7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
للعباس ع
يكافل كل هلي يا إيد الله وعلي
يبو فاضل يبو فاضل
****
يالكفلت احبابك اجه يوم اصوابك
مهرتك تتانيك خل يعج اترابك
ياللي طولك رايه طب للمسنايه
ارد اشوفك عباس تدگ يمها الثايه
شيل سيفك يبو فاضل وخنگ انفاس الهوه
انته زلزال الحرايب لايگ الچفك لوى
حدر جدمك خويه هزها كل ضواحي نينوى
يوارث حيدره يسبع الگنطره
يبو فاضل يبو فاضل
****
المشرعه ملزومه خويه طب للحومه
بيك حيدر ينشاف يالله كرر يومه
لمن ايلاگونك ارد اشوف عيونك
يا بطل تجدح نار خل تهب افنونك
چم الف همه يكافل ما اقيسك بيهم
انته وحدك جيش كامل غضب طش اعليهم
چن نسو صفين خويه يالله رد ربيهم
زلمهم مو زلم شرارك خل يعم
يبو فاضل يبو فاضل
****
ابدائرة ميدانك خلي كل عدوانك
الما فهم معنى الموت درّسه ابديوانك
يا هلا بضيوفك مد يخويه چفوفك
من سقر افتح باب خل تشوف اطفوفك
انته محشر انته مالك انته باب الواقعه
ابصلب حيدر چنت عايش يعني خيبر قالعه
أربعة آلاف خويه والله سهله المشرعه
اريدك عالنهر تراويهم سقر
يبو فاضل يبو فاضل
****
المرجله تحلالك بيّنت افعالك
امن السمه حد الگاع بس اشوف اخيالك
احلى يومك عيشه خل ترف الريشه
شكو قائد يدناك طمه هوه وجيشه
انته عسكر وانته قائد فرح بيك احسينك
يا چبير ابگد فعالك ضاع كون ابعينك
كل عددهم حجمه محبس ما يطب چفينك
ردت اكثر عدد تدوّر عالشرد
يبو فاضل يبو فاضل
****
اتبختر انته ابكيفك عالمتن حط سيفك
النهر ترسه بالجود تالي اخذ كل حيفك
المشرعه صفيها ملحمه سويها
بالنهر طم الگوم وتالي دوس اعليها
خلهم ايفهمون حيدر ليش بيدك باسك
تبتسم خليني اشوفك من يدخن راسك
خلي عزرائيل يحظر من تجر انفاسك
يفنان القتل ولا يبقه عدل
يبو فاضل يبو فاضل
****
يالنطيت اوعودك سهم خيطب جودك
انته اغلى امن الماي لا تطيح ازنودك
حاول اترد لينه خويه لتخلينه
سكنه صاحتلك صوت ابو فاضل وينه
انچان لينه ما تعاود يبو الغيره ننسبي
والحبل يلتف علينه ويحدي بينه الاجنبي
ويه خيماتك تراها تحترگ حتى العبي
يحرگون الخيم يشتمون الحرم
يبو فاضل يبو فاضل
****
#الشاعر #اياد #الديراوي
زلزل الكاع عليهم من تطب
يمه عباس يعرفونك صعب
====================
يمه اوصيك واعرفنك شهم
سيف الحسين وابد ماتنثلم
تشتري الموت يخيال الزلم
تخزر الجيش زلمهم تنهزم
ويه الدموم دمعهم خليصب
يمه عباس يعرفونك صعب
===================
ازآر وعيد معاجز حيده
سوي الطفوف كانها الاخره
وزع الموت عليهم بالسره
وازرع الكاع جنود مطشره
بالملمات تَكَشفّها الحجب
يمه عباس يعرفونك صعب
==================
اعرفك زين واعرف امروتك
تحلف الناس ييمه ابغيرتك
امك لهاي يكافل ربتك
تبذل الروح لاخيك رادتك
بالبطولات ابد ما تنغلب
يمه عباس يعرفونك صعب
=================
امك وبيك افاخر وابتشر
اعرف ارباك وانه البيك افتخر
فارس وحيد وابد ما تنكسر
ترعد اتصير اذا تسمع خدر
غيرتك نار تجويه الترب
يمه عباس يعرفونك صعب
=================
تعرف اعداك اذا مرك زعل
انته تربات علي الحيد الفحل
ساعة الموت ولا تعرف وجل
جنه بالغيض يجي وياك الاجل
مشنقة موت يسيفك ينّصب
يمه عباس يعرفونك صعب
==================
نينوى تصيح اريدن واستمع
منك اخبار صرت لختك درع
نخوتك نار تذوبهم شمع
كون الانفاس عليهم تنكطع
عالشياطين تظل تمطر شهب
يمه عباس يعرفونك صعب
=================حسين كاظم
بصوت. مسلم المطيري
چم طفل ينطرني، وادموعه تلالي
كلمات الشاعر
ابو احمد الطائي
لحن الخضيب♪
يابو فاضل. يابو فاضل. يابو فاضل آه³
زينب يخوها .سلَبوها ووحي الحزن نازل
ترضى سبوها وعذبوها دمع الجفن سايل
لشام خذوها ويسروها وينك يبو فاضل
تحشم عدوها من ولوها تمشي بلا كافل
يابو فاضل. يابو فاضل. يابو فاضل.³ آه.
زينب تنادي بو الفضل خويه يا حامينه
انت طحت عالعلگمي واحنا انسبينه
سلبوا اليتامى والحرم بعينك تصد لينه
ترضى يخويه هالنذّل يشتم والينه
يابو فاضل. يابو فاضل. يابو فاضل.³ آه.
~~
زينب تنادي من ولوني تروع گلب الايتام
بحبل الايادي چتفوني ويسبوني هالظلام
وينه عمادي لوعوني وضربوني يا ضرغام
احشم كفيلي عالنهر وانا انسبي للشام
يابو فاضل. يابو فاضل يابو فاضل آه~~
~~~~~
زينب سبيه من الغاضريه والخدر مسلوب
تنادي يا خيه عالوطيه صيحة تفت الگلوب
مو هاشميه بلا حميه تگطع ياويلي دروب
حالي تمرمر والمحن بقرآني المكتوب
يابو فاضل. يابو فاضل يابو فاضل آه~~
~~
ويلي غريبه بكربله ودمعي يهل صوبين
عيني تشوف على الثرى مقطع اخويه حسين
وعباسي طايح عالنهر منه انقطع كفين
عتبي يطول على القمر وعده انشده وين
يابو فاضل. يابو فاضل يابو فاضل آه~~
✍خادمة آل محمد ص
(( يعباس))
فزاعي لذكرى استشهاد أبا الفضل العباس عليه السلام
يعباس يبو فاضل.. يعباس
*
اترك النوم إنهض يا سعير الحومه
بالخدر يل الحامي زينبك مهضومه
تنادي وين الكافل و تنتخي مالومه
و تنظر إلْواليها يعْتصر بهمومه
...............
يضج راح اخو زينب .. يعباس
يعباس يبو فاضل.. يعباس
*
زينبك يا خوها تنتظر كافلها
بيرگك يل طايح بالوغىٰ شاغلها
ما تشوفه يرَفْرِفْ و العِدا فَلّّلْها
بس تشوف احسينك خيمتك نَزَّلها
...............
العَمَد طاح بالمآسي .. يعباس
يعباس يبو فاضل.. يعباس
*
ما تفز لِنْداها و تنزعه من عينك
هالسهم يا هَزْبَر و تنتفض چفَّينك
لِمْ جِراح اسْهامَك و شد جَرِح بِجْبينك
و ارعب الخَيّاله و صارمك بيمينك
...............
يا جيدوم بالحرايب .. يعباس
يعباس يبو فاضل.. يعباس
*
زلزل ابْزِلْزالَك جيش ابن مرجانه
يا غضب لاويها و اخْسِف بأعوانه
كربله خل تشهد حيدر و فرسانه
ذَكّر ابْصفّينه و صولته ابْميدانه
...............
شَري الموت ع الاعادي .. يعباس
يعباس يبو فاضل.. يعباس
*
لا تِخَلّي العادي يشمَت ابْهَالطيحه
و الخِدر يالوالي يحرگه و يبيحه
و الحَرَم تتطَشَّر و تهتف ابْهَالصيحه
وينه لِمْشَكَّر هالظُلُم و يزيحه
...............
و لأطفال لك تنادي .. يعباس
يعباس يبو فاضل.. يعباس
*
ما إلَه ظل معنىٰ هالعَذِب يل الغالي
كل صدىٰ يترَدَّد ليت يرد الوالي
خل يحامي عياله خل حُسامه يلالي
هالخصم لو شافه يعتدل كل حالي
...............
إلَك صيت من يرومه .. يعباس
يعباس يبو فاضل.. يعباس
*
يا جسد بالمذبح ظل صريع ابْدَمَّه
يا ملاذ إلْهَالدين و اسْتجار بإسْمَه
مو سهل من توگع ع النهر يا هِمَّه
ينكسر ظهر احسين و ينتحب من هَمَّه
...............
هوىٰ الباس ع الشريعه.. يعباس
يعباس يبو فاضل.. يعباس
*
زينب إسمع منها هالعَتَب يا خوها
تنادي يابو فاضل هالإخت عفتوها
و الخصم يشتمني و الهزل ساگوها
ينادي سِبْيو زينب لإخْوَه ما يرعوها
...............
علىٰ الگاع يغَوالي .. يعباس
يعباس يبو فاضل.. يعباس
*
الشاعر : أبو شهيد الأحسائي
الجمعه ١٤٤/١/٦هـ
════════════
*لا يجوز و محاسب شرعاً حذف او تغيير التوقيع*
طق عرك عباس سبع القنطرة
ما بقت لا ميمنة ولا ميسرة
....................................................
طق عرك عباس والعسكر رجف
جندي حيدر زلزل الحومة وخسف
الموت صار مطشر وبيهم حتف
المنطي وعدة الحيدرة لا ما خلف
صرخ صرخةاسد .... علي
اموت بهالوعد.... علي
.......................................................
روس كلها اطشرت كدامة
ياهو يوكف حدة طرلة الهامة
بدمة ثبت معتقد اسلامة
نكس ذيول الخرافة ابهامة
كمر بيهم هتف.... علي
شمر خاف ورجف.... علي
...............................................................
كل كتيبة يطب عليها ما تضل ازلامهم
ما عرفنة همة ذولة زلم لو نسوانهم
سيفك ابدمهم تجارة الموت كلش ضامهم
نريد نعرف ليش حبك يا بو فاضل سامهم
انا ابن الولي.... علي
ابي حيدر علي .... علي
...............................................................
