7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
🏴 باجر يجيهم 🏴
● طور : ياصبرنا ابتعد ، وعدة أطوار أخرى
● وزن : المثلث
.
.
.
هَدِّموها ابحقد .. اقبور أهل الشيم
لا مناره بُقت .. لا قبر لا عَلَم
〰️〰️〰️〰️〰️
الله يلعن من تِجرأ اعله الأطايب
اگبال قبر المصطفى سَوَّى العجايب
هَدَّم اقبور الأيمه ابلا مُحاسِب
والمراقد وسفه سَوَّاها ترايب
لكن ابلايه شك .. ما يِظل هالظُلم
لا مناره بُقت .. لا قبر لا عَلَم
〰️〰️〰️〰️〰️
بكل زمن تنعاد أحقاد السقيفه
وكل زمن تنولد زُمره المو نظيفه
البايعوا طاغوتهم بِإسم الخليفه
حاربوا أحفادهم العتره الشريفة
ابكل زمن تنوجد .. هالتِوالي الصنم
لا مناره بُقت .. لا قبر لا عَلَم
〰️〰️〰️〰️〰️
الظنوا ابأحقادهم هدموا قبرهم
وعالمراقد طلِّعوا والله مكرهم
بَشِّروهم ما دِنَوا والله لقدرهم
ذوله ما هِدموا قبر هِدموا عمرهم
ذوله جِمْعوا حطب .. بنارهم يِضطرم
لا مناره بُقت .. لا قبر لا عَلَم
〰️〰️〰️〰️〰️
بَشِّروهم باجر المهدي يِجيهم
الحاربوا آل الرساله يدري بيهم
الدنيا يگلبها گلب والله عليهم
ينسف الطاغوت وايْخَرِّب سعيهم
ويهتف ابيا ذِنب .. قبر جدي انهدم
لا مناره بُقت .. لا قبر لا عَلَم
〰️〰️〰️〰️〰️
يگعد اعله القبر وآهاته شِجيه
يسقي قبر الحسن بدموعه الجريه
اينادي يالشِفْت ابحياتك چم أذيه
اسهام نعشك تشتكي وسَمِ المنيه
وحتى وسط القبر .. مرقدك ما سِلَم
لا مناره بُقت .. لا قبر لا عَلَم
〰️〰️〰️〰️〰️
تمت بحمدالله تعالى
فاطمہ كريم
*نسألكم الدعاء لتعجيل الفرج*
*يا أبا عبـــــــــــــــــــــــــدالله*
.
● *طور القصيدة* ●
https://youtu.be/Wx7zXChaUWw
قصيدة من الأرشيف لم تنشر
في فاجعة مراقد #البقيع الغرقد
.
.
اباب المدينه .. الزهره حزينه
___
داخل گبرها فاطمه الزهره تون واتنوح
بدمعة حزن تبچي وگلبها دامي او مجروح
اتشوف الگُبور امهدمه او لا شاهد اللي ایلوح
گعدت علی گبر الحسن او دمع القهر مسفوح
تسمع ونينه .. الزهره حزينه
___
اتگله يیمه يالحسن آنه امك الزهره
جيت بحزن جيت بألم أنحب وأجر حسره
مالك ضريح او لا صحن وسفه وَلَا حضره
ليش اليجيلك ينكسر گلبه ويهل عبره
اتظل تجري عينه .. الزهره حزينه
___
يگلها ییمه فاطمه جرحي يَيُمه ايهون
كل الألم يالزهره للي بالگلب مطعون
آنه ضريحي منهدم بس صدري مو مطحون
وراسي بمكانه مو على راس الرمح مرهون
گطعوا وتينه .. الزهره حزينه
___
الزهره تِنادي يا خلگ شل سووا اولادي
ذبحوهم او بيهم يشيعه فجعوا افادي
هدموا گبرهم تاليِ او يدري الذي ايعادي
جدهم علي وجدهم محمد النبي الهادي
عترة نبينه .. الزهره حزينه
___
تمت بحمد الله تعالى
#فاطمة_كريم
بمناسبة هدم قبور أئمة البقيع عليهم السلام
شوف البقيع وانظر ابحسره
موحش أثرها اگبور للعتره
ابفتوه سوده للعقول الناصبيه
شرك گالوها گبور اهل الحميه
والزياره افعال اهل الجاهليه
وجب تتهدم دوارس علوطيه
غايات عدهم چانت وفكره
موحش أثرها اگبور للعتره
أگبور چانت اربعه بين المگابر
اضرحه نور وتزينها. المناير
بيها گبر الحسن والساجد الذاكر
والإمام الصادق وسيدي الباقر
مهجوره بين الوحشه والغبره
موحش أثرها اگبور للعتره
اهناه فجيعه صارت ومرت مصيبه
ابراي مامقبول من وادم عجيبه
بلهظم مكه الشريفه وأرض طيبه
صاحب الطلعه الرشيده شگد نحيبه
نار النوايب تلهب ابصدره
موحش أثرها اگبور للعتره
أثمانيه ابشوال ياعظم الفجيعه
هدوا أكبور المجد أهل الخديعة
ضاگت بعين المحبين. الوسيعه
وشعظم بلواك ياحامي الشريعه
ونك يهد الجبل. ويفطره
موحش أثرها اگبور للعتره
اگبور مهجوره صفت بأرض المدينه
صاحب الطلعه الرشيده اتگول وينه
بالفرج ندعي يهل وجهك. علينه
شيعتك مسها الهظم مثلك حزينه
وجهك يهل اعليها تنتظره
موحش أثرها اگبور للعتره
ألشاعر حسن لعيبي الحريشاوي
على وزن قصيدة حمزه الصغير باليسرزينب علحرم ظلها حول ذكرى تهديم قبور البقيع. (گعديه )
مهدومه الگبور. وإلي هدمها
أحقاد الأيام. بلگلب ظمها
برض البقيع چم گبر. عالي المنارة
صارن سويه. وي الوطيه
دوم متوارث فعلها هلافكار الناصبيه
باب بالإسلام فتحوا تطب منه الجاهليه
دسوا أقوال الضعيفه. بلاسند بين البريه
اتوارثوها اچم درس
شر الطبايع تنغرس
خير الگبور التندرس تنفرش فوگ الوطيه
من هاي الأفعال. حيدر قصدهم
ابسيفه للنار. من وده جدهم
كل گبر عالي تنمحي گالوا آثاره
صارن سويه. وي الوطيه
افتى شيخ الكفر عدهم للهدم چم فتوى قدم
أخذ من ابليس شورى. وكلشي من عنده تعلم
امنيات الشر وكتها. اجه وماللباري. مهتم
معروف نهج الناصبي
ضد الحسيني الطالبي
كل گبرخص آل النبي عمل صالح لوتهدم
وبهاي الأفعال. حقق مرامه
يتصور يطيح. ركن الامامه
يتصور أنوار الوصي. ذابت أنواره
صارن سويه. وي الوطنيه
حته لامخلوق يسئل هاي المن هلمعالم
البيها انوار الامامه. كل فقيه وتقي وعالم
اغصان من شجرة محمد لهلنسب جبريل خادم
غير الخيانه ماعرف
يمشي على نهج السلف
ماكظته بيوم الاسف من فعل فعلته الظالم
هدم هلگبور. سواهن اتراب
ماحاجه.للوم معروفه الاسباب
جدران مرفوعه وذهب خط الزياره
صارن سويه. وي الوطيه
گلوب ماتعرف الرحمه لفت من صوب الظلاله
وصفت معلومه النوايا بدون برهان ودلاله
لازم بليس وزمرته. ايحارب انوار الرساله
حاربوا ياما فاطمه.
