tajalzahraa1 | Неотсортированное

Telegram-канал tajalzahraa1 - 🌴تجمّع الزهراء ع العاشورائي🌴

7626

خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد

Подписаться на канал

🌴تجمّع الزهراء ع العاشورائي🌴

قصيدة للسيدة خديجة عن الزهراء عليهما السلام

يمه ياخديــــــجة تريدچ العين
متعودة اعله طولچ لاترحلين
بيتي اظلم علية    يالرحتي من ادية
_
يا بيت الحنان البي عشت عمري
بعدچ يمه اعيش اشلون ما ادري
بيتي ابلاية ام اشعر صبح كَبري
وحشة ومظلم وحزن ودمع يجري
هيهات الزمان ابمثلچ ايعود
دمعاتي بغيابچ تاكل خدود
منچ ماكو جية    يالرحتي من ادية
-----------------------------------------
يالروحي تردلي من اشم عطرچ
اتمـــــنى لون عمري فدة لعمـرچ
دفنت سنيني كلها بلحدچ وگبرچ
عفتيني وتغييب بالترب بدرچ
مشتاگة وتريدچ يمة العيون
شيعوض حنانچ واصبر شلون
مو انه الزچية    يالرحتي من ادية
-----------------------------------------
يشعر باليتم كلــــمن تـــــروح امة
يتـــنفس حزن كلما يـــــشم نسمة
راحت مَّن الية من العرش رحمة
غابت وبحـــــياتي نزلت الظلمة
ياشمعت حياتي اظلم البيت
جاوبني الصدى لو يمة ناديت
تكتلني المسية   يالرحتي من ادية
---------------------------------------
مثل الام فلا يحصل شخص ثاني
طيــــبتها وحــــــنان البــــــيهه رباني
كـــــل ليلة الحنــــــــين لامي وداني
طيفچ من يمرني بگلبي صاباني
بس ذكرى بخيالي تمر بالاحلام
يابـــــــيت النـــــــبوة وام الاســــــلام
بس دمعة جرية.    يالرحتي من ادية
-------------------------------------------
يالكلشي بحياتي بي اثر منچ
تعلمت الحزن والونه من ونچ
صاباني الدهر من ابعدت عنچ
تعيشين بكياني ويمي احسنچ
ابكل لحظة بحياتي انتي وياي
شلون انسه العزيزة ولبت حشاي
الموت شسوة بية.   يالرحتي من ادية
------------------------------------------
أسالكم الدعاء رائد الاسدي

Читать полностью…

🌴تجمّع الزهراء ع العاشورائي🌴

https://youtu.be/d2R5o3PqKi8

_*نخوه لسيده خديجه*_ 💔


_*ياخديجه ... ياخديجه*_
_*جيت أمد جفيني .. طلبه لا تخيبيني*_
_*ياخديجه ... ياخديجه*_

🙏🏻😭___

انخاج جيت ودمعتي بخدي جريه
مولاتي هذي حزيتج حني عليه
اقسم عليج بهالقسم يم الزجيه
بلايا شك انتي تعرفين الي بيه
خادمج تدريني .. طلبه لا تخليني
ياخديجه ... ياخديجه

🙏🏻😭___

اتوسلج وقسم عليج ودمعي صوبين
طلبه اطلبج يالجليله بجاه البيتين
يالي تناشدني عليمن تهمل العين
كل العزه والنوح والحسره على حسين
حاشه مترديني .. طلبه لا تخليني
ياخديجه ... ياخديجه

🙏🏻😭___

وقت الشدايد والمحن بابج نقصده
لن الموالي غير بابج منهو عنده
بجاه الي من سم العده تقطعت جبده
الله يفرج عنا كل ضيقه وشده
بشدتي حضريني .. طلبه لا تخليني
ياخديجه ... ياخديجه

🙏🏻😭___

قاصد على بابج انادي ودمعي منثور
ومن المصايب ياخديجه قلبي مفطور
انخاج نخوه بلذبيح بيوم عاشور
ولي بخيل الاعوجيه صدره مكسور
بهالطلب عينيني .. طلبه لا تخليني
ياخديجه ... ياخديجه

🙏🏻😭___

جينا نطوف بحضرتج مثل الحياره
نسأل من الله والدمع بلخد جرى
جينا نطوف بحضرتج مثل الحياره
نسأل من الله والدمع بلخد جرى
ننكتب ويه المهدي بجملة انصاره
والمنذبح في كربله ناخذ ابثاره
هذي منيت اسنيني .. طلبه لا تخليني
ياخديجه ... ياخديجه

🙏🏻😭___

نسألكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي

الشيخ عبدالحميد الغمغام

Читать полностью…

🌴تجمّع الزهراء ع العاشورائي🌴

#توسل
طور الفراق

يا خديجه .. الليله أناديچ بدمعتي
يا خديجه .. فرجي مولاتي كُرُبْتي
يا خديجه .. وارحمي ادخيلج غُرُبْتي

يا خديجه .. واگف ومديت اديه
يا خديجه .. ودمعتي ابخدي جريه
يا خديجه .. خاطر ادموع الزچیه


طور: سامحيني
بالزچیه  .. بالزچیه
والجرى اعليها دخليچ هالمسيه
بالزچیه  .. بالزچیه
نظره منچ بيها تنحل كل قضيه
بالزچیه  .. بالزچیه
لا ترديني يَمن كلچ عطيه
بالزچیه  .. بالزچیه
والله ضاگت دنيتي مولاتي بيه
_
#فاطمة_كريم

Читать полностью…

🌴تجمّع الزهراء ع العاشورائي🌴

نعم أيتها المواليات نتعلم من السيدة خديجة(ع)
كيف نكون محافظات على الحشمة  على الحجاب والعفة  وكيف نجعل ما نقوم به من أعمال صالحا خالصا لوجه لله ولكسب آخرِتنا ونتعلم منها أن مخافة لله
الله فوق الدنيا ومافيها...

الكـوريز)
لاحول ولاقوة الابالله العلي العظيم
نعم عندما كانت السيدة خديجة (ع) في الرمق
الآخير من حياتها أخذت توصي بوصاياها لرسول الله
(ص) وطلبت منه أن يدعو لها بألخير وأن يلحدها بيده. وأسلمت الروح لبارئها والقت برحيلها في
العاشر من شهر رمضان بالكرب والأحزان على قلب
النبي (ص)...
ـــــــــــــــــــــــــــــــ✧
هذا والحمدلله رب العالمين
✍🏻ايمان عباس..

  

Читать полностью…

🌴تجمّع الزهراء ع العاشورائي🌴

صلى الله عليك يامولاي يارسول الله
صلى الله عليك سيدي ياابا عبدالله يامظلوم كربلاء
صلى الله عليك وعلى الأرواح التي حلت بفنائك ياغريب ياعطشان
روحي وارواح العالمين لك الفداء يامسلوب العمامة والرداء😭💔
السلام عليك ياامير المؤمنين
السلام عليك ياابا الحسن والحسين

تبكيك عيني بالدموع الجاريه
لما حل بك في المحراب من الم
ضربة على الهامه اردتك الى الارض
بسيف الغدر فياله من جرم
باب الله انت وحبيب قلب المصطفى
قال فيك الهادي يابا الحسن ياعلي  انت لمدينة العلم
وقد هدمو مدينتا لي وأنت بابها
بضربة على الرأس سال منها الدم

✦❥※❥※✿✿※❥※❥※✿✿※❥※❥✦نعي بحق استشهاد #اميرالمؤمنين عليه السلام



كأني بلسان حال مولاتي #زينب الحوراء عليها السلام تنظر الى نعش أمير المؤمنين وقد حمل الى المقبرة نظرت بعين العتب الى أخيها #العباس والدموع تجري من عينها دون انقطاع
ولسان الحال👇😭😭😭😭



الشال النعش چا مامنعته
وماعطلت  ليه  طلعته
علما تجي وتنوح بته

نعش النويني عطله إليه
افل الچفن بثنين أديه
ابچي واگله اشلون بیه

لگظيلي يم الحيد نوبه
واصرخ وادگ عالراس صوبه
وابعد بعد صارت ادروبه

اهنا يالماخذ الوالي دجيبه
خل عالنعش تبچي النجيبه
تگله بعد عينك غريبه

يومك صعب واشسوه بيه
والعشره ماهانت عليه
فليتها انته وهاي هيه

حيدر يبويه ونور عيني
جيت ارد اسمعك دحاجيني
گلي اشحصل  بينك وبيني

اليوم الصبح شالو دلالي
شالو ابونه الحيل غالي
برض النجف دفنو هلالي

طول العمر مافارگاني
چالیش خلاني وجزاني
لارد علي لاناشداني



تمت

العمل مهدى إلى مقام حضرة مولانا الإمام #علي بن موسى الرضا عليه السلام


*أم علي رضا الشريفي الحسيني

Читать полностью…

🌴تجمّع الزهراء ع العاشورائي🌴

لطمية في  ليلة جرح الإمام علي عليه السلام 

آيبويه يا مصابك  يا علي
يا ولي الله يا نعم  الولي 

آه ويلي شلون ظالم يعتنيك
حين با المحرب ابن ملجم  يجيك
هشمه راسك أو يتجاسر عليك
اعليك همي بوية ابد ما ينجلي

