7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
هوسات للاربعينيه
.........................
ردت زيـنب الـحـره لـهـالـيـها
جابت راس ابو السجاد بيديها
متعـوبه وهظمها بايـن اعليـها
ما تـگـعـد تـعـايـنـهـا يـوالـيـها
ردت بت حيدر ،،،، مهظومه
ام ســ✍ــجاد العسكري
.........................
مهظومة اجت واللهفة تحديها
هسه اوصل لاخوتي بدمعي اسگيها
ومن گبر لگبر تتنقل عليها
بلكت بدموعي // ترد روحه
✍🏻العلوية أم منتظر جمال الدين
.........................
مهضومه واجت للگبر عنايه
وتعاتب اخوها صاحب الرايه
أگعد خل اسولفلك هالحچايه
رديت وحدي نــوب مشــايه
اتنخت زينب يمه/گوم ورد بيها
آمـ صـــ✍️ــآدق آلمـنصـوري
.........................
ماگامو وشافوو شنهي حالتها
للخوان اجت گاصده زيارتها
تشكي ضيمها والصار لخوتها
بين حسين والعباس گعدتها
((ترجع چفه وراس حسين يدفنونه))
ام وليــــ✍️ــــــد الموسوي
.........................
ردت بت عـلي هاليوم لهـفانه
من ظيم اليسر ياويلي تعبانه
گعدت عالگبر والروح خلصانه
تنادي يالولي گعدلي يرجــوانه
اگعد ياخويه ،،،،، وحاچيني
✍️ سهام المالكي
.........................
حاچي اختك كلبها زادت أجروحه
حزن ومصاب وآه البيه مذبوحه
الفگد مثل اخوتي شيهوده يا نوحه
((فك گبرك گوم اتلگاني))
✍زينب الواسطية
.........................
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /10/ صفر / 1444هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
#نعي
احتاميت لبن امي واجيته
ولاشفت وجها ولا لگيته
طحت اعله گبره وعاتبيته
وذاك البچي يمه بچيته
عندي حچي بس ماحچيته
لوبيت ضل عنده اعتنيته
وكضيت بابه وگابليته
شايف الحسره الي تضل بيك
من تحاچي گبره مايحاچيك
ومايمك بنادم يواسيك
وتحچي و يلحده شلونه راعيك
عطشان للملگه يخليك
وحچي المگابر مايرويك
رديت بس شلون رده
حسبالي اشوف اهل الموده
ذاك الوكت ماي وتبده
رديت ماكو بضعني رايه
وبالروس جيت الكم هدايه
توني ايست هاي النهايه
من گمت اسولف عا السبايه
حتى النهر بچيت مايه
سعد العبودي
#اللهم_عجل_لوليك_الفرج
جـابـر راح اخبرك بالجره اعـليه
ذبحوهه اخوتي ورديت مسبيه
*---------------*---------------*
جيت بحسرتي يا جابر اسمعني
ضـيـّعـت الگـمـر والگمر ضيعني
آنه ام الـخـدر والبين فـاجـعـنـي
مو هيچي الخدر يـنـعـاف تـالـيّه
*---------------*---------------*
لو عينك تصدلي تمـوت يا جـابـر
تـرميهه العمامـه وما تظل صـابـر
گـلبـي بـعـلّـتـه مـا يحمل يـكـابـر
مـشـونـي بـظـعـن شمات حـاديّـه
*---------------*---------------*
يا خـيـر الصحابـه شـارك ونـينـي
خليت الـگـمـر مطروح وحـسيني
جـيـتـك بالدمع والسوط مـاذيني
ما گتلي يـعـمـي شلون هـالـجـيّـه
*---------------*---------------*
حـاچـيـنـي يعـمـي ياهـو احچيله
نام اعلـه الـشـريـعـه كـافـل العيله
ردّانـه الشـمـر والـمـدمـع انـسـيلـه
ما يـخـمـد ونـيـني وجمرتي البيّـه
*---------------*---------------*
انـدب يا علي والـسوط بـمـتـونـي
يا عم ما دريت الگـوم شـتـمـونـي
تـالـي مْـيـسّـره بـالـضـيـم ردّونــي
والأصـعـب مـصيبـه مـاتـت رقـيـه
*---------------*---------------*
جـابـر راح اخـبـرك واخبر مـحـمـد
يـضـربـني الشمر بالسـوط يـتعـمـد
يا جرح اليطيب ويا جـرح يـضـمد
ريت اويه الكمـر هـالـعـيـن مـعمـيّه
*---------------*---------------*
✍ خادم الحسين ع
الشاعر رعد الجريخي
مات النَفس بيّه .. واعيُوني مَعمِـيّه
من دَخنة الصيوَان .. گوم الحَگ اعليّه
كِثر الهَضُم مُوت
والغُربه تابوت
**
يهَيبَـتنه .. النَفس حسره .. بصحاري الطف
ولوَن تدري .. اختِنگ كلشي .. بقسَاوة چف
وفوَاطمكم .. اعلى رگبتها .. الحبل يلتَف
تجِر ونـّه .. وعدُو ايشتِّم .. عليها اصطَف
صار الحلِم خيمه
للتاهَت ابهَـيمه
وهَم نِعمه بالصحراء
لو صحَّت الغَيمه
وللعَافن ابيُوت
كِثر الهَضُم مُوت
**
على الماضي .. يبَعد اختك .. أون كلّي
ويرَافگني .. صُفه المامِش .. مثل ظلّي
الهِضَم روحي .. بأذَى الحاضِر .. واخَذ عقلي
الگِطع راسك .. ضِحَك سِنّه .. وإجه ايگلّي
من بَعد ابو فاضل
آنا الكُم الكافِل
وخل يشرَب الظامي
من مدمَعه النازل
ومااقبَل اي صوت
كِثر الهَضُم مُوت
**
الأمان إنتَ .. ومكانَك ما .. يسِدَّه احَّد
سَخي ومامَر .. تِفشَّل چف .. إلك يمتَد
رمَاد الهَم .. مِله عيوني .. وبعَد أزوَد
دِخَل گلبي .. بسجِن خُوفه .. وعَلِيهِ انسَد
جُود ابوَصل روحي
واگطَع نحَر نوحي
بسيف القرُب يحسين
مو زادَت اجروحي
وظل حِزني مكبُوت
كِثر الهَضُم مُوت
**
على الناگه .. يمِيل الدم .. اويه مِيلَتها
كِثَر شيبي .. وگِضت روحي .. اعلى صَفنَتها
وانا ابرَهبه .. مثل شمعه .. الدهر فَـتها
أصِد للروس .. واجِر حسره .. اعلى حالَتها
روس بنحَر دامي
بيها الثغَـر ظامي
دم تنزِف اويه ادموع
