7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*حرق الخيام*
لحن اسمع عتابي♪
طلعن بالبرور ~ مفزوعه وتدور
عالجمر ركضت ~ ربات الخدور
مشتعله خيمات~ والله حرامات
ما عدها ساتر~ ما بين شمّات
عين العدو سهام~ ما بين الظِلاّم
النار بـ عبيهن ~ ومشتعله الخيام
وهجت العدوان ~ وحرقت الصيوان
وأثر العبايات ~ ريحة الدخان
تنادي الكفلها~ وخايب أملها
والشمر اجاها ~ يضرب متنها
خادمة آل محمد✍🏻
ابوذيه تقرأ في ليله الوحشه
نظرات العدو نيشنن ورمن
عليّه وحرت وين اتجه ورمن
يعمه چفوفي من السوط ورمن
أمن انام. شلون احط راسي اعله اديه
…… .
الشاعر محمد حسن ضيغم
بعد حرك خيامج كومي لمي ايتامج
كومي اخذي الرايه من جفين عباس
*---------------------*--------------------*
العزا لله يزينب كومي
حسين وصاج أعلى خدرج يومي
لايهمج مزكوها اهدومي
ولايهمج عالترابه نومي
لاتضل الرايه فوك المسنايه
راية العباس تبقى تشيل الإحساس
*---------------------*---------------------*
لو تجين وتعتنين الحومه
و شفتي اخوج مسلبات اهدومه
اتصبري يازينب المهضومه
خلي اخوج حسين يشهد يومه
للمنايه هايه الزلم وفايه
حسين وإخوانه مهابه ورفعت الرأس
*-----------------------*---------------------*
من تطرين الحرب ملهوفه
من المنظر لاتصيبج خوفه
لو تنظرين الكمر وجفوفه
مكطعات ورايته ملفوفه
اتصبري يازينب انتي سيف مجرب
انتي للعباس يفخر بيج نوماس
*--------------------*--------------------*
بعد عندج وي يزيد اطلابه
والطريق اشبعده بيه طلابه
كومي يختي وشدي العصابه
كولي اه يحسين اه ومصابه
كومي طري الهيمه
كومي يم الشيمه
راحو اخوانج يزينب ماكو حراس
*------------------*-------------------*
كومي راويهم شجاعة حيدر
يوم راواها الشجاعه بخيبر
لايهزك جيشهم والمحشر
خل يشوفونه آباء الخدر
رايته مرفوعه بزينب الموجوعه
حيدره وفقاره ابد ماكدرت الناس
*---------------------*--------------------*
محمد دعبل النوري
جديد ~*مولاتنا زينب ع عند مصرع الحسين ع*
مولاتنا زينب ع اه يا زينب هي من نادت على الحسين ع لما رأت الاعداء يسحبون قتلاهم من ارض المعركة لكي يوطؤوا صددر الحسين ع بحوافر الخيول واويلاه صاحت وتخنقها العبره~ أما فيكم مسلم يواري هذا الغريب~ اي واحسيناه~ اي واغريباه~
لحن قلب امك يبني متفتت للشيخ الجفيري♪~
صاحت منهو يشيل المظلوم
يرفع نعشه ويشيله اليوم
وراحت يمه تنحب وتحوم
تلطم ويلاه بمدمع مسجوم
خويه خويه خويه خويه
〰️〰️〰️〰️〰️
شافت جسمه ويلي مترّب
جراحه كثره وثوبه اتسلّب
ونحره بدمه اويلي اتخضّب
صاحت ويلاه وناحت زينب
〰️〰️〰️〰️〰️
سمعت صوت خيول وحافر
تدوس الصدره بيوم العاشر
تون عالمظلوم وبلا ناصر
تبكي يمه بكسرة خاطر
*شسوّت الخيول بجسد الحسين؟؟؟*
داسوا اويلي بحافر صدره
سحقوا عظامه ويلي وظهره
وشافت حافر انصبغ بنحره
تلطم زينب وتهل عبره
خويه خويه خويه خويه
خادمة آل محمد✍
[[💔قصيدة المصرع💔]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
مات مذبوح إمامي ....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ويلي من بعد الذبح جته الخيول
فوگ لچماته على صدره تجول
إبتعدي ياخيل الذبيح ابن البتول
هذا حيدر والده وجده الرسول
مابگت روح بخيي ... مابگت روح
مات مذبوح إمامي ....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
من على التل الغريبه سمعته
وصلت خيام العقيله ونته
راحت أدور أميه لچبدته
لنها تسمع بالشمر حز ركبته
تبچي وتنوح إخيته... تبچي وتنوح
مات مذبوح إمامي ....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
احتارت بين الاخو وبين الخيم
وعالشريعة نام كفال الحرم
حشمته مانهض راعي العلم
عمت عيني صوبو عينه بسهم
دمه مسفوح كفيلي......دمه مسفوح
مات مذبوح إمامي ....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شافته و نادت اويلي يالحنين
خويه من بعدك اودي وجهي وين
ياهو التجرئ وصابك بالجبين
نور عيني يا حبيبي ياحسين
گلبي مجروح يگلها ..گلبي مجروح
مات مذبوح إمامي ....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خويه عوفيني واگصدي للنهر
بلكي ظلت ضنه بنفاس الگمر
حشمي گليله يحزام الظهر
مادريت بخد رقيه لنسطر؟
وحسها مبحوح يخويه . حسها مبحوح
مات مذبوح إمامي .........مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
سلميلي على سكنه و الرباب
وذكريهن هلله هلله بالحجاب
خويه اضن نامت رقيه على التراب
طفله ماتحمل سبي ضيم وعذاب
للسبي تروح رقيه .... للسبي تروح
مات مذبوح إمامي ....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خويه ردي الخيمه بالشام الوعد
واجبچ الاطفال زينب عالعهد
ما أريدن خدچ تخمشينه أبد
الشيعه تنصبلي عزاء بكل بلد
وين متروح منادي........وين متروح
مات مذبوح إمامي ....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجعي زينب لا تعذبج ونتي
هيمو بالبر لو شمر حز رگبتي
أدري بي يرجع ويحرگ خيمتي
خويه زينب باليتامى وصيتي
عيلتي تروح سبيه...... عيلتي تروح
مات مذبوح إمامي .....مات مذبوح
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شاعرها
جهاد البصيراوي
[[قصيدة للمصرع💔]]
كأني بمولاتي بزينب جاءت الى الحسين في آخر لحظاته فوجدته يأن وقد صنع له وسادة من الرمل وجراحه تنزف فقال لها بصوت ضعيف وحسرة كبيرة:
