7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
سواد عيونّه بكل فاجعة يطيح
ويرد بدموعنا لحزن الزچية
نموت العام كله ونرجع نعيش
اذا مرت علينا الفاطمية
نرد بعيون لآل الزهرة مفجوعة
الحزن عايش غريب وهالگلب طوعة
الشمس لو غربت يلمع جرحنا بليل
ونبات الليل عين تناوب اللوعة
بشفاف الحزن ظما
نسگية بدمعة لفاطمة
لو يتعذر الدمع
ننطي الصدور مهدمة
@@@@@@@@@@@@@@
الدمع وحي الرسالة التحيي الگلوب
ألا من ناصرٍ يهل الضماير
الجِزَع ياخذ مكانه بركب الانصار
التغره الدنيا عند حسين خاسر
خطية اليعتقد هذا الحزن ساعة
وغشيم المافهم لطم الصدر طاعة
يموت ابن العزه وحد نفخة اسرافيل
يرد ينصب عزاء لو قامت الساعة
تكبر دمعة الطفل
يبچي سنين ومايمل
ينظف گلبه بالدمع
وإتخيل محب كهل
@@@@@@@@@@@@@@@
اذا رايد ثقافة اتعلم تنوح
الگلب لولا الدمع بستان يابس
الوقار بكربلاء مات ويه الحسين
وشوف شلون واسى الزهرة عابس
مِلل كثرة ومذاهب صارت الوادم
ربح بس اليظل لام الحسن خادم
نار گلوبنا التشعلها نار الباب
أصل نار الخيام التحرگ الهايم
كلما يكبر الجرح
جمر المحترگ ربح
طعم الدنيا لو بهت
مجلس فاطمة الملح
@@@@@@@@@@@@@@@@
امانة من السماء بخلق الأجناس
انخلق هذا الحزن دم بالشرايين
الحرارة البالنعاوي وشوغة الروح
دليل اعله رواية فاضل الطين
لأن باب المجالس واسع الرحمة
اذا ننصب مآتم نشكر النعمة
نجي ونطلب تعب بدموع واستئذان
حياة بلا تعب للمنذبح زحمة
الگالو مجلس وفزع
مثل المنتصر رجع
جاب حرورة الدمع
لهله وماصبر جزع
@@@@@@@@@@@@@@@@@
عمرنا والأهل كلهم قرابين
مقابل دمعة وحدة بمجلس حسين
يظل ذكر الزچية وبيت الأحزان
إلى أن تنشف من دموعها العين
أدور بالمجالس مثل المضيعة
يبلچن صوت ناعي اعلى الولد ينعى
لان طاح الحسين مخضب وعطشان
أرش باب الحسينيات بالدمعة
بالظلمة الحزن ضوه
اصل شموسه نينوى
وشما تدنو للشمس
احسب گلبك انچوى
@@@@@@@@@@@@@@@@@
أصل نار العذاب النار بالباب
ونار خيام زينب بالمدامع
نشب ونطفى لو مر بينا عاشور
وترد نار الزچية بالمواجع
اذا نهفت رماد گلوبنا اليلتم
يشب بكل مسية وينصب المأتم
الحزن عادة وعبادة بسنة وبتشريع
اصوله ومحتواه للسيد الخاتم
جمرة بطينة المحب
هاي الدمعة تلتهب
منها اليخدم بصدق
مثل اليبچي ينكتب
@@@@@@@@@@@@@@@@
فلاح السالمي
*//علي افراق الحنينه//*
*لسان حال الحوراء عليها السلام في فقد امها*
*على افراق الحنينه تهمل اعيوني*
*اشلون انسى الدلال وتغمض اجفوني*
_____
حقي ياخلق من اصرخ بونه
عافتنه الحنينه وابعدت عنه
راحت يا حسافه ماترد النه
*بجمرات الالم واعليها حرقوني*
__
اشلون انسى الدلال وضحكة اسنيني
من جانت معانه وتحضن ايديني
بكلفات الليالي لا تعوفيني
*من بعدج ضحكتي وفرحي عافوني*
___
ودعتج يايمه امكسره اضلوعج
ماانسى ونينج يمه وادموعج
طفوها بحقدهم والله اشموعج
*مكسور الضلع ووياهه كسروني*
____
يا دارج خليه وقلبي اتفطر
ونيران المصاب بدنيتي تسعر
مانام واذكره بعيني هالمنظر
*بالباب اعصروج وآنه عذبوني*
_
مكسور القلب من عتبة ابوابج
ومهضوم العمر من لحظة اغيابج
ياعطرج اشمه وانثر اترابج
*عالراس واصيحن زهره لوعوني*
__
*تمت بحمد الله*
*بقلم:بنت الشمري*
*_الكويت_*
مسلم المطيري
ارد انشدك ياقبر عنها الحنينه
مرت الأيام ما نشدت علينه
كلمات الشاعرة/ بنت الشمري
دولة الكويت
🏴 *نعي خاص في استشهاد الزهراء عليها السلام* 🏴
.
.
.
يا يُمه
ترانه ابعازة أم البيت
و نِريد ابفيها نتظلل
يَبيت أمي يهد الحيل
ويصيح ابوحشه لا تدخل
اشلون انسى يَيُمه إرباچ
وحضنچ ليه ما يحصل
ياااا يُمه ..
يَمحله القعده ذيچ اوياچ
وسوالف حلوه ما تنمل
***
مشيتي وقلبي راح اوياچ
وشمعة دعوتچ راحت
اشكثر هديتي ليه اهموم
ونسايم دعوتچ راحت
أصد العتبه تبچي اعليچ
وصواني قعدتچ صاحت
أدير اعيوني لِمصلَّاچ
و رَنة سبحتچ ناحت
يَريحة جنه تِملا البيت
ونسايم من ورد فاحت
مشيتي ووحشه ظل البيت
وحيطان الفرح طاحت
____
*تمت بحمد الله تعالی*
*بقلم : بنت الشمري*
*_الكويت _*
.
.
