7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ياعلي. ياعلي. ياعلي. ياعلي
النجف منك اخذ هاي الخصوصيه
ضريحك جنه فوگ الگاع مبنيه
حامي الجار عنك هاي مرويه
شكثر يمك تجي وتندفن يوميه
ياعلي ياعلي ياعلي ياعلي
**
چم صافي الصفا راد الدفن قربك
وچم ميثم نصلبو من اجل حبك
علي خسران والله الما مشه بدربك
منزلتك عظيمه هناك يم ربك
ياعلي ياعلي ياعلي ياعلي
***
مگبرة النجف مزدحمه بحبابك
امان الله يحيدر غادي بترابك
العدل والميت يطوفون بعتابك
بيبان الشفاعه نرسمت ابابك
ياعلي ياعلي ياعلي ياعلي
***
علي ذكرك عباده وتشبه القران
علي خصك الباري بسورة الانسان
علي انت الامام التطعم الجوعان
علي اسمك فرض صار اعله كل السان
ياعلي ياعلي ياعلي ياعلي
**
وحگ هامك علي والطبره والامك
تره ساعة رحيلك ماتت ايتامك
نشالت فرحت المسكين گدامك
عليهم چان دوم مبلل الثامك
ياعلي. ياعلي. ياعلي ياعلي
**
رحيلك زينب هوايه يألمهه
وطار العيد ياكرار يلچمهه
تلزم صورتك عاالباب ترسمهه
وتبچي گبالها وتضل تكلمهه
ياعلي ياعلي ياعلي ياعلي
سعد العبودي
استشهاد أمير المؤمنين علي
بن ابي طالب عليه السلام. (عگيلي)
شنهي الما ون على غيابك
هذا العالم كله اتاثر
حيدر حيدر حيدر. حيدر
★★★★★
يمقدم نفسك للباري
ماهمك جيش ولاسيف
ماتقنع عايش بالدنيا
لوبالدين ايمر الحيف
ياهو الي رايد ينشدني
والرايد عنك تعريف
انته النور بهاي الدنيا
وانته التشفع يوم المحشر
حيدر حيدر حيدر. حيدر
★★★★★
غيّرت الموقف والكفّه
يوم الحال اشتدت حيل
جبت الشمس بنص الظلمه
عن الوادم زحت الليل
عدوان التشهد وتسولف
صبيّت عليهم سجيل
ياصوله الماتشهد باسمك
وين الغيرك گصدوا خيبر
حيدر حيدر. حيدر حيدر
★★★★★
يمقدم روحك بالشدّه
بايع روحك للاسلام
مثل ابراهيم بصولاتك
يوم الكسرت الاصنام
وطبع المختار وغاياته
تقوه اشماتقسه الايام
ضحيت ابروحك وبمالك.
يلي بسيفك دافع كل شر
حيدر حيدر حيدر. حيدر
★★★★★
اقرايتهم عنك سطحيه
احتاروا كلهم بالتفسير
شنهي عذر الميعرفونك
لوبيهم خان التعبير
شلون تصير الرابع عدهم
وغير الاول لامتصير
كل الي عندك ماعدهم
يصبح مثلك ياهو اليگدر
حيدر حيدر حيدر حيدر
★★★★★
من يوصل حيدر تفسيرك
يلبلدنيا ماتتكرر
ياهو الي يستوعب ذاتك
وانته الشرح المايتفسر
لامن معجم لاموسوعه
تلخص مضمونك ماتگدر
ياسر انته الحد الساعه
بيك العالم كله اتحيّر
حيدر حيدر حيدر. حيدر
الشاعر حسن لعيبي الحريشاوي
لاستشهاد أمير المؤمنين
علي عليه السلام
اداء ولحن الرادود علي حميد الموسوي
الشاعر حسن لعيبي الحريشاوي
شنهي لمصابك مايون
شنهي الوجودك مايحن
موسهله غفلات الدهر
للفرحه ماخلن ٱثر
صوابك علي كسرة ظهر
وبأي كسر ماينوزن
ويلي ويلي وآه بصدري جمره
هامتك ياحيف بيها طبره
ياشمس تغيب والله كسره
بالگلب كسر من يجبره
طول الليالي جمره الضلع
يچوي الجفن سيل الدمع
وبگلبي أَحْسَّن مية صدع
ياعلي ايتامك حزينه
من دروا چتال جرحك
دنيا ماتنراد بعدك
وماتشوف العين صبحك
★★★★★
روحك عَصيَّه على الالم
والعمر بالسيف انختم
مشتاگ للباري صرت
متوهم الگايل طحت
فايز بهلضربه گلت
يعني انتصر دين القيم
تدري تدري الآه هيه زينب
بالگلب نارين لما تِنْحَب
تِذَكَّرَْ الحبيب إلي تِصَّوَبُْ
شماتحن تون تدعي يارب
ياربي ناري تطفه شوكت
ايهدني الحزن ماحسبت
وهمومي صحره وبيها ضعت
ياعلي يابويه تدري
فرگتك ثالث فجيعه
مادريت شضملي دهري
گلي ياحامي الشريعه
الشاعر حسن لعيبي الحريشاوي
#ردات_جوگات العزاء
فراگك ياعلي نار وبالـ أگلوب
مو وادم أدموع أترسنا الـ أدروب
خيالك لحظة ما نام
خاف أتجوع الأيتام
والوادم الفقرة أتصيح ويلاه
--**
اللطم والنوح بس لفگدك أيلوگ
إمام أنت وابو للگلبه محروگ
عليك أيتامك أتلوع
أسمع صوع الـ أدموع
يدگ بيبانه شگد أنتظرناه
صدام آل جريو
🏴 ينفع لمابعد ليلة العروج والرحيل ..
