7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
القصيدة : وحشة البيت
الرادود : علي الساعدي
الشاعر : تحسين الخفاجي
🥀🥀🥀
اول تالي .. يروح الغالي
اشما سد عيني .. تصير اكبالي
كل ما اجيها شلونك تكلي
من الهوه تخاف حتى اعله ضلي
🥀🥀🥀
ذيج الايام . صارت أحلام
وخطيت الذكره الحلوه بدمعاتي
عايش مهظوم . وأصفن كل يوم
وأنطبعت فوك الحايط صفناتي
طبع اليشيب من وكت
الدنيا اشكثر ناهبته
الميت اذا غالي تره
ميت يشوفك انتَ
فك ريجه بجروحي الحزن
والليل ابد ما نمته
من عافتني .. اشكد اذتني
جانت تفرح .. لو شافتني
عكب الحبيبه بالدنيه شلي
من الهوه تخاف حتى اعله ضلي
🥀🥀🥀
الها اشتاكيت . ضل وحشه البيت
ما حسبالي تفاركني وتنساني
امشي ومكسور . وأصبر مجبور
حط عله الليل بقلبي وبجاني
ماتت اديه يا علي
من أهد ما شالتها
وطبع الحنينه لو مشت
محد يسد خلتها
اتعذب وأشبع قهر
من أدخل الحجرتها
محد يمي .. وزايد همي
وكل الدنيا .. متعوض أمي
وطير الحباري ما ناح مثلي
من الهوه تخاف حتى اعله ضلي
🥀🥀🥀
ليش الاجناب . يرفسون الباب
دفعوها الزهره بقوه وعصروها
تنهض وتطيح . ويا فضه تصيح
خلي ايدج جوه ضلوعي الكسروها
ليش الرفسها اعله البطن
عالخد رجع طكاها
وتصيح آخ من الألم
ام الحسن خلاها
والنار بالباب الدوت
محد ركض طفاها
وطاح المحسن .. والزهره تون
كل ما توكف .. للموت اتحن
وبيا ذنب راح نادتني طفلي
من الهوه تخاف حتى اعله ضلي
🥀🥀🥀
ما بيه افراك . كل لحظه اشتاك
ليش الدنيه بلا ام تخليني
مليان جروح . وتعبني النوح
كل ما عاين رحتها تبجيني
محرابها خالي صبح
بي بس المصلايه
اهواي تحب حيدر تره
وحيدر يحبها اهوايه
تتركني وحدي بغربتي
ما فكريت بهايه
كل ما تدعي .. اتأشر ضلعي
وي دمعتها .. ينزل دمعي
يمه انه الحسين كلتلها اعدلي
من الهوه تخاف حتى اعله ضلي
🥀🥀🥀
شيصبر العين . هذا انه حسين
باجر بالطف اتغرب وتحير
صدري بلا حيل . مو مالت خيل
ياهو ايلم باجر ضلعي اليتكسر
باجر يصوبني السهم
ويوصل ييمه الضهري
ويصعد على صدري الشمر
وبسيفه يكطع نحري
ويشيل راسي اعله الرمح
ودمي اعله ثوبه يجري
وعيني الزينب .. كل ما تنحب
تحشم بيه .. وانه مسلب
واعله الرمح راح بالطف أصلي
من الهوه تخاف حتى اعله ضلي
🥀🥀🥀
القصيدة : راحت فاطمة
الرادود : علي الساعدي
الشاعر : تحسين الخفاجي
••••••••••••••••••••••••••••••••••••
اويلي يزهراء اويلي يزهراء
••••••••••••••••••••••••••••••••••••
راحت يناس ام الولد , ويلي وويلاه
والدار ما تنطب بعد , ويلي وويلاه
جم غالي عن عيني ابتعد , ويلي وويلاه
والفاكد إعزازه تره , ويلي وويلاه
يرتاح بس بالمقبره , ويلي وويلاه
دمع الحزن عالخد جره , ويلي وويلاه
نادت المظلومه .. نادت المظلومه
يمه بطلي النومه .. يمه بطلي النومه
••••••••••••••••••••••••••••••••••••
بچفوفه حيدر غسلج , ويلي وويلاه
وبعيونه ضل يدير إلج , ويلي وويلاه
خالي يعاين منزلج , ويلي وويلاه
والفركتج يفاطمه , ويلي وويلاه
ضلت تنوح أهل السمه , ويلي وويلاه
ومن البجي اعليه إنغمه , ويلي وويلاه
ليش فاركتيني .. ليش فاركتيني
للقهر عفتيني .. للقهر عفتيني
••••••••••••••••••••••••••••••••••••
وحسين سالت دمعته , ويلي وويلاه
وزينب تنوح اتلكته , ويلي وويلاه
وين امنه خويه نادته , ويلي وويلاه
كعدوا سوه وناح الحسن , ويلي وويلاه
ودموعهم عالخد جرن , ويلي وويلاه
وما تنكضي هموم الزمن , ويلي وويلاه
امهم يريدوها .. امهم يريدوها
بالقبر دفنوها .. بالقبر دفنوها
••••••••••••••••••••••••••••••••••••
يا يمه روحي احتاجتج , ويلي وويلاه
وكل ساعه أطب الحجرتج , ويلي وويلاه
بالبيت أشمن ريحتج , ويلي وويلاه
شيفيد يا يمه العمر , ويلي وويلاه
ما لايك اعليج القبر , ويلي وويلاه
شيبني فركاج اشكثر , ويلي وويلاه
يمه شوفي شحالي .. يمه شوفي شحالي
ضل مجانج خالي .. ضل مجانج خالي
••••••••••••••••••••••••••••••••••••
جنه كبل نكعد سوه , ويلي وويلاه
ليش انكطع حتى الهوه , ويلي وويلاه
خدي بدمع عيني انجوه , ويلي وويلاه
شنهوا الحياة بلايه أم , ويلي وويلاه
مكسور قلبي ومنهظم , ويلي وويلاه
وشلون منج ننحرم , ويلي وويلاه
نبجي ويسكتونه .. نبجي ويسكتونه
اليفكد امه اشلونه .. اليفكد امه اشلونه
••••••••••••••••••••••••••••••••••••
وين امي عافتني ومشت , ويلي وويلاه
ونار المصايب ما طفت , ويلي وويلاه
يا يمه روحي تعذبت , ويلي وويلاه
عالخد دمع عيني يصب , ويلي وويلاه
والشوفتج حن القلب , ويلي وويلاه
وجهج صبح جوه الترب , ويلي وويلاه
فركتج تاذينه .. فركتج تاذينه
يمه بس حاجينه .. يمه بس حاجينه
••••••••••••••••••••••••••••••••••••
القصيدة : خلصت العمر
الرادود : علي الساعدي
الشاعر : تحسين الخفاجي~~~
بالدمعه خلصت العمر .. ويلجمني ضلعي المنكسر
شيبني وكتي من الزغر .. وظلمتني الايام
انه الحزن مخلوق الي .. مجبوره اعوفك يا علي
حاجيني بالدنيه شلي .. مليت الالام
نوحي عماني والهم ولاني~~~
انجرحت وجرحي اذاني . وغصن مكطوع خلاني
اصبر روحي بالكوه . حالك تدري بجاني
الف مره انشلع قلبي . وعيني اعله الدرب تربي
يتيمه وما الي واحد . واشكي حالتي الربي
ياذوني ويجرحوني وتحمل يريدوني
من حزني اتعبت واللّٰه واجوا عالعين سطروني
من الناس هاي اتعذبت . بس القهر والهم شفت
سطروني عالعين وطحت . شيفيد العتاب
عالحايط اشلون انتجي . بكد البحر عندي حجي
خلصت حياتي بس بجي . وبقلبي الصواب
نوحي عماني والون ولاني~~~
علي روحك مثل روحي . ودمعتك تلجم اجروحي
اشمنك هوه عذيبي . يالهجرك سبب نوحي
اشوفك تمشي بالكوه . واكولن هوَ مو هوَ
علي اترجاك سامحني . وشيع ذكرتي الحلوه
عشت وياك ايامي مثل امرايه كدامي
ولا مره تخاصمنه ويمك تشفه الامي
عالعشره يا روحي اشكرك . مكسور اشوفن خاطرك
ما انسه حته اتذكرك . تعبني الفراك
ام الحسن تستاهلك . حته بصلاتي ادعي الك
كل لحضه احن واتاملك . وتهيج الاشواك
نوحي عماني والهم ولاني~~~
ما انساك يالغالي . خيالك عايش ابالي
فلا تنمل سوالفنه . يحيدر بيك هنيالي
يساكن قلبي واحساسي . وعبيرك يسري بنفاسي
وجع قلبك لجم قلبي . افتركنه والزمن قاسي
احب اسال عله اخبارك علي ما تنطفي نارك
انه وياك يا روحي عظيمه اسراري واسرارك
انه عليك اتعودت . وشفتك الف موته متت