✍🏻خادمة اهل البيت عليهم السلام العلويه ام سيد مهدي الموسوي
/////////////////
شلون اكدر انسى طبرت هامتك
روحي شاغت من شفتها اعمامتك
بالدماء املطخه يا جبهتك
وصرخت ايتامك ابحضنك تعتلي

✍🏻زينب الواسطي
/////////////////
صرخت ايتامك تنادي حيدره
انهدم ركن الدين وانا مــكدره
الدنيا مرجونه عليك ومــغبره
هيبتي وروحي يبويه وكل هلي

أم صــ✍️ــــادق المنصوري
/////////////////
انت كل عمري وحياتي ودنيتي
مارضيت بيوم تهمل دمعتي
شلون عايفني يبويه بحيرتي
منهو غيرك اليگلي ادللي
*✍🏻أم عبــــــد اللــــــــــه العابـــــــــــدي*
/////////////////
ايروح ياحيف الدلال ابغيبتك
اشلون اصبر يالحنين الفرگتك
صعبه يابويه عليه روحتك
عيني تفرح بيك من تجبل الي

✍️أم أحمد الساعدي
/////////////////
عيني تفرح من تصد الصورتك
هسه تدمع من تناضر طبرتك
صدگ ناوي اتفارگ انت ابنيتك
وگلبي بعدك بالمصايب يبتلي

خادمة آل البيت ع
ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 4/ رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

Читать полностью…

🌴تجمّع الزهراء ع العاشورائي🌴

قصيده للامام علي "ع" لسان السيده زينب "ع" تقرأ ليله الاستشهاد 😭
❥❥❥❥ـــــــــــــ❁❁ـــــــــــــ❥❥❥❥
صار اسمي اليتيمة اشلون بيه
ثگيله اهـــــواي هالچلمه عليه

ثگيله بثگل الاجبال
تخـــلي الدمع همال

شحلات العدها ابو تگعد ابفيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
راح البيه اشوف الدنــيه كلها
الضحكته وگـعدته لا ما املها
جبيره فرگته روحـــي تسلها

راح الابـــــو ياحيف
يذبح فگده عالكيف

يذبح فــــــــگده خله يرد اليه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
بالغروب اليتيمه ابحــالها اشلون
تشوف العدهـا ابو بيها ينشدون
والماعدها ابو تفـــضحها العيون

تضل تهل بواااچي
لفگد زين لمحاچي

العافاهــا الابو تــعيش بخطيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
بخطيه تعيش گـلمن مات ابوها
تضل تعتـــــــب عليه لو لوعوها 
تدز اعــــــتاب اله من يهضموها

تعاتب زين الاطباع
تگله ارجعلي ابساع

ترد لــــــــــو ماترد لو الك جيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
ياليتـــــــيمت زينب گـوم ليها
تره يفت الصخر بعـدك بجيها
ياحـــــــيدر علي عينك عليها

لتخليها تنحب
فركتك تدري تصعب

شــــدت ليــــــش وياي المنيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
شد وياي ليش الموت واخذاك
يريت انه اندفن بترابك اوياك
لان ما احــــــتمل عيشه بلياك

مره العيشه بعدك
غفه عالترب خدك

متعـــــــــوده تمرلي كل مسيه
صار اسمي اليتيمة اشلون بيه
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

Читать полностью…

🌴تجمّع الزهراء ع العاشورائي🌴

قصيدة لوحشة الاب

هالسنه ابرمضان بس دمعي يلالي
الوالي نايم بالكبر وامچانه خالي

لو يجي وكت الفطور ** يضل دلالي يفور

عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
هالسنه ابرمضان تانيته يجيني
والله من فرگاه احس عميانه عيني
چا بعد يمته يجي يسكت ونيني

وسفه ماجاني الولي ** نايم بتربة علي

عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
نايم بتربة علي وانه احن وشتاگ
العيد جاي وانه بس ابچي من الفراگ
آخ يا جمره ابدليلي والله حراگ

كون يالوالي يمرني ** فراكه جم كسره كسرني

عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
فراكه جم كسره كسرني حلو الاطباع
اهظيمه عافاني انتحب وجمري لساع
اهظيمه ابو روح الحنينه نام عالگاع

آخ يفراگه عماني ** انتضرته وما اجاني

عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
آخ يفراگه صعب ما بيه احمله
كون بس ياكون احضننه واكله
فركتك يالوالي صعبه و موش سهله

ردلي يا طيب الگلب ** شلك بنوم الترب

عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
شلك بنوم الترب يالوالي ردلي
يمج انه يالبنيه الفيت كلي
لا تكلي بالدمع يالرحت ضلي

بعد مابيه صبر ** ميته روحي من القهر

عالمشه وخلاني اون مشدوه بالي
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
رحم الله من قرأ سورة الفاتحة الئ ارواح المؤمنين والمؤمنات وبالخصوص
روح المرحوم محمد ابن سالم

Читать полностью…

🌴تجمّع الزهراء ع العاشورائي🌴

قصيدة في مصاب أمير المؤمنين علي عليه السلام  ،  لسان حال زينب عليها السلام  .
ـــــــــــــــــــــــــــــــــــــــــــــــــــــــــــــــ


يجيني  العيد  وَذكُر روحِتك بالعيد
عفتني بوِليَة احزاني ومِشَيت بعيد

عِشِت أيام         بقهر أيتام

ــــــــــــــــــــــــــــــــــــــــــــــــــــــــــــــ

كتر  گبره  تصد  وتجذب  الونه
لونك   تگعد  تشاهد   مصايبنه
عگب عينك علينه زادت المحنه
أبد  ما  بينا  واحد  عاش  وتهنه
أمس  طه  تركنه  وفاطمة  أمنه
وفگدناك وچنت يا بويه خيمتنه

چنت للدار  شمعتهه چنت  للدار
وغدت ظلمة علينا يا علي الكرار

بهضم والام         بقهر أيتام

ــــــــــــــــــــــــــــــــــــــــــــــــــــــــــــ

يبويه عصفت ارياح الكدر والهم
رحت وبروحتك غيم الوسافة إلتم
ونهار الكوفة عگبك يا علي أظلم
الأرامل واليتامى بيهه من يهتم  ؟
ولجلهم   يجذب   بآهاته   يتألم
تراك بطيحتك ركن الهدى اتهدم

ردت  گبلك  يبويه  تنضرب  هاماي
وضمك لحظة الطبرة بوسط عيناي

بدليلي تنام         بقهر أيتام

ـــــــــــــــــــــــــــــــــــــــــــــــــــــــــــــ

على افراشك ذكرتك من توصينه
وأمانه   بيد  أبو   فاضل  تخلينه
وتگله لا تقصر  ويه  أبو  اسكينه
أبو  الغيرة  بذل عينه وي چفينه
دواهي الدنيا بالطف أوجرت بينه
أريد  اﺣچي  وإلك أشرح مآسينه

دريت شصار يا حيدر دريت شصار  ؟
تشب   النار   بخيامي  تشب  النار

بفعل ظلام         بقهر أيتام

ـــــــــــــــــــــــــــــــــــــــــــــــــــــــــــ

گضوا بالطف اخوتي ولا بگه  والي
وتوذر   عالنهر   عزي   وي   دلالي
وتون  ليلة  يعبد الله  المهد  خالي
يتامه  وخدر  الشدهتلي   احوالي
عفت عالعلگمي احلامي ويه آمالي
وبو  اليمه  ارتفع راسه برمح عالي


سبايه يا علي وتنظر علينه الناس
وحيدة  لا  أبو  اليِمّه  ولا  عباس

فگدنا ازلام         بقهر  أيتام

ـــــــــــــــــــــــــــــــــــــــــــــــــــــــــــ

ذكرتك   والدمع   يشرحلك ٱشبيه
أسيرة  يا  علي   لدهري   ومآسيه
بهضم يطلع صباحي يا علي اعليه
وتراويني   المنية   احزاني  ليليه
صعب  أنساهه  ونّة  سكنة ورقيه
رحيلك    سِر    يعذّبني   وعَلانيه

شبه ميتة وذكرك  واذكر  اخواني
وگول انسه لچن يخذلني نسياني

بخرابه انّام        بقهر أيتام 

ــــــــــــــــــــــــــــــــــــــــــــــــــــــــــ

بقلم الأستاذ /  ستار عذاب الحچامي

Читать полностью…

🌴تجمّع الزهراء ع العاشورائي🌴

قصيدة موكب الزنجيل  ،  في مصاب أمير المؤمنين علي عليه السلام  ،،،،،،،

ـــــــــــــــــــــــــــــــــــــــــــ


حيدر أبو السبطين صابوا جبينه
وزينب تنادي شلون غدروا علينه

ـــــــــــــــــــــــــــــــــــــــــــــــــــــــ

زينب تصد وتنوح  والدمعة  تهمي
راسك يليث الغاب يا وسفة مدمي
مصابك كلف چتّال ريت أمي يمي

تواسيني بالدمعات زهرة نبينه

ــــــــــــــــــــــــــــــــــــــــــــــــــــــــــــ

ذاب الگلب بحشاي وعيوني هملَن
دين  الله  بالمحراب  اركانه  مالَن
طاح الوصي الكرار ودمومه سَالَن

