7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
من جروح احزانك..... تنسبي نسوانك
عالرمح راسك يخويه...وانه هم مسبيه
*******
ينسمع صوت النعي بحسره بچينه
الحادي مر اعليهم وشفنه ولينه
حسين مامعقوله جسمه امگطعينه
اشفافه متفطره وعلي ومعطشينه
وانه فوك الناگه.......اشكد الك مشتاگه
ليش خويه امسلبينك.....جثتك مرميه
*******
گلبي....ماينطي اعوفك خويه دامي
وانه من فوك.....الهزل ابعث سلامي
والضمه....شمسوي حالك لسه ضامي
صدرك امكسر وحس كسرت عظامي
من البچي مخنوگه.....خيمتي محروگه
شلون اشاهدكم يخوتي..مشيتي محنيه
*******
اهوايه ....متغير يخويه شلونك انته
وانه من......صديت بجروحي ندهته
اتفاجئت .. ونظر عليه بس ماعرفته
اشسوت.....الخيل ابحوافرهه نظرته
امكسرات اسنونك......ما اشوف اعيونك
الخيل اشمسويه بأخيي..ماعرفته اشبيه
*******
ينتهي حلمي جرح وبروحي حسبات
ويانه راسك هذا يحرس ليلي ويبات
ينظر وياي الضعن كل لحظه لچمات
لو تگع.......وحده يون زينب سلامات
خويه تدري اطفالك..اشكد تطيح اكبالك
والرمح محروك شفته.....بحسرته يوميه
*******
اتوجهت درب السبي وبروحي حيره
خويه فحطنه الدرب شوف المسيره
الكوفه ما يحصل غيور وكله غيره
الناس تتشمت بشر ميت ضميره
حرمه وبلا والي........انظر الكفالي
خويه ياعباس دهري...مارحمني اشويه
*******
خويه من بعد الجره شفت المصيبه
اسمع......... ينادون زينب يا غريبه
الكوفه طبتهه بعد شفت العجيبه
وانه اشاهد راسك يصدلي بنحيبه
ينجرح دلالي......والشماته اكبالي
بالخرابه تالي صرنه.......نامت العلويه
*******
طبت المجلس صعب مرت عليه
حرمه وطب ياخلك ديوان اميه
ايصيح ابن مرجانه زينب ياسبيه
والهضم ....ياخذني بنواع الرزيه
نشد عن احسيني .....وانه تهمل عيني
يدير عالعباس وجهه...قصده يشمت بيه
*******
#تمت بعون الله تعالى
#خادمكم...يوسف الفتلاوي
🏴چنت مدلـله ومهيوبه بين الناس
🏴بزود حسين أخيي والشهم عباس
عشت ويه الحسين بهيبه علويه
واصبّح كل صباح بوجهه يوميه
ومعروفه ابو فاضل غيرته اعليه
أخوتي الفخر بيهم وهم رفعة راس
رفعة راسي بيهم چنت اميره سنين
كل واحد سبع منهم شهم وحنين
بيني وبينهم فرّگ حسافه البين
مهضومه وعليهم حزني ما ينقاس
ماينقاس ابد حزني عليهم دوم
من عاشر محرم گلبي ظل ملچوم
وشـّل دمعي ومابگت بس دموم
وتتكسر بصدري العبره والأنفاس
بانفاسي اعاتب عگب خدري الضاع
هيچ الوكت سواني أسيره بساع
رحت مسبيه واخواني اعله حر الگاع
وظل اعله الشريعه هناك ابو النوماس
نايم بالشريعه وراسه هالوياي
ماقصر أبد چفالي الوفاي
آخ من الزمن آيا كبر بلواي
يموت الخدر واخواني وتعيش أرجاس
#سمير_الصالحي
#بغداد_المدائن_النهروان
انْعَادَتِ اللِّيلَه فِجِيعَةْ مَقْتَلَه
مِنْ وِصَلْ زِينِ الْعِبَادِ لْكَرْبَلَه
عَالْأُبُو طَاحِ بْدَمِعْتَه يْقَبِّلَه
يْگِلَّه بِيكِ شْسَوَّتِ خْيُولِ الْعِدَه
-----------------------
بُويَه لِيشِ مْگَطَّعِ وْصَايِرْ وِذَرْ
مَا بُگَه بْصَدْرَكْ ضِلِعْ إِلَّا انْكِسَرْ
غَارِگِ بْدَمَّكْ يَبِنْ سَيْدِ الْبَشَرْ
بْكِتْرَكِ چْفُوفَكْ گِطِيعَه مْمَدَّدَه
-----------------------
مْسَلَّبِ وْعَارِي وِسَافَه عْلَه الثَّرَى
وْچَبْدَكِ الطَّايِحْ فِجَعْنِي مَنْظَرَه
حَرْمَلَه بْسَهْمِ الْمُثَلَّثْ طَشَّرَه
هَالْجَرِحْ يَا مُهْجِتِي شِيْضَمِّدَه
-----------------------
جِيتَ الِمَّكْ جِيتَ اوَارِيكِ بْگَبُرْ
انْطِينِي مِنْ صَبْرَكْ يَبُو الْيِمَّه صَبُرْ
گَلْبِي لِمْصِابَكْ يَضَيْ عِينِي جَمُرْ
عَالْوَلَدْ كَلْفَه يِوَسِّدْ وَالِدَه
-----------------------
جَمَّعَ اوْصَالَه بْحَصِيرَه لَنْ سِمَعْ
بِاللِّحِدْ مِنِّ النَّحَرْ صُوتِ ارْتِفَعْ
عَالصَّدُرْ خَلِّي رَضِيعِي اللِّي انْصِرَعْ
يَمِّي عَبْدَ الله يِبُويَه وَسِّدَه
-----------------------
#دفن_الأجساد
#محرم_١٤٤٦هج
الشاعر حسن خنافر العاملي
#نعي...
على #لسان_حال مولاتنا السيدة #الزهراء.. عندما #شاهدت ولدها #الحسين... على رمضاء كربلاء..
.
.
