7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
للزيارة الاربعينية
ماهمني برد لاحر
متعني يبو الاكبر
ماهمني برد لاحر
★★★★★
درب للموت عشاگه
درب مااحمل افراگه
گلب لواحسب أشواگه
عدد زوارك واكثر
متعني يبو الاكبر
★★★★★
حر وبرد ميهمني
ولاكل ظرف يمنعني
لبوالسجاد متعني
لوقصرت اتعذر
متعني يبو الاكبر
★★★★★
من الزغر حد نعشي
حبك سيدي كل شي
ماهمني الدرب امشي
يطول الدرب لو يگصر
متعني يبو الاكبر
★★★★★
الصادق يدعي بالرحمه
الزوارك يبو اليمه
يلي زيارتك نعمه
عنها شلون نتأخر
متعني يبو الاكبر
★★★★★
نار النايبه بضلعي
هذا بالعشگ وضعي
مثل مايستعر دمعي
نبضات الگلب تسعر
متعني يبو الاكبر
★★★★★
ياغالي على كل غالي
أعز من روحي وعيالي
اول حبك وتالي
على كل عشگ يتصدر
متعني يبو الاكبر
الشاعر حسن لعيبي الحريشاوي
زينب ردت يالـگـمـــر
زينب مكسورت ظهـر
*---------------------*---------------------*
ردت والـدمـع بالـعيـن دم احـمــر
تشيل الشوف يـاعـبـاس ما تكدر
اخـتـك هـاي تـدري مدلـلـه حيـدر
شافت ضيم وبناره الـگـلـب وجـر
كـافـي نـومـك عالنـهـر
*-----------------------*------------------*
شحالك بالگبر مـن وكفت ودارت
فوك الضيم حيره بحالتك حـارت
تـدري مدللة وام الـحـزن صــارت
وي عدوان ايـام شـكـثـر ســارت
ونـهـه بـركـان انـفـجـر
*-------------------*-------------------*
تگلك گوم خويه وشاهد لخــــدري
يضي عنياي نايم وانكسر ضهـري
اجت وشلون جيه اعليك ما تدري
تـجـري العين والمتنين دم تـجـري
بـيـهـه هم عندك خـبـر
*------------------*-----------------*
كـاتـلـهـه الهضم ردت تـجـر ونــه
تريد دگوم وانته الليث المـچـنــه
متن زينب يخوهه اسياط جرحنه
واديهـه بيا ذنب بـدمـوم تـتحنــه
صـعـبـه هاضمهه الـدهـر
*--------------------*------------------*
هـاي الـمـا نظرهه ونظرت الـواحد
عليهه القاسي والداني صفه يشاهد
وسط ديوان وكـفـت والخصم كـاعد
ويسأله اعلـه اخوتـچ ويـن وينــاشد
اخـتـك لوعهه القدر
*-------------------*--------------------*
وسفه ام الخدر لليوم مهضومـــه
وحلت ليك الوطيه وطابت النومه
وانـتـه تهاب چـانـت منك الحومـه
ريت اتصد متنهه التنزف دمومه
عـيـنـك خاناهة النظـر
*-------------------*------------------*
✍ خادم الحسين /ع
الشاعر رعد الجريخي
زيارة الاربعين
واحسنيا وحسينا واحسين
اعتنى جابر وهو مايشوف
بس يدليه الدرب حب الحسين
اخذ قومه وطلع ودموعه تسيل
من سمع بوعلي محزوز الوتين
يسارع الخطوات وهو يمشي ويطيح
يريد ينال الشرف يوم الاربعين
ماادري هو حمل الراية هناك
وعلى نهجه الشيعة كلهم سالكين
ولا زينب من هوت عند القبور
وتصرخ بحرقة حبيبي ياحسين
جا شفت زينب تغطي بالعباة
شي اظنه عندها جدا ثمين
وبدت تحفر قبر اخوها بالاظفار
ولنها تسمع من القبر يطلع ونين
دققت بالنظر في وسط التراب
وعاينت دم ظهر من نحر الحسين
من رداها طلعت راس الشهيد
تقول اركب عالجسد واكتمل زين
حطت الراس وهالت بالتراب
وقامت بتقصد لمقطوع اليدين
وسمعت صوت وينادي بنكسار
خيتي زينب جنكم انتو ناقصين
هذه سكنه وهذه كلثم والرباب
قرة عيوني رقية قولي وين
حنت وصاحت يابعد امي قضت
على راسك في ديار الظالمين
عهد مني مااخليها بغرب
ارد ليها ياحبيبي ياحسين
#خادمة_ال_محمد_كفاية_الشيخ
{3}قصيدة في رجوع السيدة زينب عليها السلام والعائلة من الشام إلى كربلاء
نايم صدگ يم النهر. وعايف خواتك ياگمر
ردينه من درب السبي. يابالفضل عندك خبر
.................
زينب وجيت امن السبي وين الگبر دلّيني
تحت الترب نحرك غفه وانه الدموع بعيني
معقوله ما گلبك يرف ياخويه وتحاچيني
صيحت يبوفاضل صفت مابينك ومابيني
باوعلي يا حامي الظعن. تعرفني زينب ما اظن
ومتوني يتجارن دمه من السياط اتورّمن
..................
آنـه وخـواتـك ياگمر كل المحن شفناها
شفنه الضرب شفنه الشتم شفنه الشماته وياها
لو عن رقية ناشدت تعذرنه ما جبناها
يم راس ابوها امن القهر من ماتت ادفنّاها
سوط ابمتنها ظل اثر. بسيل الدمع خدها انحفر
يابالفضل هذا الجره. بالطفله ياراعي الفخر
..................
ياخويه من يبچي الطفل بسوط العده يسكتونه
ولو صاح اريدن والدي يضربونه ويشتمونه
عمداً يباوعلي الشمر نظرت شماته عيونه
وراسك يبوالغيره الگمر بغضاً الي يضربونه
يسألني لكن مبتسم. وين الگمر راعي العلم
يتشمّت عليّة النذل. وسكت وكابر عالألم
...................
منّ المصايب والحزن بعدك تـغـيّـر لوني
يخواني اذّاني السبي ما ظنكم تعرفوني
محنية من كثر الألم ريتك تشوف امتوني
يابالفضل هيچ الوعد ؟ بين الغرب تنسوني
تقبلها بت خير العمل. مجروحه اديه امن الحبل
اني وخواتي بغيبتك. لا والي عدنه ولا اهل
..................