وحاربوا حماي الحمه
الحارب انوار السمه. . حارب الباري تعالى
للعتره الاطهار. شدوا حربهم
والسبب معروف. مو من حزبهم
عدهم تعاليم النبي قصد العباره
صارن سويه. وي الوطيه
باچر الموعود يبني. صرح لأنوار المعالي
لكل وصي يبنيله گبه وينشرح گلب الموالي
هيه ايام وتعدي. وتعبر وياها الليالي
الموعود باچر دولته
ايثبت الدين وهيبته
الاسلام يرفع هامته . بعزم أهله يرد عالي
يرفع الموعود. للنصر رايه
وللباطل بزود يكتب نهايه
الخلوا معالم طاهره بحسره ومراره
صارن سويه. وي الوطيه
الشاعر حسن لعيبي الحريشاوي
*كل الناس تزور القبور وعادة كل ميت يقصد اليه اهله واقاربه وأحباءه لزيارته…الا قبور البقيع لا زاير ولا معزي يعزي فاطمة ع وكاني بفاطمة ع*
تگلهم
يولادي يا مظلومين علامة گبور مهدومه~
أشوفنها بْلا زوّار
گبر ومغيّره علومه~
رصايف ما عليها ليش بس تراب مرسومه~
لا شباك ولا حضره
ومصفوفه عليها احجار
〰️〰️〰️〰️
*واذا بالزهراء ع تجلس عند تلك القبور تعتصر دموعها بألم واذْ بإمرأة تأتي من بعيد عليها علامات الحزن تأتي لتعزيها واذا بها زينب ع*
تگلها
صاحت والدمع جاري
هلا بأم الحزن زينب
جواب زينب~
اجيتك يُمه يالزهره بعباتك أعثر وأنحب
بيها آثار حريق الدار
وريحة من للخيم تلهب
عليها تراب المخيّم
ومن سوط،الشمر آثار
〰️〰️〰️〰️〰️
اجيتك بيدي كم شمعه اشعلها بوسط لگبور
اخفف عنها ظلمتها
ويسطع من گبرهم نور
*شمعه عا گبر الحسن شمعه عا گب السجاد شمعه عا گبر الباقر شمعه عا گبر الصادق*
وصوت الونة سمعوها
وزينب عالگبور تدور
والزهره تعاينهم
والمدمع يسيل انهار
〰️〰️〰️〰️
*جلسوا على تلك الگبور والصرفة تعلو جبينهم وجوههم شاحبة من أثر السم ولكن السجاد كان لديه آثار أخرى*
تگله يبني يالسجاد علامة عالزند تظهر
أشوفن كم اثر بيدك
وعلامة عالچدم أحمر
وليش برگبتك محفور
أثر تعذيب لو أكثر
كنها معلّمة اصفاد
تنخى المهدي يا للثار
〰️〰️〰️〰️
*السجاد ما يجيبها الجواب من زينب ع*
تگلها يمه خليني أسولفلچ عن المحنه
السجاد بقيوده راح
ومشينا بالسبي كلنه
برگبته جامعه واغلال
ومن قيده جذب ونّه
ويتامى مربّطه بحبال
تمشي بولية الكفار
〰️〰️〰️〰️
خادمة آل محمد✍🏻
نعي لفاجعة هدم قبور البقيع كأني بمولاي الإمام المهدي المنتظر حضر ليلة المصيبة للبقيع
والتقى بنفس الوقت مع مولاتنا فاطمة الزهراء عليها السلام
لسان حال الشاعر يصف الموقف
الليله المهدي يم گبور الاحباب
من ادموع عينه رش التراب
ليش گبوركم مهدومه يطياب
ينعاهم او وناته شجيه
.....
.....
يم گبر الحسن ساعة خذاله
ويم زين العباد شلون حاله
اجه للباقر شگله شحچاله
يگله احچيلي عن عمتك رقيه
.....
.....
تعنه وراح للصادق يگله
يشكيله ودمع عينه يهله
هدم گبورکم حط بيه عله
وجرحكم مثل جرح الغاضريه
.....
.....
بعد عده گبر يحتاجله اونين
يستاهل بواچي تودر العين
ونهه يختلف هاي ام البنين
هاي الطاهرة الحرة الوفية
.....
.....
سمعها اتگله يمه مين جيتك
من عطرك بعد طولي عرفتك
حزن التل اسمعه بهاي ونتك
صوتك بي جرح غربة سبية
.....
.....
اظن من كربله جيتك يمهيوب
وجايب كل ألم عثرات الدروب
بتل الزينبي صليت الغروب
ومن عباس ودالچ تحية
.....
.....
واهو بهل حال لن حضرت الزهرة
سمعت هدّمو مرقد الحرة
گعدت عالگبر جذبت الحسرة
وصار النوح والونه سويه
.....
.....
( شفتهه )
تگله هم زرت زينب شفتهه ؟
شنهي الحيل موجعها شفتهه ؟..... مارد گلبها
بعدهي يابسة ظنهه شفتهه
بعد حسين ماشربت اميه
.....
.....
جاوبها مولاي المهدي عجل الله فرجه الشريف
عليّه مكركده حزاني .. شفلهه
الي دنياي ماضحكت .. شفلهه
ييمه جروحي مايحصل .. شفلهه
للراحت على الهزله سبيه
.....
.....