انسه الالم يمك جنت . يا جرحي ودواي
بعيوني ضلت صورتك . شيصير بيه بفركتك
مكسور حته بمشيتك . وهمومك اهواي
نوحي عماني والهم ولاني~~~
اريدنك تغسلني . وبجفوفك تجفني
بنص الليل شيعني . وبين المكبره ادفني
علي كون اللي ظلموني . ماريدن يشيعوني
ذوله الطيحوا محسن . وخلف الباب عصروني
صرت مجبوره اودعنك وبعد ما راح اشوفنك
علي وداعت دمع زينب ما ودي ابتعد عنك~~~
القصيدة : صح الشهاده
الرادود : علي الساعدي
الشاعر : محمد الفنداوي
__
صح الشهاده تلوك بس للمثلكم
لكن محرم جاي ونحب لطمكم
ومن تبدي المآتم .. نتلفت ونسالم
ما نلكه جفكم
__
هل محرم وانتم بثوب الشهاده
يلي خلصتوا العمر ضيم وإباده
يم ابو الاكبر تحصلون السعاده
لكن المجلس عليكم حن سواده
يا طيبين الذات يصعب فكدكم
وحتى السواد اليوم يسألنه عنكم
كلمن سواد لابس .. وندور المجالس
هلبت عطركم
__
حن سواد المجلس عليكم يالأحرار
اي وحك شوغة ضلعها الشبك بسمار
نبجي حركه شما سمعنه الصوته تذكار
يقره ضلت بس صوركم ملا عمار
ضلت بس صورهم .. ما نعرف خبرهم
راحوا من ادينه شكد بجينه وما يرجعون
والعشنه بهواهم .. أذونه بجفاهم
راحوا من ادينه شكد بجينه وما يرجعون
وكلما نسمعه يكول لا ما يرجعون
تطلع الروح تريد وي دمع العيون
والملا من قراها .. لأجل الأجر هداها
بالمجلس إلكم
__
امكم تنادي عليكم ها يالأولاد
الليله بالمجلس ربعكم وزعوا زاد
دوروكم ما لكوكم ودوا امراد
لمكم الحضنت صوركم وانتم ابعاد
جلمه ييمه اليوم اسمعها ياريت
لكنها تطلع كون منكم تمنيت
أنتطر وأكابر .. وبركة النواظر
أشبك صوركم
__
هذا ابوكم واكف بمجلسنه شادود
بيكم اتباهه ودمعته فوك الخدود
ولو سمع عن أبو فاضل يقره رادود
يصيح كل اولادي فدوه لصاحب الجود
ونسمعه بأعله الصوت يتفاخر وصاح
كل احنه فدوه نروح لل عالنهر طاح
وكل ما رفعها ايده .. من تبتدي القصيده
يذكرنه بيكم
__
«وصیّة امّ البنین»
«تجليبه»~
عبّــاس اوصیك اليـــــوم يبني آيبني
ابزينب اوحسين المظلـوم يبني آيبني
طول الدرب ترعاهم ابدمّ النحر تفدّاهم
يبني آيبني
▪︎▪︎▪︎
يبــوفاضل اسلـّـــــم هالضعن بيـدك
عن حدّه تحـامي يبنـــــــي ابوريدك
تگرعیني يبــوالشيمـــــه آنــه اريدك
توگــف سورتحمي الخيم واعضيدك
ابطف كربله يارجواي يبني آيبني
هالحرم ترويــها الماي يبني آيبني
عالشاطي ماتنساهم بالغالي تتفدّاهم
يبني آيبني
يبوفــاضــــل دماك الطــاهــراتنذره
وانتـــــــــه من زغــرمنذور للــزهره
هاذه اليــــــوم من ازمــــان انتظره
نقدّم خدمه آنــــــه اويـــــاك للعتره
خدمة العتــــره الطیبين يبني آيبني
افضل فريضــه ابهالدين يبني آيبني
ابهالسفرانته اوياهم بالغالي تتفدّاهم
يبني آيبني
السفرلوطـال يبنـي آمـالـي يگطعهـا
تشب نيران وسط الـــروح اجرعهـا
اخوك احسين ديـــرة جـدّه ودّعـهـا
روحـي اتروح وابردتــــــه ايرجّعـها
ماردت من بعده الروح يبني آيبني
لمّن يرد ابگــــــه ابنوح يبني آيبني
اعليّه يعزفــرگاهم بالغالي تتفدّاهم
يبني آيبني
کفیل اوبـالکفـاله من علــــــي اتعهّد
حدّه عبّاس ابركب العايلــــــه وابعد
وامّــه ظل دمعها اليجري فوگ الخد
اوسهم فـــرگـاه چبد الـوالــــده مرّد
اوخلف الظعون اتناديه يبني آيبني
هم يرد ظعنك واتنيـــه يبني آيبني
ایردّون ليّه ارجاهم بالغالي تتفدّاهم
يبني آيبني
اظل احسب ليالي اوهـالليالي اتطول
چم فکره ابخیالي اتظل ییمّه اتجول
اوعله الغیّـاب من عندي الفکرمذهول
وابوالیمّـــه عدل ماادري لــــومچتول
اگضي الوکت بالحسبــات يبني آيبني
امن الدم اهلّ الدمعـــــات يبني آيبني
اشتاگیت آنه الملگاهم بالغالي تتفدّاهم
يبني آيبني
▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غير مبرئ للذمه كل من يحذف اسم الشاعر وينسب القصيده له
👇
اناشد والدمع ظل ينشد وياي
أوزعتو السنه الحسينكم ماي
ظلمه عليه الگبر
وتمر ايام عاشور
٠٠٠٠ ٠٠ ٠٠٠٠
الموت اجه ألروحي ودنه وبانت عليه الغربه
بأول محطات الأجل شتاگيت أشوف الكبه
مشاي ماروحن بعد وهاي شده وصعبه
بالموت كلشي يختلف وينگطع خيط الصحبه
أذكروني بمجالس يل تلطمون
ياخدام وادري ماتقصرون
روحي عليكم تدور
ظلمه عليه الگبور
٠٠٠٠ ٠٠٠٠
ميت ولاجن للصبط مشتاگه تجري عيوني
مسلوب ظل بلا غسل وانه الذي يغسلوني
حسين محد شيعه ليش انه اليشيعوني
ذممت أهلي وصحبتي بكل مجلس يمروني
أخر مره هايه ومر الوداع
گضت سنين عمري وخدمتي بساع
عمر گاظيه بالقصور
ظلمه عليه الگبور
٠ ٠٠٠ ٠ ٠٠٠
موقف ابد ماينوصف من نزلوني بالحدي
ظلمه الگبور ماينسكن وشلون اسكنه الوحدي
صار الحساب وبيه طحت وشفعتلي دمعت خدي
منكر سألني وصرخت انه دخيل المهدي
يامولاي اجيت وكلي تقصير
تشفعلي عرفك باب للخير
ظهري وگلبي مكسور
ظلمه عليه الگبور
٠ ٠٠٠ ٠ ٠٠٠
منيتي كون ارجع عدل وماعوف مجلس واحد
وركض وره الناعي ركض ركظت يتيم وشارد
والطم الطم فاكد اخو ماخلي مجلس بارد
الفوگه يهيلون الثره بالحلم يبقه يعاند
حلم ارجع بعد وحضر مجالس
وحشه المگبره مابيها واهس
بحب حسين مستور
ظلمه عليه الگبور
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي
*نخوة لمولاتنا البنين(ع)*
*《الطور قصيدة ابو الحواتم لا تلوموني لا تلوموني》*
❥━──➸➽❥❂❥━──➸➽❥❂
*لو نخيناها* *لو نخيناها*
*تحضر ام عباس لو نخيناها*
*جربيناها* *جربيناها*
*ساعة الشدات جربيناها*
❥━──➸➽❥❂❥━──➸➽❥❂
جربيناها تحضر الشده
اليعتني الها كلبه اتبرده
بابها المفتوح ماضن اتسده
سولفيناها سولفيناها
حلوة وكفتها وسولفيناها
❥━──➸➽❥❂❥━──➸➽❥❂
هاي ام عباس بكرم معروفه
و الي يطلبها ابد متعوفه
طايح بشدة بعينها تشوفه
هل نخيناها هل نخيناها
طحنه بالكلفات وهل نخيناها ❥━──➸➽❥❂❥━──➸➽❥❂
انبدها بالشده بساع تگظيها
بسفرتچ هاليوم دمعتي اجريها
جيت مهظومه حاجتي گضيها
اليوم ردناها اليوم ردناها
وگفتچ كلنه اليوم ردناها
❥━──➸➽❥❂❥━──➸➽❥❂
نريدچ ويانه حاضرة المجلس
ندري أم عباس تسمع النه الحس
اليطلب الحاجه ما يرد مفلس
اليوم جيناها اليوم جيناها
ام الكرم والطيب اليوم جيناها
❥━──➸➽❥❂❥━──➸➽❥❂
جينه كلنه اليوم والدمع يجره
نحلفچ بحسين الي نكسر صدره
نلطم وننحب وبالگلب جمره
ضايع ادواها ضايع ادواها
شيعتچ هاليوم ضايع دواها
❥━──➸➽❥❂❥━──➸➽❥❂
بسفرة ام عباس نطلب الحاجه
