7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة فزاعية ( لوفاة الامام الكاظم ع )
-------------------------------------------------------
ميت ابوها بالسجن
ما تدري بي معصومه
ميت الليله اشحاله
و السم مرد دلاله
ابعاد عنه اعياله
الكاظم الجيدومه
ميت امگيد بالسجن
اتلوع ابهذا الزمن
وين الابنيه خل تون
للوالد و يايومه
يومه الحنين شمصعبه
كافي بعد لتعاتبه
بالفرگه هيه امصوبه
و لشوفته مندومه
خلها تجيله امحزمه
تنصب عزاه و لاطمه
بزنزانه ميت مضلمه
و جبدته مسمومه
محد اجاه و سبّله
و بالگيد اديه امكبّله
يبنيته وينج معوله
روحه گضت مالومه
دگي اعله راسج للولي
و عينج من ادمايه اتهلي
و صيحي يخويه ياعلي
راح اللي حلوه ارسومه
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيده نزله بحق الامام{موسى ابن جعفر الكاضم}{عليه السلام}
****
ياسيدي ياسيدي ياموسى بن جعفر
ياسيدي ياسيدي وياك للمحشر
****
شيعتك تدرينه عالحب تربينه
وقعنه بدمانه عشرتنه للموت
عايش نبض بينه. نورك يوالينه
صوت بضمايرنه مايعتليه صوت
خدامك واحبابك ياسيدي انصارك
وفايه وكفايه ماتنسه ابد ثاره
طول العمر. طول العمر وحسين للمنحر
****
يااغله كل غالي يااول وتالي
ماينوصف حبك لاولله هيهات
نبض الكلب انته ياسيدي وجنته
مرقدك قبلته والدكته دكات
ياهوه للريه يابلسم لبلسم
من دونك مايسوه بالعيشه ماينعم
انته الامل انته الامل والنبض والابهر
****
مثل السمه خيرك هوه انته مو غيرك
للسمه ولارض ماليها اشواك
شمسك شمس غيره هل كوكب تنيره
موصدف تتلاله هيج انته محلاك
نتغنه بحروفك ياجنة الجنه
انوارك واياتك للمنهضم حنه
يبن النبي يبن النبي. والنبأ والكوثر
****
الناصبك وينه افكاره وبنينه
سلطته هيبته ماالهن مجان
اي ذكر ماعنده. لاهو لاولده
لافكر ينذكر مضله عنوان
وهاذه انته يالكاضم عالسمه تتعاله
ياموسى ابن جعفر عنوان يتلالا
مثل الكمر مثل الكمر . احله بعد وانوار
****
السم جبدتك بيده مو هاذا ليريده
حسب بموتتك تنسي الملعون
من كبره لويطلع وصد كبتك تلمع
ينصدع من يرد للدنيا هارون
يالكاضم لو شاهد زوارك بعينه
هالناصب هالحاقد ثق يكفر بدينه
هالناصبي هالناصبي هالوغد والاذعر
****
من حكنه نتباها يبن علي وطه
يافخر والفخر من عندك يغار
حبينه افعالك دم نبجي الحالك
للاجل منعوفك انصارك احرار
تعلمنه من عندك هالصبر والهمه
كل شيعي للمحشر باصملك بدمه
لزيارتك لزيارتك تمشي متتاخر
****
خادم اهل البيت عليهم السلام
الشاعر السيد{هاشم قاسم الداودي البلداوي}
سفرة حنان وسفرة عشك
خاتم جوازي بدمع الرضه
رايح اجدد عهد الوفه
للساكه بالقيد امرضرضه
الجنة غرامه سار الركب
كل خطوه يوكع مني ذنب
الوادم تحب الدنيه وسهر
وآنه سوه الكاظم مااحب
برحمته وحنانه عكدت الرايه
واجيت ابدموعي مع المشايه
اسوي بضريحه لطم واقرايه
عشاك المناره..حي اعله الزياره
....
هزاني شوكي وسار الجدم
للكضه عمره ابنص الحبس
ماجاي اشوف اجنازة بشر
ياشيعه هاي اجنازة شمس
ذيج الجنازه الفوك الجسر
چنهه سبيه ابحبل الشمر
تابوت امامي الكاظم بقه
ياشيعه وحده ابحر الضهر
غريب وتعالو نروح انشيعه
اعله باب الحوائج نهل الدمعه
وحيد ابن جعفر يتاني الفزعه
حيهم يالغياره..حي اعله الزياره
....
للكاظميه اجروحي مشت
دكتوري موسه ايطيب العلل
چم اعمه ردله موسه البصر
وايشافي حته البيهم شلل
مستشفى للعالم حظرته
تسوه العمر شوفة كبته
الوصفه ابلاش وحته الدوه
يقضي الحوائج صيف وشته
مسائل عظيمه يحلهه الكاظم
ابوطلبه هيچي تعرفه الوادم
ابد مايردك حزين ونادم
ينطيك البشاره..حي اعله الزياره
....
راهب بني هاشم سيدي
يسوه التعب خل نتعب إله
الماشي الضريحه كأنما
من نعشه فاتح جم سلسله
حلوه المواكب من تنصب
واقرايه نسمع طول الدرب
وابابه يتلكانه الرضه
يمسح تعبنه ودمع اليصب
يكواكم الله الرضه اينادينه
يسجلنه بيده وعشك يروينه
نريده اعله موسه بچي ايحط بينه
خل نرفع شعاره..حي اعله الزياره
...
لاكن تهون امصيبة رجب
النكبه الجبيره بشهر الذبح
الكاظم صدگ سمو جبدته
بس راسه ماشالوه برمح
احسين ابحوافر جسمه انطحن
وجابو حصيره إبدال الجفن
وزينب اسيره اتطب للقصر
مگلوبي يفتر ليش الزمن
السجن والخرابه جرح ماطايب
يحز بگلبنه مصاب الراهب
يبارينه عجل ضهور الغايب
عجل ربي ثاره..حي اعله الزياره
...