ييمه إعلى الترب مطروح لسّـاع
وثلـث تيام واموسّـد على الگـاع
ومحّــد يمّــه يحضـر ليـك فـزّاع
يبني وچم طفل راحولك ضياع
🏴🚩🏴
مرمي إعلى الثرى يوليدي مسلوب
وعلى حرّ الرّمـل چاا ليـش مگلوب
شنو يمّـه الجنيتـه وبيش مطلوب
وحالك يا حُسين ايذوب الگلوب
🏴🚩🏴
ييمّه ابحـر هجيـر الضيـم مطروح
و مـرد حالك دليلـي و لـوّع الـروح
صـدگ ألــف و تسعمـيـه هالجروح
وكل جرح ابصميم حشاي مسفوح
🏴🚩🏴
چم وصله الجسد صاير يالحسين
وحرت چا وين ادوٌر خنصرك وين
و اشسـوّه ييمّــه ابحالـك البـيــن
وشنهو الآل أميـه وياك من ديـن
🏴🚩🏴
✍🏼علي نوري الحلفي
(گعديه ) احزان العقيلة زينب سلام الله عليها
على طور انا ام النين ودهري ذبني
انا البلطفوف انكسر ظهري
الك يحسين دمع العين يجري
تجري دموع العيون بفراگك يغالي
★★★★★
امس ياخويه بوجودك هيبتي وكثرة دلالي
تغيب لوعاتي وعذابي لوشفت وجهك اگبالي
يانظر عيني وضواها وگمرتي بسود الليالي
روحي عليك تعودت
يابوالمحنه اتعلمت
الماظنها ياخويه اجت الفرگه مامرت ابالي
يابيت الوفه ورفعت اركانه
خالي من اصد وانظر مكانه
مالي رسم لالون بفراگك يغالي
★★★★★
كربله جاني حزنها من عفت ارض المدينه
مالگينه الگالوا الكم كلهم انداروا علينه
وحده ابوالسجاد شفته للحرم ينظر بعينه
خايف علينه من الخطر
ظل للخيم شابح نظر
يامصعب أفعال الدهر ودهري يحرمني حنينه
الاخو ماتنحمل ساعة وداعة
حنين وكل صفات الوفه اطباعه
اختك زينب شلون بفراگك يغالي
★★★★★
من اذكر الطف وقهرها حيود علغبره شفتهم
تميد بيه الگاع كلها لمت روحي من عفتهم
چم گمر طاح بثراها الشمس تصهر غيَّرتهم
علغبره خليت الگمر
مگطعه چفوفه على النهر
دلالي ملچوم انفطر اخ ياروحي الكظت هم
انطاني الليل والغربه ورماني
اخذ مني الاهل غفله زماني
ابعيني اظلم الكون بفراگك. يغالي
★★★★★
الشام لوعتها ومحنها گصَّرت عمري وزماني
من رحت لديار غربه الماعلى بالي لفاني
عمري مايسوه بعدهم المن اتنطر واتاني
بعد الحسين تلوعت
للشام مسبيه رحت
ولكربلة حين رجعت ريت موتي ماعفاني
شلون ارجع على داري الخليه
وخوي اندفن بارض الغاصريه
الدمع يحرگ بالجفون بفراكك يغالي
الشاعر حسن لعيبي الحريشاوي
الامام السجاد (علية السلام) عند دفن الاجساد
لـمـيـتهم بس طشروني - فوگ جرحي مرضوني
مره وحده احبابي ماتو - والف مره موتـونـي
ضـيــعـوني الچـانـو ايدلـون بـيـه
اعظام ابوي وعمي واخواني بااديه
الخيل من گدما سحگ بيها وأذيه
حتى اصابعهم بااديهم مو سـويه
جمـعـت اعـظـام ومادري ابدي امنيـن
ذني العمي وذني اخواني وذني حسين
اصغار ذني مال اخوتي - روحي اشتانين مـوتي
بالحوافر اهلي ضاعــو - وانه حاير ضـيـعوني
——
عمي من الگاع اجمعه - غيره غيره
مو عيـونه (صدره) لخـيامه يـديـره
حسين ابوي الهيـبه ياشيخ العشيره
والله دنيا وهسه ينشال بحــصـيره
بدون اثياب حسين الساتر چـان النـاس
كلشي انداس وحتى الشبـگه من العباس
هيچ شفته اگبال عيني ايحرك اظلوعي ونيني
بين اديه وادري راحو افراگ موت ومايجوني
——
جمعتهم حيره حيره ولچـمـه لچـمه
ياخنـگـتي وبيهم اجمع نسمه نسمه
حسين صـابغ كل كتر بالــگـاع دمـه
مـو فقـط بالشوف اعرفه شم اشمه
صدره امكسـر چـن محروگ وبـي دخـان
امبين چان امفـارگ قبل المـوت اخـوان
امفارگ من الخيمه غالي وهسه مثله يصير حالي
همه ياروحي استراحـو - وانه كلش تعـبونـي
——
الهسه صوت اظلوع ابوي با أذني اسمعه
اهنانه طاحت چم يتـيـمـه اهنـانـه دمعه
حسين من الحافر اشكم وصـله ظـلـعـه
اكثر من اثـنـيـن صـاير حتـى اصـبـعـه
اهنانه رقيه ابـلا ترچيـه اتنوح اهــواي
اهنـا عبدالله الـيابس نحره امتـاني الماي
اهنانه من خافن خواتي اااخ منهن ذكرياتي
بالحوافر گلبي داسـو ريتها ولا حيرونـي
——
لـنـهر لمن رحـت مخـطـوف مـايـه
خــاف بـس لا شايل الـعــبـاس رايـه
اهنانه اثـار المــشــي من الســبايـه
الـعمـتي منـا وابـتـدت ثورة عبــايه
منـا تبـدي الثوره البـيـها الجيش ايتام
من حسين تروح اتـقـاتل صوب الشام
للقصر تمشي الغريبه اهنانه هيبه وغادي هيـبه
علي رد اعلينه صاحو نسبـي بـيهم ماسبوني
#حيدر العماري
#قصائد_للسبي__١٤٤٥_هـ
زينب عليه السلام
محد ايهمني بحياتي خويه بس انته
والمدللهه بغيابه ما تعيش اخته
سامعه بل موت هسه عايشه وشفته
العده مثلك صعبه تكدر خويه بفراكه
اتعيش بل باقي ابعمرها تنطر املاكه
عايشه الباجر امس بدموع حراكه
الجانت بعينك يخويه صعدت الناكه
وين انطي الوجهه بعدك كلي ياكافل
الشمر كلي اتحضري للطك مات ابو فاضل
الما جنت انته تفكر بي انه عشته
_
يانهر يبعدني عنك وانته سيد الماي
امين اجيباً خويه بعدك للضعن وفاي
حالتي اصورها خويه وانته مو وياي
الماله اي عازهه بخلكهم شتم بيه هواي
عيشتي بلياك صارت من حركتي اجفل
نفس يطلع نفس يطلع يانفس ينزل
عمري هذا بلا حضرتك ما اتخيلته
_
جان جيرناك ميدري عدكم ابنيه
لمن امشي جنت تمسح اثر رجليه
جنت اذا اطلع تخاف منل الهوا عليه
اشلون عدها الكل هذني تمشي مسبيه
اريد ادعي الموت يكرب وارد ما اكدر
خاف اموتاً واليتامه اضيع وسط البر
رااح اضل ادعي تردلي هذا انه الردته
___
ذكريات الزغر خويه ما اصد ليها
اشعندي اذكرها وانته ما جنت بيها
السالفه المابيها اسمك بلا طاريها
امشيه اذن ارقيه زينب ترجع اعليها
الناكه سئلتني يخويه وانه بحزاني
وينه كالتلي العليج هواي وصاني
كلشي اله وكته وغيابك بعد مو كته
____
حالتي البعدك دمع والام واخيام
نار ورماد وسلاسل ركضة ايتام
ماكو نوم اتموت عدنه الفكرت اتنام
والدليل ارقيه نامت ماتت بشام
اطغاث احلامي شفت خويه ترد ليه
ورئيتي صارت كفيلي اضل مسبيه
كلبي يمك عل نهر يا كافلي عفته
____
والتقينة عبي وروس ولهفة امصاب
اطشرو ابين الزلم نسوان ابو اتراب
ماكو حل بس موت خويه ابهذا الاغياب
لو ترد الزينب وتتغاضه الاسباب
يابو فاضل زينبك مسبيه ارجعلي
والمسافه ابينه بس موت ياخلي
