7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ياسيف الگِدَر ياذيك .. يَمرَجف الزلم طاريك
يا اعظم ولي
تِتفايض دماك شلون .. وباقي ما فِنه هالكون
صعبه يا علي
°°°° °°°° °°°° °°°° °°°° °°°° °°°° °°°°
هذا يا سيف التجرّه و خسف بدرك
وما عِرف قدرك علي يالعالي قدرك
والله لو ما ساعة السجده يغدرك
كل سيوف الدنيا ما تگدر تقهرك
من احروفك تهاب اعداك .. سيف الله النبي سمّاك
واسمك معتلي
صعبه وانت داحي الباب .. بدمّك يغرگ المحراب
صعبه يا علي
°°°° °°°° °°°° °°°° °°°° °°°° °°°° °°°°
ضَجّت الاملاك في كل البرايه
ودمعة القران سالت آيه آيه
وصاح جبرائيل من عُظم الجِنايه
اتهدمت والله اركان الهدايه
شحال الفقره والايتام .. سمعو طايح الضرغام
دمهم يغتلي
يعيشون بيتِم للدوم .. وجوع وكل عمرهم صَوم
صعبه ياعلي
°°°° °°°° °°°° °°°° °°°° °°°° °°°° °°°°
بدارهه زينب ونادت ويّه جبريل
گبورنه شالتنه ريت ولا علي ايشيل
تراب فوگ احجابهه بحسراتهه تهيل
ادخيله من فرگاك وانت حامي الدخيل
يا خيمتنه وين تريد .. نعايدمن صباح العيد
يا ضحكة هلي
نعيّد بالثياب السود .. وديوانك يظل مسدود
صعبه ياعلي
°°°° °°°° °°°° °°°° °°°° °°°° °°°° °°°°
تعثر بهمهه وتگوم ولن اجوهه
على چتاف اخوانهه محمول ابوهه
گابلتهم بالمناحه وگابلوهه
شلونه ابوي وراح ابونه جاوبوهه
ناداهه الحسن وحسين .. بونّچ زيدي لتهيدين
الهم ما ينجلي
راسه منجسِم نصّين .. وباقي اويانه بس يومين
صعبه ياعلي
°°°° °°°° °°°° °°°° °°°° °°°° °°°° °°°°
كل يتيمه وكل يتيم اباله ذكره
وي علي ايام حلوه بدنيه مره
منهو بعدك النه ظلت بينه حسره
چِنّه ما نعرف دوه تشافينه نظره
ارجع يا بو چلمة هاك .. هاك اعمارنه التفداك
بهجرك ننولي
نِلت بهالشهاده الفوز .. اخسرناك ولفانه العوز
صعبه ياعلي
°°°° °°°° °°°° °°°° °°°° °°°° °°°° °°°°
ياسر حسن
شهر رمضان ¹⁴⁴⁴
ياعالم هاي آخر ليلة
باجر حيدر نعشة انشيلة
حيدر راح حيدر راح
خل يرتاح خل يرتاح
.............
آخر كلمة كلمتنة احنا الايتام
مولانه علي ماتم الاصيام
راح ايروح حيدر بالثرى اينام
خلي الليل ينحب راح ابو اللثام
راح اليحمل فوك امتنونه
مادور شهره او لاعونة
حيدر راح حيدر راح
خل يرتاح خل يرتاح
.......
هاي الليلة يم الزهره موجود
وبروضت الجنة ابين الورود
اكيد بهذا جرحك رضى المعبود
تسولفلة الزچية او عنده الشهود
گال الشاهد هذا الحاصل
مارديت بعمري السائل
حيدر راح حيدر راح
خل يرتاح خل يرتاح
......
خل ايوادعونه الليلة الاحباب
حتى او عالمغسيل جرحة نشاب
اريد اسأل الناس او اطلب اجواب
وشلون ابو اتراب اينام بتراب
هاي الحيرة او هاي الحسرة
ياشلال اطمة الحفره
حيدر راح حيدر راح
خل يرتاح خل يرتاح
........
ابو الفقره او ابو الكل المساكين
مثل حيدر بعد تلگونة امنين
صايم طرق بابك يبو الحسنين
ونطيتة فطور الحسن وحسين
انت الزاهد وانت العابد
وانت الميت وانت الساجد
حيدر راح حيدر راح
خل يرتاح خل يرتاح
....
بقت زينب تعاين كلشي بالدار
لان رايح ابوها او حامي الجار
مو بس هيه متيتمة على الصار
احنا اتيتمينة اصغار وكبار
رايح حيدر رايح وينة
لو يرجع چا كلشي انطينة
حيدر راح حيدر راح
خل يرتاح خل يرتاح
بقلم امير عباس الزبيدي
#نعي تراث
اَنا الحَزْينُ فَلَيْسَ العيدُ يُطْرِبُني
كَلاّ ولكنَّ يَومَ العِيدِ يُبْكِينْي
يا صاحِ دَعْنِي وآلامي وَحَسْبُكَ مِنْ
حُزني بأنَّ ابتهاجَ النَّاسِ يشجيني
فإنَ تَباشَرَ بِالا عيادِ بعضُهُمُ
فها أنا صارَ ذكرُ العِيْدِ يُؤذِيْني
ابكي الإمامَ أميرَ المؤمنينَ فَقَدْ
قضى بسيفِ لعينٍ وبْنِ مَلْعُونِ
هوی بمحرابِهِ والدَّمُ خَضَّبَه
وراحَ ينعاه جبريلٌ بتعِلِينِ
اليومَ واللهِ اركانُ الهُدَى هُدمَتْ
بقَتْلِ أَعْظَمِ شخصٍ كـانَ للـدّيْن
وكيفَ أَفْرَحُ في عيدٍ بِـهِ فُقِدَت
احِبّةٌ لِـيَ في البلوى تـُــواســــيني
عِيدٌ يمرُ وقومِيْ كلُّهُمْ نَزَحُوا
عَنِّي بِهِ ذاك بالاحزانِ يَكْسُوني
فَخِلّني لا تَلُمِني أن لَبِستُ بِهِ
ثوبَ السَّوادِ حداداً لا لِتَزْيِينِ
انّي ذكرتُ بيوتَ المجدِ حِينَ مَضَى
عَنْها كرامُ الوَرى مِنْ آلِ ياسين
ذكَرْتُ ريحانَة الهادِي ومَصْرَعَه
في كربلاءَ فزادَ الحزنُ في الحِين
ظام قَضى وثَلاثاً بالعَرى بقي الـ
جثمانُ مِنْهُ عفيراً غيرَ مدفون
فَهَل لَنَا بَعدَهُ عيدٌ بِهِ فرحٌ
وِآلُهُ بَينَ مَشكُولٍ وتَحــزُون
الشاعر الشيخ
محمد سعيد المنصوري
#اللهم_عجل_لوليك_الفرج
قصيدة بطور البحراني.
