7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ليالي موحشة ومخيفة وكانما ايام اليُتمِ اقتربت
واعلياه 😢
نعي لاستقبال الفاجعة
مدري شمالنه بالضيج نمسه
والهم بالگلب جاثم نحسّه
و مثل الهدم صرنه نلبسه
وعله گلوبنه ماتمر ونسه
الليل نفسه الصبح نفسه
ارواحنه محبوسه حبسه
چن علي جاي تغيب شمسه
😢
ام محمد الحجاج
حْسِينْ نَظْرَةْ عِينَكِ تْأَذِّينِي
لَا تِگِلِّي شْلُونَكِ تْبَچِّينِي
-----------------------
حْسِينْ إِصْبِرْ عَالْتِشُوفَه بْعِينَكْ
طَبْرَه وِحْدَه بْرَاسِي وِينِي وْوِينَكْ
رَاحَ اشُوفَكْ عَالثَّرَى مْگَطْعِينَكْ
كَرْبَلَه جَمْرَه شْكِثُرْ تِچْوِينِي
-----------------------
حْسِينْ رَاحَ امْشِي لَچَنْ مُو ظَامِي
وْلَا ذَبِحْ خِلْصَتْ تَرَه أَيَّامِي
وْلَا حَوَافِرْ دَاسَتِ عْلَه عْظَامِي
وْعِيلِتِي يَمِّي تِهَوْدِ وْنِينِي
-----------------------
حْسِينْ هَاذِي چْفُوفِي مَا گِطْعُوهَه
وْلَا خِيَامِي بْطِيحِتِي حِرْگُوهَه
وِالثِّيَابِ عْلَيَّه مَا سِلْبُوهَه
وْخُنْصُرِي سِالِمْ بُگَه بِيْمِينِي
-----------------------
حْسِينْ رَاسِي عَالْجَسَدْ تِبْرَالَه
وِانْتَه رَاسَكْ عَالرُّمُحْ يِتْعَالَه
بْصَدْرَكِ يْدُوسِ الشِّمِرْ بِنْعَالَه
بْصَدْرِي لُوعَةْ مَصْرَعَكْ تِدْرِينِي
-----------------------
حْسِينْ زِينَبْ عُگْبِي مُو مَسْلُوبَه
بِالْخِدِرْ أُمِّ الْخِدِرْ مَحْجُوبَه
شْلُونْ بِيهَه بِالْيِسُرْ وِدْرُوبَه
مِنْ بَعَدْ عِينَكْ إِلِي تْنَخِّينِي
-----------------------
حْسِينْ آنِي جْنَازِتِي تْشِيلُوهَه
بِالْمَدَامِعْ كِلْكُمِ تْشَيْعُوهَه
وْجِثِّتَكْ فُوگِ الثَّرَى يْخَلُّوهَه
هَاذَه كِلَّه رَاحَ اصِدْلَه بْعِينِي
-----------------------
#الليالي_العلوية
الشاعر حسن خنافر العاملي
🏴 فقد الأب الرحيم ..
وقد قربت ليالي الحُزنِ منا
بها يقضي أمير ُ المؤمنينا
ليال ٍ أسبَلَت دمعَ اليتامىٰ
غدَوا حَيرىٰ عليهِ وهائمينا
تُذكَرُنا بزينبَ حينَ نادت
لأجلِكَ ياعلي ُ دَماً بكينا
تَمَهّل لا تُفارِقنا فإنَـا
بلا عيد ٍ نظلُ ولستَ فينا
#ياعلي 💔
#سمير_الصالحي
#البصرة_الفيحاء
🏴أبوذيات
تزيد جروح لبگلبي عليراح
واظل اصفگ أنه براحٍ عليراح
هضيمه من اسمعت صاحوا عليراح
وصحت ياريت وافتني المنيه
ظلام بلا علي ويلاه يهلبيت
ويمن كون اتبع الوالي يهلبيت
مصايب شفت من زغري يهلبيت
وحده باثر وحده بلا رويه
#ياعلي 💔
#سمير_الصالحي
#البصرة_الفيحاء
#الخميس_29_3_2024م
#17_رمضان_1445هـ
*الوصية من أمير لأميرة*
*حوار يدور بين الامام علي ع وابنته زينب ع*
يا زينب وصية گِعدي وٱسمعيها ~
صعبة هالمسية أمانة وتحمليها ~
ٱصبْرِي عالرزيه والدمعة احفظيها ~
لا تهلّيِ عيونچ اچدّامچ محن كثره
〰️〰️〰️〰️〰️
عندچ مصايب تنتظر بيها العجايب
كل محنة تتبعها محن وتتبع نوايب
بس الله خالق زينب لهاي المصايب
كعبة وتطوف ام الصبر كل محنة للعتره
〰️〰️〰️〰️〰️〰️
سؤال زينب؟ شعندك يبويه؟
بحر طويل
شعندك يبويه من محن يا حيدر اخبرني
مفجوعة ادري بـ اخوتي وانت الي تفجعني
يوم الحسن كله محن يا بويه دوهني
ويوم الذبيح بكربله لن خاطري يِكِسره
〰️〰️〰️〰️〰️
يگلّلها من بعدي الحسن چبده يسمونه
وحسين اخوچ بكربله ظامي يذبحونه
وانت غريبه وتنسبي وخدرچ يشوفونه
صعبه الأميرة تنسبي لديرة غرب حسرى
زينب زينب زينب
〰️〰️〰️〰️〰️〰️
واعظم محن في كربله تشوفي جسد مطروح
وخيول اميه تسحقه ودم النحر مسفوح
وراسه يشيلونه برمح واويلي عالمذبوح
وخيل الاعادي حاطته تطحن عظم صدره
حسين~ صح ونادي واحسيناه
خادمة آل محمد ✍🏻
*خطاب زينب ع مع والدها امير المؤمنين ع/ لحن أمانة هالوصية~*
تگله آه يا غالي~
يا عزّي ويا دلالي~
بعد عينك يبويه
دمعاتي جريه~
تروح عني عني عني ~
يزيد ونّي وني ونّي~
〰️〰️〰️〰️
يألّمني رحيلك
وجرح گلبي ٱشتكيلك
يالـ مني ماخذ الروح
ورايح من اديّه
فراگ يصعب يصعب يصعب
تصيح زينب زينب زينب
〰️〰️〰️〰️
يابويه زينب أميره
من بعد عينك أسيره
منهو يكفلها ياحيدر
لو ٱجت للغاضريه
عليك نوحي نوحي نوحي
وياك روحي روحي روحي
خادمة آل محمد✍🏻
سلام الله اعله سطراته ... علي علي علي
سلام الله اعله صولاته .... علي علي علي
.....
علي تشهدله ساحات البطوله
علي بس هو تحلاله الرجوله
علي متفصلَّه الهيبه اعله طوله
علي ذكره عباده اعلن رسوله
علي هو الإيمان .... علي ذكره قرآن ....
علي احلى سلطان .... بالعالم
علي تشهدله اياته .... علي علي علي
........
علي من العلي اموقع الهوية
شجاعه ومرجله وغيره وحميه
بنزالاته اخذ مية اعله ميه
ويعادل فضله كل هاي البرية
علي مثله ماصار ... علي معنى الإيثار
علي حامه عالجار ... من مثله
متتوصف عباداته ..... علي علي علي
......
علي ما مثله واحد من يقاتل
يزلزلهه الارض ساعت ينازل
ابد ميثني بالسطره ويجامل
وصل صيته السمه وبكاعه واصل
علي سيف الإسلام.... علي والد الايتام
علي بسمه الايام .... تتباهه
برض ربنه وسماواته .... علي علي علي
........
علي كول وفعل يشهد فقاره
اسد بالحومه ماخذهه بجداره
يضل تاريخه حافل بالصداره
نهج بي تقتدي كل الغياره
علي نهج الابطال ... علي زين الارجال ....
علي اسمه ينشال .... عالهامه
وتعلموا منه وكفاته .... علي علي علي
.........
