7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
رجعنا لك ياخويه بالزياره
وونيني اعليك يجري بالزياره
وانا بسمك اردد بالزياره
ودموعي اعليك تتساقط جريه
علي الأحسائي
أبوالاكبر أخويه البربعينه
أجيله وأعتذر له وبربعينه
العقيله ام عون خلهم بربعينه
يقولون ارجعت له اخته وفيّه
دروب اشلون ياخويه مشينا
وجوه اعدانا من شرها مشينه
غصب من يمك ابساعة مشينا
خذوني باليسر عنك سبيه
علي الأحسائي
لطمیه للاربعین
((موشح))
#بقلـ✍️ـم العلویه ام ضيغم المحنا
ـــــــــــــــ🧿ــــــــــــ
اجت زينب والهضم يحديها
گوم يا عباس شوف اشـبيها
►✺┅●✥🧿✥●┅✺◄
اجت زينب شايل هموم وعذاب
يحدي بيها الشوگ واسهام المصاب
لو صخر دلالها هم چان ذاب
چم مصاب اللي تهاوي اعليها
►✺┅●✥🧿✥●┅✺◄
اجت زينب يعباس امدوهنه
تصيح عفت اسباع الي بالمرعنه
عفت اخوتي بالبوادي والظنه
چالضحايه الذاري امغطيها
►✺┅●✥🧿✥●┅✺◄
اجت تتوچه على نار الهضم
تنادي من ابعيد وينك يا شهم
گوم شوف اختك غدت حال العدم
آنه زینب یل چنت حامیها
►✺┅●✥🧿✥●┅✺◄
جيت ازورك خويه وارجع للوطن
اگعد انظر حالي اعیوني عمن
اهموم هالدنیه علی اچتافي رسن
اهمومي غیرك یاهو الیجلیها
►✺┅●✥🧿✥●┅✺◄
یل علیك امعلمه ودومي بدلال
مالت الدنیه ودهرها بیه مال
اچتافي ماچولات من حز الحبال
وفگدك الهد مهجتي وگاضیها
►✺┅●✥🧿✥●┅✺◄
تمـــ بعون الله ـــت
بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
🙏نسالکم الدعاء🙏
*((من ديوان مسير الفواطم لارض المظالم الجزء الرابع))*
*قصيدة للاربعين خطاب السيدة زينب(ع)*
* للامام الحسين(ع) عندما رجعت الى كربلاء*
*طور قصيدة سيد فاقد يروحي الاحبهم مشو عني شبديه))*
❥━──➸➽❥❂❥━──➸➽❥❂
جيتك يا ضوة العين گوم انتهض ليه
اگعد شوف حالي اجيت بلا رقيه
*اجيت ودمعي بالعين ... واصرخ خويه يحسين*
جيتك يا ضوة العين گوم انتهض ليه
❥━──➸➽❥❂❥━──➸➽❥❂
جيتك ودمعتي بعيني آه يبعد اختك يغالي
من اليسر رديت خويه اگعد وشوف الجرالي
حالتي صعبه وعجيبه وابد ما واحد بقالي
گلي خويه المن احچي والمن اشكي انه حالي
*المن اشكي الحال ... اون ودمعي همال*
المن احچي واشكي الأخو حدر الوطيه
❥━──➸➽❥❂❥━──➸➽❥❂
شرد اسولف يا مصيبه ويا عذاب وضيم شفته
محد يحس بالجرالي ويا مصاب الي حملته
اطفال تتباچه عليه وچم عزيز الي دفنته
ماتت رقيه عليه بيوم راسك شابگته
*عفتهه بغربة الشام ... وجبت وياي الايتام*
اصعب موقف وياي يسموني سبيه
❥━──➸➽❥❂❥━──➸➽❥❂
انه اسمي الهاشميه بجالك وجال أبو فاضل
هيبه وارفع بيه راسي وللحرم حامي وكافل
وهسه صرت انه السبيه اشمتو بيه العواذل
ما دريت انته بحالي ما اضن بهاي قابل
*ما اضن تقبل بهاي ... بيه تشمت اعداي*
بيه تشمت اعداي وانه الهاشميه
❥━──➸➽❥❂❥━──➸➽❥❂
انه اخيتك يا حبيبي گوم الي وعوف الترايب
جايه احچيلك عذابي كلي شحچي يا مصايب
مصايب الصارت چثيره والگلب من عدهه ذايب
بالسير يحسين تدري گعدونه بالخرايب
*گعدونه بخرابا ... ورقية تصيح بابا*
وانه أصرخ يخويه زينبكم خطيه
❥━──➸➽❥❂❥━──➸➽❥❂
عفتو زينبكم خطيه وحيده والمدمع تهله
آه يخوتي اگعدو ليه نومكم لا مو محله
ارجعت ليكم تلگوني ما احمل هظم ومذله
الحياة تصير صعبه اعله البشر من غير اهله
*وانه وحدي بگيت ... انوح ودمعي هليت*
اعله گبرك خويه گعديت ودموعي جريه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
في وداع شهري محرم و صفر كان هكذا التوديع :
يعني هاهيه انتهينه؟
من مُــحرم واربعينه
بعد ما نسمع المقتــل عالمنابر
لا مــواكب تهتف تفضل يزاير
...............
يعني هاهيّــه انــتهت أيام عشره
يعني راح يظل محرم بيّه حسره
عام كامل گلبي يا ناس شيصبره
لا أدگ زنجـــــيل لا راسي أطبره
دمعتي بعيّــوني حابس
هيه كل عمري المجالس
أفتقد معــقوله ونّات الحناجر
لا مــواكب تهتف تفضل يزاير
................
من مُــــحرم ينتــــهي ينتهي عمري
بس اليفـــارگ محرم حَچيّي يدري
بليلة العباس أحب لطــمات صدري
اليوم تكتب فاطمه بالسـجل أجري
بأسمي ما بين المــآتم
أفـــتقد كلمة (يخادم)
أبقه مشدوه الفِكر ياناس حاير
لا مــواكب تهــتف تفضل يزاير
................
من يشــــيلون السـواد الروح تذبَل
والخدم تتوادع ب ( الله ايــتِقَبَّل)
الموكب الينسد عليه الگــاع تزَعل
صعبه ما نسـمعهه يا (زاير تِفضَّل)
أبچي و عيــوني تراقب
كربله تـــودع الــمواكب
والسواد انشال من فوگ المناير
لا مــواكب تهـــتف تفضل يزاير
.................
حروف حزني هالدمع خَــــدي يطرزه
بالمــــــــجالس لمن انــــــودع الأعـِزَه
روحي يم طــــــاري محرم بيـهه فَزّه
بنعي (سيد جـاسـم) و أطوار (حمزه)
أبچي و اهتـف آ يفاطم
لمن أسمع صوت (باسم)
وصوت حمزه من يون جابر يجابر
لا مــواكب تهـــــــتف تفـضل يزاير
.................