محمد الجماسي
مُوسَى حَلِيفِ لْسَجْدِتَه وْدَمْعَاتَه
وِينَه اللِّذِي يِبْچِي هَضُمْ مَأْسَاتَه
بَابِ الْكَرَامَاتْ...لِيشِ بْسِجِنْ مَاتْ
وِينَه اللِّذِي يِبْچِي هَضُمْ مَأْسَاتَه
-----------------------
عِتْرَةِ الْهَادِي كَوَاكِبْ تِضْوِي عَالْكُونِ بْضِوَاهَه
لِلْخَلَگْ رَبْنَه جَعَلْهَه رَحْمَه مِنْ لُطْفَه بَرَاهَه
لَاچِنِ الدِّنْيَه عَلِيهَه أَعْلِنَتْ حَرْبِ بْجِفَاهَه
مَا سِلَمْ مِنْ عِدْهَه وَاحِدْ ظَالِمِ بْظَالِمْ لِفَاهَه
هَاكِ الْمَثَلْ عَالْگَاظِمِ وْأَحْزَانَه
عَاشِ بْسِجِنْ مَاتِ بْسِجِنْ عِنْوَانَه
أَيَّامَه حَسْبَاتْ...لِيشِ بْسِجِنْ مَاتْ
وِينَه اللِّذِي يِبْچِي هَضُمْ مَأْسَاتَه
-----------------------
فَاجِعَه هَاللٍّيلَه حَلَّتْ يَا وِسَفْ بِالْكَاظِمِيَّه
مُوسَى بِنْ جَعْفَرْ أَوِيلِي نَايِمِ بْحِجْرِ الْمِنِيَّه
بِالسِّجِنْ خَلَّصْ حَيَاتَه وِارْتِحَلْ هَايِ الْمِسِيَّه
چَبْدَه سَمُّوهِ الْأَعَادِي ضَنْوَةِ الزَّهْرَه الزِّچِيَّه
غَمَّضْ عُيُونَه عَالثَّرَى هَاللِّيلَه
مِنْهُو يِجِي نَعْشِ الْغَرِيبِ يْشِيلَه
لِمْصَابَه حَسْرَاتْ...لِيشِ بْسِجِنْ مَاتْ
وِينَه اللِّذِي يِبْچِي هَضُمْ مَأْسَاتَه
-----------------------
چَمْ رِزِيَّه بْگَلْبَه طَاحَتْ وِاخْتِنَگْ مِنْ عِدْهَه صَدْرَه
سِجْنَه طَامُورَه عَجِيبَه وِالنَّفَسْ گُوَّه يِجُرَّه
مُوسَى وَجْهَ الله هَضِيمَه السِّنْدِي كِلْ سَاعَه يِسُطْرَه
بِالْحَدِيدِ مْگَيِّدِينَه عَالْحَدِيدَ الله يِصَبْرَه
چَانِ الدُّعَا عَجِّلْ يَلَاهِي بْرُوحِي
ذَابِ الْگَلُبْ نَارِي تِشِبْ بِجْرُوحِي
شِيْصَبْرَه هَيْهَاتْ...لِيشِ بْسِجِنْ مَاتْ
وِينَه اللِّذِي يِبْچِي هَضُمْ مَأْسَاتَه
-----------------------
شِيعِتَه بْيَا حَالَه چَانَتْ وِالْهَجُرْ أَثَّرْ عَلِيهَه
ضَاگَتِ گْلُوبِ الْحَبَايِبْ مِنْ أَلَمْهَه وْمِنْ بَچِيهَه
تِحْسِبَ ايَّامِ وْلِيَالِي يَمْتَه بِنْ جَعْفَرْ يِجِيهَه
عَالْجِسِرْ تَالِيهَه شَافَتْ جِثَّه مَطْرُوحَه وِلِيهَه
أَرْبَعْ حَمَامِيلِ اعْتِنَتْ بِجْنَازَه
شِبْلِ النِّبِي هِيچِي وِسَفْ يِتْجَازَه
وِانْسِمْعَتَ اصْوَاتْ...لِيشِ بْسِجِنْ مَاتْ
وِينَه اللِّذِي يِبْچِي هَضُمْ مَأْسَاتَه
-----------------------
مِنْ هَوَانِ الدِّنْيَه لَمَّنْ نَادَى بِالنَّاسِ الْمُنَادِي
بِالشِّمَاتَه وْمُو غَرِيبَه هَاذِي أَحْوَالِ الْأَعَادِي
ضَجَّه صَارَتْ تَالِي وِصْلَتْ شِيعَةِ الْكَاظِمْ تِنَادِي
مَاتَ ابُونَه وْبِالْمَدَامِعْ شَالِتَه فُوگِ الْأَيَادِي
چَمْ صَارِخِ وْصُوتَه ارْتِفَعْ بِالْعَبْرَه
مَأْجُورْ يَا حِيدَرْ عَلِي وْيَا زَهْرَه
مَرْفُوعَه وَنَّاتْ...لِيشِ بْسِجِنْ مَاتْ
وِينَه اللِّذِي يِبْچِي هَضُمْ مَأْسَاتَه
-----------------------
مُوسَى بِنْ جَعْفَرْ تِشَيَّعْ مَا بُگَه فُوگِ الْوِطِيَّه
مُو مِثِلْ جَدَّه ثَلَاثَاً عَارِي بَارْضِ الْغَاضِرِيَّه
مُوسَى مَرْضُوضِ بْقُيُودَه مُو حَوَافِرْ أَعْوَجِيَّه
مُوسَى مِنْ مَاتِ وْتِغَرَّبْ مَا خَذُوْ إِخْتَه سِبِيَّه
الْكَاظِمْ مِشَه وْعِينَه يِصُبْ جَارِيهَه
مَا يِنَّسَه طَفْ كَرْبَلَه وْوَادِيهَه
صُوتِ الْجِرَاحَاتْ...لِيشِ بْسِجِنْ مَاتْ
وِينَه اللِّذِي يِبْچِي هَضُمْ مَأْسَاتَه
-----------------------
#شهادة_الكاظم_عليه_السلام
الشاعر حسن خنافر العاملي
ابو ذيات لشهادة سيدي ومولاي موسى ابن جعفر الكاظم صلوات الله عليه
دليلي ابنوح شتضن .... ون گضاها ؟
اعله موسى الي حياته .. ون گضاها
الحديد اعظامه فتها ..... وانگضاها
لحد ما نحل مثل امه الزچيه ..
ابهظم ايامه يا شيعه... داولها
او بيه اجروح ما يرهم .. دوه الها
ابوسط طامورته الونه .... دوي الها
القيود اتذكره ابعمته السبيه ...
مكدره الروح ما واحد ... لها الها
يموسى اعليك دمعاتي .. لهلها
اجنازه او ما يودوها ...... لهلها
اشذنبها او عل جسر ضلت رميه ...
مثل يعگوب گلبي اعليه ... من ون
مثله من بچه امن الناس .. من ون ؟
مات او عل جنازه انشدو ... من وين
يسمونه الغريب ابن الزچيه ....
الحزن عم الفضا الليله .. وساده
العوام اتنوح للكاظم .... وساده
ينازع عل ارض مامش .... وساده
حديد القيد صايرله تچيه
تضعضع حيله من القيد ... وانهار
ابسجن مضلم يون الليل ... وانهار
هارون البغي بقصور ..... وانهار
وابن جعفر گضه تحت الوطيه
حديد القيد فت حيله ... وشاله
عليه بعيوني ما ضلت .. وشاله
حمال المشه ابنعشه ..... وشاله
مات ايصيح امام الرافضيه
ابو فاطنة الطائي
قصيده في حق استشهاد الأمام موسي الكاظم عليه السلام
بقيودي مسجون مشبوحه العيون
وحدي ابجروحي كل عمري محزون
***
آنه الکاظم احچي عن قصة عذابي
خلصت کل عمري آنه بنتحابي
بالطوامیر اذبلَت زهرة شبابي
و آنه ظلیت ابــ محنتي و ابمصابي
ابسجن الظلیمه عشت الهظیمه
شلت المصایب کلها اعله المتون
****
عالدهر اعتب و بالحسره اکلمه
کلشي ماشوفن اظل و السجن ظلمه
هوه الله ابقه بالگوه اشمه
الموت ادري من السجن یاناس رحمه
ابطاموره ظلیت موتي تمنیت
من المدامع جرحت الأجفون
**
آنه جدي بالنبوه الباري خصه
الکاظم و عشت العمر و ابروحي غصه
کسر ظهري الدهر مني اخذ حصه
بالمطامیر السجن سوتني قصه
الناظر ادیره یادهري حیره
تتراجف اعضاي و احزاني متهون
***
الگضه عمره بالسجن ینکسر جنحه
یدري ماکو للفرج یاناس لمحه
المثلي عاشر لیله ما ینشاف صبحه
یمته اشوف اهلي و الي ترجع الفرحه
احچي الصراحه عمري مناحه
الحالي الملائك کل لحظه یبچون
**
راهب اهل البیت انه و تجري دمعتي
مااظن واحد یشابها محنتي
ابدفتر احزاني اسجل کل غربتي
الروحي اگلها اشگد حزن انتي حملتي
گلبي تلوع چبدي تگطع
اهاتي تحدي ظلت بالضعون
*****
منهو مثلي اهموم ظل یومیه یجرع
تالي بالسم یاوسف چبدي تگطع
انختم عمرك هالمسیه گمت اسمع
صرت الوج و گمت اجري دمه المدمع
شفت الزچیه هاي المسیه
نادت ییمه دلالي مطعون
***
لخادم الحسين علي فلاح الواسطي
17رجب
1445
هالليله تجي الزهره الزجيه
من سابع سمه للكاظميه
عزه تنصب لبنها وعليه اتزيد ونها
هالليله تجي الزهره الزجيه
******
تجي للكاظميه ام الحسين
تحضر كل عزه ويه الموالين
تگله يالابن اهلك مشوا وين
تبجي عالغريب وتهمل العين
دم ينزل دمعها ومتغير وضعها
ودمعات الجفن عالخد جريه هالليله تجي الزهره الزجيه
******
ام حسين لوعها زمنها
سهام البين بالمهجه اضربنها
جم غالي وعزيز الاخذ منها
وجمرات الحزن والهم جونها
وتصرخ ايا مسموم عليك الگلب مالوم
يبني مصيبتك اعظم رزيه هالليله تجي الزهره الزجيه
******
تنادي يالغريب الله يعينك
من سجن ال سجن خلصت سنينك
بسلاسل ويلي يبني مجتفينك
وعن شيعتك فتره مغيبينك
ياحامل لوا الدين سجنوك الملاعين
حكام الظلم شر البريه هالليله تجي الزهره الزجيه
******
لمصابك نحس الگاع ماجت
وعليك السمه يامولاي ناحت
علامات الحزن بالافق لاحت
بغداد بهذاك اليوم ضاگت
الكل بسمك ينادون الكاظم ماي العيون
شلون بسجن وافته المنيه هالليله تجي الزهره الزجيه
******
صبرك يبن جعفر ماكو مثله
يركعله الصبر كله ويجله
يمك سيدي كل صعبه سهله
يشهدلك العالم هذا كله
