7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
عندما سقط الحسين من على ضهر الفرس
بقيه ثلاث ساعات قبل ان يذبح قامه بجمع الرمل ويدفعه تحت صدره حتى يرتفع وينضر بعينه ع الخيام وع الجيش ماذا يصنع بعائلته وعندما ارتفع لم يرى شيء لان من شدة حرارة السهم اغمض عينه الاخرى وسمع صوت حزين من الخيمة واذا بها زينب ع وهي تنادي باسمه
ياحسين ياحسين ياحسين
وتقول ان كنت حي فأدركنا
وان كنت ميت فأمرك وامرنا الى الله
//////////////////////////////
ياخويه اسمعچ والسهام اثگيله
عذريني زينب جسمي ضايع حيله
اجروحي ما الهن عدد
تدرين مــا ضلي سند
عذريني زينب. عذريني زينب.
#######
من سمعتچ يلعقيله ازحوف گلت انه اعتنيچ
لچن سهم العين خويه عمه عيني شلون اجيچ
ياخـويه زيـنب مـــا اگدر
انهض گــمت وارجــع اعثر
اسهـــام امّچــلــــبه بكتاري
من صوتچ گمت انه اتفطر
ياوسفه زينب صوتچ ايضّل مسموع
وانتي بــدعائچ تنـسين چفچ مرفوع
يــا قـُـل هـو الله احد
تدرين مــا ضلي سند
عذريني زينب. عذريني زينب.
مطعون من راسي لجدمي وضاع يازينب اخوچ
وبعدت اعليه المسافة والعدة چن حاوطوچ
ابجسمي ماضل شّي عامر
هـــوه اشخلــه بيه العاشر
ماخذ عباس وضي عيني
كــل هذه وحــــافر ايناطر
منتظره خيل اتريد بس تسحگني
وسگنه تصيح اهناك بويه الحگني
گلبي يـــاخويه انمرد
تدرين مــا ضلي سند
عذريني زينب. عذريني زينب.
#######
ميزت مابين الاصوات صوت سكنه من بعيد
اتگلي بويه اخلاف ايدك حبل راح يحضن الايد
تاخذني احچايه لخيامي
وحچايه اتردني ليتامي
وانه ابين السيف وحافر
حايـــر ومسلب وضامي
اوحيــد يـازينب اخــوچ اوضامي
امنيه صارت عندي اشوف اخيامي
اتفرهد الشوف ابعمد
تدرين ماضلي سند
عذريني زينب. عذريني زينب.
#######
وسمعت بنتي الزغيره. تگلي بوية شلون انام
تكلي بويه شلون احضنك صدرك امترس سهام
وتگلي ضل بس اشويه
وتخيلــني وفــكـــر بيه
شماتك يمــي ومنـتظره
وتريد اتبــوگ الترچيه
وتگلي بويه خلــهم ايسلبوني
بس انته سالم من ترد لعيوني
يبنيتي ماناسي العهد
تدرين ماضــــلي سند
عذريني زينب. عذريني زينب.
#######
سلمت امري وغمّضت لن اصد زلفت مره
من وره اخيامي وتأشر تبچي علصار وجره
الأوله دم عيني اعليها
والاخره سهم امطفيها
امسحــن دم أيــرد بيدي
حرت انه اشلون ارد ليها
امن الونين اعرفت هاي ام الطفل
ام عبد هاي الراح تبقه ابلايه ضل
اعليها دم عيني جمد
تدرين مـا ضلي سند
عذريني زينب. عذريني زينب.
#######
ابچفي كسرت السهام وحدر صدري ادفع رمل
گلت اشوفنكم يزينب لچن رمل الطف يصّل
رمــــل الطف حار ايذيني
وجروحي اهواي اعذريني
لو گالـــولچ هذه احسينچ
بس امن الحافر وخريني
ودعيني زينب يختي بس لا تبچين
وياچ راسي ايروح وين ما ترحين
اعداچ ما ترحم بعد
تدرين ماضلي سند
عذريني زينب. عذريني زينب.
#######
تمت
✍️
سعد الزيدي
على المذبوح
اجينه انوح
لرض الغاضريه
.............
بسواد متون
اجت ام عون
اجتي تمشي بالگوه
عمية عين
تصيح حسين
تكتل فركة الخوه
اجيت بروسكم يهل المحنه
غريبه كومو ردوني لوطنه
شفت الويل
ماظل حيل
من سوط ال اميه
...........
طاحت شوگ
من عل نوگ
حظنت كبر واليهه
تشم اتراب
عطر احباب
من الكطعو بيهه
يشيب كلبه من يسمع نعيهه
حجار كبورهم يبجي لبجيهه
توسد الراس
يم عباس
ابو الغيره وحميه
................
خويه الحال
امشي خيال
اكوم واكعد مصيبه
كسر اجناح
يوم الراح
عنك ضعني يالهيبه
درب الشام شوفني العجايب
اختكم وينهه اوين الخرايب
كعدو وياي
اريدن راي
شوفو الصار بيه
...........
اجيت انعاك
كون وياك
خويه بكبرك اتوسد
وين اروح
يبعد الروح
غيرك خويه مالي احد
جيت انه اربعينك حافيه اجدام
شوف بحالي خويه اسوت اشام
عذرني ارجاك
عفت هناك
انه بنيتك رقيه
الشاعر مصطفى الحسني
قصیده لسان حال الخادم.........
منته امقصر اویای،
،خاف،انه،المقصر
یامحبوبی یحسین،
یمجبر،الخواطر
خوفی کثرت اذنوبی
،سامحنی یمحبوبی
،یمجبر الخواطر،،
یل مقصرت یوم
یلی،لبسیتنی،ثوب،هل خدمه.