الرايه ترجع حــــَمره لذبحو علامه
والضوه الأحمر يـشـيلو من مقامه
تندعي دعوة عِشگ هاي الـخِدامه
يا مــحرم ترجـــــــــعلنه بالسلامه
بالسلامه ترجع ألنه
ربي لا تحرمنه منه
الروح مهمومه لأن مَتشوف باچر
لا مــواكب تهـــــتف تفضل يزاير
.................
خيمـته صحــــنه يلم الــــــحيدريه
بخدمته نطلب رضه الزهره الزچيه
بيت كل الخـــــــدم وادي الغاضريه
و بالگلب مو (بالخرابه) تظل رقيـه
حـسين حُـبه للبرايه
قـــصه ما ألهه نهايه
القصه ما تكمل إذا ماكو شـــعائر
لا مــواكب تهـــــتف تفضل يزاير
الشاعر حاتم صبري الكاظمي
قصیده لرجوع مولاتي زينب عليها السلام ((ليوم الاربعين)) لسان حال زينب علیها السلام//
....................................
الیوم اجیتك گوم اليه چنت خویه امیسره
خل اسولفلك عليه يوم عاشرو اشجره
....................
هاي خافت هاي ركضت صوبي من كثر الضرب
بس عباتي الي تلمهن خيل و اعجاج او تٌرب
لاخيمهن لا اهلهن صفن خويه ويه الغرب
وانه اصيحلهن يعمه ضن ابوچن مادره
خل اسولفك عليه يوم عاشر واشجره
..............
مادريت اشصاربينه سيول اجت خيل وزلم
مادريت اطفي خيمنه لو الاطفالي الم
جنت ماصدك الجرالي چان الي شبه الحلم
صدگت من شفت راسک.. دم یصب من منحره
خل اسولفلك عليه يوم عاشرواشجره
...........
خيمة اعيالي عباتي ولاكولي راحم بقه
وحده ابوحده بناتك بلحبال امشبگه
وانه عاني من شفتهن صبر ماعندي بگه
بگیت من عگبک یخویه لاولي ولاكو ضره....
خل اسولفلك عليه يوم عاشرواشجره
...............
تحترگ شبوا خیمنه ابنارهم صارت جمر
یرکضن ایتامك عليها اجدامهن ورمت حمر
تصرخ اتحس ابحراره وابركضها من تمر
تصيح وين الحيد ابونه ليش بينه مادره
خل اسولفلك عليه يوم عاشر واشجره
..................
يوم ثاني ركبونه وبينه هلحادي حده
انحيب للنسوان تسمع يوم من يمكم غده
وداعنه ضاع ابصمتنه وللشماته مابده
بعيدعنكم سلمينه وانخه ابونه حيدره
خل اسولفلك عليه يوم عاشر واشجره
.............................
صعب شفت الراس عالي بلرمح وايصدالي
وانه محتاره ابمشيتي صعبه امشي ابلا هلي
عفت ذاك اشريج روحي ولا يگلي اتمهلي
من النهر مروني يمه بعده گلبي اشيجبره
خل اسولفلك عليه يوم عاشر واشجره
....................................
تمت بعون الله //✍الشاعره صديقه الهلالي //
.......................................
#في_الخدمة_المقدسة
#الأربعين
#صفر_١٤٤٦
(نعي شعبي)
لسان حال الزوار عند ضريح الإمام الحسين عليه السلام يوم الأربعين
بيوم أربعينك سيدي حضرنا بكربلا
نِشْكُر الله ونِحْمِدَه عْ لَهذي المنزله
مثلْ جابر إجينا إلكْ نركض بْلهفه
إنتَ الحبيب ونِرْتجي منّك الزُّلفه
كِلْ جروحِ الشوگ بحضرتكْ تشفى
وانتَ تنادي زوّارك بيا هلا
حِضَرْناك ونِحْمل أشواق المُحبين
قلدونا الدّمعه والخطوه والأنين
واحنا نوصِّلْ أمانَتْهُم والحنين
ونْجَدّدْ إلكْ كل سنه عهدِ الوِلا
نوگفْ يم ضريحكْ سيدي وننعاك
نِذْكِرْ مْصابك وانتَ مخضّبْ مْن دماك
مطروح عْ لَثرى وأنصارك وْياك
ونِذْكِرْ مْصاب العقيله وسبي لعايله
#منال_بجيجي
الوحشه
زادت جـروحـي وعذابـي يالحبايب
الوحشه
ترست سنيني وشبابي وكلبي ذايب
--------***--------
شنسه والنسيان بله شلونه
من أشوفن روسكم گدامي
هـذا گلبي وأنتم تعرفـونـه
نار صايـر مثل نار أخيامي
رحت عنكم بس جسد بس روحي يمكم
اليوم أجيت أمن السفر مـشـتاگـه ألـكـم
يلـه گـومـوا أسـتـقبلـوا زيـنـب أخـتـكـم
شنسه
حلوه الأيام العشتها وياكم آني
شنسه
الليالي إلي شفتها وحدي أتاني
--------***--------
لاتـنشـدونـي عـليـه شـلونـي
ومـن عگبكم شنهو صاير بيه
الجواب أنكتب فوگ أمتوني
وصار أسمـي زينب المسبيـه
ماأعـاتب بـس ردت هـم گـلبـي ينزاح
بلكي روحي الفاگده من أحچي ترتاح
لكن أعـرف بالحـچـي مـيـرجـع الـراح
أحچي
وأدري ماينفع كلامي لمن أحچي
أحچي
يالحبايب كلشي بيـه چنه يبچي
--------***--------
چـانت الدنـيـه گـبل محلاها
وهـذا عمري چان كلش غالي
وبملامـحكم فـرحتـي ألگاها
من أشوفنكم يخوتـي أگبالي
هـو والماكو سـوه عمري آنـه أحـسه
أظلم وموحش لان مذبوحـه شمسه
نباگ حيلي بكربلـه وماكـو اليحرسه
خيمه
فـوگ أطفالي اليتامـه صـرت چـني
خيمه
من السياط أحميهم أصرخ أضربني
--------***--------
عالـجـرالي وصار بـيه بـدونـكم
زيـن مـني لهسه أجـر أنـفاسـي
گبالي ذبحوكم وشفت دمومكم
والـوكت صار الأخـتكم قـاسـي
منين مـاأصـد الـوكـت ويگلي غـربـه
والـقـدر يـفتـر علي ياخـوتـي صعبـه
مـن جـديـد اليتم يمكن راح أجـربـه
أنحب
مـثـل يـوم الـراحـت أمـي راح أردن
أنحب
من جديد بعيني دمعه وگلبي يحزن
--------***--------
راح أضـل مـشـتاگـه مـاأنـسـاكم
بگلبي أضـمهن ذكـرياتـي الحلـوه
وأرجع وي جروحي موش أويكم
وأبـني بيت الـحـزن لجـل الخـوه
الـيـوم أردن للــوطـن وبـلايـه خــوان
وأدفــن أيـام الـسـعـد مـابـيـن تـربـان
أصرخ مضيعه الگمر وحسين عطشان
أرجع
والـحـزن تـارس شـليـلـي لـمـن أرجــع
أرجع
العبره بين ضلوع صدري وعيني تدمع
--------***--------
