7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نعي للوداع
~
لميت اخوتي ودعتهم
للموت يازهره جبتهم
يوصون يحبيبه بحرمهم
~~~
تصبرين ياروحي وجويه
وتوادعين أهل الحميه
وباجر يهلنه شلون بيه
ام ✍️ علي الموسوي
💔💔💔💔💔
ياروح كولي اشكد تصبرين
يصعب عليج اوداع الحسين
احجّي ويه خوتي لاتنامين
~~~
يحسين احس باجر غريبه
والصبر گلي، امنين اجيبه
گلبي، فلا يبطل لهيبه
ام ابراهيم الحلفي
💔💔💔💔💔
باجر ييمه اتهد مصايب
وحده على وحده النوايب
اتفسر جبل فركه الحبايب
~~~
كلبي جلد وحدي احملتها
يروح الكفل واني اكفلتها
متغسله ادموم وعفتها
✍ام اسعد الشمري
💔💔💔💔💔
يمه كتلني افراگ الوداع
وخلافهم کلشي حلو ضاع
ظيمي لفاني ابگلبي اوجاع
___
ماريد اودعكم يالخوان
منهسه گلبي صبح حيران
وباجر اصير ابين عدوان
✍🏻 ام زينب الأسدي
💔💔💔💔💔
تمنيت باجر يمّي أمي
ولها البچي واللطم سهمي
وتعيني عالجرى وهظمي
~~~
يا ريتها تشاركني بلواي
عالمنذبح ما شارب الماي
وبخيلهم طاحنته اعداي
✍🏻العلوية أم منتظر
جمال الدين
💔💔💔💔💔
عين العمه يعزاز گلبي
من ودعوني تاه دربي
هالوداع ماريده ربي
__
صبر عليه يا ابن امي
وگلي يخويه لاتهمي
گلبي انفطر والنوح سهمي
✍🏻 ام زينب الأسدي
💔💔💔💔💔💔💔
تم بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
قصيده للوداع
~~
اروحن وين .....باجر من تطيحون
بس نسوان بارض الطف تخلون
~~~~
باجر وين اوديها النساوين
باصرني يبعد الروح يحسين
ردني لديرتي يبن امي هالحين
خاف علينه عدوانك يهجمون
ام ✍️ علي الموسوي
🔰🔰🔰🔰🔰🔰
يهجمون العده يحرگون الخيام
وتفر الحرم وتفر، الايتام.
بين الگوم. خويه اعيالك اتنام
تدري اعداك خويه مايرحمون
خادمة اهل✍️ البيت ام ابراهيم الحلفي
🔰🔰🔰🔰🔰🔰
من بعدك يخويه اتهيم العيال
شلون ابحالهم من رجب الجمال
تعل يحسين خويه وشوف الطفال
زغار من الضرب كلهم يخافون
✍️الشاعره كريمه البو حلوه
🔰🔰🔰🔰🔰🔰
لارحتو يوالي منهو وياي
بديار الغرب وتهيل عيناي
بس عليل عندي مالي حماي
وكبالي اشوف اخواني يونون
✍️ام كرار مناذره
🔰🔰🔰🔰🔰🔰
اخاف من الصبح لوهل عليه
اظل بلاولي واصفج بديه
عمله عملتج يالغاضريه
باچر عالرمل اهلي يصبحون
✍️العلويه ام منصور
🔰🔰🔰🔰🔰🔰
درب اليسر خويه بعيد عنكم
وظل يحسين دوم انه باملكم
وانه الغاليه وعمت ولدكم
كفيله عيالكم وحدي و ترحون
✍️ ام محمد الساري
🔰🔰🔰🔰🔰🔰
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
ليلة الوداع 2024
آخر ليله يمنه. نشكيله بألمنه
باجر من يلمنه. لو حركو خيمنه
عكب أهل الحميه أعظم كل رزيه
ما بين آل اميه مهضومة وسبيه
____
يالفواطم گومن امشن. لخيمة ابن امي السمح
هذه آخر ليله بيها نشوفه باجر ينذبح
خل نودع حسين اخونه ومانعوفه
نسهر وياه للصبح كعبه ونطوفه
يمنه بس هالليله باجر ما نشوفه
خل نودع حسين ابو الروح العطوفه
نشكي بدمعة العين. كلنه بخيمة حسين
لمن تهجم الخيل. نشرد نتّجه وين
نسأل عن وضعنه ياهو اليبقه النه
ياهو اليدري بيه. مهضومة وسبيه
____
ندخل الخيمه بدمعنه. نكعد گبال الامام
نودعه بدموعه المصيبه. ونختصر باقي الكلام
نگلّه باجر لو عفتنه شلون بينه
آل اميه خيمنه تحركهن علينه
كل ستر ما يبقه باجر بس عبينه
شلون لو چتفوا يبوالاكبر ادينه
باجر جم مصيبه. بعيون الغريبه
راسك من تشوفه. والجثه سليبه
لا يطلع صبحنه. لا ينزف جرحنه
صعبه الهاشميه. مهضومة وسبيه
____
طبّن لخيمة اخوهن. زينب وكل الحرم
ابواليمه ستقبلاهن. حچن بدموع الألم
صدك باجر تنذبح وتسحگك الخيل
عالرمح راسك نشوفه ودمك يسيل
لا فكر لا راي عدنه ولايضل حيل
خويه من يجمع شملنه لو يجي الليل
بذبحك ياولينه. احسبنه انسبينه
عالهزّل سبايا. نتستّر بدينه
ترضاها العقيله. عالناگه الهزيله
التشبه للزجيه. مهضومة وسبيه
____
لا تلچمن گلبه كافي. حسين مجروح الگلب
گومن امشن للكفلنه. وجابنه بطول الدرب
گومن امشن نعتني لعباس اخونه
شلون بينه انگله باجر يبن ابونه
آل اميه لو طحت كلهم يجونه
تقبل يسلبون بينه الحاربونه
ونشوف الفجيعه بچفوفه الگطيعه
يوگع راسه مهشوم. باجر عالشريعه
يقبل كمر هاشم. يسبون الفواطم
اخته الفاطميه. مهضومة وسبيه
____
من سمع عباس اخوهن. غضب وهتز اللوه
گلها يا زينب ابشري. إلا زلزل نينوه
آنه كافل خدرج وحامي الفواطم
بكربله مو ملحمه اصنع ملاحم
إلا اترس گاعها جسوم وجماجم
يختي زينب وآنه كدها كمر هاشم
صاحن يا گمرنه. تسلم يا ذخرنه
مادام انت عايش. نتباها بخدرنه
لكن من نفگدك نفكد عزنه بعدك
والأكثر اذيه. مهضومة وسبيه
سيد زيد الفحام
__________
نزلة/ ليلة الوداع. 2024
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠
كل جرح لابد اله فتره ويطيب
إلا جرح الرايد يودع حبيب
واني هاي الليله بجروحي اشيب
راح اودع حسين بدموع ونجيب
يهضم وكلش صعب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع حسين يا عالم شگول
ودري باجر تسحك بصدره الخيول
ريت ليل العاشر اعلينه يطول
ولا يروح حسين والهيبه تزول
اول جروح الحرب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع الكافل وحامي الظعن
چفوفه يم شاطي النهر يتكطعن
كبل ابوالغيره يذبحوني عسن
ولا اشوف چفوفه دم يتسايلن
خَلّه دمعي دم يصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اوداع اخوتي ليلة جرح
راح أظل سهرانه وبچي للصبح
باجر ابن امي وحبيبي ينذبح
وراس اخويه حسين ينشال برمح
بسمه بعيون الغرب جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
آنه مو أي مره زينب بت علي
من يعوفوني خوتي منهو الألي
جابني العباس گلّي ادلّلي
لا تعوفيني غريبه يا هلي
يعصر دموعي غصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله ملتم الشمل
كلها باجر تنذبح حتى الطفل
والمصيبه الكبره والماتنعقل
انسلب ياوسفه ونجر بحبل
علّتي بطول الدرب. جرح الوداع
اعظم جروح الگلب. جرح الوداع
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لطميه كعده اليلة الوداع
ودعت اخوتي ابهاي المسيه والدمعه جريه
عساه الصبح لا يجبل عليه والدمعه جريه
.........