مافارگتک اویاک
وانه احمدالباری دوم عل نعمه،
انته التفس والروح
والله وکل حیاتی یاابوالیمه،
ردتک ماردت غیر
حد هلیوم روحی بیک مهتمه،
غیرک مالی معشوگ...وانته تدری بیه،
انته اتذلهه دنیای....لوجارت علیه،
لومتغیر اسلوبی
.سامحنی یمحبوبی
یمجبر الخواطر
****
لوعن الدرب زال
ارید المعذره یا ابو الگلب واسع،
لوغیرتنی دنیای
اتمنه تگلی امن الدرب ضایع،
یلی ایحبک الکون
یعرف طیبتک یاابو الوفه وخاضع،
خادم اطلب ارضاک
.تعرفنی ابخدمتک والله ما شابع،
انه اترجاک یحسین لوخادم واهمک.. هم اتذکر ابیوم ..دمعی سال لمک،
ایذا شفت انتلف ثوبی
سامحنی یمحبوبی،
یمجبر الخواطر،
****
العبد لا ماهو معصوم
الدنیه اتقره ثوب اذنوبهه تلبسه،
تعمی اعیونه مرات
اقوا تصیر منه دومن تحبسه،
خادم والرجه بیک
اجیت مدنگه الهامه الک هسه،
احلفک بلعلیله
تسامحنی وقصور ابخدمتی تحسه،،
الخصمک حته حنیت یالماکو مثیلک
شحال الخادمک دوم ویندبک دخیل،
یانور انته الدروبی
سامحنی یمحبوبی
یمجبر الخواطر
****
کلمات الشاعر علي ابوسکینه الفرحاني
محررررم 1446هـ
هلا يمى تعاي .. جيتي ابوكتچ هالساع
هلا يمى تعاي .. آنه الطايح عالگاع
كافي لا تدوري . آنه اهنانه نظري . ماشميتي عطري
تعاي . تعاي
هلا يمى چنت انتظرچ . أعرف مشتاگه الشوفي
لتمدين ايدچ ليه . ترى مگطوعات اچفوفي
لتدورين اعله اثيابي . كلشي الأجل ابنچ عوفي
جيتيلي اهنا مشتاگه . وبيه اشسوه الطف شوفي
خليني ابحضنچ فدوه . اتراب الطف يحرگ گوه . يمى ابروحي
ذكريني ابذيچ ايامي . اتنوميني يلله اتنامي . طيبي اجروحي
انه جرحي الچبير .. ودعتچ وآنه اصغير
انه جرحي الچبير .. إبنچ مذبوح ايصير
زين وما نظرتي . من گطعوا رگبتي . چا هم يمي متي
تعاي . تعاي
____
صار اسنين ابچي انتظرچ . مشتاگ آنه الحنيتچ
بس ابيا حال اشتمچ . ابدمي اهنانه اتلگيتچ
يمي وملزمتچ وسفه . ولا گمت ولا شميتچ
منتظرچ كل هالمده . او بحضاني ما ضميتچ
منو أمه گاعد يمها . بس مايگدر يشتمها . وشيحملها
هاي اصعب حالة اعليه . أمي اتجيني ابعوچيه . وما گوم الها
ترى هذا اللقاء .. مجروح ايصد مجروح
ترى هذا اللقاء .. أم واضناها المذبوح
ماشايف حبايب . اتلاگوا عالترايب . عاشوا بس مصايب
تعاي . تعاي
____
حگچ لو معرفتيني . ابلا راس او جسمي امگطع
لتشيليني إمن الحومه . اضلوعي ابأحضانچ توگع
لا صدر اللي اتشمينه . كلشي اعله الكاع اتوزع
البي ألف او مية طعنة . شتضني ايرد يتجمع ?
شتلمين إمن الحومه . إبنچ مدفونه ارسومه . ما يرجعلچ
ندري الأيديه مگطومه . مابي يافاطم گومه . شلون ايردلچ
عله روحي السلام .. إقري ونادي يحسين
عله روحي السلام .. راحت فاطم مرتين
مره يم بو فاضل . ومره وآنه شايل . عبدالله واسائل
تعاي . تعاي
____
هم شفتي اخيول اتعدت . ترفس بيه وبطفالي
الگاطع منحر من عندي . شفتيه إمن اتعنالي
ماريد احچيلچ أكثر . بس موقف ضل ابالي
اطلبت الماي وما واحد . يالزهرة اشوي ودالي
ماجبتي ابإيدچ بلله . ماي اشويه العبدالله . ميت ضامي
ماجبتي الزينب خيمة . ماشفتي اشچم ايتيمه . اتون گدامي
سوى من الخيام .. طلعن شفتي النسوان
سوى من الخيام .. صاحن ذبحوه عطشان
زينب دورتني . هم مثلچ إجتني . بس ماوچدتني
تعاي . تعاي
_
الخد الچنتي اتقبلينه . محفور وما يتقبل
راسي وجسمي اللي اتگطع . مايرجع مثل الأول
عبدالله الميت ضامي . يافاطم ماظن يعدل
الحبل البيدين الحره . ملفوف ولا ماينفل
ماترجع زينب زينب . وما تطفه اخيامي التلهب . راحوا أهلي
ميرد عبدالله ابحضني . ولا لاكبر يرجع إبني . وبويه ايگلي
وله يرجع أكيد .. عباس وبيده اللواي
وله يرجع أكيد .. ونشوف ابإيده الماي
ماترجع إليه . يافاطم رقية . لتدور عليه
تعاي . تعاي
حيدر الحلفي
السيده الزهراء تنعى ولدها الحسين ع
شطـيّـب ياجــــــرح مـنـهـن شفاته
تدوس الخـــيـل بضلـوعـــه شفاته
اوليدي مــن العطش يبست شفاته
شــرب دم نحــره مـن چاس المنيه
..............................................
شرب دم الـنـحـــر أبنــي ولا ماي
شعاتب كـــربلـه شينفــع ولامـاي
اثياب الحـــزن صارلـــي ولامـاي
اعله ابني السلبته احزاب ال ميه
....................................................
✍️عباس مالك العفريت
#محرم_الحرام١٤٤٦هـ
نسألكم الدعاء
قصيده ثكيله المولاتي زينب ع
تعاتب الدنيا
.............................................
الدنيا عذبتني .....من زغري ولتني
اخذت اغله الاحباب ..نامو حدر التراب
والله مرمرتني ..ولله مرمرتني
.........................................
الدنيا عذبتني وخلتني غريبه
راحو اهلي مني والراح شيجيبه
من ديره الديره امشي انه سليبه
تسعر بلكلب نار تجويني ولهيبه
اخذت اغله الاحباب ..نامو حدر التراب .....والله مرمرتني
.......................................
هذا الزمن غدار حملني النوايب
من زغري ولتني ياناس المصايب
انه وكل خواتي ضلينه غرايب
لاضل عدنه واليان ولاحتى كرايب
راحو اغله الاحباب ..نامو حدر التراب ...والله مرمرتني
........................................
زينب انه شحجي البيه يشيب الراس
راحو اغله الاعزاز حسين ويه عباس
خلوني وحيده بوليه هاي الرجاس
صبري بصبر ايوب لاولله مينقاس
راحو اغله الاحباب ...نامو حدر التراب والله مرمرتني
.......................................
حزني حزن يعقوب مافل ونساني
كضيت اسنين عمري مهمومه وتاني
لارجعو الغياب ولاواحد لفاني
مدري اعتب على البين مدري عله زماني
راحو اغله الاحباب ...نامو حدر التراب ....والله مرمرتني
............................................
جنت مدلله دوم جان اسمي العقيله
هسه بديره الشام صرت انه ذليله
هذا الصار بيه والله مالي حيله
ماضل عندي والي بلهم اشتكيله
راحو اغله الاحباب ..نامو حدر التراب ...والله مرمرتني
.........................................
