7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
يبو الغيره وأعرفك منهل الجود
وسف طاحن اچفوفك منها التجود
الخيمه شگد جريبه منها للجود
لچن عثرات اخيتك صفن ميه
.....
الشاعر محمد حسن ضيغم
/channel/alnaay2022
ماتو ايتامك يبن عم الرسول
من عكب كرارها وفحل الفحول
****
اعليك حزنانه ارضها والسماء
الفكد ابو تراب و كريم الكرماء
اليله جبريل انصب هذا بالعزاء
الشيعه حزنانه يليث البل وغاء
تواسي بمصابك المهدي والبتول
****
يا علي من دونك الدنيه ضلام
شرد اكولن خاف مايكفي الكلام
هاي دنيه ودونك اعليها السلام
ياهو بعدك ياعلي يرعه اليتام
راح فكدك سيدي اعليهم يطول
***
و عضم الله اجركم بل مصاب
من رحل كرارها وداحي الباب
حيره هاي وبيها ماعندي بجواب
هوه سر الله علي وعلم الكتاب
انته فرع الدين انته والاصول
***
اي يحيدر واليالي شكد كصن
ضلمه دنيانه علي يابو الحسن
وما رحمنه سيدي اليوم الزمن
هل ليلي بكلبي شوف شخلفن
نشتكيلك يا علي اعلينه شتول
***
والله يابو حسين اذانه الحكم
من ضلم نخلص يسلمنه الضلم
وجارو اعلينه وابد ماكو رحم
شوكت بيد المهدي يرف العلم
حته كل هذا الضلم بيده يزول
***
حسن صالح العيساوي
(الزهراء تتكلم)
في حب وعشق مولاي علي
مـــن اشوفك ياعلي كلشي يفز
كلشي يسجد ياعلي حتى الخبز
انفاسي بيك أمعــــلگه
يامن سبتني محـــبتك
كلك يبو الحمله ضوه
نور الحسن من وجنتك
حُب وصبر جرح وجمر
والبسمتك فدوه العمر
علي علي .. ياعلي يامولاي
"""""""""""""""""""""""""""""""""""''''''''''
وين ادورك بالسمه لـو بالارض
انت قبله بدونك شلون الفرض
وبشوفتك معنى الصله
ومعنى صيـــامي ياولي
ماصلي من غير الحمد
وآنته صــــــلاتي ياعلي
انته الحَمد بسمك أرد
وبيا عـــلي وانت المدد
علي علي .. ياعلي يامولاي
"""""""""""""""""""""""""""""""""""''''''''''
بهيده ويانه علي شنهو الجمال
وبجمالك ياعلي هـــام الخيال
من دخل يوسف للقصر
أهــــل القصور تبضـعو
كل يوم اضمــــد ياعلي
قنبر وفضه أتجـــــرحو
قنبر بچـه بجرحه انتچه
وبنضرتك كلشي حــچه
علي علي .. ياعلي يامولاي
"""""""""""""""""""""""""""""""""""''''''''''
ياعلي بالبيت إذا نگـعد سوى
اشم چفك بعد شلي بالهوى
امسح دمعـــتك من تهل
وعيوني مــــــنك تنترس
من نحچي ياحيدر عشگ
تمد ايدك اطفي الشمس
بصدري وفه يـــــالتعرفه
من الحـچي من العاطفه
علي علي .. ياعلي يامولاي
"""""""""""""""""""""""""""""""""""''''''''''
مجروح كلك ياعلي بس تبتسم
تبچي عــــــالنمله يريسان الزلم
شايل أحاسيس الندى
وحـــتى الورود تغازله
اترف مقاتل بالحرب
العنده طــفل ماتكتله
دمعك يهل حتى النـــمل
هم تحسبه تحسبه طفل
علي علي .. ياعلي يامولاي
عبد زينب
محمد الابراهيمي
⬛️◼️القصيدة-4-◼️⬛️
الموتُ باباً للمدينةِ أقفَلا
ولها الستارَ عن الجريمةِ أسدَلا
والعلمُ أوتِمَ والمعارفُ عُطِلت
والحقُ ضاعَ وللمصيبةِ أعوَلا
والعدلُ يبكي والشريعةُ أُزهِقت
ف(عليُ)في المحرابِ خرَ مُجدَلا
فعلا الصراخُ من الملآئكِ في السما
وبحقهِ (جبريلُ) قولاً رتَلا
وآهٍ لأركانِ الهدايةِ هُدِمت
و(العرشُ)حزناً للوصيِ تَزلزَلا
وعليهِ (زينبُ) أظهرت لشُجونِها
أبتاهُ عُذراً للرحّيلِ تَمهَلا
وأراكَ تمشي للمنونِ مُسارعاً
ووداعُك المشؤومُ جِسميَ أنحلا
قد كنتَ لي ظلاً ألوذُ بجنبِه
أبتاهُ تعلمُ في غيابِكَ نُبتلىٰ
ياأيها (الكرارُ) سكّن عبرةً
ماكنتَ ترضى ان يُشاهدَها الملا
أنت الذي بعدَ(البتولةِ)كنتَ لي
كهفاً من الارزاءِ فيَّ تَكَفلا
أبكيكَ دهري(عَندَماًً)*بمدامعي
والقلبُ بعدَ الفقدِ لن يتحَملا
* العَندم = نبات يُصبغ به كالدم
#سمير_الصالحي
#البصرة_الفيحاء
⚫️ نعي- مجردات
🏴 ينفع ليلة 20
تنوح اليتامه عليك وتون
كل منهم بهل يوم محزن
لفتك وللتوديع تعلن
#سمير_الصالحي
#البصرة_الفيحآء
—————————-
⚫️ نعي- مجردات
🏴 ينفع ليلة 20
چنه بامان وكلنه بحماك
وشلون ابن ملجم تدناك
والموت ياحيدر تعناك
وبروحتك تتشمت اعداك
وان چان رايح الله وياك
ودع يبو اليمه يتاماك
تصعب عليهم حيل فرگاك
#سمير_الصالحي
#البصرة_الفيحاء
⚫️ نعي - مجردات
يانعم الأبو يالطيبه ذاته
ياحيدر المعروفه صفاته
حيف النذل يگطع صلاته
رايد يگصرهه حياته
وتتشمت اعداه بمماته
وتتلوع خلافه بناته
#سمير_الصالحي
#البصرة_الفيحاء
🌑نعي - مجردات
راح العزيز الغالي وسفه
وكل الخلگ حيدر تعرفه
ذاك السخي العطاي چفه
و الچان للأيتام ملفه
وفرگة الوالي احاه كلفه
ورسومه عني شلون تخفه
#سمير_الصالحي
#البصرة_الفيحاء
🏴نعي - مجردات
🏴 السيدة زينب ع تقول :-
منك گطعت الظنه ياياب
من شاهدت شيبك بالخضاب
چن الگلب بفراگك انصاب
وما حاسبه ليومك تره حساب
بس ردت منك حيدر جواب
ليش الدهر ياخذ بالاحباب
وتدري ابجرح الزهره ما طاب
لليوم اونن واعتب اعتاب
كل ماتصد عيني عله الباب
ولو شخصك الغالي علي غاب
يعني انت نايم تحت التراب
لنحب ونوح بدمع سچاب
#سمير_الصالحي
#البصرة_الفيحاء
اهوازيه . ( قال النبي ص . ضربة علي يوم الخندق تعدل عباده الثقلين )
……………………………………………………………
اذا ضربه علي اتعادل . عبادة هالبشر كلها
روحك يا علي الكرار . چا شنهو اليعادلها
……………………………………………………………
انت اصعب لغز بالكون . وبيك العَگل ظل حاير
انت اوي العرش مخلوگ . وأدم بعده ما صاير
اسمك قطب هذا الكون . واعليك النجم داير
من عندك طلب جنحان . جبريل و صبح طاير
الحبك الله خالقنه
ولجلك صارت الجنه
وللما ما جابك ابآذان . ربك ناره شاعلها
……………………………………………………………
نوح او يالنبي ابراهيم.موسى وعيسى تحت امرك
تلاميذك وانت استاذ . ما وصلو ربع قدرك
تحيي الموته تخلق طير . النار وتبرد ابكترك
عصة موسى بيده اتموت . اذا ما تبتدي ابذكرك
مريم طاحت ابمحنه
صاحت ياعلي احضرنه
مامش نخل بفلسطين . انت الرطب جبتلها
……………………………………………………………
اسلوني و گبل لا موت . محد غيره گالاها
السماء اعرفها چن بيتي . كاشف كل خباياها
بيدي الارض حبة جوز . افر يسراها يمناها
حتى النمله وسط الكاع . ذِكَر اعرف و نثياها
الطير ابأسمي ظل يصدح
الحوت ابفضلي ظل يسبح
السمه وما طاحت اعل الكاع . لأن باليمنه شايلها
……………………………………………………………
قصة عشگ وي الله . يحبك وانت حبيته
الولاده ابيته الك تشريف . واستشهادك ابيته
اسمك عالعرش كتباه . علي من العالي تسميته
الله ومو ابو الربّاك . وحگها انطيت تربيته
تضحك بالحرب قائد
وتبچى ابليلك و ساجد
حتى اعل الذي عاداك . دمعة عينك اتهلها
……………………………………………………………
مو من سيفك الفقار . من اسمك زلم لبدت
الروس و سبگت الرجلين .خوف من الذبح شردت
شي نزعت اگبالك ثوب . وشي مشايه الك ودّت
ناس انشطرت النصّين . ناس ابلا رگب ردّت
وشاهد يا علي الخندق
ابسيفك ابن ود انشق
وخيبر من قلعت الباب . بيدك جسر حاملها
……………………………………………………………
رئيس ابلا قصر تسكن . حمايه وياك ما تطلع
ما تلبس حرير الثوب . تلبس ثوب المرگع
ما تاكل لحم غزلان . خبز شعير بي تقنع
جم ليله البتت جوعان . حتى ايتامك التشبع
مو خادم يحس قنبر
مدلل عندك امقدر
ابعين الفقره مو سلطان . صديق انت وحبيب الها
……………………………………………………………
بذيج الارض ما صليت . وعيون الصلاه دمعت
حيدر ما يصلي اليوم . خاف الواقعه وقعت
صحت ياشمس رديلي .ورجفت خوف من سمعت
ردت قبّلت يمناك . وخلفك صلّت و ركعت
لو متأخره عن امره
سوده اصير مو صفره
جا خلّاها دوم اغروب . و نور الصبح زاعلها
……………………………………………………………
✍️ ( سيد خضر الزاملي )
نعي بين السيدة زينب والام الحسين
سلام الله عليهم
.
