7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لاستشهاد الامام محمد الجواد عليه السلام
علجواد بن الرضا وحامي الحمه
(نوحوا ياشيعه على بدر السمه )
موحشه بغداد صارت مظلمه
(نوحوا ياشيعه على بدر السمه)
راح فخر الجود راعي الغانمه
(نوحوا ياشيعه على بدر السمه)
لجل فگده الهدى اركانه مهدمه
(نوحوا ياشيعه على بدر السمه )
ياذنب ياصوچ شنهي القدمه
(نوحوا ياشيعه على بدر السمه)
سمته بنت اللئيم المجرمه
(نوحوا ياشيعه على بدر السمه)
ينقل الناعي اشجره من خاتمه
(نوحوا ياشيعه على بدر السمه)
للمدينه ينادي بأهل الموزمه
(نوحوا ياشيعه على بدر السمه)
گظوا سم وذبح ولدچ فاطمه
(نوحوا ياشيعه على بدر السمه)
وخبر الهادي بدمع ينزف دمه
(نوحوا ياشيعه على بدر السمه)
ابخبر هد حيل ألامام وألمه
(نوحوا ياشيعه على بدر السمه)
ضلوعه من عظم المصاب مهشمه
(نوحوا ياشيعه على بدر السمه)
اموجره نار ابدليله ومضرمه
(نوحوا ياشيعه على بدر السمه )
بالگلب للموت ناصب مأتمه
(نوحوا ياشيعه على بدر السمه )
الشاعر حسن لعيبي الحريشاوي
لاستشهاد الامام محمد الجواد عليه السلام (ملمع)
( السلام عليك ياامامي الجواد. )
( السلام عليك يا أمامي الجواد )
٠**
تاسع الاطهار يانعم الولي
بزمرة الاشرار گلبك مبتلي
يا محمد سيدي يابن علي
صوت للحق على الباطل معتلي
(طالبا للسلام داعيا للسداد )
(السلام عليك ياامامي الجواد )
★★★★★
زيارتك من الگلب تمحي التعب
ياوجيه الگلب بيه لله اقترب
والظلام بنورك أَعليه احتجب
شوگي واجب بالعشك مومستحب
(جئت شوقا اليك يبن خير العباد )
( السلام عليك ياامامي الجواد )
★★★★★
عارف بحقك اجيت وملتزم
بشوگ مايعرف حدود ولاحجم
منهجك شلال من نور وعلم
وارث من حسين ثورات وعزم
(واقفا في خشوع قرب باب المراد )
( السلام عليك ياامامي الجواد )
★★★★★
علسطح ايام مرمي عافتك
ام الفضل بالغدرلمن سمتك
مثل ابوها ماتدور راحتك
زادت الغربه عليك بغربتك
(في فؤاد كئيب قد اقمت الحداد )
(السلام عليك ياامامي الجواد )
★★★★★
بعيد عن احبابك ودمعك يهل
بلاذنب مجبور عنهم. ترتحل
شكثر صعبه الدنيا علگلبه سهل
شگد مسامح سيدي وي اليزل
(لك نجري الدموع ولبسنا السواد)
(السلام عليك ياامامي الجواد )
★★★★★
ياوجيه ابزمرة الشر امتحن
الخلوا الدنيا جحيم من الفتن
شموع عمرك حيف بالغربه طفن
خمسه وعشرين باللوعه كظن
(لك حزن عميق في صميم الفؤاد )
(السلام عليك ياامامي الجواد )
الشاعر حسن لعيبي الحريشاوي
مالايگ اعليك الموت..وماكوا اعله طولك تابوت
مثل جرح الغاضريه… ياجـواد الكاظمـــــيه
صار جرحك
★★★★★★★★★★
ذكرتني ابعز شبابك عرس الطفوف...
ذبــــــــح شبان
وعرس جاسم بالمعاره وزفته اسيوف
ابثوب عرسان
اجت رمله اگبال ابنها اتهلهل ابخوف
ابوسط ميدان
انت ماحرگوا خيمك والملا ايشوف
انسبت نسوان
ماشاهدت ذيچ النوگ...وگفت ابزينب بالسوگ
تبچي لجلك كل مسيه.... ياجواد الكاظميه
★★★★★★★★★★★★
من اجت زينب سبيه ضحكت الناس
وبچه المعصوم
امقيد السجاد يمشي ويمطر احساس
ويرعد اهموم
بچت زينب حين شافت راس عباس
ورادته ايگوم
التفتت اوشافت حسين الغالي بس راس
وينزف ادموم
صاحت يعباس اشلون...ويالشمر تمشي ام عون
بالحبل مچتوفه اديه.... ياجواد الكاظميه
★★★★★★★★★★★★
بعده جرح حسين بيها وسَحگت الخيل..