طايحه بشدة وجيت گصاده
اليعگد الرايه يأخذ مرادة
جربيناها جربيناها
راية ام عباس جربيناها
❥━──➸➽❥❂❥━──➸➽❥❂
*بقلم 📝خادمة اهل البيت*
*نسألكم الدعاء الفاتحه الى روح اختي وﻷمواتكم:🍃*
من ديوان عبرات وأنين ج٦
قصيدة لسفرة أم البنين (اجيت لسفرتچ)
❥━──➸➽❥❂❥━──➸➽❥❂
اجيـت لسـفرتج ودموعي عالـخدين
يم عبـاس مهظومـه واهـل الـعـين
❥━──➸➽❥❂❥━──➸➽❥❂
اجيت لســــــــــفرتـج هـــــــــاليوم عنايـه
احچي همـــــوم گلبـــــي واعگد الرايـه
خلـص عمـري بمناحـه وبـس دمـع وونـين
❥━──➸➽❥❂❥━──➸➽❥❂
اجيتچ ناحلـه والحـزن غـــاطيني
وادري بـيچ حـره ومـا تفشليني
اصيح بصـوت مـولاتي وبعـد عين
اريـد اقـسـم علـيچ بـجـاه دم حسين
❥━──➸➽❥❂❥━──➸➽❥❂
واريـد اقسـم علـيـج بداعـــة الزهـــرة
يمولاتي حزينة وبالگلب جمرة
وبصدري تراها مكسره العبرة
ومحتاره انه انطي الوجه لا وين
❥━──➸➽❥❂❥━──➸➽❥❂
گالولي اندبي ام البنين اليوم
تگضي حاجتچ وتزيل الچ الهموم
بس قسمي عليهه بداعة المظلوم
صحت يم الكرم بحوالي تعرفين
❥━──➸➽❥❂❥━──➸➽❥❂
صحت يم الكرم تدرين بحوالي
مهظومه وحزينه والدمع هالي
ومن هم العلي ممرود دلالي
عليه همي چبير وحيراني البين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
بعدك يمختار«»«»«»بيه الزمن دار
انا الزچيه الطاهره ادموعي تجري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعدك يبويه اتعذبت،،،وبدنيتي اتمرمرت
مانامت العين
وعيوني ذبلت بلسهر،،،وبحالي اشسوه الدهر
محتاره كل حين
يابويه فراگك صعب،،،ودموعي علوجنه تصب
وصفگ بليدين
شحچي وشسولف ياوضع،،،ومكسور من عندي ضلع
وبگلبي جرحين
،،وتغير الحال«»«»«»من كثر لهوال
،،بس مارحت ياوالدي عذبني دهري،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ولوتدري بيه شجره،،،وشنهو الحصل وي حيدره
اسمع عتابي
بس ماغبت وانت النبي،،،تمرجل علينه الناصبي
سبب عذابي
بچفوفه من جاب الحطب،،،وابابي اتعاله اللهب
اتجاهل حجابي
گالوله فاطم هل تون،،،،واسمعته يكلهم وأن
وتعده بابي
،،ماهمه الصار«»«»«»وبچفوفه النار،،
،،وبيده شعلها مارحم مجروح صدري،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مني جنيني من سگط،،،وگليبي بلعصره فحط
مابيه اگومن
انزف دمه فوگ الاارض،،،ومابيه كوم وانتهض
ظليت ألوجن
وحيدر تگيد ياوسف،،،وگبالي من شفته انچتف
وابحيره احومن
بهمي صرت متلوعه،،،وروحي بمصابي مروعه
وبيهم ألومن
،،وشينفع اعتاب«»«»«»وي ذولي لعراب،،
،،نكروا وصيت والدي ونكسر ضهري،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ورده وگتلها العطش،،،وماتت وهي بثمن طعش
لاكن چبيره
تقوى وصلاة وصايمه،،،والليل كله قائمه
ابدمعه غزيره
بل كوه تمشي لومشت،،،بكسر الضلع اتعذبت
حيرتها حيره
وبهيده لورادت تون،،،خافن يحس بيها الحسن
وبراسه غيره
،،بلخفيه اتنوح«»«»«»لو ونت الروح،،
،،هايه الحبيبه الزاكيه افديها عمري،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كلشي بغيابك مابقى،،،بس ذكريات السابقه
اذكر دلالي
غدروني يابويه ترى،،،بس ماتواريت الثرى
محد بقالي
وعمري تبده ونچفه،،،وياريته وياك اختفه
وحشه الليالي
عمري مثل رمشت رمش،،،وبلحظه انشال بنعش
بعدك يغالي
،،ضاع العمر ضاع«»«»«»وبكسرلضلاع،،
،،وتاليها نسكن بلحدگبرك گبري،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي
اول مظلومه يفجعوني،،
بويه خلافك مارحموني،،
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شحجيلك عالصاير بيه
تحظر ريت اتصد عليه
خلافك ابچي كل يوميه
مهظومه وروحي مسبيه
،،ماترضه عليه يأذوني،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اسمع بويه مني عتابي
انظر حالي شوف صوابي
زمرة شر الدفعوا بابي
وگومك ماراعوه احجابي
وياوسفه ابچي خلوني،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بغيابك يا حالي اتغير
خدي ابفعل الظالم احمر
هواي تعذب گلبي تمرمر
تقبل ضلعي بويه اتكسر
ياريت وياك يدفنوني،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعصرت بابي حيل اذاني
ومن ضلعي انحب خلاني
و ابسوطه قنفذ بچاني
رد ليه ابمتني طگاني
شوف بعينك هاي متوني،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فوگ همومي هم الفرگه
روحي بعدك مثل الورگه
بهم حزاني هل متعلگه
غيابك طول ريت الملگه
كل يوم بلوعه يهظموني،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي
رثاء ام البنين ع السلام
عبدالهادي كريم العريفاوي
________
شو بنيني مااجوني وودعوني
هالمسيه
اخر اللحضه بحياتي اشعر الليله وفاتي هالمسيه
________
حلوه كعدتهم كبل كل مغربيه
هذا بو فاظل مكانه والبقيه
من اصيحن ماكو واحد ردعليه
خمسه اولادي صفت داري خليه
حسين وينه ماحضر ولاشفت نور الكمر ويلي من غدر الدهر غابوا سويه
كلهم ابعاد حيروني شو نسوني هالمسيه
راح اعيش بذكرياتي اشعر الليله وفاتي هالمسيه
________
وجه ابو اسجاد بي يهجع ونيني
ريت ابو فاظل يجي ويجبر حنيني
روحي تفرح من اشوفه كبال عيني
يكفي ابو اليمه وفدى كلهم بنيني
منيتي هاي بدنيتي حسين اشوفه بحجرتي من يشيل اجنازتي بسكتة ونيني
ريته لو جاي من طفوفه كون اشوفه هالمسيه
والصبر اجمل صفاتي اشعر الليله وفاتي هالمسيه
________
ريت ابو اليمه يجي الليله اشوفه
انه اعذره وليدي لو صعبه ظروفه
خل يسولفلي اشجره بليلة طفوفه
بسمه تلهج روحي تتسلله بحروفه
حيلي للفركه انهدم كالوا ابنج ماسلم صدره بلخيل انهشم وزينب تشوفه
حسيني مذبوح من وريده وخنصر ايده هالمسيه
بطيحته واضح شتاتي اشعر الليله وفاتي هالمسييه
________
هوايه زينب سولفتلي يمه عنكم
روحي ذابت من مشيتوا وودعتكم
حيلي راح بيوم رحتوا عني كلكم
ديره وحشه البيها يتشتت شملكم
ويلي من رحتوا سوه بريتي شو ضاك الهوه كيالي شيال اللوه كافل حرمكم
ومن مشيتوا دمعي يجري الله يدري هالمسيه
روحي تشرح نايباتي اشعر الليله وفاتي هالمسيه
________
وينه ابو اليمه ردت يفزع عليه
خاف اموت وداره ياوسفه خليه
ريته يحضر يمي لحضات المنيه
سكرة الموت بوجوده اتخف عليه
لجيته ماعندي امل كلبي نيران اشتعل ها يبن خير العمل تحضر اليه
هو يحضر شدتي من ينشف دمعتي حيره والله حيرتي هالمسيه
