7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
انجتل قرأن ياحيدر بجتلك
وزينب يا علي الليلة بجتلك
المن دمعة عيونك بجتلك
اكيد البنتك الراحت سبيه
........
الشاعر
اياد الفرح المهدوي
لِيلِ وْجُرُوحْ...دَمْعَه وْكَلَامْ
آخِرْ وَدَاعْ.........وَيَّه الْإِمَامْ
-----------------------
گِعْدَتْ تِنُوحْ......أَهْلِ السِّمَه
عَبْرَه وْتِسِيلْ.....تِجْرِي دِمَه
طَوِّلْ يَلِيلْ.....حَامِي الْحِمَه
بَاچِرْ يِرُوحْ.........يَمْ فَاطِمَه
بَاچِرْ ضَيَاعْ...لُوعَه وْضَرَامْ
آخِرْ وَدَاعْ..........وَيَّه الْإِمَامْ
-----------------------
زِينِبْ تِصِيحْ...مَشْدُوهَه رَايْ
عَنِّي تِغِيبْ.......تِرْضَاهَه هَايْ
گَلْبِي عَلِيلْ.........وِانْتَه دِوَايْ
يَا سَلْوِتِي...........إِسْمَعْ نِدَايْ
شْلُونِ الْيِتِيمْ.......يِگْدَرْ يِنَامْ
آخِرْ وَدَاعْ...........وَيَّه الْإِمَامْ
-----------------------
لَنَّه الْحَسَنْ.............نَادَه بْعَوِيلْ
يِنْخَه الْحَبِيبْ...حَامِي الدِّخِيلْ
لَا لَا تِرُوحْ..........عُوفِ الرَّحِيلْ
بُويَه الْمَمَاتْ..........دُونَكْ قَلِيلْ
طَعْمِ الْحَيَاةْ........عُگْبَكْ حَرَامْ
آخِرْ وَدَاعْ..............وَيَّه الْإِمَامْ
-----------------------
وِتْعَالَه صُوتْ.....كِلِّشْ حَزِينْ
يِلْچِمْ مُصَابْ......لِيثِ الْعَرِينْ
هَاذَه الْغَرِيبْ...هَاذَه الْحُسِينْ
يِحْچِي وْيِنُوحْ...تَارِكْنِي وِينْ
رِيتَكْ تِگُومْ.........وِالْكِلْ نِيَامْ
آخِرْ وَدَاعْ............وَيَّه الْإِمَامْ
-----------------------
يَا بُويَه صَاحْ...تَالِي الْكَفِيلْ
عَالْغَبْرَه طَاحْ......يَمِّ الْقَتِيلْ
يِصْرَخْ يَرِيتْ....آنَه الْجَدِيلْ
وِانْتَه بْسَلَامْ...عُمْرَكْ طَوِيلْ
حَگِّي أَنُوحْ.....نُوحِ الْحَمَامْ
آخِرْ وَدَاعْ.........وَيَّه الْإِمَامْ
-----------------------
#الليالي_العلوية
الشاعر حسن خنافر العاملي
آه يحيدر ،،، آه يحيدر ،،، آه يحيدر
مــن تفارگني يـبـويه يعني فارگني دلالي
جرحك مشيب دليلي وهوه جرح الغالي غالي
ياهو يمسح بيده دمعي وظلت عيوني تلالي
ياعلي لاچمني جرحك ينزف وشادهلي بالي
آه يحيدر ،،، آه يحيدر،،، آه يحيدر
أحچي بلكت گلبي يقنع بلكي يبرد بلكي يهده
بحضني وسد بويه راسك خلي أشدنه وأظمده
ياأبو زينب أنه زينب بويه كون عيوني رمده
ولا أشوفنك تـنـازع يــاعلي وحيلي تـهـده
آه يحيدر ،،، آه يحيدر،،،، آه يحيدر
هايه أول مره أشوفك هيچي ذابل لونك أصفر
صايم وجرحك يظهدك ياهظمتي ودمعك أحمر
بيا وكت بالگوه تحچي شهل مصيبه الله أكبر
أنه بت گلبك يعشگي وگلبي من شافك تفطر
آه يحيدر،،، آه يحيدر،،، آه يحيدر
أمس فگد أمي كسرني ويتاماني وهسه أنته
أحچي ياملح السوالف ياابو گلبي كافي سكته
بلا ضواك أظلم نهاري هذا موقف گوه عشته
خذني ياموت أبداله وخلي أبوي أنه بنته
آه يحيدر،،، آه يحيدر ،،،آه يحيدر
وكتي بعد شظام اليه وياهو يكسر گلبي باچر
كلمن أتعيد وي أبوها وأنه عيدي بالمگابر
ياعلي وتدري الشماته بموتتك تكسرلي خاطر
شلون أصبر روحي گلي بويه علمني أكابر
آه يحيدر ،،، آه يحيدر ،،، آه يحيدر
✍️حسين حمدان الدلفي
ياعلي. ياعلي. ياعلي. ياعلي
النجف منك اخذ هاي الخصوصيه
ضريحك جنه فوگ الگاع مبنيه
حامي الجار عنك هاي مرويه
شكثر يمك تجي وتندفن يوميه
ياعلي ياعلي ياعلي ياعلي
**
چم صافي الصفا راد الدفن قربك
وچم ميثم نصلبو من اجل حبك
علي خسران والله الما مشه بدربك
منزلتك عظيمه هناك يم ربك
ياعلي ياعلي ياعلي ياعلي
***
مگبرة النجف مزدحمه بحبابك
امان الله يحيدر غادي بترابك
العدل والميت يطوفون بعتابك
بيبان الشفاعه نرسمت ابابك
ياعلي ياعلي ياعلي ياعلي
***
علي ذكرك عباده وتشبه القران
علي خصك الباري بسورة الانسان
علي انت الامام التطعم الجوعان
علي اسمك فرض صار اعله كل السان
ياعلي ياعلي ياعلي ياعلي
**
وحگ هامك علي والطبره والامك
تره ساعة رحيلك ماتت ايتامك
نشالت فرحت المسكين گدامك
عليهم چان دوم مبلل الثامك
ياعلي. ياعلي. ياعلي ياعلي
**
رحيلك زينب هوايه يألمهه
وطار العيد ياكرار يلچمهه
تلزم صورتك عاالباب ترسمهه
وتبچي گبالها وتضل تكلمهه
ياعلي ياعلي ياعلي ياعلي
سعد العبودي
استشهاد أمير المؤمنين علي
بن ابي طالب عليه السلام. (عگيلي)
شنهي الما ون على غيابك
هذا العالم كله اتاثر
حيدر حيدر حيدر. حيدر
★★★★★
يمقدم نفسك للباري
ماهمك جيش ولاسيف
ماتقنع عايش بالدنيا
لوبالدين ايمر الحيف
ياهو الي رايد ينشدني
والرايد عنك تعريف
انته النور بهاي الدنيا
وانته التشفع يوم المحشر
حيدر حيدر حيدر. حيدر
★★★★★
غيّرت الموقف والكفّه
يوم الحال اشتدت حيل
جبت الشمس بنص الظلمه
عن الوادم زحت الليل
عدوان التشهد وتسولف
صبيّت عليهم سجيل
ياصوله الماتشهد باسمك
وين الغيرك گصدوا خيبر
حيدر حيدر. حيدر حيدر
★★★★★
يمقدم روحك بالشدّه
بايع روحك للاسلام
مثل ابراهيم بصولاتك
يوم الكسرت الاصنام
وطبع المختار وغاياته
تقوه اشماتقسه الايام
ضحيت ابروحك وبمالك.