باب الله يسموك ابو الكلفه يعرفوك
وحگ المصطفى وحيدر اخيه هالليله تجي الزهره الزجيه
******
يمته اتنور الدنيه بطلعتك
يبن العسكري عجل ابجيتك
واشهرصارمك يا امل امتك
ومثل ضربة علي خلي ضربتك
عل جيمان دمدم بالبتار هشم
النكر مولاي دين الله ونبيه هالليله تجي الزهره الزجيه
******
خادم اهل البيت / ابومحمد العاشور(07810010732)
اويلاه يابو الرضا اويلاه يابو الرضا
**
خلصت عمرك بالسجن اويلاه يابو الرضا
وشيعتك غطاها الحزن اويلاه يابو الرضا
حگها اذا ظلت تون اويلاه يابو الرضا
وينزل حمر دمع الجفن اويلاه يابو الرضا
اويلاه يابو الرضا اويلاه يابو الرضا
**
سموك يبن المصطفى اويلاه يابو الرضا
ونورك يمولاي انطفى اويلاه يابو الرضا
بعدك الكون اظلم صفى اويلاه يابو الرضا
اعليك الجفن لا ماغفه اويلاه يابو الرضا
اويلاه يابو الرضا اويلاه يابو الرضا
**
ياسابع انوار الهدى اويلاه يابو الرضا
من صبرك الصبر ارتوى اويلاه يابو الرضا
ياجبل ماهزه الهوى اويلاه يابو الرضا
جرحك صعب ماله دوى اويلاه يابو الرضا
**
الله يلعن قاتلك اويلاه يابو الرضا
وبسجن مظلم دخلك اويلاه يابو الرضا
وماخله ناسك توصلك اويلاه يابو الرضا
وعاشت بحيره كل هلك اويلاه يابو الرضا
اويلاه يابو الرضا اويلاه يابو الرضا
**
ياتاسع اصحاب التقى اويلاه يابو الرضا
جارت عليك اهل الشقا اويلاه يابو الرضا
حكم الله منكم سارقه اويلاه يابو الرضا
ياويلهم يوم اللقا اويلاه يابو الرضا
**
يالكاظم مصابك صعب اويلاه يابو الرضا
وافاك موتك بالغرب اويلاه يابو الرضا
اعليك الدمع يبقى يصب اويلاه يابو الرضا
شيطفي نيران الگلب اويلاه يابو الرضا
اويلاه يابو الرضا اويلاه يابو الرضا
**
مصابك يبن جعفر ترى اويلاه يابو الرضا
هين وحگ رب الورى اويلاه يابو الرضا
الجدك الگطعوا منحره اويلاه يابو الرضا
والگمر سبع الگنطره اويلاه يابو الرضا
اويلاه يابو الرضا اويلاه يابو الرضا
**
خادم اهل البيت / ابومحمد العاشور (07810010732)
قصيده حال السان الإمام
الكاظم عليه السلام
مقارنه بينه وبين مولاتي زينب ع
نفس الحبل والنوك
بس ما مشيت بسوك
انه اختلف بهواي
ماشفت روس وياي
٠٠٠٠ ٠٠ ٠٠٠٠
عليج ياعمه القهر مو عالسجن وگيوده
اول اميره وبت وصي تمشي بحبل مشدوده
شماامشي بعيوني شفت صورت سبي موجوده
الكفل راسه عله الرمح والدم يبس بخدوده
بعيونج تشوفين
راس الكفل وحسين
محروم من الماي
انه اختلف بهواي
٠٠٠٠ ٠٠ ٠٠٠٠
الضيم مو ضيم السجن موقفج عمه اذاني
عليج تهمل دمعتي كل ماشفت سجاني
تهون اكولن محنتي مايمي روس خواني
الشامج يعمه مارحت ولاشامت تلكاني
امصابي عمه يهون
ماورمولي امتون
مشدوه مني الراي
انه اختلف بهواي
٠٠٠٠ ٠٠ ٠٠٠٠
كل ما اشوف السلسله تبجي المصابج عيني
ياخذني حزني الكربله لدرب السبي يوديني
يم محنتج كلشي سهل شنهي السجن وسنيني
ماراكظ بذاك الظهر ولا جمر جاويني
هد حيلي درب الشام
شلون اليتامه اتنام
وبيهم شمر حداي
انه اختلف بهواي
٠٠٠٠ ٠٠ ٠٠٠٠
ضلمه السجن ماينسكن يشبه اليل العاشر
السم يگطع جبدتي وبجروحي للطف حاير
بس الفرق لمن متت ماصعد فوگي الحافر
جسمي شالوه ابنعش منه ضلع ماخاسر
جسمي بنعش ينشال
ماگطعوني وصال
ريت نعمت عيناي
انه اختلف بهواي
٠٠٠٠ ٠٠ ٠٠٠٠
مثلج ماصارت مره بمحنتها ومصيبتها
الدنيه مارحمت ابد وبكل بلد فرتها
بصفگه وهلاهل وفرح الشام متلگيتها
دنكت روس لبالقصر ومادنگت هامتها
انتي فخر للناس
ياهيبت العباس
للصبر شلتي الواي
انه اختلف بهواي
٠٠٠٠ ٠٠ ٠٠٠٠
خادم اهل البيت ع
#فلاح #طالب #الماجدي
يالكاظم انخاك ... يالكاظم انخاك
روح وتعنه الحضرته . يالكاظم انخاك
+++++++++++++++++++++++
يالتريد ازوره اگصد حضرته
اوگف ابابه وقبل عتبته
السائل الينخاه ينطي حاجته
باب الحوائج موسى تزهي گبته
يگضي لزاير حاجته ...روح وتعنه الحضرته
++++++++++++++++++++++++
الشوفته الروح اصبحة ملهوفه
مثل الحمام اعله الگبر اطوفه
يايوم شباجك عيني اتشوفه
يل حبك اعلينه فرض منعوفه
يل نويت زيارته ... روح وتعنه لحضرته
++++++++++++++++++++++++
باب المراد دگها ودخل منها
بزيارته للجنه چن ضامنها
والحضره ما ينمل أبداً منها
يم القبر صرختنه نعلنها
عالعهد نبقه شيعته ... روح وتعنه لحضرته
++++++++++++++++++++++++
دمعة الزاير محسوبه دوه
وي النفس حبك مثل شم الهوه
أبد ماخسران لبابك نوه
يمشي وي الدم حبك سوه
بل فطرة رضعنه امحبته .. روح وتعنه لحضرته
++++++++++++++++++++++++
احبابه احنه وشيعته يدرينه
جعفريه وبسمه اتسمينه
من النواصب كلشي اتحدينه
موسى بن جعفر يظل والينه
اليبغضك يموت ابحسرته ... روح وتعنه لحضرته
++++++++++++++++++++++++
يل تزوره إلزم الشباچ وصفن
اشلون امامك خلصت اسنينه بسجن
جارت اعليه المصايب والمحن
قيود وظلمه وغربة وطن
وحيد عاش ابغربته ..... روح وتعنه لحضرته
++++++++++++++++++++++++
ياغريب اجنازته فوگ الجسر
هذا امام الرافضه وكعبة صبر
باب للحاجات ويسهل العسر
يلموالي اليوم دگ اعله الصدر
وسفه بالسم غدرته ... روح وتعنه لحضرته
++++++++++++++++++++++++
روح واتعنه يزاير لبو طلبه
ولشباچه من تلزم تحس الرهبه
تعيش بأمان بحضرته وبگربه
حالات عدنه سيدي اشگد صعبه
وفاي تگضي حاجته .. روح وتعنه لحضرته
++++++++++++++++++++++++
الشاعر علي غني الصفار الحلي
قصائد في ذكرى شهادة سيدي ومولاي الإمام موسى الكاظم عليه السلام
قصيدة { كلمة شرف }
الك كلمة شـــرف گلنه وحچيناهه
حتى اعيوننا اعله الخد بچيناهه
………………………………………………………………………………………………………
بچيناهه عليك الليله بالحضـره
وجدّدنه العــهد يا راهـب العـتره
الك طول الدهر وسط الگلب حسره
مناحه بكل درب لجلك نصبناهه
………………………………………………………………………………………………………
نصبناهه ونخاف بيوم قصّرنه
ذكرناك ونعرفــك زيــن تذكرنه
شفيع وبالحـشــر لابد تباصرنه
هاي ارواحنه الحزنك هديناهه
………………………………………………………………………………………………………
وحق غربةْ حـيـاتــك والألـم والهَمْ
وحق جروح قيدك حيث تنزف دم
يا منــهـــج صبر والـنــاس تـتـعـلّم
عظيمه احروف صبرك بيهه نتباهه
………………………………………………………………………………………………………
قريناهه ولگينه اسنينك الصعبه
ابطاموره وحياتـك تـنـتـهي غربه
كل عاشگ بنــالك موطــن ابگلبه
قصايدنه بدمع يجري قريناهه
………………………………………………………………………………………………………
غريب وحتى نعشك وضّح امصابك
ترك حسرة وشجن بگلوب أحبابك
يــعـطّاي المــراد ومــا تـســد بــابــك
كرامات شكثر عندك لگيناهه
………………………………………………………………………………………………………
خاشع بالعباده وعالظــلـم صابر
شگد نفسك أبيّـه وگدرت اتكابر
حاضر بالگلب وبكل زمن حاضر
إلك كلمةْ شرف بالدم كتبناهه
………………………………………………………………………………………………………
إلك من كل كتر تـتـعنه زوارك
بوجودك للأبد مامونه بغدادك
ما خاب التمسّك بيك واختارك
وهواي المعاجز إحنه شفناهه
………………………………………………………………………………………………………
خادم الحسين عليه السلام
عمار هليل الواسطي
قصائد في ذكرى شهادة سيدي ومولاي الإمام موسى الكاظم عليه السلام
قصيدة { يا صاحب الزمان }
أنتَ المُعزّى سيدي يا خاتم العتره
..........................................................................................................................................