والحوافر
ايـــنام كلشــــي وجرح زينب يفز بليل
بالمگابر
حسين طاح ابكربله ودم منحرة ايسيل
ابلايه ناصر
وانته فوگ السطح جسمك مرمي ياويل
يبقه باجر
شوا رايح اوبعدك شاب
وجه الله نايــــم بتراب
ولا خذوا اختك سبيه.. ياجواد الكاظميه
★★★★★★★★★★
هـيه نـــفس الغربـــه لچن فرق لچمات
بين الاثنين
ماشفـــت طلعــــن خواتــك كل سبيات
مثل الحسين
ولاشفت ابنك بديك من العطش مــات
بالصواوين
ولاشفـــــت صعــــدآ بناتــك عالهزيلات
والنساوين
شتسوي لو انت اتشوف
مگطعوعه لعظاك اچفوف
الخاطر اچفوف الشفيه…. ياجواد الكاظميه
★★★★★★★★★★
ياجواد الدنيا سلبت منــــــي چم روح…
وچم جرح ظام
وادري بـــيدك بس تأشر تشفي الجروح
وهاي الالام
التـركــض الدنـــيا وراه غير الكم ايروح
يبن الاكرام
وانــه اجيت وبيه احس حسين مذبوح
ونارالاخيام
وفقني اخدمك كل عام
وسجلني وياالخــــــدام
اقسم اعليك ابرقيه…. ياجواد الكاظمـــــيه
★★★★★★★★★★★★
ادري بـــيك انـــته الكريـــــم وسفرتك هاي…
ترست الگاع…
والمواكــــب بــــــيه تخـــــدم وانـــــه مشاي
جيتك ابساع
الگبرك امشي وجرحي جبته يمشــي ويــاي
ودمعتي اشراع
گــالــــوا اتــفــضـــل يزايـــر واشرب الماي…
ابكربله ضاع؟
اشــــــــرب واحس ما مـرتاح
وراس الحُســـين اعله ارماح
وجسمه مرمي اعله وطيه…ياجواد الكاظمـــــيه
★★★★★★★★★★
ـــــــــــــــــــــــــــــــــــــــــــــــــ
ماجد حبيب الخيكَاني
ونسألكم الدعاء
نعي
في نزول كربلاء
#مجردات
حين الوصلها دار إلكروب
وسدوا عليهم كل الدروب
ناده ودمع العين مسچوب
اهنا نَزِلْنَه وهذا مكتوب
منها المنيه وماكو مهروب
اهنا ذبحنه ودمنه مطلوب
والله و وليكم ثوبه مسلوب
كل المهج عطشانه واتذوب
واهنا طفلنه ايهيم مرعوب
ايشوف المخيم نار ملهوب
————
#حدي
حين الوصلنه إلكربله صاح الولي هذا النزل
واهنا محط ارحالنه وموضع ذبحنه والچتل
بدمانه تروى هالارض ولقبورنه هذا المحل
————
#مجردات
لسان حال السيده زينب حين نزول كربلاء
وكأني بها تقول
ابهيده يروحي ولاتونين
خافن يسمعه اونينج حسين
يفطّر دليله وگلب إلحْنين
منزل مصايب والله ايعين
منزل مصاب وجن رزايا
اتحوم اعله روحي هالمنايا
وكلهم اشوفنهم ضمايا
وحمره بدماهم هالروايا
صاح القلب ياخوي متشيل
طاح وركد من اختك الحيل
ظامي الدليل ادمومك اتسيل
وشمر وخولي باختك ايعيل
————-
#بنت_الشمري
لطم عزائيه للعليله
المستهل
لطمن حيل يمعزيات وياي
بعد شلفايده شالو يولياي
💎💎💎💎💎💎💎💎
شالو وانه بس الدمع جروان
اضل وحدي اوون مايمي خوان
بعد ميفيد عتبي ويه الحنان
خلوني بلدار اوراحو
💎💎💎💎💎💎💎💎
بعد مافاد كل العتب وياهم
خلوني مريضه شنهو الجاهم
اون بلدار ينعه اوياي مبناهم
اشلون اتحمل فركاهم
💎💎💎💎💎💎💎💎
بعد مافاد عتبي بس اجر ونه
ومن الغربو خل اكطع الضنه
عكب لمة هلي البيهم محنه
مهظومه لوحدي عافوني