يلي بسيفك دافع كل شر
حيدر حيدر حيدر. حيدر
★★★★★
اقرايتهم عنك سطحيه
احتاروا كلهم بالتفسير
شنهي عذر الميعرفونك
لوبيهم خان التعبير
شلون تصير الرابع عدهم
وغير الاول لامتصير
كل الي عندك ماعدهم
يصبح مثلك ياهو اليگدر
حيدر حيدر حيدر حيدر
★★★★★
من يوصل حيدر تفسيرك
يلبلدنيا ماتتكرر
ياهو الي يستوعب ذاتك
وانته الشرح المايتفسر
لامن معجم لاموسوعه
تلخص مضمونك ماتگدر
ياسر انته الحد الساعه
بيك العالم كله اتحيّر
حيدر حيدر حيدر. حيدر
الشاعر حسن لعيبي الحريشاوي
لاستشهاد أمير المؤمنين
علي عليه السلام
اداء ولحن الرادود علي حميد الموسوي
الشاعر حسن لعيبي الحريشاوي
شنهي لمصابك مايون
شنهي الوجودك مايحن
موسهله غفلات الدهر
للفرحه ماخلن ٱثر
صوابك علي كسرة ظهر
وبأي كسر ماينوزن
ويلي ويلي وآه بصدري جمره
هامتك ياحيف بيها طبره
ياشمس تغيب والله كسره
بالگلب كسر من يجبره
طول الليالي جمره الضلع
يچوي الجفن سيل الدمع
وبگلبي أَحْسَّن مية صدع
ياعلي ايتامك حزينه
من دروا چتال جرحك
دنيا ماتنراد بعدك
وماتشوف العين صبحك
★★★★★
روحك عَصيَّه على الالم
والعمر بالسيف انختم
مشتاگ للباري صرت
متوهم الگايل طحت
فايز بهلضربه گلت
يعني انتصر دين القيم
تدري تدري الآه هيه زينب
بالگلب نارين لما تِنْحَب
تِذَكَّرَْ الحبيب إلي تِصَّوَبُْ
شماتحن تون تدعي يارب
ياربي ناري تطفه شوكت
ايهدني الحزن ماحسبت
وهمومي صحره وبيها ضعت
ياعلي يابويه تدري
فرگتك ثالث فجيعه
مادريت شضملي دهري
گلي ياحامي الشريعه
الشاعر حسن لعيبي الحريشاوي
#ردات_جوگات العزاء
فراگك ياعلي نار وبالـ أگلوب
مو وادم أدموع أترسنا الـ أدروب
خيالك لحظة ما نام
خاف أتجوع الأيتام
والوادم الفقرة أتصيح ويلاه
--**
اللطم والنوح بس لفگدك أيلوگ
إمام أنت وابو للگلبه محروگ
عليك أيتامك أتلوع
أسمع صوع الـ أدموع
يدگ بيبانه شگد أنتظرناه
صدام آل جريو
🏴 ينفع لمابعد ليلة العروج والرحيل ..
⚫️ نعي ــ مجردات
ويلاه من رادوا يحملون
نعش الصميده ومايشيعون
ويمه الحسن وحسين يبچون
وزينب تنادي يلتحملون
بجدي عليكم لا تشيلون
لاوين نيتكم تگصدون
ابوي العزيز وبيه تدرون
اريدن عليه اعميهه لعيون
#سمير_الصالحي
#البصرة_الفيحاء
⚫️ نعي- نصاري
🏴 ينفع لما بعد الإستشهاد
صفينه بحزن والناس باعياد
ومصيبة والدي بكل وكت تنعاد
وعله فرگاه انوح وگلبي ماهاد
واعاين لخوتي ودموعي تجري
اطب لدار ابونه وانحب اردود
راح الفرح عنهه وما اظن يعود
لظل طول الدهر بهدومي السود
واصيحن ياعلي مونفذ صبري
عَلَّي مكتوبه من زغري المصايب
وراواني زماني شگد عجايب
وما يسوه المعاتب حتى اعاتب
بعد شاتامل و خلصان عمري
#سمير_الصالحي
#البصرة_الفيحاء
اذان الوداع
اذن الـــــمــــؤذن .. حــي على الوداع
،،،،،، ،،،،،،،،،،،،،،،،،،،،،،،،،،،
ياعلــــي هــــــالليله الك اخــــر اقامه
وباچر يصــبحون عالفرگه اليتامى
جــــرح البراسك يبو زينب عــــلامه
كلــمــن يشوفه يودعـــك بالسلامــه
ودع الصلاتك .. هذا اخر اجتماع
اذن الـــمـــؤذن .. حــي على الوداع
،،،،،،،،،،،،،،،،،،،،،،،،،،،،،،،،،،،،،،،،،
ياعــلــي بانت علامات الرحيلك
وهاي ليله الواعدك بيها خليلك
هسه ابن ملجــــــم يعذبلك دليلك
وبعد ابن عمك يحيدر من يشيلك
واسمع المنادي .. طاح الوصي الشجاع
اذن الــــمـــــؤذن .. حـــي على الــــوداع
،،،،،،،،،،،،،،،،،،،،،،،،،،،،،،،،،،،،،
ياعلي بفيض الدمه تختم صلاتك
اه واچــــم اه لــو ســـمعــن بـنـاتك
ياعلـي زينـــب تعــــيش بذكـــرياتك
تصيح يابويه علي وتشبگ عباتك
تشتكي بدمعها .. وصوت الحزن ضياع
اذن الــــمـــؤذن .. حــي علـى الـــوداع
،،،،،،،،،،،،،،،،،،،،،،،،،،،،،،،،،،،
والحسن وحسين من يدرون بــيه
براســــي يتراوالهم ظلــع الزچـــيه
بنشغه وينادون ياحامـــي الحميه
بويه هـم ترجع بعـــد لـــو هاي هيه
شتنفع السفينه .. لو كسروا الشراع
اذن الـــمــؤذن .. حـــي على الوداع
،،،،،،،،،،،،،،،،،،،،،،،،،،،،،،،،،
ياهو بعدك يفـــــگد بيوت الـفقيره
والارامل ياعـــلي حيـــرتها حـــــيره
راح اموت وهاي لحظاتي الاخــيره
لكن ابقى بكل گلب ينبــض ضــميره
ايــــبـــين اليحبني .. واللي لبس قناع
اذن الــــمــؤذن .. حــي علــى الوداع
،،،،،،،،،،،،،،،،،،،،،،،،،،،،،،،،،،،،
صاحت الصيحه وبدت تكبيرة الموت
اچفوف اليصلون صارت كلهـــا تابوت
الداره خل نوصله كلنا ونهتف بصوت
طـاح امير المــؤمنين الـخوف الحوت
نلطم وننـــدبه .. ياوالــــد الــسبــاع
اذن الــــمــــؤذن .. حي على الوداع
،،،،،،،،،،،،،،،،،،،،،،،،،،،،،،،،،،
وي بنيني وصحبتي هاي اخر انفاس
تغيب عـن محرابك ومتصـلي بالناس
مطمئن راح انا اموت ورافــــع الراس
امنــت زينـب بديـن اوليـدي عـباس
بويه ياحبيبي .. امرك وجب مطاع
اذن الـــمـــؤذن .. حي على الوداع
،،،،،،،،،،،،،،،،،،،،،،،،،،،،،،،،،،،،
غمــــض عيونه وهــــله يمه يــونون
والحسن وحــــسين للجثه يغسلون
نزلت املاك السمه النـعشه يشيعون
الفاتحه بعـد الدفن بالدمـعه يقـرون
اعظم المصايب .. هذا الخبر يشاع
اذن الـــمـــؤذن .. حـي على الوداع
الشاعر فاروق الغنامي
#ليلة_ضربة_الأمام_علي_ع