عالناگه گدَّامي
وگليبي مفتُوت
كِثر الهَضُم مُوت
**
ينُور الله .. انطُفَت عيني .. برمَاد وحَر
شنو امأخرَك .. تلاحَگني .. وانا ابهالبَر
السِلَب ثُوبَك .. إجه ايسِبني .. ولاأگدر
أرِد شرَّه .. وانا الحُرمه .. بحبل أنجَر
حي لوچِنت أدرِيك
مَترِدَّه لينَـاديك
شلون اختك بهالحال
لمّن تحشِّم بيك
خويه يمَبخوت
كِثر الهَضُم مُوت
==============
لقمان البدران
قصت غربتي
قصت غربتي== اتخطهه دمعتي== نحيب
الامي تشرح == بلغربه نصبح === نحيب
ام خدر اخوهه== من طلعوهه == نحيب
قصت دربنه الطويل ==تبدي بضياع الدلال
وراوي المها اسير ===وبجفوفه حزت حبال
بليله وضحاهه الزمان ==أبنت الاكابر يدور
ومن في خدره تساق ==وكلب العفيفه يفور
هيبتنه يم الضحايه
قصت غربتي هايه
============================
انه الغريبه == الجانت حبيبه == بخيام
وحطوني اهلي ==بجف الكفلني==بخيام
اذكر دلالي ===ويهلي الغوالي ===بخيام
كل ليله اموتن عذاب === هاذه حنيني يريد
يبرالي اخو بلغرب ===يرد هيبتي سد عضيد
ليش وغريبه اصير ===ويكطع هذاك الوصال
وعن هلي ابعد وعيش===غربه وعذاب الدلال
يهلي وبلا نهايه
قصت غربتي هايه
============================
باول رحيلي ===كسرت دليلي ===وروح
غربه اعله غربه ==ودمعي اصبه ==وروح
الصعبت عليه=== حبالي بديه ===وروح
مو كدري جتف الايدين ===وانه حليمت كمر
ولخارجيه اسمي صار==وانه اهلي شيوخ لبشر
يامن يرد الخيام===تستر اخت حايره
عنهه اخوه بعيد === وجتها زلم غايره
لا من اخوهه حمايه
قصت غربتي هايه
============================
انعه اليالي === البيه دلالي === عذاب
ونعه يخوتي == الكم شكوتي == عذاب
ليلجم حنيني ==غربت سنيني == عذاب
لديار اهلنه اريد ======ارجع عقيلت قبل
ونسه عذاب الغرب==ومن اذني يهده الطبل
بهل رجعه لازم اخو===يرد بيه هاذه الدرُب
وانه الخوهه طريح===الكل حيله فوك ترُب
يارده للماله رايه
قصت غربتي هايه
============================
غربني دهري ==ومغصوبه اسري == لضياع
ورأيي وجلمتي == وكسرت غربتي == لضياع
ايا زمـــاني === وخدري يعانـي === لضياع
جم ديره اطبهه ويطيح === مني يتيم ابدرُب
خلص ضعنه الضياع ==ولخيامي دمعي يصُب
لتهضملي خدري اشوف ==التخدمنه چانت تمر
تعاين علــينه واموت === وصط الخرابه احتضر
لهضمتني جلمت سبايه
قصت غربتي هايه
============================
الخادم. مصطفى الجبوري
نزله اربعينيه
انظر سواد الزوار
والمرقدك مشايه
١
نوح طالع بالسفينه ايقودها
والسفينة الكربله مكصودها
بالبحر والارض احنه اجنودها
ماكدر واحد يحد احدودها
هاي الخدم رايه وعلم
تحملها
ارض الدمه حتى السمه
تندلها
نمشي بعزم حتى الزلم
توصلها
هوسه
ونشعر احنه بعباس يتلكانه
٢
ياسفينة حبنه يامعشوكها
انته للمشايه سرها وشوكها
لو أجه ضعن السبايه ونوكها
جنح جبرائيل رفرف فوكها
محد كدر يمحي الأثر
والرايه
من تنرفع يطلع دمع
وفايه
من زاخو والحد كربله
مشايه
هوسه
من نوصل يم حسين نلكه الزهره
٣
أربعينك تبقه هاي ايامها
كل مواكبنا ترف أعلامها
الدنيه خل تكتب جميع اقلامها
عالزياره وعن كرم خدامها
هذا الكرم من الخدم
رباني
قصة عشك لمن تدك
عنواني
تاح الشرف لابس أله
خلاني
هوسه
وايلوك اعله الخدام تاج الغيره
٤
سفره ممدوده صعب مقاسها
كل ملائكة السمه حراسها
والمواكب بالسمه ايطخ راسها
تسمع اتفضل تكلك ناسها
طول الدرب انته المحب
من تطلع
وبكربله غير الهله
ماتسمع
عندك هدف شايل شرف
من ترجع
هوسه
والرايح زار حسين حضه اشكبره
٥
الله خله بأربعينه اسراره
من طلع عباس تزهي انواره
اينادي اهلا مرحبه بخطاره
وضل حبيب ايسجل بزواره
بهذا السجل من تنقبل
خي عونك
لاتعتقد اهل الكرم
ينسونك
شاهد تضل هذا الأمل
بعيونك
بحب فاطمه اهل السمه
ايعلونك
هوسه
هاي البشره من حسين للمشايه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
لزيارة الاربعين
يحسين مولاي يا بن فاطمه
يحسين مولاي يا بن فاطمه
★★★★★
مشاية لجلك نستعد
عن منهجك مانبتعد
ميهمنه حر ولابرد
بگد النجوم البلسمه
يحسين مولاي يا بن فاطمه
★★★★★
لبيك ياراعي الشيم
لبيك ياباني القيم
شكراً على هذا الكرم
عَلَّيتَنَه فوگ القمم
أي وحگ حماي الحمه
يحسين مولاي يا بن فاطمه
★★★★★
منهجنه حبك تَوَجَّه
طول الوكت انت الرجه
وانت الصراط ومنهجه
ماخاب من يمك أجه
تجلي الشدد بالموزمه
يحسين مولاي يابن فاطمه
★★★★★
مرفوع راسك علرمح
وي الطاغي مايقبل صلح
هيهات ينطق كل جرح
غير الكرامه ماتصح
الحرية تنخط بالدمه
يحسين مولاي يابن فاطمه
★★★★★
بحبك تجاوزنه المحن
ولاوينه لوعات الزمن
للضايع دروبك وطن
ونهجك هداية من الفتن
واشرف طريق وخاتمه
يحسين مولاي يا بن فاطمه
★★★★★
للباري ياما قدمت
هيهات للذله گلت
منهجنه بالدنيا صرت
مولاي أبد ماقصرت
حياك راعي الغانمه
يحسين مولاي يا بن فاطمه
★★★★★
افواج بطريقك نلتزم
شَدَّينَه مولاي العزم
عَلَّمْنَه نهجك نقتحم
سوح الصعاب بكل حزم
