7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
گعديه (عن استشهاد كريم اهل البيت الامام الحسن المجتبى عليه السلام )
ليش الخلگ يابوالكرم ماانصفوا حالك
الطعنوك مولاي الحسن والنهبوا ارحالك
شفت الاعاجيب يامعدن الطيب
ماانصفوا حالك
★★★★★
جهلوا اسرار الامامة اصحاب الافكار الهزيله
عوسج وسعدان صاروا رفظوا اورود الخميله
نكروا وجهلوا مقامك وانته للباري وسيله
يلماردت واحد يظل
غرگان ببحور الجهل
شگد حاولت وبلاملل دغش لكن واهل حيله
ياسيدي يلمجتبى الغايات معروفه
شماظموا ابليل الغدر بالنور مكشوفه
والغايه تسليب يامعدن الطيب
ماانصفوا حالك
★★★★★
عالمك طيب وتسامح ماكسرت ابيوم خاطر
ياظميرك من يعرفه الفحم وين من الجواهر
ماتريد ابعيشه ضنكه الناس لومر بيها باچر
يبن الزچيه اتوقعت
حنوا على ذاك الوكت
لهذا السبب ماقصرت خاطبت كل الظماير
أفعال من طه وعلي. يلملتزم بيها
يلجملتها ابحكمتك للناس تهديها
لوباچر اتغيب يامعدن الطيب
ماانصفوا حالك
★★★★★
ياسبط احمد ونوره وسطوته ومنبعه الصافي
ياكريم العتره تعجز توصفك سيل القوافي
شقدمت من ذنب حته قابلوك بهلتجافي
متحجرة ابواب الفهم
تريد الشرايع تنهدم
ظاهر حقدهم علعلم وبيّنت كل الخوافي
جان الهدف ياسيدي من مايقدمونك
يتقدم المايستحق لمن ياخرونك
والقصد تخريب يامعدن الطيب
ماانصفوا حالك
★★★★★
مايفهمون الرساله ولايعرفون باهلها
الناس من تطلب هواها هذا ناتج عن جهلها
اطماع وقتيه وتخلص تنتهي ويبقه فشلها
ماحكمّوا راي وعقل
درب الجهل عدهم سهل
ماميزوا وين العدل وياهو كل شدّه يحلها
وين اليثمنك سيدي وين اليميزونك
لوميزوا حتما تره لامايضيعونك
ابكثر المطاليب يامعدن الطيب
ماانصفوا حالك
★★★★★
مو ضعف من صالحتهم واحسمت هاي القضيه
عن درايه وعزم ثابت تحفظ أرواح البريه
ياوفي للدوم دينك هاي وادم مو وفيه
ياجبل عزمك ماضعف
چم معترض ضدك وگف
ماميزوا تالي اسف للجهل صاروا ضحيه
العارضوا حيدر گبل عارضوا افعالك
وإلي على حيدر جره يردون يجرالك
جرحك فلا ايطيب يامعدن الطيب
ماانصفوا حالك
الشاعر حسن لعيبي الحريشاوي
ــــــــــــــ ❁ ﷽ ❁ ـــــــــــــــ
📝 #صفر_1446هـ
✍ #شهادة_الإمام_الحسن_ع
يــاگلبـي شــد عــــزيــة
ولا تنسـى هــالرزيــــــة
ابـن النبي انصـاب اه اه
چبـد الحسـن ذاب اه اه
ــــــــــــــــ ❁ ❁ ❁ ـــــــــــــــــ
مـا ننســاه إبــن فاطــم و لا مصــابـه
نظــل للــدوم نذكــر جمــرة اغيــابــه
حــبيب الله نــزل هــاليـوم بتــرابــه
تظـل نـــار الهضــم بالــروح لهّــابــة
لسبط النبي و حبيبــه
و ريحــانـــة النجيبـــة
ظل دمعي سچّاب اه اه
چبـد الحسـن ذاب اه اه
ــــــــــــــــ ❁ ❁ ❁ ـــــــــــــــــ
يـا گلبــي تِفَــطَّـر واســي گلب امــه
مثل فَطرة چبدتــه مــن قــذف دمــه
ومثـل كسـرة ظهـر لحسين ابو اليمـه
تِكَسَّر يا يا گلب لِبـن النبــي وهـمــه
خلـــي الحــزن قرينــك
يــاگلبــــي هــذا دينــك
هذا ابن الاطياب اه اه
چبـد الحسـن ذاب اه اه
ــــــــــــــــ ❁ ❁ ❁ ـــــــــــــــــ
يعين الله العقيلة بت علي بهاليوم
تشاهد حال اخوهـا والگلب ملچــوم
تــوِن الوَنِّتــه مــن جرّعــوه اسمــوم
ومُقَلها عالأخو صبت دموع ادمـوم
كــل ســــاعــه تعتنيــله
بحســرة گــلب ثجـيــله
وتزيــــد العتــــاب اه اه
چبـد الحسـن ذاب اه اه
ــــــــــــــــ ❁ ❁ ❁ ـــــــــــــــــ
دموع احسين تهمل عالحسن كالسيل
هــذا اول كسر ماخــذله منّــه الحيـل
اشحال اللي على عضيده تراب يهيل
ماكو الكَسرة الخِوّان شبه وامثيــل
فگــــــد الأخــو شــراره
مــاتطفــى والله نــــاره
بالمهجــة لهّــــاب اه اه
چبـد الحسـن ذاب اه اه
ــــــــــــــــ ❁ ❁ ❁ ـــــــــــــــــ
✍ #الشاعرة_زينب_الخفاجي
🤲 #اللهم_صل_على_محمد_وآله
[[کأني بمولاي الحسين وقد وضع رأس أخيه مولاي المجتبى في حجره ودموعه تتهادى على وجه الحسن المسموم المظلوم عليهما السلام فقال:]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
عليك ينوح ديوانك.........ودلاه
السم شوصّله لگلبك.......ودلاه
ما يحتاج اثبتلك...........وأدله
الفاعل جعده والآمر أميه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ضل ساعه يبعد الروح....ضل يوم
گضى يومك يخويه وبعد...ضل يوم
اذا زينب شفته تصير....ضل يم
جسمي من الشمس بالغاضريه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جواب مولاي ألحسن ع:
مصابه
دم گلبي يبو اليمه.............ماصبه
وچبدي السهم ياخويه......مصابه
فقط انت الذي يصعب......مصابه
وابد ما يوم مثل الغاضريه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم
الامام الحسن ع
جهاد البصيراوي
⬛️◾️القصيدة-4-◾️⬛️
وما زالَـت ِالذكرىٰ تُهيجُ مشاعري
وقد أجرَتِ المأساةُ دمَع َ نواظري
كأنَ علينا القتلَ والسُمَ عادةٌ
لأهلي وإخواني بأيد ِ الغَوادر ِ ِ
وها قد أتاني الشؤم ُناعٍ لِمَنْ لهُ
فضائِل ُ مِنها الجودُ خير ُ المفاخر ِ
يُخَبّـِرُني أنَّ ابنَ أُمي ووالدي
زُعافاً سَقَته ُ السُم َبنت ُ الفواجر ِ ِ
وسُرعانَ ما جئت ُ #الكريمَ ببيتِه ِ
رأيت ُ #حُسيناً هائماً مثلَ حائر ِ
أيا #حسن ٌناديتُ والقلبُ واجمٌ
عليك َبغَىٰ الباغونَ سوءَ الجرائر ِ ِ
كمثلِ أبي #الكرارِ تقضي بغيلةٍ
ويخذلُك َالأعرابُ من دونِ ناصر ِ
فإنْ يرتَضُوا قتلاً لسبطِ #مُحمدٍ!
فذاك َ دليل ٌ فيه ِموتُ الضمائر ِ
أخي قد رأيت ُالطشتَ والروحُ أُفجِعَت
بـه ِالكبِدُ المسمومُ أدمىٰ محاجري
ونعشَكَ لم أنسَ السهامَ أصبنَه ُ
كأنَّ فؤادي صارَ نهبَ الخناجر ِ
أَ أُخَي ُّ لا ترحل ْ ورِفقاً #بزَينب ٍ
أترضىٰ -ألا حاشاك َـ كسراً لخاطري !