مو دمـع مـن دم يـدر
ناضـــرچ يم الخـــدر
عودچ ابوقت الصلاة…
صـــوبه سيف الغــدر
//////////////
ابـن ملجــم ــــ ســيفه يلچم
ألـم الدنيــه ابكبـــرها
شال بيـــده ــــ اعله الصميده
سيفه والهامه شطرها
شــافه راكع ــــ چـان خاشــع
صابه والجـنه خسرها
اشكبر ذنبه ــــ غضـــــب ربه
اگلوبنه ابحقده فطرها
وصوت جبريل ارتفع
والمــلا كله انفـــــجع
طعم ميضل بالحياة…
وراس حيدر ينشطر
//////////////
عاف داره ـــــــ وذو الفقاره
البيه حتى امثال تضرب
دنيه دارت _ وحشه صارت
حيدر بــدمه يــتخضب
الجان واگف __ بالكلايـــف
وسيفه بالمعركه مجرب
وسفه رايح ــ والنـــــــوايح
عاليه وجبريل ينحب
الليله ميــــعادي يگول
بيها واعــدني الرسول
على أيد اشقى الشُقاة
انصــــاب وبليلة قـدر
//////////////
گـــدر يــــدنه __ الــنذل منه
وضرب قانون السياسه
هــــاي كــلفه ___ عــينه صلفه
بلا خجل بيت الله داسه
السدله عازه ___ هسه جازه
بقسوه ويضربه اعله راسه
شــق جبينه ___ وذبـح ديـــنه
وهدم الـدين امن اساسه
ركــن الأسـلام انهدم
من طبر راعي الشيم
سور أله چـــان وثباة
ومحتمي ابفيـــه يمر
///////////////
عـلم عـندچ ____خـــان دهـرچ
وهام حيدر صـــــــوبوها
هلي دمـــعچ ___ يــاهي مثلچ
تعيش فگد امها وابوها
الخيمه طاحت _ الفرحه راحت
ورده چنــــــتي وذبلوها
انـبطر هامه ___ والعمامـــــــــه
بدم جبينه خضبوها
وشيبه مــن دمه نگع
من طبرته اعليه وگع
بكل كتـر بالدنيه هاي
هل خبر ضــــل ينشر
///////////////
شلون ليله ــــــــ يالعقيله
ابيـــوم فاركتي حنانه
بعيد دربه ــــــــ وهاي صعبه
بعد ياهو ايسد مچانه
ياحسرتچ ــــــــــ ياهضمتچ
امدلله چنتي ابزمانه
زيدي ونچ ـــــــــ راح عنچ
الجنتي متغطيه بامانه
حيـــــــــلچ اليله انثلم
معوده انتي اعله الالم
من وكت كســـر الظلع
جارعه الهم بالصــــبر
//////////////
تم بعون الله تعالي
بقلم ام زين العابدين اللامي
من يود يقرا القصيده يذكر
هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
تعنيت انشد المحراب ــــــ عن مصاب مولانه
شلون انصاب بالطبره ـــــــ وخله الدنيه حزنانه
ساجد وانطبر بالسيف ـــــــ واحنه ايتام خلانه
ودمه السال من راسه ـــــــــ سال اعليك يامحراب
---------
يا محراب جاوبني ــــــــ شلون انصاب والينه
ما نرهم بعد حيدر ــــــــــ احنه اولاده تدرينه
يا محراب معقوله ـــــــ والينه يخلينه
واحنه معلمين عليه ـــــــ‘ مانحمل هظم لمصاب
--------
يا محراب دمه السال ـــــــ منه اصبح اخضابك
وأدري تنوح علوالي ـــــــ واعرف لوعة مصابك
هم انت مثلنه اتصيح ـــــــ ما نتحمل اغيابك
الليل ايصير مظلم حيل ـــــــ لو حيدر الوالد غاب
-------
يا محراب والمنبر ـــــــ هم شفته يوم لجله
جيفن بعد ما يصعد ـــــــ والينه ابو الحمله
المنبر عل ولي الكرار ـــــــ اصبح مدمعه ايهمله
ومثل الشيعه عل مطبور ـــــــ ضل يهمل دمع سجاب
-------
يا محراب حاجينه ـــــــ شلون واحنه ايتامه
او والينه رحل يا حيف ـــــــ بس ما تمم صيامه
طبرونه ونزف دمنه ـــــــ وي طبرة علي بهامه
وجمر مصاب ابو الحسنين ـــــــ بينه ايضل دهر لهاب
--------
الشاعر محمد حسن ضيغم
يا كرار لا تفجعني
لا ماريد ترحل عني
دارك لا يضل خالي
زينب وأرحم بحالي
ــــــــــــــــــــــــــ
يا حيدر يا لبة كلبي ويل نورك يملي عيوني
ليش اعداك بهاي المحنه منك بويه يحرموني
انه ابنيتك لا مااكدر من دونك مو يدروني
ابجي وانحب ليل انهاري ليش اعداكم خلوني
وبهل نوح ذايب كلبي
عل محراب عيوني التربي
تدريبه الدمع هالي
زينب وأرحم بحالي
ــــــــــــــــــــــــ
من ترحل ياحيدر عني وابقه اتسله بدمعاتي
مظلم داري يصير اخلافك بويه وتوحش دنياتي
اتبجي اليسمعهه من العالم كلمن يسمع وناتي
وما مرت علعالم ابدا يا بالحسن مأساتي
شفت الضيم وانه بزغري
بكلبي اسهام صوب دهري
غيرك منهو يبرالي
زينب وأرحم بحالي
ــــــــــــــــــــــــ
بوجودك داري شمحلاهه يابسمة شفة الايتام
انه ابنيتك جنت اتنومس يوم بحضنك عيني اتنام
ماادري الواقع يفجعني وتتبدل هاي الايام
عن دارك ترحل ياحيدر دارك تبقه بلا ضرغام
ليش اتروح ياوالينه
بهذا الحال وتخلينه
رسمك ساكن ابالي *** زينب وأرحم بحالي
ــــــــــــــــــــــــــــــــــــ
بويه من انظر لمصلاتك وانظر مهظوم المحراب
اكعد عالكاع واتنحب وعالخد دمعي يضل سجاب
ياذنب العندي وتتركني وتعلن وي العيله اغياب
راح ابقه اعله هدومي السوده من حزن امي عندي اثياب
ذاك الثوب لا ما نزعه
عل امي عليك تبقه الدمعه
ذايب يبقه دلالي *** زينب وأرحم بحالي
ـــــــــــــــــــــــــــــ
خلتني امي اوديعه وعندك ورادت بويه اتداريني
متفارك شفتيني البسمه ولا يهمل مدمع عيني
الله يلعن كلمن ظالم بينك حال وما بيني
ريت الي يواري بجثمانك يمك كون يواريني
ريت وياك طبروا راسي
وياك البين اشكد قاسي
حزني اصبح خيالي *** زينب وأرحم بحالي
ــــــــــــــــــــــــــــــــ
الشاعر محمد حسن ضيغم
علياً واعليا
؛::::::::::
علي النبض بكلبنه عشكنه وشكنه
على حبه ربينه ولا غيره عرفنه