⚫️ نعي ــ مجردات
ويلاه من رادوا يحملون
نعش الصميده ومايشيعون
ويمه الحسن وحسين يبچون
وزينب تنادي يلتحملون
بجدي عليكم لا تشيلون
لاوين نيتكم تگصدون
ابوي العزيز وبيه تدرون
اريدن عليه اعميهه لعيون
#سمير_الصالحي
#البصرة_الفيحاء
⚫️ نعي- نصاري
🏴 ينفع لما بعد الإستشهاد
صفينه بحزن والناس باعياد
ومصيبة والدي بكل وكت تنعاد
وعله فرگاه انوح وگلبي ماهاد
واعاين لخوتي ودموعي تجري
اطب لدار ابونه وانحب اردود
راح الفرح عنهه وما اظن يعود
لظل طول الدهر بهدومي السود
واصيحن ياعلي مونفذ صبري
عَلَّي مكتوبه من زغري المصايب
وراواني زماني شگد عجايب
وما يسوه المعاتب حتى اعاتب
بعد شاتامل و خلصان عمري
#سمير_الصالحي
#البصرة_الفيحاء
اذان الوداع
اذن الـــــمــــؤذن .. حــي على الوداع
،،،،،، ،،،،،،،،،،،،،،،،،،،،،،،،،،،
ياعلــــي هــــــالليله الك اخــــر اقامه
وباچر يصــبحون عالفرگه اليتامى
جــــرح البراسك يبو زينب عــــلامه
كلــمــن يشوفه يودعـــك بالسلامــه
ودع الصلاتك .. هذا اخر اجتماع
اذن الـــمـــؤذن .. حــي على الوداع
،،،،،،،،،،،،،،،،،،،،،،،،،،،،،،،،،،،،،،،،،
ياعــلــي بانت علامات الرحيلك
وهاي ليله الواعدك بيها خليلك
هسه ابن ملجــــــم يعذبلك دليلك
وبعد ابن عمك يحيدر من يشيلك
واسمع المنادي .. طاح الوصي الشجاع
اذن الــــمـــــؤذن .. حـــي على الــــوداع
،،،،،،،،،،،،،،،،،،،،،،،،،،،،،،،،،،،،،
ياعلي بفيض الدمه تختم صلاتك
اه واچــــم اه لــو ســـمعــن بـنـاتك
ياعلـي زينـــب تعــــيش بذكـــرياتك
تصيح يابويه علي وتشبگ عباتك
تشتكي بدمعها .. وصوت الحزن ضياع
اذن الــــمـــؤذن .. حــي علـى الـــوداع
،،،،،،،،،،،،،،،،،،،،،،،،،،،،،،،،،،،
والحسن وحسين من يدرون بــيه
براســــي يتراوالهم ظلــع الزچـــيه
بنشغه وينادون ياحامـــي الحميه
بويه هـم ترجع بعـــد لـــو هاي هيه
شتنفع السفينه .. لو كسروا الشراع
اذن الـــمــؤذن .. حـــي على الوداع
،،،،،،،،،،،،،،،،،،،،،،،،،،،،،،،،،
ياهو بعدك يفـــــگد بيوت الـفقيره
والارامل ياعـــلي حيـــرتها حـــــيره
راح اموت وهاي لحظاتي الاخــيره
لكن ابقى بكل گلب ينبــض ضــميره
ايــــبـــين اليحبني .. واللي لبس قناع
اذن الــــمــؤذن .. حــي علــى الوداع
،،،،،،،،،،،،،،،،،،،،،،،،،،،،،،،،،،،،
صاحت الصيحه وبدت تكبيرة الموت
اچفوف اليصلون صارت كلهـــا تابوت
الداره خل نوصله كلنا ونهتف بصوت
طـاح امير المــؤمنين الـخوف الحوت
نلطم وننـــدبه .. ياوالــــد الــسبــاع
اذن الــــمــــؤذن .. حي على الوداع
،،،،،،،،،،،،،،،،،،،،،،،،،،،،،،،،،،
وي بنيني وصحبتي هاي اخر انفاس
تغيب عـن محرابك ومتصـلي بالناس
مطمئن راح انا اموت ورافــــع الراس
امنــت زينـب بديـن اوليـدي عـباس
بويه ياحبيبي .. امرك وجب مطاع
اذن الـــمـــؤذن .. حي على الوداع
،،،،،،،،،،،،،،،،،،،،،،،،،،،،،،،،،،،،
غمــــض عيونه وهــــله يمه يــونون
والحسن وحــــسين للجثه يغسلون
نزلت املاك السمه النـعشه يشيعون
الفاتحه بعـد الدفن بالدمـعه يقـرون
اعظم المصايب .. هذا الخبر يشاع
اذن الـــمـــؤذن .. حـي على الوداع
الشاعر فاروق الغنامي
#ليلة_ضربة_الأمام_علي_ع
مو دمـع مـن دم يـدر
ناضـــرچ يم الخـــدر
عودچ ابوقت الصلاة…
صـــوبه سيف الغــدر
//////////////
ابـن ملجــم ــــ ســيفه يلچم
ألـم الدنيــه ابكبـــرها
شال بيـــده ــــ اعله الصميده
سيفه والهامه شطرها
شــافه راكع ــــ چـان خاشــع
صابه والجـنه خسرها
اشكبر ذنبه ــــ غضـــــب ربه
اگلوبنه ابحقده فطرها
وصوت جبريل ارتفع
والمــلا كله انفـــــجع
طعم ميضل بالحياة…
وراس حيدر ينشطر
//////////////
عاف داره ـــــــ وذو الفقاره
البيه حتى امثال تضرب
دنيه دارت _ وحشه صارت
حيدر بــدمه يــتخضب
الجان واگف __ بالكلايـــف
وسيفه بالمعركه مجرب
وسفه رايح ــ والنـــــــوايح
عاليه وجبريل ينحب
الليله ميــــعادي يگول
بيها واعــدني الرسول
على أيد اشقى الشُقاة
انصــــاب وبليلة قـدر
//////////////
گـــدر يــــدنه __ الــنذل منه
وضرب قانون السياسه
هــــاي كــلفه ___ عــينه صلفه
بلا خجل بيت الله داسه
السدله عازه ___ هسه جازه
بقسوه ويضربه اعله راسه
شــق جبينه ___ وذبـح ديـــنه
وهدم الـدين امن اساسه
ركــن الأسـلام انهدم
من طبر راعي الشيم
سور أله چـــان وثباة
ومحتمي ابفيـــه يمر
///////////////
عـلم عـندچ ____خـــان دهـرچ
وهام حيدر صـــــــوبوها
هلي دمـــعچ ___ يــاهي مثلچ
تعيش فگد امها وابوها
الخيمه طاحت _ الفرحه راحت
ورده چنــــــتي وذبلوها
انـبطر هامه ___ والعمامـــــــــه
بدم جبينه خضبوها
وشيبه مــن دمه نگع
من طبرته اعليه وگع
بكل كتـر بالدنيه هاي
هل خبر ضــــل ينشر
///////////////
شلون ليله ــــــــ يالعقيله
ابيـــوم فاركتي حنانه
بعيد دربه ــــــــ وهاي صعبه
بعد ياهو ايسد مچانه
ياحسرتچ ــــــــــ ياهضمتچ
امدلله چنتي ابزمانه
زيدي ونچ ـــــــــ راح عنچ
الجنتي متغطيه بامانه
حيـــــــــلچ اليله انثلم
معوده انتي اعله الالم
من وكت كســـر الظلع
جارعه الهم بالصــــبر
//////////////
تم بعون الله تعالي
بقلم ام زين العابدين اللامي
من يود يقرا القصيده يذكر
هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
تعنيت انشد المحراب ــــــ عن مصاب مولانه
شلون انصاب بالطبره ـــــــ وخله الدنيه حزنانه
ساجد وانطبر بالسيف ـــــــ واحنه ايتام خلانه
ودمه السال من راسه ـــــــــ سال اعليك يامحراب
---------
يا محراب جاوبني ــــــــ شلون انصاب والينه
ما نرهم بعد حيدر ــــــــــ احنه اولاده تدرينه
يا محراب معقوله ـــــــ والينه يخلينه
واحنه معلمين عليه ـــــــ‘ مانحمل هظم لمصاب
--------
يا محراب دمه السال ـــــــ منه اصبح اخضابك
وأدري تنوح علوالي ـــــــ واعرف لوعة مصابك
هم انت مثلنه اتصيح ـــــــ ما نتحمل اغيابك
