7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نعي بين السيدة زينب والام الحسين
سلام الله عليهم
.
خويه حسين ابونه اليوم مامار
ولحد الان ما بين على الدار
بشرني يخويه وشنهي الاخبار
طمني اعله ابوي اشصار ماصار
.
اشوف حسين وضعك حيل تعبان
وجهك بعد وجهي ليش ذبلان
على رسمك اشوفنه الحزن بان
وما تكدر ترد يحسين حيران
.
مو بلساني اكلج اقري وضعي
زينب خلي اخبرج وانتي اسمعي
عودج راح يختي كومي انعي
مثل ضلع الزجيه نكسر ضلعي
.
الخلف بالله يخويه و الصبر زين
عمة عيني نكسر ضهرك يالحسين
مو وحده العمت يا خويه الاثنين
نطر كلبي يخويه و صار نصين
.
الحزن يحسين وجهك لايبينه
تره احنه امن المصايب لايبينه
اعله باب البيت ننطر لايبينه
و بعد هيهات يرجع للثنيه
.
حسن صالح العيساوي
قصيدة فزاعية ( لاستشهاد الامام علي ع )
.....................
ليش الاحبه عني يمشي
واني ابغيابه ايشيب رمشي
ردته يضل ما ردت كلشي
*اليوم شايل من نزوله الوالي*
*راح من عندي و دموعي اتهالي*
اليوم شايل للغري عودي وسف
جرح راسه ينزف وماضن نشف
و اخ يغيابه علينه شگد كلف
صعب يومه و صابني ابدلالي
صعب يومه و ابد لا ماهو سهل
و يدري ابناته لون يمشي تذل
صحت بويه اعليه و ادموعي تهل
ما سمعني و راح و اني شحالي
حملو شبساع عن عيني و مشو
صحت يخواني شويه اتريضو
خلي اودعه اويايه شو كلهم بجو
شلون بينه يخوّتي من تالي
شلون بينه يخوتي بداره نون
هذا ابو الكفات هذا ابو الحسن
اخلاف عينه نشبع اهموم و محن
شال مني و ما يفارگ بالي
تبقه بويه ابالي ما انساك انه
وتبقه روحي اعليك بويه محزنه
ضهري من شالوك يا بويه انحنه
و بعد ما اگصدله بيتك خالي
خالي بيتك و الثنيه موحشّه
يعمي اعيوني بعد ليش افرشّه
اليوم اجتي احبابك اتون مغبشّه
اتصيح كلها وسفه راح الغالي
-------------------------------------------------------
اهداء الى روح المرحوم حمدان عبود
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
وصيتة وكتبها .. مشه وروحي شبها
بعد ليلة ماشوف .. مشيته الاحبها
مو دم نزفت الطبرة
نزف تسبيحة الزهرة
علي الدمة غالي .. علي الدمة غالي
•••••••••••••••••>>>
الله اكبر ليلة موت .. انگطعت بيها احبال الصوت
اوگف يا علي وخل اشبع اشباگ
مو بس روحي اتخاف اعليك .. حتى الطير امچلب بيك
تره الموت البطيء انشوفه الافراگ
لا تروح امرورة الدنيا بگفاك
انت مو حامي الحمه انه بحماك
انت اجيته الموت مو هو الاجاك
وچم تعال ارجع علي انطشت وراك
تعال الحگ النه .. يشيخ اعله اهلنه
بعد بيه واهواي .. اطلبك محنّه
راسك بي حچي الفقرة
نزف تسبيحة الزهرة
علي الدمة غالي .. علي الدمة غالي
••••••••••••••••••••••>>>
اطفي اعيوني ولاتندار .. بثوبك چلب جم بسمار
عرضلك كلشي مو بس البسامير
من اشتاگ بشوگي الحار .. تگضي امشابگ عالفقار
واذا اشتاگ صوتك امشي للبير
اله اطفيهن بچي هاي اعله هاي
الموت ياريته سره وگبلك سراي
گطرة گطرة ايخلصن واكتل ضواي
هاي موش اعيوني لا ناگوط ماي
طلعتك علامة .. ابد مو سلامة
بعد ياهو ترتاح .. اعله چفه اليتامة
يجرحك بي عطر حظرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>>>
انفل اوزارك يم الباب .. شراح يصير اعله المحراب
مشيت وگلبي بزني و اصبر اعليه
أذّن صوتك وارتاحيت .. بصوتك كزبر جلد البيت
گلت ابخير ابوي وكلشي مابيه
بوجهي من طلعة علي بان الصفار
گمت واتوضيت بس مشتعله نار
كضني گلبي وگلبي يم حجرته اندار
گبل طبتي الحجرة دخّن ذو الفقار
انگلب لونه احمر .. صحت الله يستَر
علي سيفه حسّاس .. بحجرته وتفطّر
دره وانفطرت الشفرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>>>
بوية اسم الله وصحت ادخيل .. الصوت الطالع من جبريل
اشرب ماي جاي ومنه غصيت
هز بيت الله بصوته الصاح .. حيدر طاح وبيتك طاح
مو الاركان بوية اتهدم البيت
يا من ايجيب الحسن و اعرف خبر
ما مصدگه ، الما يلاگونه انطبر ؟؟
شلون گلبه انطاه وابن ملجم عبر
وانه ابوي الكاتب اسمي اعله الظهر
احبه ويحبني .. اعله ظهرة كتبني
الطبر راسه بالسيف .. اشعجب ماطبرني
دمّه الواصل لظهرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>
التچّة السبعه بهامة راس .. رد يتچّه اعله العباس
رد واعمامتة امن الطبرة نصّين
فرگة واحد يسوه الكون ..ينراد الها فصوص اعيون
موش اتموت بوية اعليك الاحسين
سبحة امنه انجيبلك موش الطبيب
هي طبره كلها چم يوم وتطيب
انه زينب گلي موتي ولا تغيب
ايكبر وداعك علي و غرگني شيب
صفه امچانه شمعه .. ابوي شيرجعه
أذان الفجر حيل .. اموت امن اسمعه
مات وماتت العشرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>
علي هادي الخزعلي
يا جرح أكثر ... زيَّد اونينك
طبرت الهامه ... دمعت ابنينك
....
رسول الله .. انه وجيتك .. اضمد جرحك ابأيدي
يمحبوبي ... شنو أيألمك ... عليك احسينك اوليدي
ياعلي ابداعت الزهره سولف اوياي
ياجرح اكثر يلجمك نظر عيناي
جرح راسك لو جرح ولدك يبو حسين
جاي اشوف اثنين مو واحد جرح جاي
ياعلي ... شنهو الي ألمك
ياعلي ... سولفلي همك
ياعلي ... شو جاري دمك
يا أبو الحمله .... واصل اجبينك
......
على امصابك ... عفت محسن .. ينوح وفاطمه الزهره
الك رادت ... تجي لكن ... الضلع ما منجبر كسره
كلشي برجاء الجنان امكدر اعليك
وصوت جبريل ابعضمته صار ناعيك
ضجه صارت بالسماء الطبرتك هاي
والأرض من مستحاهه ابحور تبجيك
يا علي ... امصابك فجعنه
يا علي ... خلَّص دمعنه
يا علي .. صيحه سمعنه
الخاطر ايتامك .... لا تسد عينك
.....
على بابك ... شفت موقف ... يبجي اعيون الي يشوفه
طفل واكف .. على اعتابك ... ملامح وجه مخطوفه
بيده طاست لبن شايل لازم الباب
يحجي وي روحه ويسولف جرحه لو طاب
ناذر اعيوني الثنين وروحي انطي
واليتامه اوياه تدعي بهذا المصاب
ياعلي ... عالخد دمعهم
ياعلي ... طفو شمعهم
ياعلي ... يهضم وضعهم
بمدمع الجاري ... نادتك وينك
.......
جرح هامك ... كسر كلبي ... مثل ما كاسر ايتامك
اه شكد ... كبر عمره ... الحسن شاب ابطبر هامك
وذاك ماجنه الحسين اليمك ينوح
جاي اشوفه بس جسد باقي بلا روح
كربله ما واصللهه وفاكد الحيل
على مصابك ياعلي بالدمعه مذبوح
يا علي ... حاله فجعني
يا علي ... ماجنه ابني
ياعلي ... زيدلي وني
ذابله اعيونه ... انظر أحسينك
.....