كل شجاعتهم نفاهة ونكس العادونة
القنطرة طبها ورجنها وفنهم يكربونة
سيفة يقلع راس كلمن ينفرد بفنونة
تجدح النيران منه وخزرة من عيونة
خزر جيش العدة.... علي
جرة وبيهم سدة.... علي
...............................................................
كلمن يوقع ورقتة الموت لو كرب الي
يضرب بسيفة وينادي يا علي يا علي
القوة من الله ورسولة وحيدرة هو الولي
سيف هاشم عالاعادي حتفة موت ازلي
قمر هاشم نزل.... علي
فنة الجيش وعدل.... علي
...............................................................
فاضل فخرالدين
كمر ضاوي بالكون قرر مغيبة
حسين ينعة العباس علة نحيبة
او داعة يالكمر... ضهري يا خوية انكسر
حسين ينعة العباس علة نحيبة
............................................................
خوية يا عباس طاحت رايتك
خوية حيلي الراح كلة بطيحتك
خوية ياعباس امك وصتك
يمة عينك والايدين الخوتك
عينك طفت من السهم
طاحت اديك وية العلم
والجربة ماي وبيهة دم... آه يا خوية اكلك
ابجي كاتلني القهر.... ضهري يا خوية انكسر
حسين ينعة العباس علة نحيبة
...................................................................
خوية توجع من انادي خوية وماكو جواب
خوية يا عباس طولك حيف نام اعلة التراب
خوية راسك يابوفاضل منتثر صاير خضاب
خوية اليفكد اخية يزلزلة القلبة المصاب
فراك الاخو كلش صعب
كطع شرايين القلب
أطفال كاتلهة الرعب.... تصيح وينة عمنة وينة
دومة خوان الدهر.... ضهري يا خوية انكسر
حسين ينعة العباس علة نحيبة
.......................................................................
خوية زينب شرد أكلها لو كلت عباس راح
خوية من كتلها زينب كالت الصيوان طاح
خوية ايتامك سبوني كلها تتصارخ صياح
خوية حتى الطفل ينحب مات حسرات ونياح
يطلب عذركم من وكع
مغدور عالشاطي انصرع
للطاغي ما رخة وخضع.... ورجة للميدان سيفة
منكم يريد العذر.... ضهري يا خوية انكسر
حسين ينعة العباس علة نحيبة
.........................................................................
خوية ميت ريت انة ولا اشوفك منذبح
خوية بعدك وحدي ابقة والجرح يلجم جرح
خوية كلها اتجور ضدي وجسمي طعنو جم رمح
خوية كبل دماك دمي ريت خوية ينسفح
واتشمتو بية العدة
كوم الكفر وأهل الردة
والسهم قلبي سددة.... سهم هدم حيلي كلة
والشمر حز النحر..... ضهري يا خوية انكسر
حسين ينعة العباس علة نحيبة
..........................................................................
فاضل فخرالدين
صلى الله عليك يا سيدي ويا مولاي يا رسول الله
صلى الله عليك يا سيدي ويا مولاي يا ابا عبدالله
روحي وارواح العالمين لك الفداء يبن فاطمة الزهراء
سادتي يا ليتنا يا ليتنا كنا معكم فنفوز فوزا عظيما
............................ آه......................................................
أصبحت أيتامنا ترجوا الكفيل
يا عمنا ماءا لكي نروي الدليل
اعدائنا قد اشتفوا فينا الغليل
امسوا ثلاثا دون اكل دون ماء
....................................................
يا ساقيا للماء نرجوك تسقي قلبنا
الطفل يبكي في شجون محزنا
عماه جد بالماء واسقي روعنا
نرجوك عد يا سلسبيلا للوفاء
.................................................
قد ودع الأطفال والقلب حزين
هذا الوداع يا حبيبي يا حسين
اطلب الماء لهم يا نور عين
قرط عيني قرح القلب البكاء
.................................................
برز عباس للميدان هدهم
ما خلة كتايب تبقة عدهم
يا هو اليبارز من زلمهم
يكف يمه ويخر دماغة نصين
.............................................
دم عيونة تجدح صايح بصوت
طب للمشرعة وللقنطرة يفوت
عزرائيل أصبح يمنة للموت
ما عرفو دربهم وين ماشين
...............................................
جن حيدر علي يبرز اليهم
هز المعركة وضاقت عليهم
روس تشمرت شيصح بديهم
وصل للماي كرب جف الايدين
.............................................
راد الماي يشرب مادد ايدة
ما هلة وهو يذكر عضيدة
شلون الماي اشربة وما اريدة
تذكر قلب اخوه عطشان الحسين
...................................................
شال القربة تارسها لعدهم
ما كدرولة و تختلت زلمهم
اكبر واقعة بينت غدرهم
من خلف النخل قطعو الجفين
....................................................
عض القربة من طاحت يمينة
كطعوها الشمالة يا سكينة
صابو بالسهم طفوها عينة
وبالعامود ضربوا راس المعين
....................................................
طاح وصاح خوية الحك علية
يحسين العذر يبن الزجية
طاح الماي من كطعو ادية
وكمت ما شوف سهم الصوب العين
.....................................................
وصل يمة الحسين وعينة متشوف
لونة من المصيبة صار مخطوف
لكة العباس طايح بس بلا جفوف
يا خوية السهم طفالك العين
....................................................
اخذ يشتم اخوه وحان الوداع
صبح مهدوم حيلة وطاح للكاع
لوعة بنص دليلة والاخو لاع
يعضيدي عن عيوني غبت وين
..........................................................
فاضل فخرالدين
عباس جيتك منكسر يابو الحمية
رايد نضرتك سيدي هاي المسية
.....................................................
ابزودك نخيت أو حاجتي ادريها يمك
مكسور قلبي أو خاطري أو اجيت اندبك
بجاه زينب يالوفي هاليوم احشمك
رايد بشارة سيدي ومترد ادية
...........................................................
ابجاه عينك سيدي وسهم الي صابك
محتار حيرني الزمن وانخة بعتابك
عباس ما خاب الاجة ويرجو ابابك
باب الكرم والمعرفة ابن الزجية
.........................................................
برجاك اندب سيدي حالي تعسر
انخاك من كل القلب يا ابن حيدر
همي الكسرني والدهر وياي اكشر
مشيت اسم الزاكية الزهرة الزجية
.......................................................
بجاه الزجية انتخي شخصك يحلها
صعبة يصارت حاجتي ميفل عسرها
يمك أنخي بصايتك مني تفلها
وبجاه زينب اندبك عاين علية
.......................................................
فرحان اعرف من اذب يمك قضيتي
عيوني تفرح لو عليه دمعة بجيتي
عالفطرة انخة سيدي هذي سجيتي
بداعة سكينة اندبك يا عم رقية
.........................................................
فاضل فخرالدين
عباس وينك عذبني رحيلك
اتمنيت تكعد خويه وشتكيلك
من كالولي اخوج اعله النهر مات مو مره متت يا خويه مرات
*
ودعتني وحيرتني اخ يا كلبي التركته وما نساك
خويه لمن كتلي رايح يابو فاضل ضلت عيوني وراك
دمعه دمعه اسنيني خلصت يا ضواي اشلون اعيش بلا ضواك
ضاع كلشي خيمنه ظلمه واختنكنه وردنه نتنفس هواك
رايح كتلي وكتلك بالسلامه
وضلت خويه تنتظرك يتامه
خلصت الدرب عباس صفنات مو مره متت يا خويه مرات
**
يابو فاضل دمعي هامل وحشه صارت من عفتني اخيامي
دوريتك ما لكيتك بس اشوفن صورتك كدامي
ضيعتني وضيعيتك انته مو بس روحي اخذت احلامي
الماي وينه كلها تسأل وحرت خويه اشلون اسكت ايتامي
الاطفال كلها تتأمل تجيها
والماي طول خويه عليها
اتبده الجود من ايدك حرامات مو مره متت يا خويه مرات
*
انته كتلي وياي كومي وانه اجيت وياك خويه امدلله
عله الناكه ركبتني وانته يا عباس حادي القافله
الهوه كتلي ما يمسج ونوخيت الناكه خويه بكربله
اشلون تمشي اتريد عني كلبي هذا الضيم ما يستاهله
عينك تحرس كل مره عليه
ينطيك كلبك تكطع خويه بيه
تدري اختك بعد ما بيها لجمات مو مره متت يا خويه مرات
***
انه وانته اسنين عشنه حته من انريد نتفارك سوه
خويه كلي اشلون املك وشوفتك عباس جانتلي هوه
يابو فاضل جنت يمي وجان بجفوفك يرف خويه اللوه
وهسه وحدي بالمخيم وخيمتك عباس ما بيها ضوه
ارجع كتلك ورحم بالعقيله
واشلون انسه عشرتنه الطويله
درب المشرعه خلصته طيحات مو مره متت يا خويه مرات
***
اشلون ترضه يا جفيلي ينسلب خدري وضل بلا خدر
تقبل اركض بالصحاري واعله متني تلعب اصياط الشمر
ولن خوله ايكلي زينب راح اجتفج حضري روحج لليسر
اشويه كلها خويه عندي وكفتي اعله التله عباس اشكثر
انحب واندب والدمعه اعله خدي
بالطف خويه شو عفتوني وحدي
