7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يزاير .......لو مشيت الكربلا
يزاير..........خلي موعد للصلا
زكي حتى اموالك
تقبل الله اعمالك
*******
حسين كل خطوه لك يحسبها حجه
كون عهدك ملتزم كل مشيه رجه
عارفا زور الحسين واتدري نهجه
رجلي تتعنه ركض لوحتى عرجه
يزاير.........دير بالك من تروح
يزاير.....بالمشي غض الجروح
بكلشي حاسب حالك
تقبل الله اعمالك
*******
عوف كلشي اتوجه وامضي بصلاتك
بالمشي واصل مسيرك صفي ذاتك
روح صليلك فرض كل لحظه فاتك
كلشي بيك حسين يعرف عن حياتك
يزاير...........خلي منهج من تزور
يزاير.........تملك الحب والشعور
خطوه حجه انطالك
تقبل الله اعمالك
********
عوف درب الغيبه انت ابكل مسيرك
وياك يمشي المهدي حكم كل ضميرك
حددت بيدك نجاتك كل مصيرك
بس تزل يبنادم الشيطان اميرك
يزاير .......لو زعل راعي العلم
يزاير..........تبقى عايش بالندم
سوي زين افعالك
تقبل الله اعمالك
*******
هاي فرصه من العمر وتمر بالايام
استغلهه بخدمة الغالي يخدام
صفي نيتك بالمشي بس شد الحزام
دير بالك عالصلاه موبس تجي تنام
يزاير......حسين ضحالك تشوف
يزاير.......صلى عاشر بالطفوف
بث يشوف ارسالك
تقبل الله اعمالك
*******
بالمشي من تمشي اترك غيبة افلان
لا يغرك زين صاحب تالي شيطان
ايضيع اجرك بالزياره وانت خسران
انت يم حسين توكف والله خجلان
يزاير .....عيش لحظات الهيام
يزاير.......انشر الحب والسلام
حسين يتعنالك
تقبل الله اعمالك
*******
بربعين احسين اكصد وفي عهدك
راح ابو صالح يسألك شنهو ردك
كالك صليت وانت اتكول بعدك
شلون للمهدي جوابك وينه وعدك
يزاير.........الدين وصاك الوجوب
يزاير........زحمه من تحمل ذنوب
لله صفي وصالك
تقبل الله اعمالك
*******
يوسف الفتلاوي
حارب فكر كل فرعون الحسن بإيمانه
افواه الحقه ميموتون الحسن بإيمانه
يرسم معالم دينه && للطف يمهد احسينه
الحسين بإيمانه
••••••••••••••••••••••••••••••••
الحسن جان صلحه عن معرفه وعن درايه
النور ماحبله ظلمه عنده مبدا عنده غايه
مايساوه الخشب بالماس العقل مايقنع بهايه
راح تعرف منهو الاثمن
يكشفه يِشوّفه الزمن
الحسن يزهي الحسن
منهل الامة والهداية
الحسن سر الرحمن مخفيه اسراره
مبعوث بهيئة قران مخفية اسراره
جود وكرم اوصافه
يسحر انظار الشافه
الحسن بإيمانه
"""""""""""""""""""""""""""""""""
مايدور الحسن سلطة ولاتهمه اي مناصب
ماتغره الدنيه لحظة جان عنده بعد ثاقب
صور يضرب بالشجاعة حِلمه صاير اله صاحب
دوله يحكمها العدل
لكربلة حلقة وصل
بثورة حُسينه تتصل
بالخير باجرها العواقب
للطف الحسن عنوان بانت اعلومه
رسالة فكر مو ميدان بانت اعلومه
اهداف الثورة يرسمها
الامه بدينه يعلمها
الحسن بإيمانه
••••••••••••••••••••••••••••
ابن طه النبي هذا منبعث للامة مصلح
بالظلامة الامة عاشت جان للظلمة صبح
جولة الباطل خسارة و الحق جولاته الربح
عنده رسالة واضحة
بأول شهيد مصرحة
بحسين جان المصلحة
ودعوة محمد تتضح
دعوة عنده للاصلاح جانت هلـ غاية
بحسينة يدري المفتاح جانت هلـ غاية
سيد شباب الجنّة
بطريق الحق علمنّه
الحسن بإيمانه
••••••••••••••••••••••••••••
التاريخ يتوضه بحروفه ونجمه يضاهي الثريه
للهداية جان رحمة ونعمة نزلت للبرية
عنده مرسوم السماوي ينكتب بالغاضرية
بدم الشهادة تصدق
مرسوم الالهي تحقق
انبعث قران ينطق
يقيم دولة الاحمدية
منهج محمد مرسوم بميزان افعالة
منهج حق لكل مظلوم بميزان افعالة
اسرار الخالق اسراره
وصلت للعالي اخباره
الحسن بإيمانه
••••••••••••••••••••••••••••
••••••••••••••••••••••••••••
ثورة حسين العظيمة يظل بيها اثر يُذكر
مايمد الحسن ايده ما يصالح ابد منكر
والاموي حكمه زائل والحسن امجاده تزهر
حكم الظلامة منكشف
وعدل السماوي منعرف
راية محمد بي ترف
سلمهه بيد ابو الاكبر
رايات الاحرار انتشرت مشعل بطفوفه
بدم البسالة تنورت مشعل بطفوفه
كلمن ثبت إيمانه
الخالق يعلي شانه
الحسن بإيمانه
••••••••••••••••••••••••••
المصيبة:
حاكوا خيوط الجريمة والسهم جان جعده
نفذوا فعلت حقدهم بالسم صوّبوا جبده
ظنهم تموت الامامة و بالطفوف حسين رده
دولة محمد قائمة
تنصب باجر محكمة
تفتح سجلهم فاطمة
والباري الحكم عنده
الحسن دين السماوي ومنهج الحق والرساله
الاسلام بجبده انصاب يشكي الظلامة
نور العصمة لا ماغاب يشكي الظلامة
علي موفق القزاز
مطول بنـــــــومك
شمغير ارســــومك
تمنين يابويه حسين،،، يومي قبل يومك
ــــــــــــــ
ها يبويه
يالعــــفتني بزغر عـمري ويتمتني
ها يبويه
يالحـنانك من ضيـــــــاعي يلمني
جابـــــوك بطشــــت لينه وكلــــبي تحير بأمرك
احضنك ردت بس شحضن لا ضهرك ولا صدرك
قبل مو تمسح بشعري صرت انه امسح بشعرك
خوما تلجم يــــحنين اذا قبـــــــــــلتك بنحــرك
يابويه يالغـــالي
يانبــــض دلالي
اشتاكيت انام واحضنك... وبس راسك كبالي
ــــــــــــــــــــــــــــ
صحت عمه
عمه زينب ارد اضلن وياه وحدنه
صحت عمه
اني بنته رايده اشبـع عيني منه
خليني ويه ابوي حسين ماطـــــول اروح بساع
حجي بنيه ويه والدهه هجرهه ونـام حدر الكاع
مالحكت انه اودعنه صغــــــيره وما عرف الوداع
بس درب السبي شيب كلبي وعمري احسن ضاع
خلوني اني وياه
بنيته واريد انعاه
عندي حجي بكلبي... ضميته من فركاه
ــــــــــــــــــــــــــــــ
يا عذابي
من رحيلك وهذه حزني الماله تالي
يا عذابي
وكون عدهه لسان جا تحجي اليالي