الوكف كدامه بالحومه وتحده
خطف من عنده روحه ولهله رده
علي كلش جبير وماكو كَده
يعادل كل جيوش الدنية وحده
علي راهب اعداه ... علي الحومه تهواه ...
علي نصره وياه .... يبراله
اسد ما يخطي صيداته ....علي علي علي
.........
ابن ود بيده ما طول دقيقه
ابد مو عاطفه نحجي الحقيقه
علي بالحومه موت احمر رفيقه
ابد ميخالفه ويترك طريقه
علي صكر الاحروب .... علي الحاربه ايتوب
علي خصمه مغلوب .... كَدامه
علي اشيحملهه حملاته ... علي علي علي
.........
قلع خيبر علي بقبضة يمينه
منو السواهه كبله امن المدينه
رسول الله بعلي كحلهه عينه
وبي باهه الإسلام وباهه دينه
علي قالع الباب ... علي سيد الاعراب
علي صيته ماغاب ... من يومه
علي اشمحلاه اشمحلاته .... علي علي علي
........
✍ كلمات الشاعر :: موسى الخادم
اوگف وعثر لرايح حيدر
بدموعي اسهر عل فارگني
ليش عايفني ورحت
كون شايفني اشصرت
بويه بويه
راح وراحت اعيوني الچان يلمنه بحضانه
اليتم مراني مثل اليل يحب اعيون حزنانه
يتامه لا ابو ولا ام ابين الغربه خلانه
ماادري الزمن ياناس اشعنده قاسي ويانه
يصعب عدهن يامكثرهن
اجروحي الصعبه مافاركهن
موت بفراگك متت
ليش عايفني ورحت
الدنيه ابلا ابو اشتسوه صبح ومضيع البسمه
اليفارگ ابو ياناس عمره يعيشه بل ندمه
بوجوده انحس بمان الله امنياتي امعلگه بسمه
يقدم احلامنه اعله اليل ابد مايهتم الحلمه
راح الخيمه وضعنه ابهيمه
فارگنه الفي ندور غيمه
تراب من گبرك ردت
ليش عايفني ورحت
علي هوه علي الفقره وياهم محله ايامه
يفرح ايتام لو فقره چانت هايه احلامه
ابد مامر عليهه اليل اله ويلبس الثامه
من يسمع طفل جوعان بگلبه تكثر اسهامه
الفرحه العنده ينطي العنده
اليبذل خيره الله يسنده
وياك موتي اتصورت
ليش عايفني ورحت
علي اشما دروينه اسمك اسمعه ابشفت ايتامك
اليتامه احلامهه انشدت يحيدر ويه احلامك
الماشافك ابين ايتام هذا اعتقد ماشافك
اذا ماتطعم وترتاح ابد مايرتخي احزامك
اهواي اجروحك فاضت روحك
اعللعايفهم يكثر نوحك
افراگ حيل اتعذبت
ليش عايفني ورحت
قلبي ادفنته وي نعشك وصرت اتسله بحزاني
انهدم كلشي البنيته اعليك بعد شيفيد بنياني
اول مره احس بل ضيم ضعت ياحيدر الگاني
اصيحن بويه كل لحضه متت مايعرف الساني
رايح مني ومعذبني
مااتحمل لتفارگني
عليك ابدمعي اتحسرت
ليش عايفني ورحت
بويه بويه
سلام البهادلي
[[ ترجع اتاني ]]
لأستشهاد علي امير المؤمنين ع
زينب ع مخاطبة قبر ابيها علي ع
يا علي يا علي يابويه ياعلي
◾◽◾◽◾◽◾◽◾◽◾◽
تــــرجع اتاني اتانــي اتاني
لو بس ثواني ثواني ثواني
كل ما يمر مغرب واجر
حسره الك وانحب
يا المبتـعد وسط اللحــد
تتنطــــرك زيـنــب
اچبير الحصل حملي ثگل
حتى الگلب شيّــب
بعــــــدك يغالي
ضلــــمه الليالي
بس هم صفالي
◾◽◾◽◾◽◾◽◾◽◾
وحشه وخليه خليه خليه
الچانت زهيــه زهيـه زهيـه
راح الامــل لمن رحـــل
فيّـك يوالـــــــدنه
خنگه وعـلي خلافك علي
حته الزمن ضدنــه
كلشي اختفه عگبك صفـــه
بس النفس عدنـــه
من راحت امنــه
صرت انته اهلنه
يابــــــو المحنــه
◾◽◾◽◾◽◾◽◾◽◾
من اول مصيبه مصيبه مصيبه
اســـــمي غريبه غــريبه غريبه
فيّي انكشف كلشي اختلف
واطشرن سنيني
عود ارتجي بلكت تجـي
وما غمضّت عينــي
انضر حسـن يبچي ويون
ومگابــــــل حسيني
اصـــبر احــاول
لو شفت الكافل
والمدمع هامـــل
◾◽◾◽◾◽◾◽◾◽◾
خــــــــابت اماني امـاني امـاني
شخصك جفانــي جفاني جفاني
مامش گلب للبيت اطب
ومفارگه اوصافك
كسرة ضهر حــزني كبــر
محتاجه لأچتافك
الگضه العمر عبره وقهـر
ما ضحكن اشفافك
ليـش النوده
الكــله مـودّه
نحفرله لحده
◾◽◾◽◾◽◾◽◾◽◾
يا ليل انامه انامـه انامه
صرنه يتامه يتامه يتامه
من الزغــر ام الخــدر
واتيتمت ويلي
راح وصفن يتــــشابهن
انهاري وي ليلي
گلبي انگطع همي انجمع
لهنا خلص حيلي
ردلي اشــــوفك
واشتم چفوفـك
صـعبه اعوفــك
◾◽◾◽◾◽◾◽◾◽◾
عبد العليلـه
✍حيدر ابو كيان الفاطمي
((نزله )))
يـمه صاحت فاطمه
اليلة مطبوره السمه
***
هذا جـبريل الينادي قــبل ما طر الفـجر
اليلة مطبـوره سمانه بالمكر وأبن المــكر
من سمعته يكول وسفه اليلة حيدر منطبر
الفاتحه أقراها ع روحي ونتـها ذاك الـعمر
الدنيا بعـدك مضلمه
اليلة مطبوره السمه
***
سوده دنيانه بغيـابك ونطفه بيها الضوء
أنته كلشـي بيها أنـته وأنته شمات الهواء
يامعيـن الكل مصـيبه الجرح تصـبح دوء
سـفرت الوالد طويله والكلب بيـها نجواء
والنــــظر بـعده نــعمه
اليلة مطبـوره الســمه
*
ها يفاطـم ها ييــمه أنتي هـم الحـكيلي
ليلة مطـبوره سمـــانه ونهدم كل حيـلي
من يســــافر هـذا أبويه مااهيــد أبليلــي
يجري دمعي يمه فاطم والسمه تبجيلـي
تبجي الجله البـسـمله
اليلة مطبـوره الســمه
***
شلي يايمه بحــياتي من يسـافر حـيدره
دنيه مابيها مــلذه من يوســـدونه بثـــره
راح أسولفلج مصابي يالحنــينـه الطاهره
هسه مو زينب تراني زينـــب أنه الصابره
ويلي ياحامي الحمه
اليلة مطبوره السمه
***
جم يتـيم أباب بيــتي منـتـظر ذاك الطـبيب
عن جرح حيدر أبويه يسـأل بصـوت النـحيب
كلها تدعي بالسلامة يشفه من جرحه الحبيب
منهو لينــه ياوليـــنـه لو نـويت عله المـغيب
واليــتامــــه ميـتمــــه
اليلة مطـبـوره الســمه
***
يا لتناشـدني ع حالي ماتـــسر أحـوالي
شنهو حالي بهل مـسـه وبرحيـــل الغالي
يا دمعــــتي الماعـفتها من يغـيب الوالي
وأنه عشـره وي دمعتي والــدمع يحلالي
مو دمع عيــني دمه
اليلة مطبوره السمه
___
كلمات خادمكم
مرتضى مكطوف
اجتمعوا يودعونه ..... وعالقبلة يجبلونه
والحسن گل لقمبر ..... . خلنا نودع حيدر
والاله الدمع بعيونة
زينب (ع):
ياليـتمتني بروحـتـك شلون ابطـل ونـيـني؟؟
ماعـودتني عـلى الهجر ولا طبعك تجافيني
يالجنت تجبر خاطري وبجروحي تواسيني
ماعـرفت عيوني الـدمع وال طـبعك تبچيني
ولـمـن يبچـيني الدهـر تزرع الفرحة بعيني
تمنيت انه بهـذا النعش وللـگـبر تـواريـنـي
ميت يعيش بهالدهر ... وعمره الذي يطوّل گصر
الـ بيدة دفن أغلى البشر
شله بعد بعمرة؟ ... ....... الفارگ علي والزهرة
ويه الموتى إيعدونه
قنبر خادم الامام علي:
ياصـاحـبـي مـو سـيـدي يالغرگـتني بفـضلك
ماعاملتني كـ الخدم لا وحق جرحي وجرحك
حاسبني بـحساب الأخو وطبع المحنة طبعك
ومو خـدم لاوالله چنت حاسب اولادي ولدك
شلون اقـنـع روحـي انه باجر يغرب صبحك
الـرافـگ بـشـر مثلك عمر مايقتنع ويودعك
من صغري انه محد إلي ..... ومن ودعيتك ياعلي
حسيت انه مودع هلي
ماحسستني كالعبد .... ..... بس حسستني بالفگد
واللي هلة يجفونة
الحسن (ع):
الـينـكسر مـن الزمن عالـحـمل اهـ لـة تـعينة
هــذا اليـطـيـب خاطرة وبچـفـة يمسح عينة
وذاك الـيـواسيه عـالـفگـد والجرح مهونينه
بس اللي يدفن كل هلة عالجرح منهو يعينه
عگب النبي وام الحسن هذا عـ لي مودعينة
مـغـرّب وخـلـة چـم جـرح ينزف ويدي بينه؟
اليجمعنه چان بكل دفو .... عايفنا والاصعب شنو؟
بارد صبح حظن الأبو
شلون اشيل جنازتة ........ وانه بعدني بعازتة
بهيدة لـ تشيعونة!!
