7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
((وداعيه))
يبحر الجود أحَسـنك وداعيه
يماي الخير وغيابك جرح بيه
قـــــرآنك نعاك بدمعه ورديه
تشد راسك ..
وغلاتك طايحه بشده
ندى ويفـــارگ الورده
دمع عالــوجنه وتـعده .. علي بويه
بحسراتي يابويه شًيبتّ الليل
ياويلي بفراگك يابــويه الويل
عالفرگه مابيه ومابيـه الحيل
علي بويه ...
"""""""""""""""""""""""""""""""""""''''''''''
بصفناتك تسايرني وتحــاچني
بهمساتك تسولفلي بعد بعيني
بالنضره يبو عيـــوني تواسيني
الهجر صعبه ..
والاصعب فييك يهاجر
وتكسر خاطــر الخاطر
يتامه بهجــرك اتكـــابر .. علي بويه
تتركني بيا لوعه وبدموع العين
يالتدري بغيابك محـتـار حسين
وين امشي وأتصبر ياحيدر وين
علي بويه ...
"""""""""""""""""""""""""""""""""""''''''''''
أنه زينب ويالدمعاتي تســـمعهن
وكل آلامي يابـويه تـــره تحسهن
وعيوني بحچيهن وانته تفهمـهن
تحس بيه ..
علـــــي بويه تودعني
امـوت ولا تفــــارگني
دمعتك سيف تذبحني .. علي بويه
مذبوحه بيا فرگه وراسك مطبور
ياحيــدر يالتـدري باچــــر عاشور
وكل ضعنك يابويه صــاير منحور
علي بويه ...
"""""""""""""""""""""""""""""""""""''''''''''
يسالفتي انتهت عشـرتنه خلصانه
يبو الحمله الزمن شو ناشب ويانه
بعيده كربله ومــن هسه عطشانه
العمر رايح ..
ودعت العمـــــر بيه
يبــــويه ما ألك جيه
وترد يامهجتي اعليه .. علي بويه
كل عمري بفـــــراگك يابويه وراح
ودلالي چم مره من ضلوعي وطاح
ياحيره ويا دمعـه والصــــايح صاح
علي بويه ...
"""""""""""""""""""""""""""""""""""''''''''''
انگطع بيه الامل يمسبل چفوفك
عيوني بيانعش ياحـــيدر تشوفك
اخذني وياك مو آنه التي اتعوفك
هذاك الطف ..
شفت خيمه وجمر يسعر
شفت الخيل والمـــــنحر
شفت الســـــوط عالخدر .. علي بويه
بالخيمه چم طفله تصرخ عباس
جاي اسمع يابـــويه ملتـمه الناس
وبعيوني چم نضره تنضر عالراس
علي بويه ...
عبد زينب
محمد الابراهيمي
نزله لمصيبة امير المؤمنين صلوات ربي عليه
الليله املاك السمه حزنانه
نزلت اتودع علي ويانه
______
الليله دين الباري مهدوم الركن
والشريعه اتضعضت گد ما تون
امن السمه للگاع هل ليله الحزن
او كل مراسيل السمه حيرانه
______
الليله مات المرتضى او نجمه هوه
اعليه تبچي الفاتحه والقل هو
اصواب موته بل گلب ماله دوه
عيني لجله بل دمع غرگانه
______
لجله زيدو النوح والون والدمع
يلله ياشيعه ندگ اعله الضلع
علي بل محراب راسه منصدع
ما يكفينا الحزن واشجانه
______
ميت الي چان للشيعه ولي
علي ألّي لا فتى الا علي
راح والدلال من بعده ايغلي
تحرگ اهروش الگلب نيرانه
______
شيعوه او گوطرو صوب النجف
او ناعي الاحزان بل جنّه هتف
راح راعي الموزمه او تاه السلف
ريت عگبه اتلايمت اكوانه
______
ريت من عگب الامام المرتضى
لا تضل اكوان وايموج الفضا
حيدر ابيا ذنب بل طبره گضه
او هوه لو ماهو ما تلگانه
______
والله ضعنه ابموتتك يابو الحسن
لا كو راحه او لا بعد عدنه وطن
طحنه مابين النوايب والمحن
تمشي ويانه عكس دنيانه
______
صوت نوحي اعليك للوادم صدع
علي يا عيد اليتامه الما رجع
اوداعة الله يامن الگلبي فجع
سلم النه اوياك عل ريحانه
______
ابو فاطمة الطائي
سُولِفْلِي يَا بَا الْحَسَنْ...شِنْهُو يِضُمْلِي الزَّمَنْ
إِحْچِيلِي عَنْ كَرْبَلَه.......فَصِّلْ يَبُويَه الْمِحَنْ
-----------------------
بِچَه وْصَاحْ يَزِينَبْ يَرُوحِي شْبِدَيَّه
خِلَصْ عُمْرِي تَالِي وِاجَتْنِي الْمِنِيَّه
عُگُبْ عِينِي بَاچِرْ تَرَه چَمْ رِزِيَّه
وَاشَدْهِنْ عَلَيَّه أَشُوفِچْ سِبِيَّه
گَالَتْلَه وِينِ الْحَسَنْ.........گَلْهَه يِنَامِ بْكَفَنْ
صَاحَتْ يَعَقْدِ الْوِلَه...فَصِّلْ يَبُويَه الْمِحَنْ
-----------------------
يِگِلْهَه اسْتِعْدِّي وِسَفْ يَالْعَقِيلَه
وْيَه لِحْسِينَ اخُوچِ سَفِرْتِچْ طِوِيلَه
تِشُوفِينَه جِثَّه خَضِيبَه وْجِدِيلَه
وَحِيدِ بْغُرُبْتَه وْشِمِرْ يِعْتِنِيلَه
مِنَّه يِحِزِّ النَّحَرْ.......وِالْكَافِلِ عْلَه النَّهَرْ
تِتْذَبَّحِ الْعَايِلَه.......فَصِّلْ يَبُويَه الْمِحَنْ
-----------------------
عُگُبْ عِينُ اخُوچِ تِشِبَّنْ خِيَمْكُمْ
فَرِدْ فَزْعَه آلَافْ تِشُوفِيهَه يَمْكُمْ
عَلَى الشَّاطِي طَايِحْ يَزِينَبْ عَلَمْكُمْ
زِلِمْهُمْ تِجِيكُمْ وَلَا مِنْ زِلِمْكُمْ
أَيْتَامِ الِچْ تِحْتِرِگْ...وَاطْفَالْ وِسَفْ تِنْسِحِگْ
وِالْهِيمَه شَرِّ وْبَلَه...........فَصِّلْ يَبُويَه الْمِحَنْ
-----------------------
تِسِمْعِينْ دَه جِيبُو الْغَرِيبَه نِسِبْهَه
نِسَلِّبْ خِدِرْهَه وْنِعَذِّبْ گَلُبْهَه
نِرَاوِيهَه اخُوهَه وْحَسَبْهَه وْنَسَبْهَه
طِحَنَّه ضُلُوعَه الْتِحِبَه وْيِحِبْهَه
گَيْدُوهَه حِيلِ بْحَبِلْ...وِاسْبُوهَه فُوگِ الْهِزِلْ
مَحَّدْ يِرِدْ حَرْمَلَه............فَصِّلْ يَبُويَه الْمِحَنْ
-----------------------
هَضِيمَه تِشُوفِينْ زَجُرْ يِحْدِي لِظْعُونْ
يِعِينَ الله گَلْبِچْ يِعِينَ الله لِمْتُونْ
دَرُبْ كِلَّه شِمَّاتْ عَلِيكُمْ يِصِدُّونْ
أَلِفْ مُوتَه بِالشَّامْ يَزِينِبْ تِمُوتُونْ
كَلْفَه عْلَه أُمِّ الْخِدُرْ...تِدْخِلْ مَجَالِسْ خَمُرْ
وِبْچَفِّچِ السِّلْسِلَه........فَصِّلْ يَبُويَه الْمِحَنْ
-----------------------