دمعتي بصبري وصلاتي اشعر الليله وفاتي هالمسيه
بسمچ أبدي وأستعين
حزمي گلبي عالونين
ودمعه أريد بلا نفاذ
ماتجف طول السنين
گلبي بحماچ وأسنيني.. نسمة هواچ تحييني
يامن شذاچ يرويني... حب ودموع
كلي أنكسار وجروحي..وبگلبي نار وبنوحي
ماخذ قرار يا روحي..... وبلا رجوع
طالب رضاچ ودمعه وطهاره
ورايد دليلي ما تطفى نارة
أنا ارد اعيش بكيف أختيارچ
عبدچ دخيلچ بيدچ قراره
گلبي بمصابچ رهين
ماكو لحزانچ قرين
الدمعه لجلچ بيها روح
تخلق بگلبي الحنين
خيمة وفاء تعزيتچ.. چنها الكساء وبيتچ
روح العزاء بحنيتچ.... يلگه اليهيم
كلشي أقترن بسمائچ..والما لعن أعدائچ
ويستغني عن أرضائچ.. مشرك زنيم
اليترضى عنهم والما تبره
شارك فعلهم ظلعچ يكسره
ديني البرائه وعندي عقيده
وهيه البرائه للزهرة نصره
لجلچ أنصاغ الوجود
محبتچ سر الخلود
وبحروفچ سر عظيم
وما تحد شخصچ حدود
سر السماء يعني أنتي.. الله يشاء لو شأني
وهم للعطاء أم صرتي.... وأم للوفاء
جنة حنان تصويرچ.. حكم الزمان بتدبيرچ
الحب والأمان من خيرچ.... والكبرياء
الحبل المتين وبيچ التمسك
حاشا يظيع ولا حاشا يهلك
بيچ أستجير أبكل نايباتي
وندب دخيلچ وهمومي تنفك
من أصد بعيوني باب
تنرسم لوحة مصاب
كسرة أظلوع وجنين
طايح وهذا العذاب
محسن يطيح بالعصره.. بس مو ذبيح يالزهره
أصرخ وصيح بالحسره.....آه يا حُسين
حسينچ غريب والهظمه.. شيبه الخضيب من دمه
هذا الحبيب يا يمه...... ماله مُعين
ظلعچ تكسر و الغالي صدره
بالطف تسحگه خياله عشره
وحرگو خيامه وأخته غريبه
مسبيه تمشي بنتچ يزهره
حسين حمدان الدلفي
عُگُبْ عِينِ الْأَحْبَابْ
جَمُرْ شَبُّوهَه الْبَابْ
رَسُولَ الله الْأَصْحَابْ.....خَانِتَه
-----------------------
ضِلِعْ يِشْرَحْ مُصِيبَه
خِيَانَتْهُمْ عَجِيبَه
لَمَنْ رَبِّ الْكُفُرْ قَرَّرْ يِطُبْ بِيتِ الْحَبِيبَه
جِمَعْ رَبْعِ السَّقِيفَه
جِيَفْ قَائِدْهَه جِيفَه
غَصُبْ عَنْهُمْ يِظَلْ حِيدَرْ عَلِي هُوَّه الْخَلِيفَه
هِجَمْ جِيشِ الشِّيطَانْ
عَلَى دَارِ الرَّحْمَانْ
عَهَدْ سَيْدِ الْأَكْوَانْ.....خَانِتَه
-----------------------
إِسِمْنَه الْرَافِضِيَّه
حِمَلْنَه اشْرَفْ هَوِيَّه
رُفَضْنَه اهْلِ الظُّلُمْ مَا عِدْنَه بَسْ حَامِي الْحَمِيَّه
نِحِبْ كِلْمَنْ يِحِبَّه
نِعَادِي لْيِنْسَه دَرْبَه
لِأَنْ كِلْ شِيعِي يِنْبُضْ بِالْوِلايَه صَافِي گَلْبَه
عَلِي عِشْگَه الْمِقْيَاسْ
نِبَاهِي بِيهِ النَّاسْ
وِسَفْ زُمْرَةْ أَنْجَاسْ.....خَانِتَه
-----------------------
كَسُرْ ضِلْعِ الزِچِيَّه
صُبَحْ أَصْلِ الرِزِيَّه
بْسَبَبْ هَاذَه الْجِرَى حْسِينِ انْذِبَحْ بِالْغَاضِرِيَّه
سِيَاطِ لْأَلِّمَتْهَه
نَفِسْهَه شَاگُفَتْهَه
حَبِيبَتْهَه الْعَقِيلَه زِينَبِ الْمَظْلُومَه بِتْهَه
لْحِرَگْ بَابِ الدَيَّانْ
حِرَگْ ذَاكَه الصِّيوَانْ
مِثِلْ جَدَّه الْعَدْنَانْ.....خَانِتَه
-----------------------
عَدُوهَه مِنْ عِصَرْهَه
هِشَمْ وَسْفَه صَدُرْهَه
لِحَدْ مَا عَالتُّرُبْ مِحْسِنْ وِگَعْ تَالِي بْكِتُرْهَه
بِچَتْ صَاحَتْ تَعَالِي
يَفِضَّه وْشُوفِي حَالِي
أَنَه أُمِّ الْحَسَنْ عُگْبِ النَّبِي غَرَّبْ دَلَالِي
هِدَمْ حِيلِي الْبِسْمَارْ
وَانَه رُوحِ الْمُخْتَارْ
أَمُرْ رَبْنَه الْأَشْرَارْ.....خَانِتَه
-----------------------
عَلِيمَنْ حَارِبُوهَه
وِاهِي مُهْجَةْ أُبُوهَه
جَهَنَّمْ تِنْتِظِرْ هَايِ الْأَعَادِي لْرَوِّعُوهَه
تَرَه بْيُومِ الْقِيَامَه
فَلَا تِنْفَعْ نَدَامَه
حِسَابِ الْأُمَّه كِلْهَه حِيدَرِ تْوَكَّلْ نِظَامَه
غَضَبْ رَبِّ الْأَرْبَابْ
يِصُبْ فُوگِ الْأَعْرَابْ
لِأَنْ هَايِ الْأَذْنَابْ.....خَانِتَه
-----------------------
#الليالي_الفاطمية
الشاعر حسن خنافر العاملي
*القصيدة من ديوان 📚 دموع وعبرة في رثاء العترة الجزء الاول*
*قصيده لمولاتي ام البنين (ع) تنعى اولادها*
❥━──➸➽❥❂❥━──➸➽❥❂
*صوبني زماني هواي...وعالويلاد بجاني*
*أخذ من عندي العباس...الردته يصير دفاني* ❥━──➸➽❥❂❥━──➸➽❥❂
صوبني زماني هواي ...ضليت اجذب الونه
اصيح بصوت آه يبني... يمه غربت عنه
يبو الغيرة يبو النوماس ...يحامينه ويكافلنه
اخلافك وحشه هالدنيه... زماني بيك اذاني
❥━──➸➽❥❂❥━──➸➽❥❂
فجعني الزمن باولادي ...وخله البیت ظل خالي
أجر ونه بأثر ونه ...الدنية عذبت حالي
ربيت الولد للعوز... ورتك یالولد والي
تاليها الزمن غدار ...يبني وبيك غدراني
❥━──➸➽❥❂❥━──➸➽❥❂
زماني حيل اذاني...ما واحد رحم بيه
حرمني لمت اولادي...ولا واحد رجع ليه
ردتكم للكبر هيبه ... وستري وخيمه اعليه
لکن للاسف رحتو ...وزمانی کثر احزاني
❥━──➸➽❥❂❥━──➸➽❥❂
تمنيت بوكت موتي ...وگبل لایحدي الحادي
تلتم وعلي تبچي ...يم اجنازتي اولادي
بگيت انه تره وحیده...وهمي حارك افادي
ضليت اجذب الونه ..ودمعي غرك اجفاني
❥━──➸➽❥❂❥━──➸➽❥❂
انه ام البطل عباس ...بالحاجات معروفه
يالعندج طلب طلبي ...وام عباس متعوفه
بس حلفيها بالويلاد...للشدات موصوفه
منج رايده مرادي...وجيت المجلسچ عاني
❥━──➸➽❥❂❥━──➸➽❥❂
*بقلم شاعرة اهل البيت ع*
*العلوية مريم النور*
*نسألكم الدعاء الفاتحة الى روح اختي ولأمواتكم:*
#فاطمة_صديقة_شهيدة
*وداع امير المؤمنين ع عند قبر فاطمة ع / لحن الجفيري~*
شلون الصبر يا زهرتي
يلّي خذيتي فرحتي
ادفنها بيدي رويحتي
وبيديّه اوسّدها بلحد
〰〰〰〰〰
طاح وركن حيله انهدم
يبچي على ضلع انهشم
وبگلبه أحزان وألم
مفارگ حبيبه للأبد
〰〰〰〰〰
يشتم تراب من الگبر
وناداها يا ضيّ العمر
من بعدچ الظهر انكسر
وتذبّلت غصن الورد
〰〰〰〰〰
حاچيني چلمه واستمع
يالطابت اوجاع الضلع
گلبي بمحنتچ ينفجع
تودعيني ما تردِي أبد
خادمة آل محمد✍
القصيدة : فاطمة يا فاطمة
الرادود : علي الساعدي
الشاعر : احمد واثق العيساوي
+++++++++++++++++++++
مرات أنسإل منهو تحب أكثر ؟
أمك لو الزهرة يا عشك أكبر ؟
فاطمة يا فاطمة
+++++++++++++++++++++
شيمك بالبدايه سألت الناس عبد الزهره اسمي
مو سيد واكلها يمه زهراء يا حنية أمي
بسم اللّٰه ابدي بيومي وانوب باسم فاطم أسمي
اول ما اكوله بلفظة الفاء أشعر راح همي
إبن من انتَ لمن سألوا الوادم
عد فاطم أنه خادم وابن خادم
فاطمة يا فاطمة
+++++++++++++++++++++
شنو سر التعلق رادوا الجوابو شنو أنطت إليه