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجعي خويه الملتقى يم النبي
وداعة الله و إستعدي للسبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجعي خويه توجهي جمعي الحرم
لو تنادين اعله شيال العلم
صيحي يا عباس حرگوها الخیم
حرگو اخیمنا وسترنا بس عبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رجعي زينب لايروعج منظري
لو سمعتي بالشمر حز منحري
سترجعي الله يخويه تصبري
وبالصبر والقوه خويه تحجبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
زينب بحيرتها ظلت واگِفه
تشوف نيران المخيم عاصفه
وسفه صاحت بت محمد خايفه
وخيرة الله من الخلق أبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
شافته بحر الرمل جسمه نفرش
تنزف دماه وضعف جسمه ورعش
صاح زينب راح أموت من العطش
مهجتي ذابت وحگ جدي النبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خويه رجعي هذا اضن آخر نفس
رکد حيلي وحاقد برجله رفس
يگطّع اوداجي وعلى صدري جلس
أركبته ثانیها اعله گلبي الناصبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
ادري گلبج خويه گلب الوالده
ودري جسمي خيول اميه تمرعده
خويه زينب و لا تشمتين العده
والضعن صار اسمه ضعن الزينبي
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
صلى الله عليك
يا ابا عبد الله
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
نعي ليلة الوحشه بلسان حال السيده زينب تخاطب الآمام الحسين تقله :
خويه جلجل الليل عليه
و صفيت وحدي بهالمسيه
تنشدني عنك بنتك رقيه
****
تقلي يعمه أبويه وينه
مو من عادته ما يجينا
وين اليدير عينه علينا
****
أنا سمعته يصيح عطشان
و مشتعله بحشاه نيران
ما عنده أنصار و أعوان
****
أريد أسقيه قطرة أميه
و يمسح بإيدينه عليه
و يشوف وشسوا الشمر بيه
****
أنا أريد أقله ظربوني
و سلبوا التراجي من أذوني
أنا صغيره و ما رعوني
****
أنا بنيته الجنت مدلله
و شلون يعوفني بالفله
يا ليت ما صارت كربلا
****
جواب الإمام الحسين يقلها :
يا أختي عينج على بنتي
لا تحجين إلها عن قصتي
أخافن تاذيها رقبتي
و تموت من القهر عليه
خدام اهل البيت ع
مشق وتطبير✍️
حيدر حيدر حيدر
****
لا تبخلي يا نفس في دمائي
ففي العراء مهجة الزهراء
في كربلا مقطع الأعضاء
مـن الضِمى فؤاده تفطــر
****
وزينبُ حيرى بِغير حامي
نادت اخي قد احرقو خيامي
فكيف لا انعــاك يا امامــي .
.ففي الحشى نار عليك تسعر
***
لن ننحني يومآ ابا الأحرار
قد حان يا مولاي اخذ الثار
لم تبقى الا صيحة الجبار.
.وعندها مهدينا سيظهر
****
لن ننثني لِلظُلمِ او نساوم
حتى نرى المهدي فهو قادم
في سيفـهِ موتُ لكل ظالــم .
.بيــا لثارات الشهيد يثــأر
*
زينب اجت يا وضع للحومه
بس جثه شافت عالترب مهدومه
تلطم وجهه كَامت المظلومه
ومن الخيم فرت جميع الخدر
*
محتاره ما غير العليل وياهه
يــم الخيــم تتعثر بممشاهــه
عباس كَوم بيا وضع تلكَاهه
بلوعة كَلبهه وبالدمع تتصبر
*
كَامت تنادي يا هلي العفتوني
زينب انه هان الكم تخلوني
شلون بعليل وعايله تضيعوني
وينك يحيدر يا علي ما تحضر
يحسين المن عايش الميشوفك
مجنونه كل اهل الأرض بحروفك
عميان همه تصورنه نعوفك
للزهره امــه بيــا عـذر نتعذر
****
هـاي الدمـاء بكل زمن تتجدد
شاهد عيان وعن غرامك تشهد
من نختلف بمحبتك نتوحـد
هذا ولائــي عليك من اطبــر
****
انسه العقيله العالهزل مجتوفه
لو انسه عباس الكَطيعه جفوفه
هاي بخيالي هامته المخسوفه
وبكــل صباح الــي يمر اتكـدر
*
يحسين زينب بالخيم تنتظرك
سيف الشمر ما تدري ماكل نحرك
شلون بحوافرخيل تهشم صدرك
حتى العرش ناح لمصابه وكبر
**
سكنه ورقية تلوعن بغيابك
بيسر المصايب يا ولينه احبابك
لا والعليله ما نسينه مصابك
وكَلب العقيله الباليتامه تحير
**
شلون الرضيع بصدرك يذبحونه
يتصور الدم ماي تربي عيونه
ست اشهر ابنك بيمن ايطلبونه
نحره تكَطعه شزغره هوه المنحر
****
فزعت زلمنه للحشد تقاتل
مثلك يبو الأحرار ما نجامل
وصاها ابو محمد رضا البواسل
وعلى العهد يحسين ما نتغير
***
تشهد علينا كَرمة الفلوجة
غير الحشد محد يعدل العوجة
طوفان محد يا حسين يفوجة
صفين جنها يصول بيها الاشتر
**
هذي مواكبنــه عزم تنطينه
احنه بمحبتك سيدي تربينه
يلكَانه باجر عالعهد مهدينه
لمن يبو السجاد باجر يظهر
****
حيدرحسين الكرعاوي
فزاعيه للمصرع
صباح العاشر
وتقرأ بعد المقتل
زينب تصيح بكربله
وين امي عن اوليدهه
.....
ابنچ وگع من مهرته
وبالحجر صابوا جبهته
والسهم مارد چبدته
عالراس تلطم بيدهه
زينب تصيح بكربله
وين امي عن اوليدهه
.....
رد مهره خالي الخيمته
يصهل وتهمل دمعته
وسكينه اشوف تلگّته
والحسره حيل اتزيدهه
زينب تصيح بكربله
وين امي عن اوليدهه
.....
من طاح مرمي اعله الترب
عل وجه شفته منگلب
يتألّم ودمه يصب
لوريده تفدي اوريدهه
زينب تصيح بكربله
وين امي عن اوليدهه
.....
وين امي تحضر محنته
وتشوف هاي الأذّته
مگطوع خنصر يمنته
كل العلاوي اتريدهه
زينب تصيح بكربله
وين امي عن اوليدهه
.....
عشرة خيول اتعنّته
سحگت ضلوعه وطحنته
يتگلب وما رحمته
مصيبتهه ابنهه يعيدهه
زينب تصيح بكربله
وين امي عن اوليدهه
.....
ياويلي من بعد الذبح
مرفوع راسه اعله الرمح
والجسد دامي ومنطرح
وأخته اعله ضيمه شبيدهه
زينب تصيح بكربله
وين امي عن اوليدهه
.....