ناح العرش والكون أسمع ونينه

ــــــــــــــــــــــــــــــــــــــــــــــــــــــــــــ

بسابع سما الأملاك گامت تنادي
بسيف الحقد مغدور خير العبادِ
ريته وعسن مشلول چف المرادي

ظلمة اصبحت كوفان وتيتمينه

ــــــــــــــــــــــــــــــــــــــــــــــــــــــــــــــ

مِن شافته أم چلثوم صاحت يوالي
موقف  صعب  ما  يوم  مر  علبالي
راسي  انطبر  ياريت  گبلك   يغالي

عگبك دمعنا ايسيل وتعذّبينه

ـــــــــــــــــــــــــــــــــــــــــــــــــــــــــ

زينب تصيح شلون جرحك يحيدر
لونك   تبدل   ليش   حالك   تغير
گلبي  علمودك  ذاب جمراته تسعر

معقولة أبو الحسنين راح امندينه

ـــــــــــــــــــــــــــــــــــــــــــــــــــــــــــ

وصدر الحَسَن چانون يسعر لهيبه
حاير يبويه ادواك من وين اجيبه
جرحك جرح چتّال أيّس طبيبه

حالك يبويه اليوم يصعب علينه

ــــــــــــــــــــــــــــــــــــــــــــــــــــــــــ

عِد راسه أبو السجاد يجذب حَسِرته
عينه   علبيه   ادير   ساعة  علخيته
وگلبه  التهب  نيران  تسعر   جمرته

ظلّينه عگبه ايتام نصفج بدينه

ــــــــــــــــــــــــــــــــــــــــــــــــــــــــ

وصى البطل عباس بالحرة زينب
دگ صدره ابو النوماس والغيرة تلهب
كافلهه  أنت  تصير  للطف  تِأهّب

مِن هسه أنت تصير حامي الظعينه

ـــــــــــــــــــــــــــــــــــــــــــــــــــــــــ

حاچاهم  الجرّاح  ما  شفنه  طبره
سِمهه الوصل للراس حِسمَتله أمره
عَهدك إعِهده الحين ووصيتك اقره

وفاضت لرب الكون روحه الأمينه

ــــــــــــــــــــــــــــــــــــــــــــــــــــــــ

بقلم الاستاذ  /  ستار عذاب الحچامي

Читать полностью…

🌴تجمّع الزهراء ع العاشورائي🌴

*فزاعيه مع هوسات للامام علي(اهتز الكون)*
من ديوان📚 عبرات وأنين ج  9 يحتوي على باب خاص للامام علي ع
❥━──➸➽❥❂❥━──➸➽❥❂
اهتز الكون لمن طاح ابو حسين
عالهامات الطمو           ياموالين
❥━──➸➽❥❂❥━──➸➽❥❂
عالهمات الطمو واعله الصدور
طاح اليوم منه الراس مطبور
محمل يا علي وشايل للگبور
*(والحره تنوح مخليها)*
❥━──➸➽❥❂❥━──➸➽❥❂
تون اليوم مهضومه اعله ابوها
عالهامات الطمو وساعدوها
حيدر والزجيه يتموها
*(بالدار اتون المهضومه)*
❥━──➸➽❥❂❥━──➸➽❥❂
تون بالدار مهظومه العقيله
تدك عالراس والمدمع تسيله
شال الحيد عنهه فرد شيله
*(شيال الهم ما رد ليهه)*
❥━──➸➽❥❂❥━──➸➽❥❂
رحل شيال همها وغرب ابعيد
خلاها يتيمه ابليلة العيد
تصيح بصوت اخذني اوياك ياحيد
*(والموت ارحم من افراگه)*
❥━──➸➽❥❂❥━──➸➽❥❂
الموت ارحم ولا فرگت الوالي
بته تون عليه كل الليالي
تصيح بصوت ياعزي ودلالي
*(شلك يابويه بهالنومه)*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*

Читать полностью…

🌴تجمّع الزهراء ع العاشورائي🌴

نفيسه آيه امن الحسن آيتها
ومعروفه ما خابت ابد دعوتها
@@@
بنت الحسن مثل الحسن من جوده
ومعروفه بحظان الشرف مولوده 
ورعه وتقيه وعالمه ومحموده
هالعابده املاك السمه حيتها
@@@
الگاصد گبرها بس يجي للحظره
يصبح شعوره چان زار الزهره
ويلي الغريبه الصابره المنقهره
بالقاهره رفت هدى رايتها
@@@
بنت الولايه ومنعرف الها الشان
بالليل ما تطبگ عباده الاجفان
واتسبح اويها ابذكرها الاكوان
وما خابت ابدن للسمه دعوتها
@@@
عدها ابگلبها المنصدع جرح اهوايه
لظلت تنوحه وتندبه ابوا دنياي
مابين ضلع وضامي ماضاگ الماي
ورثت مصايب مابرت غصتها
@@@
هاللي لياليها ابهضم مطويه 
وماتت غريبه بس گضت محميه  
ما چنها عمتها الگضت مسبيه
مفجوعه من طف كربله بخوتها
@@@
ماشفتي يابنت الهدى العفيفه
هالشافته اسكينه مع شريفه
عالهزله مشوهن بني السقيفه
وارجاس اميه بالحبل سحبتها
@@@
حگچ اذا تگضي حزن لين البين
لطشت الحسن لون طشت راس حسين
مو چبده وحده امطشر لچ چبدين
بالسم لون سهم العدو فتتها
@@@
علي أحمد الحمود
١١-٣-٢٠٢٤
وفاة نفيسه ع

Читать полностью…

🌴تجمّع الزهراء ع العاشورائي🌴

لطمية في  ليلة جرح الإمام علي عليه السلام 

آيبويه يا مصابك  يا علي
يا ولي الله يا نعم  الولي 

آه ويلي شلون ظالم يعتنيك
حين با المحرب ابن ملجم  يجيك
هشمه راسك أو يتجاسر عليك
اعليك همي بوية ابد ما ينجلي

✍🏻خادمة اهل البيت عليهم السلام العلويه ام سيد مهدي الموسوي
/////////////////
شلون اكدر انسى طبرت هامتك
روحي شاغت من شفتها اعمامتك
بالدماء املطخه يا جبهتك
وصرخت ايتامك ابحضنك تعتلي

✍🏻زينب الواسطي
/////////////////
صرخت ايتامك تنادي حيدره
انهدم ركن الدين وانا مــكدره
الدنيا مرجونه عليك ومــغبره
هيبتي وروحي يبويه وكل هلي

أم صــ✍️ــــادق المنصوري
/////////////////
انت كل عمري وحياتي ودنيتي
مارضيت بيوم تهمل دمعتي
شلون عايفني يبويه بحيرتي
منهو غيرك اليگلي ادللي
*✍🏻أم عبــــــد اللــــــــــه العابـــــــــــدي*
/////////////////
ايروح ياحيف الدلال ابغيبتك
اشلون اصبر يالحنين الفرگتك
صعبه يابويه عليه روحتك
عيني تفرح بيك من تجبل الي

✍️أم أحمد الساعدي
/////////////////
عيني تفرح من تصد الصورتك
هسه تدمع من تناضر طبرتك
صدگ ناوي اتفارگ انت ابنيتك
وگلبي بعدك بالمصايب يبتلي

خادمة آل البيت ع
ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 4/ رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

Читать полностью…

🌴تجمّع الزهراء ع العاشورائي🌴

*قصيده للإمام علي (عليه السلام)*
*من📚 ديوان دموع وعبرة في رثاء العترة الجزء الاول*
❥━──➸➽❥❂❥━──➸➽❥❂
*يبو الحسنين -- ينور العين -- مصابك حيل اذاني*
*اصيح بصوت -- خذاك الموت -- وفگدك غير الواني*

❥━──➸➽❥❂❥━──➸➽❥❂
اصيح بصوت يا بويه مصابك هدمه لحيلي
ظليت اجذب الونه عليك وما نمت ليلي
اجر ونه باثر ونه وبس الدمعه تحچيلي
ترد اردود -- يبويه تعود -- بغيابك دهري فجعاني
❥━──➸➽❥❂❥━──➸➽❥❂
بوجودك عايشه بهيبه بت حيدر علي الكرار
تهاب الناس من اسمه يا روح النبي المختار
وسفه البين طشرنه وظلت بس تنوح الدار
تون الدار -- على الاطهار -- وأنه أوجرت نيراني
❥━──➸➽❥❂❥━──➸➽❥❂
الحسن وحسين يتباچون ويونون لمصابك
تمنيتك چنت موجود يابويه وادك بابك
تنعى وتلطم النسوان يالمصيوب محرابك
على المحراب -- تون يا ياب -- ونك هيج احزاني
❥━──➸➽❥❂❥━──➸➽❥❂
ديوانك يظل مظلم الدار مكدره وظلمه
تظل زينب تون وتصيح  تنادي بصوت يا يمه
شلتو من وكت عني وروحي عايشه بهظمه
حرمني البين -- من الطيبين -- ودهري بهظم خلاني
❥━──➸➽❥❂❥━──➸➽❥❂
حرمني البين من امي وهالدار اعله أبوي اليوم
اصيحن وحدي عفتوني واعله الدار اون واحوم
كتلني فراگم يهلي وظل گلبي بحزن مالوم
يحامينه -- ويوالينه -- سهم فرگاك صاباني
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلويه مريم النور*
*نسألكم الدعاء الفاتحه الى روح اختي وﻷمواتكم:*🍃