للشاعر الحسيني علي القريشي
📜قصيدة للاربعين
🎵على طور قصيدة "گواچن الله ويا هلا بهل جية"
محنية ردت بت علي محنية
بالـــشـام ميته عافتلها ابنية
ضيم الزغيرة ام عون ماهي اتحمله
والــــدها عنها لو سأل شتكله
ازرگ متنها لو رجل مچوية
بالـــشـام ميته عافتلها ابنية
-----------***-----------
ياقصة تحجي ويا هظم تشكيله
لـو كلها اريد اتراب گبري تهيـلـه
ذابحني يم عون وعلي سهم الشوگ
لن تسمع أخته الراس چن يحجيله
ماتت واخيتك ليك اجت تتعذر
من گبره فز حسين گام ويـعـثر
صعبة علي يا موتت العلوية
بالـــشـام ميته عافتلها ابنية
زيـ✍🏻ـنب الواسطي
-----------***-----------
من گبره فز وصاح يزغيرونه
يمدلله شــلون بترب مدفونه
رد ونشد ياظيم اشد يخت حسين
تگله اليفگدك خويه الله ابعونه
صح امشي بس يمك فكدته حيلي
من الوجــــــــــع يابو علي ادعيلي
علضيم صدگني بعد مابيه
بالـــشـام ميته عافتلها ابنية
ام عـ✍🏻ـلي البابلي
-----------***-----------
ياقصه تحجي لو اجت ليك ام عون
دخلت المجلس شيبت منها عيون
ويا نضرة الشمات چن ليها اسهام
وينه الكفيل اعليها گام ايصيحون
بنيتك يبـــــوها لجيتك تتنطر
مفجوعه يالوالي وكلبها اتفطر
ويه العقيلة اتمنت الهل جيه
بالشام ميته عافتلها بنــيه
ام ✍🏻زين العابدين لمحمداويه
-----------***-----------
ياضيم اجت تحجي اله يا حاله
شـــام الكدر فطر چبدها اوصاله
لو طبت ام عون القصر وي عدوان
ويا دمعت الحره صفت هماله
يادنيه ويه اهل البخت غداره
خليتي أميرة فاطمة محتارة
بحر الشمس ساعات وبضهريه
بــــالشــام ميـــته عافتلها بنيه
✍🏻ام رحمه الگاظميه
-----------***-----------
وين الابنيه يگلها يختي احجيلي
ماشوفها وي الضعن تربيلي
گلبي انخمش يابت علي شنهو الصار
ميــتــه اضنها وخــايفة اتگليلي
نار ابدليلي أعليها ابد ماتطفه
شوگي العزيزة روحي يصعب وصفه
اتسكتين ليش ودمعتج مجريه
بـــالــــشام ميته عافتلها ابنيه
✍️ام احمد الهاشمي
-----------***-----------
ماهي رقيه احچیلی يا مظلومه
يا نور عيني وين اجتها النـومه
اتنطر تجيني ويمي تذرف دمعات
گـــلبـي عليها زایــدات هــمــومه
وأعله الدرب للضعن شبحت عيني
بلكت اشوفنها ويهيد اونيني
خلونی اخليها أعله گلبی اشویه
بــــالشام ميته عافــتلهــا ابنــية
خادمة اهل البيت عليهم السلام العلويه ام سيد مهدي الموسوي
-----------***-----------
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/13/صفر 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
اويلاه على أم الحزن
اجت ليك تبث همها وتون
بارض الغاضريه رجعتلك شكيه
*------------*---------*---------*
اويلاه على إلاه
رجعت تون بحسرة البيها
يمظلوم يخي كوم
زينب اجت كوم الها حاجيها
رحل ليل واجه ليل
محد يواسيها ويشكيها
بجت حيل أياويل
تحمل قهر والشمر واليها
تلكاه ظعن زينب اجه
تواسيه طلب منك رجه
ردت لك سبيه رجعتلك شكيه
*----------*--------*----------*
مسافات تعنيت
وينك يخويه أكعد تلكاني
أنه وياك هوى وشوك
ماظن يخويه حسين تنساني
اناديك بالاحزان
المن ابثن همي واشجاني
بالمتون جراحات
ظلت تحشم اهلي واخواني
يخي كوم تلكه أم الألم
بلياك لفه لزينب هضم
وبهاي المسيه رجعتلك شكيه
*-----------*---------*----------*
تناديك تحاجيك
انهض يخويه هاي اجت زينب
بالاهات والأحزان
مهضومه خويه والكلب يلهب
مسافات جراحات
وحدها بالالام تتكلب
يلومون يشمتون
حرمه بضعنها وهمها تتعذب
تعلمون درب زينب صعب
تعرفون شنو ديار الغرب
بشكوى الفاطميه رجعتلك شكيه
*------------*----------*-----------*
عذابات وآلآهات
شافتها زينب والدرب صعبه
بالهموم والآلام
ظلت تعاني بديرة الغربه
بالأطفال والعيال
اني الكفيله واحمل الكربه
يعباس احاجيك
قلبي انجرح وبروحي الك ندبه
تمنيت يبو فاضل عدل
فلا جان اروح على الهزل
يا الكلك حميه رجعتلك شكيه
*------------*----------*----------*
عتب ليك يعباس
تدريني عمري ماشفت ذله
يعباس طحت ليش
وأني بقتلي الحيره والعله
يبو الجود يمغوار
أمشي بدرب ماجنت اندله
اناديك وحاجيك
تدري يخويه اعتابي إلك يحله
يعباس بقيت بلا سند
ينخواي ولا جاوب احد
زينب بالرزيه رجعتلك شكيه
*---------*----------*-------------*
محمد النوري
انه اروحي تسافر بشوك وحنين
والك تهتف ياحبيبي ياحسين
انه روحي اتعلمت منك صفات
لجل عزتها تضحي بها لحياة
انت اسست الحياة من الممات
يا البنحرك ركعيت الظالمين
انه امنت بمصاب تسمه عاشور
بيه تحطم كل ظلم من دم النحور
امنت دم الشهاده يحطم الجور
و لذلك ما اعوفك يا حسين
انت يومك نادر بكل الوجود
لان تضحيتك تعدت كل حدود
اليجود بنفسه يوصل غاية الجود
شلون وانت نطيت كل غالي وثمين
انه اجيلك زحف واترك مبتغاي
ياللي اسمك مله كل شبر بسماي
يالرويت الدين وانت بلايا ماي
بيك حتما يرتفع عالي الجبين
الرادو يمنعونه عنك بالعذاب
طلع مسعاهم نسج من السراب
نكلهم بكربلا تلكون الجواب
شوفو انصار الحسين القادمين
محمد دعبل النوري
#جديد
#أربعين_الإمام_الحسين عليه السلام
وزن : التجليبه ( المربوعه)
.
