7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة.نزله ( استشهاد الامام علي عليه السلام )
جديد # ( مَسجِد الكُوفة ) 1445#. 2024.
مَسجد الكُوفة رَدّد بالصَدى
تَهدَمَت واللهِ أركانُ الهُدى
و آ إماماه .. و آ عَلياه
---------------------------
هذا صوت وصار عاجل هالخَبر
المُنادي ينادي يا خَير البَشر
( اقْتَرَبَت السَّاعَة وَانْشَقَّ القَمَر)
لأن راسك ياعلي اليوم إنطُبَر
صاحَ جُبرائيل ناده بالسّمَا
تَهدَمَت واللهِ أركانُ الهُدى
و آ إماماه .. و آ عَلياه
------------------------‐
هالفَجُر مولاي ينزف بالمِحّن
بالبجي كل خادم اعيونه انعمّن
كون راسي ينطبُر والله عَسّن
وإنت سالم ياعلي يابا الحَسّن
كل جَرح بينه عالي بالنِدا
تَهدَمَت واللهِ أركانُ الهُدى
و آ إماماه .. و آ عَلياه
-------------------------
يا أمير المؤمنين ودمعي صاح
أشْرَبْ الماءَ وعَجّل للجِراح
قبل لا يطلع فَجُر هذا الصَباح
الأذان يصيح حَيّ عالفَلاح
صاحت إدموعي حَيّ عالعَزا
تَهدَمَت واللهِ أركانُ الهُدى
و آ إماماه .. و آ عَلياه
-------------------------
اليوم إيتامك توّن اعله المُصاب
الحَسن وحسين بجروح العَذاب
ساعَد الله كَلب زينب بالغياب
هاي ساعات الاخيره يبو تراب
نلطم الهامه نصرخ ماجَرى
تَهدَمَت واللهِ أركانُ الهُدى
وآ إماماه .. و آ عَلياه
-------------------------
إنتَ محراب العبادة الي نِزَّف
أشهدوا أن علي صاحَ النَجَف
اليوم كل موكب اويلاه من هتَّف
اليوم كل هيئة دمعها ما نِشَّف
لا فَتى إلا عليٌ لا فَتى
تَهدَمَت واللهِ أركانُ الهُدى
و آ إماماه .. و آ عَلياه
-------------------------
الخادم _ ابو فدك الشامي ✍
قصيدة مُلمع. ( استشهاد الامام علي عليه السلام ) #2024.
جديد #( حتى مَطلَعِ الفَجرِ) #1445
حتى مَطلَعِ الفَجرِ
تَنزفْ هامةُ القَدرِ
حانَ موعِدُ الأمرِ
يا حَيّدر
----------------------
بُكائي ... عزائي
من المِحراب الك صوت الأنيّن
وَداعاً ... ضِياعاً
السمه تِهتف وداعآ ياابوحسين
شِجوني ... عُيوني
برحيلك إنهدَم هاليوم الدين
تَبكْي سُورةُ الدَهرِ
تَبكْي سُورةُ الحَشْرِ
حانَ موعِدُ الأمرِ
يا حَيّدر
------------------------
أويلاه ... عَلياه
الليله ياصَبُر حال اليِتامَه
علي مات ... حَرامات
بلكت سالم يعود بسَلامَه
حَنيني ... ونيني
بعد ما تَمَمَه حيدر صِيامَه
بَعْدَ ما قَضْى الشَهْرِ
في المِحْرابِ والذِكْرِ
حان موعِدُ الأمرِ
يا حَيّدر
------------------------
عزائات ... مواساة
ليلة طَبرتك كلش ثكيله
مُصيبَه ... رَهيبَه
دخيلك ياعلي حامي دخيله
نِعَزيك ... نِواسِيك
بِدونك والله ماعدنه وسيله
عَظَمْ لَكَ في الأجْرِ
هذي أدمُعي تَجْرِ
حانَ موعِدُ الأمرِ
يا حَيّدر
------------------------
بالأذان ... بالأحزان
صلاة آخر فَرض وينادي جِبريل
هتافات ... السَماوات
ملائكة العَرش تقراك تَرتيّل
اليِخدمون ... اليِعزون
الخَدم ياباالحسن تنعاك هاليّل
صَلاةٌ الصُبْحِ والفَجْرِ
تَنعى فَقدِكَ الصَبْرِ
حانَ موعِدُ الأمرِ
يا حَيّدر
------------------------
دَمعنه ... جَرِحنه
هذا كُل سَنة وبشَهر رُمضان
مُواليّن ... يبو حسين
نقسم بالذبيح المات عطشان
المَنابُر ... الشَعائُر
بس هاي الخِدامه تِرفع الشان
خادمْ ما بَقى العُمْرِ
مِنْ مَهْدِ إلى القَبْرِ
حانَ موعِدُ الأمرِ
يا حَيّدر
-------------------------
الخادم _ ابو فدك الشامي ✍
قصيدة نهايت مجلس بحق مولاي وامامي أمير المؤمنين ع
علياً وعلياً وعلياه
علياً وعلياً وعلياه
✍✍✍
اليوم الدين متهدمه اركانه علياً وعلياً وعلياه
ضل خالي النزل موحش مكانه علياً وعلياً وعلياه
زينب علولي الليله حزنانه علياً وعلياً وعلياه
اجت زينب تصيح بصوت ويلاه علياً وعلياً وعلياه
✍✍✍
تنادي يا علي يا ابو اليتامى علياً وعلياً وعلياه
يبويه ليش نازعهه العمامه. علياً وعلياً وعلياه
يا ويل الدهر صابت سهامه. علياً وعلياً وعلياه
واليوم الملائك كلها تنعاه علياً وعلياً وعلياه
✍✍✍
والاملاك هالليله تنادي علياً وعلياً وعلياه
بالمحراب طايح وصي الهادي علياً وعلياً وعلياه
على كلب العقيله الحزن سادي. علياً وعلياً وعلياه
دكومن كابلنها وصيحن احاه علياً وعلياً وعلياه
✍✍✍
يا شيعه دكوموا ولطموا هاليوم علياً وعلياً وعلياه
بالسيف اطبروا هامه المعصوم علياً وعلياً وعلياه
اليوم تيتمن زينب وجلثوم علياً وعلياً وعلياه
اليوم امامنا خالي مصلاه علياً وعلياً وعلياه ✍✍✍
تمت بعون الله بقلمي المتواضع المله ام علي الحسناوي.. الفاتحة الى شرف النبي وعترته الطاهره والى روح والدي واموات المؤمنين جميعاً والى روح استاذتي المرحومة العلوية ام حسام
قصيدة شهاة علي ع••♕
نزال•••حزن
طايح علي وشلون من طاح
راسه انطبر وشتد الااصياح
•••••••••••••••••••••••••••••••••••••••••••••••
يمه الحسن وحسين موجود
طايح علي عالقبله ممدود
بجرحه الحنين يلوج ويجود
ومصباح الاكشر صار مصباح
•••••••••••••••••••••••••••••••••••••••••••••••
سبع الشدد والكون منصاب
مخضب لحيته قالع الباب
غرگن علي من راسه الثياب
يبچي الحسين وگض الصفاح
•••••••••••••••••••••••••••••••••••••••••••••••
وحيل السبع مفگود ياحيل
گربت منيته بشوفه چن ليل
مافاده كلشي ودمه الي سيل
بدار الهواشم صار النياح
•••••••••••••••••••••••••••••••••••••••••••••••
عاين طبيبه بجرحه والعين
وسيف الغدر مسموم والبين
بگلب الهواشم زاد الونين
وراحل ابوكم جرحه ذباح
•••••••••••••••••••••••••••••••••••••••••••••••
