7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
گعدة نجفية استشهاد الرسول ( ص )
(اكتب يارسول الله)
اكتب يارسول الله كتابك
مامضمونه هالناس بغيابك
وادم مو نظيفة…. .. التمت بالسقيفة
اكتب يارسول الله كتابك
** *
صوت احبابك ينادي. يارسول الله محمد
ليش بستان الصحابه. بحب علي مايوم ورد
وليش رغم التعب كله عوده ضل ذبلان واجرد
ومن صحت قرطاس وقلم
بيهم تحرك كل صنم
ورفضوا الماعدهم ذمم
والتعصب بيهم اشتد
جنهم بالتريد تكتبه يدرون
وگامت عالحواجب تعله العيون
وناس المو شريفه. …… .التمت بالسقيفه
***
هاي يالمرسول زمره تعيش كل همها المكاسب
جفوفهم حلوه ونضيفه وتخفي بسدها. مخالب
ناس لادين وعقيده. منها راس الطفل شايب
هالوادم تحن الهبل
بلكت يرد عدها امل
بعقولها يعيش الجهل
ودينهم مودين كاذب
وادم ربهم من التمر صنعوه
واذا جاعوا بخبز شعير عجنوه
هالافكار السخيفه. …… التمت بالسقيفة
**** *
اكتب الرايد تكتبه. واكشف اللثام المصالح
ولاتهم بالمايوافق. هاي ناس الطاح رايح
سيدي واكد الحقيقة. والحقيقة سيف جارح
وضح الهم الحق الجلي
وكلهم خليفتكم علي
وغيره فلا الكم ولي
واليتبعه. دوم رابح
ولاية حيدرة اكبر تجارة
بس شيقنع العقله احجاره
وين العقله جيفه…… التمت بالسقيفة
***
وانت بفراش المنيه يالنبي وكسروا قرارك
اجتمعوا باقذر سقيفه. و حاربوا وردة خضارك
وبايعوا سامري الامة. ومانفع بيهم انذارك
والمشهد اوياك الجره
كل عصر نفسه تكرره
وتطلع سقيفه عاهره
بكل زمن تطعن انصارك
وكل يوم السقيفه تطلع بلون
ويحط اعلامهم للفاره. گرون
واجتاف الخفيفه .…… التمت بالسقيفه
**
وبزمنه جم سقيفه لبست اثياب القداسة
وحرب ضد. انصار حيدر مستمره بكل شراسه
والمصيبة بعض منه. خدعته. اوهام السياسه
واليدعي شيعي ومحب
ماطحنه باليوم الصعب
وشامت طلع مثل الغرب
وبالوهم متروس راسه
مصيبتنه. التشمت منه بينه
يراد اعله ضهره انحط. طحينه
الزمرة المو عفيفه … .. التمت بالسقيفه
*
المصيبة
ثابتين اعله المواقف. وحب علي لامانبيعه
احنه احنه البينه حيدر يفتخر ويكول شيعه
احنه بحلك الصوارم اركابنه. تفدي الشريعه
وگفتنه وكفات الزلم
وبينه يضل هذا العزم
ومنه عهد ماننهزم
لحد ما ينهض حفيدك ورايته ترف عالبرية
سيد اياد الغالبي
قصيدة لأستشهاد الرسول الاعظم محمد عليه وعلى آله الصلاة والسلام
-----------------------------------------
أخو علي مات
نفس علي مات
مثل الحسين بدون آخيه
محني الظهر هاي المسيه
علي ،، علي
****
الله اليعينك يا علي بهاي
كسرة محمد تاخذ هواي
تاااااخذ كلشي
ميت تمشي
رايح شوفك
موت ايطوفك
تاخذ حيلك تاخذ ليلك تاخذ شمسك تاخذ روح
تاخذ منك أعظم مرسل ما تتحمل چن مذبوح
الله يساعد گلبك حيدر گاعد بس چنك مطروح
روحك هوه وطلعت روحك لو راحت چا وين تروح
الله ايعينك ،، الله يعينك
فجر صبح ليل
بعد مشى الحيل
آه يا ونين المغربيه
محني الظهر هاي المسيه
علي ،، علي
------------------------------------
چن روحه ميته وحيله رايح
يمشي اعله طوله وچنه طايح
روحه تعوفه
ميته چفوفه
گلبه وعينه
الله ايعينه
كلهن ماتن ماظل عايش لمن فارگ طه شلون ؟
طلعت روحه ويمسح بيهه بوجهه ويبچي أوهل عيون
آه ياخويه المثل الوالد هاي حچايه تهد الكون
بنتك يمك رادت صوتك موتك والله ايطيح امتون
يا والينه ،،، يا والينه
مشى وراح العمر
تظل حسره وگبر
ما تبقى لا رحمه وحميه
محني الظهر هاي المسيه
علي ،، علي
---------------------------------
غمض عيونه وضمه من مات
باسه بلحيته وشمه شمات
صاح الهيبه
منين انجيبه
يا بعد اهلي
ما تگعدلي
حيرة موتك ما تتوصف لا تنقاس بأي مقياس
الرحمة شلون تموت گبالي وتبقى الدنيا بلا انفاس
ماشي وتارك وادم غربه صعبه انوصفهم مو ناس
خنجر ظهرك صار بظهري ومن هسه الطبره اعله الراس
كلهم خانو كلهم خانو
وعد گالو چذب
ولا بيهم محب
بيوم الغدير اوبلوصيه
محني الظهر هاي المسيه
علي ،، علي
-----------------------------------------
بضعة محمد فاطمه تنوح
گالتله اروح وياك يا روح
بويه شلونك
رايح لونك
بس حاچيني
يا ضي عيني
انه بدونك يصعب حالي راح اتيتم راح انصاب
لا ضلع اليسلم من عدهم لا ابني ولا حتى الباب
موتك بويه باب الموتي ابنيتك تالي اتصير تراب
هذا الكون الصاير النه بهاي الدنيا انعيش اغراب
رايح بويه ،، رايح بويه
وطن غفى ونام
ترك ألم عام
تارك وجع حد المنيه
محني الظهر هاي المسيه
علي ،، علي
-----------------------------------------
هسه ابتدت نار السقيفه
يتنصب الما هو خليفه
يهجر گالو
علحگ مالو
طبو داري
تلهب ناري
عصرة فاطم موت المحسن كسر الضلع وحرگ الدار
كلهن صارن يابو القاسم من فارگتك شبو نار
وانه اموصى او لوما كلمه انطيتك اصبر لا چا صار
نفس الصار بمرحب بيهم چفي اليطبر مو فقار
غمضت عينك ،، غمضت عينك
بقى ألم باب
وجع فلا طاب
علمحسن الدمه قضيه
محني الظهر هاي المسيه
علي ،، علي
كلمات الخادم / رعد الفريجي
قصيدة لاستشهاد رسول الله عليه وعلى آله الصلاة والسلام
،،،،،،،،،،،،،،،،،،،،،،،،،،،،،،،،،،
الما يمهه والد تنكسر وتطول الونه
يابويه مو مالت بعد يلشوفتك جنه
ونيت يم راسك واحاچيك
غمضت عينك وانه اشم بيك بويه
،،،،،،،،،،،،،،،،،،،،،،،،،،،،،،،،،،،،،،،،،،،
يا ماي عطشانه وردت من وجهك الماي
الما عدهه والد ما تسد وحشتهه الهواي
يا موت حيل استعجلت شو من وكت جاي
العايفهه ابوهه شما تون ما تطلع براي
تانيني يا موت انتظر
يا جنه مدفونه بگبر ؟
وي والدي بهداي اوصيك
غمضت عينك وانه اشم بيك بويه
،،،،،،،،،،،،
مهيوبه بويه ولا يمر خوف اعله بالي
ما دام سالم ما يهم كل الجرالي
يا غالي مثلك وين اكو يا اغله غالي
حاچيني چنهه اتحزمت سود الليالي
افتحلي صدرك والحظن
بنتك تره ويمك تون
شنهي اليبعد الروح ماذيك
غمضت عينك وانه اشم بيك بويه
،،،،،،،،،،،،،،،،،،،،،،،،،،،،،،،،،،،،،،،،،،،
شبساع تذبل يا ورد متگلي شبساع ؟
يلساكن بنص الگلب لا تسكن الگاع
لا وحگ شيبة والدي ما أحمل وداع
ضيعت كلشي بغيبتك حتى العمر ضاع
معذور يا نبض الگلب
فگد الابو كلش صعب
لو راح منك ما اخليك
غمضت عينك وانه اشم بيك بويه
،،،،،،،،،،،،،،،،،،،،،،،،،،
محتاره اظل بدنيتي لتغمض العين
وياي شد حيله الدمع ما قصر البين
چلماتك الكلهن هلا والملگه چا وين ؟
يمك واريد امروتك لتمد الايدين
لتسبل ايدك مو متت
چاوبني بويه اتمرمرت