تسولفلك عن الـوحشه من وجهـــك علينه غاب
حركو خيمتك بالنار وانه اشمــــــــر عليهه تراب
وغفـل من عمتي زينب اجانــي يـركض السلاب
يجر حيل التراجي كام وكل خوفي يجر الحجاب
يابويه جرح اذني
لحد هسه يوجعني
خليت ايدي ودم نزل،،،، من اذني لمتني
ـــــــــــــــــــــــــــ
شكد تعبنه
من سبونه ومن خذونه صحت اريدك
شكد تعبنه
شكد عثرنه شكد تمنيـــــت الزم ايدك
مادام احنه وحــــدنه اريد اكشف الك ضهري
شوف شكد زراك البي ودمي البالمتن يـجري
عذبني طريق الشام وشيب راسي من زغري
كلما بويه طكني السوط سنه ايزيد لعـــمري
يابويه شحجيلك
ولياهي اشكيلك
اجروج ضهري من الضرب،،،، خليهه ترويلك
ـــــــــــــــــ
اه يالشام
ياوجعهه من دخـــــــــلنه ااااه بابه
اه يالشام
نومتني فوك الـــــــــتراب بالخرابه
يابويه دخلنه الشام اوســــط السوك جابونه
والماشافو النه خيال يبويه هـــــسه شافونه
نضرات الشماته اسهام ونسمع من يشتمونه
وباب القصر يحسـين ثمن ســاعات وكفونه
طبيــت مرعوبه
مكسوره متعوبه
كل خطوه اطبن للقصر.. علوجه مكلوبه
ـــــــــــــــــــــــــــــــ
الشاعر
مصطفى الحسني
مـولاتي رقيه صلوات الله عليها
يابويه شلعت كلبي الايام
مادري ليش مجمره ما انام
بحلامي اشوفن بس الإسهام
وشكد بجيت وماكو صدرك
مو انته عطرك ما وصلني
مشتاكه ولدم اعله متني
جا وين راسك هذا حضني
عا الأقل منك ولو نحرك
شوك السبيه.. يكتل كتل شوك السبيه
يوصل إليه .. نحرك ردت يوصل إليه
بنتك رقيه .. شافت تعب بنتك رقيه
يتراب الخرابه تارس جروحي
__
شكد جنت ما اتمنه اعوفك
لا انته هسه ولا جفوفك
مجويه روحي وارد اشوفك
يابويه حتى اشكيك همي
حتى اكلك شوف وضعي
صغيره وأيديه فوك ضلعي
وما تدري فوك خدودي دمعي
لو يهل من العين دمي
المدلله وياك .. شبعت ركض لمدلله وياك
من اهد مكفاك .. محروك جدمي من اهد مكفاك
يابويه انخاك .. مشتاكه الك يابويه انخاك
من كربله الهسه تنزف اجدامي
__
ماردت كلشي بويه اريدك
ساعه اريد اغفه اعله ايدك
شو عطرك وهذا وريدك
نفس المحنه الغطه وحضنك
جاليش شفتك هيج تجوي
بهل الحاله يابويه شسوي
علرمح نحرك جان يدوي
ما اشوف بس حسيته منك
مو هاي هيه .. يا عشرتك مو هاي هيه
بطشت المنيه .. راسك صفه بطشت المنيه
مو هيج جيه .. ردتك تجي مو هيج جيه
الشفته بعيونك شيبهن رموشي
__
توه المتن مو خشن توه
واعليه شما انام اتلوه
ولجدم حده يمشي خطوه
وعثرات كضيته يدربي
صغيره وأبوي كبالي مذبوح
مثلك يريت تضمني الجروح
شمتانيه و ما تطلع الروح
جا بعد المن ضال كلبي
من عنده خوفي .. صار الجنت من عنده خوفي
ترجف اجفوفي .. من الحبل ترجف اجفوفي
خلصان شوفي .. ماشوف بي خلصان شوفي
الجنت ترجف عليها عاثره هواي
__
نحرك ابد ما جاس حضني
يجروح راسك تعبني
خلني اشوف بعيني دفني
وحدي ولا يمي اخوتي
الدم اعله عينك خفت اچزه
جا هاي تالية المعزه
ناغزني وجهك موش نغزه
وصلني حاله اتمنى موتي
مو ذيج الرسوم .. من العطش مو ذيج الرسوم
ما ماخذك نوم .. الحافر خذك ما ماخذك نوم
يا بويه ما اكوم .. لو اموت لو يابويه ما اكوم
بعد مو مال اعيشن وانته مذبوح
اللهم عجل لوليك الفرج
_مصطفى سلمان
لحن(للمشايه ودوني)
بصوت
سيد صلاح اللكاشي
ناصريه
لحن ( مشايه بدربكم)
بصوت
ملا عباس مزهر
بصره
لحن (اجيت امشي)
بصوت
ملا بشير شوگي
بصره
من ضيم اليسر جيت••بظعن
أحزاني رديت
من يتلكه الظعون••حسين بگبره مدفون
««««((()))»»»»
إجيت من اليسر مدكبعه بحزاني
حسين وكافــــــــلي مـــحد تلكـاني
گبل إم الخـــدر إسمي ويخـــــواني
كل عثره بيسر تشتمـــــني عدواني
من أعثر گبل وين••چنت أتوچه بثنين
الكافل فكده ميهون••حسين بگبره مدفون
««««((()))»»»»
حلم عندي إمنرد ألكاهم إگبالي
وين حسين إخوي إوين كفالي
وصلت الشام بس بكربله بالي
مشتاكه بكثر ماضربو إعيالي
إلهم گلبي مشتاك••مايتحمل إفراك
حلمي إتشوفه العيون•حسين بگبره مدفون
«««««((())))»»»»»
إجـــــــيت من السبي يهلي تلكوني
إذا شفتوني مـــــــاظنكم تعرفوني
إنحنه طولي نكسر ضهري انخطف لوني
مـــــــچويه إديه إوارمـــــه إمتوني
يعصر بيه الأمصاب••عصرة إمي بالباب
جيت وگلبي محزون••حسين بگبره مدفون
««««((()))»»»»
ردت نضره أخيره حسين أودعنه
گبل لايحدي ظعـــــني لليسر عنه
رفعنه إچفوف ونسلم ولاچـــنه
أثاري إلنه رفــــع راس برمح منه
يمشي ويانه مكطوع••لو وَن ونه مسموع
راسه إمحير الكون••حسين بكبره مدفون
««««(((())))»»»»»
يحسين الشمر ضل حارس الأيتام
إشلون المثلي تكدر إلها عين تنام
رقيه وخوله ماتن من عذاب الشام
عدهــــم عيد ثاري ذبحك الضلام
إنت بعينك تشوف••دكو يمك إدفوف
ويم راسك يركصون••حسين بگبره مدفون
««««((()))»»»»
الطلكــــــها إبوي تكــــابلت وياي
وضدي تحالفن طف كربله ودنياي
موبس بالسبي لوعني سوط إعداي
حته الكلمه خنجر صرت أحس بحشاي
ترسو گلبي طعنات••الشام وكوفه شمات
شسوي ومايشمـتون •حسين بكبره مدفون
«««((()))»»»
الشاعر نسيم
الحميداوي
انه الفوگ الهزل مفتر////دولها
بسبينه وحسره البگلبي//دولها
عليل ومالگت روحي. ///دولها
دواهه حسين ابوي وگطع بية
__
انه المرت عليه اشكال //والوان
المصايب والضلوع انحنن//والوان
من اذكر سبي النسوان///والوان
احس الموت اروح صار الية
___
ليالي السبي ما يخطر///خي الهن
و علوياتنه اينومس///خي الهن
بنات حسين بس اني///خي الهن
اخوتي اذبحو بالغاضرية
__
النعي