اشد منهم ... وضع زينب... عليك امحيره وتنعه
اليتم بين ... كبل موتك ... عليها وتشهد الدمعه
ياعلي اعليك العقيله شابحه العين
ذكرتني ابموقف اوياهه اويه الحسين
من على التل توكف اتعاين شمرهم
يحز نحره من كفه ويسبل الايدين
ياعلي ... سامع بجيهه
ياعلي ... يشرح سبيهه
ياعلي ... عاين عليهه
حالت الحره .... زادت اونينك
.......
كلمات
موسى الخادم
لشهادة سيدي ومولاي امير المؤمنين علي صلوات الله عليه
العيد اجانه يا علي
وانه دمع عيني ايهلي
عگب بعد شيضل الي ... يا بو احسين يابو احسين
___
يبويه مو محل النوم اگعد يا بعد عيني
ابنيتك آنه يابو احسين عليمن ما تحاچيني
اشمالك بس تون واتلوج واضمدك ما تخليني
يريت اليوجعك يندار ابراسي وابشراييني
گلبي تگطع من تون
او لا ساعه تهده او تستچن
اصوابك ترس عمري حزن ... يا بو احسين يابو احسين
___
اهنا يل دللت زينب زينب عگبك اشعدها
يوجه العيد اجاها العيد بعد منهو اليعيدها
بعد منهو اليسامرها او يلاطفها اويناشدها
ازيد من نزف دمك دمعها ايهل حفر خدها
نايم وانه اعيوني انعمن
من نومتك گلبي انسحن
عگبك غريبه ابلا وطن ... يا بو احسين يابو احسين
___
الحرم ثكله بابنها اتصير واني ابوالدي ثكله
لا بيدي واموت اوياك او لا بيه اضل عدله
يريت انًام فد تابوت وانسه هل حزن كله
اموت ابسد ابوي . الله . من هل موته ماكو احله
ركني تضعضع وانهدم
مامش مثل فگدك الم
ابموتتك زينب عدم ... يا بو احسين يابو احسين
___
ابشهر رمضان فجعوني او شيبك بالدمه اتخضب
من شفتك علي مجبل گلبي او راسي الك شيب
صحت والكون صاح اوياي عيد اگشر على زينب
راح الماكو احن منه او ضني ابدينتي اتخيب
الچان الي درع او حمه
تنعاه ملائكة السمه
هل ليله ماشي الفاطمه ... يا بو احسين يابو احسين
___
غفل مني خذاك الموت وجهك مشبعت منه
لا زادي هني بجفاك لا بل نوم اتهنه
افك ريجي صرت بدموع وجر ونه على الونه
اليتامه اعليه يتباچون وسابع جار اله حنه
يل ناوي عني تبتعد
ليه ترد لو ما ترد
يابويه حيلي منمرد ... يا بو احسين يابو احسين
___
فك عينك الي لحضات اخير اوداع اودعهن
واهمس بذنك احچايات بس لا تبچي من عدهن :
امن اطب ديوان برض الشام واجروحي اون منهن
تحن اعليه من انخاك ؟ تجي واحبالي اتفكهن ؟
لوما اجيت امن الگبر
آنه التمس لجلك عذر
لن راسك ادري منطبر ... يا بو احسين يابو احسين
___
ابو فاطمة الطائي
نزال
عباس يا ذو الفقار
عباس طاح الكرار
**
طاح الهيبه ،، حگك جيبه
الحگ حيدر ،، شوف المنظر
دم الشيبه ،، طاح الهيبه
أخذ رخصه امن اخوتك وأگلب الگاع
طبرو راس ابوك وهالخبر شاع
حگك ما يضيع ولا گبل ضاع
اخذ راس المرادي بچفك متاع
انته بكيفك
جرد سيفك
عباس هاي الاخبار
عباس طاح الكرار
**
الله يعينك ،، غدرو دينك
طبرو راسه ،، يا عباسه
وينك وينك ،، الله يعينك
تحزم من وكت حضرهه الچفوف
ازعل يابو فاضل خوف الخوف
الجتف حيدر نريده اليوم مچتوف
ياخذ روح سيفك يسلب الشوف
وين الظالم
سيفك حاكم
يا نار تطفى بهالنار
عباس طاح الكرار
**
يابو الشاره ،، چفك غاره
كلهم بيدك ،، الله يزيدك
من اسراره ،، يابو الشاره
يسبع الگنطره ويا صاحب الراي
تره الظلمو محمد عالو هواي
دسويهم حطب للنار مو ماي
ترد خيبر عليهم والغضب جاي
ظالم شوفه
شال چفوفه
عباس بيدك بتار
عباس طاح الكرار
**
ما معقولة ،،، طايح طوله
واحد لاحه ،،، شال اسلاحه
لتگلوله ،،، ما معقوله
علي اتلوحه السيوف وراسه مطبور ؟
هذاك الشطر مرحب چفه منصور
الأ بحاله وحده وبيهه معذور
ساجد چان لله وذبحو النور
بهاي الحاله
موش أگباله
غدروه معروف الصار
عباس طاح الكرار
**
لتخليهم ،،، غدر البيهم
خله الزهره ،، ضلع وعصره
هسه افنيهم ،، لتخليهم
رد ثار السقيفه وغدر الاصحاب
اخوك المحسن وهم عصرة الباب
فدك ارض الرسالة بچف الاغراب
بعد عندك الطف وحسب حساب
تعطش خيمه
نار وهيمه
وحسين ما عنده انصار
عباس طاح الكرار
*
كلمات الخادم / رعد الفريجي
ياعلي تبچي اليتامه
يمتى ترجع بالسلامه
فَگِد وجهك يبو الشيبه علي فَتره طويله
على بابك تره ايتامك دمع احمر تِسِيله
علي معقوله ذاك انت ابو الحمله الثگيله
وصلت المرحله ماتگدر الچفك تشيله
صرخه اجت من القيامه.
يمتى ترجع بالسلامه
الجرح مو هَيّن الطبره لـ أُم راسك مصيبه
وگفنه ابابك الايتام ما تطلع غريبه !
نِحِس بالدنيا خَنگة موت اي بالله كئيبه
على افراشك علي ممدود ماتنهض عجيبه
خطره يا هاي العلامه
يمتى ترجع بالسلامه
على اعصابه الوكت يوگف ولايمشي نريده
شوكت يصحه ابو الطِيبه نريد انقبل ايده
بعده وجهك علي تصبح حياة المو سعيده
يليل الموت يارب ليلته بلكي بعيده
ردنه لو بس ابتسامه.