جديد
#استشهاد_السيده #الزهراء عليها السلام
عفتينه يمه ابيا حال
وامصابج ايهدم اجبال
مابطله يمه اونيني
لمن تغمض عيني
———
عفتينه يايمه وجمر ظل بينه وگاد
نار الغيابج تستعر تاكل بلفاد
بعده حنانج فاطمه يايمه ينراد
من بعدج اونين القلب بينه ولا هاد
جمرج يظل يجويني
لمن تغمض عيني
———
عفتينه تدرين الزمن يطلبنه عتبات
ماخله بينه اولا ضلع زوّدنه كسرات
جدي اووراه محسن بعد كثرنه حسرات
وانت و عيونج والضلع خضرنه ونات
كل ونه هم ترويني
لمن تغمض عيني
————
يايمه فكيه القلب واخذيني وياج
گليلي شيْحَمْل العمر زهره بلياج
انت لهالناس الدوا چا وينه ادواج
ضميني وياج ابلحد تخنگني فرگاج
انت النفس بسنيني
لمن تغمض عيني
———
يمه البعد ما ينحمل ابقلبي لهاب
يايمه ينشگ القلب من انظر الباب
شيله ييويه لا يظل بدّلها الاعتاب
مسمارها الشگ القلب نابت بلالباب
اويا شوفته تنهيني
لمن تغمض عيني
——-
بعد الحنينه ياقلب ماظلت احباب
كلها بعيوني بس تظل يا روحي اجناب
اعتب عليمن يازمن شيفيد إلعتاب
ومطفيه يااعيون الفرح والقدر غلاب
وابغربتي حضريني
لمن تغمض عيني
———
✍️ #بنت_الشمري
⚫️موحشه الدنيه⚫️
في استشهاد الزهراء عليها السلام
غابت انوارج. موحشه دارج
ونت ازغارج. يمه يا يمه
~~~
دار
منهو يازهره لنه يايمه بعدج
ريت ضماني المسه وياج لحدج
طفله واشتاق ابمنامي حبيبه عندج
فزت ابنيتج. تنتظر جيتج
باللحد شفتج. يمه يا يمهاني المسه
خالي افراشج ييمه ومثلي فاگد
اه ياجمر الغياب ابقلبي واگد
نامت اعيون الشماته وكل حاقد
للصبح صوته ونينج بيه گاعد
جمرة اشواگج. تجوي عشاگج
ايعذب افراگج. يمه يا يمهبعدج
ريت ض
يافجر بعدج نشوفه ونلگى صبحه
وبيتنه ينزف ييمه بعده جرحه
كل حزن والله بغيابج عالي صرحه
شوفي بابج من ونينه الهم يشرحه
اعليج ونينه. يمه وابجيه
شنهو بيدينه. يمه يا يمهني المسه و
نامت اعيونج ييمه وجرحي مانام
من شفت نعشج خذوه وماهي احلام
ابظلمه شالوه وابد ما رفعوا اعلام
شفنه يا يمه برحيلج سود الايام
منكسر ضلعح. يمه واونودعج
ليه شيرجعج. يمه يا يمهمسه وياج لح
موحشه الدنيه ييمه ولا حبايب
اختنق بدموعي شوفي وقلبي ذايب
ليلة افراگج. صبح آ جفني شايب
وانطفى بينه حنانج نوره غايب
عني من شلتي. وبالقبر نمتي
ازعيره من رحتي. يمه يا يمهمسه وياج لحدج
تمت بحمد الله تعالی*
*بقلم : بنت الشمري*
*_الكويت _*
.
.
لسان حال أمير المؤمنين عليه السلام في وداع الزهراء عليها السلام.
سامحيني بالله يا زهره الزجيه.
سامحيني عالجرى غصب عليه.
سامحيني مقيد بحبل الوصيه.
سامحيني ابقيد شفتيهم ايديه.
سامحيني يا بنت خير البريه.
**
لسان حال الزهراء عليها السلم تعاتب أمير المؤمنين عليه السلام.
آني فاطم بضعه من سيد البريه.
آني فاطم اوديعه يا حامي الحميه.
آني فاطم والعدو يهجم عليه.
آني فاطم والدم بصدري جريه.
آني فاطم وانعصر وحملي بوطيه.
آني فاطم وينضرب خدي ويديه.
_
لخادم أهل البيت عليهم السلام ابراهيم علي البوقرين.
بسك يالفحل. موخدك ذبل. كف عن البچي اشويه
ارحم حالتك. خفف ونتـك. گمــــت اسمعها ليليه
يابويه راسك شاب ---- جرح الفرگه ماطاب
***
سهرانه طـــول اليل عذبني ونينك
والدمعه ياكرار مرسومه اعله عينك
بفراك أمي هل يوم بس الله اليعينك
حتى اكثر امن النوك للزهره حنينك
يا حامي الحمه. دارك مظلمه. نور أم الحسن طافي
الغايب مايرد. ذبلان الورد. ملينه الحزن كافي
كلبك يحيدر ذاب ----- جرح الفركه ماطاب
****
صوت الزهره ناداك خلف الباب اسمعه
يا حيدر البسمار من اضلوعي طلعه
طاح المحسن ومات مالحكت اودعه
سل فقارك اوكوم عني الشر ادفعه
اتناديك اوتون. أنه أم الحزن. ياراعي المدد مدني
ونته اتعذرت. من عدهه وكلت. عنج طه كيدني
عذب دليلي الباب ---- جرح الفركه ماطاب
*
صبرني بويه اوياك وصبر عالمصيبه
يجرحني صوتك حيل من اسمع نحيبه
گلبك ادري شب نار ما يبرد لهيبه
ودري المحب يحتار لو ودع حبيبه
جم غالي الرحل. يوم اوداعه حل. تلسع جمرة امصابه
ليل الوحشه مر. گضيه بالصبر. وجرع لوعة اغيابه
نور ام الحسن غاب---- جرح الفركه ماطاب
*
ما جاوز العشرين يابويه عمرهه
ميتهه اوياهه ياريت وتحطني ابكترهه
محرومه صار ايام ما اشتم عطرهه
يابويه اخذني اوياك دليني ابگبرهه
خل نگعد سوه - دلالي انچوه - وزادت لوعة اجروحي
هسه اني ابحلم- ماادري ابعلم - فگد الزهره حز روحي
عذب گلبي الامصاب ---- جرح الفرگه ماطاب
****
هون عليه آلام فگد امي الزچيه
باچر وراي امصاب برض الغاظريه
باچر اشوف حسين جثه اعله الوطيه
ولچم گلبك اهواي من اطلع سبيه
باچر بالغرب- بنتك تنظرب - وصحاب الشيم نومه
آه امن الزمن- راواني المحن- من زغري انه ملچومه
دلالي بويه انصاب ---- جرح الفرگه ماطاب