الشاعر محمد حسن ضيغم
/channel/kasaedalatharDaygham
ليلة الوحشه
جدك بكربله سلبو اعمامته
ياامام العصر خيلهم داسته
*
واگفه زينب تصد أعليه نضره
اتشوفه لمن داسته خياله عشره
صاحت بحرگت گلبهه الكله حسره
هاي گاع الله اشكبرهه اله على صدره؟؟
ولن رقيه بألم من بعد شافته
ياامام العصر خليهم داسته
*
انته ماشفت الجراله وتبچي من دم
شلون لوحاضر چنت عاشر محرم
مدري شتسوي يغايب الله يعلم
راسه مگطوع ويعاين للمخيم
ينضر العايله شسوت بروحته
ياامام العصر خليهم داسته
*
كونك تشوف الحجر من طر جبهته
يمسح الدم بقميصه بعيني شفته
وانتچه اعله السيف بس حاول نهضته
وطاح من شاهد على التل زينب اخته
واگفه تحشمه. ينتهض رادته
ياامام العصر، خيلهم داسته
**
والسهام الصابته راعي المحنه
ضل سهم يدفع سهم من صوبنه
زينب اتحاچيه وحچايتها ونه
بموتتك حسينه ماتو كل اهنه
كل اهلها تحس. ماتو ابموتته
ياامام العصر. خيلهم داسته
**
فوگ كل هذ الي صار وهذا ضيمه
الجيش غار اعله الفواطم چنه غيمه
وحرگو عليهن خيمهن خيمه خيمه
مخدرات وما يعرفن شنهي هيمه
رعب بس من رعب. عيلته عاشته
يامام العصر. خيلهم داسته
**
عاالرماح حسين ويعاين عضيده
هوه من گد غيرته ما جف وريده
من يشاهد زينب وسكنه وحميد
براسه لو هز الرمح چنه هزه بيده
عاالرمح بس جمر،، تشتعل غيرته
ياامام العصر. خيلهم داسته
سعدالعبودي
قصيدة ( انطوني شمعه ) ليلة الوحشه
أنطوني شمعــه يالتشعلون الشموع
ارد اشوف حسين مكسور الضلوع
خلص يــوم العــاشر
انطوني شمعـه لباچر
*---------------*--------------*
يالتواسوني بشمــع هــاي المسـيه
شمعه چنـت اتمنى ليـل الغاضريه
حتى أشوف بيا كتر روح الزچــيه
بلكي مــن يستمع وني أيـرد علـيه
ارد أخبــره بالجــره
بعد گطعت منحــره
بــس خيم متوجره بغيــــابــــه
شمعه شتعوض شمس وجه الغـريب
مــن وگع عالغبره عطشان وخضيب
وللخيم ظــل ناظـــر
انطوني شمعه لباچر
*---------------*--------------*
چنــت شمعـه اتمنـــه اروحـا للشــريعـه
حتى اشــم عبــاس وچفــوفه الگطيعه
أرد اخبره هــل الحــرم ضيعـته ضيعــه
من فجيعه اطلع واطب خويه بفجيعه
ارد اروحــن للگمـر
جدمي لا بي أيعثر
خويه مرالي السهر يغــالــي
هيه يــا شمعه التعــوض عالكفيل
وليلي بعــده بالسـبي كلش طويل
يـــا گلـب ظــل حاير
انطوني شمعه لباچر
*---------------*--------------*
شگـد تمنيـت الشمــع بالطــف يجينـه
حتى أصيح الفاگــده رملــه الحــزينه
أرد اگلها جاسـم بهل سـاعــه وينـــه
شو تأخــر عنــه مـا ظن يــدري بينــه
يشوف أمه وعمّته
شگــد تمنـن جيّته
ليش غابت شمعته وشبــابـــه
للشباب أعيوني چن مجره الشموع
ومــا يصبر الفاگــده غيــر الدمـوع
لطولــه تبقى اتناطـر
انطوني شمعـه لباچر
*---------------*---------------*
ضلمــه دنيتنـه وردت للظلـمـه شمعـــه
مـن اجت تمشي الرباب وتجري دمعـه
تگلــي امشـي ويــاي عبـدالله ارضعـه
ها يعمته ارجوچ وانظر شنهي وضعـه
نحره مخضوب بدمه
صـوابــه حيــل يألمه
ريت يـــا بت فاطمه رمــانــي
انطيني شمعه حتى أشوف ابني الذبيح
گلبه ضامـي ويمــه أحـس وينـچ يصيح
وگلبه أحس بي شاجر
انطوني شمعـه لباچــر
*---------------*--------------*
ليلـى اجتنـي وبالمشـي هيـه أتّعثــر
دنـيا ظلمه وگلـب ليلى جمره يسعر
يــا شمـــع ليـرد عليـها وجـه الأكبـر
وهوه بي صورة محـمـد بس تطبــر
اطفه يـا نـور الشـمع
لو علي وجهـه يشـع
حگه لو يجري الدمع لــلأكبـــر
وين تضـوي الشمعه يم وجه الينور
هسه ظل اعلى الرمـل ابني الغيــور
بجسمه ادري اشصاير
انطوني شمعــه لباچر
*---------------*--------------*
شگــد تمنيـت الشمــع هاليله وحشــه
مــن بده ليــل اهدعش خـوفه يتمشه
واحنــه مـو للماي عدنا أرواح عطشه
للجثثهم ظــل رمــال الطــف تفـرشه
اخ منــچ كـــربلـــه
اجسوم أهلنا بالفلا
مــن دماها مغسله حســافــه
اهناك جسم حسين ساحكته الخيول
والگمــر يــم النهــر مــرلــــه الأفــول
وضعني عنه أمسافر
انطوني شمعـه لباچر
*---------------*--------------*
الشاعر
موسى البديري
تم تغيير المستهل والشطر الاول من القصيده لتواردها مع قصيدة أحد خدام الحسين عليه السلام
بالطف يا خيــل السحگنه
بالطف يا خيل
ما تبطل من عندي الونّه
بالطف يا خيل
حسين الغالي وروح الزهره
صــدره اتهشم فوگ الغبره
*
منين ابــدي ووصف محنتي وهمـي
بالطف من سحگتن وسفـه ابن أمـي
مـو عظــمه التهشم عالارض عظمـي
وي دمّــه نــزف فوگ التــرب دمــي
بسچن ياخيل من أضلوعه بسچن يا خيل
تلچم آهــاتــــه المسمـوعه بسچن يا خيل
سبط الهادي وروح وعطره
صــدره اتهشم فوگ الغبره
*-------------------*----------------*
هذا حسين شبــل الطاهــره الزهــره
روح المصطفـى وشمـامتـه وعطــره
گــال الهادي مني حسين ابو العتــره
ليش أخيول عشره تسحگن أبصدره
حِسِّن يــا خيـل بآلامه حِسِّن يا خيل