يمتى ترجع بالسلامه
الضَحُوك الدنيا من تضحك علي الدنيا تبسم
البليغ الماكو مثلك ليش بالگوه إتِّكَلَمْ
العمامه الصفره حمره صارت من الطبره والدم
ابعلاة الصوت نصرخ الله يلعن ابن ملجم
ويلي طبروها العمامه
يمتى ترجع بالسلامه
اسد الله واسم الله. وكلام الله بجبينك
الف وسفه الف حسره بعد مَتشيل عينك
گضيت العمر هم تعبان ذابل كل سنينك
لذالك احنه ندعيلك نگول الله اليعينك
والحزن اِنْحل لِجامه
يمتى ترجع بالسلامه
تموت اشلون نتحمل يكسرتنه هالايام
اذا تذكر علي چنه حبيبي ابحضنك إنام
الوكت هذا تره والله ابد ما يرحم ايتام
اجانه العيد چنه وياك نگول بخير كل عام
كل طفل صاح بهيامه
يمتى ترجع بالسلامه
للشاعر محمد الظالمي
لاستشهاد أمير المؤمنين
علي عليه السلام
الدنيا وحشه والزمان
من رحت يابو الأمان
الدنيا وحشه
★★★★
الدنيا وحشه ياعلي ودارك خليه
الدنيا وحشه اليوم ياحامي الحميه
الدنيا وحشه كل صباح وكل مسيه
الدنيا وحشه اتمر على بنت الزچيه
رحت ياگلب الحنان
الدنيا وحشه والزمان
الدنيا وحشه
★★★★★
الدنيا غربة صارت بعين اليتامه
الدنيا غربة منفجع بيت الإمامه
الدنيا غربة ومابعد بيها سلامه
الدنيا غربة وليل مايرحل ظلامه
والفرح ماله مكان
الدنيا وحشه والزمان
الدنيا وحشه
★★★★★
صفت لوعه وغربه واحزان ومناحه
صفت لوعه وليل مايطلع صباحه
صفت لوعه ومابعد لاحبابه راحه
صفت لوعه من بعد ذيچ السماحه
الدهر يابوالغيره خان
الدنيا وحشة والزمان
الدنيا وحشه
★★★★★
ايساعد الله الحسن مابطَّل ونينه
ايساعد الله حسين نار دموع عينه
ايساعد الله گلب عباس وحنينه
ايساعد الله زينب الظلت حزينه
من بعد كل فرح چان
الدنيا وحشه والزمان
الدنيا وحشه
★★★★★
من غيابه الزمن وَدَّعْْ أمانه
من غيابه الفقه ينحب والديانه
من غيابه الهدى انهدمت أركانه
من غيابه العلم حاير بيانه
والبلاغه بلا بيان
الدنيا وحشه والزمان
الدنيا وحشه
الشاعر حسن لعيبي الحريشاوي
لاستشهاد أمير المؤمنين علي عليه السلام
جبريل النزل مكسور الجناح
انهدم ركن الهدايه ياخلگ صاح
علي مطبور راسه على الارض طاح
لاطب النفع لافاد جَرَّاح
حل وكت البواچي او وكت النيَّاحَ
علي هليوم ياشيعه علي راح
الشاعر حسن لعيبي الحريشاوي
لاستشهاد أمير المؤمنين علي عليه السلام
الكون لمصابك حزين ياامير المؤمنين
ياعلي يابوالحسن
ياعلي يابوالحسن
★★★★★
هذا جبرائيل ناره اتوجرت
وللحزن والنوح روحه اتوجهت
ناده اركان الهدايه اتهدمت
روحه مذهوله وحزينه اتحيرت
ابلوعته ينادي الأمين ياامير المؤمنين
ياعلي يابوالحسن
ياعلي يابوالحسن
★★★★★
صاح جبرائيل تهمل دمعته
انشطر دين الله الكريم بضربته
وبدت من هليوم ساعة غربته
وناح الاسلام الحنيف الفرگته
ناده ياحق يامبين ياامير المؤمنين
ياعلي يابوالحسن
ياعلي يابوالحسن
★★★★★
ينحب المحراب غارگ بالحزن
والفقار انغمد بگرابه يون
واليتامه الشوفته ضلت تحن
گلوبهم مكسوره كسرات الغصن
يلچنت إلهم معين ياامير المؤمنين
ياعلي يابوالحسن
ياعلي يابوالحسن
★★★★★
اصعب الساعات واصعب كل خبر
گالوا الكرار علهام انطبر
صايم وماكمل اصيام الشهر
مصاب لوعاته تضل طول الدهر
بنوح صحنه وابونين ياامير المؤمنين
ياعلي يابوالحسن
ياعلي يابوالحسن
★★★★★
واحد وعشرين من هذا الشهر
علحسن ساعاته لوعات وقهر
وهذا حال حسين مكسور الظهر
زينب تنوح ويون يمها الگمر
تصيح رايح بويه وين ياامير المؤمنين
ياعلي يابوالحسن
ياعلي يابوالحسن
الشاعر حسن لعيبي الحريشاوي
راح خيمتنه التلمنه
وابتدت ساعة يتمنه
راح أبونه يزينب راح أبونه
................................................
شدي حيــــــــــلـــج يزينب هالمسية
بعد ساعات وعلــــــي ايلاكي المنية
كومي خل نكعد سوه ونبجـــي سوية
مدري أبجي اعليج مدري أبجي علية
هاي ساعاته ألأخيرة هاي كسرتنه الجبيرة
راح أبونه يزينب راح أبونه
.......................................................
أمخضب أبدمه علــي وشيباته حمرة
ويابس الدم أبلحيته ومحني ضهره
الحسن يـــــــم راسه زينب كعد يقره
أحــــــروف آيات العديله الله يصبره
أيطيح من طوله ونشيله الطبرة باكت نجم ليله
راح أبونه يزينب راح أبونه
......................................................
من رحت خويه لكيته أيسيل دمه
مدري أحضنه مدري أشيله مدري أشمه
طحت من طولي يزينب خويه يمه
نازل السيف أعله راسه بلايه رحمه
عاينت عباس أجاله. لزم جفينه وحجاله
راح أبونه يزينب راح أبونه
..............................
عمت عيني ها يبويه أشلونه حالك
عفت كلشي ومات كلشي وطيفي أجالك
مو دمع لا دم جفن عيني بجالك
يالعفتني ورحت محتاجه الدلالك
زينب أنه يالعفتني. بحضنك أغفه عودتني
راح أبونه يزينب راح أبونه
...................................
كون ينباع العمر جان أشتريته
وماي عيني الجيتك جا ثوبيته
زينب أنه عدله بويه مدري ميته
كبل نعشك نعش زينب شيعيته
جلمة حاجيني وغلاتي. يالخذت روحي وحياتي
راح أبونه يزينب راح أبونه
...................................
خادم خدمة الحسين
الشاعر
محمد الموالي
في ذكرى استشهاد الأمير (ع)
حبك بالدمه .. يا حامي الحمه
& & & & &
حبك يا أمير المؤمنين أشرف هويه
اوهذي اولايتك يا با الحسن أعظم قضيه
غيرك ما أشوف الهذا روحي حيدريه
او يا حيدر (علي) بس اهتف اليوم المنيه
ماي انته اوظُمه .. يا حامي الحمه
& & & & &
يا حيدر أبيع الدنيه حبك ما أبيعه
اوحته اعله المشانق هم إلك أعلنها بيعه
يالطولك جَرِح وابرِيِّتك شلْت الشريعه
آنه اوكل هلي الآخر نفس لك نبكه شيعه
تُرْبك نِلْثِمه .. يا حامي الحمه
& & & & &
إنته يا علي سر (هل أتى) و(اللهُ أكبر)
اوبس انته الصراط اوبالقيامه إنته محشر
جفك عالوجود ابأسره خضره اوتجري كوثر
اوكالاها الوحي ما من فتى غيرك يحيدر ..
من سابع سِمه .. يا حامي الحمه
& & & & &
من دونك يراعي الموزمه اجهنم حياتي
يا تسبيحة العشاكـ او يا صومي اوصلاتي
يا حيدر إذا تأمر أضَحِّيلك بناتي
بس عندي طلب تحضر إلي ابساعةْ مماتي
اعليك ابفاطمه .. يا حامي الحمه
& & & & &
يا حيدر على حبك يمحلاها المنيه
والحَبك صدكـ ما تتركه الزهره الزجيه
خادم حيدره بيْه تفخر الجنه العليه
واعله هالكرامه اتْغِبْطه كل هاي البريه
اوكل شي يخدمه .. يا حامي الحمه
& & & & &
إنته اول أمير اوعرشه صاير من حصيره
والدنيه ابعيونك يا علي كلش زغيره
ما شايف أمير ايوصِّي باللحظه الأخيره
موش اعله الأهل وَصْحابه بل وَصَّه اعله اَسِيره
كلبك مَرْحَمه! .. يا حامي الحمه
& & & & &
خادم الأمير (ع) : إبراهيم الدريس
في ذكرى استشهاد الأمير (ع)
ليلة الوفاة
أخيراً يزهره .. اجْمَعَت بينه طبره
او لِكيتِج يا زجيه .. على اجناح المِنيه
أخيراً يزهره
& & & & &
أخيراً راح اشوفِج آنه يـ ام زينب
أو تطفه ذيج ناري الـ بالكلب تلهب
يزهره اسنين يا رب أدعو بس يا رب
مته موعد لقائي ابـ فاطمه يكرَب
سِنينِ ابغيابج .. أنوح اعله بابِج
أشوفِج هالمسيه .. على اجناح المنيه
أخيراً يزهره
& & & & &
بعد عينِج بكت بس روحي مجوِيَّه
أو هاي الدنيه كلها اتِّحْدَت اعليَّه
لأن أدري صعُب تحصَل إلِج جَيَّه
يفاطم جيت اِلِج و الهامه مِتْحَنْيَه
إجيت ابطَبُرْتي .. او على الخد دَمِعْتي
اِلْتكينه و التحِيه .. على اجناح المنيه
أخيراً يزهره
& & & & &
يفاطم لا تِنَشْفِين ابـ دَمِع عيني
وَ لا تبجي عليه او لا تنوحيني
على ضلعِج أوِّن ابحِركه خليني
و اذا روحي اطْلعَت هم ما تكفِّيني
أخافن أشوفِج .. اعله عينِج جفوفِج
لَتِخْفين الأذيه .. على اجناح المنيه
أخيراً يزهره
& & & & &
ابغيابِج فاطمه ما ضاكـ جفني النوم
او صِرِت مثل اليتيم امن العَطُف محروم
ابـ سَهَم فكدِج صُبَح هذا الكلب مفطوم
مظلومه يزهره او آنه هم مظلوم
أنام ابجروحي .. و اذا اصحه اعله نوحي
اِلْتكينه ابـ هالرِّزِيه .. على اجناح المنيه
أخيراً يزهره
& & & & &
كبُل موتي مِتِت يا زهره بغيابِج
ذَنِّي اعيوني ذبلن من وره امصابِج
ابتدت رحلةْ عذابي امن اندِفَع بابِج
و اذا اشتاكيت اشمِّج أشتَم احجابِج
إذا مرني طيفِج .. أصيح اعله كيفِج : ..