ابو حسين بمصابه اله مأتم نصبنه
اله تلوك الولايه الرفع بيده علمنه
علياً واعليا
؛؛::::::؛؛
حمدنه الله ونشكره علي حيدر ولينه
يحبه الله اليحبه يخيمه انت علينه
علي اول نحسبه ملك حبه يلمنه
الامر من الله بيده عرفنه الله عله دينه
عليا واعليا
::؛؛؛؛:::؛؛؛
يقران الجلاله الك تحله القياده
امير اعله البريه ملك عينه العباده
يمصباح الهدايه يسلطان الشهاده
لبس تاج الامامه امير من الولاده
عليآ واعليا
؛::؛؛؛؛؛؛؛؛:؛؛؛
اجه بسيفه المرادي طبر راسه الامامه
الدمه خضب لحيته صفت حمره العمامه
اجت تجري دمعها عله بابه الايتامه
يكسرتنه الجبيره يرب رده بسلامه
عليا واعليا
؛::::::::
يبونه الفركه صعبه عشرتك بينه حلوه
قليله شما حجينه عمرنه لعمره فدوه
يبو تراب وابونه علي يلكله نخوه
اليخاف انت امانه كلبنه بهم تجوه
عليا واعليا
هاشم الدراجي
ينجينــه من انموت النجه نبي أمن الحوت
يوم الحشر لو صار نلــوذ بعلــــــي الكرار
ماعدنه غيره ماعدنه غيره
* * *
أبنادم لو دناه الموت لو عمره وصل حده
يفارك كل عزيز أعليه يسكن بالكبر وحده
هم وحشه وظلام وضيم هم ضيك عليه لحده
وكل هذا الاشد أعليه منكر من يجي ينشده
يصيح أنطي وجهي وين
أدخيلك يبو الحسنين
وميخيبه حامي الجار
نلوذ بعلــــــــي الكرار
ماعدنه غيره ماعدنه غيره
* * *
وين نروح من نموت غربه والكبر مظلم
العنده ذنوب بيه شلون من ينعد شخص مجرم
الندم ميفيد كل انسان مهما جان متنـــــدم
الا ايمان الا أعمال مو بس بالأسم مسلم
ننسأل عن الديـــن
وهم جنه ملتزمين
ومنا الدمع ينهــار
نلوذ بعلـــي الكرار
ماعدنه غيره ماعدنه غيره
* * *
يلف الموت كل انسان عنده ألقاب عنده انساب
ومرار الموت مو بالموت بعد الموت يبدي أحساب
بس أحساب من احساب ينجح بيه العنده أكتاب
شلون أكتاب بيه أختام بيه توقيع داحي الباب
يوكف ولي الرحمـــن
وميميشي ياهو الجان
أهناك الخلك تحتار
نلوذ بعلـــي الكرار
ماعدنه غيره ماعدنه غيره
* * *
اليندم يبقى يتوسل لجنـــه مهما يتوسل
إذا مو حيدر يزكيــه مذنب هوه يتسجل
الميزكيه أبوالحسنيــن لاميصيرلـــه كل حل
وعلي يزكي الخوش أنسان أبد موخوش مايقبل
يزكـــي الذي وآلآه
ويرضي الذي حباه
وعن لاتمسنه النار
نلوذ بعلــي الكرار
ماعدنه غيره ماعدنه غيره
* * *
دخيلك ياعلي الكرار يوم الحشر نجينــــه
عدنه ذنوب يامولاي غيرك من يلفينـــــــه
ماكو أعمال بيها نفوز بس حبك يوالينـــــه
وبس هذا الامل موجود بس هذا الامل بينه
ماعدنه غيرك عون
ياوالي رب الكـــون
أشما تلتم الاخطار
نلوذ بعلـــي الكرار
ماعدنه غيره ماعدنه غيره
* * *
سلام المشعل
#نعي
لستشهاد الامام علي علية الصلاة والسلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا ليل طول باچر اونين
وجه الصبح ويطيح ابو حسين
يلدنيا ها يلماخذه الزين
بصاحب الغيره وين تردين
گلبه لصلاته وعينه لسماه
فرض الممات الليله صلاه
واملاك سجدت شفنه وياه
ويلاه رايح بويه ويلاه
يا باب هلمره تمنعه
طلعت ولينه بدون رجعه
صوت الطيور الي نسمعه
معروفه علكرار تنعه
راح الحنين اوعيني تربيه
كون الابو بالروح أخليه
تمنيت ساعتهه اندفن بيه
من الغدر چا وين أوديه
يا علي بويه الفجر لا هل
ساعه وگلب زينب تعلعل
صوت السمه بنبرة المقتل
ياجرح حيدر صعبه ينشل
ثگلت جدامي وطحت بالبيت
يم والدي هسه تمنيت
واخواني راحو وانه ونيت
جيبولي ابوي هواي حنيت
ظليت اناطر وانه بالباب
بلكت عطر من عد الاحباب
بلكت يرد سالم ابو حسين
ما بينه حيل لهذا المصاب
من بعيد شفت اخواني وياه
حسين بيسرته وحسن يمناه
من عمت عيني ويا الف آه
حيدر يون غرگان بدماه
هابويه سالم يلسلامه
شو كلهه دم حمره العمامه
جاوبني بس حسره بكلامه
يساعدكم الله يليتامى
لا بويه لا فدوه رحتلك
لتگول هيچي بوجه بنتك
اندارلك فدوه وسلامات
لا يلهوى ظل اعله بختك
لتون مثل ما أمي ونت
وادري شكثر امي تأذت
خلت كسر بالروح خلت
لتگلي اصبري وبعد خلصت
محتاجتك والدنيا صعبه
باچر يحيدر تدري غربه
الماله ظهر يطي الوجه وين
والدنيا كلهه تريد حربه
مو بس أبو لا انته كلشي
انته الامان الفوگ رمشي
خلينه كلنه وياك نمشي
ها يلحنين الفارگتنه
بنتك واريدك رد عليه
دموعي تهل واتوصي بيه
خل نتفق ابقه انه وياك
لو موتنه يصبح سويه
كلمات الخادم
رعد الفريجي
#اللهم_عجل_لوليك_الفرج
طيور الوز خذن نوحي وناحن
ومثلك ماشفت بويه وناحن
احس كلبك يحن ليه وناحن
وداعك جن وداع امي اليه
………..
وداعك كل هضم بينه ولمنه
ومصابك حيل اذانه ولمنه
يبويه دموم نبجيلك ولمنه بجينه عيون عالشبعت اذيه
……….
بجينه عيون واحدنه يتمنه
يموت ولا يجي بويه يتمنه
بجرحك ياعلي شفنه يتمنه
تنوح وتبجي والونه شجيه
……….
تنوح وبالالم عالهامة مرة
الحياة بلا علي ياعلي مرة
بعد مرات مو بس هاي مرة
بالسم والذبح زينب سبيه
……….
بالسم والذبح خلصو ولدنه
عود احنه رسول الله ولدنه
علينه اتفرج القاصي ولدنه
ذبحنه من خذه زينب سبيه
…….
ذبحنه والحزن بعدك ولاشي
هضم بيه بقى بدونك ولاشي
نضر عيني الك اعمي ولاشي
يحيدر انه وي زينب سويه
…….
الشاعر
اياد الفرح المهدوي
تَوَّه نسيت الباب و الهَم تَوَّه....
تَوَّه أرد عيش اوياك دنيه لحلوه.