يمكن البلطف مات ورتاح
ماشاف نار وحرگ وصياح
ولا مشه وياه بالضعن ذباح
ولاشاف روس اوفوگ الارماح
__
حادي الرچايب شتم عمتي
واحد تعده وضرب اختي
صدت وگلتلها اسكتي
والسلسله بيدي ورگبتي
__
الشاعر حيدر الخفاجي
لا تلومونا
بل انصفونا
نحن عشاق الحسين .. لا تلومونا
ناس الي بينا تلوم لا مو سببنه
خلها توجه اللوم وتنشد گلبنه
بعين البصيرة تشوف بيه شكتبنه
حب الحبيب حسين هو الجذبنه
وهالحب ذنب لو صار نرضى بذنبنه
محد من العذال يمتلك حبنه
قد عشقناه
كيف ننساه
وهو نور المقلتين .. لا تلومونا
كَلب اليحب حسين ما يعرف الخوف
خل الاعادي تلوم نحجيها مكشوف
وين الي يحجي انصاف ويملك المعروف
خل يفتح الدلال واباطنه يشوف
ما يلكَه بيه هناك بس اربع حروف
أيكونن أسم حسين موقعهن يشوف
كم عذبونا
لا يرهبونا
صرخة في الخافقين .. لا تلومونا
كود الي يريد يلوم يملك أدله
وللعاذل احنه نكول وبرغم جهلة
غير ابو اليمة حسين ياهو التقبله
غيره الذي يختار يرضى المذلة
حبه بدمانه يسير فكره نحمله
كل غالي هذا اليوم لجله نبذلة
فهو مولانا
ومقتدانا
انه نور اليقين .. لا تلومونا
لافته على الدلال خطينه اسمه
سال من اجلنه حسين بكربلا دمه
سيوف ونبل ورماح فصلت جسمه
ما ظن نوافي وياه لمن نخدمه
يا قائد بهاليوم مثل ابو اليمة
حتى الطفل للدين بيده يقدمه
قدم القربان
في رضا الرحمن
فهو ضحى بالبنين .. لا تلومونا
قائدنه للاصلاح قدم بنينه
وما سالم الاشرار لا مد يمينه
عانق بلهفة الموت من أجل دينه
هو النجاة وصار النه سفينة
انتيه الدرب لولاه بنوره اهتدينة
اهرة ودنيا نصيح وأشهد علينه
به هدينا
دنياً ودينا
يا سراج النشأتين .. لا تلومونا
من دمه للاجيال جم حكم شرع
هو السفينة وصار مسراها اسرع
صوب النجاة تسير وأصبحت اوسع
وبالحشر كل الناس الرحمته تفزع
وما غير ابو السجاد للمحب يشفع
من أجل دمنه حسين بدمه تبرع
مهجة الزهرا
قد مات صبرا
قد بكته كل عين .. لا تلومونا
جمرة مصاب حسين ما لحظة تبرد
حبه اليوجر النار واحشانة موكَد
ما تنطفي هيهات والباري يشهد
دمع المصاب يسيل من دم على الخد
ياهو بخلود حسين قائد تخلد
يضل ذكره بالوجدان حي ايتجدد
جاد بالنجر
خص بالذكر
ذكره طول السنين ... لا تلومونا
للشاعر الاديب السيد سعد الذبحاوي
لا تبطين يلناگه
اريد اخواني مشتاگه
يم أهل الهله ،، اريد الكربله
------------------------------------------
اريدن يم هلي وديني تعبانه
اريد أوصل واصيح حسين هاي آنه
وكت خلانه مسبيات خلانه
وينك يلأخو بس گوم ويانه
تعبنه من البواچي ونظرة الغربه
عطشنه ومايهم ليهسه منشربه
ذكرنه الطف واهالينه
فوگ النوگ ونينه
اجيت امعلعله ،، اريد الكربله
----------------------------------------
اريد اوصل واشم اتراب خواني
رجعت الكربله ومديت ذرعاني
ها عباس ها يحسين هايه آني
يلمدفون اريدك كون دفاني
اجيتلكم واريدن ملگه للخوه
تراهه ابدونكم دنياي مو حلوه
هلرديت يلكافل
ما تسمع يبو فاضل
تلگى القافله ،، اريد الكربله
-------------------------------------
أذب الروح فوگ ترابهم وانعى
على الحزو وريده وكسرو ضلعه
على چفوف الكفيل الونه والدمعه
ها يخوان زينب مالكم رجعه ؟
شحچي وهالكلام الدمعه خانگته
بلوى المنذبح وتروح منه اخته
وايسموهه مسبيه
الگبل تتسمى علويه
الگلب رايد هله ،، اريد الكربله
--------------------------------------
اجيت من السبي عباس مهمومه
اريد اخوان تتلگاني مهضومه
واصيح حسين خويه امطول النومه
اختك من مصاب الشام ملچومه
اريد اهلي ابيارغ ويتلگوني
اريد چفوف تمسح دمعة عيوني
يا ونه المثل ونتي
وين الگال هاي اختي
اخيتي امدلله ،، اريد الكربله
-------------------------------------
اخذ حيلي التراب وحيل شابگته
يدافن طول اخوي اتريده عايلته
آخوي الچان امنه الزهره حاضنته
وسفه خيولهم بالحومه ساحگته
صبح تحت الرمال الچان حامينه
لموه بالحصيره شلون والينه
صحنه اهنا يوالدنه
اجينه من اليسر كلنه
يراعي المرجله ،، اريد الكربله
كلمات الخادم / رعد الفريجي
28 / محرم الحرام / 1446
ثوابها الى روح المرحومه والدتي
اختك يالحسن .. ياروحي.. وجروحي
عنك سولفن
........................
حاربتني الناس خويه ابلا سبب اذوني
تدري يبن امي بمصابك يالحسن جرحوني
الليل هذا ايمر عليه ودمعتي بعيوني
انه زينب ياهضيمه منك ايحرموني
ضل بيه الام.. بغيابك.. بمصابك
يلجمني الزمن
..................
شلون اقنع روحي تصبر وانه اشوف بعيني
بالطشت دمك يخويه الموقف ايبجيني
سممو جبدك يغالي تموت وتخليني
صار يومك مثل جمره وبالگلب يجويني
ياحزن الگلب.. من ترحل.. شتحمل
بعدك يامحن
........................
حسين مخنوك بعبرته. محني ظهره وحاير
وصبح مكسور اعله فكدك. كلبه وي الخاطر
صاح ياريحة ابونه . ودم جره من الناظر
بعازتك يحزام ظهري. ردتك انه لباچر
يافگد الاخو.. شيتوصف.. وانته اعرف
يالگلبك احن
...................
القاسم يقبل چفوفك. ومنهدم كل حيله
وفوك صدرك خله راسه. وانته ماتحچيله
ورمله صاحت وي ابونه. هاي اخر ليله
الحمل طايح يبو محمد. ياهو اليتچيله
عشنه بهل حزن..وانه اختك.. عله بختك
ودموعي الجرن
........................
تموت وتضل ذكرياتي تخنك ابانفاسي
ومن اصد بيتك يبيتي ينلجم احساسي
سوالفك ضحكتك رسمك طابعات براسي
ياجبير اخوان گلبي وعزوتي ونوماسي
رايح للكبر ... ياروحي ... وضل نوحي
حارمني الوسن
.......................