بوصف الطافها ما تكفي الاوراق الشايلها بديه
أحس اللّٰه يحبني إنطاني بالإيد خدمتها هديه
عندي العافيه موجوده ما دام موجوده الزجيه
أمهات الدنيا وشما بيها حنيه
من فاطم متوصل خمسه بالميه
فاطمة يا فاطمة
+++++++++++++++++++++
صح بعمري ما شايف الزهراء بس شايف فضلها
كالوا من أهلها اطلب الحاجات والزهره اهلها
الفاكد امه ميحسبوه عالايتام لمن يلجأ إلها
هي ام ابوها والنبي چان يا يمه يكلها
جانت تندعي للناس ليليه
ام الحسن الام المثاليه
فاطمة يا فاطمة
+++++++++++++++++++++
سيدة السمه أنسيه حوراء الزهره قبل حوه
أسمها عالعرش بالنور مكتوب ومنه الكون ضوه
كل محتاج الها مروتج يكول عليه تمطر مروه
اليهوه ام الحسن اللّٰه يعليه والعاداها يهوه
بلا معنى اديه بغير سبحتها
اسمي انساه وما انسى زيارتها
فاطمة يا فاطمة
+++++++++++++++++++++
كالوا وين ساكن شنو الموضوع ما مستقر وضعي
من مجلس لمجلس وين اكو دموع بي تلكوني أنعي
بصدري أكو صوره باب محروك ناره جوه ضلعي
دخان الحرك يچوي بالعيون لذلك يجري دمعي
طفل بأحضان أمي وروحي منهظمه
أتذكر حسين إنحرم من أمه
فاطمة يا فاطمة
+++++++++++++++++++++
القصيدة : ما عدنه غير الزهرة
الرادود : علي الساعدي
الشاعر : حسين الساعي
____🕊️
خدام ونصرخ للموت
ما عدنه غير الزهرة
____🕊️
لمن يطشرنه الوكت ويهدنه
تجمعنه أمنه فاطمه وتلمنه
بالدنيه غير أم الحسن ما عدنه
نوالي اليوالي الزهراء .. من العدو نتبره
____🕊️
يا من تدور الخدمه والفوز منين
نحجيها ونرددها بدموع العين
حُب الزچيه يجيب إلك حُب حسين
ما صرنه خدام حسين .. لو ما الزچيه الحره
____🕊️
ربك اذا عبده يريد يشرفه
من زغره يم باب الزچية يوكفه
هالحب اذا يسعر بعد ما يطفه
جمرة عشق لآخر يوم .. ما تنطفي هالجمره
____🕊️
امصاب الضلع والعصره ما مثله امصاب
الما تلطم اعله الزهره وامصاب الباب
شنهوا فرقها ويه اللي جانت أصحاب
الما يحزن ويه الكرار .. شِكْ بولائه وأمره
____🕊️
چلمتنه وحده ودايم نرددها
وايدينه يم باب الزجيه نمدها
والحاجه ما نطلبها بس من عدها
لا للظلم لا للعار .. مو مره مية مره
____🕊️
هيَ الأصل وهيَ الشرف وهيَ الحگ
وياها أكبر طاغيه ما يندگ
يدنكلها وينحني الذي ما دنگ
رايتها فوك الرايات .. دايم تضل منتصره
____🕊️
واللي يوالي فاطمه وخِدمها
باچر تحضره فاطمه بألمها
كافي يصيح اعله الصراط اسمها
____🕊️
القصيدة : حار البسمار
الرادود : علي الساعدي
الشاعر : ذو الفقار الزيدي
•••••💔 ••••••💔 ••••••💔
حار البسمار .. طگ ضلع أمي
ومن ثكل الباب .. طاحت يمي
شما كالت آخ .. يكثر همي
•••••💔 ••••••💔 ••••••💔
زغيره وضيعيت أمي
وطفه الكلشي بنضر عيني . ويه دفنتها
بعدني بعازة اليُمَّه
وافز كل ليله عطشانه . اعله جلمتها
من زغري وصبح عمري مصيبه تجر مصيبه
ويموت اليحب حسره اذا فارك حبيبه
ويوم الراحت من ايدي صرت زينب غريبه
من عيني وراح .. شوف عيوني
وياها تمنيت .. لو دفنوني
حتى أم الآه .. ما يسموني
•••••💔 ••••••💔 ••••••💔
شفت موقف هدم حيلي
بين الباب والحايط . يعصروها
اسمعت طكت ضلع منها
وفوك العصره والكسره . يضربوها
شفت المحسن اكبالي وكع فاكد حياته
ما فاتح جفن عينه وفتح عينه المماته
ابن الزهره يا عالم يشوف امه امنياته
لا فاتح عين .. لا شاف أهله
بهالسرعه يموت .. لا مو سهله
حكه المن هاي .. حسره تكتله
•••••💔 ••••••💔 ••••••💔
بقت بالكوه تتنفس
ويه كل جره نفس ماتت . احس بيها
لحد ما ذبلت ام روحي
واجلها تبين ابالي . كرب ليها
بكل جرة نفس تاخذ شنو الباقي بدليلي
وبتوت القلب خلصن حرامات ويويلي
زينب راحت الزهره صبح بالي يحجيلي
كل ساعه البال .. ياخذ روحي
امج متعيش .. زينب نوحي
وكبرانه هواي .. الكه جروحي
•••••💔 ••••••💔 ••••••💔
منها وحضرت روحي
المصيبة كربله وهمها . ومآسيها
تحضرت الحرك خيمه
واخوتي من أصعد التله . اشأناديها
التدعيلي ارحلت مني وبدت قصة عذابي
ومن مصيبة الزهره عرفت نوحي ومصابي
ويه الدنيا ومآسيها بديت انه بعتابي
من هذا الصار .. تبدي احزاني
تخيلت الكيد .. حيل اذاني
وارماح تشيل .. روس اخواني
•••••💔 ••••••💔 ••••••💔
القصيدة : أصعب وداعين
الرادود : علي الساعدي
الشاعر : عبد الجليل المالكي ››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
أصعب وداعين شافتهن العين
الزهرة وأبو الزهرة
››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
راحوا وعافوا علي ثنيناتهم
طفت روحي من طفت شمعاتهم
كون أموت وأندفن بيناتهم
قلبي ضل ما يحتمل جمراتهم
تركوني للنوح ،، وأتنفس جروح
الزهرة وأبو الزهرة
››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
أنفكت أيام الشراكه وياهم
ماي جانولي الزمن بداهم
إعزاز قلبي وحكه ما ينساهم
بكل نفس الأتنفسه طرواهم
اي واللّٰه مشتاك ،، ما أحمل إفراك
الزهرة وأبو الزهرة
››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
من جنايزهم أثر بجتافي
حروف أساميهم طبع بشفافي
شمع عشرتنه بجفاهم طافي
شكد بجيت اعليهم وما وافي
يا جرحي ما طاب ،، بفراك الأحباب
الزهرة وأبو الزهرة
››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
عطش فركاهم حرك بستاني
ضال وأتنفس هوى شمتاني
الدنيه فاجد سجلت عنواني
ساد بابي وفاك باب أحزاني
عايش للدموع ،، ومفارك شموع
الزهرة وأبو الزهرة
››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
ميت ال بالمقبره طم روحه
وعلي ميت والتعيش جروحه
جملتي بليل الهجر مبحوحه
وانه عايش تره الخاطر نوحه
كل مغرب يموت ،، البحبابه زاتوت
الزهرة وأبو الزهرة
››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
الناس حزني ما تعرف أسبابه
ولا تعرف الغاب شنهي إغيابه
الأترف من الماي بعد أحبابه
ما يطيب شما ينوح إصوابه
ما ساعه مرتاح ،، أتذكر الراح
الزهرة وأبو الزهرة
››››››››‹‹‹‹‹‹‹‹‹››››››‹‹‹‹‹‹‹‹‹‹‹›››››
وين
فاركني نبض الكلب
الماشي حبيبه بدرب
كل ناسه تصبح غرب
راح
مو هوه روحي مشت
وعيوني عكبه انطفت
وكل المدينه اضلمت
شلي بحياتي وابني راح من ضعنه كوطر بالنساء
اعرفت بمماتي استراح ولا ابقى اعيش بهالجفاء
بين المنيه وهجر الغوالي
حتى لعدوك متريده حالي
فدوه اربعتهم يوليدي لسمك
ادخيلك ترد ايام الخوالي
......
