7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
عمري خدمه ومنبر .. وحيي مجلس حيدر
حان العزاء
حان العزاء
*
عايش ابهاي المجالس عمري خلص خادم
صدري بيه مطبوع چفي من كثر مالاطـم
الراد يحظر هل مئاتم گلبـــه يخلص لازم
حتى يسجل موالي امواسي دمعة فاطـم
اتريد شانك يكبر ... اخلص ابگــد قنبر
حان العزاء
حان العزاء
*
والله كل خدام حيــدر عل نعم محسوده
اتحشدو صوب المجالس بالهدوم السوده
ابليلة الجـرح البليــغ اگلوبـــــهم ممروده
اوحظرت اوياهـم تعـزي فاطمه موجوده
مجلسه بي واهس ... وبينه غيرت عابس
حان العزاء
حان العزاء
*
بيه حرگه وبيه لهفه المجلسـه اتوديني
اومـن أتيـه دربه واللـه گلبــي اليدليني
من اقصر عن خدمـته اوباجر ايلاگيني
ابيا عذر اطلعله لمن يحط عينه ابعيني
والخدم بحساسه ... يمه يرفع راســه
حان العزاء
حان العزاء
*
خادم الخــدام عنــدك يا علي سجـلني
مذنب وأرجـاك اجيت ابمجلسك ادبني
ياهو يقبلــني يحــــيدر كون ما تقبلني
الك خادم عمري خلص ماضن اتفشلني
خادمك سميـني ... هل شرف يكفيني
حان العزاء
حان العزاء
*
بالدعـاء مديت اديــه نضــره منــك رايــد
يا علي اتوسـل اجيت ابـاب عطفك گاعـد
اوياك بالمجلس يحيدر جن احس متواعد
گلبي گلي اليوم تحظـر يمنه واحـد واحـد
شنسوه احنه ابدونك … اي وحق اعيــونك
حان العزاء
حان العزاء
*
الخادم
✍ كامل السعيدي
كل الدنيا شيعية عالم حيدري واحد
علي الامر علي القاهر تاج اعله العرش كاعد
.....
أمام العالم الاكبر
علي موبس فتح خيبر
يفتح ساحة المحشر
يشد ويحل
اخذو من الشمس عبرة
من ردتله مبتشره
نور الله علي و سره
علي اليعدل
الشمس من شيعته
الكواكب طاعته
المجرة ابخدمته
ابد متمل
عقيدتنه ولائية خله العاند ايعاند
شفت الدنيا تسجدله تاج اعله العرش كاعد
.....
علي مثل السمه ابضله
كل الدنيا تخضع له
علي شما نزلوه يعله
علي الاكبر
علي الماعرفو احدوده
ولا واحد وصل زوده
الله والنبي اشهوده
علي القسور
علي الرقم الصعب
علي الحب والحرب
علي نور الدرب
هلا بحيدر
بيعتنه السماوية شفنا بس علي الراشد
علي الاول علي الاخر تاج اعله العرش كاعد
.....
علي منهو الذي ايرده
كل الدنيا لو ضده
سيفه بالدمه ايحده
اذا يزعل
سيف انضمه للعازه
وابكل شده نحتازه
ساعه البيها نتوازه
علي نددل
علي نور الفلق
علي سور الغسق
كتاب الله النطق
بطل جندل
دنيانا غديريه حسينية وعلي الشاهد
مثل حيدر منو عنده تاج اعله العرش كاعد
......
دين ابلا علي اشيسوه
علي القائد علي القدوه
علي مثل الشمس ضوه
علي الكمره
وين الحاربو كُلهم
علي المن اسمه راعبهم
مثل سيف ابمناحرهم
علي ابذكره
يعرفونه شطلب
دوه لبعض الركب
جحاجيح العرب
تحت امره
ختاميه ختامية مابيها حجي زايد
علي بس هو يتصدر تاج اعله العرش كاعد
.... زهير الابراهيمي
القصيدة 📜فدوه ريض ياعلي
#الشاعرة_فاطمة_هاشم_الحسيني
عاين الحال اليتامة فدوه ريض ياعلي
⊱━━⊰✾ياصاحب الزمان✾⊱━━⊰
اليوم كل هاي اليتامة اعليك تلطم بالتراب
ماتصدكَ يبو زينب نورك بهل ليلة غاب
طشو ادموع اعله بابك من كبر حجم المصاب
انت ياحيدر ابوهم والأمل بالطبرة خاب
ضلو بحسرة ولي فدوه ريض ياعلي
⊱━━⊰✾ياصاحب الزمان✾⊱━━⊰
اشلون يتعوض مكانك يا أمير المؤمنين
وين نلكَه مثلك احنه ياعلي كللنه وين
اعليك شاب الرمش بويه والدمع ماخله عين
ثكَل عمري اخلاف عينك راح اخلصنه حزين
صرخة بالهم تعتلي فدوه ريض ياعلي
⊱━━⊰✾ياصاحب الزمان✾⊱━━⊰
يهون كلشي وسهل عندي ولا تفاركَلك حبيب
الموت اهون جان اليه ولا اشوفنك خضيب
وراسك الما طاب جرحه ايس وراح الطبيب
الفركَه صعبه وانه ادري كَلبي مو راسي اليشيب
بدنيتي غيرك شلي فدوه ريض ياعلي
⊱━━⊰✾ياصاحب الزمان✾⊱━━⊰
دنية غربه وما اليه غير ضلك والحنان
اخلاف عينك مااعيشن يعني ميت من زمان
كلشي راح اوياك بويه اشلون احسن بالآمان
ردت عطرك كون اشمه وين هسه بيا مكان
بفركَتك آنه ابتلي فدوه ريض ياعلي
⊱━━⊰✾ياصاحب الزمان✾⊱━━⊰
حمل ياراعي الشدايد لو درت وجهك يميل
يمك انسولف املنه ودمك ايسولف رحيل
فكَدك انته الما نقبله ولا نحمله مستحيل
انته حاكم خير وجهك مالكَو لسمك بديل
وين يا لحد هلي فدوه ريض ياعلي
⊱━━⊰✾ياصاحب الزمان✾⊱━━⊰
((آنه خديجه))
تمنيت آنــه يمــــچ بـالمصيبه
حتى وياچ اصيرن هم غريبه
آنــه خديجه جـدتچ
اتمنى امسح دمعتچ .. آنه خديجه
"""""""""""""""""""""""""""""""""""''''''''''''
بده يوم المصيبه وريــت يمچ
تحســــرنه وبچينه آنـــه وامچ
شفنه وداعچ ويه حسين حيره
وتعله أعله الخيم يـــايمه همچ
بچت حـــــــتى الليالي .. آه زينب
وبچه حالي أعله حالي .. آه زينب
ونزلت دمعــتي تصــرخ هضــــيمه
وأطفي بروحي چن بروحي خيمه
وسالت مدامع خيمتچ
اتمـــنى امسح دمعتچ .. آنه خديجه
"""""""""""""""""""""""""""""""""""''''''''''''
وصار العاشــر وگطع المناحر
وضلينه بعــــذاب شـگد نكابر
آنه وجـــدچ وامــچ نون حيل
من شفنه على حسين الحوافر
شفنه الخيل عشره .. آه زينب
تمر ودوس صــدره .. آه زينب
جدچ بالجرح ضـــل بدمعته
صاح حسين يابويه بحسرته
ويّصيح زينب محنتچ
اتمنـــى امسح دمعتچ .. آنه خديجه
"""""""""""""""""""""""""""""""""""''''''''''''
بده ليل اهدعـش والنار بينه
وضلــينه بــ ألم نعـصر بدينه
لا واحـــد يعينچ لا كـو خيمه
وندري هواي عطشانه سكينه
رقيه تگول اريـده .. آه زينب
وتون يمها حميده .. آه زينب
وماتت عاتكه ومحد سمعها
نار الخيمه چَـــواها ولسعها
وملتهيه انتي بركضتچ
اتمنى امســــح دمعتچ .. آنه خديجه
"""""""""""""""""""""""""""""""""""''''''''''''
ومن طـــر الفجر يمــه العقـيله
صاحــــو بيچ مو هودج هـزيله
وحبال وقــــهر ياسوط المّتون
اليطيح شلون چا ياهو اليشيله
اليطيح شلون كلفه .. آه زينب
يزينب وانتـي عفه .. آه زينب
وتعثر ناگتچ وانتـــي بحبالچ
وعليچ اتباوع بحسره عيالچ
يايمه سوده مصيبتچ
اتمنى امــسح دمعتچ .. آنه خديجه
"""""""""""""""""""""""""""""""""""''''''''''''
الّحَد قصـــورهم ضعنچ تـعنه
وأحنه نعيش بالونه أعله ونـه
من ضعنچ تعده وتفرح الناس
قصــــر الكوفه أذانه ونحــبنه
وذاك الشام بلوه .. آه زينب
متنه ويــاچ گوه .. آه زينب
وياسوگ الملامه أسوه بيكم
سوگ وبالحجر تمـطر عليكم
بياحيره تطلع ونتـچ
اتمنى امسح دمعتچ .. آنه خديجه
عبد زينب
محمد الابراهيمي
ابوذيه للسيدة خديجه ع
جـــم آه الــيــجــر طـــــــه ٠٠٠٠ وراها
خــديــجــه بـالــحــد لــمــن ٠٠٠ وراها
ظــلــت فـاطــمــه اتــنــادي ٠٠٠ وراها
ادفــنــي ويــاهــا يـاسـيــد الــبــريــه
#الشكرلله خادم الزهراء ع ملا علي