لوّع گلبي كسّر إعظامه حِسِّن يا خيل
يصد أخيامه ويجذب حسره
صــدره اتهشم فــوگ الغبــره
*-------------------*----------------*
بصدره النار من جمــر العطش تسعـر
ونــــار القــاسـم وعبــاس والأكبـــر
وعبــدالله الــرضيــع ونبلــت المنحـر
ونيـــران السحگ وإعظامـــه تتكسـر
تــدرن يـا خيــل أبدلاله تدرن يا خيل
حسره لزينب وي أعياله تدرن يا خيل
نــار الخدّر تسعــر جمــره
صدره اتهشم فوگ الغبره
*-------------------*----------------*
أبصدره جــروح مــن فگــد الأهل يـدّن
بعــد مـا ظــل ابـــد حيل لحـوافــرچـن
أضلوعه من السحگ مو تـدرن انطحنن
عوفنــه واگصدن صــدري بي اسحگـن
انلچمن يا خيل أضلوع أمه انلچمن يا خيل
آلاف أجروح ألي أبجسمه انلچمن يا خيل
وطبره الصارت فوگ الطبره
صــدره اتهشم فوگ الغبــره
*-------------------*----------------*
عوفن صدره بيه ريحت حنـان أمــه
لان بنتــه رقـيــه أمّعلـمّــه أتشـمــه
تغفه اشلون يـَمّـه أضلوعـه متهشمـه
ولا ماي التغسلــه أمـغســل أبدمـــه
ينزف يا خيل من أجروحه ينزف يا خيل
شيصبـر بنته المـذبـوحـه ينزف يا خيل
لو شافت راسه إبـــلا نحره
صــدره اتهشم فوگ الغبره
*-------------------*----------------*
ترضّن بالصــدر وعيـونــه لخيامــه
ومثل صدره التهشم طشت أيتامه
الجواچــن محمــد دمـه وإعظامــه
وجده من السحگ ما يشفن آلامــه
ترفسن يا خيل بنص گلبه ترفسن يا خيل
هذا حسين الجــده يحبـه ترفسن يا خيل
هـــذا الطايــح فوگ الغبــره
صــدره اتهشم فوگ الغبره
*-------------------*----------------*
الشاعر
موسى البديري
قصيدة ( حسين شابع بس سحگ ) تروي ما جرى عليه يوم عاشوراء
الگـــاع شكـبـرهــا بكربلــه
وحسين شابـع بـس سحـگ
والمــاي تــارس هـل الأرض
وبصدره احس نار و حرگ
من السهم من الضمه
مـن الخـيـول اتهشمه حسين
****
ابن امــي هـذا يــا خـلگ
منَ العطش دلاله احترگ
گبـل الذبــح نـار التهــب دلاله
الگـــاع شكبرها بكــربله
ليش اعلى صدره جايله
منْ السحگ ما رحمته الخياله
هــذا ريحانـــة محمــد هــذا نفســه وروحــه
هذا جرحه الما تشافه حسين اقسى اجروحه
حسين لـــو ســر الديانـه جثتــه المطــروحه
سبــط النبي فــوگ الرمل
جمســه تطشـــر عالارض
وبصــدره مــا سالم ضلع
عشره الخيول الي ترض
صار بحوافرهن دمه
من الخـيول اتهشمه حسين
****
نهــر الفــرات ومنبعه
مهــر الزﭼيه الشافعـه
ليش نمنع عنه الفــرات بطوله
وعبدالله ﭼن عمر الورد
راد العذب ينــزف يــرد
مو ماي لا سهم الذبــح وَدّوله
الراضع ابهـام النبوه ليـش بالطـف ضامي
الجده شَمّه ابنحره تالي نحره ينزف دامي
خيَّامي بيهن سر محمد نـار وسط خيامي
يـــا نــار ظلــت تسـعتر
نـار الخيّـم نــار الذبــح
نار السهم وسط الگلب
لو نار من راس الرمــح
ياهي الي ظلت مضرمه
مـن الخـيـول اتهشَمّــه حسين
****
للتل شطـت بعـد الجــره
نــاديت يــا جــد منحره
بسيفه الشمر يگطع يوسفه اوريده
يا حيف من بعد الذبـح
راس الولي فوگ الرمح
ومگطوع خنصر يـا اسف من أيـده
عالرمح يا راس شفته هذا راس حسيني
كــون دونه ولا نظـرته شيبه دامي بعيني
صرت من شفته اسـيره والعّـده مسلبيني
راس الامامه اعلى الرمح
بالجبـهه اثــر لصــوابــه
راس النبــي ﭼنه انـرفــع
مـــن دمه صــار اخضابـه
بالنوح تنعاه السمّه
مـن الخـيـول اتهشمه حسين
****
ضامي على كتر النهـر
ومرخوص مايه للبشر
وممنوع ليش الماي لابن الزهره
حر الشمس نار الضمه
من نــار محنة فاطمه
مو بس ظلع الحسين رضو صدره
حسين ماي الجنه بيده وضاميات اشفافه
والفرات يموج مايه فايض اعلى اضفافه
غائره اعيونه بمضماها وذابلات اوصــافه
ودلاله مــن بعـد الذبـح
مثل الخيم نــار استعـر
وسهم النوايب بالگلب
طالـع يويلي من الظهر
حــيله يويلي امهدمه
مـن الخـيـول اتهشمه حسين
****
الشابع دليله بس الم
ترويه ماي ومو سهم
ليش السهم يروي العطش البگلبه
وبگلبه الأكبر والگمر
ومتحمل الام وقهـر
من الماسي حسين أصبــح كعبه
اطــوف بيــه كــل المــآسي المّـرن بــدلاله
طيحت انصاره واخوته وعطش گلب أعياله
وفوگ كل هاي المواجــع سحگته الخيّــاله
ضاگــت الگـــاع بنينـوى
وبصدره صــار الهن ركـض
مــا ﭼنه ابــن المصصطفى
من الله حبّه اصبح فــرض
روح الزﭼيـــه فاطمه
مـن الخـيـول اتهشمه حسين
****
الشاعر
موسى البديري
قصيدة ( وينه عبدالله ) تد حوار بين ام عبدالله الرضيع والسيده زينب عليها السلام
خالي المهد ويــن المهد راعيــــه
بجمــر الولــد آ يالولـــد مچويـــه
يــزينــب وينـــه عبـــدالله
يــزيـنب ضــامي عبــدالله
****
ويــن الورد ويــن النبل
شجــاب المنيــه للطفل
عبدالله مو مالت چتــل يويلي
نحــر الولــد كلش تــرف
ينباس مـو مالــت نـزف
بوليدي ضيعــت العـرف يويلي
وينــه عبدالله اليلالي بطــوله
هـــوه هــذا المنذبـح معقـولـه
الگلبه فاگــد عالصبر يحچوله