الحسين (ع):
حاسب لكلشي ياعلي بس هايه ممحسبلها
هـاي الـيتامى تـعـودت چفـك دفو ينگطلها
بـالبـاب وگفـت تنتظر گلي علي شنگلها؟؟
بـيـمـن نـقـنعـها مـتت ويا گــلب يتحـملها؟؟
وانـت بــحـنـانك مثلت اخـر أمل چـان الها
ولمسات اديك بكل گلب بسمة فرح شاتلها
و مشهد شفت بچاني .... واحد يگل للـ الثاني
لو ما أجانه نتاني
واسمع ابوه وبنيتة ..... تگلة طالت غيبتتة
و هل الدمع بعيونة
خادم ال محمد
علي أحمد
يا علي
دعـاك الـلـه يـبـو الـحـسنـيـن.. والـبـيـت
وهِرش گـلـبي عليك أنگــطـع.. والـبـيـت
أشــوف الـكـون أظـلـم صــار .. والـبـيـت
عَلّـي مـوحـش يـحـمــاي الـحـمـيـه
*-----------------------*-----------------*
✍خادم أمير المؤمنين
الشاعر رعد الجريخي
كأني بالإمام الحسن ( ع ) يجلس ويقابل باب دارهم
ويحكي لشيعته عن حاله بعد ما انطفأت شمعة النبي ( ص ) والمحسن و أمه السيدة الزهراء ( ع ) و والده أمير المؤمنين علي ( ع ) ، يقول :
مات ابونا .. وماتت اوياه امنياتي
الما يجونا .. غيّروها شگد حياتي
نگعد گبال الباب
ننتظر جيت احباب
______
گبالة نگعد ننتظر
احنة كل طلعة فجر .. ايزيد كل ساعة الحنين
بلكت تمر الاهل
عدنا ما مات الأمل .. بعد كل هاي السنين
اليوم يطول عام اصبح في غيابه
و صار واحدنا يشيّب في شبابه
عطره بلكت هالهوه وياه جابه
احساس غربة .. ما يمر بس اعله فاگد
حيل صعبة .. بيت صار بلاية والد
يا فگد أبو تراب
ننتظر جيت احباب
_______
بابنة يدگة النحب
حزني مني ينسلب .. لمن الرايح يعود
بهيدة لمن ينفتح
يطيب وياه الجرح .. گلبي من حزنه يهود
كلنة منتظرين والدنا اليجينه
وبعد فرگه تشبگ ايده وي ادينه
روحي للدمعة انه صارت رهينة
صرنة هسة .. بلاية زهرة بلاية حيدر
صعبة انسى .. بالي ميفارگ المنظر
والدي براسه انصاب
و ننتظر جيت احباب
_______
وياه چنة نجتمع
يوجعة شگد الضلع .. راسه من حزنة يشيب
ما نسى أمنا أبد
وگلبة ما لحظة برد .. محترگ لجل الحبيب
رغم ما مختلفة بالعيشة العوالِم
ابد ما عافتني لحظة وياي فاطِم
من البچي حمرة عيونة حزنه دائِم
صوتة رايح .. بكثر ونة اعلة الحبايب
البُعُد ذابح .. ضحكِته و سواه شايب
شيّب وبعده شاب
وننتظر جيت احباب
______
بابنا اندگ شكثر
أيتام تسأل عالگبر .. وين ابونا بيا مكان
علي چان النة أبو
و أخو للماعنده اخو .. ومصدر لكل الأمان
السلام ارد اني ابلغة من الحيارة
الفاتحة يم گبرة اقرا و الزيارة
البلـ وجه لا ما يسده باب داره
هوة قوتي .. و تچوتي واهلي وعمامي
ريت موتي .. گرّب والحگ إمامي
جرحي بعده ما طاب
ننتظر جيت احباب
________
الچان يمسحلي الدمع
صرت اشعلّه شمع .. الفاتحة لـ روحه قريت
الخايف اعلية شكثر
هسة نايم بالگبر .. اتغيّرت گد ما بچيت
اتغيرت بعدة امنياتي و الملامِح
القبل لا تنزل دموعي دمعه طايح
صرت يومية أزوره لگبره رايح
خطوة خطوة .. لگبره بالگوه مشينا
هناگه گوه .. وياه بالگوه حچينا
نحچي وي الغيّاب
وننتظر جيت احباب
________
حسين علي الدليمي
نعي يوم العشرين من شهر رمضان ( للامام علي ع )
.....................