الباب
كاره كعدتي وانه
منتظره من جم سنه
بلكت يجي الموطنه
نوح
اكظي حياتي إله
عالصاير بكربله
وعالشافته العايله
عاشر احسه جنه سيف يذبح صفنتي والدلال
وضهريه ذيجه وكلها صيف وبيها حبيبي اعله الرمال
مجفي اعله وجهه والرمله تجوي
حافر يدوسه بظهره اشيسوي
محد يستره الفاكد عضيده
بالهيمه عاري وصيوانه يدوي
....
صار
تشييعي للمكبره
اوادم مشت بالسره
ويمي سور تنقره
بس
ابني يويلي امس
نام اعله حر الشمس
واتشيع من الرفس
وشيعته كومه من السهام الف وتسعميه الجروح
كام اوكع وانوبه كام شاف الغرب لخته تروح
والمردت ابني وزيدت هضمته
ما يرضى تنطك كدامه اخته
زينب اميره أبين الهواشم
يسلبها شامت تذبح نضرته
..............
ليش
بت الشمس تنولي
اخت الكمر تبتلي
ما جنها وردة علي
اه
واجبيره هالمعضله
شافتها كل كربله
امراكض تلم عايله
ليل اهدعش ماله قرار خلاها بيد المو غيور
من الخيم مطفيه نار بس بكلبها لسه تفور
تمشي وحدها بالضلمه تاهت
جم مره ناحت جم مره طاحت
بين الضحايا وما عدها نيه
عثرت ببنها ولبن امها راحت
...................
راح
ضعن الله صوب السبي
واليحدي بي اجنبي
والحادي ميحب عبي
شام
هون ترى كربله
شكد زحمه تدخل اله
وامربطه بسلسه
الشام الخزانه وفشله حيل شايف وجهنه جم غريب
حرنه بسترنه فوك الهزيل ستر الله بالشام السليب
كوه عليها وتدخلها زحمه
ذيج القصور الما بيها حشمه
طكو اخوها بالخيزرانه
ناس الولوها ما عدها رحمه
..............
الشاعر سيد حيدر الجزائري
https://youtu.be/jn8H_paQRSM?si=grtyyaPIgY-WN2E_
Читать полностью…
*مجلس نعي لسفرة أم البنين (عليها السلام)*
❥━──➸➽❥❂❥━──➸➽❥❂
*المقدمه*
صل الله عليك يا سيدي ومولاي يا رسول الله وعلى آل بيتك المظلومين صل الله عليك يا مولاي وابن مولاي يا ابا عبد الله يا غريب يا مظلوم كربلاء صل الله عليكِ يا مولاتي يا أم البنين يا من فديتِ اولادك من أجل نصرة الحسين ما خاب والله من تمسك بكم وأمن من لجأ إليكم يا ليتنا كنا معكم فنفوز والله فوزاً عظيما.
*القريض*
❥━──➸➽❥❂❥━──➸➽❥❂
يَا قَاصِدَا أَمْ البَنِينِ فَقُلْ لَهَا
نُقْسِمْ عَلَيْكِ بِابْنِكِ العَبَّاسِ
تَعَلَّقَتْ حَاجَاتُنَا فِي حَضْرَتُكِ
هَا قَدْ أَتَيْنَا وَضَاقَتْ الأَنْفَاسِ
نَشْكُو الزَّمَانَ وَمَا جَرَى مِنْ وَيْلَةٍ
مِنْ جُوَرِهِ وَجَوْرِ هاذي النَّاسِ
نَشْكُو إِلَيْكِ يَا كَرِيمَةُ حَالَنَا
معروفهً وَقْتُ الشدد وَالبَاسِ
مُولَاتِي اِقْضِ لِلمَوَالِي حَاجَتةً
بِحَقِّ زَيْنَبَ وَقَطْعِ ذَاكَ الرَّاسِ
*ابوذيه*
❥━──➸➽❥❂❥━──➸➽❥❂
نسوي قرايه للحره وسفره
كضاها افراك ابو اليمه وسفره
كبل تزهي لياليها وسفره
وصفت ظلمه عگب شبل الزچيه
❥━──➸➽❥❂❥━──➸➽❥❂
*نعي فائزي:*
❥━──➸➽❥❂❥━──➸➽❥❂
جيت لسفرتچ يالكريمه دسمعيني
واعله الهظم وهموم گلبي ساعديني
❥━──➸➽❥❂❥━──➸➽❥❂
يم البطل أنخاچ والدمعات بالعين
واقسم عليچ بجاه ابو فاضل والحسين
❥━──➸➽❥❂❥━──➸➽❥❂
واقسم عليچ بجاه زينب والزچيه
تشيلين عني همومي الآثرت بيه
❥━──➸➽❥❂❥━──➸➽❥❂
لا فايد لعلتلي دوه ولا فاد الضماد
يم البنين الاربعه حيلي تره باد
❥━──➸➽❥❂❥━──➸➽❥❂
*نعي مجرد:*
للسفرة اجيت وتهل عيني
يم الكرم سمعي ونيني
وعلى ضيم گلبي ساعديني
بكل شده اريدن تحضريني
وادريچ حاشه تفشليني
❥━──➸➽❥❂❥━──➸➽❥❂
حاشه تفشلينه اليدك بابچ
يم سفرتچ تنحب احبابچ
ونريد من عندچ جوابچ
كلنه تعنينه على اعتابچ
يفت الصخر يوجع مصابچ
❥━──➸➽❥❂❥━──➸➽❥❂
نذكر مصابچ يم البنين
يوم الضعن حمل تونين
وتصيحين يا عباس يحسين
عني مشو كلهم الطيبين
واظل لدربهم شابحه العين
❥━──➸➽❥❂❥━──➸➽❥❂
عافوني بحزن اجهر الونه
وصحت بصوت وين اهل المحنه
لا منهم خبر لا ردو النه
ولا مرسال الي يسكت حزنه
منهم يا گلب اگطع الظنه
❥━──➸➽❥❂❥━──➸➽❥❂
يا گلبي ايس من الاحباب
نامو سويه حدر التراب
وگلبي عليهم صار عطاب
ولدي واعز من الهوه الهاب
ويا كسر الگلب يوجع ولا طاب
❥━──➸➽❥❂❥━──➸➽❥❂
إنا لله وإنا إليه راجعون وسيعلم الذين ظلموا آل بيت محمد أي منقلب ينقلبون والعاقبة للمتقين يا شيعة يا موالين إن سفرة أم البنين من المجربات المشهورة بقضاء الحوائج وحل المشكلات والكثير الكثير منا جرب سفرة أم البنين (عليها السلام) في مواقف عديده في قضاء الحوائج وشفاء المرضى.
فكل من يسأل الله تعالى ويدعوه بنية صافيه وقلب صادق يعطيه الله ما يشاء بكرامة هذه السيدة العظيمة وإنها من النساء الجليلات فعلينا أن لا ننسى فضلها وكرمها علينا...
وإن سفرة أم البنين هي عبارة عن مجلس حسيني وتوضع فيه مائدة من الطعام واطعامها باسم أم البنين (عليها السلام) ويقرأ عليها بعض الآيات القرآنية والادعية في بداية المجلس ومن ثم تقرأ القصائد والنعي والحديث عن مصيبة أم البنين وكراماتها ومكانتها عند الله سبحانه وتعالى فمن يحضر سفرتها بنية صادقة وقلب صافي ويندبها فتستجيب لدعائه وترزقه بما يشاء بإذن الله.
فيا أخواتي ويا أمهاتي الفاضلات أم البنين نعمة من نعم الله علينا فإذا أردنا أن نتوسل بها ونطلب منها نصلي على محمد وآل محمد مئة مرة أو قراءة سورة الفاتحة وإهداء ثوابها إلى روح وضريح أم البنين أو قراءة زيارة أم البنين أو زيارة عاشوراء وإهدائها أيضاً إلى روح وضريح أم البنين (عليها السلام) وبعون الله تعالى وبركة أم البنين تقضي حوائجنا جميعاً ونسأل الله بحقها وبحق ابنها أبا الفضل العباس أن يشافي كل مريض ويقضي حوائج المحتاجين.
نعم يا حاضرين العزاء إن مصاعب الدنيا ومشاكلها كثيرة فنسأل الله بحق أم البنين أن تخلصنا من كل شدة وتزيل منا كل هم وغم.
فنحن لا ننسى مصابها بفقد الحسين وولدها الاربع الذين فدتهم من أجل نصرة الحسين...
*نعي مجرد:*
❥━──➸➽❥❂❥━──➸➽❥❂
نگلها:
ماجوره يم عباس بيهم
ماتو المتعوده عليهم
اشعطلج ما رحتي ليهم
❥━──➸➽❥❂❥━──➸➽❥❂
شنهو المعطلچ ما تروحين
ماتو اعزازچ لا تنطرين
بالحومه محد دافنه حسين
❥━──➸➽❥❂❥━──➸➽❥❂
بالحومه مرمي ثلث تيام
داست عليه بالخيل ظلام
وعالمشرعه اتكنطر الضرغام
❥━──➸➽❥❂❥━──➸➽❥❂
عالمشرعه اتكنطر العباس
لا چف بعد لا عين لا راس
وزينب غريبه بدون حراس
❥━──➸➽❥❂❥━──➸➽❥❂
*ملاحظه: القريض بقلمي المواضيع ومن يريد أن يأخذه يجب أن يكتب اسمي والا فيكون غير مبري الذمه.*
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
https://youtu.be/VewFl7xSBVA?si=aMd6k5zIHOuKNm6Y
بفاطمٍ توسّل
#الرادود_حسن_عميص
دمعاتُ أمي ..