***
الخادم
كامل السعيدي
للشاعر السيد سعد الذبحاوي
شيعوا نعش الطاهرة المظلومة
إوداعة الله صيحوا يا مهظومة
هذا نعش إلي حَملْ أطهَر جِسمْ
هذا نعش إل بيه ضِلع المِنهشِم
هذا نعش إل جرعة أشكالِ الهظم
ماتت بِغصة قهر مَهظُومة
هذا نعش إل حَمل روُحِ المُرتضىْ
هذا نَعشِ إل بيه ضلوُع إمرضرضة
هذا نعش أم الحَسن يا رافِضة
إعليه جِفن الهادي تجري إدمومة
بالله يا شيال نَعشِ الطاهِرة
على هونك مِن تسير على الثرى
ترى إضلوع أم الحسين إمكسرة
بيها نيران الحِزن مظلومة
وداعة الله يا نعِش صيحوا إبحزن
ساعِدوا الكرار ساعات الدفِنْ
إينوح وحدة ومنهدم حيلة ويون
جدد عليه حزن طه ويومة
وصوا حيدر مِن ينزلها القَبُر
لا يوسدها على خدِ المنسطر
بيده لا يلجم ضِلعها المنكسر
جروح فاطم على المتن مرسومة
حيدر بيا حالة للزهرا يصد
دفن وياها الأماني باللحد
شلون وحدة لحاله لدارها لمن يرد
مظلمة الدار بغيابِ إنجومها
( خمسه العمر)
خمسه العمر ياأم الحسن لالا تروحين
طفله وزغيره على الجرح باجر تخليــن
زيـنـب انـه الصـغيره
طفله وعشت كسيره
لا لا تروحين. لا لا تروحين
ــــــــــــــــــــــــــــــــــــــــــــــــــ
خمسه العمر يافاطمه وزينب يتـيمه
مثل الورد عمري تره وعشت بهضيمه
الفركه تذبح يم حسن واكـبر هضيمه
مو الهـجر يافاطمه وبـعدج وســيمه
ريته وهم. ريته حلم ذاك الجرالج
طفله وشفت واني حرت بلي بدالــج
يصــب دمـع الأميره
طفله وعشت كسيره
لا لا تروحي لا لا تروحين
ــــــــــــــــــــــــــــــــــــــــــــــــــ
بكلبي جمر ماينطفي مــن فاركتني
اغفه وانام على البجي شو ماخذتني
عافتني امي ويه الحزن تالي جفتني
ماني العقيله أم الخدر شـو ودعتني
طيرة غصن كامت تحن طحنه عليها
حسين وحسن زينـب تون فتحت اديها
طــفه ضوها المــنيره
طفله وعشت كسيره
لا لا تروحين. لا لا تروحين
ـــــــــــــــــــــــــــــــــــــــــــــــــ
بحالت كسر ياأم الكسر كلبي نكساره
عندج ضلع ماينجبر وأبجي على ثاره
شفت الوصي يافاطمه يتـرك فقـاره
بأمر الوصيه ملــتزم عـندة عتــذاره
عنده العذر. ماينجبر حامي الحميه
باألي جره أياء تره. يعوف الوصيه
نهـج النبــي مســيره
طفله وعشت كسيره
لا لاتروحين. لا لاتروحين
ــــــــــــــــــــــــــــــــــــــــــــــــــ
من الصغر ثاري اكبرت بالدمعه ولااااه
هناة البجي بعد الطم والصرخه ويلاه
وكــت الفـجر لمن يجـي اصرخ يبـوياه
وكت الظـهر كل الشــمل أهديه إلى الله
وانه انتظر كل العمر ذيج المصيبه
من الصغر عشت الكسر وانه الحبيبه
تالي الأهل أســيره
طفله وعشت كسيره
لا لا تروحين لا لا تروحين
ــــــــــــــــــــــــــــــــــــــــــــــــــ
الشاعر
مرتضى مكطوف الموالي
لاستشهاد فاطمة الزهراء عليها السلام (ميمر)
باب الحوايج والخير. ام الحسن وأسبابه
★★★★★
ماخاف وكتي ولا أهابن شَرَّه
لايذ بعون الباري بسم الزهره
چم مره وگفت بلشدد چم مره
هي الفرج بالصعبات. والدهر لوسد بابه
★★★★★
باب الفرج كلما زماني سَدَّه
الگاها هيه العون وكت الشده
اي وحگ رب الواقعه والسجده
طب وشفه للمعلول. واليشكي من اصوابه
★★★★★
أندبها لودهري تحَزَّم بالشر
معروفه ام الخير ماتتعذر
يامجمع النورين طه وحيدر
بسم الزچيه ماهاب. لودهري كَشَّر نابه
★★★★★
من المهد للموت حد ميعادي
حصني الزچيه الزهره بنت الهادي
فاطمي خل الراد بسمي اينادي
بالحشر لوجنه ونار. كلمن ايرد لأحبابه
★★★★★
لمخدومة الاملاك ام الرحمه
مطلع النور الزاح شر الظلمه
حتماً اصحاب الكفر تجفي النعمه
وادم طبعهم موخير. طول الوكت سَلَّابَه
★★★★★
النور دار اهل الشرف رافگها
بالنار ليش أهل الظلم تحرگها
باب بلطف چان النبي من ايدگها
مدفوعه چاليش الباب. تاليها بيد أصحابه
الشاعر حسن لعيبي الحريشاوي
☘قصيده للامام المحسن ع☘
المحسن طاح... فوك العتبه يازهره
مترادي ويون اومنكسر ظهره
شلون اتحملت من شافته يمهه
دمه يسيل محسن يجري وي دمهه
تصيح الغوث محد ويلي يرحمهه
محسن منمرد من شدة العصره...
المحسن طاح... فوك العتبه يازهره
طايح علتراب اومختلط دمه
ظل مطروح فوك الگاع شيلمه
الله يساعدج ياصبر كلب امه
ومن شالته فضه بقت منبهره....
المحسن طاح... فوك العتبه يازهره
ضربوهه اعله خدهه وظلت اتنوح
ياصدرج يزهره شكثر بيه جروح
حليبج بالدمه ويسيل مسفوح
مكسورة ظلع وعيونهه حمره
المحسن طاح... فوك العتبه يازهره
شالوهه بعجل للمكبره اخذوهه
وصاحت زينب امي لا. تاذوهه
بهيد وي الزجيه من تدفنوهه
راحت للگبر ياويلي منقهره....
المحسن طاح... فوك العتبه يازهره
لهسه مادرينه گبر محسن وين
ولا كبر ام حسن ماشافته العين
حتى الشيعه اتزوره بحزن وونين
منتظرين للقائم يجي. يظهره....