أم محمد الحجاج / العبادي
*البقيع الغرقد الطاهر نشوفه بدمعة الزائر*
لا مناير لا قباب
لا أثر فوق التراب
نسمع أنينه… بارض المدينه
〰〰〰〰
بگلبي الك گبور اربع دمعة عيني تبنيها
وكلما أگصدك زاير أجي يمّك واحيّيها
ازورك يالحسن مولاي ودمعة عيني اجريها
اذن زيارتك دمعة وسلام عليك يا مظلوم
نسمع أنينه… بارض المدينه
➖➖➖
روحي تجذب الحسره وللزهره تواسيها
انصب تعزيه وآهات وبالونّات اعزيها
والطم واصرخ بلوعة امامي مندفن بيها
بس لا حضرة لا حاير ولا شباك نطوفه اليوم
نسمع أنينه… بارض المدينه
➖➖➖
بخيالي قبة ذهبيه عليها للحسن رايه
يرف اسمه بسمه طيبه ونگصدله مشايه
المواكب تخدم بدربه وننصبله عزا قرايه
كل شيعي اله ينحب وسفة زيارته محروم
نسمع أنينه… بارض المدينه
➖➖➖
الشاعرة الحسينية
خادمة آل محمد✍🏻
#يوم_البقيع_العالمي🏴
لحن الخضيب♪
گبور الأئمة مهدّمه گوم ابني حضرتها
يالمهدي يالغايب تون وتنصب عزيتها
تنصبها خيمة للعزا وتنحب لغربتها
تدعي بحق الاربعة عجّل يا رب الثار
آيا سجاد آياصدق آيا باقر آه
〰〰〰〰〰〰
جروح البقيع تناشدك بالحسره واللوعه
ليش المجالس واللطم في أرضي ممنوعه
لا قبة عندي لا صحن وحجاره موضوعه
مهجورة ارضي من زمن وما تعتني الزوّار
آيمهدي ~ آه~
خادمة آل محمد✍🏻
*شوق الموالي لزيارة البقيع الغرقد* لحن الجفيري♪
شوگي الى ارض البقيع
اتعفّر بترب الشفيع
وتهل عيوني بالدمع
زاير ترابك بالحنين
〰〰〰〰
حسره بگلبي زيارتك
وعيني ما تنظر قبّتك
لا حضره توصل شيعتك
ولا تنصب نياحة وانين
〰〰〰〰
منعونا نبني هالگبور
يم الضريح نبكي وندور
ونرفع مناراته ونزور
ليش الظلم عبر السنين
〰️〰️〰️〰️〰️
ما نگصدچ رايد سبب
گبورك غريبه وبس ترب
نريد المآتم تنِّصب
ومشّاي موكب الاربعين
〰️〰️〰️〰️
كل شيعي حلمَه يوصله
وترفع مناير للمله
وتوصل طريقه بكربله
مثل الزيارة للحسين
خادمة آل محمد ✍🏻
*الزهراء ع جلست عند قبور البقيع تنعاهم واحدا بعد الآخر*
طور الخضيب ♪
الزهره الزچيه لازمة منها الضلع مكسور
اتعنّت تنوحن لاطمه وتنصب عزا لگبور
نوبه على گبر الحسن تهل الدمع منثور
تشوف الحجارة عالگبر وذاب الگلب بالهم~
وابقيعا~
〰〰〰〰〰〰
تدير الطرف يم الگبر وتنادي يا سجّاد
عليكم ما بطّل ونّتي وثوب انصبغ بسواد
ابكي لمحنتك والأسر واتذكشر الاصفاد
والجامعه فوق المتن ومنها يسيل الدم
〰〰〰〰〰〰
ونوبة على الباقر تون ودمع الجفن سيّال
تگله فجعني من الزغر بالطف تشوف اهوال
جسوم الضحايا عالترب وراس الولي ينشال
من تمشي بدروب السبي هناك المحن اعظم
〰〰〰〰〰〰
ونوبة على الصادق تون وجرح الگلب لليوم
تگله علامة مرقدك يبني صبح مهدوم
ما تطفى يبني جمرتي ليوم الظهور تدوم
مهدينا سيفه يشهره وجرح الگلب يلتم
خادمة آل محمد✍🏻
*نخوة للامام الحجة عج وارض البقيع ع*
مشتاق ازور الغرقدين
ويم كل گبر يعلا الأنين
ونحضر مشي بالأربعين
وننصب مآتم بالبقيع
〰️〰️〰️〰️
حلمي يا مهدي فاطمه
تبني المنارة للسمه
والشيعه تحضر لاطمه
تزور المراقد بالبقيع
〰️〰️〰️〰️〰️
يمتى تشيّدها القباب
وترفع قباب من التراب
وتنصب مآتم للثواب
والراية يم قبر الشفيع
〰️〰️〰️〰️〰️
تفتح طريق لكربله
وتگصد مواكي هالمله
ونتعنه كلنا بقافله
ونبنيها جنات البقيع
〰️〰️〰️〰️〰️
يمتى يا صاحب هالأمر
ترفعها رايات الثأر
ثار الضلع ثار النحر
وثار الأئمة بالبقيع
خادمة آل محمد✍🏻
ذكرى هدم القبور الطاهره
شابحه عليك العيون شيبت حته الجفون
فرگتك لاماتهون يابو صالح
****
يمته يالمهدي تجي وتبني بقيعك
امر الله امرك اواجب نطيعك
بلگي يالمهدي بده يخضر ربيعك
يبست گلوب ويبللها نقيعك
تبني حضره لفاطمه توصل لحد السمه
وتمسح اثار الدمه يابوصالح
****
تبني الگبور وتشيدلهن مناره
وسيفك ابيدك بده يوضح قراره
تزهي گاعه هالبقيع بهل غياره
چنها بين الحضرتين شهل الزياره
تسوي بيدك حضرتين للحسن وام الحسين
وحضره هم لإم البنين يابوصالح
*
رايه تاخذ بيدك وتنصب عزائك
يم گبر عمك بده يعله بكائك
تنزف لچبد الحسن لسه دمائك
وبيك اثر كسرة ظهر من كربلائك
البقيع وكربله ثنينهن كرب وبله
إونينك البيهن عله يابوصالح
****
تصلي يم گبر الزچيه بالونين
بيك شوغه من اثر قتل الجنين
بگلبك اليدري فقط رب العالمين
شبيك من شوغه عله مصاب الحسين
گلبك انشال برمح وعشت يالمهدي الذبح
ليل ماشفت الصبح يابوصالح
****
إكبور اهلك تنتظر يمته تمرها
چالخيم يالمهدي چن شبوا جمرها
والگبور المابعد ينفع صبرها
تريدك لثار وبعد انت ذخرها
ملت اكبور وتصيح وانت ابو گلب الجريح
والحمل باقي طريح يابوصالح
***
تعتني يالمهدي تبچي بكل مسيه
بالمدينه تنحب لثار الزچيه
وتبچي من دم عينك لثار السبيه
رمش عينك شيب لعمتك رقيه
انت يالطبعك حنين ماشفت بس الونين
تبچي لمصاب الحسين يابوصالح
*****
تمت ولله الحمد/ المقصر معالحسين
علي النائلي
للبقيع
.