وصياط الشمر كلش ثكيلات مو مره متت يا خويه مرات
*
ارد اكلك بالسلامه يابو فاضل انه عنك رايحه
ياخو زينب تدري زينب عالوجه كل ساع عكبك طايحه
شتموني ويسروني ونايحه ضلت تلوذ بنايحه
العين عكبك يالعفتني دمع ودموم اعله فكدك سايحه
زينب جانت بوجودك اميره
وعباس بعدك سموها الاسيره
والشام اشكثر متروس شمات مو مره متت يا خويه مرات
*
تمت
تحسين الخفاجي
#شور
دمعي هامل..... من كلت يا خويه رايح
دمعي هامل..... على حسين البعده طايح
دمعي هامل..... دمه ضل عل كاع سايح
دمعي هامل
____
خويه من عفت الحسين الوحده حيران
دارت علي الخيول كلها بصدره الأحزان
واثنعش طبره انطبر بل الهامه عنوان
خويه شوف اخيمنه كلها بنصها نيران
نمشي خويه بدون زلمه واحنه نسوان
بيه حسره...... شفت العليل البي دمعته
بيه حسره...... ويمشي وياي بكسرته
بيه حسره...... على حسين البعده طايح
دمعي هامل
**
خويه هسه الخيل كلها بصدر الحسين
امترس اسهام وحوافر مدري منين
عفت الأطفال بعطش وبدمعة العين
خويه وحدي شلون أضل مضيعه الاثنين
لا يخويه اكبالي انت وماكو الحسين
هذا حالي....... من رحت يا خويه عني
هذا حالي....... عيوني ضلن يوجعني
هذا حالي....... على حسين البعده طايح
دمعي هامل
*
خويه هاي جفوفك الطاحت على الكاع
بيها ضل حسين محتار وبعد ضاع
واطلعت يا خويه يمهن ذني الاسباع
جا كلت كلساع اشمهن كون كلساع
بس لكيت حسين وسفه ودمه عل كاع
بحيره دمعي.......شفته فوك اخدودي خويه
بحيره دمعي.......صحت يا يمه ويبويه
بحيره دمعي...... على حسين البعده طايح
دمعي هامل
*
خويه هاي شلون حيره وبيها نحتار
نار المخيم شفتها بروحي تندار
نحر عبدالله السهم خلاه طشار
خويه حيره شلون ارد وياي الازغار
تبجي من العطش خويه بحركة النار
يا ابو فاضل...... بعدك اليا بيت اروحن
يا ابو فاضل...... ابجي من بعدك وانوحن
يا ابو فاضل...... على حسين البعده طايح
دمعي هامل
****
خويه شفت حسين وحده يلاكي الاسهام
وخويه نام أعلى الرمل من ضيم الايام
وخويه انت بلايه جف وعيونك اتنام
ضليت هسه بلا اخو وحركوها الاخيام
مكسوره وامشي بغربتي واتعنه للشام
يا كسرتي...... حسين خلاني وحيده
يا كسرتي...... بهاي الدروب البعيده
يا كسرتي....... على حسين البعده طايح
دمعي هامل
*
خويه مشتاكه الكلامك والضحكتك
خويه عفت الدنيا كلها وانت ردتك
خويه لا تبجي من اسولف ضم دمعتك
خويه اسمحلي اكلك من فركتك
خويه مت أعلى النهر من ضامي شفتك
ها يخويه........سهمك بعينك لكيته
ها يخويه........ ميت ودمعك بجيته
ها يخويه........ على حسين البعده طايح
دمعي هامل
***
خويه خليني ارد اجرحك وابجي حركه
خويه شفت حسين طايح ردت اشبكه
روحي خويه ارجوج كلي وبيه خنكه
وانا شميته بلهفتي وكمت اشهكه
كتله خويه ارجوك كوم البيه ملكه
خويه دمعي.......يترس الجود التبده
خويه دمعي.......يبقه دوم وموش مده
خويه دمعي.......على حسين البعده طايح
دمعي هامل
***
خويه ضلع حسين صار بحافر الخيل
كسرت ضلوعه الخيول ودمه يسيل
لمن شاف اخيمنه تلهب ميت الحيل
لمن كطعو راسه ضلت كاعنه تميل
حسين ضل ع الرمل حد ما اجه الليل
يا كسرتي..... حسين مكسور الضلع
يا كسرتي..... بعيني ما ضل الدمع
يا كسرتي..... على حسين البعده طايح
دمعي هامل
الشاعر باقر العكيلي
"اللهم عجل لوليك المنتقم الفرج"
*#ساعد الله قلبك مولاتي يا زينب ، لكن متى وصلت العباس ، متى ودّعت العباس ؟؟ متى نظرت إليه ورأته على تلك الحالة ، مقطوع اليدين ، والسهم نازل في العين ، والمخ سائل على الكتفين ، والسهام في صدره اي وا عباسااااه ، هذا لما هدأت الأطفال والنساء ، ذهبت ناحية المشرعه ، تقله* :
#إختيار 👇
#طور العكرواي / عاشوري
حلوه الأخوة اوياك حلوه
يالشوفتك ، الكلبي سلوه
هسه ابتليت شلون بلوه
سوط العدو بمتنى تلوه
يل عالنهر سابح في دمك
نايم يخويه شلون اقومك
وابحضني ما اقدر ألمك
يالدللتني ودومي بحماك
خويه الاخوة ماتت اوياك
لتظن انه فد يوم انساك
(الشاعرة زينب المؤيد )
*كلك إحساس ابوفاضل كله إحساس*
*وينه عباس كفيلي وينه عباس*
#طور البس حدادي
#طور إسمع عتابي
تركض بحيره .. صوب الشريعه
مذهوله تنظر .. كفوف القطيعه
خويه يا عباس .. تنظرني ال جناب
إنهض دخِيلَك .. بحق الوديعه
خويه يا غالي .. حرقوا خيامي
انطيني رايه .. ليّهَ وايتامي
ستري مِنْ الله .. شافوا خيالي
واتشمتوا بيّه .. بليا محامي
(خادمة أبي الفضل)
#إختيار 👇
تگومن لو اظل وحدي
أجهّز للحبل زندي
خوَلّي بظعنك اليحدي
چني اخوان ما عندي
شخبّر والدي وجدي
(ميرزا علي المرهون)
#طور الفراق
يبوفاضل هذي تاليها الوصيه
يبو فاضل ترضى أختك أجنبيه
يبوفاضل حرمى واتستر بايديه
يبو فاضل هذي تاليها الأخوه
يبوفاضل ت دري بالشمر اشسوى
يبوفاضل سوطه بمتوني تلوَّى
(خادمة آل محمد)
#شو جاوبها العباس ع
امن المخيم ليش وحدج طالعه...من يردج و الجفوف امقطعه
اشعندك الهالليل يم المشرعه ... اعتاب الج لو قصدد اتشوفيني
أرد أسألج و أنتظر منج جواب...يعني هسه اسكينه نامت عالتراب
احجيلي بعدي من حرس رمله و رباب...منهو ظل يم الحرم حاجيني
*أأخي من يحمي بنات محمد *** *صرن يسترحمن من لا يرحم*
*هونت يا ابن علي مصارع فتيتي والجرح يسكنه الذي هو ألم*
.ذكر أنّه ولد في 4 من شعبان عام 26 للهجرة ، وهو أكبر اولاد ام البنين ع .
وعند استشهاد أمير المؤمنين عليه السلام كان العباس في الرابعة عشرة من عمره، وفي كربلاء كان له من العمر 34 سنة. كنيته أبو الفضل وأبو فاضل ومن أشهر ألقابه: قمر بني هاشم، وساقي العطاشى، وحامل لواء الحسين، وحامل الراية، وأبو القربة، والعبد الصالح، وباب الحوائج و . . . إلخ.تزوّج العبّاس من لبابة بنت عبيد الله بن العبّاس (ابن عمّ أبيه)، ولد منها ولدان اسمهما عبيدالله، والفضل. وذكر البعض أنه له ابنين آخرين اسماهما محمد والقاسم.
..
وظل الاستقرار يسود الخيام ما دام هو على قيد الحياة، وهو كما قال الشاعر:اليوم نامت أعين بك لم تنموتسهدّت أُخرى فعزّ منامهافي يوم عاشوراء استشهد أخوة العباس الثلاثة قبله، ولما جاء هو أخيه الحسين طالباً الأذن للبروز إلى الميدان، أمره أخوه بجلب الماء للأطفال العطاشى في الخيام. فسار أبو الفضل نحو الفرات وملأ القربة، وعند العودة للخيام اشتبك مع جيش العدو الذي يحاصر الماء، وقطعت يداه، واستشهد هناك. وقبل هذا كان قد برز للقتال عدّة مرات إلى جانب سيد الشهداء وقاتل جيش يزيد.
كان العباس عليه السلام مظهراً ورمزاً للإيثار والوفاء والتفاني. لما دخل الفرات كان في غاية العطش لكنه لم يشرب الماء بسبب عطش أخيه الحسين، بل وخاطب نفسه بالقول:يا نفس من بعد الحسـين هونيوبـعـده لا كنـت أن تكـونـيهـذا الحسـين وارد المنــونوتشـربيـن بـاردُ المـعـيـنتـالله مـا هـذا
و قد وصف الإمام السجاد عليه السلام المعالم البارزة لشخصية العباس بن علي بالشكل التالي: "رحم الله عمي العباس فلقد آثر وأبلى وفدا أخاه بنفسه حتى قطعت يداه فأبدله الله عزّ وجل بهما جناحين يطير بهما مع الملائكة في الجنّة كما جعل جعفر بن أبي طالب. وأنَّ للعباس عند الله تبارك وتعالى منزلة يغبطه بها جميع الشهداء يوم القيامة"(سفينة البحار155:2)
جاء اسمه في زيارة الناحية المقدسة على لسان الإمام المهدي عليه السلام، وسلّم عليه كالآتي: "السلام على أبي الفضل العباس بن أمير المؤمنين، المواسي أخاه بنفسه، الآخذ لغده من أمسه ، الفادي له الواقي، الساعي إليه بمائه، المقطوعة يداه. . ."(بحار الأنوار 66:45)
المصدر / موسوعة عاشوراء / الشيخ جواد محدثي.
◾المصيبة
*نعم أحبتي تقول الروايات انه تقدّم العبّاس من أخيه الحسين عليه السلام, يستأذنه بالقتال وقد سئم من الحياة لأنّه يرى أخوته وأبناء عمومته صرعى ويسمع بكاء النساء وعويل الأطفال وصراخهم, فألحّ على أخيه الحسين ان يسمح له بالبراز, ( وكان دائماً يطلب الاذن من اخيه الامام الحسين ، والحسين (ع) يجيبه يا أخي أنت صاحب لوائي, فإذا مضيت تفرّق عسكري, ) ولكن امام اصرار العباس عليه السلام, اجابه الامام الحسين عليه السلام:فاطلب لهؤلاء الأطفال قليلاً من الماء*
وداعا ابو فاضل..ما أصعب الوداع بين الاخت واخيها..صارت مولاتنا زينب تودعه ..