افـــارگ روحــي عبـــدالله
يـــزينب وينـــه عبــــدالله
****
من العطش چبــده انفـطر
ليــش أنمنــع عــنـه النـهـر
بسهم الضمه وسهم النحر ممـاتـــه
صفحـــت حياتـــه تنطوي
ومــنْ العذب مـــا مـرتوي
ما مات گلبي شگد گــوي ممــاته
انذبحــت بنبلــه يــولـي سنيني
چنت اناغيلــه وهــو ينـاغيــني
مهده ياذيني من اصدله ابعيني
حيـــاتــي كلـــها عبــــدالله
يــزينـــب وينـــه عبــــدالله
*
يوميــه اصــدله بالنظـر
خاطر اشوفه شگد كبر
افرح لون ثـــوبه گـصر ولــولـي
بــاچــر اگــولـن هيبتـي
حـرزي يصــير وخيمتي
من جفني تنزل دمعتـي ولــولــي
ليش دمعـاتي تغـرگ أعيــوني
من اشوفه تــروح بيه اضوني
يروح فدوه الون وجهك لوني
أنـــادي روحـــي عبـــدالله
يــزينب وينــــه عبــــدالله
****
متعلگه روحي وي المهـد
وتــروح لـــو راح الــولــد
المّــن أعيــش آنـــه بعــد مصــابـه
مـن شاله ضنوت فاطمـه
يرويه گلــت مــن الضمـه
رد ليّـــه ومغسلــــه دمّـه مصابــه
شحالها المذبوح ابنها الغالي
حالــها ادري يشـــابه حالــي
للعمــر مــا ظل بعد كل والي
اصيــحــاً روحـــي عبـــدالله
يـــزينــب وينـــــه عبــــدالله
****
يـا عمتــه مذبــوح الهــوه
دلاّلــي منـــه مـــــا روه
چبدي بجمر چبده انچوه ورحيله
كل ما اصد مهده احترگ
بچفــي علــى عيني ادگ
هسه آنـــه موتنـي صدگ رحيله
بنبلــة المنحــر تهـــدم حيـلي
العمري ناطرته رحل يــا ويلي
مهده خالي وانه اصدله بليلي
ألولّـــي روحـــي عبدالله
يــزينب وينــــه عبــدالله
****
الشاعر
موسى البديري
چبدي انفطــر عبدالله يوليدي
دامــي النحر عبدالله يوليدي
*
عبدالله أنــادي من انظـر لمهدك
يا يمه هــوه شعندي مــن بعدك
يوليــدي ريــت أتــوسد أبلحـدك
ولا شاهدت فـوگ الرمــل خـدك
آه القــــدر عبدالله يوليدي
دامي النحر عبدالله يوليدي
*
يوليـــدي ظنــي تكــبر وتحــله
مــا حسبــيت اتفطمــك النبــله
دمعـي دمــه معذوره لو أهلّــه
ضــاع العمــر انتـه العمر كله
نوح وسهر عبدالله يوليدي
دامي النحر عبدالله يوليدي
*
يوليــدي يمّــه معلگ بــروحي
بلــسم گلت ويطّــيّب جــروحي
مـا يهده يبني لفـرگتك نــوحي
لفگدك ييمه أنهدّت اسفــوحي
ظهري انكسر عبدالله يوليدي
دامــي النحـر عبدالله يوليدي
*
تجايـه ردتك يــا ثمــر عمــري
بيـدك تــوسدني وســط گبــري
لاچن رحت يا سلوتي وذخري
شصبـر ييمه ضيعـت صبــري
يا مـــا صبّر عبدالله يوليدي
دامــي النحر عبدالله يوليدي
*
يــا أول أفـراحي ويــا أخــرها
جيش المدامع عيني حاصرها
يا يمه نحـرك روحــي حيـرها
بالـونّـه بعــدك راح أصبــرها
قاسي الدهر عبدالله يوليدي
دامـي النحر عبدالله يوليدي
*
يا حلم عمري وضاعت أحلامي
ضامي ييمه وگلبي هــمْ ضامي
ســوده صفــت من بعدك أيامي
يــا أول ويـــا آخـــر آلامــــي
راح الثمــر عبدالله يوليدي
دامي النحر عبدالله يوليدي
*
عطــرك ييمه ويالنفس صاعــد
گلبــي يشمّــك يالــولــد رايــــد
ليــش انتــه ويالنبـله متــواعـد
وياك ريـــت أغفــه بلحد واحـد
يعمى النظر عبدالله يوليدي
دامي النحر عبدالله يوليدي
**
الشاعر
موسى البديري
ابوذيه لليلة. الوحشه
كلمن لاحته النيران فرّيت
صحت وعله الگلب لچمات فرّيت
كوه امن الخيم يحسين فريت
ورماد الخيمه مقنع صار اليه
… ..
الشاعر محمد حسن ضيغم
بعد حرك خيامج
كومي لمي ايتامج
محمد النوري
https://youtu.be/0832tNXJwB4?si=QzRGnrEM4VRi0bpk
💔 إوليدي علي 💔
للعاشر
اويــــلاه. اويــــلاه
اويــــلاه اويــــلاه
ْ
عثرت وصاحت يخي عينك ألي
حسين شافاها وبچه أهلاً هلي
ايگلها يازينب أصبري اتحملي
طـه يمي ينحب وحيدر علي
اويــــلاه. اويــــلاه
اويــــلاه اويــــلاه
••━━━━━••
يمه زينب گعدت وتنحب نحيب
يا غريــب ويا ذبيح ويا ســليب
حسين ياطه انذبح هذا الحبيب
الدنيا مخلوقه أله هسـه غريب
اويــــلاه. اويــــلاه
اويــــلاه اويــــلاه
••━━━━━••
وصلت حسين بدمع زينب بچت
خلت ايـد اعله النحـر وتـوجهت
ربي اقبل هالذبح لاللـــه حچـت
شكوت المهموم الك ربي شكت
اويــــلاه. اويــــلاه
اويــــلاه اويــــلاه
••━━━━━••
يم اخوها زينب تشوف اللي صار
حرگـت اخيمها وحرمها بلايه دار
بويه ياحيدر علي ياحامي جـــار
تحضر حسينك تجي لوتطفي نار
اويــــلاه. اويــــلاه
اويــــلاه اويــــلاه
••━━━━━••
بليلة الحادي عشر قصة اويه ليل
منها زينــب يا علـي راح الدليـل
بالحرم حارت والاطفال وعليل
لو تـضمد المنذبـح دمه يسـيل
اويــــلاه. اويــــلاه
اويــــلاه اويــــلاه
✍خـادم الـحسيـن ع
احمـد الســالمي
••━━━━━•
العاشــر چم جــرح گلبـچ ترك بي
وشفتــي خيــولهم صدره ترك بي
چــم طفله وطفــل زينب تـركبيه
ويركبچ ســوط مرجــانه وأمــيه
*
الشاعر
موسى البديري
من مصائب يوم العاشر
حرق الخيام على النساء والأطفال
كاني بمولاتي زينب عليها السلام وقفت علی تل الرزايا تخاطب كفيلها ..