خويه حسين ابونه اليوم مامار
ولحد الان ما بين على الدار
بشرني يخويه وشنهي الاخبار
طمني اعله ابوي اشصار ماصار
.
اشوف حسين وضعك حيل تعبان
وجهك بعد وجهي ليش ذبلان
على رسمك اشوفنه الحزن بان
وما تكدر ترد يحسين حيران
.
مو بلساني اكلج اقري وضعي
زينب خلي اخبرج وانتي اسمعي
عودج راح يختي كومي انعي
مثل ضلع الزجيه نكسر ضلعي
.
الخلف بالله يخويه و الصبر زين
عمة عيني نكسر ضهرك يالحسين
مو وحده العمت يا خويه الاثنين
نطر كلبي يخويه و صار نصين
.
الحزن يحسين وجهك لايبينه
تره احنه امن المصايب لايبينه
اعله باب البيت ننطر لايبينه
و بعد هيهات يرجع للثنيه
.
حسن صالح العيساوي
قصيدة فصيح بحق الامام علي عليه السلام
قد علا صوتُ الاسى والحزنُ بادِ
بالمصابِ مُذ نعىٰ صوت المنادِ
واماما وا عليا واماما وا عليا
------------------------------
صاح جــبرائيلُ في كـبد السماءِ
خُضب القرآنُ من فيض الدماءِ
لُف حزناً واعــــتلى صوت البكاءِ
نادباً متشــحاً ثــــوب َالــــــسوادِ
=====================
انحنىٰ المنبرُ يـــــرثيك وَجُوعا
واتى المحراب يـبكيك دموعا
وبدين اللهِ قد بــانت صدوعا
وكتـــــابَ اللهُ مفـجوعا ينادي
-------------------------
كلُ ركُنٍ للـهدى اليـوم تهدم
عروةُ الدينِ بهذا اليوم تُفصم
عندما رأس علياً سال بالدم
فهوى منكسراً ديــنُ الرشادِ
=====================
فُلقت هـــام كتاب اللهِ حــيدر
عندَ وقــتٍ كان فيهِ اللهُ يُذكر
داخلَ البيتِ الحرامِ والمطهر
ســــاجداً خرَ الى رب العِــــــبادِ
====================
زُلـزُل الكـــــونِ ونــــــادا بكتأبِ
ريح َحُزنٍ عصفت عندَ المصابِ
نـــندبُ اليومَ عــــلياً بـــعذاب
والدموع انهـمرت في كل وادِ
====================
ياعلياً نـــــــــــادت اليومَ الاياما
ابـــــتاهُ تنـــــدبُ كلَ اليــــتاما
كُلَ شيــــــعياً يُنــــادي وا اماما
رفع الاســــــــلام اعلام الحدادِ
=====================
أسالكم الدعاء رائد الاسدي
قصيدة جديدة بحق الامام علي عليه السلام تقرأ بلحنين وبطريقتين هذه الطريقة الأولى
يبوية يالنمت بأرض النجف
يبوية دمعي بعدك مانشف
بالدمعة غرگت عيني وليلي انترس بونيني
يبوية يبوية
======================
منصوبة ظلت فاتحة وروحي عليك امجرحة ماسكت صوت النايحة ابمصابك
شيطفي نيران البُعد لگبرك اذا عيني تصد يمرد بقى بگلبي مرد غيابك
خيمتنا وســــندنا والابــــو غالي
من بعدك يحيدر حالي مو حالي
اشوف البيت بعدك موحش وخالي
اشوفن صورتك گام ايتراوالي
يا شمعت البيت انطفت وجمر المصيبة ما خفت روحي بغيابك عاشرت ترابك
گلبي صبح مثل الجمر ودمعي بعيوني ينهمر ما ينفع وياه الصبر عذابك
يبوية البُعد يـــدمي الگلب
يبوية مو سهل كلش صعب
اشتاكَ الك تدريني وليلي انترس بونيني
يبوية يبوية
=====================
اترس اعيوني ابصورتك چنت واحبن شوفتك يا بوية عازة عازتك مصيبة
فگد الابو يحني الظهر وغيابة چم خاطر كسر لجلك يون حتى الحجر يهيبة
راح الچان الية بدنيتي سلوة
عن عيني تغيب رسومك الحلوة
تشتم ريحتة لو عافك التهوة
لو غاب الابو مالك بعد تچوة
مثلك يحيدر ما يصح مرهم تداوي كل جرح نياحة ودمعتي للصبح سچيبة
ايتامك ابابك تون والدمعة باطراف الجفن گلبي ولا ساعة يچن نحيبة
يبوية چنت الي تچوة وسند
يبوية ابغبيتك گلبي انمرد
بعدك حزن غاطيني وليلي انترس بونيني
=======================
اشتاكَ الك صبح ومسة يالعشرتك ما تنسة صارت حياتي بائسة برحيلك
مثلك يحيدر ما يصح گلبي بغيابك منجرح ما ينگطع حد الصبح عويلك
چانت راحتي من اسمع بصوتك
صاباني الدهر بوية بخبر موتك
على متني اشيلن وسفة تابوتك
كاتلني يحيدر بوية بسكوتك
نعشك على متني شلت صوب النجف بي غربت حاچيني يا بوية صحت دخيلك
الله اعله همة ايساعدة البيدة يدفن والدة يا گلبي هذا الفاگدة خليلك
يبوية دوم احن واشتاكَ الك
يبوية يا علي دار الفلك
گصرن يبوية سنيني وليلي انترس بونيني
=====================
اتحسر سنين الگظت.. ومن ذكرياتي اصبحت.. روحي يحيدر ما صحت عليلة
بليلي بدر وجهك رحل.. واظلم حياتي من افل.. حزنك يبوية للازل.. اشيلة
محرابك حزين او زايد اونينة
المفجوع ابغيابك الله اليعينة
يبوية فراگك ابهاليوم ماذينة
يعينة الله العزيزة ايغيب عن عينة
لارض النجف شال الابو.. غايب يبو طول الحلو.. شامت صبح بيه العدو.. رحيلة
حزنت الناس الحبتك.. ما تگطع ومو عادتك.. مو سهلة تدري فركتك.. ثجيلة
يبوية ناسك حزينة ابهالمسة
يبوية كلها اعله بابك جالسة
انريد الابو اتحاچيني وليلي انترس بونيني
====================
أسألكم الدعاء رائد الاسدي
نزال في جرح الامام علي عليه السلام
تصيح زينب يا علي حاچيني
نار فكَدك يالولي تچويني
-----------------------------
تلوج طول الليل ما ساعة تهيد
تمشي عني تريد وبدرب البعـيد
حزني يمشي وياي وي دم الوريد
لا تخليني البعُد ياذيـــــــــــــــني
-----------------------------
الحزن والنــــــــوح بابه منفــــــتح
من فتحت الباب واتصلي الصبح
كَـلبي يابوية انجرح اكبر جرح
عـــــمية ريت ولاتشوفك عيني
-----------------------------
وكَف باب الدار عارض طلعته
حزامك انفل ياعلي رد غايــته
حتى طير الماي ارجع صاحته
ياعلي لاتمشي وتخلــــــــيني
-----------------------------
من رحت بجفاك كَلبي منخمش
خايفة ظليت جسمي يرتعــــــــش
دموعي عالخدين يابوية ترش
تفيض دمعاتي وتصب من عيني
----------------------------
اتبــــــاري الايتام والدهه چنت
من يباريني اذا عني رحت