خلاف عينك خويه مدري ياهو اليبارينه
مدري انت مدري حيدر علي المودعينه
سلف شايل من مجانه وكف تره ادواوينه
يالحسن موتك شبيه بحيدره والينه
يالتشبه علي ... شكد صعبه ... نضل غربه
واحنه اهل الوطن
محمد هادي العقابي
قصيدة بحق السيدة خولة بنت الحسين عليهما السلام
انه اعاتب خولة بت حسين انة الشيعة نسوني
انه اعاتب ليش ما مرة بمـحرم تذكروني
--------------------------------------------- ----
انه بت حسين اخت سكنة ورقية
شما جرة بالطــــف عليهن صار بية
يبس شفافي العــــطش بالغاظرية
والحبل طول الســــبي ياكل بدية
انه اعاتب قصة مرة اعلى المنابر سولفوني
انه اعاتب ليش ما مرة بمـحرم تذكروني
------------------------------------------------
انه علـوية وزغــــــيرة يا زمــــــــــاني
عد ابــــوي شكَد عزيــــــــزة ودللاني
ترفة رجلي والجمر بيها چــــــــــواني
اعتب اعلى الما ذكر همي ونساني
انه اعاتب يالتسمعون العتب زيد شجوني
انه اعاتب ليـش ما مرة بمــحرم تذكروني
------------------------------------------------
معودة بأحضان ابوي عــــــــيوني تغفة
نامت سهام المنــــــــية بحــظنة وسفة
منــــــين ما اريدن احظنة يســــيل نزفة
شلون ياشيعة أطيب وجرحي يشفة
انه اعاتب هذا حالي وبالغرب من يدفنوني
انه اعاتب ليش ما مرة بمـحرم تذكـروني
------------------------------------------------
اندفنت بعيد بس روحي بمحرم
شما يمر عاشــــــور بيه ﷲ يعلم
الدمع بالعين يجري دموع من دم
واحظر بكل عام وين ايصير مأتم
انه اعاتب ما سمعت اهل المآتم يندبوني
انه اعاتب ليش ما مرة بمحــرم تذكروني
------------------------------------------------ --
انتــضر كل عام اخــــــبار المنابر
كَلبي ياهالناس ظل لليوم حاير
انتظر ظليت بلكــــــي اليوم باچر
لا شفت رادود لا يذكــرني شاعر
انه اعاتب انه باب الله يشيعة يكَصدوني
انه اعاتب ليش ما مرة بمــحرم تذكروني
------------------------------------------------
الكتبوا الــتاريخ ما كتــــــبوه كلة
بالسبي لحســــين هم تموت طفلة
اطي دوم مراد واشفي البيه علة
لو تطيح بضيج صيح دخيل خولة
انه اعاتب ما ارد محتاج لو مرة نخوني
انه اعاتب ليش ما مرة بمحرم تذكروني
------------------------------------------------
أسألكم الدعاء رائد الاسدي
قريبٌ مطلعُ الفجرِ
ويدنُو موعدُ النصرِ
يكونُ الزحفُ بُركانا
لِـردِّ القدسِ عنوَانا
منَ النهرِ الى البحرِ
**
ألا فاسمَع نداءَ العهدِ منّا بالوفاءِ
لأرضٍ كان مسرى النورُ منها للسماءِ
جليلٌ قدرُها السامي بقدرِ الكبرياءِ
لها الزحفُ سيأتي والنداءُ الكربلائي
سنبقى إن تخلّى الكلُّ ضَعفاً ثابتِين
بعزمٍ راسخٍ مثلَ الجبالِ ولانَلين
نِدانا في ذُرى المجدِ جميعاً ياحُسين
لأقصى العزِّ نمضي لانُبالي بٱبتلاءِ
بنا الإعصارُ قد ثارا
فثارَ العزمُ إعصارا
سيبدأُ ثأرُنا الآنا
يكونُ الزحفُ بُركانا
**
قضيَّتُنا إنتصارٌ في زمانِ الإنكسارِ
وكلُّ جهُودنا اتَّجهَت لتَصحيحِ المسَارِ
وعَودةُ حقِّ أهلِينا وإبعادُ الدمار ِ
وقَلعُ الغُدةِ الشَوهاءِ من هذي الديارِ
بِنا أسيَادُ مجدٍ أكّدُوا وهُمُ الثُقاةْ
بأن الفتحَ مضمونٌ ويومُ النصرِ آت
وأن صلاتنا في القدسِ من بعد الشَتات
ويُزهرُ غصنُ زيتونٍ ويزهُو باخضِرارِ
طموحٌ واقعٌ أمسى
بصوتٍ ألهبَ النفسا
ألا لبيكَ أقصانا
يكونُ الزحفُ بُركانا
**
سيَرضى اللهُ عنا إن وَفَينا بالوعودِ
وصُنَّا الأرضَ والذكرى وتاريخَ الجُدودِ
فإرثُ الدينِ إن يُمحى بأرجاسِ الحَقودِ
سنَجني غضبةَ الجبارِ رداً للجُحودِ
فأرضُ القدسِ واللّدِ وأحراشُ الجليلْ
كبئرِ السبعِ أو حيفا ويافا والخليلُ
كجسمٍ واحدٍ فردٍ ولانرضى البديلْ
حدودُ الحقِّ تبقى والدِما دونِ الحدودِ
فداءُ النفسِ للمَسرى
وهذي الصولةُ الكبرى
وموعدُ حَسمِها حانا
يكونُ الزحفُ بُركانا
=============
لقمان البدران
( السيده رقيه ع)
اصيح ... جيبولي الراس الحظني
اصيح ... فراگ الغالي متعبني
اجه الراس بطشت// بعد ما صيحت
≈≈≈≈≈≈≈≈≈≈≈
التقينه من بعد فتره طويله
واخيرآ راح اسولف واشتكيله
من حظنته راحت همومي الثگيله
وعتذرلي ماگدر يفتح شليله
بحزن ... ظميته الصدري ابقوه
بحزن ...بس ملگا چن مو هوه
على نحره نمت//بعد ما صيحت
≈≈≈≈≈≈≈≈≈≈≈
قدمولي بطشت شي بس ماعرفته
انه حسبالي اكل جابو رفظته
مااريدآ اكل راسه انه الطلبته
وصله فوگه وخرتها بعيني شفته
عجيب ... راس امغيرين اوصافه
عجيب ... من الطگ ماهنه اشفافه
بعد كلشي شفت//بعد ما صيحت
≈≈≈≈≈≈≈≈≈≈≈
گبل عيني بويه گلبي الشافك
حيل متغيره يبويه اوصافك
واخيرآ هل رمح قرر وعافك
الخيزرانه مارده بويه شفافك
شفت ...الراس ابعصه يطگونه
شفت ... امچان التربه يكسرونه
خفت كلش خفت// بعد ما صيحت
≈≈≈≈≈≈≈≈≈≈≈
ليش هيجي سنونك انته مكسريهن
عيونك الحلوه الاحبهن رمل بيهن
شفافك البيهن بستني مذبليهن
مفطرات ودم يبس بويه عليهن
يبوي... وظعك كلش اذاني
يبوي... بس هل كلمه يصيح الساني
وي راسك سولفت // بعد ما صيحت
≈≈≈≈≈≈≈≈≈≈≈
مااسولف انته بعيونك شفتنه
چنت شاهد عل شمر لمن يعتنه
بس جسد امشي وغلاتك من عفتنه
انته ماميت عدل وحنه الي متنه
سبي ... وراسك جان ايبارينه
سبي ... ماعافانه ايفيي علينه
الك شكرآ گلت// بعد ما صيحت
≈≈≈≈≈≈≈≈≈≈≈
يلمحلي كلشي عالي وشحلاتك
يلا انزل حان موعدها صلاتك
البقه براسك رمح موش ابحياتك
وهوه من الهز وصل بويه اللهاتك
رمح ... من الهز شارگ بلعومك
رمح ... ياوسفه امخربها ارسومك
شكثر بويه متت// بعد ما صيحت
≈≈≈≈≈≈≈≈≈≈≈
تمت_ ازهر الزيدي
بوزن الموشح قصيده السفرة
ام البنين عليهاالسلام
طايحه بشده وجيتج طايحه
رايحه اتوسل ابابج رايحه
وبسفرتج حجي بالي وسالفه
بحالي يم عباس وانتي العارفه
هواي من عندج معاجز شايفه
وفاتحه ابديلج سلام وفاتحه
مزامطه بسمج وجيت مزامطه
من القهر ولظيم ميته وشايطه
عاكده البيرغ وشمعه حاطه
نايحه وانصب عزية نايحه
دمعي وبهمي بسفرتج كاعده
وعلم عندج بيه أدره شرايده
بيرغج هزيته بيدي وعاكده
مادحه الوادم وبسمج مادحه
جيت خطاره من اديج وطالبه
لبابح ابجي جيت ليه وجاهبه
اسهام توجع بالكلب هالصايبه
شابحه عيوني يفاطم شابحه
كون ارد للبيت بشرى وراضيه
معدله ام عباس وادري ماضيه
عندج الحاجات سهله وكاظيه
جارحه كلوب المصايب جارحه
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/8/4
٢٨محرم سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
.