بْطَشِتْ رَاسِ لِحْسِينْ عُيُونِچْ تِنُظْرَه
يَزِيدِ بْعَصَاتَه يِضُرْبَه عْلَه ثَغْرَه
وْيِگِلِّچْ أُخُوچِ گِطَعْنَالَه نَحْرَه
وْذِبَحْنَه عِضِيدَه وْكِسَرْنَالَه ظَهْرَه
هَاذَه لْعَلِيكُمْ يِمُرْ.....يِنْطِيچِ رَبْنَه الصَّبُرْ
عِينِچْ تِظَلْ هَامِلَه...فَصِّلْ يَبُويَه الْمِحَنْ
-----------------------
#الليالي_العلوية
الشاعر حسن خنافر العاملي
وُگْفَتْ عَلَى بَابَه
أَيْتَامَه مِرْتَابَه
تِنْشِدْ عَنِ صْوَابَه
وِالدَّمْعَه تِجْرِيهَه
-----------------------
صَاحَتْ يَبُو الْحَمْلَه
وِالْمَدْمَعِ تْهِلَّه
وَسْطِ الْگَلُبْ عِلَّه
مِنْهُو الْيِدَاوِيهَه
-----------------------
فُكْ عِينَكِ عْلِينَه
حِيدَرْ يَوَالِينَه
لَا لَا تِخَلِّينَه
لِلْحَسْرَه تَالِيهَه
-----------------------
فَگْدِ الْأُبُو وْعَطْفَه
وِالْمَسْحَه مِنْ چَفَّه
جَمْرَه تِشِبْ وَسْفَه
مَحَّدْ يِطَفِّيهَه
-----------------------
فَگْدِ الْأُبُو عَازَه
شِيْصَبُّرِ اعْزَازَه
لُو شَافَوِ جْنَازَه
وِالْمُرْتَضَى بِيهَه
-----------------------
#الليالي_العلوية
الشاعر حسن خنافر العاملي
إعادة نشر للقصيدة مع إضافات جديدة:
يَا لِيلةِ التَّاسِعْ عَشَرْ آهِ شْعُظُمْ هالِّليلَه
حِيدَرْ عَلِي رَاسَه انْطُبَرْ نَاحَتْ عَلِيهِ الْعِيلَه
-----------------------
وُگْفَتْ عَلَى الْبَابِ وْتِوِنْ زِينَبْ تِصِدْ وَالِيهَه
يَمْتَه يِجِي بَدْرِ السِّمَه تِگْعِدْ أبَدْ مَا بِيهَه
تِبْچِي دَمِعْ تِنْزِفْ قَهَرْ عَالْمُرْتَضَى حَامِيهَه
طَاحَتْ عَلَى وَجْهِ الثَّرَى مِنْ شَافِتَه وْتِبْچِيلَه
-----------------------
صَاحَتْ يَبُويَه هَالدِّمَه لَتْگِلِّي مِنْ دَمْ رَاسَكْ
تِدْرِي بْوُجُودَكْ عَايِشَه وَاتْنَفَّسِ بْأنْفَاسَكْ
سَاكِنْ يَغَالِي رْوِيحِتِي صَعْبَه تِعُوفَنْ نَاسَكْ
مَا صَدِّگِ عْيُونِي تَرَه طَايِحْ عَلِي مَعْقُولَه
-----------------------
وِينَ انْطِي وَجْهِي بْغِيبِتَكْ يَا سَلْوتِي حَاچِينِي
فِكْرِي انْذِهَلْ يَا بَا الْحَسَنْ وِالدَّمْعَه حِرْگَتْ عِينِي
بْجَاهِ الزِّچِيَّه فَاطِمَه مِحْتَارَه لَا تْخَلِّينِي
دْخِيلَكْ يَسِبَّاحِ الْگَلُبْ يَالْمَا يِخَيْبِ دْخِيلَه
-----------------------
ضَمْهَه الْحَسَنْ عِينَه تِهِلْ گَلْهَه ثِجِيلَه الطَّبْرَه
يَا زِينَبِ الْوَالِدْ وِسَفْ نَاوِي السَّفَرْ لِلزَّهْرَه
وِحْسِينَ ابُو اليِمَّه يِوِنْ ضَمِّ الْحَبِيبَه لْصَدْرَه
نَادَاهَه يَا أُمِّ الصَّبُرْ لَسَّه الْمَآسِي طْوِيلَه
-----------------------
عَمِّ الْحِزِنْ أرْضِ وْسِمَه ضَجَّتْ بُيُوتِ الْكُوفَه
صَرْخَةْ يِتَامَه مِعْوِلَه وَالِدْنَه يَمْتَه نْشُوفَه
رَاحِ الْحَنَانِ بْطِيحِتَه دْمُوعِ الْأَسَى مَذْرُوفَه
بَعْدِ الْوَصِي طُولِ الْعُمُرْ نِنْصُبْ عَزَه وْنِنْعِيلَه
-----------------------
#الليالي_العلوية
الشاعر حسن خنافر العاملي
#إستشهاد_أمير_المؤمنين (ع)
يـحـيدر دمـعـي مــن الـعين هـامـاي
وْ تِـوَسَّـط بـالـدلـيل عـلـيـك هـامـاي
گبــل هـامَك يَـريت انْـصاب هـامـاي
وگبـــل جـسـمك يِـوَسْـدوني الـوطيّه
#جابر_الكاظمي
#ابوذية_جابر_الكاظمي
#إستشهاد_أمير_المؤمنين (ع)
قـريحُ الـجفنِ والقلبُ أسـىً قد ذاب
والـجسمُ رهـيـنَ الـحُـزنِ و الأوْصاب
بُـكـائي لـهـلالٍ غـابَ فـي المـحـراب
والــســيـفُ بــكـهـفِ المــوتِ واراهُ
عـلـىٰ فـقـدِ عـلـيٍّ فــارسِ الـهـيجاء
سأبـكـي ما بَكَتْ في دَوْحِهـا الوَرْقـاء
ولَــمْ أخـلَـعْ ثـيـابَ الـحُـزنِ و الأرزاء
عـلـىٰ مَــن خَـصَّـهُ الـهــادي و آخـاهُ
#جابر_الكاظمي
#إستشهاد_أمير_المؤمنين (ع)
أريـد أجـري الـدمع مـن دَمْ وَسـيـفـه
وْأصـيـحَــنْ آه يـــا حــيـدر وَسـيـفـه
إبــن مـلـجـم گُرَب يَــمّــك وَسـيـفـه
طُــبَــر راســـك يـسـيـف الله ونَـبِـيّـه
#جابر_الكاظمي
#ابوذية_جابر_الكاظمي
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة حماسية ( لجرح الامام علي ع ) 🌺
-------------------------------------------------------
ياعلي يابوالحسن _٣
الشيعه اتنادي علي
يروح الهادي علي
الشيعه تلهج بسمك اليوم و تصيح
ياعلي الكرار يالطايح جريح
بالغدر ياحيف راسك صوبوه
بالفرض ياويلي اتگوم و تطيح
صابو راسك علي
ثگيله انفاسك علي
صوباك النذل وسفه بالصلاه
انت ركن الدين حيدر و النجاه
و نادى جبراءيل بأعنان السماء
اتهدمت و الله اركان الهدى
صاح الصايح علي
حيدر طايح علي
صوت صايح و المناحات اعتلت
وسفه اركان الهدايه اتهدمت
و كلها سمعت صوتك اتنادي و تگول
فزت والله المسيه اني فزت
ورب الكعبه علي
فزت بالضربه علي
كلها گامت تلطم بذاك الوكت
و من رجعت لدارك و بنتك شفت
امخوصره و اتصيح بويه ياعلي
اني كون الليله يا بويه انصبت
بيه اصوابك علي
وبيه اخضابك علي
-------------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
لطمیه لامیر المؤمنین ع
ــــــــــــــ🖤ـــــــــــــــــ
آ یکـرار یـبــــــویه آ یکـرار
مشتعل نار دلیلي مشتعل نار
ابونتك گلبي انچوه
امنـین اجیبلك دوه
آ. یکرار .... آ. یکرار
••<<{{🖤{🟢}🖤}}>>••
ونتك فطرت دلیلي ومنها ونیت
بس ردت الگه دواك وابد ملگیت
الطبر هامك یاعلي طابرني یاریت
ریتني میته گبل یومك تمنیت
..