باريتني وكل ظني اباريك
غمضت عينك وانه اشم بيك بويه
،،،،،،،،،،،،،،،،
يا بويه خلصت وانتهت غطاك التراب
من بعد عينك يلأبو ما ظلت أحباب
راح الامان بموتتك وگليبي ينصاب
من هسه محسن يستعد للعصره والباب
والدار باچر تحترگ
وتخلص الناس الصدگ
الينسطر خدهه اتعاين اعليك
غمضت عينك وانه اشم بيك بويه
،،،،،،،،،،،،،،،،،،،،،،،،،،،،،
كلمات الخادم
رعد الفريجي
بعد وفاة والدها بفتره ذهبت الى قبره وهي محمله بالدمع والامنيات والذكريات
،،،،،،،،،،،،،،،،،،،،،،،،،،،،،،،،،،،،،،،،،،،،،
ذكرتك واعتنيتك بيه ما بيه
ولو شنساك ؟ انه الصرت منسيه
اغمض عيني واتذكر دلالك
يبويه ابنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عشت بس والله مجبوره
جنازه بديره مهجوره
ياهو اليدري گلبي شضام ؟
بس انته وصرت صوره
اباوعلك واريدك صوت
وارد واتذكر التابوت
وينك ما شفت عدلين
بعدك گمت احب الموت
يبويه اتأكدت هسه اليتم حيره
اليفگد والده شتلمه يا ديره ؟
شخلي الگلبي ما يرهم بدالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،
يتيمه أمبين أعليه
ملامح وجه مسبيه
خلف الله اعله ثوبك هاذ
أگله شبيه ما بيه
اشمن ريحتك وارتاح
سماي تريد رف جناح ؟
انه الصبخه النساني الماي
انه الشيب الحنى الفلاح
اريدك والگبر سير على أحلامي
انه احتاجيت طولك يمشي گدامي
بعد محرومه من لذت سؤالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،
اجيتك والگبر دافي
واحسك تمسح أجتافي
حچيت وياك وتمنيت
اشوفك مو متت غافي
واگلك بويه نمت هواي
شد حيلك دگوم وياي
شنهي اتگضك التربان
ضيف احسبني يمك جاي
يا چلمة هلا شمحلاهه بشفافك
تره الدنيا ولتني ومتت بخلافك
گوم وشوف ياهوه أعتنالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،،،،،،،،
ترى الخيمه تطيح بساع
انته بعيني كل الگاع
ستري وهيبتي ومدفون
رباط الحچي الما ضاع
أشورك وانته جوه تراب
واتاني وحلمي صار الباب
اعرفك ما تردني بيوم
أبوي انته الوفي الما غاب
غريبه وگمت أدور صوتك الدافي
يا بيت النودهم موحش وطافي
دحاچيني البعد چنه حلالك
يبويه بنيتك بحسرة خيالك ذكرتك
،،،،،،،،،،،،،،،،،،،،،،،،،،،،،،،،،،،،،،،،
على تراب الگبر موتي
حچيت وما طلع صوتي
تراني بعازتك والله
بعد معتازه تابوتي
اجيك وننجمع ميتين
النجف يدرينه مشتاگين
أريدن يمك أوياك
تكتل وحشة العدلين
أخذني اتعذبت هالدنيا خلصانه
منهد ما فارگيتك وانه تعبانه
اباوع علگمر واذكر جمالك
يبويه بنيتك بحسرة خيالك ذكرتك
كلمات الخادم / رعد الفريجي
نزال..
ضلو ابلايه ولي = ام الحسين وعلي
يتامه يالنبي
-------****------
هاي ليله تمـــــــرنه على استشهادك
بيهه جبريل اجه اينوح يعزي اولادك
ربك اشتـــــاگ الك حيل يطه ورادك
وانته لبيت أله وحــان وقت ميعادك
اليوم وي رب السماء = سيدي حان ألقاء
يتامه يالنبي
-------****-------
ابموتت الدين ابوحسين ينوح وحاير
يالنبي اليـوم بالــــوداع يتيمك صاير
رمشه بي شيــــب كثر ما يهل الناظر
صعبه وشلون للگبــور حبيبه ايسافر
ضل يقبله ابشفته = ماتساعد حالته
يتامه يالنبي
-------****------
ستـــأذن المــوت قبل لا يطب الدارك
يطرق البــــاب الك جاي مثل خطارك
يبو القاســـم عظيمه وعجيبه اسرارك
بجنحه جبريل يمولاي يقمض انضارك
بحضن حيدر من متت = جروح بيه اشگد عفت
يتامه يالنبي
-------****------
فاطمه اتنوح والجـروح بدت تاذيهه
العين بركان والدمــوع جمـر تبچيهه
ذابت الروح على امهه ورحل هاديهه
ثانـــي امصـــــاب يمرهه ويأثر بيهه
آه ياليـــل الحزن = بيه مفجوعه وتون
يتامه يالنبي
--------****--------
اظلــم الكـــون يمولاي ونــورك غايب
ليل الفـراگ فجعنه شكثر هـــم جايب
الحسن وحسين بالمصاب گلبهم ذايب
يتمتـــهم والدمــــــوع يطـــه اتعـاتب
ليش عايفنه بألم = حيلنه اليله انهدم
يتامه يالنبي
-------****-------
الخادم
كامل السعيدي
مقدمه.. ليلة استشهاد النبي الاكرم محمد ص
الله يعيــنك الله يعينك
ياعلي الليله الله يعينك
ـ****ـ
عظم الله اجرك يحـــيدر هالمسيه
راح عنك هيـــــــبة الزهره الزچيه
ابد مايرحم بشر ســـــــــهم المنيه
شحال گلبه البيده يحفر گبر اخيه
الله يعيــنك الله يعينك
ياعلي الليله الله يعينك
ـ***ـ
افراك اخيك موسهل ويصـــدع اگلوب
اتضيگ بيك الوسعه كل مامرك اغروب
ياعلي اشــما تطب داره روحك اتذوب
المــوت حال ابينكم وبعيـــده الدروب
الله يعيــنك الله يعينك
ياعلي الليله الله يعينك
ـ*ـ
ندري صعبه المحب من يدفن حبيبه
ينكسر ظهــره وفــلا يســـكن نحيبه
اليله ظلمه وآه ياليل المصـــــــــــيبه
وحشه دارك والبدر اعلن مغــــــــيبه
الله يعيــنك الله يعينك
ياعلي الليله الله يعينك
ـ****ـ
اوياك تنعه البسمله والقل هوه اتنوح
اليله زحمة نايبــات اوزحمة اجـروح
حلم فاطم يا حســـافه اليله مذبوح
الفرح سـد بابه وحزنكم بابه مفتوح
الله يعيــنك الله يعينك
ياعلي الليله الله يعينك
ـ*ـ
✍الخادم
كامل السعيدي
يابو الزهره يابو الزهره
ما ناسينك يابو الزهره
================
ماننساك وعايش بينه
ومصابك حيل امأذينه
يا زمزم بيك اتوضينه
ننعاك ابكل نوح وعبره
================
مجلس ننصبلك وقرايه
ونسير باسمك مشايه
خطينه اسمك فوك الرايه
نبجي ويم حيدر بالحضره
================
ماتشفه وبالروح اجروحك
يمضحي لخاطرنه بروحك
واجب مثل حسين انوحك
والي يخدمك يكبر اجره
================
نار امصابك ضلت تسعر
جرحك كل ما نكبر يكبر
يبجي لفكدك حته المنبر
تحضر فاطم تبجي بحسره
================
وي الهاب اسمك ضل ينشم
لجروح البينه انته البلسم
حزن افراكك بان وخيم
ضل ينعاك الكون باسره
================
ذكرك باقي وما يتبدد
واليمشي ابدربك يتخلد
وداعة من عالغبره اتوسد
نتباها بحبك وانته ادره
================
يمته نزورك ونشم عطرك
محرومين انطوف ابكَبرك
نروح لحيدر يمه انذكرك
يتشابه وي عطرك عطره
================
انصبنالك موكب خدمه
ياسيد كل هاي النعمه
العافك يوم المحشر يعمه
حيره هناك ايحير بامره
==========حسين المحامي
على سيد البشر صبيت الدموع
وگلبي وي مصابه اليله مفجوع
بعبراتي محتاره الاه
*
انعزي الزهره لـــــو سيد البريه
على مصاب النبي تنوح الرعيه
البچي والنوح ظل بس للزچيه
نواسيها بدموع العين
*
تصب ادموعها لــو چلچل اليل
ولبوهــا راح منهه بــايــد الحل