چم طفله تشكيلك ألم تسمع يراعي الرايه
وسكينه هاي امن الحزن تبچي وتون ويّايه
جاوبنه ياحامي الظعن حاچينه خويه حچايه
يهمل دمعنه عله الگبر ريت تحسّ ابهايه
تسمع يراعي المرجله نوح وبواچي العايله
رجّعنه بيدك للوطن. ردنه الظعن تتكفّله
لحن القصيدة ملا عمار الكناني
يافاطمه يم الحسن
سيد زيد الفحام
هوسات عن مشاية الامام الحسين (علية السلام)
تقول:
مشاية اجينه اليوم نواسي بيها ابو اليمه
وحته الخادم بالموكب من يشد حزمه
حلوة احنه عدنه ونعمه هاي الخدمه
نتعنه احسين احنه انزوره
ـــــــــــــــــــــــــــــــــــــــــــــــــــــــــــــــ
مشاية اجينه ورافعين احنه الراس
وروسنه تنضح حمية من غيرة العباس
مولاي يحسين اجتك هاي الناس
خدامك نقبه طول العمر
ــــــــــــــــــــــــــــــــــــــــــــــــــــــــــــ
مشاية اجولك سيدي باربعينية
اجولك بالتواضع واخلص النية
بضرحيك هااا يمامي يقرولك لطمية
نحيلك هاي المأتم
ـــــــــــــــــــــــــــــــــــــــــــــــــــــــــــــــ
اجوك وبيدهم رافعين هالراية
وحده احجاية عندنه ومنثني الحجاية
مشاية اجينه سيدي كل عام مشاية
وياك على العهد باقين
ــــــــــــــــــــــــــــــــــــــــــــــــــــــــــــــ
خادم مشاية الامام الحسين (عليه السلام)
بقلم الشاعر ✍️محمد المنتظر
الحن. الثاني. نسائي
ردت بالظعن اختك يواليها
بعد رحلة سبي بيد ليعاديها
كلمات الشاعر /قاسم حتروش، البلداوي
بصوت.(مسلم المطيري)
نعي للاربعين عن لسان حال زينب ع
متعنيه الخال الولد عنوه
ارد اعتب عليه عتاب خوه
وانه كاطعه يحسين شلوه
...........
كطعت الدرب بالعين دمعه
وانه جايه لزين طبعه
اشكي هظم كلبي واسمعه
.........
اشكي هظم كلبي واعاتب
واسمعه الغفه حدر الترايب
واكعد واسولفله المصايب
.........
روحي عله الخوان حنت
من بعيد لبن امها تعنت
يتلكاها الولي زينب تمنت
..........
حن الكلب ويريد ليهم
وينه اليوديني عليهم
ارد امشي لخوتي وعتنيهم
.......
اريد اعتني وبالكلب ونه
ومشتاكه عله ذيج محنه
واصيحن تلكونه يهلنه
.........
ارد اخذ همومي واكصده
انده ببوفاضل واكعده
اشكي الهظم والضيم عنده
.........
اكعد وشوف الحال ياحال
اكله عالو عله اختك يعيال
يبخويه كتلني رفج الانذال
.........
انشد عله اختك من رفكها
جم سوط فوك المتن طكها
كلي يبوفاضل هله بيج
ياهوالهاظمج ياهو المجيج
احجيلي يخويه بهم العليج
..........
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
•●🏴 فاطمة آنه الحسن 🏴●•
● لطمية لإستشهاد الإمام الحسن المجتبی عليه السلام
● طور : سمعي يمه فاطمه
.
فاطمه آنا الحسن
ذاب قلبي امن المحن
جيتچ الليله ييمه چبدي مسموم
جيتچ الليله ييمه چبدي مسموم
〰〰〰〰〰〰
ذاب يا زهراء قلبي ، وذابت اوياه مهجتي
لو تشوفيني ييمه ، والله تصعب حالتي
باللبن سمتني جعده ، وقطعتها چبدتي
وادري متألم دليلچ ، هالمسيه لمحنتي
جيت يمه فاطمه
چبدتي متألمه
ووسط دلالي ييمه جمر مضروم
ووسط دلالي ييمه جمر مضروم
〰〰〰〰〰〰
جيت يمه استقبليني ، عندي يازهره كلام
وأدري يازهره يألمچ ، يمه يا بنت الكرام
آنا تدريني ييمه ، قلبي عن الفرح صام
لاچن بيا سبب نعشي ، يمه يرمونه بسهام
چبدي مو بس انمرد
چم سهم صاب الجسد
وجثتي ظلت يزهره تنزف ادموم
وجثتي ظلت يزهره تنزف ادموم
〰〰〰〰〰〰
بين جدي و بين قبرچ ، ردت يايمه اندفن
لبعد موتي ظل ييمه ، جاير اعليه الزمن
يمه منعوني أندفن ، يا زهره يم المؤتمن
مارعوا حرمة نبينا ، حاربونا أهل الفتن
ما كفی أهل الغدر
حاربوني بالقبر
ما كفاهم عمري كله اقضيته مهموم
ما كفاهم عمري كله اقضيته مهموم
〰〰〰〰〰〰
جيتچ بهاي المسيه ، يمه دلالي حزين
اشكثر مشتاق آنه والله ، يمه ذاهلني الحنين
جيتچ الليله ييمه ، أرد أساعد بالونين
أوياچ يا زهراء رايد ، أبچي لمصاب الحسين
لإخوتي انهل الدمع
وادري قلبچ منفجع
عالتريب الضامي دمعچ يجري كل يوم
عالتريب الضامي دمعچ يجري كل يوم
〰〰〰〰〰〰
جيت أشارك يمه دمعچ ، عالقضی دامي النحر
و أدري يايمه اعله اخوتي ، ايظل دليلچ مستعر
أدري يا زهراء ضلعچ ، يالحنينه منكسر
اهل دمعاتي اويه دمعچ ، يمه هالليله بقبر
وادري بجور الزمن
تالي واصحاب الفتن
ادري تالي ايظل ضريحي يمه مهدوم
ادري تالي ايظل ضريحي يمه مهدوم
〰〰〰〰〰〰
تمت بحمدالله تعالى
✒ بقلم / فاطمہ كريم
نسألكم الدعاء لتعجيل الفرج
للامام الحسن المجتبى عليه السلام
حاربتنه. انت واهم يازمن
ما هنتنه احنا خدام الحسن
نبقه ويّاه. ما نسيناه
................
لا خضوع /لا خنوع/ احنا اصحاب المبادئ والرساله
عدنا نور / للأمور / انفرزن ابين الهدايه والضلاله
احنا بعـــالم الاصـلاب. بايعنه النبي وآله
ومن آل النبي معروف منهاج الحسن شاله
كل مجدنه للحسن يبقه الفضل
معتقدنه. يازمن بي يكتمل
من تبعناه. ما نسيناه
...................
كل امام / ما يُلام / ألسّبب بالناس ما تعرف مقامه
يازمان / هذا چان / حال ناس الحسن ما سمعت كلامه
راد يقاتل الظلّام حتى يحرر الأمه
غدرت بالحسن كلها وظلو چم فرد يمه
من غدرهم گلبه چم مره انلچم
اعله منهم عايش جروح وألم
الله علّاه. ما نسيناه
.................
هسه غير / احنا خير / عدنا صح ذنوب بس هيهات نغدر
شما يكون/ ما نخون / للحسن خدام لو عالموت نعبر
اسمع يازمن وفهم خدامه ونظل خدام
قائدنه الحسن يبقه انطيعه ونرفض الظلّام
ما نعوفه. لا وحگ رب السمه
اي نشوفه. بالعلم حامي الحمه
ما تركناه. ما نسيناه
...................
مايموت/يبقه صوت/ضد عروش الباطل وحكم السلاطين
هالعظيم / من قديم / مهّد بفكره وذكائه لثورة حسين
اساس الثوره من ايده الحسن وحسين كمّلهه
لو عايش بدال حسين الحسن لاشك يواصلهه
آل اميه. عالحسن شنّو حرب
للمنيّــه عايش بوحده وغرب
وجهه لله. ما نسيناه
.......................