هوت على يديَّ
كوردةٍ نديَّةْ
تبسّمت وقالت
أوصيكَ يا بُنيَّ
في ساعةِ البلاءِ
عليكَ بالدعاءِ
بفاطمٍ توسّل
سيِّدةِ النساءِ
بنتَ النبيِّ الأكرمِ
يا رحـمـةً للـعـالمِ
فلترحمي ولتُكرمي
ولتشفعي في الخاتمه
يا فاطمه يا فاطمه
عمري فداها ..
تضُمّني صغيرا
تُعينني كبيرا
لذا بها فؤادي
غدا هوًى أسيرا
فذكرُها شفائي
سكينتي دوائي
وحبُّـها غديرٌ
يسيلُ في دمائي
نهواكِ يا أمَّ الحسنْ
يا حرزَنا عندَ المِحنْ
كهفَ الأمانِ والسَّكَن
حصنَ القلوبِ الهائمة
يا فاطمه يا فاطمه
للفاطميةْ ..
تركتُ دَمعَتينِ
همَت على الحسينِ
مسحتُها بوجهي
وباطِنِ اليدينِ
رفعتُها يديَّ
لأطلبَ العطيه
عسى أنالُ أجري
بنظرةِ الزكية
منكِ هبيــنا نظرةً
يجلو سنـاها كربةً
منكِ هبيــنا رحمةً
أمَّ الحسينِ الراحمة
يا فاطمه يا فاطمه
هذي المجالس ..
مواطنُ العبادةْ
ومعدنُ الشهادةْ
بظلِّها رفاقي
تقلّدوا القلادة
ما فارقوا المآتم
عشاقُ ذكرِ فاطم
أرواحُهم ستبقى
تسطّرُ الملاحم
ما بدّلوا كلّا ولا
جندٌ لراياتِ الولا
هُم إمتدادُ كربلا
من أرضِنا إلى السما
يا فاطمه يا فاطمه
زينب فياض
هليوم هليوم حيدر منفجع
بفگد أم لحسين يجري الدمع
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مفجوعه لكوان بالصار وجره
ضلع الزچيه الظالم كسره
وباقي جرحها اليوم الأخره
اتنوح لملائك يمه تنجمع،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شنهو ذنبها مكسورة گلب
ومدمعها ايسيل علوجنه يصب
مصيوبه بسمار هلموقف صعب
هجموا علدار كل ذاك الفزع،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
گالوله بلدار فاطم هلتون
برجله رفس باب گاللهم وأن
ظهروهه لحقاد عباد الوثن
ياوسفه الباب عليها تندفع،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
طاحت علگاع من فعل الرجس
دمها غده ايسيل هلطيبت نفس
شمس الله اتنوح مكسوفه الشمس
من دفعت الباب كسرو الضلع،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ننصب عزانه نواسي المرتضى
ارض وسماوات وينوح الفضا
ياوسفه لظلوع منها مرضرضه
ماتت حزينه وابهذا الوضع،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي
مثل الشمع ذاب،،،گلبي ابمصابج
يا اغله الاحباب،،،حرگو ها بابج
رحتي من اديه،،،،،،،،بهاي المسيه
(/)(/)(/)(/)(/)(/)(/)(/)(/)(/)(/)
انتي الحبيبه للگلب وانتي غلاتي
بعدج ولايسوه العمرشلي ابحياتي
يل جنتي خيمتنه وضوه وكل امنياتي
والبيت هسه ابلاضوه ومجروحه ذاتي
،،يالرحتي ابساع،،،والهم ولاني،،
،،ضاع الاامل ضاع،،،ابوليت زماني،،
،،صعبه عليه،،،،،،،،ابهاي المسيه،،1
/////////////////////////////////////
فراگج صعب يم الحسن وعذب دليلي
مكسورظهري ابفرگتج وسهران ليلي
ونظرللحسين وحسن وصرخ يويلي
ايتام ضلوبغيبتج هدمولي حيلي
،،شي رجع الراح،،،ضلو يتامه،،
،،بيه الحزن لاح،،،خيم ظلامه،،
،،اعظم رزيه،،،،،،،،ابهاي المسيه،،2
////////////////////////////////////
مانشفت ادموع الحسن مجروح گلبه
وينادي يايمه ابعتب ودمعه يصبه
والدنيا ظلمه بغيبتج واهوايه صعبه
ماترحم الفاگد محب بالهم تعذبه
،،صاح الحسن وين،،،يايمه رحتي،،
،،دم تبجي العين ،،، ضاعت فرحتي،،،
،،ريت المنيه ،،،،،،،، ابهاي المسيه،،3
////////////////////////////////////
ليليه اسمع بس بجي اعليج ينعه
احسين لوحن وبجه گلبي يصدعه
سهران ليله بالحزن مانشف دمعه
ويگلي يابويه المشت هم ألها رجعه
،،بعد العمر ذاك،،،غمض جفنها،،
،،ويا بويه وياك،،،لفني ابكفنها،،
،،وي الزجيه ،،،،،،،ابهاي المسيه،،4
///////////////////////////////////
ماتشفه اجروح الگلب ابزينب ألمها
من النوم لوفزت تون تبجي الهظمها
وبا لدار تدور أثر واتريد أمها
تحضن عباتج ابحزن وبيها تشمها
،، شيصبرالروح،،،بعدج ييمه،،
،،ياگلبي مجروح،،،حزني يلجمه،،
،،شفت الااذيه،،،،،،،ابهاي المسيه،،5
////////////////////////////////////
كلشي رحل ابروحتج يالجنتي خيمه
مكسورضلعج فاطمه والله هظيمه
بعد النبي امصيبتج اكبر جريمه
مارعوحقج للأسف وانتي يتيمه
،،عليه الحزن دار،،،مانشف دمعي،،
،،وجن بيه مسمار،،،كاسرلي ظلعي،،
،،اول ظحيه ،،،،،،،،ابهاي المسيه،،6
(/)(/)(/)(/)(/)(/)(/)(/)(/)(/)(/)
الشاعرقصي القاسمي
#قصائد_الامام_الحسين_ع
#محرم_1443
السلام عليك يا أبا عبد الله
السلام عليك يا أبا عبد الله
_
يحسين يا اقدس عشك
كلش صعب شيفسره
ويانه عاش امن الصغر
عشك وبعد عالفطره
والما يحبك سيدي
خسران عايش عمره
كل عذر ما عنده بعد
خيفيده باجر عذره
السلام عليك يا أبا عبد الله
السلام عليك يا أبا عبد الله
____
كل الخدم تنذل نعم
محد يهاب الخادم
بس انته اليخدمك ملك
يمعلي صيت الوادم
يحسين مثلك وين اكو
جنتت كل العالم
منساوم وحبك شرف
للموت لا منساوم
السلام عليك يا أبا عبد الله
السلام عليك يا أبا عبد الله
___
يحسين الك كل العشك
والباقي خابط عشكه
لولا المجالس واللطم
منطيق لحضه الفركه
ارزقنا دمعه ابمجلسك
وارزقنا طعم الحركه
يالعايش اويانه نفس
بين الهوه والشهكه
السلام عليك يا أبا عبد الله
السلام عليك يا أبا عبد الله
_
حكها البشر من تعشكك
يبن الزجيه اشمنطيك
لو حتى ننطيك النحر
ونضل بعد مموفيك
يالتحضر الشده أنعرف
يا رحمة الله ندريك
مولاي يبن الطاهره
تسبيح اصبح طاريك
السلام عليك يا أبا عبد الله
السلام عليك يا أبا عبد الله
___
يا لوحة الحب والوفه
يا صافي مثل الكمره
يمعزب وصدرك وطن
كلبك يغالي اشكبره
يابو رقيه بكل فرض
اسمك لزوم انذكره
عطشان ما ضكت العذب
يحسين روحك خضره
السلام عليك يا أبا عبد الله
السلام عليك يا أبا عبد الله
___
يا ريحه من عطر النبي
ندري اليحبك ربحان
يا اغلى من ماي النضر
يحسين حبك قرآن
يا عافيه وثوب الفخر
للجنه اسمك عنوان
هذا العشك يا سيدي
معناه اصل الايمان
السلام عليك يا أبا عبد الله
السلام عليك يا أبا عبد الله
___
تمت بحمد الله واهل البيت ع
ناجي ابو كيان الصالحي ونسالكم الدعاء
باسم ام البنين .. أهتف ياحسين
أنا لمن لذت بيها.. راحة نزلت ابّالي
على بالي أخليها .. ترى تتسهل احوالي
اسمها وي اسم الله.. ابدي بيهم افعالي
گبل اطلب وامد ايدي.. تگلي هاك يالغالي
وابـ هذا اليقين.. أهتف يا حسين
أنا ميت ترى لو ما.. تغرگني ابعواطفها
إحتراماً توگف الدنيا.. إذا اذكر مواقفها
ابكثر ما هي وسط نيتي.. وخفايا گلبي تعرفها
امد ايدي وتسبقني.. تمد لي بالكرم چفها
في طول السنين.. أهتف يا حسين
إذا زاد الهضم بيا.. وحرت في حزني وهمي
وتخلت عني الوادم.. ألاگيها سند يمي
تباريني اذا فد يوم.. زلت من صدگ چدمي
مو امي واشوفنها.. أحن اعليا من امي
بيها استعين.. أهتف يا حسين
شلون تهمني الدنيا.. عايش في أمان الله
ابظل الي ابد حاشى.. يجيها بمشكله تخجلة
مفتاح الفرج عدها.. وبيها ينفتح قفله
أقرا الفاتحة مرة.. وتگلي حاجتك سهلة
باذن الله المعين.. أهتف يا حسين
حقي لو گلت عنها.. ام لبنين ربتني
يكفيني شرف انها.. خادم إلها خلتني
باسمها يا حسين أهتف.. بدمع محجرها وضتني
وابمجلس عزاها اليوم.. بأهل خدمتها جمعتني
ويه العاشقين.. أهتف يا حسين
لأن غذت ضمايرنا.. وزرعت بينا هالأحساس
في وسط العزا آنا.. ومحبيها نشيل الراس
لاجلها تركع الدمعة.. باسمها تسبح الأنفاس
كرامة للي كرمتنا.. نگعد نبچي عالعباس
لمگطوع اليدين.. أهتف يا حسين
......