يومين صارن بويه بس گوم
حاجيني فدوه گلبي ملجوم
حيلي انهدم من شفت الادموم
حيلي انهدم و اعليك ونيت
و انصاب راسي اني تمنيت
و ليامك الحلوات حنيت
حاجيني بويه اگعد اشويه
ايتامك اتريدك خطيه
ضليت اون و اصفگ بديه
ضليت اون و زاد نوحي
اگعد يبويه و بعد روحي
لتروح و تكثر جروحي
لتروح و گليبي تكسره
ابداعتي و ابداعة الزهره
شلون اداويلك الطبره
طبرتك بيش اداويها
و الليل اسهرنه عليها
بس كون بتك لا تخليها
بتك تضل شلون بالدار
بعدك يضل الدمع نثار
شنگله لمن يجي الخطار
يالفيتك حلوه علينه
لا تمشي بويه و تخلينه
فرگتك كلش تأذينه
فرگتك بويه ما نودها
ابنيتك بعد من يعايدها
يالخلتك محد يسدها
بالعيد بويه وين اروحن
لدارك اجي و بيها انوحن
توحشني و جروحي يلوحن
توحش الدار اخلاف اهلها
و ايميل من بعدك حملها
ناس التجي گلي شگلها
يالعازتك عازه جبيره
والله اضل بعدك بحيره
ردتك الي عون و ذخيره
ردتك تضل وياي هيبه
و اسمع تگلي يالحبيبه
لو رحت شخصك من يجيبه
لو رحت شخصك ماضن ايرد
ترضاها اون بالدار اگعد
و ثوبك اشمه و گلبي يبرد
اثيابك اضل امگابلتهن
كلساع اطلعهن و اشمهن
شحالي اعيونك لو فارگتهن
-------------------------------------------------------
اهداء الى روح المرحوم سيد محمد جابر ابو عقيل و المرحوم حمدان عبود
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف اسم الشاعرات
رايح ياعلي وماخذ حلم عمري
الميت انته انه الليله ما ادري
،،،،،،،،،،،،،،،،،،،،
رايح ونته تعرف حسرت الفاگد
بعينه الدنيه تطفه اليدفن الوالد
ثوب الاسود اعله المنكسر گاعد
عايفني ابوجع وبخنگه البصدري
،،،،،،،،،،،،،،،،،،،،،،،
هد جرحه الوگت والعشره طشرها
وگلوب اليتامه ابحسره وجرها
حيدر للمنيه الروح حضرها
الدم ويالدمع عالوجنه ضل يجري
،،،،،،،،،،،،،،،،،،،،،،،،،،
البيت ابلايه ابو ماينحمل ساعه
وفارگنه الحنين اليصعب وداعه
راح الشال خيبر كلها بذراعه
ودعني وبقيت امحير ابأمري
،،،،،،،،،،،،،،،،،،،،،،،،،،،،
وين الله يرد ويردها عشرتنه
وترجع كل ليالي البيها ضحكتنه
من بعده الحياه للوحشه ودتنه
راح الجان حبه ويالدمه يسري
،،،،،،،،،،،،،،،،،،،،،،،،،،،،،
هاذ انته الثگيل المحد يگدرك
شلون الليله تدخل ياعلي الگبرك
حسين انه الينوح ونايم ابكترك
باجر ياهو بعدك نايم ابكتري
،،،،،،،،،،،،،،،،،،،،،،،،،،،،،،
محتاجك يبويه ابكسرت الخاطر
باجر من اطيح ابليلة العاشر
ومن تطلع خواتي ومنكسر خاطر
باجر بالحوافر ينسحگ صدري
العبد ابوفايز الرافضي
جرحك حبيبي .. حيّر طبيبي
ميت بعد يومين
گوم بسلامة .. حاچي اليتامة
بوية انتچي اعله احسين
تدعيلك العين .. طيّب يبو حسين
•••••••••••••••••>>>
بالدنيا ياروحي وهلي
ماعندي بس الله وعلي..دير اعله راسي الطبرة
يالطولك ولاية ضوه
كوم اوگف ورد الهوه .. اعليك بمعزة الزهره
يالروحي روحك .. فدوه لجروحك .. هذا الراس
حرموني اشمك .. خافني الچمك .. من تنباس
مو وكته موتك .. منتظرة صوتك .. اذن الناس
اطيني يمنتك .. تچّي يسرتك .. عالعباس
اسم الله اعله راسك ..مشتاكه ناسك
تشتم اديك اتعيش
رجع وگفتك .. لاكن طبرتك
تنزف نشدها ابّيش
مامنك اثنين .. طيب يبو حسين
••••••••••••••••••••••>>
يمنوّم الليل بهمس
ما طلعت اعليك الشمس .. بس هسه طلعة غفلة
انه ابنك وزودك الي
چنت اشبع بشوفة علي .. غير انته خير امن الله
الله وكيلك .. حيلي اعله حيلك .. خل يندار
بس امشي يمي .. وسميني بسمي .. وانسه الصار
ابنك واحبك .. گلبي اعله گلبك .. صاير نار
حيدرنه رايح .. طلعت ملامح .. عالفقار
فتحة فقارك ..سداها ثارك
بس جفني مامسدود
صحت بعبرتي .. من گد صدمتي
مو طبرة اظن محسود
شيطيّح الدين .. طيّب يبو حسين
••••••••••••••••>>>
يوجعني گلبي امن الجرح
يالباقي گاعد للصبح .. تتگلب امن آلامك
مو طبعك ايلزمك وجع
من يومك الهم ما طلع .. واحد يشوف ايتامك
گوم اطني ايدك .. خليني افيدك .. وامشي وياي
بوية انه عونك .. فدوه لعيونك .. هاي وهاي
عالفقرة نفتر .. گللهم اگدر .. الكم جاي
وجهك گمرهم .. ايخضر عمرهم .. مثل الماي
ناسك تريدك .. يالعدهم ايدك
خبزة اعله چف جوعان
كلش تحبهم .. وگفاتك الهم
حفظتهن البيبان
يلگونك امنين .. طيّب يبو حسين
••••••••••••••>>>
شنجيب الك واترد عدل
مثل امي مانلگه شكل .. وايرد حنانك بيها
روحك عله امنه امعلمة
والطبرة تشفة بفاطمة .. بس حط اسمها اعليها
امنه الحنينة .. هلبت تجينه .. بعازتها
دمعك تمنعة.. وحيلك ترجعة .. بريحتها
روحك تردها .. والطبرة شدها .. بشيلتها
تحبها نعرفك .. خلي اعله چفك .. سبحتها
تعرف غلاتك .. زهرة حياتك
تلزم اديك اتطيب
لو هيه اجتك .. مو بس طبرتك
مايبقه حته الشيب
ترجع ضحكتين .. طيّب يبو حسين
••••••••••••>>>>
انه ابنك الراح انذبح
محتاجك ابدال الرمح .. ردتك ترد ذباحي
بالطف كشختي بوگفتك
ترجع حياتي بشبگتك ..موش اشبگ اعله ارماحي
يالتدري بية .. بالغاضرية .. ما أرتاح
وبذاك عمري .. خيل اعله صدري .. وچم ذباح
اصهيل وحوافر .. واخيامي باچر .. كلها اصياح
وماشوفة دربي .. والگه اعله گلبي .. دم وارماح
واختي الچبيرة .. اتدور حصيرة
اتلم صدري من الگاع
اركض عليها .. بروحي اشتريها
لو عازتك تنباع
شتسوي الاسنين .. طيّب يبو حسين
•••••••••••••••••>>>
علي هادي الخزعلي
واقترب موعد الجرح 😭😭
يامايله الدنيه ويه زينب
نعي لليلة جرح الامام علي عليه السلام
مجاريد
😭🏴
اشطييحك ياداحي الباب
ودم هامتك فييض المحراب
انت التصيب شلون تنصاب
ياهظمة المنها الطفل شاب
لب الحشا من هل الخُبر ذاب
ياحيف ياوسفه يبو تراب
اتمرجلت المنك تهاب
يلچان سيفك ياكل رگاب
الله واكبر من هلمصاب
مشيول داحي البوب ينجاب
ولشيبته دم طبرته اخضاب
😭🏴
آجركم الله
ام محمد الحجاج
رَيِّضْلِي يَا دَفَّانْ گَبْلَنْ تِشِيلَه
نَعْشِ الْأُبُو خَلِّيهْ يَمِّ الْعَقِيلَه
-----------------------
گَلْبِي يِشِبْ نِيرَانْ وِعْيُونِي تِجْرِي
بْصَدْرِي الْهَوَه مَخْنُوگْ مَاذِينِي صَدْرِي
لُو عَنِّي رَاحِ وْشَالْ شِيْرِدَّه صَبْرِي
فَرْگَةْ عَلِي الْكَرَّارْ كِلِّشْ ثِجِيلَه
-----------------------
فَگْدِ الْأُبُو چَتَّالْ يِصْعَبْ عَلَيَّه
فَارَگْنِي حَامِي الْجَارْ عُگْبِ الزِّچِيَّه
دُوهَنِّي سَهْمِ الْمُوتْ وَآنَه شْبِدَيَّه
غِيرِ الدَّمِعْ وِالنُّوحْ مَا ظَلْ وَسِيلَه
-----------------------
جَاوُبْنِي يَا دَفَّانْ عِزِّي وْدَلالِي
عَنِّي الْوِلِي لُو غَابْ شِنْهِي الْبُگَالِي
وْلَمَّنْ تِشِيلَه شْلُونْ تَالِيهَه حَالِي
أَزْحَفْ عَلَى التِّرْبَانْ سَاعَةْ رَحِيلَه