يبويه _ يا ماي وجه الديره
يبويه _ والدنيه هاي زغيره
____
يا واهِس بيتك _فدوة العافيتك
شايل لو زعلان اِمنَ أهلك يانور العين
چا رایح وین
یَفیاي العِشرة _ياعشگ الزهرة
يا وجه الله البَطَّل يضحك بعيون حسين
چا رایح وین
تدري البِت عزيزة و تنهُظُم لو مات اُبوها
او كلما تنكسر عگب الأبو تعاين لخوها
هُوَّه يصير اُبو او هُوَّه اُخو او هُوّه دفوها
الدنية لو ما انت بيها شتسوه
الغيم لو وَشَّل تموت النَزوه
عايفني _ مِن حيره أطُب ابحيره
عايفني _ و الدنيه هاي زغيره
____
شِمزَعِّلِ عیونک _ شِمغَیِّر لونک
هذا الشیب التارس وجهک مِن المحراب
لو مِن الباب
اِرمِش یا روحي _ يا خُلگ جروحي
هاي الكَسرات البالحيتَك من الأحباب
لو مِن الباب
يا اوّل دمع شیَّع ضلع ما بین الأحباب
ولآخر نَفَس ضل منكسر مِن كسرت الباب
شرايك بالتعوف اخوتهه نومه و تمشي اجناب
اگبالهه یذبحون اُخوها بحُفره
ترکض حوافر خیل تسحگ صدره
وُتحَشِّم _ چا وین أهل الغيره
وُتحَشِّم _ ولدنيه هاي زغيره
____
باچر یا بویه _ أعطَش عالخويه
ما يبقه ابظعن العلويّه بَس السجاد
والطف ارماد
محترگه خیامي _ وتموت أيّامي
و اوگف مچتوفا و مختنگه اگبال بن زیاد
ولطف ارماد
بالمذبح اُخوي ابلا سِتِر عالگاع اعوفا
عالشط کافلي ابعينه سهم عايف چفوفا
خاتَم خنصر حسین ابصبِع ذبّاحه اشوفا
و آنه اعله هَزله او بین وادم غُربا
حسین ضامي او ماي نوگ تشُربا
هضیمه _ يِتچَفَّن بحصیره
هضيمه _ ولدنيه هاي زغيره
____
سلمان اتحُضره _ وحسین تعُبره
ویضل طایح وحده ابهیمه نایم عریان
میِّت عطشان
باچر لو رِحنه _ چا یاهو یدِفنه
یاهو ایطَفّي ابنار الخيمه حسينك تعبان
ميِّت عطشان
یمجَهِّز گَبُر نوح او لِحِد بیدک حُفرته
یونس من بطن حوت و نخاک بسع حضرته
احضَر لو نِخیتَک و الأخو مالت رگبته
احضرني بويه او جيب اُمِّي الزهره
بس كون طابَت من هَذيچ العَصره
تعالوا _ مو کربله ِچبیره
تعالوا _ ولدنیه هاي زغيره
__
اِحضَر يعيوني _ بسوگ یطُبُّوني
هذا ایباوِع ذاک یگاطُف عالروس احجار
یاحامي الجار
ابچي و مچتوفا _ او شمّات الکوفا
تِتفَرَّج یا بویه او احنه نسوان اکبار
یا حامي الجار
محترگه العبي و كلهِن جَمُر و چماله حِفّاي
احنه بيا وضع فوگ السبي يرِشّّونه بالماي
ريتك يا علي ابذاك الدرب لو تِحضَر اوياي
لو يَمِّي تِحضر و آنه شوفك يَمِّي
و تجابلوني اهناك انته او اُمِّي
وَ حِسَّن _ عندي بَعَد عشيره
وَ حِسَّن _ الدنيه هاي زغيره
✍🏻 .. #نسيم الناصري# _ #الأهواز
انا ماخاف اذا دفنوني
يم ابو حسين اغمض عيوني
ياملك يوصل الي
ولايذ انه بسد علي
..................
ذاك عمري الفات خلصته بمحبته
وباقي هذا العمر اكضيه بخدمته
حبه ويه الخدمه ناتجهن عرفته
گلبي دكاته علي يعني عشكته
يبقه غالي وما امله واغله من ناسي وهلي
صاحب افضال العرفته هوه بس حيدر علي
لمن انخا وامدله اجفوفي
يترس الايد عطايه ويوفي
وهمي كله ينجلي
ولايذ انه بسد علي
......................
والله هنياله الصدّك وي اهل بيته
ايعيش طول العمر بيهم عالي صيته
الماتغره الدنيه ويضيّع مشيته
الجنه مضمونه وعلي ايوقع هويته
واني خايف من زماني ومن غروري والانا
واطلع من الدنيه وفعالي جذب بس العنا
والامل عندي قالع خيبر
يقلع اذنوبي لمن يحضر
بنوره كبري ينملي
ولايذ انه بسد علي
....................
الدنيه بيهه ماشفت غير الملامه
وروحي من هذا الزمن شبعت ندامه
اه من ابنادم وكثرت سهامه
انه احبه اليفتخر حيدر امامه
غير ابو حسين فلا ترهملي جاره بمحنتي
يحضر بيوم مماتي ويجيني بوحشتي
امنيه هاي واشوفه بعيني
يعني مولاي فلا ناسيني
كلبي من حزني خلي
ولايذ انه بسد علي
........................
من كلت ماخاف كون اعمالي زينه
وابتعد عن كل عمل بي احس شينه
حيدر ايريد النضيف اليغض عينه
ياحلات الخدمه من يرضه علينه
وانه للموت اخدمه واله مني العهد
درب الاحرار دربهم واضل بي للابد
الدنيه ماشوف تطوّل بيه
واول وتالي هم مكضيه
بغيضه يبقه عاذلي
ولايذ انه بسد علي
............................
ادعي ياربي برحمتك من عليه
وكون اضل بحب علي الحد المنيه
مااريدن للعنق تنغّل اديه
ايدي ياخذهه ردت حامي الحميه
وامشي ويا ويّرويني من مي كوثره
وبسلامه اعبره صراط الاخره
هيجي دلالي حبه وزايد
غير ابو حسين ابد مارايد
وصوتي بالحق يعتلي
ولايذ انه بحب علي
........................
عايش بهذا الاحساس امن الطفوله
بحب علي هواي الكلام اعجز اكوله
عظم الله مصاب ابو الزهره ورسوله
ابن عمه انصاب والدم اعله طوله
دين الاسلام حزين ويكفكف دمعته
طاح الايمان على الكاع خضيبه عمامته
سيف الاحقاد تعده وجاسه
اه ويلاه يطبرت راسه
راحل الليله الولي
ولايذ انه بسد علي
محمد هادي العقابي
ناديت بصوت. وتحسر
ابعد ياموت. عن حيدر
ليش تريد تبچينه. والدنه ومحتاجينه.