ونطوي الليالي المظلمه
يحسين مولاي يا بن فاطمه
الشاعر حسن لعيبي الحريشاوي
((زيارَه مَليونيَّه ))
زيارَه مَليونيَّه
لِلْحسيْن الْغَايَه
رَاحَت المشَّايَه
زِيَارَه مليونيه
★★★★★
يبو گلب الرَّحْمَه . وَالْمَجْد والْعصمَه
أَلَك نمشِي أَبْهَمَّه . گلوب يابواليَّمَه
بالعشگ عُذريَّه
زيارَه مليونيَّه
★★★★★
أَمْلَاك ضَجَّت بيها . بكربلا تمليها
كل سنَةٍ انتانيها . وبالفخر نحييها
للأَبَد قُدْسِيَّه
زيارَة مليونيه
★★★★★
لِلْهُدَى ومصباحَه . نعتني بلاراحه
كل طَريق وَسَاحَة الجنته الفوَّاحَه
مِن عِقَدنَه النيَّه
زِيَارَة مليونيَّه
★★★★★
فَخْر كلمن زارك . ينشمل بانوارك
لوأجه خطارك . يعتنِي لديارك
بالمَشي يوميَّه
زِيَارَة مليونيَّه
★★★★★
لحظرتك مسعانه اترحب بملگانه
نَشْعُر ابمولانه . المَهدِي يمشِي ويانه
اترحب بهلجَيَّه
زِيَارَة مليونيَّه
★★★★★
هلتعب شارينه . لجلك وناسينه
الْيوُم لَمَن جينه . أَلَك يابوسكينه
يَا أَبُو الحُريَّه
زِيَارَة مليونيه
★★★★★
كلنه نَفْس الدَّافِع . يَا أَمامي الشَّافِع
المعتنِي والراجع . بكُل مَكَان وشارِع
وساحَة وحسينيه
زيارَة مليونيَّه
الشاعر حسن لعيبي الحريشاوي
╌ـ╌ـ───•═﷽═•───ـ╌ـ╌
📝 #صفر_1446هـ
📝 قصيدة بخصوص المرضى المعذورين من زيارة الأربعين لسيد الشهداء عليه السلام
🔶 #بحر_طويل
يناحل من مرض و اعليل
ومـا تگـدر تــزور احسيـن
يالدمعـك عليـه ايسيـل
تــريـد اتشـارك المــاشيـن
لكـن منــعـــدم هــالحيــل
ومنك دامي جفـن العيــن
هـــاي ابشــارتـــك منّــه
يگصـــد كلمــن ينــدبــه
╌ـ╌ـ────•═❁═•────ـ╌ـ╌
وبـــروحــــه ابــو اليمــــه
يجيك و خل تقر عينك
لا تَيـأس مــــن الرحمــة
بيـــده يمســح اجبينــــك
بس ابچي لمصــاب امّــه
يسمــــع رنّــــة اونينــك
وصيح بصوت آ يحسيــن
يـوصـل صــوتــك لگـلبــه
╌ـ╌ـ────•═❁═•────ـ╌ـ╌
✍ #الشاعرة_زينب_الخفاجي
🤲 #اللهم_صل_على_محمد_وآله
بسم الله الرحمن الرحيم
اللهم صل على محمد وآل محمد
....................................
أحنه لحسين تعنينه ومشينه
.............................
أنصيح والله أبد ﻻ ما نسينه
أحنه لحسين تعنينه ومشينه
==========================
العهد ويه الزچيه بيه وفينه
أحنه لحسين تعنينه ومشينه
==========================
ياضوه العين يريحانة نبينه
أحنه لحسين تعنينه ومشينه
==========================
أبجمرة الشوك يموﻻي أنچوينه
أحنه لحسين تعنينه ومشينه
==========================
عفنه الديار وأهالينه وأجينه
أحنه لحسين تعنينه ومشينه
==========================
مانعوفك يبن حيدر ولينه
أحنه لحسين تعنينه ومشينه
==========================
نبدي بسم الله عليه أتوكلينه
أحنه لحسين تعنينه ومشينه
==========================
بالصلاة أعله النبي وآله نوينه
أحنه لحسين تعنينه ومشينه
==========================
صرنه أحرار باأبو اليمه أقتدينه
=========================
بصوت هيهات من الذله سرينه
==========================
برغم غدر العده ما دنگينه
++++++++++++++++++++++++
ما يهمنه گطع چف من أدينه
+++++++++++++++++++++++++
أشما نضحي أبد ما نوفي دينه
+++++++++++++++++++++++++
نحسب أيام نزوره بأربعينه
+++++++++++++++++++++++++
يحمي عباس جمعنه يحدي بينه
+++++++++++++++++++++++++
رايته أتصيح هله أبشيعة علينه
+++++++++++++++++++++++++
نرفع اﻷيد أبدمع جاري دعينه
+++++++++++++++++++++++++
الله يرضه ويبارك كل سعينه
+++++++++++++++++++++++++
ياشبل حامي الحمه بيك أهتدينه
+++++++++++++++++++++++++
أنت مصباح هدى وأوسع سفينه
+++++++++++++++++++++++++
يبقه موﻻي أمل عدنه ورجينه
+++++++++++++++++++++++++
أشما لطمنه سيدي وشما بچينه
+++++++++++++++++++++++++
بالحشر موﻻي تحظرنه وتجينه
+++++++++++++++++++++++++
أحنه لحسين تعنينه ومشينه
+++++++++++++++++++++++++
الشاعر عبد الكريم سيد سعد
ليلة ٢٠/صفر /١٤٤٦ هجري
الاحد 25\8 \2024
ليلة أربعين الإمام الحسين
عليه السلام
#قصائد__محرم_١٤٤٦_ه #_نزله
اهي رحله وگلتلي اتهون
بالچ عاليتامه ام عون
...................................
تذكر من گعدنه ابراگ الخيام*
وتذكر من سألتك خويه عالشام*
واعيونك شفتهه تغورگ ادموع*
ما گتلي اسافر بس بالايتام*
يحسين السوالف چانت اهواي*
يغص چان الحچي من نذكر الماي*
المخلوق اعله مودك ينمنع ليش*
بس چان الامان وانته وياي*
چنت اتمنى يبقى الليل
خوفي اتهد علينه الخيل
.................................
يحسين الحچي حسيته مخنوگ*
ما گتلي اشوفك خويه مسحوگ*
مملوحه السوالف كلهه وياك*
بس ما گتلي بعدك ندخل السوگ*
اتسد اعيونك اشما اجيبه طرواك*
ما تحچي اشيصير اهناكه وياك*
تتحسر احس من اسأل اشلون*
يحسين امشي لو انه ابقى وياك*
اذكر بس تسد العين
چن اتگلي اي تمشين
.................................