اليله الغالي منهه يـغرب يشيل
يودعونه احبابه اليله
*
كسر دلالــهه مــــن راح واليهه
يتيمه خلاف ابوها هيه تاليهه
بس طاريه صارت يامحاچيهه
مالومه تريد الغالي
*
الله يساعدچ لـــو مــر الغروب
وي گلبچ بـــعد يــرادله اگلوب
تمر ساعات بــي برهدنه يلوب
يلچمونه اهات البي
*
البويه البيهه تنگط مــن حنانه
ومــن يوم المشه ماصح امانه
بــويــه الظيم مـن بعدك ولانه
حاچيني محتاجه البويه
*
يلمعدل الشـرايـع والسـنن كلهه
چلمة بويه مــنك مـــن يعادلهه
روحي تريد مني مايصح خلهه
بعيوني ضمية ارسومه
*
ابوحيدر
الصبيحاوي
استشهاد النبي صلى الله عليه واله وسلم
الهادي روحه من تدنى اغيابها
ارتدت الامه على اعقابها
*---------------------*-------------------*
ما خلص جرح الأمس وآثاره
والصنم طاح وجرح أنصاره
واليعبده رد يدور ثاره
رجعت اللات بحقد أصحابها
*----------------------*-------------------*
لبسو الإسلام مسلمة الفتح
ثوب حيه تنزعه وي طرت الصبح
صوبو قلب النبي بأعظم جرح
فتن جابو للنبوه ابابها
*----------------------*--------------------*
الوصيه راد يكتب بالقلم
وكفو بساعة وفاته كالخصم
يهجر يكولون أشباه الزلم
لعنة الله على الفتن والجابها
*----------------------*-------------------*
اتفقت الأضداد تغدر بالنبي
اليهودي والصنم والناصبي
بالخميس اتوقعت فتوى السبي
وفتوى قتل الزهره من أسبابها
*---------------------*-------------------*
بلا غسل لادفن عأفوه الرسول
وعائشه ماندري بدفنه تكول
للسقيفه أصحابه ركضو للوصول
للحكم ركضو بيوم امصابها
*----------------------*--------------------*
محمد دعبل النوري
كعديه للرسول الاكرم (ص)
مادار لحظة وفاته
الليله نادتك كل هاي الاملاك
يا سيد البريه
بدمعه وحزن وفراگ
الباري الك مشتاگ
يا سيد البريه
١
ربك الليله بقراره قرر السيد البريه
اله ملك الموت يبعث بين لحظات المنيه
ومن دخل يم ابو القاسم اثنينهم صارو سويه
سلم عليه واستأذنه
والنبي ينظر عاينه
قابض يگله جيت انه
أمر ربك مو بديه
لكن خيرك لو رايد اتعيش
والعيشه هنيه
شتقرر يمختار
انته بكيفك اختار
يا سيد البريه
٢
جاوبه المختار امهل خلي جبرائيل يحضر
ومشه ملك الموت عنه والوكت بالحزن يفتر
هاي اول مره صارت نبي وبموته ايتخير
ها رحل باقي وما رحل
تنتظرك الدنيه أمل
اشگد صعبه لحظات الأجل
ويمه گاعد چان حيدر
طه ينتظر جبريل ويشوف
لحظات المنيه
الدنيه اتعيش لحظات
مابين السماوات
يا سيد البريه
٣
هبط جبرائيل عنده سلم وأده التحيه
وگله ابشر يامحمد ربك أشتاگ النبيه
وتنتظر املاكه كلها والسماوات العليه
يانبي الأمه الخاتمه
اشتاگت الك حتى السمه
وبعدك تحضرك فاطمه
وياك بالجنه سويه
حسن الخاتمه من باري الاكوان
هاي اللحظه هيه
بالدنيه نصيبك
رايح يم حبيبك
ياسيد البريه
٤
طلب من جبريل طه هسه ملك الموت يحضر
أجه يمه وقبض روحه وراسه چان بحضن حيدر
بعقلك اتصور يسامع انته واتخيل المنظر
حيدر يهل گام الدمع
وحس انكسر عنده ضلع
ذاب الگلب مثل الشمع
عالنبي الچان اله مصدر
سلم للقدر حيدر بدمعات
ومحاضن سويه
ما يصبر بلياك
حيدر هسه ينعاك
ياسيد البريه
٥
بحيره ظل مذهول حيدر الزهره يمه وهل دمعها
تنظر النور ابو القاسم وگام يلچمها ضلعها
حضنته وشمته بصدره موته ياوسفه فجعها
ودعها والدها ورحل
ماظل بعد عدها أمل
والأجل محتوم الأجل
ازغيره بس طفه شمعها
ظلت تنحب وتنظر لبوها
وتنادي بدمعها
بنتك ياوليها
هذا الصار بيها
ياسيد البريه
المصيبه
غمض عيونه ابو القاسم رحل بسهام المنيه
من رحل مسموم طه وظلت اتنوح البريه
وگاعده بدمعه تنظره فاطمه الزهره الزچيه
راح وتركها بالدمع
والزهره بعده تنفجع
بالسطره وبكسر الضلع
هيچ راح يصير بيها من بعد مايمشي عنها
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
حال الامام علي بفقد الرسول
حيدر والأسرار
هالليله محتار
يرحل المختار
والدمعه بعيونه
١
حيدر بدمعات عينه ولزم ضلعه
والنبي بحضنه يودعه ويهل دمعه
ينادي جاوبني حبيبي ومايسمعه
يعني حيدر مايسر هالليله وضعه
بالدمع صاح
انته روحي وكل هلي
بالدمع صاح
ايموت من بعدك علي
لا ترحل اليوم
والگلب مالوم
بي يدري مسموم
والدمعه بعيونه
٢
اجه ملك الموت يستأذن حضوره
ايگله قابض للنبي وينقل الصوره
والنبي بآخر نفس يحچي وشعوره
يگله جبرائيل خل يحضر بنوره
نزل جبريل
بالدمع لمن حضر
نزل جبريل
ايبلغه بهذا الخبر
تنتظرك الحور
والجنه والطور
ينظر بيا نور
والدمعه بعيونه
٣
قبل قبض الروح لحظات المصيبه
والنبي المختار ينظر للحبيبه
فاطمه وگلها تعالي بنص نحيبه
هاي لحظات الوداع اشگد عصيبه
بالدمع صار
اوداع دمعات السمه
بالدمع صار
النبي ايودع فاطمه
والزهره بجروح
عالوالد اتنوح
وحيدر بلا روح
والدمعه بعيونه
٤
طه تنحب فاطمه لمن سمعها
رفع أيده ونشف بأيده دمعها
عاين الخدها النبي وحار بوضعها
اتذكر البسمار والباب وضلعها
آخر وداع
بين دمعات الحزن
آخر وداع
فاطمه تنوح وتون
ودعها بدموع
والنبي مفجوع
والصوت مسموع
والدمعه بعيونه
٥
غمض عيونه النبي وحيدر ينظره
والاملاك تنوح والموقف اشكبره
حيدر احتار بدمعته ونار صبره
ينظر اعله النبي لو ينظر الزهره
بدمعه محتار
ايودعه بدمع الصبر
بدمعه محتار
ويمه فاطم تنتظر
بعد المعانات
ظلمه السماوات
شاف النبي مات
والدمعه بعيونه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
على سيد البشر صبيت الدموع
وگلبي وي مصابه اليله مفجوع
بعبراتي محتاره الاه
*
انعزي الزهره لـــــو سيد البريه
على مصاب النبي تنوح الرعيه
البچي والنوح ظل بس للزچيه
نواسيها بدموع العين
*
تصب ادموعها لــو چلچل اليل
ولبوهــا راح منهه بــايــد الحل
اليله الغالي منهه يـغرب يشيل
يودعونه احبابه اليله
*
كسر دلالــهه مــــن راح واليهه
يتيمه خلاف ابوها هيه تاليهه
بس طاريه صارت يامحاچيهه
مالومه تريد الغالي
*
الله يساعدچ لـــو مــر الغروب
وي گلبچ بـــعد يــرادله اگلوب
تمر ساعات بــي برهدنه يلوب
يلچمونه اهات البي
*
البويه البيهه تنگط مــن حنانه
ومــن يوم المشه ماصح امانه
بــويــه الظيم مـن بعدك ولانه
حاچيني محتاجه البويه
*
يلمعدل الشـرايـع والسـنن كلهه
چلمة بويه مــنك مـــن يعادلهه
روحي تريد مني مايصح خلهه
بعيوني ضمية ارسومه
*
ابوحيدر
الصبيحاوي
شايل امن الدار والد فاطمه
او موحشه الدنيا عليه ومضلمه
… ..