ياليل افراكنه لاتكضي ابساع
من وجه الاحبهم اشبع اوداع
انضر لبوفاضل والصبر ضاع
ويوصوني على سكنه ورقيه . والدمعه جريه
.........
يعيني اليله سهري ولا تنامين
وشبعي شوف من عباس وحسين
وعزاز الكلب باجر مرحلين
بفراكهم اصيح اشلون بيه. والدمعه جريه
...........
صعب يوم الموادع هدم الحيل
يصبح الشوم بيك اخواني اتشيل
اصدن عالحسين ومدمعي ايسيل
باجر همتج يالهاشميه . والدمعه جريه
........
اسمعي وصيتي يعزيزت خواتي
وصي يابعد روحي وحياتي
يزينب خلي عينج من بناتي
باجر من اطيح عالوطيه. بالدمعه جريه
........
وبعد عندي وصيه يم الاحزان
لوشفتي النحر كطعته العدوان
والعباس يبكه بغير ذرعان
وتمرين الضعن عالعلكميه . والدمعه جريه
.......
.✍ام زينب كربلاء غير مبري الذمه من ياخذ الكلام وينسبه له او يحذف الاسم
في ليلة 10 محرم (نزلة)
يحُرَّه اشلون بو اليمه تِوَدْعين ؟!
&&&&&
ابآهات الكلب لو مدمع العين ؟!
ابوِداعه ليش بس صدره تبوسين ؟!
او نَحْر احسين ليش اِنتي تِشِمِّين ؟!
من مُهْره يِكَع باجر تشوفين
او عالغبره يِظَل مرمي تنظرين
اثنعش طبره يِطَبْره صارم البين
الشمر بالسيف يكطَع نَحْرِ لِحْسين
اِبْصَدْره سَهْمِ لِمْثَلَّث تِصِدِّين
او يِطَلْعه امن الظَّهَر و انتي تِوِنِّين
تِدُوْسه باجر اخيول الملاعين
او يِكِطْعون الصِّبِع و اِيْصَوْبُوا لِجْبين
كثره اجروحه يا جَرْحِ التِشِدِّين ؟!
يموت او حُوله تتنازَف قرآئين
او مسبيه بَعَد بو اليمه تَمْشِين
على الهِزَّل يزينب هَم تُرُكْبِين
او مَتْنِج يِضْرُبونه ابسوط تِدْرِين
او يِوَكْفُونِج يَحُرَّه ابنُص دِواوين
او على اِتراب الخَرايب لن تِنامين
يزينب كلمَةِ (المهيوبه) تِنْسين
بِدْروب السَّبِي لا لا تِنَخِّين
(لا عباس يبرالِج وَ لا احسين)
اِشما طال الدَّهَر إنتي تِظَلِّين
(آيه احسين و امصابه) تِصِيْحِين
&&&&&
خادم زينب (ع) : إبراهيم الدريس
باجر ياشمسنه ارجوج غيبي لو سرج مهره
گبل لا تركض النــــــسوان بيهه النار مستعره
بلكت من يطــــيح حسين ظلمه ونوصل النحره
نودعه وداع مال خوان
گبل لا يــــصعد الدخان
من خيامــــــنه ونحتار
صلفها عيونها العدوان
غيبي ويلــــــظهر باجر
گبل لا يوصــــل الحافر
الظلع حسين وحنه هنا
خلافه ونكــسر الخاطر
باجر ياشمسنه ارجوج غيبي ولا تخليني
اشوفن رايت العباس فوگ الكاع وبعيني
اذا طاحت يطيح السور والعدوان توليني
اذا طاحــت تره الرايه
تجينه الخــــيل عنايه
نضل ايــتام والعدوان
عدهم اهاي اهم غايه
اذا غــــــبتي رحمتينه
ماشــــــوفن سهم عينه
ولا شوف العده يفزعون
كون نگــــــطعت يمينه
باجر ياشمس تدرين عبدالله يظل ضامي
بلكت لو ظــــــلام تصير ماينذبح جدامي
بحضن حسين ماينشاف. نحره منلسهم دامي
اذا غبتي السهم يخطي
حسين بحضنه ويغطي
ماينــــشاف نحره بليل
بلكــــــت ماي هو يطي
روحئ بــيچ هي ارهينه
غيــــــــبي ولا. تذبحينه
ماريدن يشــوفه حسين
سهم يگطــــــــــع شراينه
باجر ياشمس تدرين سموم ولهب مايرهم
رمل حار ويجوي اجساد حدر الكاع ماتنضم
حوافرهم عليه دوس شنهو وجا بعد العضم
بمغيــــبج خنصره يسلم
ولا شوف عله نحره الدم
ولا حافــــر يدوس ظلوع
ولا جــــــــــدامي يتهشم
باجر والــــــــــسلب يومه
حسين مــــــسلبه هدومه
ردناهه ظــــــــــــلام تصير
وكلمن يحــــــــفظ همومه
ابو سلام الجابري
نزلة للوداع
****
صعبه هالليله تنحب العيله
بالخيام
اموادع الخوه واهل المروه
بالخيام
***
زينب تودع اخوهه واحله السنين
تكله هاي الليله آخر ليله يحسين
كلهه لاتبجين زينب صبري العين
كلبي مايحمل دمعتج وانتي تدرين
دمعج الغالي يبدل احوالي
بالخيام
روحي الج فدوه واهل المروه
بالخيام
***
راحت لكافل خدرهه تودعه تريد
تكله راح امشي يخويه عنك بعيد
ويه جتالك سبيه وحبل بالأيد
واوكف بديوان أميه بمجلس يزيد
أحسب حسابي افكد احبابي
بالخيام
بناري اتجوه واهل المروه
بالخيام
***
ليله للأكبر تكله شلون انساك
ياشبيه الهادي يبني صعب فركاك
واحد امك ياحبيبي وكلبي ناداك
لاتعوف امك غريبه بولية اعداك
تبجي تتحسر اتقبل المنحر
بالخيام
عالصبر كوه واهل المروه
بالخيام
***
رمله صاحت ياعمود الخيمه جسام
يمه مااصبر بدونك كلبي ينضام
شلون اعيش العمر بعدك واكضي الايام
والعرس والزفه باجر نبله وسهام
شبكته وصاحت ونت وناحت
بالخيام
بلوتي بلوه واهل المروه
بالخيام
**
والرباب تشوف ابنهه اتودعه تكوم
عالمهد نامت تحضنه اتشم الهدوم
يبني ياعبد الله اشبع منك اليوم
باجر تروح من اديه بسهم مفطوم
تسبح بدمك يابعد امك
بالخيام
ضامي تتلوه واهل المروه
بالخيام
**
أم علي
لطمية للوداع
لملمتهم بت علي وتصيح الوداع
باجر تروحون مني لرملة الگاع
لمت اشبول الهواشم وسط الخيام
صاحت الاكبر يجيها فخر الاعمام
وكلهم التمو عليها حتة جسام
گالت امعوذين بالله اولادي الاسباع
باوعت عاليمنة كاعد رفعة الراس
وهية كلما رافعت الجفين تنباس
بطل هذا اللازم المتنين عباس
هذا هو الدوسة منة تزلزل الگاع
تصد عليمن عينها احتارت الحرة
يمها كل فرسانها الناظر تسرة
مدري للخوان زينب تهل عبرة
لو لولاد اخيها الحلوة الاطباع
اتصب بدموعها ام الحزن كامت
صاحت يالكفيل اختك احتارت
كبل وداعكم تتمنة ماتت
ولا من گولت الله وياكم ارتاع