🏴🏴
🏴
ياخيمه نطبها
اجو حرگوهه
ياخيمه نطبها
اجو حرگوهه
ياعباس ياخويه
ياعباس ياخويه
🏴🏴
كل خيامنه احترگن
ياعباس ياخويه
فشل نسوان ويركضن
ياعباس ياخويه
خطيه اعله الجمر سحگن
ياعباس ياخويه
نيران المخيّم // حرگن اجدامي
🏴🏴
ورانه تركض الوادم
ياعباس ياخويه
عجب ياابا الفضل نايم
ياعباس ياخويه
شبعنه منهم شتايم
ياعباس ياخويه
تراب بعيوني // يذب الشمر عمده
🏴🏴
التركض يعثروها
ياعباس ياخويه
والعثرت يجرّوها
ياعباس ياخويه
والتبچي يضربوها
ياعباس ياخويه
نسوان وسبايه // وعطش گاضيهه
🏴🏴
حل وكت الغروبيه
ياعباس ياخويه
بعد كل حيل مابيه
ياعباس ياخويه
أم الخدر مسبيه
ياعباس ياخويه
دم يجرن متوني // السوط ماذيني
🏴🏴
مامش بالعرب شيمه
ياعباس ياخويه
حرم ونبات بلهيمه
ياعباس ياخويه
ما خلولنه خيمه
ياعباس ياخويه
ماعدهم امروّه // فرهدو كلشي
🏴🏴
الليله نبات بالغربه
ياعباس ياخويه
صعبه يالگمر صعبه
ياعباس ياخويه
رحم ماكو العدو بگلبه
ياعباس ياخويه
شبعت مراكض // ام الخدر بعدك
🏴🏴
خيمه تلمنه ماعدنه
ياعباس ياخويه
تراب افرشنه واگعدنه
ياعباس ياخويه
لو عينك تشاهدنه
ياعباس ياخويه
ياعباس ياخويه
باتت الليله // حرمكم بالبراري
ياخيمه نطبها
اجو حرگوها
🏴🏴🏴
هوسات يوم العاشر 🏴🏴
كاني بمولاتي زينب عليها السلام
وقفت على ألتل ونادت أخي عباس أدركنا .. .. لسان حال الشاعر يصف الموقف
🏴🏴
عباس عوف المشرعه
ساعه اريدك ساعه
لمخانثه صارو زلم
ياابا الفضل طرگاعه
.الچان خادم عد هلي
اعلي گام يهز بضراعه
مو خوف لكن مستحه
ماجيتو الي فزاعه
هساعه /
خلي الراية اترف
🏴🏴
الچان يخهاف
بعيونك يحل عينه
يبو فاضل وراك
تمرجل علينه
ويهز اعله خواتك
گام چفينه
يگلي الكفل ضعنچ
والخدر وينه
عوف الموت شويه /
وگص السانه العده السان
🏴🏴
أم محمد الحجاج
ليلة الوحشه
اجه الليل اجه الليل يبو اليمه اجه الليل
--------
لا عباس لا انته يحله الليله الونين
اجه الليل ----
وحشه وغربه يا خويه اشتنفع دمعة العين
اجه الليل ----
كل اخيامي محترگه گلي نستچن وين
اجه الليل ----
شمر لمن گطع راسك جابل سوطه متنين
اجه الليل ----
عسن انه اللي ذبحوني شافو طولي ياحيف
اجه الليل ----
گوم وشوف ذباحك يشتم صار بالكيف
اجه الليل ----
خويه بعينه يخزرني ومن نظراته ميعيف
اجه الليل ----
سيفه اب ايده راواني بدمك يگطر السيف
اجه الليل ----
****
اجه الخيل اجه الخيل يبو اليمه اجه الخيل
--------
بذاك الظهر لو تدري من شبوها لخيام
اجه الخيل ----
احامي اليا طفل منهم وانه اشگف بالاسهام
اجه الخيل ----
نركض وين ياخويه مچويه تره اجدام
اجه الخيل ----
گوم وشوف بعيونك حدر الحافر ايتام
اجه الخيل ----
دخنان ورمل حافر بيهن يلعب الريح
اجه الخيل ----
هامت بنتك ارقيه ظلت والدي اتصيح
اجه الخيل ----
من الخوف ياخويه تنهظ مره وتطيح
اجه الخيل ----
انسلبت منها ترچيه وظل دم بنتك ايسيح
اجه الخيل ----
****
الشاعر اياد الديراوي
مشق وتطبير✍️✍️
ألمن يضــم دمــه الموالي
ما عدنه غير حسين غالي
حيدر حيدر حيدر
***
هيــئ القــــامة والمـــــلابس
يا شيعي صـــيراليوم عابس
للما يطَبـــر ســوي وآهـــس
لحسين فــدوة آنه وجهـــالي
***
يا شيعي صير أنشط من العام
طر كَلبك على حسين والهـام
هذا السبــو ضعن أخته للشام
التطبير غيـــرة ما حلالـــــي
***
حســين أنذبح حتـى رضيعة
نبخــل عليــه؟ شلون شيـعة
عبــاس طــاح على الشريعة
وظلـت خواتــه بلايــة وآلـي
***
والشــايــل أيمــان وعقيــدة
للعــترة ينطــي دم وريــــدة
لــو مات كلشـــي ما يفـــيدة
الكَلــبَه من حســين خالـــي
***
ياهـــو اغلى هامــك لو بنينه
دم الحَـــجر لســـه بجبيـــــنه
يــوم الحشـــر أمـــه تجيـــنه
أشفــع لكل وآحــد بچـــــــالي
***
تكَلــــــكم أدور عالمــــــــآتم
عندي أســم كل شيعي لاطــم
اليبچي على زينب والفواطم
وكلــمن على المنبــر قرالي
***
هالليـــلة سجل عدهه أسمك
وزع لبنـــهه حسيـــن دمـــك
من الطبرة راسك خل يألـــمك
بالجنـــة حتى يصيـــر عالــي
***
ما أوفــي لو دم عيني تدمع
لحسيــن روحك كــون تطلع
عطشــان راح اليـــوم يوكَع
كون الأجـــل وياه أجالـــــي
***
تخيلهه زينب صعدت التـــل
يشتمون أخت عباس تقبـــل
الميواسي زينب كون يخجل
لتصــير وآحـــــد لا أُبالـــي
***
من الصبــح راســك أطبـرة
كَطــعو حسين اليـــوم نحرة
خيل شكثر تسحكَ بصـــدرة
هالمشهد يهــد حتـــى بالـــي
***
تخَيل علــى جسمـه الحوافر
بس أنت يمــه وماكــو ناصر
يحسين ألك فــدوة المنـــاحر
ريت الجرة بحـالك جرالـــي
***
أتمنـــــى يوميــــــة مُحـــــرم
وكل ساعة أخضب راسي بالدم
ناح علــى زينب حتــى زمــزم
بعاشـــور كــَاالمجنــون حالــي
***
عالخيــــم عينـــه وعالضعينة
بكربلــة حســين مسلــــــبينة
القـــائم المـــوعود وينـــــــة
هيـچ ويصـــير وياه قتــــالي