. عباس جبت العايّله رديت خويه الكربله
عباس جبت العايّله رديت خويه الكربله
*---------------*---------------*
جيت اليـــوم ريت ادكوم خـويـه وتنظر لـحـالـي
شـاب الـراس يا عـبـــاس هـاي الـروس تـبـرالـي
عنـدي اعتاب وي اجـنـاب جيـت وانـت كـفـالــي
ويــاك چـنـت امـخَـدّره وأدريـك سـبـع الگنطره
*---------------*---------------*
فـوگ النـوگ عيب اتلـوگ اخـتـك تـمشـي مسبيه
عكبك ليــش بين الجيش وادم تــنـظــر اعـلــيــه
زحمه وعيب تالـي الشيب يـلّــي اتـكـفـلـت بـيــه
للمـوت دمعات الـجـفـن ويـاك خـلـيـنـي انـدفـن
*---------------*---------------*
دم ابچيـت يمك جيت وانـتـه بـنـومـتـك غــافـي
گـوم ويـاي يـا رجـواي عــگـبـك ورّم اچــتــافــي
هـذا الصـار بين النـــار اركـض والـجـدم حــافــي
شـدگـول يـا وارث علي رديـت وادموعي اتهلي
*---------------*---------------*
مدري شلون عنـدي عيون ظلت والـنـظــر بيهـه
كلهـه اتصيح خــاف اطيح حـرمه وين اهاليهـه
تصعب هـاي وي اعــــداي كلمه ويمك احچيهه
عالنـوگ شافتني الـزلـم والـحـيـل راح ومـنهـدم
*---------------*---------------*
دمعي السال يحچي الحال اگعد يا ضـوه عيوني
احچي وياك نخوه انخالك وانت الكافل اظعوني
كـلـي اجراح جيـت ارتــاح خويه بكلمه حاچوني
عباس شـنـهـي سكتتك يا خوي احچي امروّتك
*---------------*---------------*
چـفـك ويـــن وعــدك ديـن يوفي الينطي الحچايه
خدري انشاف جيـش آلاف امـشـي ويمشي ويـايـه
عـوف الـنــوم هسـه وگـوم بـيـدك رفرف الــرايــــه
هالـيـوم جـيـتـك ياگمر هالـيـوم هم عندك خبر
*---------------*---------------*
العدهه أحيود تمشي بـزود وآنـه الوادم اتسبنـي
وي ظــــــلام لـرض الشام دهري هـواي دولبني
شفت الويـــل راح الحيـــل بفراكك يخــال ابني
ياريت موتي بـمـوتـتـك انـشـاف تقبل غـيـرتـك
*---------------*---------------*
دربي ابعـيـد وانت الحيد صـيتـك واصـل السبعه
خدري بساع راح اضـيـاع وانـت بـزودك اتـرجعـه
اخـذ الــروح وسفه تـروح واختـك تبقه منفجعـه
يا خـوي يـحـزام الظهر ظـلـيـت بأحـزان الدهر
*---------------*---------------*
✍خادم زينب (ع)
الشاعر رعد الجريخي
في حب اهل البيت عليهم السلام
موشح (ملمع)
(ياغياث الناس من نار الجحيم
ال بيت المصطفى اصل النعيم
من اتى في حبهم يوم الحساب
قد اتى لله في قلب سليم )
★★★★★
ياغياث الناس بايام الصعاب
ويسئل المعبود ويريد الجواب
هاي صفحات العمل يوم الحساب
اربعطعش معصوم يلگه بالكتاب
((من تولى النور في الليل البهيم
قد اتى لله في قلب سليم ))
★★★★★
بحب ابوالزهره وامير المؤمنين
والابرار الطيبين الطاهرين
ينادي هاي الجنه رب العالمين
ادخلوها بسلام امنين
((من يوالي ذلك النهج القويم
قد اتى لله في قلب سليم ))
★★★★★
هناك لو بالناس يختل النظام
شاخصه عيون البشر وسط الظلام
ينادي امير المؤمنين ابهلمقام
ربي اجعل نارهم برد وسلام
((من يعادي كل جبار اثيم
قد اتى لله في قلب سليم ))
★★★★★
هذا لاتأويل أيه ولاقياس
واضح المضمون مابيه التباس
گالها المختار خل تعلم الناس
معدن الاسلام حبنا والاساس
((من يواسي الطهر في حزن مقيم
قد اتى لله في قلب سليم))
★★★★★
وضح المختار بالقول الاكيد
بگلب كل مؤمن حراره علشهيد
علشهيد حسين لوعاته تزيد
للقيامه نار گلبه ماتهيد
((من بكى للطف والرزء الاليم
قد اتى لله في قلب سليم ))
الشاعر حسن لعيبي الحريشاوي
أبكي على العباسِ في كلِّ حين
وأرفـع الصـوت بقلبٍ حـزيـن
أيـن يسـارُ البدرِ أيـن اليمـيـن
وأدمُعـي كالعلـقـمـيِّ جـاريـه
#جابر_الكاظمي
((للمشايه ودوني))
عشت اشتاگ واشتاگ
ومني مطَشره اشــواگ
طـــريقك سلوةّ العـين
ذبــت مـن كثر الفـراگ
يالدمعي .. فهم كلشي .. اريد امشي
للمشـــــايه ودوني
بالموكب .. اريد أگعــد .. ولو يبــعد
عشر مرات مَشوني
مـن زاده .. اريد اشبـــع .. ومـا ارجع
شجره بدربه زرعوني
خيرك غـــرگ الناس
توزع أنفاس واحساس
بعباتك ضمني بــردان
عليك چفوف عـــباس
ابا عبدالله ...
"""""""""""""""""""""""""""""""""""''''''''''
گلبي ويــــاك مشدود
وليلي وحسرتي شهود
انتـــه الـــــروح للروح
انته العشـــــگ والزود
يحسيني .. شتضن انسه .. وأنه المرسه
للنشغات يحسيني
لو روحي .. غدت لحضه .. فــلا ترضه
إذا مو دمعتي بعيني
متلــــوعه .. يــــــــاروحي .. ويـــانوحي
بهيچ وتخلص سنيني
تاهت بينه الضنون
شو كــــــلهم يونون
ماشــايف أنه وهيچ
الزغار بنار يمشـون
اباعبدالله ...