تأليف خادمه زينب ع
ام حسين المسعراوي من العماره
لايجوز حذف الاسم
نعي لدفن الحسين
من ديوان #مواجع_الطف_الجزء_الثاني
لسان حال مولاتي زينب تخاطب السجاد عندما ذهب لدفن الأجساد
يالتدفن اخيي وياه بهيده
اشتاكيت لبن امي واريده
وعليه كربله صارت بعيده
•───✧◐◐✧───•
يالتدفن الوليان تاني
ومصابهم والله عماني
مااحمل الفركه تراني
•───✧◐◐✧───•
نمتو على الغبره يوليان
بحر الشمس ماعدهم اكفان
بالشمس نومه اخواني الأحنان
•───✧◐◐✧───•
رش الكبر سجاد عمه
وبيديك صدر ابوك لمه
وياك جيب اتراب اشمه
•───✧◐◐✧───•
كلي يعمه شصار بيهم
والشمس غيرت معانيهم
يسجاد سلملي عليهم
•───✧◐◐✧───•
سمعنه الاخت لو راح اخوها
الناس كلهم يعزوها
تنصب المأتم يخلوها
•───✧◐◐✧───•
بس زينب الحره ولوها
تبجي اعله اهلهه ويضربوها
من النوح زينب يمنعوها
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لطمية شده الى السيدة زينب عليها السلام عند خروجها الى درب السبي
===================
ريض يحادي النوك وارحم هليتامه
ريض يحادي النوك وارحم هليتامه
===
عنكم مشيت بليل والدمعه جريه
ضليتو علغبره يخوتي اشلون بية
من الونه وافراك الاخو اصفك بديه
يا دمعتي سيلي ابد ليلي ما نامه
===
عنكم مشيت وي الغرب والاه حسره
ولو صارت الدنيا العصر كلبي شيصبره
روحي تون ونت غرب كلبي شيصبره
يطكوني يامهجتي واصفك بديه
===
ياحادي اترجاك ما ترحم دليلي
لمن حديت بليل ماهودت ليلي
عفت اخوتي فوك الثرى يامعه سيلي
راحت سبيه وي العدى اخت النشامه
===
ودت عتب للعلكمي بلكت يجيني
ماشاف سبع الكنطره دمعتي بعيني
عندي عتب لبو الفضل زايد ونيني
اعتب وودي للعتب يلحك عليه
===
غربت زينب لليسر محد وياهه
تبجي وتون بسكوت من يسمع شجاهه
شكوتها الله والنبي وضايع رجاهه
عدهه ونين ونوح برض الغاضريه
===
طول الدرب زينب تون وتباري الاطفال
والناكه عجفه لو مشت والدمع همال
شتكول زينب علوكت والوكت ميال
وناتي يبن امي جون روحي باذيه
===
ضليت اجر حسرات والونه بدليلي
عنكم مشيت وي الغرب مهدوم حيلي
صعبه اروح ميسره وذايب دليلي
من حيرتي عكب اخوتي اصفك بديه
===
ضليت اون بسكوت حسبالي يكعدون
تكتل الحسره بلكلب وتهل العيون
يحباب دلالي يضل للدوم محزون
من صارت الدنيا العصر شفت المنيه
===
ريض يحادي بالمشي وارحم يتاماي
متروس كلبي من القهر للماشرب ماي
عفته يون علمشرعة نايم الرواي
ماكام زتني وغمضت عينه بملامه
===
عنكم مشيت مسيره دتلاحكوني
وعتاب للوليان ليش اتعذروني
مريت على المصرع واخوتي خوفوني
من اجسادهم متوزعه شفت الملامه
===
تمت بحمد الله تعالى بقلمي شاعرة وخادمة أهل البيت عليهم السلام ملا زينب الطويرجاوي
لطمية السيدة زينب عليها السلام في طف كربلة ودمعة حزن والتفاتة
=====================
ما ادري المن التفت شو كلها تصرخ عمة
محتارة بفراك اخوتي وهم الكلب شيلمة
===
بطف حرت وتحيرت المن ادير اعيوني
التفت الطفالي البقت لو الخوتي العافوني
خلوني بيةشكد حزن واجرع هضم خلوني
ومن غرب الحادي وحدة ما كامو والحكوني
محيرة ومرمرة ورويحتي تتغمة
ما ادري المن التفت شو كلها تصرخ عمة
===
جريت حسرة من التعب تعب الفراك شخلة
مليت وعيوني عمن ورويحتي تتسلة
ذلة العمر عكب اخوتي وغيابهم شيحملة
وين اطي وجهي تحيرت وبكلبي نامت علة
خلص صبر روحي وكضت وبلكلب نامت هضمة
وين اطي وجهي والتفت شو كلها تصرخ عمة
===
شفت المرار الماسدة من ضيعت خواني
مكسور كلبي بونتي بس الدهر بجاني
مهضومة اجيت الكربلة وبيها الوجع لاكني
نار وخيم بيها شفت وشفت المصاب اذاني
اذاني يومج كربلة وضلت بروحي الهضمة
وين اطي وجهي والتفت شو كلها تصرخ عمة
===
بية اليالي شخلفت من راحو وعافوني
من كثر بجيي والحزن خلص دمعها عيوني
سار وحدة حادي اخوتي صيحت ما تانوني
بسكوت اون ودمعتي دم تطلع من اجفوني
خلصت عشرتنة وكضت وهم الايام شعضمة
وين اطي وجهي والتفت شو كلها تصرخ عمة
===
راح الدلال بكربلة والنار حركت ثوبي
ضيعت بزري واخوتي مكالب طلع محسوبي
والحسبت تالي العمر بيهم االمن شيبي
حركو دليلي من مشو بس ماخلص مكتوبي
مكتوبلي بطف كربلة لوعة وحنين وهضمة
وين اطي وجهي والتفت شو كلها تصرخ عمة
===
شيبت من ضيم وكتي وبية ميال الدهر
اشلون بية ومن حنيني واختنك وكت العصر
شرد اكل الروحي هودي وتشتغل نار الصبر
ما اهود من حنيني الموت عندي ولا امر
اذكر الكعدات وي المة
وين اطي وجهي والتفت شو كلها تصرخ عمة
===
تمت بحمد الله تعالى بقلم خادمة اهل البيت عليهم السلام ملة زينب الطويرجاوي
لطمية فزاعية للسبي وخروج السيدة زينب عليها السلام من كربلاء إلى الشام
===================
الشام كلفة روحتي
ونيت فوك الناكة
===
بليل دمعاتي تهل
ومايدري عباس النفل
مجتوفة ادية بلحبل
والدمع يجري صبابة
هوسة ورباط
نام علغبرة يبت حيدر اخيج
===
دروب السبي كلهن الم
ومن ونتي كلبي انلجم
ابن امي بية ماعلم
نار السبي حراكة
هوسة ورباط
ادية مجتفة وبسوط ضربوني
===
النوك بيهن من مشت
زينب الخوها حشمت
صاحت بصوت وتنتحب
وتكلة جاوين الوعد
