7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
الوداع الوداع. ياحبيبي ياحسين
الوداع الوداع. ياحبيبي ياحسين
==========
ليلة العاشر مصيبة ياعظم هاليله
الوداع الوداع ياحبيبي ياحسين
ودع عياله الحسين وكلشي دم يبجيله
الوداع الوداع ياحبيبي ياحسين
شابگ الحره بدموعه اتبللت هالشيله
الوداع الوداع ياحبيبي ياحسين
يحجي عن باجر واهيه اعل الخيم تحجيله
الوداع الوداع ياحبيبي ياحسين
=========
شبكت سكينه ابوها والدمع بعيونه
الوداع الوداع ياحبيبي ياحسين
هاي اخر ليله يدري باجر ايذبحونه
الوداع الوداع ياحبيبي ياحسين
لصدره ضماها بحنانه باجر يكسرونه
الوداع الوداع ياحبيبي ياحسين
رحمة الله حسين باجر بالطف ايطشرونه
الوداع الوداع ياحبيبي ياحسين
==========
يرتل ايات الوداع بمصحفه واحزانه
الوداع الوداع ياحبيبي ياحسين
بخده دمع عيونه سايل والدمع نيشانه
الوداع الوداع ياحبيبي ياحسين
زينب يواسيها گلبه لشوفته لهفانه
الوداع الوداع ياحبيبي ياحسين
بخيمة الحرة كصدها يرتل بقرآنه
الوداع الوداع. ياحبيبي ياحسين
==========
ايخيم الموت اعل صبحه يامصاب العاشر
الوداع الوداع ياحبيبي ياحسين
بصدر ابو اليمه تشوفه ينطبع جم حافر
الوداع الوداع ياحبيبي ياحسين
يامدامع حسرة تجمع والدموع لباجر
الوداع الوداع ياحبيبي ياحسين
يعين گلب الحره الله ليا فجيعه يناطر
الوداع الوداع ياحبيبي ياحسين
الشاعر علي النائلي
يزينب حضري دمعج… راح الحسين
عليه ويزيد همج…. راح الحسين
يزينب مايردلج… راح الحسين
وحيد الظال عدج… راح الحسين
بعد ياهو اليسندج…راح الحسين
غريبه ومن يردج….راح الحسين
بعد محد يسمعج… راح الحسين
يزينب هاي حيره… راح الحسين
كضت كل العشيره… راح الحسين
بعد ياهو استشيره… راح الحسين
گبل جنتي اميره. .. راح الحسين
ختلف هليوم وظعج… راح الحسين
اجت هل خيل لينه.. راح الحسين
نفزعه ومايجينه… راح الحسين
ولا نسمع ونينه… راح الحسبن
بحافر ساحكينه…. راح الحسين
وبس شمات يمج… راح الحسين
وخيمتنه حركوهه…. راح الحسين
اطفال وسلوبهه… .راح الحسين
وكلهه تريد ابوهه…. راح الحسين
العده بنار ارهبوهه…. راح الحسين
ويصيحون بسمج… راح الحسين
يزينب خيل يمه… راح الحسين
وشوفه يسيل دمه.. راح الحسين
وسلبو حتئ هدمه.. راح الحسين
بعد ماظن نشمه…. راح الحسين
الرباب احتار يمج… راح الحسين
ابو سلام الجابري
ابوذيات لمصاب سيد الشهداء
غيـــر آيــــات ربنـــه ما تله حسين
شوصف حالي بالطف ما تله حسين
يجـي الشــامت يگـلي مات الحسين
مثــل نبلــة دليله أتصـــير بيــه
۩ • • • • • ۩ • • • • • ۩
الشاعر
موسى البديري
مولاي عبدالله الرضيع روحي فداه
ندري السهم صنعوه للاكبار..يمه الولد يمه
بس مادرينه يذبح ازغار..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
الوليلك واريدن عينك اتغمض
احط ايدي اعله كلبك ليش ماينبض
ردت الماي يحظر والطلابه اتفض
الماي اتأخر وجاك السهم يركض
ياطير شايه مالك ابلاد..يمه الولد يمه
ترفه ركبتك والسهم حاد..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
عبدالله الورد بالماي يسكونه
عبدالله الكبر موحش يوصفونه
عبدالله الطفل ممكن يفطمونه
بس من ريحة أمه مايحرمونه
بالطف اضل وياك ياربت..يمه الولد يمه
ما اريد في ولاسكف بيت..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
اتلمس اشفافك يابسه أمن الحر
المايشرب الماي اشفافه تتفطر
شله بالفرات العنده مي كوثر
يعطشونك لانك وصله من حيدر
اعليك الوكت ماداير الحول..يمه الولد يمه
وماتت عله الساني الدللول..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
من جابوك الي ياشمعة الساده
تتلولح ركبتك مثل الاكلاده
الابو يحمل فكد واحد أمن اولاده
والام بكلبهه عاطفه ازياده
امك عماهه بسهمه عاشور..يمه الولد يمه
وكسر الامرايه كلبي مكسور..يمه الولد يمه
عبدالله يبني
ــــــــــــــــــــــــــــــــــــــ
اريد ابجي واطيح البيت عمدانه
واصرخ لاكن أمن احسين خجلانه
موآنه تره التنلام موآنه
فكدت اوليد بالطف چنه ريحانه
اعيونك يبعد اعيوني ترفات..يمه الولد يمه
اشلونك ابكبر والوحدك إتبات..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
بعدةالمعركه من والدك ذبحوه
اجولك ياحبيبي والكبر نبشوه
سوو فاجعه وكلبي يون خلوه
راسك يالرضيع أمن الجسد فصلوه
ماتركد أعله الرمح شافوك..يمه الولد يمه
ابركبة الناگه بحبل شدوك..يمه الولد يمه
عبدالله يبني عبدالله يبني
محمد الجماسي
#اللهم_عجل_لوليك_الفرج
موشح للوداع (( اتگول زينب ))
اتگول زينب ... كون ميته اشوالي
هدم افادي وداع الوالي
اتگول زينب كون ميته من زمان
اشلون اضل بدون والي ولامچان
والعده يخوفون مابيهم امان
باچر يلوعون گلبي وحالي
اتگول زينب ... كون ميته اشوالي
باچر العدوان گلبي اتلوعه
اشلون اودي حسين بيدي المصرعه
سكنه مهضومه ورقيه اتوادعه
واليسر والضيم يتراوالي
اتگول زينب ... كون ميته اشوالي
اليسر والضيم اجني والعذاب
كون ميته ولاشفت سيد الشباب
ايودع اعياله ويفكر بالمصاب
وانشده ياناس عگلي وبالي
اتگول زينب ... كون ميته اشوالي
ينشده عگلي ودمع عيني يصب
لو شفت حاله صعب فوگ الصعب
گام من خيمه لعد خيمه يطب
وصاح عينچ عالحرم واطفالي
اتگول زينب ... كون ميته اشوالي
عالخيم يفتر وطب الخيمتي
عندچ يگلي امانه عيلتي
باچر العدوان تگطع رگبتي
هالوصيه الصوبت دلالي
اتگول زينب ... كون ميته اشوالي
هيست حيلي تضعضع وانهدم
راح ابو السجاد ينخه اهل الشيم
كلهم امنومين ماواحد سلم
ايس المظلوم منهم تالي
اتگول زينب ... كون ميته اشوالي
ايس امن اهل الشيم والمرجله
بالحرب كلهه ضحايه امچتله
وللوداع حسين لم العايله
خاب رجواي وگضيت امالي
اتگول زينب ... كون ميته اشوالي
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
#جديد_في_خدمة_قراء_العزاء
#محرم_١٤٤٦ هـ
#أعظم_الله_أجوركم
#نعي
#شعبي
#يوم_العاشر
١/
مَا يُوفِي دَمْعِي مْصَابَكْ.. أَبْدِي بْنَدْبَك مَدرِي مْنِينْ..