من يمد ايدة اعله راسي تحيرت
ايتــــــيمة بعدك ياعلي تدريني
-----------------------------
مـــــن يهل العيد ويطر الفجر
هـم تجي تعايدنة يا بوية وتمر
صعب يا فركَاك يحتاج الصبر
بالـــــحزن والنوح اكَظي سنيني
-----------------------------
بوية تسمعني الي رد الجواب
شيب الدلال يا هذا المصاب
كَبل عيد الله ابوي هلاله غاب
والـــــــحزن ثوبة يظل جاسيني
-----------------------------
أسالكم الدعاء رائد الاسدي
رباطات هوسات بحق الامام علي عليه السلام
حيل ماذيني.. حيل ماذيني يبوية صواب راسك حيل ماذيني
===================
ذابلة الوانة .. ذابلة الوانة .. شفت نصين راسة وذابلة الوانة
===================
حيل شدوها .. حيل شدوها... الطبرة ابراس ابونة حيل شدوها
====================
ما تحاچيني .. ما تحاچيني .. يبوية الروح ذابت ما تحاچيني
===================
موش ويانة .. موش ويانة .. اجانة العيد وانتة موش ويانة
=====================
بيك مفجوعة ..بيك مفجوعة علي الايتام ظلت
======================
لا تخلينا .. لا تخلينا اليتامة اتصيح بوية لا تخلينا
======================
كون لا اجانة .. كون لا اجانة.. عساه العيد لا هل كون لا اجانة
=======================
أسألكم الدعاء رائد الاسدي
يا ابو المحنه لا تمشي عنه
يا بعد اهلنه مو وكت الفراگ
الدنيه ظلمه بدونك ومو حلوه عگب عيونك
***
الابو خيمه وعلينه شكبر فيه
حلوه من يرجع البيته المغربيه
جبير بحنانه شيعوض مكانه اخافن نسانه شيحمله الغياب
الابو ماكو منه تركنه بحزنه من ابونه انحرمنه اندفن بالتراب
الدنيه بغيابك تعبتني
وكثرن اجروحي من عفتني
تمر الليالي وانته عله بالي
شگد عندي غالي ما صدك تروح
ايتامك ايريدونك ومو حلوه عگب عيونك
****
هذا ابوي الماكو بالدنيه بغلاته
الحنين الابد ما زعل بناته
رحل وبرحيله متت ليله ليله ردت اشتكيله عله ضيم السنين
صحت حن عليه بعد ياهو اليه يبويه شبديه كتلني الحنين
اهوايه مشتاگه يمته اشوفك
ارد اشبگنك وما اعوفك
فگدك هضمني وهجرك لجمني
لمن تضمني اترد الي الروح
عن زينب ايبعدونك ومو حلوه عگب عيونك
*
العيد اجانه وهالسنه خالي من الاحباب
وشلي جا بالعيد واهل العيد غياب
اهلنه الجفونه بعد ما يجونه اضنهم نسونه ودربهم بعيد
نظل بذكرهم ونحن الصورهم ونروح الگبرهم اذا مرنه عيد
العيد هالجانه وجينه ليكم
عيد المبارك بس عليكم
اگعدنه بكتركم ونشتم عطركم
انحاجي بگبركم بس ما تردون
الكل تصيح شلونك ومو حلوه عگب عيونك
***
جنت ورده وانته الي ياحيدر الماي
الورده ذبلت من عفتها وتعبت اهواي
انكسر عودي بعدك وهدم حيلي فگدك يبويه شيردك تعبت بجفاك
الي خيمه انته وحنانك فگدته تره الموت شفته يحيدر وراك
بويه عشرتنه احله عشره
وما بقه منها غير ذكره
يالفارگتني عدمن عفتني
مو ضيعتني ومليت العتاب
ماريد اخيب اضنونك ومو حلوه عگب عيونك
***
بليلة افراگك علي صرنه يتامه
ومن بعد عينك عله الدنيه السلامه
يبويه اجمعتنه بحزن ودعتنه علي ضيعتنه يروحي وهواي
يماكو بحنينك كتلني ونينك درت ليه عينك وكلتلي تعاي
گتلي يبنيتي حضري روحج
بكربله باجر كل جروحج
اكبر مصيبه الجثه السليبه
وزينب غريبه ومذبوح الحسين
شفتك تغير لونك ومو حلوه عگب عيونك
****
ودعتني وحيل بويه حيرتني
ليش تحجي وياي وايديك عله متني
ونظرتك اليه احس مو خليه اروحن سبيه وبديه الحبال
تگلي بسبينه الشمر يحدي بينه اصيح انولينه يبويه تعال
الكل يصيحولج يالسبيه
وتسحك حسينج اعوجيه
ينحز وريده وماهو اصبع ايده
هوه وعضيده روس عله الارماح
يم زينب ايخلونك ومو حلوه عگب عيونك
*
تمت
ميثم العمري
قصيدة بحق الامام علي عليه السلام
مفجوع الكَلب وانشده بالي مجروح بجرح راسك يوالي
صابوا هامتي بسيف ياريت ابمصابك
------------------------------------------------
كَاعــــــدة ابيتــــــي واتانــي هسة ابوي ايرد علية
انخمش كَلبي اعلى غفلة وترتجف كَامت ادية
لن اسمعة الصــــــوت نادة علي وافــــتة المــــــنية
ماتــــــت اجــــــدامي بابك آه يدهري شعمل بيه
ابابك انتظر شنهي المصيبة بعدك يالولي اصبح غريــــــبة
صابوا هامتي بسيف ياريت ابمصابك
------------------------------------------------
انظر اعلى اخواني ردوا ياعلي جابوك اخوتي
تنــــــــتچي عليهم اشاهد ريت هذا اليوم موتي
اخمش خدودي وانوحن وحــدي ماطلع صوتي
راح خيمتــــــــــنة التلمــــنة بيك شعظــمها بلوتي
راسك منفطر والدم خظابة شــــيهود كَلب بــــــتك يا يابة
صابوا هامتي بسيف ياريت ابمصابك
------------------------------------------------
آه يدهــــــري ويا عملــــتة مني اخذ احباب كَلبي
من عمت عيني عليهم ويا دموع العــين صبي
عمية كون ولا اشوفك امدد اعلى فراش كَربي
حــيل دوهــــــني زماني ماشــفت من راح دربي
بفراشك تون تصعب علية مدري منين اجت ليك المنية
صابوا هامتي بسيف ياريت ابمصابك
------------------------------------------------
الابــــــــو لو راح بعــــــــــــدة يــــظلم البيت ابرحيلة
موحش وخالي مچانة وحسرتي بعدة طويلة
يمي بس ليلة ويـسافر طــــولي بــوداعة يليلة
شوف ما شــــبعانة منك شــــــوفتك همي تزيلة
يابوية تون دارك خلية بالحسرة اجر وافرك بدية
صابوا هامتي بسيف ياريت ابمصابك
------------------------------------------------
فــــركَة الوالد مصيــــــبة تــــــمرد الروح وتفتها
من دنــــــت ليه المنــــية دمعتي يمة اذرفــتها
كَام يوصي ابهل بيتة روحي يابوية خذتها
حالتة تعمي النواظــر ميتة كون ولاشفــتها