Читать полностью…

🌴تجمّع الزهراء ع العاشورائي🌴

عمري خدمه ومنبر .. وحيي مجلس حيدر
                   حان العزاء
                   حان العزاء
*

عايش ابهاي المجالس عمري خلص خادم
صدري بيه مطبوع چفي من كثر مالاطـم
الراد يحظر هل مئاتم گلبـــه يخلص لازم
حتى يسجل موالي امواسي دمعة فاطـم

اتريد شانك يكبر ... اخلص ابگــد قنبر
                  حان العزاء
                  حان العزاء
*

والله كل خدام حيــدر عل نعم محسوده
اتحشدو صوب المجالس بالهدوم السوده
ابليلة الجـرح البليــغ اگلوبـــــهم ممروده
اوحظرت اوياهـم تعـزي فاطمه موجوده

مجلسه بي واهس ... وبينه غيرت عابس
                   حان العزاء
                   حان العزاء
*

بيه حرگه وبيه لهفه المجلسـه اتوديني
اومـن أتيـه دربه واللـه گلبــي اليدليني
من اقصر عن خدمـته اوباجر ايلاگيني
ابيا عذر اطلعله لمن يحط عينه ابعيني

والخدم بحساسه ... يمه يرفع راســه
                  حان العزاء
                  حان العزاء
*

خادم الخــدام عنــدك يا علي سجـلني
مذنب وأرجـاك اجيت ابمجلسك ادبني
ياهو يقبلــني يحــــيدر كون ما تقبلني
الك خادم عمري خلص ماضن اتفشلني

خادمك سميـني ... هل شرف يكفيني
                حان العزاء
                حان العزاء
*

بالدعـاء مديت اديــه نضــره منــك رايــد
يا علي اتوسـل اجيت ابـاب عطفك گاعـد
اوياك بالمجلس يحيدر جن احس متواعد
گلبي گلي اليوم تحظـر يمنه واحـد واحـد

شنسوه احنه ابدونك … اي وحق اعيــونك
                       حان العزاء
                       حان العزاء
*

              الخادم
     ✍ كامل السعيدي

Читать полностью…

🌴تجمّع الزهراء ع العاشورائي🌴

https://youtu.be/9uhP8hrY5VM

_*يا أم المؤمنين*_ 💔😭


_*أمنا انتي ... ياأم المؤمنين*_
_*رايه صرتي ... ياام المؤمنين*_

◾🔷🔹____

انتي يالجنتي لمحمد مسند وعون
والله كل مسلم حقيقي إلج مديون
عالنبي ذيج الشدايد جانت اتهون
يامن بطباعج وفيه وكلج احساس

*امنا انتي ... ياأم المؤمنين*
*رايه صرتي ... ياام المؤمنين*

◾🔷🔹____

وي رسول الله وقفتي دون الرسهام
جانت اهل الجاهليه تعبد اصنام
مثل ابو طالب يقينج طول الأيام
جانت اعله النبي الهادي اعيونه حراس

*امنا انتي ... ياأم المؤمنين*
*رايه صرتي ... ياام المؤمنين*

◾🔷🔹____

الج ايام الرساله شقد عناويين
لون مو حيدر وانتي ماثبت دين
الله ردج لحبيبه ابامر تعيين
منهو مثلج صار عدنه هيجي أُمايه

*امنا انتي ... ياأم المؤمنين*
*رايه صرتي ... ياام المؤمنين*

◾🔷🔹____

انتي والكرار حيدر اصل الايمان
وين عنكم بلمعارف نادو أفلان
كل شخص ينكر فضلكم ماله وجدان
ياخديجه وبيج صار الفضل ينقاس

*امنا انتي ... ياأم المؤمنين*
*رايه صرتي ... ياام المؤمنين*

◾🔷🔹____

والله واجب اسمج من نذكره نوقف اجلال
والله ملعون الي ينكرج يم الافضال
علي بذو فقاره جاهد وانتي بلمال
والله يكون اتراب جدمج هسه ينباس

*امنا انتي ... ياأم المؤمنين*
*رايه صرتي ... ياام المؤمنين*

◾🔷🔹____

جلمه كلمه اقولنها وريدن يسمع الغير
انتي ذرية محمد منج اتصير
الله قد اعطا محمد كوثر الخير
منج الكوثر اصلها وانتي الاساس

◾🔷🔹____

نسالكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_
لا اجيز حذف اسمي

الرادود ... علي باشا الكربلائي
الشاعر ... وسام الشويلي

Читать полностью…

🌴تجمّع الزهراء ع العاشورائي🌴

وفاة السيده خديجه ع



ماقصرتي وفيتي.... الدين الباري ضحيتي
جزاج الله الف خير ... من جبتي الزجيه
صارت ام الحسين... خيمه اعله البريه
.....................

سلام الله ورسوله وكل الأملاك
الروحج يالوفيه
خديجه الكبرى اسمج ساكن الروح
من كد مانقيه
من كل النساء اختارج الله
ونطاج الزجيه
هيبه وفخر فاطم بالكرامات
ترست هل وطيه

سبحان الله الانطاهه... أم الساده سواهه
بنت النبي المختار... ذخر الهاشميه
صارت ام الحسين... خيمه اعله البريه
................

خديجه انتي المحمد سند وحزام
رسول الله ويودج
ام بيته وكريمه وطيبت الذات
نطيتي كلشي عندج
اخلاصج للنبي والدين الإسلام
بي منفرده وحدج
حضنتي الدين حضنت ام للاولاد
رغماً عاليضدج

عشرتج للنبي تسوه... انتي بكل زمن قدوه
تاريخج للأجيال... عنوان وهويه
صارت ام الحسين... خيمه اعله البريه
..................

گالاهه النبي ومو كلمه تنكال
لا بل عن دلاله
بسيفه المرتضى وانتي بالاموال
حققتوا العداله
دين الباري هذا وگلبج ايريد
دين الله ووصاله
بفضالج محمد سولف هواي
ياحبه وحلاله

خيرج ابد ماينفض... خديجه ام گلب ابيض
وجودج للنبي جان... راحه امن الاذيه
صارت ام الحسين... خيمه اعله البريه
....................

محمد من يشوفج گلبه يرتاح
ويروح التعب كله
تعب هل دنيا صارت عله المختار
ويمج يذب حمله
يجي امن الغار ويسولفلج الصار
وكلامج مايمله
رضه الله ونبيه غايتج هاي
وباقي الناس سهله

شانج بالسمه عالي... وذكرج خلد للتالي
ياشمعه وتضوين.... وجفوفج سخيه
صارت ام الحسين... خيمه اعله البريه
...................

عام الحزن ضل وناره بالروح
ماعافت محمد
نكسر گلبه بغيابج ياضوه العين
وضل حزنه ايتجدد
يالكلج مواقف عنه تمشين
وتجري دموعه عالخد
من حبه الج ضل النبي اينوح
وبكبرج توسد

رحتي وروحتج صعبه.... عام الحزن والغربه
ضلوا بعدج احباب.... مدامعهم جريه
صارت ام الحسين.... خيمه اعله البريه


محمد هادي العقابي

Читать полностью…

🌴تجمّع الزهراء ع العاشورائي🌴

🏴 من اطوار النعي 🏴

في وفاة السيده الطاهره خديجه بنت خويلد عليها السلام


ابوذيات
زماني بالهضم والنوح وعداي
وفرح بفراقج الشامت ولي اعداي
احسبن جم جرح بيه واعداي
اعدن همي واجروح واسيه

ييمه اشلون حالتنه بعدكم
اشبدينه والقبر عنا بعدكم
زغيره يمه واسنيني بعدكم
وزماني يحكم ببعدج عليه

سجاجين البعد بالروح حديت
ولبست اثياب احزانج وحديت
ياشيال النعش لاوين واحديت
خذيت امي وبعدها اقطعت بيه


مجاريد

من حسج ييمه وخلت دنياي
نورج خذيتي وطفت عيناي
يا شيال النعش بهداي
خلها الحنينه الليله وياي
مالي سواها يروي اضماي
عافتني وثقل حملي وبلواي
بعدج ييمه الدمع سلواي
وما بطل عليج النوح وابجاي

عفتيني وحلالج يمه النوم
ودلالي بغيابج يظل ملجوم
ودمعي على الوجنات مسجوم
والحيل يايمه صبح مهدوم
يم المحنه وين تردين
رحتي وعليه ماتنشدين
وشلون غاليتج تخلين


نعي فائزي

شلتي ييمه ومابعد ليّه ترجعين
واشلون قلبج يالحنينه اعطاج ترحين

شلتي ييمه والقلب ذاب ابونينه
وتوها يبمه فتّحت زهرة سنينه
ماشفتي طه وبالصبر لوّن حنينه
واعليج ينده بالعيون وماتردين

وينج ياضحكة خاطري ردي عليه
مكسور قلبي والفرح طفيتي ضيه
رحتي يانسمات الدفا وماالج جيه
واعليه ما ظنن بعد عني تنشدين