مو قياسي هجر كلبك خويه كدرته
بقلم احد الخدام
قصيده لسبي
ومرو هل ضعينة باليونون
من يشوفونة بلگي يگعدون
♦️♦️♦️♦️♦️♦️♦️
مرو هل ضعينة وها دسمعوني
مسبية صرت خلهم يشوفوني
من يگعدون ابد لا مايعرفوني
علة هضم العزيزة مايگدرون
♦️♦️♦️♦️♦️♦️♦️
هضمچ صعب يازينب علة اخواج
ميگدرون ميريدون مبجاج
تبقين العزيزة وحك عيناج
يخال ابني غصب يتمشون
♦️♦️♦️♦️♦️♦️♦️
مرو هالضعن خيشوفه خال ابني
وخل يشوف النذل بلسوط يضربني
وكل هاذة وبعد ياحيد يشتمني
تنذل بلغرب زينب وتدرون
📓📓📓📓
تدرون ابختكم يوم مشوهة
يسئلون علة اخوهة وحيل هضموهة
دير العين ليكم ليش عفتوهة
اذا متگوم شو جنهم يرحلون
📓📓📓📓
ريضو بلضعن ها يل مرحلين
عدي عتاب وي عباس الحنين
مشونة النذالة هوة جا وين
نيام وعلة الغبرة تضلون
💔💔💔💔💔💔💔
تمت بعون الله تعالئ
بقلم✍🏻الشاعره براق جاسم البديري
لايجوز حذف الاسم واشكال ذمه الئ من ينسب الكلام له
السيدة رقية ع
من وداعك گلبي مات
جدامي يمشن حافيات
بعد مو مثل البنات
لان ما عندي أبو
من وداعك بوية يحسين الكلب
مات و انذبحت احلامي بالحرب
و ماتت طيوفي يبـــوية بالدرب
من حدة بينة ومشة جف الغرب
طفلة ما بية صبر
احمل جروح و ذعر
ريت خلصان العمر
لان ماعندي أبو
***
يا سلامة اتشوفة رقية بعد
و راح ابوها وانكطع جف السند
واحترك من حرگو خيمنة المهد
احلى ذكرى من الاخو جانت مدد
لو الة گلبي يرف
جنت اجي لمهد الترف
يضعف شوية الضعف
لان ماعندي أبو
***
بعد عمر احلامي امرافك اجل
اتذبحت كلها و غفة جفن الاهل
اخوان ماعندي بعد لا عندي أمل
عندي بس ستر العباية ما رحل
واهسي اتبدة دمع
و العمر عمر الشمع
شوية اشوية انفجع
لان ماعندي ابو
****
بعد مو مثل البنات أبهل عمر
بعد ما عندي أبو بس الخدر
تفارگينة بكربلاء گبل اليسر
وصار زلمة و يأمر علية الشمر
كل دلالي الجان راح
وجدمي من المشي طاح
ما يخلوني أستراح
لان ما عندي ابو
*
طفلة و الطفلة صعب لو صار ليل
و هية مو وياها أبو و ابلا سبيل
مكيدة و عطشانة و نحلانة حيل
طفلة ما بية حمل فكد الخليل
و الشمر طر الگلب
شال راسك عاليهب
و يرجع يشبعة ضرب
لان ماعندي ابو
****
راحت ايام الدلال و مهجتي
و ماكضت يابوية رحلت غربتي
دمعتي ما كضت تهمل دمعتي
من مصايب كربلاء و لوعتي
من مصايبها طحت
بوية حيل اتعذبت
وياك اتمنة متت
لان ماعندي ابو
تمت بقلم خادمكم الاقل
درب السبي
وكت السبي ابتده يا عمه
شِمر بينه الحده يا عمه
صوت وي كسر الخواطر
تحجي مبحوحه الحناجر
يا عمه يا عمه
...............
جابو احبال الاعادي للأيادي البيهه جويات المخيم
جتِفو الاطفال كلهه وسال من اجفوفهم فوك الحبل دم
غربه وازغار اشذنبهم والشمر للشام بالهزل تقدم
واليطيح ايرجعونه بالسياط لكل ظهر ناكَه وتألم
بعد ذيج الخيم للعيله
درب السبي ألم للعيله
وينطق احساس المشاعر
تحجي مبحوحه الحناجر
يا عمه يا عمه
...............
بالبجي وكل دمعه توكع ترسم ابوجنات الاطفال المئاسي
صاحو الزينب يعمه هذا حادينه حقود وكَلبه قاسي
من كثر ما لوعوهم رقم ضرب اسياطهم جازي القياسي
ابيا جريمه اطفال ذوله زينب اتحاجي الضربهم خاف ناسي
ذرية النبي لا تكَرب
مو الهم السبي لا تكَرب
وكل طفل بالهم يكابر
تحجي مبحوحه الحناجر
يا عمه يا عمه
...............
واحد ايطيح اعله واحد واليمشيهم زجر طاغي ومعادي
شكد بجو من شتم ابوهم ما تعب من الشتم ذاك المنادي
اتحملو كوه المصايب يحجي كل منهم أنه اتفطر فؤادي
ها يعمه اشباقي نوصل والعذاب من الاعادي اعلينه سادي
درب شام الكفر سابينه
خولا وي زجر سابينه
وين جا سبع الكَناطر
تحجي مبحوحه الحناجر
يا عمه يا عمه
...............
وي رقيه وسكنه طاحو كل طفل مشدود باحبال اليتامه
يلتوي السوط اعله ديهم وزركه من السوط ضلت هالعلامه
بالسلامه الراح يرجع ولا أهل همه ولا رجعه ابسلامه
لوله ما الحسين رحمه جان اصبح بالسبي يوم القيامه
مايبقه عالارض كل ضالم
مصلح اجه الفرض كل ضالم
ياوسف تحت الحوافر
تحجي مبحوحه الحناجر
يا عمه يا عمه
...............
رحله ابد مابيهه راحه مشو بايتام الحسين الهضمة الشام
ابعيد وادروبه غريبه مو ابيومين انتهه لا اكثر ايام
كل طفل مبحوح صوته ايصيح بس محد يسمعه ايعاني الآلام
زينب اتعاين عليهم وكبرت من القهر جن مرت مئة عام
يحاجوهه ابهمس يا حره
صعب حر الشمس يا حره
ماكو رحمه من ايد كافر
تحجي مبحوحه الحناجر
يا عمه يا عمه
الشاعر ياسر العارضي
((شفت عمرك))
شفت عمرك
تبده من سحگ صدرك
شفت نحرك
يـــابس والنــــذل جرك
اجيتك شايطه ورت اشبگ اعلــيك
لگيتك بس جسدك والراس موبيك
اجيتــــك وآنـــه بيـدي النار يحسين
يــــالمچويني مــــاشبگـك أچــــويك
نــــــار الحافر وناري .. يالعاري .. ياخويه
ويلي شاعت اسراري .. يالداري .. ياخويه
لا كفال وأحشمه .. ولاخــــوان
ولايفزعـلي زلمه .. بس نسوان
ولا اتـــرجه ذمـه .. بـــالعدوان
خويه حسين ولونه ...
"""""""""""""""""""""""""""""""""""''''''''''
شفت راسك
برمح العالي نبراسك
وبحــساسك
تنضر مـــااجو ناسك
لا جون اليجيلك لا وهب جاي
لا عباس اخـــوك بجربةّ الماي
غدو عالغبره الاكبر ويه جـسام
لاتنضـــر بعد يـــانور عينـــــاي
برير وعون ابو النخوه .. والخوه .. ياخويه
وزهير بغيرته أچوه .. ياسلوه .. ياخويه
يالعطشان ناصر .. ميـــــردون
بدمعاتك تكــابر .. راح الــعون
يالبــرماح عاشر .. ظل مرهون
خويه حسين ولونه ...
"""""""""""""""""""""""""""""""""""''''''''''
الحزن بينه
وهدوئك خًيَم اعلينه
بمضــامينه
الدمع برقيـه وسكينه
ترى صــار العصــر والغايب يعـود
الأمل وشل دربنه صــــار مســدود
شاهــــدنه الشمر والسيف والراس
ومن عگبك حبل بچفوفي مشدود
حبل الخوه بچفوفي .. بطيوفي .. ياخويه
ضلمه وبتده خوفي .. ياخوفي .. ياخويه
ريح وضعني سعـفه .. مرعوبات
صبري گمت احلفه .. بس يبات
وغلاتك هاي كلـفه .. مسلوبات
خويه حسين ولونه ...