لا ام لا ابو اصبح يتيمة كل عمري العزة بعدك اجيمة
صابوا هامتي بسيف ياريت ابمصابك
_____
أسالكم الدعاء رائد الاسدي
يمسافر لوادي الموت
مأگول بس امودع
تدري بفركتك بالروح
منها الكلب يتصدع
*•──≪᯽≫──•*᯽
تحتم علي مجره العين
هالعين كون احفرها
شلي بنظرها وختموت
ياحاجة بعد انظرها
جتالة دنياي اليوم
راوتني خايب مرها
ابچي ولاچن شيفيد
طولك بعد مايرجع
........... *•──≪᯽≫──•*᯽
روحتك هدتلي الروح
ياخلك بعدك عندي
يمسافر الدرب لموت
تالي تتركني وحدي
ناديت ماتسمع صوت
محتاره امنين ابدي
جرح الكلب بالحسبات
والقهر ظل يتوسع
............ *•──≪᯽≫──•*᯽
صورتك ظلت بالعين
متغيب عن جروحي
رحت وتركت الحسرات
تشعل براكن روحي
نحت بوجع تدري عليك
ما هامك شو نوحي
ماسولفت عن بلواي
بس شوف مني المدمع
....... *•──≪᯽≫──•*᯽
ابحلم ياريت تعود
وتمر عليه اطيوفك
وتعاتب بليلي وياك
وياريت عيني تشوفك
فد روح جنت انه وياك
اشلون روحي تعوفك
لحجاية تدري بفركاك
بالگوة صارت تطلع
*•──≪᯽≫──•*᯽
تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم
((علي الكرار))
ترى الناس سكاره
ومـــــاهـم بسكاره
علي شاهر فقـاره
"""""""""""""""""""""""""""""""""""''''''''''
السوالف تفتخر حيدر .. جملها
وبيك الكتب مزدحمه .. جملها
الكتب والناس مزدحمه
والـمَــطَــــــشر تــــــلمه
طلبتك يـــاعلي الخدمه
عليك حســين ابو اليمه
انتــــــه الآيه مو غيرك
يخير الناس من خيرك
كلام (الله) تفســــيرك
محد يــــــدري تعبيرك
اليسولف بيك مايدري
بأمرتك والدهر يجري
القمر يم گبتك يسري
ويم بابك وگف فكري
المره من وصلت الحوئب
تــــدري بحيدر الأغــــلب
طــــــــاهر انجب الإنجب
خبيثه وحــــــــيدر مأدب
اجت بالجيش معتليه .. جملها
حقوده ولاشرف عدهه وحميه
ترى الناس مناحر
عالي تشوف باچر
علي الكرار حاضر
"""""""""""""""""""""""""""""""""""''''''''''
الأرض ماتت وبس حيدر .. حـياها
الملائك صَيحَتك سجدو .. حيوها
علي وبالجيش من كبر
المابي شي غـــده موذر
فقـــاره وصــــار يتبختر
جيش وفـــــرهدا حيدر
الجَمل ظل يصرخ دخيلك
أنه مـــــــن الناس اشكيلك
غشيم الــــــيوصل الحيلك
يرب النــــــــــــاس تأويلك
كف الجيش بعلامه
سُوگّ الغنم جـدامه
تَعلم سيفه عـالهامه
قاضي ونفذ إعدامه
حتى الخيل مفـــزوعه
صارت خـوفه مزروعه
الجيش تراجع بــروعه
هواي الناس مخدوعه
علي فوگ العرش حجته .. حياها
علي بحـــــــــرامه وبصفه الزجيه
علي بجـنه الزهيه
علي بصفه الزجيه
ويسولف عن رقيه
عبد زينب
محمد الابراهيمي
#نزال
استشهاد الامام علي ع
اليوم ابوالحمله علي امودعينه
والحسـن وحســـين المشيعينه
ـ………………………………………ـ
راح هيبتنه وفخرنه الموت سير صوبه
كل موالي اليوم يشعر هامته المصيوبه
عالملأ هاي المصـــيبه امقدره ومكتوبه
طيحته كسرت ظهرنه وبالالم مصحوبه
راح رفعت راسـنه وحامينه
والحسن وحسين المشيعينه
ـ………………………………………ـ
ضلت الايتام تصــرخ راح شيـــخ الديره
جان خيمتهم وبوهم وبد ميصـــح غيره
چفوفه تمطر خير يمهم عايشين ابخيره
اغياب واليهم عليهم والله اكبر حيـــــره
الموت اخذ حيدر وغمض عينه
والحسن وحســـــين المشيعينه
ـ………………………………………ـ
العيد گرب واليتـــــيم اليوم غاب اهلاله
عگب حيــــدر ماكو فرحه ودمعته هماله
راح ابوجفوف السخيه اليستضل بخياله
الراح ابوالحســـنين منه ابدنيته شيبقاله
ابو الكلفه امصـــابه اثر بينه
والحسن وحسين المشيعينه
ـ………………………………………ـ
فكــــــرو بالغدر لنهم عجزو ايلاگونه
قررو لحضة صـــلاته ساجد يطبرونه
ابد مابيهم شـــــجاع وند اله يخلونه
الصــناديد اتخردل من تصــد بعيونه
قدرو بحيــــــدر وجهلو دينه
والحسن وحسين المشيعينه
ـ………………………………………ـ
الدنيه ماتسوه بغيابه وكلشي ماصخ بيها
راح المحــــليها چان ونوره المضـــــــويها
وطن موبس لليتـــــــامه علي الكل يؤيها
كل وكت فارش حنانه لشيــعته ويحميها
فگده شيب روسنه وماذينه
والحسن وحسين المشيعينه
ـ………………………………………ـ
✍الخادم
كامل السعيدي
#واعلياه~
*جرح الامام علي ع*
جبريل نادى بصيحته واتزلزلت كل العليّه
وكل الملائك كبّرت هاي المسيّه
ومحرابه حمّاي الحمه دمعه جريه
حيدر علي خضابه الدمه
بدم طبرته اتحنّه
〰️〰️〰️〰️〰️〰️
واتهدمت ركن الهدى
ولاجله العرش ينحب
وسمعت عويل من السما وصارت تون زينب
طاح الولي وسيف العدا من هامته اتخضّب
بليلة قدر صاح الوحي لاجله جذب ونّه
آيحيدر ~ بالفجر هامت انطبر
آيحيدر ~ اتصوّب بليلة قدر
آيحيدر ~ غالهِ الظالم غدر
اتزلزل الكون~ اتيتّم كتاب صعبه
اتزلزل الكون~ والملائك تقرا ندبه
اتزلزل الكون ~ غاله ابن ملجم بـ ضربه
خادمة آل محمد✍🏻
لحن (ياعلي يامولاي)
بصوت
ملا امين پريشان
اهواز
#شهادة_أمير_المؤمنين ع
#شوط_كربلائي
#أطوار_مختلفه
#كأني بحال السيدة زينب ع عندما سمعت جبريل ينادي بين السماء والأرض
تهَدّم كل ركن بيّه .. من صاح الوحي صيحاه
الكوفه الليلة محزونه .. وكتاب الله انطبر وسفات
١_ يَريت اللي طبَر راسه .. طبرني وسالت ادمومي
الصّيحة وصْلَتْ الروحي .. وأحسّ الموت إلي يُوْمي(يومئ)
عماد ومسند الأيتام .. وحِمى ليّه وهلي وقومي
القِتَل مَرحب عجب مهشوم
بمحرابه ويسيل ادموم
يربي بالسلامه يقوم
يتمايل على الجنبين .. واملاك السّمه تنعاه
٢_دمع عيوني ظلّ فايض .. على خدودي وصِدّ حاله
ذابل لونه متغيّر .. وجرحه امبدل احواله
مخَضّب شيبه والأعظم .. يشيلونه ترى عياله
لعين الصَوب جبينه
بشهر الصيام يأذينه
أحسّ أمي تِعزينه
وكون انطبقت الدّارين .. لو غُمضت إله جفناه