-----------------------
بِيتِي انْهِدَمْ وِيلَاهْ لَحْظَةْ مَمَاتَه
مِسْتَعْجِلِ وْچَا لِيشْ خَلَّه لْبَنَاتَه
هَاذَه اللِّذِي مَا چَانْ لَحْظَه بْحَيَاتَه
إِلَّا غَطَه وِفْرَاشْ لَمَّنْ أَجِيلَه
-----------------------
خَلَّه أَشِمَّه وْحِيلْ أَبْچِي عْلَه نَعْشَه
بَلْكَتْ وَلَوْ لَحْظَاتْ يِفْتَحْلِي رِمْشَه
بِفْرَاگَ ابُويَه تْصِيرْ أَيَّامِي وَحْشَه
وْعُمْرِي عَسَنْ لا طَالْ وَآنَه عِلِيلَه
-----------------------
رِيتَكْ أَيَا دَفَّانْ تِدْفِنِّي يَمَّه
وْخَدِّي عْلَه خَدَّه يْصِيرْ وِبْگَبْرَه اضُمَّه
مَا يِنْحِمِلْ فَرْگَاهْ يِجْرَحْنِي هَمَّه
كَلْفَه عْلَه وَجْهَه تْرَابْ گَبْرَه تِهِيلَه
-----------------------
#الليالي_العلوية
الشاعر حسن خنافر العاملي
▪️نعي ▪️
في ضربه امير المؤمنين عليه السلام
صاحت صوايح والقلب ذاب
اسم الله على دحّاي الابواب
لاضاع طوله ووجهه لاغاب
وظني يريته ابهالفجر خاب
شفت الولي من دون الايام
ساهي الفكر ما غمّض ونام
ايوصي ببناته وهاي الايتام
هالليله جنها تنهي الصيام
اذن يازينب وگت الفراگ
وطعم المنيه والدج ضاگ
اسمع نعاه وگبل إلشراگ
ومني الفرح بصياحه انباگ
سجدة فجر لو سجدة اغروب
گلبي ياوالي الساعه ايلوب
وصوت النعى ماخله اگلوب
كلشي ابنعا يتفطر ايذوب
صاح الهدى انهدمتله الاركان
مگتول حيدر نعمة الرحمان
شيبه خضيب ووجهه الوان
گومي استعدي يم الاحزان
بينه الدهر تدرين خوان
————
بنت الشمري
٢٠٢٤
من غمض اعيونه.. طاحت زينب .. طاحت زينب
رادو يشيعونه ....ركضت زينب ... ركضت زينب
خلف النعش تصيح .... ياهو بعدك يبقى الي
خلف النعش تصيح .... وين رايح يا علي
......
الساعه الاخيره وي علي
جانت اشد كل ساعه
زينب تعايله بهضم
وحيدر يضم بوجاعه
لا بيهه تدّنه اله
لا بيهه حمل اوداعه
تتمنه جانت كعدته
ويضمهه بين اذراعه
اتمنت يرد ليهه .... سالم هامه ... سالم هامه
ويكعد يحاجيهه .... عن ايتامه.... عن ايتامه
ما حسّبت يموت ... اكبالهه اعظم ولي
خلف النعش تصيح .... وين رايح يا علي
........
زينب على اوداع الابو
ما بطلت دمعتهه
ومن عاينت كصته اعركت
زينب علت ونتهه
طاحت عليه وشبكته
شبكه بكبر محنتهه
وبعمامته ظلت تشم
بجه الحجر حالتهه
يم راسه مفجوعه.... كعدت هيه . كعدت هيه
صيحتهه مسموعه ... ظل اشويه . ظل اشويه
يمي ابقى لا تروح ... يا أعز من كل هلي
خلف النعش تصيح .... وين رايح يا علي
........
من غمض اعيونه اركضت
ركضت امفارك خله
من طولهه فوكه هوت
لتموت بوية ادكله
المثلك يفارك يا علي
للموت يمشي احسله
اكعد يسباح الكَلب
بعدك اعيش ابعله
ما احمل افراكك ... ارحم حالي . ارحم حالي
كل لحضه اشتاكك .... شاغل بالي . شاغل بالي
عن بالي ما تغيب .... حزني بعدك ضل جلي
خلف النعش تصيح .... وين رايح يا علي
......
ياهو الالج زينب بعد
هالصيحه جانت الهه
ياخيمتي ويا فرحتي
وسنين عمري كلهه
وياك اخذني يا علي
لو موتتك أجلهه
بعدك اعيش ابلا عمر
والروح هاي اسألهه
روحي اشيصبرهه .... يا عز ناسي .. يا عز ناسي
امصلاتك انظرهه ..شيبت راسي ... شيبت راسي
من هسه اَنه اكول .... ويه حزني أختلي
خلف النعش تصيح .... وين رايح يا علي
.......
الدنيه صارت مظلمه
ادكله يابو اسنيني
نيران هجرك والدي
مثل الخيم تجويني
محتاجتك تفزع الي
غيرك منو ايحاميني
مو كتلي انه بكربله
راح الشمر يسبيني
من يحرك اخيامي ... ياهو اشكيله . ياهو اشكيله
وحسين كدامي .... خيل اتشيله ... خيل اتشيله
لو جلجل الظلام .... باليتامه انه ابتلي
خلف النعش تصيح .... وين رايح يا علي
....
✍ كلمات الشاعر :: موسى الخادم
نزال الى مولاي ابوالحسن علي ع
اليوم ابوحسين عله الراس تئلم طبرته
جرحك جرحنه كلش هضمنه
تستاهل عليك ينزل دمعنه
يابوالشهامه ابراسك علامه
خلافك يبو حسين صرنه يتامه
مايخسر ياحيدر اليحضرمجلسك
تحلاله وهنياله اليدخل منزلك
مغطي الگلوب والوجوه حزن كل شيعته
اليوم ابوحسين عله الراس تئلم طبرته
$$$$$$
مر بينه رمضان مغطيتنه الحزان
الحبك يبوحسين بدموعه سهران
تبجيلك العين ودموع الحسين
الفارگك يوم. ينعد بل سنين
يل والي. اشگد غالي مقصرين اشكثر
شمانبچي شمانحچي منك نعتذر
بل عزئات والدموع ندور نضرته
اليوم ابوحسين عله الراس تئلم طبرته
$$$$$$$
ياناسي وهلي. يا أول ولي
ابكل شده نصيح احضر ياعلي
فضلك ماله حد صرت النه سند
ابكل مجلس الك. خطينه العهد
وفقنه. وقربنه منك يل حنين
خدامك. لجدامك. خل تگضي السنين
كل گلب صاح يكرار تحضره ابكسرته
اليوم ابوحسين عله الراس تئلم طبرته
$$$$$$$
ياراعي الحساس نطبرلك الراس
والينجرح راح ايظمده عباس
نلطم عل اجفون خل تعمي العيون
أولادك اليوم ظلو ينوحون
ونينه وحنينه هايابه الحسن
تحضرنه وتنصرنه من كل المحن
لوجرح صار بلگلوب تدور حضرته
اليوم ابوحسين عله الراس تئلم طبرته
$$$$$$$$
نگل لليعادون. لا ماتكدرون
بشيعة ابو حسين . ولله تتعبون
بزمانه يحتار اليبغض يكرار
بالدنيه ينهان واخرته بالنار
انصحه. خل يصحه من هاي نومته
جم طاغي. وجم باغي راح ابساعته
من لله بو تراب على الناس توجب نصرته
اليوم ابو حسين عله الراس تئلم طبرته
تمت سلام البهادلي
[[ صلى عليك ]]
لأستشهاد المولى أمير المؤمنين ع
صَــلّى عَلَيكَ اللهُ كُلُ حِينا
يا ســـيدي أَميرُ المؤمِنينـا
حيدر حيدر
◾◽◾◽◾◽◾◽◾
ليلة مصابك يا عــلي عظيـمه
بگــلب الموالي تسعــر وأليـمه
زينب اســـمها صــاير اليتيـمه
يَبكي الحَسَن ويَحضِنُ حُسَينا
يا ســـيدي أَمــيرُ الـــمؤمِنينـا
◾◽◾◽◾◽◾◽
سيف الغدر واصل لحد جبينك
مولاي والدم جامد اعــله عينك
بهالحاله لمن شاهــداك حسينك
هَلتْ دمــــوعَه وَاعــتلى الانينا
يا ســـيدي أَمـــــــيرُ المؤمِنينـا
◾◽◾◽◾◽◾◽◾
مسموم جرحك والالم هـد حيلك
تسوه البواچي الليله خل نبچيلك
وعن العقيله سيدي شنحچـــيلك
جارت عليــها بَعــدَكَ الـــسِنــــينا
يا ســـيدي أَمــــــــيرُ المــؤمِنينـا
◾◽◾◽◾◽◾◽◾
تتلاگــه وي الزهــــره بصواباتك
وضهرك بقه مكســـور لوليـداتك
فگــــدوك كـلك انتـه وحچاياتك
إِليــكَ يأخُــذ فيـــهِمُ الحَـــنينــا
يا ســـيدي أَمــــيرُ المؤمِــــنينـا
◾◽◾◽◾◽◾◽◾
والشيعه طلــعت ياعـلي بنوايح
ونصبت الك يابو الحسن فواتح
يا عمد بيت الشيعه گالو طايـح
يا كَسرَةً ضــلّت تَعــيشُ فــــينا
يا ســـيدي أَمــــــيرُ المؤمِــنينـا
◾◽◾◽◾◽◾◽◾
عبد العليلـه
✍حيدر ابو كيان الفاطمي
[[ من غمضت ]]
تجلس زينب في خربة الشام
وتخاطب والدها امير المؤمنين ع
من الخيال ...