المحسن طاح... فوك العتبه يازهره
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه
☘لاستشهاد الزهراء ع☘
وزن //نصاري ذو القافيتين
كأني بلسان حال مولاتي زينب ع
شتگول:-
اريد ابجي بحزن والطم الخدين
على الزهره الزجيه بدمع هامر
وانوح وانتحب من لچمة البين
واعاتبهه الحنينه بگلبي الصابر
مشيتي من وكت يم الميامين
زغيره استعجليتي نوم المگابر
ابو الحسنين ظل بحيره تدرين
بلياج انه اظل مكسورت الخاطر
يتباچون عفتي الحسن وحسين
حسافه بلا وداع الوالده تسافر
الف لعنه على ذوله الملاعين
واحدهم صلف هم كافر وفاجر
خسيس ابن الدعيه چان مسكين
حيف اعليج يمه چن سبع صاير
يضربچ يلوديعه وطيّح اجنين
من صدرج يترفه جم ظلع كاسر
مرد محسن مرد هز الحياطين
نزف منّه شكثر علعتبه دم فاير
حمره من الضرب تلفت العينين
فوگ الخد زراگ اعله الوجن ظاهر
حريمه وياوسف يمّه تموتين
بسرعه غربيتي يم گلب طاهر
لو صار الحساب ويه المذنبين
من طاها الرسول شيعتذر باچر
بقلم شاعرة اهل البيت عليهم السلام
✍☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
▪️ لسان حال #السيد_زينب_ع
▪️ #السيدة_فاطمة_الزهراء_ع
▪️ #لطمية
▪️ #طور_يمه_اطمنج_عليه
دنيا جـارت عليــه
راحت امي امن اديه
مــن اول سنيني .. عفتيني
.. لونيني .. بس اهمل دمـع
واتــذكر احــزانج .. عنــوانج
.. عـدوانــج كسرولــج ضلــع
دنيا جـارت عليــه
راحت امي امن اديه
هـم اكو ايتيمه مثل قصْتي يدنيا
كل مصـايب هالوكت هجمت عليــه
عمري خمس اسنين وانظر للزجيـة
ظلم عصروهـا العـده وتنظــر إليــه
شبّوا اعلى البــاب نــار تظل سريّــة
وطاح محسن عالثرى و ينوح اخيّه
انظــر الهالمصــايــب
وابجي دم عالنوايب
ما تكفي حسراتي .. وناتي
.. آهـاتي تشـرح هالـوضــع
امي اللي شوفتها .. وبسمتها
.. وكلمتها جــانت لــي الدرع
و ابعِدَت هالمسيـة
راحت امي امن اديه
ــــــــــــــ ◕~◕~◕~◕~◕ ــــــــــــــ
والدفـع بــاب امــي واعليـهــا تجسّر
مــن شفت وجهــه صحت اللهُ أكبــر
ومن هِشَم منها الضلع حيـل وتِكسّر
شفت امــي تمتمت يالصــاحب إثأر
صـاحت لفضــة ولا گــالت ياحيــدر
لأن لو صاحت علي الروس اتطّشــر
گـالت لفضــة گومي
انملت دم هدومـي
يا فضـة عينيني .. سندينــي
.. و بعينـي ضــاگت هالارض
و اوليدي انشيله .. و لوليله
.. و ادعيله يرجعـله النبـض
گمت احس بالمنيــة
راحت امي امن اديه
ــــــــــــــ ◕~◕~◕~◕~◕ ــــــــــــــ
من أثـر هــذا الحـدث ظلت عليــلة
ظلت بأنّتهــا موجــوعــة ونحيــلة
حتى ثوب العالمتـن مابيهــا حيــله
فوگ حزن الوالد الجـانت تشيــله
ساعد الله المصطفى و ساعد دليــله
اهداية البغضـوا عترتــه مستحيــلة
يدري كان اببضعته
تنــظلم بعــده بنتــه
و يدريها اولهــم .. تسبقهــم
.. تتــركهــم و تروح الگبــر
گال لها يالحرة .. يالزهرة
.. البشرى جنة اعله الصبر
ظلت الحســـرة بيــه
راحت امي امن اديه
ــــــــــــــ ◕~◕~◕~◕~◕ ــــــــــــــ
منهو يحمل جـور هالنــاس المظــلة
لا ادب لاديــن عــــدهــم اردى مـــلة
صار عدهم الحكم من كل شي اغلى
خالفوا دين النبي بصـورة مذِهْــلة
رادوا امـن المرتضــى ايبـــايــع والا
يقطعوا راس الوصـي اهــل المــذلة
ذوله اهــل السقيفــة
صوّتـوا عالخليـفــة
بت طه ضربوها .. عصروهــا
.. روعوها ذوله اهـل الجهــل
و وصيته خِلفوهـا .. خانوهـا
.. شــافوهـا ما تخدم هُبَــل
زرعــــوا الطـائفـيــة
راحت امي امن اديه
ــــــــــــــ ◕~◕~◕~◕~◕ ــــــــــــــ
✍ بقلم الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
نعي لبداية المجلس ...
يالجاي تبچي ابمجلس احسين
ابچي تره كل الدمع دين
يرجع الك من تغفه بالطين
❥❥❥❥ـــــــــــــ❁❁ـــــــــــــ❥❥❥
تحضر الزهره يوم الحساب
وتگول خطاري البالتراب
جان اعله ابني دمعه سچاب
❥❥❥❥ـــــــــــــ❁❁ـــــــــــــ❥❥❥
جان اعله ابني يعمي العيون
اعوفه وحيد ابكبره اشلون
لخادم احسيني لا تگربون
❥❥❥❥ـــــــــــــ❁❁ـــــــــــــ❥❥❥
يالخادم اوصيه ارد اوصيك
لا تعله الحسين اليعليك
ملك بخدمته اهوه اليخليك
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
*/انطفت شمس الدفا/*
*في استشهاد الصديقه الكبرى فاطمه بنت محمد عليها السلام*
*راحت امي* *وانطفت شمس الدفا*
*راحت امي* *اعله الحيا صحت العفا*
__
امي ياظل المحنه وغيمه تسقيني بحنان
في مهد احضانك اغفه واشرب الدعوه بامان
ماصدق من قال جنه انتي مجموعة جنان
اشلون اغفه ومااشوفج وشمس عينج ماتبان
*ابلايا عينج* *دنيتي تمطر عنا*
*ابلايا عينج* *اختفى ورد الهنا*
*راحت امي* *اعله الحياة صحنا العفا*
___
شمس عمري وياج غابت واكتسى صبحي ظلام
في حضن دعواتج اغفه يمه بعدج وين انام
لاشمس دعوه تظلل ولاحمامه من السلام
شاب راسي وانه طفله وضاعت احروف الكلام
*ظلمه يمه* *كلشي بخلافج جفا*
*ظلمه يمه* *لاعهود ولا وفا*
*راحت امي* *اعله الحيا صحنا العفا*
__
اشلون يمه مااشوفج واذني ما تلثم دعاج
وي صلاتج اسمي آيه يرتله مبسم شفاج
يمه كم يوم وونينج كسر اقليبي معاج
اشلون انسه بليله ظلمه نعشج الشال وخذاج
*رحتي عني* *شال ظلج واختفه*
*رحتى عني* *زهره يم المعرفه*
*راحت امي* *اعله الحيا صحنا العفا*
__
اشلون انساها ييمه ليله مره امن اعصروج
بس لهب نيران يسعر وابحقدهم يحرقوج
عينج الحمره تسولف قصة اجفوف اسطروج
وانه باذيالج الوذن شفت وشلون اكسروج
*يمه شنسه* *والونين ابقلبي ظل*
*يمه شنسه* *ومحسن لاحوالي سل*
*راحت امي* * اعله الحياه صحنا العفا*
__
انت مو كوثر نبينه بضعته وباب الاله
ليش ما طاع الوصيه والعهد خان ونساه
اشلون يمه اعليج يجسر وذوقج من مر بلاه
خاليه دارج ييمه والفرح عنا جلاه
*غمضيتي* *بليل شالوه النعش*
*عمضيتي* *والاسى قلبي فرش*
*راحت امي* * اعله الحيا صحنا العفا*
__
تمت بحمد الله*
*بقلم:بنت الشمري*
*الكويت*
ليالي الانين الحسينيه:
*وينج يالحنينه*
● قصيدة عن لسان حال الامام الحسن (ع)
بعد استشهاد امه الزهراء (ع)
.