وكلهه الولد يم علي تبچي
هاج الاالٔم لو راد يحچي
وسفه القلع بيبان هيچي
وصلت منيته ونه ماراح
•••••••••••••••••••••••••••••••••••••••••••••••
ظلمه وگمرهم واصل الموت
زينب هضيمه تشوف تابوت
صوت الحسن عالراح مبهوت
وشايل علي للگبر مرتاح
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء //1446ه
الامام علي ع يوصي ابا الفضل العباس ع
……………………………………………………………
بيدك امانه يالكمر . بيدك امانه
ترفع لوانه وبالفخر . ترفع لوانه
سيفي بيدك يستمر •• اسمي بالطف ينذكر
……………………………………………………………
يبني جنت انا المحمد تجوه واحزام الظهر
نمت بفراشه وفديته وماهبت سيف الحضر
يبني اريدك وي اخيّك جرف ماعاف النهر
انت يا كشّاف كربه اتزيل عن وجهه القهر
تسگي الفواطم بالعذب . تسگي الفواطم
فخر الهواشم بالحرب . فخر الهواشم
على الفوارس تنتصر •• اسمي بالطف ينذكر
……………………………………………………………
يبني اريدك بالحرايب ترتجز بسمي وتكول
انا ترتبات الصميده انا ابن فحل الفحول
ارگابهم سبحه وتطشه حدر جدم ابن البتول
علي يمكن رجع لينه اكبارهم كامت تكول
ترجف اميه ابصولتك . ترجف اميه
والغاضريه اترجتك . والغاضريه
صيده وجفوفك نسر •• اسمي بالطف ينذكر
……………………………………………………………
انا قالع باب خيبر من وصل حدها الحرب
العلگمي ابجفك تقلعه وخله لعيالك يصب
كلها متوجه الجربتك جربتك كعبة شرب
موت بس لاما اريدك فارغ الزينب تطب
جيبلها زمزم زينبك . جيبلها زمزم
حيرانه بالهم تندبك . حيرانه بالهم
سكنه جودك تنتظر •• اسمي بالطف ينذكر
……………………………………………………………
رايتك خليها توصل تحجب اعيون الشمس
انت عريس الشجاعه و كربلاء زفة عرس
للوفاء استاذ انت تنطي لاعداءك درس
شيخ ويسولف ابمشيه كل الاصوات اتخرس
شلت لسنهم ما حجت . شلت لسنهم
منك زلمهم هالبچت . منك زلمهم
تلسع عيونك جمر •• اسمي بالطف ينذكر
……………………………………………………………
يا اسد كون بصرختك تشرد اكلوب الزلم
من رعبه الكل تمنت يصبح العاشر حلم
موت متروس بهواها انفاسهم ظلت تشم
الما لحگ مات ابمجانه ماكدر ينكل جدم
عباس اجاكم يالربع . عباس اجاكم
ما يبقه عدكم من جمع .ما يبقه عدكم
شكد بخيت الي يفر •• اسمي بالطف ينذكر
……………………………………………………………
اليثرب اخذيت الفواطم وانا كافل فاطمه
وانت تكفل زينب اختك وللخدر انت الحمه
بزودك اختك موش ناگه تصعد غيوم السمه
اجفوفك ايصيرلها هودج ورده بيدك نايمه
هاي الحبيبه ابرگبتك . هاي الحبيبه
تصبح غريبه ابغيبتك . تصبح غريبه
انت حارس عالخدر •• اسمي بالطف ينذكر
……………………………………………………………
✍️ ( سيد خضر الزاملي )
*من وصية الامام علي ع لاولاده* … يا ابا الحسن اوصيكَ بأبي عبد الله خيرًا، فانتما مني وأنا منكم، واخذ يوصيه بتغسيله ودفنه، صارا يبكيان لعظم المصيبة آه آه ولداي لا تبكيان فمصائبكم اعظم، ‘'ولدي حسن كأني بك تقذف كبدك المسموم قطعةً بعد قطعة، ولدي حسين كأني بك تذبح من الوريد الى الوريد، مذبوح غريب عطشان، تبقى ثلاثة ايام بالعراء، بلا تغسيل ولا أكفان
يكله:
يبويه مصيبتي ما هي عجيبه
عجيبه السهام جسمك تصيبه
واختك سبيّه تمشي غريبه
والاعظم تطب مجلس الفجار
( آااه يا زينب، زينب أم الخدر، زينب أم العفاف، زينب الما احد كان يشوف ظلك، ما اصعبها يا زينب)
تمشي يا زينب سبيه آااه آااه آه لحن الجفيري~
ودّعهم ونادى الحسن
من بعدي تنتظرك محن
يشتت شملكم هالزمن
وتقضي من السم والألم
〰️〰️〰️〰️〰️
وعينه على ابنه الشهيد
يگله يا محزوز الوريد
تتوسد بحر الصعيد
ويتوسط،بگلبك سهم
〰️〰️〰️〰️〰️
ثم دار عينه على زينب~
يگللها يا ام الخدر
تمشي سبيه باليسر
وتقابلي المحنة بصبر
تمشي سبيه ويا الحرم
خادمة آل محمد✍🏻
*جنازة امير المؤمنين ع*
نعش حيدر عالاكتاف الحسن وحسين يحملونه
وجبريل الوحي ينزل والاملاك يشيعونه
لگبره بالغري شالوه وبالمدمع يِوَدْعُونه
وطلعو للنجف يمشون ولگو گبر الوصي محفور
〰〰〰〰〰〰
وما بين النبي آدم وضجيعه نوح ملحوده
بشهر الله قضى الوالي شهيد ولاگى معبوده
رسول الله ينتظره ويم الزهره موجوده
تگله ليش يا حيدر الهام معصّب ومطبور
〰〰〰〰〰〰
ي(*يلا اسمع الحوار بين الزهراء ع وبين امير المؤمنين ع* تگله
آيحيدر… يا جرح گلبي وعذابه
آيحيدر… صعبه انظر هالعصابه
آيحيدر… موسّد الوالي بترابه
جيتك آنه… أبلسم جرحك بدمعي
جيتك آنه… انصب مأتمك وانعي
جيتك آنه… واتجدد ألم ضلعي
خادمة آل محمد ✍
بين مولاتي زينب وابيها علي ابن ابي طالب عليهما السلام
انطبرت السبحه ...اطشرت اشمعزها
الكلهم يتامه ..... انلظمت بخرزها
الشاهود لاحو فيه
طبروهه بالفجريه
اتبدت املوحت الله من خبزها
بويه ياعلي بويه ياعلي
..............................................
اعيونك غافيه ....وحجت متعافيه
احلوگ الوادم .... يبعد العافيه
بده الهم ينوي .... اوصوته اليدوي
شدهه كل صحره ... ونزح كل بدوي
انتهت يالسلوه .... وخذوا بالگوه
فرحتي الجانت.... اليه التجوه
وذبلت الجانت .... زاهيه بوردها
واملوحت التكرهه .... حجت بعدها
گليبي يمك عفته
ويموت لو فارگته
يادفوا روحي ..... من يهد بردها
...............................................
اسد اعيوني ..... وتهد اضنوني
واصدگ راحوا .... وبعد يجفوني
الحفظت اسلوبه ... ومشيت ادروبه
مشه من عيوني ... ولحگ محبوبه
شهگ بنفاسه .... وشبگني احساسه
وبين جرحه .... من اعاين راسه
واشغمگه جرحه ....وباله يم ايتامه
گتله برگبتي .... ورد الي بسلامه
نزل دمع اعيونه
وصل حد امتونه
ولطمت وجهي..... وبينت علامه
..............................................