شْلونَ أندِبْ كلِّ جْروحَكْ.. وِانتَ مْصَابَكْ يِدمِي العِينْ..
مَا يِكفِي الدَّهرِ بْكِلّهْ.. مَا يِكْفِينِي بَس شَهريٍنْ..
مَا يِكفِي الدَّمعِ وْرَبِّي.. بَسْ خَالِقلِي عْيونِ اثْنِينْ..
___
٢/
انتَ بْعَرشِ الرَّحْمـٰن.. الآيَه الْبِيهَا الكُونِ ارتَاحْ..
يِشهَدلَكْ وَحيِ وْكِلمَهْ.. عَنِ يْمِينَه وْكِلّها جْراحْ..
يِشهَدلَكْ عَرشِ العِزّه.. يا مَظلومِ انْتَ المِصبَاحْ..
وْمِن تُوگعْ يِنهَزْ كِلَّه.. وْيِنعَى لْجَدَّك سِبطَك راحْ..
___
٣/
تِبچيكِ الدِنْيا دْمومِ.. وْتِلطِم عَالضِّلعِ الزَّهرَاءْ..
وْتِجرَحْ دَمعَات الكُونِ.. لْخَاطِر دَمعاتِ الحَوراءْ..
وِالعرشَ اَمْلاكَهْ تْنُوحْ.. وْمَدهُوشَه تْعدِّ الأَرزَاءْ..
وِالكُونِ بْإذنِ الزَّهْرَا.. فَالزَّهْرَا لَو شاءَتْ شاءْ..
🖋️ #ريان_الديراني
▪️ #أعظم_الله_أجوركم
ابوذيات الليله العاشره
الليله للوداع التم .... شملهم
ابعباته احسين كل اهله .. شملهم
واحد واحد اعياله ..... شملهم
وشبگ ابنه الطفل . ويحب رقيه
زينب يا گلبها الصبر ... گل بي
تگله احسين مو گطّعت .. گلبي
يگلها جسمي خويه الظهر .. گلبيه
واذا سالم كتر عتبي عليه ..
تگلها حچيك الروحي ... يلمها
باچر زينبك منهو ....... يلمها
روحي لو گضت محد .. يلمها
اذا باچر شمر حارس عليه ...
واتگول
العمر گضيته بس ابهم .. بعد هم
اخوتي اشلون ياروحي .. بعدهم
الشمر والموت لو عني ...بعدهم
اروح الوين . من ينغر عليه ...
ابو فاطمة الطائي
🏴باجر تعوفوني🏴
نعي طور يمه انا زينب
هذا الوداع اليوم وباجر تعفوني
حرمه ومابين اجناب عجبه تخلوني
ياخويه ياخويه ياخويه ياخويه
--------------
هاي المسيه اوياي وباجربلا والي
هاي المسيه اوداع او مايظل غالي
اجمع حرم واطفال او منشده بالي
اعبر جثث ولياي ابحيره تشوفوني
ياخويه ياخويه ياخويه ياخويه
------------------
بيدي المهر اعطيك ياجرعته كلبي
اتدوسك اشوف الخيل واواصله دربي
ضامي تروح الروح واعيوني الك تربي
اشرب لذيذ الماي بعدك يشربوني
ياخويه ياخويه ياخويه ياخويه
_____
ياليلة التوديع ريتن خلص عمري
احلفك اخذني اوياك تدري خلص صبري
اشلون العزيزه اتهون قلي فلا ادري
صبحك علي لا بان ولا طالن اسنيني
ياخويه ياخويه ياخويه ياخويه
----------------
تمت بحمد الله تعالی*
*بقلم : بنت الشمري*
*_الكويت _*
.
.
عبد الله الرضيع
{ ٣ } دگات
أخذي الطفل مذوح من بين أديــــــه
ولا يلجم بهـداي يــم الحميــــــــــــه
ــــــــــــــ
تكله يخويه حسين موخلصت الـروح
من البجي والآه والوَنـَّه والنــــــــو ح
هـاجـت بكلبي النار من جبته مذبو ح
أمنين أجاني اليوم سهم المنيـــــــــــه
ــــــــــــــــ
كلها ودموع العين تجري عل خــده
وطفله خمد لانفاس نام أعل زنــــــده
بالمهد من أينام هزيله مَهــــــــــــــده
ولوليله يَم لاحزان بونــه خفيـــــــــــه
ــــــــــــــــ
تكله يخويه شلون لو شافته أمــــــــه
مذبوح أبنهه أحا ومغركه دمــــــــــه
كلي أطلع شلون من نحره سهـمــــــه
وأكطع نزيفه شلـــون يبن الزجيـــــه
ــــــــــــــــ
يكلهه يبعد الروح يختي يحــــــــــره
خل يبقه سهم البين نايم أبنحـــــــــره
فاطمه أمي هناك هي التجــــــــــــره
وتشكي أمر بلــوا الــرب البريـــــــه
ـــــــــــــــــــ
ولن الربـاب أتشوف أبن الصميـــده
رد للخيم ويشيل عبد الله بيــــــــــده
وكماطه أحمر صـــار من دم وريـده
عرفت ببنهه اليــوم وافتــه المنيـــــــه
ـــــــــــــــــــ
صاحت يبعد الروح يمه أحجي ويا ي
يالمنذبح عطشــان وبحســرة المــــاي
حاجيني شنهي الصار يبنـي ويرجواي
رديت الي مـذبوح وعطشــــان اليــــه
ــــــــــــــــــ
أكعد يــروح الــروح درن ثـدايـــــاي
وكت الرضاعــه حـان يبني ويضنواي
وهاك أعصــر العينين لـومـايصح ماي
بلجن تـرد الـروح وتــرد عليــــــــــــه
كريم الحاج فليح
آخر اللقاء بين المولى أبي عبد الله عليه السلام والحوراء زينب عليها السلام ليلة عاشوراء
وزينبٌ معْ أخيها السـبـطِ تسـألُــهُ
والعينُ سـاجِمةُ الدمـعـاتِ كالمُـزُنِ
"أُخيَّ قـبـلَ رحـيــلِ الأمِّ فـاطِـمــةٍ
نادَتْ بِفـادِحِ يـومِ الطـفِّ تُخـبِـرُني
قالتْ حُسـينُكِ يا بنتاهُ يـتـرُكُــكُـــمْ
بينَ العُتاةِ فمنْ لي حينَ تتـرُكُـنـي؟"
فقال:"آهٍ غداً نمضـي بِأجمعِــنـا
وأنتِ تَبقَـيْـنَ دونَ الغـوْثِ والــرُكُنِ
غـداً يوسَّــدُ خـدّي تـربَ هـاجـرةٍ
فيها الرِمالُ وحرُّ الشمسِ يَصهـرُنـي
غـداُ سيرمي فؤادي سـهـمُ حرمَلَةٍ
والشِمرُ يعلو على صدري لِيذبحـنـي
فيرفع الرأسَ فوقَ الرمحِ منتصِــباً
والأصبحيُّ إلى كـوفــانَ يحملُني"
بينا تُسـائـلُـهُ والسـبـطُ يُخـبـرُهــا
إذ جـاء كـافِـلُـهــا، بـل كافلُ الظَّعَنِ
قـالـتْ:"أُخـيَّ غـداً مـن ذا يُـكـفِّـنُـهُ؟"
