7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
شخباركم،،، ملهوفه روحي إبابكم،،، شخباركم
مر الصبح مر العصر مر إلمسه إو ما جيتو
وتسائل إعيوني إلدرب ليش إنتو ما مريتو
عذبني شوگي ياهلي يل رحتو ما رديتو
حنيت وگليبي إحترگ معقوله ماحنيتو
وشگد ردت مرسالكم ،،، شخباركم
ويه الطيور اللي تمر وديت ياما أطيافي
إيفززني لو مر الهوى ويگلي بسك كافي
شالو هلك من ديرتك ماتصحى يلي غافي
مايرجع إلراح إو رحل إعقل يهل متعافي
جاوبته آخ إشصابكم ،، شخباركم
إزغير احس إو لوعتي تكبر لمن عافوني
بافراحي ما مرو هلي چا يمته يندلوني
چنهم نسوني إبدنيتي چن قررو ينسوني
ما بيه حيل اعلل صبر گتلهم إو يدروني
بطيوفي أمر خطاركم ،،، شخباركم
ليش الهجر ليش البعد هل دنيه ماظن تسوى
بيها إشكثر ضيم إو قهر مابيهه فرحه إو سلوى
لو غابو إتغيب الشمس اهلي وطيح إبلوى
وتصير ايام العمر رمله إوتتوه إبصحرى
يذريها ريح إغيابكم ،،، شخباركم
✍حيدر ناصر شداد
السبت 5/11/2022
أبيات من الرثاء بذكرى رحيل السيد الجليل محمد ابن الإمام الهادي (ع) سبع الدجيل والبعاج.
يسيد محمد البعاج روحي اعليك محزونه
واخوك العسكري ينحب بالدم فاضت اعيونه
______
شگ ثوبه عله امصابك حاسر للعزه يطلع
كالوله يمام الكون هيج شلون من تجزع
كاللهم نبي موسى اعله هارونه جزه وفرع
يوادم لا تلوموني
اخوي وگرت اعيوني
گبله ريت جفنوني
وبنفس اللحد ياريت بترابه يدفنونه
__
يحرز الدين يالمظلوم أبوك ينوح لفراگك
أنت أكبر ولد عنده وحگه لو بچه امصابك
مهو افراگ الولد يگتل وابوك يلوج لغيابك
حگه اعليك من ينعه
يشوف أولادك التسعه
واحدهم يهل دمعه
ليل إنهار بس يبجون لفراكه ويندبونه
__
مصايبكم تهد الحيل يهل بيت النبي طه
انتو اشرف خلگ بالكون بيكم الله يتباها
لچن هالامة عادتكم ذبح واسموم فتواها
بيكم مارعوا حرمه
ودين الله اهجروا حكمه
الكل منكم جره دمه
بحد السيف منحورين والباجي يسمونه.
__
واعظمهن مصايبكم يا سبع الدجيل اهناك
ذبحوا جدك العطشان وامصابه فلا يخفاك
وعماتك يبو البرهان مسبيات بيد اعداك
ادري السبي يألمكم
لچن مولاي شيعتكم
بسبي زينب تفزعكم
متى يظهر ابو صالح ويشفي اجروح مخزونه.
__
ياسبع الجزيرة أنعه وبكلبي تشب نيران
عمتك زينب اعله النوگ تنخه والدمع غدران
وحين الوصلت الطاغوت سبها وبالنصر فرحان
وراس احسين جدامه
يضربه بسوطه عالهامه
ناكِر دينه وِاسلامَه
وبنات احسين يتنخن يهاشم ماتلحكونه.
__
تمت بحمد الله ولطفه.
✍🏻 جاسم الكربلائي
٢٩/ جمادى الآخرة/ ١٤٤٣هـ.
بيدي وفوگ مني الضعن .. عالماي
وأنه المنك خذت يحسين .. عالماي
مصيبة وتنذبح يحسين .. عالماي
و انه ابلا زلم يحدون بيه
فاضل فرحان الجهلاوي
شور) (امنية خادم )
غريبه غريبه وحيده وحيده
اتمنه اعله باب الساعه ساعات
اوكف وذب بل حزن لوعات
وبلهفه اصيح احوووو ي ام عون
ويلي عليجن يل غريبات
غريبه غريبه وحيده وحيده
***
من اوكف ابابج كلبي ينطر
وقراء لطم عل لذي تكسر
وعل عمره ست اشهر بلا ماي
وعلي ركضوهن حافي بلبر
غريبه غريبه وحيده وحيده
***
شوكت اجيلج يمه ي ام عون
لزيارتج راح اعمي العيون
تتعنه كله تريد هل ناس
وانه ابقه وي الما يروحون
غريبه غريبه وحيده وحيده
*
كل سنه اكول الجايه نروح
وتلفي السنه وانه اذرف جروح
وخايف كبل لاجيج للشام
تاخذني غفله وتطلع الروح
غريبه غريبه وحيده وحيده
*
جا يمته نمشي ونكعد احذاج
ونشبع لطم ونحيب وياج
عل گطعوه بل خيل تگطيع
وبالج عله بنياتي ناداج
غريبه غريبه وحيده وحيده
****
خليني ازورج ولو بلطيف
يا حيف كاضي العمر يا حيف
كلهم نحسبو يمج اضيوف
جا ليمت تحسبيني الج ضيف
غريبه غريبه وحيده وحيده
****
جاسم الزيدي
وگفتهن تفت الگلب
نسوان ماتعرف حرب
وهاي السلاسل من غرب
بثنين ألمهن ينضرب
التانن يجيهن ما اجه
والهيمه كلش مزعجه
اويه العادي ماينفع رجه
لا رحمه يدرن منهجه
شيسون النسوان چا شيسون
فوگ الترابه گاعدات يفكرن
لو صاحن شراح الجواب يسمعن
سكتن سبايا لو خواتي بشرن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
چانت خيمهن عامره
ابزود سبع الگنطره
هسه الخيام امجمره
والخوه دم امطشره
ماعدهن اليفزع ركض
مچويهن اتراب الارض
لمة عدوهن ماتفض
الجيش كله منتفض
كل البلاء اگبال همهن هين
شلون زينب من خدرها تبين !
سمعت حچي كلش خشن مو لين
وما واحد من الحاوطوها احنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شيقنّع اسياط الشمر
مايحتمل ضيم الخدر
يكفيهن الداسن جمر
وهن شيريدن بس ستر
شيخلص النسوه بعد
ها ياعلي صاحن مدد
لو بيهن الشام انفرد
بدربه يقلن بالعدد
بيهن يموتن من عذاب الحادي
وبيهن تصَيّح وين مجد اجدادي
السادي عليهن عالبشر ماسادي
يمشن واخوهن بس نحر ليغادي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
چانن اميرات بخيم
وفوگاهن يرفرف علم
والدنيا كلها الهن خدم
بنيات المطيح الصنم
شوازاهن وصعدن هزل
شمدلي اديهن بالحبل
وهسه اذا يبچي طفل
يخافن يسكتوه بالنبل
عدهن طفل لمن بچه صب دمه
وليهسه ممصدگه اللي صاير امه
وسفه ربيبات الستر والحشمه
اعليهن زلم من كل دول ملتمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر اذا رد هالضعن
لهله وسكن دور الوطن
شينسي گلبه هالمحن
وبيا بچي يعيش الزمن
شيسولف المسبي يرد
وعن اهله بالطف مبتعد
واللي يسمعه ينمرد
گلبه على فگد الولد
لام البنين متربات يردن
مايحچن وياها بحضنها يونن
ويلي لون الثاكلات التمن
من گد بچيهن الحجاره يفطرن .