خــذني ویاك یبویه خـذني ویاك
صعب فرگاك کتلني صعب فرکاك
انته اعز من الهوه
امنین اجیبلك دوه
آ. یکرار. آ. یکرار
✍️العلویه ام ضيغم المحنا
••<<{{🖤{🟢}🖤}}>>••
بویه فك عینك علیه لا تون حیل
وَنتك یا بویه صَعبه تِهدم الحیل
اشلون تِقبلها یَحیدر دمعی ایسیل
تدری ما احمل غیابک عنی لَتشیل
اسمع ابچای یبویه اسمع ابچای
ذابن اچلای یبویه ذابن اچلای
انته بعيوني الضوه
امنـین اجیبلك دوه
آ.. یکرار آ.. یکرار
✍️ یسرا الموسوی
••<<{{🖤{🟢}🖤}}>>••
من اشوفك هذا حالك فکري یندار
صرح غوث انته بخیالي بوصفك احتار
یاملاذ المستغیث وحامي الجار
اشطیحك یاسور عالي ودمك انهار
اعمي العین اریدن. اعمي العین
عگب ابو حسین اموت عگب ابو حسین
خلي مــوتتنه سوه
امنین اجیبلك دوه
آ.. یکرار...... آ.. یکرار
✍️العلویه ام ضيغم المحنا
••<<{{🖤{🟢}🖤}}>>••
لآ تِطول اِلنومه یا حامی الحمیه
اِنته کل دنیای بَعد اِمی الزچیه
لو نویت اِتشیل عنی مِنهو الیه
تدری اَعیش العمرکله بل اذیه
...
تشمت اعدای یحیدر تشمت اعدای
لا تخلینی وحیده تشمت اعدای
ابطیحتك گلبی انچوه
امنـــین اجــیبلك دوه
آ...یکرار آ..یکرار
✍️ یسرا الموسوي
••<<{{🖤{🟢}🖤}}>>••
انه زينب والزمن هدملي حيلي
من زغر كسر الضلع صوب دلليلي
منشفت راس الوصي مانمت ليلي
من بعد عين الابو يا دمعه سيلي
...
لو فكدناك يحيدر لو فكدناك
. وين نلكاك
چـنه عالفـــرگه نوه
امنین اجیبلك دوه
آ يكرار آ يكرار
الشاعرة *ام عــــــ✍️ـــراق الشمرية(( بغداد* ))
••<<{{🖤{🟢}🖤}}>>••
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع
لانجيز حذف الاسماء✋
☘️نسالكم الدعاء☘️
يحيدر حبك الّي يستر اعيوبي
والباري ابولائك يغفر اذنوبي
اذنوبي اهواي منها انذهلت الأفكار
وحنت ظهري وبگيت ابهالوضع محتار
آصيح ادخيل ياستار ياغفار
وسيله ما الي ومغلگه بوبي
گلت احساب كل هاي الخلگ يرجع
النه وتلتجأ وبساعة المفزع
وللوالانه انته الي گلت نشفع
وعليك احسابي آصبح وانته مندوبي
يحيدر مانفعني لا بنين اومال
وماعندي عمل بي اعبر الاهوال
بس امحبتك ياخيرة الاعمال
الأحبه جردوني حته من ثوبي
نزلوني ابحفرتي وتالي عافوني
ونكير او منكر ابسرعه تلگوني
وانه اعليك ظلت شابحه اعيوني
ونادي يمته يحظر ليه محبوبي
موقن بيك انه ابساعة الوحده
تحضرني وتجيني وتنگضي الشده
ابموتي ابگبري وبحين الذي اتعده
عله ذاك الصراط اوحشة ادروبي
الك تشبح اعيوني ابساحة المحشر
ادخيل أصيحن ياعلي احضر
وعدي اوياك يامولاي عالكوثر
قديد اشلون ترضه ايصير مشروبي
مره اعليك اصد مره اصد لحسين
واگله ياامامي اعليك متكلين
دين ابدين اگله حتى دمع العين
حل يوم المجازه والتفت صوبي
للشاعر السيد سعد الذبحاوي
قصيدة فزاعيه ( لاستشهاد الامام علي ع )
.....................
العيد اجانه ياعلي
لا تمشي و تخلينه
العيد ايام ويجي
بعدك عليمن ننتجي
لتروح و نضل بالبجي
غيرك منو ايهم بينه
منهو يهم لينه بعد
ياحيدر و انته الضمد
مو تدري ياذينه الفگد
و اغيابك يبجينه
اغيابك انخلصه هضم
و العيد يا بويه لطم
شملك منو بعدك يلم
محد ترا ايلم بينه
منهو اللي يجمعنه سوه
يابعد روحي و الهوه
لو تمشي گلبي ينجوه
و الجفن تهمل عينه
تهمل ادموع الفاگده
بالعيد منهو اتعايده
ثوبي بعد ما جدده
غاب الحنين اعلينه
منهو يگص ثوب الفرح
لو تمشي گلبي ينجرح
بالمگبره عيدي الصبح
وياك يا والينه
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
بویه نام اللیله نوم العافیه
وآنه خلیني اعلی نعشک واعیه
«بویه نام اللیله نوم العافیه2»
*
بویه نام اللیله یا محبوبي نام
من بعد شخصک عله الدنیه السلام
نام یا بویه ابرغد و انسی الملام
محله بخدودک یبویه الأبتسام
نام خلهه ادموعي لجلک زاچیه
«بویه نام اللیله نوم العافیه2»
*
روح یا بویه وداعاً یالحنین
روح یم اُمّي الزچیه و الجنین
هیه تشکی من الضلع و انت الجبین
و یمسح بدمعاتکم طاها الأمین
و آنه مَن یمسح دموعي الجاریه ؟
«بویه نام اللیله نوم العافیه2»
*
بویه یا حلو المحاچي والخطاب
بویه شو انخاک و ما اسمع جواب
والله گلبي اتمزّق ابهذا المصاب
شلون اهضمهه یغطّیک التراب
و تبقی دارک وحشه دونک فاهیه
«بویه نام اللیله نوم العافیه2»
*
یعني اصدّگ راح یدفنوک ابلحد ؟
تغیب عن عیني یبویه و ما ترد ؟
بویه کسروا خاطري ایتام العجد
للصبح یقرولّک سورة حمد
عالگین شموعهم کل زاویه
«بویه نام اللیله نوم العافیه2»
*
شوف حالي بویه یا خیر المله
بین اخوتي ابچي بس امدلّله
آه یا ظیمي من اطبّن کربله
بعیني اشوفن ینذبح عقد الوله
والخیام تذوگ نار الحامیه
«بویه نام اللیله نوم العافیه2»
*
آه یا ظیمي من اصیحن یا ابي
والشمر مسرور لمّن انسبي
شلون راح اصبر بعیني اصطبي
یبوگ ترچیة رقیه الناصبي
وعالجمر یاویلي ترکض حافیه
«بویه نام اللیله نوم العافیه2»
*
راح ابقی محیّره المن امیل
و عالنهر یا ویلي مذبوح الکفیل
والیتامه تصیح یا عمه دخیل
بس ،و َحقک بویه انذل؟ مستحیل
راح اقلع والله عرش الطاغیه
«بویه نام اللیله نوم العافیه2»
*
خادم خدمة الحسین علیه السلام
ناصرآلبوعبید
في ذكرى شهادة أمير المؤمنين (ع)
يا علي يا علي يا علي
&&&&&
عالعوالم فضلك اترف رايته
و الك جبرائيل شايل لافته
لا فتى إلا عليٌ لا فتى
او ماكو إيمان ابمثل إيمانك
&&&&&
يا علي بس انته نفْس المصطفى
جفنك اعله الخوف ما مرَّه غُفه
تبگه يا حيدر أمير اعله الوفه
و الشجاعه اتظل علي عنوانك
&&&&&
يا علي أبيض امن المَيْ سيرتك
او باچر اتظلِّل علينه اعمامتك
الصراط المستقيم اولايتك
و المحبه و الإبه قُرآنك
&&&&&
الأجل ضمَّك يا ملاذ الحائرين
و الوجود انطُفى يا نور اليقين
يَتَّمِتنه يا أمير المؤمنين
و انحُرَمْنه من دُفُو أحضانك
&&&&&
كلشي بغيابك علي باهت غِده
او صوت من جبريل هز هذا المدى
اتهدِّمت والله أركان الهدى
ياللي طاحت بالغدر أركانك
&&&&&
اعليك تلطم بالحزن سبع الشداد
او رُفع هذا الكون رايات الحداد
و احنه نلبس كل سنه ثوب السواد
ورده إنته او يتَّمِت بستانك
&&&&&
اليوم هاي اگلوبنه تبچي ابحزن
اليوم لمصابك يبو زينب نون
اليوم مو بالگاع بينه تندفن
و ابلطُمنه تنگلُب أزمانك
&&&&&
اوداعةَ الله يا شمس هاي السماء
اوداعةَ الله يا إمام الأتقياء
اوداعةَ الله يا مُعين الضُّعفاء
اوداعةَ الله يا العظيم ابشانك
&&&&&
إبراهيم الدريس
مقدمة .وداع ( مولاي أمير المؤمنين علي عليه السلام )
جديد .. 1445. 2024 .