الليل ايصير مظلم حيل ـــــــ لو حيدر الوالد غاب
-------
يا محراب والمنبر ـــــــ هم شفته يوم لجله
جيفن بعد ما يصعد ـــــــ والينه ابو الحمله
المنبر عل ولي الكرار ـــــــ اصبح مدمعه ايهمله
ومثل الشيعه عل مطبور ـــــــ ضل يهمل دمع سجاب
-------
يا محراب حاجينه ـــــــ شلون واحنه ايتامه
او والينه رحل يا حيف ـــــــ بس ما تمم صيامه
طبرونه ونزف دمنه ـــــــ وي طبرة علي بهامه
وجمر مصاب ابو الحسنين ـــــــ بينه ايضل دهر لهاب
--------
الشاعر محمد حسن ضيغم
يا كرار لا تفجعني
لا ماريد ترحل عني
دارك لا يضل خالي
زينب وأرحم بحالي
ــــــــــــــــــــــــــ
يا حيدر يا لبة كلبي ويل نورك يملي عيوني
ليش اعداك بهاي المحنه منك بويه يحرموني
انه ابنيتك لا مااكدر من دونك مو يدروني
ابجي وانحب ليل انهاري ليش اعداكم خلوني
وبهل نوح ذايب كلبي
عل محراب عيوني التربي
تدريبه الدمع هالي
زينب وأرحم بحالي
ــــــــــــــــــــــــ
من ترحل ياحيدر عني وابقه اتسله بدمعاتي
مظلم داري يصير اخلافك بويه وتوحش دنياتي
اتبجي اليسمعهه من العالم كلمن يسمع وناتي
وما مرت علعالم ابدا يا بالحسن مأساتي
شفت الضيم وانه بزغري
بكلبي اسهام صوب دهري
غيرك منهو يبرالي
زينب وأرحم بحالي
ــــــــــــــــــــــــ
بوجودك داري شمحلاهه يابسمة شفة الايتام
انه ابنيتك جنت اتنومس يوم بحضنك عيني اتنام
ماادري الواقع يفجعني وتتبدل هاي الايام
عن دارك ترحل ياحيدر دارك تبقه بلا ضرغام
ليش اتروح ياوالينه
بهذا الحال وتخلينه
رسمك ساكن ابالي *** زينب وأرحم بحالي
ــــــــــــــــــــــــــــــــــــ
بويه من انظر لمصلاتك وانظر مهظوم المحراب
اكعد عالكاع واتنحب وعالخد دمعي يضل سجاب
ياذنب العندي وتتركني وتعلن وي العيله اغياب
راح ابقه اعله هدومي السوده من حزن امي عندي اثياب
ذاك الثوب لا ما نزعه
عل امي عليك تبقه الدمعه
ذايب يبقه دلالي *** زينب وأرحم بحالي
ـــــــــــــــــــــــــــــ
خلتني امي اوديعه وعندك ورادت بويه اتداريني
متفارك شفتيني البسمه ولا يهمل مدمع عيني
الله يلعن كلمن ظالم بينك حال وما بيني
ريت الي يواري بجثمانك يمك كون يواريني
ريت وياك طبروا راسي
وياك البين اشكد قاسي
حزني اصبح خيالي *** زينب وأرحم بحالي
ــــــــــــــــــــــــــــــــ
الشاعر محمد حسن ضيغم
علياً واعليا
؛::::::::::
علي النبض بكلبنه عشكنه وشكنه
على حبه ربينه ولا غيره عرفنه
ابو حسين بمصابه اله مأتم نصبنه
اله تلوك الولايه الرفع بيده علمنه
علياً واعليا
؛؛::::::؛؛
حمدنه الله ونشكره علي حيدر ولينه
يحبه الله اليحبه يخيمه انت علينه
علي اول نحسبه ملك حبه يلمنه
الامر من الله بيده عرفنه الله عله دينه
عليا واعليا
::؛؛؛؛:::؛؛؛
يقران الجلاله الك تحله القياده
امير اعله البريه ملك عينه العباده
يمصباح الهدايه يسلطان الشهاده
لبس تاج الامامه امير من الولاده
عليآ واعليا
؛::؛؛؛؛؛؛؛؛:؛؛؛
اجه بسيفه المرادي طبر راسه الامامه
الدمه خضب لحيته صفت حمره العمامه
اجت تجري دمعها عله بابه الايتامه
يكسرتنه الجبيره يرب رده بسلامه
عليا واعليا
؛::::::::
يبونه الفركه صعبه عشرتك بينه حلوه
قليله شما حجينه عمرنه لعمره فدوه
يبو تراب وابونه علي يلكله نخوه
اليخاف انت امانه كلبنه بهم تجوه
عليا واعليا
هاشم الدراجي
ينجينــه من انموت النجه نبي أمن الحوت
يوم الحشر لو صار نلــوذ بعلــــــي الكرار
ماعدنه غيره ماعدنه غيره
* * *
أبنادم لو دناه الموت لو عمره وصل حده
يفارك كل عزيز أعليه يسكن بالكبر وحده
هم وحشه وظلام وضيم هم ضيك عليه لحده
وكل هذا الاشد أعليه منكر من يجي ينشده
يصيح أنطي وجهي وين
أدخيلك يبو الحسنين
وميخيبه حامي الجار
نلوذ بعلــــــــي الكرار
ماعدنه غيره ماعدنه غيره
* * *
وين نروح من نموت غربه والكبر مظلم
العنده ذنوب بيه شلون من ينعد شخص مجرم
الندم ميفيد كل انسان مهما جان متنـــــدم
الا ايمان الا أعمال مو بس بالأسم مسلم
ننسأل عن الديـــن
وهم جنه ملتزمين
ومنا الدمع ينهــار
نلوذ بعلـــي الكرار
ماعدنه غيره ماعدنه غيره
* * *
يلف الموت كل انسان عنده ألقاب عنده انساب
ومرار الموت مو بالموت بعد الموت يبدي أحساب
بس أحساب من احساب ينجح بيه العنده أكتاب
شلون أكتاب بيه أختام بيه توقيع داحي الباب
يوكف ولي الرحمـــن
وميميشي ياهو الجان
أهناك الخلك تحتار
نلوذ بعلـــي الكرار
ماعدنه غيره ماعدنه غيره
* * *
اليندم يبقى يتوسل لجنـــه مهما يتوسل
إذا مو حيدر يزكيــه مذنب هوه يتسجل
الميزكيه أبوالحسنيــن لاميصيرلـــه كل حل
وعلي يزكي الخوش أنسان أبد موخوش مايقبل
يزكـــي الذي وآلآه
ويرضي الذي حباه
وعن لاتمسنه النار
نلوذ بعلــي الكرار
ماعدنه غيره ماعدنه غيره
* * *
دخيلك ياعلي الكرار يوم الحشر نجينــــه
عدنه ذنوب يامولاي غيرك من يلفينـــــــه
ماكو أعمال بيها نفوز بس حبك يوالينـــــه
وبس هذا الامل موجود بس هذا الامل بينه
ماعدنه غيرك عون
ياوالي رب الكـــون
أشما تلتم الاخطار
نلوذ بعلـــي الكرار
ماعدنه غيره ماعدنه غيره
* * *
سلام المشعل
#نعي
لستشهاد الامام علي علية الصلاة والسلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا ليل طول باچر اونين
وجه الصبح ويطيح ابو حسين
يلدنيا ها يلماخذه الزين
بصاحب الغيره وين تردين
گلبه لصلاته وعينه لسماه
فرض الممات الليله صلاه
واملاك سجدت شفنه وياه
ويلاه رايح بويه ويلاه
يا باب هلمره تمنعه
طلعت ولينه بدون رجعه
صوت الطيور الي نسمعه
معروفه علكرار تنعه
راح الحنين اوعيني تربيه
كون الابو بالروح أخليه
تمنيت ساعتهه اندفن بيه
من الغدر چا وين أوديه
يا علي بويه الفجر لا هل
ساعه وگلب زينب تعلعل
صوت السمه بنبرة المقتل
ياجرح حيدر صعبه ينشل
ثگلت جدامي وطحت بالبيت
يم والدي هسه تمنيت
واخواني راحو وانه ونيت
جيبولي ابوي هواي حنيت
ظليت اناطر وانه بالباب