فقالَ:"يـبـقـى طريحـاً دونـمـا كَـفــنِ"
قـالـتْ:"أُخـيَّ غـداً من ذا يُـشـيِّـعُـهُ؟"
فقالَ:"خيلُ العِدى تَجري على البدَنِ"
قالـتْ:"أُخيَّ غـداً مـن ذا سـيَـدفـنُـهُ؟"
فقالَ :"يـبـقـى عـفـيـراً غـيرَ مُنـدفِـنِ"
قالَتْ:"أخَيَّ أجِبني يا ضِيا بَصـري
إن جنَّ ليلُ غدٍ منْ ذا سـيحـرُسُـنـي؟"
فطأطأَ الرأسَ يبكيها وجاوَبـهــا:
"ليتَ اللَّـيـالـي بعـدَ الـيـومِ لـمْ تَـكُـنِ
فحارِسُ الظعـنِ بعد العِـزِّ طاغيةٌ
إنْ صِحتِ باسميَ يا أختاه يَشتمُني"
اللهم عجِّل لوليك الفرج
أرجو من خدمة المنبر المقدس أن لا ينسوني من الدعاء
الشاعر علي عسيلي العاملي
#ليلة_العاشر
#اللهم_عجل_لوليك_الفرج
آخر ليله آخر ليله ويه حسين
آخر ليله آخر ليله ويه حسين
،،،،،،،،،،،،،،،،،،،،،،،،،،،،،،،،،،،
ليلة دمع يا كربله مختنگه بيچ الانفاس
بس باچر ويمشي الضوه وما يبقه اخوي العباس
باجر حسين الوحده وعلخيمه مامش حراس
ياهو اليعينه بغربته ما ظل رحم موتى الناس
هاي الليله مو نفس الليالي
ما اريد الصبح ياخذ دلالي
حچالي حسين عن باچر حچالي
ادري بكربله متخلي غالي
يا ربي ما يطلع فجر
وبعيني ما اشوف الشمر
حيدر بويه ،، حيدر بويه ،، ما باقين
آخر ليله ،، آخر ليله ،، ويه حسين
،،،،،،،،،،،،،،،،
يا حالة الما تنوصف يمي اخوتي وگلبي بنار
وجه الحسين يشع ضوه وباچر يصير الما صار
وجه الغفى بحظن النبي ويمسح عليه المختار
باچر يذبحونه العده بهالحاله ليوين اندار
اصد للمشرعه واندب كفيلي
يعباس الهظم هدالي حيلي
ينايم علنهر چا ما تجيلي
ما ينفع عتب وافرش شليلي
طول بعد ظل للابد
اتمنه تبقى بلايه حد
وابقه وياهم ،، وابقه وياهم ،، نور العين
آخر ليله ،، آخر ليله ،، ويه حسين
،،،،،،،،،،،،،،،،،،،،،،،،،،،،،،،،،،،،،،
ها يا رقيه ويه الابو هالليله حظنه مغطيچ
باچر يعلوية الرمل والنار راح تچويچ
باچر السوط من الخيم للنحر راح يوديچ
وتلگين ابوچ بلا نفس ومنظر ضلوعه يأذيچ
باچر خيلهم وسفه اعله صدره
والاف الرماح تريد نحره
حدره الدم صبح نهران حدره
يا أم الحسن وينچ يزهره
ابنچ ييمه لوحده
علغبره ما بين العده
راح الوالي ،،، راح الوالي ،،، يم حسين
آخر ليله ،،، آخر ليله ،،، ويه حسين
،،،،،،،،،،،،،،،،،،،،،،،،،،،،،،،،،،،،
عبد الله منك ما شبع هستوه گال ال بابا
الخايف عليه من الهوى باچر تشوف مصابه
يعطش لحد ما ينتهي أويسگونه بالنشابه
اليغفه اعله صدرك للاسف باچر يحظنه ترابه
ترجعه اعله الخيم وتشوفه أمه
ما ميت تصيح ابني وتشمه
يلرايح طفل بس راد زلمه
ها يبني ويريت عيوني تعمه
شفتك يذبلهه الضمى
يلغارگ ابحر الدمى
يبني الغالي ،،، يبني الغالي ،، رايح وين
آخر ليله ،، آخر ليله ،، ويه حسين
،،،،،،،،،،،،،،،،،،،،،،
يم رمله جاسم هلگعد وعيونهه تنظر ليهه
گللهه يا يمه الصبر والزفه لتأخريهه
عندي العرس چلمة شرف واجب علي احچيهه
دمي اعله تربه كربله هوه الذي يحنيهه
راسچ يرتفع لو ردني عمي
مستشهد بديه وفاض دمي
بنص ذاك القتال وچان همي
اسمع بس ردت هلهوله أمي
وفيت انه ابن الحسن
وزنودي ذني اتگطعن
گلبي وياكم ،،، گلبي وياكم ،،، يلماشين
آخر ليله ،،، آخر ليله ،، ويه حسين
،،،،،،،،،،،،،،،،،،،،،،
خانگني يا بويه الدمع كلما اشوف اخواني
صاح الحسين بعيلته واحد يودع الثاني
زينب اذا شفتي الشمر من الگفه ذبحاني
تبقه اليتامى بذمتچ راح امشي منهم اني
زينب للمصايب شدي حيلچ
لا يمچ اظل لا صح كفيلچ
ياهو اليسمع الونه ويجيلچ
يا نارچ ولا يبرد دليلچ
من كربله لشام الدمع
صوت اليتامه الينسمع
هاي الليله ،،، هاي الليله ،،، بس عدلين
آخر ليله ،،،، آخر ليله ،،،، ويه حسين
كلمات الخادم
رعد الفريجي
ليلة العاشر للوداع
يا ليل العاشر تدرينه
هالليله انودع والينه
...........
طول آا يا ليل العاشر
خلينه اويه حسين انساهر
جيّش جيشه اعلينه الكافر
باجر ناويهه يسبينه
هالليله انودع والينه
...........
ريض ويانه وبهيده
باجر تمشي ازلام البيده
تصبح باجر كلهه ابعيده
عن الوليان اميسرينه
هالليله انودع والينه
...........
ما نشبع شوف ولو راحو
نتعذب لو كلهم طاحو
اويانه الاملاك الهم ناحو
اوداع النحبهم ياذينه
هالليله انودع والينه
...........
شوفة وجه الكافل هيبه
بلسم جرحي وهوه الطيبه
باجر رايح جا شيجيبه
جا بعده منهو اليحمينه
هالليله انودع والينه
...........
قاسم والاكبر واخواني
بيهم انسه كل احزاني
خل اشبع من عدهم تاني
ياليل الفركَه اتبجينه
هالليله انودع والينه
ياسر العارضي
نزلة
بسهم المثلث يعبدالله الرضيع
صوبو كَلب الرباب
صوبو كَلب الرباب
.....................................
ابد مو بس نحرك الصابه السهم
من اديهم واصل اطراف الخيم
صوبو كَلب امك وحيله انهدم
والجبد نصين يالغالي انجسم
مثل ما نحرك صبح ضامي وكَطيع
صوبو كَلب الرباب
.....................................