"""""""""""""""""""""""""""""""""""''''''''''
يحراسي
غربه ومـــوشهم ناسي
يعــباسي
تعال الخوفه بحساسي
لا مو خوه ذولي الكضـو الباب
مدري منين كلهم وادم اجناب
مايرضون حتى تصيح يحسين
نمنه الليل خويه فوگ التـراب
تسمع نشغةّ الطفــــله .. والعله .. ياخويه
وحبل مضبوب شيفله .. ونمله .. ياخويه
وباچر بالمهــازل .. وكتي شضام
وينه الگلي كافل .. هـــذا الشام
خويه يابو فاضل .. ضـعني ايتام
خويه حسين ولونه ...
عبد زينب
محمد الابراهيمي
في رثاء سيد الشهداء الامام الحسين عليه السلام. (وزن تجليبه)
شلون ارثي الشهيد. المن ارض طيبه
بنصاري الوزن. لووزن تجليبه
وزن ميمر اصيغن لووزن هجري
وگف محتار گلبي والدمع يجري
ياوزن اليوازن جرحي ماادري
لمصيبه الراتبه كل همي ترتيبه
أبدي بياوزن متحيره افكاري
عگيلي لوموشح اكتب أشعاري
نار الماتهيد وتنطفي ناري
على المذبوح بلدم خضبوا شيبه
بياوزن اليزيد بلوعتي ونوحي
فده روحي لبواليمه فده روحي
اريد الشعر خنجر يحفرجروحي
لجل اهل المجد والزود والهيبه
أنظم زهيري مدري اكتب النايل
على ضعن السبيه والحمل مايل
المدمعها على خدها جمر سايل
على ابن أمها تناشد ياهو اليجيبه
اكتب مجرشه لوشيعتي حاير
على هظم العقيله بليلة العاشر
لووزن الحدي. ويوم الحدي باچر
بضعن ام الخدر من بعد تسليبه
شكتب فايزي وعضاي مصدوعه
ابواليمه يحَيَّر الروح موضوعه
تفاعيل الشعر لحسين مفجوعه
ولجله اهواي گلبي يزيد تعذيبه
الشاعر حسن لعيبي الحريشاوي
الامام السجاد (علية السلام) عند دفن الاجساد
لـمـيـتهم بس طشروني - فوگ جرحي مرضوني
مره وحده احبابي ماتو - والف مره موتـونـي
ضـيــعـوني الچـانـو ايدلـون بـيـه
اعظام ابوي وعمي واخواني بااديه
الخيل من گدما سحگ بيها وأذيه
حتى اصابعهم بااديهم مو سـويه
جمـعـت اعـظـام ومادري ابدي امنيـن
ذني العمي وذني اخواني وذني حسين
اصغار ذني مال اخوتي - روحي اشتانين مـوتي
بالحوافر اهلي ضاعــو - وانه حاير ضـيـعوني
——
عمي من الگاع اجمعه - غيره غيره
مو عيـونه (صدره) لخـيامه يـديـره
حسين ابوي الهيـبه ياشيخ العشيره
والله دنيا وهسه ينشال بحــصـيره
بدون اثياب حسين الساتر چـان النـاس
كلشي انداس وحتى الشبـگه من العباس
هيچ شفته اگبال عيني ايحرك اظلوعي ونيني
بين اديه وادري راحو افراگ موت ومايجوني
——
جمعتهم حيره حيره ولچـمـه لچـمه
ياخنـگـتي وبيهم اجمع نسمه نسمه
حسين صـابغ كل كتر بالــگـاع دمـه
مـو فقـط بالشوف اعرفه شم اشمه
صدره امكسـر چـن محروگ وبـي دخـان
امبين چان امفـارگ قبل المـوت اخـوان
امفارگ من الخيمه غالي وهسه مثله يصير حالي
همه ياروحي استراحـو - وانه كلش تعـبونـي
——
الهسه صوت اظلوع ابوي با أذني اسمعه
اهنانه طاحت چم يتـيـمـه اهنـانـه دمعه
حسين من الحافر اشكم وصـله ظـلـعـه
اكثر من اثـنـيـن صـاير حتـى اصـبـعـه
اهنانه رقيه ابـلا ترچيـه اتنوح اهــواي
اهنـا عبدالله الـيابس نحره امتـاني الماي
اهنانه من خافن خواتي اااخ منهن ذكرياتي
بالحوافر گلبي داسـو ريتها ولا حيرونـي
——
لـنـهر لمن رحـت مخـطـوف مـايـه
خــاف بـس لا شايل الـعــبـاس رايـه
اهنانه اثـار المــشــي من الســبايـه
الـعمـتي منـا وابـتـدت ثورة عبــايه
منـا تبـدي الثوره البـيـها الجيش ايتام
من حسين تروح اتـقـاتل صوب الشام
للقصر تمشي الغريبه اهنانه هيبه وغادي هيـبه
علي رد اعلينه صاحو نسبـي بـيهم ماسبوني
#حيدر العماري
قصيدة للحسين عليه السلام
من ديوان #مواجع_الطف_الجزء_الأول
{ عزيزچ يم حسن }
عزيرچ يم حسن نايم بالأرمال
مكلوب اعله وجهه مكطع اوصال
ياريتچ تحظرين
وبعينچ تشوفين
مكلوب اعله وجهه مكطع اوصال
•───✧◐◐✧───•
شوفي عزيز كلبچ هذا حاله
موذر بالشمس محد اجاله
نومه عاالأرض ضلت ارجاله
وثوبه مسلبينه
وجسمه موذرينه
شوفي حسين عاري وماله شيال
•───✧◐◐✧───•
الله يساعدچ لمن تشوفي
مكطعينه وذر لا ماتعرفي
جثه بدون راس حسين تلكي
نايم عالوطيه
يالزهره الزچيه
يم النحر كعدي وشاهدي الحال
•───✧◐◐✧───•
عشره خيول لا واحد ولاثنين
بالحافر يدوسن صدر الحسين
داسن جثته وماظل عظم زين
شوفيهن يزهره
وعدلي ظلوع ظهره
على المظلوم خلي الدمع سيال
•───✧◐◐✧───•
بعباتچ يلزچيه لمي اعظامه
عزيزچ يم حسن مسلوب العمامه
وراسه اعله الرمح ينزف من الهامه
بعد مايرجع المات
الف وسفه وحرامات
هذا ابن النبوه وشيخ الأرجال
•───✧◐◐✧───•
شيخ حسين وسفه عالارض نام
بشمس الحاره مطروح الأمام
احظر ياعلي لبنك يضرغام
حسينك ظال مطروح
وراسه اوي العده يروح
وزينب بالضعن راحت بالعيال
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