وابسرعه الصبح يالضامي شو صار*
وشفتك طايح وچان الرمل حار*
مدري اركض عليك ابفزعة الخيل*
مدري ارجع والم يا خويه الزغار*
انه اركض واشوفنهم يضحكون*
وفزعو عالخيم كلهم يسلبون*
خيمه خيمه وجن خويه بالنار*
واسمع عاليتامه لحگي يم عون*
كلهه اتنادي عمه اهناك
وانظر عالشمر من جاك
................................
خلصت خويه وامشينه بهالدروب*
وانته اعله الرمل خليتك اتذوب*
كل سوگ الندخله نجرع الموت*
ومن حچي الشماته اتذوب الگلوب*
كل ديره النطبهه اتدگ بالطبول*
واعلينه الخوارج وادم اتگول*
يحسين اليتامه چانو اهواي*
وحداية ضعنه اعليهم اتجول*
شي تشمر علينه احجار
وشيّ اترشنه ماي الحار
................................
يمك هالرجعنه خويه يحسين*
ولا تسألني عن بنتك بقت وين*
ردينه ضعن بس فاگد احباب*
گوم اتلگه ضعنك وانته الحنين*
هاك اخذ الامانه وخلي ارتاح*
ورد ليّه الخدر تدري الخدر راح*
راسك انه اجيت وجبته وياي*
ورجعلي الامان المن طحت طاح*
ابنياتك جبتهه وجيت
مكسوره الظهر رديت
علاء المياحي
الفاتحه لروح والدي
قصيده لرجوع مولاتي زينب لديار
ولقائها بأخوها محمد
تقرأ مربعه وتقرأ طور موشح
ــــــــــــــــــــــــــــــــــــــــــ ـــــــــــ
المستهل 👇👇👇
گـــوم خــــويه محمد تلگاني
جيت من درب السبي بحزاني
ــــــــــــــــــــــــــــــــــــــــــ ـــــــــــ
جيت بيتام وحرم والعايله
جيت عل هزله يخويه المايله
اليوم تعبانه لديــــاري واصله
جيت من درب السبي بحزاني
ــــــــــــــــــــــــــــــــــــــــــ ـــــــــــ
انه زينب ليش مستغرب بقيت
معرفتني وجنك الزينب نسيت
شفت لوعات بزماني وهل اجيت
جيت من درب السبي بحزاني
ــــــــــــــــــــــــــــــــــــــــــ ـــــــــــ
خـــويه لاتنشدني عن أحــوالي
شحال زيـنب ردت بــلا والــــي
هـــواي تعبها اليـسر يــــالغالي
جيت من درب السبي بحزاني
ــــــــــــــــــــــــــــــــــــــــــ ـــــــــــ
گوم ليــــــه اسندنـي ياظي عيني
حيــــل مهظومه اوصلت بونيني
فدوه لاتنشدنــي عـن حسيـــني
جيـت من درب السبي بحزاني
ــــــــــــــــــــــــــــــــــــــــــ ـــــــــــ
اااخ يــمحمد شســـولف ياهظم
كــل مرار البيـــنه واصل للعظم
صعبه سادات وهـواشم ننهظم
جيت من درب السبي بحزانــي
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان
#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#فزاعية_جنوبية
#حصرياً 🔥🔥🔥🔥🔥🔥
عندما رجعت قافلة ام عون ع 💔
كاني بالامام العباس ع عندما احس برجوع زينب ع وهي على ظهر الناقه من بعيد. وتقربت النوگ لرض كربلاء. واردت النزول مولاتنا زينب. عاد هنا شصاح العباس ع
#النعي....
هله بالجايه واتريد اخوها
قويه ام عون واختي ماسبوها
فزت واحد وسبعين اجوها
وليها المگبره هل طوقوها
للانصارصاح بصوت اخوها
#النزلة......
جاوين اديه ها يزلم النيبه
شو طوقوها المگبره للهيبه
((طوقوها// خل تنزل زينب ))
جيبولي اديه والنهر گلوله
يرگع لخيتي وكون محني بطوله
ويصير يم اجدامها المعدوله
((ويم زينب //الشط يچودر))
الماي راگع مستحي كدامج
روحج حنينه وجايه لخوانج
بيرغ عراضه خل يرف جدامج
((يامهيوبه//نورتي الطف))
امدلله عباس جت مهيوبه
راسي مشه وياج يامحبوبه
امر الله تمشين بيسر وادروبه
((امر الله الصادر//هداني ))
امرالله صارد والملك حاجاني
هود يعباس الامر رباني
الله ومحمد بيك هالوصاني
((حاجيته//ياملك اتريض ))
ريض يملك الموت زينب هايه
منتظره يم اخيامها الحمايه
گلي يعباس اعتذر عن هايه
((ياخال ابنج فاضت روحه))
تمت بعون الله وتوفيقه 🧿
#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع
اهدي عملي هذا صدقة جارية لسلامة الإمام المنتظر ((عج))
رجعنه ومستحين هواي من زينب
ضلت يم اخوهه بل دمع تنحب
*
رجعنه يم اهلنه عيون ذبلانه
اضن زينب الحره بقت زعلانه
وعباس الكمر واكف بلا جفين
يستقبل الزاير هوه وخوانه
عفنه كلوبنه ملهوفه وبحسره
ودمعات المواكب وصلت الحضره
بقت بس النفس ودمع كام ايصب
رجعنه مستحين هواي من زينب
**
يا خدام زينب اجت مجتوفه
بكل موكب توزع دمعه مذروفه
عله المذبوح ما بطلت تجري العين
وعله العباس ذاك الضحه بجفوفه
اتفضل يزاير زينب منتصيح
صوت بكل اذن يتسابك ويه الريح
وصلت كربله كام الدمع ينصب
رجعنه مستحين هواي من زينب
***
رجعنه جروحنه خلفت بس جروح
بعد الاربعين الحره وين اتروح
بس اكبور يمهه ألمن تدير العين
عفناهه وحيده تصيح يا مذبوح
يا جرح الاخو بلكلب مايبرد
كل ساعه اعله زينب حزن يجدد
من الشام لحسين بحزنهه اطب
رجعنه ومستحين هواي من زينب
***،
انشدك يا موالي زينب بيا حال
يم اجفوف اخوهه ودمع همال
استقبلهه منو اخت الشهيد حسين
لا يمهه اهل لا بقو عدهه عيال
خجلانين منج وحنه لمقصرين
وحق دمعت رقيه وشهيد حسين
ردينه بجمر والاه نتكلب
رجعنه ومستحين هواي من زينب
****
تروح الوين هيه بلايه خوان
الدمع بعيونهه يترسله نهران
وعباس السهم هل نابت بعيناه
وصلت كربله بلروح نيران
اجت لحسين وهواي السوالف
اجت عطشانه حتى الريج ناشف
وصلت كبر اخوهه والكلب شيب
رجعنه ومستحين هواي من زينب
***
وين انتي يزينب هسه يم عباس
الله يساعدج ما ضلت انفاس
اضن شفتي الكفيل هناك متي