::::::::::::::::::::::::::::
يابالحسن بِمصابك
تبجي بدمع إحبابك
----------------------
فَكدك صعب يابالحسن يالغالي
ساعة وداعك بالحزن تقرالي
هالليله سافر كل نَجّم آمالي
روحي تِوّن اعليك آيا الوالي
ماننسه هذا اصوابك
تبجي بدمع إحبابك
----------------------
مثل اليتيّم الليله كلشي بلياك
ناعي المُصيبه ياقصيدة ينعاك
حانَ الوَداع اليوم الله وَيّاك
بهاي المنيّه ياعلي فاركناك
نار الألم بغيابك
تبجي بدمع إحبابك
----------------------
انهدمت اركان السمه هذا اليوم
محراب جرحك ياعلي صار ادموم
شهر الصيام اخلاف عينك محروم
بهاي الفجعيه نصرخ آيا مظلوم
من تندفن بترابك
تبجي بدمع إحبابك
-----------------------
عظم الك هذا الأجر يابو حسين
من جَرح هامَّك سيدي مَجروحيّن
منوفي إحنه شما بِجَت هاي العين
بجمرة مُصابك ياعلي مَفجوعيّن
وَنقَبّل إحنه اعتابك
تبجي بدمع إحبابك
------------------------
كل خادم الليله بدمعته عَزاك
كل موكب الليله بجروحه ناداك
نخدم لَحّد الموت واحنه بِحمّاك
إنت الصراط المُستقيم الشفناك
نبقه نِلُوذ ابابك
تبجي بدمع إحبابك
----------------------
الخادم _ ابو فدك الشامي ✍
اليوم نطلب من أمير المؤمنين
كون يرزقنه البواچي اعله الحسين
ــــــــــــــــــــــــــــــــــــــ
ياعلي نريدك تعلمنه العشگ
ياعلي وكون بغرامه نحترگ
الما يحب حسين ماعنده صدگ
المايحب حسين گلبه موحنين
ــــــــــــــــــــــــــــــــــــــ
ياعلي ومحتاره والله العايله
للنجف تتعنه لوطف كربله
يالمتت بين الاهل والعايله
وهو مات الوحده ماعنده معين
ــــــــــــــــــــــــــــــــــــــ
أنت أولادك يضمدون الجرح
وهو جسمه اعلى الثرى وراسه برمح
وليل زينب ياعلي بلايا صبح
مثل ماظل الگمر ماعنده ادين
ــــــــــــــــــــــــــــــــــــــ
ياعلي انت الهوى النتنفسه
نريد حب حسين بينه اتغرسه
حسين تفرح لو حضرنه الـمجلسه
واللّطم هوّه صلاة العاشقين
ــــــــــــــــــــــــــــــــــــــ
لا تمشيني ابدرب ما بي عزاء
واحنه مخلوقين بس لكربلاء
الناس يا بالحسن تتنفس هواء
واحنه نتنفس ابين الحرمين
ــــــــــــــــــــــــــــــــــــــ
أنت شالوك بجنازه و باحترام
وكلها صاحت آه لمصاب الأمام
حسين ما عنده عشيره و لا عمام
وبالحصيره شاله زين العابدين
ــــــــــــــــــــــــــــــــــــــ
ياعلي وجسمه بقى ابحر الشمس
والحوافر ترفس بصدره رفس
انت صابك بالصلا سيف الرجس
وهو داسنّه حوافر أربعين
ــــــــــــــــــــــــــــــــــــــ
ما أگول اويه الشمر اخته انسبت
زينب اعله الشام والله تسلطت
على بنتك جابت الحگ وأجت
وبصبرها ذلت يزيد اللعين
ــــــــــــــــــــــــــــــــــــــ
ياعلي اوّياك ميهمنه التعب
وانته اسمك وسط الاعيون انكتب
ياعلي يابو مناير من ذهب
انته ابونه واحنه بيك امچلبين ـــــــــــــــــــــــــــــــــــــ
ياعلي واذّتنه طگات الزمن
واحنه ندعو بالفرج لبن الحسن
ابيا مدينه ابيا نوه المهدي سكن
وين ابو صالحنه يا مولاي وين
محمد الجماسي
#اللهم_عجل_لوليك_الفرج
بعيوني ،،، يلملم علي بـيامـه
بعيوني ،،،شفته يظم احلامه
بعيوني ،،، ودعني ويه ايتامه
زينب انه وگلبي نفطر، ،،وتخيلت هامه وجرح
هيج الابو شاهدته
للعتبه يوصل يلتفت،،،ويظم حجي ماينشهگ
ماتنفهم سالفته
مرات البروحه هجر ،،، وجفنه يظم فرگه وطن
يعرگ الملگه بكصته
اليعاشر بروحه علي،،، يرسم بنت صارتله ام
زينب انه اليتمته
حنيتله ،،،تمنيت اسـلمـه العافيه
حنيتله،،،واقره النواعي الصافيه
حنيتله،،،شفته العرش واسلامـه
٭٭٭٭٭٭٭٭٭٭٭٭٭٭٭٭٭٭٭٭
صار الفجر وكته ومشه،،،وبس صوته جان الينسمع
شايل منارة بعينه
يم الله بس حيدر عرف،،،آذانه بيه نشغه وبچي
خلصهه هيج اسنينه
بفرض الصبح كبر حزن،،،بس الله مشتاگ لعلي
وجان الحنان ونينه
لمن سجد گبل الشمس،،،والحاقد بسيفه اجه
يطبر الهامه الزينة
من راسه،،،موجرح شفته بعيني
من راسه،،،ينزف نزيف حسيني
من راسه،،،شاهد يظل بصيامه
٭٭٭٭٭٭٭٭٭٭٭٭٭٭٭٭٭٭٭٭
ردالي ابو حيل الجوي،،،هوه علي لامو علي
يعينونه هيچ اولاده
ندري بعلي ماينتچي،،، الوادم تندبه بكل وكت
هل حاله مو بالعاده
لتمينه بس طش الجرح،،،ومهشمه الهامه بنزف
ينگط بقه بظماده
گالالي يازينب منو،،،تردينه گافل ونتحب
حاجيته عم الساده
وصاني،،،بشنهو اليصير عليه
وصاني،،،يسمونچ الـمـسبـيـة
وصاني،،،نحر الاخو وخيامه
٭٭٭٭٭٭٭٭٭٭٭٭٭٭٭٭٭٭٭٭
صايم بقه رغم الالم،،،ولتمت ايتام الخلگ،،وطوس اللبن جابوله
منالباب لعتاب الصحن، ،،صاحو سلامه ياعلي
ويابويه هم گالوله
بعدك الدنيه بلا خبز، ،،ولاجف اليمسح عاليتم
جفوف البشر مشلوله
من طيحتك مات الشمع،،،وصينية القاسم تظل
صايح بلا هلهولة
شدحيلك،،،شتاگينه مو لسولفك
شدحيلك،،،ماكـو تـره بـوصافك
شدحيلك،،،والهاك انته احـزامـه
٭٭٭٭٭٭٭٭٭٭٭٭٭٭٭٭٭٭٭٭
من هدمة حسيت ابعد،،،من قسمة بين الولد
ونطاني من الصايه
يشرحلي عن منحر يظل،،، بحر الشمس فوك الرمل
لافي شجر لارايه
هالصايه يازينب تظل،،،سويهه خيمه اعله النحر
بوكت التشح عنايه
زينب يبويه تحملي،،،حر الچمر والهيمه دم
وانتي اعله المسنايه