╌────═❁═────╌
مضلمه الدار الي زايرها الوحي
موحشه من شال من عدها النبي
ايتيمه ضلت فاطمه وحيدر علي
الفكَد سيد رسلها وخاتمه
.....╌────═❁═────╌
الفكد طه المصطفى سيد البشر
تنحب الايات وتنوح السور
وتنعى لاجله الذاريات ويه القدر
غاب والكوثر عليه امعلمه
… ..╌────═❁═────╌
غاب هاليله النبي وبحر العلم
يدري من بعده الزجيه تنهضم
تهجم اصحاب السقيفه والضلم
على فاطم والوصي حامي الحمه
… ..╌────═❁═────╌
راح خيمة فاطمه وراح الذخر
شصبر انه ومات كدامي الصبر
الچان امين اعله الارض صار بكبر
وحيدر افراك الرسول يالمه
.....╌────═❁═────╌
عله كلبك ياعلي مخيم حزن
اليله قران الارض ينعى ويون
كثر ما يبچي نفطر منه الجفن
هبط جبرائيل شارك مأتمه
… .╌────═❁═────╌
✍نور الولايه الفاطميه
مات النبي المختار هاي المسيه
ناح الحسن وحسين ويه الزجيه
****
مات النبي المختار صــارت فجيعه
تبجي السمه والكون تنعــه الشريعه
وناح الحسن وحسين ويـــه الوديعه
ويبجي بجمر عبرات حامي الحميه
****
يبجي بجمر عبرات راعي المحنه
ايكَله يخويه اليــــوم والله انهظمنه
بعدك يبو ابراهيـــــم اتشتت شملنه
حل الكدر والنوح بــــــعد الرزيه
****
حل الكدر والنوح تنعه بجمرهـــه
الزهره تلوج بآه عبره بصدرهــه
اتكَله يبو الزهراء تعلــم كسرهــه
وضلعي يبويه يلوج من هسـه بيه
*
*
ضلعي انكسر هاليوم من فاركــتنه
وراح اجذب اللوعات يوم العفــتنه
اكعد يبويه اليوم ريـــــــتك شفــتنه
هذا الحسن وحسين بأكبر عزيـــــه
*
هذا الحسن وحسين يفجع بجـــــيهم
لطمو على الخدين والله بنعـــــــيهم
اسمع يجدي بنوح والله ابحجـــــيهم
ونو يجدي بآه ونه شــــــــــــــجيه
*
ونو يجدي بآه يا مصطفانـــــــــــه
لاتترك الحسـنين يامرتجانــــــــــه
والله الهظم والنوح بعدك جوانـــــه
صعبه اعله دار الخير امست خليه
***
صعبه اله دار الخير شالت اهـــلهه
براعي الوفه المختار زاهي محلهه
سيد الهواشــــــم راح والساده كلهه
غرب خله العين بعده جــــــــــريه
ابو علي الركابي
#محمد (قصيده ملمع)
كاني بمولاتي فاطمه الزهراء تخاطب ابيها النبي محمد (صلى الله عليه واله وسلم )
وامحمداه .. وامحمداه
وامحمداه .. سلاماََ يا ابي
============================
بويه دير عيونك وانضر اليه
بحور الالام ودمع فاضن عليه
يابو فاطم والهوه ما يمشي بيه
عطر من محنتك لسه اعله اديه
قلبي سالَ اه .. قلبي سالَ اه
قلبي سالَ اه .. سلاماََ يا ابي
============================
بويه كل عمري عليه انته خيمه
شلون ترضاها اضل هسه يتيمه
وسفه عالوكت الخذاك ويا هضيمه
البيت من بعدك صفه يابويه هيمه
صار في ضِماه .. صارَ في ضِماه
صارَ في ضِماه .. سلاماََ يا ابي
============================
انشلت ايد السمتك يابو المحنه
الله ليرحمه الذي بموتك فجعنه
بالحسن واحسين احلفك انضرلنه
بيك مَن يتمنه اكعد سولفلنه
دمعي في رُجاه .. دمعي في رُجاه
دمعي في رُجاه .. سلاماََ يا ابي
============================
لونويت تسافر اخذه وياك عمري
عكبك ابقه شلون ميته ومحني ضهري
آنه اموتن لو عفتني وانته تدري
شلون يا بويه توصيني اصبري
حُزني في رِثاه .. حُزني في رِثاه
حُزني في رِثاه .. سلاماََ يا ابي
============================
بويه مشتاكه تراويني ضحكتك
ليش بالتابوت ممدود انه شفتك
كوم وامسح يا محمد دمع بنتك
اعليه ما رديت بويه من ندبتك
عُمري في بلاه .. عُمري في بلاه
عُمري في بلاه .. سلاماََ يا ابي
============================
البيت مثل المكبره صار برحيلك
والسمه والگاع تبجي وحته ليلك
بويه ادري هالحجي يقطع دليلك
باجر يكسرون ضلعي اشتكيلك
يقطرُ دِماه .. يقطرُ دِماه
يقطرُ دِماه .. سلاماََ يا ابي
============================
لخادم النبي محمد (ص) سجاد الكربلائي
. واويـلاه داره خـلــيـــه
واويـلاه سـيد الـبــريـه
واويـلاه هــاي الـرزيّــه
*---------------*---------------*
اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه
لـلـمـخـتـار نـنـصـب عـزيـه
*---------------*---------------*
خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره
مـانـنـسـاه حـد الـمـنـيـه
*---------------*---------------*
الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه
يـامـعـبـود صـبـر الـزچـيـه
*---------------*---------------*
على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده
بـالـدمـعـات حامـي الـحـمـيه
*---------------*---------------*
عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه
يـالأصـحـاب ويـن الـوصـيـه
*---------------*---------------*
مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه
مـايـدرون عـدنـه قـضـيـه
*---------------*---------------*
✍خادم الرسول الأكرم
الشاعر رعـد الجـريـخـي
لأستشهاد الرسول صلى الله عليه وعلى آله السيده الزهراء عليها السلام على القبر الشريف ،،،،،
****
يم گبر الابو لحضات ودوني
اريد احچيله هاي المره بعيوني
*
اريد اوصل لابوي الطوول افراگه
واشم اتراب گبره بيوم الملاگه
يبعد التعباهه الموت مشتاگه
بقيت بلا نفس لحظه ويدفنوني
اريد احچيله هاي المره بعيوني
***
يماي تموت ليش وروحي عطشانه
وحگ شيبة لحيتك والله تعبانه
دگوم من الگبر يمك وصلت آنه
يم اهل المحنه هنانه خلوني
اريد احچيله هاي المره بعيوني
****
تعبني الدهر جيتك واريد انخاك
اذا يمك مچان احظني اريد وياك
تره الشيبني بويه شما يمر طرواك
واگلهم مي ورد علگبر رشوني
اريد احچيله هاي المره بعيوني
**
اريد الوحدي ويمك واسولف كون
واگلك من وكت اهل الوفه يروحون