٣_ قَرَب منّي يناغيني .. وأعاين جرحة الطبره
لله سلمي أمْرِك .. يقلي وبالقلب حسره
ضماني إلى صدره .. وسالت دمعته الحَره
يسولف بالهمس وهداي
إلِك أيام أشدّ من هاي
برض كوفه بلا الوفاي
تدخليها بقلب مكسور .. و ونينك للقلب سلواه
🖊خادمة أبي الفضل
(( فازَ الكرار ))
……………………………………………………………
إنَّ الانسانَ في خسرٍ . قالَ الجبار
و بشقِ الهامةِ نصفينِ . فازَ الكرار
جبـرائيلٌ قـد كبّر
كم أنتَ عظيمٌ حيدر
فازَ الكرار .. فازَ الكرار
……………………………………………………………
مختلف حيدر تماما . عن البشر بأعتقاده
لا مال لا بالمناصب . الفوز عنده الشهاده
ابليلة قدر و بصيامه . وابوسط بيت العباده
مو سيف نازل يطبره . نزلت عليه السعاده
نزل دمه . و لا همّه . بأمر ثاني انشغاله
رفع راسه . و غده احساسه . فقط يم الله باله
من حرِ السيفِ حيدرةٌ . ما قالَ الآه
بل نادى وبصوتِ العشقِ . الله الله
والعرشُ وروداً امطر
كم أنتَ عظيمٌ حيدر
فازَ الكرار .. فازَ الكرار
……………………………………………………………
هالدنيا ما حبها حيدر . لا ما تليق ابكيانه
يرجع الاصله الطبيعي . يم عرش ربك مكانه
جبريل و اعليه يهفّي . أيات يهمس بذانه
والانبياء صاحت اهلا . بـ أستاذنا العلّمانه
ركض هبّو . عليه التمو . بخيت القبل ايده
يشبگونه . ويحاجونه . علگ منك نريده
عملُ الكرارِ في الحوضِ . فهوَ السقّاء
لا يعطشُ ابداً من يشرب . من يدهِ الماء
يتعطرُ ماءُ الكوثر
كم أنتَ عظيمٌ حيدر
فازَ الكرار .. فازَ الكرار
……………………………………………………………
كل قصده من گال فزتو . يلتقي بسيد البريه
عد طه والجنه وحشه . من غير حيدر أخيه
عد حيدر الطبره موعد . ساعة لقاء المنيه
العزريل و يگله عجل . خليني اشوف الزچيه
تلاگيني . وتداويني . وتطيب جروحي كلها
العمر عگبچ . وحگ ربچ . فلا يسواش اگلها
يا ملكَ الموتِ لكني . جداً مقهور
اعلمُ لا زالت يؤذيها . ضلعٌ مكسور
والعينُ بلونٍ احمر
كم أنتَ عظيمٌ حيدر
فازَالكرار .. فازَ الكرار
……………………………………………………………
هالدنيه ما تستحقه . حيدر اهوايه اعل عصره
تحكم اولاد البغايا . وابيته گاعده تجبره
اتقيس الاسد بالنعامه . اضحوكه وامصيبه كبره
اعليه فضّلوا أبنَ هندن . المعروفه ام رايه حمره
علي النعمه . على الامه . و لا عرفت قدرها
لذا بالذل .بگت تنزل . خنوع اگضت عمرها
من باعَ علياً و اختارَ . أبنَ السفيان
وللهِ كفرٌ لو قلتَ . هذا أنسان
هذا شيطانٌ أكبر
كم أنتَ عظيمٌ حيدر
فازَ الكرار .. فازَ الكرار
……………………………………………………………
طبعا يفوز التخلّص . من ناس ما عدها كلمه
اتخلص من اهل الخديعه . راح الملائك تخدمه
چن گبر صار حياته . ابلايه الصحابه التفهمه
لا ابن الاشتر يشوفه . وعمار ماهو يمه
ينوح الهم . ينادهم . يسلمان و يباذر
يصحباني . اشتياق آني . بكثر هالدنيه واكثر
فيِ قلبِ عليٍ شوقٌ . شبهُ البركان
فيريدُ مثلَ الرمشينِ . يحضنُ سلمان
حضنٌ بالحب تعطر
كم أنتَ عظيمٌ حيدر
فازَ الكرار .. فازَ الكرار
……………………………………………………………
فايز لان يدري خلّف . فارس وريث الشجاعه
عباس لحن البطوله . اتحب المعارك سماعه
عباس يتنفس اخته . منقوش اسمها ابذراعه
الكمر لو عاين الها . عالجبله يذبح شعاعه
نِطه عينه . او يجفينه . قرابين الخدرها
من المهدِ . الى اللحدِ . وقف روحه و نذرها
عادَ الكرارُ فيِ الطفِ . قالوها الناس
لكنَ العلقمي ناداهُم . هذا العباس
شبلٌ من ليثِ يزأر
كم أنتَ عظيمٌ حيدر
فازَ الكرار .. فازَ الكرار
……………………………………………………………
✍️ ( سيد خضر الزاملي )
قصيدة أميرالمؤمنين سلام الله عليه
تتكلم عن حال كل بعد نذمب
على لحن ايام ايام هاي الدنيا ايام
:::::------::::::
حيدر حيدر اسمك جنه حيدر
من عندك عرفناها
انته الجنه معناها .. اسمك جنه حيدر
::::::-----:::::
الليل لو جلجل علينه واحنه مشغولين بلهم
ما حسبنه احساب باجر ادروس بالدنيا نتعلم
حيل غرتنه بطمعها واحنه نعرف راح نندم
لو كعدنه بنص مجالس بس فتن كلها اتكلم
ماحسبنه احساب باجر
عدنه كلشي انريده حاضر
وندري جم يوم و نسافر
بس عندك لكيناها
انته الجنه معناها . اسمك جنه حيدر
:::::-----:::::
والله يا حيدر طريقك بي نجاة وبي سلامه
و عنك الله شكثر كايل بالروايات و كلامه
فاز كلمن مشه بدربك يربح الدنيا و قيامه
فايز الحباك حيدر يكضي عمره ببتسامه
يربح الي مشه بدربك
الله يا حيدر يحبك
تنطبر جاشنهي ذنبك
يبن عم النبي طه
انته الجنه معناها . اسمك جنه حيدر
:::::-----:::::
حيدر اليمشي بطريقك شايل اخلاق وتواضع
كون بس بالخير يسعي بهل فعل لا ما يمانع
نعرف اسمك بالصداره اول انته وموش رابع
والتركهن ذني كلهن يعني هذا نكول ضايع
تخلبص وضاع الغزيل
محتار جا بيمن يفل
والله منطينه العقيل
بسمك كون نتباها
انته الجنه معناها . اسمك جنه حيدر
:::::-----:::::
بيش مشغولين مدري بالضلام و بالمكر
بالضلام ايام خلصن ضاع يا وسفه العمر
خلص يا حيدر صبرنه بعد ما عدنه صبر
اليوم اصبحنه يتامه يا علي وتاه الفكر
جارت الدنيا علينه
احنه كلشي ما بدينه
كون تدري شكد بجينه
اعلينه اشلون ترضاها
انته الجنه معناها . اسمك جنه حيدر
:::::-----؛؛؛؛؛
هاي نعمه بيها ننعم كون هل نعمه نجلها
من ندور الكون كله ما يصح والله مثلها
ذنوبنه هوايه يحيدر انته بس انته التحلها
الله حيل يحبنه حيدر جي الخدمه مانملها
عدنه احنه خدمتك
نرجه باجر رحمتك
محمله ياحيدر اجتك
يمك ندري ملفاها
انته الجنه معناها . اسمك جنه حيدر
:::::-----:::::
حسن صالح العيساوي
انته الولي.. ونعم الوالي
ماعندي غيرك ياعلي
ياحاضر الشده هناك تحضرني يوم الشده
...................