سابع جرح يبن الحسن وبگلبك آثاره
للكاظم وجمر الحزن لا ما طفت ناره
هالليله يبن العسكري تواسيك زواره
حاضر أكيد بفجعته يالحاضر إبداره
أتمنى منك سيدي هذا المسه نظره
أنتَ المُعزّى سيدي يا خاتم العتره
..........................................................................................................................................
نظره لجميع العاهدك ويتاني بالدمعه
موعد ظهورك وبصبر فاق وجزه السبعه
يحسبلك يظل سيدي امن الجمعه للجمعه
ضاگت تراهه بغيبتك بعيوني كل وسعه
ما تخمد بروحي أبد للحزن چم جمره
أنتَ المُعزّى سيدي يا خاتم العتره
..........................................................................................................................................
أقسم عليك بغربتك وبغربــــة الكاظم
لهاي الملايين الإجت تحضرهه يالقائم
كل دمعه سالت من جفن هذا الجفن حالم
حالم يشوفك والحزن وسط الگلب دائم
إنطيني من صبرك صبر گلبي خلص صبره
أنتَ المُعزّى سيدي يا خاتم العتره
..........................................................................................................................................
تتلگّه يبن العسكري هالليله كل زاير
تدعيله حتماً سيدي من گلبك الصابر
تقضي الحوائج بالدعاء الربّك القادر
وأدعيلك بيوم الفرج ريت الفرج باجر
دين الله بسمك ينتصر سيفك يخط نصره
أنتَ المُعزّى سيدي يا خاتم العتره
..........................................................................................................................................
بالكاظم الليله المحب واساك يالغايب
يالحاضر إنته بكل گلب يالطاعتك واجب
بدم الحسين بكربله غيرك منو يطالب
ثارات عندك تنتظر هذا الزمن كاتب
طوّل ظلام الفاجعه ليلك متى فجره
أنتَ المُعزّى سيدي يا خاتم العتره
..........................................................................................................................................
يخلص دمع عمر الشمع حزني طبع بيّه
أترقّبك يا سيدي ودنيانه مگظيّه
من بعد كل هذا الصبر لازم الك جيّه
هالدنيه تعدلهه بعد ما تبقى مچْفيّه
عهدك كتبته بالدمه وابْصَمت بالعَشره
أنتَ المُعزّى سيدي يا خاتم العتره
..........................................................................................................................................
خادم الإمام الحسين عليه السلام
عمار هليل الواسطي
مدد يابو الرضا...شور...للكاضم ع
ياباب الحوائج... ياموسى ابن جعفر
ــــــــــــــــــــــــــــــــ. مستهل
آه.... وحــــده بغربته
آه.... يبچي عله عمته
ضيم...خلصّن سنينه
آه....تســـــبي محنته...آه تسبي محنته
مـــا ناسي ابسنينه
عايشهه ابــــــونينه
سجــــــنه الخرابــــــه
وطـف تارس عـيـــــــنه
اخمسطعش عام... ما نشف دمعه
وحده ويروحه.....خلصهه لوعـــه
گيوده چن حبل السبـــايه
سابع اجــروح آل الهدايه
هم صعد ناگه هـــــــزيله
يشبه عمته بالــــــــرزايه
بطاموره ولوحدك
زاد الجــرح عندك
وبشدت الاصفااد
نحلان كل جسمك
ياباب الحوائج...ياموسى ابن جعفر
ـــــــــــــــــــــــــــــــــــــــــــــــــــــــــــ
بآه.. تقره المصيبه
بآه....زينب غريبه
تنوح....عالچثته ضـــلت
آه.... عاري وسليبه....آه عاري وسليبه
ليش يبن الزچــــــــيه
يجرعونك أذيــــــــــه
حا نيــتك ســــــلاسل
لــــو صرخت رقيـــــه
لو جرح عباس...... سبل دموعك
لو ركض زينب....حاني ضلوعك
حته بوضوءك تذكر چفين
تعطش يمر گلبك احسين
سجنك بي ملامح مخيم
ودمعك نهر عالخد صوبين
آثار دم وجروح
وياحرگته المتروح
يرسم حـــرم تنگاد
حگها تذوب الروح
ياباب الحوائج...ياموسى ابن جعفر
ـــــــــــــــــــــــــــــــــــــــــــــــــــــــ
بسم....رادو مماته
بسم..ختمو حياته
آه....يبن الزچــــيه
بسم...تالي وفاتـه...بسم تالي وفاته
بالـــــونه عله حسين
باقي ابلا تــــــچفين
نعشك بيد احبـــابك
جدك ماعنده مـــعين
نعشك عالروس....كل محب كبر
صاحو بالدموع...ياموسى ابن جعفر
الشام الماعشت لوعة مصابه
صح سجنك يشبه الخــــرابه
بس ما نسبت لك حـــــــرمه
ولا طفلتك صرخت يـــبابـه
أنحب عله التركو
عاري بتـرب خـلو
لاجمعو اوصــــاله
لاتغسل وادفـــــنو
ياباب الحوائج.... ياموسى ابن جعفر
ـــــــــــــــــــــــــــــــــــــــــــــــــــــــــــ
ياسر الزيادي...