**
بعدنه زغار عاالفرگه. نريد نعيش بحضانه
مثل الشجره والدنه. واحنه نحط اعله اغصانه
والله الدنيا ماتسوه. اذا مو هوه ويانه
علي لو راح عن زينب. عمرها تخلصه حزنانه
حيدر باالكون بسمتها
هليله شلون حالتها
صاحت جرحك ياذينه والدنه ومحتاجينه
**
امس ياموت اخذت امنه. وماطاب الجرح بعده
وصبرنه اعله الجرح احنه وگلنه الوالد اليضمده
وداع الام ولا ننساه. اوداع الاب بألف شده
ولي ينوله چف الموت. محد يگدر يرده
شبعتنه فراگ. دنيتنه
الهم نشتاگ. خلتنه
نار الفرگه وتچوينه. والدنه ومحتاجينه
**
زينب تنظر الوالد. بده ذاك الوجه يذبل
العلايم چن يگللها. ابوچ بها الشهر يرحل
من ذاك الوكت زينب. بدت قصتها وي التل
من مقتل علي الكرار. نفتح لحسينها مقتل
واشگد الام. مر بيها
راحت لشام. تاليها
تندب ياهو يحامينه. والدنه ومحتاجينه
**
بس هليله وي زينب. ويستر الله من باچر
ليلة واحد وعشرين. تشبه ليلة العاشر
ابوهه اهنا يودعها. وغادي اخوانها تسافر
رحلة موت ماتخلص. بين الطبره والحافر
ليمت ترتاح. ماتدري
جابتها اجراح. دم يجري
حسين وصدره مهشمينه. والدنه ومحتاجينه
**
الابو ماكو اغلا من عنده. حنين وعازته عازه
بدونه البيت خنگه يصير. ومثل النسمه نعتازه
وياه كل فرح ينشال. من تنشال الاجنازه
واصعب لحضه عاالانسان. لمن يدفن اعزازه
ارحل ياعيد. عن بابي
عن عيني بعيد. احبابي
عاالهم ياهو يواسينه. والدنه ومحتاجينه
سعد العبودي
خطاب السيدة زينب لامير المؤمنين (عليه السلام )عند لحظات استشهاده (وزن عگيلي )
ارحم گلبي ودمعة عيني
يابويه ادخيلك حاچيني
ارحم گلبي ودمعة عيني
★★★★★
يم وجهك هلن دمعاتي وي ناري ونارك چوّني
زادن لچماتك يلغالي ناديتك كونك تسمعني
ناوي الفرگه تعذب روحي علفرگه اتريد اتعودني
جرح الزهره بعده اگبالي بويه دخيلك لاتجرحني
لاتجرحني بويه ادخيلك
من بعد امي چنت اشكيلك
وتزيل همومي من احچيلك
ياجنه ابنار مخليني
يابويه ادخيلك حاچيني
★★★★★
تدري بكسر ضلوع الزهره ساعه المرت اصعب ساعه
بفراگك رايد تفجعني يانور الموسهل اوداعه
ايمرد گلبي تدري غيابك وللهم روحي برهن الطاعه
لاتفجع زينب يلغالي يابوالغيره الحلوه اطباعه
من محنة روحي المهمومه
وجروح گليبي الملچومه
الدنيا الصارت مثل الحومه
من بلوة البلوة اتوديني
يابويه ادخيلك حاچيني
★★★★★
مفجوع العالم بغيابك وافلاك الكون المفتره
بگد العالم روحك بويه شوالم راسك وي الطبره
يلگبل الدنيا ومابيها والله فراگك نار وحسره
بنيران الروح بلاشوفك ما احمل نار المتوجره
مكسورة خاطر متكدره
رايد ترحل بعد الزهره
بويه بعينك اخر نظره
بيانار اتريد اطفيني
يابويه ادخيلك حاچيني
★★★★★
بجالك ماهميت بدنيا ولاكثرة همي واحزاني
ريحة جدي وامي الزهره ياراحة گلبي اوجداني
ينعاك الدين واركانه فراگك هدم بويه اركاني
شلون الموت ايمر بدربك وتروح بدربه وتنساني
يافرحة گلبي المطويه
بعدك يلكلك حنيه
هاي الدنيا اسوت بيه
تفرح من يوم اتبچيني
يابويه ادخيلك حاچيني
★★★★★
علدار ايتامك ملتمه لاتكسرها گلوب احبابك
كلها اظن مارايح عنهم ساجد وتصلي بمحرابك
ماظنوا موت اليدنالك يبعد مايوصل يم بابك
يلي مناطر هاي الساعه تفوز بيوم اتشوف اصوابك
شظمت هاي الدنيا بدربي
بعد احبابي وسلوة كلبي
اسويت بهلدنيا شذنبي
باچر يابلوه اتراويني.
يابويه ادخيلك حاچيني
الشاعر حسن لعيبي الحريشاوي
#أبوذيات
لشهادة مولى الموحدين
علي بن ابي طالب صلوات الله عليهما
ونين بروحي ياحيدر دوالك
وجانون بوسط گلبـي دوالك
اخــــذ عمري اذا ينفع دوالك
واذا يندار دير الجرح بيه
علي محسن الزيادي
ــــــــــــــــــــــــــــــــــــــ
ــــــــــــــــــــــــــــــــــــــ
غِسلته ابماي عيني الجرح ... ماطاب
غفه . والعيش بعده ابد ... ماطاب
لون بيدي اعله گبره اگعدت .. ماطب
داري . الموحشه او ظلمه عليه .......
اشكثر گلبي يبويه اعليك ... شال آه
امصابك للبدن يا علي ....... شلّآه
بنت واتصد لبوها ابنعش ... شالوه
بس الله اليعرف اشصار بيه .......
يون او گطّعت لحشاي ... ونتاه
صحت ياربي وين الصبر .. وين تاه
بويه انت نظر عيناي ...... وانت
نبض گلبي او مشيت اشلون بيه ...
تون اعروگي من اسمع .... علي ايون
او حتى الصخر بفراگه ...... عَلَي وَن
اليتامه اعليك تنشدني ..... علي وين
شجاوب وآنه تسعر نار بيه .....
يهلها اعليها لحگو ... ما تبوها ؟
اضن موّتها زينب ... موت ابوها
ابوها الچان خيمه ..... مات ابوها
ومن هسه اصبحت ويلا سبيه ...