"""""""""""""""""""""""""""""""""""''''''''''
ليش تلومــني هـواي
ضعني بعازةّ الــــماي
سهمك شـــالع العـين
شمالك تفگــــد الراي
خلصــــته .. الدرب ونـــه .. بأثر ونه
المسافه تقترب بيه
ماتفــــهم .. جـرح حــــالي .. يعذالي
رقيه مضيعه ترچيه
لومچويّ .. بجمر خيمه .. بنص هيمه
چا صرت انته لطميه
جمر دلالي مشعـول
صعبه دوس الخيول
خلصت المشي بنوح
زحف ياريت مشـلول
ابا عبدالله ...
"""""""""""""""""""""""""""""""""""''''''''''
عجيبه وگـــــالو انساك
روحي معلـــگه ويــــاك
العشگ مو چلمه وتروح
قليـــله چلـــــمةّ اهواك
بحر شوگي .. إذا ينــــشف .. أزور الطف
وتبچي الروح من شوگه
أنه اتگـطع .. على المحمل .. ركب هزل
والبسمات مبيوگه
حتی اهلي .. ويلــــــوموني .. ويسـئلوني
شافو روحي مخنوگه
اعله زينـب مادرو ليش
تمشي بصحبت الجيش
بحبل يانــــاس يانـــاس
عگبها العمر عمــــریش
ابا عبدالله ...
عبد زينب
محمد الابراهيمي
((مشايه بدربكم))
اجيت ألحگ ركبكم
وأگلكــــم آنه احبكم .. ومشـايه بدربكم
مشت ناس التـودكم
يـــ بس الخير عدكم .. الْـزمكم مايهدكم
اليــلزمّكم لـــزمتوهّ
وللمشــــــايه جبتوهّ
بچفافيــــكم تغطوهّ
ذهب ودموع تنطوهّ
أنــــه باسط ذراعي للخدامه
ماريد العمـــــر يگضي ندامه
أحبك والأحبك ماتت أعليك
أحبك وأنته مسلوب العمامه
أنه من خيــرك أنعمّ
وهواك بروحي أشتم
يامــــولاي يحســــين
بس صــــدرك تهشم
سلام الله على حروفك حسينآ ...
"""""""""""""""""""""""""""""""""""''''''''''
صــــح بالروح جذبه
بـــــس حسين احـبه .. وأبچـيله وأندبه
لجلك مجلس أحضر
وحتى الشـــيب يكبر .. من گلولي منحر
وأشوف الصوره بالطيف
بيك مثلـــــم الســــــيف
رمل يچـــــويك يحسين
ويلفح روحــــك الصيف
سمعت التل أجاك وانته طايح
الدم بعيونك وشفت المــلامح
شفــــــت يمك عبايه وفرزنتها
تگلك ياعجيْد الـــــــروح رايح
تگلــــــها ياهضيمه
وهيه تگول هيــمه
اجينه بسدك أنلوذ
بعد ماعدنه خـيمه
سلام الله على حروفك حسينآ ...
"""""""""""""""""""""""""""""""""""''''''''''
گلبك عش مساكين
السهم ذابح نبـــيين .. وكلهم صاحو حسين
خرز سبحةّ محمد
طشاش الله ولحد .. ام عون تصيح ياجَدْ
بسم الدين مـذبوح
نحر حسين وينـوح
ذولي اسـلامهم زُوْر
جدنه الشَيَدْ صروح
يعت بنحــــره والغاره الخيامي
وأگلهم مــــاي لتذبحونه ضامي
تفتت چبده من الحر والسيوف
وطايح عالرمل هذا المحـــامي
ولــــن خياله عشره
ياويلي اعــله صدره
وخده وحتى العيون
وغدت بالروح جمره
سلام الله على حروفك حسينآ ...
"""""""""""""""""""""""""""""""""""''''''''''
أَلّـمك وانته طـــشار
أجيسك تنچـوي بنار .. نار بچفي وأحتار
مّدافع آنه والخــــيل
هـــا يحسين ياويــل .. خويه اتهدم الحيل
اركض اسمع ضـلوع
أضـــــلن يمـك تلوع
العيله أتلــــوع وياك
وغده الدلال مفجوع
اشوف الخيل والمو خيل تسحگ
اثيابك بالحوافر خـــــــويه تنشگ
أصدهن بيش وآنه الحـيل ممرود
كلشي البيه مـــــــن السوط دنگ
انتهت عشرتْ عمرنه
ياخـــــويه انــــذبحنه
وبرمحــــك يعـــباس
متعـــــــلگ نحـــــرنه
سلام الله على حروفك حسينآ ...
عبد زينب
محمد الابراهيمي
((اجيت امشي))
بدنــائَتّ نفسي متعني
بذنبي بجرمي وبقبحي
بعصياني بجـذب حالي
آنـــــه المصطنع جرحي
اجيت امشي ..
نوح وبالسفينه صَعَدت كلشي
اجيت امشي ..
فك بابك احبك ياحلم رمشي
اجيت امشي ..
يا اشياء روحي وياغــلاة الشي
تگصر خطوةّ المحتاج .. بس محتاج
ياشيخ العرب والتـــاج .. وأبن التــاج
ضلمه وحبــك الوهاج .. يـــــالـوهاج
يــثآر الله
امس باچي أعله عبدالله
يوجه الله
أنــه الگـلبي بعشگ صلى
اجيت امشي ...
"""""""""""""""""""""""""""""""""""'''''''''''
اجيـــــت وعايف الدنيا
اجيــــت بدمعه اعيوني
ندم كل خطوه بالممشه
المثلك چــــان عافـوني
بدمع عيني ..
اريد اغسل اذنوبي واغسل اسنيني
بدمع عيني ..
أنه شمنطيك وانته اهواي منطيني
بدمع عيني ..
بحبل ياريت اجيك وعاصـر ايديني
يگلبي كافي هذا حسين .. رايـــح وين
شدلك بالنبض چم عيـن .. اسمــع زين
واضح والدرب صـــوبين .. ذاك حسين
يگلبي اسمع
اريدك من ترد تركع
يكلبي اخضع
موش انته اذا ترجع
اجيت امشي ...
"""""""""""""""""""""""""""""""""""''''''''''
نواسي الصـعدت الناگه
بس ماصحت النه النوگـ
وياكثر الهـــــلا التجــرح
دربك بل هلا مسحــوگ
الهلا بدربك ..
أحسها باربعينــــك عـورت گلبك
الهلا بدربك ..
تماشــــيني وتذكرني بطـعم حبك
الهلا بدربك ..
رغم مو عل هزيله وگاصد القربك
تبچيني الهــــلا چـندوب .. نــــار تلوب
ودَلالك يحدي وبياصوب .. ذاك صوب
وضعنك والشماته دروب .. يالمــسلوب
سبي وهزله
ودّموع أصـــيح نوصله
الاسر سهله
افراگ حسين شيحمله
اجيت امشي ...
""""""""""""""""""""""""""""""""""""""""
اوصلك يبو جـروحي
بس اسنيـــني تطـشر
وادنگ راسي وعيوني
وصلت عمةّ الاكـــــبر
اجت زينب ..
واضن ضهر الهزيله من الهضم شيب
اجت زينب ..
تصيح حسين خـــــويه والعمر حدب
اجت زينب ..
ضعن من الهوى يــــاناس ظل يتعب
دمع الشوگ يحرگ روح .. للمــذبوح
طاحت والگلب مطروح .. روح بروح
ومدمعها غده مسفـــوح .. حيل تنوح
هوت طاحت
من كبر الكبر ناحت
بهضم صاحت
زينب عجبه ماماتت
اجيت امشي ...