قصيده ثقيله لدفن الاجساد
من ديوان #مواجع_الطف_الجزء_الثاني
{ عمه هنا يسجاد }
عمه اهنا يسجاد // وين ادفنت الاجساد
لم اعظامهم زين // ودور خنصر حسين
عمه اهنا يسجاد عمه اهنا يسجاد
•───✧◐◐✧───•
دور زين ياعمه عليهم
اوصال اوصال عمه امذبحيهم
دشوف ابياكتر مشموره اديهم
عليهم تدمع العين // وصل گلهم مگطعين
عمه اهنا يسجاد عمه اهنا يسجاد
•───✧◐◐✧───•
اخبرك ياعلي السجاد عمه
من تدفن جسد عباس لمه
خلي اجفوف أديه ياعمه يمه
لم اوياه الأيدين // عالج ظربة العين
عمه اهنا يسجاد عمه اهنا يسجاد
•───✧◐◐✧───•
والشبان عمه احفر كبرهم
علي الاكبر وجاسم ياعمرهم
موزين الگبر عمه ويظرهم
وسّدهم هالاثنين // علي وجاسم الحلوين
عمه اهنا يسجاد عمه اهنا يسجاد
•───✧◐◐✧───•
يعمه والرضيع اوياك وسده
اعله صدر حسين ياعمه تسنده
صعبه ادري عليك وهايه شده
هذه وصية حسين // ننفذهه وعلى العين
عمه اهنا يسجاد عمه اهنا يسجاد
•───✧◐◐✧───•
من تدفن ابوك ابهيده وياه
ترى اعظام العزيز امكطعه احاه
لم اشلاء صدره وخنصره اوياه
اولاتنسه الجفين // تكله وتدمع العين
عمه اهنا يسجاد عمه هنا يسجاد
•───✧◐◐✧───•
هذه اخر وصيه اسمعها مني
من تدفن ابوك احجيله عني
وكله اميسره وشامت شتمني
أسيره وتدمع العين // كله بويه يحسين
عمه اهنا يسجاد عمه اهنا يسجاد
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
زعل سيفه العباس
راس ظل يلطم راس
وابو فاضل والله گد احچايته
*******
مهله رادو منه گالو ضاع جرفين النهر
عطوه منه اتريد كلها حسبت ينطي الگمر
فلتت الحجاج شافوا تيهه امنين المفر
والشمر بالخنسه شارد بين اجروف الخطر
غيض بان النوماس
زعل سيفه العباس
وابو فاضل والله گد احچايته
******
وحده عباس اعتناهم جيشهم خلص رعب
وگف عزريل ويشاهد سيل دمهم من يصب
علن حالتهه الطوارئ گصه اوياهم بالحرب
چفه بسم الله يبدي راح يفنيهه العرب
حلوه ابچفوفه انباس
زعل سيفه العباس
وابو فاضل والله كد احچايته
******
شاع صوت اشگد دخيلك ها يعباس الشهم
سطرة العباس بيهم رنت وشردت زلم
عنده تسبيح الزچيه بالحرب شوف العزم
فحط الخياله كلها سبع بيهم ما يهم
بيها دك حيل ساس
زعل سيفه العباس
وابو فاضل والله كد احچايته
*******
عاجل الطف وبخزرته هيبه تحلى المرجله
اترخص من حسين عازم هذا ابن عقد الوله
رجّع الطف ظهر سابع وگف يطوي كربله
والحسام ايخاف يزعل شمره وحده ايدلله
ابراسه محلاته الطاس
زعل سيفه العباس
وابو فاضل والله كد احچايته
*******
بينت فرسان غالب علي خلف بس علي
خيبر الطف عاد بيها وابو فاضل معتلي
اتخورست والزلم سكته هاك اسمع ما يلي
بحر من الدم جعلهه غيمه ابد ما تنجلي
خمد بيها الأنفاس
زعل سيفه العباس
وابو فاضل والله كد احچايته
*******
تمت بعون الله تعالى
الشاعر___يوسف_الفتلاوي
القصيده تقرا ( نعي او لطميه )
ما طاب جرح الشام ماطاب
زينب غريبه أبين الأجناب
من طاحو أهل الغيره والشان
وزينب صفت مابين عدوان
حشمت حيهم بني عدنان
طحنا بسبي والدمع سجاب
زينب غريبه بلايه اهلها
وجنه الدهر رايد يذلها
دكعد يعباس انظرلها
عالمشرعه تربي أعلى المصاب
حرمه ومشت تحمل هظمها
ولا من حمى ولا أهل يمها
خلوها مبتليه بحرمها
ضلت وحدها والكفل غاب
ليش الدهر قاسي أعلى الكلوب
كل يوم ياخذ منه محبوب
يادوب كلبي دكته يادوب
والدهر ياخذ مني الاحباب
يادهر شو شليت حالي
ومابيك بس سود الليالي
ماحسبت لن الغوالي
يرحون وانه انطر على الباب
محمد دعبل النوري
نعي للأمام الحسين عليه السلام
عبينه امن الشمس والنار يردن
وعزيزاتك عطاشه وماي يردن
اگلهن فين اعله حسين (يردان) يردن
اموذر وانسحگ بخيول اميه
چا ليش بضلوعه تسحگون
ياگوم من عنده شتريدون
ميت حسين وموش مدفون
هاي المصيبه اتزلزل الكون
الله واكبر صاحت ام عون
صاحت ام عون الله واكبر
چا ليش ابو اليمه ايتوذر
وگلبي مثل گلبه تفطر
ماشاف نار الخيم تسعر
وضاعن بناته ولزمن البر
ضاعن واهاليهن مچاتيل
بين الزلم والنار والخيل
وانشتمن الچانن مداليل
هاي المصايب تهدم الحيل
چا وين اروحن چلچل الليل
چا وين اروح ليانويه
وامضيعه درب العلگميه
امن ابعيد احشم ياشفيه
باچر يودوني سبيه
تگعد بعد لو هاي هيه
وين الوعد يالگلت بحماي
اگعد وبطل نومتك هاي
ردت فزعتك ماريدن الماي
انته الكفيل وگمر دنياي
الخوه فلت واليسر جاي
راح الخدر والضيم اجاني
وذباحكم وليه ولاني
تهدد عليه وشتماني
شو چن ابو اليمه نساني
افراگه الهدم حيلي وعماني
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
#موشح.. يُقرأ بكافة الأطوار...
وممكن يُقرأ #نعي
.
.