.
.
انته يالجرحك وسيع .. نـدري ثـارك مايضيع
يمته يالمهدي تصيح
يالــثـارات الــبـقيــع
______
يمــتــه يالـغايـب تجـيـنه يـالغـيابك عـجـبه
صــار كل جمـعه البقـيع اويـانه يقره الـندبه
لشـوكت نـبقـه الغيابـك يــوم يـوم انحـسبه
شـوگـنـه يالـمهـدي زاد وعـالـنـجـوم انكــتبه
وندعي يارب ياسميع .. نـدري ثـارك مايضيع
يمته يالمهدي تصيح
يالــثـارات الــبـقيــع
______
الحاكم الـموعد ظهورك ظـل يعد انـفاسه
وخـل يفيدونه الحمايه وزمـرته وحراسه
كلــمن اتعــنه وتعـده عالبــقيــع وجــاسه
الـهــدم طابـوكه تـهـَدم كون باچــر راسـه
عالجسـَر ردك سريع .. ندري ثارك مايضيع
يمته يالمهدي تصيح
يالــثـارات الــبـقيــع
______
الگال اهدمها المراقد على الشيعه وخاوه
هـذا بطـران اليريد اويــه الجــبل يـتلاوه
جـبل احــنه وهمه تــل وابــد ما نتــساوه
اعروشهم هشه يمهدي ومن تجي تتهاوه
تهوه تيجان الجميع .. ندري ثارك مايضيع
يمته يالمهدي تصيح
يالــثـارات الــبـقيــع
______
البقيع امـتاني شخـصك والظـهور ايريده
عيده من تظهر يغايب وانته تدري بعيده
انشــالله اتــرد بالسلامه والبــناء اتعــيده
والـيمد ايده اعله مرقـد انــته تكسر ايده
وللحكم سيفك يذيع .. ندري ثارك مايضيع
يمته يالمهدي تصيح
يالــثـارات الــبـقيــع
______
إلبقــيـع اعــليهــا سيــطر زمــره وهــابيه
يمــته يامهـدينه تصـبح هـالارض شيعيه
واليــجي زايــر يشوف اقــبابها الذهبــيه
هـيه علويــه وجريمـه تنــسبـي العـــلويه
گلبك اعليها فجيع .. ندري ثارك مايضيع
يمته يالمهدي تصيح
يالثارات البقيع
___
حيدر تركي الكربلائي
للبقبع
.
.
.
مـــنـــارات.. الــمــزارات .. الســماوات
بچت من دم عليها
_____
لأن علــويه البقــيع وتعـتبـر قـــدسيه
ابلاتــردد شمــر قـرر يسـبي هالعلويه
والمثل هالگـاع زحـمه تنـوخذ مسبيه
ولـسه ماردت اسيـره عنــد ابن تيميه
جراحات .. الــمــزارات .. الســماوات
بچت من دم عليها
_____
اللجمه الاولى ام البنين اتعنو ايهدموها
چيف من كربـله ثــار امــربع ايطلبـوها
بغضــاً ابعباس هــمه بالــثـره ســـاووها
فـرصه ثارات البقــيـع ولازم يــوفـــوها
رويـــات .. الــمــزارات .. الســماوات
بچت من دم عليها
_____
من هــوت هاي المــناير هـوت چن السبعه
اعيونها مــن البــواچي بيــها ماضـل دمعه
ظلمه هسه وابو صالح يـحترچ چن شمعه
على كسر اظلوع گــبر الحسن كاسر ظلعه
معـــانات .. الــمــزارات .. الســماوات
بچت من دم عليها
_____
مهــبط الاملاك گــصدو بابــها ايحــرگونه
وبالصــبر بعــل البـقيع امــگــيد ايعـرفونه
امن الدمع گبر ابو الزهره مغورگات عيونه
حـقه كــودا شــاف خدها لــمن يسـطرونه
ويلچمات .. الــمــزارات .. الســماوات
بچت من دم عليها
_____
زمـــره للتــخريـب جايــه وللــذبح عـــنايه
اتغيــضهم فوگ البـقيـع العـلي تخفگ رايه
تــره بالتاربخ محــد ســوه هيــچ اســـوايه
اگبور اهل البيت وسفه اويه الثره مساويه
اعله رايات.. الــمــزارات .. الســماوات
بچت من دم عليها
_____
فكرو بامر البقيــع شـلون تخفي انفاسه
گــام واحـد گال منهم كون نگـطع راسه
حتى لاواحد يــزوره اولاتگــصده نـاسه
اتهدم اول ما شمرهم عله صدره وداسه
نهــايـات.. الــمــزارات .. الســماوات
بچت من دم عليها
_____
حيدر تركي الكربلائي
يهدى ثواب هذه القصيده
لروح خادم الحسين العم ابو عباس الجبوري
((البقيع))
رغم ما انتم نجوم السموات
بس أگبوركم وسفه وحرامات
البقيع بلايه نيشان
هضيمه اولاد عدنان
گبور بغير بنيان ،،،،، هضيمه هضيمه
****
الجوه اجدامهم تتمايل الگاع
نيشان الگبب من الرسم ضاع
السفينه شلون تمشي بدون الشراع
يشراع السفينه ال بالسمه انذاع
هذا الصار والگبه سبيه
المناره چنها ترچيةّ رقيه
جرح مايقبل ايهيد
دمع حسرات تنهيد
بقيع العالمي نريد ،،،، هضيمه هضيمه
****
على المايسوه گمنه ندير العيون
وعفنه گبوركم بيد اليهدمون
الضايع بيت ابوه مايعرف شلون
المهدي بيا وضع ياحال يا لون
لْـو بس مره نخجل بالذي يصير
چا الله رزقنه جناح ونطير
غمضو ولحد ايشوف
كلها تصيحلك عوف
ليش اتگابل سيوف ،،،، هضيمه هضيمه
***
وبراس السطر كل الحچي راح
اضن چم حرف ضلن من الارماح
لدوس الورد جدام فلاح
اگبال المهدي داسو والگبر طاح
فز جرح السمه من هدمو النور
وبچت چم فاطمه ياناس عاشور
الصور متفارگ العين
فوگ مصاب الحسين
خزن جرح السنين ،،،، هضيمه هضيمه
**
شكد شايف خناجر سيدي هواي
اگبال عيون جرحك ينچفي الماي
اليعجلولك وطن جا ليش ماجاي
درس مسلم بروحك ها يمولاي
ترى اهل الغدر نصبو تماثيل
وموجود ابرها مولاي والفيل
كلشي تريد موجود
الشمر ومفزع جنود
بگلبه يگول لتعود ،،،، هضيمه هضيمه
*****
ابراهيم النبي كل التعب هان
هدمت الاصنام وجنت تُعباُنٌ
تعال بكل گلب موجوده الاوثان
غوينه ابليس عالماچان والچان
هسه اليعتذر شـتگله معذور
اذا بدموع عينه يغلي ويفور
اجيتك سيدي وجيت
مامعروف رديت
چبير وصاحب البيت ،،، هضيمه هضيمه
عبد زينب
محمد الابراهيمي
🏴 جريمة هَدِم 🏴
● طور : جريمة قتل ، وعدة أطوار أخرى
.