ذكرتي حسين جنه بخيل ينداس
هسه شلون بينه وعفنه زينب نوح
ثكيله هواي اخت عباس وين تروح
جنه الطف رجع والكافل مخضب
رجعنه ومستحين هواي من زينب
***
صدك وحدج بقيتي وجبتي الاخيام
وجت وياج سكنه وحتى الايتام
اهتزت كربلاه بمصاب الحسين
نصبتي موكبج الايتام خدام
صعبه اعليج وانتي اخوانج اموات
تكضين العمر احزان واهات
تندب ياعلي وين الطبر مرحب
رجعنه ومستحين هواي من زينب
****
ندهتي حسين بلكت نايم ويكعد
كلتيله غريبه وما ألي احد
سمع دكات كلبج ها يخوان
جا وين الكمر صوب النهر مارد
وصلت زينب ومحد تلكاهه
علي السجاد والاطفال وياهه
انهض خويه كالت والوضع اصعب
رجعنه مستحين هواي من زينب
كلمات /حيدر ناجي الدراجي
#من_ديوان_عبرات_و_أنين_ج٥
قصيدة للأربعين (رديت نحلانه)
❥━──➸➽❥❂❥━──➸➽❥❂
من درب السبي رديت نحلانه
واصيح بصوت يبن امي تلگانة
❥━──➸➽❥❂❥━──➸➽❥❂
مهظومة ونحيلة وحيل مابية
واصيح بصوت يامحروم المية
ماتگعد يخوية اتشوفني شبية
اعثر بالجدم والدمعة جريانة
❥━──➸➽❥❂❥━──➸➽❥❂
اهمل دمعتي وبذيالي اتعثر
اجيت اليوم ازورنك يبو الاكبر
وية جثتك اريدن ادفن المنحر
هالجبته واجيت وروحي خلصانة
❥━──➸➽❥❂❥━──➸➽❥❂
راسك جيت ياخوية ارد ادفننة
واعله جثتك يالغالي اردنة
ويمك يالولي ارد اجذب الونة
روحي لشوفتك يحسين لهفانة
❥━──➸➽❥❂❥━──➸➽❥❂
هاليوم اربعينك صار يالوالي
محتامة اعله شوفك خوية يالغالي
انه والحراير جينة واطفالي
مشتاگين الك انهض يملفانة
❥━──➸➽❥❂❥━──➸➽❥❂
گوم اگعد تلگانة يبوسكينة
من درب اليسر هاليوم ردينة
نجري ادموعنة والهظم غاطينة
منك ياوسافة البين حرمانة
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
رِجعت زينب أمن الشام
بنفس الهيبه لخوتها
وياها علي السجاد
والزهره التلگتها
رِِحلة عز واجت منها والظالم عرف حجمه
الگاعد عالعرش مرتاح يم زينب نسه اسمه
شيطان الشكل والروح والإيمان اجه يرجمه
دخلت للقصر حيدر
وگفت وگفت الاكبر
حرب وانتصرت الخدر
علي وبسيفه طب عالگوم كل الناس شافتها
صاحت يا يزيد اصمت اووِگف مجرى النفس عنده
بي خوفه وعلي خلت تذكرها ولد ولده
گبال الهيبه مو طينه( كلمن دمعته بخده )
منها شردت القاده
تشل الراد يتماده
زينب هيبه الساده
يا دولة التسكتها وكل الكاع دولتها
المو رجال يم عباس يم الحره مو رجال
العفه من الله ياهل الناس عَليها مفصله تفصال
اول حرمه بالتاريخ شافتها العِده خيال
بعباية فاطمه الزهره
وگفت بالقصر حضره
وانطت كل شخص قدره
رهبه بالزلم صارت زينب هاي صولتها
مضرب للوفه زينب هاي الماتهبط الرأس
التاريخ انحنى يمها غير اخت الشهم عباس
الحارسها الملك جبريل بس بفاطمه تنقاس
ردت راشده النيه
المرأه الكربلائيه
حضنت گبر ابو الرقيه
وبده سيل الدمع يجري اعله ونها تبچي ناگتها
من گبر لگبر ضلت تمشي ولونها تغير
مثل اشفاف ابو السجاد گلبها بكربله اتفطر
الماعثرت بطبت السوگ يم إخوتها تتعثر
العافت عالارض مذبوح
حگها تنحني وتنوح
احساس الحره ضل مجروح
لان عافت اخو مطشر ويمه الروح خلتها
بعبره نادت اخوتها وداعت الله يخواني
هذا اول عزه يمكم ويم جدي العزه الثاني
وعد ما اگطع الونه واموت من الهجر اني
وعد ما ينگطع نوحي
ولا انساهن اجروحي
لحد ما تنقبض روحي
كل لحظه تموت ام عون بلا اخوان رجعتها
الشاعر عبدالله الشويلي
(السيده زينب ع تخاطب جابر)
تـلـگـانـي يـجـابـر ذب الـعـمـامـه
تـلـگـانـي يـجـابـر ذب الـعـمـامـه
*---------------*---------------*
اريـدن دمـعـتـك ويــاي تـجـريـهـه
ذبـهـه اعـمامـتك الـمـن امـخليـهـه
أجـيتـك بـالضـعيـنه وزلم مابـيهـه
وگـلـبـي بـالـحـزن مـا تـبـرد آلامـه
*---------------*---------------*
احـسـيـنك بـالـسمـاهر علّـگو راسـه
أخـبـرنـك يـعـمـي والـشـمـر داســـه
مـاچـنــه الـرسـول الـقـبّـلـه وبـاسـه
اسـولـفلك سَبـينه وجـرحه وا لامـه
*---------------*---------------*
شاركني امـصابي ومدمعـك صبـه
أشـكيـلك اجيت وشكوتي صعـبـه
لـو بـيـدي متـت والـشـام ما طـبـه
مسلم مـاشفت مـعـروف بـسـلامـه
*---------------*---------------*
أجيـتك بـالدمـوع وحيـل مابـيـه
وبـعيني اشــوف الـمـوت يـوميـه
سـلبـوه الـخــدر رديــت مسـبـيـه
شـافتني الشمـاته مـدنّـگه الهامـه
*---------------*---------------*
وجـهي هالمـصـايب غـيـّرن لونـه
تمنـيت ويخوتي اهنـاك مـدفونـه
المثـلي بـالمنـاحه يـعـمـن عيـونـه
صـوبني الـدهـر مـارحمن اسهامـه
*---------------*---------------*
مـوتي بـالخـرابـه اشـگـد تمنيـتـه
مـچتوفه بحبـل والـشـام طبـيتـه
مـا بـيـن الاعـادي الـخـدر تـاليـتـه
مكسور الظهـر مـا ينـفـع احـزامـه
*---------------*---------------*
أسـولفـلـك محنتي وانـه معـذوره
عـينـك لاتـشـوف اتـروع الصـوره
گـدامـي وضلّوع حسين مكسـوره
وشـحـال اليطيح حسين گـدامــه
*---------------*---------------*
✍خـادم الـحسيـن ع
الشاعر رعد الجريخي
#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#فزاعية_جنوبية
#حصرياً 🔥🔥🔥🔥🔥🔥
عندما رجعت قافلة ام عون ع 💔
كاني بالامام العباس ع عندما احس برجوع زينب ع وهي على ظهر الناقه من بعيد. وتقربت النوگ لرض كربلاء. واردت النزول مولاتنا زينب. عاد هنا شصاح العباس ع
#النعي....