(الوَعَد يا هاشميه .. على اجناح المنيه)
أخيراً يزهره
& & & & &
خاوَت كلبي هذا .. الونه و الحسره
أو كل لحظه أشوفن ضلعِج او كسره
سِطَر خدي الزمن من ساعةِ السطره
وَ لا عن إذني غابت صرخةِ العصره
عِشِت يالأميره .. العمر كله حيره
اجْرَحَت كلبي الدِّنِيّه .. على اجناح المنيه
أخيراً يزهره
& & & & &
عِشِت يا فاطمه كل العمر مجروح
او على افراش الحزن بس هالكلب مطروح
لأنْ عن بالي صورة عصرِتِج مَتْروح
كِلِت لـ الله إِخِذ من عندي هاي الروح
بُرَد بس غَليلي .. يزهره ابرَحيلي
لأنْ بسِّ انتي رِيّه .. على اجناح المنيه
أخيراً يزهره
& & & & &
خادم الأمير (ع) : إبراهيم الدريس
في ذكرى شهادة أمير المؤمنين (ع)
لو ما سيف حيدر ماكو إسلام
هوه الـ دين ربنه چان الإحزام
ماكو عالأرض دين
لو ما چف أبو احسين
&&&&&
علي حيدر لو رفع بـ اچفوفه رايه
الأرض تجفل منه و اتخاف المنايه
علي ويه السيف آيه اتشيل آيه
او حملته هيه البدايه و النهايه
من يمشي علي الكرار أبو اتراب
تحت اجدامه يتراجف هالتراب
محَّد شال سيفين
لو ما چف أبو احسين
&&&&&
الدنيه خلف المرتضى اتصلي جماعه
و الوجود ايقدِّم الـ حيدر الطاعه
يغشي عين الشمس بو الحمله شعاعه
او عن جحيم الحاطمه حبه مناعه
من گد ما علي الكرار شفَّاف
لا مو بالبصر بالگلب ينشاف
ما يتجارى نهرين
لو ما چف أبو احسين
&&&&&
علي أكبر هوه منِّ الطائفيه
او علي للأملاك مو بس للبريه
الدنيه بالأول او لآخر حيدريه
أعمى ذاكه الما يحب حامي الحميه
الما يعشگ علي او يعلن ولاءه
تنزل بيْه من الله (براءه)
لا ما ينگضي الدين
لو ما چف أبو احسين
&&&&&
من تحيطن بيَّه يا ناس النوائب
أندب الكرار فلال الكتائب
للحشر متعجِّبه بيْه العجائب
و اعله حبه اتوحِّدت كل المذاهب
كرار الوغى و الحرب تشهد
لو ما صارمه منوجد معبد
ما چانت مسلمين
لو ما چف أبو احسين
&&&&&
علي علَّم هالزمن معنى الرجوله
او غمّضت أجفانها اوياه البطوله
أنفاسه تسبيح او ضوه او قرآن طوله
علي ديني صار و افروعه و أصوله
لولا امحبِّته هالگلب ما عاش
جفن لـ اسمه غطا و الثانيِ افراش
كلنه كون ميتين
لو ما چف أبو احسين
&&&&&
ربنه واحد هوه و الكرار واحد
و اعله عزمه ضربته ابـ الأحزاب شاهد
ما سمعنه اعله الأرض يا ناس قائد
ربعه فُقره او لليتامه چان والد
ما يختار سيفه بس الأصعب
نصين انشطر من شافه مرحب
ما يجسمها نصين
لو ما چف أبو احسين
&&&&&
إبراهيم الدريس
في ذكرى استشهاد الأمير (ع)
صرخه دايم تعتِلي .. لا فتى إلا علي
& & & & &
اشما تمر اسنين يا حيدر عليه
للنجف والله يزيد الشوكـ بيه
روحي يا حيدر تظلن حيدريه
او للمذله ما أمدِّ اثنين اِدَيَّه
يبكه حبك منهلي .. لا فتى إلا علي
& & & & &
ياللي حد الآن يجري ابزود خيره
إنته بس حيدر سماي او كلبي طيره
او من أصير ابمعضله او تسكنِّي حيره
للنجف هذا النظر حيدر أديره
بسمك الهم ينجلي .. لا فتى إلا علي
& & & & &
عندي كبرك جنة الفردوس او مأوه
او كل غصن لولاك يا بو الحمله ذَوَّه
جانت ابإسمك تناجي الباري حَوَّه
يا علي و العمر من دونك ميسوه
يَغله من روحي عَلَي .. لا فتى إلا علي
& & & & &
آنه يا حيدر إذا يدنالي وعدي
حبك انته بس حرز يالغالي عندي
ابخدمتك يا با الحسن وَصَّاني جدي
و آنه بس يمك أريد ايحفروا لحدي
أول انته او ما يلي .. لا فتى إلا علي
& & & & &
الما يحبك يا علي أعمى دِليله
و احنه غيرك والله ما عدنه وسيله
إلنبي ابراهيم ايذكرك طول ليله
و لذلك صار للباري خليله
خله يسمع عاذلي .. لا فتى إلا علي
& & & & &
خادم الأمير (ع) : إبراهيم الدريس
كأني بالإمام الحسن ( ع ) يجلس ويقابل باب دارهم
ويحكي لشيعته عن حاله بعد ما انطفأت شمعة النبي ( ص ) والمحسن و أمه السيدة الزهراء ( ع ) و والده أمير المؤمنين علي ( ع ) ، يقول :
مات ابونا .. وماتت اوياه امنياتي
الما يجونا .. غيّروها شگد حياتي
نگعد گبال الباب
ننتظر جيت احباب
______
گبالة نگعد ننتظر
احنة كل طلعة فجر .. ايزيد كل ساعة الحنين
بلكت تمر الاهل
عدنا ما مات الأمل .. بعد كل هاي السنين
اليوم يطول عام اصبح في غيابه
و صار واحدنا يشيّب في شبابه
عطره بلكت هالهوه وياه جابه
احساس غربة .. ما يمر بس اعله فاگد
حيل صعبة .. بيت صار بلاية والد
يا فگد أبو تراب
ننتظر جيت احباب
_______
بابنة يدگة النحب
حزني مني ينسلب .. لمن الرايح يعود
بهيدة لمن ينفتح
يطيب وياه الجرح .. گلبي من حزنه يهود
كلنة منتظرين والدنا اليجينه
وبعد فرگه تشبگ ايده وي ادينه
روحي للدمعة انه صارت رهينة
صرنة هسة .. بلاية زهرة بلاية حيدر
صعبة انسى .. بالي ميفارگ المنظر
والدي براسه انصاب
و ننتظر جيت احباب
_______
وياه چنة نجتمع
يوجعة شگد الضلع .. راسه من حزنة يشيب
ما نسى أمنا أبد
وگلبة ما لحظة برد .. محترگ لجل الحبيب
رغم ما مختلفة بالعيشة العوالِم
ابد ما عافتني لحظة وياي فاطِم
من البچي حمرة عيونة حزنه دائِم
صوتة رايح .. بكثر ونة اعلة الحبايب
البُعُد ذابح .. ضحكِته و سواه شايب
شيّب وبعده شاب
وننتظر جيت احباب
______
بابنا اندگ شكثر
أيتام تسأل عالگبر .. وين ابونا بيا مكان
علي چان النة أبو
و أخو للماعنده اخو .. ومصدر لكل الأمان
السلام ارد اني ابلغة من الحيارة
الفاتحة يم گبرة اقرا و الزيارة
البلـ وجه لا ما يسده باب داره
هوة قوتي .. و تچوتي واهلي وعمامي
ريت موتي .. گرّب والحگ إمامي
جرحي بعده ما طاب
ننتظر جيت احباب
________
الچان يمسحلي الدمع
صرت اشعلّه شمع .. الفاتحة لـ روحه قريت
الخايف اعلية شكثر
هسة نايم بالگبر .. اتغيّرت گد ما بچيت
اتغيرت بعدة امنياتي و الملامِح
القبل لا تنزل دموعي دمعه طايح
صرت يومية أزوره لگبره رايح
خطوة خطوة .. لگبره بالگوه مشينا
هناگه گوه .. وياه بالگوه حچينا
نحچي وي الغيّاب
وننتظر جيت احباب
________
حسين علي الدليمي
نعي يوم العشرين من شهر رمضان ( للامام علي ع )
.....................