سوالف فرگه .... تترجم حرگه
ويبين حالي .... البچي والشهگه
بعدني صغيره .... وگصتني الحيره
عزيزة حيدر ..... جفتني الديره
نمت مهضومه .... لفرگت ارسومه
وهويت بشوگي .... اشم اهدومه
وشميت هدمه .... واذكرت دلالي
وبصوت مكسوره ... صحت يغالي
معتازة انه لشوفك
حشم عليه طيوفك
هم الها حوبه ..... العشره واليالي
...................................
نواعي جروحي ...حجاهن نوحي
منهد ماغرب .... نداوت روحي
خضار اعروگي ....يبس من شوگي
انچفت اغصاني .... وخذوها حگوگي
نبت بهدوبي .... يشيب ادروبي
الگضن بس ممبچه .... بجفه محبوبي
مدري شبلاها..... ماعمت بصيره
بت شيخ لاچن .... فاگده عشيره
ديوانه شاحب ضيه
ودلاله هل مجفيه
يحن لفگد راعي ... الهله بكل ديره
..........................................
شيهود الفاگد .... ويمر ويشاهد
نفس مابيهم ..... اعله ام اوالد
كسرت الخاطر ... وشهگت مناطر
تمر كل ذكره ... واصد لباچر
شيفيد اليعتب ... اعله الگبر اليحب
مثل شمس الله ... وخذاها المغرب
وشمس الله مثلي ..... مفارگه ضوها
واليلة تعتب ... كل نجم جفاها
راح المعزته بگده
وماگال بزر الگعده
شنحالها بفرگت گمر سماها
........................................
الآقل شرفاً
كرار اللامي
#ياعلي
#علي
•••
علي علي يابوحسين
علي علي يابوحسين
•••
اليوم جـــــــرحك بين بكبر السمه
وأذن اذان العزه حـــــامي الحمه
أنطبر والدنيه ابدمــــعهه امــلثمه
وحمره نزلت دمـعه من يم فاطمه
وخطت النه أكبر رسالـــة وملحمه
باالحــــــــــزن والنوح نلگه الغانمه
علي علي يابوحسين
علي علي يابوحسين
•••
حيل خــــــل أندگ صدرنه ومانمل
اليوم أكبر فاجعــــــــه اطشر شمل
حتى هــــــاي أجنونه أيحبها العقل
علي أبونه وهـــــــــــذا رد الينسئل
ونطوي كون أدموعنه طوي الغـزل
علي أبمحرابه أعلـه ياهي وينچتل
علي علي يابوحسين
علي علي يابوحسين
•••
سير أبروحك عمل شايل محـــن
ومـــن تعاتب لاتعاتب كل زمــــن
ولبس أحساسك ألم شايل شجن
حيل رددهه علي يابو الحـــــسن
شوف الدنيه حزن روحك وطــن
اهنانه تعرف بالجـــروح الينسبن
علي علي يابوحسين
علي علي يابوحسين
•••
خلي جرحــك چـن جدار المنفتح
وبلغ أجروحك جـــرح يلچم جرح
علي أكبر عاصمـــه أبروحك صبح
علي رايه ورفرفت للحگ ملــــــح
علي هوه الواقــــــعه وهوه الفتح
علي باء البسمله وراس الرمــــــح
علي علي يابوحسين
علي علي يابوحسين
•••
أحــــلامك البداهه ابن ملجم ترى
شلون بالمحـــــــراب يطبر حيدره
وأنت دمعاتك بقــــــــــت متأسره
مـــــــن يمر رمضان تقره المعذره
علي يومك ياهـــــــو يگدر فسره
ياهوه الله الدنيه ألــه لزمت سره
علي علي يابوحسين
علي علي يابوحسين
•••
وعهد عاهـــــــــدناك منعوف اللطم
ومن يمر يومـك ترى أنعيش بهضم
والدموع العــــدنه تصدر چـم حكم
ألـــــــك تكتب أنت يمحير الخصم
أنت لا.. ولاگت أنواع الضــــــــلـــم
والفقـار أبايدك أيسجل الرقـــــــــم
علي علي يابوحسين
علي علي يابوحسين
•••
خادم أهل البيت،،ع،،
أبوحسين السرگودي...
علي الرد الشمس مات. اليـله ابـيـتـه مـيبات
زيـنـب تـنـتـضـر جـاي. ابوي اشـتاگـله هواي
شيسكت الحنينه
***
جـنـت مـن ابـرد يجـي يـدفيني هدمه
گـمـت مــن اگـــعـد اشـبـگـنـه وضــمـه
بـحـنـانــك يــا علــي عـطــرك اشــمــه
چـنـه مــن نـگـعـد سـوه يـگـعدني يمه
يـحـاچـيـنه بحنانه. خـدر زينـب امانه
تنشدون الهوه الفات علي الرد شمس مات
**
رايـح الـغـالـي يـصـلـي وانــي اتــانـي
خـوفـي مـن الـخـشب لا ياخذ مچاني
الـخـبـر مــوتــلي اديــه مــن اجـانـــي
مـن طـبـر هـامـت عـلي حـزني عماني
ابوي القالع الباب. هسه جوه التراب
يمي رته الحضات علي الرد شمس مات
*
بـطـيـحت الـخـيمه تـره طـاح العـمود
ونـتـه كـشـخـتـه بيـتنه مـا ضن تعود
تـدري ابــويه فـراگك يـذبـل الـــورود
ومــن تـروح بـروحـتـك ونــي يـــزود
بعد ما يضهر النور. راس الغالي مطبور
قـره بذنـي العبارات. علي الرد شمس مات
***
اه يـــالـيـلـي شـيـخلـص بــس ونيـن
ونتـه مـن تـمـشـي ترا تـعذب الحنين
بـويه بـس ارجع علي سـگـت الونين
الـغـالـي بهمومه مـشه وگلبه الحزين
بروحته كسرت ضهره. غيرت حاله الزهره
اسمعه يردد ايات. علي الرد شمس مات
**
الـمـوت مـتعود يجي يخطف الاحبه
بـويـه مـو هـينه مشيتك علي صعبه
المـوت مــاخذ خـيمـتي وبعـيد دربه
بـويـه مـن تـروح مني صدلي غــربه
بكربله تحضر اريد تـوخر من يدي الحديد
بقت بلروح حسرات علي الرد شمس مات
مسلم ستار المحمداوي
قصيده بهوسات الامير المؤمنين
___
الف ياحيف شال الاننتخي بيه.
كل شيعي يون وظيم عاليه.
كل شيعي يون للحيد البخيت.
علي الكرار ابونه وزهوت البيت.
نموت وياه كلنه اليوم ياريت.
(ياحيف الوالي مضيعينه)
الك ونه بدليلي ماهدت يوم.
عليك الحيف يمشيم يجيدوم.
الموته مو الك يمرجف الكوم .
(وعليك العالم حزنانه)
يخيال وشجاع ومنك اتخاف.
تحير وياك حيدر كل الاوصاف.
عليك الكون كله ياعلي طاف.
(بيت الله وطفنه اعله سواره)
يلكل مراجل ياكفو ووحيد.
ياريسان الزلم يبن الاجاويد .
حرام تغطي عينك رملة البيد.
(يالنامت عينك بالهيمه)
فكدناك وفكدنه وياك الاحسان.
ياحيدر علي ياطيب الشأن.
لجلك غيمت يا شيخ الكوان .