ماعندي شي يسوه ودمعتي بعيني
وذنوبي كثره وكيدت جفيني
بليلة الوحشه وحدي لتخليني
وسط الكبر.. انته الذخر
حبتك روحي امن الزغر
ابلا نور وجهك مولاي گلبي ابد مايهده
.....................
بالدنيا عايش بسمك وطاريه
اكعد واكوم بياعلي يوميه
ذكرك عباده ومنفعه وروحيه
يجلي المحن.. يابو الحسن
بكل عمري حسيتك وطن
بيك انه متمسك حيل وحبل الوصل ماهده
...................
ماهد وصالك ياشفيع اذنوبي
كاتبلك بنبض الگلب مكتوبي
محبوبي انته ياعلي محبوبي
ليك التجي.. وبيك ارتجي
لله بدمعتي والبجي
الله يحبك مولاي وتشفعلي اريدك عنده
.....................
النعمه الجبيره اولايتك مطلعها
خير وسعاده وبالگلب اسمعها
غذتني امي حبك بمرضعها
من اولي.. وكالت الي
يبني الفيدك بس علي
نصبه الباري اعله الكون وخسران كلمن ضده
........................
دكيت بابك وبدليلي الحسره
يالتجبر الخاطر وابد متكسره
خليني خادم دوم الك عالفطره
رزق الگلب.. دمع اليصب
من دونك أشعر بالغرب
مذنب وجيت اترجاك ذنبي عبر عن حده
.....................
بيدك تطهر گلبي من عصيانه
خجلانه روحي امن الذنب خجلانه
ياعلي الما حبك خلل بيمانه
عمري گضه.. يالمرتضه
ودلالي بمحبتك حضه
يم منكر احضر وياي وحل من لساني العگده
محمد هادي العقابي
جديد قصيدة بين الامام علي والسيدة زينب عليهما السلام
آه يـا نار الهـجر بالكَلب من تسـتعر
هذا اخير وداع مني صبري يا ام الصبر
---------------------------------------------------
بـــوية يازينــــــب تعالي تكَربيلي ياظـوة العين
آية من قـــرآن ناطــــــــق انتي يابوية تعرفين
عليچ تتوالة المصايب ها يزينب لا تجزعين
ارد اشــــوفن بيچ امچ كل مصيبة الها تصبرين
عــــــــنچ ايطول الســـــفر وهمچ بگلبچ كبر
ابقى بس ذكرى حزينة تالمچ من تنـــذكر
--------------------------------------------------
آه يا حـــيدر يبــــــوية لو تشاهد حالي اشلون
مو سهل فكَد الاحبة بالكَلب حسرة يخــلون
راح اظـل بعدك يتيمه واليتيم ايدور العون
الحزن ساكن ابكَلبي بالبواچي اتشيب العيون
بوية مثل امــــــي اون وانة اصـير ام الحزن
ماتغـــــيب ابالي حاظر بية لو طال العمر
------------------------------------------------
عاشــــراچ اول حياتــچ الحزن عدچ نزل
شفتي امچ يا حنينة والدهر بيـها شعمل
وراح نتفــاركَ يزينب هالــدنة مني الاجـل
بيـــدي اسلمــنچ امانة لبني عــــباس البطل
من ايدي بيدين الكفيل يعدل الحمل اليميل
الوكـــــت لو مال بــــيها انتة اريـــــدنك ظــــخر
__
لو غمض جفنك يحيدر بالعذاب انعيش تالي
والنعش مشيول لو طر ينفجع گلبي يغالي
تعوديـنة انلوذ كلــــــنة حدر جنحينك يوالي
ياهو بعدك للــــــيتامة من تغيب شلون حالي
الدمع بعـــدك يصــــب وانه مفجوعة گلب
نعيش بالدنيا غرايب واحنا من سيد البشر
--------------------------------------------------
الحسن مظلوم بعدي بالسم ويطيچ عمرة
ايلوج يا بوية ويعاني كَبالچ وعينچ تنـــظرة
والحسين اگبال عينچ ينذبح ويفيض نحرة
وتنذبح اهلة وبنينة والخيول ادوس صدرة
وحركَ الخيام وسبي تمـشي اهل بيت النبي
وانتي يا زينب غريبة مچتفة بحبل اليسر
----------------------------------------------
أسالكم الدعاء رائد الاسدي
قصيدة تطبير بحق الامام علي عليه السلام
الفارسُ الضرغام منهُ أُصِيب الهام
يا أُمة الاسلام راسة انطبر حيدر
حيدر حيدر / حيدر حيدر
======================
ابسيف الخيانة انصاب ياوسفة داحي الباب
فوكَ المتن ينجاب لبيتة ابدمة امعفر
حيدر حيدر
=====================
شالوا على المتنين متن الحسن وحسين
وحيدر يدير العين زينب لا تتكدر
حيدر حيدر
======================
زينب تصيح بصوت يابوية جاك الموت
تبچي وتدكَ بسكوت دمعتها تطشر
حيدر حيدر
======================
بفراشة نام الحيد سابل رجل والايد
يا وسفة ياصنديد وجهك صبح اصفر
حيدر حيدر
======================
بعصابة شد الراس ويتلاگف الانفاس
واگف يون عباس يم والدة اتحسر
حيدر حيدر
=======================
ام البنين اتنوح منها الدمع مسفوح
يمك تجي وتروح يمتة الجرح يجبر
حيدر حيدر
=======================
راسة انشطر بالسيف حيف والف يا حيف
باچر شگل للظيف من عندة شتعذر
حيدر حيدر
=====================
ايتامك اتحن ليك وعالموعد اتانيك
ما تنسة ابد تدريك عنهم لاتتأخر
حيدر حيدر
======================
أسالكم الدعاء رائد الاسدي
نزال بحق الامام علي عليه السلام
ياعلي الايتام دكت بابك
حيل ماذيها يوالي مصابك
-------------------------
اسمع انياح اليتامة ابهالمــــــسه
كلها يم بابك يحــــــــيدر جالـــسه
والارامل حظرت اتعازي النسه
التمت اعلى الباب كل احبابك
-----------------------------
بينا وصيت الحسن ياابا الحسن
تدري بينا ايــــــــتام ما عدنة وطن
انته ابونه وانته كلشي ابهالزمن
انعاتب وياذيك خاف اعــــــــتابك
----------------------------
چفك اليمــــــــسح علينا انقبلة
من تفاركَنا يحيــــدر مــــشكلة
چانت الايــــــتام بيــــك مــدللة
ما نحملة ايطول عنا غيابك
----------------------------
باللــــــطم والنــــــوح نــــــــسهر للصبح
نلطم اعلى الراس ونصيبة بجرح
ياعلي هيهات مــــثلك ما يصــــــــح
فــــــدوة كلنا انــــروح لجل تــــرابك
-----------------------------
ياعلي بالطــــــيف هم لينا تمر
لـشوفتك نشتاكَ دوم وننتظر
تمشي عنا بعيد ما عدنا صبر
فدوة ريحة انريد من ثــــيابك
----------------------------
نحتمي بحماك چنه ابكل عسر
ما شعرنا ايــــــتام لاهــــــــمنا الفقر
شكد يريح البال چفك من يمــر
كَاعــــــــدة الايــــــتام يم اعــــــتابك
----------------------------
من يمرنا الشوكَ ونحس ابحنين