يدافي الشبگه ماتت ما تگلي شلون
الهلا يطمهه التراب شلون حاچوني
اريد احچيله هاي المره بعيوني
***
اريد ابچي اعله گبرك هلبت تجاوب
جاباني حنانك بويه ما اعاتب
يحاضر بالنفس بس بالگبر غايب
صرت ام الحزن بعدك يسموني
اريد احچيله هاي المره بعيوني
***
أگلك چلمه وامشي لعالم احزاني
التفگد والد لحد موتهه أتاني
واگلك ما وفيت وهالاجيت آني
مشتاگه الچفوفك تمسح أمتوني
اريد احچيله هاي المره بعيوني
كلمات الخادم / رعد الفريجي
هنيالهه الموجود ابوهه
ما تنهظم لو زعلوهه
يحضرهه گبل الدمعه والآه
بنيته بأمان تعيش وياه
هنيالهه الموجود ابوهه
،،،،،،،،،،،،،،،،،،،،،،،،،،،،،،،،،،،،،،،،،،
يا بويه علة گلبي عله
ياهو اعلى ضيم گليبي اگله
لو رحت بويه سنيني شتفيد
يا بويه موتك مو محله
وين التفت والدنيا ما ترحمني لحضات
ذوله الشماته اتبسمو لمن صحت مات
يا بويه شيردك بعد لا والله هيهات
الجوه التراب شلون شتفيده السلامات ؟
ظليت وحدي ويا ندامه
موتك احس بيه القيامه
والعدهه مثلك لا متنساه
بنيته بأمان تعيش وياه
هنيالهه الموجود ابوهه
،،،،،،،،،،،،،،،،،،،،،،،،،،،،،،،،،،،،،
لو رحت ياهو يظل اليه
وياهو البعد ينشد عليه
اصبح غريبه وگلبي مكسور
سموني من بعدك خطيه
خانگني دمعي وحالي لا متوصفه العيون
خلوني يمه اشبع وفه ها يلتشيعون
جوه التراب البيه محنه شلون مدفون
يرحون اهل الغيره من عدنا ويشيلون
ليهسه ما بارد حچيهم
يسوون لو نبچي عليهم ؟
ويلاه رايح بويه ويلاه
بنيته بأمان تعيش وياه
هنيالهه الموجود ابوهه
،،،،،،،،،،،،،،،،،،،،،،،،،،،،،،،،،،،،،،،،،،
الما عدهه أبو هيه الغريبه
المدفون ما تگدر تجيبه
هواي البشر والاف الوجوه
بس الگلب ميت حبيبه
وين التفت والناس لا ما بيهم الراح
ما اگدر احچيلك عذابي وكثر الجراح
اليفگدله والد (هم ينام ولحظه يرتاح) ؟
الطايح يفزعوله الاهل بس گلبي من طاح
لا وسفه ليش ولا اسم الله
مسمعت كلشي شلون عله
مو يمي والد حتى انخاه
بنيته بأمان تعيش وياه
هنيالهه الموجود ابوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا دنيا ليش شبيچ وياي
بالراح ضيم ودمعه بالجاي
جبت الحياة هموم بهموم
بس هو چان الفرحه ودواي
يا وسفه لا ما حسبت تبعدنه الايام
والچنت انام بشبگته جوى الثرى ينام
يا لحظة فراگ الابو تنعد بالاعوام
هسه اعرفت من تنكسر معذوره الايتام
الماعنده والد وجهه خالي
يا لوعتي ورايح دلالي
يا بويه مثلك وين نلگاه
بنيته بامان تعيش وياه
هنيالهه الموجود ابوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گلبي انكسر من ودعيتك
يا بويه يلعايف ثنيتك
ياهو اليطب للدار بجفاك
بيتك گبر مو هذا بيتك
شديت گلبي بضلعي لكن بويه ما فاد
تتركني رايح للگبر تحت الرمل غاد
تاخذني يمك مو گلت واللمه تنعاد
لكن تفرقنه شعجب يا ضيم البعاد
لا يمي لا مرو واجوني
متشوفهم شلي بعيوني
جوه التراب العشت بحماه
بنيته بامان تعيش وياه
هنيالهه الموجود ابوهه
لخادم الحسين / رعد الفريجي
قصيدة اسشتهاد الرسول الاكرم ص
استأذن الموت وخذاك ــ ويتــم العـــــالم وراك
انته بس ماكو سـواك ــ استأذنه الموت
©©©©©©©©
يمن نزلت آية الباري اعله صدرك
بالأرض لو بالســمه ينحفــر گبرك؟
الأنبياء يمك تجــي لو غاب بدرك؟
لو ملائكت العرش تنزل تحظــرك؟
يا سـراج المهتدين ــ ياضياء الصالحين
ياهو قبلك يا آمين ــ استأذنه الموت
©©©©©©©©
اتيتمو هاليوم حيـــــدر والزچيه
يبو الزهره امصيبتك اعظم رزيه
اتگابلو يم راســـك اونو ســـويه
اوداعـة الله يامحمد هالمســــيه
ادموع حيدر والبتول ــ تجري من دم يالرسول
كاذب الغيــــرك يگول ــ استأذنه الموت
©©©©©©©©
يطــرق البـاب بأدب مثل اليـزورك
استأذنك ميريد ابد يجرح شعورك
گالك رب العرش يطلب حظـــورك
وبان ياطــه على وجهك ســـرورك
وانته لبيت النداء ــ ورفع روحك للسماء
ياهو مــن الانبياء ــ استأذنه الموت
©©©©©©©©
الدعو اصحاب. الجرح عافو نزيفه
الك ما نصــبو عزاء نصـــبو سقيفه
انكـرو عهـدك والاحـاديث الشـريفه
وقبل دفنـــك نصبو منهم خليـــفه
وي علي ماشــــيعوك ــ ابسرعه ياطه نسوك
اوماكو غيرك يعرفوك ــ استأذنه الموت
©©©©©©©©
وي علي الليله تضـــل بس ذكريـاتك
ومنـــك بأيده بقـت سبـحت صـلاتك
نكسر ظهره وتدري عنده شگد غلاتك
اوياه الامــــلاك انزلت تبچي ابمماتك
ارد اسألك يالحنين ــ يانبي قبلك امين
قبل لاتغمضله عين ــ استأذنه الموت
©©©©©©©©
✍الخادم
كامل السعيدي
مقدمه للرسول الاعظم محمد (ص)
يـا محـــمد يـا نبيـــنه
يصعب امصابك علينه
يا حبيب الله مصابك حيل أذانه وفجعنه
لجلك انقـيم المئـاتم ونلطم ونهمل دمعنه
ابمجلسك يابوالزچيه الله وفقنه وجمعنه
ما نعوفـك تدري بيــنه
يصعب امصابك علينه
العـالـــم بأســره ينــادي لا تســـافر يـا محمد
جمرة اغيابك چوتنه سيـدي ومالحضه تخمد
بعدك اجروح المصيبه بالگلب ماضنهه تضمد
اصبحت ظلمه المدينه
يصعب امصابك علينه
حضرت الزهره ابعزائك تلطم ومحني ظهرهه
اهـواي أذاهـه مصـابك اشـد من لوعة كَسرْهه
ليلة اوداعك مئاسي ابكل وكت يسعر جمرهه
ليلتك وحشـه وحزينه
يصعب امصابك علينه
حيدر ابدمعاته ناده يارسـول الله افجعتنه
غمضت عيـنك يغــالي جنه انتـه وفارگتنه
يالچنت منبع ترافه سافرت وسفه وعفتنه
يا محمـــد مـو بديـــنه
يصعب امصابك عليمه
يارسول الله مصابك موسهل والباري يشهد
حتـى عزرائيك اجالك مستحي وعنك تردد
والاذان انسمعه ناده اشـهدُ قد غـاب احمــد
بعـدك اشيــنفع بچيـنه
يصعب امصابك علينه
الخادم
كامل السعيدي
قصيدة لرسول الله ص واله
اني يا والدي اصبحت ضايعه
روحي متغربه وبعدك املوعه
=====================
بويه بويه الناس بعدك ما رعوني