بحق يعسوب الدين عليه السلام
جرحك علي ماطاب
افجعنه يابوتراب
جرحك يبوالحمله علي دامي فجعنه
اخلافك يتامه وأبد مابطل دمعنه
&&&&&&&&&&&&&&
من يوم فارگت اليتامه ابهم ينوحون
وعليك مابطلت الحسرة وبس يونون
العافيه لمن تحطهه الهم بماعون
بعدك تگول نصيح بس محد سمعنه
&&&&&&&&&&&&&
ياعلي بعدك بس حزن ماشفنه راحه
واعمارنه شوغه وألم خلصت نياحه
دين الله لجلك منهظم ينزف جراحه
واحنه بكثر جور الوكت اغبر وضعنه
&&&&&&&&&&&&&
اصعب مصيبه شيعوك بلوعه واحزان
فراگك صعب ياوصي الهادي علينه ماهان
لجلك تنوح السبعه ياحيدر والأديان
يمرد مصابك بالألم لمن جمعنه
&&&&&&&&&&&&&
اولادك الليله حيارة شلون بيهه
وزينب يويلي عليك مابطلت بچيهه
يابوالمحنه منهو بعد ايحن عليهه
راح الابو اخلاف الابو دهري صفعنه
&&&&&&&&&&&&&
أظلمت الدنيا علينه ودمعي سجاب
نور الولاية من رحل مافاد العتاب
جرح البعد شيب دليلي بلوعه ماطاب
ايتام ظلينه علي والمر جرعنه
&&&&&&&&&&&&&
الخادم عبدالمعين الشمري
الله يعينك يا علي تشوف بنتك لوحدهه
جرحك اهواي ينزف صعبه
بويه كوم على حيلك واصحه
جا ليش اليل ما طول على الجرحه
مدامع من محمد اكله
ما اريد تتعتلي. اريدك يا علي
لا تروح. يا علي ارجع وشوف لليتامئ
لا تروح. وانته بجرح بجيت الحمامه
،،،،،،،،،،،،،،،،،، 💔 💔 💔 💔 💔 💔 💔
صعبه ينادون وصعبه صارت حالته
حسب تشخيصي. وادي صعبه جرحته
وادري اذا اكول. تنجرح بيكم كفلته
ادري صعبه وانادي
ارجع. من الوكت. بويه بجرحك اتعذبت
ما اناديك. يتعذب كلبك علينه
ما اناديك. شكم جرحه بجرحك يوالينه
،،،،،،،،،،،،،،، 💔 💔 💔 💔 💔 💔
جرحك اهراي ينزف مو عل مرامك
يتعذب كلبي اذا اذكره مصابك
الله يساعد زينب وايمامك
الله يعينك كل جرح مرامك
لا توادعني يا بويه. ارجعلي بويه
صعبه. اذا اكول هسه راح والينه
صعبه. انضرب زوج البتول حالينه
،،،،،،،،،، 💔 💔 💔 💔 💔 💔 💔
اعلى كيفك وي اليتامه وزينب المهضومه
وعرش الله ليله توادع واعرف اعلومه
وتدري عباس كافلها بل سبي مضلومه
شلون اصير جرحك يكول
اسلم امري واعرف عمري
هسه شلون. بيا وكت رحت عني
هسه شلون. واني جرحك هضمني
،،،،،،،،،،،،،،💔💔💔💔💔💔💔
حسب تشخيصي ما يطول ابوكم
والله يدري لو بل يتامه وادعوكم
وين زينب اختكم وعباس اخوكم
خل يجي ويكله
بويه بسلامه تكوم بكلامه
يواسي. مصابك على حسينه
يواسي. مصابك على اليمينه
،،،،،،،،،،،،،💔💔💔💔💔
كلمات الشاعر علي لفته خضير الدريساوي
بعدك بلا روح .... محرابك ينوح
ارجع يبو حسين .... لا تمشي وتروح
.......
ياعلي المحراب بعدك ... حالته اتبجي الصخر
موحش واظلم نهاره .... وليله خالي امن السحر
جان مهيوب ابوجوك .... هسه مكسور الظهر
ومثل الايتام الرجوعك ... ظل يتاني ابهل شهر
يبجي اعله فركاك ... ويتمنى ملكاك
محرابك اهواي .... ياعلي يهواك
.....
يا علي رحت وتركته .... ابلا وداعك يا علي
بعدك المحراب عايش .... على ذكرك يلولي
حتى بالأذان صوته .... بالبواجي معتلي
ياعلي صيحاته تسمع .... ارجع الناسك ولي
كل يوم الاذان ... يُرفع بالاحزان
محرابك اعليك .... بدموعه غركان
.........
جان محرابك يتاني .... جيتك جن ملكه أم
جان يتباهه بصلاتك ... هسه يبجي اعليك دم
ما أجه المثلك يحيدر ... خاشع بهاي الأمم
واعله هجرك صوره تذبح ... دمعه محرابك رسم
بيهه علي مات .... ومطبورة الآيات
محرابك اعليك ..... بجه السماوات
.....
اوياك ماتت امنياته .... وعوده محرابك ذبل
ياعلي حقه اليفارك ... مثلك ايموت ابعجل
كلشي بغيابك تغير .... كلشي ياخير العمل
مثل متغير حسين .... البيده تابوتك حمل
امصابك علي عاف .... اجروح المتّراف
محرابك اليوم ... مكسور ينشاف
.......
الطبر هامك يا علينه .... طبر هامت قبلتك
وعاف محرابك يويلي ... امخضب بدم جبهتك
والشرع اعلن حداده .... اعليك يوم امصيبتك
الله لا ينطي ابن ملجم .... فجع ناس الحبتك
ما راعه الايتام ... لا شهر الاصيام
محرابك ينوح .... كضاهه الايام
......
✍ كلمات الشاعر :: موسى الخادم
ياعلي بنتي بقت يا ابا الحسن وحيده
ياعلي بيه الجرى خاف الزمن يعيده
عدمن أمنتها بنتي من عفتها
*****
أرد أذكرك يبوالحملــــه من ولوني
اليدعون أصحاب أبويه المارعوني
خاف بنتـــي يعذبوهـــا العذبوني
وخاف تدمع عين زينـب ياعيوني
ياعلي جف السطر خدي وشفه غليله
ياعلي هالجف بعد مايرحم العقيلـــــه
وأنته ودعتها بنتي من عفتها
*****
أبهالمصيبه كسر ظلعي رد تصوب
والله حيره يالصميــده ألمن أنحب
الجرح راسك لولشيبك من تخضب
لو أنوحــن للعزيــــــزه بنتي زينب
ياعلي من ودعت يااباالحسن بنيني
ياعلي كلبي أنكسر وأتضمد بونيني
حايره شفتها بنتي من عفتها
*****
خاف بعدك يبوالحمله يزيد ألمها
وخاف بنتي مثل همي يصير همها
ماأريد الضرب متني يدنـــــه يمها
وما أريدن من متنها يسيــــل دمها
ياعلي خاف الجرى بداري يرد عليها
ياعلي منهو الذي وصيتــــه أنته بيها
تدري دللتها بنتي من عفتها
*****
گلها حيدر ريحي بالچ هالمسيه
گبل كلشي وكبل موتي والمنيه
بنتي زينب أمنتها يالزجيـــــــه
عند أخوها أبوالغيره الهاشميــه
من شفت ليه دنت يم الحسن منيتي
كتله إنه أبت فاطمه ياأباالفضل وصيتي
بجفه سلمتها بنتي من عفتها
*****
گتله ياعباس أسمـــع يالضخرتك
أرد أوصي وكفو وكدها أنتــه شفتك
اليوم أريد أوصِيك يبني بهـاي أختك
هاي أمانــــه يابوفاضــــل وبركبتك
لن نهض دك صدره ألي وجاوب وأشوفه غيره
والدي تأمـــر امر وبجالــــي أختـــــي أميـره
بذمته أتركتها بنتي من عفتها
*****
يالوديعـــه عدها أخوه يدللوها
شلون يم حسين بنتج يكربوها
منهو يدنه للعقيله وحي أخوها
بس أعذره لوجفوفـه يكطعوها
وأعرفه يافاطمــه ما يخلف بوعوده
لاجن أشبيده أذا بالطف فكد زنـــوده
تنحمي ردتها بنتي من عفتها
*****
سلام المشعل
🚩الامام علي ع🚩
هالليله وي حيـدر علي تتوادع العقيله
مجروح ابوها اتعاينه وتتعذّب برحيله
ماتحمل الغيـاب
وبدمعة المصاب ....... تتعذب برحيله
الليلة زينب تبچي يم حامي الحميه
الليلـة ودعـها الوصـي وداع المنيــه
تگلّه بـويـه بداعتــي جــاوب عليّــه
آنـه زينــب لو رحـت منهـو الألـيّــــه
مااحمل اوداعك صعب ارحم گلب يتيمه
ميت اشـوفك ياعلي اعظم وشد هضيمه
يالفرگتك عـذاب
وبدمعـة المصاب ......... تتعذب برحيله
الليلة مـات المرتضه وزينب تشوفه
بويـه بويـه تصيــح وتقبـّل چفــوفه
ودعـت والــدها ابو الروح العطـوفه
يمّـه تبقــه تـريـــد ماتگــدر تعــوفـه
تبچـي وتـون ام الخــدر من ودعت ابوها
وحسين اخوها والحسن واسوها صبّروها
ماينفــع العتـاب
وبدمعة المصاب ........... تتعذب برحيله
الحسن وحسين بدمع يجري ومناحه
غسّلـوا حيـدر علـي وشـدّوا جــراحه
بالچفـن لفـّوا علــي راعـي السمــاحه
وماتفـيـده اليفگـد الغــالـي صيــاحه
الله يعين ام الخدر فگد الوصي هضمها
شـافت ابـوها بالچفـن ماينـوصف المها
لمـن گلبــها ذاب
وبدمعة المصاب .........تتعذب برحيله
للگبــر حيـدر علــي اولاده شـالـوه
وزينب تنادي بحزن يخواني خلّوه
ماشبعـت اوداع منّه بالله عـوفـوه
بالگبـر عـن عيـني حيدر لا تغيّبـوه
اخذوني وي حيدر علي وي والدي دفنوني
ماريده عمري بلا علي يهل الرحم سمعوني
عمري بغيابه غاب
وبدمعـة المصـاب .......... تتعذب برحيله
شـــالـوا جنــازة علـي وزينـب تنظره
تنــادي يابويه وتصب عبره عله عبره
اظلـــم الـكــون بغيـــابـك وانـت ادره
روحي وي نعشك مشت وبگلبي جمره
خوفي عله جرحـك ينلچم ياوالــدي بترابك
حيلي انهدم گلبي انصدع يالمرتضه بمصابك
من هالوا التراب
وبدمعة المصاب ............... تتعذب برحيله
تگلّـه مـن بعـدك يبـويـه شچـم رزيه
الحسـن مسمـوم اشـوفه وتـدري بيه
ونظـر حسيـن علـه رمضـه الغاضريه
بالسيــوف مگطعينــه علـه الوطيـــه
راس الحسين عله الرمـح بعيـوني راح اشوفه
عگب خوتي وعگب الخدر مسبيه طب الكوفه
مكتوبة بالكتاب
وبدمعة المصاب ..................تتعذب برحيله
خادم امير المؤمنين عليه السلام
سيد زيد الفحام 25/5/2017
الحان ملا مسعود النصاري
قصيدة فزاعيه ( لاستشهاد الامام علي ع )
.....................