كلبي يحن مشتاكة
هوسة ورباط
ضامة عيوني خاف تشوف عينك
===
آه يلخرابة ونتي
من الشمس تنحب عيلتي
الذاري عمانة يخوتي
يمتة بعد نتلاكة
هوسة ورباط
عليك ونينة خوية بلخرابة
===
طول الدرب عيني عمت
ومن الهضيمة تلوعت
يحسين خوية لو شفت
نار الحزن دفاكة
هوسة ورباط
عليك ونينة يبو كلب الحنين
===
تمت بحمد الله تعالى بقلمي شاعرة وخادمة اهل البيت عليهم السلام ملا زينب الطويرجاوي
#قصيدة شور (عودة أم أخيها)
من گبره صاح المنذبح يازينب الابيه
عطشانه روحي لردتج يا هيبة الزچية
جنت انتظر يم الخدر ضعنج يرد عليه
طولتي ياخيتي وگلت ماتت قهر رقية
لوعتي. لسبيج وسبي الحرم واطفالي
لوعتي. الـ حداكم بالسبي . چتالي
من طحت. خدرج اليوجعني موش اسيوفهم
لوعتي. وذاب من گبل الذبح الدلالي
صح سلبوني وعالغبرة عاري
وجفاني صارت ترب الصحاري
بس اعله سبيج مستعرة ناري
مو ليلي اضلم لا بل نهاري
ـــــــــــــــــــــــــــــــــــــــــــ
ردت عليه ام الخدر مو بالحجي ولوعه
من الناگه طاحت عالگبر وبونه مسموعه
عزيزتك يحسين اجت بس والله مفجوعة
يابعد اخيتك ياشهم يلـ رضو اضلوعه
دمعتي. مولحت حتى سواد عيوني
دمعتي. مااضن تبطل لون ذبحوني
بذبحتك . انه كل لحظة احس مذبوحة
دمعتي. لنظرت عيونك يبعد عيوني
ابسبيّيّ راسك ما فارگاني
كل مااصدله والموت اجاني
محد فهمني وراسك قراني
ضل يتلو قرآن وصبراني
ـــــــــــــــــــــــــــــــــــــــــــ
گلبي ايتفطر واحتضر. ياابو عيون الغايرة
كلما اصد الشفتك امن العطش متفطّرة
لوعني (ابن هند النذل) يبن الزجية الطاهرة
يمكن الف موته متت. لمن نكثها بمخصره
ولو متت. اللوم جازيني يبعد اسنيني
ولو متت. للمنية عيونك توديني
بحكمته. الباري لسه و روحي امخليها
لو متت. هواي ارحم ماتشوفك عيني
صعبه وجبيره اعله اهل الشرف
اصبح يسيره لهل الترف
كل هذا خوية اعله الحرة خف
وگطعت اصبعك وحدها طف
ـــــــــــــــــــــــــــــــــــــــــــ
وبلا رقية ردتي ماتت قهر. سبيه
بالطف عليها حافظت ما شافتك رمية
جنت ادري تنطر شوفتك وتعانق المنية
بس الخرابة والطشت فزعن غفل عليه
المعذرة. ضلت ابنيتك يخويه بالغرب
المعذرة. بدل ما بحضانك ابحضن الترب
بجيتي. حيل خجلانه بكثر شوغاتي
المعذرة. ماسلم حتى الطفل من هلـحرب
ياخوية بنتك من غسلتهه
زرگه من السياط اللوعتهه
وانه وحگك لمن شفـــتهه
مردت دليلي وعيني عمتهه
ـــــــــــــــــــــــــــــــــــــــــــ
الشاعر السيد مالك
علي راح دفن إبن الزچيــّه === بـِلـِدْموع سگاها الغاضريّه
علاه الهم ولينه === إبن حيدر علينه
بـِلـِدْموع سگاها الغاضريّه
ـــــــــــــــــــــــــــــــــــــــــــــــــ
علي السجاد صبره صار عنوانه == گصدها الكربله حاملها أحزانه
مثل حيدر طواها الگـاع بيمانه == يدفــن رايد الأجساد مولانه
دمه العين يصب من النواظر === گلب ذاب على الآلام صابر
تصب إدموع عينه === إبن حيدر علينه
بـِلـِدْموع سگاها الغاضريّه
ـــــــ
تعال إويــــــــــــاه ياكـــــــرار للحومه == تلاگيهم على إتراب المجد نومه
إدفنهم يحيدر وإسألـَه إعلومـــــــــــه == علي إبنك إجاهم شايل إهمومه
إجـَه اليوم يشوف إحسين ملچــوم === مجد لاح لگاه إبحومته إيحوم
لأن ما باع دينه === إبن حيدر علينه
بـِلـِدْموع سگاها الغاضريّه
ــــــ
يريت إوياه هذا اليوم ياكــــــــــــرار == تعينه إو ما يظل إبكربله محتار
تشارك بالدفن حيدر يحامي الجــــــــــار == تشيل إحسين وإتدفنه أبو الأحرار
تحل نور يحيدر يا إمامـــــــي === يبو إحسين تدفنه الراح ظامي
فداهم كل بنينه === إبن حيدر علينه
بـِلـِدْموع سگاها الغاضريّه
ــــــ
إجاها الكربلــــــــــــــه السجـــــاد يتحسـّر == على إعيونه تمر إطيوف أبو الأكبر
وإطيوف الشهم عبـــــــــــاس المشكـّر == وإطيوف العقيله من لفاها الشر
أبو الضيم يبث حسراته يمهم === على الگاع يشوف أمجاد دمهم
يبث شوگه إو حنينه === إبن حيدر علينه
بـِلـِدْموع سگاها الغاضريّه
ــــــ
دفن وحده الذبيح إحسيـــــــن والوَنــّه == تباريه إو على صدره وضع إبنه
رضيعه الذبحته النبله إو مضه إبمحنــــه == نظل نحره نشوفه إبكل وكت إحنه
نظل دوم نشوفه منحره إبهم === يصب آه على المظلوم من دم
على حبــّه ربينه === إبن حيدر علينه
بـِلـِدْموع سگاها الغاضريّه
ــــــــــــــــــــــــــــــــــــــــــــــــــ ــــــــــــــ
مع تحيات شاعر اهل البيت / جابر النجفي
مولاتنا زينب ع
من رحت انا و هلي
و رجعت محد ألي
ابلا اخو و لا والي
هذا صاير حالي
يا اهلنة يا اهلنة
••••••••••••••••••••••
من رحت من المدينة ما جنت
حايرة و جم عثرة عالكاع اعثرت
ابلا هزل لمن جيت انا أدللت
و كلشي من احمول انا ما شلت
من اجيت امدللة
من المدينة لكربلاء
حسين حادي العايلة
و الگمـر يبرالي
&&&&&&&&&&&&&&&&&&&
من اجيت اگبالي ما يعبر هواء
يخاف من عباس حمال اللواء
الليل ما شفتة وشفت بس الضوة
و الگمر لو شافة دلالي ارتوة
ما بقة حالي انعكس
و رجعت ابلا حرس
كوة أشتمة النفس
ضاع كلشي غالي