رحتي يا سباح القلب عفتيني وحدي
ومني خذيتيه الفرح وايام سعدي
اخلافج اقاسيه الالم والدنيا ضدي
باعوام حزني يالدفا عني تبعدين


نعي طور الفراق

عني رحتي.      والحزن ظلل عليه
عني رحتي.      يالحنينه وماكو جيه
عني رحتي.       وانطفى بقليبي ضيه


عني رحتي.       ودنيتي عقبج خليه
عني رحتي.       وانتثر شوك الاسيه
عني رحتي.      ودمعتي.ظلت جريه

عني رحتي.      وحارب اسنيني زماني
عني رحتي.      والحزن سهمه رماني
عني رحتي.      وانطفت شمعة مكاني

عني رحتي.      شبحت اعيوني اعله دارج
عني رحتي      يمه شيطفيها نارج
عني رحتي.    ريتني اغفه بجوارج


نعي طور لفى عاشور اوالتغريد الحزين

شسولفلج على اغيابج. ييمه وانهدم حيلي
زغيره يمه عفتيني   وذابت شمعة ادليلي
اشوفن والدي ابهمه. ويزيدن بالحزن ليلي
خلت يا احبيبه دنيانه. وضقت يا يمه بويلي
ياقلبي مافتر ونك.  ويا دمعات اليتم سيلي
على امي ماابطل النوح وازيد ابوني واعويلي

نعي جفيري
راحت يا زهره شمعتي
راحت وزادت ونتي
طفّت ضواها دنيتي
شالت وخلتلي الحزن

كانت يا زهره مسندي
سوري وهواها منجدي
اويه احزاني  القى موعدي
من شالت وقلبي يون

شالت يازهره ام الوفه
واستني بايام الجفا
واقليبي وياها دفا
راحت وغمضت هالجفن

ويايه شالت كل اسى
دهري بفرقاها قسى
ومركب همومي ما رسى
وبيدي تنام وتندفن

نعي عكراوي
ناديت والدمعه جريه
رحتي يايمه وهاي هيه
دنياي من بعدج خليه
ضقت المرار وكل اسيه
رد النعش يا بوي ليه
اتوسد حضنها المسيه
_
تمت بحمد الله تعالى
بقلم : بنت الشمري

Читать полностью…

🌴تجمّع الزهراء ع العاشورائي🌴

معهد السيدة فاطمة الزهراء ( عليها السلام ) للخطابة الحسينية والدروس الحوزوية النسوي:
✧ــــ﷽ــــــ✧

  م/  حـــب الــدُنـيا... والســــيدة خديـجة...

قال الإمام الحسن المُجتبى (؏)  في مستدرك الوسائل ج١٣ص٥٨
إعمل لدُنياك كأنك تعيش أبداً ،واعمل لآخرتك كأنك تموت غداً)...

هنا أختصر الإمام الحسن(ع) بهذا الحديث هدف الإسلام
وَهُوَ أن نطلب الدنيا والآخرة معاً..يعني نأخذ من
الدنيا ما ينفعنا في الآخرة و هو العمل الصالح والخلق الحسن القصد يعني العمل بألواجبات مثل
الصلاة، والصوم،والخمس. والخ.. هذه الواجبات
والخلق الحسن. يعني صدق الحديث، أدا الامانة
الأمر بالمعروف والنهي عن المنكر، وأهم الأثنين
الحسنه عندما
يقول. إعمل لدنياك كأنك تعيش فيها إبداً.. يعني يقصد الإمام (ع)مثلاً حسن العشرة مع زوجي مع عائلتي مع زوجة أبني..أن تكون علاقة طيبة.مع صديقاتي جيراني.أتفقدهم هذا كلها أعمال صالحة
يقبى لها أثر في الدنيا والآخره والعمل بالمعروف
مثلا جارتي ارملة وعدها أيتام أو اقربائي أساعدهم
من باب الأمر بالمعروف وايضاً وحق الجار أساعدهم
في المال إذا كانت عندي المقدره وإن لم يكن لدي مقدرة أستأذن زوجي لكي اساعدهم استأذن منه
لان ميصير المرأه تنطي من اموال زوجها أو أي شيء بالبيت الا بأذن زوجها
ولا يُخفى عليكم هذا الوضع.. ونحن مقبلين على شهرٌ فضيل. نعمل جاهداً أن نبتعد عن حب الدنيا. الفانيه..واهم شي أخوتي إن يكون العمل خالص
لوجه الله عزوجل.الا يُدخل  الرياء فيه. يعني أن يمدحوني ويبالغون في المدح فيكون هُنا يدخل حب الدنيا في قلبي معناها إنا احسن وافضل. فألحذار من حب الدنيا وأعوذ بالله أن يسكن حب الدنيا قلب الإنسان. يهلك صاحبة.، كما قال:رسول
الله(ص)(حب الدنيا أصل كل معصية وأول كل ذنب):-
وأقل. ما في حب الدنيا أنه يلهي العبد عن ذكر الله
وطاعته، ويوقعه في الشبهات بل أحياناً في المحرمات..مثل القتل والسلب من أجل تملك الدنيا..  إذا استولى حب الدنيا على قلب المرء أنساه ذكر ربه وإذا نسي المرء ذِكر ربه أنساه تعالى نفسه؛حتى يورده موارد العطب والهلاك. وعندها لا يكون له همّ إلا البحث عن الجاه العريض، والشهرة الواسعة، وإن كان على حساب الدين والفضيلة. وآخرون ليس لهم همّ سوى جمع الأموال.ألانهُ أختار حب الدنيا على آخرته..

ولنا في السيدة خديجة (ع) اسوة حسنه كان تُجار
قُريش تضارب في أموالها.وتخلت عن كل شيءلنصرة الدين..ولم يُغيّر المال، روح السيّدة الجليلة، و لم يُثني عزمها عن الإختيار الصحيح، هذا الإختيار لا يحمل إلاّ سببًا واحِد، أن تجد مَن ينظُر لِقلب خديجة، لا إلى ثروة خديجة، و كانت الصِفات الّتي تبحث عنها، هي الصِدق و الأمانة، فعثرت عليهما عند رسول الله(ص)إن السيدة خديجة الكبرى
كانت تملك كل شيء من أموال لا حصره لها لكنها
تخلّت عن جميع أموالها وأنفقتها في سبيل التّرويج للإسلام.
يعني السيدة خديجة تخلت وضحت  بُكل شيء لوجه الله فقد شاركت النبي (ص) في نشر الدعوة الإسلاميّة، و هذه علامة مُضيئة في معنى سندًا صالحًا يُعين المرء على دينه.معناها الزوجة الصالحة  و ما بين الفِداء بالمال، و المواساة الروحيّة،و صِدق المحبّة، الّتي كنّتها لسيّد المُرسلين، كانت لها المكانة المُتفرِّدة في قلبِه. شِدّة الصِدق الّذي حَمَلَته السيّدة خديجة في اختيار الشريك، خارج دائِرة الماديّات.و مُغريات الثراء أوصلها عند رسول الله (ص) و لا يقف عند هذا القدر. بل هي بالنسبة للرسول الكريم (رِزق) حين عبّر عن مكانتها عِنده، إنّي رُزِقتُ حُبَّها!!!

علمتنا  السيدة خديجة كيف يصل المرء الى المراتب
العالية ليس في ماله ومنصبه وسلطته على الناس
لا بل يصل ويكسب هذه المكانه في حسن تعاملة
مع الناس في سيرته الحسنه في طيب أخلاقة وبينت لنا عندما  نبذل  شيء  نُحبة لوجه الله يرزقنا
الله ضعف الذي بذلنا يعني من تكون النية والعمل
لله.يعني شما خسر  راح يربح أضعاف إلي نطاه
لذلك السيدة تخلت  عن كل شيء في سبيل لله وتركت مكانتها في قومها وأعانت النبي(ص)  بينت لنا السيدة أنو الأموال لا قيمة لها إلى إن تُنفق في
سبيل لله..نعم
  قد يكون من إلهيّن على أصحاب الثروات إنفاق بعض المال لكن أن يتخلى الإنسان عن حياة الرّخاء بشكل كامل. يعني ينفق كلّ ماله، كلّ ثروته ليس بعمل سهل. لكن السيدة خديجة(ع) تخلت
عن كل شيء عندها ولم تبالي يعني ما كالت أنه ماكدر أعيش بدون ثروة وكيف  تسير أمور حياتي
وكيف اتخلى عن مكانتي بين الناس لا بل أنفقت  مالها. و بذلت، وضحّت ووقفت مع النبي (ص)  وهُنا  تميّزت السيّدة العظيمة وكات خير مُحامي  مع النبي
الأعظم محمد(ص)هذه الوقفة المشرفة لها مع سيد المرسلين (ص)  وقد عانت فترة الحصار في شعب أبي طالب. وتحملت الأذى في سبيل الرسالة.هذه السيدة المظلومة العظيمة قليلة الذكر.توفت  بالعاشر من شهر رمضان عام 3 قبل الهجرة.