هله بالجايه واتريد اخوها
قويه ام عون واختي ماسبوها
فزت واحد وسبعين اجوها
وليها المگبره هل طوقوها
للانصارصاح بصوت اخوها
#النزلة......
جاوين اديه ها يزلم النيبه
شو طوقوها المگبره للهيبه
((طوقوها// خل تنزل زينب ))
((بت قادة//والطبت ترهب))
جيبولي اديه والنهر گلوله
يرگع لخيتي وكون محني بطوله
ويصير يم اجدامها المعدوله
((ويم زينب //الشط يچودر))
الماي راگع مستحي كدامج
روحج حنينه وجايه لخوانج
بيرغ عراضه خل يرف جدامج
((يامهيوبه//نورتي الطف))
امدلله عباس جت مهيوبه
راسي مشه وياج يامحبوبه
امر الله تمشين بيسر وادروبه
((امر الله الصادر//هداني ))
امرالله صارد والملك حاجاني
هود يعباس الامر رباني
الله ومحمد بيك هالوصاني
((حاجيته//ياملك اتريض ))
ريض يملك الموت زينب هايه
منتظره يم اخيامها الحمايه
گلي يعباس اعتذر عن هايه
((ياخال ابنج فاضت روحه))
تمت بعون الله وتوفيقه 🧿
#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع
اهدي عملي هذا صدقة جارية لسلامة الإمام المنتظر ((عج))
تهتف ....الوفايه
هذا صوت الرايه
........عاشك انه احسيني
معتني مشايه
*******
يالله شد الرايه.....وعتني مكصودك
سبح بنفاسك........بالمشي مشهودك
معجزات تشاهد......هذا وافر جودك
كلشي لجل الزهره..قدمت مجهودك
بيها تلكه انفاسك
عابس ابحساسك
........والموالي ينادي
شيعتك عنايه
*******
اعمه شفنه بدربك......مايشوف بعينه
بروحه لمن كاصد..بالمشي الله يعينه
كال اشوف بكلبي.....والبصيره بدينه
الوفي بيمانه...كلشي ينطي احسينه
بالمشي انتباها
فاطمه نلكاها
......تمشي والله ويانه
لو نسوي اقرايه
*******
فاطمه اتلكينه.......شوفي هاي احبابج
ماتعوف احسينج....نجري دم بمصابج
فدوه لو شمينه............ذره من اترابج
دم نشوف اعيونج......مانشف بهدابج
بالمسيره انواصل
هيه بس تستاهل
........انتي كلشي بروحي
روحي يمج هايه
*******
وزعتلك روحي..كلشي لجل انطينه
اشرت دمعاتي.......الكربله اتودينه
بوصلت. احلامي......بدربك ادلينه
والعذر تقصيري......والله ماوفينه
كاتب ابحساسي
حيدري عباسي
.......فاطمي دمعاتي
وانه منطي احچايه
*******
كل مسيره انواصل ...بربعينك جينه
اتوزع الزوارك......ماي شفنه سكينه
يم حسن خطارج.......فاطمه تلكينه
والكمر شد واهس.....والعزم منطينه
ياعلي نادينه
ماتهم رجلينه
......كل تعب مابيها
هيه هاي الغايه
*******
تمت بعون الله
خادمكم..... يوسف الفتلاوي
للزيارة الاربعينية
ماهمني برد لاحر
متعني يبو الاكبر
ماهمني برد لاحر
★★★★★
درب للموت عشاگه
درب مااحمل افراگه
گلب لواحسب أشواگه
عدد زوارك واكثر
متعني يبو الاكبر
★★★★★
حر وبرد ميهمني
ولاكل ظرف يمنعني
لبوالسجاد متعني
لوقصرت اتعذر
متعني يبو الاكبر
★★★★★
من الزغر حد نعشي
حبك سيدي كل شي
ماهمني الدرب امشي
يطول الدرب لو يگصر
متعني يبو الاكبر
★★★★★
الصادق يدعي بالرحمه
الزوارك يبو اليمه
يلي زيارتك نعمه
عنها شلون نتأخر
متعني يبو الاكبر
★★★★★
نار النايبه بضلعي
هذا بالعشگ وضعي
مثل مايستعر دمعي
نبضات الگلب تسعر
متعني يبو الاكبر
★★★★★
ياغالي على كل غالي
أعز من روحي وعيالي
اول حبك وتالي
على كل عشگ يتصدر
متعني يبو الاكبر
الشاعر حسن لعيبي الحريشاوي
لزيارة الاربعين والمشايه
لهذا اليوم ناذر روحي وسنيني
اجيت باربعينك دمعتي بعيني
★★★★★★
عفت روحي واهلها عفت دنياي كلها
يبوالسجاد رايد كون تقبلني
أبحسرتي ونار گلبي تصاحبني وي دربي
الناعي ابكربله لمن يذكرّني
شكثر زينب هظمها المحروگه خيمها
وحال اطفال مرعوبين يهظمني
أگبالي اصير الطفوف علي السجاد مچتوف
وسفه امگيدينه والظهرمحني
مصيبه احزانها تجري بشراييني
اجيت باربعينك دمعتي بعيني
★★★★★★
بعد ماظلت اخيام زينب مشت للشام
أتصبراطفال تمشي الدرب مرعوبه
اذكر هظم العيال ابد مامثله كل حال
اطفال بلاغطه وظعون مسلوبه
غربة اوظلمة الليل عليهم جالت الخيل
عيال بياذنب للگوم مطلوبه
زينب ظلت اليوم بحرگه وگلب ملچوم
هاذي زينب الكل وكت مهيوبه
تجرح هلصور گلبي وتچويّني
اجيت باربعينك دمعتي بعيني
★★★★★★
امشي ودمعه بالعين تسولف قصة حسين