سد عينه،،،لاكـن ولاســد بـابـه
سد عينه،،،يتمنه واحنه احبابه
سد عينه،،،ظلت بروحي آلامـه
حسين علي الگرغولي
*جرح ابونا ياطبيب اشحاله*
ــــــــــــــــــ
بالله خبرنا عليها احواله
ليمتى ادموم الولي سياله
رد علينا ادموعنا هماله
وصار كلمن منفجع دلاله
صفق يمنه الحالته بشماله
وقال ليهم ودعوه يا عياله
بتفقدون الطيبه افعاله
ضربته مسمومه اوچتاله
البين قرب جهزو شايله
دوى ما عندي المثل احواله
هالشهر بيكمله تحت ارماله
العيد مجبل وبيهل اهلاله
واليتامه تنوحه اوتنعاله
تمت بحمد الله ومنه
1445/9/15 هــ
*لخادم اهل البيت عليهم السلام*
*المُلا محمد سامي المرعي* الأحسائي
فزاعية لرحيل مولاي أمير المؤمنين ع مولاتي زينب ع تتكلم
عـلامـك يادهـر ويـاي تاخـذ ويـن المعـتبر
مـن فـرگاهم الهاليوم أبچـي والوجه أحمر
والله المايدير البال على الوالد عمر يخسر
((زينب لطمهه اعله الوجه من راح حامي العيله))
======================
ياسباح گلبي شلون تمشي بسيف المرادي
عذبني وحـگ عيـناك يـوم الصيّح الحادي
غرّب وسفه ابو الايتام زينب ظلت اتنادي
((تستاهل الطملك وجه حيدر علي يعيوني))
======================
چان ازماطي بيك اهناا بويه اسمع علي صوتي
عگـبك هـاا يداحـي البـاب منتـظره يحل موتي
فگدك خله روحي اتروح وبـدرب الحزن فـوتي
((ياروح عگب اسمك تظل غير انته روح العايله))
======================
مشتاگه العزيزه ارجوك يمـته ارجـع واشوفـنك
ليـهـسه دمـع فـــرگـاك لـيـهــسـه اسـتـمـع ونـك
بويه حسين ينشد بيك يمته انظر ضحك سنك
((دوم امن اذكرك ياعلي اسمع هلا اتحاچيني))
======================
جانه العيد آه العيد عگب الوالد بيـا حـال
غربه وطـعم مابيـها والزهره الفگد چـتال
دنـيه بلا علي منريد كون بروحتك تـنزال
((دنيه وبدون امروتك أي مامعنه ماظل ليهه))
======================
يسـتاهل دمـع يـاعـين هـذا الـمـرتـضـى الـدره
هـذا ايـحـبه بـس الـزيـن يـسـتـاهـل الـه نقـره
الچان بخزره من عينه الكون اعله العده ايفره
((مدفون يصبح بالترب واتشمتت عدوانه ))
======================
29/3/2024 يوم الجمعة
18/شهر رمضان 1445 هـ
#الشاعر_الميرزا_محمد_الساعدي
عَلِي حَامِي الْحَمِيَّه...دِنَتْ لِيهِ الْمِنِيَّه
فِجَعْ گَلْبِ الْيِتَامَه...
-----------------------
عَلِي الْكَرَّارْ سِيفِ النَّايِبَه صَابَه
وِگَعْ مَخْضُوبْ مِنْ دَمْ طَبْرِتَه خْضَابَه
أَلِفْ يَا حِيفْ صَاحَتْ يَمَّه أَحْبَابَه
أَبُو الْأَيْتَامْ حَانَتْ سَاعَةِ غْيَابَه
بْشَهَرْ صُومِ وْعِبَادَه.....عَلِي نَالِ الشَّهَادَه
وِسَفْ مَا تَمْ صِيَامَه...فِجَعْ گَلْبِ الْيِتَامَه
-----------------------
عَلِي مِنْ طَاحْ أَرْكَانِ الْهُدَى طَاحَتْ
نِعَاه جِبْرِيلْ وَامْلَاكِ السِّمَه نَاحَتْ
هِتَفْ بِالْآهْ أَيًّامِ الْوَصِي رَاحَتْ
رُوحِ الْمُرْتَضَى مِنْ دِنْيِتَه ارْتَاحَتْ
أَبُو الْحُرَّه الْعَقِيلَه...كَلِفْ مُوتَه وْرَحِيلَه
هِوَتْ مِنَّه الْعَمَامَه....فِجَعْ گَلْبِ الْيِتَامَه
-----------------------
يِعِينَ الله الْحَسَنْ وِحْسِينَ ابُو الْيِمَّه
الْأُبُو لُو رَاحْ عِينِ الْعَايِلَه تِعْمَه
عَجِيبَه شْلُونْ شَالَوْ آيَةِ الرَّحْمَه
عَلَى الْأَچْتَافْ قُرْآنِ وْنِزَفْ دَمَّه
صَعُبْ وِالْآتِي أَصْعَبْ...لِأَنْ تِنْتَظْرَه زِينَبْ
يِرِدْ إِلْهَه بْسَلَامَه..........فِجَعْ گَلْبِ الْيِتَامَه
-----------------------
وِصَلْ لِلدَّارْ عَايَنْ مُهْجِتَه گْبَالَه
تِنُوحِ هْوَايْ وِتْنَاشِدْ عَلَى احْوَالَه
هِوَتْ فُوگَاهْ مِنْهَه الدَّمْعَه هَمَّالَه
تِحَاچِي الْمُوتْ لِيشِ تْيَتِّمَ اطْفَالَه
شُبَگْ بِنْتَه الصُّمِيدَه...مِسَحْ دَمْعَتْهَه بِيدَه
عِلَتْ وَجْهَه ابْتِسَامَه....فِجَعْ گَلْبِ الْيِتَامَه
-----------------------
#الليالي_العلوية
الشاعر حسن خنافر العاملي
لَمَّنْ وِگَعْ حَامِي الْحِمَه....صَاحِ الْمَلَكْ رَاحِ الْفَخَرْ
وِانْهِدْمَتَ ارْكَانِ الْهُدَى...حِيدَرْ عَلِي رَاسَه انْطُبَرْ
-----------------------
أَظْلَمْ عَلَى مْصَابَه الْفَلَكْ...گَلْبِ النِّبِي لَجْلَه انْفُطَرْ
وِالزَّهْرَه لُطْمَتْ عِالضِّلِعْ.....مَهْضُومَه مَحْنِيَّةْ ظَهَرْ
-----------------------
وِالْمُجْتَبَى هَلِّ الدَّمِعْ..........فُوگِ الثَّرَى طَاحِ وْعِثَرْ
وِحْسِينَ ابُو الْيِمَّه هِتَفْ...يَالْمُرْتَضَى حِيلِي انْكِسَرْ
-----------------------
عَبَّاسَ ابُو فَاضِلْ بِچَه...فَاضِ الدَّمِعْ حَسْرَه وْقَهَرْ
گَلَّه عَسَى بْعِيدِ الْبَلَه.......وْلَا صَوَّبَكْ سِيفِ الدَّهَرْ
-----------------------
بْيَا حَالَه لِلدَّارِ اعْتِنَوْ..............وِالْحُرَّه مِنْتَظْرَه الْگُمَرْ
مِنْ شَافِتَه يِمْشِي غَصُبْ...صَاحَتْ شِنُو عِدْكُمْ خَبَرْ
-----------------------
گَلْهَه يَزِينَبْ يَا وِسَفْ...سِيفِ الْعَدُو بْرَاسِي اسْتَقَرْ
خِلْصَتْ تَرَه سْنِينِ الْعُمُرْ......وِمْنِ الْأَجَلْ مَاكُو مَفَرْ
-----------------------