.
.
*دارج يمه طبيت وينج يالحنينه*
*وينج يمه ناديت متردي علينه*
__
عنا يالحنينه يمه ليش رحتي
مانسوى بلياج شديتي ورحلتي
جنه ونار فرقاك من غبتي شعلتي
اشلون الفارق امه قلي تنام عينه
__
انده يمه بالدار صوتج ما أسمعه
تون اعليج والله وابغيبتج تنعه
بعدج ذقنا الإمرار ضاقت ترى الوسعه
وبعدج ظلت الدار مهمومه وحزينه
__
جانت والله هالدار مليانه بحنانج
تغرد بيها لطيور من حست بامانج
طارت يمه وياج من شافت مكانج
خالي الدفا خلاه ماظني يجينه
__
ظلمه الدنيا والدار ماتسوى بدونج
ما زار واجا اصباح من غمضت عيونج
وقلبي والله مشتاق إلقطرة مزونج
بعدج من دعا اوقال هذا الله يعينه
__
بعدج كبرت اسنين وشاب القلب يمه
جان ابدعوه منج يزيح القسى وهمه
عني رحتي لا وين ابنج شرب سمه
ينادي وما سمعتي هم قلبه وونينه
__
تمت بحمد الله
بقلم : بنت الشمري
الكويت
.
.
.
*في استشهاد السيده الزهراء عليها السلام *
*ارد انشدك ياقبر*
*ارد انشدك ياقبر عنها الحنينه*
*مرت الايام مانشدت علينه*
__
ارد انشدك عنها واشلون الضلع
راحت تون وقلبها منفجع
عليها والله ماابطلنه الدمع
*والله من غابت احس وحشه المدينه*ت علينه*
____
ارد انشدك طاب مسمار الصدر
لوبعد موجوع ياذيها الكسر
هم بعدها هناك مجهولة قدر
*والعيون امورمه وولهه وحزينه*ت علينه*
__
ارد انشدك ياقبر والقلب ذايب
اشلون خلتني وغفت حدر الترايب
تدري والله اخلافها مامن حبايب
*ماكو مثل امي وقلبها مالقينه**
__
ا
يمه وحشه الدار وتصيح بأسيه
والله وابابج دمعتي اتظل جريه
اشلون اشوف العتبه مااشبع اذيه
*واسمع حسين باسى يجذب ونينه*ينه*
__
يا قبر بهداي وارد انشد عليها
النا والله ايام امي امفارقيها
اشتاقت الروح التقبل جف ايديها
*وحشه ظل البيت بس نسمع حنينه*_____
ارد ا
ردي يم البيت كاسرنا غيابج
بكل زوايا البيت صوره من عذابج
رحتي يم حسين والله بعز شبابج
*ويه ضلعج قلبي يمه كاسرينه*ينه*
__
بقلم : بنت الشمري
_الكويت _
.
.
🏴 *شالت ابليل* 🏴
.
.
.
.
*شالت ابليل .. بالترايب نامت أمي*
*شالت ابليل*
*ذقته الويل .. من افراقچ شفته همي*
*ذقته الويل*
____
يمه من بعدچ حبايب ما يظلون
والله ينسون الموده ومايحنون
يمه من بعدچ حزينه وعميه العيون
وحشه ظلت دارچ .. تبچي ويه اصغارچ
دمعتي اتسيل .. للحنينه هدني شوقي
دمعتي اتسيل
____
يمه من بعدچ نعيش ونكبر اشلون
والله شابت يالحنينه بفقدچ اجفون
ندري الراحوا بعد لا ما يرجعون
والله تچوي أشواقچ .. امعذبه امن افراقچ
حالي انحيل .. من رحيلچ دمعي يهمي
حالي انحيل
____
راحت امكسَّر ضلعها وحمره لخدود
خاليه الدنيا بعدها وكل إلوجود
فكلي بابك يا قبرها يمكن تعود
ياقبر فك بابك .. ضمني جَوَّه اترابك
ذاب الإدليل .. والله من كسرة ضلعها
ذاب الإدليل
____
شلون انسى الونه والدمع الهمل
وانسى محسن هاللي عمره ما كمل
چانت امي اعليه تسولف بالأمل
ننتظر أنواره .. بينه شبت ناره
ابظلمه اتشيل .. محسن وأمي الحنينه
ابظلمه تشيل
____
شالت ابليل الحنينه وسكنت اقبور
خاليه ووحشه وحزينه ابلاهه هالدور
شالت وخلت ونيني ودمع منثور
أرد أنشدك ياللحد .. طابت أمي لو بعد
هدت الحيل .. والله فرقاها هضمني
هدت الحيل
____
*تمت بحمد الله تعالی*
*بقلم : بنت الشمري*
*_الكويت _*
.
.