صاحت صوت ها زهرة تجيني
دار الدور اودع نظر عيني
ابو السجادكل لحضة يجيني
يريد يوصي بية حسين هالساع
كتلة لاتوصيني يذخري
لو انة جبل هم زال صبري
من عگبك عسا لاعشت عمري
وكبلك باجر تشوفوني عالگاع
تمت
العلوية فضيلة هاشم الموسوي
بَاچِرْ مُصَابْ
بَاچِرْ عَذَابْ
لَمَّنْ أَنَامْ
فُوگِ التُّرَابْ
هَايِ الْمِسِيَّه دَمْعَه جِرِيَّه
مْوَادَعْ حَبَايِبْ بِالْغَاضِرِيَّه
بِينِ الْخِيَامْ
صَاحِ الْإِمَامْ
زِينَبْ تَعَايْ
يَا امِّ الْحِجَابْ
نَادَاهَه يَخْتِي گُرْبَتْ مِنِيْتِي
خَلِّينِي اسُولِفْ قِصَّةْ ذَبِحْتِي
أَبْگَه وَحِيدْ
نَاصِرْ أَرِيدْ
بِينِ الْأُلُوفْ
عُگْبِ الصِّحَابْ
ظَامِي أَحَارِبْ هَايِ الْكَتَايِبْ
لَاچِنْ أَطِيحَنْ فُوگِ التِّرَايِبْ
يَخْتِي جَرِيحْ
كَلْفَه أَطِيحْ
وَاتْمَنَّه لُو
گَطْرَةْ شَرَابْ
لِا تِنْظُرِينِي لَمَّنْ يِجِينِي
وِبْصَدْرِي يِرْفِسْ لِا تِحْضَرِينِي
شِمْرِ اللَّعِينْ
أُمْنَه يِهِينْ
يِلْزَمْ گُفَايْ
شِمْرِ الضَّبَابْ
مُو بِيدِي امِنْعَه نَحْرِي يِگِطْعَه
وِبْرُمْحَه تَالِي رَاسِي يِرُفْعَه
دَمِّي يِسِيلْ
جٍسْمِي جَدِيلْ
مِنِّ الْوَرِيدْ
يِجْرِي الْخِضَابْ
عُگْبِ الْمِنِيَّه بِالْأَعْوَجِيَّه
هَمْ يِسْحَگُونِي فُوگِ الْوِطِيَّه
عَشْرَةْ خُيُولْ
تِسْحَگْ تِجُولْ
عَارِي أَظَلْ
وِبْلَا ثِيَابْ
نِادِتَّه زِينَبْ گَلْبِي تِعَذِّبْ
يَا خُويَه بَاچِرْ خِدْرِي يْتِسَلَّبْ
إِنْتَه تِرُوحْ
وَآنَه الْجُرُوحْ
بِيَّه تِعِيشْ
نَارِ وْعِتَابْ
الشاعر حسن خنافر العاملي
#طور_انتي_أمي_انتي_بويه
#ليلة_العاشر
#لطم
#حوار بين السيدة زينب ع والإمام الحسين ع
هالله هالله.. شلون ليله .. زينب تنادي هلي
باكر افقِدهم .. ذبايح .. وابقى وحدي ابلا ولي
ليله هاي البيها ونّه وصار الِموادع صعب
انظر لوجهك يخويه و جمره بخدودي التصب
باكر برمحه الظبابي يدفع اختك عالتُرب
والشّماته تحيط بيّه تنادي هاذي بت علي
خويه ادري عن محرّم وانا من زغري استمع
لأمي من جَتها المنية صارت تسولف دمع
بعاشر اتشوفي اخُوك بكربله من ينصرع
ومنه مكسورة ضلوعه معفّر بذيك الخلي
قام ضَمّها حسين ويلي وراد يحكيها بأمر
تظلّي يختي بلا كفيلك طايح بطرف النّهر
مقطعة كفوفه رميّه ومنّه مصيوب النّظر
ويَالشمر تالي سبيّه والصوت إله تعتلي
#طور الفراق
آيزينب عنه تمشي اتودعينه
آيزينب عالهوازل تندبينه
آيزينب والشّمر يحدي الظعينه
#نادت اذاً ردنا الى حرم جدنا رسول الله ، قال : هيهات لو ترك القطا لغفى ونام💔
آيخويه .. شخصي باكر ينظرونه
آيخويه .. وصوتي باكر يسمعونه
آيخويه .. مدري وين الياخذونه
رِدنه رِدنه .. نرجع لديرة اهلنه
رِدنه رِدنه .. خويه مشتاقه لوطنه
رِدنه رِدنه .. نشتكي للزهره أمنه
🖊خادمة أبي الفضل
*ليلة العاشر يعني…*
ليلة العاشر يعني… دمعة وي دمعة تسيل
ليلة العاشر يعني… زينب تودْعِ كفيل
ليلة العاشر يعني… ومدمع الحرّه يسيل
ليلة العاشر يعني… تبچي زينب عالغريب
ليلة العاشر يعني…تودع الليله الحبيب
ليلة العاشر يعني…تبدي آهات نحيب
ليلة العاشر يعني…تسعى زينب بالخيام
ليلة العاشر يعني… ظلها وَي ليل وظلام
ليلة العاشر يعني… تودع الحورا الإمام
ليلة العاشر يعني… عبدالله نحره منفطم
ليلة العاشر يعني… باچر يصيبه السهم
ليلة العاشر يعني… تْوَدْعه أمه بالخيم
ليلة العاشر يعني… جاسم خضابه التراب
ليلة العاشر يعني… وحنته من الدم خضاب
ليلة العاشر يعني…ليلى ناحت عالشباب
ليلة العاشر يعني… تقبّل چفوف الگمر
ليلة العاشر يعني…الكافل بجنب النهر
ليلة العاسر يعني… زينب تروح بأسر
ليلة العاشر يعني… والشمر فوق الصدر
ليلة العاشر يعني…والسهم وسط الصدر
ليلة العاشر يعني… حسينها مفري النحر
ليلة العاشر يعني… راس الحسين برماح
ليلة العاشر يعني…والجسد كفنه الرياح
ليلة العاشر يعني…غسله من دم الجراح
نعي ليلة الوداع.. ليلة العاشر ..
آه ياليلة وداع الغالي
بس بالموادع بقت آمالي
لمي يازينب عليه عيالي
خل اودعكم واريح بالي
..............
آه ياليل الوداع شگد صعب
اخذ روحي وداعك وذاب الگلب
شلون بيه باجر بصحبة غرب
بدون عباس شيخلصلي الدرب
............
زينب بالموادع مانسوهه
اجو اخوتهه للخيمه اعتنوهه
زينب بت علي تبجي لكوهه
عليمن عالنواعي ناشدوهه
............
اجو لام الحزن عباس وحسين
للخيمه اجوهه همه الاثنين
من شالت نظرهه وشافت الزين
صاحت هله بيكم ياضوه العين
............
تگل الهم هله بسباح گلبي
هله بعيني التدليني عله دربي
شالت راسهه وصاحت يربّي
الهي شلون بيه بدون اخوتي
..............
زينب تعاين لعباس الكفيل
ساكته ودموعهه عله الخد تسيل
تگله باجر ما اشوفك مستحيل
من اصيحن ماتجاوب صوتي
............
الخيمه جانت ظلمه وشويه الضوه
تشابگو ودموعهم خلطن سوه
خل اشمكم حيل ماريد الهوه
انتو روحي ودنيتي وآمالي
............
عله هونج ياعزيزتنه عله هونج
تاذينه تره دمعة عيونج
عونج باجر عالالم عونج
الج باجر يبقه ربنه العالي
............
تگله لحسين ياخويه وصيه
الك عندي امانه من الزجيه
كالتلي لون تدنه المنيه
نفذيهه الوصيه وموش تنسين
............
گالتلي يزينب شمّي نحره
وبوسيلي اخيج فوگ صدره
وانظريلي عله عيني شلون نظره
نظرة وحده راح يموت ابنهه
............