#نسالكم_الدعاء155✍
🕊🎶🖤🎶🕊
*
https://youtu.be/9uhP8hrY5VM
_*يا أم المؤمنين*_ 💔😭
_*أمنا انتي ... ياأم المؤمنين*_
_*رايه صرتي ... ياام المؤمنين*_
◾🔷🔹____
انتي يالجنتي لمحمد مسند وعون
والله كل مسلم حقيقي إلج مديون
عالنبي ذيج الشدايد جانت اتهون
يامن بطباعج وفيه وكلج احساس
*امنا انتي ... ياأم المؤمنين*
*رايه صرتي ... ياام المؤمنين*
◾🔷🔹____
وي رسول الله وقفتي دون الرسهام
جانت اهل الجاهليه تعبد اصنام
مثل ابو طالب يقينج طول الأيام
جانت اعله النبي الهادي اعيونه حراس
*امنا انتي ... ياأم المؤمنين*
*رايه صرتي ... ياام المؤمنين*
◾🔷🔹____
الج ايام الرساله شقد عناويين
لون مو حيدر وانتي ماثبت دين
الله ردج لحبيبه ابامر تعيين
منهو مثلج صار عدنه هيجي أُمايه
*امنا انتي ... ياأم المؤمنين*
*رايه صرتي ... ياام المؤمنين*
◾🔷🔹____
انتي والكرار حيدر اصل الايمان
وين عنكم بلمعارف نادو أفلان
كل شخص ينكر فضلكم ماله وجدان
ياخديجه وبيج صار الفضل ينقاس
*امنا انتي ... ياأم المؤمنين*
*رايه صرتي ... ياام المؤمنين*
◾🔷🔹____
والله واجب اسمج من نذكره نوقف اجلال
والله ملعون الي ينكرج يم الافضال
علي بذو فقاره جاهد وانتي بلمال
والله يكون اتراب جدمج هسه ينباس
*امنا انتي ... ياأم المؤمنين*
*رايه صرتي ... ياام المؤمنين*
◾🔷🔹____
جلمه كلمه اقولنها وريدن يسمع الغير
انتي ذرية محمد منج اتصير
الله قد اعطا محمد كوثر الخير
منج الكوثر اصلها وانتي الاساس
◾🔷🔹____
نسالكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_
لا اجيز حذف اسمي
الرادود ... علي باشا الكربلائي
الشاعر ... وسام الشويلي
وفاة السيده خديجه ع
ماقصرتي وفيتي.... الدين الباري ضحيتي
جزاج الله الف خير ... من جبتي الزجيه
صارت ام الحسين... خيمه اعله البريه
.....................
سلام الله ورسوله وكل الأملاك
الروحج يالوفيه
خديجه الكبرى اسمج ساكن الروح
من كد مانقيه
من كل النساء اختارج الله
ونطاج الزجيه
هيبه وفخر فاطم بالكرامات
ترست هل وطيه
سبحان الله الانطاهه... أم الساده سواهه
بنت النبي المختار... ذخر الهاشميه
صارت ام الحسين... خيمه اعله البريه
................
خديجه انتي المحمد سند وحزام
رسول الله ويودج
ام بيته وكريمه وطيبت الذات
نطيتي كلشي عندج
اخلاصج للنبي والدين الإسلام
بي منفرده وحدج
حضنتي الدين حضنت ام للاولاد
رغماً عاليضدج
عشرتج للنبي تسوه... انتي بكل زمن قدوه
تاريخج للأجيال... عنوان وهويه
صارت ام الحسين... خيمه اعله البريه
..................
گالاهه النبي ومو كلمه تنكال
لا بل عن دلاله
بسيفه المرتضى وانتي بالاموال
حققتوا العداله
دين الباري هذا وگلبج ايريد
دين الله ووصاله
بفضالج محمد سولف هواي
ياحبه وحلاله
خيرج ابد ماينفض... خديجه ام گلب ابيض
وجودج للنبي جان... راحه امن الاذيه
صارت ام الحسين... خيمه اعله البريه
....................
محمد من يشوفج گلبه يرتاح
ويروح التعب كله
تعب هل دنيا صارت عله المختار
ويمج يذب حمله
يجي امن الغار ويسولفلج الصار
وكلامج مايمله
رضه الله ونبيه غايتج هاي
وباقي الناس سهله
شانج بالسمه عالي... وذكرج خلد للتالي
ياشمعه وتضوين.... وجفوفج سخيه
صارت ام الحسين... خيمه اعله البريه
...................
عام الحزن ضل وناره بالروح
ماعافت محمد
نكسر گلبه بغيابج ياضوه العين
وضل حزنه ايتجدد
يالكلج مواقف عنه تمشين
وتجري دموعه عالخد
من حبه الج ضل النبي اينوح
وبكبرج توسد
رحتي وروحتج صعبه.... عام الحزن والغربه
ضلوا بعدج احباب.... مدامعهم جريه
صارت ام الحسين.... خيمه اعله البريه
محمد هادي العقابي
🏴 من اطوار النعي 🏴
في وفاة السيده الطاهره خديجه بنت خويلد عليها السلام
ابوذيات
زماني بالهضم والنوح وعداي
وفرح بفراقج الشامت ولي اعداي
احسبن جم جرح بيه واعداي
اعدن همي واجروح واسيه
ييمه اشلون حالتنه بعدكم
اشبدينه والقبر عنا بعدكم
زغيره يمه واسنيني بعدكم
وزماني يحكم ببعدج عليه
سجاجين البعد بالروح حديت
ولبست اثياب احزانج وحديت
ياشيال النعش لاوين واحديت
خذيت امي وبعدها اقطعت بيه
مجاريد
من حسج ييمه وخلت دنياي
نورج خذيتي وطفت عيناي
يا شيال النعش بهداي
خلها الحنينه الليله وياي
مالي سواها يروي اضماي
عافتني وثقل حملي وبلواي
بعدج ييمه الدمع سلواي
وما بطل عليج النوح وابجاي
عفتيني وحلالج يمه النوم
ودلالي بغيابج يظل ملجوم
ودمعي على الوجنات مسجوم
والحيل يايمه صبح مهدوم
يم المحنه وين تردين
رحتي وعليه ماتنشدين
وشلون غاليتج تخلين
نعي فائزي
شلتي ييمه ومابعد ليّه ترجعين
واشلون قلبج يالحنينه اعطاج ترحين
شلتي ييمه والقلب ذاب ابونينه
وتوها يبمه فتّحت زهرة سنينه
ماشفتي طه وبالصبر لوّن حنينه
واعليج ينده بالعيون وماتردين
وينج ياضحكة خاطري ردي عليه
مكسور قلبي والفرح طفيتي ضيه
رحتي يانسمات الدفا وماالج جيه
واعليه ما ظنن بعد عني تنشدين
رحتي يا سباح القلب عفتيني وحدي
ومني خذيتيه الفرح وايام سعدي
اخلافج اقاسيه الالم والدنيا ضدي
باعوام حزني يالدفا عني تبعدين
نعي طور الفراق
عني رحتي. والحزن ظلل عليه
عني رحتي. يالحنينه وماكو جيه
عني رحتي. وانطفى بقليبي ضيه
عني رحتي. ودنيتي عقبج خليه
عني رحتي. وانتثر شوك الاسيه
عني رحتي. ودمعتي.ظلت جريه
عني رحتي. وحارب اسنيني زماني
عني رحتي. والحزن سهمه رماني
عني رحتي. وانطفت شمعة مكاني
عني رحتي. شبحت اعيوني اعله دارج
عني رحتي يمه شيطفيها نارج
عني رحتي. ريتني اغفه بجوارج
نعي طور لفى عاشور اوالتغريد الحزين
شسولفلج على اغيابج. ييمه وانهدم حيلي
زغيره يمه عفتيني وذابت شمعة ادليلي
اشوفن والدي ابهمه. ويزيدن بالحزن ليلي
خلت يا احبيبه دنيانه. وضقت يا يمه بويلي
ياقلبي مافتر ونك. ويا دمعات اليتم سيلي
على امي ماابطل النوح وازيد ابوني واعويلي
نعي جفيري
راحت يا زهره شمعتي
راحت وزادت ونتي
طفّت ضواها دنيتي
شالت وخلتلي الحزن
كانت يا زهره مسندي
سوري وهواها منجدي
اويه احزاني القى موعدي
من شالت وقلبي يون
شالت يازهره ام الوفه
واستني بايام الجفا
واقليبي وياها دفا
راحت وغمضت هالجفن
ويايه شالت كل اسى
دهري بفرقاها قسى
ومركب همومي ما رسى
وبيدي تنام وتندفن
نعي عكراوي
ناديت والدمعه جريه
رحتي يايمه وهاي هيه
دنياي من بعدج خليه
ضقت المرار وكل اسيه
رد النعش يا بوي ليه
اتوسد حضنها المسيه
_
تمت بحمد الله تعالى
بقلم : بنت الشمري
معهد السيدة فاطمة الزهراء ( عليها السلام ) للخطابة الحسينية والدروس الحوزوية النسوي:
✧ــــ﷽ــــــ✧
م/ حـــب الــدُنـيا... والســــيدة خديـجة...