#سمير_الصالحي
#النجف_الأشرف
#رحيل_السبط_الأكبر_شهيداً_مظلوماً
#ليلة_شهادته_صائماً_مسموماً_1446هـ
#الأحد_11_8_2024م
🏴 نعي - مجردات
زينب ع تقول لإخيها الحسين ع :
وحشه وحزينه وطافيه الدار
وما اظن يطبها اخلافه خطار
عگب الحسن شو خامده النار
والگلب هاي الليله محتار
🏴 الحسين ع يرد عليها :-
زينب يگلها ايسي منه
ومن الحسن گطعي الظنه
صوب المنيه يروح چنه
----------------
🏴زينب ع تنعى أخاها الحسن ع
خويه يبو محمد يجيدوم
من يوم شفتك وانته مظلوم
وماحسبَت ترحل بهليوم
وتسري بجسمك هاي السموم
#سمير_الصالحي
#البصرة_الفيحآء
🏴 السلام على كريم آل محمد ع
بحر الجود ناشف مايه هليوم
مثل صحره وبعازة گطرة الماي
أبو محمد ومنه الچبد مسموم
لگيته يلوج ذاك الأخو الوفاي
لفيت مدوهنه وشاهدته مطروح
ومذهوله وحزينه وفاجده الراي
ويمه حسين ينحب من اصد ليه
ومن كثر البچي ما يحچي وياي
نشدته شبيه اخونا وليش يحسين!
يون من الوجع متألم هواي!
دگلي يعود سالم شمعة البيت!
وتعزب داره كلمن راح والجاي!
لنه يگلي يا زينب تعرفين !
أخونا الحسن مااظن يصحى من هاي
چنه يموت واحنا نعاين عليه
وعگب موت الأخو تتشمت عداي
صحتله انت الكريم ورفعة الراس
ولون تمشي أبد ما بَطل بچاي
مكسورة گلب من عصرة الباب
ومن طبرة علي شراوتني دنياي
ترد اعليك ياابو محمد ردود!
يملفه الضيف إنته وبعد عيناي
#سمير_الصالحي
#البصرة_الفيحآء
يشيال نعش الحسن خلّه
عالگاع كلمات ارد اگله
سلام لأمي الزهره يوصله
وسلام لوالدي وخير البرية
واريد احچي بعد وي ابن امي
واشكي له احزاني وضيم همي
حزنك يبو محمد زاد هضمي
يابو الجود والطلعه البهية
واحسناه💔
زينب الخفاجي
╌ـ╌ـ───═﷽═───ـ╌ـ╌
📝 #صفر_1446هـ
✍ #شهادة_الإمام_الحسن_ع
بيـن المجتبـى واحسيـن
إسمع يالمــوالي اشــدار
إسمع واجري دمع العيــن
لسبطَــيّ النبــي المختــار
╌ـ╌ـ────═❁═────ـ╌ـ╌
صاح احسين مــن نحــره
خويه يالحسن لـو چــان
الأخو فـي لحـده و بگبره
لكــن تـوصـله الأحـزان
چــنت يالمجتبــى انعــاك
كــل ســابع صفـر بَشجان
لكنّــي بــوســط تـــربــان
لو تعــرف عليــه اشصــار
آه يـاخويه آه ياخويه آه يـاخويه آه
╌ـ╌ـ────═❁═────ـ╌ـ╌
اشتــاگ اگــصــد الگبــرك
وابچي اعليك ياعيــدي
يـاأعظـم مصــاب الچــان
يـوجـع گـلبي يعضيدي
صـدّگ مــن يمــر يومك
أنحب لك مــن اوريدي
مــا حــال الذبح بينــي
وبينــك آيحـامــي الجــار
آه يـاخويه آه ياخويه آه يـاخويه آه
╌ـ╌ـ────═❁═────ـ╌ـ╌
📝 #كأني_بجواب_الحسن_ع
صاح إبن النبي المسموم
واويــــــــلاه يـــامظلــوم
يــالماصَــح مثــل يومــك
حتى امن العذب محـروم
آنه اللـي نحيبي اعليك
مــابطّــل ولا مــــن يــوم
حبيبــي يــــاحسيـن انت
شعــار و تلــهــم الثــوّار
آه يـاخويه آه ياخويه آه يـاخويه آه
╌ـ╌ـ────═❁═────ـ╌ـ╌
لا تبــچـــي علَــــيّ والله
ربنــــا العـــوّض العتــــرة
بالغالــي البطـل عبــاس
إسمه اعله العـدو اشكبره
ليت آنــه مــع اليمـشــون
و اگصـــد گبــرك و گبــره
ابعشريــن ابصفـر وانحب
وَي بت حــيــدر الكــرار
╌ـ╌ـ────═❁═────ـ╌ـ╌
✍ #الشاعرة_زينب_الخفاجي
🤲 #اللهم_صل_على_محمد_وآله
لاستشهاد الامام الحسن المجتبى عليه السلام
مولاي الحسن
مولاي الحسن
★★★★★
الكرم والجود والطيبه
العزم والزود والهيبه
العلم والحق مطاليبه
الطاهر من ارض طيبه
مولاي الحسن
مولاي الحسن
★★★★★
الالم والنوح والدمعه
فوگ جروح مِتلَّوَعَه
فزعن علگلب فزعه
لمصابه يضل ينعه
مولاي الحسن
مولاي الحسن
★★★★★
الامام الصابر الزاهد
الحكيم العالم العابد
الامين العارف الساجد
حليم بوجه كل حاقد
مولاي الحسن
مولاي الحسن
★★★★★
فصاحه ومعرفه وقوه
وبلاغه وموقف وتقوى
سماحه وعاطفه ونخوه
سيفه على الكفر قسوه
مولاي الحسن
مولاي الحسن
★★★★★
سليل النور والرحمه
امامي رابع العصمه
الوجيه وصاحب الحكمه
النهار بلاضواه ظلمه
مولاي الحسن
مولاي الحسن
★★★★★
مفجوع الشرع بعده
يافگد الحسن شده
بالسم ينمرد چبده
يوم السمته جعده
مولاي الحسن
مولاي الحسن
الشاعر حسن لعيبي الحريشاوي
مسموم مسموم امامي يالحسن
...
عادت الذكره وحظرنه ايامه
احسين هاي الليله طاح احزامه
وابوفاضل ضل يدك عالهامه
يلله صبو الدمعه يالطامه
مسموم مسموم امامي يالحسن
...
من رسول الله الحسن ريحانه
وسفه بالسم غدرته الخوانه
الحسن مات وقفلو ديوانه
خلي كل شيعي ايصيح اويانه
مسموم مسموم امامي يالحسن
...
فاطمه اتصيح الدمع يحلالي
آه واويلي عله ابني الغالي
يلله ياناعي المصاب اقرالي
بالبقيع الليله غاب اهلالي
مسموم مسموم امامي يالحسن
...
الليله ابومحمد فجعنه امصابه
وزينب اتعنت تشم بترابه
اتصيح وادموع الحزن سجابه
آ يخوي الكسر ضهري اغيابه
مسموم مسموم امامي يالحسن
...
للحسن هالليله نرفع رايه
واحنه شيعتهم نضل وفايه
يمته نتعنه اله مشايه
نوصل الكبره ونسوي اقرايه
مسموم مسموم امامي يالحسن
....