بلكت عطر من عد الاحباب
بلكت يرد سالم ابو حسين
ما بينه حيل لهذا المصاب
من بعيد شفت اخواني وياه
حسين بيسرته وحسن يمناه
من عمت عيني ويا الف آه
حيدر يون غرگان بدماه
هابويه سالم يلسلامه
شو كلهه دم حمره العمامه
جاوبني بس حسره بكلامه
يساعدكم الله يليتامى
لا بويه لا فدوه رحتلك
لتگول هيچي بوجه بنتك
اندارلك فدوه وسلامات
لا يلهوى ظل اعله بختك
لتون مثل ما أمي ونت
وادري شكثر امي تأذت
خلت كسر بالروح خلت
لتگلي اصبري وبعد خلصت
محتاجتك والدنيا صعبه
باچر يحيدر تدري غربه
الماله ظهر يطي الوجه وين
والدنيا كلهه تريد حربه
مو بس أبو لا انته كلشي
انته الامان الفوگ رمشي
خلينه كلنه وياك نمشي
ها يلحنين الفارگتنه
بنتك واريدك رد عليه
دموعي تهل واتوصي بيه
خل نتفق ابقه انه وياك
لو موتنه يصبح سويه
كلمات الخادم
رعد الفريجي
#اللهم_عجل_لوليك_الفرج
موشح نجفي
ياعـلـي ياعـلـي ياعـلـي الـمـرتـضى
*-------------------*----------------*
والله يـا ليـث الـوغـه فـگـدك صعـب
خـلــه دمـع الـعيـن يـنـزف والـگـلـب
شلون يـا ابـو حسيـن هـاليلـه تـطـب
البـيتـك وزيـنب تـشـوف انـظـارهـه
*---------------*-------------*
الـلـيـلـة دم الــراس يـا حـيـدر نـزف
ونزل جبريل بـحـزن بـأسمـك هـتـف
انـطـبــر هـامـك يـا عـلـي اه واسـف
وانـتـه لـيـث الـمـوزمـه وكـرارهـه
*---------------*--------------*
مثـل زينـب عـشنـه بـمـصابـك يـتـم
حـگــه مـن والاك يــبـچـي ويـلّـچــم
الدمعـه صـعبه اتـصير بـجفون الزلـم
وحـفـرت بــخـد الـمـوالـي اثـارهـه
*----------------*------------*
امـصيـبـتـك عادت تـرة كسـر الضلـع
ايتام صرنه وبالحـزن يـجـري الـدمـع
عـلـي كـلـه الـكـون لـجلـك منـفـجـع
والـبـواچي الـيـوم تـحلـه اطـوارهـه
*-------------------*---------------*
سيدي بـگلـب الـمـحـب حـل الحـزن
وهـل عـهـد ويـاك لـمـصـابــك نــون
ايسيل دمـع العين دوم اعله الجفـن
وشـيعتـك تـبقـه المناحـه ابـدارهـه
*-----------------*---------------*
بـعـد يـا عـيـد اشـبـقـه عـنـه ابـتـعـد
بالـدمـه حيف انصبغ شـيـب الـحـمـد
بـاچـر اعـلـه الـنـوح والـهـم نـسـتـعـد
والصـغــار اتـنــوح وي اكـبـارهـه
*----------------*-------------*
✍خادم أمير المؤمنين ع
الشاعر رعد الجريخي
يروحي يبويه
جروحي يبويه
.............................
عيني
واهس حياة سنيني
مابينك ومابيني
عشرة عزيزه دلال
والي
منين ابدي عنك غالي
راح ابدي مني وحالي
بويه اليتم جتال
تدري لبوها يروح
تبگه تجرع مر غيابه
كل شي تحسه جروح
وكل شي ذكره يرد مصابه
تخلص عمرها تنوح
حالي عگبك انه يأبه
بويه مروتك هالعيد اجاني
الابو واحد يبويه وماكو ثاني
يروحي يبويه
جروحي يبويه
....................................
بيه
موتك تگله شويه
سولفله عل علويه
خيمه انه ليهه جنت
هيده
الفرگه حيل مچيده
زينب ابوها تريده
من هسه موتي شفت
بس انتي ليه بگيت
وهسه رايد عني تمشي
لا ام ولا بو انه صفيت
وحگه شيب بويه رمشي
دعوة غريبه دعيت
وياك أريدن بويه نعشي
يبو في الثخين التارس الدار
فك عينك وشوف بزينب شصار
يروحي يبويه
جروحي يبويه
............................................
گلبي
يل بيك اشوفن دربي
بغيرك دعوتي لربي
عجل مماتي دعيت
صومك
ماكمليته ويومك
لزينب تفز من نومك
بويه بغلاتي نخيت
چلمة يبنتي اريد
منك انه حيل احبهه
لا تمشي عني بعيد
وزينبك بالهم تذبهه
دمعي تگلي شيفيد
دموعي لمن بويه اهلهه
دنيه من المحنه منين ماشوف
عوفي جنازة الغالي يالجفوف
يروحي يبويه
جروحي يبويه
.......................................
ريته
بيه الگبر خليته
من كسرتي تمنيته
حته انه بيه اطوف
عازه
لحد بعد يتوازه
دفنوها بي الجنازه
مگدر حنيني اعوف
بويه لتركته جبير
والله بيه وبيش اسده
حگ لمثلي تحير
لهيج ابوها ومن تفگده
جرحك يريته يصير
براسي دونك گلبي وده
بزينب طبرتك من كون اجتها
ومنيتهه گبل موتك خذتها
يروحي يبويه
جروحي يبويه
................................
خادمكم قاسم المالكي
خطاب السيدة زينب لامير المؤمنين (عليه السلام )عند لحظات استشهاده (وزن عگيلي )
ارحم گلبي ودمعة عيني
يابويه ادخيلك حاچيني
ارحم گلبي ودمعة عيني
★★★★★
يم وجهك هلن دمعاتي وي ناري ونارك چوّني
زادن لچماتك يلغالي ناديتك كونك تسمعني
ناوي الفرگه تعذب روحي علفرگه اتريد اتعودني
جرح الزهره بعده اگبالي بويه دخيلك لاتجرحني
لاتجرحني بويه ادخيلك
من بعد امي چنت اشكيلك
وتزيل همومي من احچيلك
ياجنه ابنار مخليني
يابويه ادخيلك حاچيني
★★★★★
تدري بكسر ضلوع الزهره ساعه المرت اصعب ساعه
بفراگك رايد تفجعني يانور الموسهل اوداعه
ايمرد گلبي تدري غيابك وللهم روحي برهن الطاعه
لاتفجع زينب يلغالي يابوالغيره الحلوه اطباعه
من محنة روحي المهمومه
وجروح گليبي الملچومه
الدنيا الصارت مثل الحومه
من بلوة البلوة اتوديني
يابويه ادخيلك حاچيني
★★★★★
مفجوع العالم بغيابك وافلاك الكون المفتره
بگد العالم روحك بويه شوالم راسك وي الطبره
يلگبل الدنيا ومابيها والله فراگك نار وحسره
بنيران الروح بلاشوفك ما احمل نار المتوجره
مكسورة خاطر متكدره
رايد ترحل بعد الزهره
بويه بعينك اخر نظره
بيانار اتريد اطفيني
يابويه ادخيلك حاچيني
★★★★★
بجالك ماهميت بدنيا ولاكثرة همي واحزاني
ريحة جدي وامي الزهره ياراحة گلبي اوجداني
ينعاك الدين واركانه فراگك هدم بويه اركاني
شلون الموت ايمر بدربك وتروح بدربه وتنساني
يافرحة گلبي المطويه
بعدك يلكلك حنيه
هاي الدنيا اسوت بيه
تفرح من يوم اتبچيني
يابويه ادخيلك حاچيني
★★★★★
علدار ايتامك ملتمه لاتكسرها گلوب احبابك
كلها اظن مارايح عنهم ساجد وتصلي بمحرابك
ماظنوا موت اليدنالك يبعد مايوصل يم بابك
يلي مناطر هاي الساعه تفوز بيوم اتشوف اصوابك
شظمت هاي الدنيا بدربي
بعد احبابي وسلوة كلبي
اسويت بهلدنيا شذنبي
باچر يابلوه اتراويني.