(دنيانه تمطر وضهضب)
*ناعية الخيام*
يمن حبه ملكني ومسكنه بكلبي
للدنيه مجيئك نعمه من ربي
سعيد ومبتهج من فرحتي وحبي
وتهلهل روحي ومسروره
* * *
الصحابة تعنوا الدار الكرم والجود
مسرورين راحوا شايلين أورود
صاحوا ياعلي عالخير بالمولود
عيدنه اليوم بميلاده
* * *
أبو ذر الغفاري كله ياسلمان
اليوم آنه سعيد ومن صدك فرحان
أحس أبهالولاده معيده الاكوان
وتنادي مبارك ياحيدر
* * *
بشهر الطاعه يشبع كل فقير ومايظل جوعان
شهر الخير نعمه صار شهر الكرم والاحسان
لأن الحسن راعي الجود ميلاده بشهر رمضان
رمضان اتربه أعلى أطباعه
* * *
سلام المشعل
هــاي اخـر ليله بويه ويانه
بينه بس النوح كل حزنانه
شلون نگضيه العمر والگلب صاير جمر
بويه بويه
****
بويه احس الحيل بـايد حيله
غارت انجوم الوكت مـن ليله
ودمـع نــاسك مــايبطل سيله
كلشي ظل اويانه هم يبچيله
بلل اهدومي الدمع سكته طاح وينسمع
هايه روحي من مشه حيرانه
****
راح خيمتنه وبقينه بلايه في
صار بيتي اظلم ومــابي ضي
طاح كل الدمع مــاخليت مي
خــل اگعده بلكت اولگاه حي
الفرگه مااحمل تره وبيه نـــار اموجره
انـه احس طاري البعد چوانه
****
الماي مر ابروحتك عـدنه صفه
والحزن متعـني لينه وهــم لفه
راح ابونــه والدمع ظــل سالفه
غمض اعيونه اضن يمكن غـفه
بحيره ظلت روحي وكثر همي ونوحي
هــذ يــومــك بــويه حيل اذانه
****
بوصط گلبي چادرك ظل دومه
ودنيه كلهه مــن رحت مهمومه
الموت حل بينه اولتــنه اعلومه
بويه عفت احباب الك ملچومه
صار ناعينه الحزن باسمك انصيح ونون
والدمع حط عــل واجه نيشانه
****
مرنه ساعه حيل محتاجين الك
تعنه روح وشوف مهظومه هلك
على احوالك كلنه بــويـه نسئلك
بينــه بــعدك دار دوراتــه الفـلك
تيتمينه من رحت بحرگه يابويه صحت
وگلبي نوح وحزن ظـل عنوانه
****
ابوحيدر
الصبيحاوي
كلشي بيه يحن الك بويه ردت انه اسئلك
وانتضر منك يبويه ترد علينه
ترد علينه
****
ليش عايفنه ورحت صرنه يتامه
فرگتك وحشه مثل يـوم القيامه
چان ابوي ارتاح من اسمع كلامه
هسه راح اوعـافنه بنوح وندامه
بچه النده لمن رحل محرابه مات من الخجل
طاحت اغيوم ودمع يوم البچينه
*
اخذ روحي ويـاه خلاني بمتاهه
عيني ماكفت على الغالي بچاهه
دنيه وبلايــه علي يخنگ هواهه
ظلمه دنـيانـه تــره لمــن جفاهه
طاح الدمع كله جره گلب اليحب شي صبره
ظلينه انون ياخلگ نفرك بدينه
*
گمت اسولـف لــوعـتي ولاه بيه
خيط شمعه صرت ماگالو خطيه
اهموم كــل دنيانـه اندارت عليه
يمــه گومي ابعازتچ يمه الزچيه
ابچي واهم لمن راح دلالي من عندي طاح
ارض اوسمه بانـت عليه حزينه
*
كلشي مــات بعيني وتهاوه زماني
وحتى ابوي الهاجر ومـارد وجاني
ظاگ خلگي بروحته وزايد حناني
بــعد مارده الوكت خــافن نساني
الوكت خله اچــم اه الهاجر اخذ عمري وياه
دنيه ظلمه بروحتك وحشه ولينه
*
عيوني رادت شوفته والهم تعنه
وناحت اعيون اليتامه وي اهلنه
غــرب بهــذه المسه وابـعد املنه
والهموم اثگال مـن هاجر حملنه
طفه نور الدنيه احس ظلمه اشو فنهه الشمس
وبلدمع لمن مشه احنه انولينه
*
ابوحيدر
الصبيحاوي
قصيدة شور ( لجرح الامام علي ع )
.....................
يابوالحسن ياحيدر
يابوالحسن ياحيدر
انطبر راسك بويه بالصلاة // وانته النجاة // يا كل هلي
ايصيح جبرائيل بأعنان السماء // فاضت الدماء // اه ياعلي
بالدنيا مدري شجرت
اويالصيحه اني صحت
كون الحيد ما ينطبر
و يا روحي اعليه فرفحت
يابوالحسن ياحيدر - ٢
زينب اني ياعلي و اصيح // اوگف واطيح // حيلي انهدم
جرح راسك ينزف ابدموم // ما بيه اگوم // شفته انجسم
يا بويه و بعد العمر
يا راسي كون انطبر
ولاشوفك هيجي تون
و بونينك كلبي انكسر
يابوالحسن ياحيدر -٢
الليله اسمعك ياعلي تون // واني ابحزن // واجري الدمع
جرح راسك مااضن يطيب // اه يالحبيب // وگلبي انصدع
شبيدي بويه عليك
بالگوه اتحركها اديك
اصوابك ماضن يطيب
و اعيوني مشبوحه ليك
يابوالحسن ياحيدر - ٢
ما غفيت الليله يا بويه ألوب // وكل الگلوب // ليك انجوت
و اليتامه تنتظر تگوم // ابابك تحوم // واتنطرت
اينادونك يابو الحسن
اخلافك كلنا ابمحن
ما تگعد لينا و تشوف
جوعانين ذلنه الزمن
يابوالحسن ياحيدر - ٢
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيدة ( استشهاد الامام علي عليه السلام ) 2024. 1445.هج.
جديد ( ليلة الخِتام )
كِعدوا سويّه ليلة الخِتام
الوالد "علي" إيسولف الكَلام
يبدي يا ألَم " مَنحر لو خِيَم
ليلة الخِتام
------------------------
عليٌ ابنَ أبي طالب أول مابده المَقتَّل
الحَسن جاوب يبويه شلون! فدوه أحجي بالأول
سولفلي عليك حِسين عن جرحي أريد أسأل ؟
أشوف بعينك اني إدموع ووضعك كلَّه إتبَدل
يبني الحَسن تموت بالسَمْ
أول منيه بيك تِلتَم
بدموعه إنْلِجَمْ " مَنحر لو خِيَمْ
ليلة الخِتام
---------------------------
دار العين لِحسينَه وفَزَت كل جِروح اللِيّل
المصيبه كَله بس يمك بس تريد مني الحَيّل
أنت تنذبح عطشان وبالحافر تدوس الخَيّل
بعد ظهرية العاشر راسك عالرماح يِميّل
من هسه اشوفن جَمْ مُصيبه
ضامي بكربله وجثه سليبه
صَدرَك إنهشَم " مَنحر لو خِيَم
ليلة الخِتام
-------------------------
سوالف كربلائيه هاليله تِشَيَّب الراس
ينادي يا ابوفاضل وخنكه صارت الانفاس
أمانة وَدَعِتْ زينب بجفوفك يبو النوماس
من تِعطَش أريد تكول أُمرِيني أنه العباس
لو صار الضِمَّه وبعينك إسهام
تُبقه عالنَهر تِنتَظرَك إيتام
ياجَرح السَهَمْ " مَنحر لو خِيَم
ليلة الخِتام
-----------------------
سِكَتّ بس السِكُوت إدموع! وبدمعه نِظَر زينبْ
غريبه باجر تْضَلين وهنانه بِدَت تِنحَبْ
للطف خَلي دَمعاتج وخيامج جَمُر تِلهَبْ
لو جَلجَل عليج الليل روحج بالقَهر تِصعبْ
تل الزينبي والدنيا أيام
ينتَظرِج سَبِي وتنتَظرج الشام
بنْ جَوشَنْ هِجَمْ " مَنحر لو خِيَمْ
ليلة الخِتام
------------------------
شايل هَمي بس عالشام اهناكَ الوادم يِكُولون
العقيله هاي السِبيَّه هاي إسمها أم عون
بويه سمعي يازينب السياط تريد شكَد إمتون
دواوين الخرابه الروح تطلع لو بجي يسمعون
هايه الخاتِمَّه وهايه النِهايَه
جَرح راسي سَهل بس السَبايَه
بالشام إنخِتَمْ " مَنحر لو خِيَمْ
ليلة الخِتام
---------------------------
الخادم _ ابو فدك الشامي ✍
قصيدة . مقدمة. ( استشهاد الامام علي عليه السلام )
جديد .. ( وين رايح ) 1445. 2024..