.
.
عدنه جريمة هَدِم .. بيها البقيع انظلم
چم مرقد امن الغُرر .. بيها وسف ما سِلَم
〰️〰️〰️〰️〰️
أربع أيــــمه انحرمنــــه وَصلهم
حتى بقبــــرهم زمننه ظلمـــهم
فقط لحظه وحده أبد مارحمهم
نجي يَمتى إِلهم نطوف ابقبرهم
بين النبي والحسن .. نسعى ونطوف ابشجن
ما نوصل وننكسر .. بيها وسف ما سِلَم
〰️〰️〰️〰️〰️
انتوا اللي هالدنيا كلها بديكم
أمُر هالخلايق رهن والله بيكم
بس انتوا هِدموا قببكم عليكم
امنعوا كلمن ايريد يزور ويجيكم
واليِقتِرِب ينقتل .. ابفتوة زعيم الجهل
صار اليِجيكم كفر .. بيها وسف ما سِلَم
〰️〰️〰️〰️〰️〰️
كِلِ الأيــــمه زحــــف نعتنيــــهم
اشما طال الإفراق نروح ونجيهم
بس انتوا حَمْلَه الزمن شَن عليهم
اليِقِصْدون يِرِجْعون ألِف جمره بيهم
هذا اللي عنده حِلِم .. عطر الترايب يِشِم
وهذا يطوف القبر .. بيها وسف ما سِلَم
〰️〰️〰️〰️〰️
انتوا اللي ما نِحيي يَمكم عزيه
لا من مواكب أرضكم خِليه
متى تِختلف ساداتي هالقضيه
ونجيكم ملايين مِنِ الغاضريه
نقصد مواكب لَطَم .. وكلنه نشوف الحرم
ايْرِد يِفتَحَه المنتظر .. بيها وسف ما سِلَم
〰️〰️〰️〰️〰️
تمت بحمدالله تعالى
✍🏻 / فاطمہ كريم
نسألكم الدعاء لتعجيل الفرج
يا أبا عبـــــــــــــــــــــــــدالله
الفاتحة مع الصلوات إلى روح والدي كريم صالح
#جديد
وقفه على قبور أئمة البقيع
طور : بلا عمامه
.
.
گاصد للمدینه .. بدموعي الحزينه
گلبي ايبث حنينه .. يم اگبور الأطهار
_
للبقيع بلهفتي جيت .. واگصدت گبر الحسن
ضايع وبس گبره والله .. إلي بهالدنيا وطن
ابروحي اترابه أشمَّه .. بيه عطر ذاكه الصحن
ريحة حسين وضريحه .. ريحة الماله کفن
يمك أذكُرَه ابنوح .. وأصرخ آيا مذبوح
حد ما تطلع الروح .. وحد ما تعمى لأنظار
_
منهدم ويلي ضريحه .. وگبله نعشه بالسِهام
امصوبينه مثل چبده .. يا جرح ثاني إمام
دامي بس مو مثل أخيّك .. الصارت اعظامه حُطام
والله خيل الأعوجيه .. بجسمه ما خَلّت عظام
ميت ما يخلوه .. چم مره يسحگوه
وراسه ابرمح رفعوه .. وَيَّه اعياله يندار
_
ابروحي أسوِّي مجلس حسين .. وأبچي ما بين الگِبور
امن الحسن أنهض ابدمعي .. والعلي السجاد أزور
وأذكر آلام السبايا .. ووگفِته ابذيچ الإگصور
وَيِّه زينب آيا زينب .. من گِطع ذيچ الإبرور
بگلبه لَسَّه آلام .. مِنِّ الكوفه والشام
شاهد أصعب أيام .. وشاف الما جرى وصار
_
بدمعة الطف والرزايا .. والسبايا واليِسر
أگصد الباقر وأزوره .. وأذكر اجروح اشكثر
چم مصيبه اعيونه شافت .. يوم عاشور الظهر
شاف مقتل جده بالعين .. اضلوعه شاهد تنكسر
شاهد چم رزيه .. شام وغاضريه
وهم مقتل رقيه .. شافه ابگلب محتار
_
وبعد مِنِّ الغاضريه .. جرح باگي يلتهب
من أزور الصادق أذكر .. داره شبوها ابحطب
النار آ للنار ذكرى .. بيوم أبد ما تنحجب
نار باب ونار خيمه .. عالحرم ويلي تشب
حرگوها الصواوين .. وزينب عگب الإحسين
محتاره تفر وين .. وما ترحمهم النار
_
واگصد لگبر الوفيه .. ويمها دلالي نِعه
ولو ذكرت حسين لازم .. أذكر أم الأربعه
بدمعي اسلم وأنعه عباس .. ويمها أذكر مصرعه
ولو ذكرته الزهره تحضر .. وكل كلامي تِسمعه
يم گبر أم لإبنين .. تبچي أم لإحسين
للگطعوله چفین .. وي إخوانه لأقمار
_
تمت ببركات مولاتي الزهراء عليها السلام
#فاطمة_كريم
٢٠٢٣ م
قصيده گعديه بصوت. مسلم المطيري
مهدومه الگبور والي هدمها
أحقاد الأيام. بلگلب ظمها
كلمات الشاعر
حسن لعيبي الحريشاوي
بالبقيـــع أربـــع گبب تنبنـــي باچـــر ذهــــب
واالمواكب تنصّبْ يم الضريــح يمنه يالزاير تفضل وأستريح
*
بينه جمره جمرة الفارگ حبيبه وعنه غايـب
بينه جمره جمرة العطشان طفله وگلبه ذايـب
بينه جمره للبقيع ولوعتــه وفعـل النــواصب
بينه جمره جمره تسعر بالگلب لجل الحبايـب
تطفه جمــرات الدهر مــن يجينــه المنتظــر
بعالي صوته أهناك بالدمعه يصيح يمنه يالزاير تفضل وأستريح
*
تعله رايه باچـر بعـون الله وترف عالمنايــر
تعله رايه بالبقيــع المهدي همْ ويانـه حاضـر
تعله رايه مطرزه ابلون الدمه ونزف المناحر
تعله رايه وتنصب بأرض البقيع اعظم شعائر
ونقـــره مقتل بالدمــع والخــلايـــق تنفجـــــع
ابصوت عبد الزهره نصرخ يالذبيح يمنه يالزاير تفضل وأستريح
*
للغوالي نبني مرقد من ذهب يسحرها العيون
للغوالي نعتنــي أنـــزور بـرغم كل اليضـدون
للغوالي للبقيع مــن الطفوف أحبابه يمشـون
للغوالي تدخل أصحاب المواكب مـــن يعزون
أبصوت ياسين أو وطن نلطم أبوســط الصحـن
وموكب الخدمه ينصبونه المسيح يمنه يالزاير تفضل وأستريح
*
من نجيكم نگصد لصحن الحسن احنه ابطلبنه
من نجيكم ندري ابو محمد كـــريم وما يردنه
من نجيكم آوياكــم أبدم النحـــر نكتب عهدنه
من نجيكم نگطع اچفوف اليضدكم واليضدنه
نلبس أثياب الحشد والله عنكم مــا نـــرد
نجيبه خادم يمكم الطايح جريح يمنه يالزاير تفضل وأستريح
****
بالمناره نـــرفـــع أذان التشهــد بالـــولايه
بالمناره عالمباشــر تستمــع كــل البرايــا
بالمناره نقــره أسماء الايمه أهل الهدايه
بالمناره علم مــرفــوع وعليه مكتوب ايه
اية النصر المبين تنظر الها العالمين
قد جاء نصر الله للكون الفسيح يمنه يالزاير تفضل واستريح
****
الشاعر
موسى البديري
نعي في ذكرى هدم قبور ائمة البقيع عليهم السلام
كأن مولاتي فاطمة الزهراء عليها السلام حضرت للبقيع وتوجهت لقبر مولاتي العليلة
لسان حال الشاعر يصف الصورة
بين فاطمة الزهراء عليها السلام وفاطمة العليلة عليها السلام
....