احمد العبادي
شور
السيده زينب اتوصي العلويات
يــعِــثـرن يــعِــثـرن خـاف الـنـوگ يـاعـمـه يعثرن
أحــــذرن أحــــذرن وحده اطيح بـالـهيمه أحذرن
*---------------*---------------*
بـــاچــر عـالــهــزل نـركـب
ويـصيـر الــوضــع أصـعـب
أصـبـرن والـصـبــر مـريـود
كــافــلــچ تــــره مـخـضـب
أذكـــــرن أذكـــــرن وصيتي هــاي لاتنسن أذكرن
*---------------*---------------*
اطـفــال وحـــــرم نــطـلـع
وشـتّايـم بـالسـبـي نـسمـع
يـعـمـه اهـواي أوصـيـچـن
مـاعـدنــه ولـــي ويــفــزع
تـكـسـرن تـكـسـرن صعبه خاطري وكلبي تكسرن
*---------------*---------------*
طـــبـــع الـهــزلـه تـتـعـثــر
وبــعـيـــد الـطــريـج وبـــر
چـلـبـن يـا بـــعــد روحـــي
بــلـدان أشــكــثـر نــفــتــر
يـنـظـرن يــنــظـرن عيون الناس لوطحتن ينظرن
*---------------*---------------*
مـــاظـلـت وسـيـلـه وحـل
الـحـامـــي أبـدمـه مـغسّـل
التطيح اشـلــون اصعدهـه
وحبل بـچـفوفي مــاينحـل
تـصــيـرن تـصـيـرن اسيرات الـزلــم باچر تصيرن
*---------------*---------------*
تسـمـعـن جدنـه يـتـشـتـم
ويــزيــد الـــحــزن والـهـم
يـمـشـونه بـضـرب وسياط
وحـتى الـطـفلـه مـاتـسـلم
يـوجــرن يــوجـرن ادري اسياطهم عـمـه يوجرن
*---------------*---------------*
بـاچــر ويــلــي يـا ويـلــي
نـهـاري أيـشـابــه لـ لـيـلـي
شــسـوي وآنـه مـچـتـوفـه
ومـدامـعچـن تـهـد حـيلـي
تــــمـــرّن تـــمــــرّن يـم اجسـاد أهــالـيـنـه تـمـرن
*---------------*---------------*
✍خادم السيده زينب (ع)
الشاعر رعد الجريخي
الهادي ضج امن الحزن وادموعه اتسيل
وينوح ويّه العسكري ياسبع لدجيل
@@@
مثل الگمر من وجنته تتلاله لنجوم
وبالمعرفه ما ينوصف من فيض لعلوم
چنه علي الاكبر لچن ذبحوه مسموم
وعليه ضلت تنتحب خير البهاليل
@@@
العسكري ويه النقي يبچون عالحال
توه شباب او عالنعش ياحيف ينشال
ابسامره صار او لي بلد بالبچي زلزال
ونثروا على نعش انحمل دمع او اكاليل
@@@
الهادي ينحب عالضنه ودلاله مجروح
وينادي بوداعة علي يا سلوة الروح
والعسكري ثوبه انفتگ وازراره مفتوح
ويجزع ترا فگد الاخو حتى الرجاجيل
@@@
محمد لعد نعشه وگف اهله واخوته
احياء ماهي امتربه ابلاروس موته
ولاوحده وگف بالحرب مبحوح صوته
چنه الحسين ابكربله ابذيچ الاهاويل
@@@
يالعسكري خوك انحمل مابيه جرحين
مو چنه عباس انگطعه من عنده چفين
مهشوم راسه والسهم مغروس بالعين
وحسين ظهره بالمشي لخيامه ايميل
@@@
علي أحمد الحمود
٧-١-٢٠٢٤
وفاة سبع الدجيل
نداء ،، أخير ،، گبل الموت وهم منتظره
اخوي ،، تعال ،، مو ظلت بگليبي الحسره
شربني الماي من چفوفك
زينب رادت بس تشوفك ندااااء
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الى من لم يخن عهده
كفيل صادق وعده
نداءآ يا أخي أقبل
فعمري شدة الشده
بآخر لحظاتي اتمنيتك
بالطف چا ليش اشتميك ؟
بيتك گلبي وتارك بيتك
ريتك بس صعبه اليا ريتك
دموع ، تسيل ، علقبله وثگلت انفاسي
عجيب، تغيب ، مو انته الكافل عباسي
تخلص ايامي وما عوفك
زينب رادت بس تشوفك نداااااء
،،،،،،،،،،،،،،،،،،،،،،،،،،،،،،
ندائي زينب الكبرى
فموتي قصة أخرى
فهل أحيا لكي أقتل ؟
عجيب منظر الاسرى
محتاجه ارتاح من آلامي
محتاجه الرايه الگدامي
عباس الطف مثل احلامي
هم الهاي عيونك ضامي
تموت ،، عليك ،، اختك يلچفك حاميهه
تريد ،، هواك ،، بآخر لحظات ومر بيهه
كتبت علدمعات حروفك
زينب رادت بس تشوفك نداااااء
،،،،،،،،،،،،،،،،،،،،،،،،،،،،،،،
اراه العالم الثاني
فأن الموت يغشاني
سأمضي عند من يعلم
بأن السوط أذاني
يا ربي وجيتك تعبانه
من ضيم الطف الاذانه
بيوم الشامت راح ويانه
صحت العباس وما جانه
كفيل ،، اصيح ،، زينب مسبيه العدوانك
جريح ،، ذبيح ،، شو نايم عايف ميدانك
ما تگدر اي صعبه ضروفك
زينب رادت بس تشوفك نداااااء
،،،،،،،،،،،،،،،،،،،،،،،،،،،،،،،،،،،،،،،،،
قريب بين اعماقي
كقلبي نبضه باقي
فلم يخلف بميعاد
سيأتي قطعآ الساقي
حيدر وصاه اوصاني
واحد يصبح روح الثاني
مو قصة طف وحاماني
لا أكبر من كلمة آني
مزار ،، خضار ،، من الجنه وصارت روحه
حبيب ،، طبيب ،، وياه الما بعد اللوحه
ما يخلص وادري بمعروفك
زينب رادت بس تشوفك نداااااء
،،،،،،،،،،،،،،،،،،،،،،،،،،،،،،،،،،،،،،،،،،،،،،
أتدري قلب من ضامي ؟
ل كفِ الفارس السامي
فنبضي قادمآ نحوك
وانتْ العاشق الدامي
عباس وعاشگ لحسينك
خادم للزهراء ودينك
بس الموت البيني وبينك
حضرلي الراية وچفينك
اريد ،، هواك ،، نسمات اتمرني وتحييني
تعود ،، خيال ،، بيدك لحسين اتوديني
بالواقع مو بس طيوفك
زينب رادت بس تشوفك نداااااء
كلمات خادم زينب
رعد الفريجي
ياغريب بكل وكت و اختك غريبه
من يقل معنى الحچي تزيد المصيبه
ماتت ام عون .... وحمرة العيون .....
من البواچي .....
..........................
من شحت اعيون الهله والشوگ سد بيبانه
احتركت مراسيل العشگ والموت مد ذرعانه
من كودن الماعنده اهل ماتنصفه الدفانه
يعرف امتون الشالته لو غربه لو خوانه
ياهضيمه وكسرت اخواطر بعيده
زينب بعازت اخو يمدلها ايده
يشوف المتون ..... وحمره العيون...
من البواچي......
............................................
هاجس سوالف كربله كلساعه مر بذكره
ياخذ حلم بي چم حرگ وسوالف اشگد جسره
المبحوح صوته من البچي لو شيع بيا نبره
ماتهم نيران البعد بس تچوي نار الحسره
حسرة الفگدت اخو بعز الضهيره
اتمنت ايشعونها بذيج الحصيره
وتمشي الضعون .... وحمرة العيون....
من البواچي
.............................................
الصفنه موگد للكبر وتاخذ الحيل الدمعه
هودرت لجمات الگلب يم طاري ثلمت ظلعه
الماحصلت بالطف شتم حصلت لازم دفعه
سومر ضوه اعيون الگمر من طفت اخر شمعه
يابو سكنه اختك اعله طواري المگابر
ضلت بحسرت اخو يغمض المشاعر
وي اليشيعون ..... وحمرة العيون ....