وي سجودك. كلشي يسجد ياسجين
وي سجودك. حسرة ودموع وأنين
تبچي حيطان السجن. كلشي لمصابك يون
==========
بغربة عايش بالسجن والحسره بالروح
وي ونينك يابو طلبه العالم اينوح
تدعي للباري بدموع وگلب مجروح
رايد تواسي الغريب الضامي مذبوح
وبمصابك تنحب اعليك السماء
وبمصابك بكل الم تمطر دماء
الدمع باب لكل حزن. كلشي لمصابك يون
==========
اربع اعوام وعشر من عمرك ألام
ضيم شفت وبس مأسي وناس ظلاّم
ماشفت راحه ابد من جور الايام
مساهره جروحك وابد ماتگدر تنام
والمصيبه. سجنك بگد الكبر
والمصيبه. لموتك اشگد تنتظر
لااخو لامن ابن. كلشي لمصابك يون
==========
بجفك گيود السلاسل ترسم اثار
جن نبي ودعوة نبي خانوه بالغار
بغربتك يابو الرضا بطامورة محتار
امتداد لكل مصيبة مصابك الصار
يارزية. بيك اشوفن جم الم
يارزية. باب محروك وخيم
ليل جرحك من يجن. كلشي لمصابك يون
==========
خنگة الطامورة خنگه بكل مسيه
ولوردت تشتم هوه تحين المنيه
عالوجه طاغي يسطرك شهل الاذيه
مثل ذاك اللي سطر وجه الزجيه
ذكرياتك. وجه فاطم منسطر
ذكرياتك. تشوف باب وبي جمر
گلب ظالم مايحن كلشي لمصابك يون
==========
حزنك بسجنك نعرفه بهذا الامصاب
تنحب لحال الذبيح الظل عالتراب
شحال زينب يالغريب ابين الاجناب
جرح عمتك بالسبي ينزف ولاطاب
والمدامع. تبجي بله ليا جرح
والمدامع. حسين جدك منذبح
ظل ثلاث بلا دفن. كلشي لمصابك يون
==========
الشاعر علي النائلي
إستشهاد الامام الكاظم عليه السلام
موسى بن جعفر ــ يا ديره ساكن
تجاوب قيـــوده ــ بيـــن الزنـازن
وا ويلاه عالمسموم
كل سجين اتزوره أهله ــ عنها ما تگطع وصاله
حتى لو يصعب عليهــا ــ تبعث السجنه رساله
بس شهيــد الكاظميــه ــ محــد اتعنــه واجاله
يمنـــع احبابـــه تـزوره ــ هذا هــارون الضلاله
بطاموره ظلمه ــ لن تالي داره
بليلــه ايتعبــد ــ وصايم نهاره
وا ويلاه عالمسموم
اتمنــه أولاده يجونــه ــ مَرّه لو يحصل وَصلهم
يكشف آلامه وجروحه ــ عن ظلم سجنـه يگلهم
مثلــه بالغربــه بنينــــه ــ عاشــت اتبدد شملهـم
لاحِــقوهــم حارِبـوهــم ــ هـاجِـرو حتى وطنهم
عيله وغريبه ــ يِحزِن خبرها
بين المنافي ــ گضّت عمرها
وا ويلاه عالمسموم
عايش ابزنزانه ظلمـه ــ نوره لبوجهــا ضواهــا
حور وأملاك التحيطه ــ اتسبح ويسمع صداهـا
حـَيّـر السجّـانــه أمره ــ حجــة الارض وسماها
موسى لجنود الخليفه ــ غيّــر افكـــار وهداهـا
سجّانه اعلن ــ گال آنه تايب
انته شفيعي ــ يبـن الاطايب
وا ويلاه عالمسموم
ابغربته اتحوم الاعـادي ــ زمره متلثمه ابغدرهـا
ذولـــه اتبـاع السقيفــه ــ والظلم شاع ابعصرها
الحاربـو جـده الصميده ــ سدد ابچبــده خطرها
وبسجــن هــارون تالــي ــ ودِعَــت روحه عمرها
وانگله ويلك ــ من هالجريره
تنتظره ناره ــ هذا مصيــره
وا ويلاه عالمسموم
خَبَر للشيعـــه وصلها ــ امن السجن يطلع وليها
عالجسر شافو جنازه ــ عاينــــو آثــــــار بيهــــا
والاثر مسموم چبده ــ والحـــزن خَيّـــم عليهـا
بصرخه للظالم تلعنـه ــ عالوجــه لطمـت بديهــا
ساعة وداعـك ــ تصعب عَلينه
بسيل المدامع ــ دِفنـَـو ولينــه
وا ويلاه عالمسموم
كلمات عمار الراشدي
ختامية مجلس للامام الكاظم ع
شايل وين .. وانه اشتاگ كلساع
بعدني ازغيره لا مو وكت الوداع
شلك بالــــــــــــكبر وبنومة الكاع
ابدلالي جمـــــــــــــر فرگاك لساع
ما بيـــــــــاش رد يا حلو الاطباع
عمري بدون شوفــك يالابو ضاع
((خلاني وراح ...البيه غيره))
((جتالي افراكك ...يالهيبه))
#للشاعرة غدير الحساني
❥❥❥❥ـــــــــــــ❁❁ـــــــــــــ❥❥❥
قصيده نزله بحق{موسى ابن جعفر}{عليهم السلام}
****
باب الحوائج للموت ماننسه يوم مصابه
****
ماننسه والخمسه سادات البشر
والتسعه والسبعه والشمس وكمر
بالحسره بالعبره وبليل السهر .
ولوعاته ودمعاته الون الها الصخر
نايبته شعلت نيران ماتنطفي لهابه
****
اذانه وخلانه بس نبجي ونون
مانشفت لاجفت دمعات الحزن
وناته واهاته لا ماتستجن
موضوعا بموضوعا من سجن السجن
موطن وبيت وعنوان صار السجن محرابه
****
لااجرم لااظلم لاعنده ذنب
من الناهب والناصب حقه ينسلب
اياما كدامه ظلماً تنصلب
افكاره وانواره منهلهن عذب
فَضَله رب الارباب ايات اله بكتابه
****
ويانه وبدمانه تسري محبته
ونتنه وحسرتنه كلها لونته
مانهتم بلي ذم والما رادته
منساوم ونقاوم ناس العادته
المايرضه نتعنا عليه ويانه طب بطلابه
****
نهديله ونبجيله مو دمعه دمه
مسفوحه للوحه وحك حامي الحمه
لجروحه ولروحه والهالمظلمه
عين الكل من تمل كون الها العمه
هاي مدامع والله الابن نبي سجابه
****
بالمجلس من نجلس كل احنه سوه
وحك جده السم جبده نصير احنه دوه
الالامه وحلامه نتناثر ضوه
بلامنه نتعنه نسد حتى الهوه
غصبن على الميقبلون نحضر وننعا غيابه
****
خادم اهل البيت عليهم السلام
الشاعر السيد{هاشم قاسم الداودي البلداوي}
🏴 المأساة كاملة
⚫️مدري لاصعب سجنه لوسجانه
⚫️الكاظم ابهم وقهر خلانه
آه ياذيچ السجون الحاطته
تحچي عن اشكال ضيمه ومحنته
برغم كل ذاك الظلم ما ذلته
بصبره ذاك تحيرت عدوانه
چان سجنه اظلم ومابي كل ضوه
نِفس ماكو ولا اكو نسمة هوه
گلبه يم اهله امن الفرگه انچوه
ذايب وملهوف من احزانه
لاچن اصعب سجنته بطاموره
حفره جوه الگاع اله محفوره
حتى محد يوصله و يزوره
منهه مايگدر يغير مچانه
سجن بالبصره اوعن داره بعيد
طلعه السجان بامر اللارشيد
گالو اثلاثين وزنه من الحديد
مگيد برجله وثجيله اوزانه
راد هارون الكفر ذكره يضيع
وبوسط بغداد فره اعله الجميع
البرمكي مره وسجن ابن الربيع
وابن شاهك العن من اخوانه
آخ ياوسفه شريد احچي وشگول
شلون شَتم أمك الزهره البتول
وشتّم الكرار وانوب الرسول
يا خلگ هذا الخبر أذانه
ايشّتمّه ساعه وساعه ايعذبه
وعل الوجه مرات بيده يضربه
عاد ظل يدعي ودمعته ساچبه
والسجن تهتز جميع اركانه
عمر خلصته يبن جعفر غريب
عشره لوعشرين عام من المغيب
تالي سموك برطب والله عجيب
شيعــتك منتـظرتك لــهفانه
ياعلي بن سويد أحچي شخَبّرك
حجة الله وشيعته تتنطرك
گول يمته الفرج شنهو الاخرك
گلوب مفجوعه تره وحيرانه
گال يوم الجمعه موعد عل الجسر
بعجل هاي اخباره ظلت تنتشر
لاچن الشافوه منظر مايسر
اعدا تشيل جنازته و شمتانه
يصيح چتاله عليه ذل النداء
والملايك ناحت اعليه بالسماء
گاموا احبابه يشيعونه بعزاء
و بالنداء الغيروا عنوانه