حاربــوه/ سمّمــوه / بيد جعده الطاغيه چبده تگطع
سمّه حار / يغلي نار / گطع اعضاء الحسن بالدم توزّع
يلوج امن الألم مسموم. حفيد المصطفه وابنه
مثل هالليله ابومحمد غمض للاخره جفنه
مشيّعينه ويلي بدموع الصبر
مفارگينه وهالو تراب الگبر
احنا ننعاه. ما نسيناه
سيد زيد الفحام
رجوع ضعن السبايا من الشام الى كربلاء
((وشالت حيل))
وصلت وكلشي صاير بختك محدب
وصلت وهالحبل ما فكني امـــچلب
المچتوفه رگبته يلچم لــــــــــو دار
الطفل لو طاح بـّرگبنه الحبل ينضب
رجعت وجفني لحضه خويه مانام
رجعت وطفله ضلت خويه بالشام
وشــــــــالت حيل خلت بيه الايام
رجعت محمله اجروح
عســــاها طلعت الروح
رجعت وحسبتي يفزعك بچينه
وشّل دمـعتي الشام
وحبلهم طگ بالعضام
ردت بيدك تفك حبل البدينه
يبن امي... يبن امي... يا خويه
ــــــــــــــــــــــــــــــــــــــــ
بيد الما يخاف الله الدنيه طيحتني
ديره الما حظت بال شوفه شافتني
بحــــلوگ الخلگ زينب صفت قصه
مچتوفه عله نوگ ابســــوگ طرتني
وين زينبكم يخويه وطبّت الاسواگ
نفس ديوانهم لــــــوعه الگلب ضاگ
الما شامر احــجاره بـــــچلمته طاگ
حچيهم چنه محچال
يّطگ ولا عــــله البال
وين سوگ المزدحم بي وگفونه
ختزينه بوگفت السوگ
علـــــــه العلويه متلوگ
مثل سلعه نضــــــــرهم بوگونه
يبن امي... يبن امي... يا خويه
ــــــــــــــــــــــــــــــــــــــــ
بكل ديره النطبها يـــــــــكّرر المشهد
بشام الآه باب الســــــوع ألي يشهد
نفس الوگفه عادوها خذونه ابسوگ
عيون البي احَــد ومضه سهم ينهد
نعرگ مستحه وساتر وجهنه اچفوف
سبي والضيم والممشـه شبعنه خوف
وهـاي الناس گامت عالسبايه اطوف
عطاشه ونمشي حفاي
وعلينه مـــــــنعو الماي
تنز أعله السياط التبچي عالي
لازم نبـــــچي بهدااي
علينه مشــــــوو الراي
هاذ حال الي تضل من غير والي
يبن امي... يبن امي... يا خويه
ــــــــــــــــــــــــــــــــــــــــ
اكبر لوعه ماهي اكبر من الشوگ
لا لــوعة سبينه ولا دخول السوگ
لهفه البيـه اكبر من سلف عطشان
ع ابن امي لشمر روحي امن لنوگ
وشّل حيل زينب عل مداليل
والفاگد هله يـــراد اله حيل
عيوني نهار تحرس ضلت وليل
شيهّود الشافت الخيل
بخوها ادوس كل حيل
صورة شوغته ضلت ع البال
الحملته يخجّل الجبال
اختـــكم صارت اخيال
عملت كربله چن رفگت احبال
يبن امي.. يبن امي... ياخويه
ــــــــــــــــــــــــــــــــــــــــ
تمت بفضلهم ص
ياسر الزيادي
يلغايب نشكي الصار
—————————-
يلغايب متَه وعدك يحل يومه
تظل روح المحب كل لحظة مهمومه
ينور الله املنه الطلعه محتومه
و تتكحل بيك الانظار
——————————————-
نندب سيدي و للجيه ندعيلك
عن ضيم الزمن نكباته نشكيلك
يكبر بينه جرحك باقي يحجيلك
متسرك هل الاخبار
—————————————
ياشوك الكلب محد عرف سره
غايب عنه ماشافه وبقه ينطره
قيس بعشكه ينقاس إبحر قطره
اعظم حُب الاسرار
————————————-
يوعد الله الوعد يومك فلا ننساه
يبس عود الزمن واتغير بمسراه
فلا طاب العمر بالغيبه لا والله
واعلينه الدهر جار
—————————————
ياطعم العمر المابي ذكر اسمك
كل يوم ويكبر بي جمر حلمك
تسر عين الخلك ويشع بسمه نجمك
تتلهف ليك الاحرار
—————————————
علي موفق القزاز
لسان حال مولاتنا زينب في الحسن عليهم السلام نعي ...
خويه الحسن يابوعلي اشبيه
مطروح ارى وامّدده اديه
متغيره الوانه الولي اعليه
لونه خطف لوني الحسن ليه
يحسين اخويه لاتخليه
بالماي اخويه خلني ارويه
ضامي وضما ممكن مأذّيه
هاليوم طوله صايم افديه
اشمن يالحسن گلّي تعانيه
يومي گبل يومك ألاگيه
يبن امي جبدك خويه ترميه
ويلي عليك ابهالرزى البيه
مسموم اخويه ويلي اعليه
سمها العدا بعده توليه
بفطارك اصيامك تخليه
يابعد ابويه انت التسليه
خويه شملنا انت التباريه
لاتترك النا البيت وتجفيه
خويه عمدنا انت اليواسيه
خويه شملنا انت التباريه
✍️
علي الأحسائي
صفر ١٤٤٦هـ
جائــــــزه مـــــــــن أم الحسن مضمونه
لكل فـــــــــــــــــرد مد سفرته وماعونه
***
خبر هـــــــــــــــــــــذا انقله الكل الخَدَم
للسهر والجــــــــــــــاي يخْــــــدم للقِدَم
بأربعين حسين مــــــــــــــن أهل الشيَم
منين مـــــــــــــــا حل وإجه ايضيفونه
**
بعينها شــــــــــــــــــافت القَدَّم خدمته
وعـــــــــــــــن يقين أجزم تعنّت زارته
وياها سلطان الزمـــــــــــــــــان بهيبته
بكل مواكبنه تــــــــــــــــره يحضرونه
****
بعينهم شـــــــــــــافوا المواكب والكَرَم
البيها كــــــــــــــل أشكال وأنواع النِعَم
للوفــــــــــــــــــد والجاي يتلگه الحرَم
بلهفه يتلگـــــــــــــــــــــون للواسونه
*
سفـــــــــــره مدوها على طول الدرب