Читать полностью…

🌴تجمّع الزهراء ع العاشورائي🌴

قصیده موشح في حق الأمام المهدي عجل الله تعالي فرجه الشریف




غيبتك طالت يبن طود المجد
اتلوح بيدك يمته رايات الحمد؟
*****
المرجله  یاحید  بیك  اموصفه
یا ذخیرة  لؤي  و  آل   المصطفه
اجروح  عندك  یابوصالح  نازفه
عجز  سیفك  کثر ما ظل بالغُمد
*****
یا بقیة  هاشم  و  نعم  السلف
اصعد اعله المربَه و اطعن بالهدف
ونته بن  ذاك  الکرب  بیه  انچشف
الثار  أجدادك  یضیغم  مستعد
*****
و الدهر   ناشر   ابگلبك  محربه
یا ذخیرة  مُضر و اصحاب العبه
سیفك الیتنومس ابضرب الوبه
اتزلزل اجبال الرواسي من تهد
**
یمن
  وجهك چوچب ابوکت التمام
صار گلبك هدف لحزان و سهام
عندك اسبوطعش فتیه و اویه العمام
تطلب ابثاراتهم و الهم  تصد
****
ح
الك  اشلونه  یمفطور   الفؤاد
صدر جدك رضته  ذیچ  الجیاد
ابکربله ذبحو اطفال الــ بالمهاد
انهده راس حسین لبن هند العبد
***
اس
واد  عینك ذاب من  کثرة  الوید
بالدهر  مامش  صبح  مثلك  فجید
طلعتك   یالمهدي   هیه   یوم  عید
یالثار     الظلع     صیحه     للوفد
***
ما
  هگوتي  یهده من عندك البال
عندك  اشچم  ثار یا  بحر  النوال
و  الأشد  حسین  نایم   عالرمال
عاري ظل و ما غفه وسط اللحد
***
لخ
ادم الحسين علي فلاح الواسطي
4رمضان الجمعه
1445

Читать полностью…

🌴تجمّع الزهراء ع العاشورائي🌴

قصيده للامام علي ع{صورة الطبرة}

صـــورة الطبرة وجرحها بعيني
ما يفيده اضماد جـرح اسنيني

والدي جرحه خطر
منين اجيبلي صبر

مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
صورة الطــــبرة صعب لو تنمحي
من الله يالضارب علي مايستحي
تهدمت الاركان مـــن نادة الوحي

الدنيه ضجت للولي
وكلها صاحت ياعلي

مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
اسم الله صاحت ياعلي حته السمه
وانخــــــمش گلبي عله حماي الحمه
شكد صحت لحـــــگيلي يمي فاطمه

يمه وينج يم حسن
بنتج ابوسط المحن

مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
اتيتمت منج وانـه ازغـــــــيره عمر
وهسه خايف كلبي لن جرحه خطر
لو يجافـــــيني الابو يجـفي الصبر

الصبر يجفيني تره
لو مشه للمكبره

مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
نعاد كلشي بعيني من شفت الجرح
ومانمت يوم الجـــــرح حد الصبح
انه ما يرهملي يا ثــــــووب الفرح

گضيت عمري بالدمع
حامله انواع الوجع

مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
حامله انواع الوجع بفـــراگ العزاز
تموت روحي من احسن ليها اعتاز
وهسه حيدر لو مشه ويلفيله جناز

ويفــــترگ عني بعد
وابقه بنت ابلا سند

مايفيده اضماد جرح اسنيني
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

Читать полностью…

🌴تجمّع الزهراء ع العاشورائي🌴

كاني بالايتام عندما آتو بالبن وعندما وصلوا اته خبر استشهاد الامام علي ع
❥❥❥❥ـــــــــــــ❁❁ـــــــــــــ❥❥❥❥
گال الطـــبيب لطبرتك هالبن موصوف
بلهفة وحنان لشوفتك شالته الجفوف

تالي انصدمنة بالخبر
گالوا علي راح الكبر

مانگدر ابلياك اجينه بگلب ملهوف
❥❥❥❥ـــــــــــــ❁❁ـــــــــــــ❥❥❥❥
گوم الحـگ النه عازتك محد يسدها
ارواحنه اعليله وصرت انته ضمدها
زينب تون اويانه اجت غايب سندها

ايتامــــك تون ياعلي
گوم الحگ النه يالولي

گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
من النزل جانه الحسن يصفگ بالايدين
كال الولي راح الـــــــكبر غمض العينين
اباب النزل طاح البن اه يبو الحـــسنين

حسبالنه تگوم النه
موتك علي صادمنه

گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
مافاد لجروحك دوه يالدوه صاير لينه
ايتامك احنه انهض بعد محد يمر اعلينه
فراگك صعب ما ينحمل نتفگدك والينه

نتفگد اذانك بعد
ياريت لنزولك ترد

گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
تدري بوجودك ياعلي ماهازتنه العازه
ولفگد حنيتك بعد يالگلب حگ يتوازه
حگه يحن اه يالگلب غير انته اعز اعزازه

يالعافيــه لو تندار
نهديهه الك يالكرار

گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
يالعافيه فدوه الك ماحسستنه احنه ايتام
جرح اليتم لمن تجي بطلتك يحيدر يلتام
حاجينه يحسين الابو يرجع بعد لو احلام

نشتاگ اله خل يرجع
گلوب اليتامة اموجع

گال الطـــبيب لطبرتك هالبن موصوف
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني

Читать полностью…

🌴تجمّع الزهراء ع العاشورائي🌴

قصيدة في شهادة الإمام أمير المؤمنين عليه السلام 
ـــــــــــــــــــــــــــــــــــــــــــــــــــــــــــــــ


ٱنطُبرت  بليل القَدُر هامة  علي
وزينب وإخوتها صاحوا يا وَلي

ـــــــــــــــــــــــــــــــــــــــــــــــــــــــــــــــ

بليلة  التاسع  عشر  والكِل   هُجوع
ٱتوجّه لفَرضَه الوَصي وبكل خُشوع
ويِسجد    لرَبّه    بَيقينه    وبدموع

الدنيا   ينساها    إذا   بي   يِختِلي

ـــــــــــــــــــــــــــــــــــــــــــــــــــــــــــــــ

بساعة  الغادرها  دارَه  المُرتضى
أيقَن  الليلة   العُمر  مِنّه  ٱنگضى
وسَلّم  لرَبّ  العرش  أمرَه ورِضى

وأصبَح لحَيدر علي الموقف جَلِي

ـــــــــــــــــــــــــــــــــــــــــــــــــــــــــــــ

علي  ظَلّت  عَينه   تِنظُر  للسّمه
نَعَم  هاي  الليلة  هِيّه  الحاسمة
يا هَلا بموتي  وَنا  حامي الحِمَه

في سبيل الباري رَايد مَقتلي

ـــــــــــــــــــــــــــــــــــــــــــــــــــــــــــــــ

شال  حيدر رَاسه  مِن أوّل  سُجود
مِشى  كِتره  ورُفَع   بتّارَه   الحَقود
طَبرة صُبغَت شيبتَه  وذيچ الخُدود

وصَاح هذا الفوز رَبّي الرّادَه  لِي

ـــــــــــــــــــــــــــــــــــــــــــــــــــــــــــــــ

صَاح جبريل ٱنهدم رُكن الشّرِع
وبِالسّما صوت الكواكب يِنسِمع
هذا  اللي  ٱبيَمناه  خَيبر  تنقِلِع

وكِل هُمومه اللّي يِنِدبَه تِنجلي


ـــــــــــــــــــــــــــــــــــــــــــــــــــــــــــــــ

يا  وِسَف  حيدر أسد  بَدر وحُنين
واگع   بمحرابه   مطبور   الجَبين
ويَمّه زينب تِنحَب  وتِصفِج  بدِين

تصيح عگبك خالي مُظلم مَنزلي

ـــــــــــــــــــــــــــــــــــــــــــــــــــــــــــــــ

ودَمِع أولاده على  الخَدّ  ٱنسجَم
وخَيّم  ٱعللكوفة  بجناحَه  الألم
الصُّحُف جَفّت ونرُفَع مِنها القَلَم

وفَاظَت لرَبّ العَرِش روح الوَلي

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

Читать полностью…

🌴تجمّع الزهراء ع العاشورائي🌴

قصيدة في مصاب أمير المؤمنين علي عليه السلام  ،،،،،  مُلَمّع
ـــــــــــــــــــــــــــــــــــــــــــــــــــــــــــــــ


ألا عرش الإله اهتز للمنظر
وبالآلام ِ جبريلٌ نَعَىٰ حيدر

يا مظلوم     ،     حيدر حيدر
يا مظلوم     ،     حيدر حيدر

ــــــــــــــــــــــــــــــــــــــــــــــــــــــــ

نشف ريج القلم حاير شنو ايكتبه
على اللي ساجد بدمعه ودعى ربه
وصي طه الرسول المؤمن  ايحبه

أتى روحُ الأمينِ بالأسى كبّر

ــــــــــــــــــــــــــــــــــــــــــــــــــــــــــ

شجاع  وبالمعارك  تشهد ايمينه
أسد  ما  ينچب  لو  تنظر  بعينه
وسف حيدر يدنيا انتي تغدرينه

ولِلدّينِ  بدا  شريانَهُ  الأبهر 

ــــــــــــــــــــــــــــــــــــــــــــــــــــــــــ

وليد  الكعبة  ما  شالت  بطن مثله
عجز حتى الجبل يحمل مثل حمله
إمام   وطاهر   وربنا   جعل   نسله