محمد الجماسي
اللهم عجل لوليك الفرج
نعش ينضح بالسناء
سَبعُونَ سَهمًا رَنَّقَتْ وَجهَ الزَّمَنْ
وَظِلَالُهَا كَالعَاصِفَاتِ عَلَى السُّنَنْ
سَبعُونَ سَهْمًا.. وَالنِّصَالُ تَأَبَّطَتْ
شَرًّا، لِتَهوِي بِالمَصَائِبِ وَالمِحَنْ
رَمَتِ الشَّرِيْعَةَ.. خَرَّقَتْ أَثَوَابَهَا
كَاللَّيلِ يَعْتَصِرُ الظَّلَامَ مِنَ الفِتَنْ
وَالنَّعشُ يَنْضَحُ بِالسَّنَاءِ.. يُضِيئُهُ
وَجْهٌ بِهِ سِّرُّ المَثَانِي وَالمِنَنْ
لَهفِي عَلَى الإِحسَانِ.. نَاخَ رِكَابَهُ
لِيُقِيمَ فِي كَنَفِ المَقَابِرِ وَالكَفَنْ
فَتَكَ الذُّعَافُ بِهِ، وَكَوَّرَ شَمسَهُ
فَسَرَى اللَّهِيبُ بِكُلِّ قَلْبٍ مُمتَحَنْ
كَيفَ العَزَّاءُ.. وَلَا عَزَاءَ لِفَقدِهِ
لِلَّهِ نَشكُو مَا جَنَتْ كَفُّ الضَّغَنْ
رَيحَانَةُ الهَادِي.. وَبَهجَةُ رُوْحِهِ
وَسِرَاجُ أُمَّتِهِ.. بِشَامٍ أَوْ يَمَنْ
كَمْ قُبلَةٍ نَبَوِيَّةٍ نُقِشَتْ بِهَا
أَنَّ الزَّكِيَّ أَمِيرُ سَادَاتِ الفِنَنْ
وَهْوَ المُعِزُّ لِكُلِّ عَبدٍ مُؤمِنٍ
سَلْ عَنهُ أَرْبَابَ المَحَجَّةِ وَالفِطَنْ
شَقَّ الطَّرِيقَ إِلَى الخُلُودِ بِحِلمِهِ
وَبِصُلحِهِ.. بِنُهَى إِمَامٍ مُؤتَمَنْ
حَدِّقْ.. فَمَا زَالَتْ مَلَامِحُ وَجْهِهِ
الغَرَّاءُ شَاحِبَةً.. تُطِلُّ مِنَ الدِّمَنْ
حَدِّقْ.. فَما زَالَ اصفِرَارُ شِفَاهِهِ
قَدْ أَسرَجَ اللَّيلَ المُضَمَّخَ بِالشَّجَنْ
ظَامٍ.. يُرَاشِقُهُ لَهِيبٌ قَدْ سَرَى
وَالسُّمُّ أَورَثَهُ عَلَامَاتِ الوَهَنْ
أَنْفَاسُهُ.. لَهفِي عَلَيهِ ثَقِيلَةٌ
شَفَّتْ سَرَائِرُهَا نَقِيعًا فِي اللَّبَنْ
يَذوَي.. وَتَنْظُرُ مُقلَتَاهُ إِلَى السَّمَا
وَعَلَيهِ سَحَّتْ أُختُهُ دَمعَ الهَتَنْ
وَأَخَاهُ أَسنَدَهُ.. فَأَجَّجَ هَمَّهُ
لَا يَومَ مِثلَكَ يَا حُسَينُ.. وَلَا وَطَنْ
وَبِطَشتِهِ.. قَذَفَ الدِّمَاءَ حَقِيقَةً
أَزَلِيَّةً، فَتَكَشَّفَتْ صُوَرُ الإِحَنْ
وَالرُّوحُ فَاضَتْ.. فِي عُرُوجٍ لِلعُلَا
أَسَفِي عَلَى جَفْنٍ تَكَحَّلَ بِالوَسَنْ
سَأَظَلُّ أَنْزِفُ مِنْ جَبِينِ قَصِيدَتِي
وَأُرِيقُ مِنْ قَلبِي ارتِعَاشَاتِ الحَزَنْ
وَأَظَلُّ أَسمَعُ فِي البَقِيعِ مَآتِمًا
عَجَّتْ بِقَولٍ: يَا لِثَارَاتِ الحَسَنْ
وَالسَّلامُ عَلَيكَ ياأبا مُحَمَّدٍالحَسَنَ بنَ عَليٍّ وَرَحمَةُ الله وَبَرَكاتُهُ.
#الإمام_الحسن
#فاطمة_الحبيب
السان حال الحوراء (ع) :
أحييتُ "ذكرى المجتبى" مرَّ الزَمَنْ
معَ الحسينِ دمعُنا يتلو الشجَنْ
واليومَ في الشَّاماتِ لا أرضِ الوطنْ
في خِرْبةٍ أبكي حُسيناً والحسنْ
.
أعظم الله أجر صاحب الزمان وأجوركم باستشهاد الإمام الحسن المجتبى(عليه السلام).
الشاعر علي عسيلي العاملي
#الامام_الحسن
#اللهم_عجل_لوليك_الفرج
يا مظلوم يبن الزهره...... يامسموم يبن الزهره
.............................
ياحزن سابع محرم ياألم سابع صفر
يردف النه بنايباته شعنده ويانه الدهر
بالحزن خلص عمرنه شو شهر يتبع شهر
بالأحزان خلص عمره..... يامظلوم يبن الزهره
.........................
تنذكر كل عام مره شلون تقبل شيعتك
واجب بكل يوم ذكرك بيه نقره مصيبتك
شلون شالوها الجنازه والسهام الصابتك
مثل حسين صابوا صدره..... يامظلوم يبن الزهره
................................
بالحرب كنت إنت أول ما تأخرت بحرب
وراية الكرار بيدك تكلب الحومه كلب
شما نعدد من صفاتك تمتلي والله الكتب
جبدك صار أول ثوره..... يامظلوم يبن الزهره
..........................
تنظرب بسهام طاغي وتنمنع من الدفن
مادروا جدك محمد هوه لمصابك يون
مثل ما ظلموا الزهره وكالو اعليها وإن
رد وعاد هاي الغدره.... يامظلوم يبن الزهره
..............................
والهظيمه البيها احنه مانزورك كل سنه
ولا مواكب غاد نبني شيعتك متمحنه
لا كبر مبني ونزوره ولا ضريح اللي انبنه
ولا رادود يمك يقره .... يامظلوم يبن الزهره
..........................
يا ابو صالح نندبك كل صباح وكل مسه
ليش ماكو كبر الها سيدة كل النسه
الفاطمه هي وابنها هل ضريح تأسسه
انريد اليوم منك نظره ...... يامظلوم يبن الزهره
خادم الحسين
عبدالكاظم الجابري
ابوذيه للحسن عليه السلام
ــــــــــــــــــــــــــــــــــــــــــ ـــــــــــ
روحي اليوم تفارك حسنها
حياتي نرسمت بشخصك حسنها
الدنيه اليوم حزنانه لحسنها
راح يروح وتزيد الرزيه
, ــــــــــــــــــــــــــــــــــــــــــ ـــــــــــ
معـــي طور مجاريد للحسن عليه السلام
لسان حال مولاتي زينب وهي تتمنى حظور امها الزهراء عليها السلام بوفاة الحسن
كأني بها تقول
👇👇👇👇
يمه يم حسن مري علينه
الليله سممو ابنج يالحنينه
والسم ظاهده ويدير عينه
ــــــــــــــــــــــــــــــــــــــــــ
بلارحم سمو الهيبه
وذا راح منعدنه شيجيبه
لحگي وليدج يالحبيبه
ــــــــــــــــــــــــــــــــــــــــــ
يمه تعبانه ومهدوم حيلي
اونن يالزجيه ومانمت ليلي
خال الولد كاسر دليلي
ــــــــــــــــــــــــــــــــــــــــــ
رغم سمه الحسن مشغول بيه
يگول زينب لاتبجي عليه
هاي العزيـــزه الهاشميه
ــــــــــــــــــــــــــــــــــــــــــ
خايف عليه وناسي روحه
وناتي لمزيده جروحه
خال الولد ياليسوه كلشي
ــــــــــــــــــــــــــــــــــــــــــ
يمه شستعد ليامصيبه
والراح منعندي شيجيبه
صعبه ليفارك حبيبه
ــــــــــــــــــــــــــــــــــــــــــ
اون للحسن ونات ونات
يروح الحيل ويا اذا مات
گلبي استعد لهواي طعنات
ــــــــــــــــــــــــــــــــــــــــــ
راح يروح أجبير اخوتي
گبل هاليوم انه تمنيت موتي
زادت عليه بفراگه بلوتي
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
قصيده مربعه
لمولاي كريم اهل البيت الحسن المجتبى عليه السلام
ــــــــــــــــــــــــــــــــــــــــــ ـــــــــــ
المستهل 👇👇👇
سدووها المظايف كثرو الونين
شال معدل الميله وحجي الزين
ــــــــــــــــــــــــــــــــــــــــــ ـــــــــــ
سدوها المظايف شيلو الدله
هل ديوان بعد الزين مايحله
والمايل حجيهم هوا ليعدله
ابو محمد كفو منك ونعمين
ــــــــــــــــــــــــــــــــــــــــــ ـــــــــــ
كريم وبالكرم معروف عنوانه
وبجفه السخيه فتح ديوانه
كلمن گاصده والروح وجعانه
يسمع طلبتك ويقرلك العين
ــــــــــــــــــــــــــــــــــــــــــ ـــــــــــ
بيته اليوم خالي وموحش خلافه
حزنانه الطوايف والسلف عافه
وكل الساده تبجي فگدت أوصافه
بـفگد المجتبى متــگدر الديــــن
ــــــــــــــــــــــــــــــــــــــــــ ـــــــــــ
يبو جف الكريــــمه والسخـــيه
يـــبن الطاهره الزهره الزجيــه
يــــالكلك حميـــــه هاشميــــــه
نسل المصطفى وابن المــيامين
ــــــــــــــــــــــــــــــــــــــــــ ـــــــــــ
يبو محمد وين الماعرف شانك
ونته من الزغر معروف عنوانك
وي حيدر علي مشهود ميدانك
تشهدلك ساحات وميــــاديـــــن
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
#الحسن ع
على لحن ضلع واحد ياعلي وهد حيلك
چا اضلوع احسين شتسويلك
اليوم هم تبچين يامهضومه
تگول بوليدي الحسن ملچومه
..................................