اي يعبدالله الحقد نفس الحقد
نحرك انصاب ومرد لُمك جبد
سهم واحد والهدف لا مِن نِعِد
ينتهي عمر امك وعمر الورد
ابسهمك ايريدون عمر امك صريع
صوبو كَلب الرباب
.....................................
غصنك ازغير وحمل ثكَل النبل
وبخضارك طاحت اسهام النذل
رفرفت واوراقك ايهزهه القتل
ياطفل وامصابك ايشيب الطفل
مارعوك ولارعو عمر الربيع
صوبو كَلب الرباب
.....................................
ضامي وشفافك وضوء الانبياء
مو وكت نبله وتسيل اطهر دماء
كون ماي ويكشف حسين الرداء
هذا حقك سيدي لا مو عطاء
من رجعت ودمك الطاهر نجيع
صوبو كَلب الرباب
.....................................
ماهوه الدم بس قبل روحك عرج
للسمه خاطر يتممهه الحجج
تارك ابكَلب اليودونك وهج
وجمر فكَدك بالعطش راح اندمج
ياشهيد بهالامر ربنه سميع
صوبو كَلب الرباب
ياسر العارضي
وداعيه
ليلة وداع العايله
١
ليله حزن ليلة دمع
ينكسر باچر جم ضلع
ليلة وداع العايله
٢
باجر اذا صار الصبح
چم راس ينشال برمح
ليلة وداع العايله
٣
دمعتها زينب بالجفن
ليلة خطر ليله حزن
ليلة وداع العايله
٤
زينب تعاين عالمهد
ينذبح باچر ياولد
ليلة وداع العايله
٥
ليلة بواچي وي الحرم
ليلة سهر ليلة آلم
ليلة وداع العايله
٦
ليلة مصيبه وفاجعه
وحسين باچر مصرعه
ليلة وداع العايله
٧
باچر اطفالك بالضمه
يحسين بالبر هايمه
ليلة وداع العايله
٨
اخر وداع بكربله
چان بمدامع هامله
ليلة وداع العايله
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
☘قصيده للرضيع ع☘
اه يمصيبة رضيعي
شلون ذبحه ذبحته
بسهم المثلث رموه
وبلعجل حز رگبته
بيده شالاه الحسين
ماسمع بس الانين
شرب من دم الوتين
والله تفجع حالته.....
اه يمصيبة رضيعي
شلون ذبحه ذبحته
بسهم المثلث رموه
وبلعجل حز رگبته
وليدي من دمه شرب
حالته تذوب الگلب
ابچی وانعى يلمحب
والله تصعب فرگته...
اه يمصيبة رضيعي
شلون ذبحه ذبحته
بسهم المثلث رموه
وبلعجل حز رگبته
الله ايساعد رباب
شافته فوك التراب
من فجعته الگلب ذاب
والدمع دم صبته.....
اه يمصيبة رضيعي
شلون ذبحه ذبحته
بسهم المثلث رموه
وبلعجل حز رگبته
بعده زغير وترف
من الذبح هليرتجف
والله ياجرحه كلف
انشلت ايد الضربته....
اه يمصيبة رضيعي
شلون ذبحه ذبحته
بسهم المثلث رموه
وبلعجل حز رگبته
شنهو ذنبه هلرضيع
هسه مذبوح وصريع
والده کلبه فجيع
جابه لمّه وحضنته...
اه يمصيبة رضيعي
شلون ذبحه ذبحته
بسهم المثلث رموه
وبلعجل حز رگبته
اه ياذبح الطفل
منهه يحتار العقل
فرگته ماتنحمل
تهدهدت من شافته...
اه يمصيبة رضيعي
شلون ذبحه ذبحته
بسهم المثلث رموه
وبلعجل حز رگبته
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
شعيرة الـتطبير
شوط ڪربلائي
يادم هامتي المسفوح واسي المنـــگطع نحره
التحنت شيبته بالــدم وحوافر داسن ابصدره
ــــــــــــــــــــــــــــــــــــــــ
دمنا اشما يهل عاشور يتجاره لمصاب احسين
إله ابڪل گطره بدمانه دين وما نوافي الدين
التصوب بالحجر راسه ونزل دم جبهته اعله العين
عمت عيني اعله ابواليمه
وجهه اتخضب ابــــدمه
لَچَن بــــ اُم الخدر همه
حتى ابگطعت اوريده سارح بالحرم فڪره
ــــــــــــــــــــــــــــــــــــــــ
زنجيل ولطم والنوح شعائر ترفع الـــــــــهامه
ويَمَحلى الهامه لو لــــــــــحسين من تتطبر الهامه
الغريب المنذبح عطشان وعلى اخته احترگت اخيامه
خيامه ابساعة احترگن
زينب والحرم فرن
يروحن وين ما يدرن
ويشوفن خالي من احسين راجع للخيم مهره
ــــــــــــــــــــــــــــــــــــــــ
أنه ابدم هامتي اليجري اطالب للحُسين الثار
واگله الغالي يرخصلك مثل ما گالت الأنصار
أحرار ونظل ماشين ابدربك يا ابو الأحرار
يلــــــ دمك حيّا الأسلام
نظل للموت الك خدام
وحگ دم اڪبر وجسام
تظل ابڪل گلب مولاي بينه لمحنتك جمره
ــــــــــــــــــــــــــــــــــــــــ
يلــــــــــــ تِشكل علَيّ وتگول حرام النفس تاذيها
التِطَبِر انظر الها وشوف ابسلامه وكلشي ما بيها
المشاعر تختلف والناس ابطرق مختلفه تبديها
معناها علي لتلوم
لو بالهامه شفت ادموم
للــــ من العذب محروم
احسين التحضر ابلهفه ابكل ماتم أله الزهره
ــــــــــــــــــــــــــــــــــــــــ
خدام ويظل لحسين دمعنا ابحرگه جاريّه
وابد لا مانسينا ام عون أخته الكلها حنيّه
يويلي من بعد عباس شمر ياخذها مسبيه
صح مسبيه بس ياناس
ماذلت اخت عباس
زينب تبقه رفعة راس
من تتڪلم ، الطاغين تصير اوجوههم صفره
ــــــــــــــــــــــــــــــــــــــــ
سيد علي عبدالزهره الناجي
قصيدة ( وينه عبدالله ) تد حوار بين ام عبدالله الرضيع والسيده زينب عليها السلام
خالي المهد ويــن المهد راعيــــه
بجمــر الولــد آ يالولـــد مچويـــه
يــزينــب وينـــه عبـــدالله
يــزيـنب ضــامي عبــدالله
****
ويــن الورد ويــن النبل
شجــاب المنيــه للطفل
عبدالله مو مالت چتــل يويلي
نحــر الولــد كلش تــرف
ينباس مـو مالــت نـزف
بوليدي ضيعــت العـرف يويلي
وينــه عبدالله اليلالي بطــوله
هـــوه هــذا المنذبـح معقـولـه
الگلبه فاگــد عالصبر يحچوله
افـــارگ روحــي عبـــدالله
يـــزينب وينـــه عبــــدالله
****
من العطش چبــده انفـطر
ليــش أنمنــع عــنـه النـهـر
بسهم الضمه وسهم النحر ممـاتـــه
صفحـــت حياتـــه تنطوي
ومــنْ العذب مـــا مـرتوي
ما مات گلبي شگد گــوي ممــاته
انذبحــت بنبلــه يــولـي سنيني
چنت اناغيلــه وهــو ينـاغيــني