سيد علي المدنيخادمة آل محمد✍🏻
قــصـيده لــوداع الامـام الحـسـيـن ع
الـــيــوم اوداع وي اهـــل الحميه
بـاجـر بـس جـثـث فــوك الـوطيه
اليوم اوداع وي زينب المهضومه
تـعـوف خوانها مذبوحه بالحومه
الـلـه يساعـدج عالسبلو اهدومه
تـهـل دمـعـاتهن عـالوجن مجريه
التـمـو بالـخـيـم هل حان الاوداع
ويــا كــلب الـعقـيـله حـيل مرتاع
بـاجــر عـالـتـرابه تـضـل الاسـباع
وي عـبـاس هـاي الخــوه مكضيه
صــار اوداعــهــم والـحـره حزنانه
كــلــهـا تـنـذبـح الحسين واخوانه
تـبـجـي الـيــل زيـنـب كله تعبانه
تــمـشـي خلافهم عالنوك مسبيه
طــب حـسـيـن ودعـهــم الاعـيال
تـتـباجــه اليـتــامه بـدمــع همال
حـسـره بلـكلـب لامـن حجه وكال
عـكـب وداعـهـم مـاضـل عزم بيه
انفل حـزام ابو اليمه انـهدم حيله
بــاجــر بــالهـيــم تركـض مداليله
وراســه عــالـرمح مذبـوح ويشيله
حــان افــراكـهــم مـن غير وعديه
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره العلويه ام كنـــان الهاشمــي
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ع
قصيدة ( ليلة العاشر محرم الحرام 1446)
( من يواسيني )
ليلة العاشر هاي .. من يواسيني
تحترك باجر خِيّم .. وعالنهر سَيّد الماي
من يواسيني
------------------------
اني زينب يادهر .. ماشفت راحه .. لا تعذبني
لو رحل عني الكمر .. غاب مُصباحه.. ما تشاهدني
يامصيبه هالشهر .. تنزف اجراحه.. والله تفجعني
جم ذبيح وعطشان .. اتشوفهم عيني
مابقى عندي إمل .. تنذبِح كُل الإهل
لاكفيلي ورجواي .. من يواسيني
-------------------------
شلون ياليل الألم .. بالله حاجيني.. اني محتاره
وبدليلي جم سَهم .. من يحاميني .. ساعة إخطاره
والخيم هاي الخيم.. انظر بعيني .. تشتعل ناره
امن الصُبح هاي النار .. والله تاذيني
آه ياليل القَدر .. صابني سَهم الدهر
باجر وماكو افياي .. من يواسيني
------------------------
والفواطم تنتظر .. ماتنام اعيون.. الليله سهرانه
والصبر ضاع الصبر .. بالغريبه شلون.. ليش حزنانه
والكلب يلهب جَمُر .. باجر يعطشون.. منهو ويانه
عكب عين العباس .. من يحاميني
لو مِشه راعي العلم .. تعطش اطفال الخيم
بالعطش مات اضماي .. من يواسيني
---------‐---------------
كربله يوم الضِمه .. جمرة احزاني.. ما تفاركني
ياجروح ويا دِمه.. تنزف اخواني.. من تِشيبني
ياعلي يافاطمه .. حايره اني .. وشكبر حِزني
ياهلي اني أم عون .. دارت اسنيني
يافاطمه إندعي .. ياعلي يهل مدمعي
شكد صحت اني هواي .. من يواسيني
-------------------------
الخيل بالعاشر تره.. تسحك الإطفال.. تنظر اعيوني
والظلوع إمكَسِره .. ياصبُر ياحال .. لو تِنشدوني
جم نحر فوك الثره .. والدمع همال .. ينخطف لوني
الخيل آه امن الخيل .. تسحك احسيني
ظَهره باجر ينكسُر.. يرجع وخالي المُهر
بالطف غُربه دنياي .. من يواسيني
-------------------------
الخادم _ ابو فدك الشامي ✍
على لحن ( سدوا الماي الماي )
لطميه ليلة الوداع ليلة العاشر من المحرم الحرام
➖➖➖➖➖➖➖
الليله وداع وي أهل الكرامات
زينب لجل اهلها اتسيل دمعات
➖➖➖➖➖➖➖➖➖
زينب لجل اهلها امساهره الليله
مذهوله ودمعها من دم اتسيله
تبجي والحرب عزفت. مواويله
كلبها عالاخو من الحزن مات
((اتودعينه //كل غالي الليله ))
خادمة اهل البيت ام ابراهيم الحلفي
➖➖➖➖➖➖
اليوم وداع وياكم يل حباب
مايبطل يدمع العين سجاب
هم ضلو ضحايه فوگ التراب
من وداعكم بالگلب كسرات
((وياكم هاي اخر اليله ))
العلويه ام علي
➖➖➖➖➖➖
للوليان زينب حيل مابيها
اليوم بياگلب اتودع اهاليها
باجر عالترابه يضل واليها
حكهه من تون لاهل المروات
(الواليها//وتهل الدمعه)
✍️ ام حسين العامري
➖➖➖➖➖➖
اشلون اصبر وبيش الكلب اصبرنه
كل غالي وشهم هالليله اودعنه
ولو طر الفجر باجر واشوفنه
مذبوح الولي فوك ثره يبات
((وافكد كل عزي// وخواني))
ام حيدر العباديه عماره
➖➖➖➖➖➖➖
اليله وداع وياكم يا الاخوان
وگلبي من الهضم يحسين خلصان
اودعكم يخوتي ابگلب لهفان
صعب افراكم هايالحيادات
(يهد حيلي //ووداع الغالي)
✍️ ام ايه العامري
➖➖➖➖➖➖➖
زينب علئ بقو دموع تجريها
بس اليوم يم حسين واليها
باجر بل يسر ام عون تاليها
من وداع اخوها تهل دمعات
((الوالي فراگه ياذيني))
العلويه ام علي
➖➖➖➖➖➖➖
تمت بأقلام شاعرات رابطة قتيل العبرات
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له
قصيدة ليلة العاشر زينب تودع الحسين عليهم السلام لسان حال السجاد ع
~~~
ليلة اوداع الحسين
تخلص ابهم او ونين
اه يزينب. اه يزينب ٢
💔💔💔💔💔💔
شفت عمتي شلون تبجي اتودع ابولياها
حاير وعبره ابصدرها تصب دمع عيناها
شفتي ابوي يحاجي عمتي وعالحرم وصاها
كلها يازينب اصبري وبهده حاجاها
يكلها باجر من اموت
الشمر لخيمج يفوت
اه يزينب اه يزينب ٢
💔💔💔💔💔💔
حسين كلها يالعقيله اتحملي شنهي اليصير
باجر اطيح العمايم وجثتي، تبقه عله الهجير
تحترگ باجر خيمجن والامر كلش خطير
والزلم تنجتل كلها والصبر يصبح أسير
باجر اتغيب الرجال
وأبو فاضل عالرمال
اه يزينب. اه يزينب ٢
💔💔💔💔💔💔
لصبح مانام عودي وگام ينضر عالحرم
لسمه يرفع اعيونه ويرمق ابحسره وألم
طلع يتفقد ابويه ويلكط اشواك الهشم
ايخاف تسحگهن رقيه من تفر من الخيم
خاف تسحگ عالارض
اتموت من كد الركض
آه يازينب اه يزينب ٢
خادمة اهل✍️ ام ابراهيم الحلفي
💔💔💔💔💔💔
والصبح لوصار يختي امشي باجر للحرب
لاتطلعن من خيمجن اتشوفجن يختي الغرب
مايضل الجن محامي والامر يصبح صعب
انه اطيح اعله الوطيه انحرم من الشرب
الخيل تسحگ عالصدر
گلبي باجر ينكسر
اه يزينب اه يزينب
ام محمد الساري
💔💔💔💔💔💔💔💔
خويه اودعك شنهو كلبي وادري ماترجع إلي
آه يبت أمي يزينب سمعي يااخر هلي
خويه لميلي بناتي عكبي خافن تنولي
أني اعرفنجن يزينب مثل والدنه علي
علثره ابكه طريح
اسمع ايتامي تصيح
آه يزينب آه يزينب ٢
✍🏻،،،،ام كرار مناذره
💔💔💔💔💔💔💔
يابن امي شلون حالي واسمع اني بهالكلام
حرمه خويه ويقل عزمي لوتفر مني لأيتام
وين اروح وانطي وجهي لون حركوها الخيام
ردني يالوالي لنزلنه شلون بعد اسكت وانام
كلها هذا اخر وداع
تنسحك باجر أضلاع
اه يا زينب آه يا زينب. ٢
ام✍️ علي الموسوي
💔💔💔💔💔💔💔
تمت بعون الله باقلام شاعرات رابطة سيد الشهداء عليه السلام غير مبري الذمه من يحذف الاسماء أو ينسبها له
نزلة ليلة العاشر…..