# طور الجفيري
ساعة وداعك يالقمر
قلبي انشلع ظهري انكسر
يا خويه أدري انته النهر
وعطشانه الك أرض الطفوف
لحظة غِيابك كل شي راح
وأصفق إلك راح اعله راح
بعيني نزف حسره وْجراح
وِنْوايحِ ومدمع ذروف
عينك يتانيها الألم
من تحتضن ذاك السّهم
والثانيه يحجبها دم
دربك فلا تقدر تشوف
فكره بدليلي تفجعه
من توقع اعله المشرعه
تصفى الجفوف مْگطّعه
خلني أقبّل هالجفوف
(كتابات حسينية )
# إختيار 👇
#لحن مستهل لا تسأل المشتاق
١_صوت العقيله يقول ردلي يا كافل
زينب ابدونك آه تطلع هوازل
ردلي يا روح الروح
سالم ما بيِك جروح رِدلي يا كافل
٢_ تذكر زمان الراح اوصية ابونه
زينب تظل عالراس ويهمل عيونه
جوا النظر خَلها
كافل تِظل للها اوصية ابونه
*#ركب جواده ومعه اللواء وأخذ القربة وقصد الفرات، فأحاط به أربعة رجال ورموه بالنبال فكشفهم وقتل منهم جماعة، حتّى وصل إلى المشرعة ركز لواءه ونزل إلى الماء، حمل الماء بيده..نظر الى الماء كأني تراءى له وجه أخيه الحسين في الماء اواستشعر عطش الحسين عليه السلام فرمى الماء من يده، وقال: لا والله لا أشرب الماء وأخي الحسين عليه السلام*
ثمّ جعل يقول:
يَا نَفْسُ مِنْ بَعْدِ الحُسَيْنِ هُونِي
وَبَعْدَهُ لَا كُنْتِ أَنْ تَكُونِي
هَذَا ح ُسَيْنٌ وَارِدُ المَنُونِ
وَتَشْرَبِينَ بَارِدَ المَعِينِ
اشلون اشرب وخوي حسين عطشان
وسكنه والحرم واطفال رضعان
وظن قلب العليل التهب نيران
يربت الماي بعده لا حله ولا مرّ
*#ثمّ ملأ القربة وحملها على كتفه وخرج من المشرعة فاستقبلته جموع الأعداء، وصاح ابن سعد: اقطعو ا عليه الطريق. ولمّا رأى ذلك منهم حمل عليهم بسيفه ، فرموه بالنّبال من كلّ جانب حتّى صار درعه كالقنفذ من كثرة السهام، فكمن له زيد بن ورقاء من وراء نخلة، وعاونه حكيم بن الطفيل، فضربه على يمينه فقطعها فأخذ السيف بشماله وهو يقول* :
بصوت. مسلم المطيري
رايح ياعمي الله اوياك ومو تنساني
كلمات الشاعر
ابو احمد الطائي
زياد وضع رأسه أمامها ع قالت: ما أسرع الشيب إليك يا أبا عبدالله،( أنت دخلت كربلا بشعر شايب وأسود، كيف هنا جايبينك كلك بشعر أبيض بأبيض!! ) ماذا الذي جرى يا أبا عبد الله؟!
الحسين ع بعد العباس انكسر ظهره وانحنى من عظم المصيبة هكذا رجع للخيمة وتوجه لخيمة العباس واهبط عامودها واعتلت الصيحة واعباساه
زينب تلقت الحسين اخي اي ابن والدي اين العباس؟!
لحن ظلّت بس صورهم♪
وينه اخويه عباس؟… وينه راعي النوماس؟²
گلي اخويه وينه خل يجينه ما نريد ماي
(جواب الحسين ع)
يگلها يالحزينه… رحْ حامي الظعينه ~~~
لا لا تنشدينه… مقطوعه يمينه
ظل فوق الشريعه يالوديعه مگطّع الچفين~~~
لا يمنه لا يسره آه يا حسره والسهم في العين~~~
❈❈❈❈❈❈❈❈
جواب زينب ع
صاحت يابو فاضل… منهو ليّه كافل
بالعقيله تدري… من يحمي لي خدري
ترضى يسلبوني ييسّروني من بعد عيناك
من يكفلني بعدك وينه وعدك ووينه لواك
سبيه… راح اطلع سبيه بهالمسيه بين الارجاس
سبيه… بارض الغاضريه ما حسّبت خدري ينداس
سبيه… عالهزيله ترضى گالو هاي اخت عباس
خادمة آل محمد✍🏻
❈❈❈❈❈❈❈❈
طور الأنين العاملي`♪ العباس ع
طاحن چفوفه عالنهر
والراية طاحت والعلم
گومي يا زينب للگمر
شوفينه وبعينه السهم
والحالة صعبه تنوصف
ويجذب ونينه من الألم
لمن وصل يمه الحسين
من. شوفته محني الظهر
يا ابا الفضل يا الفضل ~²
❈❈❈❈❈❈❈❈
عباسه يم المشرعه
دمه من جبينه يسيل
شافه زنوده مگطّعه
ويلي انحنى فوق الكفيل
گله يخويه يالگمر
شلون انظرك خويه قتيل
وين اليسار وين اليمن
ولمحنتك ظهري انكسر
يا ابا الفضل يا الفضل ~²
خادمة آل محمد✍🏻
*طايح كفيلك* لطمية لحن عاري حبيبي عالغبره♪
طايح كفيلچ يا حُرّه
مگطوعه يمنه واليسره
والسهم نابت في وسط عينه
معفّر يا زينب بترابه
عينيني يختي عامصابه
راسه بالعمد يختي مطبرينه
هامه يالوديعه منطبر
دمّه غُسله في جنب النهر
جرحه شفته ظهريِ انكسر
عباس~ لو عينك يختي تشوفه
عباس ~ يَمّه القربة وچفوفه
عباس ~ بصدره سهام اهل الكوفه
عباس آه~~~
❈❈❈❈❈❈❈❈
(حال زينب~)
شبحت عالشريعه عيناها
وصاحت يبو فاضل ترضاها
ام الخدر زينب تمشي مسبيه
بحماكم اميره يسبوني
وسوط الشمر خويه بمتوني
ويحدي بظعني شامت من آل اميه
عباس… وينه شيّال الرايه
عباس… طايح فوق مْسَنّايه
عباس… جودك ينعاك ومايه
❈❈❈❈❈❈❈❈
(جواب العباس)
گلها يالوديعه اعذريني
مگطوعه مني چفّيني
والسهم نابت يختي بعيوني
زينب يختي لا~ تِعْتبي
لو مشيتي بـ درب السبي
أدري صعبة انت تنسبي
زينب~ آه…
الشاعرة خادمة آل محمد ✍🏻
((انطيني اديك))
انطيـــــني اديك وخل اعينك
چــا ويـــــن اديك أوين عينك
ما ادري اركض مدري اطيحن
محتــــار بيــــن الــخيمه بينك
عباس .. محيرني
عباس .. مغـربني .. يبن امي مضيعني
عباس .. حاچيني
عباس .. دليــــني .. ياليموتك يچويني
مدري انته مدري آنه الرميه
عباس گـــــوم شلـــــون بيه
چــــــا هيه هيچ الخوه هيه
ترحـــــــون ياخــــويه سويه
عباس ياخويه ...
"""""""""""""""""""""""""""""""""""''''''''''
چا رد عليه وجـاي اكلمك
يــالعشريعه شلـون ألــمك
متـــــوذر وماتگـدر اتگـوم
خليني چا بس مره اشمك
خويه .. وين امشي
خويه .. يـــالكلشي .. يالرسمك وبرمشي
خويه .. شو سكـته
خويه .. ويـن انتــه .. وحسينك شو عفته
والحيره مصبوبه اعله راسي
آنــــــــه الغريب ابلايه ناسي
يـــاروح اخوك شلـون طايح
خويه العـــــمد وياك جاسي
عباس ياخويه ...
"""""""""""""""""""""""""""""""""""''''''''''
يمخلي اخوك بروحه عثره
ومخلي حتـى عيونه حـمره
عباس خويه الجيش اجاني
دونك اتصير العشره مــــره
يحزام .. وسندني
يحزام .. ساعدني .. والظيم ضاهدني
يحزام .. بالــكلفه
يحزام .. باللــهفه .. والجــيش يتشفه
زينب شگلها مـــــن تگلي
لمن تگلـــي ويـــــن خلي
الرجعه دونك موت خويه
وبعمري دونك خويه شلي
عباس ياخويه ...
"""""""""""""""""""""""""""""""""""''''''''''
وشلون أرد لخـيامي وحدي
ياخويه شوف الجيش ضدي
ســــويلي يمك خـــويه نومه
يالغافي وآنه انفــطر چبدي
مو هيچ .. عشــرتنه
مو هيچ .. خُــــوتنه .. ياعيــن صابتنه
مو هيچ .. تــتركني
مو هيچ .. تصدمني .. عباس تهجرني
خويه السهم خلينه اسحبه
يــــاخـــــويه گلبي لا تتعبه
عايفني بين الجيش عباس
آنــــــــــه اخوك ألـي تحبه
عباس ياخويه ...
عبد زينب
محمد الابراهيمي
جم طفل ينطرني
بصوت الحبيب الموفق
ملا علي الحلفي
قصائد الامام العباس ع
جم طفل ينطرني ودموعه تلالي
شلون اردن للخيم والجود خالي
گلها اخيج فگد حيله.
وخلها تعذرني العقيله
شلون اردن للخيم والجود خالي
خويه لاتجبرني ارد بلايه أديه
وتدري اختنه من العطش منتخيه بيه
اعيوني خجلانات ايشوفن رقيه
عمي كالت مايرد ويده خليه
شلون ارد بلآ زند وكسر أملهن
ومن مشيت ايباوعن لكفاي كلهن
الجيه احسنها ثكيله
وخلها تعذرني العقيله
شلون اردن للخيم والجود خالي
، ـــــــــــــــــــــــــــــــ
انه مو بس عم و اخوهن انه كافل
يگومن يگعدن يصيحن ياابو فاضل
مايخافن من يسمعن بيهِ اقاتل
شلون ارد بلايه جفي ودمي سايل
جم اخت منتظره تغف ابفي أخوهه
وبسمي تتحده الغرب لو زامطوهه
غيبتي عنهن طويله
وخلها تعذرني العقيله
شلون اردن للخيم والجود خالي
ــــــــــــــــــــــــــــــ
بعدما انفعهن ألـــــــمن راد الهن
بس اشيب اجفونهن وكسر كلبهن
يابو الاكبر وصهن يعذرني كلهن
الماي طاح وماوصل خويه الخيمهن
شلون افاجئ زينب وسكنه بوگعتي
وادري حر كلوبهن ينطر رجعتي
ماكو حيله ولا وسيله
وخلها تعذرني العقيله
شلون اردن للخيم والجود خالي
ـــــــــــــــــــــــــــــــ
خويه عــــــذراُ قررت مارد عليهن
اكثر من الموت ذابحني بجيهن
ياجواب البقى عندي يرد حجيهن
واكثر من الماي ماكو وشح عليهن
بيش اصبرهن يخوي وبيش اواسي
العين راحت والعمد فاظخلي راسي
فزعتي الهن مستحيله
وخلها تعذرني العقيله
شلون اردن للخيم والجود خالي
ـــــــــــــــــــــــــــــــ
الشمر فرحان حيل بكطع اديه
والشماته بكل كتر بالغاضريه
خويه وصي الموت ايعجل عليه
قبل لا زينب اشوفنها سبيه
حتى بعد الموتت ماظن يهده بالي
وعالهزايل راح يسبون الغوالي
ضعني يحدي بلاكفيله
وخلها تعذرني العقيله
شلون اردن للخيم والجود خالي
خادم الزهراء ع ابو احمد الطائي
((طاح العلم ))
ذكرى استشهاد أبا الفضل العباس عليه السلام
طاح العَلَم يَحسين .. وانجدل يَم شَيّالَه
گوم إلْحَگ ع العبّاس .. ع النهر و بيا حالَه
*****
گوم إنهض شد احْسامَك .. للحومه يا حاسِمها
عبّاس ابْصوتَه يندْبَك .. و الرايه وگع يَمها
للوِفَه و للمَرْجَلَه .. گوم إفْزَع جرىٰ دَمها
گوم احسين للمصرع .. و إلْحَگ گمر هاشمها
................