تمت... جمادى ثاني ١٤٤٣هـ
المتوسل بأم البنين: حسين عبد الله المعيبد
https://youtu.be/mIV4NhowRpI
*نخوة لمولاتنا البنين(ع)*
*《الطور قصيدة ابو الحواتم لا تلوموني لا تلوموني》*
❥━──➸➽❥❂❥━──➸➽❥❂
*لو نخيناها* *لو نخيناها*
*تحضر ام عباس لو نخيناها*
*جربيناها* *جربيناها*
*ساعة الشدات جربيناها*
❥━──➸➽❥❂❥━──➸➽❥❂
جربيناها تحضر الشده
اليعتني الها كلبه اتبرده
بابها المفتوح ماضن اتسده
سولفيناها سولفيناها
حلوة وكفتها وسولفيناها
❥━──➸➽❥❂❥━──➸➽❥❂
هاي ام عباس بكرم معروفه
و الي يطلبها ابد متعوفه
طايح بشدة بعينها تشوفه
هل نخيناها هل نخيناها
طحنه بالكلفات وهل نخيناها ❥━──➸➽❥❂❥━──➸➽❥❂
انبدها بالشده بساع تگظيها
بسفرتچ هاليوم دمعتي اجريها
جيت مهظومه حاجتي گضيها
اليوم ردناها اليوم ردناها
وگفتچ كلنه اليوم ردناها
❥━──➸➽❥❂❥━──➸➽❥❂
نريدچ ويانه حاضرة المجلس
ندري أم عباس تسمع النه الحس
اليطلب الحاجه ما يرد مفلس
اليوم جيناها اليوم جيناها
ام الكرم والطيب اليوم جيناها
❥━──➸➽❥❂❥━──➸➽❥❂
جينه كلنه اليوم والدمع يجره
نحلفچ بحسين الي نكسر صدره
نلطم وننحب وبالگلب جمره
ضايع ادواها ضايع ادواها
شيعتچ هاليوم ضايع دواها
❥━──➸➽❥❂❥━──➸➽❥❂
بسفرة ام عباس نطلب الحاجه
طايحه بشدة وجيت گصاده
اليعگد الرايه يأخذ مرادة
جربيناها جربيناها
راية ام عباس جربيناها
❥━──➸➽❥❂❥━──➸➽❥❂
*بقلم 📝خادمة اهل البيت*
*نسألكم الدعاء الفاتحه الى روح اختي وﻷمواتكم:🍃*
#من_ديوان_دموع_وعبرة_في_رثاء_العترة_ج٣
قصيدة للزهراء عليها السلام (روحي محتاجه الامان)
❥━──➸➽❥❂❥━──➸➽❥❂
ما شبعت من الحنان / روحي محتاجه الامان
يمه ليش تفارگيني ... نفطر گلبي من ونيني
يمه يمه يمه يمه
❥━──➸➽❥❂❥━──➸➽❥❂
روحي محتاجه لحنانچ يالزچيه
يم گلب ينبض وفه ردي عليه
عگب عينچ اشبع آهات واذيه
يمه تدرين شجره وشصار بيه
عگبچ انه معلعله ... احملت لوعات وبله
يمه يمه يمه يمه
❥━──➸➽❥❂❥━──➸➽❥❂
ليش شلتي يالحنينه ورحتي مني
يمه من عگبچ وحيده وزاد وني
ليلي ونهاري اسولف ويا حزني
الدهر يا يمه خذاچ بعيد عني
وياي قاسي يا دهر ... گلبي احسنه انكسر
يمه يمه يمه يمه
❥━──➸➽❥❂❥━──➸➽❥❂
انكسر گلبي من فگدت ام المحنه
عمري اگضي بالحزن واجذب الونه
شلي بالدنية بعد وابعدت عنه
ظلمة ضل خلافها و موحش نزلنه
الدار ظلمه مكدره ... وامي نامت بالثره
يمه يمه يمه يمه
❥━──➸➽❥❂❥━──➸➽❥❂
امي نامت بالثره وعافتني وحدي
خاطري مكسور ودموعي اعله خدي
زغيره بعدي والحزن بأيامي يبدي
اندفن وسط المگبره يا يمه ودي
كون يمچ اندفن ... روحي ما تحمل حزن
يمه يمه يمه يمه
❥━──➸➽❥❂❥━──➸➽❥❂
کون يمچ اندفن يم گلب الحنين
ليش فرگنه ييمه الزمن والبين
حظنچ الدافي فگدته يم الحسين
يمه خليني اعله صدرچ مالي معين
ما الي غيرچ سند ... يم دلالي انمرد
يمه يمه يمه يمه
❥━──➸➽❥❂❥━──➸➽❥❂
يمه دلالي انمرد والروح راحت
بتچ المهظومه عگبچ ما ارتاحت
حظنچ الدافي فگدته وروحي ناحت
رجعي ليه وباصريني بصوت صاحت
صاحت امي امي وين ... راح اموت من الحنين
يمه يمه يمه يمه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
بسمچ أبدي وأستعين
حزمي گلبي عالونين
ودمعه أريد بلا نفاذ
ماتجف طول السنين
گلبي بحماچ وأسنيني.. نسمة هواچ تحييني
يامن شذاچ يرويني... حب ودموع
كلي أنكسار وجروحي..وبگلبي نار وبنوحي
ماخذ قرار يا روحي..... وبلا رجوع
طالب رضاچ ودمعه وطهاره
ورايد دليلي ما تطفى نارة
أنا ارد اعيش بكيف أختيارچ
عبدچ دخيلچ بيدچ قراره
گلبي بمصابچ رهين
ماكو لحزانچ قرين
الدمعه لجلچ بيها روح
تخلق بگلبي الحنين
خيمة وفاء تعزيتچ.. چنها الكساء وبيتچ
روح العزاء بحنيتچ.... يلگه اليهيم
كلشي أقترن بسمائچ..والما لعن أعدائچ
ويستغني عن أرضائچ.. مشرك زنيم
اليترضى عنهم والما تبره
شارك فعلهم ظلعچ يكسره
ديني البرائه وعندي عقيده
وهيه البرائه للزهرة نصره
لجلچ أنصاغ الوجود
محبتچ سر الخلود
وبحروفچ سر عظيم
وما تحد شخصچ حدود
سر السماء يعني أنتي.. الله يشاء لو شأني
وهم للعطاء أم صرتي.... وأم للوفاء
جنة حنان تصويرچ.. حكم الزمان بتدبيرچ
الحب والأمان من خيرچ.... والكبرياء
الحبل المتين وبيچ التمسك
حاشا يظيع ولا حاشا يهلك
بيچ أستجير أبكل نايباتي
وندب دخيلچ وهمومي تنفك
من أصد بعيوني باب
تنرسم لوحة مصاب
كسرة أظلوع وجنين
طايح وهذا العذاب
محسن يطيح بالعصره.. بس مو ذبيح يالزهره
أصرخ وصيح بالحسره.....آه يا حُسين
حسينچ غريب والهظمه.. شيبه الخضيب من دمه
هذا الحبيب يا يمه...... ماله مُعين
ظلعچ تكسر و الغالي صدره
بالطف تسحگه خياله عشره
وحرگو خيامه وأخته غريبه
مسبيه تمشي بنتچ يزهره
حسين حمدان الدلفي