وِاتْحَزِّمِي بْصَبْرِچْ لِأَنْ...ضَامِمْلِچِ هْوَايَه الْقَدَرْ
بَاچِرْ وَرَاكِ شْگَدْ بَچِي.......بِينِ الْمُخَيَّمْ وِالنَّهَرْ
-----------------------
#الليالي_العلوية
الشاعر حسن خنافر العاملي
عظم الله أجورکم بأستشهاد علي المرتضی علیه السلام
لسان حال السیده زینب س
علیه أحبال هضم الوکت لاون
حرت اگعد أون بالدار لاون
یبویه اترید عنی اتروح لاون
أخذ روحی اویه روحک للمنیه
خادم امیرالمؤمنین الشاعر الحسیني
عبدالامیرالناصري
(( شوق للراحلين ))
〰️〰️〰️〰️〰️〰️〰️〰️〰️〰️
شفتك يَموت بعبرتي .. تاخذ حبايب مهجتي
و بيهم طعنت اِرْويحتي .. و نبضي يدگ بس غربتي
بعيوني فاضت وحشتي .. و ونيني جاذَب حسرتي
هالدنيا خَلَّتْ خِلِّتي ..تحت الثرىٰ اِتْوِجْ جَمْرتي
و صرت بضَرامي و دَهْشِتي .. أنعىٰ و أهوجِس وحدتي
خابت ظنوني و حسبتي .. وما ظل غوالي اِبْدِنْيتي
و صارَت مَواجع شَهگتي .. و نار و حسايف زفرتي
و كل ما سِهيت اِبْفِكرتي .. اتْخَيَّل اِصْوَر عزوتي
و تگعد مَعاهم لهفتي .. تسولف سوالف فرگتي
يل رحتو شانت حالتي .. شوگي نِحَلْني و غَبْنِتي
أرْدَنْ أضمهم غايتي .. و تشم هواهم رِيّتي
بعطر الترايب صفنتي .. بيها اشمهم ويلتي
لتراب أعِجْنَه بدَمعتي .. و ريْحانَه نوحي و بَچْوِتي
و بالفاتحه و قرايتي .. ألْزَم وصلهم عيلتي
يل راحو يمتىٰ ساعتي .. و أهنىٰ بلگاكم جنتي
〰️〰️〰️〰️〰️〰️〰️〰️〰️〰️
الشاعر : أبو شهيد الأحسائي
الجمعه ١٤٤٥/٧/٢١هـ
════════════
*لا يجوز و محاسب شرعاً حذف او تغيير التوقيع*
#من_ديوان_فاتح_خيبر_ج٢
قصيدة للإمام علي(جروح البگلب)
❥━──➸➽❥❂❥━──➸➽❥❂
يا والدي جرحك كلف واشلون اضمده
يشبه جروح البلگلب محد يشده
صوابك يأذيني/يا نور البعيني
علي بويه ... علي بويه
❥━──➸➽❥❂❥━──➸➽❥❂
بويه ياحامي الحمه/جرحك بگد السمه
ما گطع يالوالي لحظه ينزف دموم
وانه عيني تصب دمع/اعليك دلالي انفجع
التمت بطبرة جبينك كل الهموم
انظر لجرحك يالابو ما فاده اضماد
لونك تغير والألم كل ساعة يزداد
ودمعي اليواسيني/يا نور البعيني
علي بويه ... علي بويه
❥━──➸➽❥❂❥━──➸➽❥❂
الجرح ما فاده دوه/يلچمه لو مر الهوه
وانه اشوفنك تلوج ودمعي سچاب
ما اظن يشفه بعد/روحي ممروده مرد
يالاعز من روحي انته واغله الأحباب
يا جرح البل راسك يبويه ريته بيه
ولا اشوفك امدد عله افراش المنيه
افديلك اسنيني/يا نور البعيني
علي بويه ... علي بويه
❥━──➸➽❥❂❥━──➸➽❥❂
من شفت جرحك يصب/نار وبگلبي تشب
وجرحي ظل وياك ينزف يا ضوه العين
انظر اخواني بحزن/كلها ملتمه وتون
شلون تقبلهه يعيش بحسره الحسين
يالوالي تاذينه تراها كلمة ايتام
لا ترحل اترجاك جفني مارضه ينام
والسهر گاضيني/يا نور البعيني
علي بويه ... علي بويه
❥━──➸➽❥❂❥━──➸➽❥❂
كون سالم تبقه الي/خيمة وتفيي علي
يا عمود البيت يا شمعة نزلنه
بين اعليه الكسر/روحي ما تحمل هجر
مگابلتك بس اجر ونه اعله ونه
شلي بدنيتي لو تسافر عني انته
ابچي واون اعليك ليل أنهار سكته
فرگاك يچويني/يا نور البعيني
علي بويه ... علي بويه
❥━──➸➽❥❂❥━──➸➽❥❂
شلون يابويه انام/وانته وضعك موتمام
نظرة اوداع بعيونك مالت افراگ
تگول ودعوني بعجل/ماكو يحبابي امل
دنه هذا الموت مني والنفس ضاگ
أبحسرتي احضنتك واصيحن بويه لتروح
تدريني مابيه لغيابك يمرد الروح
لا لاتخليني /يانور البعيني
عليه بويه ... علي بويه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
ابوذيات في استشهاد الامام علي عليه السلام
للشاعر الاديب سيد سعد الذبحاوي
ابن ملجم عليك السيف سـلـه
ابجتلك كل گلب ياعـلـي سـلـه
الگلب زينب منو بهالليله سـلـه
تسله ابـــونتـه مـن هـالـرزيــه
نار الفاجعه بكل گلب كـبـره
وجبرائيل صوت الحزن كـبـره
حسن وحسين وي زينب #الكـبره
دمـعـهـم سال وي دمـك سويه
#زينب هالمسه تندب شـجـاها
يفسر الصخر ياحيدر شـجـاها
تـنـادي هامـتـك ياهـو شـجـاها
وخـضـب راسك وشـيبك سـويـه
#زيـنـب فگدت اللـيلـه عـليـها
وأشـد ومحنه تمر بعـده عـليـها
يروحي اتصيح هالصرخه عـليـها
عله طـبـرة عـلـي حامي الـحـمـيـه
للشاعر الاديب سيد سعد الذبحاوي
اعلام الشاعر سيد سعد الذبحاوي
الساتر الله شلون باجر بينه
الموت من ياخذ علي والينه
ــــــــــــــ
الساتر الله شلون هاي الليله
ينطبر بالسيف حامي ادخيله
الينطي حيل شلون يفكَد حيله
يريد تچوه وسفه اليتچّينه
ــــــــــــــ
الليله بالمحراب راسه ينطبر
راسه ينزف مدري لو راس القدر
الدنيه تظلم بيه هذا اول فجر
اليفكَد اغلى الناس الله يعينه
ــــــــــــــــ
والله لو ما علي الربّه منقطع
ابن ملجم سيفه ما طفّه الشمع
صوت من سابع سمه ضل مرتفع
انهدمت اركان الرسول ودينه
ــــــــــــــــــ
التسجد املاك السمه يم حضرته
وزغب جبرائيل تارس غرفته
شلون تالي الدم صبغها اعمامته
وسالت ابمحرابه كل اسنينه
ــــــــــــــــ
آه واويلاه اذا دار الزمن
اليسكَي كوثر تالي يردوله لبن
انت جرح المابره يابالحسن
لآخر الدنيه الجرح ياذينه
ـــــــــــــــــــــ
شلون حال اولاده وبهذا المسى
محنة مصابه ابد ماتنّسه
الطبر راسه الوالي بجهنم عسى
اخ خلّه حسين تدمع عينه
ــــــــــــــــــ