من البواچي
...................................................
من غمضت عين الشمع جم خيط فارگ لونه
شح السراب اعله العطش من جفوا ليحبونه
المكسور من فرگت اخو تقرا الحجي بعيونه
وضل النعش ذاك الوكت معتاز اليشعونه
ياكثر ذيج الزلم ابوكت الاميره
ويامقلهم من مشت زينب اسيره
وبان مضمون ..... وحمره العيون
من البواچي
.......................................................
طوح الحادي اعله الدفن واعيون زينب حمره
وشافوا اصابيع الاخت صوب الحسين ماشره
جاهيه مكسورة گلب وانوب هاي الكسره
يحشمون بالوادم افا يشعون بت الزهره
وين ذيج الهيبه وفياي الصوارم
غربه شايلته النعش تهضم يهاشم
ومايردون ..... وحمره العيون
من البواچي
...............................................
الاقل شرفا
كرار اللامي
#محرم_العقيلة
شوط كربلائي بحق السيدة ام كلثوم بنت أمير المؤمنين " عليها السلام"
توفيت ٢١ جمادى الآخرة ٦١هـ
مصايب كربله شافت گلبها منقهر بهموم
بت حيدر علي و فاطم وبأحزان ام كلثوم
*١*
هاي الي نسيناها ذكرها بالعزه قلّه
بنت خير النسه هيّه وأصلها بافضل الملّه
تعتب وبحزن و بهم المُحب مجلس فلا خَلّه
والدها علي الكرار
جدها المصطفى المختار
عجب ما الها كل تذكار
مجالس قلّه منصوبه وبذكرى الوفاة اليوم
*٢*
علينه تعتب بحسره يشيعه شلون تنسوني
بت المرتضى حيدر كلكم من تعرفوني
ذكركم بالعزه قلّه و بهايه تأذّوني
مثل زينب شفت لمصاب
حين اتذبّحت لأحباب
وسبوني كل عده الأجناب
على نوگ الهزل رحنه شافونه حسافه الگوم
*٣*
واجب الها نذكرها حقها المجلس انصبه
الها وكل مصايبها الموالي يحضر برغبه
هاي الي قهر و الهم عمرها و نگضه بصعبه
واشدهن كربله مرّت
على اصعب أمر صبرت
بوضعها و السبي گدرت
وذبيح حسين ظل مرمي مات ومنغدر مظلوم
*٤*
مثل زينب تشوف الهَم ام كلثوم متألمه
وگلبها اعله الأخو بحسره تجر حسره وكثر همّه
اخوها حسين متذبّح نزف فوگ الأرض دمّه
تشاهد و الألم واشجان
دمع منها بقهر و احزان
صعوبه تشاهد الاخوان
العِده ضد الولي و كافل جسدهم منجرح و دموم
*٥*
ام كلثوم هم شافت حرگو كل خيم بالنار
عليهم آل اميّه تهد كلها اتجمّعت لأشرار
نسه آل النبي بحيره صفن بين العده و اخطار
وبهذا الوضع تصبر
بألمها شلون ظل تگدر
العده بحقده شكثر يغدر
رضت و بهالقدر تقبل حكم رب المَلا القيّوم
*٦*
من طف كربله راحت للكوفه بسبي عالنوگ
البنات المصطفى صعبه السبي الهن ابد ميلوگ
وللشام الضعن دخلو شماته امن البشر بالسوگ
فرحانه بسبيها الناس
هاي اخت الگمر عباس
يشاهدها العده الأرجاس
گوم هواي تدريهم كل هذا الأمر معلوم
*٧*
لمصاب الذي حزنت وعمرها منگضي بالهم
لبنت خير النسه امها الگلب وهواي متألم
فلا من البشر يفرح دليله بهاي ما يسلم
ام كلثوم يا ويلاه
عليها حسرتي و الآه
أمرها باقي كل ذاكره
علينه واجب او نذكر وبطول العمر للدوم
*٨*
بفضلها و تشبه الحرّه مثل زينب وضعها يكون
بجماد الاخره ماتت يظل ذكره ابد ميهون
وهم من البشر شافت غدر اخسه العده الملعون
هاي اللي فضلها هواي
بتّ المرتضى مولاي
واخت راعي النسه الوفاي
وبحال الموالي يظل ذكرها بالفكر ملزوم
*٩*
بعد أربع شهور بهَم گضتها بالبچي و آلام
من ردت لأرض جدها بعد حقد العده الظلام
رجعت من سبي بحسره من ظلم و ألم حكّام
ام كلثوم و بحاله
عليها العين همّاله
عمرها و جهّز ارحاله
أجلها و گرب اعليها أمر منّ الصمد محكوم
*١٠*
ماتت و القهر بيها ولآخر نفس عدها
رزايا كربله بلوعه بدمعها من تعدّدها
الاهل كل ساعه ما تنسه مصيبه و بس تجدّدها
رزيتها تظل بينه
دنيا ما تنسّينه
المحب الها تهل عينه
مصاب و ثابت اويانه عهدنه مستمر مفهوم
مهيمن يوسف الموسوي
٢٢ جمادى الآخرة ١٤٤٥هـ
٢٠٢٤/١/٦م يوم السبت ٧:٤٩م
وفاة مولاتي زينب عليها السلام وكأني بها تنتظر لحظات الموت بفرح لتلتقي بامها الزهراء وترتاح من الدنيا ومصائبها واحزانها ... لسان حال ....
وزن المجرشه
ياعيني كافي من الدمع
الاجل حان الليله
ابرد يگلبي المنوجع
العمر شد ارحيله
مشتاگه يايمه شكثر
بس هالمسيه من العمر
والعمر شد ارحيله
.....
.....
حَضريلي لجروحي دوه
توجعني حيل جروحي
لو جيتچ ونگعد سوه
سمعي شتخبرچ روحي
لحگيلي تعبني الزمن
اخذيني يمه وروحي
لميت كل دمعي وجبت
اطوار وني ونوحي
حته انعي بيهن بالگبر
بس هالمسيه من العمر
تعودت كلما فز جرح
ليليه آنه انعيله
العمر شد ارحيله
.....
.....
استعجل يموتي شعطّلك
اتهنه اريد بنومي
لومتت مااريد الچفن
چفني هذني هدومي
بيهن جمر باب وخيم
كل ذكريات همومي
خليني ارد لم الحسن
وتشوف هاي ارسومي
امشي بعباتي ام الجمر
بس هالمسيه من العمر
ظميت دخان الخيم
لمي ارد اودي الشيله
والعمر شد ارحيله
.....
.....
آثار الحبال البقت
لُمّي امشي وادّاويهن
وجروح ال ابمتني غفن
من اوصلچ شديهن
وچويات البکبر الخيم
مدري شكثر عديهن
يايمه كلهن من اجي
الحيدر علي وديهن
لبنيته خل يبچي شكثر
بس هالمسيه من العمر
زينب بعد ماسولِفت
ضيم وهظم گليله
والعمر شد ارحيله
.....
.....
نصبيلي ماتم يم حسن
وانعيلي يامسبيه
ميته آنه من يوم الشمر
يركض وره العلويه
من يوم عالتل اوگفت
والخيل غارت ليّه
من يوم ماظلن خيم
والجيش دار اعليه
ياويلي من سوط الشمر
بس هالمسيه من العمر
ناديت وينك يالگمر
العدو جانه بخيله
والعمر شد ارحيله
.....
.....
خلصت معاناتي ورحت
من دنيتي وماساها
لاچنّي غربة كربله
يايمه ماانساها
ماانسه نبلة حرمله
والفاجعة السواها
ام الرضيع الفرفحت
وسوط الشمر واساها
جابو الهزله من الفجر
بس هالمسيه من العمر
يالوعه من سار الضعن
الرمله ورباب وليله
والعمر شد ارحيله
.....
.....