بهدوة الليـل اگصدت للوالــي
خويـه وينــك ارحــم بدلّالــي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
١/
جيتــك بليـل الفجايــع و الخطـر
شلون ادورك وآنـه ما ظلّـي نظـر
بعده يگطر بالدمـه خويـه النحـر
خويـه جاوب و أرحـم بأحوالـي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
٢/
ويـن ادورك والارض مزروعه موت
والحرس ترس الدرب وشلون افوت
و العده يا خويه لو تسمعلي صوت
شلـون يرحمنــي ضـرب عذّالــي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
٣/
و آنـه من الصـار كل حيلـي خـوى
و الهـوى ابدونـك ولا ردت الهـوى
هجمـت اعداكـم والمخيّـم هـوى
وسحگت خيول الأعادي اطفالي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
٤/
سحگت خيول الأعادي چم طفـل
و البعض مــات ابرعبـهـم منذهـل
و البعض شدّت عطش ما يحتمل
من الظمى ماتوا يخويه اگبالـي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
٥/
مسلـم اطفالـه يخويـه ما لگيــت
بيـا رزيّــــه بيـا بليّــــه ما دريـــت
شنهو اسوّي يالأخو تحچيلي ريت
هالنوايـــب شتّـتــن كــل بالـــي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
٦/
ليش اشوفن هالاصابع بس تسـع
ويـن يا خويـه صفـه عاشـر صبـع
شمعه ما عندي واشاهد چم ضلـع
منّـــك امهشّــم يخـويــه الغالــي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
٧/
شباقي بيك وهذا حافر چم فرس
بصـدرك الطاهــر اشوفنّــه انغـرس
كل مكان بجسمـك اجروح انترس
الگطّـع اوصالك گطـع أوصالــي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
٨/
خويـه ما يتسولـف البينـه سِـده
و صـارت خيامـك غنيمـه للعـده
اعليك انادي وما اظن تسمع نده
و راسـك برمـح العـده اتراوالـي
٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫؛؛؛٫٫٫٫٫٫٫٫٫٫٫٫٫
✍🏼علي نوري الحلفي
في رثاء سيد الشهداء الامام الحسين عليه السلام. (وزن تجليبه)
شلون ارثي الشهيد. المن ارض طيبه
بنصاري الوزن. لووزن تجليبه
وزن ميمر اصيغن لووزن هجري
وگف محتار گلبي والدمع يجري
ياوزن اليوازن جرحي ماادري
لمصيبه الراتبه كل همي ترتيبه
أبدي بياوزن متحيره افكاري
عگيلي لوموشح اكتب أشعاري
نار الماتهيد وتنطفي ناري
على المذبوح بلدم خضبوا شيبه
بياوزن اليزيد بلوعتي ونوحي
فده روحي لبواليمه فده روحي
اريد الشعر خنجر يحفرجروحي
لجل اهل المجد والزود والهيبه
أنظم زهيري مدري اكتب النايل
على ضعن السبيه والحمل مايل
المدمعها على خدها جمر سايل
على ابن أمها تناشد ياهو اليجيبه
اكتب مجرشه لوشيعتي حاير
على هظم العقيله بليلة العاشر
لووزن الحدي. ويوم الحدي باچر
بضعن ام الخدر من بعد تسليبه
شكتب فايزي وعضاي مصدوعه
ابواليمه يحَيَّر الروح موضوعه
تفاعيل الشعر لحسين مفجوعه
ولجله اهواي گلبي يزيد تعذيبه
الشاعر حسن لعيبي الحريشاوي
يتّعثر جدمي بدربي.. ياعباس
يفراگك لچمه بگلبي...ياعباس وشلون انساك... لو ميته وياك
يـا عبــــاس يــا عبــــاس
=======@@@=======
امشي وحالي يتلوه...صعب نگل الجدم گوه...اوتصد اعله النهر عيني
بلياك امشي بالهيمه...چنت عباس الي خيمه...طحت ياخيمة اسنيني
ردت ترويني وانته امفطره اشفافك
اوطحت من طاحت الجربه العله اچتافك
من بعدك هاي احوالي.. ياعباس
طايح ياراحت بالي.. ياعباس
راح العز ذاك... لو ميته وياك
يـا عبــــاس يــا عبــــاس
========@@@======
الفگد مثلك شله ابعمره...تموت ابعينه كل نضره...وجمال الكون بيك انته
ضهري محني بغيابك..تماده اعليه اليهابك... الچان اخيالك ايسكته
انادي ياچفيلي والشمر يسمع
يگلي شلون اچِيتفچ وادري بي يرجع
الحگ يانور عيوني ...ياعباس
والسوط ايدگ بمتوني...ياعباس
بدموعي انخاك ...لو ميته وياك
يـا عبــــاس يــا عبــــاس
========@@@========
چفوفك عالأرض طاحن..لزمنهه واحس صاحن... خاف ابزينب اتميلين
يگاع بهيدهه وياها...كلف من بعدي ممشاها.... جبتهه امدلله اوتدرين
ياعباس چنت امدلله ابجالك
صرت انعه اعله روحي اومره انعالك شايلني بوسط اعيونك...ياعباس
صرت اتعثر من دونك....ياعباس
يامن بحماك...لو ميته وياك
يـا عبــــاس يــا عبــــاس
=======@@@========
بچلمة خويه من احچي..دمه موش ابدمع ابچي... هدة حيلي هالچلمه
عونچ ياهو اليگلي...يصيرآ ساتر لضلي...وامشي ابسده متعلمه
الخويه اوصاحب الخويه بعد وينك
وانه ابگلبي نبت ياخي سهم عينك
سهم ابعينك صوبني.. ياعباس
بويه وياخويه ويبني.. ياعباس
وفراگي اذاك.. لو ميته وياك
يـا عبــــاس يــا عبــــاس
======@@@========
لهيب الجو صبح جمره...عباتي من الشمس حمرة ...تمنيت الوكت بس ليل
وين انه اوصرت ياحال...شيعدله الحِمل لو مال... ياعباس ماضل حيل
اصدآ للغري وانده يحامي الجار
الوصيه امچتفه وابلا حمه تندار
ووصيه الچانت بيدك ...ياعباس
اتباريهه اليوم اتريدك... ياعباس
حيدر وصاك... لو ميته وياك
يـا عبــــاس يــا عبــــاس
======@@@==========
شوكت بينه ترد أيام....نروح ونرجع من الشام... واگصد للشريعه اهناك
اون اومنك اسمع ون...اجروحك خويه يلچمن ... حال البيه ادري اذاك
واحس من الگبر تطلع ولي ملهوف
تمدلي اچفوفك وانته بلايه اچفوف
طاحن چفين العندك...ياعباس
تحضني اتريد ابزندك ..ياعباس
نتلاگه اهناك ....لو ميته وياك
يـا عبــــاس يــا عبــــاس
الشاعر
ابو عبدالله الشمري
مولاتنا زينب علية السلام
من طاح الكمر وضل بلا دين
بلاية اجدام خلوني بلا دين
ماهاجم بلد واحد بلادين
الدنية اصطفت بصف ال امية
رحلة ما بين الغرب
و الكلب دامي الكلب
شجم صعب و شجم صعب
مر علية مر علية
&&&&&&&&&&
رحلة بدروب الغرب وحدي مشيت
رحلة بية اعلة البواچي انتجيت
شما اديرن ضهري كافل ما لگيت
ريت ميتة بكربلاء يا كلبي ريت
ريتي ما رحت بسبي
و انة امي بت نبي
يحدي بية الاجنبي
كل مسية كل مسية
~~~~
رحلة بيها الگلب دامي من الجروح
جنها خيل اترد على كلبي و تروح
يا مصاب انسة لچمتة و انة روح
و شفت نحر حسين كدامي مذبوح
يامصيبة و يا جرح
السهم لو اة الرمح
انسة و صور الذبح
بالروح هية بالروح هية
~
اة يشام الضيم ما خلاني اهيد
بت علي طبوني جن طبت عبيد
و الفرح تارس الكوفة و صار عيد
من دخلت الشام و مگيدة الايد
دروبهم كلها ورد
و انمرد گلبي مرد
صابني سهم البعد
من الغاضرية من الغاضرية
~~~
شجم صعب احتار لو احسب و أعد
و أول اسهام الوجع سهم البعد
ودعت ريحان عمري و الورد
و ثاني شي عندي صعب ضيم النشد
ثالث همومي المهد
شال من عندة الولد
و الذبح نحر السعد
ذبح بية ذبح بية
~~~~
العقيلة الما گبل شافتها عين
راحت اوية گلوب مابيهة حنين
ناس ماعدها رحم لا عدها دين
تحجي بالقران التذبح حسين
ناس ما عدهم صدك
وية الجذب ما تفترك
ما مشو درب العشك
و مو حمية و مو حمية
~~~~
هاي أصعب رحلة بدروب الحياة
رحلة هموم و درب ما بية نجاة
اتهشمت جفيني من كثر الدعاء
و انتظر جيت هلي و ذاك اللقاء
انتظر ما ايست
من گلبي دامي صحت
حسين يالمني رحت
للمنية للمنية
~~~
مر علية الما يمر مرة اعلة بال
جدمي حافي ويمشي مابين الرمال
اتطشرت ما اضن ترد لمة العيال
وانا جنت شكد احب ليل الدلال
المر علي ما ينوصف
حسين ضل ما ينعرف
و مات الطير الترف
يارقية يارفية
تمت . بقلم خادمكم الاقل
قصائد للسبي
ترضه ياعلي زينب تنولي
زينب المضلومه بالســـــــبي
وهيه مهجت فاطـــم والنبي
ترضه تمشـي ابوليت ناصبي
امحيره ومحـــتاره ابلا ولــــــي
عالهزل ياحـيدر من مشت
چـم حبيب وغالي ودعت
من شتمهه الضالم مابچت
خايفه ايسمعوهه وتبتلـــــــي
ايعينهه اللـه أليـله عالسـهر
ليلها اصبــح ضلمه بلا گمر
اتگطعن چفيــنه اعله النهر
يمته همـــــچ زينب ينجلــــي
شاهــــــدت كافلهه من وگع
راح صوب الشاطي ومارجع
اجــروح زينب زادن بالوجع
اتصيح ضاع امن ايدي كافلــــي
*
اتنـادي يهل الغيـره يخوتي
وسفه انخه وخابت نخوتي
اخـــلافكم محتاره ابعيلتي
مـا اعيش ابدونكــــم ياهلــــي
باتت ابـلا خيـــــــمه ولاذره
چانت اويه اخوتهه امخدره
حال زينب يجــــرح منضره
وصـــوت ونهه اليله معتلــــي
**
الخادم
كامل السعيدي
ــــــــــــــــــــــــــــــــــــــــــــــــــــــــ
شوط كربلائي ...