عبد زينب
محمد الابراهيمي
من الارشيف
إلى كريم ال محمد الحسن المجتبى عليه السلام
يمته نـــزوره وعالگبــر ننظـر منــايـر
يمتـه المواكــب تهتف أتفضل يزايــر
وكلها اتعناه تجمعنه ذكراه
يمته المواكــب تهتف أتفضل يــزايـر
*----------*----------*
يمته نگصــد للحسن احنـه بمواكــب
للزيــاره أهنــاك غصبن عالنــواصـب
نعلـي رايـــة يا علـي والكـل تـــراقب
بحضرته التيجـان تخضع والمــراتب
كلها تزوره وبالصحن تهمــل دمعـها
عاشوره أبسابع صفـر كلهـــا فجعها
بالهم ندبناه تجمعنه ذكراه
يمته المــواكب تهتف اتفضل يـزاير
*----------*----------*
كون سابـــع صفــر نبــديها المـــآسـي
يبدل إعــلام الصحن مـوكــب رئأسي
وتعلن ليومـــه حـداد أهـــل الكـراسي
وللزچــيه بالحسـن نگصــد نـــواسـي
يمته أنّتعَنه وبالگبــر ننصــب عــزيه
يمته نواسي الطاهره الزهره الزچيه
نتعنه ننعاه تجمعنه ذكراه
يمته المـواكب تهتف أتفضل يــزايـر
*----------*----------*
من ضريـــح الحسن نحييها الشعـائــر
نلطم أصـــدور ونهـــل دمـــع النواظـر
بليلة القاسم شبـــاب الشيعــه حاضـر
والنويـني اليقــــره عالبــــث المبـــاشر
جسام ياضنوتي رايح رايح من أعيوني
ما رحمني الدهر وأنـــت نـــور البصـــر
رايح رايح من أعيوني
أبصوت المواجع نستمع احنه لمصابه
ونعلگ شمع ونهل دمع جمــرة شــبابه
وأّنادي ويلاه تجمعنه ذكراه
يمته المــواكب تهتـف أتفضل يــــزاير
*----------*----------*
أهناك مـن صحن الحسن نور الهدايه
نـــرفـــع آذان التشـــهـد بالـــولايــه
وتمســـع إذانـــي بفخــر كــل البرايا
علــي مـــن الله أبكتابــه أعظــم أيـه
عالمبــاشــر يُنقــل أذان المنـــــاره
وتنّقـــلْ للعالــم أهنــــاك الــزيـاره
تشاهدها عيناه تجمعنه ذكراه
يمته المواكب تهتف أتفضل يزايـر
*----------*----------*
كــــون مشـايـــه انتعنـــه أبـــربعينه
مـــن ضريـــح حسين نگصـد المدينه
والمـــواكب كلها منتشـــره وحــزينه
تنادي اهلـن بيـك يـــا زايــــر ولينــه
أتفضــل يزايـــر للحــسن هاليلـه يمنـــه
يسجلنه في سجله الحسن ليكم خِدمنهَ
بعزه خدمناه تجمعنه ذكـراه
يمته المــواكـــب تهتــف أتفضل يــزاير
*----------*----------*
الشاعر
موسى البديري
الشاعر الحسيني ظاهر حبيب الهليجي (ولائيه)
كتبنالك عهـد بالــذر --- يحسين بدمه المنحر
لليعشـك حبـيـبه --- يدفع دم ضريبه
*
شمى طال الـزمن يحسين --- أركاب الشيعه عالمذبح
ضريبه مـن الدموم انطــت --- لحــد اليـــوم هـل تسفح
اميـه وكـــل بــن العبــاس --- تاريخ الحقــــــد يشرح
بغضأ لليحـب حيــــدر --- قضيه أمــن الشمس اوضح
شمى سال الدمه اعله الكاع --- تخضر مـن جديـد اتباع
والحبكم عجيبه --- يدفع دم ضريبه
*
رد بينـه الـزمن مولاي --- لرض الطـف رجع بينه
هـذا الناصبي وجيشـه --- كلهــه تريـــد تولينـــــه
تحزمنـــه بمحبتكــــــم --- صحنه المــوت جاوينه
ابلبيـك النـــــداء انصيح --- يحسين انتـــــه والينه
ركاب بحبــــك انقدم --- الـك يحــــــسين مانتهم
للشيبه الخضيبه --- يدفع دم ضريبه
*
رضينـه ننذبـــح لجلك --- ونتكطع الف مـره
سرعشكك يبوالسجاد --- طلسـم الله الي يفسره
جـم حجاج مـل سيفه --- جم ايزيد مل صبره
ونجدد عهد كل يــوم --- الكم يا بني الزهــره
فرض مثل الصلاه حبكم --- دمنه يرخص الدمكم
لوداجه التريبه --- يدفع دم ضريبه
---
يا اروع مثل للنــاس --- كتبته بخاتمــت امــرك
لا هيهــــات للظـالــم --- دمــــك ردد ونحــــرك
خالد كل وكت مولاي --- باقي بكـل وكت ذكرك
نهجك تضيحه وثــوره --- خيعونـه المشـه بأمرك
ثارك والعهد موجــــــود --- للمهدي نصير اجنــــــود
ولهاي المصيبه --- يدفع دم ضريبه
*
فـرق بين اليهاب السيف --- وما بين الهد المنحر
انطينه اعله حبه اجفوف --- ورضينه بحبه نتوذر
طبـع بينــه المحبتكــم --- الشهاده جن شهد واكثر
اليموت بحب ابوالسجاد --- اله الفردوس تـتـنطــر
بعدنه بهل العهد باقيــن --- نصيح حسين لو ميتيـــن
من عشكه ولهيبه --- يدفع دم ضريبه
⬛️◾️القصيدة-2-◾️⬛️
وإني أنا بنتُ الخدورِ السوآترِ
ولم ترَ لي ظلاً عيونُ النوآظِـر ِ
وهاأنا ذا أُسبىٰ على عُجفِ نوقِهِم
وقد كنتُ أُحمىٰ من رجالٍ أكآبـر ِ
يُعنفُني هذا وذاكَ يَسبُني
وسرتُ مع الأعدآءِ مِن دونِ نآصر ِ
أميرَتُهُم أمسي عجيباً أسيرةً
ومن قبل ُبين الناس ِتُروىٰ مفاخري
فما أشَبَهَت كلُّ الرزايا .. رزيَّتي
ولم تجرِ في الدنيا علىٰ أيِّ كافر ِ
وكنتُ إذا زرتُ البقيعَ تحِِّفُـني
رجال ُ نِـزار ٍكالصقور ِ الكوآسر ِ
ووالديَ الكرارُ يُطفي سراجَهُم
لـِئلا يُرىٰ ظلي وذا الليل ُساتري
فأينَ مضََوا عني حُماتي وفتيتي !
وهل قَبِلُوا أُهدىٰ إلىٰ شرِِّ فآجر ِ!
وهل هكذا يجفونَ زينبَ فخرَهُم!
وهل ياتُرىٰ يرضُونَ كسراً لخاطري !