كسرو اضلوعي تره وسطرو عيوني
بليل مظلم وبحقدهم من اجوني
شبو النار او وره الباب اعصروني
لمه محسن وكع هم عليهم دعه
روحي متغربه وبعدك املوعه
=====================
كلبي مايبرد ولا يخلص عذابه
وشيصبره الفاكد العايش مصابه
البنت لو غاب الابو تموت بغايبه
والله مشتاكَه تكلك روحي يابه
ابجي ولدمعتي ناحت السابعه
روحي متغربه وبعدك املوعه
======================
زهرتك اني يمن وصيت بيه
ذوله اصحابك تره الهجمو عليه
من حقدهم حته بسمار المنيه
ضل ينوح لحالتي بكل مغربيه
الدمه عالارض صارت اموزعه
روحي متغربه وبعدك املوعه
======================
ليلة الهجمو عليه اهوايه كلفه
واجهوني بلايه رحمه وروح صلفه
اني فاطم كلت الهم لجن وسفه
خلو ابروحي جرح ما اضنه يشفه
السمه والارض تبجي للفاجعه
روحي متغربه وبعدك املوعه
======================
علي مجتف بالوصيه وناره تسعر
ضل يون لمن اصيح الحكني حيدر
راد يفنيهم علي وبجفوفه يكدر
صبر لكن حته تبقه اللهُ اكبر
ينعه ضل والحجر انفطر من نعه
روحي متغربه وبعدك املوعه
======================
انته فعلن جنت الي الاب المثالي
يلحنين انطر تجي وتشوف حالي
صرت محنيت ظهر من الجرالي
وانطر اجفوفك تدك بابي يغالي
والفكَد من يشم الهوه يوجعه
روحي متغربه وبعدك املوعه
======================
ابيت الاحزان اكعد ومرات اجيلك
من ظلم اهل الخلافه واشتكيلك
مثل ما اذوك اذوني برحيلك
مثل كلبي النار خلوها بدليلك
اليضمه الترب بويه شيرجعه
روحي متغربه وبعدك املوعه
===================
حكَي لو ابجيلك بليلي ونهاري
ابد ماتطفه ولا اضن تهده ناري
وعد حد الموت دمعي اعليك جاري
بيت الاحزان اصبحت يابويه داري
ربي ينظر الي برحمته الواسعه
روحي متغربه وبعدك املوعه
==================حسين المحامي
راح النبي راح ضجت ملائكت السمه
راح النبي راح وتنوح ضلت فاطمه
راح النبي راح مأجور ياحامي الحمه
راح النبي
================
ليله من اقسه الليالي تعبت كَلب الزجيه
ما ارتاحت كل عمرها حيل ذبلت هالمسيه
هواي اذتها المصايب جم مصاب وجم رزيه
فراك الابو ياناس شيب كلبها
وشلت دمع العين واظلم دربها
ياوالدي تصيح المن عفتني بهل الغرب
ياوالدي اتصيح مكسوره والموقف صعب
بيها الحزن لاح مأجور ياحامي الحمه
راح النبي
================
نادت ابونه ثجيله كسرت الفاكد جبيره
ياهو النه من عفتني بويه ياشيخ العشيره
مدلله وابفيك امشي اني اليسموني اميره
ضلت تون والنوح بجه السماوات
واهل العرش هاليوم هلوله دمعات
اهل السمه اليوم من شافت بفاطم الم
اهل السمه اليوم لبست سواد وتبجي دم
عطر الفكد فاح مأجور ياحامي الحمه
راح النبي
=================
راح نور الله وحبيبه ياهو اليعوص مكانه
تارس الدنيه بمحنته خيمه عالزهره بحنانه
والفكَد بالدنيه مثله حاير ايضل ابزمانه
يبجي لرحيله الطير والشجر والماي
فكَد النبي المختار اذاهم اهواي
متغير هواي والكون جنه بلا هوه
متغير هواي مجروح ضل ابلا دوه
صوت العرش صاح مأجور ياحامي الحمه
راح النبي
==================
انثلم دين الله بعده. الليله تنعاه الامامه
حسين جان ازغير لاجن عالنبي يلطم بهامه
كله ياجدي اتركتني. يمته ترجع بالسلامه
بان الحزن بحسين وتغير اللون
من كد دموعه اعليه ذبلانه العيون
المدلل حسين هاليوم شالوه ابنعش
المدلل حسين يبجيله هاليله العرش
لمن سمع طاح مأجور ياحامي الحمه
راح النبي
==================
حيدر ايودع باخيه وكله خويه الدنيه صعبه
باخر انفاسه يوصي وبكلامه يذوب كلبه
وصه حيدر بالزجيه عينه صارت الها تربه
كله يحيدر هاي فاطم امانه
باجر تره يغدرون اهل الخيانه
وبدمعة العين باخر نفس وصه علي
وبدمعة العين كله انته من بعدي الولي
ماضنه مرتاح مأجور ياحامي الحمه
راح النبي
===============حسين المحامي
⬛️◼️القصيدة-1-◼️⬛️
يومٌ بهِ جبريلُ راحَ يُنادي
قد ماتَ أحمدُ علةُ الإيجادِ
وأنا أمينُ الوَحيِِِّ صرتُ بوَحشةٍ
بعَد النبيّ ِ الطاهر ِ ِالأجدادِ
أَقرَأتُـهُ سُوراً فكانَ مُعلمي
بِحِـرآءَ يَتلوها بِعُمقِ الوادِي
فمُحمدٌ حازَ المكارمَ والعُلا
وحَباهُ ربُ الكونِ بالأمجادِ
سِرٌ فريدٌ حيثُ لولا نورُهُ
ماقَرتِ الأرواحُ في الأجسادِ
فلَقد رأى مِن قومِهِ كُلَ الأذىٰ
بالسُوءِ جازَوُه ُ معَ الأحقادِ
ونظرتُ عِزرآئيلَ يأخذُ إذنـَهُ
ويقولُ عٰذراً جِئتُ لِلميعادِ
فَلِِصدرِهِ اعَتنقَ الحُسينُ وهٰكذا
حَسنٌ يُقّبِلُهُ ويَبكي الهادِي
وبحِجرِ حَيدرةٍ قَضىٰ لهفي لهُ
وعليهِ أجهشَ سيدُ الأسيادِ
والبَضعةُ الزهرآءُ تنشُجُ عالياً
ودُموعُها امتزجَت بحُزنٍ بادِ
أبتاهُ ياخيرَ العبادِ أرومةً *
أَجّّلْ رَحيلَكَ واستَمِع لِمُرادي
خُذني إلىٰ حيثُ المنيةِ يأأبي
فَحياتيَ اتشَحَت بِكُلِ سَوادِ
قَد كُنتَ لي ظٍلاً ألوذُ بِجنبهِ
ياوالِدي مَهلاً جَرَحتَ فُؤآدي
#سميرالصالحي
#النجف_الأشرف
* أرومة = شريف الأصل والحسب والنسب
⚫️ نعي لشهادة الرسول ص
صرخ جبريل مات النبي المختار
وعليه العرش يبچي بليل ونهار
والله يساعدك يا علي الكرار
على فراگ ابن عمك علة الكون
شبع ضيم ومرار وقهر وهموم
ورحل وسفه واظنه راح مسموم
من گومه واصحابه شكثر مظلوم
يعاني وخلص كل سنينه محزون
عگب موته غدت تندبه الزهره
تصيح الله بويه وتجر حسره
عيني شلون وجهك ما تنظره
لظل بعدك عليله مغيره اللون
يبو ابراهيم ما ينحمل فرگاك
يريت الموت إجه ياخذني وياك
يبويه ادري وبعد مايصح ملگاك
لنوح اعليك بلچن تعمه العيون
#سمير_الصالحي
#النجف_الأشرف
يارسول الله العظيم شها لرزيه
من دنت للروح ساعات المنيه
علــــى الاعقاب انكلبت اصحاب
وذوي القربى للصحابه امسو ضحيه
---------------------------------------------------