....
ام الحسن لولادها حضرت الليلة
وتنادي دلوني على گبر العليله
.....
.....
شحالهه من هدمو اعليهه البنيّه
الله واكبر ياعظم هاي الرزيّه
تعنيت ليهه بلوعتي ودمعه جريّه
من هدموا اعليهه الگبر واهيه نحيله
.....
.....
بس لا ضلوعچ کسّروها ياضوه العين
امن ابعيد وآنه جايه اسمع تونّين
چم ضلع مكسورات منچ ضلع... ضلعين ؟
تراب العلى گبرچ مااگدر ازيله
.....
.....
هدموا ييمه الگبر خاف اتمر الاحباب
بالدنيه محرومه يروحي وتحت التراب
وجرح اليفارگ هله .. للموت ماطاب
وقصّتي وي الحزن يايمه طويله
.....
.....
.....
( ترابي )
جرح مايبره يايمه ترابي
وعيني لليجي زاير ترابي
بماي العلگمي يرّش ترابي
تمنيت اليجي يجيبه هديه
.....
.....
أم محمد الحجاج/ العبادي
*#البقيع _ والامام المهدي عج*
قبور بغربه… تنوح بندبه
عجل يا ثار الله ²
🕳🕳🕳🕳
صيحة تناشد المهدي من ظلم الأسى والجور
أغثنا من البقيع تصيح ونّة كل گبر مهجور
ادركنا يا ثار الله وشيّد للأئمة گبور
قباب من الذهب سوّي وارفع ليها هالرايات
عجل يا ثار الله ²
🕳🕳🕳🕳
يسأل ليش بلا حضره ولا شباك لاحاير
ولا خدّام لزوّاره تخدم مرقده الطاهر
گبور الآل مهدومه ولا يمها يجي زاير
ممنوعه الزيارة هناك اسمع ليها هالونّات
عجل يا ثار الله ²
🕳🕳🕳🕳
تعال وشوف يالمهدي مني انمنعت الزوار
لا وفّاد تلفيني گبور مشيدة بحجار
محّد يگصد الحضره يشتم تربة الاطهار
الصحيفة والعلم والنور اثرهم بالترب ما مات
عجل يا ثار الله ²
🕳🕳🕳🕳
اسمع مولاي يا صاحب الزمان عج بماذا يخاطبك البقيع الغرقد ???
بيوم الاربعين نشوف مواكب كلها مشايه
تتعنه لضريح حسين ترفع بالمشي رايه
الحج بموسمه بالطف لطم صدور وقرايه
وصوت التلبيه يا حسين تجدد عالعهد بيعات
عجل يا ثار الله ²
الشاعرة الحسينية
خادمة آل محمد ✍🏻
*اسمع ندبة الامام الحسن ع للامام صاحب الزمان عج*
لحن الخضيب~
اسمع يمهدي هالنداء من
قبري المهجور
هذا البقيع بغربته يعاني الظلم والجور
ممنوعة تحضر شيعتي يمي تجي وتزور
لا حضرة لا قبة وصحن ولا مرقد وشبّاك
آيمهدي~آه
〰〰〰〰〰
اتمنيت الي بدرب المشي تقصدليِ الزوّار
وكل المواكب تعتني وراية ترف للثار
وسفه ضريحي بلا صحن وقبري عليه حجار
يمتى تشيّد هالقبر وبيدك يرف لواك
〰〰〰〰
خادمة آل محمد ✍🏻
*حوار بين الامام ع وأخيه الحسين ع الشهيد وغربة قبرهما*
من قبره مولانا الحسن ينحب على المذبوح
يقله يخويه لغربتك قلبي صبح مجروح
وين ليقصد حضرتك وينصب مآتم نوح
وين المواكب واللطم
يم الضريح تدور
〰️〰️〰️〰️〰️
كنك تواسي وحدتي وبغربتي تدري
ما عندي ناعي لمحنتي
ولا زاير لقبري
لا موكب واهل العزا
يمي الدمع تجري
كنك تواسي غربتي
مثلي القبر مهجور
〰️〰️〰️〰️〰️
عندك يبو سكينه أخو عضيدك ابو النوماس
يستقبل الوافد إلك وكفوفه لك حراس
يرفع كفوفه والقسم
يا ربي بالعباس
عيد الزيارة لشيعته
يمك تجي وتزور
〰️〰️〰️〰️〰️
وصوت الغريب بكربله
يا خويه يا مسموم
قبري يواسي غربتك
وانت بألم وهموم
ادعي يا ربي بالعجل
فرج عن المظلوم
ومهدينه ينشر رايته
ويطلب ضلع مكسور
خادمة آل محمد ✍🏻
*حضور الزهراء ع في ارض البقيع لتنصب عزاء عند تلك القبور المهدومة المهجورة*
اتعنت الى ارض البقيع
منها الجسد ويلي نحيل
تلزم ضلعها المنكسر
ونّتها تفگد ليها حيل
تعاين گبور مهدّمه
ومدمعها عالوجنه يسيل
نسيت ألمها وبالدمع
تسگي بمدامعه الگبر
〰️〰️〰️〰️
گِعدت على گبر الحسن وتنادي مسموم الچبد
ما عنده شباك وصحن
ليش وتراب على اللحد
تشم ترابه وتنتحب
وتنادي مسموم الولد
آنه امك الزهره اجيت
مفجوعه يا زهر العمر
〰️〰️〰️〰️
دارت وجهها عالگبور
وصاحت يا صادق عترتي