قال الإمام الحسن المُجتبى (؏) في مستدرك الوسائل ج١٣ص٥٨
إعمل لدُنياك كأنك تعيش أبداً ،واعمل لآخرتك كأنك تموت غداً)...
هنا أختصر الإمام الحسن(ع) بهذا الحديث هدف الإسلام
وَهُوَ أن نطلب الدنيا والآخرة معاً..يعني نأخذ من
الدنيا ما ينفعنا في الآخرة و هو العمل الصالح والخلق الحسن القصد يعني العمل بألواجبات مثل
الصلاة، والصوم،والخمس. والخ.. هذه الواجبات
والخلق الحسن. يعني صدق الحديث، أدا الامانة
الأمر بالمعروف والنهي عن المنكر، وأهم الأثنين
الحسنه عندما
يقول. إعمل لدنياك كأنك تعيش فيها إبداً.. يعني يقصد الإمام (ع)مثلاً حسن العشرة مع زوجي مع عائلتي مع زوجة أبني..أن تكون علاقة طيبة.مع صديقاتي جيراني.أتفقدهم هذا كلها أعمال صالحة
يقبى لها أثر في الدنيا والآخره والعمل بالمعروف
مثلا جارتي ارملة وعدها أيتام أو اقربائي أساعدهم
من باب الأمر بالمعروف وايضاً وحق الجار أساعدهم
في المال إذا كانت عندي المقدره وإن لم يكن لدي مقدرة أستأذن زوجي لكي اساعدهم استأذن منه
لان ميصير المرأه تنطي من اموال زوجها أو أي شيء بالبيت الا بأذن زوجها
ولا يُخفى عليكم هذا الوضع.. ونحن مقبلين على شهرٌ فضيل. نعمل جاهداً أن نبتعد عن حب الدنيا. الفانيه..واهم شي أخوتي إن يكون العمل خالص
لوجه الله عزوجل.الا يُدخل الرياء فيه. يعني أن يمدحوني ويبالغون في المدح فيكون هُنا يدخل حب الدنيا في قلبي معناها إنا احسن وافضل. فألحذار من حب الدنيا وأعوذ بالله أن يسكن حب الدنيا قلب الإنسان. يهلك صاحبة.، كما قال:رسول
الله(ص)(حب الدنيا أصل كل معصية وأول كل ذنب):-
وأقل. ما في حب الدنيا أنه يلهي العبد عن ذكر الله
وطاعته، ويوقعه في الشبهات بل أحياناً في المحرمات..مثل القتل والسلب من أجل تملك الدنيا.. إذا استولى حب الدنيا على قلب المرء أنساه ذكر ربه وإذا نسي المرء ذِكر ربه أنساه تعالى نفسه؛حتى يورده موارد العطب والهلاك. وعندها لا يكون له همّ إلا البحث عن الجاه العريض، والشهرة الواسعة، وإن كان على حساب الدين والفضيلة. وآخرون ليس لهم همّ سوى جمع الأموال.ألانهُ أختار حب الدنيا على آخرته..
ولنا في السيدة خديجة (ع) اسوة حسنه كان تُجار
قُريش تضارب في أموالها.وتخلت عن كل شيءلنصرة الدين..ولم يُغيّر المال، روح السيّدة الجليلة، و لم يُثني عزمها عن الإختيار الصحيح، هذا الإختيار لا يحمل إلاّ سببًا واحِد، أن تجد مَن ينظُر لِقلب خديجة، لا إلى ثروة خديجة، و كانت الصِفات الّتي تبحث عنها، هي الصِدق و الأمانة، فعثرت عليهما عند رسول الله(ص)إن السيدة خديجة الكبرى
كانت تملك كل شيء من أموال لا حصره لها لكنها
تخلّت عن جميع أموالها وأنفقتها في سبيل التّرويج للإسلام.
يعني السيدة خديجة تخلت وضحت بُكل شيء لوجه الله فقد شاركت النبي (ص) في نشر الدعوة الإسلاميّة، و هذه علامة مُضيئة في معنى سندًا صالحًا يُعين المرء على دينه.معناها الزوجة الصالحة و ما بين الفِداء بالمال، و المواساة الروحيّة،و صِدق المحبّة، الّتي كنّتها لسيّد المُرسلين، كانت لها المكانة المُتفرِّدة في قلبِه. شِدّة الصِدق الّذي حَمَلَته السيّدة خديجة في اختيار الشريك، خارج دائِرة الماديّات.و مُغريات الثراء أوصلها عند رسول الله (ص) و لا يقف عند هذا القدر. بل هي بالنسبة للرسول الكريم (رِزق) حين عبّر عن مكانتها عِنده، إنّي رُزِقتُ حُبَّها!!!
علمتنا السيدة خديجة كيف يصل المرء الى المراتب
العالية ليس في ماله ومنصبه وسلطته على الناس
لا بل يصل ويكسب هذه المكانه في حسن تعاملة
مع الناس في سيرته الحسنه في طيب أخلاقة وبينت لنا عندما نبذل شيء نُحبة لوجه الله يرزقنا
الله ضعف الذي بذلنا يعني من تكون النية والعمل
لله.يعني شما خسر راح يربح أضعاف إلي نطاه
لذلك السيدة تخلت عن كل شيء في سبيل لله وتركت مكانتها في قومها وأعانت النبي(ص) بينت لنا السيدة أنو الأموال لا قيمة لها إلى إن تُنفق في
سبيل لله..نعم
قد يكون من إلهيّن على أصحاب الثروات إنفاق بعض المال لكن أن يتخلى الإنسان عن حياة الرّخاء بشكل كامل. يعني ينفق كلّ ماله، كلّ ثروته ليس بعمل سهل. لكن السيدة خديجة(ع) تخلت
عن كل شيء عندها ولم تبالي يعني ما كالت أنه ماكدر أعيش بدون ثروة وكيف تسير أمور حياتي
وكيف اتخلى عن مكانتي بين الناس لا بل أنفقت مالها. و بذلت، وضحّت ووقفت مع النبي (ص) وهُنا تميّزت السيّدة العظيمة وكات خير مُحامي مع النبي
الأعظم محمد(ص)هذه الوقفة المشرفة لها مع سيد المرسلين (ص) وقد عانت فترة الحصار في شعب أبي طالب. وتحملت الأذى في سبيل الرسالة.هذه السيدة المظلومة العظيمة قليلة الذكر.توفت بالعاشر من شهر رمضان عام 3 قبل الهجرة.