مثل اجبال يا صدري ... علي هم
أبوي ابگبره واگليبي .... علي هام
بعد هم ترجع ايامك .... علي هم ؟؟
تگعد يمي وانسولف سويه
اسولفلك عله الحسرات ... لو لآه
انحيت او ظهري صارت بيه .. لوله
علي تسمع ونيني اعليك ...... لو لا
دخيلك گوم بويه او حن عليه
ابو فاطمة الطائي
#اللهم_عجل_لوليك_الفرج
#إستشهاد_أمير_المؤمنين (ع)
أريـد أجـري الـدمع مـن دَمْ وَسـيـفـه
وْأصـيـحَــنْ آه يـــا حــيـدر وَسـيـفـه
إبــن مـلـجـم گُرَب يَــمّــك وَسـيـفـه
طُــبَــر راســـك يـسـيـف الله ونَـبِـيّـه
#جابر_الكاظمي
#ابوذية_جابر_الكاظمي
#إستشهاد_أمير_المؤمنين (ع)
لـمّـن مــواقـيـت الأجــل حَــنَّـت لَك
اجْـبال الأرض مـن الـحـزن حَـنَّـت لَك
مِـن طِـحِت مـو بـس الأرض حَنَّت لَك
حـتّـى الـسـمـا حَـنَّـت إلــك يـا حيـدر
#جابر_الكاظمي
#ميمر_جابر_الكاظمي
اويلاه يااباالحسن
اويلاه يااباالحسن
ـــــــــــــــــــــــــــ
بالراس صارت طبرتك
وهاالليله تنحب شيعتك
بهاي المجالس واستك
وبس بالمدامــع نادتك
وعيونه بفگدك عمن
اويلاه يااباالحـــسن
ـــــــــــــــــــــــــــــــ
وياك نبقى عالوعد
ونترجي من عندك مدد
للمـــوت حبنه وللابد
منعوفك وهذا عهد
اشما يغلى وياك الثمن
اويلاه يااباالحسن
ـــــــــــــــــــــــــــــــــ
ياعلي نردد ياعلي
وغيرك ولا عدنه ولي
يابعد روحي وياهلي
بذكرك جرحنه ينجلي
وماننحي الهذا الزمن
اويلاه يااباالحسن
ــــــــــــــــــــــــــــــــ
خدامك وهذا شرف
اي وحق دم اللي نزف
ياحيد وبوادي النجف
حبك حقيقي من صدف
ونسمي بسمك هالوطن
اويلاه يااباالحسن
ـــــــــــــــــــــــــــــــــــ
وي زينب نصب الدمع
گلب العقيلــــه منفجع
الحب والمحبه تجتمع
طبرة علي وذاك الظلع
بالثورة هنه اتوحدن
اويلاه يااباالحسن
ـــــــــــــــــــــــــــــ
عالراس نلطم والصدر
راس ابو العتره منطبر
عالراح ماظل كل صبر
وللمهدي نشرحله الامر
ليش الجروح اتفتحن
اويلاه يااباالحسن
الشاعر فاروق الغنامي
((ابوذيات نعي ))
الحزن متعود اعليه...... وليتام
وكسر بظلوعي مايبره.....وليتام
علي بهجرك تودعني.....وليتام
يم داري اعتنت هاي المسيه
******
جرح راسك يبو الحمله... عسنه
يتامه والوكت بس هم .....عسنه
يبويه ولا طلع باجر ...........عسنه
يتيمه اصبحت ياحامي الحميه
********
ولينه الشرف الكعبه ........ولدها
وجرح نيرانك بكلبي.. .....ولدها
زينب بت علي فقدت ...والدها
بعدما ودعت امها الزجيه
*******
يعيني بالدمع من دم .......وهاماي
عليك اشيحمل إجروحي ...وهاماي
هامات البشر فدوى ...........وهاماي
فدوه الهامتك حامي الحميه
********
يوسف الفتلاوي
#استغاثه_بالامام_علي_ع
بسمك اهتف ياعلي
ابشدتي تحظـر الي
انتـــه حــــــلال المشـــاكل
اهواي غيره من الله شايل
بسمك اهتف ياعلي
//////////////
بيك اهتف والمــدد منك طلبته
وكل موالي ابشدته تفزعله انته
لا فتى الا علي واسمك عشگته
يا عظــيم الشان بابك ما تركته
يلي تفزع بالشدد
منك انريد المــدد
يالذي امرجـــف الفصـــايل
اهواي غيره امن الله شايل
/////////////
يامــلاذي ابدنيتي وحبك نجاتي
انه من دونك عدم تصبح حياتي
علي ياقرآني ياقــــبلة صــــلاتي
خدمتك اجمل جزء من ذكرياتي
اوياك خطيت العهد
ما ابيــــــــعك للابد
اوياك ابد مالحـــظه مايل
هواي غيره من الله شايل
//////////////
ياهويتي وماردت غيــــــــرك هويه
اسمي خادم للولايه الحيـــــــــدريه
ترضه عني امنيتي انته والزجــــيه
بأسمك اندب كل صباح وكل مسيه
بشاربك يابالحسن
عني تبعدها الفتن
بدمـعي ابعثلك رســــايل
هواي غيره من الله شايل
//////////////
دوم اندبك عند الحـــمول الثجيله
ياخليل المايقصـــــــــــر وي خليله
حاشه تنساني يبو العشره الطويله
غير بابك ســــــيدي ماعندي حيله
من ادگ باب الحرم
اتكلي ابشــر بالكرم
بهل امر عنــــــــدك دلائل
هواي غيره من الله شايل
///////////////
بس اكول اسمك تحل كل معضلاتي
ادري حــــــبك يا علي ثمــرة حياتي
من يســـــــــألوني غداً ساعة مماتي
راح اكلهم بس خدمتك صك نجاتي
الصعب يمك سهل
دوم تكرم ماتـــمل
ماترد فد يوم ســــــــــائل
هواي غيره من الله شايل
/////////////
تم بعون الله تعالي
بقلم ام زين العابدين اللامي
من يود يقرا القصيده يذكر
هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
يحسين راح الغالي منّه
يبن امي لاتنشدني عنّه
ايّس بعد مايرجع الراح
دفنوه خيمه الي تلمنه
بسّك لاتناشد عنّه حيدر راح
الماي الّي تبدّه يصعب اترده
مو بس حيدر اتوسّد بكَبره هناك
زينب اختك وياه اسكنت لحده
يحسين خويه كَلبي مكسور
يحسين خويه اتهدّم السور
ــــــــــــــــ
ادريك مثلي العلي اشتاكَيت
والحضن ابوي الليله حنّيت
ياوحشة المدفون ابوهه
عليها تحس اتهدّم البيت
جندوب انظر ادموعك تضل اتسيل
كافي حسين مو تدري انهدم حيلي
امسح دمعتك لو دمعتي احتاريت
نام وخلني وحدي اشبع بجي بليلي
يحسين خويه كَلبي مكسور
يحسين خويه اتهدّم السور
ــــــــــــــــ
مدنّك الراس شلون تاليك
حاجيني فدوه من احاجيك
كّوه ارد اصبر الكَلب علراح
وأرجع الضيمي من اصد ليك
ليش اتصيح بويه وهوّه ماموجود
وبعينك شفت من شيّعوأ نعشه
تدريبه علي مدفون جا المن
تاخذ تربه والمحرابه تتمشه
يحسين خويه كَلبي مكسور
يحسين خويه اتهدّم السور
ــــــــــــــــ
ياخويه صرنه احنه يتامه
والليل هيهات آنه انامه
ياجرح كَلبي المابعد طاب
عكَب الدعيناله بسلامه
راح الجان كل مصباح يتعنّه
بيني وبينك شمحلاته مكَعاده
ومن يلفي الحسن يمّنه نشوفه يكَوم
حنين وبيده يجمع ايد اولاده
يحسين خويه كَلبي مكسور
يحسين خويه اتهدّم السور
ــــــــــــــــ
هل محنه عشناهه سويه
ونعيش طف الغاضريه
وبالعاشر اتضل انت مذبوح
وعالناكَه آنه امشي سبيه
بلا راس وتريد اتكَوم بس اتطيح
صعبه اتشوف زينب تركض وتعثر
صدرك منسحكَ وضلوعك الطشّار
صارن اكثر من العايله البلبر
يحسين خويه كَلبي مكسور
يحسين خويه اتهدّم السور
ــــــــــــــــ
الشاعر محمد حسن ضيغم
ريَض يل شايل نعش الوالي .. صحت بجروحي صحت بجروحي
اشبع ردت اوداع من الغالي ... وأزيدن نوحي وزيدن نوحي