مية سالفه بكل گطره بدموعي
اودع الراحه توديع ماعندي مواضيع
بس انته يبو السجاد موضوعي
اجيت اليوم مشاي ليل الحزن وياي
عمر الليل اطول من ضوه شموعي
جيش وخيل وسيوف گبالي اصير الطفوف
امشي الكربله والناربظلوعي
وخيالي يروح يم نحرك يوديني
اجيت باربعينك دمعتي بعيني
★★★★★★
امشي بگلب مهموم ماشايف طعم نوم
من نار الخيم مصدرها نيراني
على المطعون برماح وگمر يم النهرطاح
اظل ابلوعتي ما افارگ احزاني
لجل أعيون الحسين الناذر عمره للدين
عفت كل الاهل وتركت خلاّني
ويبوالسجاد ناديت بدربك لمن امشيت
شمقدم الك بيش افتخر اني
خادم ريت الك للدوم خليني
اجيت باربعينك دمعتي بعيني
★★★★★★
شوفيلك يوفاي ذبيح الماشرب ماي
وانا اهل المواكب ماي يسگوني
ثوبك ليش مسلوب وظعنك راح منهوب
وانا المهيوب خدامك يخدموني
اعيال الظاعت بليل منهم شافت الويل
شلون اگعد بموكب واطبگ جفوني
الضريحك انا يايوم شوكت اوصل يمظلوم
اريد ابراحتي من ابچي يخلوني
وين الگه عمر للنوح يكفيني
اجيت باربعينك دمعتي بعيني
الشاعر حسن لعيبي الحريشاوي
نعي مجاريد للاربعين عند رجوع مولاتي زينب الى اخوتها كأني بها وهي تكلم اخيها اباالفظل العباس وتقوووول
👇👇👇👇👇👇
ــــــــــــــــــــــــــــــــــــــــــ ـــــــــــ
ارد أگصد لعد حامي الظعيه
يعباس افزع ياولينه
مامش بالظعن والي اجينه
ــــــــــــــــــــــــــــــــــــــــــ ـــــــــــ
وين ايامنه الجانت زهيه
حنيت الك ها يالشفيه
طالت غيبتك خويه عليه
ــــــــــــــــــــــــــــــــــــــــــ ـــــــــــ
اربعين ليله بعيده عنك
مهظومه وصلت اليوم يمك
مشتاگه وريد بحظني المك
ــــــــــــــــــــــــــــــــــــــــــ ـــــــــــ
طريتها دروب البعيده
مامش أخو يحط ايدي بيده
حيلي خلص يبن الصميده
ــــــــــــــــــــــــــــــــــــــــــ ـــــــــــ
تحن الأخت وتريد اخوها
لو عالو عليها وشتموها
يفزع يجيها ابن ابوها
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
لكعد على درب اليروحون
لصوب الحسين وتجري العيون
هم شفتو زبنب مرت اهناه
ونادت على الخوان ويلاه
الظعن مر ومحد وياه
لو زلم جانوله يحامون
هم شفتو زبنب صوبه راحت
تعبانه لو هم استراحت
تمشي بصمت لو نوح ناحت
لحسين وعياله ينوحون
زينب نفسها المشت للشام
لو غيرتها اهموم الايام
صح هيه تمشي ورافعه الهام
بس بالقلب خوان يحجون
لكعد واعدهن خطوه خطوه
واشكثر بيهن شوك خوه
من زينب الردت تلوى
لخوانها ومتغير اللون
لكعد على درب المحنه
البيه اشم ريحة الجنه
لحسين فدوه وكل اهلنه
الوهب دمه وعمر الدين
محمد دعبل النوري
محرم 27 قصيدة لمشي الاربعينية ثلاث دكات ونسألكم الدعاء
حافي امشي واذكر زينبك واذكرهه الايتام
واذكر خيام التحترك نار اويه السهام
............
من تمشي حافي اي تحس جويات التراب
وعيون تربي اعله النهر منهه الكمر غاب
حتى الرضيع امن العطش منه الرمش شاب
من العِطش جبده انفطر وتموت الاحلام
............
يم المواكب لو شفت مهد ابلا طفله
الماتت جبدته من العطش بالماي شِلّه
وسهم المثلث حرمله بالركبه خلّه
رفرف امن حدود السهم تالي غفه ونام
............
لو شفت طفله امتيهه خذهه اعله اهلهه
ارهيف كلبهه من الفكد زايد حملهه
اذكر رقيه والشمر بالنار اجه الهه
وبجفه الاخرى سوط وبعينه جن شام
............
من تمشي ظل الطم على صدرك ووِجعَه
واتخيل احوافر تهم والصوت اسِمعَه
ماظل لبو اليمه صدر مهشوم ضِلعَه
طحن الرَحَه بصدره تحس مطحون الاسلام
............
تراب المواكب لو يُطب ابعينك اهواي
اذكر العين الي انطفت يم مشرعة ماي
عين النِبَت بيهه سهم ودم الترس هاي
وجفوف ماعنده لون صوب الخيم كام
...........
لو وجهك اتحركه الشمس اصبر عليهه
شمس الله وسياط الشمر طُبعَت بيديهه
والحُركَه الاكبر ندهته ومارد اليهه
زينب كلبهه محترك وشجم جرح ضام
...........
(لو قَطّعو) كِلّه نجي لو نزحف زحوف
كربله هوه ولو نطب من كِتر الجفوف
نوصل ضريحه لو صور وارواحنه اتطوف
شاء الله حِزن ابن النبي ليوم الحشر دام
...........
ابو مريم الاسدي ..
14/آب/2024 ..