قصیده موشح في حق الأمام المهدي عجل الله تعالي فرجه الشریف
غيبتك طالت يبن طود المجد
اتلوح بيدك يمته رايات الحمد؟
*****
المرجله یاحید بیك اموصفه
یا ذخیرة لؤي و آل المصطفه
اجروح عندك یابوصالح نازفه
عجز سیفك کثر ما ظل بالغُمد
*****
یا بقیة هاشم و نعم السلف
اصعد اعله المربَه و اطعن بالهدف
ونته بن ذاك الکرب بیه انچشف
الثار أجدادك یضیغم مستعد
*****
و الدهر ناشر ابگلبك محربه
یا ذخیرة مُضر و اصحاب العبه
سیفك الیتنومس ابضرب الوبه
اتزلزل اجبال الرواسي من تهد
**
یمن وجهك چوچب ابوکت التمام
صار گلبك هدف لحزان و سهام
عندك اسبوطعش فتیه و اویه العمام
تطلب ابثاراتهم و الهم تصد
****
حالك اشلونه یمفطور الفؤاد
صدر جدك رضته ذیچ الجیاد
ابکربله ذبحو اطفال الــ بالمهاد
انهده راس حسین لبن هند العبد
***
اسواد عینك ذاب من کثرة الوید
بالدهر مامش صبح مثلك فجید
طلعتك یالمهدي هیه یوم عید
یالثار الظلع صیحه للوفد
***
ما هگوتي یهده من عندك البال
عندك اشچم ثار یا بحر النوال
و الأشد حسین نایم عالرمال
عاري ظل و ما غفه وسط اللحد
***
لخادم الحسين علي فلاح الواسطي
4رمضان الجمعه
1445
قصيده للامام علي ع{صورة الطبرة}
صـــورة الطبرة وجرحها بعيني
ما يفيده اضماد جـرح اسنيني
والدي جرحه خطر
منين اجيبلي صبر
مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
صورة الطــــبرة صعب لو تنمحي
من الله يالضارب علي مايستحي
تهدمت الاركان مـــن نادة الوحي
الدنيه ضجت للولي
وكلها صاحت ياعلي
مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
اسم الله صاحت ياعلي حته السمه
وانخــــــمش گلبي عله حماي الحمه
شكد صحت لحـــــگيلي يمي فاطمه
يمه وينج يم حسن
بنتج ابوسط المحن
مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
اتيتمت منج وانـه ازغـــــــيره عمر
وهسه خايف كلبي لن جرحه خطر
لو يجافـــــيني الابو يجـفي الصبر
الصبر يجفيني تره
لو مشه للمكبره
مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
نعاد كلشي بعيني من شفت الجرح
ومانمت يوم الجـــــرح حد الصبح
انه ما يرهملي يا ثــــــووب الفرح
گضيت عمري بالدمع
حامله انواع الوجع
مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
حامله انواع الوجع بفـــراگ العزاز
تموت روحي من احسن ليها اعتاز
وهسه حيدر لو مشه ويلفيله جناز
ويفــــترگ عني بعد
وابقه بنت ابلا سند
مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
كاني بالايتام عندما آتو بالبن وعندما وصلوا اته خبر استشهاد الامام علي ع
❥❥❥❥ـــــــــــــ❁❁ـــــــــــــ❥❥❥❥
گال الطـــبيب لطبرتك هالبن موصوف
بلهفة وحنان لشوفتك شالته الجفوف
تالي انصدمنة بالخبر
گالوا علي راح الكبر
مانگدر ابلياك اجينه بگلب ملهوف
❥❥❥❥ـــــــــــــ❁❁ـــــــــــــ❥❥❥❥
گوم الحـگ النه عازتك محد يسدها
ارواحنه اعليله وصرت انته ضمدها
زينب تون اويانه اجت غايب سندها
ايتامــــك تون ياعلي
گوم الحگ النه يالولي
گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
من النزل جانه الحسن يصفگ بالايدين
كال الولي راح الـــــــكبر غمض العينين
اباب النزل طاح البن اه يبو الحـــسنين
حسبالنه تگوم النه
موتك علي صادمنه
گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
مافاد لجروحك دوه يالدوه صاير لينه
ايتامك احنه انهض بعد محد يمر اعلينه
فراگك صعب ما ينحمل نتفگدك والينه
نتفگد اذانك بعد
ياريت لنزولك ترد
گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
تدري بوجودك ياعلي ماهازتنه العازه
ولفگد حنيتك بعد يالگلب حگ يتوازه
حگه يحن اه يالگلب غير انته اعز اعزازه
يالعافيــه لو تندار
نهديهه الك يالكرار
گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
يالعافيه فدوه الك ماحسستنه احنه ايتام
جرح اليتم لمن تجي بطلتك يحيدر يلتام
حاجينه يحسين الابو يرجع بعد لو احلام
نشتاگ اله خل يرجع
گلوب اليتامة اموجع
گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيدة في شهادة الإمام أمير المؤمنين عليه السلام
ـــــــــــــــــــــــــــــــــــــــــــــــــــــــــــــــ
ٱنطُبرت بليل القَدُر هامة علي
وزينب وإخوتها صاحوا يا وَلي
ـــــــــــــــــــــــــــــــــــــــــــــــــــــــــــــــ
بليلة التاسع عشر والكِل هُجوع
ٱتوجّه لفَرضَه الوَصي وبكل خُشوع
ويِسجد لرَبّه بَيقينه وبدموع
الدنيا ينساها إذا بي يِختِلي
ـــــــــــــــــــــــــــــــــــــــــــــــــــــــــــــــ
بساعة الغادرها دارَه المُرتضى
أيقَن الليلة العُمر مِنّه ٱنگضى
وسَلّم لرَبّ العرش أمرَه ورِضى
وأصبَح لحَيدر علي الموقف جَلِي
ـــــــــــــــــــــــــــــــــــــــــــــــــــــــــــــ
علي ظَلّت عَينه تِنظُر للسّمه
نَعَم هاي الليلة هِيّه الحاسمة
يا هَلا بموتي وَنا حامي الحِمَه
في سبيل الباري رَايد مَقتلي
ـــــــــــــــــــــــــــــــــــــــــــــــــــــــــــــــ
شال حيدر رَاسه مِن أوّل سُجود
مِشى كِتره ورُفَع بتّارَه الحَقود
طَبرة صُبغَت شيبتَه وذيچ الخُدود
وصَاح هذا الفوز رَبّي الرّادَه لِي
ـــــــــــــــــــــــــــــــــــــــــــــــــــــــــــــــ
صَاح جبريل ٱنهدم رُكن الشّرِع
وبِالسّما صوت الكواكب يِنسِمع
هذا اللي ٱبيَمناه خَيبر تنقِلِع
وكِل هُمومه اللّي يِنِدبَه تِنجلي
ـــــــــــــــــــــــــــــــــــــــــــــــــــــــــــــــ
يا وِسَف حيدر أسد بَدر وحُنين
واگع بمحرابه مطبور الجَبين
ويَمّه زينب تِنحَب وتِصفِج بدِين
تصيح عگبك خالي مُظلم مَنزلي
ـــــــــــــــــــــــــــــــــــــــــــــــــــــــــــــــ
ودَمِع أولاده على الخَدّ ٱنسجَم
وخَيّم ٱعللكوفة بجناحَه الألم
