل سنه وكل عام تلتم الخدام بوسط الرواق
وللضريح نصد ولحضه من نبعد نموت اشتياق
ونرجع نطوف الكبر ويزيد حبنه
بالامام المهدي متعلك كلبنه
يمته يوم الثار يالغايب ندبنه
دوم ندعيله وكلشي نحجيله
صاحب المرقد ويانه كل ليله
**
الارض سامره تحضر الزهره والهم تنوح
تنصب الماتم والدمع من دم وتبدي الجروح
تعتني يم الامامين الحزينه
اتنادي يبني توني اجيت امن المدينه
تصيح ليش اوليدي جبده مسممينه
عالولد تنعه وتذرف الدمعه
وتدري بالمهدي منكسر ضلعه
*
تمت
تحسين الخفاجي
جرحي باب وكربله
والدموع الهامله..... يشرحها المصاب
هالمصيبه مؤلمه
فاطمه يا فاطمه... يالوعة الباب
نوحي يعله بهل رزيه ،،، واليالي الفاطميه
باب من الغاضريه،،، والجروح
فاجعة أم وأبنها،،،، ورده طاحت من غصنها
گوه تحچي وتخفي ونها،، من تنوح
ياوسف أيــد الحـقد طالت عليها
من السقيفه الخانت وغدرت نبيها
مـارعـو بضعة نـبـي وكسرو ضلعها
والعرش وأهل العرش تبچي البچيها
بگلبي نار موجره
ضلوعي مامتكسره.... ولا شابع أونين
عل أقل كون أنفجع
من يمر طاري الضلع...ودموعي بالعين
هوه نوحي ودمعي منها،،، وهيه حزمتني الحزنها
شتحچي يا دلالي عنها،،، ياعذاب
عالمصيبه بگلبي حسره،،،من عدوها الما تبره
بالقيامه شنهو عذره،،، ياجواب
بلعنة أشباه الزلم عـنـدي عقيده
وعالجريمه ألي تستر مــاأريـده
واليحاول ينفي لو يخفي أمرها
ماهو شيعي وعذره باچر مايفيده
عندي كلشي مايهم
والبرائه تحب زلم... تجهر بالأسماء
مو دعايه ولاخبر
قاتل الزهره( عُمر)....ماحاجه أخفاء
عمر عالحايط عصرها،،، ضلوعها هوه كسرها
بچفه ياوسفه سطرها،،، هالزنيم
ويلي بسمار الفجيعه،،، نابت بصدر الوديعه
عالجريمه بكل شريعه،،، حد تقيم
المهدي باچر لـو ظهر ثاره يطلبه
الحد يقيمه والظلم فاطم يصلبه
وهوه اليدلي الخدم موضع قبرها
نسوي يمها العزه والمدمع نصبه
دمعتي التچوي الجفن
مقترن بيها الحزن .... ماتنزل شلون
الدمعه مصداق العشگ
گلبي باب ومحترگ...ومصابي ميهون
جرحي كون بهل ليالي،،،يبين الكسره بخيالي
شنهو نفعي وشنهو حالي،،، بلا عزاء
كون أموت من الهظيمه،،،الزهره للخدام خيمه
بالأرض مجلس نقيمه،،، وبالسماء
هـنـاك والأملاك هـم تنصب عزاها
بالسمه بمجلسها يحضر يبچي طه
على بنته البضعه تنزل دم دمعته
أم أبيها فــاطمه ومـحـد رعـاهـا
✍️حسين حمدان الدلفي
لطمية مربعة لديار الحسين
المستهل
رحت الدارهم ماكو زلم بيها
روحي اتمرمرت والضيم غاطيها
♦️♦️♦️♦️♦️♦️♦️♦️
رديت ابهضم والعين معميه
يتراوالي اوساعه انغمه اعليه
اخوي الشايل امقفل مبانيه
ظلمه دارهم صبحت تاليها
♦️♦️♦️♦️♦️♦️♦️♦️
الدار امسدده اوماكو هضل عالي
بكيت امحيره والظيم ياحالي
عله افراك الاحبه مدمعي سالي
شالو وانه روحي الهضم غاطيها
♦️♦️♦️♦️♦️♦️♦️♦️
احا يادارهم مزوده واتبجي
ماضل بيها والي بالعدل يحجي
كلهم كوضو جا انه بعد شحجي
ومن رديت خويه جيت اعازيها
♦️♦️♦️♦️♦️♦️♦️♦️
اعازيها واكلها ليش مزدوده
تكلي الراح عني بعد شيعود
عليهم بالدمع هالعين ممروده
روحي اخلافكم منهو اليسليها
♦️♦️♦️♦️♦️♦️♦️♦️
روحي اتمرمرت من شفت هاي الدار
مهجوره يخوتي اشكد عليها اغبار
جاوين المضيف اولمت الخاطر
عكب اهلي بعدياهو السكن بيها
♦️♦️♦️♦️♦️♦️♦️♦️
عكبكم للبيوت اشلون اطبنها
عاليها الغبار اشلون اسكننها
بتكم من عكبكم زودت ونها
ضلت بالغرب من ينشد اعليها
♦️♦️♦️♦️♦️♦️♦️♦️
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه على روح الشاعره ام تحسين
بصوت كامل السعيدي
ام زين العابدين اللامي