الشاعر محمد حسن ضيغم
/channel/kasaedalatharDaygham
آه يا بويه ابهجرك اذرف دمع الروح
آه من مهجة گلبي و دلّالي المجروح
ناده گلبي اليلهب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
آه من نار غيابك
و الْأيتام ابّابك
كلها اويانه اتنوح الآه
فدوه العطر اترابك
مجروحه من امصابك
گلبي يقطر دم واللّٰه
آه
ما تغفى من اوجاعي يا بويه جفوني
وحشه البيت ابفگدك يا ضي اعيوني
تتلاهب بأنفاسي جمرات ظنوني
آه يا بويه اتوسل ارحم دمعاتي
من جمرة دمعاتي تصرخ شمعاتي
ايون شمعي و يتعذب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
دمعاتي ابلون الدم
چن مذبوح اتألّم
حالي حال الذاگ الموت
جبريل اينادي ابهم
ركن الدين اتهدّم
يعني اتيتّمنه بهالصوت
آه
چنت اشما اشتاگ الأُمي اتعنّاك
يا وسفه يا مسكن روحي ضيّعناك
ما بين اگلوب الهم و الغم شيعناك
آه من ساعة فگدك و اتراب الطمّك
ادري بويه هسه حضن الله ايضمّك
آه يالفگدك يصعب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
آه من ذيچ الطبره
ابروحي زرعت جمره
خلّت عطشانه هالناس
من جابوك ابحسره
شفتك بأوّل نظره
عرش الله و مطبور الراس
آه
فوگ اچتاف الحسنين ادمومك تجري
ذيچ اللحظه گلبي ظل يصرخ قهري
لن معناة دمومك مسبيّه ابخدري
آه ما اگدر اهضم ساعات الوحشه
باچر وَيْ عدوانك مسبيّه اتمشّه
يصرخ دمعي اليسچب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
آه من جمرة نارك
بويه وحشه دارك
يبچيلك دم محرابك
غابت وسفه انوارك
ظل گلبي محتارك
،
يجرح بجفوني مصابك
آه
عطرك لسّه ايفوح ابدارك يا بويه
و ابگلبي تتلاطم رويه ابصف رويه
مرّه اصرخ يا بويه و مرّه يا خويه
آه هذا حسين الينشف دمعاتي ابأيده
كل ما انعي يبچي و ايون ابهيده
و ايون كل ما ينحب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
من ونّات حسين
دم تجري من العين
ويّه ادموعي عيني اتذوب
من طعنات البين
نصفج بالايدين
خذ من عدنه اغلى محبوب
آه
بس دمعه من حسين اتذوّب شمع الروح
گلي اشلون الگاه باچر عالخد مطروح
لا چف لا خنصر ويلي المنحر مذبوح
آه من تسحگ صدر عضيدي خيول الجور
تتصارخ دمعاتي ابخدي الّي مسطور
نار كل دمعه التنصب
آه من دمعة زينب
وا ويلاه واويلاه
꧁꧁꧁ﷲ꧂꧂꧂
خادم لخدمة الأمام الحسين عليه السلام
ناصر البوعبيد
طبروا حيدر فوگ الهامه
« الله اکبر»
تتلاطم هاللیله ایتامه
« الله اکبر»
بین المحراب شمس الله انصاب
من العالم غاب 2
*
ينوح الليله جبرائيل و ابحرقه
عگب حیدر یتامه شیعته تبقه
هضيمه الليله طبروا عروة الوثقه
هدم ركن الهدايه كافر الاشقه
تتناشق زینب هاللیله.
«یا للمصیبه 2»
تنحب وَيْ نشقتهه العيله
« يا للمصيبه 2 »
شمعظم لمصاب شمس الله انصاب
من العالم غاب 2
*
العقیله اللیله فطرت بالدمع و الهم.
و بوفاضل کترهه اعیونه تذرف دم
تگلّه خويه ركن المصطفى اتهدّم
ولينه مات خويه ابسيف ابن ملجَم
مات الوالد و اتيتّمنه
«والله هضيمه 2»
راح الچان ایسکّن همنه
« والله هضیمه2»
ودّع لحباب شمس الله انصاب
من العالم غاب 2
*
یخویه راح ابونه و ظلّت الطافه
و لا تنسه الیتامه صعدت اچتافه
حضن والدنه کعبه و الگلب طافه
حسافه الموت غمّض نظرته احسافه
تنحب کل ایتام الکوفه.
« حيدر یبونه 2 »
وحنه اویاهم ننعي حروفه
« حيدر يبونه 2»
يا داحي الباب. شمس الله انصاب
من العالم غاب 2
*
انا بهالليله احس نبض الطفوف ايدگ
الشمر من هالمسه چن بالخیم یحرگ
و اصد قصر الیزید و ظني لو يصدگ
عله سنون الحسین ابخیزرانه ایطگ
شفت الليله الطف بدموعي
« من مات ابونه 2 »
سوط الجور ايطگ بضلوعي
« من مات ابونه 2 »
دلّالي ذاب. شمس الله انصاب
من العالم غاب 2
*
يكافل ظعني ارفع راسك اگبالي
لئن راح العده يرفعونه عالعالي
چفوفک تنگطع من اجلي يالغالي
و اشوفك عالرمح دم تبچي الحالي
فدوه الدم دمعک یا عباس
« آ يا كفيلي 2»
بغيابك يسبوني الارجاس
« آ يا كفيلي 2 »
و اصرخ يا ياب. شمس الله انصاب
من العالم غاب 2
*
خادم خدمة الحسين عليه السلام
ناصرآلبوعبید
---
( ابوذيه) لسان حال مولاتي السيدة زينب ع.. لوالدها الامام علي
مابيه اودعك صحت * متناي
صدى جرحي يون اعليك* متناي
باجر تنظرب بالسوط * متناي
( وصيحن ياعلي لحك عليه )
.........................................
الخادم... ابو فدك الشامي ✍
والله..للموت أضل عاشگ علي
والله.. اليسوه حياتي وكل هلي
هوه علي..هوه علي
...
غصبن على اللايم
آنه بعلي هايم
وابابه اضل خادم .. حيدر
من زغري حبيته
بعيوني خليته
وانطاني حنيته .. حيدر
احلى شي كلمة علي.. مثل المراقد تنشم
ومن اگولن ياعلي..ورد الحدايق يلتم
بالگلب ينبض علي.. بشرياني يجري اوي الدم
مولاي.. من البدأ للخاتمه
مولاي.. والعارف إبطرق السمه
هوه علي..هوه علي
....
حيدر دخيل اسمه
ابگد الفلك حجمه
اشلون الگبر ضمه..الهيبه
صح غمضن اعيونه
بس ماطفه لونه
شايلنه بمتونه..الهيبه
أول مُصلي حيدره..يتصدق براسه
عنبر يهب من ضحكته..وگرنفل أنفاسه
ايمد ايده من گبره علي..وايصافح بناسه
مامات.. بالدنيه ضل عايش شمس
مامات.. الاغله واعز من النفس
هوه علي..هوه علي
....