*//ظلت ابهضمه//*
*في استشهاد الزهراء عليها السلام*
*وين يايمه* *شايله ابظلمه*
*اخلافج اصغارج *ظلت ابهضمه*
_____
شايل ابظلمه النعش يمه الزجيه
وخاليه ا ديارج علينه هالمسيه
وحشه وتنادي باسي جنهه عليه
استعدي زينب لمر الاسيه
*خاليه دارج* *تصرخ اصغارج*
*يمه اخلافج* *ظلت ابهضمه*
____
اتبعت شياله واصرخ بس توانه
خله هاي الليله نعش امي معانه
هاي اخر ليله يطفونه ضوانه
وظلمة افراق المشت عني اتغشانه
*يمه ضميني* *لا تخليني*
*زينب اخلافج* *ظلت ابهضمه*
____
يمه بالدلال ظل باقي ونينج
اشلون انسى الونه وابفقدج جنينج
بعدج بعمر الورد باول سنينج
يشيب قلبج ليش تمرمر بنينج
*ليش لوعونه* *بيج فجعونه*
*دارج اخلافج* *ظلت ابهضمه*
___
يمه تبعيت النعش واصرخ وانادي
ردي زهره اعليه فطرتي فؤادي
انكسر دلالي واتغطى بسوادي
راحت امي الغاليه جفي وسنادي
*منكسر ضلعج* *مانشف دمعج*
*شوفي احبابج* *ظلت ابهضمه*
____
اصرخت يالدار وين امي الحنينه
ليش طافي هالمسا نورج علينه
سمعي يم حسين دلالي وونينه
والفرح وياج حالف ما يجينه
*جمره بغيابج* *بقلب احبابج*
* ابوابج اخلافج* *ظلت ابهضمه*
____
ونت الليله باسى يمه عتبتح
تقول ياازينب بدت لحظة غربتج
اشلون بيها ابكربله يازهره بنتج
عاليه الها المسا سمعيهه ونتج
*تروح مسبيه* *وعينها اربيه*
*والله بخلافج* *ظلت ابهضمه*
____
*تمت بحمد الله تعالى*
*بقلم:بنت الشمري*
*_الكويت_*
نفتح ياباب .. من ذيج الذكره
ونكتب ياطور .. عن يوم الزهره
يالمهدي وانتَ الأعلم .. وثارك يالتطلبهم دم
عن يوم الزهره
✅✅✅✅✅✅✅✅
علينه غيمة الاحزان ملتمه
وتمطر بس مصايب گلبك تلجمه
وماهبّت علينه من الفرح نسمه
وظلع الزهره بعده ينزف بدمه
وبعده البسمار .. يلجم بجروحك
وتنزف آهات .. مايبطل نوحك
براية عباس اتحزم .. وثارك يالتطلبهم دم
عن يوم الزهره
✅✅✅✅✅✅✅✅
بعلامات الظهور نشوفك الأقرب
ويشوفونك بعيد الخالهم مرحب
السقيفه من اليهود التنبع وتنصب
بقدومك يابوصالح يومهم يصعب
من تصيح الثار .. جم ثار ايتاني
وتگلبها الگاع .. بجيش السفياني
ومابيهم واحد يسلم .. وثارك يالتطلبهم دم
عن يوم الزهره
✅✅✅✅✅✅✅
الك عده وعدد وجنود متحزمه
والفتحت سجلك كلها مهتمه
يقاضي وثارك بجفينك ترسمه
الدافع باب جدك اشطب على اسمه
والجاب النار .. يم باب البضعه
اتحكمه اعدام .. بلا راس ترجعه
الزهره بيومك تتبسم .. وثارك يالتطلبهم دم
عن يوم الزهره
✅✅✅✅✅✅✅
جرحنه من الشرق حد الغرب يمتد
الباطل صار يحكم والوفه استشهد
خبر منك يمهدي الشيعتك مارد
ترد و تبني للزهراء جم مرقد
من نورك غاب .. دفعو ابوابي
ابناء القوم .. تنظيم ارهابي
وجم مرقد ليك اتهدم .. وثارك يالتطلبهم دم
عن يوم الزهره
✅✅✅✅✅✅✅✅
علي حسين المنصوري
ذكرى استشهاد الزهراء ع
عالوعد والعهد
نحي الليالي الفاطميه جينه
©©©©
ابثوبي الاسود وبدموعي وهذا حالي
احظـــر المجلس اجيت وراسي عالي
والله اعــــــوف الدنيه كلها وما ابالي
اولا اعـــوفن ليله مـــن هاي الليــالي
عهدي أنه ابكل سنه
نحي الليالي الفاطميه جينه
©©©©
هالمجــالس هيه عشـي وهيه بيتي
وهالمـــنابر هيه المكبـــرتلي صيتي
خادم الزهـــــراء مكتــوب ابهويتي
وابقـــه انعاهه لحد ســـاعة منيتي
بمدمعي والنعي
نحي الليالي الفاطميه جينه
©©©©
لو قره الناعي وذكــــر كسرت ظلعها
عيــــني من دم يبقه يتفايض دمعها
الزهره ورده اومو شريف ألي گطعها
دين ماعنــــــــــده الضربها والدفعها
اتحزمت حشمت
نحي الليالي الفاطميه جينه
©©©©
اهواي عــــدوان الزچيه وقله الاحباب
وگعو منها الجنـــــين ابعصـــرت الباب
ابيا ذنب ضربو متنهه وشنهو الاسباب؟
اليدعون اصــحاب هسه انگلبو اذياب
بالهظم والطم
نحي الليالي الفاطميه جينه
©©©©
شكبر بختي وصــرت خادم للزچيه
وربحي بالدنيه الولايه الحيــــدريه
ناجح ابحب الزچيه وخــــذت ميه
حيل ادگ صدري عليها ابهل مسيه
ابهل ذكر نستمر
نحي الليالي الفاطميه جينه
©©©©
ريت هاي اليله وي حامي الحميه
انشـــارك ابتشيعها وننصب عزيه
فايز اليحـــــــيي اليالي الفاطميه
ترضه عنه فاطمه وسيد البريه
انضل خدم بالالــم
نحي الليالي الفاطميه جينه
©©©©
الخادم
كامل السعيدي
مقدمه للزهراء ع
ظلعچ يم الحسن
نبچيله ابكل زمن
سلاماً سلاماً سلاماً عالظلع
©©©©©©©©©©©
الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً سلاماً عالظلع
©©©©©©©©©©©
ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً سلاماً عالظلع
©©©©©©©©©©©
صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً سلاماً عالظلع
©©©©©©©©©©©
شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً سلاماً عالظلع
©©©©©©©©©©©
بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً سلاماً عالظلع
©©©©©©©©©©
الخادم
كامل السعيدي