اليوم العقيله شال ابوها
سوو مناحه و ساعدوها
و ميدان لجله و عاونوها
الك ميدان ياحيدر يمهيوب
يصگار الزلم يمرجف الاگلوب
الك ميدان نرفع بيه الاعلام
يبو الحسنين حيدر وانته ضرغام
اجينه لمجلسك نلطم على الهام
لطميله .. يستاهل حيدر
نلطم جينه الك و انعاون ام عون
تلطم عالوجه ساعه اعله الامتون
يمخوف الزلم ويا اليعيلون
فلاها .. العشره الليله
فلت عشرتك ياسبع ياحيد
يصگار الزلم بويه يصنديد
اليوم احزانه ياحيدر اتزيد
ونيله .. غرب ياوسفه
اليوم انون عليك و لايگ النوح
يالرحت ابعجاله وگلبي مجروح
بعده اصوابك بگلبي ترا ايلوح
ياذيني .. من اذكر جرحك
اليوم اعليك اسوي النوح جازات
الف يا حيف رايح يبو الكلفات
عليك النوح يحله و تحله صرخات
فارگناه .. الما صح مثله
فارگنه الحنين اليسوه الادموع
هاليوم الگلب من رحت مفجوع
هاليوم اليتامه اتصيح و اتلوع
اتجيبونه .. خل نشبع منه
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
مـــوشــــح
تعديل
انت باب الله علي انت الشفيع
اليدخل الدينك علي لاما يضيع
امان الله علي
امان الله علي
"""""""'''---------""""""""""""
ندخل الدارك علي ومنك نريد
تثبت الأقدام ونصير العبيــد
للنبي باسمك علي لان الحديد
علينة واجب سيدي أمرك نطيع
❃❃❍❃❃❍❃❃❍❃❃❍❃❃
الدنيا لاجلك هذا مخلوق الفضاء
شاهد القرآن الك ويه الدماء
أنته دين الله ورفع بيك السماء
وانت لاحبابك غداً سداً منيع
❃❃❍❃❃❍❃❃❍❃❃❍❃❃
احنة شيعة ونفتخر بين العباد
جينه منك ياعلي نريد السداد
وعلى جرحك بيه متوشح السواد
يابيان وعَلمك ربنا البديع
❃❃❍❃❃❍❃❃❍❃❃❍❃❃
والله جرحك ياعلي بچانه دم
وخبر موتك يالولي بالدنيا عم
حتى جبريل الملك هم لاحه غم
دم الك يبچي الصبح ويه الربيع
❃❃❍❃❃❍❃❃❍❃❃❍❃❃
جينه ننزف بالدمه لحامي الحمه
وتنــــعه ويانه الك حتى السمه
وحيده ظلت يا علي بت فاطمه
كلشي من زينب ترى عگبك يضيع
❃❃❍❃❃❍❃❃❍❃❃❍❃❃
قال طــــه المصطفى عنك علي
لاجله مخلوقه السمه وإلها ولي
وانته للناس اليشع نورك جلي
رافعك رب العلى هـو السميع
كلمات
الملا احمد السالمي
❃❃❍❃❃❍❃❃❍❃❃❍❃❃
أبقه للموت حسيني حيدري
حيدر أغله من الهوه .. وأسمه لجروحي دوه
ابقه للموت حسيني حيدري
..................................
بالولاده وأسمع أمي تنتخي بأسم الولي
وأنت بالشدات حاضر بيك كل هم ينجلي
أبد ما أعوفك يحيدر دوم صوتي يعتلي
رافضي ويبقه شعاري لا ولي إلا علي
علي وسط أعيوني .. وخلهم يلوموني
لحب علي فدوه أقدم منحري
أبقه للموت حسيني حيدري
.................................
آنه أبوي العلماني أعله الولايه من المهد
وأسمك أعله لساني أحسّه ياعلي مثل الشهد
عهدي هذا من الطفوله وأبقه دوم أعله العهد
آنه مجنون بغرامك وأبد ما أعوفك أبد
والهوه البنفاسي .. حيدري وعباسي
مثل ما بحسين جن الشاكري
أبقه للموت حسيني حيدري
..................................
الغالي بس أنت بحياتي ماكو غيرك غالي
يجري بالشريان أسمك ساكن بدلالي
بالحلم واليقظه طيفك دوم شاغل بالي
من أموت آنه أعله حبك والله ألف هنيالي
عندي أعز من روحي .. ياطبيب أجروحي
تحضر بيوم القيامه ومحشري
أبقه للموت حسيني حيدري
.....................................
ياعلي كلمن يبغضك عايش بعالم وهم
أنت منهاج الحقيقه الدنيا من بعدك عدم
ما نعوفك يالصميده كلنه رددنه القسم
نرفض أصحاب السقيفه بس ألك كلنه نعم
أنت بس الوالي .. الأولي والتالي
نبيع الأرواح وحيدر نشتري
أبقه للموت حسيني حيدري
......................................
االشمس تاخذ ضواهه من علي يشع الضوه
الدنيه خنكه بلايه حبه وحب علي نسمت هوه
جفه ماعون الفقير وكل عطش منها أرتوه
الكل مريض ويشكي علّه شوفت أعيونه الدوه
بس علي محبوبنه .. هو نبض كلوبنه
بكلبي أسمك ياعلي وبناظري
أبقه للموت حسيني حيدري
.......................................
دوم عالي يبقه صرحك وأنت حماي الحمه
تناطح الغيمه المناره وكبه بعنان السمه
النجف تتباهه بأسمك علي راعي الغانمه
نريد باجر يم ضريحك نبني مرقد فاطمه
ويه الامام القائم .. نبني مرقد فاطم
شوفت القبتين تجبر خاطري
أبقه للموت حسيني حيدري
.........................................