بيها چاي مهيّل ومــــــــــــاي الشرب
حتى يسهــــــــل للگصد كلشي صعب
ولينام بموكـــــــــــــــــــــــب يغطونه
****
بكل درب ممدوده سفــــــــره بكل زقاق
هذا جود وكرم كـــــــــــــل اهل العراق
لخدمة الزايـــــــــــر صبح عدهم سباق
بيا مدينه يفــــــــــــــــــــــوت يتلگونه
**
بيدها الزهـــــــــــــــره تجازي للحضر
بأربعيــــــــــــــن حسينها محني الظهر
أيقـــــــــــــــدّم الخدمه ابنهار وبالسحر
والسهر مـــــــــــــا غمض چفن عيونه
**
مو ضعف أضعاف مــــن عدها الجزاء
لكــــــــــل مواكبنه اللي خدمة وبسخاء
شمحله هـــــــــذا الأجر من خير النساء
بدنيته وأخرتـــــــــــــــــه تصبح عونه
****
مـــــــــــــــا تعوف الخَدَم هذا مستحيل
مسجّـــــــــــــل ومذخور كل هذا القليل
وبالحشر هيــــــــــــه المحامي والكفيل
لكل فـــــــــــــــــرد بالخدمه غيّر لونه
*
كل فرد مـــــــــــــــن المواكب تشكره
والتعـــــــــــــــــب والجهد هيه أتقدره
بدنيته يفــــــــــــــــوز ويفوز بمحشره
وكل اهــــــــــــــل بيت النبي يراعونه
****
بالحسن وأم الحسن وأهــــــــل الكساء
نسأل الباري يعجّــــــــــــــــــل باللقاء
بالوصي المذخــــــور خاتم الأوصياء
شيعته بهــــــــــــــــــــذا الأمر مفتونه
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲🤲
غير مبري الذمه كل من يقرأها بطور الغناء
يا خويه ردينه چا وين الهله ؟
*
ها يحسين اخيتك ظلت بحيره
بعدك سلبونه وهاي الچبيره
ما أگدر أگلك ها يبو الغيره
من ديره حرمكم تدخل الديره
والشام أذانه حملي وكمله
يا خويه ردينه چا وين الهله
***
وين اهل الحميه واهل الملاگه
ركض گلبي وسبگني وانه علناگه
زينب آنه اختكم والله مشتاگه
ميته من النهر من طول فراگه
عباس چا وينه اخيته امدلله
يا خويه ردينه چا وين الهله
*
مدري شلون عدله وهسه احاچيكم
مر ضيم العلي محد گعد بيكم
چثه اعله الرمل مو سهله اخليكم
واروح وي الذبحكم والتفت ليكم
چا ما گعدتولي مشيت امعلعله
يا خويه ردينه چا وين الهله
****
شميت التراب وهلصحت آنه
ليش حسين ما مدالي ذرعانه
شو ماكو الهلا ومسدوده بيبانه
اجيت من اليسر للخوه عطشانه
يمعدل الميله يراعي الأوله
يا خويه ردينه چا وين الهله
**
أروح اعله النهر واشبع لطم يمه
واگل للماي ماخذ مني يا زلمه ؟
اعطش يا نهر بس عندي الك ذمه
تروح الچف كفيلي هناك تشتمه
وتگله مشتاگه وچفك بسمله
يا خويه ردينه چا وين الهله
***
اريد ارتاح لحظه الشام أذاني
اگعدولي وحگ امي تعبت آني
اريد امشي اعله طولي الشيب غطاني
بلكي الطف حلم ما ماتو اخواني
لا شنهي حلمانه ميته بكربله
يا خويه ردينه چا وين الهله
كلمات الخادم / رعد الفريجي
*#شهادة_كريم_آل_البيت◼️*
*#المُجتبى_المَظلوم🖤*
واسوا البتولَ بسِبطِها الزّكِيِّ
بكَريمِ آلِ المُصطَفى النّبِيِّ
اليومَ كُلُّ الكونِ في حِدادٍ
روّى السّما مِن دَمعِهِ الشّجِيِّ
بالسُّمِّ يَقضي المُجتَبى شهيدًا
فعَزاؤُنا لِلمُرتَضى الوَصِيِّ
ولِخاتَمِ الرُّسُلِ الكِرامِ طُرًّا
ولِفاطِمٍ تبكي لِذا التّقِيِّ
يَنعاهُ جِبريلٌ بِجَمرِ شَجوٍ
يَتلو العَزاءَ بِدَمعِهِ الجَرِيِّ
لكأَنَّ رُكنَ الدّينِ هُدَّ حُزنًا
أَوّاهُ لِلمَظلومِ ذا النّقِيِّ
مَن لِلعقيلةِ بَعدَهُ كفيلٌ!
أَوصى لِعبّاسَ الأخِ الوَفِيِّ
بِحِماكَ زينبُ يا حبيبَ قلبي
فلتَسقِها مِن مائِكَ الرّوِيِّ
لٰكِن على رَمضاءِ كربلاءٍ
فسَتَرتَوي مِن كفِّكَ الدّمِيِّ!
وحُسَينٌ يَحضُنُ رأسَكَ المُشَظّى
تلقى المُنى مِن ثَغرِهِ الظّمِيِّ
*#أعظم_اللّٰه_أجورَكم🏴*
*زينب الموسوي*
*#بنت_الزهراء*
الحسن ...جن روحه حضرت
الحسن ... الدمعه اخته نظرت
بجت .. يمّه العقيله ... وتشكي ليه الجره
بحزن .. بضعة ابوهه
بحزن ... تحجي الاخوهه
بهظم ... زينب نحيله ... شابهت يامره
سمع .. نبرة بجيهه
سمع ... آه بحجيهه
سمع ...وبجّت وليهه
جرح السبي والخيم
نظر ... حاله العقيله
نظر... المدمع تسيله
نظر ... من تشتكيله
جرح السبي والخيم
ريتك يالحسن يمّي ...من هجمت عليّه الكَوم
اسحب طفلتي من النار ...وتسحب بيّه ام كلثوم
بعظم المصاب ... تاه الفكر
وجسم العزيز .. ماينعبر
شماصد اشوف .. ثلمة صدر
آ واويلاه
ــــــــــــــــــــ
الزمن ...دار بأهلنه
الزمن ... شتت شملنه
الزمن ...غادر نعرفه ... راواني شكَد ألم
خيم ... شبّت علينه
خيم ...واحنه انولينه
خيم ... حالي شأوصفه ...فرّت كل الحرم
طفل ... مجويّه رجله
طفل ... مصابه شيحمله
طفل ...صابتّه نبله
مات وضامي الجبد
هون .... فوكَ الوطيه
هون ... سكنه ورقيه
هون ...والبيّه بيّه
مات وضامي الجبد
عن يامحنه احجيلك ...وياهي الما اعددهه