راعي اللِوىٰ ينخاك .. صوته بِسْمَك يتْعالَه
يا خويه ادركني الساع .. ع النهر و بياحالَه
*****
زلزل الطف نخوته .. يحسين البيرگ طايح
و النظر من هالسهم .. و الدِمَه ويلي رايح
بالعَجَل اگصد لَيّه .. هالعُمر خلص صايح
جنب النهر شرياني .. ياوسف سيله سايح
................
صار النهر نهرين .. دم و ماي سِلْسالَه
عبّاس ابْسوح البين .. ع النهر و بيا حالَه
*****
ما ظل حيل يا خويه .. بالعَمَد راسي إنهشم
و سهم العين ماذيني .. من شوفك گلبي انحرم
بهٰذا الصوت بو فاضل .. گلب إخته زينب هضم
و احسين إنكسر ظهره .. و الضيم ابْصَدرَه اِنْضَرَم
................
صاحت زينب تنعاه .. هالگمر من يبراله
راح السند ويلاه .. ع النهر و بيا حالَه
*****
روح العَلْگمي اهْناك .. و مِتْكَدِّر يابو اسْكينه
اتْشوف الجود مَصيوب .. و مَگطوعَه مِنّه ايْدينَه
و ابْجُرف الماي اتْشوف .. عبّاس ايْجر اونينَه
و ينادي ابْحزن اِنْداه .. احسين الغالي وينه
................
عطشان و يسگي الماي .. من فيض اعْروگه ازْلالَه
و يلهب چبده بضْماه .. ع النهر و بيا حالَه
*****
لو طِحِت ع العبّاس .. و اتْمَدَّد طولك طوله
گِلَّه يا رِفْعَة راس .. تترك خَيَّك مَعْقوله
حولي تِشْمَت لأرجاس .. و صالت بخيامي صوله
يا سوري و طود احْماي .. روحي ابْروحك مچتوله
................
إهْمِس في إذْنَه يگوم .. بالغيره يشوف اعْياله
بالخِيَم تترَجّاه .. ع النهر و بيا حالَه
*****
گِلَّه يا راعي الزود .. واعَدِت سكنه ترجع
و زينب خِتْنَه بِحْماك .. صعبه الإخت تتوَجَّع
شلون ارجع دونك گول .. خافَن عيلتنا تجزَع
و تنادي يل النوماس .. عوف الماي ما ينفع
................
زينب بالحيف اتنوح .. خدري انخطف كَفّاله
و ضاعت حَرَم و أطفال .. ع النهر و بيا حالَه
*****
يل نايم يم الماي .. و طابت يا خويه النومه
من عُگْبَك وسفه اعداي .. تستفرِد بِيَّه الحومه
و بذبحي يا جيدوم .. خدر الأحرار اتْرومه
و زينب يسبوها الگوم .. و هِيَّه ابْعَهْدَك محشومه
................
يا خويه اتشوف الروس .. منصوبه ع العَسّاله
و تنخىٰ يا راعي الباس .. ع النهر و بيا حالَه
*****
الشاعر : أبو شهيد الأحسائي
الجمعه ١٤٤٤/١/٦هـ
════════════
*لا يجوز و محاسب شرعاً حذف او تغيير التوقيع*
(( هذا عباس ))
نزله في استشهاد ابا الفضل العباس عليه السلام
هٰذا عبّاس … هٰذا عبّاس
❃❃❃❃❃❃❃❃❃❃❃❃❃
صدَح صوت الوجَل .. نزل سيف الأجَل
و يكر فيها ابْعَجَل .. و يهِزْ سوح الوغىٰ
و تفر من صارِمَه .. حشود الغاشِمَه
و شَهَد عَزْمَه السِمَه .. علىٰ كِلْمَن طَغىٰ
……………
و كَسَّر أتْراس … هٰذا عبّاس
❃❃❃❃❃❃❃❃❃❃❃❃❃
سَنَد خَيَّه الولي .. حمَل ريحة علي
ابْيَمينَه تنجلي .. هموم الموزِمَه
و علىٰ كِلْمَن هَرَبْ .. حَتِفْ راسَه ضَرَبْ
و غَضَب يكْشِف كُرَبْ .. و يسَطّر مَلْحَمَه
……………
يجَدِّل أرْجاس … هٰذا عبّاس
❃❃❃❃❃❃❃❃❃❃❃❃❃
هِتَف صوت الدِمَه .. يريد المَرْحُمَه
يَطيف الدَمْدَمَه .. خَطَرْ سيفَك خَطَرْ
يشگ بين الصفوف .. و صَدىٰ اِبْوادي الطفوف
تِحاشَوْ يَلْ الأُلوف .. رهيفَه إشْگَد شُطَرْ
……………
يخْطف أنْفاس … هٰذا عبّاس
❃❃❃❃❃❃❃❃❃❃❃❃❃
يشوفَه كل بَصَرْ .. علي و چَفَّه عَصَرْ
گلوب إلْها حَصَرْ .. من الخوف إرْجِفَتْ
عظيم إسْمَه عظيم .. خُطَفْ لون الأثيم
و سِگَه اِبْكاس الحَميم .. و جحافِلْها إرْشِفَتْ
……………
و رُعْبَه الكاس … هٰذا عبّاس
❃❃❃❃❃❃❃❃❃❃❃❃❃
حِمَل دِرْعَه اُوْيَه جود .. هتف وَسْط الحشود
أنا ابْروحي أذود .. عن ديني و عيلتي
أنا الموت السَريع .. أنا السور المَنيع
و يقيني ما أبيع .. و أفَدّي اِبْمُهْحتي
……………
صاحب الباس … هٰذا عبّاس
❃❃❃❃❃❃❃❃❃❃❃❃❃
طَلَعْ يفدي الحُسين .. و نطىٰ عين و يَدين
و عَمَد صَكْ الجَبين .. و نِزَف جَرْحَه الوِفَه
نَهَر دَمَّه يسيل .. و علىٰ الشاطي جديل
و عَلَمْ يَمَّه يميل .. المآسي اِتْرَفْرُفَه
……………
اِمْطَبَّر الراس … هٰذا عبّاس
❃❃❃❃❃❃❃❃❃❃❃❃❃
و حق دَمْع الشهيد .. إلْوگَف عُگبَك وَحيد
حوايجنا نريد .. يَبو الشان العلي
يَبو فاضل نخاك .. گلب كِلْمَن إجاك
و حق زينب رجاك .. نزورَك و الولي
……………
بوادي لأقْداس … هٰذا عبّاس
❃❃❃❃❃❃❃❃❃❃❃❃❃
الشاعر : أبو شهيد الأحسائي
الاثنين ١٤٤٥/١/٥هـ
════════════
*لا يجوز و محاسب شرعاً حذف او تغيير التوقيع*
أكبر مصيبة ابلا اخو تصبح حياتي
ترجع واشوفك يالاخو كل امنياتي
خوية يعباس.... خوية يعباس
............................................................
عباس خوية وجلمة الخوية شحلاها
زينب يبعد اختك ترة انت ورجاها
فراكك صعب يابالفضل او عذباها
فدوة اروحلك يضي عيني وضواها
خوية يعباس.... خوية يعباس
.........................................................
حالك الشفتة يخوية فتتاها الجبدتي
عينك طفت من السهم خويةيا كل مهجتي
من نامت عيونك متت ما كلت هاية خيتي
ما كلت يا زينب شنو البيج وطلبتي راتي
خوية يعباس.... خوية يعباس
..........................................................
حانيني فكدك وانحلت من المصيبة
من عزي جان وعزوتي أصبح غريبة
والفاكد احباب القلب يحلة نحيبة
زينب اخيتك يالقمر صارت سليبة
خوية يعباس.... خوية يعباس
.......................................................
ضلمت حياتي وانطفت ساعة مماتك
البسمة غابت والفرح خوية وغلاتك
وشلون حال المالهن والي برجاتك
شبعن مسبات وقهر امدللاتك
خوية يعباس.... خوية يعباس
........................................................
طيفك على عيني يضل خوية بخيالي
وشلون حالك لو شفت هالحين حالي
اصرخ يخوية وانشتم بعدك يغالي
بس راسك الفوك الرمح هو البجالي
خوية يعباس.... خوية يعباس
...........................................................
فاضل فخرالدين
يخوية من طحت حزنك.... خيمنة
جنت انت السند تسند.... خيمنة
صحت عباس حركوهن.... خيمنة
دعوف الكنطرة وانغر علية
.....................................................
فكد عباس هد حيلي.... وسباني
ويموتك حيل فاجعني.... وسباني
يخوية الشمر من بعدك.... سباني
سباني وشتم الزهرة الزجية
...................................................
نخيتك روحي محتارة... واناديك
يخوية ذبحو حسينك.... وناديك
ما تنهض يبعد اختك.... واناديك
غبت يالشوفتك عنت علية
....................................................
صحت عباس يالكلك حمية
يخوية بداعتك بس رد علية
فلت الخوية وهاي هية
...............................................
حنين الاخو وانة الفكدتة
عباس قلب اختك مردتة
راح الكفل ذاك الحملتة
...........................................
عباس مهظومة ارد احاجيك
من التلة اصرخ وانشد عليك
كلي الجرة وشنهو الجرة بيك
............................................
عكبك منو اليبرة حملنة
عباس يا راعي المحنة
كطعت الرجة والياس منة
.........................................
بعازة طحت خوية واريدك
شنهو الجرة وشنهو المجيدك
عباس بس لا كطعو ايدك
.........................................
الخوة عالشاطي عفتها
ومصايب الدنيا شفتها
زينب يبو الغيرة تركتها
.......................................
وين الوفة وشلون تنساه
وميتة عسن يا ريت وياه
عينة انطفت واكطعو يمناه
....................................................
فاضل فخرالدين
يا زينب كفيلج طاح عينيني
حيلي الطاح وي عباس تدريني
..................................................
راح الحيل مني خوية يا زينب
اخونة الراح عطشان القلب يلهب
انحنة يمها وحضنها منكسر ينحب
بعد ما شوف راح الشوف من عيني
......................................................
زينب وية اخوها تسجب العبرة
اخوج حسين من طاح انكسر ضهرة
كسروني يخوية بموتتة كسرة
خوية وياج انوح الفكدة خليني
..........................................................
دليني مجان الطاح بي وينة
عمج راح نوحي وياي يسكينة
علامة السهم نابت وسط عينة
ادينة مكطعة وبشوفة سابيني
.......................................................