.
رده اشلـون ردت زينب الحــــوره
من فوگ الجمل طاحت على گبره
_
رده اشلــــون ردت يـــم أهاليـــها
من عگب السبي واللي جرى اعليها
محنيــه تـــون يـــم گبـــر واليـــها
وبدمـــوع النواظر بَللــــت گبره
_
رده اشـلون ردت والگلب محـــروگ
تحچيله السبي وسفرتهن اعله النوگ
وآلام الخرابه ويّــه ضيــم السـوگ
شحچیلك يخويه وسفرتي گشره
_
شحچیلك يخويــه وما بگالي حال
هزله النوگ خويه والطريج أهزال
وكل لحظه ابضرب يحديني الجمّال
وشحچیلك بعد عن حال هالسفره
_
ما يِكْفيني يوم او لا شهر شهرين
حتى أرويلك الصار وجرى يحسين
لا عدلين بعـدك خويـــه لا ميتيــن
اهوايه اجروح يا روح الگلب مُره
_
اهوايه اجروح لکن فرگتك أصعب
ومو راسي يخويه هالگلب شيّــب
يمـــك ريــته گبــري آه يمتـــرّب
او لا أرجع وحيده وحسرتي حسره
_
#فاطمة_كريم
٢٠٢٤ م
للاربعين
(طور يمه اذكريني)
.......
عادت اضعوني
لكربله بعد الغياب
جيت اشوفنكم
عندي اوياكم عتاب
يالنسيتونه مانسيناكم
عادت اضعوني لكربله بعد الغياب
...........
ارد انشدج كربله ردي جوابي وكلميني
اليوم مغصوبه أجيتج كربله لتعاتبيني
اشلون روحه اشلون جيه كربله لتناشديني
رحت مهظومه وسليبه
ودمعتي ظلت سجيه
كربله يلهظمتيني
رحت مهظومه
والدمع علخد يسيح
من ألم گلبي
زهره يايمه اصيح
اهلي علتربان ظلو رميه
عادت اضعوني
لكربله بعد الغياب
........
عفت أجساد الشباب موذره بالحر رميه
وعفت عريس الهواشم امخضب بدم المنيه
وعفت عبدالله الرضيع الما شرب نگطة اميه
ظلو جثث فوك الثره
وأنه مشيت اميسره
لا بديهم لا بديه
صحت يحبابي
بالغصب عنكم مشيت
روحي مشتاگه يخوتي
ليكم اجيت
ماسليناكم
يلسليتونه
عادت اضعوني
لكربله بعد الغياب
.........
كربله ظلت احبابي علترب وأنه خذوني
اميسره كربله شحالي اعداي تالي تولوني
رحت واتلفت عليهم أظل يمهم مخلوني
ياكربله عفت الاهل
ومشيت مجتوفه بحبل
اعداي تالي لوعوني
نامت ازلامي
علترب وأنه مشيت
لو خيروني
يخوتي يمكم بقيت
ردت اودعكم ماصح بديه
عادت اضعوني
لكربله بعد الغياب
.......
آه ياجمرة مصابي اشلون بالكوفه احرگتني
اشلون جابوني يسيرة زينب الناس عرفتني
هاي بت حيدر يخويه والحبل حطوه بمتني
خويه يسيره محيره
لو تدري اعليه شجره
اعداي خويه امألمتني
يگلي ابن زياد
من اخوتج انه اشتفيت
خويه يشتمني ابن الدعيه
عادت اضعوني
لكربله بعد الغياب
.........
أنوب خويه الشام رحنه الشام خويه شعمل بينه
الناس فرحانه تهلهل خويه الذبحة ولينه
اصفوف ملتمه يخويه الوادم تعاين علينه
وأنه يخويه مگيده
متشمته بينه العده
آه ياذلة علينه
شبيدي يبن امي
بديرة الغربه انوليت
لا أهل عندي
بالغرب خويه شلكيت
خويه ودوني تالي هديه
عادت اضعوني
لكربله بعد الغياب
.........
خويه راسك حين شفته الطمت يبن أمي اعله وجهي
ايزيد متباهي بملكه اگبالنه يأمر وينهي
وأنه يبن امي شاسوي جارتي ياخويه شنهي
راسك يخويه انظره
بيده ينكثه بمخصره
مخضب بدمه اويزهي
يخاصمك باجر
بالحشر جدنا الأمين
بمجلس الطاغي
ماالي خويه معين
صعبه يبن امي عشنه اذيه
عادت اضعوني
لكربله بعد الغياب
.........
عودت يبن امي ليكم ارد اسولف هظم گلبي
جايه واعتب عليكم وينكم يحباب گلبي
خويه اجروحي جثيره خلص منها خويه گلبي
شو ماتلگيتواالضعن
ولا تنشدوني اعله المحن
من الشدد تيهت دربي
جيت اعاتبكم
يابعد گلبي والروح
كربله اشسوت
ترست اگليبي جروح
وسفه يخوتي ضيعتوني
عادت اضعوني
لكربله بعد الغياب
.......
.......ام إحسان الخاقاني
لطميه(25)
للاربعين
طور عباس يعيوني
......
خويه يبو اسكينه
يا خويه ردينه
اكعد يوالينه
......
ردينه خويه الكربله
والحزن غاطينه
والهظم عالينه بدموعنه جينه
اعيالك يخويه معوله.
وتنادي ردينه خويه يبو اسكينه
اكعد يوالينه
وياي جبت العايله
يا لوعة الايتام ياخويه ماتنلام
عدوانه ظلام
عيلتك جتك معوله خويه يبو اسكينه يا خويه ردينه اكعد يوالينه
........
يحسين عاليني الهظم
لمن رحت عنك ظليت اذكرنك مكدرت اودعنك
علترب عفت اهل الشيم
خويه يبو اسكينه يا خويه ردينه
اكعد يوالينه
من اليسر انزف الم
ومشيت مالومه وبحرم ملزومه
عفت اخوتي نومه
ردينه ايتام اوحرم
خويه يبو اسكينه يا خويه ردينه اكعد يوالينه
.........