عن لا تنظرب بالسوط ...سكنه بضهري البدهه
ما مش ولي .. ومامش علم
جا وين اضم ... هاي الحرم
اكَبالي العده .. تشب بالخيم
اواويلاه
ـــــــــــــــــــــ
ندب .... ردي عليّه
ندب .. يختي الوفيه
ندب ... اوليدي جاسم ... نفّذلي اوصيّتي
رخص ... نحره لعمّه
رخص ... للغالي دمّه
رخص ... لجل الفواطم ....البي عزمي وهيبتي
كفو ...من عنده نادت
كفوا ..الحره كَالت
كفوا ...وفعاله طالت
ماكَصّر لا ابد
العرس ... يعني الشهاده
العرس ..كَلب امّه ناده
العرس ..حصّل مراده
ماكَصّر لا ابد
من طاح اعتناله حسين ....شاله ورد للمخيّم
من دم منحر القاسم ...حسين اثيابه صارت دم
رمله اعتنت ... يم الولد
تمسح دماه ... من الجسد
يبني وفيت ... هذا الوعد
او واويلاه
ــــــــــــــ
نحر ...دم شفته يجري
نحر ... ضيّعلي عمري
نحر ... عالغبره مرمي ...لبن الزهره النحر
صدر ... حافر يسحكّه
صدر ... مكَدر اشبكَه
صدر ...يتلوّه يمي ... وخنصر شفته انبتر
سبي ...رحت بضعوني
سبي ... غيّرلي لوني
سبي ...وادم ولوني
وجتفوا ايدي بحبل
هزل ... خلّوني اركب
هزل ... هاي آنه زينب
هزل ... كل يومي اتعب
وجتفوا ايدي بحبل
الشام اشسوّه بينه ...تلكَونه الشماته
صاحوا وين الحسين ... شو ذنّي خواته
نضل ننشمر ... احنه بحجر
وشفنه الاشد ... وأعظم خطر
لا مارحم ... بينه الدهر
ــــــــــــــــــ
الشاعر محمد حسن ضيغم
السيده زينب //ع اتخاطب ام البنين// ع
ألله ايعين گلبچ يم البنين
اخاف اعليچ من اشرح تموتين
*-----------------------*----------------------------*
اجـيـتـچ بالـدمـع يا يـمـه والـلـوعـه
عفت حسين دامي مرضرضه اضلوعه
وابو الكلفات يمه اچفـوفـه مگطوعه
اسـهـام اعداه كلهـه بصدره مجموعه
بـچـفـوفـه الـمـاي أتـعـلـك
*-------------------*-------------------*
من جمرت عذابي بدمعتي اشكيلچ
وعـن الظيم كـلـه بـكـربلـه احچيلچ
هد حيلي المصام وهـم يـهـد حيلچ
ضـاع اربـاچ هـسـه وتـعـبـچ ابليلچ
بـالـحـومـه اولادچ راحـو
*--------------------*--------------------*
عفت اجساد اخوتي اموسده الغبره
ونـحـر حسين طبروه اثنعش طبره
نـوحي ويـاي ولـدچ كـلـهـه متوذره
أيسي اليـوم مـاكـو ضـنـه يالـحـره
رووهه الـگـاع ابـدمـهـم
*--------------------*-------------------*
راحو كـل هـلـي وضـلـيـت مچتوفه
ومـروني العـده عمدا عـلـه الـكـوفـه
عگب الحيد اخوي وطيحت اچفوفه
اجيت انصب عَـزه وللموت ما عوفه
وي نـوحي اتـشـارك نـوحـچ
*-------------------*--------------------*
صـرت مـدنّـگـه راسي الگبل عالي
وآ نـه الـچـان محـد ينضر اخيالي
أخـذ مني الـزمـان الـزيـن والغالي
يـم عبـاس حـالـچ يـشـبـه الحالي
خـلـينـه انـوح اعليـهـم
*-----------------------*------------------*
وسـفـه انـشـاف خـدري وهذا تاليه
ومشدوده بـحـبـل ضالـم يجـر بيه
بـيـن الجيش امشي بلوعـه مسبيه
ابلا ولـيـان أجـيتـچ تصعب الجيه
عـافـوني بـحـالـي وراحـو
*------------------*--------------------*
✍ خادم الحسين //ع//
الشاعر رعد الجريخي
ملاحظه المقاصير رباط هوسه
مسلم المطيري
نايم صدك يم النهر
عايف خواتك ياكمر
كلمات الشاعر/ سيد زيد الفحام
السيدة زينب ع بعده الرجوع من السبي
من الهظم شكايه….. وين اخوتي الوفايه:
گعدو لختكم…….. بالهم لفتكم:
…………………..
ابدي ابمصايب كربلـه لـو روحت الشام:
لواحچي عن شد الحبل وحرگ الاخيام:
ليهسه اشــم ريحت جمر بجدام الايتام:
وبكل طفـل باقــي اثـر حافر بـالجسام:
حته الزغار حتارت.....صوب الجثث اندارت:
حــارت ولـدكم…… بالـهـم لفـتكم:
………1…………
راح ابــدي مـن رد المهـر فـارغ علينه:
وبـت الحسين مـن اندبت خياله وينه:
كتلــها يـاعـمه بـعـد مـــاظـن يــجينه:
گالتلـي خافـــنـه الحـبل ينـشـد بـدينه:
سكنه بچت مهظومه… فزعت علينه الحومه:
وتحشم الكم…...بالهم لفتكم:
…………2………..
انه رگظت صوب النهر انهض واطيحن:
اگـعـد يـاكفـال الظـعن الحگني اصيحن:
نـايـم لـكيـته كافـلـي شلـون اسـتريحن:
المـن بعـد احچـي الظلـم وبسري ابيحن:
حسيته رايح حالي… ..من شاهديت الـوالي:
ويحدي عدوكم……. بــالهم لفتكم:
…………3………..
بيا حال اردن للخيم وشحچي لحرمنه:
يــاحيـرتي بـين النهـر وروحـت خيمنه:
ومــن تسئل رقيـه بعـد اشـلونه عــمنه:
شنهـي جـوابـي ويـاعـذر اقـنعـهه مـنه:
بين الگـمر وعيـاله…... الخطوه احس چتالـه:
حيـره بعدكم…… بـالهـم لفتـكم:
…………4………
گتال اخـوتي بيـاوكـت يحـدي بظـعنه:
وللكـوفه گوطر بالهزل واكـثر هـظمنه:
مــن وصــف وهـز ساعـده لـديار اهـنه:
اتمنيـنه كون ابـكربــله ويـاكــم كـتلنه:
ولاشفنه احنه الديار…… بكلوبنه وجت نار:
مرو نزلكم……… ..بالهم لفتكم:
…………5……….