يومين صارن بويه بس گوم
حاجيني فدوه گلبي ملجوم
حيلي انهدم من شفت الادموم
حيلي انهدم و اعليك ونيت
و انصاب راسي اني تمنيت
و ليامك الحلوات حنيت
حاجيني بويه اگعد اشويه
ايتامك اتريدك خطيه
ضليت اون و اصفگ بديه
ضليت اون و زاد نوحي
اگعد يبويه و بعد روحي
لتروح و تكثر جروحي
لتروح و گليبي تكسره
ابداعتي و ابداعة الزهره
شلون اداويلك الطبره
طبرتك بيش اداويها
و الليل اسهرنه عليها
بس كون بتك لا تخليها
بتك تضل شلون بالدار
بعدك يضل الدمع نثار
شنگله لمن يجي الخطار
يالفيتك حلوه علينه
لا تمشي بويه و تخلينه
فرگتك كلش تأذينه
فرگتك بويه ما نودها
ابنيتك بعد من يعايدها
يالخلتك محد يسدها
بالعيد بويه وين اروحن
لدارك اجي و بيها انوحن
توحشني و جروحي يلوحن
توحش الدار اخلاف اهلها
و ايميل من بعدك حملها
ناس التجي گلي شگلها
يالعازتك عازه جبيره
والله اضل بعدك بحيره
ردتك الي عون و ذخيره
ردتك تضل وياي هيبه
و اسمع تگلي يالحبيبه
لو رحت شخصك من يجيبه
لو رحت شخصك ماضن ايرد
ترضاها اون بالدار اگعد
و ثوبك اشمه و گلبي يبرد
اثيابك اضل امگابلتهن
كلساع اطلعهن و اشمهن
شحالي اعيونك لو فارگتهن
-------------------------------------------------------
اهداء الى روح المرحوم سيد محمد جابر ابو عقيل و المرحوم حمدان عبود
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف اسم الشاعرات
رايح ياعلي وماخذ حلم عمري
الميت انته انه الليله ما ادري
،،،،،،،،،،،،،،،،،،،،
رايح ونته تعرف حسرت الفاگد
بعينه الدنيه تطفه اليدفن الوالد
ثوب الاسود اعله المنكسر گاعد
عايفني ابوجع وبخنگه البصدري
،،،،،،،،،،،،،،،،،،،،،،،
هد جرحه الوگت والعشره طشرها
وگلوب اليتامه ابحسره وجرها
حيدر للمنيه الروح حضرها
الدم ويالدمع عالوجنه ضل يجري
،،،،،،،،،،،،،،،،،،،،،،،،،،
البيت ابلايه ابو ماينحمل ساعه
وفارگنه الحنين اليصعب وداعه
راح الشال خيبر كلها بذراعه
ودعني وبقيت امحير ابأمري
،،،،،،،،،،،،،،،،،،،،،،،،،،،،
وين الله يرد ويردها عشرتنه
وترجع كل ليالي البيها ضحكتنه
من بعده الحياه للوحشه ودتنه
راح الجان حبه ويالدمه يسري
،،،،،،،،،،،،،،،،،،،،،،،،،،،،،
هاذ انته الثگيل المحد يگدرك
شلون الليله تدخل ياعلي الگبرك
حسين انه الينوح ونايم ابكترك
باجر ياهو بعدك نايم ابكتري
،،،،،،،،،،،،،،،،،،،،،،،،،،،،،،
محتاجك يبويه ابكسرت الخاطر
باجر من اطيح ابليلة العاشر
ومن تطلع خواتي ومنكسر خاطر
باجر بالحوافر ينسحگ صدري
العبد ابوفايز الرافضي
جرحك حبيبي .. حيّر طبيبي
ميت بعد يومين
گوم بسلامة .. حاچي اليتامة
بوية انتچي اعله احسين
تدعيلك العين .. طيّب يبو حسين
•••••••••••••••••>>>
بالدنيا ياروحي وهلي
ماعندي بس الله وعلي..دير اعله راسي الطبرة
يالطولك ولاية ضوه
كوم اوگف ورد الهوه .. اعليك بمعزة الزهره
يالروحي روحك .. فدوه لجروحك .. هذا الراس
حرموني اشمك .. خافني الچمك .. من تنباس
مو وكته موتك .. منتظرة صوتك .. اذن الناس
اطيني يمنتك .. تچّي يسرتك .. عالعباس
اسم الله اعله راسك ..مشتاكه ناسك
تشتم اديك اتعيش
رجع وگفتك .. لاكن طبرتك
تنزف نشدها ابّيش
مامنك اثنين .. طيب يبو حسين
••••••••••••••••••••••>>
يمنوّم الليل بهمس
ما طلعت اعليك الشمس .. بس هسه طلعة غفلة
انه ابنك وزودك الي
چنت اشبع بشوفة علي .. غير انته خير امن الله
الله وكيلك .. حيلي اعله حيلك .. خل يندار
بس امشي يمي .. وسميني بسمي .. وانسه الصار
ابنك واحبك .. گلبي اعله گلبك .. صاير نار
حيدرنه رايح .. طلعت ملامح .. عالفقار
فتحة فقارك ..سداها ثارك
بس جفني مامسدود
صحت بعبرتي .. من گد صدمتي
مو طبرة اظن محسود
شيطيّح الدين .. طيّب يبو حسين
••••••••••••••••>>>
يوجعني گلبي امن الجرح
يالباقي گاعد للصبح .. تتگلب امن آلامك
مو طبعك ايلزمك وجع
من يومك الهم ما طلع .. واحد يشوف ايتامك
گوم اطني ايدك .. خليني افيدك .. وامشي وياي
بوية انه عونك .. فدوه لعيونك .. هاي وهاي
عالفقرة نفتر .. گللهم اگدر .. الكم جاي
وجهك گمرهم .. ايخضر عمرهم .. مثل الماي
ناسك تريدك .. يالعدهم ايدك
خبزة اعله چف جوعان
كلش تحبهم .. وگفاتك الهم
حفظتهن البيبان
يلگونك امنين .. طيّب يبو حسين
••••••••••••••>>>
شنجيب الك واترد عدل
مثل امي مانلگه شكل .. وايرد حنانك بيها
روحك عله امنه امعلمة
والطبرة تشفة بفاطمة .. بس حط اسمها اعليها
امنه الحنينة .. هلبت تجينه .. بعازتها
دمعك تمنعة.. وحيلك ترجعة .. بريحتها
روحك تردها .. والطبرة شدها .. بشيلتها
تحبها نعرفك .. خلي اعله چفك .. سبحتها
تعرف غلاتك .. زهرة حياتك
تلزم اديك اتطيب
لو هيه اجتك .. مو بس طبرتك
مايبقه حته الشيب
ترجع ضحكتين .. طيّب يبو حسين
••••••••••••>>>>
انه ابنك الراح انذبح
محتاجك ابدال الرمح .. ردتك ترد ذباحي
بالطف كشختي بوگفتك
ترجع حياتي بشبگتك ..موش اشبگ اعله ارماحي
يالتدري بية .. بالغاضرية .. ما أرتاح
وبذاك عمري .. خيل اعله صدري .. وچم ذباح
اصهيل وحوافر .. واخيامي باچر .. كلها اصياح
وماشوفة دربي .. والگه اعله گلبي .. دم وارماح
واختي الچبيرة .. اتدور حصيرة
اتلم صدري من الگاع
اركض عليها .. بروحي اشتريها
لو عازتك تنباع
شتسوي الاسنين .. طيّب يبو حسين
•••••••••••••••••>>>
علي هادي الخزعلي
موشح لشهادة سيدي ومولاي امير المؤمنين علي صلوات الله عليه
اصواب راسك صوب الدين القويم
كيفَ لا وانته الصراط المستقيم
__
آه يصواب البچت منه السماء
او زلزل الگيعان واتعله النداء
طاح يا وسفه علي باب الرجاء