الصُّحُف جَفّت ونرُفَع مِنها القَلَم
وفَاظَت لرَبّ العَرِش روح الوَلي
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في مصاب أمير المؤمنين علي عليه السلام ،،،،، مُلَمّع
ـــــــــــــــــــــــــــــــــــــــــــــــــــــــــــــــ
ألا عرش الإله اهتز للمنظر
وبالآلام ِ جبريلٌ نَعَىٰ حيدر
يا مظلوم ، حيدر حيدر
يا مظلوم ، حيدر حيدر
ــــــــــــــــــــــــــــــــــــــــــــــــــــــــ
نشف ريج القلم حاير شنو ايكتبه
على اللي ساجد بدمعه ودعى ربه
وصي طه الرسول المؤمن ايحبه
أتى روحُ الأمينِ بالأسى كبّر
ــــــــــــــــــــــــــــــــــــــــــــــــــــــــــ
شجاع وبالمعارك تشهد ايمينه
أسد ما ينچب لو تنظر بعينه
وسف حيدر يدنيا انتي تغدرينه
ولِلدّينِ بدا شريانَهُ الأبهر
ــــــــــــــــــــــــــــــــــــــــــــــــــــــــــ
وليد الكعبة ما شالت بطن مثله
عجز حتى الجبل يحمل مثل حمله
إمام وطاهر وربنا جعل نسله
مِنَ الاقمارِ والكونُ بهم أزهر
ــــــــــــــــــــــــــــــــــــــــــــــــــــــــــ
گصد فرضه ومصيره حيدره يعلم
تنطّر سجدته وگرّب إبن ملجم
طبرهه هامته وسيفه نجيع بسَم
شهيداً قد هَوى للواحدِ الأكبر
ــــــــــــــــــــــــــــــــــــــــــــــــــــــــــــ
انهدم ركن الهداية وناحت الأملاك
يبويه زينب تنادي اخذني اوياك
يتامه يا علي صرنه عگب عيناك
وأضحى خالياً محرابُه الأزهر
ـــــــــــــــــــــــــــــــــــــــــــــــــــــــــــ
علي بليل القدر فاضت علي روحه
وعلي لجله الموالي تنزف اجروحه
وعلي العالي مقامه وشامخه اصروحه
شفيعٌ للورَى في ساعةِ المحشر
ــــــــــــــــــــــــــــــــــــــــــــــــــــــــ
بقلم الاستاذ / ستار عذاب الحچامي
قصيدة في شهادة الإمام علي عليه السلام ،،، لسان حال زينب عليها السلام ،،،
ـــــــــــــــــــــــــــــــــــــــــــــــــــــــــــــــ
شنهو الحِصَل شنهو الصار
ملتمة كلها ٱببابَه
ظلمة أصبحت فجأة الدّار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
هاي المصيبة ٱمقَدّرة ومكتوبة
هامة أبوي المُرتضى مصيوبة
ساعاتَه بالدنيا أصبَحت محسوبة
سَيل المدامع مِرتفع منسوبه
حيدر وريث المختار
شيبه ٱنصُبَغ بخضابَه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
مِتعَودة أسمع كل فَجُر أذانَه
مِن صوتَه خِشعَت سبّحَت سِمانَه
وِمحَيّر ألباب الخَلَگ بَيانَه
هذا العقيدة ٱمجسّدة بكَيانَه
وچفوفَه فاضَت أنهار
جاثِي الكَرَم بِعتابَه
ظلمة أصبحت فجأة الدار
وسَالِ الدّمه بمحرابه
ـــــــــــــــــــــــــــــــــــــــــــــــــــــــــــــــ
عُصفَت رياحِ الفاجعة وضَجّ الكون
ظَل بالي يَمّه وهَالدّهَر ما مأمون
مخطوف لوني والدّمع ظل مَهتون
تِلچِمني ذكرى بنِص دِليلي المحزون
وِهِجمَت عَلَيّة الأفكار
مِنّ الوَضِع مِرتابَه
ظلمة أصبحت فجأة الدار
وسَالِ الدّمه بمحرابه
ـــــــــــــــــــــــــــــــــــــــــــــــــــــــــــــــ
رَيتَ آنه عَمية ولا أشوف أبو ٱتراب
يِنزف جَبينه ودَمعي عَالخَد سَچّاب
يا وَسفة يوگع مِن قِلَع بِيدَه الباب
تِشهَدله خيبر وَي بَدُر والأحزاب
هالليلة ظَل الفَقّار
يِگطُر دَمِع لِمصابه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
أنظر يِتَچّيلَه الحَسَن بالآلام
بعيونه شلّال الدمع ظَل سَجّام
ذِيچ المَعاني ٱمخَضّبه بدَمّ الهام
بهَالحظة ضَاعَت مِنّي كل الأحلام
وحَلّ العِسُر والأكدار
وناحِ الشّرِع وِكتابَه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
خَلّاني أبوي وگلبي يِلهَب حَسرَات
ما يدري زينب بِيهَه مَرّت شِدّات
بالطّف عَباتي ٱحتِرگت ٱويَ الخَيمات
وَانه ورَبيبات الخِدِر مَچتوفات
بالطّف حِصَلّي الما صَار
عَضنِي الدّهر بِنيابَه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
نزله سريعه لشهادة مولاي امير المؤمنين عليه السلام.
.
.
أمي وأبويه.....
.علموني حب علي
ياعلي..ياعلي.. يابالحسن
.
.
أمي من يوم المهد
رتلت بذني العهد
حب علي يبني بضميرك
للنهايه
يمه أسمع يالولد
مثله لا لا منوجد
خلي دينك كل يقينك
الولايه
أمي يامه اتنخته
أمي تذكر فزعته
يمه حيدر ما يعوفك
بالمنايه
يمه ظل من شيعته
يبني والي عترته
يمه بس المرتضى
نور الهدايه
.
من تلفظ اسمه....يبني همك ينجلي
.
.
والدي وبكل عزم
يرسم ابفكري رسم
يبني شيعة حيدر احنه
من الاصلاب
سيفه لا ماينهزم
يلهم اسيوف وزلم
يبني كل ضربه بيمينه
تگطع ارگاب
خيبر انه شاهده
من هجم صوب العده
بس علي بطرف الاصابع
يشلع الباب
عنده ضربه امسدده
من يسل سيف الرده
يترس بروس الاعادي
حلگ التراب
.
لا لا تعوفه.......ما الك غيره ولي
.
.
يمه حيدر مدرسه
والهوه الاتنفسه
يفدي كل لحظه بحياته
لجل الإسلام
وانته عمرك كرسه
للخدامه ابمجلسه
خلي عمرك يبني يفنى
بحب اليمّام
من الحزن محني الضلع
يجري بعيونه الدمع
كل وكت تلگه اعله حجره
اتنام الايتام
عبرته ماتنسمع
گلبه بالهم منصدع
من يمر دور اليتامه يلبس الثام
.
رغم المواجع...ثابت ونشمي وأبي
.
.
.
والدي من الزغر
گلي حيدر منتصر
يبني يحظر بالقيامه
حامي الجار
يبني افهم هالامر
من يحل يوم الحشر
بويه عالكوثر تشوفه
ايحاور النار
هالامر من العلي
.يبني اسمع مايلي
بويه مرهونه الشفاعة
بيد الأبرار
الي ماعنده علي
بالقيامه ينولي
ذره من جمر الجحيم
اتوذره اوذار
.
ماعدنه غيره....هو حبنه الاولي
.
.
أقسم برب السمه
وبالزچيه فاطمه
أفدي حيدر كل كياني
ونزف النحور
يجري وي نبض الدمه
حب علي حامي الحمه
عاهدت أمي وأبويه
الدربه منذور
الي طاهر مولده
يفرح ابيوم الرده
حيدر يحظره ويضوي
باللحد نور
وبچفوفه ايوسده
ايطش علي گبره النده
گبره يفخر بنتمائه
بين الگبور
.
بهاي النهايه...يبني اسمك يعتلي
.
.
.