مهده ياذيني من اصدله ابعيني
حيـــاتــي كلـــها عبــــدالله
يــزينـــب وينـــه عبــــدالله
*
يوميــه اصــدله بالنظـر
خاطر اشوفه شگد كبر
افرح لون ثـــوبه گـصر ولــولـي
بــاچــر اگــولـن هيبتـي
حـرزي يصــير وخيمتي
من جفني تنزل دمعتـي ولــولــي
ليش دمعـاتي تغـرگ أعيــوني
من اشوفه تــروح بيه اضوني
يروح فدوه الون وجهك لوني
أنـــادي روحـــي عبـــدالله
يــزينب وينــــه عبــــدالله
****
متعلگه روحي وي المهـد
وتــروح لـــو راح الــولــد
المّــن أعيــش آنـــه بعــد مصــابـه
مـن شاله ضنوت فاطمـه
يرويه گلــت مــن الضمـه
رد ليّـــه ومغسلــــه دمّـه مصابــه
شحالها المذبوح ابنها الغالي
حالــها ادري يشـــابه حالــي
للعمــر مــا ظل بعد كل والي
اصيــحــاً روحـــي عبـــدالله
يـــزينــب وينـــــه عبــــدالله
****
يـا عمتــه مذبــوح الهــوه
دلاّلــي منـــه مـــــا روه
چبدي بجمر چبده انچوه ورحيله
كل ما اصد مهده احترگ
بچفــي علــى عيني ادگ
هسه آنـــه موتنـي صدگ رحيله
بنبلــة المنحــر تهـــدم حيـلي
العمري ناطرته رحل يــا ويلي
مهده خالي وانه اصدله بليلي
ألولّـــي روحـــي عبدالله
يــزينب وينــــه عبــدالله
****
الشاعر
موسى البديري
يوم العاشر موت // وحسين ابلا صوت
داست صدره اگبالي الخيل
هالموقف هـد مني الحــيل
يوم العاشر موت
©©©©©
رد ميـمونه …. خالــي ابـدونه
شفته وحدب ضهري ابهاي
هلت عيني .… الفگد حسيني
وضلـت تهمـــل دم اومــاي
امن الخيم صحت ابصوت ضليت احاجيه
في الك طـــــولي اليوم يحســــين اسويه
كم وصله جسمك صــار وشــكم جرح بيه
وللسلب ثوبــك ناس تتـــــراكض اعلــــيه
لاتبطي عنه اشعطلك
ضيمي اهواي ـ رد اوياي ـ ياخويه يحسين
ياماي عينـي اتوسلك
شيل الواي ـ كثره اعداي ـ حاطتني صوبين
عاتبته ابمبچاي … ويجاوب بهداي
گلي اتعـــــــذر منچ حيل
هالموقف هد مني الحيل
يوم العاشر موت
©©©©©©
فاضت روحه …. كثره اجروحه
شفته امــــــــدد عالتربان
رحت اتعــــثر …. ظهري امكسر
هد حيلي اصواب الوليان
امعــذب دليلي اهـواي ومشــيب الراس
لايمي اخــوي احســــــين لايمي عباس
حرمه وحــرت مابين خيل ودمه وناس
عگب الاهل ضليت مجروحه الاحساس
الف وتســــع مية جرح
ابجسمه الگيت ـ وحتاريت ـ شيضمد الجروح
نوره امن ألمخيم يشح
صعبه اهواي ــ تاه الراي ــ ومعذبه الروح
وحدي ابنص اجناب… والعدوان اذياب
نسـوه وغـربه وخوف وليل
هالموقف هــد مني الحـيل
يوم العاشر موت
©©©©©
جسم احسيني …. شفته ابعيني
رضنه اخيول العدوان
كســــرن ظلعه …. وسـلبو درعه
وظل امطبر بالميدان
مـن كثر طعن السيف لا ما عرفــته
شيـبت مــن بلــــواي لمن وصــــلته
اســــــمع يون بهـــداي لمن حضنته
ولن خنصره مگطوع بعيوني شفته
من حاطته اخيول الكفر
من كل صوب ـ حتى الثوب ـ من عنده سلبوه
طلعن بناته امن الخيم
صاحن صوت ــ گبله انمـوت ــ والدنه خلوه
هذا ابن الزهراء …. لتسفكون ادماء
ومدمعهن عالوجنه ايسيل
هالموقف هـد مني الحــيل
يوم العاشر موت
©©©©©©
ارجـــع وآني …. ابلايه اخواني؟
من هاي اهون عندي الموت
اشلون الغالي …. ايمـوت اكبالي
وما احمل نعشـــه ابتــابوت
مـن زغــر سني المــوت ياريته اجاني
اولاشوف اخوي حسين ينذبح ضامي
بالطــف تركنـــي وراح زهـــرة زمــاني
ما يـــدري بالچـــــــتال مــن شتــماني
وتحيــــريت ابغربتي
ابلايه اخوان ـ والنيران ـ شبت بالخيام
وطفالي فــرت بالفله
مــذعورين ـ ملچومين ـ من هول الايام
عندي اهواي اطفال …. امضيــعين الكفال
شافو بس سوط وتكبيل
هالموقف هد مني الحيل
يوم العاشر موت
©©©©©©
لو چن ليلي ــ ينهد حيلي ــ اول ليله اتمرني ابخوف
ليل الحادي ــ ابهذا الوادي ــ مرعوبه اومابين اصفوف
ماضل شــــريف انخاه اويفزع اليه
يحرسلي هالنسوان من جيش اميه
لاســــــتر لاصــــــــــيوان خلو عليه
وخــــواني عالتـــــــربان كلهم رميه
ضعيت چم طفله وطفل
بين الخيل ــ بهذه اليل ــ ما عندي كفال
يرضاهه سبع الگنطره
ايضل مطروح ــ وخته اتروح ــ مچتوفه بحبال
بعده اتستر بيش ــ وآنه ابنص الجيش
اخلاف الكافل شفت الويل
هالموقف هـــد مني الحيل
يوم العاشر موت
®®®®®®
الخادم
كامل السعيدي
ليش الاوداع
يخلص ابساع..وي النحبهم
واليحنون
مايضلون.. يبعد دربهم
آه ياليل..آه ياليل..آه ياليل
ــــــــــــــــــــــــــــــــــــــ
ودعوني..ولوعوني
واعيوني من كد القهر
تبجيلهم كامت صور
فاركوني فاركوني
آه يباجر الله ساتر
واحد يطيح اعله النهر
وواحد اشوفنه وذر
بالحوافر بالحوافر
من هسه خاصرتي ابتدت.. توجعني واتفحطني
الليله بأمان امدلله..وباجر حبل يربطني
باجر اهات
كله طيحات .. درب الاسيره
وعثرة ام عون
تعمي الاعيون..كلش جبيره
آه ياليل آه ياليل آه ياليل
ــــــــــــــــــــــــــــــــــــــ
كل حناني..ماكفاني
هالليله عيني امساهره
وكل امنياتي امطشره
يااماني.. يااماني
الدنيه هيمه.. عيني غيمه
لاني الغفيت ولاهدت
وأمن الاغروب اتفكدت
خيمه خيمه..خيمه خيمه
الليله الحسين وكافلي.. ابجي بالم سمعوني
واحد شبكني بخوته..وواحد مسحلي اعيوني
عندي خطار
مواهل دار..جنهم اخوتي
ابحيره ضليت
اشكد تمنيت.. ياخذني موتي
آه ياليل اه يا ليل
ــــــــــــــــــــــــــــــــــــــ
وجه الاكبر..الليله يزهر
وباجر عله الدنيه العفه
أمه بحبال امتجتفه
وهوه بالبر..هوه بالبر
وجاسم ادري..يحني ضهري
لمن يزفونه ابنعش