&&&&&&&&&&&&&&&
ايدي جانت شابكة ايد الكفيل
و ناكتي تمشي بهيدة و بدليل
هسة من رجعيت ماعندي سبيل
و كلشي بية بدونهم صاير عليل
كلشي أحبنة كضة
وحك روح المرتضة
بچم مرض متمرضة
و كلشي ما يحلالي
&&&&&&&&&&&&&&&&&&
تختلف يا مشيتي عن رجعتي
ابد ما جانت هزيلة ناگتي
و لا رحت امحدبة بمشيتي
بكربلاء الگمر حارس خيمتي
هسة ما ضلي سند
خيمة و يطيح الوتد
حيل ما باقي بعد
و بالاجل هنيالي
&&&&&&&&&&&&&&&&&&&&
بالمدينة شلون اعيشن صعبة هاي
و داري مابية صوت من وجهه الفياي
وحشة بيتي اخلاف عباسي اهواي
و الگلب يلجمني لو انظر الماي
عيشة ما بيهه طعم
عيشة صارت بس اسم
جسمي صاير بس عظم
و انتهت امالي
&&&&&&&&&&&&&&&&&
زينب انا ام الخدر وحدي صفيت
ابلاية اخوان و اهل خالي البيت
ريتي عندي هواي بس شلي بالريت
و اهلي مدفونين و الوحدي اجيت
من مدامعن عمن
عيوني حيل اتعذبن
والگلب يبجي و حن
الهلي و مالي
&&&&&&&&&&&&&&&&&
بقلم احد الخدام
نعي بين السيده سكينه و راس الإمام الحسين :
بويه بجيت عليك و ضربوني
كلما أون و أشهق يزجروني
مشو عني و بهالبيده خلوني
****
المن الجئ و أشتكي ضيم هالحال
أهلي كلهم ضلو حدر الرمال
و صرنا يتامى بولية الجتال
****
قوم و شوف بنتك شصار بيها
بعد ذاك الدلال المن مخليها
بوسط هالوحشه أغمى عليها
****
ثبت رمح راس حسسن عالوطيه
خايف على بنته تبقى رميه
و تموت لوحدها في هالمسيه
****
جنه يقلها يبنتي أني وياج
و صدي عليه ب أمشي بممشاج
و حتى بعد ذبحتي ما أنساج
عزيزة قلبي و غاليه عليه
****
تمت هذه الكلمات
بقلم : ساجده المبارك
بإشراف الخطيبة : أم أحمد البحراني
(طور القصيده يعباس فقدك هضمنا)
لطميه السيده زينب تشتكي للإمام الحسين :
يخويه أمشي سبيه
يخويه بونه خفيه
****
يخويه شحجي عن حالي
ذبحوا أهلي و رجالي
غريبه ما إلي والي
أعثر و أسحب ذيالي
هضموني يا سردالي
و ما تنهض يهل غالي
يخويه شفت الأذيه
يخويه بونه خفيه
****
تدري ماتت أحلامي
غميجه عقبك أيامي
كبيره و الله ألامي
و قوه أرفع أجدامي
قبالي ضربو أيتامي
منين أجيب إلي حامي
يخويه جارو عليه
يخويه بونه خفيه
****
عليه دارت العدوان
ما بيهم فرد إنسان
شبوا بالخيم نيران
ما خلوا إلي صيوان
غدرني دهري الخوان
أبجي و القلب لهفان
يخويه مالي تجيه
يخويه بونه خفيه
****
يا أبن أمي ضربوني
و زرقه صارت متوني
و من أركض يلحقوني
على عيني يلطموني
من حزني أنخطف لوني
و شقلك خابت ظنوني
يخويه شتمو الزجيه
يخويه بونه خفيه
****
شفت ضيم و قهر ذله
و بروحي ألف عله
نوحي عليك فلا أمله
يا من تسوى العمر كله
أريد تعود لون مهله
تشوف حال أختك الثكله
يخويه الدمعه جريه
يخويه بونه خفيه
****
تمت هذه الكلمات
بقلم : ساجده المبارك
بإشراف الخطيبة : أم أحمد البحراني
شوط كربلائي ...
زينب ياعلي الكرار فوك الهزل مسبيه
وحيده بين هلعدوان منك تنتظر جيه
---------------------------------------------------
وينه اليوصل الحيدر وعن الي جره يخبره
يكله الزينبك هل يوم انهض والكبر طره
للكوفه خذاها ايزبد مسبيه مشت بامره
غريبه ولا اخو العدها
تعال احضر يوالدها
ردها من اليسر ردها
اهلها بساحه الميدان ضلت جثث مرميه
---------------------------------------------------
يطارش للغري اتعنى وصيح بصوت ياحيدر
الك حرمه بوسط عدوان تريدك ياعلي تحضر
يمن رد الشمس يمناه يرد هذا الضعن يكدر
لحك ياعلي عليها
غريبه بين اعديها
سيفك كون يفنيها
ومن الهضم ياحيدر تراها اصبحت محنيه
--------------------------------------------------
عقيلتكم يحامي الجار عكب عباس يسبوها
مجتوفه اعلى الضهر النوك لبن ازياد ودوها
يهل الحرب يهل الخيل غربيه ليش عفتوها
بيها النوك تتعثر
لا عباس لاحيدر
يجيها الزينب ويحضر
يليوث الوغى زينب عليكم ضلت اربيه
------------------------------------------------
من عكب الخدر والعز زينب مشت وي عدوان
ريتك ياعلي حاضر بيوم الطبت الديوان
هيبه حيدره صاحو وشجاعه من كمر عدنان
من دخلت عل ضالم
ضل يسال يهل وادم
حيدر لو كمر هاشم
بصبرها بت علي الكرار ذلت كل بني ميه
-----------------------------------------
*
✍نور الولايه الفاطميه
ليش يا موت تاخذ انته الغالي
ليش يا موت مو تعب دلالي
راحو بعمر الورد *نامو بوصط لحد
ليش يا موت ليش يا موت
**
مگابل اصورهم وسولف والدمع مني يهلي
ليش عفتوني انا وحدي ونمتو برملت علي
عتاب وي الموت عندي گام يستنگه بهلي
مشو كل عزاز گلبي وبعد ما ضلي ولي
ابجي وحدي من بعدهم
روحي صاحت ودني الهم
ليش يا موت ليش يا موت
****
روحي تنشدني عليهم والگلب ينگط دمه
اشلون اطب اديار اهلنه وهيه وحشه ومضلمه
حگه من يبجي وينادي ويدعي يا رب السمه
بفگد يوسف ما تحمل هلك يعقوب وعمه
ورجع يوسف دمعه جف *وانا نامو بل نجف
ليش يا موت ليش يا موت
*
احلف بدر الهواشم والحنينه الرضعته
بگلبي طك شريان البهر من مشو بجنازته
ارحم بگلب اليحبك لا تخله بلوعته
الراح ما ننساه يخوتي واحنه هسه بعازته
الموت شنهو يريد بس حاجينه
ومو تعبنه منل الصبر ملينه
ليش يا موت ليش يا موت