ركن دين الله انهدم واصبح سقيم
__
طايح ابمحرابه واصوابه ثجيل
عله الشيبه الطاهره دمه يسيل
دمع ما ينفع ولا صبرن جميل
كسر ظهر الشرع والآي الحكيم
__
كسر ظهر الشرع من طاح الامام
عگب حيدر اقرو عل دنيا السلام
راح ابو گلب الحنين اعله الانام
والحزن والنوح من عگبه لديم
__
والله اديم النوح والون والدمع
وي گلب زينب وِجب ان ننفجع
امس امها راحت ابكسر الضلع
واليوم صوبها علي اصوابن اليم
__
صوباها اصواب ما صحله دوه
وأَنحلت والعود من عدها التوه
اتگله بويه منهو ليه ابنينوه
من تدور اعليه ازلام الرجيم
__
ريت راسي ابدال راسك منضُرب
بويه لا تمشي او تخليني ابغرب
عله فراگك ياعلي مالي گلب
وانه گلبي امضعضع اوصاير حطيم
__
آخ يصوابك ادوّر طِبّه وين
شاب راسي . والدمع ماخله عين
اگعد او باصرني بويه يل حنين
دلني اعله دواك خليني اهيم
__
بويه ساكت ليش مترد الجواب
بويه گلبي من سكوتك والله ذاب
امنين اجاني هل بلاء او هل مصاب
وآنه ماعندي صبر موسى الكليم
__
انچان ما تگعد بعد واترد الي
للگبر وياك اخذني ياعلي
أنه ابهل دنيه بعد عگبك شلي
ابنار اضل او لا يمر بيه النعيم
__
ابو فاطمة الطائي
قصيدة جديدة بحق الامام علي عليه السلام عن السيدة زينب عليها السلام
راح امن ادية حامي الحمية
دلالي مجروح هاي المسية
===================
عيني اعله عينك من تصد / ذابل اشوفك يالورد / يا رايحة ليمك وارد / والدمعة بالعين
صاباني بمصابة الدهر / حزنك وسط گلبي استقر / ابكل بيتي اشوفلك اثر / ما يهدة الونين
أغلى الحبايب يالعني غايب
دلالي مجروح هاي المسية
======================
يالبيتي وحشة ابغيبتك / واگبالي اشوفن صورتك / اشتم يبوية ريحتك / وابالي ذكراك
صعبة من اظلن وحدي / وما اشوفة يمي والدي / يومي ابنياحة يبتدي / مجروحة وانعاك
يا اغلى مني بُعدك كتلني
دلالي مجروح هاي المسية
====================
يغمر حنانك عيلتك / وسفة يبوها فگدتك / تنحب عليك او رادتك / تدرينا نشتاكَ
اكبر بجالك حسبت / وتحظرني انت لو متت / دولاب بوية ادولبت / ما احمل فراكَ
محتارة بامري ذوبني صبري
دلالي مجروح هاي المسية
====================
ايتامك اعله الباب اجت / وروحي ييوية تمرمرت / يا وسفة عينك غمظت / عن هاي الايتام
تگصد الك صبح ومسة / كل الارامل والنسة / هاي اعله بابك جالسة / صار الها ايام
راح الكفلها صعبة امن اگلها
دلالي مجروح هاي المسية
=====================
مثلك يبوية ما يصح / فگدك جرح گلبي بجرح / سهرانة عيني للصبح / لجلك يوالي
من اغفى جرحي يلچلم / طيفك يجيني بالحلم / مرسوم الة بعيني رسم / أغلى الغوالي
بعيوني رسمك شيبني همك
دلالي مجروح هاي المسية
====================
أسالكم الدعاء رائد الاسدي
لشهادة سيدي ومولاي امير المؤمنين علي صلوات الله عليه
دموعي سكته ايسولفن
عـل گـبـر يـابـو الـحسـن
اعاتب .. شعاتب .. يابو المحنّه
____
بل عيون دمع لاج اوحسرتي خذت عافيتي
چنت وين صرت وين عليّه تهدّم بيتي
دنياي كلها بس علي اويا عشت احلى اسنيني
لو يوم عن عيني ابتعد امن الصبح تذبل عيني
ابويه ما مثله ابو
چفه حنين او بي دفو
اويلاه .. ون الگاه .. يا بو المحنّه
____
عل تراب الي اعتاب عليمن كسر دلالي
انشدك اشجنيته ؟ افجعتني او خذيت الغالي
ماتدري بعيوني انعمن او ظهري انجسم بفراگه
لا بيك باب او ينفتح حتى اويه ابوي اتلاگه
امروه ما ضلت بعد ؟
مو گلبي يتراب انمرد
الف داي ... صفه اوياي ... يا بو المحنّه
____
ترجيت اشكثر بيك يل تراب ولا تسمعني
ردت كون گبل ما تغطيه انا التدفني
چا دنيه ما بيها علي تسوه او اضلن بيها !؟
لا والله لو جنه اصبحت چن مگبره انظر ليها
غم الحياة ابلا علي
بس الگلب بيها ايغلي
فقط نوح ... والجروح ... يا بو المحنّه
____
أمانه يل اتراب أوصيك ابدمعتي الحمره
ابونه جرح بي اخافن تهيّج الطبره
يتراب لا لا تلچمه جرحه غميج او موجر
مفطوره ابونه هامته او يحمل الم ما يگدر
لا تلچم اجروح الولي
أمانه خل عندك علي
تره أيام ... فلا نام ... يا بو المحنّه
____
لون طاح بديه طبرته درتها ابراسي
وافدّيه بالعيون وفدّي إنفسه ابأنفاسي
ياريت الف موته متت او لا شوف ذاك اصوابه
الوجهه مثل وجه الگمر اصبح دماه اخضابه
ريع اليتامه ياوسف
متوسد اتراب النجف
مشه او راح .. بالجراح ... يا بو المحنّه
____
الدموع والاونين ابدما تِسكن اجروحي
علي مات خذه اوياه اماني او اخذها الروحي
ضليت عگبه بس جسد او خاوي او ويون يوميه
زينب چنت وياه گبل امن اليوم انا المسبيه
الردته يضل الكربله
او يشگف مرامي حرمله
وسف مات .. حرامات ... يا بو المحنّه
____
ابو فاطمة الطائي
لاستشهاد أمير المؤمنين علي عليه السلام
دنيا رادت ونعرف مظمونها
نور حيدر مايمر بعيونها
★★★★★
فعل هلدنيا عجب بعد العجب
چن طبعها انكتب بس حيره وتعب
حاربت اهل المفاخر والنسب
بوجه اهل الخير مغبر لونها
★★★★★
بصبر حيدر من غدت متحيره
بلجبال البيه لوصار وجره
مثل صم اتراب طاحت علثره
دنيا مايل كل وكت قانونها
★★★★★
بهاي دنيا الغدر دومك مبتلي
امحزمه ومتريد همك ينجلي
چنها تطلب ثار منك ياعلي
اجت تاخذ يبوالغيره اديونها
★★★★★
ماملت وي ريحها وتابع صرت
وبحبلها مثل غيرك ما طحت
غري غيري عنها من يوم الگلت
حشمت ضدك الميجافونها
★★★★★
دَلَّت اعليك العده يا بوالحسن
بساعه صعبه مامثلها بكل زمن
غيضهم يمطر حقد اهل الفتن
بسيف باتر هامتك يلفونها
الشاعر حسن لعيبي الحريشاوي
هوسات تأبينيه لاستشهاد امير المؤمنين علي عليه السلام
شنهي المابچالك يا ابوالايتام