گالوا ليحضر بتشييع الامام
خل ينادي هذا ابن خير الانام
بعجل خلي اندفنه ونردد سلام
اعله روحه الطاهره و جثمانه
اي صحيح تلوعت يابو الرضه
بالسجن متألم ونحبك گضه
مو مثل جدك الابدن ماحظه
بالغسل ماحضروا له اچفانه
حسين جدك ظل طريح بكربله
مطشره اوصاله وعاري بالفله
وراسه مگطوع ودماءه سايله
بثالث ايامه حضر دفانه
لاحول ولاقوة الإ بالله العلي العظيم
اللهم العن ظالمي محمدٍ وآل محمد ع
#سمير_الصالحي
#النجف_الأشرف
معـصـومه اتـنوح وتـبچـيله
=========================
ويـن الـيـعــتـني للـكاظـمـية وراد
يحـضر عـزه مـوسـى سـيد العـبّاد
خل يگصد حضرته وي بني بغداد
يوم الجمعه اصـبح يـوم للـميعـاد
خـنـشـيـع والـيـنـه الـلـيـلــه
=========================
طلـعت لبـو طلـبه شيعته بهمه
شافت لا أهـل بس الغرب يـمه
من الگيد نـازف يا وسـف دمه
هارون اللـعين بـلا سـبب سمه
يامـوسـى الكاظـم نـاديـلـه
=========================
يا نـار الفـگـد لـلـفـاگـد اچبـيره
والمن وجهه يا هالوآدم ايديره
ذيج الناس مـاعـدها أبـد غيره
ألـخـلّـت حسين بكربله بحيره
عـاري المظـلوم بـلا عـيلـه
=========================
والله الغربه صعبه وتكسر الخاطر
والمسموم ظل اعله الجسر نـاطـر
چم گلب بگلب ويّـه الرضـا فاطـر
وين الوجهه لجلك سيدي سـاطـر
والـگـبـره ايـروح ويـنـعـيلـه
=========================
يهل البيت نادت بالأسى الشيعه
ابـو ابراهـيم حان اليوم توديعه
بدموع الحزن خيصير تشيـيعه
مولانا أله بگلب المـحـب بيـعـه
وادمـوع الـوالـي انـوديـلـه
=========================
مولاي بسجن گاضي وسـف عمره
ومن الگيد عـايش لـوعـة الحسره
لكن ما شكه بيوم الشخص أسـره
هنـياله الگصدله وطاف بالحضره
والمهدي اليوم ايعزيله
=========================
4/2/2024 يوم الأحد
23/ رجب الأصب 1445 هـ
#الشاعر_الميرزا_محمد_الساعدي
قصيدة ( استشهاد الامام الكاظم عليه السلام )
جديد ( أقيود السجن ) 1445.هج
أقيود السجن صارت مناره
تسبيحة عشك عطر الزياره
ياباب الحوائج
ياباب الحوائج
------------------------
حياتك ... صلاتك ... الك كلشي دعاء
قنوتك ... يصوتك ... يراهب بالبُكاء
عباده ... شهاده ... قريبآ عالسماء
حنينك ... ونينك ... حياتك بالعزاء
يالعايش تضل مابين هالروح
الما يعرف يحبك عايز اجروح
ياباب الحوائج
ياباب الحوائج
-------------------------
دموعك ... خشوعك ... يمفتاح الجنان
يَمُصحف ... تِوَصف ... يترتيل الزمان
نعِشكك ... نِحبّك ... ياسيد الحنان
مناجاة ... منارات ... ضوه صارت أمان
أسد بغداد نور الكاظميه
نظره منك بداعة رقيه
ياباب الحوائج
ياباب الحوائج
-------------------------
نشوفك ... نطوفك ... يا آية بسمله
دمعتك ... غِرُبتك ... تون يا كربله
قريناك ... لكيناك ... جبير المنزله
يبابك ... ترابك ... ذهب ونقَبله
راسك شَيب انت بدمعة العين
حته بالحلم هم تبجي لحسين
ياباب الحوائج
ياباب الحوائج
--------------------------
نَظِرتك ... رَحِمتك ... يمولاي الغريب
حبيبي ... طبيبي ... أزورك يالحبيب
بحياتي ... بمماتي ... نخيتك يامُجيب
دعائي ... شفائي ... دخيلك يالطبيب
ياكاظُم الغيض أرجوك فدوه
بس نظرة عيونك عندي تسوه
ياباب الحوائج
ياباب الحوائج
--------------------------
ختامآ ... سلامآ ... عله روحك سلام
اعتذاري ... قراري ... يوصفك ياكلام
اعزيك ... اواسيك ... مُصابك يا أمام
يمعصوم ... يمسموم ... اكتبك بالختام
صرت شاعر لأن مجنون بيكم
سلام الله وملائكته عليكم
ياباب الحوائج
ياباب الحوائج
-------------------------
الخادم- ابو فدك الشامي ✍
الشاعر الحسيني ظاهر حبيب الهليجي (للامام موسى الكاظم ع)
شهور وعوام سجنه الإيمام
بل طوامير گيد والام
والوطن ماله وطن هاي العجيبه
موسى ما ادراك موسى يامصيبه
شهور وعوام شهور وعوام
*
السجن حيطانه للكاظم بجن
اربعه وعشره الگضاهن يلمحن
عل الجراله وظل عظيم بكل زمن
ونال جائزته بهدم ذاك الوثن
كاظم اليوم ويه الغيوم
الگبه تنشاف تزهي للدوم
والگصد بطلبه حتمآ يستجيبه
موسى ما ادراك موسى يامصيبه
شهور وعوام شهور وعوام
*
عينه ماشافت ابد ضي الشمس
والسبب جفه رفض جف الرجس
وراد من هذا الرفض ينطي درس
عل رفض ذله وقبل ينطي النفس
شايف الويل صبره ترتيل
صدره عبرات والدمع سيل
مات مسموم واسف ديره غريبه
موسى ما ادراك موسى يامصيبه
شهور وعوام شهور وعوام
*
خمسطعش عام انحرم من الاهل
بين حيطان وظلام المعتقل
ساجد وراكع لحد يوم الاجل
ولذالك للخلگ اصبح مثل
وفرگة احباب الهم انعاب
گلبه بل نوح گد الاغياب
الله يدري بحاله والحاله رهيبه
موسى ما ادراك موسى يامصيبه
شهور وعوام شهور وعوام
*
المرن بموسى فلا مرن احد
اضطهاد و قسوه والغربه اشد
ومن ابن شاهك مواجع لاتعد
والأمام أمقيد ابلايه سند
يهمل ادموع ونه مسموع
للاهل جان گلبه موجوع
يعينه الله الفاگد ويذكر حبيبه
موسى ما ادراك موسى يامصيبه
شهور وعوام شهور وعوام
*
لأن نسله من علي ومن فاطمه
ينختم أمره بسجون المضلمه
موسى ياحيف الحكومه المجرمه
بل طوامير ابغدرها اتسممه
غربته اتطول نعشه مشيول
بديرته اغراب موسى مجتول
ومن رفع جفه وبده يبجي طبيه
موسى ما ادراك موسى يامصيبه
شهور وعوام شهور وعوام
الكاظميه اتغيرت احوالها
ودعت هاليوم خير رجالها
*****
الكاظميه اليوم عاشت بالحزن
ظلت الوادم على الكاظم تون
من البجي احمر صبح لون الجفن
والاسى والهم بقى يبرالها
ودعت هاليوم خير رجالها
*****
حكنه من نبجي على عود الرضا
ونجعل أصوات الحزن تملي الفضا
اه من مصابك بن المرتضى
صعبه كلش غيبتك يهلالها
ودعت هاليوم خير رجالها
*****
نصب وحي الله العزه نص السمه
للغريب بن البتوله فاطمه
المصطفى بي يحضر وحامي الحمه
وأم الحسين الطهر وعيالها
ودعت هاليوم خير رجالها
*****
مصابه ياشيعة علي يامكبره
مات وحده بسجن محد يحضره
وهو بن المصطفى خير الورى
والخلافه غيره مايحلالها
ودعت هاليوم خير رجالها
للكضه بسم الارض متصدعه
والخلك كله عيونه دامعه
تعزي مولاها الرضا بهل فاجعه
عظم الله اجرك يبن خيالها
ودعت هاليوم خير رجالها
*****
خن ندك عالراس وندك عالصدر
مانعوف مصيبته طول العمر
لجية المهدي ويصفيه الامر
راية الحك بس اهو شيالها
ودعت هاليوم خير رجالها
*****
خادم أهل البيت ابومحمد العاشور
نفس الحبل والنوك
بس ما مشيت بسوك
أبد ماتحني ألجبل زنزانه ..