***
حجيلي من فدوه انا گلك يل نمت وصط الگبر
خويه نفس النوم تذكر لو فرشنه احنه العصر
راح اضل انعاك خويه وانتحب طول العمر
وانا ادري الرمل حار اشلون لو جاك الضهر
تنعصر روحي عله روحك * تبقه تنزف دم جروحك
ليش يا موت ليش يا موت
****
#_سعيد_العكيلي
استشهاد الامام الحسن المجتبى ع
انه الحسن يا هالناس يشبهني بس العباس
بالسيف الي احچايه من احمل الرايه
يشبهني بس العباس
****
بالكرم ادري اتوزع عليكم صيتي
حيدر ابويه اشتطلع اذن تربيتي
ليش (الجمل) محد يسولف بيها
انه الگلبت الأول ابتاليها
ويه الدلال المعركه چافيها
للدله مو بس النار يجدح بديه الفقار
حيدر علي اويايه من احمل الرايه
يشبهني بس العباس
****
بثْلث حرايب راية ابويه ابايدي
وانه اصرخ اكثر يالله الكتايب زيدي
البصره فلا تنسه ابد قتالي
بعده عليها منرسم خيالي
رمحي ابشمسها الهل وكت يلالي
بالبصره سألو اشسويت بآل الزبير اشخليت
چان النصر غايه من احمل الرايه
يشبهني بس العباس
****
ثاني حروبي بيها انكتب عنواني
الشام وزلمها فنها إذا تنساني
وكت الزعل سألو عَلَي صفيني
باليمنه وحدي والدي امخليني
عل مهره يم عدواني تضحك عيني
حيدر يعاين مناك ويگلي يبني حياك
وسط الحرب آيه من احمل الرايه
يشبهني بس العباس
****
بين آل اميه ميداني كله ابكيفي
الشارد ميدري صار اتجاها السيفي
من كل كتر موت انه أطلع ليهم
مهله يشمون الهوه مَنطيهم
وي سيفي عزرائيل يحصد بيهم
كلها اتجاهي الدروب ايلاگوني صارو كل صوب
اتفنن ابهايه من احمل الرايه
يشبهني بس العباس
****
انه المنيه بسيفي صور ميعادي
الحمله الاخيره بالنهروان امجادي
تاريخي خله ايسولف البطوله
اشمحلاته سيفي اعله الكفر نزوله
اكتاب الله احنه انرفعه لا مو ذوله
للخرجو انطيت ادروس اگطع واردّن بالروس
سيفي عِله إفيايه من احمل الرايه
يشبهني بس العباس
****
اليسألني رايد خل يستمع للآتي
من زغري آني لابس هذن ريشاتي
ابدم الزلم وسط الحرب صابغهن
بس الكفل إختي كفو صار الهن
باچر عضيدي اعله النهر يلبسهن
يصرخ غداً بالخيمات انطاني الحسن هالريشات
هوه اليدگ ثايه من احمل الرايه
يشبهني بس العباس
****
الشاعر اياد الديراوي
زينب لاخوها بليل تعثر راحت
دليني وين اندل مكانك صاحت
يبن امي صاحت وينك.. يبن امي صاحت وينك
****
جيت بدمع مسفوح
وين الكاك مطروح
افتر عالمجاتيل
من مذبوح مذبوح
طلعت بليل اضلم والدرب عثره
ادور يا نحر بيها اثنعش طبره
ادور وين اكو حاني الرمح ضهره
الساحكته الحوافر و انطحن صدره
وكَطرات دمك بالحوافر فاحت
دليني وين اندل مكانك صاحت
يبن امي صاحت وينك.. يبن امي صاحت وينك
****
جيتك امشي بهداي
حرمه متيهه الراي
ظهري وصوتي مذبوح
وامشي بكسر مكفاي
دليني اعلى جسمك راحت متوني
ليل اضلم كمت ماشوف بعيوني
محنيه الظهر يحسين خلوني
جزه الخمسين عمري وبيك ذبحوني
من حكها زينب عالوجه لو طاحت
دليني وين اندل مكانك صاحت
يبن امي صاحت وينك.. يبن امي صاحت وينك
****
راح وياكم الحيل
زينب شافت الويل
امشي وظهري مكسور
اجيت بوحشة الليل
وين انطي الوجه يحسين دليني
حسره تجيبني وحسره توديني
اشم بس عطرك وما اشوفك بعيني
دخان الخيم والسوط عاميني
اختك يبعد العين بالطف ناحت
دليني وين اندل مكانك صاحت
يبن امي صاحت وينك.. يبن امي صاحت وينك
****
اجيت بكلبي لجمات
شتلت دروبي دمعات
وكمت اشتم بالتراب
حسيني بيا كتر مات
شفت يحسين جسمك تارس الهيمه
اجيت بضيم كلبي ويشكي من ضيمه
مذبوح بقميصك تنشر الغيمه
ياخويه اعلى راسي طاحت الخيمه
خلصت سحكها الخيل واستراحت
دليني وين اندل مكانك صاحت
يبن امي صاحت وينك.. يبن امي صاحت وينك
****
حكهه اتييه العين
مكانك بالسحك وين
الحوافر ترست الكاع
بجسمك خويه يحسين
اجيتك يالغريب واكسر الخاطر
بس تيهني دربك سحكة الحافر
وي كل خطوه الك تارك اثر صاير
ومن عظام جسمك للخيم عابر
وعين الشماته كبال عيني ارتاحت
دليني وين اندل مكانك صاحت
يبن امي صاحت وينك.. يبن امي صاحت وينك
****
تمت
احمد الخفاجي
(نعي مفجع
مـو بـيـدي الامـر تـدريـه يحسين
زجــر وخـولـه الـبـيّــه مـاشـيـن
خلي انـتـوّادع يـا ضـوه الـعـيـن
بـاچـر اروح وحـصـتـي الأونـيـن
خـاف اتـگـول زيـنـب ما أجتني
وخـاف اتـگــول زيـنـب ضيعني
جـيـت وبـعـدهـه أثــار مـتـنـي
اشّــر عَــلّـي كـونــك شـفـتـنـي
نـعـمـه واجـيـت ابـلـيـل شـفـتـك
وتـدري العساچر حـاطـت اخـتـك
يحسين حـاچـيني اعـلـه بـخـتـك
نـشــد عــلـيـك ارقــيــه بــنــتــك
*------------------------*------------------*
✍خادم الحسين ع
الشاعر رعد الجريخي
حصریا
مقطوعه شعریه بـ عنوان السلامُ علی الحسین
السلام علی الحسین
وعلی.......
کل فتحت جرح مرهمها چان اتراب
اسلم اعلیک وانه ادري الجرح ماطاب
خضره جروحک وما سومرت للیوم
هوه الما یعشگک عشگه چذاب
یالمعدل.....
یالمعتبر.....
حلوه ارسومک اشما خربتها الخیل
یالمتعبها حیل وحیلک انته الذاب
یالمطشر وخیرک تارس الگاع
یالعمرک چبیر وجرحک شگد شاب
الجرح کون احترام الجرح الحسین
کون بمستحا یتنگب انگاب
من رخصت حسین انوب......
اسلم اعله کسر ظهر النهر نصین
المکشف الشریعه وجاي هادود
اسلم اعله المودي اگوامه للخال
چا غیر ابو فاضل وابن الحیود
المخلي الزلم تتراهب من الخوف
غیر حسین اخیه ومنه ماخذ زود
الماضایک هضم ومرورة الشجعان
لا حسباله تنفع کثرة اجنود
الحافر بلوه یا وادم #بالحسین
یسحگ روحه رده ضل #بالحسین
لو عباس عایش چا #بالحسین
چا کسر حوافر خیل امیه
ــــــــــــــــــــــــــــــــــــــــــــــــ
تمت بعون الله تعالى
کلمات یاسمین الشموسي
لطمية مربعة خفيفة الى الأمام الحسين علية سلام في كربلاء بعد واقعه الطف
==================
العروه الوثقى اليوم علرمح راسه يلالي
===
اليوم راسك سيدي معلينه
تصدله وتنادي يويلي سكينه
بويه من بعدك صدك ذلينه
الشمر سوطه علوجه ياذينه
قران يتلو ايات واحنه دمعنه هالي
العروه الوثقى اليوم علرمح راسه يلالي
===
شلون لو صار اليل وخيامنه حركوه
وعمتي شاطت ليك اعداك ماخلوهه
عاتبتكم بسكوت كعدو وردوهه
لو حدت بينه النوك عمتي جتفوهه
بويه من صار اليل غربه ونريد الوالي
العروه الوثقى اليوم علرمح راسه يلالي
===
تدري بينه نسوان والعليل ويانه
من المرض كوه يكوم وعمتي حيرانه
حدو بينه بليل والهضم سلانه
اشلون نمشي يحسين وجثتك عريانه
وين عني العباس ريته يشاهد حالي
العروه الوثقى اليوم علرمح راسه يلالي
===
كربلاء بيهه اهات والولي مسلبينه
واحنه من فوك النوك والحبل ماذينه
تنحب وتبجي عليك بويه تدري سكينه
نشدو رقيه الشمات وين ابيج وينه
رقيه شافت الرأس والدمع منها هالي
العروه الوثقى اليوم علرمح راسه يلالي
===
حملونه بليل والعطش جوانه
وينكم يلوليان من يرد ويانه
عتاب عدنه العباس وي العده خلانة
عشريعه مطروح ونايم بميدانه
عكب عين الرواي الشمر يبرالي
العروه الوثقى اليوم علرمح راسه يلالي
===
راسك يصد يحسين والايتام تنادي
عمه زينب حاجينه يمشي حيل الحادي
اخلاف عينك يحسين مادريت شسادي
اليل كله يلوعون ونارهم بفادي
من ونينك يحسين منفطر دلالي
العروه الوثقى اليوم علرمح راسه يلالي
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي
لطميه فزاعية للسيدة زينب عليها السلام
تشرح حال السبي
===================
باجر لليسر ماشين
تمشي الروس ويانه
===
حاجيني يبو سكينه
عكبك من يرد بينة
على العباس حنينه
نايم عشريعة وين ذرعانه
===
باجر من يجتفونه
وابنك تهمل عيونه
واخيتك مشت محزونه
عدهه عتاب صاحت وين منوانه
===
مرونه على الحومه
شفته مسلبه اهدومه
صحت بسك من النومه
يطكونه لون صحنه يملفانه
===
مشينه وماالنه والي
وراسك عرمح عالي
اصدله وينهضم حالي
لو طكو بناته تشبح عيونه
===
خويه عليك مرينه
سلمنه وتعدينه
ماتسمع بواجينه
عنكم لليسر رحنه تعذرونه
===
بناتك كالن بعبره
للعلكمي خن ادوره
ونكله عكبك بذله
عكبك يبو فاضل مايرحمونه
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي
هوسات للدفن الاجساد في كربلاء يوم ١٣ محرم الامام السجاد
==================
رايح للدفن ياعمة عينيني
مكسور الضهر والمرض ماذيني
مالي عين اعوف إلا ابو مطروح
يعاتبني واخاف العتب ياذيني
هوسة
صعبة علية من اصد لضلوعة
===
الك متعني بوية وروحي خلصانة
ردنة من نرد اتروح ويانة
زينب عمتي من الفركة عميانة
تون وتكول للخوان حزنانة
هوسة
كالت للولي اخذوني اودعنة
===
طلعت للمعارة بليل متعنية
وصلت للحنين بدمعة مخفية
تصيح الله واكبر هاي تالية
الجان اتلوذ كل الوادم بفية
هوسة
مكطعينة بسيف ابن امي
===
وصلت للحنين وشافتة اشلونة
الدم من هامتة نازل على عيونة
عطشان وخرب من العطش لونة
تكلة اكعد يخوية اعداك فجعونة
هوسة
تدنت لية وتلم ابمفاصيلة
===
لمن شافتة زينب غمة عليها
عصرهة الويل وتشمر بايديها
صاحت والونين تونة بسكوت
زينب هاي ماتكعد تحاجيهة
هوسة
من شافت المذبوح صاحت ياعلي
===
ركب مهرة العيل وهلت الدمعة
يكول البية روحي اشلون انة ودعة
اجيت ادفن ابيي الهشمو ضلعة
حرت من وصلت الة اشلون انة اجمعة
هوسة
من حر الشموس مغيرة الوانة
===
تدنيت ارد اشيلة وارد انزلنة
عفتة لمن شفتة بدمة محنة
خنكنتي عبرتي واجذب الونة
عكب عينك يبوية عمري ما اريدنة
هوسة
وسدت الطفل وياة زينب عمة عذريني
===
تمت بحمد الله تعالى بقلم خادمة اهل البيت عليهم السلام ملة زينب الطويرجاوي
لطمية مربعة إلى الأمام الحسين علية سلام في ليلة الدفن مع الأمام السجاد عليهم السلام
===================
اشلون اباريه جسمك المنه
امطبر عثرى والخيل داسنه
===
انوح اعليك بويه ونار تجويني
فراكك يابعد روحي ماذيني
عفاني وروح الي وعدله تخليني
اصد الجثتك وضلوعي تتحنه
===
عفتني وعمتي بعيال محتاره
بعدك يبو الاكبر مالي جاره
ادور عصبر ضيعت معباره
اون اعليك عمري وما افل ونه
===
يبويه اشلون المها اضلوعك الطشار
ادور بلمعاره والفكر محتار
مطبوك على ضهرك خلتك نثار
العضم وي الرمل بدوس عججنه
===
عفتها عمتي تتنظر وتاني
واجيتك ياعزيزي طايره اذهاني
اسمع ونتك والكلب لواني
وياك المنيه بويه اتمنى
===
يانور الله المطشر مايلومونه
راسه على الرمح والجثه مطحونه
عليك الحيل طايح وانبهت لونه
المنك يبويه وروحي تتحنى
===
اويلي عليه صدرك حافر امرده
ولا ضلك ضلع يحسين ونعده
مطحونه طحن بروحه والرده
الخيل الاعوجيه عليك تتعنى
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي
قصيده درب السبي
حال لسان مولاتي زينب