الجانو اصحابك لون ماجانو اصحاب
سوو الما سوته اعدائك والاجناب
ابد ما نندهش لو تتعدى الاغراب
لكن الدهشه الصحابه الدفعو الباب
باب بنتك فاطمه الزهره الزجيه
يندفع بيد التسمو راشديه
صارو ذياب. ضد الاحباب
وذوي القربى للصحابه امسو ضحيه
----------------------------------------------------
جذبو السموهم اصحاب الرسول
لان ما راعو محمد بالبتول
الهاجمو بيت النبي ودار النزول
ذوله اهل الشرك من بدء الاصول
هاجمو دار الرساله بهمجيه
لارعو لله ذمه و لا نبيه
انسلت احراب. ضد الاطياب
وذوي القربى للصحابه امسو ضحيه
----------------------------------------------------
بيا وجه يلكون ربهم يوم الحساب
باجر اتصير القيامه ويشهد الباب
توكف الزهره الزجيه اتقدم المصاب
اتكول ربي بياذنب وتقدم اسباب
اتكول ربي بيا ذنب هجمو عليه
نكرو الغيره ولا عدهم حميه
هتكو حجاب. اشرف انساب
وذي القربى للصحابه امسو ضحيه
----------------------------------------------------
افان مات محمد طلعت اسرار
انكلبو الجانو صحابه وصارواشرار
المؤمن الصاحب محمد بالشرف سار
والكشف دار الرساله يمشي بالعار
بالجبين العار دنيه واخريه
لكلمن يعادي النبي واهله وبنيه
وجاب الارهاب. من ورا الباب
وذوي القربى للصحابه امسو ضحيه
----------------------------------------------------
محمد النوري
قصيده بحق الرسول الكريم (ع)
الليله الزهره اتودعه
واعله الوالد تنعه
وتنادي بيا دمعه
يابويه يابويه
١
العاشت روحه بين الناس گعدت يمه بالدمعه
الزهره اتگله احچي وياي خل اشبع حچي وانعه
يسمعها ويحس محتار الزهره ورايده اتسمعه
يحرك بيها صوته احساس أبوها گبل لتودعه
تنظرله وتتأمل
وتشم بي لا ترحل
ابنيتك ما تتحمل
يابويه يابويه
٢
خل نسمع وحي الارواح من تتلاگه حنيه
الزهره والنبي روحين يتلاگن ابفد نيه
لا تحرمني نظراتك يبويه وعاين اعليه
خليني بوداع الموت اشبع منك اشويه
بين وداعك روحي
تنزف گام جروحي
ادري تحس بنوحي
يابويه يابويه
٣
النبي حاچاها آخر صوت ويعاين مدامعها
راد الدمعه يمسحها بخدها وأيده يرفعها
رفعها وذكر چف ملعون الخد الزهره يصفعها
بين الباب والحايط لمن گام يدفعها
ودموعه التجاره
تنظرله ومحتاره
اتگله وتسعر ناره
يابويه يابويه
٤
خاف ايسولف الأخبار ألها ويشرح بعبره
خاف ايجيب طاري النار والباب وألم عصره
خاف المحسن ايمر بيه ويحچي عنه ويذكره
ضل ساكت وينظر گام الخدها ويذكر السطره
ما راد ايأذيها
يدري اشصاير بيها
والزهره يحاچيها
يابويه يابويه
٥
سلم للقدر مابين روحه من الجسد تطلع
و روح الزهره عالمسموم بين الآه والمدمع
آخر كلمه نتلاگه گلها وفاطمه تسمع
وعيون النبي بحسرات ألها ايعاين وتدمع
عاينها بنظراته
ويهلن دمعاته
ودعها بحسراته
يابويه يابويه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ستشهاد النبي
يادفان جد حسين ريض خل يودعونه
الله يعين حيدر منكسر ضهره
برمشت عين منه يروح ابوالزهره
النازل رحمه باجر ينزل ابكَبره
وتتعثر دمعته ابطارف اعيونه
يادفان جد حسين ريض خل يودعونه
،،،،،،،،،،،،،،،،،،،،،،،،
الزهره يهل دمعها وتمشي محنيه
صاحت بويه ترجع حيل مابيه
يادفان فدوه اتريض اشويه
زينب والحسن وحسين يردونه
يادفان جد حسين ريض خل يودعونه
،،،،،،،،،،،،،،،،،،،،،،،،
شلون حسين حاله ودمعته تجرحه
ليل الهجر ماطر عالكَلب صبحه
الغدرو جده وادم باجر اتذبحه
الغدرو جده باجر مايرحمونه
يادفان جد حسين ريض خل يودعونه
،،،،،،،،،،،،،،،،،،،،،،،،
ويلي الحسن يبجي وروحه تتوازه
جنازه ويهل دمعه فوكَ الجنازه
ليش الكَلب غفله اتسافر اعزازه
كَوه يشيل روحه ومنخطف لونه
يادفان جد حسين ريض خل يودعونه
،،،،،،،،،،،،،،،،،،،،،،،،
مات النبي وزينب تلطم الهامه
راح الجان حلوه وياهم ايامه
تشوف حسين حزم للضمه حزامه
عطر الورد يبقه اشما يدفنونه
يادفان جد حسين ريض خل يودعونه
ابوفايز الرافضي
. واويـلاه داره خـلــيـــه
واويـلاه سـيد الـبــريـه
واويـلاه هــاي الـرزيّــه
*---------------*---------------*
اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه
لـلـمـخـتـار نـنـصـب عـزيـه
*---------------*---------------*
خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره
مـانـنـسـاه حـد الـمـنـيـه
*---------------*---------------*
الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه
يـامـعـبـود صـبـر الـزچـيـه
*---------------*---------------*
على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده
بـالـدمـعـات حامـي الـحـمـيه
*---------------*---------------*
عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه
يـالأصـحـاب ويـن الـوصـيـه
*---------------*---------------*
مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه
مـايـدرون عـدنـه قـضـيـه
*---------------*---------------*
✍خادم الرسول الأكرم
الشاعر رعـد الجـريـخـي
قصيده لسان حال فاطمه
للرسول… ص
هـلـيـلـه تـبـجــي بـدمــه الـفـكـد الـولـي فـاطـمـه
كـالــت شــوصــه النبـي بـيـنـه ويـحـامـي الحمه
بـاخــر نـفـس رت اشـــوفــه ونــودعـه كـبـل الـمـنـــيــــه
لاكـن لـفـونـه الـصـحــابـــه وحـرمـونـه مـن الــوصــيـــه
لــورحـت بـس ردت اكـلـه بـعـدك اظـل يـاهـــو الــيــــه
وصـاهــم ومـانـسـانــــــــي لاكـــن شـــردو عــلـــيــــــه
عـتـبـت الـبـاب وحـــرك نـنـظـلـم مـن نفـتـرك
ولـهـمـي تـبـجـي السـمــه بـيـنـه ويـحامي الحمه
@@@@@@@@
يـاعـلـي الجـونـه عـلـه حــيـلــه ومـن عـدنـه رادو مـصـالــح
بـاجـــر غــــدرهـــم يـبـيــــــن وحـــنـه الـنـصـبــح ذبــايــح