من غمضت عينك علي شفت النوايب
لمن صبح اسمي السبيه ام المــصايب
ضيم السنين
ضگته بونين
◾◽◾◽◾◽◾◽◾◽
من يا جرح ابدي الك يا بويه كلي جــروح
بس شيّعوك وسافرت عشت انه اه ونــوح
هو اليطب طف كربله زين وتضل بيه روح
وزينب جسد ضلت
دموع -- تجري وما كفت يابويه من اهد اعيونك
دموع -- زينب لا مو زينب صـــارت بويه بدونك
دموع -- تحفر بخدودي واني انشد بيك شلونك
العاشر صعب بويه ويبس گلبي بصباحه
من يومه للـــــيوم وانـــه ما مســـتراحه
العاشر حزين
ضگته بونـين
◾◽◾◽◾◽◾◽◾◽◾
خلي احچي الك عن الخيم من بيها شبـت نار
وجاسم تحنّه بالدمه وجسمه صبح طشار
والاكبر اتطبر تـره وليـــــله درت بالــــصار
راح النـــــضر منها
اصياح -- صار بنص اخيامي ونار الشبّت كبره
اصياح -- وكاروك الرضعان الفارغ صـاير عثره
اصياح -- عاد انه اتوجهت بنوحي لأمي الزهره
يمـه الزچــــيه يم حســـن يمــه تعـــالي
وشوفي الطفوف شسوت بحالي ودلالي
فگد الحنــين
ضگته بونـين
◽◾◽◾◽◾◽◾◽◾
بويه العلم فيّ الخدر وشمــحله هيچ افــياي
بيد الكـــفيل ورفّـــته تســـوه النـــهر والماي
بس وگعته ع المشرعه كسرت ضهرنه هواي
ويمه انحنه حسينه
راح -- صاح حسين وكـــــض خاصرته يم عضيده
راح -- اوحيد ودايرته العـــــــدوان بنــص البيده
راح -- الچان يطيّب جرحي بس يمسحني بأيده
گله شمت بيه العدو اگــــعد چفـــيلي
ياخويه حيلي بشوفتك انهض يحيلي
موقف انيـن
ضگته بونين
◽◾◽◾◽◾◽◾◽◾
لچمة دليلي من بقه حسين وتصد عينه
ساعة اليه وساعه ينــــضرها ميـــادينه
وينه اليناصرني ندب بس الله اليعــنيه
ماكو الــفزع لينه
طاح -- سهام ارماح بجسمه اسيوف يگطعن نبضه
طاح -- وخيل العشره تجــــيبه ترده وحيل ترضه
طاح -- ذاك حسين النشمي واصــبح مـابيه نهضه
بهيده الشمر حز منحره وگلي يأخته
هذا اخيّچ من گفـــــاه انـــه ذبـــحته
حال الحسين
ضگته بونيـن
◾◽◾◽◾◽◾◽◾◽
وموقف سبينه بالغـــــرب اني ويتــامه انــــوب
بنص الخرايب بيتتي ويذبحــــــني كل اغروب
من حضنك الدافي اصعدت زينب هزل وتلوب
وطبينه الولايه
بآه -- عشنه ايام وحسره اعلينه نلوذ بسگفه
بآه -- وكلها تصيح حسين حسين الحگ لا تغفه
بآه -- وماتت علويه النه بشام الما بيه رأفه
الچانت خدم عدنه صفت تامر علينه
يابويه بس حرگة گلب عگبك صفينه
واليدمي عين
ضگته بونيـن
◾◽◾◽◾◽◾◽◾◽
خلي اختصرلك بالحچي لمن رجع ضعني
صوب المدينه والضهر يا والـدي مــــحني
حته اخوي انه اشــــــتبه بيه ولعـــــرفني
وگلي انتي ياهيه
ضيـم -- گتله محمد اختك شافت هضمه وغربه
ضيم -- راحو خوّانك طاح وحــــط أيده بگلبه
ضيم -- سمعت ام عباس القصه وصارت نحبه
واتگابلن ام البنيـــــــن اويـــه العليله
وينعه العليل بحسرته وشوغة خلـيله
ولطم الادين
ضگته بونين
◾◽◾◽◾◽◾◽◾
عبد العليلـه
✍حيدر ابو كيان الفاطمي
#حصريا_كلمات_هاجر_الزينبية
قصيدة جنوبية للامام علي{ع}🔥
اچفوا ادلالكم سدوا الدواوين
المن ظاله و الراح ابو حسين
❥ـــــ✪★ـــ☆☆ـــ✪★ــــــ❥
سدوهه المضايف واچفو الدله
علي راح وعليّ هالمدمع انهله
شيخ الشيعة شال ودنيته هدله
حزنت دنيته او سوده بالعين
(عالشال و غرب...حزنانه )
❥ـــــ✪★ـــ☆☆ـــ✪★ــــــ❥
شيخ الشيعة شال اليعدل الميله
جا حمل البگه ياهو اليتچيله
الكلفة مَن يحلهه وياهو نشكيله
ابو الحملات ابد متعيده السنين
( ما نلگه الشايل...اوصافه )
❥ـــــ✪★ـــ☆☆ـــ✪★ــــــ❥
عايفهه المضايف بعده مهجومه
گلوب اعليه والله هواي مهظومه
احا يا طبرته ويا فجره يا يومه
ابفجر الله ونشوف الهامه نصين
( ايتامه انكسرت.... بوداعه)
❥ـــــ✪★ـــ☆☆ـــ✪★ــــــ❥
ترى اطيور الحمام الظلو ايتام
مكسوره الخواطر والحزن دام
فارگهم علي الرباهم اعوام
بعد محد نشدهم وين ما وين
(شبعوا ظيم وذل... بخلافه)
❥ـــــ✪★ـــ☆☆ـــ✪★ــــــ❥
لا من اليجي او لا من محنه
علي غرب ابونه وكل اهلنه
اليتامه تصيح ابد مامرو النه
ما واحد نشد عگبك يالحنين
( عگبك يا حيدر....ذلونه)
❥ـــــ✪★ـــ☆☆ـــ✪★ــــــ❥
#الشاعره هاجر كريم الزينبية
اسألكم الدعاء لي بالنجاح والتوفيق
وداعاً.... ياعلي حامي الحمه
شلون أودعنك يحيدر أرحم انته بحالي
انــه بعدك هايحيدر دمعــتي الـتـبرالي
وأنه زينـب يابـو زينـب. خيــبـيت آمالي
راح أعيــش بـدونك أنه وما تفـارك بالي
يبويه الدنيا بعدك مضلمه
وداعاً. ياعلي حامي الحمه
الكون متغـير يـبويه واختـلف كـل الـونه
جـم يتـيم اباب بيـتي ماطــبكها عيــونه
كلها تصـرخ كلـها تبـجي لمـن يشــيعــونه
وكـلب زينب ها يحـيدر كلهـم يواســـونه
يحيدر بعدك الشوف أنعمه
وداعاً. ياعلي حامي الحمه
عمري مارايده بغيـابك علي كرت عـيني
شـلي بيـها الدنيا بعدك مااريد أسنــيـني
بويه والقــرآن بعدك ماأعــوفـه أونيــنـي
اكضي عمري ع المنـاحه غيـبتك تاذينـي
يكرار. الغيبه صعبه ومولمه
وداعاً. ياعلـي حامي الحـمه
بالغدر بــويه تراهـم وصلو إلها حدوردك
مااجـو وجـها لوجـهـن عالي أنتـه بزودك
مادنـو حدك يحيدر من تـــدكها احـدودك
من حقدهم من كفرهم تشكي يم معبودك
والحقاد.. بالـــغدر ومـــحزمــه
وداعــاً ياعلي حامي الـحمه
ربي ألــعـن أبــن مـلـجم بل يــتم خـلانه
ويلي حيدر هــل مسيــه خالي هذا مجانه