يابويه ادخيلك حاچيني
الشاعر حسن لعيبي الحريشاوي
ناديت بصوت. وتحسر
ابعد ياموت. عن حيدر
ليش تريد تبچينه. والدنه ومحتاجينه.
**
بعدنه زغار عاالفرگه. نريد نعيش بحضانه
مثل الشجره والدنه. واحنه نحط اعله اغصانه
والله الدنيا ماتسوه. اذا مو هوه ويانه
علي لو راح عن زينب. عمرها تخلصه حزنانه
حيدر باالكون بسمتها
هليله شلون حالتها
صاحت جرحك ياذينه والدنه ومحتاجينه
**
امس ياموت اخذت امنه. وماطاب الجرح بعده
وصبرنه اعله الجرح احنه وگلنه الوالد اليضمده
وداع الام ولا ننساه. اوداع الاب بألف شده
ولي ينوله چف الموت. محد يگدر يرده
شبعتنه فراگ. دنيتنه
الهم نشتاگ. خلتنه
نار الفرگه وتچوينه. والدنه ومحتاجينه
**
زينب تنظر الوالد. بده ذاك الوجه يذبل
العلايم چن يگللها. ابوچ بها الشهر يرحل
من ذاك الوكت زينب. بدت قصتها وي التل
من مقتل علي الكرار. نفتح لحسينها مقتل
واشگد الام. مر بيها
راحت لشام. تاليها
تندب ياهو يحامينه. والدنه ومحتاجينه
**
بس هليله وي زينب. ويستر الله من باچر
ليلة واحد وعشرين. تشبه ليلة العاشر
ابوهه اهنا يودعها. وغادي اخوانها تسافر
رحلة موت ماتخلص. بين الطبره والحافر
ليمت ترتاح. ماتدري
جابتها اجراح. دم يجري
حسين وصدره مهشمينه. والدنه ومحتاجينه
**
الابو ماكو اغلا من عنده. حنين وعازته عازه
بدونه البيت خنگه يصير. ومثل النسمه نعتازه
وياه كل فرح ينشال. من تنشال الاجنازه
واصعب لحضه عاالانسان. لمن يدفن اعزازه
ارحل ياعيد. عن بابي
عن عيني بعيد. احبابي
عاالهم ياهو يواسينه. والدنه ومحتاجينه
سعد العبودي
خطاب السيدة زينب لامير المؤمنين (عليه السلام )عند لحظات استشهاده (وزن عگيلي )
ارحم گلبي ودمعة عيني
يابويه ادخيلك حاچيني
ارحم گلبي ودمعة عيني
★★★★★
يم وجهك هلن دمعاتي وي ناري ونارك چوّني
زادن لچماتك يلغالي ناديتك كونك تسمعني
ناوي الفرگه تعذب روحي علفرگه اتريد اتعودني
جرح الزهره بعده اگبالي بويه دخيلك لاتجرحني
لاتجرحني بويه ادخيلك
من بعد امي چنت اشكيلك
وتزيل همومي من احچيلك
ياجنه ابنار مخليني
يابويه ادخيلك حاچيني
★★★★★
تدري بكسر ضلوع الزهره ساعه المرت اصعب ساعه
بفراگك رايد تفجعني يانور الموسهل اوداعه
ايمرد گلبي تدري غيابك وللهم روحي برهن الطاعه
لاتفجع زينب يلغالي يابوالغيره الحلوه اطباعه
من محنة روحي المهمومه
وجروح گليبي الملچومه
الدنيا الصارت مثل الحومه
من بلوة البلوة اتوديني
يابويه ادخيلك حاچيني
★★★★★
مفجوع العالم بغيابك وافلاك الكون المفتره
بگد العالم روحك بويه شوالم راسك وي الطبره
يلگبل الدنيا ومابيها والله فراگك نار وحسره
بنيران الروح بلاشوفك ما احمل نار المتوجره
مكسورة خاطر متكدره
رايد ترحل بعد الزهره
بويه بعينك اخر نظره
بيانار اتريد اطفيني
يابويه ادخيلك حاچيني
★★★★★
بجالك ماهميت بدنيا ولاكثرة همي واحزاني
ريحة جدي وامي الزهره ياراحة گلبي اوجداني
ينعاك الدين واركانه فراگك هدم بويه اركاني
شلون الموت ايمر بدربك وتروح بدربه وتنساني
يافرحة گلبي المطويه
بعدك يلكلك حنيه
هاي الدنيا اسوت بيه
تفرح من يوم اتبچيني
يابويه ادخيلك حاچيني
★★★★★
علدار ايتامك ملتمه لاتكسرها گلوب احبابك
كلها اظن مارايح عنهم ساجد وتصلي بمحرابك
ماظنوا موت اليدنالك يبعد مايوصل يم بابك
يلي مناطر هاي الساعه تفوز بيوم اتشوف اصوابك
شظمت هاي الدنيا بدربي
بعد احبابي وسلوة كلبي
اسويت بهلدنيا شذنبي
باچر يابلوه اتراويني.
يابويه ادخيلك حاچيني
الشاعر حسن لعيبي الحريشاوي
#أبوذيات
لشهادة مولى الموحدين
علي بن ابي طالب صلوات الله عليهما
ونين بروحي ياحيدر دوالك
وجانون بوسط گلبـي دوالك
اخــــذ عمري اذا ينفع دوالك
واذا يندار دير الجرح بيه
علي محسن الزيادي
ــــــــــــــــــــــــــــــــــــــ
ــــــــــــــــــــــــــــــــــــــ
غِسلته ابماي عيني الجرح ... ماطاب
غفه . والعيش بعده ابد ... ماطاب
لون بيدي اعله گبره اگعدت .. ماطب
داري . الموحشه او ظلمه عليه .......
اشكثر گلبي يبويه اعليك ... شال آه
امصابك للبدن يا علي ....... شلّآه
بنت واتصد لبوها ابنعش ... شالوه
بس الله اليعرف اشصار بيه .......
يون او گطّعت لحشاي ... ونتاه
صحت ياربي وين الصبر .. وين تاه
بويه انت نظر عيناي ...... وانت
نبض گلبي او مشيت اشلون بيه ...
تون اعروگي من اسمع .... علي ايون
او حتى الصخر بفراگه ...... عَلَي وَن
اليتامه اعليك تنشدني ..... علي وين
شجاوب وآنه تسعر نار بيه .....
يهلها اعليها لحگو ... ما تبوها ؟
اضن موّتها زينب ... موت ابوها
ابوها الچان خيمه ..... مات ابوها
ومن هسه اصبحت ويلا سبيه ...