حاضر… عـــنه ماغـــاب
حاضر… دمــــعه سچاب
حاضر… يحسب احساب
صاحب الثار صاحب الثار
~~~
حاضر المهدي عزانه يهل الدمــــــــوع
ويسمع التوديع كله وگلبه موجــــــوع
يصيح الله وياك جدي بصوت مسموع
والهجن باچر نوت تطحنهه الضــــلوع
بلكي… ايـــطول الليل
بلكي… تبــــطل الخيل
بلكي ... ودمعته اتسيل
صاحب الثار صاحب الثار
~~
حاضر المهدي مجالسنه وعــزانه
وتحت هذا المنبر امحدِد مــكانه
يسجل الاسماء ويـسدد خــطانه
وبالحشر باچر يگول الضامن انه
الطم… لطمتك فوز
الطم… وبأمن جوز / على الصراط
الطم… عازه للعـوز
صاحب الثار صاحب الثار
~~
هالامر لازم يشيعي تعـــــــتقد بي
حاضر المهدي العزه ابالك تـــخليه
من تطب شوفه بخيالك سلم عليه
بعظم اللهُ الاجـــــــــر لازم تواسيه
يعني ... الليله مولاك
يعني … حاضـر وياك
يعني … نـــــاده حياك
صاحب الثار صاحب الثار
~~
كل گلب شيعي يمهدي الليله مكسور
ويعتذر منك امــامي لو بــده اقصور
يندعيلك بالصلاة ومن يجـــي ايزور
يصيح حيل بلهفه وين انت يمنصور
عجل… هايمـــحبوب
عجل… داوي الگلوب
عجل… نور الــدروب
صاحب الثار صاحب الثار
~~~
كل محب عينه اعله دربك ياإمامي
يصيح وينــك يامـــرادي وياغرامي
بجاه هاي الليلة عـــــــندك ياهيامي
اطلع واخذه انــــتقامك وانـــتقامي
اطلع… وارفع الواك
اطلع… كلنـــه وياك
اطلع… واحنه يمناك
صاحب الثار صاحب الثار
~~~~
الشاعر سيد فليح الموسوي ✏
رئيسية/ ليلة الوداع 2024
شفتها بليلة العاشر
حزينه وتكسر الخاطر. اويلاه
تودع اخوتها مهضومه
تصيح وتبچي مالومه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠
رجع بية الزمن للطف. حلم بس شفته بالعين
وداع ام الخدر زينب. شفتها تودع حسين
حزينه امگبّعه بهمها. تون من لوعة البين
طبت خيمة ابن امها. تودعه وبيها نارين
نار اوداعه وغيابه
ونار جروحه ومصابه اذا راح
اخوها وكعدت تنشده
غريبه وتنسبي بعده. اذا راح متنساه اويلاه
٠٠٠٠٠٠٠٠٠٠٠٠٠٠٠٠٠٠٠٠٠
سمعتها تگلّه يبن امي اريدن منك جواب
صدك باجر يذبحونك. صدك يسلبني سلّاب
اشوف بسهم المثلّث يخويه گبالي تنصاب
بحوافر خيلهم خويه يطشرونك بلتراب
عسن لا طر صبح باجر
ولاشوفن اثر حافر. بلظلوع
مثل ما كسروا الزهره
اشوف بعيني چم كسره. بلظلوع اثر آه اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠
صدك ياخويه اسمعها. فقط هالليله ويّاك
صعب يحسين توديعك. صعب يالغالي فرگاك
توصيني وتودّعني. أنه وكل اهلي بحماك
بعد وضحت غداً زينب. سبية بولية اعداك
أنه الماشافوا خيالي
سبية عله الهزل تالي. الى الشام
وحگك يا ضوه عيوني
اموت ولا يودّوني. الى الشام. بلاياه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخوها حسين جاوبها. اسمعه ودمعي سچاب
يگلها يختي يازينب. اقاتل دون الاحجاب
اذا ما ينسفك دمي. وذا ما راسي ينصاب
يرد دين الشرك والذل يموت الحق ولكتاب
ابد ما بايع الظالم
ابد للذلّه ما ساوم. أنه حسين
عزيز لآخر انفاسي
اخوج ومااطخ راسي. أنه حسين سمعناه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گبل فجر الحزن طلعت. شفتها تريد عباس
تلگّاها بهلا يختي. هلا يارفعة الراس
عظيمه وكعدت كباله. بأبوها الوالي تنقاس
صدك رايد تودّعني. وظل بلايه حـرّاس
جبتني امن الوطن آيه
كفيلي وبيدك الرايه. يعباس
اذكرك بالعهد جيتك
يمن صيت الوصي صيتك. يعباس نخيناه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اسمعه يگلها يازينب. بچيتي وآنه موجود
قسم باجر اراويهم. سقر وعيونج شهود
امية وكل عساكرها. وعددها شما بقى يزود
اگص رگابها بسيفي و رد اسحگهم اردود
يويله اليوصل خيامج.
اذبحه بسيفي كدامج. تأمرين
يزينب آنه كفّالچ
احامي خيامي وطفالچ تأمرين. بعد لا اويلاه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#محرم1446هـ
يقول الامام الحسين ع"..وخيّر لي مصرع أنا لاقيه، كأني بأوصالي تقطعها عسلان الفلوات بين النواويس وكربلاء، فيملأن مني أكراشا جوفا وأجربة سغبا، لا محيص عن يوم، خط بالقلم، رضى الله رضانا أهل البيت، نصبر على بلائه ويوفينا أجور الصابرين"
مابين النَّـواويس والطف، دمِّي جاري
واِتگطّعني أَوصال عُســلانِ الصحاري
خَط قَلْمِ السِمَه حُسنِ الخاتِمَه
مابين النواويس والطف دمّي جاري
=======================
اَلله اِختـــار إلي بدنياي
مصـرع موتي يم الماي تانيته
وماخايف صحت لبِّيك
متــوكِّـل بدربي اعليك طبّيته
آنه اللي أمَـثْلِ الدين
بِخواني وعدد سبعين خطّيته
لـ اَسلافي الدليل ايلوب
شوگ اللي بگلب يعگوب حسّيته
اليلحق بالرَكِب فاز والفوز الشهاده
والمـا سـافر اوياي مايبــلـغ مراده
تمشي اويه الدمه حُسنِ الخاتمه
مابين النواويس والطف دمّي جاري
=======================
لامهـرَب أبد عن يوم
خَطَّـه الواحد القيُّوم من ذاته
وأبد ماهمني كل محذور
موقف عندي في عاشور مِيقاته
دِيني ايشوهه وسفه ايزيد
والله بإسمي يحيي ايريد آيــاته
مثِل هارون اِلي (العباس)
أخو واِعضيد رفعت راس وگفاته
جيت برايـة إصــلاح ماشاهر سِـلاَحي
بس طبع الخفافيش تهرب من صباحي
مـا متـوَلِّمه حُسنِ الخاتمه
مابين النواويس والطف دمّي جاري
========================
باجر من تصفّ الخيل
ترعــب عيـلتي بالليل عدواني
وگلب إختي عليَّه ايخاف
ظل بيها الألـم ينشـاف أذّانــي
بالطف دمّي يملي الگاع
للصوت الحقيقي اشراع ربـَّـاني
وعبد الله اعله اديه ايموت
هم اِوساده هم تابوت أحضاني
ذوله اذياب مو ناس تذبح حتى طفلي
مثل الچبده عطشان ملهوفه اعله قتلي
بالطف ملحمه حُسنِ الخاتمه
مابين النواويس والطف دمّي جاري
========================
سِوَر من نور دمّي ايسيل
عل مـنبـر يظل ترتـيـل يـوميه
وخل تتگطَّع الأوصال
باجر تـنلَـم او تنشال مَرضِيه
وخلها اخيامي تلهب نار
تصبـــح حضـره للـزوّار قُدسيه
الخنصـر للظُلامـه ايشير
وهاي اِضلوعي گبّه اتصير محنيه
خلّ اَبقه آنـه عطشان لو دِيني ايتروّه
واَدري بگطع الِچفوف تتنفّس الخوّه
وايموت الظِمَه حُسنِ الخاتمه
مابين النواويس والطف دمّي جاري
========================
مابينه اعله جور اينـام
بعيون اليضدنه اسهام چتّــاله