وين رايح " ياعلي هذا الفَجر يعني المنيّه
وين رايح " اني من هسه غَريبَه وهم سِبيّه
-------------------------
شُوفَة اعيُون الأبو شُوفتها راحه
مثل نَسمه ومن تُمُر طَلعَتْ صَباحه
ليش اشوفن هالفَجُر فَجر النِياحه
يعني يازينب ابد ماكو استراحه
هذا جَرحَك " إستعدي يكلي ياحامي الحَميّه
وين رَايح " اني من هسه غَريبَه وهم سبيّه
------------------------
بُويّه وعيون الحَسن خلافك الروح
راح أضل اني يتيمه ودمعي للنوح
هاي ساعات الوِداع وكلبي مَجروح
هذا أول دَمْ أشوفه بعيني مَسفوح
هذا راسك " ضاملي هناكَ جَرح بالغاضريّه
وين رايح " اني من هسه غَريبَه وهم سبيّه
------------------------
هذا راسك ياعلي يِرسم إليّه
يعني معناها إجَتني الغاضِريّه
حسين نَحرّه يِنذبِح ذيج المِسيّه
ويِنسحِك صَدرّه بخِيول الاعوجيّه
يا ابو حسين " حسين ضامي بكربله ذيج المسيّه
وين رايح " اني من هسه غَريبَه وهم سبيّه
------------------------
شكَد انادي بكربله ياحامي الجار
وين حَلال المَشاكل روحي تحتار
أحضر أحضر ياعلي طَفيّها هالنار
كُل خِيَمنَّه ماتضل تتراكض إزغار
بُويّه حَيدر " وأنتَ تدري بكَربَله شيصير بيّه
وين رايح " اني من هسه غَريبَه وهم سبيّه
-----------------------
بُويّه هاي الغُربَه صارت مثل الاحلام
بعد شتشوف الغَريبه من الآم
السَبي إكبَر هظيمه من الِخيّام
امن الذَبِح من الحَرك مَسبيّه للشام
جان إسمي " قَبل اني الأميره الهاشميّه
وين رايح " اني من هسه غَريبَه وهم سِبيّه
--------------------------
الخادم _ ابو فدك الشامي ✍
على لحن ( اني خايف )
قصيدة المختار الثقفي ••♕
نزال••شجاعه
طبهم المختار يكتل حيله
ياخذ بثار الحسين دخيله
•••••••••••••••••••••••••••••••••••••••••••••••
فتح باب القصر وبسيفه طلع
لجل ثار حسين ناصرهم فزع
چفه يسطر والشرد راسه نقلع
الكوفه دوخه بنهاره وليله
•••••••••••••••••••••••••••••••••••••••••••••••
وردم كل العادته بچفه ردم
لابس ابيض مثل نيته وگلبه هم
وبن عبدالله دخل حيد وشهم
سيفه طگهم بالحرب سجيله
•••••••••••••••••••••••••••••••••••••••••••••••
معلم الشمره وتفاصيل لحرب
من الگمر عباس لو طر بغضب
هيچي طالع عالزلم ذب الرگب
حارب اصحاب الشرك والحيله
•••••••••••••••••••••••••••••••••••••••••••••••
قائد ومعروفه شمراته الفحل
مثل حيدر لوحمل صارت وصل
حيله يكتل بالجثث سوه المثل
چفه يسطر والگرب ياويله
•••••••••••••••••••••••••••••••••••••••••••••••
فزعة جيوش الزبير وحاطته
بالرمح والسيف شمرة يمنته
ساحگ اعله چبيرهه وطگ رگبته
من علي ماخذ درس تئويله
•••••••••••••••••••••••••••••••••••••••••••••••
لجل حب حسين طالع عالكفر
خله دمهم والجثث من كل كتر
وياخذ بثار الذبيح المنغدر
وثار عبدالله البقه يناغيله
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء //1446ه
قصيدة فاتحة علي ع•••♕
نزال حزن
علي مات وناصبيله الفاتحه
بدار حيدر بس ثغيب ونايحه
•••••••••••••••••••••••••••••••••••••••••••••••
وال هاشم كلهه مكسوره الظهر
بالحزن والنوح ودموعه وقهر
وسفه طايح علي بن فارس مضر
والنواضر بالحزن متصابحه
•••••••••••••••••••••••••••••••••••••••••••••••
نزلت املاك السمه تواسي بحزن
طاح حامي الجار وعياله تون
بموته گلب الحسن بالهم يمتحن
راح شيخ الكون والچف لايحه
•••••••••••••••••••••••••••••••••••••••••••••••
كلشي حزنان بغدر حامي الحمه
والنبي سوه العزه وي فاطمه
وروح زينب على ابوهه امهدمه
مصاب حيدر گلب زينب جارحه
•••••••••••••••••••••••••••••••••••••••••••••••
والمدينه ظلمت عگب الضوه
طاح راعيهه وحزن هب الهوه
وراس حيدر مالگوله كل دوه
مثل ظلع الزهره ظل البارحه
•••••••••••••••••••••••••••••••••••••••••••••••
علي أبو الاايتام عاف ايتامه
وبالگبر مطروح شيخ زلامه
ولده ظلت بالحزن محتامه
والكسر بين عليهم واضحة
•••••••••••••••••••••••••••••••••••••••••••••••
لتمت اولااده علي بحزن وثقيب
فوگ گبره ظلت بااه ونحيب
والحبيب الراح فاگدله حبيب
طاح حيدر والهواشم طايحه
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء//1446ه
(((موشح )))
شلون يابو حسين حماي الحمه
اتشوف دمعات اليتامه امخيمه
●●●●●●●●●●●●●●●●●●●●●●
انظر ابحيره اليتامه ادموعهم
اسوالف الحلوه ابعلي موضوعهم
شفنه محنيه اليتامه اظلوعهم
اجروح گلبك ياعلي متألمه
●●●●●●●●●●●●●●●●●●●●●●
اباب حيدر واليتامه اتنادي
ليش راجع ياعلي مو عادي
طايح بسيف المرادي الوادي
ليك فزعت بالحزن متحزمه
●●●●●●●●●●●●●●●●●●●●●●
موقف الايتام يشرح حالهم
جابوا الحيدر لبن اطفالهم
رادوا ابدارك علي آجالهم
بانت الحسرات چنهه مضرمه
●●●●●●●●●●●●●●●●●●●●●●
چان نبرة صوتك بلايه نظير
يمسح ابراس اليتيمه والفقير
بيد حيدر يلبس اهدوم الحرير
باب عدلك واضح بضي السمه