ام محمد الحجاج
هوسات للامام الكاضم عليه السلام
خل ننصب عراضه وبيها كولات
عله المــسمـوم كـضاي الكلافات
ضل مشمور ابن جعفر حسافات
ماحضروا // الكاضم اهله
❥ــــــــ☆ــــــــ●ــــــــ☆ــــــــ❥
خـــل نلطم لــطم يهدم الحيل
دمــوع لجـــعفريه خـلها تسيل
حماميل اربـــعه ولنعشه تشيل
ماحضرو اهله// لتشييعه
❥ــــــــ☆ــــــــ●ــــــــ☆ــــــــ❥
نون الـيوم كلنه عله مسموم
من لمه هله واحبابه محروم
من السم گضه وجبده مالوم
يسمووونه //جا ليش اعده
❥ــــــــ☆ــــــــ●ــــــــ☆ــــــــ❥
#لطلب لحاجه
من موسئ ابن جعفر ع
بأسمه ماتضل كل حاجه متعسره
نخيته وگلـــبي من الهضم جمره
ميردني الكضه بالسجن كل عمره
يگضيها // معروف الكاظم
❥ــــــــ☆ــــــــ●ــــــــ☆ــــــــ❥
يبن جعفر اجيتك والگلب ممرود
لحاجاتي اعرفك حاضر وموجود
ترد الي نخــــــــاك لبيته مسعود
تعاين جـــيتك // لحوالي
❥ــــــــ☆ــــــــ●ــــــــ☆ــــــــ❥
من جفك اريــد امراد تنطـــــيني
اطــــلب مـــنك الـلــيله تشافيني
كفوو مـنك شهم وانت التعافيني
تشافيها // علة دلالي
❥ــــــــ☆ــــــــ●ــــــــ☆ــــــــ❥
تمت بتوفيق الله واهل البيت عليهم السلام
بــقـــلـ✍️ــم المله والشاعره غدير الحساني
قصيده للامام الكاضم ع لسان ابنته معصومه
(لحن يايوم اشوف اعتابك)
يل جرحي ينزف منك
باعدني سجــنك عنـك
مشتاگه احضنك يابويه...... مشتاگه احضنك
مابيه اگطـــع ضنك
روحي تحن لحضنك
مشتاگه احضنك يابويه .....مشتاگه احضنك
تدريني احننن // وعيوني يعمن
❥❥❥❥ـــــــــــــ❁❁ـــــــــــــ❥❥❥❥
ملتني البـــواجي بــويه انه ردلي
يمعصومه ابــوج اوياج بس كلي
فركتك عذبتــني ياااا بــعد اهلي
افياي انته اريدك تبــگئ يا ضلي
كافيك من الفرگه
بنتك تحن للملگـه
حنت تشمك يابويه حنت تشمك
توجعها هسه الشهگه
وجرت گلبها. الحرگه
حنت تشمك يابويه حنت تشمك
شلون اضلن //وعيوني يعمن
❥❥❥❥ـــــــــــــ❁❁ـــــــــــــ❥❥❥❥
علة بنص گــــــلب خلف سجن هارون
عشت محرومة منك يالمتت مسجون
بيه اعـــداك يالجافي تــــره يجرحون
وين الي زمطــــــتي بـــزوده ايكولون
عذبني بعدك عني
حته الصور ملني
كد ماشوفك يابويه كد ماشوفك
لتخيبه يا ضني
جني غريبه جني
كد ماشوفك يابويه كد ماشوفك
ضلن يهلن //وعيوني يعمن
❥❥❥❥ـــــــــــــ❁❁ـــــــــــــ❥❥❥❥
يشمعة بيـــتي ردلي حـته لو بس يوم
مابيــــــــــــه لفركــتك يالمتت مسموم
يناضر عيني من شوفك صبح محروم
گلبي بروحــــــــــتك اه يالولي ملجوم
ذابحني فكدك تدري
يالشوفتك هي عمري
مابيه اعوفك يابويه مابيه اعوفك
ياهوة اليطفي جمري
مكتوب افارگ قدري
مابيه اعوفك يابويه مابيه اعوفك
لاوين اصدن//وعيوني يعمن
❥❥❥❥ـــــــــــــ❁❁ـــــــــــــ❥❥❥❥
لا وين اشتگي اهموم الگلب بعدك
وانـــــــته اتراب تارس يالابو خدك
جبير اعليه ما احمل صعب فـــكدك
نمت بتراب يالروحي صــفت عندك
يالروحي تبجي بهمها
ااااااه الوجع ساهمها
مشتاگه اضمك يابويه مشتاگه اضمك
بنتك زمن هاضمها
بالفرگة هي ضالمها
مشتاگه اضمك يابويه مشتاگه اضمك
بالونه علن//وعيوني يعمن
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
فزاعيه للسيدة زينب ع{العلوية تون}🔥
العلوية تون گـوم الحگ اعليها
بعازة يالگمـــــــــــر لا لا تخليها
❥❥❥❥ـــــــــــــ❁❁ـــــــــــــ❥❥❥❥
ياكـــــــفالها گــــوم الحگ اعليها
الحگ شوف زينب شنو الماذيها
ماهـــــــــــود دمعها ولا نواعيها
معتازه// جفك يالكافل
❥❥❥❥ـــــــــــــ❁❁ـــــــــــــ❥❥❥❥
معتازه تجـــــيها تـزت الجـنازه
حكه يالگــــلب عالعتب يتوازه
راد اليوم يحضه بشوفة اعزازه
تخليها // عباس شلون
❥❥❥❥ـــــــــــــ❁❁ـــــــــــــ❥❥❥❥
ياعباس زيــنب ضلت بحيره
تگول شعطلك يا منبع الغيره
حارت يا وجهه المـــن اديره
تعبانه // صاحتلك وينك
❥❥❥❥ـــــــــــــ❁❁ـــــــــــــ❥❥❥❥
تعبانه العــــقيله تريـدك الليله
من ادموم اه يالمـدمع تسـيله
بعد مابيه احمل يالاخو الميله
حاجيني // عباس ادخيلك
❥❥❥❥ـــــــــــــ❁❁ـــــــــــــ❥❥❥❥
ادخيلك لا تضل ساكت يعباسي
لفت ليه المنيه نكطعت انفاسي
عجب تنساني ماضنك انه ناسي
تنساني // ماصدگ تغفه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيدة للسيدة زينب ع{مهضومه العقيله}
مهضومه العقيله اليوم
ياعباس مهضومه
❥❥❥❥ـــــــــــــ❁❁ـــــــــــــ❥❥❥❥
مهضومه وتــجــر ونه
ولا گطعتها يالــــضنه
تريدك اه يالـــمـجــنه
لتخــــلـيها مالـــومــه
❥❥❥❥ـــــــــــــ❁❁ـــــــــــــ❥❥❥❥
لتخـــليها بالحــــسره
ياعباس وبــــــــعبره
نعشها يالاخو حضره
اترك يالاخو النــومه
❥❥❥❥ـــــــــــــ❁❁ـــــــــــــ❥❥❥❥
عوف الــــنوم يالجافي
ليش اعله الترب غافي
نورك من وكت طــافي
وسفه ساكن الحــومه
❥❥❥❥ـــــــــــــ❁❁ـــــــــــــ❥❥❥❥
سكنت الكـــاع ياهضمه
وگلب اختك بجي سهمه
عــطرك رايــــــدة تشمه
منك ليش مـــحـــرومه
❥❥❥❥ـــــــــــــ❁❁ـــــــــــــ❥❥❥❥
انحرمت ليش من عندك
وانتـــــــه عالترب خدك
اتـــرك يابـــــــطل لحدك
العقيله اليوم مهــــمومه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيدة حال مولاتي فاطمة على اولادها #تقرأبجميع_المناسبات
{ كل يوم الج ونه }
كل يوم الج ونه يافاطمه الزهـره2
اولادج بسم وقتل الكل خلص عمره
•───✧◐◐✧───•
يوميه كلبج يم حسن متلوع بالامه
وحده اعله وحده تجمعن صارن جبل عالهامه
ويعينچ الله اعله الكظو اولادج الوهامه
يكتل يوكت الغربو ظلمه تصير ايامه
حسره باأثر حسره
يافاطمه الزهره
اولادج بسم وقتل والكل خلص عمره
•───✧◐◐✧───•
للساعه ونتج عالحسن وحسين اخيه الظامي
يافاطمة ومحسن بقى عالكاع ينزف دامي
واحاه ياذاك الضلع من يومچ الأيامي
من اذكره ابچي ابحزن وتخيله بااحلامي
ياكلبچ المجروح
ينزف دمه من النوح
ويعيچ الله اعله الجره يافاطمة الزهره
•───✧◐◐✧───•
عمرچ خلص ويه اولدچ واحفادچ النشميه
شاهدتي الآم وغصص كلهن افد عصريه
عاشر محرم والسبي وابنيتچ المسبيه
وشاهدتي بالشام الجره موت وهظم رقيه
ياروحچ اشتحمل
ظيم وهظم يكتل
ماتنسه ايام المظت عينچ عليهم تبره
•───✧◐◐✧───•
من الكاظميه للرضا والمشهد تعنيتي
مره ونينچ عالجسر لموسى وجواد بچيتي
ومره البقيع الغرقدي لأربع كبور امشيتي
وسامره يم العسكري وللهادي هم ونيتي
ونيتي حيل عليهم
اولادچ تحبيهم
اصعب مصاب المرالج مصاب الحسين ونحره
•───✧◐◐✧───•
نوح وحزن عمرچ خلص آيالبتول البضعه
شفتي المصايب والألم ما بطليتي الدمعه
اعظم مصيبة المرتچ ذبح الحسين وربعه
من الكاع لميتي الوذر بكل كتر طاحت قطعه
يوجع المنظر شفتي
موذر حسين الكيتي
ولميتي الموذر وذر عظام ولحم متطشره
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
..