حسن الموالي الفاطمي
لطمية للأمام علي عليه السلام (( لايگدر يشيل ايده ))
لايگدر يشيل ايده ولايگدر يفك عينه
يسولف بالوداع اليوم وين ايريد والينه
يسولف بالوداع اليوم والدنه ويودعنه
اضنه ايريد عنه ايشيل من يشيل يفجعنه
نگله ادخيلك ادخيلك كلشي ولاتضيعنه
انته الموسهل فرگاك يافرگاك يفجعنه
كلنه اوياك خل انروح لاتمشي وتخلينه
خل نمشي بضعن واحد يحله اوياك ممشانه
يابعد النفس والشوف ياعزنه ويمنوانه
اخلافك مانضل بالدار شلنه بدار حزنانه
ماتگدر تگوم اليوم وجهك ذابله الوانه
دمك بات يتناگط والياذيك ياذينه
دمك بات يتناگط من راسك عله عيونك
اشلونك صبحت بويه كلش مايسر لونك
طبروك العده شيردون ليش العده يكرهونك
اشلون اتودع اولادك مابيهم يودعونك
من تنشال بالتابوت ماترجع بعد لينه
شيرجعك بعد لينه من تنشال بالتابوت
ماتسمع ونين اعتاب
لاتسمع مناحه وصوت
كلساع وعرگ وجهك خافن هاي عرگت موت
ماتگدر تون ضليت صارت ونتك بسكوت
گمنه اعليك نتصارخ نلطم حيل ضلينه
گمنه اعليك نتصارخ كلمن يلطم اعله الراس
وصيت الحسن وحسين بيه وكلفت عباس
ياريتك عدل وتشوف بالطف چم ضلع ينداس
اضل بين العده الوحدي لاصيوان لاحراس
والذباح متشمت يضحك من يلاگينه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
قصيدة في شهادة الإمام علي عليه السلام ،،، لسان حال زينب عليها السلام ،،،
ـــــــــــــــــــــــــــــــــــــــــــــــــــــــــــــــ
شنهو الحِصَل شنهو الصار
ملتمة كلها ٱببابَه
ظلمة أصبحت فجأة الدّار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
هاي المصيبة ٱمقَدّرة ومكتوبة
هامة أبوي المُرتضى مصيوبة
ساعاتَه بالدنيا أصبَحت محسوبة
سَيل المدامع مِرتفع منسوبه
حيدر وريث المختار
شيبه ٱنصُبَغ بخضابَه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
مِتعَودة أسمع كل فَجُر أذانَه
مِن صوتَه خِشعَت سبّحَت سِمانَه
وِمحَيّر ألباب الخَلَگ بَيانَه
هذا العقيدة ٱمجسّدة بكَيانَه
وچفوفَه فاضَت أنهار
جاثِي الكَرَم بِعتابَه
ظلمة أصبحت فجأة الدار
وسَالِ الدّمه بمحرابه
ـــــــــــــــــــــــــــــــــــــــــــــــــــــــــــــــ
عُصفَت رياحِ الفاجعة وضَجّ الكون
ظَل بالي يَمّه وهَالدّهَر ما مأمون
مخطوف لوني والدّمع ظل مَهتون
تِلچِمني ذكرى بنِص دِليلي المحزون
وِهِجمَت عَلَيّة الأفكار
مِنّ الوَضِع مِرتابَه
ظلمة أصبحت فجأة الدار
وسَالِ الدّمه بمحرابه
ـــــــــــــــــــــــــــــــــــــــــــــــــــــــــــــــ
رَيتَ آنه عَمية ولا أشوف أبو ٱتراب
يِنزف جَبينه ودَمعي عَالخَد سَچّاب
يا وَسفة يوگع مِن قِلَع بِيدَه الباب
تِشهَدله خيبر وَي بَدُر والأحزاب
هالليلة ظَل الفَقّار
يِگطُر دَمِع لِمصابه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
أنظر يِتَچّيلَه الحَسَن بالآلام
بعيونه شلّال الدمع ظَل سَجّام
ذِيچ المَعاني ٱمخَضّبه بدَمّ الهام
بهَالحظة ضَاعَت مِنّي كل الأحلام
وحَلّ العِسُر والأكدار
وناحِ الشّرِع وِكتابَه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
خَلّاني أبوي وگلبي يِلهَب حَسرَات
ما يدري زينب بِيهَه مَرّت شِدّات
بالطّف عَباتي ٱحتِرگت ٱويَ الخَيمات
وَانه ورَبيبات الخِدِر مَچتوفات
بالطّف حِصَلّي الما صَار
عَضنِي الدّهر بِنيابَه
ظلمة أصبحت فجأة الدار
وسال الدّمه بمحرابه
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
لطه فاطمه لاذت .. تبچي وتهمل العينين
امي ليش ممدوده .. وعليها امن الچفن ثوبين
@@@
احچي اشصاير بأمي .. يباب الرحمه والنعمه
مامعوده الجفا منها .. احاچي وما ترد چلمه
مثل طير الگطا افتر .. عليها وانتحب يُمه
اخاف انها مشت عني .. وصفيت بدنيه متيتمه
طريحه امغمضه لعيون
اظمها وما تضمني اشلون
عگدت الساعد اعليها .. ولا ضمتني بالچفين
@@@
شعب عمي انگلب اصفر .. وظلمه اتحول المصباح
واشوف العالم اتغير .. وعلم صوب المصايب لاح
شعجب طود الصبر منك .. يبوالزهره المسيه طاح
واشوف لعيونك الحمره .. الدمع منها ترس بالراح
يصبر الله اشسده بصبره
اشوفك تشبك العشره
ابقميصك وسدت امي .. وحفرت الگبر بالإيدين
@@@
يحاچيها يأم بوها .. عليچ الاجر يتعظم
خديجه ماتت وراحت .. وبعدها هالفلك اظلم
عليها لبسي الاسود .. ودمعنه لو يصب من دم
يماي العين زيدي ابچاچ .. وذر گلبچ فلا يلتم
باول حزن يالزهره
يتيمه صرتي منقهره
وانا وياچ بالحاله .. دمعنه ينهمر صوبين
@@@
راحت هالتبارينه .. وكلها معرفه او احساس
صفوة گلبي هالطعره .. وخيرة الله من الناس
طفه حس الهوى لمن .. طفه منها الاجل لنفاس
وتجرعنه الصبر مره .. وصرنه اشماته للأرجاس
…
بيتم متجرح احساسچ
تعالي امسح ابراسچ
فگد امچ فلا يبره .. الى ان نلتگي بالبين
@@@
يبويه أمي مو إلها .. گبر تتوسد اترابه
يريت الحفره في گلبي .. وضلوعي للگبر بابه
صعب لبنيه وعليها .. المصاب ايفتح اهدابه
وفجيعتها فگد امها .. ودلال الي طوى اغيابه
…
اجلها روحي روعها
يبويه خل اودعها
گبل ما تدفن الحفره .. واصير اتبع اثرها وين
@@@
علي احمد الحمود
١٨-٣-٢٠٢٣
وفاة السيدة خديجة ع
قصيدة للسيدة خديجة عن الزهراء عليهما السلام
يمه ياخديــــــجة تريدچ العين
متعودة اعله طولچ لاترحلين
بيتي اظلم علية يالرحتي من ادية
_
يا بيت الحنان البي عشت عمري
بعدچ يمه اعيش اشلون ما ادري
بيتي ابلاية ام اشعر صبح كَبري
وحشة ومظلم وحزن ودمع يجري
هيهات الزمان ابمثلچ ايعود
دمعاتي بغيابچ تاكل خدود
منچ ماكو جية يالرحتي من ادية
-----------------------------------------
يالروحي تردلي من اشم عطرچ
اتمـــــنى لون عمري فدة لعمـرچ
دفنت سنيني كلها بلحدچ وگبرچ
عفتيني وتغييب بالترب بدرچ
مشتاگة وتريدچ يمة العيون
شيعوض حنانچ واصبر شلون
مو انه الزچية يالرحتي من ادية
-----------------------------------------
يشعر باليتم كلــــمن تـــــروح امة
يتـــنفس حزن كلما يـــــشم نسمة
راحت مَّن الية من العرش رحمة
غابت وبحـــــياتي نزلت الظلمة
ياشمعت حياتي اظلم البيت
جاوبني الصدى لو يمة ناديت
تكتلني المسية يالرحتي من ادية
---------------------------------------
مثل الام فلا يحصل شخص ثاني
طيــــبتها وحــــــنان البــــــيهه رباني
كـــــل ليلة الحنــــــــين لامي وداني
طيفچ من يمرني بگلبي صاباني
بس ذكرى بخيالي تمر بالاحلام
يابـــــــيت النـــــــبوة وام الاســــــلام
بس دمعة جرية. يالرحتي من ادية
-------------------------------------------
يالكلشي بحياتي بي اثر منچ
تعلمت الحزن والونه من ونچ
صاباني الدهر من ابعدت عنچ
تعيشين بكياني ويمي احسنچ
ابكل لحظة بحياتي انتي وياي
شلون انسه العزيزة ولبت حشاي
الموت شسوة بية. يالرحتي من ادية
------------------------------------------
أسالكم الدعاء رائد الاسدي
https://youtu.be/d2R5o3PqKi8
_*نخوه لسيده خديجه*_ 💔
_*ياخديجه ... ياخديجه*_
_*جيت أمد جفيني .. طلبه لا تخيبيني*_
_*ياخديجه ... ياخديجه*_
🙏🏻😭___
انخاج جيت ودمعتي بخدي جريه
مولاتي هذي حزيتج حني عليه
اقسم عليج بهالقسم يم الزجيه
بلايا شك انتي تعرفين الي بيه
خادمج تدريني .. طلبه لا تخليني
ياخديجه ... ياخديجه
🙏🏻😭___
اتوسلج وقسم عليج ودمعي صوبين
طلبه اطلبج يالجليله بجاه البيتين
يالي تناشدني عليمن تهمل العين
كل العزه والنوح والحسره على حسين
حاشه مترديني .. طلبه لا تخليني
ياخديجه ... ياخديجه
🙏🏻😭___
وقت الشدايد والمحن بابج نقصده
لن الموالي غير بابج منهو عنده
بجاه الي من سم العده تقطعت جبده
الله يفرج عنا كل ضيقه وشده
بشدتي حضريني .. طلبه لا تخليني
ياخديجه ... ياخديجه
🙏🏻😭___
قاصد على بابج انادي ودمعي منثور
ومن المصايب ياخديجه قلبي مفطور
انخاج نخوه بلذبيح بيوم عاشور
ولي بخيل الاعوجيه صدره مكسور
بهالطلب عينيني .. طلبه لا تخليني
ياخديجه ... ياخديجه
🙏🏻😭___
جينا نطوف بحضرتج مثل الحياره
نسأل من الله والدمع بلخد جرى
جينا نطوف بحضرتج مثل الحياره
نسأل من الله والدمع بلخد جرى
ننكتب ويه المهدي بجملة انصاره
والمنذبح في كربله ناخذ ابثاره
هذي منيت اسنيني .. طلبه لا تخليني
ياخديجه ... ياخديجه
🙏🏻😭___
نسألكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي
الشيخ عبدالحميد الغمغام
#توسل
طور الفراق
يا خديجه .. الليله أناديچ بدمعتي
يا خديجه .. فرجي مولاتي كُرُبْتي
يا خديجه .. وارحمي ادخيلج غُرُبْتي
يا خديجه .. واگف ومديت اديه
يا خديجه .. ودمعتي ابخدي جريه
يا خديجه .. خاطر ادموع الزچیه
طور: سامحيني
بالزچیه .. بالزچیه
والجرى اعليها دخليچ هالمسيه
بالزچیه .. بالزچیه
نظره منچ بيها تنحل كل قضيه
بالزچیه .. بالزچیه
لا ترديني يَمن كلچ عطيه
بالزچیه .. بالزچیه
والله ضاگت دنيتي مولاتي بيه
_
#فاطمة_كريم
نعم أيتها المواليات نتعلم من السيدة خديجة(ع)
كيف نكون محافظات على الحشمة على الحجاب والعفة وكيف نجعل ما نقوم به من أعمال صالحا خالصا لوجه لله ولكسب آخرِتنا ونتعلم منها أن مخافة لله
الله فوق الدنيا ومافيها...