هليوم اربعين الاهل
شبانه الحلوين
من رحت والهلحين
مدريت شمسوين
منهم كطعناه الامل
خويه يبو اسكينه يا خويه ردينه اكعد يوالينه
منهم شنو خويه الي ضل
منهو التولاهم
اومنهو الي دفناهم
علترب عفناهم
جينه اومدمعنه يهل
خويه يبو اسكينه يا خويه ردينه اكعد يوالينه
......
هذي الرباب بيا وضع
بس تجذب الونه
خويه تناشدنه
طفلي اريدنه
كلبي يخويه منفجع
خويه يبو اسكينه
ياخويه ردينه
اكعد يوالينه
اورمله محنيه ظلع
جسامي جاوينه
ابدمه امحنينه
عن كبره دلينه
واعيوني بس تجري دمع
خويه يبو اسكينه
يا خويه ردينه اكعد يوالينه
......
كلحنه طحنه اعله الكبر
كلنا تكابلنه
نشكي من المحنه
باللوعه والونه
جاوين عباس الكمر خويه يبو اسكينه يا خويه ردينه اكعد يوالينه
عمه يالاكبر يا بدر
اشتاقينه الك عمه اشكثر
وانذرنه يا عمه نذر
نزرع ورد في كل كتر خويه يبو اسكينه يا خويه ردينه اكعد يوالينه
.....
ام إحسان الخاقاني
لطميه المجلس الرابع
اربعينية العباس عليه السلام
......
......
كل ما اشوفك عباس
يا هيبتي اوتاج الراس
يا خويه ياضي عيني
ضليت اون خويه اعليك
واذكرها كطعة ايديك
يالخوتك تحييني
......
يالي نمت علمشرعه اويمك اجفوف امكطعه
اوكلبي تهل عيني دمعته
اومن انظر اهناك العلم
والعين طراها السهم
والماي فايض من كربته
انحب وانادي يالاخو
بعدك على الدنيه العفو
يا اخو مثلك ضيع اخته
خويه اربعينك كربت
يالعفت اختك اورحت
كلبك يخويه ما كسرته
ياخويه جا مايشجيك
نوحي ولا اياثر بيك
مو انته الشاريني
كل وكتي خويه ابطاريك
واذكرها كطعة ايديك
يالخوتك تحييني
......
خويه أربعينك كرب
طرني الفلك ويه التعب
او ضيم الدهر لاختك صدعها
عباس منته كافلي
انته الي كلت ادللي
كوم امسح الاختك دمعها
زينب تراني ام الخدر
وانته الدكيت الصدر
خويه الدهر عيني شلعها
اتمنيت لا طال العمر
واصرخت وينك يا صبر
روحي شلي بيها اشنفعها
يا خويه طالت الايام
مهظومه اختك بالشام
عباس متحاجيني
يا خويه محتاجه ليك
واذكرها كطعة ايديك
يالخوتك تحييني
......
عباس خويه رايتك
جابوها واختك حيتك
من موضع الكف قبلتها
ابوسط الطغاة انه اهتفت
عباس مرحب مضرعت
اورايتك خويه انا شلتها
بيك افتخر يا عزوتي
ياتاج عزي اوهيبتي
النهظه اختكم كملتها
مرفوع راسي بخوتي
اميسريني بس ابنظرتي
اعداي كلها حقرتها
بت حيدر اناالكرار
وانتو يا ابناء العار
تحجيها عيني
اخباري انشد تنبيك
واذكرها كطعة ايديك
يالخوتك تحييني
.......
خويه يعباس اليوم
احجي اوكلبي مالوم
عن محنة الشام اوهضمها
الشام كلهم ارجاس
لا دين الهم لااحساس
محنه اوشلت خويه المها
مله فلا عدهم دين
دف اوطبل فرحانين
جهال بس الدنيا همها
ايقضت بيهم فطره
من كلت ابن الزهره
اولاد النبي الخضبهادمها
تدرون هذا الحسين
جده النبي الياسين
والدين ديني
النبي جدنه ايقاضيك
واذكرها كطعة ايديك
يالخوتك تحييني
.....
خويه اريدن للوطن
ارجع امكبعه بلمحن
ما اريد انسه الشفناه
من جور عباد الوثن
شوفونه انواع المحن
مر الهظم جرعناه
مصاب الحسن اتذكره
ومصاب عاشور الجره
كاس الشدد شربناه
صابره وحز كلبي الصبر
مجبوره اصبر والصبر
امن امنه درس حفضناه
خويه اريد اوصل ليك
واعتب لمن ابجيك
يا نورعيني
يمته اشوكت اوصل ليك
اذكرها كطعة ايديك
يالخوتك تحييني
......
خويه وصلت الكربله
وياي جبت العايله
عباس چا وين الكاه
نايم حبيبي بالثره
وزنوده الي امبتره
دفنوها انشد وياه
والعمد راسه امهشمه
اوعينه اصبيها من همه
اذكره لا ما انساه
اكعد يبو فاضل جيت
خويه ارد اقبل ايديك
اسمحلي اوخليني
يا خويه اريد احييك
اذكرها كطعة ايديك
يالخوتك تحييني
.......
ام إحسان الخاقاني
🔥اصدار حصري وجديد هوسات جنوبيه بنزلة المربوعه من ديوان الميدان الزينبي جزء 👈الرابع خاص بالفزاعي والهوسات🔥
زينب ردت من الشام بس شلون ردتهه
محمله هضم وهموم جابت روس خوتهه
الله يعين بت حيدر شمعظم يامصيبتهه
ردت ناحله من الضيم محد شاف لوعتهه
زينب جايه بهاليوم. ماواحد تلكاها
مهضومه وجت. لگبور ولياها
(الوليها//ردت مهضومه)
➖➖➖➖➖➖➖
اجيت بشوك لابن امي ومشتاكه اعله ملكاه
انه حسبالي الولي من اوصل الكاه
افل شوك الكلب واسامر اوياه
لكيته بالكبر نايم ياحيف الرمل ضماه
اجيت بشوك...... ملهوفه اعله الاخوان
ولاواحد كعدلي...... من الاحنان
(اعله اخواني//مشتاكه وجيت)
➖➖➖➖➖➖
اكعدو ياهلي هالنومه شنهي هاي
جبت روسكم هاليوم كعدولي يولياي
انشدوني بمراري وضيم دنياي
ماصار وجره بالكون بلواي
اختكم بالضعن..... كعدو تلكوها
من ضيم الجره.....كومو ونشدوها
(بياحاله//شوفوها ام عون)
تمت✍️ الشاعره والمله ام حسين العامري
غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له
.
*لسان حال زين العابدين عليه السّلام مع جابر الأنصاري*
قاطع دروب السفر _ يوم عشرين بصفر
يجتمع راس ونحر _ آااا يجابر
..
1
جاي من ضيم الشماته واليسر ودروبه
زينب بثوب المصاب امسلّبه ومتعوبه
عفنه ابويه حسين جثه بالرمل مقلوبه
خنصره مقطوع ومسلّب قميصه وثوبه
راسه مرفوع برمح_يمشي ليليه وصبح
بالحجر صابه جرح ___ آااا يجابر
..