والرايد يطفّـي النــور
علَ اعقابه يِرد مذعور بأهواله
بظعني لـكربله طبّيت
وبالحگ راية أهل البيت تتعالى
المثلي اعله القضيه ايموت
يتخـطَّى الخطر وايفوت بأفعاله
لازم نصنع أجيــال من هاي القضيه
حتى المبدأ ايعيش وِاتموت آل أميه
وينصان الحِمه حُسنِ الخاتمه
مابين النواويس والطف دمّي جاري
========================
خادم الحسين "ع
#مرتجى_الحسَّاني
شوط کربلایی(لیله العاشره)
🏴🏴🏴🏴🏴🏴🏴🏴🏴
ترید ابیا گلب زینب...باچر تصعد اعله التل
وتشوف احسین بالحومه...عله اتراب الثره امرمّل
🏴🏴🏴🏴🏴🏴🏴🏴🏴
فجر باچر یشیل امصاب...اذا بان الفجر صبحه
وعله اتراب الارض ینزف...گلب زینب یضل جرحه
باچر عالرمح یاراس...و عین العایله اتلمحه
جســـــد متــــوسّد الغبــــره
السهم نایم وسط صدره
دمـــــه یجــــری مــن نـــحره
وجهه اعله الترب دامی...ومن دم منحره امغسّل
🏴🏴🏴🏴🏴🏴🏴🏴🏴
صباح العاشر ابیا حال...راید یشرق ابنوره
وعله الغبره بنی هاشم...ضحایه وکلها منحوره
خیام امحرّگه و ایتام...بالمیدان مذعوره
عدد الـــف و تســــعمیه
جروح احسین مدمیه
عــــله التــــربان مرمیـــه
انذبح لحسین یاستّار...وراسه امن الجسد یفصل
🏴🏴🏴🏴🏴🏴🏴🏴🏴
انگطع نحره عزیز الله...وزینب تنظر الحاله
رفس جسمه الشمر ویلاه..و داس الجسد بنعاله
وحید احسین یاهالناس...یمّه ایحوم چتـّاله
تِرِک جسمه خیول الگوم
یســحگه حافر المیشــــوم
واویــــلی عـــله المـــظلــــوم
توزّع جسمه بالمیدان...واخیول العده تصهل
🏴🏴🏴🏴🏴🏴🏴🏴🏴
العیاذ أبالله من الخیل...لو داست عله صدره
الحافر یمرد ابگلبه...والأضلاع متڪسره
زینب عله التل اتصیح...لحگی احسین یالزهره
ابنـــــچ منگــــطع راســه
و أبرجله الشمر داسه
اســـــمع ونّـــة انفــــــاسه
هذه احسین بالحومه...جسمه اسهام ما یحمل
🏴🏴🏴🏴🏴🏴🏴🏴🏴
تشوفه زینب امگطّع...و تضل مرعوبه جدّامه
صاحت یاعلی ادخیلک...ابنک هشمو اعضامه
راسه اعله الرمح مرفوع...بس ما لابس اعمامه
شیبه یگـطر امن الدم
تعفّر جســـمه واتخذّم
وصــــل دمـــه للمخـــیّم
بنات احسین بالمیدان...فرّن والدمع یهمل
🏴🏴🏴🏴🏴🏴🏴🏴🏴
طریق المشرعه ملزوم...یا هو ایحشّم الکافل
وگع عالجود راعی الجود...و مایرجع ابوفاضل
السهم صابه ابسواد العین...و چفه امن الزند فاصل
چفوفه اعله النهر طاحت
و زینـــب حایــره صــاحت
یخـــــویه هــیبتــــی راحــت
بعد عینک یبوفاضل...احس عصابتی تحتل
🏴🏴🏴🏴🏴🏴🏴🏴🏴
الضحایه اعله الارض کل صوب..بیها انترست الحومه
اجه السلّاب یم احسین...سلّب یاعلی اهدومه
انگطع من یمنته صبعه...عمت عینی عله ادمومه
جسد غاد ابجــسد نایم
وگع لأڪبر عله القاسم
وامخـــضّب گمــر هاشم
حتی البالمهد یرضع...مات امن العطش یتهل
🏴🏴🏴🏴🏴🏴🏴🏴🏴
ڪلمات خادم الحسین ع
عبدالامیرالناصري
لطميه كعده اليلة الوداع
ودعت اخوتي ابهاي المسيه والدمعه جريه
عساه الصبح لا يجبل عليه والدمعه جريه
.........
ياليل افراكنه لاتكضي ابساع
من وجه الاحبهم اشبع اوداع
انضر لبوفاضل والصبر ضاع
ويوصوني على سكنه ورقيه . والدمعه جريه
.........
يعيني اليله سهري ولا تنامين
وشبعي شوف من عباس وحسين
وعزاز الكلب باجر مرحلين
بفراكهم اصيح اشلون بيه. والدمعه جريه
...........
صعب يوم الموادع هدم الحيل
يصبح الشوم بيك اخواني اتشيل
اصدن عالحسين ومدمعي ايسيل
باجر همتج يالهاشميه . والدمعه جريه
........
اسمعي وصيتي يعزيزت خواتي
وصي يابعد روحي وحياتي
يزينب خلي عينج من بناتي
باجر من اطيح عالوطيه. بالدمعه جريه
........
وبعد عندي وصيه يم الاحزان
لوشفتي النحر كطعته العدوان
والعباس يبكه بغير ذرعان
وتمرين الضعن عالعلكميه . والدمعه جريه
.......
.✍ام زينب كربلاء غير مبري الذمه من ياخذ الكلام وينسبه له او يحذف الاسم
قصيده للوداع وزن الموشح
الليله زينب بت علي تودع الاهل
ساعه تنظر للولي ساعه الكفل
شلون باجر لو اجه وصار الصبح
ياهو اليرحل كبل لو ينذبح
وبالرمل عاري اشوفه ومنطرح
ياهو اول ياخذه مني الاجل
جن اشوف الحيد نايم ع النهر
وبيده لازم رايته وجنه الكمر
جفه الايمن حجب عنه الخطر
وجني اشوفن والدي ذاكه الفحل
راسه مطبور بعمد.بس ماخضع
يشكي من فركه الاخو مو من وجع
والطفيلي بس تدناله رجع
والنهر لاماجره منه خجل
كمت اشوف حسين هزها كربله
ضلت ارجال العده بس معوله
تركض بصحرائها بذيج الفله
والعميد حسين واكف كالجبل
مايطيح حسين لا هذا محال
راعب الخياله ترجف هالرجال
هذا ابن حيدر علي اقره المقال
جان يضرب بالرجل راس الرجل
بس ابو السجاد نامت اله الارض
حتى دين الله يتمم هالفرض
والرمح دنك اله لهذا الغرض
فوك راسه شال ابن سيد الرسل
تمت بعون الله تعالى
بقلمي انا ام علي البابلي
لااجيز حذف الاسم او التلاعب بالكلمات
🏴 في مصيبة ليلة العاشر من محرم 🏴
- لسان حال السيدة زينب عليها السلام
#جديد
● وزن : الموشح
● طور : ضربه لو لطمه ، وجميع أطوار الموشح
باچر اعله التل اذا شفتوني
احسين آيابا الفضل عذروني
اعليه لو حرگوها يا خُوتي الخيم
وبالبراري فرت ابخوف الحرم
مالي ملجأ آيا شيال العلم
عالتل أصعد بلكي اتشوفوني
أصعد ومن الرعب محتاره
والمخيم جمر تلهب ناره
اهناك أصيحن وين حامي جاره
يا علي يا بوي مَتحضروني
يا علي أنده ونادي يا حسين
خويه دليني ابمچانك يالحنين
الأرض كلها جِثث خويه إنته وين
خويه أترجاكم اتدلوني
خويه باچر منك احسين العذر
لو شفت تلحگني اسياط الشمر
خويه خويه اعليك ما عندي صبر
أرد اشوفك يا كتر بعيوني
بلچن ألگه باگي ابصدرك نفس
اعليك أظلل خويه من حر الشمس
بِيَّه بلچن آه يا خويه تِحس
ولَيَّه تگعد گبل ما يولوني
بينك وبين الگمر أسعى وأطوف
ساعه أنطگ ساعه أعثر بالسِيوف
ساعه ألطم وجهي خويه بالچفوف
يمكم أنحب وإنتوا مَتسمعوني
ما تِسِمْعوني لَچن أعذركم
اشلون حاله أصبحت حالتكم
امفصلات الروس عن اجثثكم
اشلون گومتكم يَعزي وعوني
_
تمت بحمد الله تعالى
فاطمة كريم
نسألكم الدعاء لتعجيل الفرج
يا أبا عبـــــــــــــــــــــــــدالله
رئيسية... ليلة الوداع ( ليلة العاشر) 2022
آ ياليل طَوّل ساعاتك ورحمني
آ ياليل. من يطلع صبحك يهضمني
هالليله خواني يودعوني
وباجر مفجوعه يعوفوني
آ ياليل. آ ياليل
................