والله فكـدك ها يبـويه بكــل وكـت بجــانه
ويا حــلات العــيد جـــنه علي جـان ويانه
بلاياك. العيد لا من سالمه
وداعــاً ياعلي حامي الحمه
العــيد يابــويه بغيـــابك ماأريــد اعــياده
العــيد مـتريده اليتـامه وكلبي هم ماراده
بحيره بعدك والله ضلت بويه عمت الساده
هذا أبوي الماكو مــنه حلوه حـلوه أمجاده
والعيون. دم ودمع شو هامله
وداعاً. ياعـلي حامـي الحمه
كلمات الخادم
👇
مرتضى مكطوف
لاستشهاد أمير المؤمنين
علي عليه السلام
الدنيا وحشه والزمان
من رحت يابو الأمان
الدنيا وحشه
★★★★
الدنيا وحشه ياعلي ودارك خليه
الدنيا وحشه اليوم ياحامي الحميه
الدنيا وحشه كل صباح وكل مسيه
الدنيا وحشه اتمر على بنت الزچيه
رحت ياگلب الحنان
الدنيا وحشه والزمان
الدنيا وحشه
★★★★★
الدنيا غربة صارت بعين اليتامه
الدنيا غربة منفجع بيت الإمامه
الدنيا غربة ومابعد بيها سلامه
الدنيا غربة وليل مايرحل ظلامه
والفرح ماله مكان
الدنيا وحشه والزمان
الدنيا وحشه
★★★★★
صفت لوعه وغربه واحزان ومناحه
صفت لوعه وليل مايطلع صباحه
صفت لوعه ومابعد لاحبابه راحه
صفت لوعه من بعد ذيچ السماحه
الدهر يابوالغيره خان
الدنيا وحشة والزمان
الدنيا وحشه
★★★★★
ايساعد الله الحسن مابطَّل ونينه
ايساعد الله حسين نار دموع عينه
ايساعد الله گلب عباس وحنينه
ايساعد الله زينب الظلت حزينه
من بعد كل فرح چان
الدنيا وحشه والزمان
الدنيا وحشه
★★★★★
من غيابه الزمن وَدَّعْْ أمانه
من غيابه الفقه ينحب والديانه
من غيابه الهدى انهدمت أركانه
من غيابه العلم حاير بيانه
والبلاغه بلا بيان
الدنيا وحشه والزمان
الدنيا وحشه
الشاعر حسن لعيبي الحريشاوي
نعي بين السيدة زينب والام الحسين
سلام الله عليهم
.
خويه حسين ابونه اليوم مامار
ولحد الان ما بين على الدار
بشرني يخويه وشنهي الاخبار
طمني اعله ابوي اشصار ماصار
.
اشوف حسين وضعك حيل تعبان
وجهك بعد وجهي ليش ذبلان
على رسمك اشوفنه الحزن بان
وما تكدر ترد يحسين حيران
.
مو بلساني اكلج اقري وضعي
زينب خلي اخبرج وانتي اسمعي
عودج راح يختي كومي انعي
مثل ضلع الزجيه نكسر ضلعي
.
الخلف بالله يخويه و الصبر زين
عمة عيني نكسر ضهرك يالحسين
مو وحده العمت يا خويه الاثنين
نطر كلبي يخويه و صار نصين
.
الحزن يحسين وجهك لايبينه
تره احنه امن المصايب لايبينه
اعله باب البيت ننطر لايبينه
و بعد هيهات يرجع للثنيه
.
حسن صالح العيساوي
قصيدة فزاعية ( لاستشهاد الامام علي ع )
.....................
ليش الاحبه عني يمشي
واني ابغيابه ايشيب رمشي
ردته يضل ما ردت كلشي
*اليوم شايل من نزوله الوالي*
*راح من عندي و دموعي اتهالي*
اليوم شايل للغري عودي وسف
جرح راسه ينزف وماضن نشف
و اخ يغيابه علينه شگد كلف
صعب يومه و صابني ابدلالي
صعب يومه و ابد لا ماهو سهل
و يدري ابناته لون يمشي تذل
صحت بويه اعليه و ادموعي تهل
ما سمعني و راح و اني شحالي
حملو شبساع عن عيني و مشو
صحت يخواني شويه اتريضو
خلي اودعه اويايه شو كلهم بجو
شلون بينه يخوّتي من تالي
شلون بينه يخوتي بداره نون
هذا ابو الكفات هذا ابو الحسن
اخلاف عينه نشبع اهموم و محن
شال مني و ما يفارگ بالي
تبقه بويه ابالي ما انساك انه
وتبقه روحي اعليك بويه محزنه
ضهري من شالوك يا بويه انحنه
و بعد ما اگصدله بيتك خالي
خالي بيتك و الثنيه موحشّه
يعمي اعيوني بعد ليش افرشّه
اليوم اجتي احبابك اتون مغبشّه
اتصيح كلها وسفه راح الغالي
-------------------------------------------------------
اهداء الى روح المرحوم حمدان عبود
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
وصيتة وكتبها .. مشه وروحي شبها
بعد ليلة ماشوف .. مشيته الاحبها
مو دم نزفت الطبرة
نزف تسبيحة الزهرة
علي الدمة غالي .. علي الدمة غالي
•••••••••••••••••>>>
الله اكبر ليلة موت .. انگطعت بيها احبال الصوت
اوگف يا علي وخل اشبع اشباگ
مو بس روحي اتخاف اعليك .. حتى الطير امچلب بيك
تره الموت البطيء انشوفه الافراگ
لا تروح امرورة الدنيا بگفاك
انت مو حامي الحمه انه بحماك
انت اجيته الموت مو هو الاجاك
وچم تعال ارجع علي انطشت وراك
تعال الحگ النه .. يشيخ اعله اهلنه
بعد بيه واهواي .. اطلبك محنّه
راسك بي حچي الفقرة
نزف تسبيحة الزهرة
علي الدمة غالي .. علي الدمة غالي
••••••••••••••••••••••>>>
اطفي اعيوني ولاتندار .. بثوبك چلب جم بسمار
عرضلك كلشي مو بس البسامير
من اشتاگ بشوگي الحار .. تگضي امشابگ عالفقار
واذا اشتاگ صوتك امشي للبير
اله اطفيهن بچي هاي اعله هاي
الموت ياريته سره وگبلك سراي
گطرة گطرة ايخلصن واكتل ضواي
هاي موش اعيوني لا ناگوط ماي
طلعتك علامة .. ابد مو سلامة
بعد ياهو ترتاح .. اعله چفه اليتامة
يجرحك بي عطر حظرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>>>
انفل اوزارك يم الباب .. شراح يصير اعله المحراب
مشيت وگلبي بزني و اصبر اعليه
أذّن صوتك وارتاحيت .. بصوتك كزبر جلد البيت
گلت ابخير ابوي وكلشي مابيه
بوجهي من طلعة علي بان الصفار
گمت واتوضيت بس مشتعله نار
كضني گلبي وگلبي يم حجرته اندار
گبل طبتي الحجرة دخّن ذو الفقار
انگلب لونه احمر .. صحت الله يستَر