زينب ياعلي الكرار فوك الهزل مسبيه
وحيده بين هلعدوان منك تنتظر جيه
---------------------------------------------------
وينه اليوصل الحيدر وعن الي جره يخبره
يكله الزينبك هل يوم انهض والكبر طره
للكوفه خذاها ايزبد مسبيه مشت بامره
غريبه ولا اخو العدها
تعال احضر يوالدها
ردها من اليسر ردها
اهلها بساحه الميدان ضلت جثث مرميه
---------------------------------------------------
يطارش للغري اتعنى وصيح بصوت ياحيدر
الك حرمه بوسط عدوان تريدك ياعلي تحضر
يمن رد الشمس يمناه يرد هذا الضعن يكدر
لحك ياعلي عليها
غريبه بين اعديها
سيفك كون يفنيها
ومن الهضم ياحيدر تراها اصبحت محنيه
--------------------------------------------------
عقيلتكم يحامي الجار عكب عباس يسبوها
مجتوفه اعلى الضهر النوك لبن ازياد ودوها
يهل الحرب يهل الخيل غربيه ليش عفتوها
بيها النوك تتعثر
لا عباس لاحيدر
يجيها الزينب ويحضر
يليوث الوغى زينب عليكم ضلت اربيه
------------------------------------------------
من عكب الخدر والعز زينب مشت وي عدوان
ريتك ياعلي حاضر بيوم الطبت الديوان
هيبه حيدره صاحو وشجاعه من كمر عدنان
من دخلت عل ضالم
ضل يسال يهل وادم
حيدر لو كمر هاشم
بصبرها بت علي الكرار ذلت كل بني ميه
-----------------------------------------
*
✍نور الولايه الفاطميه
(گعديه ) احزان العقيلة زينب سلام الله عليها
على طور انا ام النين ودهري ذبني
انا البلطفوف انكسر ظهري
الك يحسين دمع العين يجري
تجري دموع العيون بفراگك يغالي
★★★★★
امس ياخويه بوجودك هيبتي وكثرة دلالي
تغيب لوعاتي وعذابي لوشفت وجهك اگبالي
يانظر عيني وضواها وگمرتي بسود الليالي
روحي عليك تعودت
يابوالمحنه اتعلمت
الماظنها ياخويه اجت الفرگه مامرت ابالي
يابيت الوفه ورفعت اركانه
خالي من اصد وانظر مكانه
مالي رسم لالون بفراگك يغالي
★★★★★
كربله جاني حزنها من عفت ارض المدينه
مالگينه الگالوا الكم كلهم انداروا علينه
وحده ابوالسجاد شفته للحرم ينظر بعينه
خايف علينه من الخطر
ظل للخيم شابح نظر
يامصعب أفعال الدهر ودهري يحرمني حنينه
الاخو ماتنحمل ساعة وداعة
حنين وكل صفات الوفه اطباعه
اختك زينب شلون بفراگك يغالي
★★★★★
من اذكر الطف وقهرها حيود علغبره شفتهم
تميد بيه الگاع كلها لمت روحي من عفتهم
چم گمر طاح بثراها الشمس تصهر غيَّرتهم
علغبره خليت الگمر
مگطعه چفوفه على النهر
دلالي ملچوم انفطر اخ ياروحي الكظت هم
انطاني الليل والغربه ورماني
اخذ مني الاهل غفله زماني
ابعيني اظلم الكون بفراگك. يغالي
★★★★★
الشام لوعتها ومحنها گصَّرت عمري وزماني
من رحت لديار غربه الماعلى بالي لفاني
عمري مايسوه بعدهم المن اتنطر واتاني
بعد الحسين تلوعت
للشام مسبيه رحت
ولكربلة حين رجعت ريت موتي ماعفاني
شلون ارجع على داري الخليه
وخوي اندفن بارض الغاصريه
الدمع يحرگ بالجفون بفراكك يغالي
الشاعر حسن لعيبي الحريشاوي
(ثكيل رقية ع )
راح الدلال وياك... بويه يبويه
ميته ولا فركاك... بويه يبويه
ابنيتك وحنيت الك بويه اسمع
فكلي الكبر خليني اشمك ورجع
.....
سير علي يمحومر عيوني
يالما يكلي غيرك شلوني
تعبانه بويه من السبي ومشتاكه الك حيل
لكبرك منو يوديني وغفه بحظنك اليل
مخنوكه والدمعات فوك خدودي اسيل
يابويه لو ترجع الي لو يمك نشيل
روحي بغيابك بويد ابد ماتقنع
فكلي الكبر خليني اشمك ورجع
......
مو وكتك تروح وتخلينه
ياشمعة البيت وليالينه
راحت المه الحلوه بويه وياك ويامنه
صارت سراب وبالبجي اتبدت احلامنه
بس ذكرياتك والصور وراس كدامنه
معقوله ابو كلب الحنين يهولنه اوداعنه
مخنوكه روحي وعبرتي ماتطلع
فكلي الكبر خليني اشمك ورجع
........
بدرب السبي شحجيلك شلوني
مااحجي خلي تسولف متوني
من اصفن واسمع المسجد صوت اذانه
اذكرك يا بويه جنت البارحه ويانه
يا دين جدي الصطفى وايات قرانه
جرحك المتوسط الكلب شيطيب امجانه
غيرك منو يمسح عيوني التدمع
فكلي الكبر خليني اشمك ورجع
......