اليوم هم تبچين گولي اشصاير
وين ذوله الكاسريلچ خاطر
اليوم گلبچ عالمدلل طاير
اتگول چبد المجتبى مسمومة
............................
اتگول بوليدي الرجس بچاني
وبيش يطلبني النذل عاداني
ياصبي العين مالك ثاني
اليوم روح امك ردم مردومه
..........................
گوم لمك يالولد حاچيها
عالوجع يمه الحسن دليها
هاي شفجه وياهو اليلاگيها
اليوم عد راسك تون مهمومه
...............................
گلها حطي ايدچ ييمه اعله الولم
وخاف عوز امك قهر لو عوز هم
شيل يحسين الطشت متروس دم
شلون بالزهره وتشوف ادمومه
..........................
صيح زينب خل تگعدك بيدها
راح حيلك اه يخال اوليدها
فرگتك يبن امي لا ماريدها
ليش من اهلي صرت محرومة
........................
ام علي رضا الشريفي الحسيني
رحم الله من يقرأ الفاتحة لروح والدي
خضير بن زوينه
هذا الحسن ـ شيخ الكرم
بس دلتــه ـ تضاهي الهرم
هذا الحسن هذا الحسن
ـ
هذا الحسن من ينذكر طاريه
اجــلالاً ادنـكـلـه الـعـزوبـيـه
ودلاله حاشه بيوم ما مجـفـيه
ولو تنجفي تميل الكره الارضيه
يــا هـاونــه ـ كل ما يدگ
اهل الشرك ـ بي تنسحگ
هذا الحسن هذا الحسن
ـ
يل للكرم سويت صـيـت وسـمـعـه
ونلكه البخت بمِضِيفِك امن نضيعه
تتلكه ضيفك ركض مـثـل الـفـزعـه
وقــانــون العزوبيه انــتــا مـشـرعـه
عـنـدك كـرم ـ ما ينوصف
وعندك بخت ـ بي ينغرف
هذا الحسن هذا الحسن
ـ
ضيفك وحي امن الزغر بيه تهلي
يبن الذي يعـزب وهـوه يـصـلـي
غيره منو محبسه مـنـطـي كـلـي
كد ما كريم وياي شايل حـمـلـي
وهذا الشبل ـ مــن الاسـد
بكلبي نصب ـ خيمه و وتد
هذا الحسن هذا الحسن
ـ
يل علمت عباس من عـنـادك
وانطيت كل الناس من مرادك
محشي بدراهم يل تقدم زادك
ولجل ابو اليمه عزبت بـاولادك
يل قاسمك ـ وجه الشمس
عـزبـتـه بهدوم ـ الـعــرس
هذا الحسن هذا الحسن
ـ
ما فرغ بيتك يـوم مـن الـخـطـار
خيرك الواصل دوم حد لسابع جار
ويعزب بـحـيـلـه ابو الراس الحار
حاتم الطائي كبال صيتك محتار
من موگدگ ـ غارت صَقر
نــارك تــره ـ تـسـر النضر
هذا الحسن هذا الحسن
ـ
عندك كرم وهواي بي جم عبِره
ما ترضه الك مولاي نرفع حضره
وتكول زحمه شلون من الزهره
ولهسه كلبك بي صواب العصره
يا لوعتي ـ ويا لوعتك
اللهَ يساعد ـ حالتك
هذا الحسن هذا الحسن
محمود محمد العطواني
في مدح الامام الحسن
المجتبى عليه السلام (وزن الميمر )
ماأنصف التأريخ هلشَخصيَّه
شَخصيَّه من طبع النبي مبنيه
★★★★★
ابن الصميدع والزچيه الزهره
سيره وعلوم وكرم خلص عمره
معروف مابين الخلايق أمره
من عتره ماتخطي ابحرف عِلِّميَّه
★★★★★
رايات للحق ماتذل مرفوعه
ونشر العدل كل غايته وموضوعه
ياگمر زاهر والنجوم شموعه
منبع الرحمه الصافيه الكَونيَّه
★★★★★
اسنين سبعة وي النبي گضاها
شاف النبوه وارتوه معناها
ماخذ علومه من علي ومن طه
واطباع تمطر علخلگ حنيَّه
★★★★★
مابين منذر للبريه وهادي
عاش العمر لجل السلام ينادي
وسفه الخلگ بيهم إبليس الحادي
واحقادهم بصدورهم مطويه
★★★★★
علم وحزم راي وعزم من شافه
زهد وعداله الحسن هاي اوصافه
خير وبلاغه بلاحدود ألطافه
تقوى وعباده وكرم وأنسانيه
★★★★★
أبن العلوم الكامله والحكمه
وابن الفصاحه والعلم والكلمه
وابن المحبه والعطف والرحمه
من عتره عد رب السمه قدسيه
الشاعر حسن لعيبي الحريشاوي
رويَّ ان السم اثّر في الامام الحسن عليه السلام وكان راسه في حجر اخيه الامام الحسين عليه السلام والطشت بين يديه
يقذف فيه احشاءه قطعةً بعد قطعة بينما هما في هذا الحال واذا بالحنين والانين خلف الباب واذا بالعقيلة زينب عليها السلام وباقي الهاشميات جئنَ فالتفت الامام الحسن عليه السلام الی اخيه الامام الحسين عليه السلام . قال اخي
ابا عبدالله نحِ هذا الطشت عني لئلا تراه
اختنا زينب .😭😭 فلما دخلت العقيلة زينب عليها السلام وقع بصرها علی ذلك الطشت وفيه احشاء اخيها الامام الحسن المجتبی عليه السلام 😭😭
وكاني بها
آه آه آه يامولاتي
لا تشيله لاتشيله
خلي يخويه لا تشيله
ونّه ثجيله
گامت تون ونّه ثجيله
مدمعها تسيله
نادت ومدمعها تسيله
ابو محمد ياخويه
العقيله العقيله
بيا حال اجت يمه العقيله
راح حيله راح حيله
تشوف ابو محمد راح حيله
گطّع دليله
سم العدا گطّع دليله
🏴🏴
عظم الله اجوركم واجورنا
ام محمد الحجاج
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (ضجه بالمدينه)
اليوم الحسن مسموم يا زهره الحزينه
وحسين تالي بكربله بسيوف مگطعينه
من الگبر گومي يزهره وابدي النياح
اول سبط يم حسن مسموم الچبد راح
واهل بيته من الحزن تصفگ راح براح
و نعش ابنچ يزهره بالسهام امصوبينه
▪️〰▪️〰▪️〰▪️〰▪️〰▪️〰
يزهره گلب زينب ينزف الم وهموم
بالطشت شافت چبد الحسن المسموم
وتالي بكربله تشوف ذبح ابنچ المظلوم
گلب زينب يزهره منشطر عالي ونينه
▪️〰▪️〰▪️〰▪️〰▪️〰▪️〰
اليوم العزه منصوب وسط دارچ يزهره
للحسن ابنچ الغالي وكله اهله تحضره
لچن حسافه حسين ابنچ المنگطع نحره
عزاه يصير بخيول عشره مرضرضينه
▪️〰▪️〰▪️〰▪️〰▪️〰▪️〰
گومي يزهره وانسي صدرچ والمصاب
نوحي على المسموم وهلي الدمع سچاب
انفتح باب المصايب اعالعتره من الباب
من باب دارچ يزهره البنار اموجرينه
▪️〰▪️〰▪️〰▪️〰▪️〰▪️〰
يعين الله الحسين على مصاب الحسن
يهمل دموع العين يزهره وايون بشجن
وزينب بالفجيعه تنادي شعندك يا زمن
بسهام غدرك تالي بكربله يازمن ترمينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
🏴 هاتانِ قصيدتان لشهادة الإمام الحسن السبط ع مع النعي الخاص لمصيبته ..