بـلـظـلـع يـبـقـالـي اثـــرهـــــــم ومــحــسـن اشـوفـنـه طايــح
ولـسـبـب مــن ذولــه كـــلــــــه تـلـــفـيـنـي كــل الــنــوايـــح
جـدامـك انـــه انـصـطـــر
هـل صـحـبـه صحبت غدر
وظــلــوع الــي مـهــشــمــه بـيـنـه ويـحـامـي الحــمـــه
@@@@@@@@@
وصــانــي انــه وسـمـعــتـــه بــس هـايـه هـدتـلـي حـيـلـي فـاطـمـه وكــلالـي بـــاچـــــر مـظـلـومـه يـوم الـتـجـيـلــــي سـيـفـك يـنـام ويـــغــمـــــــده وتـحـفـظـلـي ديـنـي بـرحيـلـي مـطـبــور اشـوفــك بـديــهـــم وهـنـاك نـشـكـي الخـلـيـلـــــي
وعـلـطـف يــزيــد الالــم لـوسـلـبـوهـه الـحـــرم
وحـجـيـلـك الـمـلــحـمــــه بـيـنـه ويـحـامـي الحمه
@@@@@@@@
سـولـفـلـي عـلـطـف سـوالــــــف لاكـن بـچـه ومـاكــــــــدر
كـلالـي ظــامــي وحــبـيـبــــــــي يـنـذبــــح يـــــم الـــنـهـــر
تـنـسـبـي عـيـالـه وحـريـــمـــــــه وقــصـتـه الـتـحـيـر البـشـر كـشـفـلـي صــدره ارد اشـــــمــــه يـاعـلـي ومن الـــــنــحـــر
عـلـطـف بـچــه وعــلـحــسـن وســولـفـلـي كـــل الـمـحـن وزمــرتـهــم الـظـــالـــمـــــــه بـيـنه ويـحـامــي الحــمــه
@@@@@@@@
ويــن الحــسن خـل اودعــــــــه مـسـمــوم اشــوفــه وبـديـهـم هـلـزمــره لازم تـغـــــــــــــدره ومـن هـسـه بـيـن حجـيــهــم يـهـجـر حـجـوهـه بـسـاطـــــــه مــاچــنـي انــه ونـــبـــيــهـــم ومـنـعـو وصـيـتـي واتــمـــهــــه وتـفـتـرك هـــل أمـه بـيـهـــــم
ذولــه الـبـدو بـــلـــغـــــــدر عـنـد الله شـنــهــو الــعـــذر
وهـنـاك الـي الـمـحـكـمــــــه بـيـنـه ويـحـامـــي الحــمه
**
ابـــو ســلام الـجــابـــري
بين مولاي امير المومنين ورسول الله صلى الله عليه واله
قصتي وياك ....
مو نبي ومفارگه .....
قصتي وياك .....
اخو وهجرك حارگه
هيچ جنه ... وتالي صرنه .... انته وين وانه وين
................
الينكسر ظهره باخو الموت هذا ارحم اله
ياگاع روحي الصوبخت وماحملت كل سنبله
شالفايده وشح المطر وسدوا روازين الهله
كونك تجرب فرگتك وتشوف هاي المعظله
روحي تهواك....
مو قضية عاطفه
روحي تهواك .....
هيه من الله الصفه
هيچ جنه ... وتالي صرنه .... انته وين وانه وين
.................
من يوم ماصرت ودرت واعيوني ليك مسلهمه
يالحظه مارحنه سوه حته بعروجك للسمه
يسوالف الحظ والبخت اعليك امشي فاطمه
بس افتح اعيونك علي لاتشح ياماي الضمه
گلي انساك ......
شلون ترهم ياهلي
گلي انساك.....
الله خيموت علي
هيچ جنه ... وتالي صرنه .... انته وين وانه وين
...................
العلته مفارگ محب توليه شمات الحچي
اغتث اذا اسمع مشه لبكلشي اعليه تنتچي
بالكبرتني بغيبتك چم بير تارس بالبچي
ارد اشتكي افراگك الا ماغيره واحد اشتچي
فراگ طرواك.....
فرگت ام او والد
فراگ طرواك ....
يعين الله الفاگد
هيچ جنه ... وتالي صرنه .... انته وين وانه وين
......................
يوحيد الروح وقسم مالك شريك بهل العمر
يمصلي شوفي بحضرتك وساجد عله عيونك شكر
عايفني هسه بنص سلف ماتعرف اتم والقصر
سمعوني اجروح بحچي لمن غبت وانه انعصر
شحت اضواك .....
موت لليهونك....
شحت اضواك ....
ومفارگيها اعيونك
هيچ جنه ... وتالي صرنه .... انته وين وانه وين
........................
افرك اديه من الهظم يالفرگتك نار وتشب
ماتبرد ابدلالي ابد كلساعه ذكراك وتهب
والشيب راكد علجفن والوادم تجيب وتذب
محد عرف معنه الالم من تعشگ ويمشي المحب
كلشي ينعاك....
ياسوالف دافيه
كلشي ينعاك ....
سير اعلي عافيه
هيچ جنه ... وتالي صرنه .... انته وين وانه وين
..........................
الورقه ماتترك اثر لو ما تسير علحبر
اشگد جوي هذا الگلب ويوسد الحبه بگبر
ياطه امنيتي اندفن وياك مو شغلة صبر
الدنيه بعيوني اصبحت لمن غبت گامه وشبر
الله وياك ....
يا چبير الساده
الله وياك .....
يا محنة والده
هيچ جنه ... وتالي صرنه .... انته وين وانه وين
.........................
الاقل شرفاً
كرار اللامي
#استشهاد الرسول(ص)
سيد الناس اليله للباري رحل
سيد الناس سير اعليه الاجل
ويمه گعـدو خلته ينـعه وكتـه ودنيـته
سيد الناس سيد الناس
*
بس علي يمه يصد وينضر بحالــه اشجره
اليله مصحفنه حزين وحيل كسرو خاطره
حيدر ابرمشت عيونه ادموعه كلهه معثره
هذه حالــه وي نبينه القاصي والداني دره
هايه لحضات الوداع تحضرت للموت گاع
بكل الاحساس الدمع لو حن وهمل
سيد الناس سيد الناس
يــدري لحضات المنيه گــربــت والهم كثر
ليلة اوداع اشكبرهه كل گلب حس بخطر
عايف افراگك سوالف وخله بينه اچم اثر
بغيبتك دنيانه وحشه والگلب بيك انكسر
ليل المفارگ طويل العايف احبابه عليل
بيـن الانفاس التمت اعليه العلل
سيد الناس سيد الناس
اليوم احــبابك يتامه تبچي ياسيد المله
ديــن بارينه ابمصابك بيك مفجوع انوله
يــل صـرت بلدنيه كلهه انـته اكبر مسئله
ناسك اتگطع گلبهه وصفت نـوح امحمله
صاحب الغيره جفه والحزن بــان اولفــه
رفعت الراس بين بجسمه نحل
سيد الناس سيد الناس
فاطمه اتبده صبرهه تگله بــويه امروتك
شلون بغيابك شسوي لــو احن الشبگتك
فاهيه الدنيه احسها وردت اسمع چلمتك
عايف اونين وبواچي بويه توجع فرگتك
يانبي اسنينك گضت شمعت ايامك طفت
بجنه تنقاس وانته للتايه امل
سيد الناس سيد الناس
اليله بغــيابــه المـدينه تون تراهه ميتمه
ناحت اعليه البراري صبت اعيون السمه
بــويـه صاحتله العزيزه اني بتك فاطمه
مدلله چنت ابوجودك وهسه نوح معلمه
يلعفت بينه الحزن خلافك انوح اونون
كل الاجناس بسمك انته تنعدل
سيد الناس سيد الناس
**
ابوحيدر
الصبيحاوي
(استشهاد الرسول الأعظم ص)