ماوصل عمره اخمسطعش
ايكسري..آيكسري
جاي أشعر ايقل الهوه..الياخيمه اطب تخنكني
واتصورت باجر شمر..كدام اخوتي ايطكني
والصور هاي
تبقه وياي..لآخر حياتي
صعدة النوك
وطبت السوك..آنه وبناتي
آه ياليل اه يا ليل
ــــــــــــــــــــــــــــــــــــــ
والاذيه.. ايعز عليه
عبدالله من هسه ذبل
ومن أمه ماخذني الخجل
وشبديه وشبديه
ريجه يابس..وكلبي حاسس
باجر يذبحه حرمله
ومن هسه جاي اتخايله
بس يرافس بس يرافس
طلعيت بره أمن القهر..واعيوني صدت عالتل
باجر اروحنله ركض.. واقره أعله اخوتي المقتل
واصرخ ادخيل
منهو الايشيل..حملي ابدالي
وين الإخوان
عكب الاحنان..ضايع دلالي
آه يا ليل آه يا ليل
ــــــــــــــــــــــــــــــــــــــ
لاتجيني..وتعمي عيني
ياصبح عاشر من تطر
جم ركبه يكطعهه الشمر
ياونيني ياونيني
احسيني باجر..ماله ناصر
يمشي ويميل أمن الضمه
وامنكعه اهدومه بدمه
يبقه حاير.. يبقه حاير
تتكاثر اعليه الزلم.. باجر حبيب الزهره
وكلهه تنادي عالاخو..ياشمر اكطع نحره
مايرحمون
من يصيرون.. وليه اعله اخينه
محد وياه
واحسيناه.. يابوالمحنه
آه ياليل اه يا ليل
ــــــــــــــــــــــــــــــــــــــ
والله حيره.. اشكد جبيره
باجر اذا طاح العلم
اتطيح المحامل والخيم
وامشي اسيره..امشي اسيره
اعيوني يعمن.. اركض المن
احمي الازغار امن السحك
السجاد اخلصه أمن الحرك
ميته احسن..ميته احسن
اركض احامي اعله العبي.. لو عن تراجي ارقيه
وحدي أنه وابنص معركه.. والسوط يضرب بيه
وتبجي الاكلوب
وكت الاغروب.. من كد قهرهه
عندي نسوان
وماكو خوان.. تحرس خدرهه
آه ياليل اه يا ليل
محمد الجماسي
#اللهم_عجل_لوليك_الفرج
حايره ومشدوهه راي
زينب .....اهنانه تعاي
فدوه بس جيبلي ماي......يبست اشفافي
*******
السهم ضاهدني خويه والجسم اصبح نحيل
گمت بس مابيه نهضه والعطش هداني حيل
سابح بدمي يزينب والمهر گامت تميل
الآه من صدري ضعيفه طلعت بحسره
وعويل
حدبت والمهره تسعه
صوتي يا زينب تسمعه
والسهم حيره شيطلعه.....يبست اشفافي
*******
عاري عالغبره يخيتي لساني يگطر مستحاي
جيبي من عندج عبايه ظللي زينب گفاي
عالترب خلوني مرمي ينچوي ظهري ابدماي
صحت اسمعوني يعالم ليش ماتسگوني ماي
نايم بحر الظهيره
زينب اتناديني حيره
حشمت بدر العشيره.....يبست اشفافي
*******
((جاوب زينب ع))
اني فوك التل يخويه ونذهل فكري عليك
شلون اوصلك حبيبي اعثر بدمعاتي اجيك
الظهيره اشلون حمره وانه محتاره اعتنيك
خاتمك ياخويه شفته ليش مبتورات
اديك
والعطش يبس لهاتك
وانت محتار بخواتك
مارويت انت بحياتك.......يبس اشفافي
*******
اندهت ياخويه اجيتك يبتدي خطوه الجرح
والشمر ثاني ركبته فوك صدرك للذبح
ماتت اسنيني عله نحرك ونذبح حلم الصبح
منظر اگبالي عجيبه راسك يشيله الرمح
قصتي صارت عجيبه
الموت گرب بالمصيبه
بالجمر چبدي لهيبه.....يبست اشفافي
*******
من الخيم مذعوره جيتك يصهل اگبالي المهر
الخيل صلفه عليك ويلي داست بصدرك
نهر
عاري جسمك ليش طايح ينچوي بحر الظهر
من گفاك السيف حزك وانه موتني القهر
صاح ماتسگوني ميه
صعبه ياناس المنيه
والعرش يبچي عليه......يبست اشفافي
*******
((جاوب الحسين ع))
فرن هنانه اخواتي طرن اشلون الحرم
طفله عفت النار بيها تنچوي بنار الخيم
وانه مابيه اكومن خويه ذابحني السهم
ما بعد بيه اني نهضه حيلي مجبور انهدم
خويه جيبلي رقيه
بيها ريحه من الزجيه
ارد اضمهه ابين اديه........يبست اشفافي
*******
تمت بعون الله......................
خادمكم.......يوسف الفتلاوي
السلام على #رضيع_الحسين
. عـبـد الـلـه
عـبـد الـلـه
يبني اعله اسمك اسم الله
محروم .. مظلوم
لـيـش بــســهــم مـفـطـوم
*---------------*---------------*
يعبد الله يـفـرحـة عـمـري يا حـزنـي
اهـز مـهـدك يـغـالـي ودمعتي اتهزني
صـرت اغـفـه اعـلـه آه وآه اتـفـززنـي
بـكـثـر مـاعـزّك اگلوُب الأسى اتعزني
و عـيـونـي
و عـيـونـي
تسولـف حـيـرتـي اعيوني
مالوم .. مظلوم
لـيـش بــســهــم مـفـطـوم
*---------------*---------------*
لــو ادري الـعـطـش للموت حـد دربـه
چـان اعصر دليلي ابچفي واتـشـربـه
ردتـك بـيـن اديـه بـحـضـنـي تـتـربـه
شْجنيت وحرمله لنحرك دِمه يخضبه
دلّالــــــــي
دلّالــــــــي
احـتـرگ بـالـحـيـره دلّالـي
مضروم .. مظلوم
لـيـش بــســهــم مـفـطـوم
*---------------*---------------*
مثل مـا نشف نحر الـعـالـتـرب يِـدي
نشف جـفـنـي عليك ودمـع ما عندي
طـــول الـلـيـل گـاعـد ذكـرك بـسـدي
آنـه ويــاه نـسـهـر والـعـتـب يــبــدي
و بـروحـي
و بـروحـي
هــمّــك يـاكـل بـــروحــي
لليوم .. مظلوم
لـيـش بــســهــم مـفـطـوم
*---------------*---------------*
بـيـش اتـصـبّـر اعله افـراگـك وانسه
مو انته الچـنـت لـرويـحـتـي وِنـسـه
بعدني احسب احسابك لو مسه مسّه
احـضـرلـك اگـمـاطـك بـعـد لـيـهـسـه
يـا ظـامــي
يـا ظـامــي
أصــــرخ لـسـه يـا ظـامـي
مهموم .. مظلوم
لـيـش بــســهــم مـفـطـوم
*---------------*---------------*
يبني الما شفت من عمره بـس هـمّـه
ويبني الما سِـمـعـت بصوتـه يـا يُـمـه
مـثـلك يـا رضـيــع الـيـفـطُـمـه دمّــه
الـرزايـه بغيـبـتـك عـالـروح مـلـتـمّـه
عـاشَــرنـي
عـاشَــرنـي
الدمع والـنـوح عـاشَـرنـي
محروم .. مظلوم
لـيـش بــســهــم مـفـطـوم
*---------------*---------------*
. محرم¹⁴⁴⁶
✍️خادم الحسين ع
الشاعر سعد هادي الشمري
#أبوذيات
#ليلة_العاشر
.