⬛️◼️القصيدة-2-◼️⬛️
و بعدَ كُلِ الرَزايا ضامَكَ الزمنُ
حُزني عليك َ طويلٌ أيها الحَسنُ
ذُقتَ المرارتِ في الدُنيا وقَد عَصَفَت
فيكَ الخُطوبُ توالَت بعدَها مِحَنُ
لم أدرِ كيفَ سَقَتكَ السُمَ جُعدتُهُم
وما الذي باتَ في إجرامِها ثَمنُ
أسَفي عليكَ بِوضعٍ فيكَ قَد شَمُتَت
أعداؤكَ اليومَ للطاغوتِ هُم رَكَنوا
هذا ابنُ آكلةِ الأكبادِ سُرَّ ومِن
طُغيانِهِِ فَرِحاً إذ يُعبدُ الوثن ُ
ياروحَ فاطمَ في ذِكراكَ آلمَني
كيفَ استقرَ على أعضآئِكَ الكَفن ُ
أم كيفَ تُحمَلُ نعشاً في الأكفِ وما
أذِنُوا بِدَفنِكَ والجبتينِ قد دَفَنوا
تِلكَ الحُميراءُ لم تَفتأ تُعانِدُكُم
على البعيرِ وبغلٍ شُغلُها الفِتَن ُ
وآلهفَتاهُ لِنَعش ٍ والسِهامُ بَكَت
مِن سُوءِ فِعلتِها يعلُو السَما دَجَن ُ
ألستَ ريحانة َ الهادِي ومهجتَه ُ
كلاكُما في أشر ِ الخَلقِ يُمتَحَنُ !
ولستُ أنسىٰ أبا الفضلِ استَشاطَ وقَد
رأىٰ السُيوفَ وفِيها الأمرُ مُرتهَن ُ
لم يَسطِعِ الصبرَ إلا حينَ هامَسَه ُ
صوتُ الحُسينِ فَغَشّى قَلبَهُ السَكَن ُ
ماخالفَ السِبطُ ما أوصَى الزَكيُ به ِ
على الشَريعةِ والإسلام ِ يُؤتَمَن ُ
لكِنهُم فُجِعُوا في فَقد ِ سَيّدِهِم
والكُلُ يَنعىٰ بآهات ٍ وقَد حَزَنُوا
آهٍ ٍ لِزينَبَ َ إذ تَبكي الكرّيمَ دَماً
في رُوحِها لوعَةٌ يَبدُو لَها شَجَن ُ
#سمير_الصالحي
#النجف_الأشرف
⬛️◼️القصيدة-3-◼️⬛️
يامِحنةً مِنها النواظرُ تدمَعُ
وقلوبُ أحرارِ الوَرى تتفَجَع ُ
قومٌ تبايَنَت المواقِفُ عِندَهُم
بينَ الخِيانةِ والدَهاءِ تَوزَعُوا
نَكثُوا عُهودَ المُجتبى ياويحَهُم
والكلُّ في غَيِ ابن ِهِندٍ يَرتَع ُ
ومظالماً ومآسِياً لاقَى وفِي
الإصلاحِ والصُلحِ العِلاجُ الأنجَع ُ
حَفظَ الدماءَ ولَم يَشأْ إهراقَها
وبه الغُمُومُ عَن الرَعيةِ تُرفَع ُ
ولأَجلِ مَنهَجِهِ القَويّم تَواطَئُوا
في قتلِه ِحيثُ الرزيةُ أفظع ُ
غالُوه ُ في أرضِ ِالمدينةِ صائِماً
ونُفُوسُهُم مِنها الضَغائِن ُ تنبَع ُ
ياويلَ جُعدَةَ مِن عذابِ جَهَنَم ٍ
نَفَثَت بِسُمِ الشَّر ِ فِيه ِ تلَذّعُ
دَسَّتهُ في لَبَنٍ إليهِ وقَد سَرَى
في جَوفِه ِ وَحَشاهُ مِنهُ تُقَطَع ُ
آهٍٍ لِكَبدِ إمامِنا في طَشتِه ِ
وحُسينُ يَنظُرُه ُ ويَهمِي المَدمَع ُ
و لِزينَبٍ نَوحٌ عليهِ معَ النِسا
باللَطم ِ جآءَته ُ العَقيلة ُ تَفزَع ُ
أأ كريمَ أهلي خاطَبَتهُ بِشَجوِها
حَقاً تَموُتُ ومُهجَتي تتلَوَع ُ
تَنعى وإخوَتُها تأن ُّ لِنَعيِها
وقلوبُهُم لِعَميدِهِم تتَفجَع ُ
حاطُوهُ بالعَبرات ِ يَمزِجُها الأسَى
وبِحُرقَةٍ نَحوَ المَنّيةِ ِ وَدَعُوا
#سمير_الصالحي
#النجف_الأشرف
⚫️ نعي - مصيبة كريم أهل البيت ع
ا🏴1
يناعي اصرخ وسيل الدمع من دم
اعله ابومحمد صبح هلكون أظلم
نحيل وچبده مسموم وتخذم
عله مصابه البچي والنوح يكثر
ا🏴2
خلص عمره بمحن كثره ومصايب
وشاهد ياخلگ كل العجايب
تاليها الچبد من عنده ذايب
بلبن تسگيه جعده السم الاگشر
ا🏴3
يويلي اعليه صايم ما تهنه
وعطشان الگلب بس شرب منه
حس بيه وسره بچبده ولچنه
تگطع منه وبطشته تنثر
ا🏴4
إجاه حسين للدار وتعناه
يشاهد حالته ويبچي اعله فرگاه
عسن ياريت شخصك لا عدمناه
عضيدي انته واظل بعدك محيـّر
ا🏴5
ناده الطشت زيحه بساع إجتني
زينب تون خويه وألمتني
أسمع صرخه منها الهيجتني
تنادي ياالإخو و گلبي تفطر
ا🏴6
حسافه تصيح يابو محمد تروح
يمن طلعة جبينك تشفي الجروح
عله فگدك يخويه شاغت الروح
واصيح اشهالرزيه الله واكبر
ا🏴7
تمسي شلون تحت الترب لاچان
من بعد الابو بيك الدهر خان
يرد ردود ياخذ مني الاخوان
وابقى انعاك عمري يا مشَكّر
ا🏴8
يخويه الچنت ملفه الكل الضيوف
كريم وبالحمايل صيته معروف
يريت الموت ياخذني ولا اشوف
دارك مظلمه يا شبل حيدر
#سمير_الصالحي
#النجف_الاشرف
╌ـ╌ـ───═﷽═───ـ╌ـ╌
📝 #صفر_1446هـ
✍ #شهادة_الإمام_الحسن_ع
آه ياخويه... يــاسنـد چــان الأخيَــة
آه ياخويه... يالنمت تحت الوطيـة
آه ياخويه... چـا منــو يبقـى إليّــه
╌ـ╌ـ────═❁═────ـ╌ـ╌
آه ياخويه... غيبتـك صعبـة عليــه
آه ياخويه... الكـون أظلم راح ضيّـه
آه ياخويه... يـاحبيب امـي الزچيــة
╌ـ╌ـ────═❁═────ـ╌ـ╌
✍ #الشاعرة_زينب_الخفاجي
🤲 #اللهم_صل_على_محمد_وآله
#طور_الجفيري
#الإمام_الحسن_المجتبى_ع
زينب اجــــت يـــــمْ الحسن
شافت نِحَــــل منّــــه البَـدن
صــــارت تحاچيــــه ابشجن
خويه الحسن خويه الحسن
ــــــــــــــ ✾ ✾ ✾ ـــــــــــــــ
يـــاريـــحة امــي الـزهـــــرة
بعيــــونـك انــــظر عَبـــــــرة
شنهــــو ابـــدليـلك يــجـــره
خويه الحسن خويه الحسن
ــــــــــــــ ✾ ✾ ✾ ـــــــــــــــ
ليش اعلى بطنــــك يــــــدّك
شاحب اشــــوفــــن خــــدّك
بهـذا الطشت شــــو چبـــدك
خويه الحسن خويه الحسن
ــــــــــــــ ✾ ✾ ✾ ـــــــــــــــ
تقـــذف چبـــدتك شــو وذر
ابداعــــة ابـــونا المنطبــــــر
لاتخفي عن اختــــك خبــــر
خويه الحسن خويه الحسن
ــــــــــــــ ✾ ✾ ✾ ـــــــــــــــ
گـــال لهـــا يــاخويه اصبري
لا تكسـِــرينه خــــاطـــــــري
سَمّــــوني لكــــن منحـــــري
سالـم ولاعظمــــي انطحــن
آ~يالحســــن__آ~يالحســـــن💔
ــــــــــــــ ✾ ✾ ✾ ـــــــــــــــ
✍ الشاعرة زينب الخفاجي
~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
ويلي على المجتبى
واويلي عالمسموم..واويلي عالمسموم
...