بچه الكون المصابك ناحت الأحكام
بچه المحراب لفراگك بچه الاسلام
(مهظوم الدين وأحكامه )
★★★★★★
على فراگك يون وينوح ياحيدر
محراب الصلاة والدين والمنبر
بنوايا السود خصمك معتني ويفتر
(ضم سيف الشر تحت اكتاره)
★★★★★
شنهي المابچالك ياعلي الكرار
الجن والانس يبچي يحامي الجار
والمي والأرض والطير والأشجار
(حيدر بچه الكون مصابه )
الشاعر حسن لعيبي الحريشاوي
الشاعر حسن لعيبي الحريشاوي:
لاستشهاد أمير المؤمنين علي عليه السلام
ياعلي واگف ابابك يجرح بخدي الدمع
وذابت من الآه روحي شلون ميذوب الشمع
★★★★★
روحي لمصابك حزينه وگلبي الف چويه انچوه
من الهوه حرموك وسفه وانته نسمات الهوه
يلرويت الدنيا رحمه ابدمك السيف ارتوه
جهل لواحقاد منهم ينضرب راس الشرع
★★★★★
والله ياحيدر جريمه فوگ راسك تنطبر
شلون ياكون المحبه ايضمك اتراب الگبر
وعفيه ياگلب اليحبك ضال عد روحه صبر
هذا يوم الماكو مثله الكون كله منفجع
★★★★★
نزل جبريل بدمعته وروحه مهظومه صفت
ناده غاب الفرح عني ايام عمرك من گضت
اليوم غاب الخير كله الهدى اركانه اتهدمت
احبابك ينوحون ظلوا عن شمل ماينجمع
★★★★★
صعب حال الموت لمن قبض روحك حيدره
والثرى خجلان منك من صرت تحت الثره
واگف ابابك ودمعي جمر لمصابك جره
بدونك الدنيا يحيدر دنيا مابيها نفع
★★★★★
شنهو ذنبك يبوالطيبه بهلنوايب تبتلي
حيف ياسيف المرادي فوگ راسك يعتلي
انظر الحال اليتامه تصيح كلها ياعلي
ابد موسهله عليهم حبل وصلك ينگطع
الشاعر حسن لعيبي الحريشاوي
لاستشهاد أمير المؤمنين علي
عليه السلام ( وزن الحدي ملمع)
(لأي ذنب ضربوا بالسيف رأس المرتضى )
★★★★★
ياذنب سوه المرتضى روح العلم والمعرفه
أشبدل ابنهج النبي اشغير بدين المصطفى
هاكثر شاف من الحقد من ناس مابيهم وفه
بالظلم ردوله الفضل وذيچ الموده بالجفه
(أهكذا العدل إذن بالسيف مقتولاً قضى)
(لأي ذنب ضربوا بالسيف رأس المرتضى)
★★★★★
اسمى المعاني لخصت ابتضحياتك ياعلي
لهذا السبب طول الوكت بهاي العناصر مبتلي
سيفك نهايه لكل بشر باطل لئيم وجاهلي
وصبرك بدايه لكل عهد بخير المگاصد ينملي
(شيطانهم بقتله ابدى لهم عين الرضا )
(لأي ذنب ضربوا بالسيف رأس المرتضى)
★★★★★
طيحتك بفراش المرض لامو إلك يابو الحسن
ياعلم كل حد ما إله خلوك ياوسفه أبچفن
وبجنازه تنحط ياعلي وتنشال ياجنة عدن
من الگوم كل هذا الذنب لوكل ذنب من الزمن
(ماقصة الدهر معك حتى تولى مُعْرِضا )
(لأي ذنب ضربوا بالسيف رأس المرتضى )
★★★★★
بدر الليالي ضيعوا وماصانوا أنوار الشمس
سدوا العين على الضوه ردوا على ليل الأمس
رادوا اورود المعرفه بصدورهم ماتنغرس
ضاعوا ابليل المايفض ماخذوا من علمك درس
(بعد النبي أصبحت في القلب نيران الغضا )
(لأي ذنب ضربوا بالسيف رأس المرتضى)
★★★★★
باس وشجاعه ومعرفه شافوا ولايهتز أبد
لاخذوا من علمه درس ولا وفوا وياه ابعهد
ولما عشر علمه وصل ماعنده بس غير الحسد
لاجاهليه غرته ولاخشع لأصنام وسجد
(من شر سيف حاقد حراً شهيداً قد مضى)
(لأي ذنب ضربوا بالسيف رأس المرتضى )
الشاعر حسن لعيبي الحريشاوي
في ذكرى استشهاد الأمير (ع)
ليلة الوفاة
يشيعه الليله زينب كوموا واسوها
او دَمْعَتْكم على الكرار هلوها
زينب فكدت ابـ هالليله ركن البيت
لذلك يا بشر بالونه عَزّوها
دِكّوا اعله الصدر بثنين ايديكم حيل
أو كل هاي العمايم بالله فلّوها
أشرار البريه ابغِلْها هذا اليوم
أركان الهدايه وسفه هدموها
و الشيبه اللي جانت دوم تنضح نور
او هيبه .. بالدِّمه يا ويلي خِضْبوها
خَلّوا جِبرائيل ايصيح بالآفاق
(بالمسجد العروه الوُثقى فِصْموها)
او زينب يتِّموها او يتِّمَوا لسلام
و (القُربى) اعله مرأى الدنيه داسوها
غيبةْ حيدره تعني اللطُف منحور
او تعني ابكربله ام الحزن يِسْبوها
او تعني اللي كفلها عالشريعه ايطيح
اُو بِسْياط الضغينه لن يِضِرْبوها
يشيعه ابـ هالمجالس حاضره الحوراء
لهذا اعيونكم يا شيعه غِضُّوها
& & & & &
خادم الأمير (ع) : إبراهيم الدريس
في ذكرى استشهاد الأمير (ع)
ليلة الوفاة
يكرار .. وَيَّاك اِخِذْني
يكرار .. إلمَن عِفِتْني ؟!
&&&&&
يبويه امْن اِغْمَضِت عينك .. تصلي ادموعي بعيوني
او منِّ اتشَيَّعِت أشعُر .. سوط ايألِّم امتوني
بعد عِزَّك يبو زينب .. يتيمه اَسْمَع ينادوني
او بَدَل ما عيدِج امبارك .. ابعيد الله يعَزُّوني
يكرار .. بُعْدك كِسَرْني
يكرار .. إلمَن عِفِتْني ؟!
&&&&&
ابليلةْ وَحْشِتك بويه .. بسَّ الله اِيْعَرِف حالي
المدامع تاكل بروحي .. إذا طيفك تِراوالي
اهوايه اَتلوَّع امْن اَنْظُر .. مكانك يالأبو خالي
بعدك ظلت الدنيه .. ابشِماته اتشاهد اِخْيالي
يكرار .. هَجْرك هِظَمْني
يكرار .. إلمَن عِفِتْني ؟!
&&&&&
ترى امْن اتنامَن ابلِحْدك .. يداحي الباب أظَل وَحدي
على اِحْجاياتك آنه اَصْفِن .. و الدمعه تَرِس خَدِّي
مِنِ اتسافِر عَنِ اِبْنَيْتك .. تِصيرَن دنيِتي ضِدِّي
او عليَّه اِسْهامْها تِرْمَن .. او رِحِلْتي اِوْيه الحزن تِبْدي
يكرار .. دهري امتِحَنِّي
يكرار .. إلمَن عِفِتْني ؟!
&&&&&
ابجروحه اشلون أسِألَنَّك .. حبيب ايخَلّي محبوبه ؟!
بكيت اِخْلافك ابدَمْعي .. أوِنِّ او أبجي مرعوبه
أحِس من هسه مسبيه .. او مِشيتَن بالسبي ادروبه
و اذا يتسلَّب احسيني .. ابغيابك روحي مسلوبه
يكرار .. مذبوحه جَنِّي
يكرار .. إلمَن عِفِتْني ؟!
&&&&&
لـ آخر لحظه و اعيوني .. يحامي الجار بعيونك
شالوك او أحِس روحي .. يشَيْعوها او يِشَيْعونك
تِظِن يا والدي أكدر .. أعيش الدنيه من دونك ؟!