قريباً .. نوگف اباب العقيله
قريباً .. قربت ايـام الثگيله
قريباً .. واليالي اشگد قليله
هيه حسره ومن زمان .. هيه لچمات الكـيان
يمـته نـوصـل للمكـان .. البي السبيه
ننتظر چنه اعله نار .. يـرهـملنه الانكسار
يــرهم ايطيح الـوقـار .. شايل أذيه
زينب غريبه الكسره الچبيره
لا والي يمها ولامن عشيره
ماتت غـريبه بگـاع الشماته
هاي السبيه وحيرتهه حيره
ـ//////////////////////////ـ
غريبه .. حـتـه زوارج قـلـيـله
غريبه .. والدمع من دم مسيله
غريبه .. واليجيج ايـروح حيله
بابج الاخضر عذاب .. بي غربتج والمصاب
عنه ما گالونه طاب .. جرح الشماته
بين الايتام التنوح .. والعـذاب الما يــروح
تعبت گلبج جروح .. رايح غلاته
ليليه زينب ؤنـتـهه سـكته
لا هيه عدله ولا هيه ميته
متعوبه ضلت ما تلگه راحه
گلب الخدر مبحوح ؤنته
ـ//////////////////////////ـ
سلاماً .. من گلب للحضره ضامي
سلاماً .. لا كـــلام ابــلا ســلامـي
سلاماً .. والعيـون اتــرف هيـامي
والجفن كلما ينام .. يشبع ادموع وغرام
شايل ابطياته شام .. وذيج المصيبه
هايم ابشوگي جبير .. يمته نوصل بالمسير
يمج واصرخ كسير .. زينب غريبه
ياگلبي صيح ونوح اعله زينب
جـرح السبايه ابـدلالي يلهب
ليلي ونهاري ابهاي المصيبه
واتعب عليهه يا كلبي اتعب
ـ//////////////////////////ـ
مصيبه .. زينب اتـفـرهد شملهه
مصيبه .. ابعيده زينب عن اهلهه
مصيبه .. عفـيه گـلب الي حملهه
شافت انواع الجراح .. زينب الما تستراح
ماتمل امن النياح .. عالفارگوهه
اخضر العاشر حرام .. وبجفن زينب ينام
هدهه حيل ابغربه شام .. عالما يجوهه
ليـهسه جـرح العاشر عذابه
ما فارگاهه الطـف ومصـابه
خلص عمرهه بحسراته زينب
تاذيهه ضلت ذيـج الخـرابه
ـ//////////////////////////ـ
- خيري الصفراني ✍️
القصيدة : فاطمة سجلينه
الرادود : علي الساعدي
الشاعر : حيدر الجبوري
»»»»»»»»»»»»»»»»»»»»»»»»»»»»
خلينه بدفترج خلينه
سجلينه فاطمه سجلينه
»»»»»»»»»»»»»»»»»»»»»»»»»»»»
يا حُب يا عشك . يا دين الصدك
دلالي اليدك . بأسمج للأبد
باجر يا وطن . نبنيلج صحن
وي شبل الحسن . يا فاطم مدد
إن شاء اللّٰه بهاي الروايه
يظهر وبجفوفه رايه
عالقبر يبني بنايه
هلا بزاير فاطمه
يظهر وبيده حسامه
هلا باليشبه عمامه
يصيح حيهم يالنشامه
يكلب الكاع بسمه
بيمينه الحك يرد بيمينه
سجلينه فاطمه سجلينه
»»»»»»»»»»»»»»»»»»»»»»»»»»»»
من اللي نتهك . اله نرد فدك
واصعب معترك . ندخل ما نهم
ونكتب بالدمه . ديرة فاطمه
دربج نرسمه . بجفوف الزلم
كل حزن نمسح دموعه
بساعة المهدي طلوعه
والغصب نكسر ضلوعه
بكيفج انتي ادللي
وي ابو الثار المطالب
دربج نترسه مواكب
واليجي زاير وجاهب
نصبله جاي ابو علي
تلكينه بخدمتج تلكينه
سجلينه فاطمه سجلينه
»»»»»»»»»»»»»»»»»»»»»»»»»»»»
من يكضي البعد . نزرعلج ورد
من قبرج لعد . قبة كربله
ونحني الجدم . مشايه وخدم
ويرف العلم . يا مية هلا
بالمشي تبدي الغياره
وأربعينه الزياره
من بعد تلمع مناره
هذا قبر ام الحسن
نكطع دروب البعيده
ما تضل فاطم وحيده
نكتب هناك القصيده
فاطمه هيَ الوطن
تلكينه نمشي إلج تلكينه
سجلينه فاطمه سجلينه
»»»»»»»»»»»»»»»»»»»»»»»»»»»»
ولحكج نكر . نكسرله الضهر
ويلعنه الدهر . وإحنه نلعنه
نعدهم بالإسم . ومنعدهم زلم
الشارك بالهظم . واضح نعلنه
لشترك حتى بكلامه
والرضه بذيج الضلامه
ما نعوف الهم سلامه
ولا نعوف الهم ذكر
والكسر ضلعج نكسره
ناخذ بثارج يزهره
ماكو شي باجر نعبره
وما نطيحهن حدر
متانينه شبلج متانينه
سجلينه فاطمه سجلينه
»»»»»»»»»»»»»»»»»»»»»»»»»»»»
https://youtu.be/OTTlPMxv-zU?si=46_flkDkqV8y7JmM
عن لسان حال مولاي قمر بني هاشم واشتياقه لمولاتي العقيله ع
.............................
ياهوه ينطيني اجفوف
ومن عنده ينطيني اعيون
بس بيهن اوصل للشام
واحضر دفن اختي ام عون
امعطلتني اديه وعيني... وزينب تره اتانيني
اختي ام عون..... اختي ام عون
...............................................
اريد احضر دفن اختي التعشگ اسمي واحروفي
ما متعود اتأخر والمأخراتني اجفوفي
ياهو اليفزع ايحققلي الأحلام
اريد اعيون بس ما بيهن إسهام
سنه ونص صار منتظرتني بالشام
امقصر بحقها انه اهواي
وبس رايد اوصل ياناس
ما اروح لأم عون شلون
وبلأسم طلبت عباس
شلون اكسرلها الخاطر...... وما فاك دين العاشر
اختي ام عون........اختي ام عون
..............................................