آخــر ليلــه يا خويــه وأراكم
وبعد أشبع غصص باچر وراكم
وأظـل ابحلمـــي أتنطّــر أراكم
وتظل اعيــوني سهرانه وجريه
عسى لا حل صبح باچر ولا هل
وعسى دمعي على الخوان لا هل
أظــل ابـــلا أخــو باچــر ولا هـل
غريبـــه ودارت العسكــر عليــه
____
#فاطمة_كريم
٢٠٢٤ م
#جديد
#الوداع وليلة العاشر
نعي طور نص : هاك راسك ( تقبل ما تقبل ) حيدر البياتي
.
.
يا كافل خدري
بعدك شل يجري
ابحالي يا ذخري
يكافل
يا ضي الناظر
باچر بالعاشر
أو آه من باچر
يكافل
باچر يعني آه
وانشوف الويلاه
عطفك وين ألگاه
يكافل
لو صابوا عينك
وطاحن إيدينك
وعالغبره احسينك
يكافل
والجيش ابضيمه
ايحرگوها الخيمه
واحنه بالهيـــمه
يكافل
يا صوب أگصدله
وأگعــد ابظــلّه
ومنهو اليكفلنه
يكافل !
___
#فاطمة_كريم
٢٠٢٤ م
▪️ قصيدة المصرع الحسيني
لسان حال مولاتنا الزهراء (عليها السلام) تخاطب حبيبها الحسين (عليه السلام)
إِنِّي سآتيكَ مِنْ قبري مهرولةً
ورغمَ كسرِ ضلوعي أقصدُ المُهرا
يَا ليتَ يرمي فؤادي سَهْمُ حَرْملةٍ
وليتَ رُمْحَ سِنانٍ يطْعَنُ الصَّدرا
كَيْفَ التصبُّرُ ما لو صرتَ منعفراً؟!
تقومُ طوْراً وتهوي للثرى طورا
بُنيَّ..قُرْبَكَ تلقاني مُمدَّدةً
كما تُقاسي..أقاسي الرَّمْلَ والحرّا
حسينُ إِنْ جاءَ شمرٌ سوفَ تنظُرُني
حيرى فكيفَ تُراني أدفعُ الشِّمرا؟!
أقولُ : دعْهُ أما ترنوهُ في ظمَــإٍ
يجرُّ أنفاسهُ مِنْ ضَعْفِهِ جرّا؟!
خلِّ الحُسينَ فهذي روحُهُ زهَقَتْ
مِنَ الجراحِ..فلا تقطعْ لهُ النّحرا
لكنَّهُ لنْ يخافَ اللهَ يَا ولدي
ويلاهُ كَيْفَ فؤادي يحملُ الصبرا؟!
عنْ سيْفِهِ سأُديرُ الوجهَ ذاهلةً
وأنتَ تفحصُ بالرِّجْلينِ إِذْ تُفرى
حسينُ.. ليتَ خيولَ الكفرِ تسحقُني
ولا تقلِّب منْكَ البطنَ والظَهْرا!
وليتَني أغتدي دُونَ اليدينِ ولا
أراكَ مُلقىً بلا يمنى ولا يُسرى!
الشاعر علي عسيلي العاملي
#المصرع
#اللهم_عجل_لوليك_الفرج
سؤالٌ إلى حرملة (لع)
في استشهاد المولى عبد الله الرضيع (ع)
أوَما رقَقْتَ بكربلا يا حرْملهْ؟
ولما جنيْتَ بكتْ عيونُ البسْمَلهْ
هذي سِهامُكَ صوَّبتْ كَبِدَ الْهُدَى
بَلْ سطَّرَتْ في العَرْشِ آي "الزلزلهْ"
عينُ الكفالةِ أنتَ مَنْ أطفأْتَها
فلها البتولةُ في الجَنَائنِ مُعْوِلهْ
ورميتَ بالسَّهْمِ المُثلَّثِ مُهْجةً
دمُها رقى في الخُلْدِ أعلى منزِلَهْ
حدِّثْ ففي قَلْـــبِ الربابِ تساؤلٌ
(أوَمَا رققْتَ بِكَرْبلا يا حرْملَهْ)؟!
فيجيبُ" لا أنسى حسيناً قادِماً
يَمْشِي وبيْنَ يديْهِ طِفلٌ ظلَّلَهْ
قالَ ارْحَمُوه وبَلِّلوا عطشَ الحشا
ما كانَ ينقصُ ماؤكمْ إِنْ بلَّلهْ
صوتٌ بهِ انفصَمتَ عُرى سُفْيانِهمْ
ما بينَ مدْبِرةٍ وأخرى مُقْبِلَهْ
سدَّدتُ سَهْمِيَ لا أرى منْ نَحْرِهِ
إلا بياضاً ناصعاً ما أجْملَهْ!
وثكَلتُ والدَهُ بقَطعِ وريدِهِ
إِذْ كانَ قَطْعَ نِزاعِهم أنْ أقْتُلَهْ
كالطَّيْرِ رَفَرفَ للحُسَينِ ببسمةٍ
ودنَا إليْهِ يضمُّهُ فرققتُ لَــهْ..."
الشاعر علي عسيلي العاملي
#الرضيع_عليه_السلام
#اللهم_عجل_لوليك_الفرج
ليلة ١٠ محرم للوداع
بده الليل والفراكَ تدنه
نودع اهالي المحنه
................................
أيا ليل نجومك وسامك
نودع أهلنه ابضلامك
على حسين تصب شوكَ غرامك
علييه راح تره ايموت هيامك
ابصباحك يروحون اهلنه
نودع اهالي المحنه
................................
بعد كون تزيد الثواني
الوكت صار أعز الاماني
بواجي العمر راح عماني
ووداع اخوِتي بيك اجاني
بلاهم رجوعه ضعنه
نودع اهالي المحنه
................................
بلا روح اذا مو كفيلي
يجيني ويبرد دليلي
لجرحي دوه وجان خليلي
يروحي بعد روحه شيلي
تره اهنا اجه اوياه حملنه
نودع اهالي المحنه
................................
يصدون عليه يزينب
يكَولون بُعِدنه تقرب
وانه بساعه ضهري تحدب
ثكيل الحمل بي تعذب
خلص كون بالوداع عمرنه
نودع اهالي المحنه
................................
يتامه ونضل بس ارامل
منو اهناك يعدل المحامل
بلا حيد يدك صدره كافل
سبايا نرد للمنازل
اشكبر كون أيا ليل صبرنه
نودع اهالي المحنه
الشاعر ياسر العارضي
في حق الطفل الرضيع عبدالله (عليه السلام)
بـألـــم نـحـره وعـطـش كَـلـبـه رضــيـع وحـــالــتــه صعــبه
انذبح ضامي
انذبح ضامي
.......................