جبده انمرد والسم صعد لعيونه
واخوانه كل ساعه الجهه ايديرونه
بآخر نفس يتشاهد ايسمعونه
ملعونه جعده السمته ملعونه
ياشيعه سابع صفر
يوم الحزن هاليوم..واويلي عالمسوم
...
ريحانة الهادي وعزيزه الزهره
ياكل الطير بخيره لو مد سفره
بالتمن ايحط الذهب للفقره
هذا الامعزب وابوادلال السمره
اصبح مضيف الكرم
من شوفتك محروم ..واويلي عالمسموم
....
الخوان لويتفاركون بساعه
يبقه الكسر طول العمر اوجاعه
احسين اعله أخيه الليله طاح اشراعه
كسرة ضهر والله الحنين اوداعه
واعله الحسن مودمع
زينب بجيهه ادموم..واويلي عالمسموم
....
ابحظنه الحسين امخلي راس الغالي
وايكله ونتك خويه شلة حالي
ابوجهك اباوع وانه سارح بالي
خيمه ورمح يالحسن يتراولي
وياي اريدك سند
لو هاجمتني الكوم..واويلي عالمسموم
...
الطف اجاني وصدري ضل يوجعني
وباجر الخيل ابكربله اتكطعني
تاخذني صوب الخيمه واترجعني
بالطف أضل اومحد ايشيعني
وعالشاطي يبقه الكمر
راسه بعمد مهشوم..واويلي عالمسموم
....
باجر اذكرك واذكر انه ايامك
من توكع ادموعي بعرس جسامك
كون انه ميت يالحسن كدامك
ولا طرن التابوت خويه اسهامك
وصلن اسهام العده
للجسد يامضلوم..واويلي عالمسموم
....
واحنه ابمصابك هم نسوي اقرايه
شيعتك ياابومحمد اووفايه
يمته نشاهد كبتك امضوايه
و لارض البقيع انروحلك مشايه
هالحلم شيحققه
يالمرقدك مهدوم..واويلي عالمسموم
....
محمد الجماسي
اللهم عجل لوليك الفرج
من ايدي راح اعضيدي
اخوي وفرحت عيدي
كال الزمن ……راح الحسن
من ايدي راح اعضيدي
—————————-
سكت نبض الخوه يدري وبانت اعلوم الرحيل
ريحة اموادع تشمها خل ويودع خليل
امهلنه ياموت بقدومك اعليك بارينه الجليل
خاف مااشوفن عضيدي ودمع هجرانه يسيل
يحسين الله يعينك
شتنظر راح بعينك
عيونك حچن
راح الحسن
———————————
انتَ يبني امي وحياتك يبقه جرح الذكريات
تعوفني بهمي ودمعتي ياحلم بالفركه مات
تدري جم خاطر تكسره وجم جفن بالدمعه بات
مااريدن طاري بعدك ابلا طعم هاي الحياة
عايش جرح اغيابك
مغيم عمر احبابك
هموم ومحن
راح الحسن
————————————
كلف يعضيدي رحيلك ياغلاتك الله يدري
اغله من الهوه هذا الإبروحي والله يسري
كل صفاتك منها شنسه كل حنانك طول عمري
يلحسن اني حبيبك عنك يفرّقنه دهري
تكسر ظهر الخوه
بأيام المُره وحلوه
إلحزنك علن
راح الحسن
—————————————
اعليك ياكلب اليصابر يتقبل بهذا الغياب
ياعيوني شراح تنظر جبدك وبسمومه ذاب
إجود يبني امي بحسرتك وروحي سابيها المصاب
سمتك ايد الضغينه اتجرعت سم العذاب
جابو طشت لجبدك
ريته البيه العندك
بجبدي سرن
راح الحسن
—————————————
هل طشت غطي اخبرك خاف أخيتنه تشوف
بالطش تنظر جبدتي والهضم بيها يطوف
محنتي سهله تراها والاشد يوم الطفوف
بحيرتك باجر تشاهد تنهش بجسمك سيوف
باجر خيل تسحكك
باجر شمر يذبحك
وبصدرك جثن
راح الحسن
——————————————-
شلون بزينبنه خويه إبياكلب باجر تصابر
تفتر بوادي المصيبه ولا اخو بغربتها حاضر
عالنهر طاح الكفلها وطاحت ادموع النواظر
والسبي يصبح امرها تمشي بدروب المخاطر
والاكلف باجر زينب
تسبا وهذا الاصعب
اخلافك مشن
راح الحسن
علي موفق القزاز
مجموعة #ابوذيات لذكرى استشهاد #الإمام_الحسن عليه السلام..
🏴
🚩
#ويلاه
الحسن لمصابه جمر الروح.. ويلاه(وج🔥)
وتـراكـــم بالدِليــل احــزان.. وي الآه
اجت زينب تصيح ب آه.. ويلاه
يخـي كون بوسـط چبـدي الرزيّـه
....................................
#شبيها
الحسن للمصطفى الهادي.. شبيها (شبه النبي)
و روحـه تلـوج يا عـالــم.. شبيها ؟ (شنو بيها)
چبـده بنـار سـم قاتـل.. شب بيها
وتـگـطّـع چبــده من ســم المنيّـه
....................................
#ولما
يلـوج المجتبـى من نـار.. ولما (الألم)
الدهر مـيفيـد بيـه اللّوم.. ولما (نلومه)
يبـو محمـد تـرى السمّاك.. و الما
بنـى گبـرك شريـك بهـل الرزيّـه
....................................
#تراها
العقيله حسين هل حضرت.. تراها
و طشت الموت ما اريـدن.. تراها
الزمـان اعليهـا بهمومـه.. تراها
و من غاب النبي انحسبت سبيه
....................................