مجيد گيطان الصالحي
لسان حال الاخوه خارج العراق
+++++++++
اربعينك قادم//بشوگي الله العالم
يا ابا عبد الله
++++++++
روحي الك مشتاگه يا اغلى حبيب
يالبعيد ولـكـن ابگلبي قريـب
چم سنه ولزيارتك ماصح نصيب
تدري بس لجروحي شباچك طبيب
بدمعي طارق بابك/يا ملاذ احبابك
يا ابا عبد الله
++++++++
وين ادوور ماكو منك يا حسين
سيدي ولزيارتك جرني الحنين
وين اشوفك سيدي دليني وين
العين اذا متشوف گبتك ماهي عين
بجاه دمعة عيني//الحضرتك وديني
يا ابا عبد الله
++++++++++
يا سلام الله على وجه السلام
بگلبي حرگة شوگ چن نار الخيام
سيدي بذيچ المواكب يمته انام
اترحب الخدام وبأجمل كلام
ال ياهله بالزاير//بيها عشگك صاير
يا ابا عبد الله
++++++++++
ياكريم وعندي بس مطلب وحيد
گلبي مايروه بزياره امن البعيد
احضن الشباچ بضلوعي اريد
وابقه انادي ياحبيبي وبيها اعيد
بكل مسيه اشتاگك/ماعذاب فراگك
يا ابا عبد الله
+++++++++
دورت بدموعي غيرك مالگيت
انته كلشي بروحي ياروحي صفيت
عندي بعد امنيه وتحققها ريت
هيج كون بكربله يصبحلي بيت
عندي بس هالغايه/اخدم المشايه
يا ابا عبد الله
++++++++
نرفع الچف ابدمع من هالمكان
الشكوى الك نرفعها يا راعي الزمان
يا امان الدنيه وانت ابلا امان
حن علينه الليل يال كلك حنان
بالنيابه ادخيلك//زور عني اشكيلك
يا ابا عبد الله
ثائر الربيعي
ردت بالظعــن أختــــــــــك يواليها
بعد رحلة سبــــــــــي بيد ليعاديها
****
يبو اليمه إجتّــــــــك زينب بحسره
تهل دموعها فـــــوك الوجن جمره
لــــــو تنظر وضعها الكلبك تفطره
يبو الأكبر دكوم وشــــوف ما بيها
*
جفنها مـــــــا غفه لمّن مشت عنّك
ودمعها مــا نشف لا هيّه لا ظعنك
حضرت هـل مسه رادت تودعنّك
وترجع للوطن مـــن دون أهاليها
بأيتامك إجت وتعنـــــــت الكبرك
بمرار الشافته يــا بو علي تخبرك
وتشرح للجره عليها بعـــد عمرك
وضيم الشافته مـــن كــل أعاديها
*
زينب لـــو شفتها مــــا تسر حالك
متغيّــــر وضعها هــــــيّه وعيالك
بعد كل ذاك عـــزها جانت بجالك
بحبــــــال السبي مجروحه أيديها
*
كعــــدت عالكبر وتصيح يعيوني
مـا ظن غيرتك ترضه يضربوني
متشمته العــــــــواذل بيّه سبّوني
ومشوني الأرض كلها وبواديها
**
شيب راسها من صعدت عله التل
وبليلة وداعك مــــــن على الهزّل
فكدت كل أملها وغاب عدها الحل
ونشدت مـن علي السجاد واليها
***
إلاهـــــــي بزينب الليله ومصيبتها
عجّـــــــــل بالفرج للمهدي حجتها
خل يباري عمته ويكضي حاجتها
بأخذ الثار مــــــــن الجارَوْ عليها
الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء
جرح الزمن مالوم وماجرحه يتضمد
وفگد الاخو چتال ياخويه بومحمد
@@@
ياشبه جدنه الراح ياباقي من عطره
وياخويه ياعيوني ويامهجة الزهره
اتشاركنه واحنه صغار عالحلوه والمره
وبعدك عليه الجور بالامي يتوحد
@@@
خويه الكبير اللي صدرك إلي افرشته
مو سهله دامي تلوج والدم صبغ بشته
ولا سهله چبدك صار يتماوج ابطشته
وصعبه رفيج اصبابي دلاله يتفرهد
@@@
اذكر نبي الرحمان ويضمنه بجناحه
ولمن مشى امن البيت ماشفنه اي راحه
ابضلع انكسر وامتون متزاحمه اجراحه
وصرنه يتامه اصغار بعد النبي احمد
@@@
شفنه ابهجوم الدار ونيرانه مضرومه
وامنه وگعت عالباب ملطومه مهشومه
ومحسن طريح ادماه وتتفايض ادمومه
وجرّت ابونه الگوم للمسجد امگيد
@@@
شلنه الحزن نصين ياخويه ياشبر
ساع الصرخ جبريل طاح الولي حيدر
وهسه عفت خيّك وحده بحزن يسعر
تلفض چبد بدماك يعضيدي يالامجد
@@@
وجهك تغير لون يلي عصبت الهام
وتفحص اشوفك حيف ياخويه بالاجدام
سم اللعينه بيك ازيد من الصمصام
حره يگطع بيك وخله الحشا امقدد
@@@
تگلي ياخويه حسين لمن تشيعوني
باچر عن المختار گبره يمنعوني
ونعشي بنبل مروان واسهامه يرموني
والماتقر بالبيت عليه بحقد تنهد
@@@
علي أحمد الحمود
١٣-٨-٢٠٢٤
شهادة المجتبى ع
شهادة الإمام الحسن عليه السلام
نظمت في ١٤٤٤/٢/١هـ
صاحت أم عباس والضلع محني
آه لمصابك يالحسن يابني
يَمَّه طاحت بالحنين
وعظّمت أجر الحسين
****
اتعنّت الدار الإمامه ابهمها أمّ الأربعه
تسحب أذيال المصيبه وسمعت الناعي نعه
وشافت أبواب النوايب في دربها امشرّعه
جيّت الأم الولدها جات إله ابهالفاجعه
وقفت اعلى الباب إلهم تنادي
هذا أعز عندي ترى امن أولادي
شالجرى ببن الأمين ؟
وعظّمت أجر الحسين
****
دخلت أم لبنين داره اتشوف شنهي حالته
شافته امسجّى بفراشه وفت قلبها شوفته
وعاينت كل أهل بيته بالمناحه حاطته
ونّت ابونّه شديده حين سمعت ونّته
بالله خلّوني اتفقّد اوليدي
حاله خلاّني أصفق ابإيدي
روحي تفداه والبنين
وعظّمت أجر الحسين
****
يم ابو محمد بالمها قعدت أم عباس
مرّه يغشى اعليه او مرّه يفيق ابوالنوماس
منخطف لونك تقله آه ياراعي الباس
قلها يايمّه سقوني سمهم الأرجاس
ها يادهر الشوم لاتدق بابي
لاتصوّبني باوّل أحبابي
خل إلي هالسلوتين
وعظّمت أجر الحسين
****
ساعه وامن أمّ البنين ارتفعت الأنّه
الذي سمّك إمامي بالحقد سمنه
امصابك الظهر الإمامه يالسبط أحنه
اويا العرش صرخته لجلك إعتلت منّه
ويلي يامولاي لقلبك المنضام
وبالجسم شايل واشكثر آلام
سمّ او طعن الظالمين
وعظّمت أجر الحسين
****
بقى ابخدها الدمع يجري فاطمه عنده
صرخت ياشدّه المثلها ماتمر شدّه
بالطشت حين اللّي شافت قطع من چبده
منظره يشده البالي وللحشى ايمرده
ضاقت أنفاسك يابوالحنيّه
وعالسما عيني ظلّت اربيّه
أشكوا فعل الحاقدين
وعظّمت أجر الحسين
****
ياوسف قرّب رحيله اوحانت الفرقه
وغمض اعيونه اوتودعه بروح مختنقه
بحضن أم لبنين زينب تنحب ابشهقه
اتقلها راح الحسن خويه يمّه ابحرقه
ولزم ظهر احسين بوالفضل بيده
اوظل ينوح اوياه لفقدة اعضيده
مات عزّ المؤمنين
وعظّمت أجر الحسين
****
الظلم لاحق ياويلي حتى تشييع الإمام
ماكفى تلويعه بالسم منعوا الدفنه اللئام
يم قبر جدّه اوتعالت صرخه ضد الإهتضام
ليش أبو محمد تصوّب نعشه ياقوم ابسهام ؟
وشافت أم لبنين أمّه الزهره
وراحت اوياها تجذب الحسره
واعلى قبره نادبين
وعظّمت أجر الحسين
****
تمت بحمد الله ومنّه
في 1444/2/5هـ
نظم خادم السيدة الزهراء عليها السلام
ياسين جواد العبد الرضا
#جديد_صفر _١٤٤٤هـ
#قصائد_الاربعينية
35_قصيدة(جبته راساك بديه جبته راساك)
جـبـتـه راســاك بـــديــــه جـبـتـه راســاك
وراس الـحـسـيــن الـشـهـيـد
جـبـتـه انـا اخـتـك مـن يـزيـد
جـبـتـه راســاك بـــديــــه جـبـتـه راســاك
❀......❀......❀......❀......❀1
جبت راسك من يزيد وگتله تعرف كـافـلـي
لوله چف عباس تحلم تسبي زينب بت علي
ترك جسمه وماتركني عالرمح ضل يبرا الـي
والله لــوحــي ماأجـيـك
ثـق يـحـط راسـك بـديـك
جـبـتـه راســاك بـــديــــه جـبـتـه راســاك
❀......❀......❀......❀......❀2
گتله راس حسين جيبه بسرعه لااغظب تره
ورده صـطـرك موبـديـه براس سبع الگنطره
انـطـا لبـوالبـاقر وجينه وكل عذر ماظل تره
يـل جــبـــــتــهــــه الكـربلـه
گــوم ردهـــه الــعــايــلـــه
جـبـتـه راســاك بـــديــــه جـبـتـه راســاك
❀......❀......❀......❀......❀3
زرنـه ابـو السجاد كلنه وكلنه جينه انـزورك
خلصت دور الـكـفـالـه وجيـت اسلمك دورك
وياك اجيت امن المدينه شلون ارد مندونك
وامــك اتـانــيـــــك اكـيــــــد
شـوفـتـك عدهه احـلـه عـيـد
جـبـتـه راســاك بـــديــــه جـبـتـه راســاك
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء35✍
❀......❀......❀......❀......❀
🕊🎶🖤🎶🕊
فزاعي للاربعين... رجوع الضعن ودخوله ارض الكرب والبلاء...