يليل العاشر اتمهّل اودع العايشه بسدهم
اخوتي الليله ويايه وباجر كلهم افگدهم
اريد اتوادع وياهم احاچي خواني ونشدهم
صدگ زينب تعوفوها؟ غريبه وستمع ردهم
گلبي يفور. بس هالليله حسين ويانه
گلبي يفور. اتوادع ويّاه حزنانه
سهرانه ودم تبچي عيوني
وباجر مفجوعه يعوفوني
آ ياليل. آ ياليل
................
اروح لخيمة ابن امي اودعه واگعد بكتره
گبل لا ينذبح باجر. اشمّه بصدره وبنحره
يصبّرني ويواسيني بحنانه ورحمته وصبره
يليل حسين ما ينعاف اعوفه شلون عالغبره
ابقه وياه. اشكيله ويشكيلي همومه
ابقه وياه. لحدما يتخضّب بدمومه
لو طاح حسين يسلبوني
وباجر مفجوعه يعوفوني
آ ياليل. آ ياليل
................
اخويه حسين صبّرني وسمعته يگلّي عينيني
مسلوب ونحر مذبوح باجر من تشوفيني
احفضي عيلتي ابدالي يزينب لا تگصديني
اخاف عليج تنهضمين. يزينب يختي عذريني
صحت بصوت. شلون اصبر وانت يذبحونك
صحت بصوت. يحسين كبالي يسلبونك
گبلك ياريت يذبحوني
وباجر مفجوعه يعوفوني
آ ياليل. آ ياليل
................
اطلعت من خيمة ابن امي رحت للّي كفل خدري
صحت ألحگني يا عباس. اعثر والدمع يجري
تلگّاني الكفيل وصاح ها يمّ الخدر إمري
گتله شلون لو باجر. تموت وابقه وي دهري
لا والله جاوبني شحدّه اليدنالج
لا والله. اگطع راسه وايده گبالج
افنيهم لوما يغدروني
وباجر مفجوعه يعوفوني
آ ياليل. آ ياليل
................
يليل العاشر ورمله. شفتها بخيمة القاسم
تودعه بلهفه وتقبله ودمعها عله الوجن ساجم
وشفت ليله وعلي الأكبر ابن وي امه متلازم
يصبّرها ويواسيها على فراگه وجرح قادم
عيني تشوف. عبدالله الغافي بحضن امه
عيني تشوف. باجر يتخضّب من دمه
وآنه المحشومه يچتفوني
وباجر مفجوعه يعوفوني
آ ياليل. آ ياليل
سيد زيد الفحام
يازينب//هايه اخر ليله
يازينب//موادع ويالعيله
عينج اعله ايتامي//راح اموتن ضامي
يازينب .....يازينب ......يازينب
___
عكب هذه العمر كله باجر تروح
فدوه خل عينك بعيني كلبي مجروح
خويه ليله شكد قليله تخلص بنوح
بس سواد الليله يمي الصبح مذبوح
ياخويه//موادع اعزاز الكلب
ياخويه//هالمسيه شكدصعب
يختي لمي ايتامي//راح اموتن ضامي
يازينب....... يازينب......... يازينب
___
أرد احلفنك يخويه أحجي وياي
خويه كلبي عليك خايف ولصبح جاي
حيرتني منين ابدي سوالف هواي
خلني اشبع شوف منك اه يرجواي
يبن امي//كلبي باجر ينفطر
يبن امي//خويه وي طرة الفجر
خويه الله الحامي//راح اموتن ضامي
يازينب ........يازينب.........يازينب
___
ليله كلنه بخيمه وحده نهل عبرات
لان باجر كله هيمه وماكو خيمات
خويه سولف وي رقيه مو بحسرات
خلهن بخدك يشمن هل سبيات
يالـــــــوالي//باجــــر ايسلبونه
يالــــــــوالي//خويه ويضربـونه
هاي تالي ايامي//راح اموتن ضامي
يازينب....... يازينب....... يازينب
___
خويه وبعيني انضرك تبقى وحدك
باجر اشكد الشمر رايح يعـــــذبك
كبال عيني خويه يعله عله صدرك
يلزم الشيبه الشريفه ويحز نحرك
بالحومه//بلايه راس ومنذبح
بالحومه//باجر يرفعك رمح
هيجيت ألامي//راح اموتن ضامي
يازينب........ يازينب........ يازينب
___
خويه لا بتجين يمي وضمي دمعج
گبل لا اغيبن يخويه بـــــــــان همج
باجر بسوطه يـــــخيتي ما يرحمج
وبالجمر ياخويه باچر يچوي جدمج
عالناكه//گــــــوه ويطلعونج
عالناكه//والعده يشـــوفونج
جدمج يخـــــر دامي//راح اموتن ضامي
يازينب........ يازينب....... يازينب
___
تمت والحمد لله
بقلم خادمكم
الملا ياسر الزيادي
ليلة العاشر
الوداع ..
🏴
الموادع صعب يحسين
آنه وياك روح بروح
بس الليله خويه وياي
باچرالظهر مذبوح
توادعني وداع الموت
شيظل ابگلبي المجروح
رأسك عالرمح ينشال
واختك عالهزيله تروح
عسنه لايجي باچر
وتخلص ليلة العاشر
اضمك وين يبن امي
عن الشمر والحافر
آ يااخوي يبن امي
آ يااخوي يبن امي
.. .. ..
.. .. ..
خويه ياشريچ الروح
باصرني يبو اليمه
علينه الگوم من كل صوب
باﻵﻵف ملتمه
شاف اخته تريد تموت
گلبهه شايط بهمه
مسح دمعتهه ابو السجاد
اخوها تشبگه وتشمه
تشم الوالي بنحره
تبوس الغالي بصدره
بس الليله ويه حسين
وينچ يمه يالزهره
آ يااخوي يبن امي
آ يااخوي يبن امي
.. .. ..
.. .. ..
يگلهه الصبر يختي أم عون
نشفي المدمع شويه
باچر آنه وانصاري
نتذبح الظهريه
لا كافل ولا خوان
يبگالچ يمسبيه
لا قوته الابالله
اسمعي مني لوصيه
ابناتي هلت الهلله
عينچ عله ام عبدالله
ورقيه احميهه من السوط
وأمرچ فوضي لله
آ يااخوي يبن امي
آ يااخوي يبن امي
.. .. ..
.. .. ..
وبعد يازينب ارد اوصيچ
لو رد المهر خالي
يحرگون الخيام اعليچ
امانه عندچ عيالي
أمن اطلعن يمحجوبات
تدرين الخدر غالي
وحده بوحده خل تلوذ
من سياط چتالي
ادري النار تطلعچن
ادري السوط يوجعچن
الشمر مابي امروه ادريه
يم جثتي ويتبعچن
آ يااخوي يبن امي
آ يااخوي يبن امي
.. .. ..
.. .. ..
تلگين الشمر صاعد
يازينب عله صدري
يگلبني اعله وجهي انوب
وتشوفينه يحز نحري
اثنعش طبره انطبر بالسيف
دمي امن النحر يجري
صوب الشمر لتگربين
لتگعدين يم كتري
ذبحي لااشوفينه
ونيني لااسمعينه
دوري لوگطع راسي
ابعدي لاتحاچينه
آ يااخوي يبن امي
آ يااخوي يبن امي
آ يحسين ياخويه
آ يحسين ياخويه
.. .. ..
.. .. ..