هب ريح اعله نحره وانرفع شال
ظهر منه بريق ايــنــور اجيال
لكَاهه العدو فرصه وسهمه جتال
رمه نحر الرضيع وهالدمه سال
ابحضن غالي ابوسط هيمه ذبــل عــوده وهجـر خيمه
انذبح ضامي
.......................
شاف حسين دمه ابركَبته ايسيل
البواجي بشفته صارت سوره ترتيل
عجيب وما دعه اطيـور الابابيــل
وتجي ترمي الاعادي احجاره سجيل
صبر عنده ابعظم عزمه انذبح ابنه بلا رحمه
انذبح ضامي
.......................
طفل عطشان جان ابعازة الماي
مـثـل الطيـر من ايــدور افـيـاي
على غصن الحسين ايناغي بهداي
لسانه ازغير يابس حيرته ابهاي
ابثكَل ناغه انهدم حيله يـريـد الـمـاي تعجيله
انذبح ضامي
.......................
رفع دمه الحسين اتـنـاوشـه الغيم
وبعد ماطاح ضل شاهد على الضيم
هـــذا الــدم يـكـلـم ربـنـه تـكـلـيـم
مثل موسى وابد مابيهه تـعـتـيـم
كأن مُرسَل اضن هالدم وي الــبــاري يـتـكـلـم
انذبح ضامي
.......................
عبدالله الرضيع اترفرف ايده
يطلعهه ونزل دم اعله جيده
اشحال اكليب ابو الاكبر اوليده
بـحـضـانـه انذبح واهله تريده
باحزانه رجع ليهم ابعبدالله يخبرهم
انذبح ضامي
(( الشاعر ياسر العارضي ))
ليلة اوداع يبويه ليلة اوداع
والعمر ضاع يبويه والعمر ضاع
.............................................
الليله نتوادع يبويه ويه الغوالي
وانتهت ويانه كل ذيج الليالي
على ايتامي يضل بويه انشغالي
واحس حته الصخر يبجي اعله حالي
صوتي مبحوح يحيدر صوتي مبحوح
عمري بس نوح يحيدر عمري بس نوح
............................................
زينب آنه وشنتظر صبح المصيبه
شيبة حسين ابصبح باجر خضيبه
أضل بين الغرب وحدي وغريبه
بعد جف الكَمر جف منهو اجيبه
بين الجيوش وحيده بين الجيوش
دمعة ارموش وحيده دمعة ارموش
............................................
باجر الصيوان ناره اتشب علينه
وبس نسوان يابويه اشبدينه
وحكَ ضلع امي البضعه الحنينه
نضل ابحيره من يوكَع ولينه
نحره مذبوح اشوفه نحره مذبوح
جسمه مطروح اشوفه جسمه مطروح
............................................
بين اعيوني اشوف ابليلة اوداع
كل ساعه اعله ساعه هالعمر ضاع
سفينه حسين واني تحت الشراع
أعيش وابقه من دونه بالاوجاع
ساعه ماعيش بدونه ساعه ماعيش
صبري جا بيش بدونه صبري جا بيش
............................................
ليلة العاشر خذت من عمري عمرين
خذت كل اهلي وي عباس وحسين
بعدهم بالكَلب تبقه نياشين
ولعبدالله انذِبِح من الوريدين
ساعة افراكَ أليمه ساعة افراكَ
الهم اشتاكَ أليمه ألهم اشتاك
............................................
باجر اعله حسين خيل اجيوش اميه
ترض صدره بأراضي الغاضريه
يذبحه الشمر من كَبل المسيه
السهام بكَلبه يوكَع عالوطيه
والكَلب صاح حسينك والكَلب صاح
ينذبح راح حسينك ينذبح راح
الشاعر ياسر العارضي
مذبوح ويلي. گبال. مذبوح
فوگ الرمال وتجري الجروح
نحر الحسين ونحر عباس
وزينب يزينب يمهم تنوح
**
محتار ابدي منين ومنين
عباس مات . . بنحر. الحسين
وحسين. جرحه. سهام بالعين
يم. النهر. موت. النساوين
يوم الذبح . ما ينوصف،، ما ينعرف يخنگ
يوم. الذبح. سوط وشمر،، نار وجمر يحرك
يا موت بسك ظلو اطفال
تركض بهيمه بحر الرمال
صار الركض للموت للموت
وين. النهر. ظل يمه خيال
------------------------------------------------
صنطه الحرب بس رايه وزنود
يم الجرف دم تجري الخدود
عباس يم حسين ممدود
مات الحسين بطيحت الجود
صوب النهر. بس الدمع. حيره الوضع
يرهب
صوب النهر. زينب مشت. بحرگه حچت
تنحب
درب الخيم للكمر متعوب
دمعت يتامه تكسر گلوب
وحدهه زينب وين عباس
كل ساعه تعثر موته لدروب
***
هد الحزن والموت هده
جرح الاخو ياهو اليسده
وعباس يا زينب تبده
يم النهر عل ترب خده
زينب بچت. يم النحر. خويه الكمر
صاحت
زينب بچت. راح الاخو. وين الكفو
ناحت
زينب تنوح اكبال النحور
ومنل سحك مطحونه الصدور
موقف يوادم هز الاجبال
دوس الحوافر بچه الطيور
****
ويلا. يزينب همچ هواي
حسين طاح وطايح الماي
الفراگ اخوته الونه بهداي
بس النحور الضلت وياي
حرگ الخيم. نار بعبي. وضرب اجنبي
صعبه
حرگ الخيم. سهم النظر. بكلبي عبر
غربه
طاح العمود وسحكو حسين
خل تنجفي دلال الدواوين
بس روس ضلو فوگ الرماح
وزينب الحره تموت مرتين
***
فوگ. الرمل ميتين اخوتچ
تميتي هذا اليوم موتچ
تصيحين بس مبحوح صوتج
ما ضن يسمعون بشكوتچ
جرح الاخو. يفطر الكلب. كلش صعب
زينب
جرح الاخو. ما ينجبر. يكسر ظهر
يصعب
شلچ بعد يا روح شلچ
راح الحسين وراح ضلچ
الفارگ اعزاز شلون يرتاح
ياهو البعد يختي يگلچ
كلمات الخادم/ حيدر ناجي الدراجي
محرم الحرام/1446/ للهجره
☘قصيده للرضيع ع ☘
واويلي على المفطوم
واويلي على المفطوم
من صدري يحرمونه
بلمثلث يضربونه
عطشان ويذبحونه
بنحره مثلث ومسموم...
واويلي على المفطوم
ماينطونه كطرة ماي
شكد ظلام ذوله اعداي
والله تيهيت الراي
ياعبد الله يا محروم...
واويلي على المفطوم
عبد الله يبعد امك
ليش مخضب ابدمك
شرادوا يمه من يمك
درب الماي شو ملزوم....
واويلي على الاكبر
اجاه السهم بالمنحر
اكماطه بلدمه امدمر
وكلب حسين متفطر
هذا مكدر ومقسوم....
من اتنام الوليلك
تضحكلي وناغيلك
وبرموشي افييلك
ياعلمك صبح ميشوم
ويلي اعليه آ يبني
سهم البيه صوبني
امصابي اعليه شيبني
وكليبي عليه ملجوم....
واويلي على المفطوم
✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه