7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة لرسول الله ص واله
اني يا والدي اصبحت ضايعه
روحي متغربه وبعدك املوعه
=====================
بويه بويه الناس بعدك ما رعوني
كسرو اضلوعي تره وسطرو عيوني
بليل مظلم وبحقدهم من اجوني
شبو النار او وره الباب اعصروني
لمه محسن وكع هم عليهم دعه
روحي متغربه وبعدك املوعه
=====================
كلبي مايبرد ولا يخلص عذابه
وشيصبره الفاكد العايش مصابه
البنت لو غاب الابو تموت بغايبه
والله مشتاكَه تكلك روحي يابه
ابجي ولدمعتي ناحت السابعه
روحي متغربه وبعدك املوعه
======================
زهرتك اني يمن وصيت بيه
ذوله اصحابك تره الهجمو عليه
من حقدهم حته بسمار المنيه
ضل ينوح لحالتي بكل مغربيه
الدمه عالارض صارت اموزعه
روحي متغربه وبعدك املوعه
======================
ليلة الهجمو عليه اهوايه كلفه
واجهوني بلايه رحمه وروح صلفه
اني فاطم كلت الهم لجن وسفه
خلو ابروحي جرح ما اضنه يشفه
السمه والارض تبجي للفاجعه
روحي متغربه وبعدك املوعه
======================
علي مجتف بالوصيه وناره تسعر
ضل يون لمن اصيح الحكني حيدر
راد يفنيهم علي وبجفوفه يكدر
صبر لكن حته تبقه اللهُ اكبر
ينعه ضل والحجر انفطر من نعه
روحي متغربه وبعدك املوعه
======================
انته فعلن جنت الي الاب المثالي
يلحنين انطر تجي وتشوف حالي
صرت محنيت ظهر من الجرالي
وانطر اجفوفك تدك بابي يغالي
والفكَد من يشم الهوه يوجعه
روحي متغربه وبعدك املوعه
======================
ابيت الاحزان اكعد ومرات اجيلك
من ظلم اهل الخلافه واشتكيلك
مثل ما اذوك اذوني برحيلك
مثل كلبي النار خلوها بدليلك
اليضمه الترب بويه شيرجعه
روحي متغربه وبعدك املوعه
===================
حكَي لو ابجيلك بليلي ونهاري
ابد ماتطفه ولا اضن تهده ناري
وعد حد الموت دمعي اعليك جاري
بيت الاحزان اصبحت يابويه داري
ربي ينظر الي برحمته الواسعه
روحي متغربه وبعدك املوعه
==================حسين المحامي
راح النبي راح ضجت ملائكت السمه
راح النبي راح وتنوح ضلت فاطمه
راح النبي راح مأجور ياحامي الحمه
راح النبي
================
ليله من اقسه الليالي تعبت كَلب الزجيه
ما ارتاحت كل عمرها حيل ذبلت هالمسيه
هواي اذتها المصايب جم مصاب وجم رزيه
فراك الابو ياناس شيب كلبها
وشلت دمع العين واظلم دربها
ياوالدي تصيح المن عفتني بهل الغرب
ياوالدي اتصيح مكسوره والموقف صعب
بيها الحزن لاح مأجور ياحامي الحمه
راح النبي
================
نادت ابونه ثجيله كسرت الفاكد جبيره
ياهو النه من عفتني بويه ياشيخ العشيره
مدلله وابفيك امشي اني اليسموني اميره
ضلت تون والنوح بجه السماوات
واهل العرش هاليوم هلوله دمعات
اهل السمه اليوم من شافت بفاطم الم
اهل السمه اليوم لبست سواد وتبجي دم
عطر الفكد فاح مأجور ياحامي الحمه
راح النبي
=================
راح نور الله وحبيبه ياهو اليعوص مكانه
تارس الدنيه بمحنته خيمه عالزهره بحنانه
والفكَد بالدنيه مثله حاير ايضل ابزمانه
يبجي لرحيله الطير والشجر والماي
فكَد النبي المختار اذاهم اهواي
متغير هواي والكون جنه بلا هوه
متغير هواي مجروح ضل ابلا دوه
صوت العرش صاح مأجور ياحامي الحمه
راح النبي
==================
انثلم دين الله بعده. الليله تنعاه الامامه
حسين جان ازغير لاجن عالنبي يلطم بهامه
كله ياجدي اتركتني. يمته ترجع بالسلامه
بان الحزن بحسين وتغير اللون
من كد دموعه اعليه ذبلانه العيون
المدلل حسين هاليوم شالوه ابنعش
المدلل حسين يبجيله هاليله العرش
لمن سمع طاح مأجور ياحامي الحمه
راح النبي
==================
حيدر ايودع باخيه وكله خويه الدنيه صعبه
باخر انفاسه يوصي وبكلامه يذوب كلبه
وصه حيدر بالزجيه عينه صارت الها تربه
كله يحيدر هاي فاطم امانه
باجر تره يغدرون اهل الخيانه
وبدمعة العين باخر نفس وصه علي
وبدمعة العين كله انته من بعدي الولي
ماضنه مرتاح مأجور ياحامي الحمه
راح النبي
===============حسين المحامي
⬛️◼️القصيدة-1-◼️⬛️
يومٌ بهِ جبريلُ راحَ يُنادي
قد ماتَ أحمدُ علةُ الإيجادِ
وأنا أمينُ الوَحيِِِّ صرتُ بوَحشةٍ
بعَد النبيّ ِ الطاهر ِ ِالأجدادِ
أَقرَأتُـهُ سُوراً فكانَ مُعلمي
بِحِـرآءَ يَتلوها بِعُمقِ الوادِي
فمُحمدٌ حازَ المكارمَ والعُلا
وحَباهُ ربُ الكونِ بالأمجادِ
سِرٌ فريدٌ حيثُ لولا نورُهُ
ماقَرتِ الأرواحُ في الأجسادِ
فلَقد رأى مِن قومِهِ كُلَ الأذىٰ
بالسُوءِ جازَوُه ُ معَ الأحقادِ
ونظرتُ عِزرآئيلَ يأخذُ إذنـَهُ
ويقولُ عٰذراً جِئتُ لِلميعادِ
فَلِِصدرِهِ اعَتنقَ الحُسينُ وهٰكذا
حَسنٌ يُقّبِلُهُ ويَبكي الهادِي
وبحِجرِ حَيدرةٍ قَضىٰ لهفي لهُ
وعليهِ أجهشَ سيدُ الأسيادِ
والبَضعةُ الزهرآءُ تنشُجُ عالياً
ودُموعُها امتزجَت بحُزنٍ بادِ
أبتاهُ ياخيرَ العبادِ أرومةً *
أَجّّلْ رَحيلَكَ واستَمِع لِمُرادي
خُذني إلىٰ حيثُ المنيةِ يأأبي
فَحياتيَ اتشَحَت بِكُلِ سَوادِ
قَد كُنتَ لي ظٍلاً ألوذُ بِجنبهِ
ياوالِدي مَهلاً جَرَحتَ فُؤآدي
#سميرالصالحي
#النجف_الأشرف
* أرومة = شريف الأصل والحسب والنسب
⚫️ نعي لشهادة الرسول ص
صرخ جبريل مات النبي المختار
وعليه العرش يبچي بليل ونهار
والله يساعدك يا علي الكرار
على فراگ ابن عمك علة الكون
شبع ضيم ومرار وقهر وهموم
ورحل وسفه واظنه راح مسموم
من گومه واصحابه شكثر مظلوم
يعاني وخلص كل سنينه محزون
عگب موته غدت تندبه الزهره
تصيح الله بويه وتجر حسره
عيني شلون وجهك ما تنظره
لظل بعدك عليله مغيره اللون
يبو ابراهيم ما ينحمل فرگاك
يريت الموت إجه ياخذني وياك
يبويه ادري وبعد مايصح ملگاك
لنوح اعليك بلچن تعمه العيون
#سمير_الصالحي
#النجف_الأشرف
يارسول الله العظيم شها لرزيه
من دنت للروح ساعات المنيه
علــــى الاعقاب انكلبت اصحاب
وذوي القربى للصحابه امسو ضحيه
---------------------------------------------------
الجانو اصحابك لون ماجانو اصحاب
سوو الما سوته اعدائك والاجناب
ابد ما نندهش لو تتعدى الاغراب
لكن الدهشه الصحابه الدفعو الباب
باب بنتك فاطمه الزهره الزجيه
يندفع بيد التسمو راشديه
صارو ذياب. ضد الاحباب
وذوي القربى للصحابه امسو ضحيه
----------------------------------------------------
جذبو السموهم اصحاب الرسول
لان ما راعو محمد بالبتول
الهاجمو بيت النبي ودار النزول
ذوله اهل الشرك من بدء الاصول
هاجمو دار الرساله بهمجيه
لارعو لله ذمه و لا نبيه
انسلت احراب. ضد الاطياب
وذوي القربى للصحابه امسو ضحيه
----------------------------------------------------
بيا وجه يلكون ربهم يوم الحساب
باجر اتصير القيامه ويشهد الباب
توكف الزهره الزجيه اتقدم المصاب
اتكول ربي بياذنب وتقدم اسباب
اتكول ربي بيا ذنب هجمو عليه
نكرو الغيره ولا عدهم حميه
هتكو حجاب. اشرف انساب
وذي القربى للصحابه امسو ضحيه
----------------------------------------------------
افان مات محمد طلعت اسرار
انكلبو الجانو صحابه وصارواشرار
المؤمن الصاحب محمد بالشرف سار
والكشف دار الرساله يمشي بالعار
بالجبين العار دنيه واخريه
لكلمن يعادي النبي واهله وبنيه
وجاب الارهاب. من ورا الباب
وذوي القربى للصحابه امسو ضحيه
----------------------------------------------------
محمد النوري
قصيده بحق الرسول الكريم (ع)
الليله الزهره اتودعه
واعله الوالد تنعه
وتنادي بيا دمعه
يابويه يابويه
١
العاشت روحه بين الناس گعدت يمه بالدمعه
الزهره اتگله احچي وياي خل اشبع حچي وانعه
يسمعها ويحس محتار الزهره ورايده اتسمعه
يحرك بيها صوته احساس أبوها گبل لتودعه
تنظرله وتتأمل
وتشم بي لا ترحل
ابنيتك ما تتحمل
يابويه يابويه
٢
خل نسمع وحي الارواح من تتلاگه حنيه
الزهره والنبي روحين يتلاگن ابفد نيه
لا تحرمني نظراتك يبويه وعاين اعليه
خليني بوداع الموت اشبع منك اشويه
بين وداعك روحي
تنزف گام جروحي
ادري تحس بنوحي
يابويه يابويه
٣
النبي حاچاها آخر صوت ويعاين مدامعها
راد الدمعه يمسحها بخدها وأيده يرفعها
رفعها وذكر چف ملعون الخد الزهره يصفعها
بين الباب والحايط لمن گام يدفعها
ودموعه التجاره
تنظرله ومحتاره
اتگله وتسعر ناره
يابويه يابويه
٤
خاف ايسولف الأخبار ألها ويشرح بعبره
خاف ايجيب طاري النار والباب وألم عصره
خاف المحسن ايمر بيه ويحچي عنه ويذكره
ضل ساكت وينظر گام الخدها ويذكر السطره
ما راد ايأذيها
يدري اشصاير بيها
والزهره يحاچيها
يابويه يابويه
٥
سلم للقدر مابين روحه من الجسد تطلع
و روح الزهره عالمسموم بين الآه والمدمع
آخر كلمه نتلاگه گلها وفاطمه تسمع
وعيون النبي بحسرات ألها ايعاين وتدمع
عاينها بنظراته
ويهلن دمعاته
ودعها بحسراته
يابويه يابويه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
ستشهاد النبي
يادفان جد حسين ريض خل يودعونه
الله يعين حيدر منكسر ضهره
برمشت عين منه يروح ابوالزهره
النازل رحمه باجر ينزل ابكَبره
وتتعثر دمعته ابطارف اعيونه
يادفان جد حسين ريض خل يودعونه
،،،،،،،،،،،،،،،،،،،،،،،،
الزهره يهل دمعها وتمشي محنيه
صاحت بويه ترجع حيل مابيه
يادفان فدوه اتريض اشويه
زينب والحسن وحسين يردونه
يادفان جد حسين ريض خل يودعونه
،،،،،،،،،،،،،،،،،،،،،،،،
شلون حسين حاله ودمعته تجرحه
ليل الهجر ماطر عالكَلب صبحه
الغدرو جده وادم باجر اتذبحه
الغدرو جده باجر مايرحمونه
يادفان جد حسين ريض خل يودعونه
،،،،،،،،،،،،،،،،،،،،،،،،
ويلي الحسن يبجي وروحه تتوازه
جنازه ويهل دمعه فوكَ الجنازه
ليش الكَلب غفله اتسافر اعزازه
كَوه يشيل روحه ومنخطف لونه
يادفان جد حسين ريض خل يودعونه
،،،،،،،،،،،،،،،،،،،،،،،،
مات النبي وزينب تلطم الهامه
راح الجان حلوه وياهم ايامه
تشوف حسين حزم للضمه حزامه
عطر الورد يبقه اشما يدفنونه
يادفان جد حسين ريض خل يودعونه
ابوفايز الرافضي
. واويـلاه داره خـلــيـــه
واويـلاه سـيد الـبــريـه
واويـلاه هــاي الـرزيّــه
*---------------*---------------*
اللـيلـه الـكـون مـظـلـم كـلـه بـغـيـابـه
نـبـي الرحمه الـوكـف جبريل بـعـتـابـه
دمــوع العين لـجـلـه بحسره سـجـابـه
بـوداعـه الـحـزن لـيـنـه انـفــتـح بـابـه
لـلـمـخـتـار نـنـصـب عـزيـه
*---------------*---------------*
خـلـه بـكـل گـلـب نـيـرانـه والجـمـره
الـلـه ايعين گـلـبـچ فـاطـمـه الـزهـره
كـسـر المصطفى يصعب بـعـد جـبـره
تـرك بـيـنه الـدمـوع الجاريـه وعَـبـره
مـانـنـسـاه حـد الـمـنـيـه
*---------------*---------------*
الـهـادي الـچـان نوره مـنـوّر الـسـبـعـه
رحـل والـدار ضـلـت تـلـطــم وتـنـعــه
انفجعت كلهه بـمـصابـه وتـهـل دمـعـه
ونـظـام الـكون هاليله اختلف وضـعـه
يـامـعـبـود صـبـر الـزچـيـه
*---------------*---------------*
على الـعـتـره الصحابـه اتـأمـروا بعـده
ركـضـوا لـلـسـقـيـفـه ومـاوفـوا وعـده
بس حـيـدر عـلينـه الـوسـّده بـالـحـده
وتسيل ادموعه حسره وحفـرت بخده
بـالـدمـعـات حامـي الـحـمـيه
*---------------*---------------*
عـافـوا نـور ربـنـه وعـاشـوا بـظـلـمـه
الگالـوا صـحـابـه اهـل الـجـهـل هُـمـه
بجـهلهـم مـارعـوا عـتـرت نـبـي الأمـه
حـيـدر ينچتف هظمـه وشـنـو جـرمـه
يـالأصـحـاب ويـن الـوصـيـه
*---------------*---------------*
مـنـهـم راح يـشـكـي المصطفى الـربـه
كظم غيضه وأذيتـه بمضامره وگـلـبـه
أنـحرفـو عـن طريـقـه وخـالـفـو دربـه
ذولـه أعـداء كـلـهـم ما اظـن صـحـبـه
مـايـدرون عـدنـه قـضـيـه
*---------------*---------------*
✍خادم الرسول الأكرم
الشاعر رعـد الجـريـخـي
قصيده لسان حال فاطمه
للرسول… ص
هـلـيـلـه تـبـجــي بـدمــه الـفـكـد الـولـي فـاطـمـه
كـالــت شــوصــه النبـي بـيـنـه ويـحـامـي الحمه
بـاخــر نـفـس رت اشـــوفــه ونــودعـه كـبـل الـمـنـــيــــه
لاكـن لـفـونـه الـصـحــابـــه وحـرمـونـه مـن الــوصــيـــه
لــورحـت بـس ردت اكـلـه بـعـدك اظـل يـاهـــو الــيــــه
وصـاهــم ومـانـسـانــــــــي لاكـــن شـــردو عــلـــيــــــه
عـتـبـت الـبـاب وحـــرك نـنـظـلـم مـن نفـتـرك
ولـهـمـي تـبـجـي السـمــه بـيـنـه ويـحامي الحمه
@@@@@@@@
يـاعـلـي الجـونـه عـلـه حــيـلــه ومـن عـدنـه رادو مـصـالــح
بـاجـــر غــــدرهـــم يـبـيــــــن وحـــنـه الـنـصـبــح ذبــايــح
بـلـظـلـع يـبـقـالـي اثـــرهـــــــم ومــحــسـن اشـوفـنـه طايــح
ولـسـبـب مــن ذولــه كـــلــــــه تـلـــفـيـنـي كــل الــنــوايـــح
جـدامـك انـــه انـصـطـــر
هـل صـحـبـه صحبت غدر
وظــلــوع الــي مـهــشــمــه بـيـنـه ويـحـامـي الحــمـــه
@@@@@@@@@
وصــانــي انــه وسـمـعــتـــه بــس هـايـه هـدتـلـي حـيـلـي فـاطـمـه وكــلالـي بـــاچـــــر مـظـلـومـه يـوم الـتـجـيـلــــي سـيـفـك يـنـام ويـــغــمـــــــده وتـحـفـظـلـي ديـنـي بـرحيـلـي مـطـبــور اشـوفــك بـديــهـــم وهـنـاك نـشـكـي الخـلـيـلـــــي
وعـلـطـف يــزيــد الالــم لـوسـلـبـوهـه الـحـــرم
وحـجـيـلـك الـمـلــحـمــــه بـيـنـه ويـحـامـي الحمه
@@@@@@@@
سـولـفـلـي عـلـطـف سـوالــــــف لاكـن بـچـه ومـاكــــــــدر
كـلالـي ظــامــي وحــبـيـبــــــــي يـنـذبــــح يـــــم الـــنـهـــر
تـنـسـبـي عـيـالـه وحـريـــمـــــــه وقــصـتـه الـتـحـيـر البـشـر كـشـفـلـي صــدره ارد اشـــــمــــه يـاعـلـي ومن الـــــنــحـــر
عـلـطـف بـچــه وعــلـحــسـن وســولـفـلـي كـــل الـمـحـن وزمــرتـهــم الـظـــالـــمـــــــه بـيـنه ويـحـامــي الحــمــه
@@@@@@@@
ويــن الحــسن خـل اودعــــــــه مـسـمــوم اشــوفــه وبـديـهـم هـلـزمــره لازم تـغـــــــــــــدره ومـن هـسـه بـيـن حجـيــهــم يـهـجـر حـجـوهـه بـسـاطـــــــه مــاچــنـي انــه ونـــبـــيــهـــم ومـنـعـو وصـيـتـي واتــمـــهــــه وتـفـتـرك هـــل أمـه بـيـهـــــم
ذولــه الـبـدو بـــلـــغـــــــدر عـنـد الله شـنــهــو الــعـــذر
وهـنـاك الـي الـمـحـكـمــــــه بـيـنـه ويـحـامـــي الحــمه
**
ابـــو ســلام الـجــابـــري
بين مولاي امير المومنين ورسول الله صلى الله عليه واله
قصتي وياك ....
مو نبي ومفارگه .....
قصتي وياك .....
اخو وهجرك حارگه
هيچ جنه ... وتالي صرنه .... انته وين وانه وين
................
الينكسر ظهره باخو الموت هذا ارحم اله
ياگاع روحي الصوبخت وماحملت كل سنبله
شالفايده وشح المطر وسدوا روازين الهله
كونك تجرب فرگتك وتشوف هاي المعظله
روحي تهواك....
مو قضية عاطفه
روحي تهواك .....
هيه من الله الصفه
هيچ جنه ... وتالي صرنه .... انته وين وانه وين
.................
من يوم ماصرت ودرت واعيوني ليك مسلهمه
يالحظه مارحنه سوه حته بعروجك للسمه
يسوالف الحظ والبخت اعليك امشي فاطمه
بس افتح اعيونك علي لاتشح ياماي الضمه
گلي انساك ......
شلون ترهم ياهلي
گلي انساك.....
الله خيموت علي
هيچ جنه ... وتالي صرنه .... انته وين وانه وين
...................
العلته مفارگ محب توليه شمات الحچي
اغتث اذا اسمع مشه لبكلشي اعليه تنتچي
بالكبرتني بغيبتك چم بير تارس بالبچي
ارد اشتكي افراگك الا ماغيره واحد اشتچي
فراگ طرواك.....
فرگت ام او والد
فراگ طرواك ....
يعين الله الفاگد
هيچ جنه ... وتالي صرنه .... انته وين وانه وين
......................
يوحيد الروح وقسم مالك شريك بهل العمر
يمصلي شوفي بحضرتك وساجد عله عيونك شكر
عايفني هسه بنص سلف ماتعرف اتم والقصر
سمعوني اجروح بحچي لمن غبت وانه انعصر
شحت اضواك .....
موت لليهونك....
شحت اضواك ....
ومفارگيها اعيونك
هيچ جنه ... وتالي صرنه .... انته وين وانه وين
........................
افرك اديه من الهظم يالفرگتك نار وتشب
ماتبرد ابدلالي ابد كلساعه ذكراك وتهب
والشيب راكد علجفن والوادم تجيب وتذب
محد عرف معنه الالم من تعشگ ويمشي المحب
كلشي ينعاك....
ياسوالف دافيه
كلشي ينعاك ....
سير اعلي عافيه
هيچ جنه ... وتالي صرنه .... انته وين وانه وين
..........................
الورقه ماتترك اثر لو ما تسير علحبر
اشگد جوي هذا الگلب ويوسد الحبه بگبر
ياطه امنيتي اندفن وياك مو شغلة صبر
الدنيه بعيوني اصبحت لمن غبت گامه وشبر
الله وياك ....
يا چبير الساده
الله وياك .....
يا محنة والده
هيچ جنه ... وتالي صرنه .... انته وين وانه وين
.........................
الاقل شرفاً
كرار اللامي
#استشهاد الرسول(ص)
سيد الناس اليله للباري رحل
سيد الناس سير اعليه الاجل
ويمه گعـدو خلته ينـعه وكتـه ودنيـته
سيد الناس سيد الناس
*
بس علي يمه يصد وينضر بحالــه اشجره
اليله مصحفنه حزين وحيل كسرو خاطره
حيدر ابرمشت عيونه ادموعه كلهه معثره
هذه حالــه وي نبينه القاصي والداني دره
هايه لحضات الوداع تحضرت للموت گاع
بكل الاحساس الدمع لو حن وهمل
سيد الناس سيد الناس
يــدري لحضات المنيه گــربــت والهم كثر
ليلة اوداع اشكبرهه كل گلب حس بخطر
عايف افراگك سوالف وخله بينه اچم اثر
بغيبتك دنيانه وحشه والگلب بيك انكسر
ليل المفارگ طويل العايف احبابه عليل
بيـن الانفاس التمت اعليه العلل
سيد الناس سيد الناس
اليوم احــبابك يتامه تبچي ياسيد المله
ديــن بارينه ابمصابك بيك مفجوع انوله
يــل صـرت بلدنيه كلهه انـته اكبر مسئله
ناسك اتگطع گلبهه وصفت نـوح امحمله
صاحب الغيره جفه والحزن بــان اولفــه
رفعت الراس بين بجسمه نحل
سيد الناس سيد الناس
فاطمه اتبده صبرهه تگله بــويه امروتك
شلون بغيابك شسوي لــو احن الشبگتك
فاهيه الدنيه احسها وردت اسمع چلمتك
عايف اونين وبواچي بويه توجع فرگتك
يانبي اسنينك گضت شمعت ايامك طفت
بجنه تنقاس وانته للتايه امل
سيد الناس سيد الناس
اليله بغــيابــه المـدينه تون تراهه ميتمه
ناحت اعليه البراري صبت اعيون السمه
بــويـه صاحتله العزيزه اني بتك فاطمه
مدلله چنت ابوجودك وهسه نوح معلمه
يلعفت بينه الحزن خلافك انوح اونون
كل الاجناس بسمك انته تنعدل
سيد الناس سيد الناس
**
ابوحيدر
الصبيحاوي
(استشهاد الرسول الأعظم ص)
بويه وينك...ابقه وعيوني تصب
بويه وينك...نار وبگلبي تشب
بويه وينك...حرگوا الباب الغرب
بويه وينك ........بويه وينك
بويه بفراكك يتيمه وبالحزن
ياأبو فاطم دار وياي الزمن
لجانوا اصحابك اهل فتنه ومحن
ماروعني ودفعوا الباب بعلن
*يابو فاطم...خدي بعدك ينسطر*
*يابو فاطم...ظلع مني وينكسر*
*يابو فاطم...اعلنوهه هل الحرب*
انته رايح وانه بعدك بالهظم
ابيت احزاني يبوية وي الالم
عمامه باحظاني واشمن بالهدم
تدمع عيوني واصيحن چن حلم
*وداعت الله...وانه بعدك انولي*
*وداعت الله...لاخديجة ولا هلي*
*وداعت الله ...عيوني تربي عالدرب
ماروعني وانه بتك فاطمه
وايد هل الثاني عليه لاطمه
نابت البسمار واصرخ للسمه
ذوله اصحاب السقيفه الظالمه
*عذبوني...بيه ريحة مـــِْن محمد*
*عذبوني...ينسطر كلساعه ياخد*
*عذبوني...زرگه عيني من الضرب*
انه مـِْن ريحة محمد ياخلگ
ليش باب الجنه هاليوم احترگ
انه فاطم والظلع مني انطبگ
ياخليفه يصير يوليني ويطگ
*ارد انشدك...بنية وبعازة ابو*
*ارد انشدك..ترضى يسطرهه لعدو*
*ارد انشدك.. ونايم انته بالترب*
الحرمة من تنهظم تعتاز الولي
دارت العدوان واندب ياعلي
مقيد بحبل الوصيه يالولي
انه فاطم بقت دمعاتي تهلي
*وانه وحدي... ابقة مكسورة ظلع*
*وانة وحدي.... جفهه عالخد انطبع*
*وانة وحدي... بروحي جمرة وانتحب*
✍باقر جبار الشويلي
الشاعر_حسن_لعيبي_الحريشاوي
نعي لاستشهاد النبي الاكرم محمد صلى الله عليه واله وسلم
يبوالعتره شعددهن المصايب ماخلص حدهن
شكثر مرن شدايدها يبوالزهره اشكثر مرن
اخرهن المرن بيك اشد من قهر اولهن
يوم البلغك ربك الخفن مابعد ينظمن
يلي تحاربت من يوم جلماته توصلهن
اخلاء ونفي وتشريد عليك اتوالمن كلهن
فكدت ام فاطمه الجانت سند للماجره اتهون
وابو طالب مشه عنك ذاك الناصر المؤمن
وجروحك تزيد اشكد فكد حمزه الي جملهن
كالوا ساحرومجنون وعكس ماكالوا اتبرهن
وكالوا عنك الابتر ابحورك ابد مانشفن
الكال ابتر نسل ماله اخباره راحن وعبرن
كالوا بالمرض يهجر ابوصيتك حتى لاتعلن
شكثر منهم شفت مولاي ياهو المنهم يثمن
زمره من العده وياك دسايسهم ولاخلصن
دريت بعلي يغدرونه وحقوقه يضيعن ويرحن
دريت بعلي يطبرونه بليالي الفجر موعدهن
وحقها فاطمه مسلوب تموت من القهر والون
الحسن مسموم يتكطع ونيران الجبد وجن
وكلت مذبوح ابني حسين الكاع بدمه تتلون
يلي رحت مامرتاح دموعك يلجمر نزلن
ياهو اتلومه وتحاجيه واتوجه العتب المن
كبل متغمض عيونك اكيد من القهر يعمن
*( عزيه لاستشهاد رسول الله صلى الله عليه وآله )*
بطور : يالحسن جينه اعلى بابك
أو : كـربلا يا غاضريه
،،،،،،،،،
بويه ما اتحمل غيابك.. يالچنت للزهره خيمه
لاتخليني دخيلك .. ابقى من بعدك يتيمه
،،،،،،،،
بويه يابعد الغوالي لا تخليني وتروح
والله تدري على فراقك ما تظل بجسمي روح
لو رحت يابويه قلي وين اولي وين اروح
ترضى يابويه اصيرن من بعد عينك يتيمه
،،،،،،،،،
بويه ما اتحمل غيابك .. يالچنت للزهره خيمه
لاتخليني دخيلك .. ابقى من بعدك يتيمه
،،،،،،،،
اشلون اتحمل اشوفك امدد اعلى المغتسل
والله صعبه اعليّه بويه هالبعد ماينحمل
لو تشاهد بويه بعدك حيدره خير العمل
منكسر ظهره بغيابك وحالته كلش اليمه
،،،،،،،،،
بويه ما اتحمل غيابك .. يالچنت للزهره خيمه
لاتخليني دخيلك .. ابقى من بعدك يتيمه
،،،،،،،،
صحت يا حيدر بهيده بويه من اتغسله
وبالقبر بالهون بالله ابو القاسم نزله
افراق ابويه حيل يصعب والله ما اتحمله
غالي يابو الحسن طه راح وخلاني بهضيمه
،،،،،،،،،
بويه ما اتحمل غيابك .. يالچنت للزهره خيمه
لاتخليني دخيلك .. ابقى من بعدك يتيمه
،،،،،،،،
وشكثر غالي محمد بفقده ضيعت الصبر
ليتني والله بداله اندفن وسط القبر
واللي اتفارق ابوها شلون تقضي هالعمر
غير بـ الـوْن والمناحه والحزن دايم تقيمه
،،،،،،،،،
بويه ما اتحمل غيابك .. يالچنت للزهره خيمه
لاتخليني دخيلك .. ابقى من بعدك يتيمه
،،،،،،،،
من بعد عينك يابويه هالأعادي يظلموني
يحرقو داري عليه وعلى اعيوني يصفعوني
يطيح محسن ع الوطيه من عقب ما يعصروني
چني مو بنتك ياطه وصاحبة حجه وعظيمه
،،،،،،،،،
بويه ما اتحمل غيابك .. يالچنت للزهره خيمه
لاتخليني دخيلك .. ابقى من بعدك يتيمه
،،،،،،،،
الليله حطينا العزيه ولج نعظم هالأجر
و نقسم بدعوة محمد سهلي لينا الأمر
انتي يازهره الوسيله وانتي للضايع ذخر
مايخيب اللي قصدلچ وانتي يازهره رحيمه
،،،،،،،،،
تمت بحمد الله ونسألكم الدعاء لتعجيل الفرج ، ولشفاء المرضى ولقضاء الحوائج لا سيما المخصوصين ..
✍🏻 من تأليف خادمات الزهراء : سكينه صالح البطي
آه أعليك يامصطفى.... آه أعليك يامصطفى
.......................................
كلشي فاهي بدنيتي بعدك صفه
وآنه بنت الجان أبوها المصطفى
لحضة أفراكك ضوه أعيوني أنطفه
وأبمصابك حمرة بويه أعيوني
...............................
أول أجروحك شفتها صحبتك
بعدك أبرزخ مماتك طعنتك
أتأمروا نكروا علي واوصيتك
وفدك من عدها غصب منعوني
..............................
بويه لو تدري شجره بيه وسده
بعده كبرك أخضر وجرحي ابتده
هجمت أعليه العصابة الحاقده
بحرك باب الدار أجوا جازوني
..................................
خلف باب الدار عصروني دفع
لحد ما محسن سكط مثل الشمع
طحت بويه وانكسر مني الضلع
وصحت بويه ويا علي حضروني
..............................
فزع حيدر والدمع منه يهل
وجان بحروف الوصيه مبتهل
جتفوه أصحابك بكيد الحبل
وغصب عنه بكل حقد شتموني
............................
جيت شجايه يبويه بدمعتي
ومنو غيرك بويه يسمع شكوتي
من رحت حيرة يبويه حيرتي
جيت محنيه وتغير لوني
............................
خادم خدمة الحسين
الشاعر
محمد الموالي
مات اخوه وابن عمه
مات البروحه يضمه
انكسر ظهره ودليله
علي والليله. ليله
وحشه وحشه
*
نبي واخو بحظن علي
مشى الدفو. ولي الولي
مات كل شي بموتته حتى علي ماااااات
يعني هوه حيدره ونفس الولي ماااااات
راح اخوه وراح ابوه وكلشي أله. مااااااات
يا كسرتنه. حيدر. صاح حيدر طاح.
يا كسرتته. صارت دنيا. دنيا. رماااااح
محد ايعين . اليفكده
شده. هاي الليله. . شده
خلص يا وسفه حيله
علي. والليله. ليله
وحشه وحشه
****
بده الدمع علي يون
حزن وجع علي يحن
نكسر وظهره حيدره راح الاخو راح
نفجع بي كل اهل السمه وضجو بلنياح
هذا مو جنه النبي جنه علي طاح
يا دمعتنه. تبجي الكون كلهه احزان
يا دمعتنه. دم وهموم. عل عنوان
صعبه هذا اليوم صعبه
المات اخو الخو يعيش غربه
راح اللي يتجيله
علي والليله ليله
وحشه وحشه
***
غفه الصبح بده الجرح
اجه الحزن انتى الفرح
چوه كلبه بطيحته ما ضل بعد حال
فكد روحه من رحل وما بقت امال
يمشي محني ضل علي والبعد جتال
يا هضمتنه. شال الغالي. ضلمه تصير
يا هضمتنه. روحي بروحي. كلبي يحير
جان العلي مثل النفس
وسط الكلب حزنه نحبس
وعيون الكون التبچيله
علي والليله ليله
وحشه وحشه
**
شنهي الجره وداع ودمع
گلب الولي الليله نشلع
اليوم وحشه ياعلي ما ضلك اعضيد
هسه وناتك ثگيله وضل تصفك الايد
عمت عيني حيدره من تبقى وحيد
هاي الدمعه. مال اوداع. كلهه جروح
هاي الدمعه. كله هموم. تون الروح
حزنت الدنيه ويه السمه
صاحت يبويه فاطمه
بل الدمعات تحچيله
علي والليله ليله
وحشه وحشه
*
بهاي المسيه حيدر حضر
الزهره كلبهه مثل الجمر
نبدي مجلسنه بعلي فارك محمد
وتحضر ويانه الزجيه بدمع عل خد
ضجت املاك السمه والباري يشهد
يا دلاله. شكد ملجوم. بس اهات
يا دلاله. ينزم گام. روحه ومات
من يجي الغروب شيحمله
عل ودع الدهر مدري شيضمله
من فارگ خليله
علي والليله ليله
***
كلمات الخادم/ حيدر ناجي الدراجي
يابو الزهره يابو الزهره
ما ناسينك يابو الزهره
================
ماننساك وعايش بينه
ومصابك حيل امأذينه
يا زمزم بيك اتوضينه
ننعاك ابكل نوح وعبره
================
مجلس ننصبلك وقرايه
ونسير باسمك مشايه
خطينه اسمك فوك الرايه
نبجي ويم حيدر بالحضره
================
ماتشفه وبالروح اجروحك
يمضحي لخاطرنه بروحك
واجب مثل حسين انوحك
والي يخدمك يكبر اجره
================
نار امصابك ضلت تسعر
جرحك كل ما نكبر يكبر
يبجي لفكدك حته المنبر
تحضر فاطم تبجي بحسره
================
وي الهاب اسمك ضل ينشم
لجروح البينه انته البلسم
حزن افراكك بان وخيم
ضل ينعاك الكون باسره
================
ذكرك باقي وما يتبدد
واليمشي ابدربك يتخلد
وداعة من عالغبره اتوسد
نتباها بحبك وانته ادره
================
يمته نزورك ونشم عطرك
محرومين انطوف ابكَبرك
نروح لحيدر يمه انذكرك
يتشابه وي عطرك عطره
================
انصبنالك موكب خدمه
ياسيد كل هاي النعمه
العافك يوم المحشر يعمه
حيره هناك ايحير بامره
==========حسين المحامي
على سيد البشر صبيت الدموع
وگلبي وي مصابه اليله مفجوع
بعبراتي محتاره الاه
*
انعزي الزهره لـــــو سيد البريه
على مصاب النبي تنوح الرعيه
البچي والنوح ظل بس للزچيه
نواسيها بدموع العين
*
تصب ادموعها لــو چلچل اليل
ولبوهــا راح منهه بــايــد الحل
اليله الغالي منهه يـغرب يشيل
يودعونه احبابه اليله
*
كسر دلالــهه مــــن راح واليهه
يتيمه خلاف ابوها هيه تاليهه
بس طاريه صارت يامحاچيهه
مالومه تريد الغالي
*
الله يساعدچ لـــو مــر الغروب
وي گلبچ بـــعد يــرادله اگلوب
تمر ساعات بــي برهدنه يلوب
يلچمونه اهات البي
*
البويه البيهه تنگط مــن حنانه
ومــن يوم المشه ماصح امانه
بــويــه الظيم مـن بعدك ولانه
حاچيني محتاجه البويه
*
يلمعدل الشـرايـع والسـنن كلهه
چلمة بويه مــنك مـــن يعادلهه
روحي تريد مني مايصح خلهه
بعيوني ضمية ارسومه
*
ابوحيدر
الصبيحاوي
استشهاد النبي صلى الله عليه واله وسلم
الهادي روحه من تدنى اغيابها
ارتدت الامه على اعقابها
*---------------------*-------------------*
ما خلص جرح الأمس وآثاره
والصنم طاح وجرح أنصاره
واليعبده رد يدور ثاره
رجعت اللات بحقد أصحابها
*----------------------*-------------------*
لبسو الإسلام مسلمة الفتح
ثوب حيه تنزعه وي طرت الصبح
صوبو قلب النبي بأعظم جرح
فتن جابو للنبوه ابابها
*----------------------*--------------------*
الوصيه راد يكتب بالقلم
وكفو بساعة وفاته كالخصم
يهجر يكولون أشباه الزلم
لعنة الله على الفتن والجابها
*----------------------*-------------------*
اتفقت الأضداد تغدر بالنبي
اليهودي والصنم والناصبي
بالخميس اتوقعت فتوى السبي
وفتوى قتل الزهره من أسبابها
*---------------------*-------------------*
بلا غسل لادفن عأفوه الرسول
وعائشه ماندري بدفنه تكول
للسقيفه أصحابه ركضو للوصول
للحكم ركضو بيوم امصابها
*----------------------*--------------------*
محمد دعبل النوري
كعديه للرسول الاكرم (ص)
مادار لحظة وفاته
الليله نادتك كل هاي الاملاك
يا سيد البريه
بدمعه وحزن وفراگ
الباري الك مشتاگ
يا سيد البريه
١
ربك الليله بقراره قرر السيد البريه
اله ملك الموت يبعث بين لحظات المنيه
ومن دخل يم ابو القاسم اثنينهم صارو سويه
سلم عليه واستأذنه
والنبي ينظر عاينه
قابض يگله جيت انه
أمر ربك مو بديه
لكن خيرك لو رايد اتعيش
والعيشه هنيه
شتقرر يمختار
انته بكيفك اختار
يا سيد البريه
٢
جاوبه المختار امهل خلي جبرائيل يحضر
ومشه ملك الموت عنه والوكت بالحزن يفتر
هاي اول مره صارت نبي وبموته ايتخير
ها رحل باقي وما رحل
تنتظرك الدنيه أمل
اشگد صعبه لحظات الأجل
ويمه گاعد چان حيدر
طه ينتظر جبريل ويشوف
لحظات المنيه
الدنيه اتعيش لحظات
مابين السماوات
يا سيد البريه
٣
هبط جبرائيل عنده سلم وأده التحيه
وگله ابشر يامحمد ربك أشتاگ النبيه
وتنتظر املاكه كلها والسماوات العليه
يانبي الأمه الخاتمه
اشتاگت الك حتى السمه
وبعدك تحضرك فاطمه
وياك بالجنه سويه
حسن الخاتمه من باري الاكوان
هاي اللحظه هيه
بالدنيه نصيبك
رايح يم حبيبك
ياسيد البريه
٤
طلب من جبريل طه هسه ملك الموت يحضر
أجه يمه وقبض روحه وراسه چان بحضن حيدر
بعقلك اتصور يسامع انته واتخيل المنظر
حيدر يهل گام الدمع
وحس انكسر عنده ضلع
ذاب الگلب مثل الشمع
عالنبي الچان اله مصدر
سلم للقدر حيدر بدمعات
ومحاضن سويه
ما يصبر بلياك
حيدر هسه ينعاك
ياسيد البريه
٥
بحيره ظل مذهول حيدر الزهره يمه وهل دمعها
تنظر النور ابو القاسم وگام يلچمها ضلعها
حضنته وشمته بصدره موته ياوسفه فجعها
ودعها والدها ورحل
ماظل بعد عدها أمل
والأجل محتوم الأجل
ازغيره بس طفه شمعها
ظلت تنحب وتنظر لبوها
وتنادي بدمعها
بنتك ياوليها
هذا الصار بيها
ياسيد البريه
المصيبه
غمض عيونه ابو القاسم رحل بسهام المنيه
من رحل مسموم طه وظلت اتنوح البريه
وگاعده بدمعه تنظره فاطمه الزهره الزچيه
راح وتركها بالدمع
والزهره بعده تنفجع
بالسطره وبكسر الضلع
هيچ راح يصير بيها من بعد مايمشي عنها
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
حال الامام علي بفقد الرسول
حيدر والأسرار
هالليله محتار
يرحل المختار
والدمعه بعيونه
١
حيدر بدمعات عينه ولزم ضلعه
والنبي بحضنه يودعه ويهل دمعه
ينادي جاوبني حبيبي ومايسمعه
يعني حيدر مايسر هالليله وضعه
بالدمع صاح
انته روحي وكل هلي
بالدمع صاح
ايموت من بعدك علي
لا ترحل اليوم
والگلب مالوم
بي يدري مسموم
والدمعه بعيونه
٢
اجه ملك الموت يستأذن حضوره
ايگله قابض للنبي وينقل الصوره
والنبي بآخر نفس يحچي وشعوره
يگله جبرائيل خل يحضر بنوره
نزل جبريل
بالدمع لمن حضر
نزل جبريل
ايبلغه بهذا الخبر
تنتظرك الحور
والجنه والطور
ينظر بيا نور
والدمعه بعيونه
٣
قبل قبض الروح لحظات المصيبه
والنبي المختار ينظر للحبيبه
فاطمه وگلها تعالي بنص نحيبه
هاي لحظات الوداع اشگد عصيبه
بالدمع صار
اوداع دمعات السمه
بالدمع صار
النبي ايودع فاطمه
والزهره بجروح
عالوالد اتنوح
وحيدر بلا روح
والدمعه بعيونه
٤
طه تنحب فاطمه لمن سمعها
رفع أيده ونشف بأيده دمعها
عاين الخدها النبي وحار بوضعها
اتذكر البسمار والباب وضلعها
آخر وداع
بين دمعات الحزن
آخر وداع
فاطمه تنوح وتون
ودعها بدموع
والنبي مفجوع
والصوت مسموع
والدمعه بعيونه
٥
غمض عيونه النبي وحيدر ينظره
والاملاك تنوح والموقف اشكبره
حيدر احتار بدمعته ونار صبره
ينظر اعله النبي لو ينظر الزهره
بدمعه محتار
ايودعه بدمع الصبر
بدمعه محتار
ويمه فاطم تنتظر
بعد المعانات
ظلمه السماوات
شاف النبي مات
والدمعه بعيونه
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
على سيد البشر صبيت الدموع
وگلبي وي مصابه اليله مفجوع
بعبراتي محتاره الاه
*
انعزي الزهره لـــــو سيد البريه
على مصاب النبي تنوح الرعيه
البچي والنوح ظل بس للزچيه
نواسيها بدموع العين
*
تصب ادموعها لــو چلچل اليل
ولبوهــا راح منهه بــايــد الحل
اليله الغالي منهه يـغرب يشيل
يودعونه احبابه اليله
*
كسر دلالــهه مــــن راح واليهه
يتيمه خلاف ابوها هيه تاليهه
بس طاريه صارت يامحاچيهه
مالومه تريد الغالي
*
الله يساعدچ لـــو مــر الغروب
وي گلبچ بـــعد يــرادله اگلوب
تمر ساعات بــي برهدنه يلوب
يلچمونه اهات البي
*
البويه البيهه تنگط مــن حنانه
ومــن يوم المشه ماصح امانه
بــويــه الظيم مـن بعدك ولانه
حاچيني محتاجه البويه
*
يلمعدل الشـرايـع والسـنن كلهه
چلمة بويه مــنك مـــن يعادلهه
روحي تريد مني مايصح خلهه
بعيوني ضمية ارسومه
*
ابوحيدر
الصبيحاوي
شايل امن الدار والد فاطمه
او موحشه الدنيا عليه ومضلمه
… ..
╌────═❁═────╌
مضلمه الدار الي زايرها الوحي
موحشه من شال من عدها النبي
ايتيمه ضلت فاطمه وحيدر علي
الفكَد سيد رسلها وخاتمه
.....╌────═❁═────╌
الفكد طه المصطفى سيد البشر
تنحب الايات وتنوح السور
وتنعى لاجله الذاريات ويه القدر
غاب والكوثر عليه امعلمه
… ..╌────═❁═────╌
غاب هاليله النبي وبحر العلم
يدري من بعده الزجيه تنهضم
تهجم اصحاب السقيفه والضلم
على فاطم والوصي حامي الحمه
… ..╌────═❁═────╌
راح خيمة فاطمه وراح الذخر
شصبر انه ومات كدامي الصبر
الچان امين اعله الارض صار بكبر
وحيدر افراك الرسول يالمه
.....╌────═❁═────╌
عله كلبك ياعلي مخيم حزن
اليله قران الارض ينعى ويون
كثر ما يبچي نفطر منه الجفن
هبط جبرائيل شارك مأتمه
… .╌────═❁═────╌
✍نور الولايه الفاطميه
مات النبي المختار هاي المسيه
ناح الحسن وحسين ويه الزجيه
****
مات النبي المختار صــارت فجيعه
تبجي السمه والكون تنعــه الشريعه
وناح الحسن وحسين ويـــه الوديعه
ويبجي بجمر عبرات حامي الحميه
****
يبجي بجمر عبرات راعي المحنه
ايكَله يخويه اليــــوم والله انهظمنه
بعدك يبو ابراهيـــــم اتشتت شملنه
حل الكدر والنوح بــــــعد الرزيه
****
حل الكدر والنوح تنعه بجمرهـــه
الزهره تلوج بآه عبره بصدرهــه
اتكَله يبو الزهراء تعلــم كسرهــه
وضلعي يبويه يلوج من هسـه بيه
*
*
ضلعي انكسر هاليوم من فاركــتنه
وراح اجذب اللوعات يوم العفــتنه
اكعد يبويه اليوم ريـــــــتك شفــتنه
هذا الحسن وحسين بأكبر عزيـــــه
*
هذا الحسن وحسين يفجع بجـــــيهم
لطمو على الخدين والله بنعـــــــيهم
اسمع يجدي بنوح والله ابحجـــــيهم
ونو يجدي بآه ونه شــــــــــــــجيه
*
ونو يجدي بآه يا مصطفانـــــــــــه
لاتترك الحسـنين يامرتجانــــــــــه
والله الهظم والنوح بعدك جوانـــــه
صعبه اعله دار الخير امست خليه
***
صعبه اله دار الخير شالت اهـــلهه
براعي الوفه المختار زاهي محلهه
سيد الهواشــــــم راح والساده كلهه
غرب خله العين بعده جــــــــــريه
ابو علي الركابي
#محمد (قصيده ملمع)
كاني بمولاتي فاطمه الزهراء تخاطب ابيها النبي محمد (صلى الله عليه واله وسلم )
وامحمداه .. وامحمداه
وامحمداه .. سلاماََ يا ابي
============================
بويه دير عيونك وانضر اليه
بحور الالام ودمع فاضن عليه
يابو فاطم والهوه ما يمشي بيه
عطر من محنتك لسه اعله اديه
قلبي سالَ اه .. قلبي سالَ اه
قلبي سالَ اه .. سلاماََ يا ابي
============================
بويه كل عمري عليه انته خيمه
شلون ترضاها اضل هسه يتيمه
وسفه عالوكت الخذاك ويا هضيمه
البيت من بعدك صفه يابويه هيمه
صار في ضِماه .. صارَ في ضِماه
صارَ في ضِماه .. سلاماََ يا ابي
============================
انشلت ايد السمتك يابو المحنه
الله ليرحمه الذي بموتك فجعنه
بالحسن واحسين احلفك انضرلنه
بيك مَن يتمنه اكعد سولفلنه
دمعي في رُجاه .. دمعي في رُجاه
دمعي في رُجاه .. سلاماََ يا ابي
============================
لونويت تسافر اخذه وياك عمري
عكبك ابقه شلون ميته ومحني ضهري
آنه اموتن لو عفتني وانته تدري
شلون يا بويه توصيني اصبري
حُزني في رِثاه .. حُزني في رِثاه
حُزني في رِثاه .. سلاماََ يا ابي
============================
بويه مشتاكه تراويني ضحكتك
ليش بالتابوت ممدود انه شفتك
كوم وامسح يا محمد دمع بنتك
اعليه ما رديت بويه من ندبتك
عُمري في بلاه .. عُمري في بلاه
عُمري في بلاه .. سلاماََ يا ابي
============================
البيت مثل المكبره صار برحيلك
والسمه والگاع تبجي وحته ليلك
بويه ادري هالحجي يقطع دليلك
باجر يكسرون ضلعي اشتكيلك
يقطرُ دِماه .. يقطرُ دِماه
يقطرُ دِماه .. سلاماََ يا ابي
============================
لخادم النبي محمد (ص) سجاد الكربلائي
دمعي ياناس يچوي الأعيون
ليش الاحباب مايظّلون
سافر الغالي وبقيت الوحّدي
فلقد مات محمد والدي
ــــــــــــــــــــــــــــــــــــــــــــــ
راحو احباب الگـلب وخلو المدمع يصب
ابهيمه وامتيهه الدرب چا بعد وين انتچي
سافرو غيـــــــمه ابسمه وانه بتهم فاطمه
عالدلال امعلّمه مو عله افراگ أو بچي
الابو خيمه البناته الابو فـَيّ أو ستر
الابو غالي اشغلاته وراح اگلكم واختصر
خيط واحد من عباته يسوه كل هذا العمر
حنّي ياروح عالنودهم
عمر الادموع ماتردهم
عالضلع بسمار باچر يعتدي
فلقد مات محمد والدي
ــــــــــــــــــــــــــــــــــــــــــــــ
البيت اذا مابي ابو يعني لافَيّ لا دفو
وهوه بالدنيه شكو غير ابوي وطيبته
بحقي چان اشگد يگول ثمرة اسنيني البتول
لاچن اصحاب الرسول مارعو كل حرمته
فاطمه ياناس مني گلهم وامّي تصير
واليأذّي الزهره يعني هذا خسران الـمصير
والزمن بعده جمعني ابناس ماعدهم ضمير
وادم الخير ماتريده
وعصرة الباب مو بعيده
حايره ومن يا مصيبه ابتدي
فلقد مات محمد والدي
ــــــــــــــــــــــــــــــــــــــــــــــ
اسمي چان المفخره ام ابوهه الطاهره
هسه ليــش المگبره تاخذ أحلام السنين
اسمي صار الثاكله والمدامع هامله
محّد ايگلّي هله راح ابو الگلب الحنين
نومتي نومة عوافي چانت بحضنه الحرير
وبابي دكتور ويشافي وجاهي بالوادم چبير
واذكر ابّدلَة زفافي اتصدقت بيهه الفقير
هسه الايام عذبتني
وعالمعانات عودتني
والإمان ايصيح دفنو قائدي
فلقد مات محمد والدي
ــــــــــــــــــــــــــــــــــــــــــــــ
ابابي چان اشما يمر يكتب ابهيل وعطر
قل اعوذو امن الكسر وقل اعوذو امن الحرگ
ابيتي يشعر بالامان ايحبني وايقدرني چان
اشهدو ابنص الأذان آنه اشم ريحة عشگ
اشهـدو أن محمد قد سكن بالـمگبره
وما ابدل الثوب الاسود لحد يوم الآخره
باچر السطرات عالخد كلهن ايلزمن سره
ذوله عدوان ادري بيهم
كل عذابي من اديهم
عن قريب اوي المصايب موعدي
فلقد مات محمد والدي
ــــــــــــــــــــــــــــــــــــــــــــــ
شيّعو جود العطاء وانقطع وحي السماء
قد أصبنا بالبلاء وبابي دگّاه الرجس
وريحة الدخان اجت وزينب ازغيره وبچت
وعصرة الباب ابتدت ترفس ابضلعي رفس
اتذكرت بالطف رقيّه وسال من اعيوني دم
وهذا بسمار الـــــمنيّه باچر ايصبّح سهم
والحرگ بابي عليّه يحرگ الزينب خيم
أنه ابو حسين يمي يا ناس
وزينب ايغيب عنهه عباس
وعله احسين الخيل باجر تعتدي
فلقد مات محمد والدي
ــــــــــــــــــــــــــــــــــــــــــــــ
يا محمد امتّك خوش والله جازتك
مااجو لجنازتك وشيعوهه وي علي
بعدك أعله المغتسل والبلاء فوگي نزل
ردت الناس الهُبل وللزمان الجاهلي
علي گالوله تبايع بالغصب مو بالرضه
وانه هالظليت ادافع عن حقوق الـمرتضه
ابخدي مطبوعه الاصابع والعمر بالهم گـظه
راح اجي وشوف شنهو حالي
دمعي واصل حد خيالي
الضلع والبسمار ذني شاهدي
فلقد مـات محمد والدي
محمد الجماسي
الارض ضّجت والسَّمه بأكوانها
و خـيم بـدار الـوحيِّ أحـزانـــها
——————————-
الليله صاعد للسمه خير البشر
يطرق لباب الوحي بهمه القدر
موعد المعبود وي طه السفر
يقبض بروحه هبط وإيمانها
——————————-
يقبض وهذا الامر من السمه
نزلت املاك العرش متألمه
ترفع الهادي النبي وتنزف دمه
اتوشح نشوف الحزن بنيانها
——————————
اتوشح وهذا الجرح بكلب البتول
يجود حين بلوعته طه الرسول
تغمض عيون الابو بحسره وذهول
واليتيمه فاطمة عنوانها
———————————
تنوح خليت الحبيبه من غبت
من الهجر بويه تراني اتلوعت
فرحوا اصحابك من يوم المتت
بيّنوا غيض وحقد سفيانها
———————————-
ذوله اصحاب المكر اهل الفتن
يكشفه رايح دجلهم هل الزمن
لادين عدهم عالامانة ومؤتمن
من السقيفة تّربوا وشيطانها
علي موفق القزاز
*قصيدة لتشييع نبي الرحمه صلى الله عليه وآله وسلم*
بطور: يشيعونه علي الليله يشيعونه
.......
يشيعونه رسول الله يشيعونه
يدفنونه بقلب فاطم يدفنونه
—————
ياخلق الله بعجل نادوا على ناسه
رسول الله تراها انقطعت انفاسه وقف حيدر وهو يلطم على راسه
ينادي ويلي خويه غمضت عيونه
—————
يشيعونه رسول الله يشيعونه
يدفنونه بقلب فاطم يدفنونه
—————
وقف يم جثّته حيدر وهو محتار
على راسه صبح يلطم علي الكرار
يصيحن يم حسن ميت ترى المختار
علوية الدوى عندي و يداونه
—————
يشيعونه رسول الله يشيعونه
يدفنونه بقلب فاطم يدفنونه
—————
ينادي يالزچيه اليوم ماجوره
محمد راح يازهره وطفى نوره
اذا تلطمين ع الأضلاع معذوره
رسول الأمه ع الأچتاف ايشيلونه
—————
يشيعونه رسول الله يشيعونه
يدفنونه بقلب فاطم يدفنونه
—————
ياشيعه اليفقد الوالد ترى صعبه
على اغيابه ياعالم يحترق قلبه
احفرو لي قبر يم والدي طلبه
وسط قبره اندفن لمن يدفنونه
—————
يشيعونه رسول الله يشيعونه
يدفنونه بقلب فاطم يدفنونه
—————
على الوالي انوحن لا تلوموني
على افراقه محمد للطم عيوني
د خلوني اشق الجيب خلوني
تراها فاطمه هالليله محزونه
—————
يشيعونه رسول الله يشيعونه
يدفنونه بقلب فاطم يدفنونه
—————
تمت بحمد الله ونسألكم الدعاء لتعجيل الفرج ، ولشفاء المرضى ولقضاء الحوائج لا سيما المخصوصين ..
✍🏻 من تأليف خادمات الزهراء : سكينه صالح البطي
قصيدة إلى سيدي ومولاي نبي الرحمة محمد ابن عبد الله صل الله عليه وآله وسلم ...
/////////////////////////
خاتم رسل الله ايودع
وكبالة الجبت ايفزع
خاتم رسل الله ايودع
/////////////////////////
فرسان الأسلم حظرت
والنار أبابك. شبت
بطاغوت الكفر وهدت
أصحابك كلها ارتدت
محسن طايح بالمصرع
وكبالة الجبت ايفزع
////////////////////////
انجمعوا عالأل الأشرار
رادو بس يخضع كرار
ابخم ما جانت . اسرار
بخ بخ نادوا صار
صاحوا تقنع ما تقنع
وكبالة الجبت ايفزع
/////////////////////////
صنعو دولة من الظلام
رادوا ينهون الأسلام
وترجع عباد الأصنام
جانت فكرتهم اوهام
يدرون المولى مرجع
واكبالة الجبت ايفزع
/////////////////////////
خارج افكار الأيمان
كاتب قصتهم شيطان
أولهم وآخرهم خان
شما مكتوب أو بالقرأن
أبليس أو بيهم مرتع
واكبالة الجبت ايفزع
/////////////////////////
جرح الأمة ويعاني
من الأول والثاني
الثالث صار الجاني
يحرك سنة أو قراني
صاير لعدانة مصنع
واكبالة الجبت ايفزع
/////////////////////////
فاطم ونت ونتها
بلحظة الأمة اوخانتها
احتارت بوية بدمعتها
الأمة التعرف غايتها
غايتها اتنوح ابمدمع
واكبالة الجبت ايفزع
خاتم رسل الله ايودع
/////////////////////////
الخادم ابو علاء العزاوي
اليوم نعش المصطفى انشال
يا حال حيدر مصعب. الحال
**
حيدر علي هل دمعت العين
اليوم ميت سيد الدين
خل تحزن لليله الدواوين
تچري الدمع هاي المحبين
ام الحسن والنوح. جتال
اليوم نعش المصطفى انشال
**
خل الحداد يعم بل البلاد
المرتضى بيه الحزن زاد
هذا الدمع كل سنه ينعاد
اطفال تبچي وشيب واولاد
يا نبي الامه حزنت اجيال
اليوم نعش المصطفى انشال
***
نحيي المجالس تجري الدموع
اليوم كل هاشمي مفجوع
مو بس ضلع مكسوره الضلوع
واسو علي وكليبه مشلوع
روحت عضيده تهد الاجبال
اليوم نعش المصطفى انشال
***
هاي الزجيه تحضر اليوم
بحسره ابو ودلال مهموم
صاحت يشيعه الابو مضلوم
هذا محمد مات مسموم
راح الذي للدين خيال
اليوم نعش المصطفى انشال
****
تخيل يشيعي وسمع بهاي
نعش النبوه للدفن جاي
تبجي الزجيه ومشيعه الفياي
حسين وحسن يبجون بهداي
تنوح الزجيه بدمع همال
اليوم نعش المصطفى انشال
***
اليوم الولي مكسور ظهره
فكد الاخو حسره اعله حسره
ما تنجرع الفركه مره
راح ابن عمه وجان سره
فراگ الاخو يفطر الدلال
اليوم نعش المصطفى انشال
*
كلمات الخادم / حيدر ناجي الدراجي
♦️{جآء في بعض الأخبار ، أنهم أقاموا اياماً في كربلاء وبعد ذلك أقبل الإمام زين العابدين ع وقال لعمته زينب ع :عمه قومي .. فقالت إلى أين ؟ قال إلى المدينة فقالت : ومن ذا بقي لي في المدينة ؟ فسمعه بعض الحاضرين وقالوا له يابن رسول الله دع النساء تتزود من أحبتها وأهلها .. فأجاب ع ياقوم إنكم لاترون كما أرى .. أنا أخشىٰ علىٰ عمتي أن تموت ، فهي تقوم من قبرٍ وتجلس عند قبر }
وكأني بها مخاطبةً ابن أخيها السجاد ع
لا أستطيعُ فراقَ السبطِ يابنَ أخي
فالروحُ تغلي وقلبي لايطاوِعُني
لِمَن سأمضي وأهلي كلهُم دُفنُوا
بِكربلاءَ وحُزني باتَ يمنعُني
وقد رَجَوتُ من الله ِالمماتَ هنا
لعلَّ ربي معَ الإخوانِ يجمعُني
ماأ گدر ارجع للوطن
وحسين بالطف اندفن
مفجوعه واعتب عل الزمن
الخلاني وحدي امحيّـره
أتمنى موتي بكربله
يم گبر ابن عقد الوله
وبصف چفيل العايله
واندفن يمهم بالثره
كل ظني ماأرجع بعد
ولا فارگتهم للأبد
وسفه ولا واحد نشد
عني ولا يدري اشجره
#سمير_الصالحي
#النجف_الأشرف