بسمها الهج واسيلن دمعليها
ولا كفّـيت حـــــزني دمعليها
بعدها الباب اشوفن دمعليها
وبذاني استمع ونّات الزچيه
☆☆☆☆
يهالرايد الزهـــــره اتنــــول ودهه
دمعتـــــك للمـــدينه اليــوم ودهه
جريمه انسطرت اعله العين ودهه
امن السطره كسر ضلــــــع الزچيه
☆☆☆☆
___
عن حال الزچيه شلـــون سلها
ثجيــل البـــاب والبسمار سلها
المدامع حيدر من ادموم سلها
الله يساعده ابفگــــــد الزچيه
☆☆☆☆
كسر ضلع الثريه الرجس منهد
وحيل الزهره من الباب منهد
ابو الحمله يتاني الليل منهد
طلع للمگبره ابنعش الزچيه
_☆☆☆☆
كسر ضلعي خفيته ما رويته
المهد خالي او محسن مارويته
الخبر خليته سكته مارويته
عله حيدر لحد يوم المنيه
☆☆☆☆
الگلب يا دهر لوعـــاته حملها
الزهره تلوج من صابو حملها
ياهو امن العرب يفزع حملها
ويرد كلمن تعده اعله الزچيه
☆☆☆☆
يحيدر بيتك الداسوا ثنيته
اوكلامك ابد ما مره ثنيته
لون ضلعي يبو زينب ثنيته
يلجمني الجرح وبچي ابخفيه
☆☆☆☆
نبت بسمار بضلوعي وصحت آه
ندبت المصطفى طه وصحت آه
لون تسال على حالي وصحت آه
ذبل عودي اودنت مني المنيه
☆☆☆☆
نزل جبريل وحي الله خدمنه
ولحــــــد الآن تتوافد خدمنه
ماننسه البچه السطرة خدمنه
وحضر واحيا الليالي الفاطميه
☆☆☆☆
البضعه وأم ابيهـــا فاطمتنه
اُمنه اعله عشگـــها فاطمتنه
أنه بيوم القيامه فاطمه اتنه
تجيني ام الحسن تشفع اليه
༺༺༻
انكسر ضلع الزچيه بعد ابوها
وتنوح وبيهــــا اثّـر بُعد ابوها
اخذو فـــــدك منها بعدَ ابوها
اترابه اخضر ومنصوبه العزيه
~
حيدر بشار الدراجي
لاستشهاد فاطمة الزهراء عليها السلام ( وزن الفايزي)
يالوعة الدار بيها الوكت دار
بياحال تشكي للنبي وتخبره بالصار
★★★★★
بياحال دار المصطفى الما إلها كل لون
تشكي هظيمة فاطمه وضربات المتون
وتگول ياخير البشر. ياسلوة الكون
هانت العشره على الصحابه المايرحمون
عنها الفرح غاب يادار الاحباب
وظلوع بت خير البشر صَوَبَّها بسمار
★★★★★
ونتها ماتخلص بعد يادار الأحباب
من بعد ونت فاطمة عنها الابو غاب
قران صارت للحزن والبسمله الباب
ظلت عليله الطاهره من ذاك المصاب
جور على عدوان جازوه الاحسان
حد جنة الله الواسعة من وصلت النار
★★★★★
من راح مايدري النبي لويدري من راح
تنهظم بعده فاطمة ولاساعه ترتاح
مابين مجرم طاغيه ومابين سفاح
علدار گوم أتوجهت بسيوف ورماح
كل مگصد الگوم ماخافي معلوم
من بيت ال المصطفى أيطفَّون الانوار
★★★★★
مضروبه بسياط المتن مكسوره الظلوع
يشهد ونين الماگضه وجمرات الدموع
وباب انطبگ فوگ الظلع بالحقد مدفوع
رادوا يظل بيت النبي كل وكته مفجوع
دمعتها بالعين تنظر لبوحسين
لوشهر سيفه ماتظل للباطل اثار
★★★★★
يلماتَعدَّاها الهظم سورة الإنسان
آياتها صارن دمع تترتل احزان
لدين الله هي القاعده فاطمه واركان
شجرة اصول ومعرفه معروفه الاغصان
يا ام الاطياب ظلموها الاصحاب
للظالم بيوم الحشر ماتنفع اعذار
الشاعر حسن لعيبي الحريشاوي
☘قصيده لخدام الزهراء ع☘
الله لايحرمني خدمة فاطمه
واظل طول العمر الها خادمه
بكل مأتم اخدم لبيت الرسول
دموعي ظلت تجري اعليهم سيول
والّي يخدمهم تره الجنه ينول
كون تشفعلي بحسن الخاتمه....
الله لايحرمني خدمة فاطمه
امسح المنبر واصيحن ياحسين
وانعى انه بحضرته واخفي الانين
بجاه امه فاطمه وام البنين
يشفعلنه انريد يوم الحاطمه...
الله لايحرمني خدمة فاطمه
نطبخ لمجلسهه ونوزع ثواب
نجي متلهفيلهه ونطرق الباب
نسلّم احنه اعليهه وترد الجواب
تبچی کلهه اعليهه بالارض وسمه...
الله لايحرمني خدمة فاطمه
نقره ياسين ونصوم بكل خميس
بلكي من انموت نلگاهه انيس
نبذل بحبهه الغالي والنفيس
واليحبهه يحبَّ حمّاي الحمه...
الله لايحرمني خدمة فاطمه
اليوم كل الشيعه تنوح وتون
مألمه وتبجي وتنعاهه بحزن
والله لزيارتهه نشتاق ونحن
دموعنه اعليهه تجري من دمه...
الله لايحرمني خدمة فاطمه
✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
☘قصيده للزهراء ع☘
الباب والبسمار اذن فاطمه
وخلن من ظلوعها تسيل الدمه
🏴🏴🏴🏴🏴
من ضربها النذل صاحت ياهلي
لان تدري موصه ماصاحت علي
كالتلها لحكي يافضه الي
لان من عصرة الباب مألمه.....
الباب والبسمار اذن فاطمه
🏴🏴🏴🏴🏴
طاحت ومن الالم كامت تئن
تباوع اعله جنينها هيه وتحن
طاح ثالثهم اخو حسين وحسن
رادته ينصرهم بكل موزمه....
الباب والبسمار اذن فاطمه
🏴🏴🏴🏴🏴
هيه من روح النبي وبضعته
فاطمه بضعه واصل من مهجته
ومن تاذت هيه يعني أذته
الي ياذيها تره بالحاطمه....
الباب والبسمار اذن فاطمه
🏴🏴🏴🏴🏴
من دفعهه النذل ماهاب الرسول
لااستاذن منها لا كال البتول
لانكسرت عينه من فحل الفحول
يصول ويجول وزمرته المجرمه....
الباب والبسمار اذن فاطمه
🏴🏴🏴🏴🏴
ماتت المظلومه بالهم والقهر
حمدت المعبود رضيّت بالقدر
نضل نبجي عليها وبطول الدهر
الشيعه يازهراء بحبج هايمه....