مشيت ودمعي وياي / غريبه وماكو حداي
اخوتي الراحو اشلون
وبعد ما ظن يردون
غريبه وماكو حداي / غريبه وماكو حداي
ــــــــــــــــــــــــــــــــــــــــــــــــــ
شفت متني وبجيت وياهو اشكيله
ولا ظلالي واحد من تجي العيله
ياهو الراح احشمه وجدمي يمشيله
عفتهم عالفرات وسفرتي اطويله
مشيت وجدمي مهموم
وحيده وگلبي ملجوم
ودليلي مفارك الماي/ غريبه وماكو حداي
ــــــــــــــــــــــــــــــــــــــــــــــــــ
شسولف ياجرح كلهن علي مرن
وشفت نسوان اخوتي بسنسله انجرن
ما بين الغرب بالكوفه من طرن
احس دمعاتي من دم عالوجن خرن
جبيره الناگه ياحسين
واحيرن صعدتي امنين
ولا واحد بقه حذاي / غربه وماكو حداي
ـــــــــــــــــــــــــــــــــــــــــــــــــ
ظعنه ابلايه والي ورايح بهمه
ولو طش الظعن ياهو اليجي ايلمه
كل ساعه واشوفن بالدرب لمه
وتجّمع غرب يم راس ابو اليمه
كبل ما ذبحو انسان
ولا مسبيه نسوان
ولامرت كبل هاي / غريبه وماكو حداي
ـــــــــــــــــــــــــــــــــــــــــــــــــ
انا اجدامي الجمر ياخويه جاويها
وروحي معلعله وياهو اليباريها
ابد ما حسبت تجفي وتخليها
الجبتها امن المدينه ارجوك ردببها
الرمح يمشي وعليه راس
وشفت تتفرج الناس
ودليلي تعذب هواي / غريبه وماكو حداي
ــــــــــــــــــــــــــــــــــــــــــــــــــ
ردت ساعت زمان ارتاح تعبانه
ومن كثر المشي ياخويه نهلانه
بدروب السبي وعيوني سهرانه
وعلى صوركم يخويه هواي عطشانه
اريدن اگعد وياك
وسولفلك على اعداك
نكطع منك يارجواي / غريبه وماكو حداي
ــــــــــــــــــــــــــــــــــــــــــــــــــ
ابو هاجر المجراوي
(نعي يوم الدفن)
يا دفان اخوتي النهر شفته
لگيت الحيد متوسد اعله جفته
شوصه اشگالك لمن دفنته
هم وصاك بالمسبيه اخته
وفي عباس راضع وفه بدرته ...
(ابو ذية يوم الدفن)
امبيت ليه دهري شربيته *
وبتنه بگصر الاگشر شربيته
ابوك اميه عمه شربيته * انذبح عطشان من سوده عليه ...
خلص عمري وگضيته اني بلا شلون * افك من لون شو عگبه بلا شلون
اشربه الماي يا عمه بلا شلون * اذا بلا راس جسمه عل الوطيه ...
الخادم سيد عبدالله المگصوصي
(طور القصيده شمس من سلهمت)
نعي في غربة السيده زينب بلسان حالها :
فقد الأهل يا ناس يخطف اللون
يهد حيل كل من جانت أميره
****
و بعد ذاك الدلال و الخدر و الصون
صارت تمشي من ديره الديره
****
كل ساعه تفكر بهالحاله شلون
و تريد العمر يخلص كل ظهيره
****
تذكر أيامها الحلوه أم عون
من جان اوياها أبو الغيره
****
جان بوجوده كل حاجه تهون
و أبد ما خلاها بشده و حيره
****
يقبل إيدها و يضمها الحنون
و عليه تتدلل أخته الكبيره
****
شالو الغوالي حلوين العيون
و كسروا جناحي كسرت الطيره
****
وديعة علي تراني يالتنشدون
وضعي أختلف ابكل مضاميره
****
و من يصدق تخضر مني المتون
و يصير أسمي هاليوم الأسيره
****
تمت هذه الكلمات
بقلم : ساجده المبارك
بإشراف الخطيبة : أم أحمد البحراني
نعي عتاب السيده زينب للعباس :
يا عباس حاجيني جا ليش عني تخليت
و ما قلت أخيتي تضيع لو عنها مشيت
شنهو العذر و قبالهم طحت و تعثريت
و لا عندي كافل يرد القوم و الي يحضر
****
ياخويه ضعت خلاف شخصك شلون ضيعه
ضيعت الصبر بعدك و ذبل عمري كل ربيعه
ضربوني بسياطهم من نمت صوب الشريعه
و يشتمني حرمله و كل من إجى يتجسر
****
قوم أنهض و شوف حالتي ضليت بحيره
و ما ضل صيوان يحميني يابو الغيره
ترضاها زينب تمشي من ديره لديره
و يرعبني ظلام الليل في وسط هالبر
****
جواب العباس
يا زينب هونج ياختي بطلي هالعتاب
مو بيدي مفضوخ راسي مثل داحي الباب
مقطوعه جفيني و السهم بعيني منصاب
و الحيل مني يالعقيله ترا كلش تكسر
****
ماقدر أتحمل عتابج يا نور هالعين
و منج أعتذر لو مشيتي بين البلادين
و بوجودي محد وصل لج و انتي تدرين
هسه شبيدي و دمي بالقاع صار يتقطر
****
تمت هذه الكلمات
بقلم : ساجده المبارك
بإشراف الخطيبة : أم أحمد البحراني
قصديه موشح لليلة الحادي عشر
****
الليله زينب والعيال بلا خيام
بين ارهاب ورعب خوف ولئام
****
شلون ليله هاي يارب السمه
ال بيت المصطفى وحامي الحمه
ظلت بطرك الدموع الساچمه
وعله رماد الخيم هالليله تنام
****
اهل بيت العزه وربات الدلال
كبل ماواحد لمح الهم خيال
شلون هالليله تبات اعله الرمال
وين عنهم حيدره وسيد الانام
****
هنَّ علويات خِدَّر طاهرات
ايدهن وجدامهن متجويات
حافايات وضاميات وخائفات
العلّمو هالدنيه معنى الاحتشام
****
خيالهن يستحي يعاينله الضوه
نضربن وعالمتن جم سوط التوه
اه واويلاه منج نينوه
ليش هيج صنعتي بال الله الكرام
****
كبل زينب ابد ماشافتها عين
صارت من الضرب تشكف بالادين
مخدرة حيدر علي وتدريها زين
اشد من الموت نظرات الحرام
****
من الظهر لليل دمعات ونياح
صار كلشي عليها بالعاشر مباح
والاشد تنتظره لو طر الصباح
وكل زلمها اعله الثره مطرزه بسهام
****
عين يم حسين واُخره اعله الكفيل
والكلب يندب يحماي الدخيل
بين ايتام وارامل والعليل
وغير سب وشتم ماتسمع كلام
****
تسكّت اليبجي وتصبر باليون
ولو غفو صاحت يأذيني المتن
شافت المامر على بال الحزن
والاشد يتناها من يمشي الظلام
****
راح ذاك الزمن مايرجع بعد
عالشريعه ماتت حروف الوعد
وانذبح من الكفه طير السعد
وقرت ام الخدر عالخدر السلام
****
خادم اهل البيت عليهم السلام
الشاعر السيد{هاشم قاسم الداودي البلداوي}