يحسين گوم وشوف بيه شصاير
مصايب الـــــــ بيه توازي الحافر
الله يشهد ردت اموتن من اجيت
عادت ابـــــــگلبي صورها العاشر
واحد گطع صبعك واحد راسك
واحد اجه بخيول عشره وداسك
أركض والخيل اترد بيه... أركض والخيل
ـــــــــــــــــــــــــــــــــــــــــــــــ
ما تدري ياهي الأجت تنحب يمك
أنگطعت انــــفاسي وأجيت اشتمك
خـــويه يالعــــــريان جبت اهدومك
وجبــــــت راسك يلى فز من نومتك
وين الله تگعد خـــــويه واگعد يمك
يلّ تارسه الـــــــگاع الخيول ابدمك
جسمك عالبر مطشرينه... جسمك عالبر
ـــــــــــــــــــــــــــــــــــــــــــــــــ
يحسين خويه هواي هـــــــدن حيلي
سبــــي وناگه وســـــــوگ منهن ويلي
يهون كلشي وگــــــــلت لجل اعيـونك
مثل ما حاچـــــــــيك أنتــــه احچيلي
شمرت روحي من الهزل من جيتك
فـــــزلي بعد اختك ترى شتاگيتلك
أگعد يحسين تلگانـــي... أگعد يحسين
ــــــــــــــــــــــــــــــــــــــــــــــ
نهاري أمشي وليلي كلـــــه نايحه
وعل هزل بسمك نصبــت الفاتحه
شما بچيت وصاح مـا ريدن ونين
سـوطه يتلوى عل ضهر الصـايحه
لو تشوف اسكينه صـوبك ركضت
حافــــر ايِذبها اعلهَ حــــافر ضلت
طاحت يحسين الحگ بيها... طاحت يحسين
ـــــــــــــــــــــــــــــــــــــ
تمت بفضلهم وعطائهم ص
المقصر
✍️ياسر الزيادي
لاستشهاد الامام الحسن بن علي المجتبى عليه السلام (وزن النايل )
بين الحرب والصلح شايل عذاب وجرح
تحمل عذاب والم. لأجل الشرف والقيم
شايل عذاب وجرح
★★★★★
من طه شايل طبع للناس رايد نفع
والخير ماينگطع يلردت لمّت ربع
ولبليس شر يندفع جيب البعد يقتنع
بين العزم والصبر واهات مثل الجمر
ذاب الگلب ونهظم. لأجل الشرف والقيم
شايل عذاب وجرح
★★★★★
ابن الشمس والبدر. اگباله الصبر ينكسر
ماهاب شده و عسر ولاراد منهم اجر
ماخله عدهم عذر يدري الطبايع غدر
صالح وعنده هدف الوادم تعيش بشرف
وهذا المهم والأهم. لأجل الشرف والقيم
شايل عذاب وجرح
★★★★★
ماجامل اليعترض والي اجاه ابرفض
ايريد يحيي الفرض وللناس دم ينحفظ
ميريد فوك الارض حقد وضلاله وبغض
واجه ألف مشكله. وهلامر يتحمله
هلحال لمن رهم. لأجل الشرف والقيم
شايل عذاب وجرح
★★★★★
يانور من الازل سيفك غضب لونزل
بالنهروان اشعمل ماخله الهم بطل
بصفين سيفك دخل اعليهم هلاك واجل
يلصالحت عن فكر متريد دم ينهدر
منبعك جود وكرم. لأجل الشرف والقيم
شايل عذاب وجرح
★★★★★
هلحال والله عجب طعنوك طعنة غضب التمت عليك العرب رحلك حسافه انسلب
المن توجه العتب. للماله أصل وحسب
دين الله لاينفجع. ونسل النبي ينگطع
اتحملت جور الذمم. لأجل الشرف والقيم
شايل عذاب وجرح
الشاعر حسن لعيبي الحريشاوي
#قصائد_في_خدمة_الخطباء
#شهادة_الإمام_الحسن_المجتبى(عليه السلام)
#صفر_١٤٤٦
صورة شعرية: لسان حال العقيلة زينب عليها السلام لأمها الزهراء عليها السلام...
گومي عينيني ييمه .. عْلى الحسن وِمْصيبِتَه
صعبه هالليله عليّه .. يالحنينه فرگِتَه
گومي شوفي شلون إبنچ .. وجهه منّ السّم ذِبَل
وشوفي كسرةْ ظهري يَمّه .. ودمع لحسين الهِمَل
گلّي يا زينب تعالي .. ودّعيني بالعجل
يعني راح الحسن منّي .. وعنّي غابت رأفِته
گومي شوفي شلون حاله .. وشوفي طشت الكله دم
شوفي حاله اللي تغير .. والترسلي گلبي هم
گومي يا يمه وانظري .. شسوه بالغالي الألم
ممدد گبالي يعاني .. بس عليّه نظرِتَه
ضمنيِ لْصدره ودموعه .. سالت وطال الونين
گلي من بعدي يزينب .. چم ألم تتحمّلين
صبري ياختي عْلى المصايب .. يوم للطف تطلعين
صبري لو بارض المصيبه .. حسين حزَّوْا رُگبِتَه
#عظم_الله_أجوركم ◾️
فاطمة علي رزق
اسألكم الدعاء
يا حبيبي حسين..عالعهد نبقه ألك وفايـه
يا حبيبي حسين..يله يالزاير نشيل الرايا
......................................
بيرغ الخدمة أعتله..يا هلا وكل الهلا..خطوة خطوة أمسجله..خادم أبن الزهرة
اليمشي واليخدم سوه..ألضوه أيماشي الضوه..عندي أعز أمن الهوه..خادم أبن الزهرة
رفت الرايـــا ونبض شوكه الكلب
وزحفت المشايا من شرق وغرب
أتحزم وشد عزمك وأطوي الدرب
حان ميعاد المشي هـــــــا يالمحب
من كل مدينه..مشايا أجيــــــنه..للحبيب الغالي
العز والكرامة..ودرب السلامة..للحبيب الغالي
يا حبيبي حسين..بدت تدوي روجة المشايا
يا حبيبي حسين..يله يالزاير نشيــــل الرايا
..............................................