مثل اجبال يا صدري ... علي هم
أبوي ابگبره واگليبي .... علي هام
بعد هم ترجع ايامك .... علي هم ؟؟
تگعد يمي وانسولف سويه
اسولفلك عله الحسرات ... لو لآه
انحيت او ظهري صارت بيه .. لوله
علي تسمع ونيني اعليك ...... لو لا
دخيلك گوم بويه او حن عليه
ابو فاطمة الطائي
#اللهم_عجل_لوليك_الفرج
#إستشهاد_أمير_المؤمنين (ع)
أريـد أجـري الـدمع مـن دَمْ وَسـيـفـه
وْأصـيـحَــنْ آه يـــا حــيـدر وَسـيـفـه
إبــن مـلـجـم گُرَب يَــمّــك وَسـيـفـه
طُــبَــر راســـك يـسـيـف الله ونَـبِـيّـه
#جابر_الكاظمي
#ابوذية_جابر_الكاظمي
#إستشهاد_أمير_المؤمنين (ع)
لـمّـن مــواقـيـت الأجــل حَــنَّـت لَك
اجْـبال الأرض مـن الـحـزن حَـنَّـت لَك
مِـن طِـحِت مـو بـس الأرض حَنَّت لَك
حـتّـى الـسـمـا حَـنَّـت إلــك يـا حيـدر
#جابر_الكاظمي
#ميمر_جابر_الكاظمي
اويلاه يااباالحسن
اويلاه يااباالحسن
ـــــــــــــــــــــــــــ
بالراس صارت طبرتك
وهاالليله تنحب شيعتك
بهاي المجالس واستك
وبس بالمدامــع نادتك
وعيونه بفگدك عمن
اويلاه يااباالحـــسن
ـــــــــــــــــــــــــــــــ
وياك نبقى عالوعد
ونترجي من عندك مدد
للمـــوت حبنه وللابد
منعوفك وهذا عهد
اشما يغلى وياك الثمن
اويلاه يااباالحسن
ـــــــــــــــــــــــــــــــــ
ياعلي نردد ياعلي
وغيرك ولا عدنه ولي
يابعد روحي وياهلي
بذكرك جرحنه ينجلي
وماننحي الهذا الزمن
اويلاه يااباالحسن
ــــــــــــــــــــــــــــــــ
خدامك وهذا شرف
اي وحق دم اللي نزف
ياحيد وبوادي النجف
حبك حقيقي من صدف
ونسمي بسمك هالوطن
اويلاه يااباالحسن
ـــــــــــــــــــــــــــــــــــ
وي زينب نصب الدمع
گلب العقيلــــه منفجع
الحب والمحبه تجتمع
طبرة علي وذاك الظلع
بالثورة هنه اتوحدن
اويلاه يااباالحسن
ـــــــــــــــــــــــــــــ
عالراس نلطم والصدر
راس ابو العتره منطبر
عالراح ماظل كل صبر
وللمهدي نشرحله الامر
ليش الجروح اتفتحن
اويلاه يااباالحسن
الشاعر فاروق الغنامي
((ابوذيات نعي ))
الحزن متعود اعليه...... وليتام
وكسر بظلوعي مايبره.....وليتام
علي بهجرك تودعني.....وليتام
يم داري اعتنت هاي المسيه
******
جرح راسك يبو الحمله... عسنه
يتامه والوكت بس هم .....عسنه
يبويه ولا طلع باجر ...........عسنه
يتيمه اصبحت ياحامي الحميه
********
ولينه الشرف الكعبه ........ولدها
وجرح نيرانك بكلبي.. .....ولدها
زينب بت علي فقدت ...والدها
بعدما ودعت امها الزجيه
*******
يعيني بالدمع من دم .......وهاماي
عليك اشيحمل إجروحي ...وهاماي
هامات البشر فدوى ...........وهاماي
فدوه الهامتك حامي الحميه
********
يوسف الفتلاوي
#استغاثه_بالامام_علي_ع
بسمك اهتف ياعلي
ابشدتي تحظـر الي
انتـــه حــــــلال المشـــاكل
اهواي غيره من الله شايل
بسمك اهتف ياعلي
//////////////
بيك اهتف والمــدد منك طلبته
وكل موالي ابشدته تفزعله انته
لا فتى الا علي واسمك عشگته
يا عظــيم الشان بابك ما تركته
يلي تفزع بالشدد
منك انريد المــدد
يالذي امرجـــف الفصـــايل
اهواي غيره امن الله شايل
/////////////
يامــلاذي ابدنيتي وحبك نجاتي
انه من دونك عدم تصبح حياتي
علي ياقرآني ياقــــبلة صــــلاتي
خدمتك اجمل جزء من ذكرياتي
اوياك خطيت العهد
ما ابيــــــــعك للابد
اوياك ابد مالحـــظه مايل
هواي غيره من الله شايل
//////////////
ياهويتي وماردت غيــــــــرك هويه
اسمي خادم للولايه الحيـــــــــدريه
ترضه عني امنيتي انته والزجــــيه
بأسمك اندب كل صباح وكل مسيه
بشاربك يابالحسن
عني تبعدها الفتن
بدمـعي ابعثلك رســــايل
هواي غيره من الله شايل
//////////////
دوم اندبك عند الحـــمول الثجيله
ياخليل المايقصـــــــــــر وي خليله
حاشه تنساني يبو العشره الطويله
غير بابك ســــــيدي ماعندي حيله
من ادگ باب الحرم
اتكلي ابشــر بالكرم
بهل امر عنــــــــدك دلائل
هواي غيره من الله شايل
///////////////
بس اكول اسمك تحل كل معضلاتي
ادري حــــــبك يا علي ثمــرة حياتي
من يســـــــــألوني غداً ساعة مماتي
راح اكلهم بس خدمتك صك نجاتي
الصعب يمك سهل
دوم تكرم ماتـــمل
ماترد فد يوم ســــــــــائل
هواي غيره من الله شايل
/////////////
تم بعون الله تعالي
بقلم ام زين العابدين اللامي
من يود يقرا القصيده يذكر
هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
يحسين راح الغالي منّه
يبن امي لاتنشدني عنّه
ايّس بعد مايرجع الراح
دفنوه خيمه الي تلمنه
بسّك لاتناشد عنّه حيدر راح
الماي الّي تبدّه يصعب اترده
مو بس حيدر اتوسّد بكَبره هناك
زينب اختك وياه اسكنت لحده
يحسين خويه كَلبي مكسور
يحسين خويه اتهدّم السور
ــــــــــــــــ
ادريك مثلي العلي اشتاكَيت
والحضن ابوي الليله حنّيت
ياوحشة المدفون ابوهه
عليها تحس اتهدّم البيت
جندوب انظر ادموعك تضل اتسيل
كافي حسين مو تدري انهدم حيلي
امسح دمعتك لو دمعتي احتاريت
نام وخلني وحدي اشبع بجي بليلي
يحسين خويه كَلبي مكسور
يحسين خويه اتهدّم السور
ــــــــــــــــ
مدنّك الراس شلون تاليك
حاجيني فدوه من احاجيك
كّوه ارد اصبر الكَلب علراح
وأرجع الضيمي من اصد ليك
ليش اتصيح بويه وهوّه ماموجود
وبعينك شفت من شيّعوأ نعشه
تدريبه علي مدفون جا المن
تاخذ تربه والمحرابه تتمشه
يحسين خويه كَلبي مكسور
يحسين خويه اتهدّم السور
ــــــــــــــــ
ياخويه صرنه احنه يتامه
والليل هيهات آنه انامه
ياجرح كَلبي المابعد طاب
عكَب الدعيناله بسلامه
راح الجان كل مصباح يتعنّه
بيني وبينك شمحلاته مكَعاده
ومن يلفي الحسن يمّنه نشوفه يكَوم
حنين وبيده يجمع ايد اولاده
يحسين خويه كَلبي مكسور
يحسين خويه اتهدّم السور
ــــــــــــــــ
هل محنه عشناهه سويه
ونعيش طف الغاضريه
وبالعاشر اتضل انت مذبوح
وعالناكَه آنه امشي سبيه