الكاظم بصبره قهر سجانه ..
رضرض اعظامه الحديد .. وما خضع لأمر الرشيد
الكاظم بصبره قهر سجانه ..
...........................................
واكفه أباب السجن أنصارك ..
سيدي ومولاي شنهي أخبارك ..
أشلون تعرف ليلك من نهارك ..
شوكت تشرق يا بو طلبه انوارك ..
فارش مصلايته وقرأنه ..
وبس ذكر ربه على طرف لسانه ..
أختلط ليل بنهار .. وما تراجع بالقرار
الكاظم بصبره قهر سجانه ..
.....................................
يدري بأهاته وعذابه البالسجن ..
صاحب السجده الطويله ممتحن..
بالدعاء دموعه تنزل عالوجن ..
يناجي ربه وتارس عيونه الحزن ..
خلصّت سجن بسجن أيامه ..
بالشدد ثابت ولا طخ هامه ..
شاف أنواع العذاب .. ومافتح للذله باب
الكاظم بصبره قهر سجانه
......................................
مو بسيف انتصر عالغي بالسكوت..
والسجن وياه يقنت بالقنوت ..
ومن نعه الناعي وفاته بعالي صوت ..
وسفه أمام الرافضه بسجنه يموت ..
الشيعه تتنطر يهل هلاله ..
وموسى بالسم انفطر دلاله ..
كلوبنه لبست سواد .. عليك ياباب المراد
الكاظم بصبره قهر سجانه ..
......................................
هذا حقد الظالم وسم الغدر ..
لا رشيد وأصله من نسل الشمر..
بجبدة المسموم نار وتستعر ..
وبمطامير السجن كضه العمر ..
وبقه محتار الطبيب وناده ..
خل تكوم لثاره وين الساده ..
مثل أبو اليمه غريب ..وظل يون حتى الطبيب
الكاظم بصبره قهر سجانه ..
...................................
مغيب بقعر السجون وبالظلام ..
حتى حيطان السجن تصرخ حرام ..
أخوه ماعنده وعشيره ولا عمام ..
تحضر وتحمل نعش سابع أمام ..
ياهو غمض للإمام عيونه ..
عالجسر خل شيعته يشيعونه ..
الرافضه تشيعه وتصيح .. ما يصح إلا الصحيح
الكاظم بصبره قهر سجانه ..
......................................
ياأسد بغداد أنظر ليهه ..
هالجموع الشيعت واليهه ..
اليوم صرخة حزنك نعليهه ..
وبالبواجي همومنه نجليهه ..
كلشي بالدنيه ينوح الحاله ..
عالجسر ظل نعشه محد شاله ..
اليوم تنصبله العزاء .. الكاظمية وكربلاء
الكاظم بصبره قهر سجانه ..
.....................................
لخادم الجوادين
حيدر مطر العبادي
قصائد في ذكرى شهادة سيدي ومولاي الإمام موسى الكاظم عليه السلام
قصيدة { سابع جرح }
سابع جروح أهل البيت نحيي مُصابه الليله
.......................................................................................................................................................................
يا سابع أنوار الله من أهل البيت
عدوانك تلاشــــو وانتــه الظلٌيت
بطامورة ظلمه للطـغــاة اتحدّيت
ضاعوا مثل ريشه ويل اليضدّك ويله
..................................................................................................................................
شاء الآله ابحكــمـته وكل أمره
قيودك تذل هارون تهدم قصره
بينك وبين الصبر صارت عِشره
حتى الصبر يا مولاي من صبرك يشد حيله
..................................................................................................................................
يلي الفخر بيك إفتخر يا مولاي
يالكاظم وأفضالك هواي هواي
ما خاب كل زاير يگصدك عنّاي
هذا الكرم هذا الجود ميراث حامي ادخيله
..................................................................................................................................
إسمك وتاريخــك فخر يتصدّر
والشاهد بــمـــرقــدك يا بن جعفر
بماي الذهب هــــذا المجد يتسطّر
ترحّب بكل الزوّار وكلمن حضر توميله
..................................................................................................................................
أربعطش عـــام ويــظــن السجان
تنســـاك ناس الحبّــتــك يالسلطان
ما يدري حبك فطره وسط الوجدان
يا رحمة الله المعبود فطره العشگ تحليله
..................................................................................................................................
غصبن على الظلمـوك والماعـرفوك
قصة نصـــر وبكل زمنــهـــم يقروك
نور الله ما ممكن بظلمه يضيـعـــوك
شما يمكرون يخسرون أهل المكر والحِيله
..................................................................................................................................
واسيت من سجنك مصايب عاشور
چبدك مثل چبد الحسـيـــن المفطور
قيودك مثل حبل السبي الگاد النور
من سجنك امصاب حسين دم الدمع تبچيله
..................................................................................................................................
خادم الإمام الحسين عليه السلام
عمار هليل الواسطي
قصائد في ذكرى شهادة سيدي ومولاي الإمام موسى الكاظم عليه السلام
قصيدة { يا موسى بن جعفر }
لا ما تبقه حاير ... بس إندب يزاير
يا موسى إبنَ جعفر .... يا موسى إبنَ جعفر
……………………………………………………………………………………………………
يم باب الحوائج هالحوائج تگظي كلهه
كل شِدّه تهون وما تظل وإهنانـــه حَلهه
كل زاير يگصده يخلي بي روحه وأملهه
ربك باب للحــاجـــات ثـــق بابــه جعلهه
زوره ومن تِطلبه ... گلّه يابو طِلبه
يا موسى إبنَ جعفر .... يا موسى إبنَ جعفر
……………………………………………………………………………………………………
جنّه اعله الأرض صارت فخــر بالكاظميـه
هاي إزيارته بأعظم أجــر محـــســوبه هيّه
يامَن حاضــر بصـحـن الغريـب بصافي نيّه
سولف حاجــتــك تاخذ جــوابــك هالمسيّه
مَيرد خالي چفّك ... والكاظم يعرفك
يا موسى إبنَ جعفر .... يا موسى إبنَ جعفر
……………………………………………………………………………………………………
إندب هالغـريـب وإذكـر بدمـعـك مصـابـه
مَيخلّيك يعرف بـيـك تنـتـظره اعلـــه بابه
كل مهمــوم لا مَيـدوم هَــمّــه ولا عــذابــه
يسأل والســـؤال ابلا جَــدَل ياخـــذ جوابه
يحضر بالشدايد ... لا ما ينسه واحد
يا موسى إبنَ جعفر .... يا موسى إبنَ جعفر
……………………………………………………………………………………………………
حتى عن بُعد هم يسـتـمـع تلگاه حاضـر
مَيعوف الغريب إبغربته وما يبقه حــايـر
وبأسمه إنوصف من خالقه جبر الخواطر
ســابع ســادة الأطهار يدري الگلبه صـابـر
يسمع كل نداءه ... لو صاح ابدُعاءه
يا موسى إبنَ جعفر .... يا موسى إبنَ جعفر
……………………………………………………………………………………………………
چف موصوف للملهوف يمسحهه المدامع
والينخاه روحــه إوياه ما تبــقــه المواجع
يلمح دوم كل مهضوم زاره وگلبه خاشــع
باب إمراد ينطي إمراد يكرم صدره واسع
يفهم كل وضعنه ... لو گلنه بدمعنه
يا موسى إبنَ جعفر .... يا موسى إبنَ جعفر
……………………………………………………………………………………………………
راهب آل طه وبالسجــــن ظل گلبه دامـي
زوره وصيح عالي الصوت وينك يا إمامي
نبع الطِيـــبْ ظل روّاي كـل ولهــان ظامي
صيح اليوم يا مســمـــوم أبعــثــلك سلامي
عامر دوم بيته ... ظل معروف صيته
يا موسى إبنَ جعفر .... يا موسى إبنَ جعفر
……………………………………………………………………………………………………
كل هاي الملايين التگصده ابهالزياره
ملهوفه وحزينه و هوّه مَــأمَــنْ للحياره
غصبن عالظلم موسى إنتصر هذا إنتصاره
قِبله الكل محب وبكل فخر حافـــظ دياره
وبهاي المسيّه .... صرخة رافضيه
يا موسى إبنَ جعفر .... يا موسى إبنَ جعفر
……………………………………………………………………………………………………
خادم الحسين عليه السلام
عمار هليل الواسطي
جوكات تشييع الرمزي لمولاي موسى الكاظم عليه السلام
عشرة أهــــــل عشرتنه وياك
خسران كلمن موسى جافاك
فزعت محب فزعتنه
ثورت عشگ جوگتنه
گول وفعل شيعتك وياك
ــــــــــــــــــــــــــــــــــــــ
روح المحب ياموسى تنعاك
مو هينه يابو الرضا بلواك
رفع الضـــــــلم غايتنه
نواسي الرضا بجمعتنه
گلب الموالي حاشه ينساك
حسين...