***
ما نــدري يآخذ يمتـــه ثـارة
أبن الحســن ضاعت أخبارة
كــــــل العوالـــم بأنتظـــــارة
شـــكَد الدمع عنــه حچـــالي
***
حيدر حسين الكَرعاوي
ــــــــــــــ ❁ ﷽ ❁ ــــــــــــــ
📝 #محرم_1446هـ
📝 #يوم_العاشر
📝 #طور_الجفيري
📜 وصية السيدة فاطمة ع لإبنتها السيدة زينب (؏) يوم العاشر عند وداع الإمام الحسين (؏)
لحظـــه حبيبــي بـــوعلي
حاكيني خويه صِد إلــي
قبـل الذبح قبــل التــروح
وصيــة بدليـلــي تعتلـي
ياوصيه أُخيّة يازينب؟
ــــــــــــ ❁ ❁ ❁ ــــــــــــ
وَصتني أمي مــن الصُغــر
شِمّــك و ضمّــك للصـدر
قبـل الشمــر بحضـر إلك
و يقطعلك ابسيف النحر
ــــــــــــ ❁ ❁ ❁ ــــــــــــ
قالتلـي يُمـــــه ابكـــربله
وداع الحبــــــايب والبــله
عنــي تودعيلي الحُسين
تِحبـي عيــونــه الذابــله
ــــــــــــ ❁ ❁ ❁ ــــــــــــ
مــن تُنظريه فــوگ الثـرى
والجثــــة منّــــه معــفّــرة
من تلهجي ابإسمي تــرا
أحضـر و اشمّـه بمنحره
ــــــــــــ ❁ ❁ ❁ ــــــــــــ
لمّـــن يكســرون الضلــوع
أنـدب حبيبـي بالدمـوع
ويحضر أبويه المصطفــى
وقلبه من احزانـه صـدوع
ــــــــــــ ❁ ❁ ❁ ــــــــــــ
انشاهـد يزينب ركضتچ
والظــالم يسب اخـــوتــچ
وانتي غريبة ابـلا اهــل
والطاغي يحرق خيمتــچ
ــــــــــــ ❁ ❁ ❁ ــــــــــــ
✍ #الشاعرة_خادمة_أبي_الفضل
✍ #الشاعرة_زينب_الخفاجي
🤲 #اللهم_صل_على_محمد_وآله
حلم لو واقع / محرم 1446
لسان حال مولاتي الرباب (ع)
سهم ابوريدك / وامك أريدك
تناغيني يعبدالله يعبدالله
حلم لو واقع انت ميت اگبالي
سهم حار ابرگبتك يبني الغالي
ولا اسمع بچي منك يدلالي
الطفل من ينجرح صوت البچي عالي
شو انت سكته / گلبي شلعته
تأذيني يعبدالله يعبدالله
أخليك ابحضن كاروك لو حضني
كاروك اليهزّك مو أحن مني
اشكد هزيتك اولا تبتسم يبني
اشكد لوليت بلكت مره تسمعني
لو مره احچي / فز فزه وابچي
دحاچيني يعبدالله يعبدالله
نايم والدفو بگماطك امن الدم
غافي يالولد لو سكته تتألم
لو تگعد يلو أنصب إلك مأتم
سكوتك لو طُوَلْ يكتلني يمه الهم
لا صوت تسمع / لا عين تدمع
يناسيني يعبدالله يعبدالله
ميت واعرفتهه من إديه اخذوك
الگبر حفروه وابظهر الخيم دفنوك
گلي احسين عنك باچر اينبشوك
وبعد راس ابرمح گدامي ايشيلوك
تاليهه فرگه / تتبعهه حرگه
تخليني يعبدالله يعبدالله
شِلّي ابعمري بعدك شلي بايامي
وي ساعة منيتك ماتت احلامي
تمنيت الاجل ما ياخذك ضامي
وعميه اعيوني ولا شافتك دامي
يبني وحياتي / موتك مماتي
يضي عيني يعبدالله يعبدالله
خادم الزهراء (ع)
سيد حامد النعيمي
قصيدة ( جروح المنتظر ) تحكي عندما يمر شهر محرم الحرام بالحجة المنتظر ويسمع مآسي الطف
چــم عاشر بعــاشر عبـر
وعينـك تهــل يالمنتـظـر
لنار السبي وگطع النحـر يغــايـب
*---------------*---------------*
يا المهدي چم عاشر اجه
لجروحك يضيف أجروح
كلمـا يمــر شهــر الحــزن
يـــزداد دمعــك والنـــوح
الف وتسعميــة الــم
وعمتك سبيــه من تروح
حگك تنــادي بكل وكـت
مــا يشفى جـرح المذبوح
يــا جــرح آذى ال النبي
جرح الذبح جرح السبي
آيـــات تسترهــن عبــي يغــايــب
*---------------*---------------*
استعرض أجروحك صعب
مـو جرح حتى يعـدي
مــن الباب جرحـك للسبي
مـــا ينوصف يالمهـدي
يـا جـرح اكتبـــه تنلچـم
وجـروحـك أتظــل تــدّي
مــن اكتـب نهــر يالمنتظـر
عطشان تصـرخ جدي
الماي شكثــر ادري تــرف
چنه جرح يجـري النــزف
يعجز لجرحـك كل وصف يغـايـــب
*---------------*---------------*
يا المهدي جــدك عالارض
مگطوع بالطـف نحره
ياذيــك ادري بـس اشـد
خيـل ألي رضـت صدره
وما اعتقد صدفه اثنعش
شمر الخنّه مـن ايطبـره
لكل حجّه طبـره بمـرهفه
أتحملهن ابـن الزهـره
ألــف وتسعميه وبـعــد
بگليبه مــا ألهـن عــدد
جـرح الرضيع البالمهد يغايــــب
*---------------*---------------*
راح اترك أجـروح الجسد
واذكــر جرح حيل اثـر
يــا المهـدي وادري يألمــك
يبقـى لحـد مـا تظهـر
بحسين يالمهـدي أشجـره
من طــاح ابنـه الأكبــر
گــام اوگـع فـوگ الأرض
يــوليدي صاح وكبّــر
طايح نبي أبنص الحـرب
موذر يشوفه من الضرب
هذا الجرح جــدا صعـب يغــايــب
*---------------*---------------*
يــا المهـدي وبگلبــه جــرح
مــا تنــوصــف أثـاره
مـــن راح يـمْ العلگمــي
وكــض الحســين اكتــاره
مــن شــاف يمنــاه عالارض
وانـوب شــاف ايساره
أهناك التفّت صوب الخيّم
وبگلبــه تلهـب نــاره
محتــار لــو رد للخيّــم
وبوجهـه مرسـوم الألـم
شيگلها عن راعي العلم يغــايــب
*---------------*---------------*
يا جـرح أوصفنـه استحي
كــون الحچي يتحـجب
صعبـه اگــول أبحضــرتك
مسبيـه راحـت زينــب
العّفـه مشــت متيسره
وعالهــزل گـامت تركـب
والأشــد قــرآن الخــدّر
يــا وسفـه ظــلـت تنسب
جرح العقيله أعظم جرح