بلا راس وتريد اتكَوم بس اتطيح
صعبه اتشوف زينب تركض وتعثر
صدرك منسحكَ وضلوعك الطشّار
صارن اكثر من العايله البلبر
يحسين خويه كَلبي مكسور
يحسين خويه اتهدّم السور
ــــــــــــــــ
الشاعر محمد حسن ضيغم
ريَض يل شايل نعش الوالي .. صحت بجروحي صحت بجروحي
اشبع ردت اوداع من الغالي ... وأزيدن نوحي وزيدن نوحي
يم نعشه وانوح
ابجي واقبّل وجنته والجفوف
بلكن لعد ابنيّته ايضل يشوف
كَلبي يضل بجنازته ما يعوف
يا بويه صحت .. ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
وبحين شفت اجنازته شالوهه ...لطمت براسي لطمت براسي
هل روح صحت وياكم شيعوهه ...هلي وياناسي هلي وياناسي
بالباب حايره
دمعاتي ضلّت هامله علخدود
ونّي الفكد عقد الوله ضل يزود
راح الي عيني اتصد اله ومايعود
وبداري نحت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
ردّيت للمحراب والطم هامي ...صور مرسومه صور مرسومه
لن سود صارت بيض كل ايامي ...اشوف ادمومه اشوف ادمومه
محراب ضل يون
امسح دمه ال بعمامته وانتحب
وناري لعد مصيبته ضل تشب
دمعاتي لمصلايته تنسجب
بمحرابك طحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
بالدار اسال ليش شو عفتوني ... هلي ومهظومه هلي ومهظومه
يا حيف من اصبي نور عيوني ... صرت محرومه صرت محرومه
عذّبني اليتم
صرت الحزينه الصابره وحيل اون
قصة حياتي تنقره بالحزن
ريت بجوارك حيدره اندفن
دمعات اسفحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
هاي اصورّه وهاي كل اهدومه ...اكَالب بيهه اكَالب بيهه
اشتم عطره وروحي من اهمومه ... جمر يجويهه
شينفع هل عمر
فدوه لروحه الغاليه ... والسنين
والدار ضلّت خاليه ...من الحنين
ودموعي ضلّت جاريه ...بالونين
جم محنه شفت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
الشاعر محمد حسن ضيغم
يابعد روحي يالحسن خويه ها يابعد روحي
هالشايلينــــه منهو ياخويه ها يابعد روحي
كلي يظي العين هالشايلينه منين
ها يابعد روحي ها يابعد روحي
* * * * * * *
طافت علي خير النسه
شفت أمي الزهره .. ماحجت بس حسره .. مختنكه بالعبره
كلبي كرصني هالمسه
حسيت شي صاير .. وفكري صبح حاير .. مكسورة الخاطر
هالنفس كوه أتنفسه
فكري حزن يوحي .. مختنكه أحس روحي .. وشو نزفت جروحي
همك يخويه أتحسسه
أعرفتك حزن شايل .. جسمك صبح ذابل .. وأشكد دمع هامل
كلبي ألتوه واندار
كلي يخويه شصار
ها يابعد روحي .. ها يابعد روحي
* * * * * * *
يالمجتبى شنهي الجره
ياوارث أسيادي .. يبن النبي الهادي .. ليش السمه تنادي
دنيانه أحسها محيره
وبيها أحس لوعه .. شو جنها مفجوعه .. حسرتها مسموعه
وروحك أحسها مكدره
همك ترى همي .. جاوبني يبن أمي .. ثوبك أشو مدمي
جاوين أبونه حيدره
وين الولي وينه .. النوره مضوينه .. خيمه الابو علينه
يالحسن ليش تنوح
شصاير يروح الروح
ها يابعد روحي .. ها يابعد روحي
* * * * * * *
يرجال عزي وهيبتي
شنهي الجره أعليكم .. خويه شحصل بيكم .. شنهي أللي ماذيكم
شنهي الفجعكم يخوتي
وظل الدمع يجري .. هايابعد عمري .. مايحتمل صبري
فتتوا مهجة مهجتي
هيجتوا أحزاني .. ابهالجيه يخواني .. منظركم آذاني
لمن شفتكم دمعتي
صب المزن صبت .. وناره الكلب شبت .. من صدمته كبت
شبيكم يتاج الراس
يحسين ياعبـــاس
ها يابعد روحي .. ها يابعد روحي
* * * * * * ****
هالشايلينه يالحسن
دم راسه أمنعثر .. شو كلبي أله أتفطر .. بس لاعلي حيدر
بس شفته دمعاتي جرن
ولن غركن جفوني .. وأظلم ضوه عيوني .. يبن أمي حاجوني
كمت أحس بظلوعي أنحنن
خويه وذبل حالي .. والتوه دلاّلي .. غالي الوكع غالي
أسهام دهري نيشنن
الليله على راسي .. وصابن أعز ناسي .. وكطعن هوه انفاسي
ظلمه غدة دنياي
وشهالمصيبه هاي
ها يابعد روحي .. ها يابعد روحي
* * * * * * ****
أعليك الحبيبه فاطمه
عن الجرى أحجيلي .. لن ياكمر ليلي .. راح وركد حيلي
جاوبها يختي هالدمه
هاي التشوفيها .. وثوبي نصبغ بيها .. وما أكدر أخفيها
هاي العلي حامي الحمه
سيف الرجس جاسه .. وطبراه في راسه .. ومنه حرم ناسه
صاحت يليث الموزمه
يابويه حاجيني .. لا لا تخليني .. فركاك ياذيني
يابويه أخذني وياك
ما أصبـــــر بلياك
ها يابعد روحي .. ها يابعد روحي
* * * * * * *
سلام المشعل
قصيده الى أمير المومنين ع
بسمه تعالى
المستهل 👇
النظر في وجهك عباده
وهايه صارت عندي عاده
شلون اعوفك يا علي/ بويه أريدك ياعلي
***
الكون اشوفنه بضحكتك شلون اشوفك منطبر
بويه اكعد صلي فرظك من قبل شمس الظهر
بعد ما بي حيل افارك بيه لجمات شكثر
فاگده وظليت اعاني وانا مليت الصبر
جرحك الما بيه اروفه
انلجم كل ما اشوفه
بالحزن راح ابتلي
شلون اعوفك يا علي/ بويه أريدك ياعلي
**
بويه كتبيت الوصيه واضن ناوي اعله السفر
ولو رحت يابو الحمية بيه شيسوي الدهر
راحت امي وراح ابويه وبجي محنية الظهر
خاطري وكلبي على فكدك كسرت الجامه انكسر
حايره عيوني على شوفك
يا النظر ما بيه اعوفك
بويه اموتن لو تجي
شلون اعوفك يا علي بويه أريدك ياعلي
***
تحزمت روحي بحزنها ولدمع شك الجفن
وباجر عيوني تشوفك يا علي من تندفن
جدامي تمشي ويا اليشيعك والحزن يتبع حزن
ومن كثر هجر الليالي زينبك ظلت تون
ادري رايح ما تجيني
ياحياتي ويا حنين
ما يصح مثلك ولي
شلون اعوفك يا علي بويه أريدك ياعلي
****
بويه لجمتني اليالي وجرحي حالي معلعله
بفركت الزهراء الزجيه وفركتك كلبي بتله
ياعلي يابو الشدايد فكدك اكبر مشكله
وانا ما ظل حيل بيه شراح اظم لكربله
راح اظل بس العبايه
وكربله باجر ورايه
وياهو يبره المحملي
شلون اعوفك يا علي بويه أريدك ياعلي
****
شكثر ما احجي واسولف همومي كثره وما كظن
ومن كثر دمعي البجيته راحن عيوني وعمن
بويه يا حيدر يغالي جنت احس حظنك وطن
صبر ما ظل بيه واصبر والوطن شفته اندفن
قاسيه هواي الليالي
هيج ما جان على بالي