وإني فما بارَحتُ نوَحي وحُرقَتي
على فقدِهِم تَهمي دموعُ محاجري
وبعدَهُمُ أنعىٰ وروحي حزينةٌ
وذكراهُم ُ دوماً تُهيجُ مشاعري
#سمير_الصالحي
#البصرة_الموالية
⬛️◼️القصيدة-3-◼️⬛️
هذي الأميرةُ سارَت بينَ عُدوانِ
سبيةً بينَ أيتام ٍ ونسوان ِ
بنتُ الخدورِ بلا سترِ يظلِلُها
وهي التي لم تُشاهَدْ وسطَ كوفان ِ
آهٍ عليها حبالُ الأسرِ تَهضِمُها
تَبُثُ لوعَتَها مِن قلبِها الحاني
ونحوَ شامِ العدا تَمشي معاتبةً
لأهلِها وهيَ في نَوحٍ وأحزان ِ
إني العقيلة ُ بعدَ العزِِّ حاسرةٌ
فأينَ قومي تُرى! أم أينَ خِلاني!
فالشامِتونَ تَمادَوا في شماتَتِهِم
والشاتِمونَ أباحُوا شَتمَ إخواني
وقد أصابَ فُؤادي قولُ طاغيةٍ
(عدوةَ الله ِكُفي) حينَ ناداني
رأيتُ رأسَ أخي في الطشتِ يضرِبُهُ
باغٍ بِمِخصَرةٍ والحالُ آذاني
هذا وكنتُ بقَصرِ الجَورِ صابرةً
وصَرخَتي ثورةٌ دَوَّت بإعلان ِ
لكنَّ غُربتََنَا قد أوهَنَت جَلَدي
وترك ُ أهلي ضحايا الغدرِ أبكاني
#سمير_الصالحي
🏴نعي
شكوىٰ العقيلة من آلآم ومآسي السبي
وطريق الأسر للشام بصحبة الأعدآء
🏴 نعي-مجردات
درب اليسر گطع دليلي
وراسك گبالي يهِِّد حيلي
ولحد اليفزعلي ويجيلي
وظل عالنهر نايم چفيلي
—————————
🏴 نعي - مجردات
ماحسَّبت للشام أوصل
يحسين واصعد نوگ هزَّل
وآني العقيلة وما اتحمّل
ومااظن مروتك هيچ تقبل
بحادي الظعن حيف اتوسل
چا وين عني الي تِكّفل
نام وعليه عيب يسأل ..
#سمير_الصالحي
#البصرة_الموالية
*قصيده للسيده رقيه ع السلام على طور شال الشهيد حسين لمسلم الوائلي*
*فزت لابوها اتريد واتصيح ابويه حسين*
*كلبي عليه مشتاك وانطر.ءاله نصين*
..............
ضج البچي والنوح وسط الخرابه اليوم
عمتها صاحت صوت عمه بگلب مهظوم
ياعمه لاتبچين گلبي تره مالوم
ومنين اجيب حسين وضل راسه عدالگوم
لمن سمعها ايزيد گلهم شنو الونين
....................
گالوله بت حسين تبچي على العطشان
واتريد ابوها اليوم ماتدري ضل عريان
فوك الثرى مگلوب صدره غِده ميدان
وراسه ابرمح مرفوع واتهوس العدوان
وده الرقيه الراس گللها متسكتين
...................
..............
حيف ابطشت جابوه راسك يبو اليمه
اهل الغدر حطوه وامخضب ابدمه
صاحت شني الجابوه وامغطه ياعمه
زاد وشرب ماريد گلبي كثر همه
من شالت المنديل وايهلن العينين
.................
من شالت المنديل شافت نحر مذبوح
حيره يبويه شلون من كل كتر مجروح
وشلون اضمده شلون شفت الِدمِه مسفوح
فوك النحر حسيت طلعت يبويه الروح
ناداني صوت ايصيح يمدلله تمشين
................
شنهي الاثر هذا باذنج يالبنيه
يمسح عليه وصاح يابويه يرقيه
كتله يبويه اعداك سيلبو الترچيه
وجرو اذاني حيل والوجنه مدميه
گلي امشي بويه اوياي بهالدنيه لاتبقين
..................
صاح العليل ابصوت ياعمه شيليها
ماتت رقيه ابنوح عن راسه ميليها
زينب تون واتصيح ناري شيطيفيها
ويلاه يبت حسين والونه عدتيها
اتجدد مصاب حسين رحتي اله اتنوحين
....................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
المصابك يالحسن مانشفت عيوني
عليك أمن الدمع يمه نخطف لوني
..................
نخطف لوني يلون امك يفرحتهه
تعال وشوف روحي شكبر حسرتهه
يومك زيد بروحي مصيبتهه
مثل اليوم ذاكه البيه عصروني
عليك أمن الدمع يمه نخطف لوني
................
مكسورة ضلع ماينجبر ضلعي
يوميه عله واحد يهل دمعي
يبني مايطمنك لو شفت وضعي
فوك الهظم كل ساعه يجرحوني
عليك أمن الدمع يمه نخطف لوني
.....................
الك يمه سوالف ضلت ابالي
يافتشة عيون امك يدلالي
بيك الناس يبني شيبت حالي
سهام النعش من صابوك صابوني
عليك أمن الدمع يمه نخطف لوني
.................
بمصابك اني اجيت ويعتلي وني
وطشتك من نضرته حيره حيرني
شفت جبدك بنصه وصحت آ يبني
تره الاذوك كبلك اني اذوني
عليك أمن الدمع يمه نخطف لوني
................
ياجرح الاعوفه وياجرح ابدي
وليليه الدمع نايم عله خدي
بمصابك يالحسن والله انمرد جبدي
ردو يمه إليه اردود كسروني
عليك أمن الدمع يمه نخطف لوني
...................
طلع نعشك ييمه وزادت احزاني
عليك الدهر انعى بحركه خلاني
مضلومه وزماني هواي بجاني
إليه بكل وكت ناس اليعادوني
عليك أمن الدمع يمه نخطف لوني
..................
گلب امك الزهره ماكو احن منه
كل مجلس عليك بدمعي اتعنه
ايدي اعله الضلع ومعاشره الونه
لجموني بمصابك مايداووني
عليك أمن الدمع يمه نخطف لوني
محمد هادي العقابي
بين خولة ورقية عليهما السلام
--------
يا جرح من هل زمان العذبك
جرح من الشام لو من بعلبك
..............
جسمك المسلوب ظل بكربله
لچن گلبك راح ويه العايله
راسك اعلى الرمح يقره البسمله
وگلبك يشوف اليتامه تنادبك
...............
وانجسم نصين حين اللي وصل
بعلبكّ وبيهه ركب الموت حل
هناك بنتك خوله وافاها الاجل
وهذا اول سهم بالهم صوبك
.................
ومن ديار الشام لن ثاني سهم
حين جابوا راسك مخضّب ابدم
وشافتك بنتك وشهگت بالألم
وظلت بدمعات همهه تخاطبك
...............
وماتت الطفله رقيه بهل وطن
وگلبك جروحه عليهه اتنازفَن
نصف عد خوله ونصف عدهه اندفن
وشبگته وظل الحنين ايعاتبك
..............
من رقيه اونين يعله لغيبتك
وهاي خوله تنتحب لمصيبتك
ماتت وبيهه اللهيب لفرگتك
وبمكاتيب العتاب تكاتبك
.................
دموعهه تبعث مراسيل العتاب
والدليل اعليك بالآهات ذاب
ماتت وتنشد عن اسباب الغياب
تنادي اه يحسين عني اشغيبك
.............
عقيل الكاظمي
*اه يازينب اه:*
اسيوف العده ابجسم حسين گطعت
وعگبـــــــه ويلـغــرب بلــدان گطعت
تلــگونــــي اهـالـــي الــشـام گط.عت
ابحجر واحبالهم تاكل بديه.
✒️… ملا عاشور الصيداوي