✍🏼علي نوري الحلفي
قصيدة في آلام ومصائب السبايا… لسان حال زينب ع تخاطب أخاها أبي الفضل العباس ع يوم الأربعين …
ـــــــــــــــــــــــــــــــــــــــــــــــــــــــــــــــ
اليوم إجيتك يبن أبـوي
ياكفــــيلي ويا أخـــوي
گوم ونظُر حالي
گوم ونظُر حالي
ـــــــــــــــــــــــــــــــــــــــــــــــــــــــــ
عالنــهر ظــال يــــكفّال چفوفك تنگطع
حسين مچتول والخيـول يدوسَن بالضّلِع
خويه من هجموا علينه خل أگلّك شنهو حَل
يبـو فاضــل آل أمــيّة أعلــونهـا بلا خَــــجَل
من إبن حيــــدر إجــينا ناخـــذ بثارك هُـــبَل
ذوله ما عدهــم شكيمة يا كفيـلي ولا وَجَـــل
خويه چتفوني بحَبل
ورَكّبــــوني ٱعللــهِزل
دمعي عالخد هالي
گـوم ونـظُر حـالي
ــــــــــــــــــــــــــــــــــــــــــــــــــــــــــــــ
أنــه أدريـــك أأذّيــك يخويه بشكوتي
ضاگت الحال والجبال تطـيــح ببـلوتـي
شردسـولف شردگولن عن مواجـع هالسفر
عَـين تنــظر عالعـيال وعين تنــظُر عالنّـحَر
والشمِر يحـدي بظـعنّه عگـب عينك يالگُمر
لو بچَت من عدنا وحدة خويه يرمُقها بنَظر
وسوطَه بمتوني ٱنطُبَع
لو بِـــسِم حـيدر سِمَــع
والحــزن يبرالي
گوم ونظُر حالي
ـــــــــــــــــــــــــــــــــــــــــــــــــــــــــــــــ
والشـــمر راد بالعـــنــاد يِذِلنـي وما گِــدَر
أشگف السوط والحجاب يِسِد عَـين الدهَـر
من عگب وجهك يكافل آنه صرت الكافلة
والنحور ٱعللرماح ٱتباري خويه القــــافلة
أنـدب حسين وأندبك عيــني بالدم هاملة
ٱتگـــطّع بدَلّالي چِـــلمة آه مِنّــــچ كربـلـه
ٱمن الشتايِم أنقُهُر
صابرة بهذا العِـسُر
گلبي حَن يالغالي
گوم ونـظُر حالي
ــــــــــــــــــــــــــــــــــــــــــــــــــــــــــــــــ
بطبّة الشام يضرغام ردِت يلفي الأجل
أذكُر الصّار بالحـجار رمـونا بلا خــجَل
إختك الچانت عليها ٱتخاف عينك تِـنــلِمِح
طَــرّت بسوگ آل أميّــة والنـظَر يذبح ذَبِح
ومن ينــعتونه بخوارج يابو فاضل أنـجرِح
آنه فوگ الناگة ألوجَن ونتَه راسك بـالرمِح
بيا وكِـت ديوان أطُب
وعالوجن مدمع أصُب
وبالمجـالس تالي
گوم ونظُر حالي
ــــــــــــــــــــــــــــــــــــــــــــــــــــــــــــــــــــــــ
جمـري لَهّاب والٱحباب جثَثها ٱمگطعة
إخت الحسين بـــلا دار غريبة ٱملـوّعة
آنه والـنـسوان نـــمنا بالـــخرابة المــؤلمة
والگلب نيرانه تسعر يا شِبِل حامـي الحِمه
لشوفتك إنتَ وحسين عيوني كاتِلها الظمه
ٱرقية حِضنَت راس أبوها گِلـنا ظلّت نايمة
رادِتَه وراحَـت إلَه
صورة ظلّت ماثِلَة
لَسّــــه تتراوالي
گوم ونظُر حالي
ــــــــــــــــــــــــــــــــــــــــــــــــــــــــــــــــــــــ
محمّلة ٱهموم يجـيدوم جفوني مـجرّحة
فكري مشدوه بالوجــوه رسالة ٱموضّحة
يابو فاضل بربعينك جايتك عگب الجَرى
والعِذُر منك سبية وحالي يصعب منـظرَه
اليوم رَدّينا ولَجِسمك خويه يرجع منحرَه
آنه جيـتك تبقى نايـم لو تِفِز هل يا تَـــرَه
ألثِــم ٱتراب الگـبُر
الله ينطيني الصّبُر
والـــهجُر چتّالي
گوم ونظُر حالي
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
المجلس (( 16 ))
بمناسبة الإمام الحسن المجتبى عليه السلام
من وزن التجليبه ( المربع)
ــــــــــــــــــــــــــــــ
يبو محمد ابنوحي ودمعي عاتبتك
يبعد اختك تريد اتروح عن اختك
ـــــــــــــــــــ
اختك وانت تدري بأختك شبيهه
متعلمه عليك وانت تدريهه
شلون بلا اخو انت تخلّيهه
تخلّيني اونن لا على بختك
ــــــــــــــــــ
يلتصبّح عليّه شما يطري فجري
يخويه وأعز من روحي وبعد عمري
خلافك بيّه اموتن انت مو تدري
هنا يل اسمي ابد لا ماترك شفتك
ياخويه الاخت تنظرهه اخوهه اتحب
وبليّاه نار بنص دليلي اتشب
شكّد صعبه الاخو عن اختهه ايغرّب
حنضل يومي خويه البيه ما شفتك
ــــــــــــــــ
يبو محمد انه زينب صعب حالي
تروح شلون وانت من الزينبك غالي
لا لتروح ها يا نبض دلالي
بهذا الحال تتلوّع فلا ردّتك
ـــــــــــــــــــــــ
يكَلهه دمعتج خلّيهه للعاشر
سهله اليوم والاصعب صدكَ باجر
لو شفتي علخيّج يسحكَ الحافر
وتنادي حسين خويه الحكَ البنتك
ــــــــــــــ
الشاعر محمد حسن ضيغم
قصيده فزاعيه رباط هوسه للحسن عليه السلام
ــــــــــــــــــــــــــــــــــــــــــ ـــــــــــ
المستهل 👇👇👇
وهاي اعمامتك/ ضلت يوالينه
يبو محمد بعد ماترجع علينه
ــــــــــــــــــــــــــــــــــــــــــ ـــــــــــ
وسفه شلـون شايل يانظر عيني
يـــبو جف السخيه لا تخليني
صعبه اخلاف عينك تخلص سنيني
(اختك ياخوها /ابقى وياها)
ــــــــــــــــــــــــــــــــــــــــــ ـــــــــــ
احنه اليوم مكسورين ياخونه
يمجانك عوض من راح ابـونه
خطارك اجو خـويه يــشدونه
(نشدونه /عنك خطارك)
ــــــــــــــــــــــــــــــــــــــــــ ـــــــــــ
هذه حسين محني ظهره عليك
والسم ماخذك يبن امي ماذيك
كـــون بروحي اظمنك وخليك
(ترد روحي/ من تبقي وياي)
ــــــــــــــــــــــــــــــــــــــــــ ـــــــــــ
السم ظاهدك ومتعبك حيـــل
انظر حالتك والمدمع يســـيل
على مصابك يخونه نصيح ياويل
(لو راح عضيدي /ياويلي)
ــــــــــــــــــــــــــــــــــــــــــ ـــــــــــ
رايح هاي هيه ها يبو محمد
ها يجبير اخوتي فدوه لاتبعد
بعد لجروح اخيتك ياهو ليضمد
(من تروح راح /تزيد الجروح)
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان عج
قصيدة فزاعيه مع هوسه للحسن ع
-------------------------------------------------------
لبو محمد حزنانه الدواوين
يا باب الكرم يبن الميامين
يا باب الكرم يبن اليضيفون
عليك اليوم محزن صبح الكون
و خطارك عليك اتهل الاعيون
وعليك اينوح هذا ويبجي الحسين
( ينعالك .. حسين ابن امك )
يبجي حسين متخوصر لخيه
و اجت زينب تون و اتصيح هيه
شايل يا ضمدنه ابدون جيه
ما نرهم بدونك يا ضوه العين
( فلاها .. العشره اويانه )
فلت عشرتك يا خال الاولاد
يوم هدم حيلي و فت الافاد
احا يايوم اخونه لا مينراد
مثلك ما يصح يالگلبك احنين
( ويانه .. و انريدك هيبه )
يا هيبة اخوتك يابو الزود