ماتسوه بويه الدنيا من دونك
الدنيه جانت شوفت عيونك
رحت ولفه ايامي الحزن والحصره ولوعه
هيه اليتيم أم و ابو شينشف ادموعه
بصدره بيت من الهموم يسكفه بضلوعه
وايده ع خده من الهظم يلكاهه مطبوعه
طبع اليتيم اجفوفه ع خد تطبع
فكلي الكبر خليني اشمك ورجع
،،،،،،،،،،،،،،،،،،
الشاعر
مصطفى الحسني
يتّعثر جدمي بدربي.. ياعباس
يفراگك لچمه بگلبي...ياعباس وشلون انساك... لو ميته وياك
يـا عبــــاس يــا عبــــاس
=======@@@=======
امشي وحالي يتلوه...صعب نگل الجدم گوه...اوتصد اعله النهر عيني
بلياك امشي بالهيمه...چنت عباس الي خيمه...طحت ياخيمة اسنيني
ردت ترويني وانته امفطره اشفافك
اوطحت من طاحت الجربه العله اچتافك
من بعدك هاي احوالي.. ياعباس
طايح ياراحت بالي.. ياعباس
راح العز ذاك... لو ميته وياك
يـا عبــــاس يــا عبــــاس
========@@@======
الفگد مثلك شله ابعمره...تموت ابعينه كل نضره...وجمال الكون بيك انته
ضهري محني بغيابك..تماده اعليه اليهابك... الچان اخيالك ايسكته
انادي ياچفيلي والشمر يسمع
يگلي شلون اچِيتفچ وادري بي يرجع
الحگ يانور عيوني ...ياعباس
والسوط ايدگ بمتوني...ياعباس
بدموعي انخاك ...لو ميته وياك
يـا عبــــاس يــا عبــــاس
========@@@========
چفوفك عالأرض طاحن..لزمنهه واحس صاحن... خاف ابزينب اتميلين
يگاع بهيدهه وياها...كلف من بعدي ممشاها.... جبتهه امدلله اوتدرين
ياعباس چنت امدلله ابجالك
صرت انعه اعله روحي اومره انعالك شايلني بوسط اعيونك...ياعباس
صرت اتعثر من دونك....ياعباس
يامن بحماك...لو ميته وياك
يـا عبــــاس يــا عبــــاس
=======@@@========
بچلمة خويه من احچي..دمه موش ابدمع ابچي... هدة حيلي هالچلمه
عونچ ياهو اليگلي...يصيرآ ساتر لضلي...وامشي ابسده متعلمه
الخويه اوصاحب الخويه بعد وينك
وانه ابگلبي نبت ياخي سهم عينك
سهم ابعينك صوبني.. ياعباس
بويه وياخويه ويبني.. ياعباس
وفراگي اذاك.. لو ميته وياك
يـا عبــــاس يــا عبــــاس
======@@@========
لهيب الجو صبح جمره...عباتي من الشمس حمرة ...تمنيت الوكت بس ليل
وين انه اوصرت ياحال...شيعدله الحِمل لو مال... ياعباس ماضل حيل
اصدآ للغري وانده يحامي الجار
الوصيه امچتفه وابلا حمه تندار
ووصيه الچانت بيدك ...ياعباس
اتباريهه اليوم اتريدك... ياعباس
حيدر وصاك... لو ميته وياك
يـا عبــــاس يــا عبــــاس
======@@@==========
شوكت بينه ترد أيام....نروح ونرجع من الشام... واگصد للشريعه اهناك
اون اومنك اسمع ون...اجروحك خويه يلچمن ... حال البيه ادري اذاك
واحس من الگبر تطلع ولي ملهوف
تمدلي اچفوفك وانته بلايه اچفوف
طاحن چفين العندك...ياعباس
تحضني اتريد ابزندك ..ياعباس
نتلاگه اهناك ....لو ميته وياك
يـا عبــــاس يــا عبــــاس
الشاعر
ابو عبدالله الشمري
قصيدة للحسين {يحسين}
على طور تلكيني يزينب حيل مابيه
#مواجع_الطف_الجزء_الأول
{ يحسين }
يحسين // نص الليل اجيتك شايطه بهمي
يحسين // متعنيه ارد اشوفك اعثر بجدمي
•───✧◐◐✧───•
اختك انا / خويه حاجيني /خويه حاجيني / خويه حاجيني
غيرك اضيع/ يانظر عيني / يانظر عيني /يانظر عيني
يخويه حسين / يخويه حسين /يخويه حسين
•───✧◐◐✧───•
مذبوح // من اكفاه اخويه وحالته حاله
مذبوح // ماعدهم رحم فرهدو سرواله
مذبوح // فرت بالبراري وتاهت عياله
من التعب / نامو بهيمه /نامو بهيمه / نامو بهيمه
ماضل حمه / ولابقت خيمه / ولابقت خيمه /لابقت خيمه
يخويه حسين/ يخويه حسين/ يخويه حسين
•───✧◐◐✧───•
بالكاع // مطروح اعله وجهه والنحر دامي
بالكاع // وراسه عالرمح مرفوع كدامي
بالكاع // جروحه بالترب مفتوحه يالظامي
تراب ورمل / يلجم جروحه /يلجم جروحه / يلجم جروحه
بحر الشمس / جروحه مفتوحه / جروحه مفتوحه / جروحه مفتوحه
يخويه حسين/يخويه حسين/بخويه حسين
•───✧◐◐✧───•
عطشان // اخيي اعله الرمل ومغيره اوصافه
عطشان // ماشارب اميه ويابسه اشفافه
عطشان // جدي المصطفى مذبوح اجه وشافه
بخيل العده/ رضو اضلوعه /رضو ضلوعه /رضو ضلوعه
وام الحسن / تبچي مفجوعه / تبچي مفجوعه/ تبچي مفجوعه
يخويه حسين/يخويه حسين/يخويه حسين
•───✧◐◐✧───•
مكلوب // من اكفاه الوالي واكطعو راسه
مكلوب // مايكدر ابن امي يجر باانفاسه
مكلوب// ولايمه الأهل لايمه عباسه
يمته الفرج / نصيح مهدينه/ نصيح مهدينه/ نصيح مهدينه
ياخذ بثار / الزهره وحسينه/ الزهره وحسينه/ الزهره وحسينه
يخويه حسين/ يخويه حسين/ يخويه حسين
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
سيدتي ومولاتي زينب عليها السلام بلسان الحال في طريق السبي تقول :
بس العليل اويايه ... لا كافل ولا رايه
..............................................................................................................
زينب أنا وأم الصبــــر عنواني
بالغاضريـــه ضـيّـعـت إخواني
يم كل جسد أبچي دمه تلگاني
والدهر كلشـــــي بكربله راواني
بيّه الجروح اهوايه ... لا كافل ولا رايه
..............................................................................................................
گلبي إنفطر والروح بيت الحسره
شفت الحسين اموذر اعله الغبره
ماظل ضلع صاحي وتهشّم صدره
شمر الخنا بالســـيـــف طبّر نحره
عالگاع ذبحوا آيه ... لا كافل ولا رايه
..............................................................................................................
صوب النهر ألطم بقيت اعله الراس
عباس ما مثلـــه فقط بــــس عباس
گطعوا يمينه ويــســــرته أرذل ناس
لا دين عدهم لا شرف لا نوماس
جوده تطشّر مايه ... لا كافل ولا رايه
..............................................................................................................
ظليت محتاره بزمانــــي ودنـياي
وآني الحرم وايتامي حارت وياي
نار المخيم تشــــبـــه النار احشاي
مكسورت الخاطر ومذهولت راي
مذهول فكري ابْرايه ... لا كافل ولا رايه
..............................................................................................................
غابت شمسنه وحل زمان الظلمه
والگمر فوگ النــهــــر سافح دمه
گلّي علي السجاد ها يا عمّه
درب اليسر محتاج منچ هِمّه
والسبي عدهم غايه ... لا كافل ولا رايه
..............................................................................................................
أجمع بنات حسين وجروحي اجروح
وبكل وجه صــــورة إخويه المذبوح
ذنّي اليتيمات الصـــــدگ شبعن نوح
شافن أبوهن بالمعاره مطروح
وعمهن على امسنّايه ... لا كافل ولا رايه
........................................................................................................
يبدي طريق السبي ويا عين اتنام
وبأُمرت أشباه الزلم والظِلّام
ضـعـن الأرامـــل والثكالـــى وأيتام
من كربله ينوي السبي لأرض الشام
والبقت بس احچايه ... لا كافل ولا رايه
.....................................................
خادم الإمام الحسين عليه السلام
عمار هليل الواسطي