وين نتــــــوجه يا امير المؤمــــنين
راح يم كَبرك نــــــزيد احنا الونين
ونذكر الطــــبرة ومصاب الصابك
----------------------------
أسالكم الدعاء رائد الاسدي
دنيه بلا ابو ما تسوه وظلام
ومن ترحل علي عالدنيه السلام
زينب شفتها من تون زينب شفتها
عدمن عفتها ياعلي عدمن عفتها
*
طالت بفگدك صفنتي وشوفتك بويه راحتي خيمتي وطاحت خيمتي شوف
ماينحمل فگدةالابو من يرحل ايعوضه منو افگد حنانه والدفو شوف
يابويه احس ظهري انحنه وياهو اليعايدني السنه ظليت بويه مدوهنه شوف
يوميه انجرح وتعبني الزمان
بفراگك علي فارگت الحنان
من فارگتها اتعذبت من فارگتها
عدمن عفتها ياعلي عدمن عفتها
***
مافارگتني صورتك وليليه اروح الحجرتك جم مره مت ابفرگتك وين
ابجي عله عشرتنه الصدك وماجنت اضنن نفترك عايفني كل ساع احترك وين
ارجعلي مو حالي صعب بفرگاك حسيت بغرب غيابك علي شلعت گلب وين
وحشه دنيتي وصارت كلها ليل
تعبني الهجر وماظل بيه حيل
روحي خذتها من رحت روحي خذتها
عدمن عفتها ياعلي عدمن عفتها
*
تودعني وبعينك حزن وكلما صحت بويه تحن تباوع عله امتوني وتون
ليش
وجفوفي تلزمها شكثر وتصيح ابعد ياشمر زينب تظل ام الخدر
ليش
وصوطك ابعده والحبل ابنيتي مو مالت هزل ومحد تره شاف الها ضل ليش
مو مالت سبي زينب بت دلال
بالك ياشمر تجتفها بحبال
لو جتفتها تنجرح لو جتفتها
عدمن عفتها ياعلي عدمن عفتها
****
كربله هيه اكبر جرح حرك وسبي تله وذبح سلب وهزل سهم ورمح ضيم
خيمتج زينب تحترك ومتونج ايصيرن زرك وحسين صدره ينسحك ضيم
وهناك يم المشرعه عباس اخيج مصرعه وجفينه يمه مگطعه ضيم
مرمي عله النهر ويمه الرايه هاي
وصابو جربته ومنها اتبده ماي
عينه اعرفتها من السهم عينه اعرفتها
عدمن عفتها ياعلي عدمن عفتها
*
بحلامي اشوفن كربله خيل وزلم كرب وبله حاجيني ياهو حرمله ذاك
ذاك الطفل جنه عرف مو للسهم نحره ترف عبدالله طير ويختلف ذاك
ياهيه ذيج التبجي هم توجعها اذنها وكلها دم تركض رقيه من الألم ذاك
مجروحه الاذن وتگوم وتطيح
وتسحك عالجمر بويه الحك تصيح
شگد عذبتها كربله شگد عذبتها
عدمن عفتها ياعلي عدمن عفتها
**
ذاك الحسين اعله الثره بسيفه الشمر حز منحره اثنعش طبره يطبره راح
من الشمس جسمه يحترگ ومن الحوافر والسحگ صدره عله ظهره ينطبگ
راح
عطشان اخيج ينذبح والف وتسعمية جرح وينرفع راسه عله الرمح راح
سلمي بكل وكت عالخد التريب
وشعندج دمع ابجيه عالغريب
شگد حيرتها مصيبته شگد حيرتها
عدمن عفتها ياعلي عدمن عفتها
****
تمت
ميثم العمري
استشهاد الامام علي ع
شافت عيني بابين-لچمن گلبي مرتين
فتحت مأزرك بويه وكسر ضلع ام الحسين
++++++++++++++
زغيره اني چنت*بحجر امي اسمعت
باب اندگ رجف گلبي اعله حيله
اشأجه الروحي گلت*وره امي اطلعت
ثگل جدمي ولا بيه اشيله
سنّدني حسن وحسين للزهره مشينه
وصلنه ومالگيناها وينچ يالحنينه
وصلت ثوبها امن الباب هاي امي درينه
اجر بقوتي بالثوب-لن صوت امي متعوب
بسمار بضلع نابت تنادي لاتجرين
فتحت مأزرك بويه وكسر ضلع ام الحسين
+++++++
اجه ثاني جرح*ابشهر الله السمح
الابو ضايف عله ابنيته الحبيبه
افطرت گرصه وملح*وقبل وجه الصبح
نمت ساعه اگعدت تنعه المصيبه
سلام الله عليك اهواي شاغلني بنظرتك
لزمت مأزرك بلباب ماتسلم عرفتك
تقره اشدد حزام الموت من ايدك لزمتك
مدري المسجد إتروح-لو ترجعلي مجروح
راح ابقه انتظر ترجع واعيش بروحي نارين
فتحت مأزرك بويه وكسر ضلع ام الحسين
++++++++
خذت گلبي ورحت*اعرفت من رجعت
اكو بگلبك حچي اظهر كلامه
احس گلبك بچه*نظر عينك حچه
الحمد لله الخدر هسه بسلامه
من باب الخيم للماي من يطلع كفيلچ
ترجف خيمتچ وياچ ينهد كله حيلچ
يتاخر يروح حسين بس محني يجيلج
من يلفظها بحساس-راح امن ايدي عباس
جمره تنزل ادموعچ قبل حرگ الصواوين
فتحت مأزرك بويه وكسر ضلع ام الحسين
+++++++++
حسين آخر ظِهر* تقدميله المهر
ويأشرلچ عله ثيابه القديمه
تصيحينه انتظر*وتحبين الصدر
ومثل صيحة أوز صيحة حريمه
باب الخيمه مو مسمار تلزم ثوبه سكنه
ارجع لو اخذني وياك بعدك ياهو النه
يمشي ويلتفت بهداي آخر نظره منه
من گدامچ ايروح-واتعرفينه مذبوح
خالي لو رجع مهره تسألينه وگع وين
فتحت مأزرك بويه وكسر ضلع ام الحسين
+++++++++
الچ زينب وعد*عله كلهن اشد
يم باب القصر ذيچ الظهيره
اليمر بيكم نشد* اشمنتظره بعد
دخلو بت علي ايصيح الهظيمه
كلها لو دخلتي اتصيح اجت بت الزچيه
عليچن تلتفت لنظار تلتمن سويه
ياهي امن الحرم زينب يصيح ابن الدعيه
راس اگباله موجود-يضرب شفّته بعود
شيل ايدك تصيحينه اكسرت من عنده سنين
فتحت مأزرك بويه وكسر ضلع ام الحسين
ثائر الربيعي
مقدمه مجلس
صلى الله عليك ياسيدي ويا مولاي يا رسول الله، وعلى وصيك امير المؤمنين، السلام عليك يا ابا الحسن والحسين، السلام عليك يا عمود الدين، السلام عليك يا سيد الوصين، يارحمه الله الواسعه وياباب نجاه الامه ماخاب من تمسكه بِكُم وامن من لجأ اليكم سادتي، فنفوز والله فوزا عظيما..
نعي للأمام علي عليه السلام عن لسان السيدة زينب عليها السلام
فطورك يبويه حضريته
ومجانك بجيت وعاتبيته
للموت يومك ما نسيته
❥❥❥❥ـــــــــــــ❁❁ـــــــــــــ❥❥❥❥
گلساع اذگرك وابجي سگته
ونعشك تعده وما لحگته
مو ظهري احس گلبي الگسرته
❥❥❥❥ـــــــــــــ❁❁ـــــــــــــ❥❥❥❥
مو ظهري احس انگسر گلبي
من فرگتك ما شفت دربي
عله الفرگه صبرني يربي
❥❥❥❥ـــــــــــــ❁❁ـــــــــــــ❥❥❥❥
افراگك هدمني ومرضاني
اباب النزل ضليت اتاني
جذبت علمك من اجاني
❥❥❥❥ـــــــــــــ❁❁ـــــــــــــ❥❥❥❥
بلعيد جا شيصير بيه
يل ما زينب خطيه
وياك اموتن لو بديه
❥❥❥❥ـــــــــــــ❁❁ـــــــــــــ❥❥❥❥
وياك ما طالت عشرتي
ليل نهار اتهل دمعتي
بس الله الي يدري ابهضمتي
❥❥❥❥ـــــــــــــ❁❁ـــــــــــــ❥❥❥❥
➖➖➖➖➖➖➖✿────↻✿...✿↺────✿.