الكـوريز)
لاحول ولاقوة الابالله العلي العظيم
نعم عندما كانت السيدة خديجة (ع) في الرمق
الآخير من حياتها أخذت توصي بوصاياها لرسول الله
(ص) وطلبت منه أن يدعو لها بألخير وأن يلحدها بيده. وأسلمت الروح لبارئها والقت برحيلها في
العاشر من شهر رمضان بالكرب والأحزان على قلب
النبي (ص)...
ـــــــــــــــــــــــــــــــ✧
هذا والحمدلله رب العالمين
✍🏻ايمان عباس..
صلى الله عليك يامولاي يارسول الله
صلى الله عليك سيدي ياابا عبدالله يامظلوم كربلاء
صلى الله عليك وعلى الأرواح التي حلت بفنائك ياغريب ياعطشان
روحي وارواح العالمين لك الفداء يامسلوب العمامة والرداء😭💔
السلام عليك ياامير المؤمنين
السلام عليك ياابا الحسن والحسين
تبكيك عيني بالدموع الجاريه
لما حل بك في المحراب من الم
ضربة على الهامه اردتك الى الارض
بسيف الغدر فياله من جرم
باب الله انت وحبيب قلب المصطفى
قال فيك الهادي يابا الحسن ياعلي انت لمدينة العلم
وقد هدمو مدينتا لي وأنت بابها
بضربة على الرأس سال منها الدم
✦❥※❥※✿✿※❥※❥※✿✿※❥※❥✦نعي بحق استشهاد #اميرالمؤمنين عليه السلام
كأني بلسان حال مولاتي #زينب الحوراء عليها السلام تنظر الى نعش أمير المؤمنين وقد حمل الى المقبرة نظرت بعين العتب الى أخيها #العباس والدموع تجري من عينها دون انقطاع
ولسان الحال👇😭😭😭😭
الشال النعش چا مامنعته
وماعطلت ليه طلعته
علما تجي وتنوح بته
نعش النويني عطله إليه
افل الچفن بثنين أديه
ابچي واگله اشلون بیه
لگظيلي يم الحيد نوبه
واصرخ وادگ عالراس صوبه
وابعد بعد صارت ادروبه
اهنا يالماخذ الوالي دجيبه
خل عالنعش تبچي النجيبه
تگله بعد عينك غريبه
يومك صعب واشسوه بيه
والعشره ماهانت عليه
فليتها انته وهاي هيه
حيدر يبويه ونور عيني
جيت ارد اسمعك دحاجيني
گلي اشحصل بينك وبيني
اليوم الصبح شالو دلالي
شالو ابونه الحيل غالي
برض النجف دفنو هلالي
طول العمر مافارگاني
چالیش خلاني وجزاني
لارد علي لاناشداني
تمت
العمل مهدى إلى مقام حضرة مولانا الإمام #علي بن موسى الرضا عليه السلام
*أم علي رضا الشريفي الحسيني
لطمية في ليلة جرح الإمام علي عليه السلام
آيبويه يا مصابك يا علي
يا ولي الله يا نعم الولي
آه ويلي شلون ظالم يعتنيك
حين با المحرب ابن ملجم يجيك
هشمه راسك أو يتجاسر عليك
اعليك همي بوية ابد ما ينجلي
✍🏻خادمة اهل البيت عليهم السلام العلويه ام سيد مهدي الموسوي
/////////////////
شلون اكدر انسى طبرت هامتك
روحي شاغت من شفتها اعمامتك
بالدماء املطخه يا جبهتك
وصرخت ايتامك ابحضنك تعتلي
✍🏻زينب الواسطي
/////////////////
صرخت ايتامك تنادي حيدره
انهدم ركن الدين وانا مــكدره
الدنيا مرجونه عليك ومــغبره
هيبتي وروحي يبويه وكل هلي
أم صــ✍️ــــادق المنصوري
/////////////////
انت كل عمري وحياتي ودنيتي
مارضيت بيوم تهمل دمعتي
شلون عايفني يبويه بحيرتي
منهو غيرك اليگلي ادللي
*✍🏻أم عبــــــد اللــــــــــه العابـــــــــــدي*
/////////////////
ايروح ياحيف الدلال ابغيبتك
اشلون اصبر يالحنين الفرگتك
صعبه يابويه عليه روحتك
عيني تفرح بيك من تجبل الي
✍️أم أحمد الساعدي
/////////////////
عيني تفرح من تصد الصورتك
هسه تدمع من تناضر طبرتك
صدگ ناوي اتفارگ انت ابنيتك
وگلبي بعدك بالمصايب يبتلي
خادمة آل البيت ع
ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 4/ رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قصيده للامام علي "ع" لسان السيده زينب "ع" تقرأ ليله الاستشهاد 😭
❥❥❥❥ـــــــــــــ❁❁ـــــــــــــ❥❥❥❥
صار اسمي اليتيمة اشلون بيه
ثگيله اهـــــواي هالچلمه عليه
ثگيله بثگل الاجبال
تخـــلي الدمع همال
شحلات العدها ابو تگعد ابفيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
راح البيه اشوف الدنــيه كلها
الضحكته وگـعدته لا ما املها
جبيره فرگته روحـــي تسلها
راح الابـــــو ياحيف
يذبح فگده عالكيف
يذبح فــــــــگده خله يرد اليه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
بالغروب اليتيمه ابحــالها اشلون
تشوف العدهـا ابو بيها ينشدون
والماعدها ابو تفـــضحها العيون
تضل تهل بواااچي
لفگد زين لمحاچي
العافاهــا الابو تــعيش بخطيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
بخطيه تعيش گـلمن مات ابوها
تضل تعتـــــــب عليه لو لوعوها
تدز اعــــــتاب اله من يهضموها
تعاتب زين الاطباع
تگله ارجعلي ابساع
ترد لــــــــــو ماترد لو الك جيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
ياليتـــــــيمت زينب گـوم ليها
تره يفت الصخر بعـدك بجيها
ياحـــــــيدر علي عينك عليها
لتخليها تنحب
فركتك تدري تصعب
شــــدت ليــــــش وياي المنيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
شد وياي ليش الموت واخذاك
يريت انه اندفن بترابك اوياك
لان ما احــــــتمل عيشه بلياك
مره العيشه بعدك
غفه عالترب خدك
متعـــــــــوده تمرلي كل مسيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيدة لوحشة الاب
هالسنه ابرمضان بس دمعي يلالي
الوالي نايم بالكبر وامچانه خالي
لو يجي وكت الفطور ** يضل دلالي يفور
عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
هالسنه ابرمضان تانيته يجيني
والله من فرگاه احس عميانه عيني
چا بعد يمته يجي يسكت ونيني
وسفه ماجاني الولي ** نايم بتربة علي
عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
نايم بتربة علي وانه احن وشتاگ
العيد جاي وانه بس ابچي من الفراگ
آخ يا جمره ابدليلي والله حراگ
كون يالوالي يمرني ** فراكه جم كسره كسرني
عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
فراكه جم كسره كسرني حلو الاطباع
اهظيمه عافاني انتحب وجمري لساع
اهظيمه ابو روح الحنينه نام عالگاع
آخ يفراگه عماني ** انتضرته وما اجاني
عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
آخ يفراگه صعب ما بيه احمله
كون بس ياكون احضننه واكله
فركتك يالوالي صعبه و موش سهله
ردلي يا طيب الگلب ** شلك بنوم الترب
عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
شلك بنوم الترب يالوالي ردلي
يمج انه يالبنيه الفيت كلي
لا تكلي بالدمع يالرحت ضلي
بعد مابيه صبر ** ميته روحي من القهر
عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
رحم الله من قرأ سورة الفاتحة الئ ارواح المؤمنين والمؤمنات وبالخصوص
روح المرحوم محمد ابن سالم
قصيدة في مصاب أمير المؤمنين علي عليه السلام ، لسان حال زينب عليها السلام .