حان ميعاد الفرض..أطوي بيبان الأرض..شيعته طول وعرض..تعتني للحضرة
ثورة العز والمجد..أبتدت وألها أستعد..بــــــسمل وأقــــره الحمد..تعتني للحضرة
ذوب وأتسودن أبعشكه وابتلي
كبلك آنه أتسودنت آنه وهلـــي
حسين حبه حب ألآهي أوأزلي
فاطمة أتجازيك ويحضرك علي
أنوي الزيارة..تلكي البشارة..أعتنيله وزوره
فاتحلك أيده..أخذ التــــــريده..أعتنيله وزوره
يا حبيبي حسين..خدمته عزوه أوكرامه وثايه
يا حبيبي حسين..يله يالزاير نشيــــــــل الرايا
.........................................................
حسين قاموس الكرم..دربه عالفطرة أنرسم..خير وشمحلى الخدم..تخدم وعالفطرة
أهنانه موكب ينصب..أهناك موقف ينكتب..شيبه توكف عالدرب..تخدم وعالفطرة
الشايب بعوجيته يتلكه اليجـــي
والهلا وحياك والصوت الشجي
أتفضل أهنانه يزاير يرتجــــــي
هذا زاد حسين ويسولف بجـــي
ومفتوحه داره..ورافع شعاره..يا هلا وحياهم
اتفضل يزاير..ملـــح الشعائر..يا هلا وحياهم
يا حبيبي حسين..الزوار أجت من كل كتر عنايه
يا حبيبي حسين..يله يالزاير نشيــــــــــــل الرايا
........................................................
المين ما جان أعتنه..أهلاً وسهلاً موطنه..ها هي دياراً آمنه..بيها شيخ الديره
تلكه لحسين وهيبتًه..العباس رافع رايتًه..فاتح مضيفه وحضرته..بيها شيخ الديره
فارت ادلاله وترس جوده وحضر
ومد سفرته أمن البحر ألــى النحر
خطوة خطوة ويــــاك عباس الكمر
يكرم الــــــزوار من ضهر الضهر
وأمعزبه الأكبر..وجاسم تصور..واكف الخطاره
وعبدالله جابه..يوزع ثوابـــــــــه..واكف الخطاره
يا حبيبي حسين..عطشان وأيوزع ثوابه ومايه
يا حبيبي حسين..يله يالزاير نشيـــــــــل الرايا
.........................................................
المشي تطهير النفس..ينطـــي للعالم درس..النايم بحر الشمس..بابه باب الرحمه
من تجي بعزه وفخر..وفكره وأحكام وعِبر..حسين والله يا بشر..بابه باب الرحمه
كونك أمن أتزوره صادق ملتزم
بالمشي كونك وقـــــور ومحتشم
زينب أمن الشام أجت عندك علم
جابت الروس وأجـــت كلها عزم
حسين الوسيله..من تعتنيلــه..بالحشر يبرالك
مشيك تجاره..ما بيه خساره..بالحشر يبرالك
يا حبيبي حسين..تبدي ألــــى مالا نهايه
يا حبيبي حسين..يله يالزاير نشيل الرايا
.........................................................
خادم خدمة الحسين
الشاعر
محمد الموالي
اليوم اجيتك زايره
متعوبه خويه وحايره
أگعد يكافل خويه اگعد يكافل
**
زينب لفت محتاره
وحيل الدمع يتجاره
ياهو اليرد خطاره ؟ ،، گوم اعله حيلك
چا غير تتلگوني !!
تعرفوني متعرفوني ؟
اي خويه هايه عيوني گوم اعله حيلك
جيت وي دموع المشايه
وابچي من تصد عيني الرايه
مشتاگه العباس هوايه
وينك يبعد عيوني
حاچيني تدري شلوني
أگعد يكافل خويه اگعد يكافل
***
ردينه وشردينه
فوگ الگبر ونينه
يا بو الفضل حاچينه يمك گعدنه
وين الهلا شضماهه ؟
من ريت اموت وياهه
خوتنه يا محلاهه يمك گعدنه
يتراب الغطيت اخواني
گللهم ليهسه أتاني
متعوبه ومتغيره الواني
حد موتي ما انساهم
واتمنى هسه وياهم
اگعد يكافل خويه أگعد يكافل
****
كل عام ويه ايتامك
انحب وأون گدامك
بعيوني چنهه اسهامك يابو الحميه
أمشيلك بدمعاتي
وأتعثر بخطواتي
اسمع يخويه الآتي يابو الحميه
ماتت بت حسين الهيبه
بالشام الشفناه امصيبه
فوگ الشيبه تموت الطيبه
بس العبايه ويايه
وچم دمعه ومصلايه
اگعد يكافل خويه اگعد يكافل
*
بالحضره اصيحن وينك
غير اهلك امتانينك
من فدوه اروح العينك عينك عليه
نرلني من الناگه
وداعت علي مشتاگه
ما صدگت نتلاگه عينك عليه
مد چفوفك رحب بينه
ما مشتاگ اتشوف سكينه ؟
يم شباچك هل ونينه
بيني الكلام وبينك
بيوم السبي مضيعينك
اگعد يكافل خويه أگعد يكافل
****
مجلسنه يم چفوفك
جيناك حتى انشوفك
مو مال خويه انعوفك وانته الجبتنه
لو تنهض اتودينه
لو يمك اتخلينه
يلطولك امتانينه وانته الجبتنه
ما نگدر نترك ديوانك
ولا نگدر نحملهه احزانك
هذا الماي البلطف خانك
والتله ذيچ ونوحي
وهنانه طلعت روحي
أگعد يكافل خويه أگعد يكافل
كلمات الخادم / رعد الفريجي
(مية هله بالزوار) لزيارة الاربعين
مية هله بالزوار
مية هله بالزوار
★★★★★
أهلا وسهلاً بيكم.
يَخوانَّه أنحييكم
وبعيونه انخليكم.
انتم اهل موخطار
مية هله بالزوار
★★★★★
حيكم يخوتي حيكم.
شتردون حاضر يمكم
بنص العيون انحطكم.
انتم لبو اليمه انصار
مية هله بالزوار
★★★★★
مية هله بهلْجَيَّه .
حاجاتكم مگضيه
خدمات مجانيه.
خدامكم ليل انهار
مية هله بالزوار
★★★★★
هاي المواكب الكم.
والنه الشرف نخدمكم
ابروحتكم وجيتكم.
ونگول بالخدمه وصار
مية هله بالزوار
★★★★★
الزاير نزيد أكرامه.
طول الدرب خدامه
نمسح اتراب اجدامه.
الماشي بطريق الاحرار
مية هله بالزوار
★★★★★
مية هله بملگاكم.
روح وگلب وياكم
ايشرفنه نتلگاكم.
اي وحك رب الكرار
مية هله بالزوار
★★★★★
الكربله يلماشيين.
ادعونه يم حسين
لزواره احنه امعزبين.
وگلوبنه الهم دار
مية هله بالزوار
الشاعر حسن لعيبي الحريشاوي