مِنَ الاقمارِ والكونُ بهم أزهر

ــــــــــــــــــــــــــــــــــــــــــــــــــــــــــ

گصد فرضه ومصيره حيدره يعلم
تنطّر  سجدته   وگرّب  إبن  ملجم
طبرهه  هامته  وسيفه نجيع بسَم

شهيداً قد هَوى  للواحدِ  الأكبر

ــــــــــــــــــــــــــــــــــــــــــــــــــــــــــــ

انهدم  ركن  الهداية  وناحت الأملاك
يبويه   زينب   تنادي  اخذني  اوياك
يتامه  يا  علي  صرنه   عگب  عيناك

وأضحى  خالياً  محرابُه  الأزهر

ـــــــــــــــــــــــــــــــــــــــــــــــــــــــــــ

علي  بليل  القدر  فاضت  علي  روحه
وعلي  لجله  الموالي  تنزف  اجروحه
وعلي العالي مقامه وشامخه اصروحه

شفيعٌ  للورَى  في ساعةِ  المحشر

ــــــــــــــــــــــــــــــــــــــــــــــــــــــــ

بقلم الاستاذ  /  ستار عذاب الحچامي

Читать полностью…

🌴تجمّع الزهراء ع العاشورائي🌴

قصيدة في شهادة الإمام علي عليه السلام  ،،،  لسان حال زينب عليها السلام  ،،،
ـــــــــــــــــــــــــــــــــــــــــــــــــــــــــــــــ


شنهو الحِصَل شنهو الصار    
ملتمة   كلها   ٱببابَه

ظلمة أصبحت  فجأة  الدّار 
وسال الدّمه بمحرابه

ـــــــــــــــــــــــــــــــــــــــــــــــــــــــــــــــ

هاي المصيبة  ٱمقَدّرة  ومكتوبة
هامة  أبوي المُرتضى مصيوبة
ساعاتَه بالدنيا أصبَحت محسوبة
سَيل  المدامع  مِرتفع   منسوبه

حيدر   وريث   المختار      
شيبه ٱنصُبَغ بخضابَه

ظلمة أصبحت فجأة الدار    
وسال  الدّمه  بمحرابه

ـــــــــــــــــــــــــــــــــــــــــــــــــــــــــــــــ

مِتعَودة  أسمع  كل   فَجُر  أذانَه
مِن صوتَه خِشعَت سبّحَت سِمانَه
وِمحَيّر  ألباب   الخَلَگ   بَيانَه
هذا   العقيدة   ٱمجسّدة   بكَيانَه

وچفوفَه   فاضَت   أنهار      
جاثِي  الكَرَم  بِعتابَه

ظلمة أصبحت فجأة الدار     
وسَالِ الدّمه بمحرابه

ـــــــــــــــــــــــــــــــــــــــــــــــــــــــــــــــ

عُصفَت رياحِ الفاجعة وضَجّ الكون
ظَل  بالي  يَمّه  وهَالدّهَر ما مأمون
مخطوف لوني  والدّمع ظل  مَهتون
تِلچِمني ذكرى بنِص دِليلي المحزون

وِهِجمَت  عَلَيّة  الأفكار      
مِنّ  الوَضِع  مِرتابَه

ظلمة أصبحت فجأة الدار    
وسَالِ الدّمه بمحرابه

ـــــــــــــــــــــــــــــــــــــــــــــــــــــــــــــــ

رَيتَ آنه عَمية ولا أشوف أبو ٱتراب
يِنزف  جَبينه ودَمعي  عَالخَد  سَچّاب
يا  وَسفة  يوگع  مِن قِلَع  بِيدَه  الباب
تِشهَدله  خيبر  وَي  بَدُر  والأحزاب

هالليلة   ظَل   الفَقّار       
يِگطُر دَمِع لِمصابه
  
ظلمة أصبحت فجأة الدار  
وسال الدّمه بمحرابه

ـــــــــــــــــــــــــــــــــــــــــــــــــــــــــــــــ

أنظر  يِتَچّيلَه  الحَسَن  بالآلام
بعيونه شلّال الدمع ظَل سَجّام
ذِيچ المَعاني ٱمخَضّبه بدَمّ الهام
بهَالحظة ضَاعَت مِنّي كل الأحلام

وحَلّ  العِسُر  والأكدار      
وناحِ الشّرِع وِكتابَه

ظلمة أصبحت فجأة الدار     
وسال الدّمه بمحرابه

ـــــــــــــــــــــــــــــــــــــــــــــــــــــــــــــــ

خَلّاني  أبوي  وگلبي  يِلهَب حَسرَات
ما  يدري  زينب  بِيهَه  مَرّت  شِدّات
بالطّف عَباتي ٱحتِرگت ٱويَ الخَيمات
وَانه    ورَبيبات   الخِدِر   مَچتوفات

بالطّف حِصَلّي  الما صَار    
عَضنِي الدّهر بِنيابَه

ظلمة أصبحت فجأة الدار     
وسال الدّمه بمحرابه

ـــــــــــــــــــــــــــــــــــــــــــــــــــــــــــــــ

بقلم الأستاذ  / ستار عذاب الحچامي

Читать полностью…

🌴تجمّع الزهراء ع العاشورائي🌴

ابفزعته وحفظه ودلاله
ثبت اركان الرساله
لو على الارض انطبگ عالي سماها
يبيع نفسه وما يبيع الهادي طه
ابوطالب
@@@
بالحقيقه يامحبي الآل كون انجاهر
ابوطالب آية الله ومؤمن ومو كافر
مو عواطف نحچي بيها والحچي عالطاير
بالادله الواقعيه التعمي عين الفاجر
من اجه طه وكفيله هوه بس الصاير
وللحمايه ابوطالب چان دايم حاضر

للنبي درعه وحمايه
وحفظ من جور البرايه
لبن اخوه الروح منذوره ابفداها
يبيع نفسه وما يبيع الهادي طه
ابوطالب
@@@
من صغر طه وبوطالب شايله بجفونه
وجوهرة عمره محمد بالصدر مكنونه
ابوطالب تاج گومه الوادم ايهابونه
وبالشدد معروف طبعه لو خزر بعيونه
كل قريش ابعزمه ردها للنبي من دونه
وابوطالب حامي طه وفنهم ايطولونه

باسه ما مثله ومثيله
الموت بس سيفه يشيله
ولقريش اخشوم بوطالب وطاها
يبيع نفسه وما يبيع الهادي طه
ابوطالب
@@@
ابرتبته العليا ومقامه وفضل الله ايزيده
واللي كفّر ابوطالب حاقد اعله اوليده
متقي حامي الرساله وللنبي تأييده
وبالشعب ايمان يكشف ع اللي گلبه ايريده
لآخر اللحظات عهده وللنبي مد ايده
وجرح فگده ابگلب طه مايصح تضميده

الموت من غيب جماله
دمعه بوالزهراه تلاله
والنبي روحه على فگده نعاها
يبيع نفسه وما يبيع الهادي طه
ابوطالب
@@@
مات كافل طه وسفه والنبي بحزانه
وعام اصبح عالمصيبه ما قفل ديوانه
وجه طه بهالرزيه اتغيرت ألوانه
هذا عمه وهذا بوه الشايله بوجدانه
مكه بعده ظلمه صارت والحمه بچفانه
وعلي دمعاته جريه وعوده حان ادفانه

بلحده هالكافل تمدد
ولقنه الهادي محمد
على عمه  اعيونه بالعبره عماها
يبيع نفسه وما يبيع الهادي طه
ابوطالب
@@@
شحال حيدر هالمسيه وعوده نام ابلحده
مو سهل فوگ الوطيه الچان روحه ايمده
نزل بدموعه الجريه وخله خده ابخده
ونادى يابويه اللي راح اشلون عمري بعده
وبت اسد ويه الزچيه بحرگه تبچن عنده
هذي وتقبل جبينه وذيك لزمت يده

وداعة الله الهادي كاتب
عالگبر گبر ابوطالب
راح للدعوه بطل حامي حماها
يبيع نفسه وما يبيع الهادي طه
ابوطالب
@@@
علي أحمد الحمود
١٥-٣-٢٠٢٤
وفاة ابوطالب ع

Читать полностью…

🌴تجمّع الزهراء ع العاشورائي🌴

((أمنا خديجه))


يامن لكِ كل الــسلام
شكرا لكِ والاحــــترام
اسمچ عِله بعلو السماء
زوجٌ لكِ ســـــيدّ الأنام

ياخديجه انتي الحبيبه
للنــبي وصرتي طـبيبه
ياسرور الكـــل سوالف
يا شريكه بكل مصــيبه

عمــــــرچ ورد ونثر      
مولاتي كلشـي اندثر
حسيتي بـــل ما يلي   
حتى الجرح من عثر

يا امنا خديجه ...