ضربو هامتة يا خوية هشموهة
جفوفة بالغدر يا خوية كطعوهة
عينة بالسهم يا خوية صابوهة
فكدك يابو فاضل خوية حانيني
.........................................................
بعدك هالاعادي اتشمتوا بية
كوم انهض يخوية وعاين علية
اخافن زينب اختي تروح مسبية
يا زينب اريدنج تعذريني
............................................................
فاضل فخرالدين
ليلة السابع من محرم
سابع مسه ابشهر الدمع
من فاطمه يلچــم ضلع
هم تدري يحسين…
الليله زايـــد بالالم ضــــــلع الوديعه
مـن وگع عبـــاس يم راگ الشــريعه
نصاب سهم ابعينه وچفوفه گطيعه
اوما وصل مايه لبوسكينه ورضيعه
الجربه طراها السهم
والورد ذبل بالخـــيم
هم تدري يحسين
ياحســين ايعينك الله ابهل رزيه
احزام ظهرك راح برض الغاظريه
من رجعت امـــــن النهر للهاشميه
وي عمود الخيمه طگ ضهرك سويه
زايد على الزهره الالم
من وگع شيـــال العلم
هم تدري يحسين
°°°°°°°°°°°°°°°
✍الخادم
كامل السعيدي
يوم العباس ع
ياخـويه اجـيتك للنـهر واسمـع ونينك
اچفوف اديك امگـطعه ومطفيه عينك
فايض دمه وماي .. واجروحك اهواي
واسمع ونينك ..
……………………………
ادركني يا خويه اسمعت واركـض اجـيتك للنـهر
نـايـم لـگـيـتك عـالـتـرب وظـهري يـعباس انـكسر
حاچيني شنهو اليوجعك التارك على ادموعك اثر
سـهـم الذبـحـلك جربـتك لـو سهمك الطـفـه النـظر
ونك يخويه ينسمع .. وعالخد اثر جرح الدمع
للراس هذا المنهشم .. لـو وجـع چـف المنگطع
حاجيني يا بعد العمر ياهو من الجروح
هاكـثر خـويه يوجـك ومنك عله النوح
شيفـيدك ادواي .. واجروحك اهواي
واسمع ونينك ..
……………………………
ما چـان لجـروحـي ابـــد يحسين وني ودمعـتي
جرحي الچبير الماله طب ذبحـو الماي ابـجربتي
صرخات ياعـمي العطش براسي اشد من طبرتي
ولوعة سكينه من الضمه يا خـويه مـنـها لوعـتي
ياخويه صرخات الضمه .. عليه اشـد من العـمه
ويا خويه صد الجربتي .. مو ماي متروسه دمه
الماي اجـيـبه واعـدت تدري الوعد دين
وسهم الذبحلي جربتي ذابحني يحسين
وما تـعـبك وياي .. واجروحك اهواي
واسمع ونينك ..
……………………………
صوب النـهـر لمـن رحت المــاي اجـيـبه للخـيم
چنت اسمع اطفالك تون من العطش وي الحرم
ماي اترستها جربتي وحاظنها خوفي من السهم
محاميها بچفـوفي وچنت مغـطيها خويه بالعلم
وچانت اسهـام التنشمر .. بعظامي خويه تنكسر
وچنت اشكر الله واحمده .. كل سهم بيها مايمر
من زغري چانت نيتي احميه تدري
وصابوها تالي جربتي وتبده عمري
وماضلي كل راي .. واجروحك اهواي
واسمع ونينك ..
……………………………
لـتگـلـي ارجـع للـخـيـم ياخـويه مـا ارجع ابـد
لمن رحت صوب النهر چنت اني منطيهم وعد
بالماي ارويـهـم گـلت واسگي الرضيع البـلمـهد
وياخويه هسه رجعتي ما الـهـا اي معـنى بـعـد
شلون ارجع وعندك طفل .. بيه العطش ما ينحمل
وامـه الرجعـتي تـنـتـظر .. وادموعها عله الخد تهل
بــالمـــاي اردن تـنـتـظـر تـــروي ابـنــها
عبد الله يبچي وما هده لحظه بحظنها
من هايـه بـلـواي .. واجروحك اهواي
واسمع ونينك ..
……………………………
يالغـيرتـك فـاضت بـحــر وبگـصتـك مايك طفح
خـجـلان تـرجـع للخـيـم؟ چـي بـيدك الماي انذبح!
راح ارجع وظهري نكسر يالكـافل ودمعي انفضح
وابـاب خيـمـتـنه الطفـل عبد الله الي بعينه شبح
وارجع اجيبه بيا گـلب .. ماي اطلب لأجل الشرب
وبـأيدي عبد الله بسهم .. نحـره يخـويه ينضرب
صعبه رضيعي ينذبح بحظني يعباس
ست اشهر وسهمه فصل جسمه عن الراس
فجعتني دنياي .. واجروحك اهواي
واسمع ونينك ..
……………………………
وهـنـا يخـويـه حـيـرتـي ارجع اشلون الخيمـتي
وبـالبـاب امــه تـنـتـظـر مـتلـهـفه حـيل الجـيـتي
شخبرها يا خويه حرت والله چبـيره امصيبـتي
يـام الـولـد راح الـولـد وابحـضني ذبحـو وردتي
بگـلبچ ربـاب المنجرح .. هاچ اخذي ابنچ منذبح
وراجع انه الموتي بعد .. مستعجل الگلبي الرمح
وتـبچي الرباب وعالولد تلـطم صدرها
عباس خويـه مصيبتي شوف شكبرها
شوف المحن هاي .. واجروحك اهواي
واسمع ونينك ..
الشاعر عقيل الحسناوي..
.
امنين آخذ چفين
وأطلع سهم العين
خويه خويه~~ ياخويه يحسين
يم النهر اسمع وادري
گتلي إنكسر عگبك ظهري
يا خويه يحسين
عشت كل العمر وياك
إنت النهر وآنه الماي
اروحن وين انت تروح
وياك آنه موش اوياي
ابضميري چلمة الخويه
بلساني تنگلب مولاي
زينب هيچي ربتني
وامي شاهده أعله ارباي
خويه اهنا ناديت
صرخة ام سمعيت
وينك وينك~~ امك آنه وجيت
لمن طحت فوگ الغبره
توني شفت امي الزهره
ياخويه يحسين
صابوا عيني من شافوك
إنت عايش ابعيني
ما همني بعد فرگاك
وين اطيح چفيني
شگل ل أمي التعاتبني
عهد ما بينها وبيني
من عمري على عمرك
هي الناذره اسنيني
لو ترجع الزنود
انهض ليك اردود
بيدي بيدي~~ واردود املي الجود
ادري الچبد منك ظامي
ولمخيمك ماظل حامي
ياخويه يحسين
صحت بسمك يخويه
حسين وادري أعله البعد تسمع
يخويه لا تجي ارجوك
ارجع للخيم ارجع
اخاف العده يشوفونك
تجيني~ و عالخيم تفزع
وحدها بالخيم زينب
وأخافن اختي تتروع
زينب لو تنشاف
يابو الاكبر خاف
تالي تالي~~ ايوصفوها أب اوصاف
يم النهر وآنه ابحيره
وأمصيبه هاي عندي اچبيره
يا خويه يحسين
هذا اكبر جرح بيه
يبو اليمه وحگ جدك
آنه ادري على زينب
شراح إيصير من بعدك
يخويه العده لا يدرون
ظليت إنت بس وحدك
بعد صحبتك وأخوانك
تگلك زلم ما عندك
وإتشوف العدوان
بس عندك رضعان
ظامي ظامي~~وترجع للميدان
ابعيني سهم وبس ابرالك
گلبي يظل عند اطفالك
ياخويه يحسين
حين الطحت خويه حسين
سمعته الصابني ابعامود
فجعوا حسين بعضيده
لا نكتفي إبگطع ٱزنود
عگب عباس ظل اوحيد
بعد للخيم ماكو أحدود
إستعدوا للنهب تالي
لا حامي وحمه موجود
يشوفون إمن ابعيد
لو تصفگ بالايد
رايح رايح~~من حسين اعضيد
فدوه إلك هاي إچفوفي
يرخص إلك عمري وشوفي
ياخويه يحسين
شسوي العطش عبدالله
وآنه جثه مرميه
شلون اوميله بچفوفي
وآنه امگطعه ايديه
الهضيمه كافل الحره
چنت ومأمنه بيه
تالي من بعد عينك
اسمع مشت مسبيه
والهودج لو مال
ميعدله الجمال
زينب زينب ~~يحديها الچتال
اسمع عتب يا بو الغيره
أختك مشت ديره الديره
ياخويه يحسين
#راضي_الفیصلي
وَاللهِ إِنْ قَطَعْتُمُ يَمِينِي إِنِّي أُحَامِي أَبَداً عَنْ دِيِني
وَعَنْ إِمَامٍ صَادِقِ اليَقِينِ نَجْلِ النَّبِيِّ الطَّاهِرِ الأَمِينِ
*#ثم عمد لعين أخر وضربه على شماله فقطعها من الزند فأنشد يقول*
يا نفسُ لا تخشي من الكفار
وأبشري برحمة الجبار
قد قطعوا ببغيهم يساري
فأصلِهم يا رب حرّ النار
*#ثم جاءه سهم في عينه اليمنى فأطفاها ( وا عباساااه) وسهم اخر فأصاب صدره ، فانقلب عن فرسه منادياً : أدركني أخي حسين*
يويلي من سمع صو ت البطل عباس
هوى قلبه من ضلوعه ودمع حساس
انكسر ظهره على خيّه ويِلطم الراس
ينور العين للمخيّم تقوم وياي
# لطم هادئ
بالله يا نهر .. ما شفت أثر
ضيعت أخو .. يكسر الظهر
ابو فاضل .. ابو فاضل
يكسر الظهر
#طور لفى عاشور
يخويه انكسر ظهري وتدري الينكسر ظهره
ما يقدر على النهضه وتصبح عيشته مره