أم محمد الحجاج
قصيده ثكيله على الوداعيه
حان الوداع يـخوتـــي حان الـوداع
خدري من بعد الغوالي يصبح ضياع
خدري يبقه ياهلي
وحده مايل محملي
حــــــــــان الواع حــــــــــان الواع
━━━━━━━━━━━━━━━━━━━
خدري باقــي الوحــده مايـمي اهلـي
حملي راخي يخوتي ضل راخي حملي
ادعي انه يطول والله خويــــــــــه ليلي
من بعد عيـــــــناك ابقه بالله شلــــــــــي
شلي خويه بعيشتي
وحدي مايمي خوتي
حــــــــــان الواع. حــــــــــان الواع
━━━━━━━━━━━━━━━━━━━
خويه ووداعك ثكيل ومااحملـــــــــه
من تودعني تخلي بكـــلبي علــــــــــه
والله تدرون اليفارك صعبه اهلــــــــــه
خويه خلي ينتضر وشويــه گلــــــــــه
ليش مستعجل عليك
وانه روحي بين اديك
حــــــــــان الواع. حــــــــــان الواع
━━━━━━━━━━━━━━━━━━━
ليش مستعجل يخويه وبــــــــــرحيلك
وانتضر لاتبتعد عيني اعله عيــــــــــنك
تــــــدري واليتام تبجي وي بنيــــــــــنك
حيف بس ليله تضل تخلص سنينــــــــك
حيف بس اليله يمي
خويه ابقه عليك امي
حــــــــــان الواع. حــــــــــان الواع
━━━━━━━━━━━━━━━━━━━
يكلهـــــــــه ماكدر اضل يازينب اهناا
كلهه متحلفه اعله كتلي عداي واللــه
من بعد عباس ارحل انـــــــــــه ويـاا
يختي شوفه مكطعات جفوف الگاا
حيل تفجعني المصيبه
صحت زينب ياغريبه
حــــــــــان الواع. حــــــــــان الواع
━━━━━━━━━━━━━━━━━━━
صدك ابقه الوحدي وحدي غريبه
كلبي مــايبـــطل ابد لا لا نحــيبه
كلبي ليك اشتاك والشوفت حبيبه
صعبه خويه عليه تدري هل مصيبه
حيل تكتلني ياوالي
لاتودعني ياغالي
حــــــــــان الواع. حــــــــــان الواع
━━━━━━━━━━━━━━━━━━━
🔴اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب الديــن
نزله .. اعكيلي. ( ليلة العاشر ) محرم الحرام.. 1446..
ياليل العاشر احزاني
-------------------------
بس هاليله ويّه احبابي
باجر يبدي اني امصابي
ياليل احزانك يم بابي
اني زينب لا تنساني
------------------------
ياليل شعندك وي زينب
ارحم حالي كلبي شَيّب
جرحي ينزف روحي تنحب
تتذبح كلها خواني
--------------------------
ابن امي حسين ايِذبحونه
بالخيل بصدره ايِسحكونه
بالحافر ظَهره ايِهِشمونه
هذا احسيني دم شرياني
-------------------------
لو راح الكافل يادهري
هذا العباس وكل عمري
منهو بعده يِكفل خِدري
لو راحت عني ولياني
-------------------------
باجر كل خيمه ماعندي
هاي الغُربه بالطف تِبدي
دخان إخيامي هم ضِدي
و اكبالي تلهب نيراني
-------------------------
الخادم _ ابو فدك الشامي ✍
#محرم1446
#قصيدة_ليلة_العاشر
قصيدة بكل حروف الهجاء من الالف للياء (هجائية الاحزان) كل نص يختص بشهيد من شهداء الطف
تبكي لكَ السماء بأحرفِ الهجاء
حسرة ودموع بكل حرف من الألف للياء
------------------------------------------------
الالف اهات والم اعــله الوجوه اتنظرة
البــاء بين بالــكَلب وبعيني بانت عبرة
التاء تبقى وتنذكر وتاذينا تبقى العشرة
الثاء ثائر ثورتــك ثبـتت ثكَل العترة
يا ذابِــــلَ الشـِـــــــفاه وزينبً تراه
كل چلمة دمعة تنذرف من الالف للياء
------------------------------------------------
الجيم جربة والجرف جفـفن جاري عيونة
الــحاء حدب وانحنة حكَة لحامي ظعونة
الخاء خليــتة وخيم خي خلفك ايتانونة
الــدال دارت دنيتة ودار العدو من دونة
عــباسُ انتَ ايـن استوحدوا الحُسين
نايم يوسفة اعله الجرف من الالف للياء
------------------------------------------------
الــذال ذبحة بيا ذنب بالذبح ذابل واصفر
الـراء روحة ما روت راد الــشرب مايكَدر
الزاي زحمة اتزاحمت وزادت ازلام العسكر
السين سار وما سلم وسفة بسيوف اطبر
للحتفِ قد مـضى الاكبرُ قضى
امطبر وابــد مايــنعرف من الالف للياء
------------------------------------------------
الشين شاب وشمعتة شبت وشاب الشافة
الصاد صـابر ياصبر صارن صحاري شفافة
الضاد ضاعت ضحكتة الضّمةَ مضيع اوصافة
الطاء طايح منـطبر طب للطف وماخافة
لم تُثنهِ الحشود بنفــــسهِ يجود
حتى العدو بي يعـترف مــن الالف للـياء
------------------------------------------------
الظاء ظل ابلا ظنة ابظربتة اتظعظع حَيلة
العين عاين عالطفل عينة بعتب تشكيلة
الغين غافي وانغدر غفلة وغـدة يناغيلة
الفــاء فرفرح مافرح فز ابفـزع يبچيلة
سهمُ القضى رماه مُحتَضناً اباه
چـتالة كَلبة ما يرف من الالف للـياء
------------------------------------------------
القاف قاتل وانقـتل قربان قربى اتقــدم
الكاف كلها اتكاتـفت كربلة انكتبت بالدم
الــــلام لــلَّه وللنــبي وللدين لازم نلتم
الميم موقف مُنتصر موقفهم وما ينضم
انصــــــارُك الآبــــــاة بِموتِنا الحياة
لجلك فلا يغمض طرف مــــن الالف للياء
------------------------------------------------
النون نيران ونـسه ونوح اوّنيـن ومدمع
الهـاء هودج عالهزل هاي الهضيمة التفجع
الواو وين الواعدچ وحدچ ولاهو اليسمع
الــياء ياهو ايركبچ يــم اليـتامة ويفـزع
نّادِيْ على النيِاقْ يا أخوَتيِ الفِرَاق
اعذركم وادري الظرف مـن الالف للياء
*
أسالكم الدعاء #رائد_الاسدي
قصيده ليلة العاشر للوداع
وزن ..هجري
~~~~
جلجل العاشر ضلامه والحسين بخيمته
واجتمع ويه الصحابه يريد يلقي خطبته
➖➖➖➖➖➖➖➖
من بده ليل الوداع حسين ناده يخوتي
ياصحابي ويانصاري العده طلبت ركبتي
هذا ليل ودنيا ضلمه واني منطي رخصتي
واليروح وداعة الله والمصيبه مصيبتي
مودع بالله ورسوله خل يشد كحيلته
ام ✍️ علي الموسوي
➖➖➖➖➖➖➖
هذا ليلتنه لاخيره وهاي ساعات الوداع
وليريد يعود منها خله يتهيئ الساع
باجر يصير القتال والجثث تترس الكاع
والحرم تبقى أسيره وكل الاطفال بضياع
مني مبرين الف ذمه الراد يرجع ديرته
ام ✍️ علي الموسوي
➖➖➖➖➖➖
حسين ناده كل بنينه.. وصحبته وكل هله
بصوت ناده هايخوتي... هايهالي المرجله
الكوم طلبت ولله راسي... هالامر مابدله
بصوت واحدكلهه صاحت... هايبن عقد الوله
ارواحنه كلها فداء... وشال كلمن رايته
✍️ ام حسين العامري
➖➖➖➖➖➖➖
شالو الرايات كلهم واجو يمه معتنين
هوسو يم ابو سكينه بالنفوس امبايعين
للله والأمرك نطيع اشلون نرجع يا حسين
لا ابد لا مانعوفك يبن أمير المؤمنين
شافهم نعمه الصحاب ويلي سألت دمعته
ام ستار الكعبي
➖➖➖➖➖➖➖
شافهم نعم الصحابه.. كفو منهم والنعم
شالو الرايات كلهم... شدو اهناك الحزم
صاحو فدوه يبن فاطم... الك كل هاي الزلم
اوياك نبقى للمنيه.. فوت كلبك لايهم
تنومس حسين بحجيهم... والنعم من صحبته
✍️ ام حسين العامري
➖➖➖➖➖➖➖
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له