ياباقر وزينب العباد
وانت الحسن ريحانتي
ليش الگبور بلا قباب
زادت عليكم حسرتي
لا من منارة لا صحن
ولا زاير عليكم يمر
〰️〰️〰️〰️〰️
*الزهراء ع تشكو عند تلك القبور فما احد يجاوبها الا صاحب الزمان عج يحضر يعينها على العزاء*
يجاوبها والمدمع هِمه
من ونينچ گليبي جزوع
كفّي الدمع يا فاطمه
وخليني امسح هالدموع
لابني كبور الاربعه
وتگصدها زوّار وجموع
وابني منارة للسمه
وعليها رايات الثأر
خادمة آل محمد✍🏻
*لو ان عن أسماعنا ترفع الحجب لسمعنا الانين من أرض البقيع~*
انت ايها الحاضر في محضر الزهراء يلا اسمع بإذن قلبك واكشف عن سمعك الحجب اسمع نداء من ارض البقيع من قبر الحسن المهجور وعتاب للشيعة الذين لا يذكرون محنته…
عتابي يطول يا شيعة وعتابي يدوم سنين
على مر الزمن اسمع مآتم تنّصب لحسين
ولا اسمع يجي رادود وناعي يقرا لي بيتين
فوق المرقد المهجور محدّ ينصب المأتم
〰️〰️〰️〰️〰️
ليش آنه الذّكر محروم واسمي غيّبه المنبر
ولا بعاشر يذكروني ولا ناعي إلي يحضر
عاشور باسم لحسين وبس النوح عالمنحر
وزيارة قبري ممنوعه
يكفي قبري الي ٱتهدّم
〰️〰️〰️〰️〰️
*رد الموالي لسان حالنا يا مولاي يا مظلوم*
لا لا تگول نسيوني واحنا عالعهد ماضين
كل ما نعقد المجلس نزورك والدمع بالعين
صحيح الدمعة عالمذبوح وكل الونّة بس لحسين
لكن بالگلب ذكرك ولاجلك دوم نتألم
خادمة آل محمد
•وصية امامنا ع لشيعته•
وزن الشيعتي~♪
شيعتي يلي تحضرون هالمآتم اذكروني
هيانا السبط الي ظِلْموه منكم انه يحرموني
فانا المقتول سما واغريبا فاندبوني
لا قبر عندي يا شيعه ماكو حضره لا مناير
〰〰〰〰
بگلبي حسره آيا شيعة لا نياحة يم قبرنا
لا مشّايه بيها تحضر بهالمواكب عزا إلنا
لا زيارة بس حجارة بس ترايب من حولنا
ما تجي شيعتنا يمنه تحي النا هالشعائر
〰〰〰〰〰
خادمة آل محمد✍🏻
صاحب الزمان عج ولوعته في ارض البقيع الغرقد🏳
في بقيعك… ادري تنصب فاتحه
في بقيعك… والملائكة نايحه
في بقيعك… والمصائب جارحه
ــــ ❁ ❁ ❁ ــــ
كم رزية… ليها گلبك منفجع
كم رزية… تجري يا مهدي الدمع
كم رزية… تبكي لمصاب الضلع
ــــ ❁ ❁ ❁ ــــ
آيمهدي…. هالگبر ما له أثر
آيمهدي… بًلا مناير بس حجر
آيمهدي…. تبكي گلّي لكم گبر
ــــ ❁ ❁ ❁ ــــ
تصبر انت… وتدري كم قبر انهدم
تصبر انت… لا ترف رايه وعلم
تصبر انت… وگلبك بهم وألم
خادمة آل محمد✍🏻
قصيدة بمناسبة هدم قبور أئمة البقيع عليهم السلام
چم گبه وضريح ومدخل وباب
هدموهن حسافه وصارن اتراب
من صارن سويه. دوارس علوطيه
هدموهن حسافه وصارن اتراب
****
ياعام الهدم ياشر الاعوام.
ماصاير گبل هذا بالاسلام
احكام استنبطوها منين الاحكام
تفتي بالهدم وتزيد الآثام
لفووها بكل رديه. اگبوراهل الحميه
هدموهن حسافه وصارن اتراب
*****
استفهام السؤال أيظل للأجيال
شنهو الغايه من كل هاي الأفعال
مناير علارض. ياحيف. تنزال
جريمه المامثلها ابشهر شوال
مقاصد جاهليه. بمناير طالبيه
هدموهن حسافه وصارن اتراب
****
نهار الدنيا يتبع ليل محزون
حزن عم الارض بيه اظلم الكون
بعد سم الاطهار ابيش يفتون
تبعوا كل وصي بالگبر مدفون
مناير هاشميه تخص ولد الزچيه
هدموهن حسافه وصارن اتراب
**
معلومه النوايا وأمر مكشوف
ومفهومه الدوافع قصد معروف
كل فتره وزمن تنعاد الطفوف
هاي سيوف تشبه ذيچ السيوف
بمعالم احمديه مجد فوگ الثريه
هدموهن حسافه وصارن اتراب
****
يبوصالح تون مولاي معذور
لكسر ظلع الزجيه وراس مطبور
وچبدمسموم ذاب وراس منحور
وتصد بأرض البقيع انهدمت أگبور
لهل خير البريه. المنايرهم زهيه
هدموهن حسافه وصارن اتراب
الشاعر حسن لعيبي الحريشاوي ✍️
للبقيع
.
.
.