هيج وكون عندي اجفوف وعالقبله اجبلها
الما رويتها بعاشور امنيتي بجفي اغسلها
وگلت احفر گبرها وصاح الاونين
كل دفان لازم عنده جفين
وكتلني المستحه من اخت الحسين
ما ضل كتر ما مهضوم
من زينب اشكد خجلان
لا اني جبلتها الماي
ولا اني صاير دفان
ماجيتها وعطشانه........ ولا اگدر ادفنها آنه
اختي ام عون.......... اختي ام عون
..............................................
منو المثلي ويحس بيه ومنو العايش
جرح حاير
ومنو الكله يريد يروح بس ما يكدر يسافر
منو الكلبه قوي بس ضعفه الافراك
منو بنص الحرب بس لأخته يشتاك
ومنو مثلي اعله شوف العين وانباگ
العايش مثل هالاحساس
يركضلي عين وجفين
سالفتي خافنها اتطول
والخبر يوصل لحسين
الحيله انجفه اعله الرايه.....مو مال اجمله بهايه
اختي ام عون.......اختي ام عون
..............................................
أنه المو جدمه ما عانه الماعانني جفيني
أنه الضلت بنفسه ايصيح زينب يابعد عيني
گلبي اعليها من كل صوب محروگ
ولسه بروحي تاكل طبت السوگ
بنص شمات گالو وگفت النوگ
ما ماشيه اختي ابلياي
ومن دوني طبت للشام
بالشمس تمشي وبالضيم
البيدي نصبتلها اخيام
ادريها اليه اتاني... من بين كل اخواني
اختي ام عون........ اختي ام عون
...............................................
آنه اول اخو يرتاح أمن اخته اتگله يوليدي
وأنه الرادتني ادفنها بس يا وادم شبيدي
الحرگ كلبي اديه وذني العيون
تعذرني ادري بس ما اروحن شلون
دنيا وآخره مطلوب لأم عون
البيه الحجي ما ينگال
وما ضامي هيج بعاشور
وادريها تعذرني ام عون
بس آنه أضل ما معذور
وابقى مديون لأختي..... أم گلبي واحبيبتي
اختي ام عون....... اختي ام عون
احمد ماجد الكلابي
(الروحه بخيمه محترگه)
(شور)
أه أه وآزيـنـبـاه *** أه أه وآزيـنـبـاه
*--------------------*------------------*
الـروحه بـخـيمـه محترگه
يـفـهـم والـحچي أيخـنگه
أيـحــس بــجــمــر زيـنـب
بـس الــشــايـف الــفـرگـه
*-----------------*-----------------*
الـمـادايـس جـمــر عـمــره
بــارد بـالــعــزه أنــعـــذره
الـفـارگـلـه أخــو يــعــرف
ويـشـعـر حـالـت الـحــره
*-------------------*----------------*
خـلــه الـمـارضـه خــلـه
يـلـوم بـراحـتـه أنـگـلـه
مـا يـدري بـسـتـر الـلـه
لـمــن صـعـدت الـتـلــه
*-----------------*------------------*
الـعـاش بـناره وجروحه
نـاذر لـلـلـطــم روحــه
راسـم كـربـلـه بـعـيـنـه
ومـا يـبـرد أبـد نـوحـه
*--------------------*----------------*
بالوعه وحسره واسيهـه
خسّـف صـدرك أعليـهـه
اتـذكر هـجـوم الـخـيـل
ودمـعت عينك أجريهـه
*------------------*---------------*
هـاي الـحرگـو أخـيـمـهـه
تـركض والـخـدر هـمـهـه
عمرهـه أيقـارب الستين
وسـوط الـظـالـم ألـمّهـه
*-------------------*--------------*
✍خادم السيده زينب ع
الشاعر رعد الجريخي
قصيدة لطم ( استشهاد الامام علي الهادي عليه السلام ) 1445. هج.
جديد....
( عاشر أمام )
علي الهادي حياتي دمعه وآه
لحد آخر انفاسي وآ حُسيناه
حبيبي ياحُسين
حياتي ياحُسين
-------------------------
حياة الماكو بيها حسين
ابد كل خير ما بيها
الحَمْد لله عله الدمعه
رزق كل عين تجريها
أنه عاشر أمام ودمعي عاشر
خيال الطف أخَذني للحوافر
حبيبي ياحُسين
حياتي ياحُسين
--------------------------
عله دم النحر جَداه
يا أول عطش شفته
احسك تجري بالشريان
بس حسين سالفته
كل يوم اليمر تشتاك هالروح
حتى القلب دكاته يمذبوح
حبيبي ياحُسين
حياتي ياحُسين
-------------------------
هنيالك عله العباس
فداك بروحه والجفين
سلامآ من علي الهادي
لبوفاضل يماي العين
يا نَعمَ الكفيل وصاح الاحساس
سلامآ عالنهر وعيون عباس
حبيبي ياحُسين
حياتي ياحُسين
-------------------------
بعيوني يموت الشوف
كلما إذكر الدخان
ياحال الغريبه ام عون
لا خيمه ولا وليان
هايه كربله وهاي الغريبه
بس الشام جارحني المصيبه
حبيبي ياحُسين
حياتي ياحُسين
------------------------
أين القائم المهدي
بينه تدري جم كَسره
ثار الغايب الموعود
أين يوسف الزهره
اللهُمَ عَجل أمره أدعيت
يوليدي يمهدي اني ناديت
حبيبي ياحُسين
حياتي ياحُسين
--------------------------
الخادم _ ابو فدك الشامي ✍
انتي ياهي ،، خيمه ؟ دمعه ؟ ليل ؟ نار ؟
انتي ياهي ،، عمه انتي ؟ شنهي صار ؟
راجعتلي حسين وينه
احچي يم روح الحنينه انتي ياهي
،،،،،،،،،،،،،،،،،،،،،،،،،
انتي ليل ؟ ،،،، راجع بوكت الصبح
انتي آه ،،،، بشر متغطي بجرح
صعبه هاي ،،،، عدله وبگلبچ رمح
عمه آخ ،،،، ميته گاعچ والفلح
لچمه ،، بيه ،،، من شفت محنيه عمتي
ميته ،، چنهه ،، وانه اصيح العافيه انتي
روحي ،، شنهي ،، وطن ليش شلون متي
ماكو ،، صوتچ ،، بالكلام شبيچ حرتي ؟
عدله ميته ؟،، أني ،، أسأل ،، اهلي وين
عدله ميته ؟ ،، عمه،، احچي،، والحسين
بعده ما بين علينه
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
زينب آه ،، عمه شو خالي الضعن
وين ابوي ،، والدموع اتسابگن
راح اموت ،، شو خواتي ما اجن
شنهي وين ،، شو دموعج طولن
گولي ،، عمه،، وين ابوي وكل زلمنه
موتي ،، روحي ،، لا صدگ طايح علمنه
وينچ ،، وسفه ،، بعد ما يلتم شملنه
دمعه ،، تجري ،، كلشي راح وما سلمنه
راح اموتن ،، وحدي ،، لحدي ،، بلا تراب
راح اموتن ،، عني،، راحو ،، گلبي ذاب
عمه شو ظلمه المدينه
احجي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عمه ليش ،، دمعچ يسولف خبر
شنهي صار ،، شو رجعتي بلا گمر ؟
احچي خاف ،، زعلچ ذاك النهر
انتي غيم ،، بچفچ يعيش المطر
كافل ،، وينه ،، شو رجعتي بلا حمايه
جوده ،، مايه ،، وعينه وچفوفه البدايه
دمعه ،، تخنگ ،، نزلت ابخد السبايه
كتبت ،، كلمه ،، چانت هناك النهايه
وسفه وسفه ،، جرحه ،، باقي ،، وعمري راح
وسفه وسفه ،، عايش ،، گلبي ،، وهوه طاح