2
يا حچي يشرح مصابي ماتوفي احچايه
ياجرح اوصف يجابر والجروح اهوايه
مقتل الشبّان لو مصرع كفيل الرايه
والفرات اليجري بحره ما رووا من مايه
العشيره اتذبّحت___واليتامه اتفرهدت
والحريم اتسلّبت ___ آااا يجابر
..
3
كل من بعهد الولا وفّى الحسين بدوره
كربله مصحف وفه وعبدلله اصغر سوره
قدّم بدم النحر ابهى عظيم الصوره
وخلص النيّه بعطائه وغايته وشعوره
غافي وبحلقه سهم __ميت وبس يبتسم
بالشهادة يفتهم__ آااا يجابر
..
4
لو رِدت تفصيل حالة والدي وحزانه
بالقلب لوعات ماتبرد ابد نيرانه
هالحزن طول الدهر ما تنغلق بيبانه
هالألم اعظم الم يصعب علي نسيانه
قوم اراويك شجرى__من هوى فوق الثرى
روحي نار موجره __آااا يجابر
..
5
اهنا يا جابر تصوّب بالمثلث صدره
وهنه قام وطلّعه ياويلي من نص ظهره
بالضمه يتلوى قلبه وكبدته مستعره
عايِن وهذا مكان الطاح في من مهره
خده يچويه الرمل_بالفله ماعنده ظل
منترس جسمه نبل__ آااا يجابر
..
6
ظل ثلث ساعات بالغبره يجر انفاسه
ما احد من هيبته ياعمي جاله وجاسه
الا نسل ابن الخنا بنعاله قام وداسه
بثطنعش طبره فصل عرق النحر من راسه
والكريمه الزاكيه___ بالرماح العاليه
من دمومه جاريه __ آااا يجابر
..
7
تالي اعناد اعلى زينب داسته الخياله
طحنته طحن الرحى وتوزعت اوصاله
لا ضلع بقه بمكانه ولا كو عظم بحاله
والحرم وياليتامه بالدمع تبراله
بذني مازال استمع _حافر يرض الضلع
حزني مايكفيه دمع _آاا يجابر
..
خادمة الزهراء
فاطمة حبيب
٢٠ صفر ١٤٤٦
#قصيدة جيتك يا ضوه العين.
#بصوت الرادود سيد خضر العذاري.
#كلمات الشاعرة العلوية مريم النور.
#من ديوان مسير الفواطم ج ٤
#رابط اليوتيوب 👇
https://youtu.be/3lb2MHte8aY
#من_ديوان_قُربانُ_الطف_ج11
قصيدة للأربعين(يعمن عيوني)
❥━──➸➽❥❂❥━──➸➽❥❂
السيدة زينب عليها السلام عندما وصلت كربلاء وشاهدت قبور اخوتها نادت:
ولياني وعليهم يعمن عيوني
اريد ابچي عليهم حيل خلوني
❥━──➸➽❥❂❥━──➸➽❥❂
اريد ابچي عليهم واجهر الونه
فرگاهم كلف وشلون احملنه
يچوي الروح والدلال احسنه
الون والنوح للماتوا وعافوني
((وعليهم كل وني ونوحي))
❥━──➸➽❥❂❥━──➸➽❥❂
ونيت وعليهم هلت الدمعه
النايم باللحد ياناس شيرجعه
احا يفراگهم دلالي يفجعه
منهم أيست وانگطت ظنوني
((ماتوا يعزازي اولياني))
❥━──➸➽❥❂❥━──➸➽❥❂
صحت يخوان جيت اليوم مهضومه
صار الأربعين وروحي مالومه
خوال الولد گعدو طالت النومه
ماحسبت هيج بساع تنسوني
((فرگاكم يوجع اذاني))
❥━──➸➽❥❂❥━──➸➽❥❂
من گبر لگبر افتر وازورنكم
بعدني بعوزكم لامشبعت منكم
تسرون اويه دمي والله احسنكم
بنومتكم عله الغبره فجعتوني
((مفجوع مفطر دلالي))
❥━──➸➽❥❂❥━──➸➽❥❂
من درب اليسر رديت محنيه
بارض الشام ماتت يخوتي ارقيه
عفتهه وجيت انوح وحيل مابيه
بالايتام والله حيريتوني
((بايتام الماتوا محتاره))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
لطمیه للاربعین
#✍بقلم العلویه ام ضیغم المحنا
((الوزن یابن الحموله))
ــــــــــــــــــــــــــــــــــــــــ
زينب والعـــيال تعــــنت كربله
دگعد يخوها وشوف اش شايله
►✺┅●✥🧿✥●┅✺◄
جابـتلك الـــراس ترده الجـثتك
حاضنته وتصیح يبعــــد فگدتك
يا ابن امي سليت. ترانا بفرگتك
بس رسم ظليت حــزينه وناحله
►✺┅●✥🧿✥●┅✺◄
نحلني الضيــم عگب عين الولي
امن اليسر رديـــت انادي ياهلي
ومحـــــد گعــدلي ينزل محملي
محتار ظليت يا ابن عـقد الوله
►✺┅●✥🧿✥●┅✺◄
محتاره يحسين غدر بيه الزمن
فقدك ولایتام عذابي والمـــحن
حيلي تراده يابن عودي او وهن
اسمـع يتاماك تنـــوح ومعـوله
►✺┅●✥🧿✥●┅✺◄
ناحت يتاماك عليك املوعه
تناشدني عمه ابونه ما وعه
صحناله والصوت ولا چن يسمعه
یگعـــد نحاچیه ونرید انقبله
►✺┅●✥🧿✥●┅✺◄
شو ما گعد ليش علينه ما نشد
گولي له عمه اجيـنه مـــن بعد
گلیله عمـه الوطـنه خــــل نرد
وخل عمي عباس يباري العائله
►✺┅●✥🧿✥●┅✺◄
اگعد يعـبـاس اجيـتك هايمه
وتدريني اعليك يخوي معلمه
انظر امتوني يخويه اموسمه
من السيـــاط غـدیت امنحله
►✺┅●✥🧿✥●┅✺◄
بمتوني الصوط بگه وحبل اليسر
وجيت اشتكيلك ينائــــم عالنهر
انــت تچیـتي یخـويـه والذخـر
تقبــل اظلــــن دمعـتي هامـله
►✺┅●✥🧿✥●┅✺◄
تمـــ بعون الله ـــت
#بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
🙏نسالکم الدعاء🙏
#ذكرى_الأربعين
(فايزي)
عِـد گبــرك ايـتـيمه اعـتِـنَت مــنّ الـيـتامه
حـامَـت عـلـى احـدود الگبـر حـوم الـيمامه
ابگلـب الـيتيمه اتـجمِّعَن هـمها اويـه همّك
مـن دون الأيـتـام اعـتـنت هـالـطفلة يـمّـك
كـل ظـنها يـم الـعلگمي ظـل بعده جسمك
لشاطي الأجـل متّجـهـه مـو شاطي السلامه
راحـت لـگت بــس الـگـبــر لا رايــه لا جـود
لا يـمـنـتك لا يـسـرتـك لا جـسـم مــوجـود
هـالـطفله تــدري بـالگمـر لــو غـرّب ايـعود
مــا تــدري نــورك غـيّـبه الـمـوت ابـظـلامه