حيدر مطر العبادي
#الإمام_علي
جديد بمناسبة شهادة امير المؤمنين علي بن ابي طالب عليه السلام قصيدة نخوه بعنوان (ادخيلك يا علي)
انخاك نخوه يا علي ياامفرج الهم
اجيتك حاير بأمري والدمع من دم
اقسم اعليك بطبرتك احضرني مولاي
غير الحزن يابالحسن ما صفى بدنياي
هاي الليله اريدن تحققلي رجواي
باللي توسد يا علي بعاشر محرم
▪️〰▪️〰▪️〰▪️〰▪️〰▪️〰
يا علي جيتك انتحب مولاي اسمع
اجيتك اهمل العين وگلبي ايتوجع
تفك الاسرى يا مولاي بحگ التگطع
بحگ الدمه والصواب وحرگ المخيم
▪️〰▪️〰▪️〰▪️〰▪️〰▪️〰
امفرج الشده انخاك ياعلي احضر
موجوع گلبي من الزمن مولاي حيدر
اقسم اعليك بعباس يوم التگنطر
على الشاطي بقى وجسمه تخذم
▪️〰▪️〰▪️〰▪️〰▪️〰▪️〰
ياابو الحمله اجيت يا حيدر ارجاك
عطني مطلبي هاليوم يا علي بيمناك
بحگ الظلت في كربله ياعلي تنخاك
حسينك على الثرى بويه واتغسل بدم
▪️〰▪️〰▪️〰▪️〰▪️〰▪️〰
جيتك انتخي يا علي يلتحضر الشده
متعوب گلبي يا علي وكل حيلي اتبده
بحگ الذي في كربله حفرو له لحده
تخلص محبك مولاي عمره صفى هم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
#جديد
نواعي لرفع المصاحف في ليلة القدر ٢
.
.
( الرسول الأعظم )
طور : جاوبني يا علي
جينه بدمع همول
يا والد البتول
تنظرنه يالرسول
هالليله سيدي
ابحگ فاطمه دخيل
عنّه الذنب تزيل
وبحسينك القتيل
تحضرنه سيدي
__
(أمير المؤمنين )
طور: جاوبني ياعلي
يا حاضر الشدد
يا صاحب المدد
احضرنه يالسند
مدد علي مدد
احضرنه يا علي
واجبرنه يالولي
غيرك فلا إلي
مدد علي مدد
____
(الصديقة الزهراء)
طور : يا صاحب الزمان مولاي عذراً سيدي
يا فاطمة مدد .. نظرة يَليلة القَدُر
يا رحمة السمه .. وضلعچ یويلي منكسر
حضرينه هالمسه .. وشوفي حوايجنه اشكثر
داوينه يم حسن .. يم الميامين الغرر
٢ مدد مدد مدد .. يا فاطمه الزهره مدد
____
( الإمام الحسن )
طور : يا بويه يا بويه
آيالحسن نظره .. هالليله يا مولاي
بليلة قدر ننخاك .. وبالگلب هَم اهواي
بليلة قدر ننخاك .. والدمعة وسط العين
اقبلنه هالليله .. لخاطر أبو الحسنين
_
( الإمام الحسين )
طور الفراق
مالي غيرك .. يا شهيد الغاضريه
مالي غيرك .. ياللي اعيونك عليه
مالي غيرك .. نظره رايد هالمسيه
مالي غيرك .. يا حُسين ابهالمسيه
مالي غيرك .. يغفر اذنوبي العليه
مالي غيرك .. يا حبيبي نظره ليه
__
( الإمام زين العابدين )
طور : سامحيني
يا علي أنخاك .. يا علي أنخاك
يا حبيب حسين هالليله اعله بابك
يا علي أنخاك .. يا علي أنخاك
ابحگ رزايا كربله وكل اللي صابك
يا علي أنخاك .. يا علي أنخاك
وبدمع زينب ردت اسمع جوابك
يا علي أنخاك .. يا علي أنخاك
ابليلة القدر الشريفه وابمُصابك
( الإمام الباقر )
طور : الجفيري
يا باقر العتره رجاء
بإسمك يمولاي الدعاء
چفنه رفعنه للسماء
ونتوسلك يا سيدي
بكل اللي شفته بكربله
ابهضمك او سبي العايله
وحگ اللي صابه حرمله
نتوسلك يا سيدي
___
( الإمام الصادق )
طور : لفى عاشور
على بابك يا والينه .. إجينه والدمع يجره
وگفنه ننخه يالصادق .. وگلبنه سيدي جمره
عليك بعمتك زينب .. بگلبها وابعُظم صبره
دخيل الليله لأحبابك .. آيا سيدي نظره
___
( الإمام الكاظم )
مجاريد :
ياللي ابسجن خِلْصت اسنينك
وحدك او ما واحد يعينك
وغمضت وسط السجن عينك
يالفوگ الجسر ظليت مطروح
نظره لكل گلب مولاي مجروح
والكل حزين ودمعه مسفوح
____
( الإمام الرضا )
طور : حسين خليني اعله بابك
يالرضا جيت اعله بابك .. انخه والدمعه تسيل
يا غريب الليله عندك .. گلبي الحاير دخيل
يالـِــــ امعيشني ابحنانك .. تصد عني مستحيل
الليله اقسملي الزياره .. وإنهي من گلبي العويل
يالرضا يا مولاي .. يالرضا يا مولاي .. يالرضا يا مولاي مدد
_
( الإمام الجواد )
طور : أماه يا زهراء
شباب العتره يا مولاي .. نخيتك والگلب جمره
ورفعت ابإسمك اچفوفي .. ودعيت وبالصدر عبره
وگلت يا ربي بسنينه .. الگِضاهن يا وسف مره
بجواد اليمه هالليله .. تسهل للمحب أمره
٢ مولايَ يا مسموم .. مولايَ يا مسموم
_
( الإمام الهادي )
الطور : النص الداخلي لطور سلام الله عليها
نخوه يالهادي بمُصابك
بسجنك وغربة عذابك
نطلب الليله جوابك
يا إمامي يا علي
يا غريب وتدري بينه
وتعلم اشصاير علينه
الليله بيك اتوسلينه
يا إمامي يا علي
___
( الإمام العسكري )
طور : اخذي بيدي يم الحسين
يا سيدي يالعسكري أنخاك .. وإنته اللي تعلم حاجتي
ابليلة قدر بإسمك أناجي .. أتوسلك واتصب دمِعْتي
يا بو الإمام المهدي أرجوك .. آخذها هالليله طلبْتي
مولاي .. يا مسموم .. مولاي يا مسموم
___
( الإمام المهدي )
طور : مشتاق أزورك
يا صاحب الثار .. صاحب زماني أتوسلك هالليله وأنخاك
نترقب آثار .. يمته تجينه سيدي وانصوم وياك
يمته نحضه بطلعتك .. شيبتنه غيبتك
مولاي مولاي .. مولاي مولاي
نظره يمولاي .. وحگ عمتك يالمهدي والصاير عليها
نحتاجك اهواي .. أحبابك وبس إنته والله التدري بيها
يا أمل كل شيعتك .. شيبتنه غيبتك
مولاي مولاي .. مولاي مولاي
____
تمت ببركات العترة الطاهرة عليهم السلام
#فاطمة_كريم
٢٠٢٤ م
▪️نعي▪️
لامير المؤمنين عليه السلام
شفتك يبويه وقلبي ماهاد
محمول بويه مابين الاولاد
شيبك خضيب مضمّد اضماد
شفتك يبويه وشفت الاخوان
امغيمه علينه جنها الاحزان
لاح الهضم لعيونّه وبان
اسم الله يحيدر جيت محمول
وانت ياوالي الشايل احمول
اسمع تون وحيل معلول
اسم الله عليك وروحي تندار
ودمع اليتامى اعليك نثار
ونت عليهم بويه هالدار
شفتك يبويه الراس مجروح
وبين الحسن وحسين مطروح
ريح اليتم ابعيونه انلوح
———-
طور حضريني يالزهره
نعشك يبو الحسنين ايشلونه قدامي
اصبر يبويه اشلون وشيبك ظهر دامي