يم نعشه وانوح
ابجي واقبّل وجنته والجفوف
بلكن لعد ابنيّته ايضل يشوف
كَلبي يضل بجنازته ما يعوف
يا بويه صحت .. ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
وبحين شفت اجنازته شالوهه ...لطمت براسي لطمت براسي
هل روح صحت وياكم شيعوهه ...هلي وياناسي هلي وياناسي
بالباب حايره
دمعاتي ضلّت هامله علخدود
ونّي الفكد عقد الوله ضل يزود
راح الي عيني اتصد اله ومايعود
وبداري نحت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
ردّيت للمحراب والطم هامي ...صور مرسومه صور مرسومه
لن سود صارت بيض كل ايامي ...اشوف ادمومه اشوف ادمومه
محراب ضل يون
امسح دمه ال بعمامته وانتحب
وناري لعد مصيبته ضل تشب
دمعاتي لمصلايته تنسجب
بمحرابك طحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
بالدار اسال ليش شو عفتوني ... هلي ومهظومه هلي ومهظومه
يا حيف من اصبي نور عيوني ... صرت محرومه صرت محرومه
عذّبني اليتم
صرت الحزينه الصابره وحيل اون
قصة حياتي تنقره بالحزن
ريت بجوارك حيدره اندفن
دمعات اسفحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
هاي اصورّه وهاي كل اهدومه ...اكَالب بيهه اكَالب بيهه
اشتم عطره وروحي من اهمومه ... جمر يجويهه
شينفع هل عمر
فدوه لروحه الغاليه ... والسنين
والدار ضلّت خاليه ...من الحنين
ودموعي ضلّت جاريه ...بالونين
جم محنه شفت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
الشاعر محمد حسن ضيغم
يابعد روحي يالحسن خويه ها يابعد روحي
هالشايلينــــه منهو ياخويه ها يابعد روحي
كلي يظي العين هالشايلينه منين
ها يابعد روحي ها يابعد روحي
* * * * * * *
طافت علي خير النسه
شفت أمي الزهره .. ماحجت بس حسره .. مختنكه بالعبره
كلبي كرصني هالمسه
حسيت شي صاير .. وفكري صبح حاير .. مكسورة الخاطر
هالنفس كوه أتنفسه
فكري حزن يوحي .. مختنكه أحس روحي .. وشو نزفت جروحي
همك يخويه أتحسسه
أعرفتك حزن شايل .. جسمك صبح ذابل .. وأشكد دمع هامل
كلبي ألتوه واندار
كلي يخويه شصار
ها يابعد روحي .. ها يابعد روحي
* * * * * * *
يالمجتبى شنهي الجره
ياوارث أسيادي .. يبن النبي الهادي .. ليش السمه تنادي
دنيانه أحسها محيره
وبيها أحس لوعه .. شو جنها مفجوعه .. حسرتها مسموعه
وروحك أحسها مكدره
همك ترى همي .. جاوبني يبن أمي .. ثوبك أشو مدمي
جاوين أبونه حيدره
وين الولي وينه .. النوره مضوينه .. خيمه الابو علينه
يالحسن ليش تنوح
شصاير يروح الروح
ها يابعد روحي .. ها يابعد روحي
* * * * * * *
يرجال عزي وهيبتي
شنهي الجره أعليكم .. خويه شحصل بيكم .. شنهي أللي ماذيكم
شنهي الفجعكم يخوتي
وظل الدمع يجري .. هايابعد عمري .. مايحتمل صبري
فتتوا مهجة مهجتي
هيجتوا أحزاني .. ابهالجيه يخواني .. منظركم آذاني
لمن شفتكم دمعتي
صب المزن صبت .. وناره الكلب شبت .. من صدمته كبت
شبيكم يتاج الراس
يحسين ياعبـــاس
ها يابعد روحي .. ها يابعد روحي
* * * * * * ****
هالشايلينه يالحسن
دم راسه أمنعثر .. شو كلبي أله أتفطر .. بس لاعلي حيدر
بس شفته دمعاتي جرن
ولن غركن جفوني .. وأظلم ضوه عيوني .. يبن أمي حاجوني
كمت أحس بظلوعي أنحنن
خويه وذبل حالي .. والتوه دلاّلي .. غالي الوكع غالي
أسهام دهري نيشنن
الليله على راسي .. وصابن أعز ناسي .. وكطعن هوه انفاسي
ظلمه غدة دنياي
وشهالمصيبه هاي
ها يابعد روحي .. ها يابعد روحي
* * * * * * ****
أعليك الحبيبه فاطمه
عن الجرى أحجيلي .. لن ياكمر ليلي .. راح وركد حيلي
جاوبها يختي هالدمه
هاي التشوفيها .. وثوبي نصبغ بيها .. وما أكدر أخفيها
هاي العلي حامي الحمه
سيف الرجس جاسه .. وطبراه في راسه .. ومنه حرم ناسه
صاحت يليث الموزمه
يابويه حاجيني .. لا لا تخليني .. فركاك ياذيني
يابويه أخذني وياك
ما أصبـــــر بلياك
ها يابعد روحي .. ها يابعد روحي
* * * * * * *
سلام المشعل
قصيده الى أمير المومنين ع
بسمه تعالى
المستهل 👇
النظر في وجهك عباده
وهايه صارت عندي عاده
شلون اعوفك يا علي/ بويه أريدك ياعلي
***
الكون اشوفنه بضحكتك شلون اشوفك منطبر
بويه اكعد صلي فرظك من قبل شمس الظهر
بعد ما بي حيل افارك بيه لجمات شكثر
فاگده وظليت اعاني وانا مليت الصبر
جرحك الما بيه اروفه
انلجم كل ما اشوفه
بالحزن راح ابتلي
شلون اعوفك يا علي/ بويه أريدك ياعلي
**
بويه كتبيت الوصيه واضن ناوي اعله السفر
ولو رحت يابو الحمية بيه شيسوي الدهر
راحت امي وراح ابويه وبجي محنية الظهر
خاطري وكلبي على فكدك كسرت الجامه انكسر
حايره عيوني على شوفك
يا النظر ما بيه اعوفك
بويه اموتن لو تجي
شلون اعوفك يا علي بويه أريدك ياعلي
***
تحزمت روحي بحزنها ولدمع شك الجفن
وباجر عيوني تشوفك يا علي من تندفن
جدامي تمشي ويا اليشيعك والحزن يتبع حزن
ومن كثر هجر الليالي زينبك ظلت تون
ادري رايح ما تجيني
ياحياتي ويا حنين
ما يصح مثلك ولي
شلون اعوفك يا علي بويه أريدك ياعلي
****
بويه لجمتني اليالي وجرحي حالي معلعله
بفركت الزهراء الزجيه وفركتك كلبي بتله
ياعلي يابو الشدايد فكدك اكبر مشكله
وانا ما ظل حيل بيه شراح اظم لكربله
راح اظل بس العبايه
وكربله باجر ورايه
وياهو يبره المحملي
شلون اعوفك يا علي بويه أريدك ياعلي
****
شكثر ما احجي واسولف همومي كثره وما كظن
ومن كثر دمعي البجيته راحن عيوني وعمن
بويه يا حيدر يغالي جنت احس حظنك وطن
صبر ما ظل بيه واصبر والوطن شفته اندفن
قاسيه هواي الليالي
هيج ما جان على بالي
اتيتم انا وكافلي
شلون اعوفك يا علي بويه أريدك ياعلي
*
ابو هاجر المجراوي
#نعي
لشهادة امير المؤمنين عليه السلام
وينه الذي ابهالفجُر يرعِـد
بِعْـنان مُهره اْو خيله يلكِد
يتعـنَّه طيبه اْو بالسِّـرَه ايْجِد
اْو لْگبْر النِّبي يوم الذي ايْصِد
اِيْنادي اْو صوته للفله ايْسِد :
دَگعِد يبو اِبراهيم دَگعِد
وصيَّـك وِگع و اِصوابه يضهِد
و السَّا يريدك ليْه تگصِد
اتْـجِـعْـده اْو لعِد صدرك اتسنِّـد
و لْـجرح راسه بيدك اتْـشـِد
خِـفْـيَـه إجاه الرجِس يـلـبِـد
عامد عله راسِه اِمْـوَچِـد
و الطبره اِجتله إنچان تِـنْـشِـد
بمچان طبْرة عَـمْـرِ إِبِـن وِد
ميرزا عادل الاشكناني