صــاحـت يـعـمّي يــا گمــر عـدنـان ويـنـك
مـا شـفتك بـعيني، اسـمعت مـطفيّه عـينك
جــانـه الـخـبر يــم الـنـهر گطـعـوا يـمـينك
وكَـسَْـرةْ ظـهر سـبط الـنـبـي صـارت عـلامه
والــدي اتـعـنّـاك ورجـــع دمـعـاتـه تـهـمي
حـسّيت مــو دمّــك سـفـح مـسـفوح دمّـي
وحـسّيت مــا صـاب الـعـمـد راسـك يـعمّي
لاچن فــضــخ راس الــمـكـارم والـشـهـامـه
شـمـلـك تــبـدّد يالچـنـت جـامـع شـمـلـنه
وبـغـيـبـتك غــيْـبـوا بــدر عــزمـه و أمـلـنـه
يـابـا الـفـضـل يـا عـمّي مـا غـيرك كـفـلـنـه
يـا درع سـبـط المصطفى ورمـحـه و حُسامه
مـن عگبـك حـسين انـذبح طـفله اعـله إيده
وعگب الـطـفل لــن والــدي گطـعـوا وريـده
اعـلـيـنه يـعـمّـي الـمـشرعه صـارت بـعـيده
خــيــل وزلـم ومـخـيّـمك شــبّـوا ضــرامـه
مــا عــدنـه مـنـفذ لـلـنهر نـوصـل نـودعـك
ولا راس عـنـدك حـتـى مـن تـصـرخ نسمعك
امــوذّر تـركـنـاك بــأمـل نــرجـع نـجـمـعك
امـشينه وصُـبَح بـيد الـشمر ظـعـنـك زمامه
والـيــوم اجــيـنـه وعـيـلـتك نـاخـت إبِـلـهـا
يـم گبــر ابـويـه اتـجـمّعت هـالـعيله كـلـها
بـس روحـي يـم گـبـرك إجـت صوب الگفلها
واتـمـنّى لــو عـمـري گبــل عـمـرك خـتـامه
#جابر_الكاظمي
الـوحـشـه
للشاعر الحسيني علي القريشي
مـلا عمار الـديباجـي الحسينـي
قصيدة لأربعين الحسين
#جديدحصريآ 💔😭
زينب جايــه وتزور الحسيــن
مشتاگه لخوها وتهمل العيـن
ــــــــــــــــــــــــــــــــــــــــــــــ
هله بالجايه وهدتها الهموم
محنيه الضهر ماتگدر تگوم
وصلت كربله والحيل مهدوم
من الناگه هوت وتدور الحنين
#ام_سيف_الدين
ــــــــــــــــــــــــــــــــــــــــــــــ
اتدور عل حنين هواي نحلانه
عمه يـــاعلي دليــــني بمجانه
گله مـن اليـسر ردت وتعبانـه
ترى بفرگاه گلبي صار نصيـن
#ام_سيف_الدين
ــــــــــــــــــــــــــــــــــــــــــــــ
مشتاكه اجتله من الخرابـه
وصلت والكلب زايد عذابه
وذبت روحها فوك الترابـه
اكعدو يخوتي صاحت يطيبن
#ام_علي_الإماره
ــــــــــــــــــــــــــــــــــــــــــــــ
فوك الراس لطمت حيل مابيها
حطت روس اهلها وتنعي عليها
محــد كــام ولزينب يلاكيــها
تعبانه وتون بنت السلاطين
#ام_علي_الإماره
ــــــــــــــــــــــــــــــــــــــــــــــ
ونتها التونها توجــع الروح
صاحت ياهلي يومين ونروح
كعدو خل اداوي هاي الجروح
وحقكم يخوتي ماشوف بالعين
#ام_علي_الإماره
ــــــــــــــــــــــــــــــــــــــــــــــ
غير مبري الذمه اليحذف اسماء الشاعرات
العمل مهدات الى مولاي صاحب العصر والزمان عج
للاربعين
لسان حال مولاتي العقيلة زينب عليها السلام
من ضيم اليسر ليكم لفينه
بعبينه روسكم خويه لفينه
رجعنه من بعد غيبه لَفينَه
وسور الحمه المامش مثل فيّه
ام محمد الحجاج
يحســــين الك ردينه
مـــن اليسر تدرينه
كوم انظر ايتامك هاي
ردت الـــك يالوفــاي
من اليسر ردينه
*---------*-----------*------------*
يحسين الك من اليســر
ردينه نشــــــكي الالام
هذا الزمن لامــــارحم
خلانه بيد الظــــــــــلام
رحنه وخذونه بالغصب
وانتم على الكاع نيــــام
والحاله خويه مؤلمـــــه
جسمك بقه وعدنه الهام
لصوب الجثث صدينه
والألم زاد علينه
من فركتك تاه الراي
ايتـــامك زادت بلواي
*-----------*------------*------------*
اعظـــم مصيبه بكربلا
وداعك يخويـــه يحسين
سلمــت فـرس النايبه
للوالي واتسيل العــين
لن تالي رد لينه الفرس
يصيح الظليمه من البين
نادينه وياه بحــــزن
الضيعه يعترت ياسين
يالوالـــي الك فزعينه
بصوت الحزن ناديـــنه
لوحي تجينه عـــــناي
لولا بس ربنه الحـــماي
*-----------*-----------*------------*
وفراك ابـو الغيره صعب
هزتني فركة عبــــــــاس
ذاك الكــمر عالــمشرعه
مكطع ومضروب الراس
عفته ورحـت وي الغـرب
عـــالنهر ظل النــــوماس
يالكمر خويه بيـاوضـــع
لوتدري رحـت وي الناس
عــــالناس من مرينه
لـوجــــودك اتمنينه
مانرضى بغــــيرك حماي
يحضرنه ويلحكنه بهاي
*----------*-------------*-----------*
طـــــــول الدرب ماهمنــي
بس همني ايتامك ذيـــــج
وحـــــده التناشدني بحــزن
ياعمه شنهــــي امبجيــج
والاخـــــرى تصرخ والدي
ياعـــــــمه هم مر اعليج
ساعتــــهه ذبت بحســـرتي
ياروحــــــــي ياهم البيج
ليش الدهــــر سابينه
وليش الظلم واليــــنه
راســــك عالرمح رباي
وراس الكمر حامي لواي
محمد دعبل النوري
#ذكرى_الأربعين
بچـف حزني لدموع الحزن مشّايه
بدرب ابـو السجاد التـعب مشّايه
بالـحـب اجـيـنـه لـكـربلـه مشّايه
ويّـايـه أشـعـر يمشي طـه وحـيدر
#جابر_الكاظمي
#ميمر_جابر_الكاظمي
#جديد
هوسات_الأربعين + فزاعية
طور : زينب طبت امن الشام
https://youtu.be/SBOtcIlNQOg?si=yS3ChbjnPrlU_m3O
.