هذا الوداع اشلون يابو اليتامى اتروح
بعدك وراك اصيام وراسك بعد مجروح
تنعى اليتامه اعليك شوف ابهضم وابنوح
لا طب يفيد اوياك ولا ترجع ايامي
اسكت يبويه اشلون شيسكته افادي
نعشك يشيل نشوف ياجمره وگادي
امر ه الله
وارضيناه وامر الله البادي
امصابك يبويه اليوم جددلي آلامي
خالي النزل منك ومن امي الزهره
امن امي كبرنه اسنين ومنك بعد عشره
وباقي اثر بالدار يسولف عن الطبره
ابقلبي زماني شوف ياكم سهم رامي
————
بقلم:بنت الشمري
#جديد
في استشهاد المولى أمير المؤمنين عليه السلام
طور : يا فاطمة يم الحسن
للفاجعه خل نستعد .. رايح علي ولا ما يرد
يم الخدر راح الأبو .. وهالليله يمسي باللِحِد
___
بهالليله راح المرتضى .. واعيونه غمضهن علي
وممدود فوگ المغتسل .. زينب تعاين للولي
فوگ الجنازه اعمامته .. وامچانه يا ويلي خلي
واتعاين اينوح الحسن .. واينادي ما يرجع إلي
خيمتهم الليله اوگعت .. أملاك السمه كلها نعت
اتنادي رحل خير العمل .. امصيبه ومثلها ما جرت
___
ويلاه يا فرگة علي .. ويا زينب ومحنتها
من شافته وسط النعش .. شوفة علي ذبحتها
مغمض اعيونه الطاهره .. وابلا نَفَس خيمتها
بهاللحظه حسّت تبتدي .. أم الخدر غربتها
من يدفنونه ابتُربته .. محد يسدها فرگته
بيته يظل خالي وراه .. آيا كُبرها وحشته
____
نادت علي خلف النعش .. يا بويه لا تنساني
لو صرت وحدي بكربله .. ومذبوحه كل إخواني
لا خيمه لا حامي يظل .. ويضربني سوط الجاني
احضرني بويه يا علي .. وواسيني اعله أحزاني
وادفن ذبيحك عالثرى .. گطعوا يبويه منحره
عالغبره أعوفه يا علي .. من أمشي بويه اميسره
_
مسبيه للكوفه أرد .. بويه الشمر يحديني
أنخاك بيها يا علي .. يا بويه لَتخليني
عالرمح كل روس إخوتي .. ويلي يراس احسيني
يرمونه يا بويه ابحجر .. بويه الرماه يرميني
وبالشام أريدك يا علي .. تحضر إليه يالولي
أتحير اهناك اشكثر .. وغيرك يبويه ما إلي
___
تمت ببركات المولى أمير المؤمنين والعقيلة زينب عليهما السلام
#فاطمة_كريم
٢٠٢٤ م
...
نعي العيد
الحنين أيردنه من نذكر يهلنه
وكبرنه وبالحـــــزن يكبريهلنه
مشيتو والدمـع جـــاري يهلنه
بصباح العيد بالله شلون بيه
...
أجه العيد وصورهم تارسه عيوني
وحگ صوت المگابر عـدل دفنوني
مثل مــــــاي وتبده أبرمل عافوني
ودورهـم أمــلاگه آمــنين ما أدري.
...
منو مثلي بصباح العـيد عنده أگبور
يصابحهم دمـــع وملثـــم ومـكسور
ياطور الحــــزن تارسني هذا الطور
وبين الدمعه والحسره گضه عمري.
...
وعثر بالـــــدواره والجــــــــــرح ينزف
يم كل گبر ألگه عيوني دمـــعـــه أترف
وگبر الغالي وحده الصوتي ضل يعرفْ
أذا تيهته يعـــــــــرف شنهي البفكري.
...
وتعب والجــرح حـــس بوجــــــع بالي
ومـــــــحله العــيد كون أتصابح الغالي
الـــــــــعيد أبيتي شيسوي أذا خـــــالي
وانه أبلا صــــــبر ويه المشو صـــــبري.
...
✍️أبوحسين السرگودي...🕊️🕊️🕊️
ميموت الابو بكليب الابنيه
تذكر كعدته وتشتاك ليليه
زينب بالوداع اليله محتاره
ودمع أحزان عل وجنات يتجاره
ماتدري اليتم ماتعرف اخباره
حزن افراك بالدلال شب ناره
كوم اكعد يبويه وشوف انه شبيه
جنه بخير بويه اعزاز الك جنه
من شلت الحزن للبيت طب النه
بويه وياك كبرك كون يجمعنه
نسولفلك سوالف ريت تسمعنه
بويه شلون طالت ما الك جيه
شيصبر كلبهه البي الك ذكره
من تشتاك كلب البنت شيصبره
من اتريد ابوهه وتخنك العبره
بين اضلوع تكتل ثاري الحسره
حزينه الروح بيهه اشواك مخفيه
يفراك الابو بكلوب البنيات
من تمر صورهم تنزل الدمعات
عفيه اكلوب ماتنسه ابد هيهات
عايش بالدليل ومامصدك مات
وكل لحضه التمر تزداد حنيه
هد الحيل فركاكم يوالدنه
بعدك من يجي ويريد يسعدنه
عنك والمنيه شلون تبعدنه
لون اتغيب مايبقى سند عدنه
كل ساعه التمر بحزان مكضيه
جرحك بلكلوب يصيح اه اويل
ليل أحزان يلتم من يجينه اليل
يل غبت وغيابك هدمنه الحيل
وياك نريد باجر لو نويت اتشيل
اخذهه وياك روحي تريد الك هيه
اخذني وياك شلي ابعيشت الذله
بلا يه النار حسره تموت كل دله
يديوان البخت والناس تندله
يل عامر مضيفك هسه وين اهله
انفطر كلبي وبعد كل حيل مابيه
أسألكم الدعاء
حسين محمد الزهيري
وزن التجليبه
دنيتي اندارت عليه
والدمع بجفوني بات
امنهد توديع الزجيه
اعيوني ابد مانايمات
وبقه جف حيدر بديه
وهسه حيدر بيدي مات
بيـتي وگع عـامـوده .. و انبنه بـيت احـزانـي
مـن يـوم جـرح الزهره .. و انه الدمع برداني
هاي انـه زيـنب و الـهم .. اتـعلم علـيه اتعـلم
و انوب اجاني الكرار .. ابدم هامته وبجاني
بيتي طاح وتطشر شملنه
اتفرهدو من اديه اهلنه
راحت امي وعلي الليله اودعه
گلبي ماينجبر كسره جنه
.............
انكسر شراي الخواطر
وي كسر ضلع البتول
عاش عگب الزهره حاير
الكون صار بعينه جول
غير يسكن بالمگابر
بيده ماضلت حلول
عاش اعله گبره الزهره .. ايروح الگبرها ويرجع
الصابر الـ مامن صبره .. تالي العمر ظل يجزع
وتهظمني صـورة حـاله .. لمـن خذوه بحباله
روحه بكثر مايبجي .. امن اعيونه رادت تطلع
اذكر ابيوم وگع يم عتبته
يمسح بجفه دم امي شفته
گلي زينب الــزمي اديه
واعله وجهه عثر و اركضتله
..............
غرب افياي المحنه
وعافني اتعذب وراه
ونه تاخذني اعله ونه
واه زتـتني اعله اه
و بيت اهلي الجان جنه
هسه صار اظلم ضواه
مات الضوه البعيوني .. والبويه فوگ اشفافي
هديتي حـيلي البيه .. يـادنـيـه بســج كافي
نشفتي ماي اعيوني .. يـالخذتي امي ولوني
وحـيد الزلم هالليله .. حـدر التـرايـب غـافي
غرب الماكو من في دلاله
وخله گلبي ينوح اعله حاله
بالمگابر علي الليله نايم
راحت العشره كلمن مشاله
.....................