على خُوتي صِحِت بويه .. ابدِليلي كونِ اِيْدِفْنونك
يكرار .. فكدك عِمَنِّي
يكرار .. إلمَن عِفِتْني ؟!
&&&&&
خادم زينب (ع) : إبراهيم الدريس
في ذكرى استشهاد الأمير (ع)
ليلة الوفاة
امْن اتغيب يالكلبك وطن
سلّم على أم الحسن
او كلّلها زينب غافْيه
بين الجروح الدافْيه
&&&&&
مثِل ما وصّيتْني إسمَع إذن
من تصير انته يبو الفِقره ابجِفن
سلّم اعله الغالْيه أمِّ الحسن
او كِلْها من راحت او عيناي انعِمَن
او كلّلها زينب بالدمِع
كل لحظه تنحب عالضلِع
بعدِج مَشافت عافْيه
بين الجروح الدافْيه
&&&&&
كِلْها من شافت أبوها الغالي مات
اتمنّت اشكد بيها متطول الحياةْ
الـ يمه لا أم لا أبو يهوى الممات
او بالمدامع و الحزن يصحى او يبات
لمّن تشاهد فاطمه
زينب دَكِلْها امألّمه
او شمعَةْ عُمُرْها طافْيه
بين الجروح الدافْيه
&&&&&
لُـ امي كِلْها ابروحي أذّن جم بِلال
اليوم عن زينب هِتف راح الدَّلال
او عنها والِدْها علي شَدِّ الرِّحال
هذا مَن إلها النجِم بجفوفه شال
فاطم مِنِ اِتْجِيك الكبُر
كِلْها عِفِتْها للشِّمُر
او جم لوعه زينب خافْيه
بين الجروح الدافْيه
&&&&&
اتمُرْني بسمه بويه بعدك مستحيل
او هذا كلبي من رِحِت أصبَح عِليل
أبجي منَّ اَسمَع يحمَّاي الدِّخيل
كُل شِي يجَرَحْني غِده بعْد الرحيل
كلبي اِبْغِيابك يا علي
متعوب نبضه او مِبْتِلي
آهاته تبجي وافْيه
بين الجروح الدافْيه
&&&&&
يا علي يالماخِذ اوْياك العُمُر
من بعَد عينك إِلِي ما ظَل خِدُر
روحِتك تعني يِطِكـ متني الشِّمُر
يا علي و اجفوفي اِيْكَيِّدْها زَجُر
بانت يحيدر كربله
من غِبِت يا عَقْد الوِله
دَمْعاتي تشرَح كافْيه
بين الجروح الدافْيه
&&&&&
خادم زينب (ع) : إبراهيم الدريس
في ذكرى شهادة أمير المؤمنين (ع)
ليلة ٢٠ رمضان
يا علي يا علي
حال اليتامه ايصدِّعك
يا علي يا علي
إلليله فجَّر مدمعك
&&&&&
إرحم ادموع اليتامه و الگلوب الذابله
ابابك التمت يحيدر و الحزن منها اعتلى
اتقبِّل اچفوفك حلمها ابشوفتك متأمله
لاكن المجتبى گلها يعتذر عقد الوله
يا علي يا علي
چانت تريد اتباوعك
يا علي يا علي
حال اليتامه ايصدِّعك
&&&&&
الليله أصوات اليتامه يا بو زينب تندبك
يا هو يرعانه خلافك بالدموع اتخاطبك
صاحت اخبرنه دخيلك عنه يا هو الغيَّبك ؟!
انته سيف الموت إنته اشلون سيف ايصوّبك ؟!
يا علي يا علي
اتريد اليتامه تسمعك
يا علي يا علي
حال اليتامه ايصدِّعك
&&&&&
الليله أيتامك حزينه او تنتحب يا با الحسن
تدري بس اتغيب عنها اعليها تترادف محن
يا علي لـ اصواب راسك كل گلب صاح او حِزَن
و الوحي ابرمح المصيبه هذا دلاله انطعن
يا علي يا علي
صوت الملائك يفجعك
يا علي يا علي
حال اليتامه ايصدِّعك
&&&&&
كل شي يجري اعليك دمعه الليله يا حامي الحمه
و الحجر هل المدامع على امصابك من دمه
وضعك الليله يغالي الأرض صدَّع و السمه
او خله بو الزهره ينوحن ويه بنته فاطمه
يا علي يا علي
الليله الصلاةِ اتودِّعك
يا علي يا علي
حال اليتامه ايصدِّعك
&&&&&
هذا خوَّاض المنايه السيفه بس يشطر شطر
صاير اعله افراشه ينحب و الفجر يبچي الفجر
هدَّم أركان الهدايه ما دره سيف الغدر
او صاب عرش الله ابضربته او صدَّع اليالي القدر
يا علي يا علي
يذبحنه والله مصرعك
يا علي يا علي
حال اليتامه ايصدِّعك
&&&&&
إبراهيم الدريس
في ذكرى استشهاد الأمير (ع)
ليلة الضربة
منهو الصاب الراس ؟!
و اختنكت الأنفاس
منهو الغَيَّر بويه أحوالك ؟!
جاوبني فدوه الـ دلاَّلك
منهو الصاب الراس ؟!
&&&&&
يا بويه .. معقوله إنته حيدره ؟!
يا بويه .. هامك اشبيها امطبَّره ؟!
يا بويه .. اشلون اللي حيَّر خيبره ؟!
يا بويه .. يمشي او يطيح اعله الثره
معقوله انته الحيد ؟!
او ذاكه أشجع صنديد ؟!
اتسندك ليش أنظرها اعيالك ؟!
جاوبني فدوه الـ دلاَّلك
منهو الصاب الراس ؟!
&&&&&
ما أصدِّكـ .. ابـ عِلْم آنه لُو آنه ابـ حِلِم ؟!
ما أصدِّكـ .. يزحف اليتفجَّر عَزِم !
ما أصدِّكـ .. هذا الجِسَم روس الزِّلِم
ما أصدِّكـ .. راسه أباوع منجِسِم !
ابنظراتك جلمات
حلمِج زينب مات
أصفر بويه اشماله اهلالك ؟!
جاوبني فدوه الـ دلاَّلك
منهو الصاب الراس ؟!
&&&&&
جاوبني .. راسك علي منهو الطبَر ؟!
جاوبني .. مو وَن على حالي الحَجَر
جاوبني .. بَسْمِتك وين الـ عالثَّغَر ؟!
جاوبني .. او لا تعتذر لي بالقَدَر
وين البسمه وين ؟!
كلي يا بو احسين
منهو ابسيفه حيدر غالك ؟!
جاوبني فدوه الـ دلاَّلك
منهو الصاب الراس ؟!
&&&&&
جا وينه ؟! .. صوت التِّرَس إذني تَرِس ؟!
جا وينه ؟! .. هالليله ما أسمع له حِس !
جا وينه ؟! .. الـ مِن سيفه كلها تنخِلِس ؟!
جا وينه ؟! .. شو ورده بالوَن منغِرِس !
صعبه الغالي اتشوف
لونه أصفر مخطوف
يِجْتِلْني حيدر جَتَّالك
جاوبني فدوه الـ دلاَّلك
منهو الصاب الراس ؟!
&&&&&
لا ترحل .. اعليك ابـ علي آنه اِحْلَفِت
لا ترحل .. او من ترحل احسبني مِتِت
لا ترحل .. لو كلبي يا بويه عِفِت
لا ترحل .. بالطف يضربوني اشكِلِت ؟!
لا ترحل أرجاك
لُو تاخذني اوياك
لا ترحل خليني ابجالك
جاوبني فدوه الـ دلاَّلك
منهو الصاب الراس ؟!
&&&&&
يا يُمه .. وينِج تعالي بالدمِع
يا يُمه .. خلِّينه نلطُم عالضلِع
يا يُمه .. حيدر علي ابأخطر وَضِع
يا يُمه .. خوفي يموت او ننفِجِع
يا يُمه او لُو غاب
تسلب خدري أجناب
خَلِّي هاي الجلمه ابَّالك
جاوبني فدوه الـ دلاَّلك
منهو الصاب الراس ؟!
&&&&&
خادم زينب (ع) : إبراهيم الدريس