يالمهدي اشد مـن الذبـح
بدلالك أصبــح چن رمح يغــايــب
*---------------*---------------*
الشاعر
موسى البديري
قصيدة ( چم وداع ) إلى سيدتي ومولاتي السيده زينب عليها السلام
چـم وداع الــمّـر علّيــــه
نــوح ودمـــوع ورزيــه
يـــا وداع الغـــاضـــريه
يذبـــح الــــروح
* * *
آنــه زينـب ... چم وداع الشفته يا دنيا بحيـاتي
گلبي يلهب ... مــن وداع أمـي بدايــة نايبــاتي
مـــركب إحـزاني بـــدت قصــة ضياعه
هــــذا چــم ليــــل الـيمـر بيِّـِـه وداعِــــه
أبحــر الــدموع انكــــسر منّـه شـــراعه
وحسرة أوداع الأهل ساعه أعلى ساعه
چــم وداع ودمعــي يجري
بالحـزن گضيتــه عمــري
مـن وداع أمــي الــزچيه
يذبـــح الــــروح
*
حسره حسره ... عمـري بس توديــع من أول حيــاتي
عبــره عبـره ... خلص عمري عبره حد ساعة مماتي
بعد جرح أوداع أبــوي أبنص دليلي
شما اذكــره منه اصــرخ آه يويلــي
يــا وداع الحســن زيــدلي عــويلي
الليله صارت كل حياتي أبلون ليلي
ليلـة أهمـــــوم ورزايــــا
وبــاچـر أتلـــوح المنــايـا
وانظر أهلي أعلى الوطيه
*
والله حيره ... الليله أودعمــنْ يدنيا مــن إخوتي
والاميــره ... بـاچـر أبنص المعاره ويعلّه صوتي
وين يا إبطال المــلاحم شـوفو زينب
مــن المخيم طلعــت ونيــرانه تلهـب
ترضى يا عباس لـو خـدري ايتسلب
وترضى بت الزهره يا كافلها تنسب
كون أموتن هل المسيه
ولا عــدو ينظـــر علّيه
خويه يا سوط آل أميه
يذبـــح الــــروح
**
يا مصابـي ... اليله يا دمعـه أهلها وتطفه نـاري
يا عــذابي ... باچر من انظر جثث يسترها ذاري
بــاچــر أبـين الخـيّـم بيــن الـمعــاره
تبـتـدي قصــة حــرم صـارت يســاره
والله يـا دنيــا والــچ عيــن وجسـاره
تشاهدين أعلى الأرض أهلي الغيارى
لا كـفـيل وحــامي يمـها
بـس جثـث غسلهـا دمها
وعل الأرض انظر رميه
يذبـــح الــــروح
*
شلــون ليله ... يا نحر هل الليله أبوسه وچف أشمّه
دمعي أسيله ... يم الأكبــر لــو لجــاسم وطفـل أضمّه
شرد اصيرن والصبح لاحگني فجره
باچر انظــر چم جسد محـزوز نحـره
باچـر انظــر چـم چبد مستعره جمره
باچـر انظــر للحرم مــاخـوذه أسـره
باچــر أفصول الــروايه
من تطيح أهلـي ضحايا
يبتــــدي فصــل السبيه
يذبـــح الــــروح
**
الشاعر
موسى البديري
ابوذيات لمصاب سيد الشهداء
غيـــر آيــــات ربنـــه ما تله حسين
شوصف حالي بالطف ما تله حسين
يجـي الشــامت يگـلي مات الحسين
مثــل نبلــة دليله أتصـــير بيــه
۩ • • • • • ۩ • • • • • ۩
الشاعر
موسى البديري
زينب هاي الليله بحسره
محتاره ومختنگـه بعبره
محتــــاره الليلـــه بعبــرتهـه
أشلون أتودع اليوم أخوتهـه
تنظــــر لحسين بحسـرتهـــه
وتنــــادي يايمــه الزهـــــره
*
لــحسين أتعنــت حيـــرانـــه
يـــا خويــه أتگله ورجـــوانه
باچــــر ياهــو يظل أويانـــه
وأنظـــــر متــوسد عالغبــره
*
شمس العاشــــر لمـن تطلــــع
أنظــــرلك دامـــي وبالمصرع
أشلون أنظرلك خويه مگطـع
وعالغبـــره جثتـــك متــوذره
*
تگــل الكافــــل أه يعيـــوني
تقبل عــدوانــك يــــولــوني
وللشام أنــوبــه يــــــودوني
وبـــــلا كافل ضعـن الحــره
*
مهيوبـــه يا خويـــه أبـزودك
وبعزمـــك خطيــت أعهـودك
باچــــر لو گطعوهــه أزنودك
نـــار أخيامي تظل مستعره
*
باچــــر لـــــو حرگـوهه أخيمي
وعالغبره أنظر ضامي أبن أمي
أحتــــــار أبطفــــــالي وهـــمي
لـــــــو أجمــــــع خّدر منذعره
*
تگــصــد للأكبــــــر وتشمـــه
وتگــــــل القـاسـم يــاعمــــه
جسمك باچــــر يا هــو يلمـه
لــــو يبقى مــــــوذر عالغبره
*
الشاعر
موسى البديري
🏴 يوم عاشوراء
⬛️🔳القصيدة🔳⬛️
رُغمَ المَظالِم ِوالبلوىٰ فقد خلُدا
والدهرُ للسبط ِ إذعاناً لـهُ شَهِدا
لولا الحُسينُ قتيلُ الله ِما بَقِيَت
روحُ الشريعةِ والإسلامُ راحَ ِسُدىٰ
إذ قام َ في ثلة ٍ للحق ِ منتصِراً
لكنّه ُ ظل َّ بعدَ الصَحب ِ مُنفَرِدا
يشكوُ الظَما أسفاً والنزفُ أرهقَه ُ
والشمس ُتصهَرُه ُفوق َالصعيدِ غدا
{مَا غَسَّلُوهُ ولا لَفُّوهُ في كَفَنٍ
يومَ الطفوفِ وَلاَ مَدُّوا عليه ِ رِدَا}
{عَار ٍتَجُولُ عليهِ الخيلُ عَادِيةً
حَاكَتْ لهُ الرِّيْحُ ضَافِي مِئْزَرٍ وَرِدَا}*
نادَتهُ زينبُ والأحزان ُ تَغمُـرُها
أَدرِك َعيالَك َ شمر ُ للخيام ِ عَدا
ياليتَها عَلِمَت بالسبط ِمُنجَدِلاً
أو شاهَدَته ُعلىٰ البوغآء ِ مُنخَمِدا
#سمير_الصالحي
#النجف_الأشرف
*البيتان بين الأقواس لبعض الشعرآء من التراث وهما شهيران لدىٰ الخطباء تم تضمينهما في القصيدة بطلب من أحد الخطباء القطيفيين وفقه الله تعالىٰ ..
🏴 نعي مجردات
يحسين نادت خويه وينك
أوميلي يابن امي بيمينك
حتى اوصل وبلكت أعينك
صعبه عَلَي اسمع ونينك
وانظر اعداك محوطينك
بس لا يخيي ذابحينك
#سمير_الصالحي
#النجف_الأشرف