اتيتم انا وكافلي
شلون اعوفك يا علي بويه أريدك ياعلي
*
ابو هاجر المجراوي
#نعي
لشهادة امير المؤمنين عليه السلام
وينه الذي ابهالفجُر يرعِـد
بِعْـنان مُهره اْو خيله يلكِد
يتعـنَّه طيبه اْو بالسِّـرَه ايْجِد
اْو لْگبْر النِّبي يوم الذي ايْصِد
اِيْنادي اْو صوته للفله ايْسِد :
دَگعِد يبو اِبراهيم دَگعِد
وصيَّـك وِگع و اِصوابه يضهِد
و السَّا يريدك ليْه تگصِد
اتْـجِـعْـده اْو لعِد صدرك اتسنِّـد
و لْـجرح راسه بيدك اتْـشـِد
خِـفْـيَـه إجاه الرجِس يـلـبِـد
عامد عله راسِه اِمْـوَچِـد
و الطبره اِجتله إنچان تِـنْـشِـد
بمچان طبْرة عَـمْـرِ إِبِـن وِد
ميرزا عادل الاشكناني
راحل الوالي راحل الوالي
ويانه بس هليله
&&&&&&&&&&&&&&
بالغدر كلشي تفرهد. غصه من عشناها
شلون نتفارگ يا حيدر. هاي ماردناها
ياعمود الخيمه بعدك. دموع وشلناها
كلشي راحتنه وحلمنه. بألم من عفناها
فرگتك صعبه. فرگتك صعبه
منهو الذي نشكيله
&&&&&&&&&&&&&&&
الجان ضاوي الدنيا نوره. وفارس الميدانه
حل عله فراش المنيه تغيرت ألوانه
الباني الاسلام سيفه. وزود من ذرعانه
ينطبر بالغدر رأسه. والسمه حزنانه
والوحي كبر. والوحي كبر
حاير ودمعه ايسيله
&&&&&&&&&&&&&&
گاعد گباله الصحابه تبچي ومهظومه
جبل ممدود ابوالحمله الماتضيع علومه
وبجفوفه الشال خيبر غدر تجري دمومه
والقدر لاح وتعده واضحات ارسومه
مسافر الغالي. مسافر الغالي
مابگت باليد حيله
&&&&&&&&&&&&&&
ليلة فراگك عظيمه تحطمت آمالنه
بعد وجهك مانشوفه. وشيصير ابحالنه
من تغيب الدنيا تظلم وطحنه محد شالنه
نصيح يا والي اليتامه جرح باقي ابالنه
سيدي اخلافك سيدي اخلافك
الحمل منهو ايشيله
&&&&&&&&&&&&&&
وداعت الله ياولينه. صعبه من تعوفنه
چنت تترسهه محنه من نمد چفوفنه
كله عميه اخلاف عينك. بعد منهو ايشوفنه
انت غايتنه وشرفنه بشيمتك معروفنه
ياوصي الهادي. ياوصي الهادي
بانت علينه الميله
&&&&&&&&&&&&&
الخادم عبدالمعين الشمري
حسين خويه گلي شيكول الطبيب
ايتام أجتنه وتنشد شولنه الحبيب
جرح أبوي شگال عنه
يطيب لو نكطع الظنه
حسين خويه
حسين خويه
* * * * * * * * ***
أطلع وشوف اليتامه أبابنـــــــه
أجوا من سمعوا مصاب الصابنه
كلهم يصيحون حبنه الجابنـــه
ينكسر كلبك الحال احبابنـــه
أطفال تسأل كام لوبعده جريــــــــح
الدنيه ضاكت والهوه أصبح شحيح
خويه وهواي أنسألنه
يطيب لو نكطع الظنه
حسين خويه
حسين خويه
* * * * * * * * ***
أجت غركانه اليتامه جفونها
وصعبـه ما أكدر أصد بعيونها
خويـــه نيتهم نوارس لونـــــها
حرت من سألوني صحته شلونها
اطفال ميحملون هالهم والمرار
آنه كسروا خاطري الكلش صغار
يريدون أخبار منه
يطيب لو نكطع الظنه
حسين خويه
حسين خويه
* * * * * * * * ***
من خبر ضربة علي بالكوفه طش
ركضه أجو ولشوفته كلهم عطش
صافي حبهم لا أبد مابيــه دغش
من شفتهم هرش دلاّلي انهـرش
شايلين جفوفهم نحو السمــــــاء
وتجري سيل دموعهم ويه الدعاء
ويونون شلون ونه
يطيب لو نكطع الظنه
حسين خويه
حسين خويه
* * * * * * * * ***
شاهدوني وبجوا وأتجهوا ألي
وهاچ كالوا والدمع سيل يهلي
لبن هذا أحنــه جبنــاه لعلي
فدوه أخذيه أمن أدينه للولي
كلنه جبنه وركضه جينه معتنين
من سمعنه يفيد أميـــرالمؤمنين
أخذيه إله يابعد أهلنه
يطيب لو نكطع الظنه
حسين خويه
حسين خويه
* * * * * * * * ***
كل يتيم مصاب حيدر هزه هز
وكل جرح رد وألجم هاليله فز
علي بكلوب اليتامه جرحه حز
وهمه عد حيدر ترى من ولده أعز
شكد معزه بكلبه شايل لليتيم
شكد يتامه علي معيشها بنعيم
ويه أبوي العشره جنه
يطيب لو نكطع الظنـــه
حسين خويه
حسين خويه
* * * * * * * * ***
علي ماينجب بعد مثلــه الزمن
وعلي قبله للّي توليـــــه المحن
عالفقير المرتضى من أهله أحن
وللّي ماعنــده وطن حيدر وطن
معزته بعز الهوه عند الفقيــــــر
وبعد لومات الهوه شنهي المصير
تموت وياه المحنه
يطيب لو نكطع الظنه
حسين خويه
حسين خويه
* * * * * * * * ***
سلام المشعل
ياقالع الباب
من تــشتــد علي الها
من تنحل علي يحلها
اشما تتعسر الحاجات
هــو اللــي يسهـلـهــا
ـــــــــــــــــــــــــــــــ
الغوث الغوث يابوحسين .. يابوالغيرة ياكرار
يمفسر علـوم الـــدين .. ياباب النبي المختار
يافارس بـدر وحـنين .. موت ويرهب الكفار
وحـدة مـاتصـير اثنين .. كلمة حيـدر الكرار
والرب يشهد افعاله
وماينــعـدن افضاله
بيده يلين الصعبات
وهو اليعرف اولـهـا
ـــــــــــــــــــــــــــــ
ياسيف وبخت ياجود .. ياراية نصر وايمان
وعد الباري ياموعود .. يابسم الله يارحمان
روح الهادي يامحمود .. وبصدره نزل قرءان
ياحد ماتحـده احدود .. لمـن ينزل الميـدان
فارس والحرب يومه
وينفض بالوغه اهمومه
حبك وصفه للكلمات
وانت اللــــي تجملها
ــــــــــــــــــــــــــــــــ
ياحصن الله يامعروف .. وبچفك قلعت الباب
لامتخاف وانت الخوف .. ريح وعاليضدك هاب
بخاتم عزبت الضيوف .. وانت تصلي بالمحراب
غيرك عيني لامتشوف .. حبك للجنان اكتاب
واليتبع علي وحزبه
فاز ومطمئن گلبه
ويل جودك ينقي الذات
والــروح يــتــكفــلــهــا
ـــــــــــــــــــــــــــــــــــ
لـــو ماانت يامولاي .. عن هالدين چا ظليت
لامبدأ الي ولا راي .. لافي حبك تربيت
عندك معجزات اهواي .. يلي بكعبته انولديت
وشمس الله الشهود بهاي .. من ردتلك وصليت
يعلم الله بـــ اسرارك
الهاي المرتبه اختارك
رحمة وبيدك الرحمات
وبأذن الــلــه تنــزلـهـا
ـــــــــــــــــــــــــــــــــ
شلون تموت وانت الموت .. زينب ياعلي تنادديك
من خلوك بالتابوت .. ونت ون يتامى اعليك
يابو الفقرة افجع صوت .. صوت الفقره لو مر بيك
انحب والدمع بسكوت .. بويه لو يمر طاريك
تنشد ياعلي ايتامك
ياهـــو يرجع ايامك
راحت ياعلي ابلياك
هسه الخوف كاتلها
الشاعر فاروق الغنامي