.
وي زينب نهل العين .. وانوّن اعله أهاليها
بغربه ردت امن الشام .. واتنوح اعله واليها
***
طيحه اشلون من طاحت .. حين الوصِّلت ليهم
آيگبور إخوتها .. ظلت تفتر اعليهم
***
صاحت آيخال ابني .. جيتك من بُعد يحسين
جيتك والجُروح اهواي .. ومعميه يخويه العين
***
أرد أگعد وأسولف لك .. شنهو الشفته مِنّ الشام
طبينه ابوسط ديوان .. واعيون الشماته اسهام
***
شحچي من مرار الشام .. ويذبح گلبي طاريها
وآلام الخرابه اكبار .. ماتت طفلتك بيها
***
فك باب الگبر يا خوي .. خليني اوياك أتوسد
بعدك ما بگالي أحّد .. إلمن للمدينه انرد
__
#فاطمة_كريم
٢٠٢٤ م
خوية يبو سكينه
ياخوية ردينه
اكعد يوالينه
الحاجة ام احسان الخاقاني
صوت أبو منتظر الإمارة
كلما اشوفك عباس ياهيبتي وتاج الراس
ياخوية ياضي عيني
ضليت اون خويه اعليك واذكرها گطعة ايديك
يالخوتك تحييني
😭😭😭😭😭😭
الشاعرة الحاجة أم إحسان الخاقاني
صوت خادمكم قيصر أبو منتظر الإمارة
نعي ليلة الأربعين الحسين
من ديوان #مواجع_الطف_جزء_السادس
😭🔥🔥🙅♀️
في ليلة اربعين الحسين مولاتي زينب صاحت الهاشميات صاحت الفاطميات توصيهن وصيه اذا باچر وصلن للمكبره شلون حالهن
تدري بيهن فاكدات ومشتاكات وحنينات وخافت عليهم كعدت توصيهن وصااااااااحت صوت بالله يالغواطم
اوصيچن وصيه يالفواطم
من نوصل كبور الهواشم
على روسهم حطن عمايم
•───✧◐◐✧───•
ادري كلوبچن كلش حنينات
بس ارد اوصيچن وصيات
لتقصرن صبـن الدمعات
•───✧◐◐✧───•
مشتااكات ادريچن لهلچن
بس نوصل تشدن حزمچن
كلچن فرد ركضه تركضن
•───✧◐◐✧───•
هيلن اتراب المكبره حيل
وصيحن دكعدو يالمچاتيل
ردن الضعن يومين ونشيل
•───✧◐◐✧───•
تعالن يابناتي وأمشن وياي
التمن عليه وكعدن احذاي
أون الچن وابچن لمچاي
•───✧◐◐✧───•
خافن تسمعن صوت منهم
سكتن وخلني انه يمهم
عدهم نشد وي غاليتهم
•───✧◐◐✧───•
ينشدون خواني عليـه
والضعن ناقص هاشميه
ماشافو اويانه رقيــه
•───✧◐◐✧───•
كل وحده تشكي الهظم يمهم
بلچن يكومون لحرمهم
وبيوتنه نبنيها يمهــم
•───✧◐◐✧───•
حن الكلب واليوم اجينه
لعزازنه نسوي واربعينه
نحسب ليالي و مانسينه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من النعي
▪️اليوم زينب عوّدت ▪️
طور :بويه فرگاك
السيد محمد الجيزاني
طور القصيده:
https://youtu.be/cUHO-h1TMq0?si=MzJZU8xEB0mX5LTT
خويه فرگاك …….خويه فرگاك
ياشيال اللّوه ما تنحمل
اتشوف عيناك اتشوف عيناك
ياعباس الهضم بيّه اشعمل
جيت من درب الاسر گوم وافتحلي القبر
———-
اليوم زينب عوّدت لطفوفها
اگبور ولياها تريد اتشوفها
غصب خلوها تشد واتعوفها
والله متغيره اجت بوصوفها
اجت مهضومه تنادي مهمومه
گوم يالغالي وشوف اشلوني
جيت باحزاني امغيره الواني
طاحت بكثر الهموم امتوني
الكربله جيت الكربله جيت
واحسّب لي تگوم امن القبر
انده ابصوت ……انده بصوت
ودلّالي دوه مثل الجمر
خويه ما بيّه صبر گوم وافتحلي القبر
———-
شوف لاروح البگت لاحيلها
زاد من طفوا نهارك ليلها
گوم يا نبض الگلب واكفيلها
تسحك ابگلبي الثواني وخيلها
ليش عفتوني يا ضوا اعيوني
عمري من دونه دفاكم كله مر
عاد اقعدولي الباب افتحولي
خويه واتوسد معاكم هالقبر
ابكسرة الروح ابكسرة الروح
اجيت الكربله وروحي تون
وانت مطروح وانت مطروح
يغالي ومهجتي وقلبي يحن
شوف كسرات الصدر گوم وافتحلي القبر
————
گوم يابو الغيره ماني الغاليه
اشلون اردن خويه منك خاليه
ياابو العشره اللذيذه الحاليه
شوف دمعة غاليتكم هاليه
گوم يالغالي منشده بالي
وحايره روحي تريدن شوفتك
جيت عنايه الك شكايه
دهري لوعني واريدن خوّتك
گلبي مفطور گلبي مفطور
وجيتك اشتكيلك لوعتي
خويه متگوم خويه متگوم
ترد ارويحتي وي لهفتي
شوف لوعني الدهر گوم وافتحلي القبر
————-
روحي ابروحك عمر مشدوده
گوم ياضي الليالي السوده
جيت من درب اليسر مهدوده
وروحي ابسيف الهضم ممروده
الليله خطارك جيت بجوارك
ويسعر ابروحي يغالي امصابك
الك ودوني وخابت اظنوني
لاگمت ليّه وفتحت ابوابك
اقتح الباب افتح الباب
ووسدني معاك ابحفرتك
قلبي هم ذاب قلبي هم ذاب
يغالي من شفتها امصيبتك
راح وياك الخدر گوم وافتحلي القبر
————
✍️#بنت _الشمري