علي سيفه حسّاس .. بحجرته وتفطّر
دره وانفطرت الشفرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>>>
بوية اسم الله وصحت ادخيل .. الصوت الطالع من جبريل
اشرب ماي جاي ومنه غصيت
هز بيت الله بصوته الصاح .. حيدر طاح وبيتك طاح
مو الاركان بوية اتهدم البيت
يا من ايجيب الحسن و اعرف خبر
ما مصدگه ، الما يلاگونه انطبر ؟؟
شلون گلبه انطاه وابن ملجم عبر
وانه ابوي الكاتب اسمي اعله الظهر
احبه ويحبني .. اعله ظهرة كتبني
الطبر راسه بالسيف .. اشعجب ماطبرني
دمّه الواصل لظهرة
نزف تسبيحة الزهرة
علي الدمة غالي .. علي الدمة غالي
•••••••••••••••••••••>>>>
التچّة السبعه بهامة راس .. رد يتچّه اعله العباس
رد واعمامتة امن الطبرة نصّين
فرگة واحد يسوه الكون ..ينراد الها فصوص اعيون
موش اتموت بوية اعليك الاحسين
سبحة امنه انجيبلك موش الطبيب
هي طبره كلها چم يوم وتطيب
انه زينب گلي موتي ولا تغيب
ايكبر وداعك علي و غرگني شيب
صفه امچانه شمعه .. ابوي شيرجعه
أذان الفجر حيل .. اموت امن اسمعه
مات وماتت العشرة
نزف تسبيحة الزهرة
علي الدمة غالي .. علي الدمة غالي
•••••••••••••••••••>>>
علي هادي الخزعلي
يا جرح أكثر ... زيَّد اونينك
طبرت الهامه ... دمعت ابنينك
....
رسول الله .. انه وجيتك .. اضمد جرحك ابأيدي
يمحبوبي ... شنو أيألمك ... عليك احسينك اوليدي
ياعلي ابداعت الزهره سولف اوياي
ياجرح اكثر يلجمك نظر عيناي
جرح راسك لو جرح ولدك يبو حسين
جاي اشوف اثنين مو واحد جرح جاي
ياعلي ... شنهو الي ألمك
ياعلي ... سولفلي همك
ياعلي ... شو جاري دمك
يا أبو الحمله .... واصل اجبينك
......
على امصابك ... عفت محسن .. ينوح وفاطمه الزهره
الك رادت ... تجي لكن ... الضلع ما منجبر كسره
كلشي برجاء الجنان امكدر اعليك
وصوت جبريل ابعضمته صار ناعيك
ضجه صارت بالسماء الطبرتك هاي
والأرض من مستحاهه ابحور تبجيك
يا علي ... امصابك فجعنه
يا علي ... خلَّص دمعنه
يا علي .. صيحه سمعنه
الخاطر ايتامك .... لا تسد عينك
.....
على بابك ... شفت موقف ... يبجي اعيون الي يشوفه
طفل واكف .. على اعتابك ... ملامح وجه مخطوفه
بيده طاست لبن شايل لازم الباب
يحجي وي روحه ويسولف جرحه لو طاب
ناذر اعيوني الثنين وروحي انطي
واليتامه اوياه تدعي بهذا المصاب
ياعلي ... عالخد دمعهم
ياعلي ... طفو شمعهم
ياعلي ... يهضم وضعهم
بمدمع الجاري ... نادتك وينك
.......
جرح هامك ... كسر كلبي ... مثل ما كاسر ايتامك
اه شكد ... كبر عمره ... الحسن شاب ابطبر هامك
وذاك ماجنه الحسين اليمك ينوح
جاي اشوفه بس جسد باقي بلا روح
كربله ما واصللهه وفاكد الحيل
على مصابك ياعلي بالدمعه مذبوح
يا علي ... حاله فجعني
يا علي ... ماجنه ابني
ياعلي ... زيدلي وني
ذابله اعيونه ... انظر أحسينك
.....
اشد منهم ... وضع زينب... عليك امحيره وتنعه
اليتم بين ... كبل موتك ... عليها وتشهد الدمعه
ياعلي اعليك العقيله شابحه العين
ذكرتني ابموقف اوياهه اويه الحسين
من على التل توكف اتعاين شمرهم
يحز نحره من كفه ويسبل الايدين
ياعلي ... سامع بجيهه
ياعلي ... يشرح سبيهه
ياعلي ... عاين عليهه
حالت الحره .... زادت اونينك
.......
كلمات
موسى الخادم
لشهادة سيدي ومولاي امير المؤمنين علي صلوات الله عليه
العيد اجانه يا علي
وانه دمع عيني ايهلي
عگب بعد شيضل الي ... يا بو احسين يابو احسين
___
يبويه مو محل النوم اگعد يا بعد عيني
ابنيتك آنه يابو احسين عليمن ما تحاچيني
اشمالك بس تون واتلوج واضمدك ما تخليني
يريت اليوجعك يندار ابراسي وابشراييني
گلبي تگطع من تون
او لا ساعه تهده او تستچن
اصوابك ترس عمري حزن ... يا بو احسين يابو احسين
___
اهنا يل دللت زينب زينب عگبك اشعدها
يوجه العيد اجاها العيد بعد منهو اليعيدها
بعد منهو اليسامرها او يلاطفها اويناشدها
ازيد من نزف دمك دمعها ايهل حفر خدها
نايم وانه اعيوني انعمن
من نومتك گلبي انسحن
عگبك غريبه ابلا وطن ... يا بو احسين يابو احسين
___
الحرم ثكله بابنها اتصير واني ابوالدي ثكله
لا بيدي واموت اوياك او لا بيه اضل عدله
يريت انًام فد تابوت وانسه هل حزن كله
اموت ابسد ابوي . الله . من هل موته ماكو احله
ركني تضعضع وانهدم
مامش مثل فگدك الم
ابموتتك زينب عدم ... يا بو احسين يابو احسين
___
ابشهر رمضان فجعوني او شيبك بالدمه اتخضب
من شفتك علي مجبل گلبي او راسي الك شيب
صحت والكون صاح اوياي عيد اگشر على زينب
راح الماكو احن منه او ضني ابدينتي اتخيب
الچان الي درع او حمه
تنعاه ملائكة السمه
هل ليله ماشي الفاطمه ... يا بو احسين يابو احسين
___
غفل مني خذاك الموت وجهك مشبعت منه
لا زادي هني بجفاك لا بل نوم اتهنه
افك ريجي صرت بدموع وجر ونه على الونه
اليتامه اعليه يتباچون وسابع جار اله حنه
يل ناوي عني تبتعد
ليه ترد لو ما ترد
يابويه حيلي منمرد ... يا بو احسين يابو احسين
___
فك عينك الي لحضات اخير اوداع اودعهن
واهمس بذنك احچايات بس لا تبچي من عدهن :
امن اطب ديوان برض الشام واجروحي اون منهن
تحن اعليه من انخاك ؟ تجي واحبالي اتفكهن ؟
لوما اجيت امن الگبر
آنه التمس لجلك عذر
لن راسك ادري منطبر ... يا بو احسين يابو احسين
___
ابو فاطمة الطائي