●●●●●●●●●●●●●●●●●●●●●●
ابلا حمايه اشلون تمشي بالمسير
قمه راسم بالتواضع والضمير
چان يطعم جاره والچان الأسير
ليل همك بي تسولف فاطمه
●●●●●●●●●●●●●●●●●●●●●●
بالدمع والحسره شفنه اعيونهم
بلا فطور اليوم چنه ابدونهم
مات ابو الحنيه تحچي اجفونهم
چنه اخر يوم هاي الخاتمه
●●●●●●●●●●●●●●●●●●●●●●
تمت بعون الله تعالى
#خادمكم●● يوسف الفتلاوي
*زينب تنادي علامه طور الحسناوي خويه وحده من اليتامى*
زينب تنادي علامه
ترحل الليلة يا حيدر
راسك بْلا يا عمامه
انظرك حالي تكدّر
جرحك بذيك العصابه
يألّمك يابويه اكثر
خلني اداويك بدموعي
هالجرح بگليبي أثّر
〰〰〰
المن تعوف اليتامى
عني يا بويه لا ترحل
بليلة القدر العظيمة
هالملائك كلها تنزل
نعشك الليله تشيله
والوحي دمعاته هلهل
يبكي لمصابك يا والي
والحزن هالليله مقبل
〰〰〰〰
خادمة آل محمد✍🏻
اللحن في هذا الرابط👇🏻
https://youtu.be/_qf40dASqnM
*آياحيدر* لحن فاطمتي~ السيد مصطفى الموسوي♪
هي ليلة… جبريل ينوح وينعاه
هي ليلة… قد طاح خضيبا بدماه
هي ليلة… والعرش،قد نصب عزاهُ
〰️〰️〰️〰️
في القدر… آذان الفجر يرثيك
في القدر… والسحر قد يسعى إليك
في القدر… جبريل قد صلى عليك
〰️〰️〰️〰️〰️
مولايَ… يا عمدة دين الاسلام
مولايَ … تنعاك دموع الايتامِ
مولاي … أبكيك مصيوب الهامِ
〰️〰️〰️〰️
آيا زينب… نوحي والدمع باحزان
آيا زينب… قد غالوا كتاب القرآن
آيا زينب… جرح الرأس حديث ثاني
〰️〰️〰️〰️
واويلاه… في شهر الصوم قد رحل
واويلاه… والحزن بداره قد حلّا
واويلاه… أعلي في القدر قُتل
〰️〰️〰️〰️
صاح علي… فزت ورب الكعبة حينا
صاح علي… غالني في المحراب لعينا
صاح علي… والعرش قد بات حزينا
خادمة آل محمد✍🏻
#علي_راح
•••
فراگ الأبو بعيني--ماترحم أسنيني
علي راح___علي راح
•••
اليوم وي طرة الفجر كلشي رحل
اليوم عودي حـزمه أحــزام الأجل
اليوم لبست أســــود أدموع الأهل
اليوم فاجعنه علــــــي خير العمل
اليوم أنطبر ديني--ماترحم أسنيني
علي راح___علي راح
•••
يامصيبه الـعيشتنه أبهل الجـــــره
جـرح خـــلف جـرح چنهن بالسره
أمـــــرادف الطگات تكسر خاطره
لليفارگ عــــوده مـــــــــاضله ذره
يابويه تدريني--ماترحم أسنيني
علي راح___علي راح
•••
بويه متعلــــــمين بأذانك نحــــــس
لمـــــــن تدعي تلتم أجروح النفس
ياچبير أحچايه يالأسمـــــــك درس
أمس شيرده مــــــــشه وأبعد أمس
يادمعه دليني--ماترحم أسنيني
علي راح ___علي راح
•••
بيت مـــــــابي علي مايتسمه بيت
ونكسر گلبي بغــــــيابك يالمشيت
ياصـــــــلاة اعيونه أبيومك بچيت
علي صـــــبرني علي بيك انتخيت
ياصبري حاچيني--ماترحم أسنيني
علي راح ___علي راح
•••
عشت حـــــــيرة فرگتك لليلة قدر
بويه ألـــك مشتاگه لوتدري أشكثر
الرحمه تنزل من نسمعك كل فجر
أخلاف عينك بعــــد مايسوه العمر
لا لا تخليني--ماترحم أسنيني
علي راح___علي راح
•••
خادم آهل البيت،،ع،،
أبوحسين السرگودي...
#قصيدة رسالة مأذنه
...
رســــــالة مأذنه..الحرف بيها بسنه..أنكـتب
علي خيرالعمل..العشگ بسمه كمل..بـسبب
علي الغير الله مادنگ ترى أبهاي
ونحل مـــــــــــأزره وتحزم أبراي
علي__علي
...
گضه ليله يشوف النجـــم ويفسره
الضوه زعلان حـــس أبليلة الطبره
وتبلل علي خـيط إحساسه بالفقره
علي فيته چــــــبيرة وعازته بكبره
الهـــذا الـوز لطم كل حــيله حزنان
صفگ بجناحه يدري أبأخــــر أذان
عــرف وتخيله..علي مـــــيرد ألــــه..عرف
وتدنه بحرگته..وعليه هــل دمعته..بشرف
وعلي شدحيله وبطوله الحلو جاي
ونحــل مــــأزره وتحــــــــزم أبراي
علي__علي
...
وصـــل لباب شايل كلشي اليريده
ولن الباب حــــــــــل المأزر أبأيده
بـس راده أيتأخر والحچي أبهيده
علي أشـدد حـيازيمك بقه أيعيده
وباس أچفوفه حيدر والسمه أتشوف
علي عمـره وحـــياته أمخوف الخوف
ومشه الموته بفخر..ورضه أبهذا القدر..مشه
علي أمــــحزم علي..شموخه المعتلي..أنتشه
علي أبكل خطوة يزرع حكمة وفياي
ونحل مـــــــــأزره وتحــــــــزم أبراي
علي___علي
...
حـتى المأذنه هـــــــم شدت الهمه
وتعـــــــرف أبياعلي تتحزم الكلمه
الأذان البي علــي يتسجل أبأسمه
بـــــــس البايعه يشعر ترى أبنعمه
وشهگة صوته عرفت ساعة أفراگه
بحيّ أعلــــه الصلاة وتگله مشتاگه
وأذانه أبكل سمه..أنرفع بي مظلمه..أنرفع
الحزن خـيم ترى..نودع حــــــيدره..سـمع
مـلك خبر مـلك ودع علي أوياي
ونحــــل مــأزره وتحــــزم أبراي
علي___علي
...
ترى بعطـر الأذان آشگــــد تصلي أبيوت
الصوت البي ورد چن ملك لامــو صوت
تحس أبحرفه مـن الرحمه ضل منحوت
لذالك لمــــن يونس صبح وسط الحوت
من عافه ترى حس أبعلي أحساس
علي بيبان رحمـــة وعشگته الناس
وعلي هيبة مجد..وصل بس مستعد..وصل
بصلاته شگدنعم..علي خيمة خــــيم..أمـــل
بتكبيرة أحرام أسمع علي هواي
ونحــل مـــــأزره وتحـــزم أبراي
علي___علي
...