علي الله اوياك رايح
اوداعك ايعذب الدليل
بگلبي مايسكت الصايح
ودرب مأساتي طويل
نلتقي بين الذبايح
من اظل ابلا كفيل
تلگاها زينب باجر .. منتظره فزعة هاشم
جي عندي اخو بالحومه .. حدر الحوافر نايم
ولمن تطيح الرايه .. اسمي يصير احجايه
وبضعني يحدي الماله .. قيمه و اصل بالوادم
غـاره بــاجـر تهد الخيامي
ولاكو رايه ولاجف محامي
ايطـلعوني غصب من دلالي
واترك ابن امي بالحومه دامي
ابو حميدة الشويلي
اللهم عجل لوليك المنتقم الفرج
زينب توصي ياناس. شيعو ابونه الليله
بالنوح لطمو عالراس كل شيعي ينهد حيله
هذا ابوحسين وعباس بانت علينه الميله
تسعر جمر بالانفاس. والدمع خل تسيله
قران واسه القران والدين تبچي أركانه
ومكدرات الأديان. بفگدك علي مولانه
فراگك صعب لاماهان وأهل السمه حيرانه
والكون يبچي وندمان. منهو اليسد مچانه
الخادم عبدالمعين الشمري
اللـهـم سهـل دنـيا مابـيـها عـلي
چنه مانعرف يـتم - اصغار بس چنه زلم
العوز شنهي مانهم - أيتام ويحبنه علي
من يمر بيده الخبز - چم حلم بينه يفز
الخبزه من ايده حرز - الله ياحيدر علي
اللهم سهل دنيا مابيها علي
نـنجـمـع يــمه قبـل - كل صعب يمه سـهـل
دمعه مايــبقل نـهل - وهسه نبجي بلا علي
لو بچو اهل الفـقـر - يعني حيدر ما يمر
يعني يمكن منـطـبر - ماحضر يمهم علي
اللهم سهل دنيا مابيها علي
لو يتيم يصب دمع - وچنه مكسور الضلع
تشوفه حاله منفجع - يعــني امفارگ علي
دمه من راسه يصب - وزينب اگباله تطب
تشوف ابوها بيا گلب - اگبالها امدد علي
اللهم سهل دنيا مابيها علي
جرحه ما يشبه جرح - چنه گـلبه ومنفـتح
الدنــيا مابـيـها صبح - غمض عيونه علي
غمض وفـز الـحـزن - وچم عزيز الي يون
زينب امنگعه الجفن - اتصيح يابويه علي
اللهم سهل دنيا مابـيـها علي
#حيدرالعماري
بدموع وااه .. ودعتك من شفـتك .. بااخـر ليـله
صارت دنياي .. بعيوني من غيابك .. لون الشيله
عطشانه ويمي المـــاي أنخــاك اتضل وياي
بااخر ليله
(ياجرحي) ودوه جروحي
أخذ گلبي واخذ روحي
بويه من تروح - شتفيد الروح - گلبي المذبوح - يابويه
يم راسك صرت دمعه - وبيه ضاگت السبعه
ماادري شلون - ضل عندي عيون - دنيا بلا لون - يابويه
شابگتك وظهري انكسر .. بويه انه صرت اجنازه
ماتدري الـــيــضـــيع أبو - تـــكـبـر عليـه العـــازه
جيتك صغيره ومن گمت .. يـــراد الــي عــكازه
مو وكت اودااع .. من ترحل بيش اندل .. الدنيا تسدها
هنيال الــگـاع - ماخذتـك من بنـتـك .. ياوالـدهـا
زينب ومضيعه الراي .. أنخاك اتـضل وياي
بااخر ليله
بعيونك حچي شفته - بويه بدمعه طلـعـته
چنك حسيت - ودعت البيت - زينب ناديت - يابويه
اگبالك حزني ماضمـه - شيظم الكسر عظمه
مو سهله اتموت - مالـك تابوت - حزنك مو صوت - يابويه
ياخذني حزنك للـخيم - والطف اعيشن خـوفـه
وعيوني ياخذها البچي - وحسين اخوي تشوفه
من يرجع ابلايه أخوو- وتـچي ظهره اچفوفـه
من جرحك ااه - بااخواني واحزاني - الطف اوصـلـه
من الخيل ادوس - لحسيني بونـيـني - صحت اسم الله
ياخيل وياا بهداي أنخاك اتضل وياي
بااخر ليله
يمك كافلي صحته - وعليه الوجـه درتـه
اتوصي العباس - بااخر انفاس - زينب عالراس - يابويه
لمضت عينه واتـلـوه - گـال بعيني هالخـوه
بالطف اتشوف - انطيها اچفوف - وشحده الخوف - يابويه
بعيوني زينب والسهم - واوگف حرس عالخيمه
لو ماي عطشت بت علي - اعصر اردان الـغيـمه
بس الـعـذر من انـذبـح - وابقه بـتراب الهيـمـه
أنطي الچفين - ومقصر مـااگـدر - راسي برمحه
غمضت العين - بس گلبي ضل يربي - الزينب جرحه
لو صاحت يالوفاي - أنخاك اتضل وياي
بااخر ليله
مودع بالبـچي ولـچمـه بعد مانـشتـم أي نسمه
تبدي الأهات - لو طولك مات - أفرح هيهات - يابويه
بدمعي امـبـلـلـه برجفه - الفقير المن يمد چفه
يگول بلياك - مايسمع هاك - يموت بفرگاك - يابويه
المـثـلك هظيـمه ياعلي - لمن يعـوف ايــتـامـه
ليلك عله الفقره خلص - ماترضـه بويه اتـنـامه
صوبنه هالمره الدهـر - وماتخـطي بينه اسهامه
هالمره افرااگ - من دونك وعيونك - الدنـيـا نذمـها
يمك نـشـتاگ - من تبـعـد بيش انسد - الاااه وهمها
ماتـسوه انــضـل دنياي - وإنخاك اتضل وياي
بااخر ليله
#حيدر #العماري
السيدة زينب تخاطب الامام علي بعد الجرح بصوت حزين
****
مو گلك الباب انتظر ؟
والطير من صاح الفجر ؟
لاچمني گلبي من العصر
ويلاه يبويه ويلاه يبويه
**
بويه من اهد ما چلچل الليل
حسيت مامش روح لا حيل
بعينك احس نظرات الوداع
يا دله ظلي بحسرة الهيل
يمك واشوفن روحك بعيد
مو مال دنيا تسافر تريد
خلصن يبويه ايام رمضان
خلينه نلتم لمت العيد
يا ليله ظلي هواي وهواي
وياي اريد الغالي وياي
يا بيتنه اتموت اتموت
لو شلنه ابونه بتابوت
هم مثلي گلبك منكسر
لاچمني گلبي من العصر
ويلاه يبويه
**
كاسر ظهرنه وشالع گلوب
هذا الفجر يشبه للغروب
يا خبر جاب وياه من جاي
ما ردنه نفتح للبچي البوب
ويه الاذان بصوت من صاح
صوت السمى حيدر علي طاح
حسيت گلبي يموت والله
صاحو يزينب والدچ راح
اركض وارد علباب وانعاك
بويه اعله بختك ردت وياك
حسيت ساعتهه بخوف
وعيوني حارت شتشوف
مو جرح بويه وينعبر
لاچمني گلبي من العصر
ويلاه يبويه
*
يلراد ونه وديرة جروح
مسموح اعاتب بويه مسموح ؟
چا ما خذتني وياك للموت
يا روح المن رايده الروح
من ردت تطلع ها يبو تراب
مو كضك وما هدك الباب
والطير صاح بوجهك ارجوك
چا وين رايح وانته محراب
قيم الصلاه لو وين ما چان
أذن علي خل يبچي الاذان
والفجر ضم روحه بليل
من صاح بسمك جبريل
والدنيا ما ظن تستمر
لاچمني گلبي من العصر
ويلاه يبويه
****
هوه اليشيل الدنيا ينشال ؟
ها يا علي يمرجف الابطال
گوم اعله حيلك بويه لا اموت
يلعشت عمرك دوم خييًاال
علباب ولدك ذوله الايتام
صاحو يبونه الغالي لتنام
چا وينه حيدر والله ردناه
يفگدنه چان ولابس الثام
گلوله نبقى أبابه منرووح
باب الله حيدر ليش مذبوح
يابو الحسن حظنك وين
يعين الله هليله حسين
گدامه مطروح العمر
لاچمني گلبي من العصر،
ويلاه يبويه
***
خلصت بعد يا بويه ونات
ما اريد أسمع چلمة المات
مخلصتهه ويه الباب والدار
من يوم ضلع الزهره حسبات
چا ليش ناوي اتزيدلي الآه
جرح امنه موت وما حملناه
بويه شبعد وشظال وشلون
غمضت عينك بويه ويلاه
هسه انكسرنه وعفنه الديار
ظلتنه ظلت ناس خطار
يرض النجف حيدر نام
ما تمم ويانه صيام
لا تلفي يا عيد الفطر
لاچمني گلبي من العصر
ويلاه يبويه
كلمات الخادم
رعد الفريجي
قصيدة " قالَ طٓه المصطفىٰ"
موشح لــ #الإمام_علي (ع)
ــــــــــــــــــــــــــــــــــــــــــــــــــ.