عليّ ما يهون أصد عنك متوسد عله الغبره
ويمك جودك ويسراك وايمينك عالثرى و الواك
*#وصل الحسين عنده أخذ رأسه ووضعه في حجره ، وجعل يمسح الدم والتراب عن عينيه ، يُروى أنزل العباس راسه الى التراب ،فأعادهُ الحسين الى حجره يشُمّه ، ويضُمه ، ويلثمه ، يتزود منه ، واذا بالعباس انزله الى التراب ، ساله الحسين مما صنيعك هذا ؟؟*
*قال العباس فبعد ساعة من يرفع رأسك عن التراب !!!*
#طور الجفيري
ساعه وتطيح اعلى الثرى ومنك دموم مطشره
ما واحد الراسك يشيل إلا برمح راسك ترى
منهو اليضمِدلَك جَرح بعد الطعن خويه و ذبح
منهو اليضمك للصدر وشِيبك يغسله اعلى الرمح
شكراً يخويه هم إجِيت ودمومي تِمسحها وبِكيت
يبن الوديعه الطاهره مثلك إخوة ما لقيت
فدوة عيوني لطلعتك راسي فداء لجبهتك
لو جسمي وَذْروه العده ومايِقرَبون لجثّتك
ياريته بس راسي انطُلب من آل امية وانضرب
وبس يقبلون بمنحري وشيبي فقط اللي انخضب
(خادمة ابي الفضل
(الشاعرة زينب الخفاجي)
يخويه منهو اليغمضلك عيونك
وياهو اليوقف يحسين دونك
ع لى افراقي يخويه إنخطف لونك
وتظل بعدي يبو سكنه امحير
*#آجركم الله ، لك الأجر يا اباعبدالله ، أعظم الله لك الأجر يا فاطمة وكأن بالزهراء ع تنعي العباس مع الحسين* 💔
طور يا محرم ( للشيخ محمد العاملي)
يا بني يا بني جيت انِدبنّك يكافل
يا بني يا بني الزهره آنه يا بو فاضل
جايه الك انصب عزيّه .. والطم ضلوعي بإديه .. يا بوفاضل
يا بني قلي منهو لي خضّب جبينك ؟
منهو صوَّب بالسهم يالغالي عينك ؟
من قِطع بالسيف يسراك ويمينك ؟
ام لبنين عظم الباري أجُرها
ام لبنين قدّمت لابني ذُخُرها
جيت اصب دمعه جريّه .. والطم ضلوعي بإديّه .. يا بوفاضل
(فاطمة رزق)
*#لا إله إلا الله ، نادى الحسين الآن إنكسر ظهري، وقلّت حيلتي ، وشمت بيّ عدوي ، وبينما الحسين عنده ، واذا بالعباس مدد رجليه ، واسبل باقي يديه ( وا ويلاه ) وشهق شهقة ، وفاضت روحه الطاهره ، اي واعباساه ... وا سيداااه ..*
# شو صاح الحسين 💔
حرام العيش من بعدك يبوفاضل حرام العيش
يا خويه من تظل اهنا للمخيم اردن بيش
شقل الحر م لو قالن لينه ارجعت وحدك ليش
قلهن اشعوق العباس وترجع وحدك خلاك
#طور حضريني يالزهره
خويه إنكسر ظهري وفقدك سبب كسري
دمعي نهر يجري بعدك خلص عمري
هسه شمت بيّه (منو ؟؟) شمر ووصل ليّه
هسّه جثى عليّه لن ذَبحتي النيّه
(فاطمة رزق)
*#إنا_لله_وإنا_إليه_راجعون..قام الحسين (ع) من مصرع العباس وحيداً ، قيل منحني الظهر ، مكسور الخاطر ، دموعه على خديه ، وصل الى المخيم ، الاطفال والنساء عند باب المخيم ، زينب تنتظر على أحرٍّ من الجمر عودتهما سويّه ، هنا لما نظرت لحال الحسين علمت ان العباس قضى عند شط العلقمي* :
#نعي
خبّرني عن عباس وينه ؟
ماجوره گلها يلحزينه
يختي سهم طفّاله عينه
وانگطعن شماله ويمينه
وراسه بعمود مصووبينه
يعتذر منك يلحنينه
ويگول لاتعتب سكينه
*#نادت مولاتنا زينب ، وا اخاه..واعباساه..وا ضيعتنا بعدك يا ابالفضل*
عباس عدمن ودعتني
من هلي انت طلعتني
دگيت صدرك واكفلتني
وسفه يبو الغيره اتركتني
(ام محمد الحجاج)
*فقال الحسين عليه السلام : إي ، والله ! من بعده وا ضيعتاه ! وا انقطاع ظهراه !*
#مستهل_قصيدة #علي_راح للملّا محمّد بوجبارة
أخي راح.. تِركته مْغسّل بْدمّه.. أخي راح
أخي راح.. سُيوف مْقطّعه جسمه.. أخي راح
أخويه بْلا إدينه.. وسهم نابت بِعينه
أخويه مْگطّعينه.. أخي راح
(كتابات حسينيه)
*#لا أدري أذهبت العقيلة عند العباس؟ ، أودعته ؟ أجلست عنده؟؟ أم بقيت تواسي الحسين تصبره ، تبكي معه على العباس* :
#طور نصاري
آني اوياك آيحسين يبن امي
تعال اجمع همومك خويه وَي همي
شد جرحك على العباس بس سَمّي
بسم الله العزيز ايشدّ على مصابك
شكد يصعب عليَّه وانظُرَك محني
يبن امي الحزن بعيونك ايهدني
مرّة تكول خويه ومرّة آ يبني
واسمع حسرتك من تذكر اصحابك
(الشاعرة زينب الخفاجي)
مجالس عاشورائية/خطباء المنبر الحسيني:
🔴 *خطباء المنبر الحسيني*
🔴 *مجلس شهادة أبي الفضل العباس(ع)-١٤٤٦هـ*
➖➖➖➖➖➖
◾المقدمة
◾ القصيدة الأولى
في خَيْمَةِ السَّجادِ مَنْ ذا القائلُ
"مِنْ هذه اللّحَظاتِ أنتَ الكافِلُ"؟
أصغَتْ إلَيْهِ زَيْنَبٌ وَخِمارُها
قَد بَلَّهُ الدَمْعُ الغَزيرُ الهامِلُ
هُوَ صَوْتُ عَبّاسٍ أذابَ فؤادَها
إذ قالَ للسَّجّادِ "إنّي راحِلُ"
بينَ الجُيوشِ غدا أبوكَ بلا مُعينٍ
أو نَصيرٍ والبَلا مُتَواصِلُ
لا بُدَّ أن أمضي إلى موتي ومن
خلفي يتامى تشتكي وثواكلُ
لا بُدَّ أن تَقَعَ الكُفوفَ على التُّرابِ
وأن تُثَبَّتَ في الضُّلوعِ عَواسِلُ
هذا أيا زينَ العِبادِ وداعُنا
والموتُ من بعد ابتعادي نازِلُ
خَرَجَ الكفيلُ إلى المَنِيَّةِ مُسْرِعًا
وعَلا نِداءٌ بالتَّمَهُّلِ عاجِلُ
عبّاسُ مهلًا قف لأختك زينبٍ
يا أيها البطلُ الشديدُ الباسِلُ
دعني أودِّعُ عطفَ قلبِكَ قبل أن
يُهويكَ من فوقِ الجَوادِ القاتِلُ
(فاطمة علي رزق)
◾القصيدة الثانية
أتاهُ النّداءُ فَرامَ الفراتْ
وخطَّ بدمعاتِه الأمنيات
عسى ولعلّ، قبيلَ الفوات
يُلاقي أخاهُ فيهدا الفؤاد
ونبضُ اشتياقٍ، يحنُّ، يَميل
لوجه أخيهِ الجميلِ الجميلْ
ودربُ التَّلهّفِ صعبٌ، طويل
وعينُ الحنينِ تُقاسي السّهاد
على النّهر أرخى غزيرَ الدّموع
وضاق الفؤادُ بأسرِ الضّلوع
لقلبِ الكفيلِ أرادَ الطّلوع
عناقُ القلوبِ يُذيب الجَماد
كأنّ الحسينَ بِصوتٍ عطوف
بِهمسٍ جَثا ناعيًا في الطّفوف:
"أخي ما لعينِكَ؟ ما لِلكفوف؟
أبدرٌ جريحٌ؟ طريحُ الوِهاد! "
بصبرٍ جميلٍ وظهرٍ كسير
بعزمٍ وجأشٍ وحزنٍ كثير
لباب العقيلةِ غمًّا يسير
مشى بانحناءٍ يبثُّ الحداد
وزينبُ لاذت تضمّ الحسين
تُرى هل حكى عَن مصابِ اليدين
ونزفِ الجبينِ على الوجنتين
ترى هل روى عن جِراحٍ شداد
يُواسي العقيلةَ فهْوَ الحنون
وعمّا قريبٍ يلاقي المنون
فتُلوى السّياطُ وتُدمى المتون
وكلُّ الخيامِ تصيرُ رماد..
(كتابات_حسينية)
جينا جينا .. نساعد احسين بونينه
جينا جينا .. من يصيح الغالي وينه
جينا جينا .. نعظم امصابه وبكينا
وابرحيله يعينك الله عالمصيبه
وابرحيله تدري بخيامك لهيبه
وابرحيله تنسبي يعني الغريبه
وبمصابه ... جينا لَنواسي العقيله
وبمصابه ... ندري لوعتها ثجيله
وبمصابه ... مَكبَر الهم التشيله
💔 *مأجور يا اباعبدالله ، هذا صوت العباس عند المشرعه* :
صاح أبو فاضل بصوته وردده
يم النهر خوي روحي لِيك الفدا
التفت صوب الخيم والمدمع بكت
وصاح يا عِضيدي ترى عنَّك رحت
قطعوا كفّيني وعالغبرة طحت
وجاه مسرع من سمع منَّه الندا
# *وا ويلاه ، وكأني بالعباس نادى برفيع الصوت " أخي حسين عليك مني السلام "يقله* :
# طور نصاري
إلحكني يخويه الروح راح تروح
كبل ماشوف جسمك عالثرى مطروح
ولاشوفن حبيبي نحرك المذبوح
الحمد لله اموتن وانت بيك الروح
هاي الزهرة نادتني هلا يبني
تِضمّد لي جرح عيني وجرح جفني
بس تنحب عليك وحيل بجّتني
كالت لي عطش لحسين يوجعني ( يا زهرااااء)
(الشاعره زينب الخفاجي)
# طور الجفيري
#منو الحضر عندك يبو فاضل !!!!