يابو صالح .. بينه لوعه وبينه نار
يابو صالح .. عـالزيـاره وعالـمزار
لامـنـايــر لاقــبــاب
والبقيع اصبح تراب
يابو صالح
_____
مـن كـثر ماشوگ بينه نارنه يالمهدي تلهب
الله يشهد بينه وجت چنها نار اخيام زينب
المـراقد سـيدي مـن هـدمـوها
اظلوع احسين چنهم كسروها
البقـيع استـفردو بيـهـا اولـوها
مثل عمتك يمـهدي مـن سبوها
يابو صالح .. والشـمر رد من جديد
يابو صالح .. امتونها ايـزورگ يريد
جايب ابسوطه عذاب
والبقـيـع اصـبح تـراب
يابو صالح
_____
مظلمه اگبور البقيع وچنها ليلة وحشه بيها
وراح تـذكر حـال عمتك انته من اتمر عليها
يشبــه حـال زيـنــب والنـساوين
مـن ظـلت وحيـده وتهـمل العين
اتصيح ويرتفع من عدها الونين
لاعـبــاس يــبـرال ولا احــســين
يابو صالح .. صوت اذا تسمع حنين
يابو صالح .. هـذا صـوت ام البـنين
تبچي بس عدها عتاب
والبقـيع اصـبح تــراب
يابو صالح
_____
اي وحق ادمـوع قبــة زيـنب ودمعـات ناسك
شيبت روس المراقد مثل ماشاب انته راسك
اعيونك سيدي من البچي راحن
مـنارات البقــيع ابيــوم طــاحن
مـنارات الحسين اويـاك نــاحن
عجـل طلعتك يالـمهـدي صاحن
يابو صالح .. صحن ابو اليمه يصيح
يابو صالح .. بالبقيـع ابــنـي ظــريح
قبته ابعلـو السحاب
والبقيع اصـبح تراب
يابو صالح
_____
اتبـَلل اتـراب البـقيع ابكـثر مـادمعـك تـهله
وحزنك اعله اگبور اهلك سيدي وياك صله
مـايـوگـف ابـد الـهـم بكـائك
اوياهم مسـتمر انته ابلقـائك
نحلفـك يالحـبيـب ابكـربلائك
من اتـزور اذكـرنـه ابـدعـائك
يابو صالح .. اذكرنه يمهم يالحبيب
يابو صالح .. الــك الله يـستــجـيب
يالدعائك مستجاب
والبقيع اصبح تراب
يابو صالح
_____
يامن ايـدك بـاب الله يمـته باب الله نـقبَله
يمته يامهـدينه تظـهر لاتـظن الغـيبه سهله
على اغـيابك يمـهـدي الله شـاهد
اگلوب الشيعه چن صارت مواگد
يــايـوم وتــحـت ظـلـك نــجــاهد
ونبنـي بالبـقيــع احـنـه الــمـراقد
يابو صالح .. ونبني گبه الفاطمه
يابو صالح .. گـبه تـوصل للـسمه
يمته يخلص هالغياب
والبقـيع اصبـح تـراب
يابو صالح
_____
حيدر تركي الكربلائي
((يوم_البقيع_العالمي))
العاشگ لاتلومه جروحه ملچومه
اذا يسمع بيوت اعزازه مهدومه
ساكت من يحاچونه
يرسم گبة بعيونه
***
صفار الگبه ضاعت كل معانيها
وباب الحاجه هدمو كل طواريها
الدمعته تسيل خل بچفوفه يخفيها
العنده جروح للحيطان يحچيها
اذا سولفنه بيكم نستحي هوايه
سكتنه وشاهدينه طيحت الرايه
اليحبكم نار تدرونه
يرسم گبه بعيونه
***
الاخرس هم يسولف حچيه تأشيره
واحنه السانه ماتت تعابيره
العش الينهدم تتسودن الطيره
لذلك جاي اشوف المهدي بحيره
سدو بابنه والچلمه محبوسه
وأنه روحي عشگ ياناس متروسه
گلبي لاتلچمونه
يرسم گبه بعيونه
**
بسمتي من الحزن من شفتي مبيوگه
وأزور انه شريفه بدمعه مسبوگه
واگللهه ابوچ الگبر طابوگه
واحسنها العزيزه بحسره مخنوگه
بيا حال واصيح وحالي متردي
بصياح الجذب مايسمع المهدي
المهدي صاير شلونه
يرسم گبه بعيونه
****
متحزم كلامي وماتصح فرصه
علي السجاد ياالشايل الف غصه
كون بكربله وارويلك القصه
جا نبني مقام شكبره للعصه
يامعنى الدمع وگليبك وظيمه
گبرك طاح لمن طاحت الخيمه
يبچي من يسئلونه
يرسم كبه بعيونه
*****
الباقر ياحزن بچفوفك تلمه
بيا دمعةّ حزن للصادق تكلمه
دمعكم بي سبي بي چلمة العمه
على ياهزله راكب جرحك بهمه
لطمكم مو على البنيان والطوفه
على زينب لطمكم دخلت الكوفه
جرحكم ماتضمدونه
يرسم گبه بعيونه
عبد زينب
محمد الإبراهيمي
قبور البقيع
يم ذيچ الگبور لاشمعه لاماي الورد
ملتمه الطيور يلغايب اتروح اوترد
ولامناره والزياره والزياره من بعيد
****
چم بدر الكم يغايب باالحقد گبره انهدم
ماكو لا گبه ومناره الفوگها يرف العلم
ولاصحن مبني وتزوره وبيه تلتم الخدم
ياالم ذيچ المشاهد باالبقيع اصعب الم
الرايد يزور من بعيد يقره زيارته
يضل گلبه مكسور تجري اعله خده دمعته
ياخساره والزياره والزياره من بعيد
*
اصبح بذيچ المشارف غادي محسود الحمام
يوصل ايأدي الزياره ويمهم مأمن ينام
واحنه چم عاشگ توجه من بعيد اده السلام
يا امام الدنيه باقي ينطرك چم گبر امام
جيتك يتانون تبني بأديك اشجم گبر
بسمك ينادون ملينه من كثر الهجر
انته ثاره والزياره والزياره من بعيد
*
موحشه صارت يغايب مضلمه ذيچ الديار
والارواح اعليها تهفت شمعه يطفيها النهار
هم مثلنه هيه تحسب عذباها الانتضار
مدري ياجمعه تجيها الله يدري بها القرار
تحسبلك احساب ويانه و تعد باالجمع
طولت الغياب تقرالك الندبه بجزع
دم تجاره والزياره والزياره من بعيد
*
ذيچ الانوار العظيمه حاربوها اهل الحقد
ماكو لاشمعه التنور يمها لاماي الورد
يمته يلغايب تجيها وتاخذ وياك الحشد
يوگف يأدي التحيه للبناء ويستعد
عمالك اهناك الحشد كله ورايته
واليبني وياك بچفوفه لازم فتوته
بكل حراره والزياره والزياره من بعيد
*
باچر اتصير الزياره اله من بطن الضريح
وكل عرش حارب نهجكم بيدك اتهدمه ويطيح
يلله حي اعله الزياره ياابوصالح تصيح
باالبقيع انته تصلي وخلفك يصلي المسيح
تلتم ملاين من كل مكان بهل الارض
غاد المحبين لو زارت اتأدي الفرض
هل البشاره والزياره ة والزياره من بعيد
**
#سعدالعبودي
أهدي ثوابها إلى روح والدتي