قالَ طٓه المصطفى سيد الورى
مَنْ كُنت مولاه مولا حيدره
وْحامل لرايتي دنيا وآخره
و يا مدينة علمي حيدر بابها
ــــــــــــــــــــــــــــــــــــــــــــــــــ.١
علي نِعْمَ الأخ و سيف بيمنتي
علي أقضاهم و أعلم امّتي
شجره وحده شجرته و هِي شجرتي
الرسل كلها منذكر بكتابها
ــــــــــــــــــــــــــــــــــــــــــــــــــ.٢
حيدر بْمنزلة بيت الله الحرام
لو مَـــ حيدر ما ثبت دين الاسلام
بعلي و بفقّاره دين الله استقام
سيفه ذل ايهودها و أحزابها
ــــــــــــــــــــــــــــــــــــــــــــــــــ.٣
بْذكر حيدر علي المجلس زيِّنُوه
علي منّي مثل هارون مْن اخوه
علي مخذولين كلمن حاربوه
العادته باجر عسير احسابها
ــــــــــــــــــــــــــــــــــــــــــــــــــ.٤
علي ابو الحسنين علمه بكل شي حاط
خْسَرت كلمن ما لها بيه ارتباط
بالقيامه ما تجوز اعله الصراط
بيدها اليسره تكض اكتابها
ــــــــــــــــــــــــــــــــــــــــــــــــــ.٥
بيه برائه حبّه من الحاطمه
وْ لَوَن ما مخلوق حمّاي الحمه
چان ما موجود كفْؤ لفاطمه
ولده سادتها و أعز انسابها
ــــــــــــــــــــــــــــــــــــــــــــــــــ.٦
لا فتى إلا أمير المؤمنين
و قائد الغر و إمام المتّقين
يقتله أشقه الأوّلين و آخرين
و يفجع الأمة بعظيم امصابها
ــــــــــــــــــــــــــــــــــــــــــــــــــ.٧
للشاعر الحُسيني علي جبار الخفاجي
بالتــنزيــــل والتـأويـــل
ولــي للــه علــي الڪرار -------------------------------------------
بيت اللـــه إله مسكــن كلها تعرف وتعلم
انشگت ياعلي الحيطان قبلتنه إِلك معلم
القصد انت اللي بالتبليغ وربنا للنبي كلم
بلغ ما اگوله ليك فرض للجاهل تعلم
فرض واجب .. نــزل كاتــب
جبـريـل ونـشر اخبار
-------------------------------------------
علي حزب الله عنوانك اليحبك يا علي صله
والي ومن گبل آدم الينكرك دينه بي خله
والقرآن الك شاهد باسمك يا علي اتعله
علي العالي الذي علاك الوصي أنت الرسول الله
النبأ انـــته .. علي شفته
ولادم أسـمك الأسـرار
-------------------------------------------
بطل معروف ابو الحملة أبميادين الحرب كبر
علامات النصر بيده الشجاع گباله مايصبر
وعنده بالشجاعه فنون علي ماقاتل المدبر
شنوصفه اليذل ابطال وتشهد معركة خيبر
يذل ابطال .. نبينا گـال
على الكافـر يصب النار
-------------------------------------------
نضحي الحبك الأرواح وصانة النبي المختار
من بعدي الوصي ألكم الوالي حيدر الكرار
ونتبع هالنهج واجب ماترهم بعد أعذار
علي الوالي مثل طــه قسيم الجنةِ والنار
علي الوالـي .. ويظل عالي
واســـمه بكــل فخر ينـزار
-------------------------------------------
بنشر توحيد إلٰٓه الكون حيدرنه ختم عمره
ومهموم العمر كله الدنيا احتارت بصبره
وعنك يا علي شِنگول طه أسمك يفسره
محـد يعرف اوصافك اللــه والنبـي أدرى
شــهد قـــرآن .. ولي الرحمن
وصفاتــه هيـه حامـي الجـار
كلمات
احمد السالمي
-------------------------------------------
قصيدة للإمام علي ع
إجاني العيد أجاني وأهل العيد غياب
علي وفاطم يوسفه نامو وسط التراب
مني بعد شيـــريد
المن جايني العيد
😭😭💔😭
هوا الفاگد عــــزاز گلبه يبقه مكسور
صباح العيد عنده يشبه شهر عـاشور
بفراگ النحبهم ضلمه صارت الـــدور
نعايد المن احنه واهلنه وسط الگبور
راحـــو مني راحو ويلي اغله الاحباب
علي وفاطم يوسفه نامو وسط التراب
بجفاهم گلبي ميهيد
المن جـــايني العيد
😭😭💔😭
يتيمه ابجي ضليت دمعي تارس العين
أجو خواني يمي حبيبي حسن وحسين
گالو يختي زينب كــــافي بطلي الونين
بعد عندچ مصايب بالطف هم تشوفين
خويه آه يخويه والـزهره الگلب ذاب
علي وفاطم يوسفه نامو وسط التراب
جروحي ضلت تزيد
المن جـــايني العيد
😭😭💔😭
مجروحه انه خويه بگلبي هـواي آهات
الحرمه عگب اهلهه تشبع والله هضمات
من كثر الهضيمه ضليت اجـــر حسرات
بچاني زمــــــــاني وخله بگلبي لجمات
أونن انه أونن بغيـــــاب اهلي الاطياب
علي وفاطم يوسفه نامو وسط التراب
احبابي راحو بعيد
المن جايني العيد
😭😭💔😭
شلي انه بالعيد وعلي راح من ايديه
اهلنه وسط الگبور راحـــو هاي هيه
عگبهم ابچي ضليت ودموعي جريه
ومن قسوة زماني اضل اصفگ بديه
زماني يا زماني من عنده الجفن شاب
علي وفاطم يوسفه نامو وسط التراب
بگلبي اوجاعي تزيد
المن جــــايني العيد
😭😭💔😭
تمت والحمد لله
بقلمي المتواضع
✍ للشاعرة وخادمة الحُسين
رقية العامري
على طور يامحله الوداع بهالمسيه
عليك أتوّن يبو حسين اليتامه ..
بدموع الملامه ..
تمنّت ياعلي تكوم بسلامه ..
......................................
أمير المؤمنين انصاب بالمحراب . على سجادة صلاته ..
كتاب ألله أنطبر ينزف عِلم وآيات .وبسيف الشماته ..
ليل وداع ليلة واحد و عشرين . وي ولده وبناته ..
يودع فاطمه الزهراء بآخر يوم . جانت امنياته ..
المابطل دمعهه .. من كسرت ضلعهه
وره الباب أنكسر جنح الحمامه ..
...................................
فطورك بس تمر والخبزه بالماعون . شاهد عالبساطه ..
الزاهد بالحياة وراضي بالمقسوم . بالباري ارتباطه ..
ضرغام الحروب ويشهد الفقار .نهج الحق صراطه ..
رفع أيده النبي بيوم الغدير وصاح . بلا قربه ووساطه ..
هذا أول خليفه .. مو أهل السقيفه
اليواليه يرتفع قدره ومقامه ..
........................................
ألله يساعد السبطين هذا اليوم . ويعين العقيله ..
على المحنه الجبيره وبليالي الصوم .يقروله العديله ..
زينب والحسن وحسين والأيتام . عليهم أقسه ليله ..
صبغ لون الوساده دم أبو الحسنين . والمحنه ثجيله..
بعد أمنه الزجيه .. انطبر حامي الحميه
أبن ملجم غدر شاطرله هامه ..