  """""""""""""""""""""""""""""""""""''''''''''

عين الســــماء الباكيه
لَـــ ام البتــول الزاكيه
بعيني حداد المنهضم 
ناداني قلبـــــي هاهيه

هذا جرچح والتفاني
هذا دمعچ والحـناني
انتي للاسلام نــــاصر
بيچ تحـــــتار المعاني

ضكتي مــرار وألم     
گلولچ اعله الخيم
گلتلچ الطـــــاهره       
ودَلتـچ اعله العلم

يا امنا خديجه ...
       """""""""""""""""""""""""""""""""""''''''''''

عشتي جروح القافله 
ضكتي مـــرار العايله
عشگچ بحر مـا ينـعبر 
باب وحطب يالحامله

باچر أمچيده النوايب
باچر عـــالــچ غرايب
عالهزل يمشن سـبايه
باچر ســياط وتـرايب

گلتيله چـــا والوطن    
گلــــچ محمد ضـعن
بي زينب اعله الهزل     
ذنـــــــي بناتچ هذن

يا امنا خديجه ...
 
"""""""""""""""""""""""""""""""""""''''''''''

گلچ مثــــل نار وشمع  
مثل الورد من ينصدع
گلج خبر گلـــــبچ ذبل 
گال انكسر منها الضلع

گلچ بضـــلم العصابه
نار دخــان والــــترابه
محسن يطيح وينادي
بابا الحگــــــنه يـــبابا

بچبدچ مصاب انتشه  
مثــــل السبايه ومشه
يلــهب دليــــلچ جمر     
ويچَوي حتــه الحشه

يا امنا خديجه ...
            """""""""""""""""""""""""""""""""""''''''''''

گلچ جرح فـــوگ الرمح
گلج دمه بـــوجـه الصبح
وانتي مثل نجــــم الهوى  
طحتي بسمع بس منذبح

وعمرچ الّضَيع طريجه
اعمــــى ويدور رفيجه
بچفه يالفاضت حياتچ
ماتت الليـــله خـديجه

دمع النــــبي مغتسل    
وبصدره صــار الاجل
والزهره تبچي بهمس  
منتضره سطرت هبل

يا امنا خديجه ...


عبد زينب
محمد الابراهيمي

Читать полностью…

🌴تجمّع الزهراء ع العاشورائي🌴

🖋️📜قصيدة بِـعنوان (زيارة نيابةً)

#الشاعرة_ام علي البابلي
#الشاعرة_زينب الواسطي

ازورُ كربلاء.. نيابةً عن زينب الحوراء
ازورُ كربلاء.. حتماً بها سيقبلُ  الدعاء
➖➖➖➖➖➖➖➖
ازور حسين والعباس اخيه
واهديها  لاخــيـتهــم هديه
رساله اكتب وعنواني بديه 
خادمهم  اضل  حد  المنيه

ازور كربلاء..ليس طلب لكنه رجاء
ازور كربلاء.. نيابةً عن زينب الحوراء
➖➖➖➖➖➖➖➖
رسالة شوڪ بيها الدمع يجري
كل لحظه ازورن  تسوه عمري
سجلوها يبعد اهلي ويذخري
عن ذيج المشت بالليل تسري

ازور كربلاء،،،،، وخدرها تبكي له السماء
أزور كربلاء.. نيابةً عن زينب الحوراء
➖➖➖➖➖➖➖➖
وسيله ام عون وتحققلي الآمال
محبتكم تثقّل سجل الاعمال
تمحي اذنوبي لو حمل امن الاجبال
بيوم المايفيد اولاد واموال

ازور كربلاء.. اخلص امنيتي اوياكم الولاء
ازور كربلاء.. نيابةً عن زينب الحوراء
➖➖➖➖➖➖➖➖
شرف كلمن علي اسياده ترضه
انصير الهم خدم قمبر وفضه
اريد اطلب وادري الحاجة تقضه
نظرة عاطفه وبالخدمه احضه

أزور كربلاء..يا سادتي يا منبع العطاء
أزور كربلاء.. نيابةً عن زينب الحوراء
➖➖➖➖➖➖➖➖
تحسبــــــــوها اليه هالخدامه
اريدنها ذخر يــــــوم القيامه
يلبيها شفــــــــت كل الكرامه
مـــحله الخادم تسمى بامامـه

ازور كربلاء،،،،،، ارضُ بها صلت  الانبياء
ازور كربلاء،،، نيابةً عن زينب الحوراء
➖➖➖➖➖➖➖➖
بالدنيا ابد ماالـــــــــــها مقيـــاس
هلا بخادم حسين تصيحلي الناس
ارفع راسي بيـــــها  وهاي نوماس
بحق جود الكـفيل ورايه  والطاس

ازور كربلاء،،،،،، ادعو لمولايه متى اللقاء
أزور كربلاء.. نيابةً عن زينب الحوراء
➖➖➖➖➖➖➖➖

🖇تـمــت بتـــوفيــــق الله
بـٲنـامـل خادمات ٲهـل البيت "عليهم السلام"

لا نُجيز حذف الاسماء 🚫

💬ونسال الله التوفيق والقبول

   🙏🏻🙏🏻  نسالكم الدعاء 🙏🏻🙏🏻

Читать полностью…

🌴تجمّع الزهراء ع العاشورائي🌴

☘قصيده للامام علي ع☘

نهايه مجلس

حيدر ياعلي يابو الكرامات

من بعدك يبويه احنه يتيمات
حيدر ياعلي يابو الكرامات

ابو الايتام انت تروح وسفات
حيدر ياعلي يابو الكرامات

سبع ياحيد يمبجي المنايات
حيدر ياعلي يابو الكرامات

اليوم نريد نبجي بنوح واهات
حيدر ياعلي يابو الكرامات

علي حيدر علي شايل الرايات
حيدر ياعلي يابو الكرامات

بناته بالحزن ضلن يتيمات
حيدر ياعلي يابو الكرامات

هذا الزين شيال الكلافات
حيدر ياعلي يابو الكرامات

الطمن حيل الطمن يامحبات
حيدر ياعلي يابو الكرامات

يوكفلج علي بساعة الشدات
حيدر ياعلي يابو الكرامات

مجالسنا بسم حيدر معمرات
حيدر ياعلي يابو الكرامات

هذا المايرد للطلب هيهات
حيدر ياعلي يابو الكرامات

هواي امراضنه واحنه مريضات
حيدر ياعلي يابو الكرامات

نريد مراد منك يبو الشدات
حيدر ياعلي يابو الكرامات

بزينب والكفلها احنا نحلفه
حيدر ياعلي يابو الكرامات

نريده يشيل من عدنه الكلفه
حيدر ياعلي يابو الكرامات

هواي همومنه وكلش مكلفه
حيدر ياعلي يابو الكرامات

بعد حيدر علي ينطي المرادات
حيدر ياعلي يابو الكرامات


✍ بقلم شاعرة اهل البيت عليهم السلام
 ☘ام فراس الساعدي ☘
غير مبري الذمه لكل من يحذف الاسم والرابط او ياخذ كلمات القصيده وينسبها اليه

Читать полностью…

🌴تجمّع الزهراء ع العاشورائي🌴

#زينب_تخاطب_ابيها

تدري   الموت اشْوالي
بعدك   ما يســر حالي
منـي   ضــــايع الغالي .. تدري
//////////////

يابويه ماعندك علِم .. شمسوي فگدك بيه
حتى الطيور البسمه .. من ونّي تبچي اعليه
ابمحرابك اشعلك شمع .. كل مغرب وصبحيه
ولسْمَك افز من نومتي .. من ينذكر طاريه

جفني   ماطبگ ساعه
الغالي   يكلـف اوداعه
گلبــي   تحس بوجاعه .. تدري
////////////////

يابويه من طبني الخبر… گلبي انصدع حسيته
بعيوني ضاگت دنيتي... والموت الي اتمنيته
شفت الحسن ظهره انْحِنَى… من طاح شمعة بيته
وحسين يلطم عالوجه… وبحسرتي اتلگيته

وصـرخ   راح خيمتنه
غايــب    عنه عزوتنه
اخلافك   هاي حالتنه .. تدري
//////////////////

ياسورنه البي نحتمي.. ويالنستراح ابفـيّه
ياحيلنه المنه انهدم .. كل حيل ماضل بيه
اشكيلك اعتاب الهجر .. وقره ابلحن لطميه
وبگليبي انصبلك عزه.. يا بالحسن ليليه

ذبّـل….   بالهجـــــر لوني
ابيضّت   بعـــدك اعيوني
ابجرحك  والله جرحوني .. تدري
//////////////////

العيد گرب يا علي .. وغايب اهلالك عني
وياك اخلصنه ردت .. سهم الهجر يلچمني
إرجَع انادي ابدمعتي .. بس انته ماتسمعني
متعذبه وگلبي انمرد .. بيك الدهر فاجعني

اوصِيْتي    لليدفنــــــونك
ابهــــيده    لا يلجمــــونك
عمـــــري   شيسوه من دونك..  تدري
///////////////////

يابو اليتامه يا علي..  تنشد عليك ايتامك
اتعودو بيهم تِمُر .. برغيفك وبالثامك
حتى الرضيع البلمهد.. يبچي وترضعه ابهامك
ضلو ينادون ابدمع.. شيردها ذيچ ايامك

وحشه   الدنيـه بغيابك
تلچــم    لوعة امصابك
الفقـره    تنحــب ابابك  .. تدري
////////////////

    الخادم
كامل السعيدي

Читать полностью…
Подписаться на канал