ــــــــــــــــــــــــــــــــــــ
أربـــــــــع محاميل النعش شالنه
هسه الضريح اطوفه انس وجّنه
عليك الخـــــلگ ملتمه
بخيت الضريحك شمه
عطرك يموسى عطر جَنه
حسين...
ــــــــــــــــــــــــ
خادم موسى الكاظم ص
✍️ياسر الزيادي
بما جرى عليك يا باب الحوائج هو مواساة لِما جرى على الحوراء زينب (ع)
..........
الوادم اتعيش الفـرح وحزن الطواميــر ابألم
يهل البخت عدكم ضوه مدفون حزنه بالخيم
ياخذ مصابه لكربله لحـــد الخرابـه وينفجـــع
أبو الرضا أبحزنه يون ومن السجن گلبه أنلچم
من سجن لسجن يا عِظم المصاب
يا أهل الغدر لو جاكم عِتاب
هذا ابن الزجيه وما عدكم رَحم
وچم گيد أعله چفه ويزداد العذاب
........
ما مر عله عيونك شمس وتذكرت ذاك العصر
جلد اليطيح أمن العضد وداك صوب أم الخدر
زلمه وتشيــل أكبــــر ألم بس الحرم ما تحتمل
والســـوط من يلسع ظهر شوغة مره ما تنغفر
يا جرح التشيله وزينب تنضرب
سمعوها كـــلام الما يـدخل گلب
ها زينب واخيرا ظلــج ينعـرف
من عگب الكفاله عاشت بالغرب
.............
يا رحمة الله بالارض خدك عله تــرب السجــن
ما طالت النومه ويجي طيف الضعن بين المُدن
ويتبلل اترابك دمع وتنادي خدر الله أبجرح
ولو هود الليل وتفز اجروح الضعن بيك وتون
دخلوهن اسارى لحد بــاب القصر
ويا دم الچفافي أمن أحجار الغدر
الكوفه أمن السطوح اتشامر علضعن
والشام ألمصيبه اليهتك بالخدر
................
غيضك طفح من الرجس من يشتم امك فاطمه
وتتمنه روحك تنقبض وترفع گيودك للسمه
اشحال البگت متحيره وتتسابگ الناس أبشتم
وهيبة ضعن طر الدرب وخيط الحبل يگطر دِمه
يا گلب العقيله ابكل خطوه يموت
ما صارت گبل للمجلس تفوت
ما عرفو خدرها بس هسه انعرف
خدر الله الگبل الما سامعله صوت
...............
جرح السجن ما ينلچم تلگه الخرابه ابكل وكت
ما تغفه طفله امخدره وما تغفه عينك لو ردت
تتلمس اقدامك أذا تٍشعر جمر داسه الطفل
وصوت لرقيه ابدمعتك صحت ابأسمها وهم متت
ويا آخر نَفس خلصــته أبهــلا
الميت أهله تحضر أهلك بالفله
اخر دمعه منك طاحت علوجه
لأجل الماتـــت ابغصــة كربله
.........
تمت
عمار جاسم
((ابوي))
جيتك والحزن عثــــرلي الاجدام
وجــــروحك بگــــــلبي ديرة ايتام
احسك بالسجن من تنضرب حيل
كل سوط اعله متنك تصرخ الشام
ابوي ...
"""""""""""""""""""""""""""""""""""''''''''''
يــــا أبـوي ..
ياموسى ابن جعفر جـازي العيون
كلشي بروحي ظل وياك مسجون
ترى الفاگد ابو كل خلگـه مدفون
شفتك عالجسر شــو اصفر اللون
صفارك مال فرگه وشبحةّ العين
أنه السجــــاد بيه وبيك الحسين
ضاعت حتى چلـــماتي بالدروب
اسولف بيش يالمـــاخذني ليوين
ابوي ...
"""""""""""""""""""""""""""""""""""''''''''''
شلون اصيح ..
يانار الجـــــروح التحرگ النار
اركض والعـذاب بروحي يندار
بطاموره وعذابك بالحچي حار
المثلك ينفگد كل عمره محتار
أنه وليدك اجيت وبالي مخنوگ
يبويه آنه الرضا ويـادمعةّ الشوگ
دمعتي ضعــون زينب لمن تسير
والوادم شماته والدهــــــر سوگ
ابوي ...
"""""""""""""""""""""""""""""""""""''''''''''
بويه آخ ..
بالمغيسل أگلــب بيك معقــــول
بصدرك شو أثر شو چنهن خيول
لو هاي الرفس بــــويه يمكتـــول
يضربونك ال الله حتى متگـــول
أچفن بيك وانتــه تصيح مذبوح
ابوي حسين فوگ الگاع مطروح
من ياصفحه اگلبك زينب تصيح
فوگ الهزله والــــــدلال مجروح
ابوي ...
"""""""""""""""""""""""""""""""""""''''''''''
ياعذاب ..
يحفرون اللحــد وآنه الگلب شاب
مــن غربةّ اتــــراب الغـربةّ التراب
صرت آنــه الضلع والــوادم البـاب
دفنت مصاب ابوي وخضر مصاب
غـــــــربه ثنينه ولاعدنه ديره
انته بمــــوت وآنه بلا عشيره
افزعمن الـوادم كلهم اجناب
كبرت حسرتي الدمعه چبيره
ابوي ...
عبد زينب
محمد الابراهيمي
صوت المناير كاظمي ... موسى هلا بزواره
___
بلال الحِــزن أذّن واعتــلن صـوتـيـن
لقد حــــانَ عزائـــه صاحـب الگـبتين
الصوت الثاني يطلع من دموع العين
النشيد الكاظمي " هذا الغريب منين "
فاتحـها بابـه بلا قفل ... لا ما يرد خــطــاره
___
رجال الخِدمه خــادم حَشَّم بخـادِم
هِـتـــف لَبــيــك يا راهِب بني هاشِم
يمكـــن حتى شبـــاچه نـــــده هايم
هلا بالجـــايْـنـِــي بزيـــارة الكـاظِــم
هذه مَشـيكم للأبد ... بس الله يدري اسراره
____
تِسولف علىٰ الگُـبّه رايه وي رايــه
هذوله عالجسر وصــلوا المشـايــه
واحدكـــم ابعين أبو الرضا هـوايه
يِحِب ادموعكم لو صــارت اقرايه
يرعاكم بطول الدرب ... ما غِبتوا عن أنظاره
_
إذا زاد الخَـــطر زادَت مَـساعِيــكم
تمشــي اگلــوبكم من قَبِل رِجليكم
بكل خطوه الأمام المَهدي يحميكم
اباب الصحن يهــتف يا هلا بيـــكم
وين اليِشَيْعِ اجْنازِتـه ... الكاظم يَحَيْ انصاره
_
سجين و حَرَّر الانســـان مِنْ قيــده
يطِش بالخير و اهوه مگيـــده ايده
نصيــحه الراد غيــره محـــد يريده
فقط موسى بن جعفر هوه اليفيده
هو الوسيله السادسه ... من علي عامر داره
__
شفِت مشــلول زايــر بي عـشــگ يكبر
شُــمر عِـكَّـــازته و ما گـــــال ما اگـــدر
من أقصى العراق هــواي اِجَت تِحـضر
الزوار ابـ أمــانـــة مــوســى ابن جـعفر
جبريل بجناحه نزل ... يحـميكم الله اختاره
___
.الشاعر حاتم صبري الكاظمي