ابو فاضل ما يجينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،،،،،
شو تراب ،، فوگ راسچ والعباه
والچفوف ،، أثر بيهن احچي ها ؟
وين اخوي ،، الطفل عبد الله شجاه ؟
مهده وين ،، مات ؟ ياهو الموتاه ؟
وجهه ،، گمره ،،چان بس يغفى اعله أيدي
خويه ،، وينك ،، زيدي يا دمعاتي زيدي
حيره ،، والله ،، يا سهم يذبح وريدي
تركه ،، لحظه ،، ليش ميت يا وحيدي
أمه أمه ،، ماتت ،، عاشت ،،، من تشوف
أمه امه ،، نحرة ،، دمه ،، تبچي خوف
وهيه هم سمعت ونينه ؟
احچي يم روح الحنينه انتي ياهي
،،،،،،،،،،،،،،،،،،،،،،،،،،،،،،،،،،،،،
يا طفوف ،، گلبي منچ مختنگ
وين اروح ،، ماتت الناس الصدگ
عل الفرات ،، سحگو الما ينسحگ
والخيام ،، لهسه گالو تحترگ
وانتي ،، عمتي ،،لو گبر يمشي اعله طوله
راحو ،، منچ ،، يا حچي الما بيه أگوله
عينچ ،، شافت ،،امگطعه چفوف الرجوله
الله ،، ايعينچ ،، ميت العام وفصوله
من رجعتي ،، وحدچ ، صعبه ،، بلا كفيل
من رجعتي ،، گبالچ ،، حاير ،، بس عليل
امگيد ويكتل ونينه
احچي يم روح الحنينه انتي ياهي
كلمات خادم الحسين
رعد الفريجي
موت الاخو فگد الاب
والزهره جرح المذهب
والسبي وكل ضيم الشام
كلهن يعرفن زينب
**
تبچون؟ ما بيكم دمع ؟
يا شيعه وين الحرگه ؟
زينب تره بطرگ الوجع
فرگه اوداع وفرگه
چلمة يزينب تنسمع
ها ليش كضيتو الضلع ؟
زينب كلت مو فاطمه
ها هنه هم نفس الوضع
زينب آه شافت عصرة الباب
زينب من دمعهه لحد التراب
زينب يا ونين وااااخ وعتاب
زينب يا ألم منه الطفل شاب
صاحت ييمه بلا نفس ويييلي
يا موت بسك مو خذت حيييلي
صاحت اخوي المحسن
اثنيناتنه اليوم نوّن
اه يا حبيبي شحسيت
من الحرگه ميت يمكن
***
مجلسنه قطره بنص بحر
من حزن ازغر خيمه
ودمعتنه لو تنزل شهر
ما تروي هاي الهيمه
هستونه نتعلم حزن
چم لحظه نلطم لو نون
ما شفنه راس اعله الرمح
لا اخونه دامي ومنطحن
ما عشنه الوداع بعاشر الموت
ما نبچي لحد ما يخلص الصوت
ما عدنه الحصيره تصير تابوت
ما طاحت حزن لا فرغت بيوت
ما شفنه شاب وحنته ادمومه
لا گمر مات وذبلت ارسومه
زينب جرح ما يبرى
عشرة خشب وي جمره
تنسامن شلون تعيش
تنسى الضلع والطبره
***
متعوب يا نعش الدمع
من تمشي هونك تاني
شايل وجع ما ينحمل
يا ألم عالم ثاني
هاي الجنازه بلا أهل
منهم ولا واحد وصل
ها يلهواشم يا عذر
مو حتى المعاتب ذبل
هاي التسوى دگ صدوركم هاي
هاي گبالهه يذبحون بالماي
هاي الراحتلها ازلام الهواي
هاي شما حچينه بضيمهه شواي
يا بويه زينب غربت بويه
رادت وراهه چلمة الخويه
وحشه اليموت بسكته
ما يمه كل عايلته
محد وراه آخ يصيح
تشبع برد فاتحته
**
هايه العبايه اعله النعش
هم بيهه آثر مجروحه
منتچيه حيل اعله الخشب
تعبانه لا مذبوحه
موتتهه وي زينب سوى
هم چان خانگهه الهوى
من شافن حسين انذبح
من نحره بسيوف انچوى
ركضت خيمه متغطيه بعبايه
شافو طولهه وهاي البدايه
كتاب الله انذبح ما ذبحو آيه
وين تروح زينب ماكو رايه
مطروحه يم ذاك النهر حيره
صاحت يخويه وذبحو الغيره
لمت چفوفه بلهفه
مات الگمر يا وسفه
باوعت مرمي اعله الگاع
صعبه اليموت انكلفه
****
يا گاع ضمي ام الحزن
ترتاح بلكي وتهدا
بس هنه الجروح شكثر
وحده الاشد من وحده
مسموح نبچي بلايا حد
مجلس عزاء وللأبد
يا زينب الماتت حزن
ليهسه ظلت علوعد
وحشه الشام كلهه ورادت اخوان
عليهه اتأخرو والنعش بردان
وين الكله غيره ايصير دفان
يعباس الجنازه تريد ذرعان
محتاجه اخوهه يگلهه كفيتي
يم عون يا مظلومه وفيتي
كلشي انتهى ودفنوهه
تراب ودمع غطوهه
ظل صوت من أم حسين
تحضرهه بس تانوهه
كلمات الخادم / رعد الفريجي
اللهم عجل لوليك الفرج
اللهم عجل لوليك الفرج
🦋🦋🦋🦋🎋
ياالاهي بجاه محزوز الوريد
بالضهور تعجل بعام الجديد
غير. مهدينه. كلشي مانريد
كلوب. ننثر. ويهليه مو ورد
بشوك. مهدينه. ذابت. المهج
اللهم عجل لوليك الفرج
🦋🦋🦋🦋
ياالاهي عليك. نقسم بالحبيب
عجل بجيت. الغائب يارقيب
الموالي. بشوفته جروحه تطيب
ياخذ بثارات. الضامي. السليب
بضهوره مايضل. هرج ومرج
اللهم عجل لوليك الفرج
🦋🦋🦋🦋
ياالاهي علينه عجل طلته
وسر. الكلوب. الحزينه بشوفته
يمته ترف. بسمانه. رايته
ينشر. الحق. والعداله بدولته
بيك. نتوسل. يعالي. بلا درج
اللهم عجل لوليك الفرج
🦋🦋🎋🎋🦋
ياالاهي نقسم. بخير. العمل
عيونه. بشوفت. الغايب تكتحل
ينصر. المظلوم. ويلم الشمل
غيره. بالدنيه. ماعدنه. أمل
بضهوره ينتصر. دين. الحجج
اللهم عجل لوليك الفرج
🦋🦋🦋🦋🦋
بقلم العلويه المقصره ام رائد زوين ✍🦋🦋🦋
حبل الوصل باخواني ٠٠٠ترى نحل
حجي العدوان باذاني ٠٠٠ترن حيل
بيوم الصاح يازينب ٠٠٠٠٠ترى نحيل
ضعنج على الكفل امشي ٠٠٠ومره
وسوده ايام اراويكم ٠٠٠٠٠٠٠٠ومره
ومره بسوطه يضربني ٠٠٠٠٠٠٠ومره
وجسمي من الهضم صبح ٠٠٠ترى نحيل
*
✍نور الولايه الفاطميه
قصيدة للامام الكاضم ع{عندك بنية}يخاطب الامام الحسين ع يذكر رقية وحميدة بنت مسلم ع
عندك بنـــية لجن راحت سبيه
وانه عندي بنيه مالحگت عليه
ينگطن امحنه البنات
فراگهن هــوة الممات
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
يالبنية حنينة وتحب شوف ابوها
ولو رحل والــــيها بعدة ايلوعوها
والدليل ارقيه مســـــــبية خذوها
بس عفتها هيه انسبت
بالفراگ ااااااااااااتلوعت
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
بالفراگ اتلوعــــــــــت حتئ حميدة
لان عافـــــاها ومشه العمه الصميدة
ضلت تون عنها يااااااالكوفة بـعيدة
ترفه وتحن للرحل
والجفه لا مو سهل
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
وانه اااااه يمصيبتي واااه ياكسرتي
اجت بس مالحگت وسفــــات بـنتي
جاي اسولفلك جرح عــضم محنتي
تعذبن كلهن سويه
وانه مالحكت عليه
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
يابنات ال الرســــــول تعذبن اهواي
بزغر سنهن فگدن الجان الهن افياي
اليوم اريد انصب عزيه بيها مبجاي
للبنات الي مشن
ولي عيناهن عمن