........................................
ظل صوت اليتامه ينادي يابو تراب .ريض ياولينه ..
بعدك ياهو يمسح دمعة المسكين . ويسّكت ونينه ..
محد يلتفت ويدك عليه الباب . غيرك يا علينه ..
دخيلك ياعلي لا ترحل أترجاك . يبو الروح الحنينه ..
لا ترحل يغالي .. يمنور الليالي
يالنورك محه الليل وظلامه ..
..........................................
برمضان ومحرم تكثر الآهات . وتزيد المواجع ..
نبقى نصوم كلنه ونفطر بحسرات .وتسيل المدامع ..
على اول خليفه المرتضى الكرار . الكالو عنه رابع ..
مجالس بالحسينيات وقرايات . ومن نلطم نبايع ..
عالفطره عشكناك .. لحد الموت وياك
كل شيعي يظل حبك وسامه ..
........................................
أركان الهدايه تهدّمت وآللاه . من راح الصميده..
يظل للموت كل شيعي فلا ينساه . دم يجري بوريده ..
يظل أسمك شرف بيه تفخر الأجيال . يا أجمل قصيده..
نصرخ ياعلي الكرار حامي الجار . الما عيد بعيده ..
صرخه حيدريه .. تسمعهه البريه
الما يصرخ يعض أصبع ندامه ..
.........................................
حيدر مطر العبادي
🏴 *في التوسل بمن تتنزل عليه الملائكة في هذه الليلة مولانا صاحب العصر والزمان عجل الله تعالى فرجه الشريف* 🏴
.
عليك بخاطر الزهره يضي عيني
يالطول العمر خيرك امغطيني
انا بشده وأريد اليوم تاويني
وادري سيدي حاشاك ناسيني
اجيتك سيدي مكسور من دنياي
اجيتك يا حبيبي جرحي ماذيني
من عينك ردت نظره يضي العين
من آلامي يا مولاي تشفيني
نظره بيها تشفي اجروح دلالي
وبيها سيدي تأخذ ابإديني
يبو صالح وحقك قلبي مجروح
ردت من نظرتك مولاي ترويني
ردت مسحة يمينك عالقلب مولاي
عن هالدنيا كلها ياللي تكفيني
وخل عينك عليه يمن فدوه اتروح
روحي لحضرتك يا كافل اسنيني
● طور : يم الولد + الجفيري
محتاج إلك يبن الحسن
تجبر دليلي امن المحن
عذبني مولاي الزمن
يا سيدي يا سيدي
ما شافت اعيوني الفرح
ايامي آلامِ او ترح
عايش على الهم والجرح
يا سيدي يا سيدي
او حق الزجيه فاطمه
من مده روحي امألمه
وعالبجي اعيوني امعلمه
يا سيدي يا سيدي
انخى وردت بس نظرتك
واعله دليلي مسحتك
واجبرني ابحق دمعتك
يا سيدي يا سيدي
طلعني من حزني إلك
خادم إلك وي كل هلك
مكسور جيت واسألك
يا سيدي يا سيدي
_
تمت بحمد الله تعالى
#فاطمة_كريم
٥ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
🏴 ليلة القدر العظيمة 🏴
▪︎ عن الإمام الباقر (عليه السلام) في تفسير سورة القدر، قال: إنّ فاطمة هي ليلة القدر، من عرف فاطمة حقّ معرفتها فقد أدرك ليلة القدر .
📚 تفسير فرات الكوفي
مجاريد :
بشانج يمولاتي الزچيه
نتوسل بهاي المسيه
نحضى برضا رب البريه
انتي يَــــ سر هاي الليالي
شانج عظيم وحيل عالي
وابفضلچ انحوز المعالي
سر الباري يا ليلة قدرها
يالحيّر العالم كسرها
ندرك ابمعرفتچ قدرها
يا ليلة القدر العظيمه
ويالخيرچ على الاكوان خيمه
كلشي بدونچ ماله قيمه
طور : مالي غيرك
يالزچيه .. نظره من عينچ علينه
يالزچیه .. بليلة القدر الحزينه
يالزچیه .. فاطمه ابوحشة علينه
يالزچيه .. ابوحشته ودمه ومصابه
يالزچیه .. كل محب ياخذ جوابه
يالزچیه .. ويرجع الطوّل غيابه
هالمسيه .. فاطمه ارضي علينه
هالمسيه .. فاطمه لا تتركينه
هالمسيه .. غايِبچ يرجع إلينه
▪︎ وإلى من تتنزل عليه الملائكة في هذه الليلة ..
يا بو صالح .. ابليلة القدر الحزينه
يا بو صالح .. اعلينه ترضى يا ولينه
يا بوصالح .. لخاطر الحزوا وتينه
يا بو صالح .. ابليلة القدر الجليله
يا بو صالح .. كل محب يبرد غليله
يا بو صالح .. انته بس والله الوسيله
يا بو صالح .. لينه اكتب هالمسيه
يا بو صالح .. انزور حماي الحميه
يا بو صالح .. ونرد لأرض الغاضريه
يا بو صالح .. بس رضا قلبك عليه
يا بو صالح .. سيدي بهاي المسيه
يا بو صالح .. خاطر اعيون الزچیه
_
تمت بحمد الله تعالى
#فاطمة_كريم
٥ / ٢٠٢١ م
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
#جديد
وداع المولى أمير المؤمنين عليه السلام
طور : هنياله الينام الليل
.
.
الله اوياه شال امكمل الدين الله اوياه
الله اوياه بچه افادي والعين
بهالليله ابو الحسنين غمّض يا وسف عينه
انتهت ايامه يا ويلي الگضاها لله اسنينه
امام الدين ابو الايتام عليمن يطبر اجبينه
اشوفه اشلون خضيب الشيب وتشيله لمة ابنينه
بينه اشلون بعدك يا أبو حسين
———
نعى جبريل وصاح ابصوت تهدم ركن إلهدايه
انقتل هاليوم ابو الحسنين علي لكل الفضل آيه
ابدفا المحراب ولينه غاب وعزف جرح الزمن نايه
ابو العشره اللذيذه اليوم إلعشرْته هاي إلنهايه
يا ويلي ابصلاته انهى السنين
————
علي من طاح وإله فزْعَوْا حسن وحسين يشيلونه
عليهم صاح يبويه خاف قلب زينب تفجعونه
اخاف اعليها ياعباس دمعها لاتنزلونه
وراها اهموم ومصايب كوم وخدرها ما يخلونه
ما أحمل دمعها ومنها إلونين
————
اجت زينب تصيح ابصوت علي يامعدل الميله
تون بسكوت تعرفه الموت ودمع فرگاهم اتسيله
بجفاك الروح غريبه اتكون ويفارگ هالجسد حيله
يكون الروح يبويه تروح ونشيل اوياك فرد شيله
موتي اوياه روحي و لا تظلين
———
يضمها الوالي الصدره وتشوفه بالنفس ايجود
تراه امر الله يا زينب رضينا بامره المعبود
انتفارگ والله هالليله وبعد يم الخدر ما عود
ووعدنه ليلة الوحشه اذا احسينچ صبح مفگود
لو حرگوها يا بنتي الصواوين
———
تمت بحمدالله تعالى
بقلم : بنت الشمري و فاطمه كريم
٢٠٢٤ م
#جديد في مصاب المولى أمير المؤمنين عليه السلام
طور : جاوبني يا علي
.
.
يا مظهر العجب
صوتك خفه عجب !
تتركني شالسبب
جاوبني يا علي
يعني ابنعش تروح !
وتذبحني الجُروح
واعليك أظل أنوح
جاوبني يا علي
واگبالي تندفن
واشما عليك أون
مَتردلي وأبگه أحِن
جاوبني يا علي
ترضاها دمعتي
ترضاها حسرتي
وما تطفه جمرتي
جاوبني يا علي
ترحل وأظل وراك
أتمنه بس لقاك
ميته ردت معاك
جاوبني يا علي
يا خيمتي رحت
ميته ولا شفت
وسط الترب غبت
جاوبني يا علي
__
تمت ببركات الأمير روحي فداه
#فاطمة_كريم
٢٠٢٤ م