نعي للأمام علي عليه السلام عن لسان السيدة زينب عليها السلام
عيدك امبارك تحت الاتراب
جرحك نشف لو بعده ما طاب
جد الولد يا اغله الاحباب
❥❥❥❥ـــــــــــــ❁❁ـــــــــــــ❥❥❥❥
جد الولد يا ماي عيني
خافن تروح وما تجيني
ونيت ما تسمع ونيني
❥❥❥❥ـــــــــــــ❁❁ـــــــــــــ❥❥❥❥
ونيت ما تسمع الونه
نتانيك لو نگطع الظنه
من رحت ضل موحش نزلنه
❥❥❥❥ـــــــــــــ❁❁ـــــــــــــ❥❥❥❥
من رحت محد دللاني
علباب گل يوميه اتاني
افراگك گتلني ومرضاني
❥❥❥❥ـــــــــــــ❁❁ـــــــــــــ❥❥❥❥
افراگك صعب ما بيه احمله
وحملي يميل ومن يعدله
ياهو البعد عن ضيمي اگله
❥❥❥❥ـــــــــــــ❁❁ـــــــــــــ❥❥❥❥
ياهو اليجيني ويدك بابي
شوف الدمع بلل اثيابي
عاتبت ما تسمع عتابي
❥❥❥❥ـــــــــــــ❁❁ـــــــــــــ❥❥❥❥
تمت بقلم خادمة اهل البيت ع
#الشاعرة_فاطمة_الساعدي
✍️🏴أنت المعزى سيدي يا صاحب الزمان ... عظم الله اجوركم💔
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👤🧿....................🥺😭💔...خدمتكم شرف لنا
ياعالي اعله النجم فوك السمه نرفع
ماتنقاس ابـ بشخص يا ســيد الورع
يا اول معجزه ترد بيده الشمس
مامش مثلك بشر بالمسجد انوضع
بس علي بالعالم يختلف عن كل احد
بصوته يحجي الباري للنبي من صعد
جا شني مــن زلمه كلشي بالكون اله
مـــن نريد الــعونه منه نطــلب مــدد
ياعلي المامش وراه ثاني
الـ يبغضك لسه بقه يعاني
انته ترتيل السمه والكاع
وصورتك بالبيت قرئآني
علي مولاي ياعلي
''''''''''''''''''''''''''''''
يا قــتال العـــرب مـــخلي الزلــم تفر
من تخطف مهرته جــن خطفت صگر
سيفك يـــم الـــــرگب يحنيها حني
يــــم فـقارك ابــــد مـــــا الهن سعر
مـــــن يكض الحومه يطشها ويلمها لم
مـــوش بــس بسيفه برمشه يذبح زلم
لـــــو مثل شخصيته عشره خلف ابوه
جـــا ذبـــــح كل كافر ومابقه اي صنم
بالعرب ما حصلـــو نده
واليجيله يذبحه ويرده
والنبي من انطاه الرايه
جي ولا واحد وصل حده
علي مولاي ياعلي
''''''''''''''''''''''''''''''
ع الفقره رايته طـــول الزمن ترف
حاكم كل العرب بس طبعه يختلف
بدولة حيدر علي كلها صـارت سوه
كلها انطاها علي عرف ومـــو عرف
كلها ضــــاكت زاده وكلها شهدت اله
علي تـــــواضع لله وارتفع چـــم منزله
ماطرد اي واحـد لا كـسر خاطر بشر
بكل معصيه حاضر وبيده حل المعضله
ما رجــع منه بشر خايب
ينطي جـفه وماحرم طالب
مــــاكو منه ومـايجي مثله
نياله من جان لعلي صاحب
علي مولاي ياعلي
''''''''''''''''''''''''''
صايم جــاب العمر وقله الي فطر
الوادم تاكل خبز وهوه يشد حجر
تطحن جـفه القمح ويعجنه بدمـع
يسوي خــير ويذب ويلهم بالصبر
وكت عوز النعمه جفوفه نــعمه تصب
الليل نوم الوادم حـيدر الينكل حطب
كون كلها الوادم مـن علي تاخذ درس
بمنهجه نتأسه مـــــو دراســــه وكتب
من علي ناخذ حكم وافعال
ومـا نكثر قــــيل ويه القال
العنده حيدر مايدنگ الراس
العنده حيدر عنده راس المال
علي مولاي ياعلي
''''''''''''''''''''''''
خادم القصيده
عزيز المياحي
#زينب_تخاطب_ابيها
تدري الموت اشْوالي
بعدك ما يســر حالي
منـي ضــــايع الغالي .. تدري
//////////////
يابويه ماعندك علِم .. شمسوي فگدك بيه
حتى الطيور البسمه .. من ونّي تبچي اعليه
ابمحرابك اشعلك شمع .. كل مغرب وصبحيه
ولسْمَك افز من نومتي .. من ينذكر طاريه
جفني ماطبگ ساعه
الغالي يكلـف اوداعه
گلبــي تحس بوجاعه .. تدري
////////////////
يابويه من طبني الخبر… گلبي انصدع حسيته
بعيوني ضاگت دنيتي... والموت الي اتمنيته
شفت الحسن ظهره انْحِنَى… من طاح شمعة بيته
وحسين يلطم عالوجه… وبحسرتي اتلگيته
وصـرخ راح خيمتنه
غايــب عنه عزوتنه
اخلافك هاي حالتنه .. تدري
//////////////////
ياسورنه البي نحتمي.. ويالنستراح ابفـيّه
ياحيلنه المنه انهدم .. كل حيل ماضل بيه
اشكيلك اعتاب الهجر .. وقره ابلحن لطميه
وبگليبي انصبلك عزه.. يا بالحسن ليليه
ذبّـل…. بالهجـــــر لوني
ابيضّت بعـــدك اعيوني
ابجرحك والله جرحوني .. تدري
//////////////////
العيد گرب يا علي .. وغايب اهلالك عني
وياك اخلصنه ردت .. سهم الهجر يلچمني
إرجَع انادي ابدمعتي .. بس انته ماتسمعني
متعذبه وگلبي انمرد .. بيك الدهر فاجعني
اوصِيْتي لليدفنــــــونك
ابهــــيده لا يلجمــــونك
عمـــــري شيسوه من دونك.. تدري
///////////////////
يابو اليتامه يا علي.. تنشد عليك ايتامك
اتعودو بيهم تِمُر .. برغيفك وبالثامك
حتى الرضيع البلمهد.. يبچي وترضعه ابهامك
ضلو ينادون ابدمع.. شيردها ذيچ ايامك
وحشه الدنيـه بغيابك
تلچــم لوعة امصابك
الفقـره تنحــب ابابك .. تدري
////////////////
الخادم
كامل السعيدي
#احساس_مشترك
القصيدة "علي مات
❀¸¸*¨*•.꧁فـــاطمة و شهــد꧂ .•*¨*.¸¸❀
علي مات
هالليلة يشيعتنه علي مات
اعلنوا احْداد قيموها الصلاوات
ما يرجع بعد صرنه يتيمات
❀¸¸*¨*•.꧁فـــاطمة و شهــد꧂ .•*¨*.¸¸❀
بويه بعازتك لتغمض اعيونك
راسك منطبر واتسائل شلونك
شنهي ضلتي يادنيتي بدونك
راسه ينطبر حيدر حسافات
❀¸¸*¨*•.꧁فـــاطمة و شهــد꧂ .•*¨*.¸¸❀
تخليني وحيدة شلون يا حيدر
خدّي من اللطم لونه صبح احمر
لايگ ثوب حزني بويه ومگدر
من عيني شوكت تخلص الدمعات
❀¸¸*¨*•.꧁فـــاطمة و شهــد꧂ .•*¨*.¸¸❀
نزل سيف الحقد يابويه حس بيه
أنه بلياك من هساعه مسبيه
دمعي عليك ماكفيت جارية
حسافه ما ترد لينه سلامات
❀¸¸*¨*•.꧁فـــاطمة و شهــد꧂ .•*¨*.¸¸❀
باجر بالطفوف احتاج حنيتك
مااهاب الاعادي وانه تربيتك
ادركني يغالي بشدة ناديتك
دخيلك ياعلي ماعدنه خيمات
❀¸¸*¨*•.꧁فـــاطمة و شهــد꧂ .•*¨*.¸¸❀
اناديك المدد والدمعه بعيوني
ماخابت ابد بوجودك اضنوني
من باجر اخاف اعداك يسبوني
لا تنسانه من نصبح سليبات
❀¸¸*¨*•.꧁فـــاطمة و شهــد꧂ .•*¨*.¸¸❀
مو موجود بويه بساعة المحشر
اريدك بالطفوف بغربتي تحضر
تشوف شلون صدر حسيني يتكسر
لا تتركنه يا بويه وحيدات
❀¸¸*¨*•.꧁فـــاطمة و شهــد꧂ .•*¨*.¸¸❀
للشاعرات
#شهد_حسن
#فاطمة_هاشم_الحسيني