خويه أخبرك هالأمر ( إشعندك يبوفاضل ؟)
امك إجتني اعلى النهر
ساعة طبرتي بالعمد
اتلقتني حيل من المهر
جتني العزيزه ونايحه
شالت كفوفي الطايحه
اتقبّلها والمدمع جرى
وتقره اعلى روحي الفاتحه
تناديني يبني من القلب
لجلك ونيني وانتحب
تمسح طبرتي من الدمه
وتضمني ويروح التعب
شفت الحزن منها صعد
تقلي اخوك بلا عضَد
يكسر دليلي بحِيرته
منهو اليظل عنده سند
(خادمة ابي الفضل)
*#اعظم الله لك الأجر يا اباعبدالله ، ساعد الله قلبه لما وصل إليه صوت العباس ، اسرع ناحية المشرعه والقوم يفرون من بين يديه ، وهو ينادي إلى اين تفرّون وقد قتلتم عضدي وابن والدي* :
اليوم القدر يا عباس فرق بينك وبيني
وبقيت اتمنى سهم الصاب عينك واقع بعيني
وسيف القطع يمناك قطع من قبلك يميني
وعمود الصاب راسك ريت صوبني ولا اذاك
# طور عاشوري
يخويه امنين اجتني هل رميه آه آه
يخويه اسا وقع بيتي عليه
يخويه اسا عدوي شمت بيه آه آه
وشوفنك يبو فاضل مطبَّر
*#جلس عنده جلسة الطير المنكسر المجروح ..رفع راسه إلى حجره ، وكأني يمسح الدمه والتراب عن وجهه وعينه اليسرى ، يقله* :
حرام العيش من بعدك يبوفاضل حرام العيش
يا خويه من تظل اهنا للمخيم اردن بيش
شقل للحرم لو قالن لينه ارجعت وحدك ليش
(من التراث)
#آآه ، زينب تسأل منو يرد الحرم للمدينة يبوفاضل :
ونـيني الـساكن البيده وعتبه الشمر ترضه يعت بيّه وعتبه
أريد اوصل لبو فاضل وعتبه واگله اگعد او شوف الصار بيّه
💫إنا لله وإنا إليه راجعون💫
◾ المحاضرة
هو ابن أمير المؤمنين عليه السلام، وأخو سيد الشهداء عليه السلام وحامل لوائه يوم عاشوراء. والعباس في اللغة بمعنى أسد الغابة الذي تفر منه الأسود.أمّه فاطمة الكلابية التي اشتهرت في ما بعد بكنية أُمّ البنين،
قصيده لسيده رقيه تخاطب عمها العباس ع
رايح ياعمي الله اوياك وموتنساني
الله اوياك. وترجع سالم يانور العين
تمل الجود بيه تروي. اعلى العطشانين
انت البيرق. وانت الكافل. ياظهر حسين
واحنه اطفال. وكلنا الجودك. عمي متانين
طفل ايسكت. باسمك گام. الطفل الثاني
رايح ياعمي. الله اوياك وموتنساني
،،، ـــــــــــــــــــــــــــــــ
يبس كلبي. ويبس روحي . شيريد الماي
وخطوه.بخطوه كمت اتعثر. عمي بممشاي
امشي وتلهب. نار الصحره. بوجهي ومكفاي
وتعبانه.اشكيلك. من دهري. تعبني اهواي
دهري اوياي اشتد اهواي وماراعاني
رايح ياعمي. الله اوياك موتنساني
ـــــــــــــــــــــــــــــــ
موتنسى. الجانت لعبتها. بين اكتارك
ومن دار الوالد. تاخذهه. اضوي بدارك
جنت اواياي. اتسولف تضحك طول انهارك
هسه الخوف. يلوع بيهِ سل بتارك
انه ابنيتك. يابو الغيره. وهايه احزاني
رايح ياعمي. الله اوياك وموتنساني
ـــــــــــــــــــــــــــــــ
لوطولت اسياط الشام. اتعب امتوني
وحالف لو شافاني الشامت. يعمي اعيوني
يگطع ترجتي. ويضربني. لو عفتوني
خذني اوياك. وضمني بصدرك. ليئذوني
مااتحمل سوط. الشامت. لوطگاني
رايح ياعمي. الله اوياك وموتنساني
ـــــــــــــــــــــــــــــــ
صاحوا هايه. . يحبها الكافل. لترحموهه
وجيبوا حبل. الرايه البيده. وبي شدوهه
الكلُ تشرب. الا ارقيه. لتشربوهه
عباس يطگ. جبده عليها. من تاذوهه
يدري بكلبك ما يتحمل هل طگاني
رايح ياعمي. الله وياك وموتنساني
خادم الزهراء ع ابو احمد الطائي
إِنِّي أُحَامِي أَبَداً عَنْ دِينِي
نَجْلِ النَّبِيِّ الطَّاهِرِ الأَمِينِ
فقاتل حتّى ضعف عن القتال, فكمن له الحكيم بن الطفيل من وراء نخلة فضربه على شماله واعباساه ~ فقال:
يَا نَفْسُ لَا تَخْشَيْ مِنَ الكُفَّار
مَعَ النَّبِيِّ الطَّاهِرِ المُخْتَار
فَأَصْلِهِمْ يَا رَبِّ حَرَّ النَّارِ
إِوَاسْتَبْشِرِي بِرَحْمَةِ الجَبَّارِ
قَدْ قَطَعُوا بِبَغْيِهِمْ يَسَارِي
يا اهل العزاء العباس بلا كفوف… فحمل القربة بأسنانه واسرع ليوصل الماء إلى عطاشى كربلاء, فجاء سهم فأصاب القربة وأريق ماؤها...
ثمّ جاءه سهم آخر فأصاب صدره وآخر وقع في عينه صح ونادي واعباساه~ واويلاه ما اعظم هذا الموقف… وبينما العبّاس كذلك لا يدين فيقاتل بهما ولا ماء فيأتي به إلى المخيم وقف حائراً لا يدري ما يصنع.. اصعب موقف على العباس كيف يرجع الى المخيم دون الماء ودون كفين ~ لفى عاشور او التغريد الحزين ~
وگف بالكون متحير
وينظر قربته بعينه
سالت مايه عالتربان
ومنّه گطعو يمينه
وسهام الردى بصدره
ودم سايل من جبينه
بعامود انطبر هامه
وطاح عْلى الترب عباس
〰️〰️〰️〰️
(يلا اتخيل المنظر امام عينيك العباس مقطوعه شماله ويمينه والقربة أُصيبت بالسهام وسال ماؤها والعامود هوى فوق جبينه شقّ رأسه نصفين ويلاه واعباساه~)
سال الماي من القربة واتحسّر على مايه
هِوا من مهره عالغبره
ومنه طاحت الرايه
ما عنده بعد چفين
و طاحن عالمسنايه
وصاح بصوت ادركني يخويه بالعجل حسين
خادمة آل محمد ✍
وإذا بلعين جاء إليه وضربه بعامود على رأسه ففلق هامته وخرّ على الأرض منادياً: أخي أبا عبد الله أدركني~ اخي حسيييين ~~~ والله يعز على الحسين أن يرى أخاه صريعاً على شاطئ الفرات مقطوع اليدين مرضوض الجبين, السهم نابت في العين, المخّ سائل على الكتفين, القربة مخرّقة, الراية ممزّقة, نادى: الآن انكسر ظهري.... واويلاه واعباساه
لحن الحسناوي زينب اجت لحسينها ~ الجفيري ~
ابا الفضل عالمشرعه
وكفوفه منه مگطّعه
سابح بدمه بمصرعه
ولاجله ظهر خيّه انكسر
〰〰〰〰
يگله يا مفضوخ الجبين
ليش السهم نابت في عين
ومفضوخه راسك والجبين
خويه يا عباس الگمر
〰〰〰〰
خويه عباس… يا ابو چفوف الگطيعه
خويه عباس… اسمع عتاب الوديعه
خويه عباس… لا تنام على الشريعه
گوم وياي… خلنا نرجع للخيم
گوم وياي… گوم يا راعي العلم
گوم وياي… اسقي سكنة والحرم
خادمة آل محمد✍🏻
ثم جلس عنده وانحنى الحسين على أخيه أبي الفضل ليحمله إلى المخيّم, فقال له العبّاس: إلى أين تريد يا أخي؟ فقال له الإمام الحسين عليه السلام: أريد أن أحملك إلى المخيّم, فقال العبّاس: أخي بحقّ جدّك رسول الله عليك أن لا تحملني ودعني في مكاني هذا, فقال له الإمام: لماذا يا أخي وكيف أتركك هنا بين الأعداء؟ فقال العبّاس: أخي أبا عبد الله لأنّي مُستحٍ من سكينة وقد وعدتها بالماء ولم أأتها به, (يلا تهيؤا للمصيبة عظمالله اجوركم)وبينما الحسين عند أخيه يودعه بدموع عينيه وإذا بالعباس شهق شهقة ( ولن اقول اسبل يديه ورجليه لان العباس بلا كفين ) ثم فاضت روحه الطاهرة, فصاح الحسين اخي عباس~~~~ رحم الله من نادى: واعبّاساه, وامظلوماه ~ عظم الله اجوركم انا لله وانا إليه راجعون ~
يا عباس… ظهري ٱكسرته يالگمر
يا عباس… وتظل نايم عالنهر
يا عباس… ظهر عضيدك ٱنكسر
(يلا نادي مع الحسين وِنّ الونّه مع المظلوم~)
بو فاضل… بو فاضل… بو فاضل ~
فقام من عنده الحسين وهو يكفكف دموعه بيديه ويقول: الآن انكسر ظهري~ وقلّت حيلتي~ وشمت بي عدوّي..~
(الله الله بمصاب العباس كسر ظهر الحسين ع) واويلاه واعباساه
الآن انكسر ظهري وقلت حيلتي واويلاه وعباساه~
لحن الجفيري~♪
ظهري انكسر آيالگمر
من شفتك بجنب النهر
منهو ليحمي هالخدر
بعدك يا شيّال العلم
------------------
هاي الفواطم لاطمه
هجمت عليها الظالمه
قم ليها يا حامي الحمه
واحرس خدرها والخيم
خادمة آل محمد✍🏻
الحسين يقولون بهذه اللّحظة، التفت يمين ويسار، العباس على الأرض أمامه، (الحسين لغيره ما قال كسرلي ظهري) على الدّنيا بعدك العفا، التفت يميناً ويساراً ما رأى واحد يرفعه عن الأرض، فيقولون وضع يده اليمنى على خاصرته اليمنى واليسرى على خاصرته اليسرى وسنّد نفسه وقال قِف يا حسين! يقولون لم يقدر!! يقول مرة ثانية: قِف أبو علي! فلم يقدر! فسمع الطّبول والمزامير والنّاس تصرخ قتلنا العبّااااااس..
التفت للجسد وقال الآن *"انكسر ظهري، كسرتني يا أبو فاضل، هدّيتني يا خويَ.."*
فنزّل رأسه الحسين على جسد قمر العشيرة، يقولون كانت لحية سيّد الشهداء لونها أبيض وأسود، يقولون عندما نزّل رأسه على رأس العباس ولمّا رفع رأسه كانت لحيته كلها بيضاء، حواجبه بيضاء، رموشه بيضاء، من عظم المصيبة… و عندما وقف وعاد، وكيف عاد؟! عادَ وكأنّه بوضع الرّكوع، وبقي على هذه الحالة!! يعني بقي بعد العبّاس هكذا! محني الظهر واويلاه وقاتل هكذا! حتى استُشهد واويلاه واحسيناه ~ الله يعين قلب زينب ام المصائب العقيلة حين تراه! عندما ادخلوا رأسه عند اللعين ابن