الباب والبسمار اذن فاطمه
🏴🏴🏴🏴🏴
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
قصيدة بحق صاحب الزمان ( عجل الله تعالى فرجه الشريف )
****
أَما آنَ الأَوان يا صَاحِبَ الزَمان
ضاعَ الصبر يَبنَ الطُهر
يا صَاحِبَ الزَمان
****
يمته يالمهدي تحل ساعة ظهورك
وينتهي دور الجفاء ويبدي دورك
على دارك نعتني بشوك ونزورك
يبو صالح سيدي ونشوف نورك
وَتنْجَلي الهُمُوم يا آخِرَ النُجُوم
فَكَم بَقى * للمُلْتَقَى
يا صَاحِبَ الزَمان
****
كل امانينه يبو صالح نشوفك
وسيف نصبح يبو الغيره من سيوفك
يمته تظهر يمته وتلمنه بجفوفك
وحوفة المحتام يالمهدي نحوفك
لادَمعُ لانِياح لاحِزْنَ لاجِراح
تُنْهي الأَلمْ * تُحْي القِيم
يا صَاحِبَ الزَمان
****
عشنه بغيابك يمهدي بدنيه ظلمه
مثل واحد عاش اعمه ومات اعمه
انت زلمه وتدري من ينظام زلمه
السد الاسكندر دمع عينه يهدمه
عَذَبَنا الفُراق مُولانَه لايُطاق
أشْرِقْ لَنا ياشَمْسَنا
يا صَاحِبَ الزَمان
****
يتمانه فراكك وبين علينه
وكرب صبر الصبر يجزع ياولينه
مابقت بلعين دمعه من بجينه
والله مشتاكين الك ليه ماتجينه
شَيْبَنا الحَنينْ أهرَمنا الوَنين
قُم وانْتصِر*ماتَنْتظِر
يا صَاحِبَ الزَمان
****
عله دربك عينه طشت نضرها
غير وجهك ياوجه كلي اليسرها
والسوالف انه وياك اختصرها
تنحرم منك ياابو صالح قدرها
قَد ضَاقَت الصُّدور عَجِّل لَنْا الظُهُور
مَتى مَتى*** باللافْتَى
يا صَاحِبَ الزَمان
****
يعينك الله سيدي ويعين صبرك
بالغرب خلصت يامولاي عمرك
ارجع النه ياولينه حان عصرك
علينه ما مكسور يابو الطيبه ضهرك
يايوسف الزمان لا أمنَ لاأمان
ضاقَ الفضا يبنَ الرضا
يا صَاحِبَ الزَمان
****
خادم اهل البيت ( عليهم السلام )
الشاعر ( السيد هاشم قاسم سعود البلداوي )
قصيدة للزهراء ع {غمضتهه العيون}
#لحن تخطت جم جسد ...
الليله ام الحسن غمضتهه العيون
وزينب والحسن وحسين يبچون
بـــــــعد لا ما ترد امنه يـصيحون
وبلــــفرگه الگلب مايصبر اشلون
{بعد نتلاگه // وي امنه بحلمنه}
❥❥❥❥ـــــــــــــ❁❁ـــــــــــــ❥❥❥
بعد نتلاگه بس بالحلم يا ويل
هظيمه اتعوفنه وللمكبره اتشيل
ويا ليل الهجر ذباحنه اطويل
عله الربتنه آه يالدمعه اتسيل
{شالت اهظيمه // امنه للمكابر}
❥❥❥❥ـــــــــــــ❁❁ـــــــــــــ❥❥❥
بعد صرنه يتامه وامنه بتراب
انكسر ضلع الحنينه ابعتبة الباب
يلچم بي صبح حته الهوئ الهاب
ننضرها ودمع العيون سچاب
{تعبت اهوايه // من كسرة ضلعهه}
❥❥❥❥ـــــــــــــ❁❁ـــــــــــــ❥❥❥
من كسرة ضلعهه الحيل مهدوم
تلوج من الوجع ماشافت النوم
عله المحسن گلبها اهواي مهظوم
وغمضت عينها وماترد لو يوم
{ماترد لينه // بعد امنه حسافه}
❥❥❥❥ـــــــــــــ❁❁ـــــــــــــ❥❥❥
بعد شيردها لينه الشالت ابساع
وغمضت عينها وتوسدت ابگاع
لو نشتاگ ليها الحلوة اطباع
نجي لعطر العبايه انشمه كلساع
{نشم كلساعه // بعطر امنه الزجيه}
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة عگيلي في السيدة الزهراء ع
ثــآرچ ما ننســــاه يالزهـــرة
الله يلعن هــــــاي الزمــــرة
*
يبــــدي الأرهـــاب مــن الأول
وي ما مــات الهـــادي تبـــدل
شمسويـــة الزهــراء وتُقتَــــل
عليهم يشـــــهد دم السَـــــطرة
*
منهـم لســــه الديــن يعـــــاني
الطَيَـح محســـن هوه الجــاني
كلهــــه مـن الأول والثــــاني
من بدؤهــــه ببهـــاي الغــدرة
*
همــه المـاحفظــو أي حُرمـه
همــــه الخـانو هـــاي الأمـــة
عِلـــه على الأســـلام ونِقمـــة
عليمن ظلــع الزهرة تكســـرة
*
ذولاك أول من تجـــــــــــــاسر
من العتـــرة كلشـــي تصــــادر
ما مدفــــون الهــــادي التقهـر
منهم حتــــى الديـــن اتبــــره
*
شگـدمـاتت نـــاس بذمتــــهم
كل دمنـــه الســــال بركَبتـــهم
من شـــــالو داعـش رايتــــهم
رادو تتــــهدم كــل حضـــــرة
*
چــــي مبــدأهُم مبـــــدأ باطـل
حتــى العـــالِم عدهم جـــاهل
مُوت بحُـب العتــــرة وقــــاتل
هنيـــــاله الينطيــهم عُمـــــرة
*
لـــو فعــــلاً دين الله تحِبـــــه
چـــا حيـدر مــا شلـــعو كَلبــه
عليهم راح شيحچـــي لربـــه
راحت تشــــهد حتى الطبـــرة
*
اشتركو حتــى حسين بدمـــــة
حركَـو بالطـــف همـــه اخيمــة
منهم لســـه علينــــه الهَجمـــة
يمته القــــائم يخلص صبــــرة
*
باچــــــر حكَهه المهدي يـــرده
قــــاتل فاطــــم ينعـــــل جـــده
من يكَـــدر يشــــرد من عنــده
ويطَـلــــعِ المُجرم مــن كَبــــرة
*
حيدر حسين الكَرعاوي