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
من يــرف كلـــب البنيه وتبدي تعتاز
مر يالاحساس التحسه مامش اعزاز
تريد ابوهـــــا ويــن ابوها ابيد جناز
ماخذة لصوب الكبر
االله ينطيها الصــبر
عندك بنية ........لجن راحت سبية
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
قصيده ثقيله للاب
اهدي ثوابها الئ الامام الكاضم عليه السلام وابنته معصومه عليها السلام
هـيــبه الابــو لبــنـيــــته وتـجــيـه
مـــــن يمشي بــعد مـــــاكـو حميه
❥ــــــــ☆ــــــــ●ــــــــ☆ــــــــ❥
من يمـــشي بعـــد تشبــــع مــذله
فــراگ الابــــو ياگــلــــب اليحمله
الكـــون بـــكــــبره ميعوض محله
بــفـــراگ الابـــو نــــاري ســـــريه
❥ــــــــ☆ــــــــ●ــــــــ☆ــــــــ❥
يـــمر بــــيه الـــعـسر واذكر حنانه
يجرحني مــــن اشـــــوفنه مجانه
هضيــمـــه ابــــســاع فرگنه زمانه
تمنـــــيته يمـــر لــــــو لحضه اليه
❥ــــــــ☆ــــــــ●ــــــــ☆ــــــــ❥
تمنــــيته يـــــــمر ليــــه واحضنه
واكـــــــله ياهـــــله يابـــعد اهلنه
عگـــــبك بـــــويه ابد ماكو محنه
گلـــي يـــلولي انجـان الك جــيه
❥ــــــــ☆ــــــــ●ــــــــ☆ــــــــ❥
گـــــــــــلي انجان الك نيه تجيني
شوصف بويه الك شوكي وحنيني
شحلاتك مــن تجــــي يابعد عيني
اعـــــــتازك تجــــــي وتـنشد عليه
❥ــــــــ☆ــــــــ●ــــــــ☆ــــــــ❥
عــــازات الابــــــــــو محد يسدها
وناااتــــي تـــضـــل للـموت حدها
روحي مــن وكــــت حـمل سندها
تــــضل تنــــعـي اله صبح ومسيه
❥ــــــــ☆ــــــــ●ــــــــ☆ــــــــ❥
تمت بتوفيق الله واهل البيت عليهم السلام
بــقـــلـ✍️ــم المله والشاعره غدير الحساني
اسألكم الدعاء
قصيده لسان حال سيدة زينب ع اخر لحضات لها تتكلم ع ما مرت به حتئ وافاها الاجل
صوره ماتنمحي من بالي وخيالي
طيحت العباس وي ذبحــة الغالي
من شفت مذبوحي
احس طلعت روحي
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
هاي صوره مو مثل باقي التصاوير
بيها ذبحه غالي فر جن فرت الطير
واخت حارت باليتامة بعينهـــا ادير
بيها جف بيها رمح
رجف الحيل الذبح
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
صح عشت ياناس من بعد الجفوني
بس وحگهــــــــم الف موته موتوني
شكـــــد عتب وديت ليهم ضيعوني
ميته زينب من زمان
بيوم جافاها الامان
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
بيوم جافاها الكفلها ماتت ام عون
غاب ياوسفه الامان وزرگه المتون
بعينها شافتهم براســـــه يگطعون
شفت اهات ومحن
اهواي عذبني الزمن
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
ماجوني وضيعوني حته بالموت
شعجب قبلوا انه اموت بگلب مفتوت
شكد صحت يخواني ماجاباهم الصوت
باخر الحضه الي
ردت واحد من هلي
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
باخر الحضات اليه بوحشة حسيت
يجي واحد من هلي والله تمنيت
اخذ روحي يا الهي بصوت ناديت
ايست احد يجي
راح اضل اشبع بجي
صوره ماتنمحي من بالي وخيالي
❥❥❥❥ـــــــــــــ❁❁ـــــــــــــ❥❥❥❥
#للشاعره غدير الحساني
قصيده للسيده زينب ع{بغربه بالشام}
بغربه بالشام يـخويه بغربه بالشام
زينب تــــنام حريمه زينــــب تنام
گبري يــــــــمك رايدته
وينه بالله الكافل اخته
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
وينه بالله الكفل خدري كلي يحسين
مثلك ومثــــــله احصل خويه امنين
طشرانه من وكــــت غـــــدار هالبين
وصل موعدها المنيه
حنو يخواني علــــيه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
حنو يخــــواني عليه ادليلي محتام
رايده بالــــدفنة ارفــــــع بيكم الهام
يمي اخوتي هالاجـــو اصرخ يضلام
ابد ميعوفوني وحدي
يزتونــــي لحد لحدي
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
يزتوني وحدي اضـلن هاي هيهات
عندي عباس انه اسمه ابو الكلفات
مايهمه الدرب كافل راعـي صعبات
الصعب كلش مايهمه
اليوم يلفيني واشمه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
اليوم يلفيني الكــفلني يصـــيح زينب
افراگ وجهج يالاخيه اعلــــيه يصعب
يحضن التابوت حضــــنه بيها ينحب
ينحب برفــــع الجنازه
وانه احن والعازه عازه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
اهواي احن والعازه تذبح بيه الغروب
احمل الفرگه يوكـــــتي كلي جندوب
فارگت انه اغله ناسي واغله محبوب
فارگتلي اعزاز كلفه
اوجوهم ياوكت ترفه
بغربه بالشام يـخويه بغربه بالشام
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
نخوّه لـ السيد محمد سبع الدجيل
ابن الإمام الهادي عليهما السلام توافق
ذكرى وفاته ٢٩ جمادى الآخرة ٢٥٢ هــ
*نخوه يا مولاي يا سبع الدجيل*
يـالـذي لـمـصــابـه نـاح الـعـسكـري
اطـلـبـك مولاي تـجــبــر خــاطـري
امن الهظم مولاي مكسـور اظـهـري
*وانتَ عارف بالهـظـم امـره ثقيل*
سـيدي انخـاك جـيــت بــدمـعـتـي
حاجـتـي والله عـنـدك حــاجــتـي
دنـيــتـي صارت مـظـلـمـه دنــتــي
*والوسيله انتَ الى الباري الجليل*
كم مريـض اسـنـيـن بفراشه طريح
كل قسمـنـا بجاه جـدك هـالـذبـيـح
والفرج بـسمك لـنـا نـلـهـج نصـيـح
*يالولي شـافـي لـنـا وداوي العليل*
نخوه بــاللـي ركـبــوهــا عـالـهــزل
والـيـتـامى الـقـيدوهـم بــالـحـبــل
كم موالي يـريد من عـنـدك طـفــل
*يسر قلبه وخاطره ويشفي الغليل*
نخوه يـا مـولاي يـبـن الطـاهـريــن
للسجين انصيح جـيـنـا سـائـلـيــن
حاشا يـا مولاي نـرجــع خـائـبـيــن
*حاشا نرجع والله يا حامي الدخيل*
كل موالـي والله تــجـري دمــعـتـه
بالحسين ايصـيح وابحق ذبـحـتـه
هاللي من بعده سـبـوهـا نــسـوتـه
*ركبت الهزّل بـلا محامي و كـفيل*
تمت بحمد لله ومنه
في 1440/6/27 هـ
*لخادم اهل البيت عليهم السلام*
*المُلا محمد سامي المرعي* الأحسائي