ـــــــــــــــــــــــــــــــــــــــــــــــــــــــــــــــ
يجيني العيد وَذكُر روحِتك بالعيد
عفتني بوِليَة احزاني ومِشَيت بعيد
عِشِت أيام بقهر أيتام
ــــــــــــــــــــــــــــــــــــــــــــــــــــــــــــــ
كتر گبره تصد وتجذب الونه
لونك تگعد تشاهد مصايبنه
عگب عينك علينه زادت المحنه
أبد ما بينا واحد عاش وتهنه
أمس طه تركنه وفاطمة أمنه
وفگدناك وچنت يا بويه خيمتنه
چنت للدار شمعتهه چنت للدار
وغدت ظلمة علينا يا علي الكرار
بهضم والام بقهر أيتام
ــــــــــــــــــــــــــــــــــــــــــــــــــــــــــــ
يبويه عصفت ارياح الكدر والهم
رحت وبروحتك غيم الوسافة إلتم
ونهار الكوفة عگبك يا علي أظلم
الأرامل واليتامى بيهه من يهتم ؟
ولجلهم يجذب بآهاته يتألم
تراك بطيحتك ركن الهدى اتهدم
ردت گبلك يبويه تنضرب هاماي
وضمك لحظة الطبرة بوسط عيناي
بدليلي تنام بقهر أيتام
ـــــــــــــــــــــــــــــــــــــــــــــــــــــــــــــ
على افراشك ذكرتك من توصينه
وأمانه بيد أبو فاضل تخلينه
وتگله لا تقصر ويه أبو اسكينه
أبو الغيرة بذل عينه وي چفينه
دواهي الدنيا بالطف أوجرت بينه
أريد اﺣچي وإلك أشرح مآسينه
دريت شصار يا حيدر دريت شصار ؟
تشب النار بخيامي تشب النار
بفعل ظلام بقهر أيتام
ـــــــــــــــــــــــــــــــــــــــــــــــــــــــــــ
گضوا بالطف اخوتي ولا بگه والي
وتوذر عالنهر عزي وي دلالي
وتون ليلة يعبد الله المهد خالي
يتامه وخدر الشدهتلي احوالي
عفت عالعلگمي احلامي ويه آمالي
وبو اليمه ارتفع راسه برمح عالي
سبايه يا علي وتنظر علينه الناس
وحيدة لا أبو اليِمّه ولا عباس
فگدنا ازلام بقهر أيتام
ـــــــــــــــــــــــــــــــــــــــــــــــــــــــــــ
ذكرتك والدمع يشرحلك ٱشبيه
أسيرة يا علي لدهري ومآسيه
بهضم يطلع صباحي يا علي اعليه
وتراويني المنية احزاني ليليه
صعب أنساهه ونّة سكنة ورقيه
رحيلك سِر يعذّبني وعَلانيه
شبه ميتة وذكرك واذكر اخواني
وگول انسه لچن يخذلني نسياني
بخرابه انّام بقهر أيتام
ــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة موكب الزنجيل ، في مصاب أمير المؤمنين علي عليه السلام ،،،،،،،
ـــــــــــــــــــــــــــــــــــــــــــ
حيدر أبو السبطين صابوا جبينه
وزينب تنادي شلون غدروا علينه
ـــــــــــــــــــــــــــــــــــــــــــــــــــــــ
زينب تصد وتنوح والدمعة تهمي
راسك يليث الغاب يا وسفة مدمي
مصابك كلف چتّال ريت أمي يمي
تواسيني بالدمعات زهرة نبينه
ــــــــــــــــــــــــــــــــــــــــــــــــــــــــــــ
ذاب الگلب بحشاي وعيوني هملَن
دين الله بالمحراب اركانه مالَن
طاح الوصي الكرار ودمومه سَالَن
ناح العرش والكون أسمع ونينه
ــــــــــــــــــــــــــــــــــــــــــــــــــــــــــــ
بسابع سما الأملاك گامت تنادي
بسيف الحقد مغدور خير العبادِ
ريته وعسن مشلول چف المرادي
ظلمة اصبحت كوفان وتيتمينه
ــــــــــــــــــــــــــــــــــــــــــــــــــــــــــــــ
مِن شافته أم چلثوم صاحت يوالي
موقف صعب ما يوم مر علبالي
راسي انطبر ياريت گبلك يغالي
عگبك دمعنا ايسيل وتعذّبينه
ـــــــــــــــــــــــــــــــــــــــــــــــــــــــــ
زينب تصيح شلون جرحك يحيدر
لونك تبدل ليش حالك تغير
گلبي علمودك ذاب جمراته تسعر
معقولة أبو الحسنين راح امندينه
ـــــــــــــــــــــــــــــــــــــــــــــــــــــــــــ
وصدر الحَسَن چانون يسعر لهيبه
حاير يبويه ادواك من وين اجيبه
جرحك جرح چتّال أيّس طبيبه
حالك يبويه اليوم يصعب علينه
ــــــــــــــــــــــــــــــــــــــــــــــــــــــــــ
عِد راسه أبو السجاد يجذب حَسِرته
عينه علبيه ادير ساعة علخيته
وگلبه التهب نيران تسعر جمرته
ظلّينه عگبه ايتام نصفج بدينه
ــــــــــــــــــــــــــــــــــــــــــــــــــــــــ
وصى البطل عباس بالحرة زينب
دگ صدره ابو النوماس والغيرة تلهب
كافلهه أنت تصير للطف تِأهّب
مِن هسه أنت تصير حامي الظعينه
ـــــــــــــــــــــــــــــــــــــــــــــــــــــــــ
حاچاهم الجرّاح ما شفنه طبره
سِمهه الوصل للراس حِسمَتله أمره
عَهدك إعِهده الحين ووصيتك اقره
وفاضت لرب الكون روحه الأمينه
ــــــــــــــــــــــــــــــــــــــــــــــــــــــــ
بقلم الاستاذ / ستار عذاب الحچامي
*فزاعيه مع هوسات للامام علي(اهتز الكون)*
من ديوان📚 عبرات وأنين ج 9 يحتوي على باب خاص للامام علي ع
❥━──➸➽❥❂❥━──➸➽❥❂
اهتز الكون لمن طاح ابو حسين
عالهامات الطمو ياموالين
❥━──➸➽❥❂❥━──➸➽❥❂
عالهمات الطمو واعله الصدور
طاح اليوم منه الراس مطبور
محمل يا علي وشايل للگبور
*(والحره تنوح مخليها)*
❥━──➸➽❥❂❥━──➸➽❥❂
تون اليوم مهضومه اعله ابوها
عالهامات الطمو وساعدوها
حيدر والزجيه يتموها
*(بالدار اتون المهضومه)*
❥━──➸➽❥❂❥━──➸➽❥❂
تون بالدار مهظومه العقيله
تدك عالراس والمدمع تسيله
شال الحيد عنهه فرد شيله
*(شيال الهم ما رد ليهه)*
❥━──➸➽❥❂❥━──➸➽❥❂
رحل شيال همها وغرب ابعيد
خلاها يتيمه ابليلة العيد
تصيح بصوت اخذني اوياك ياحيد
*(والموت ارحم من افراگه)*
❥━──➸➽❥❂❥━──➸➽❥❂
الموت ارحم ولا فرگت الوالي
بته تون عليه كل الليالي
تصيح بصوت ياعزي ودلالي
*(شلك يابويه بهالنومه)*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*