وبچت حــتى الصلاة مـن حست بنزفه
وكملهــــــه صـــلاته أخــــــــــياله وبلهفه
صــــــــايم وبطبرته المذهـــــب أيوصفه
علي جــــرح السمه الضل كل سنه نعرفه
أنفجع دين الله لمن حيدر أنصاب
وبقه أثار دمــــــــه أبوجهّ الأتراب
وعشنه أبهل الوجع..ودمعنه الي فزع..ألـه
ونصبنه مـــــجلسه..وحزنه الأسسه..أعتله
حتى الماي يبچي ودمـع الماي
ونحــل مـــأزره وتحـــزم أبراي
علي____علي
...
خادم أهل البيت،،ع،،
أبوحسين السرگودي...🕊️🕊️🕊️
الشـاف سـيفـه ينـمحي من الوجود
ينفصل راس اعله جسمه وما يعود. لو نزل تهتز الارض. سيفه يشطر مو عرض
****
عـلـي مـيـحـاجي جـبـان ولا اجاه
ولـيـخـاف مـن الـحـرب يلبد وراه
بـلـمـعـارك بـس عـلي يرفرف لواه
الـمـايـگابل سيفه لا يحجي بگفاه
همــه يــم نســوانهــم يتـمرجلون
هيه من تحمه الحديده يسلهمون
بزلم يگرض كرض. سيفه يشطر مو عرض
*
ابـن ود الـعامـري حـاجـه الرسول
گـله مـا بيكم شجاع وضل يچول
وزلم سـنـطه ويـسـمعونه شيگول
وحـمل فقـاره وطلـع زوج البتول
گله مـا قصدك علي بهاذ الخطاب
بعده مــا كمــل وگــع فـوگ تراب
توسل بچفه يكض. سيفه يشطر مو عرض
*
عـلـي مـن يـبـارز يـدور الـصـعـب
وخـصمـه الگباله يحطله جم گلب
يـريـد يـشـرد منـه بس ماكو درب
بـسـيفـه مـنـتـصـرين اشر بلحرب
يحسم المعركــه لــو طــبها بيقين
الدين باسمه اتباهه امير المؤمنين
علي ما تارك فرض سيفه يشطر مو عرض
***
مـن وصـل خـيبر علي يمهم اهناك
فـتحو الـباب وطـلـع مرحب اجاك
گـله مـا تـگـدر عـلي الحارث وراك
انـه اگـدر گـلـه بـس عـنــدي دواك
مـن طـلع فـقـاره مـا شـم الـهـــوه
صـار نـصـيـن وگـع مـرحـب نــوه
يسمع بدگت النبض. سيفه يشطر مو عرض
***
مـن عـرج بـلمصطفه هناك بجنان
تلگه حيـدرنه النـبي وهوه بمجان
عـل ارض ولـبـاري حـاجاه بلسان
الـلـه خـلاهـم سـوه حـتـه بــذان
كـلـمـن يـحـبهـم يـطـب جنه اگيد
الـمـا يـحـبـهـم رايـح بـرايـه بعيد
كل حياته خل يفض سيفه يشطر مو عرض
****
مسلم ستار المحمداوي
قصيدة مبنية على روايات التاريخ والعقائد عن ال محمد عليهم السلام لشهادة الامام علي عليه السلام ..
هذا دهري اعلينه يرمي سهامه
الشيعه من اليوم كلهه ايتامه
............
صاح جبريل ويشك صوته السمه
انضرب عالهامه علي حامه الحمه
ايتامه تدعي الله علِينه ايسلمه
لسه تنزف دٍمَه منه الهامه
............
غميجه ضربة هالمرادي إعله الراس
الدنيه ماتت كلهه وياه آنه حاس
جن تحس السيف ذابح الانفاس
الليلة شيخ الناس سود اخيامه
.............
بعد حيدر والله عالدنيه العفه
نور ربنه الليله عالوادم طفه
ضربه ساس الراس مابيهه شفه
واذكر الطبره بحدود القامه
.............
مشه بجثته الحسن وحسين ومَلَك
لكو واحد راده كالو مو إلك
طلع حيدر نفسه وبإيده الفلك
الحامه كل الناس جثته حامه
............
نوح حافرله كبر بين التراب
والكبر للي دخل والطلع باب
تنفتح الابواب باجر والغياب
ودين ابو القاسم يرد باسلامه
...........
الرجعه باجر كلهه ترجع اي وعد
جم حديث وجم دعاء إقره (العهد)
بالكلب حب حيدره يظل للأبد
ربنه بالفطره يخلّي الهامه
...........
حيدره ويه النبي نور ابتدو
اي لاجلهم هالخلك كلهم إجو
الجنه يدخلهه العليه همه الرضو
للبشر همه الصلاه وصيامه
...........
ابو مريم الاسدي ..
25/آذار/2024 ..
شــال الحــيد تنــعاه اليتامه
****
عليهه تنوح نــوحـات الحمامه
ندگ صيوان بس نوح وملامه
وسويت الــحزن النــه عــلامه
شال وخـله كــل نــاسه بندامه
بچت علصـار يــاحـيد النشامه
الكـون بــلا عـلي بــين ظـلامه
هــذه اليرعب الدنيه بحـسامه
البلاغه اويـــاه دسـتور بكلامه
راعي الجــاه مـعروف الجهامه
يگضي اليل سجده ومــاينامه
وللــباري شــغل حــبه وهيامه
الرضئ مـــولاه مـولانه مرامه
عــاش ابــدنـيه مابيهه سلامه
وچــان الگابلــه يحضر ختامه
البين اعلـيه صــوبهــن سهامه
صــابــوه بحــقد وتـحنه هامه
وفـــوگ الغــيم مـتعلي مقامه
الشهاده نــالــها ونــال الامامه
***
ابوحيدر
الصبيحاوي
اني زينب والمصايب كلهه جتني
غيمت روحي واحسن زاد حزني
اليله ينطر ديني ودمعتي تواسيني
*
اليله مــني يــروح حماي الحميه
والدموع اطيح من غصـبن عليه
گمت انشف ادموع متلـحگ اديه
علي من عدنه رحل وشسوه بيه
كون اموت ويــاه ماريدن حياتي
من رحــت بــويه لفت كل نايباتي
وماتبطل عيني ودمعتي تواسيني
*
بويه ظليت بحسرتي مــن عفتنه
سكته يوم الهاجرت بـةي ودعتنه
خــيم اعلينه الحزن والهم شفتنه
فدوه كلنه انروحلك وانته بختنه
بينه نيران شكثر بس فــرگـه بيهه
روحي مدري بيا كتر عافت وليهه
واصفگ بچفيني ودمعتي تواسيني
*
عفــت دارك ظـلمه وحـشه بدونك
فــدوه كلنـه الــك فـــك اعـــيونك
ابابك التمت يتامه بـويه اينادونك
شعطله حيدر علينه غالي يسمونك
كلمن ادموعه اعله خده تچوي تالي
بصدري حسره محيره وتنوح غالي
يلخذيت اسنيني ودمعتي تواسيني
*
اليله راح ابعيد ابـو روح الحنينه
اسكت واسمع دليلي يــون ونينه
الغالي من عدنه مشه مارد علينه
واحنه بمصابك علي بلوه ابتلينه
گمت احس الدنيه دونه بحزن كلهه
المنهه ابوهه راح چــن راحـو اهلهه
تگول بس حاچيني ودمعتي تواسيني
*
چــم مسيت العــافــيه گلـنه بوداعه
اليله شــد احــزام هــل بيــن نـزاعه
غمض اعيونه ورحل راعي الشفاعه
الشلع خـيبر هســه امســبل ذراعــه
وخله كلشي بيــنه يبچي مــن جفانه
بروحته ظــلمه الشمس مــيت هوانه
فراگه بينه وبيني ودمعتي تواسيني
**
ابوحيدر
الصبيحاوي
يَا عَلِيُّ يَا عَلِي...يَا عَلِيُّ يَا عَلِي...