عليك النوح يحله يبن الاحيود
ميعود الزمان اوياك ميعود
بعد شيعودها ايامك و الاسنين
( شيعوده .. ياوكتك خويه )
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
نعي للحسن المجتبى مع حديث
من ديوان #مواجع_الطف_الجزء_الثاني
المصيبة:
خرج الحسن عليه السلام إلى المدينة، ولم يزل معاوية يعمل الحيلة في قتله، حتّى دسّ السّمّ إلى جعدة بنت الأشعث زوجة الحسن، وقال لها: اسقيه، فإذا مات زوّجتك ابني يزيد، فلمّا سقته السّمّ جاءت الملعونة إلى معاوية، فقالت: زوّجني يزيد. فقال: اذهبي فإنّ امرأة لا تصلح للحسن بن عليّ، لا تصلح لابني يزيد
وعن ابن بابويه، بإسناده عن جنادة بن أبي أميّة، قال: دخلت على الحسن بن عليّ بن أبي طالب عليه السلام في مرضه الّذي توفّي فيه، فالتفت إليّ، فقال: والله، إنّه لعهدٌ عهده
إليّ رسول الله صلى الله عليه وآله وسلم، إنّ هذا الأمر يملكه اثنا عشر إماماً من ولد عليّ عليه السلام وفاطمة، ما منّا إلّا مسموم أو مقتول, ثمّ رُفعت الطّشت واتّكىء، قال: ثمّ انقطع نفسه, واصفرّ لونه, حتّى خشيت عليه، ودخل الحسين عليه السلام والأسود بن أبي الأسود، فانكبّ عليه حتّى قبّل رأسه وبين عينيه، فقال له الحسين عليه السلام: ما لي أرى لونك مائلاً إلى الخضرة؟ فبكى الحسن عليه السلام، وقال: يا أخي لقد صحّ حديث جدّي فيَّ وفيك: "أمّا خضرة قصر الحسن، فإنّه يموت بالسّمّ، ويخضرّ لونه عند موته، وأمّا حمرة قصر الحسين، فإنّه يقتل ويحمرّ وجهه بالدّم". فعند ذلك بكيا، وضجّ الحاضرون بالبكاء والنّحيب
وبينما هو يكلّمه، إذ تنخّع الدّم، فدعا بطشت, فحمل من بين يديه مملوّاً ممّا خرج من جوفه من الدّم، فقال عليه السلام: أجل دسَّ إليّ هذا الطّاغية من سقاني سمّاً، فقد وقع على كبدي8 فهو يخرج قطعاً كما ترى. قيل له: أفلا تتداوى؟
وهكذا أخذ السّمّ في بدن الحسن عليه السلام مأخذاً كبيراً، وكان رأسه في حجر الحسين عليه السلام، وهو يقذف بين الحين والآخر أحشاءه في الطّشت قطعة قطعة. بينما هما كذلك، وإذا بالحنين والأنين خلف الباب، وإذا بالعقيلة زينب، وباقي الهاشميّات، جئن لعيادة الحسن عليه السلام، فالتفت إمامنا الحسن إلى أخيه الحسين، وقال: "أخي، أبا عبد الله، نحِّ هذا الطّشت عنّي، لئلّا تراه أختنا زينب".
•───✧◐◐✧───•
يحسين شيل الطشت عني
خواتك يخويه يشوفني
شكلهن بعد لو ناشدني
•───✧◐◐✧───•
شحچي وشكول لحالتي هاي
مسموم والسم كطع حشاي
وياهن شلون يصير ملكاي
•───✧◐◐✧───•
يحسين وانت اعلم بحالي
انا مودع الدنيا والغوالي
المكتوب ومقدر جرالي
•───✧◐◐✧───•
يجاوبه الحسين….
يبو محمد يخويه مودع الله
رايح بعد خلصت العشره
والفاكد اخيي انكسر ظهره
•───✧◐◐✧───•
ظهري بروحتك خويه كسرته
وچبدك بالطشت من يوم شفته
ذاك الموادع ماحملته
•───✧◐◐✧───•
ففتح عليه السلام الباب، بعدما أخفى الطّشت، فدخلت زينب عليها السلام صارخة: "وا أخاه، واحسناه".
أنا لا أدري أيّ الطّشتين أعظم على قلب زينب عليها السلام؟! هذا الطّشت الّذي رأت فيه أحشاء أخيها الحسن عليه السلام أم ذلك الطّشت الّذي رأت فيه رأس أخيها الحسين!
لا شكّ أنّ الطّشت الثّاني أشدّ أثراً، لأنّها عندما رأت الطّشت الأوّل، كان أهل بيتها إلى جانبها، بينما عندما
رأت الطّشت الثّاني، لم يكن معها من حماتها حميّ، ولا من ولاتها وليّ، بل كان الأطفال حولها، اليتامى، الأرامل، والأفجع من هذا، أنّ يزيد (لعنه الله)، كان بيده عود خيزران، يضرب به شفتي أبي عبد الله الحسين! لمّا رأت عليها السلام هذا المنظر، صاحت: "وا أخاه وا حسيناه، يا بن مكّة ومنى، ويا بن زمزم والصّفا! أخي، أهكذا يصنع برأسك بعد القتل، يا حبيب رسول الله؟!"، فبكى الحاضرون لندبتها.
•───✧◐◐✧───•
ماكو مثل كسرت الخوان
عليهم اون والكلب حزنان
والحيل عكب اخواني ركدان
•───✧◐◐✧───•
يكتل يومهم مابيه حيله
عزيزين والغيبه طويله
يخوان روحي امست نحيله
•───✧◐◐✧───•
عجزان من الظيم كلبي
من يومهم ماشوف دربي
هم العليه اشكي لربي
•───✧◐◐✧───•
اون للحسن لو اون للحسين
من اذكر اسمهم تدمع العين
صبحو بالمكبره منومين
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
ياسبط طه الامين .. وا معز المؤمنين
يابن لطهار .. يابن لطهار
@@@
آية الله وروح طه وگلب امه فاطمه
وباب الله والوسيله وضنه حماي الحمه
ليش جعده بنت لشعث ليه چبده اتسممه
وابأمر طاغي زمانه گلب طه اتألمه
…
وبالسمه نوح اونين .. وا معز المؤمنين
يابن لطهار .. يابن لطهار
@@@
هاللي چفه كلها جود وغطت ابخير البشر
واللي علمه وحي لله ومنزل لسيد البشر
واللي من وجهه الخليقه نوجدت ابر وبحر
وشعجب صايم فطوره منه دلاله انفطر
…
وهو حبل الله المتين .. وا معز المؤمنين
يابن لطهار .. يابن لطهار
@@@
ضاگ بالدنيه مراره وعاش غصه اعله الغصص
و بالهضيمه گضه عمره التعجز اتوصفه القصص
الزاد عز اهل الهدايه وبيه عزهم ما نقص
لسمه كل طاغوت رايد يغتم بيه الفرص
…
وعالهضم تمشي السنين .. وا معز المؤمنين
يابن لطهار .. يابن لطهار
@@@
واجه ابعمره المآسي وضاگها ابضيم ومحن
والى حد اليوم شبر ملتضي ابنار الفتن
شاف جده يلوج بالسم تالي ضلع ام الحسن
وطبرة الكرار جرح ابمهجته طول الزمن
…
هامه وضلوع وجنين .. وا معز المؤمنين
يابن لطهار .. يابن لطهار
@@@
ومن تولى ابناس صعبه خالفة حكم الامام
واجبروه ابصلح حتى تالي طعنوه ابحسام
وسلبوا فسطاطه وادم شانت اعليه الكلام
ومكتفوا حتى ابمماته نعشه طگوه ابسهام
…
آه عالفخذ الطعين .. وا معز المؤمنين
يابن لطهار .. يابن لطهار
@@@
عاش بالدنيه مراره اتخلي گلبه ينفتت
والامر مو بيده حتى انگول منه منفلت
السم قاسي كالاسيد الجوف منه ينسحت
و گطع چبده من سُعاله تارس بالدم بالطشت
…
بالطشت چبده تبين .. وا معز المؤمنين
يابن لطهار .. يابن لطهار
@@@
الى هذا اليوم باقي منظلم سيد الشباب
وابد ماچنه امام ابحالته وعدل الكتاب
هذا گبره ابلا ضريح ولا مقام ولا قباب
واليزوره من بعيد ابلا شواهد عالتراب
…
والضريح امهدمين .. وا معز المؤمنين
يابن لطهار .. يابن لطهار
@@@
علي أحمد الحمود
١١-٨-٢٠٢٤
شهادة المجتبى ع