دين الله بس عنده
قرص الشمس رَده
يم عتبته السجده..واجب
بولايته اتمسك
بالخاتمه ايحرسك
ياحيدر انقدسك..واجب
ياشيعه قد قالَ علي.. واللهِ لو اعطوني
كل الاقاليم السبع..لو بيهن ايخيروني
عن قشه من فم النمل..مااسلب اتعرفوني
بالناس.. اتقى بشر واعدل ملك
بالناس.. العلم اللَدُني يمتلك
هوه علي..هوه علي
...
واحد ميتكرر
ماله شبه حيدر
منهو القلع خيبر..غيره
الموته كلمهم
والجن يقاتلهم
اولاده تارسهم..غيره
عنده الحسين اوي الحسن.. الكرم والحنيه
وعنده ابوفاضل والنعم..من غيرته وطاريه
طاحن اچفوفه وخظرن.. مشايه واحسينيه
انظر... وجه الگمر واتخايله
انظر.. عباس چنه البسمله
هوه علي..هوه علي
...
أبيتي العلي صوره
آنه وهلي انزوره
ونتبرك ابنوره..الكرار
بالصوره ادگ بابه
وايحل الاطلابه
مايترك احبابه..الكرار
اليطلبله شمعه من علي.. ينطي گمر وازياده
العدلين والموته سوه.. انخلقو خدم للساده
يعرف علي كل الخلق.. باسمائه وبتعداده
يعرف..اسمي واسم امي وابي
يعرف.. الشيعي من الناصبي
هوه علي..هوه علي
...
محلاهه لوباچر
يمي علي حاظر
ايگلهم الي زاير.. ادري
وإذنوبي يمسحهه
كلهن يطيحهه
وروحي يفرحهه.. ادري
واثق يناس ومطمأن..عندي علي بحشري
من گبل دفاني وعلي. ينزل علي بگبري
يشفعلي باچر حيدره..ويتكفل بامري
باچر..لونعشي يوصل النجف
باچر.. بيده يوقعلي الملف
هوه علي..هوه علي
...
محمد الجماسي
اللهم عجل لوليك الفرج
لسان حال الامام الحسين عليه السلام عند وفاة ابيه الامام علي عليه السلام
جرف اعيوني ايشيب
يـابــويـة امـنـتـغــيـب
ماتـرهـم تــرة ابـدونك
ليــش اتغمض اعيونك
من طبرتك ضاع الهوة ياراينه الماينحل
ياغبشة الله ابكل حچي البـياعلـي يتوكل
غيرك بعد ياهوة الذي للفقرة من يتشچل
الـعـوز اخـذ شكل اليتم والعين ماتتحمل
يابـويـة يـصــيـحـون
زغــار وتدري شـلــون
عـدل گامو يرسمونك
ليش اتغـمض اعـيونك
٭٭٭٭٭٭٭٭٭٭٭٭٭٭٭٭٭٭٭
ربيـتنـه ابـذاك الـتـعب ياحـيلـنـه ولمـتنه
يلـعـايف افراكك وجع كاسر گلب عتبتـنه
تـخـنـگ الـدار ابكـل وكت وتلولح ابونتنه
والبيت ماينطب بعد انته الچنت عشرتنه
مــــــا اگــــــدر انســاك
يالـمـــنـطـيــنـــي اربـاك
حصرة اعليه الاشلونك
ليـش اتـغمـض اعـيونك
٭٭٭٭٭٭٭٭٭٭٭٭٭٭٭٭٭٭٭
ياخـيـمـة والـخيـمه ستر انته التفيي اعلينه
لـمـن طحت طحـنه تـره وياحـيل يرهم لينه
حچيك غموس ابكل وكت وعلية ترة تربينه
لوبـيـدنه لـگـبرك ركـظ شلنه وصدگ حطينه
بويـة اعلـيك انصـيح
يم رجـلــيك انـطيـح
اولادك يـنـاغــونــــك
ليش اتغمض اعيونك
٭٭٭٭٭٭٭٭٭٭٭٭٭٭٭٭٭٭٭
ريح عله اجتاف الهجر ومخلي هدمك عله
والـوجـع بس راعي الوجع هوة الذي يندلة
هـاي الـحـياة ابـلى طعـم وبلا علي ماتحلة
الـمـضـيع اعـزازة غـفـل يافرح ياخذ شكلة
ريــح عـنــه ابـــعـيــد
مـاخـــذ حـتـه الـعـيـد
ابثوب اسود يعيدونك
ليــش اتغمض اعيونك
٭٭٭٭٭٭٭٭٭٭٭٭٭٭٭٭٭٭٭
ردنـاك للـطـف ياعـلي وتـدري المواقف كـثرة
بـيـن الخـيم بـيـن العطش بين اليشد ابنحره
تـدري الـضـلـوع الـتـنكسر تاخذ اولاد الزهرة
غربة وذبح رمح وسهم والخيل ذيچ العشرة
واحســـينك عـطـشان
نايـــم عــالـــــتــربـان
واعـيـالة يحشـمونـك
ليش اتغمض اعيونك
حسين علي الگرغولي
وين رايح وانه اصيحلك تعال
مشيتك مشية ابو عاف الدلال
يالماخذ وياك العـشرة
مسافر لو رايح للزهرة
هاي انه زينب ياعلي ابنص هامتك حطني
خـليـني اصـيرلك درع يابـويـه واجرحـني
يالـمـاخـذ ويـاك الـهـوى هالـمــرة تـاخـذني
مـبـيـنـه سـفـرتـك ياعـلـي بـيـهـا تـيـتمـني
طاح طير الوز مثل دمع الخريف
رايح ايأذن علي بـصوت النزيـف
ابأذانه تفز حته الگمرة
مسافر لورايـح للزهرة
٭٭٭٭٭٭٭٭٭٭٭٭٭٭٭٭٭٭٭
فـزالـصـبح فجاة وطلع صوت الغدر واظح
هالـمـرة مو طيـحة ضلع حيدر علي طايـح
شفت الحسن شايل علي وبدمه جن سابح
وحسـيـن يـازيـنـب نـده يـتـعـثـر ابـصـايح
هامـتـه نـصـيـن صارت بيها ثار
هواي مفتوحه مثل وجه الفقار
الشايف جرحك الله يصبرة
مـسـافـر لــو رايـح للـزهـرة
٭٭٭٭٭٭٭٭٭٭٭٭٭٭٭٭٭٭٭
مـن ثلـث تـيـام الــجــرح دمـه بـقـه نـازل
اليكـتلني يبچي ابكل وكـت يمه ابوفاضل
صـيحة يتيم ابمگبرة صـوت ابوطن شايل
الماله علي ابنص هالغرب يشبه نعش مايل
ياهظيمه الماله ابو ايعيش ابضياع
يـعـينة الله الـضـيع احبابه ابـوداع
الموت اهون من هالنظرة
مـسافـر لو رايــح للزهـرة
٭٭٭٭٭٭٭٭٭٭٭٭٭٭٭٭٭٭٭
يابـويـه بـيـرك ينـتـظر مـحد يسـولـفلة
يم بابـنـه گاعـد بقه بـس مختلف شكلة
يـروي روايـه امنالزمـن چـنه ثگل حملة
ياناس حيدر للسمه واصل صدگ فضلة
البـيـر يشـكيلك قـهـر ظيـمـة اكيد
لان يدري السر تذوبه ابنص حديد
البير وياك ايسولف فطرة
مـسافـر لو رايـح للـزهـرة
٭٭٭٭٭٭٭٭٭٭٭٭٭٭٭٭٭٭٭
يالـمـاتباوع لـيـورة هالـمـرة بـس صـدلي
متغيرة زينبكم ترة وهـاك انـظر ابشـكـلي
نرسمت ملامح كربلة وطف وخيم فصلي
مـن هـسه اخـيـط بالـخيـم والنار توصلي
الـنـار بـينـه نـركـض ومـانسـتراح
الاخت ماتعرف اخوها امنالجراح
شسوو بينه ابذيج الصحرة
مـسـافـر لــو رايـح للـزهـرة
حسين علي الگرغولي