-----------------------
مَاكُو غِيرَكْ لَا فَتَى
إِنْتَه يَا سِرْ هَلْ أَتَى
بِالْقِيَامَه لَافِتَه
مِنْ هُنَا شِيعَةْ عَلِي
يَا عَلِيُّ يَا عَلِي...
-----------------------
بِيدَكِ حْسَابِ الْبَشَرْ
هَالْأَمُرْ بِاسْمَكْ صَدَرْ
لُو جِنَانِ وْلُو سَقَرْ
يِحْكُمِ بْكِيفَه عَلِي
يَا عَلِيُّ يَا عَلِي...
-----------------------
مِنْهُو مِنْهُمْ يُوصَلَكْ
چَمْ حَرُبْ تِشْهَدْ إِلَكْ
حَگْهَه تِتْفَاخَرْ هَلَكْ
وِالْفَخَرْ تَاجَه عَلِي
يَا عَلِيُّ يَا عَلِي...
-----------------------
مِنْ تِهِدِّ بْصُولِتَكْ
عَالْجِيُوشِ الْعَادِتَكْ
بِالْمَعَارَه فَزْعِتَكْ
مُوتِ الَاحْمَرْ يَا عَلِي
يَا عَلِيُّ يَا عَلِي...
-----------------------
يَا حَبِيبِ الْمُصْطَفَى
عَنْ دِرَايَه وْمَعْرِفَه
مُو شُعُورِ وْعَاطِفَه
لِلْحَشُرْ نِصْرَخْ عَلِي
يَا عَلِيُّ يَا عَلِي...
-----------------------
إِنْتَه حَمَّايِ الْحِمَه
تِشْهَدِ الْأَرْضِ وْسِمَه
كُفُو إِنْتَه لْفَاطِمَه
وِالنِّعِمْ مِنَّكْ عَلِي
يَا عَلِيُّ يَا عَلِي...
-----------------------
إِنْتَه يَا حِيدَرْ نَسَبْ
لِلْفَضَائِلْ وِالرُّتَبْ
مُو غَرِيبَه وْلَا عَجَبْ
مِنْهُو مِثْلَكْ يَا عَلِي
يَا عَلِيُّ يَا عَلِي...
-----------------------
خَصْمَكِ بْفَضْلَكْ شِهَدْ
يَا أَلَذْ مِنِّ الشَّهَدْ
بِيكُمِ الرَّبِّ انْعِبَدْ
فِدْوَه لِحْرُوفَكْ عَلِي
يَا عَلِيُّ يَا عَلِي...
-----------------------
يَالْوُجُودِكْ مُعْجِزَه
وَصْفَكِ لْعَگْلِي جِزَه
بَاچِرِ بْيَومِ الْجَزَه
يِنْعُرُفْ فَضْلَكْ عَلِي
يَا عَلِيُّ يَا عَلِي...
-----------------------
وَسْفَه نَاوَاكِ الزَّمَنْ
يَا عَلِي يَا بَا الْحَسَنْ
لْدِينَكِ انْطِيتِ الثَّمَنْ
وِانْطُبَرْ رَاسَكْ عَلِي
يَا عَلِيُّ يَا عَلِي...
-----------------------
طَاحَتَ ارْكَانِ الْهُدَى
وَالْحِزِنْ عَمِّ الْمَدَى
بْكِلْ كِتُرْ صُوتِ الصَّدَى
مَاتَ ابُو الْحَمْلَه عَلِي
يَا عَلِيُّ يَا عَلِي...
-----------------------
سَاعَدَ الله عِيلِتَكْ
يَا عَلِي مِنْ شَافِتَكْ
بْدَمْ خَضِيبَه شِيبِتَكْ
نَاحَتِ وْصَاحَتْ عَلِي
يَا عَلِيُّ يَا عَلِي...
-----------------------
#الليالي_العلوية
الشاعر حسن خنافر العاملي
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 حديث ونعي 🌺
-------------------------------------------------------
قال الامام علي ع في سجايا صاحب الزمان الامام المهدي عج
وجهه كالكوب الدري .. يعلو نور وجهه لحيته .. و رأسه .. و شعره
لحيته يعلوها نور منبعث .. اآخذ نور محمد ص ..
اجلى الجبهه .. اذا سقط النور عليها انعكس
مُحدودب الانف .. أاشم .. اذا رأيته رأيتهُ بأجلال
ذقنه مستديرٌ كالبيضه .. مرسوم اذا رأيته لا تمله .. اذا نظر الناس اليه قالو تبارك الله
يشربُ الناس حبّه .. فلا يكرههُ الا من في قلبهُ مرض
لسانه فيه رتّه (من شدة بلاغته يتسمر الناس لسماعه)
جسده كواحدٍ من بني إسرائيل
(عالٍ / متناسقٍ / فيه ربعه)
في كفهِ علامةٌ مميزه لا توجد في كف احدٍ قط (علامه معنويه .. اذا صافحته اخذك الى الله)
في خده الايمن خالٌ يضيئ (شامةٌ تضيئ)
كلامه يُعشق .. فلا تمل الناس حديثه
لاكن لم يذكر عيونه .. اتعلمون لماذا !!!!!
لانه يبكي بدل الدموع دما 😭😭
امصابه ابد ما صار بالكون
صبح و مسيه ايهل الاعيون
عطشان محد يرحمّه شلون
محد رحم جده و يذكره
بگلبه بقت مستعره جمره
و ايصيح يا يمه يزهره
السلام عليك يا طالب الثار .. السلام عليك يبن حامي الجار .. السلام عليك يا صاحب البتار
💔💔💔💔💔💔
لاكن مولانا امير المؤمنين ع في اخر لحضاته جمع عياله واهل بيته و اخذ يوصيهم بوصاياه الى ان قال بني حسن اني اراك مضلوماً مسموماً مضطهدا .. بني حسين اني اراك مذبوحاً قتيلاً شهيدا وسوف تُذبح ذبح الشاة من قفاك و ترض اضلاعك بحوافر الخيل و يُطفاف رأسك في مماليك بني اميه و حريم رسول الله تُسبى و اني ولهم موقفٌ يوم القيامه ...
في هذه الاثناء اقبلت مولاتنا زينب ع وهي تقول ابتاه من للصغير حتى يكبر و من للكبير بين الملأ ياابتاه حزننا عليك طويل و عبرتنا عليك لا تبرحُ ابدا
فضج من كان حاضرا بالبكاء و فاضت دموع امير المؤمنين على خديه وهو يقلب بناضريه يميناً شمالا و قال لها بنيه زينب اني اراكِ في طف كربلا نادبة حسين متحيرةً بأيتامه و نسائه اي واويلاه
لا ناصر اليبقاله و امعين
الحگ يبويه من تصيحين
ابنك ولوه هاي الملاعين
بليلة الوحشة اجي گربج
من الهضم منصدع گلبج
اتعتبين ما ينفع يعتبج
بليلة الوحشه تندبيني
اتصيحين بويه و بعد عيني
اگبالي هالذبحو حسيني
تصيحين يابويه بهضيمه
حرمه ولا ضلتلي خيمه
الحگلي يا راعي الشيمه
حيرتج يابويه حيره
ابن امج اضلوعه كسيره
ويلاه ينشال بحصيره
و انتي عالهّزل يسيره
-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له