ياعباس...... كوم اكعد تلكاني
ـــــــــــــــــــــ
تلكانة يخـــــــويه جيت بضعوني
دكعد يبو فاضــــل عاين شلوني
اضن هسـه يخــــويه ماتعرفوني
مشيبة والدرب محنيه خلاني
ـــــــــــــــــــ
يافكد الاخو يامصــــــعب فراكه
اجيت من اليسر ياخويه علناكة
ملهوفه تره اني وروحي مشتاكه
وشوك الروح الكم خويه جاباني
ــــــــــــــــــــــ
جاباني الشوك وجيـــت ملهوفه
للفوك الشريعه طاحــت جفوفه
للصدره انطحن والخيل متعوفه
جنحاني وبقيت بلاية جنحاني
ـــــــــــــــــــ
عازتكم يخويه محـــــد يسدهه
وياكم ايامي الكـــضت شيردهه
ماتكدر اختكم تبــــــقه وحدهه
تهدم الحيل عازتكم يخواني
ــــــــــــــــــ
تهدم الحيل خويه فركه الخوه
من بلوه اكـــــــوم واوكع ابلوه
ماضلي بعد من هالوكت تجوه
بعد شوفو وين الوكت وداني
ـــــــــــــــــــــ
الشاعر
مصطفى الحسني
رجوع السبايا
يحسين اكعد شوف العيله
يمكم زينب هاي اليله
▪︎▪︎▪︎▪︎
يحسين اختك زينب ردت
وين خواني عليكم نشدت
طيور الدنيا وياها الگصدت
والسجاد اتهدم حيله_يحسين اكعد شوف العيله
▪︎▪︎▪︎▪︎
يمكم مثل الورده أوذبلت
واعله اترابك خدها خلت
وياها ادموم الدمعه الهلت
ولو بعد اكثر هم تبجيله_يحسين اكعد شوف العيله
▪︎▪︎▪︎▪︎
عباس اكعد ها يعيوني
بمصاب ارقيه اتواسوني
چانت تصرخ بويه احموني
جراها الترچيه بحيله_يحسين اكعد شوف العيله
▪︎▪︎▪︎▪︎
ضربوني ياخويه وعفتك
حسره بكلبي وماكلمتك
مشكورالوافيت لاختك
بسمك كلبي كل ترتيله_يحسين اكعد شوف العيله
▪︎▪︎▪︎▪︎
عفتك يالوالي وموبيدي
حرمه وبالغربه امشي وحيدي
ومثلك يابس هم وريدي
وصاير وجهي بلون الشيله_يحسين اكعد شوف العيله
▪︎▪︎▪︎▪︎
يبن امي وهذا ابنك شوفه
مثلي روحه هم ملهوفه
زايد حزنه وفاض جروفه
ودينك لوطاح يتجيله_يحسين اكعد شوف العيله
▪︎▪︎▪︎▪︎
يحسين اسمع صوت اعيالي
كلهن صاحن وين الوالي
فظه الصاحت ها يالغالي
فظه اني اسمعني تشكيله_يحسين اكعد شوف العيله
▪︎▪︎▪︎▪︎
فظه ويانه وماعافتنه
هم مسبيه وهم خدمته
حبهه الخالص من حبتنه
زينب وشهد هالتفظيله_يحسين اكعد شوف العيله
▪︎▪︎▪︎▪︎
يحسين اسمع هاي حجايه
وفايه الدينك وفايه
ننصركم معروفه الغايه
لوموت وحبكم نمشيله_يحسين اكعد شوف العيله
▪︎▪︎▪︎▪︎
كلمات الملا احمد السالمي
#اللهم_عجل_لوليك_الفرج
هوسات جنوبيه لأربعين الحبيب الحسين عليه السلام
ــــــــــــــــــــــــــــــــــــــــــ ـــــــــــ
زينب جايـــه وتريـــــــد فزاع
من درب السبي وصلت بهلساع
وين حسينها خل ينهض بساع
(انهض ليـــــها/ يحسين اختك)
ــــــــــــــــــــــــــــــــــــــــــ ـــــــــــ
وين اخوانها خلهم يكومون
مشتاگه اجت متغيره الون
شوفو حالها زرگات المتون
( متغيره شبيها/ نشدوها)
ــــــــــــــــــــــــــــــــــــــــــ ـــــــــــ
گولو شبيج متغيره يعمت ابني
عفتوني ومشيتو وزاد كل حزني
شگد ونيت بس محد سمع وني
(هل جيت عليكم /گومولي)
ــــــــــــــــــــــــــــــــــــــــــ ـــــــــــ
جيت اشكيلكم من لوعة الشام
يــم ايــتامكم يظرب الدمــــام
سهرانه طــــــول الليــــل مانام
(يانار الشماته /حيــــل تاذيني)
ــــــــــــــــــــــــــــــــــــــــــ ـــــــــــ
گمت انده يخوتي وحيلي رگدان
جبتلكم عليـــل ويـــــــاي تعبان
رديـــــت بظعـن ايــــتام تعبان
(ياظعن العقيله /يريد كفال)
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان
المــــواكب تنـتظر
وصل ضعن الخدر
ــــــــــــــــــــــــــــــ
استعدوا يالخدم .. وانصبوها الخيم
وصــــــل ضعن النبي.. تـلگوه بـالعلم
الگلب صاير جمر
وصل ضعن الخدر
ــــــــــــــــــــــــــــــ
تِـــــلگوه بالدمع.. وگلبكم منفجـع
اذا زينب اجت.. ندگ اعلى الضلع
الخدم خل تـنـتشر
وصل ضعن الخدر
ــــــــــــــــــــــــــــــ
ابصَفر ضعن النبي.. يعود امن السبي
يــــطـب الكربلاء.. لچن حــمر العبــي
الكســــــر ماينجبر
وصل ضعن الخدر
ــــــــــــــــــــــــــــــ
علي والعايله.. وصل حد كربـله
العليل وعمُته .. دخل نستقبله
ابـگلبنــــه المستعر
وصل ضعن الخدر
ــــــــــــــــــــــــــــــ
انتلگاه باللطم.. ندگ حتى العظم
بلا والي رجع.. ضعنهم منهظم
الضعن طب منكسر
وصل ضعن الخدر
ــــــــــــــــــــــــــــــ
ضعن شابع جرح.. ونحر فوگ الرمح
هلا براس الگمر.. هلا ابــوجه الصبح
ضــواه مـايــندثــر
وصل ضعن الخدر
ــــــــــــــــــــــــــــــ
حيدر بشار الدراجي
جيتك اوجبت الراس وياي
واعله الكَبر رشيتلك ماي
اه يعطشان
...1...
جيتك وجبت الماي وياي ارد ارويَّك
مذبوح جبدك بالعطش يا خوية ادريك
ألماي شح اعليه ذاك اليوم انطيك
هسه انه جبته اوياي الك بلكي الله يحييك
عطشان عفتك يوم الاطفوف
ما بيك حيل اترد الاسيوف
وحيل تعبان
...2...
من بعد ضيم الشام اجيتك يابن امي
بالكوه امشي اعله الجدم كايدني همي
جم ليلة مرت وانت غايب ماهو يمي
رديت الك مو زينب، المسبية اسمي
ابنوك الهزيله الشام طبيت
وبسوكهم جم شامت الكيت
امتاني الي جان
.....3.
مر تسعه وتلاثين يوم اعلية غايب
ماشفت طولك يالنمت جوه الترايب
كوم اعله حيلك يالعليك الكَلب ذايب
افراكَك كتلني وعاشت ابروحي النوايب
بعدك يخوية حالي يا حال
وياك راحت راحت البال
والكَلب حزنان
...4...
كبرك وصلته اكعد يخوية اتلكه أخيَّتك
عطشانه تدري الشوفتك وانته ابغربتك
زيح التراب وكوم روايني كشختك
ما ريد اشوف اسهام بيك ولا ذبحتك
مشتاكه اشوفك ببيض الثوب
واكف تصلي فرض الاغروب
حان الاذان
...5...
جبت الدرب وي روحي اسولف يابو الاكبر
هلبت ارد والكاك سالم ما موذر
ويطلع خبر موتك جذب ما لايحك شر
وابعيني اشوفك سالم اعله اخيامي تفتر
وعبدالله فوك امتونك الكاه
شابع ضحك ما شابع اضماه
موش ذبلان
.....6....
جيتك يخويه ابلا نبض كلبك رقية
بذيج الخرابه انه ادفنتهه ابهاي ادية
من جابو ابطشت الذهب راسك اليه
اتلكته بلهفه وشبكَته شبكت منية
ما ودعتني ماتت ابساع
وانه ادفنتهه بدمعة اوداع
جوه تربان
........
✍️ كلمات موسى الخادم