💎💎💎💎💎💎💎💎
بعد شلفايد سدوها البيبان
اهلي اهل المحنه مالهم ذكران
بيش اذكر احبابي ابياوضع لحنان
ناسيني بلدار اوبعدو
💎💎💎💎💎💎💎💎
اشلون ايشيل ابوي اوبته خلاها
ماكال البنيه محد اوياها
خل امها تضل بلدار وياها
اشلون اتروح اوتنساني
💎💎💎💎💎💎💎💎
يدرون المريض ايردله اعوان
ايضل بلبيت يمه تكعد اخوان
اشلون اهل المجد سدو البيبان
اشلون اتحمل فكاهم
💎💎💎💎💎💎💎💎
مااكدر عشت وياهم اليالي
كلولي نجيج اوعمج الوالي
وانه انضر بكيت الجيته اتاني
ماجاني خلاني اوراح
💎💎💎💎💎💎💎💎
تمت بعون الله تعاله
بقلم الشاعره أم تحسين البصره
غير مبري الذمه اليحذف اسم الشاعره وينسب الكلام له
#شهادة الإمام محمد الجواد
#لحن_إسمع_عتابي
أعظم الله لك الأجر يا زهراء بإبنك الجواد
# لحن أسمع عتابي
يوليدي مطروح
يحقلك النوح
تشبه لجدك
لكن ما مذبوح
يلزودّت حزني
جِيتك ابونّي
ألبس سوادي
وطولي هم محني
عمرك ثواني
ووحدك تِعاني
ما واحد الجاك
يُمّه هاذاني
ها جايه عندَك
ادري في كَبْدَك
يا بعد أمك
احضاني لحدك
في الكاظميّه
نوح ورزيّه
من عِلموا حالك
صارت عزيّه
🖊خادمه أبي الفضل
#شهادة_الإمام_الجواد ع
#طور_الفراق
يا امامي طايح وكبدك تِسمم
يا امامي بالشمس جسمك تورم
يا امامي عمرك تنوح المحرم
#بيا حالة قضى نحبه ...💔
مَحد إجاله وحده غمضها عيونه
مَحد إجاله وين اهله يحضرونه
مَحد إجاله يكفّنونه ويدفنونه
يا حسافه عالسطح باقي رميه
يا حسافه وحده من جَتله المنيه
يا حسافه حضري لإبنك يالزكيه
🖊خادمة ابي الفضل
بالعرش صورة دماء
صافنه املاك السماء
فاطمه نصبت عزاء
اهلال يرسم بالدمه
●●●●●●●●●●●●●●●●●●●●●●
اول اجروح المصيبه.......اهلال خيم بالحزن
مابقت بالدنيا رحمه .....چن سنابك عالجفن
باعت الناس الضماير.....اگلوبهه سوده وتجن
غيمه چنهه بلا مطرها.....والليالي بس تون
كل الامر..........ضاع الصبر
مات القلب والنظره
حزن السمه.........يافاطمه
ظلت تون بالحسره
شفنه اشباه الرجال
عافت العز والدلال
العله چانت بالسلال
هاي ناس امحزمه
●●●●●●●●●●●●●●●●●●●●●●
يبدي تصوير المدامع...اشلون ظلت هامله
تنحني الزهره شفتهه......يم عظيم المنزله
بيدهه گامت تضمهن....چفوف حامي العايله
والمصيبه الله أكبر.......شنهي قصة كربله
بان الجرح..........صب الملح
زرع الجرح ومصابه
كلمن سأل........ اهلال الأجل
ماخذ جروح احبابه
التمت ارماح وسيوف
والنبل صاير يشوف
خيل ترهب والدفوف
شوف ثكل الموزمه
●●●●●●●●●●●●●●●●●●●●●●
وجه هالعالم تغير.......اهلال صعبه لاتهل
تنذبح بيه السوالف......امنين ما انظر نبل
امربع الديه نطلبك.......يامحرم دم طفل
كلشي ناتجهه نهايه......آجروح ظلت عالهزل
حيره المله.........طف كربله
شفنه العجب والمنظر
هول الفزع.......يجري الدمع
سائل وكف واتحير
شاف انواع المصاب
اجساد غطاها التراب
امنين ماتنظر خضاب
دمعه ظلت ساجمه
●●●●●●●●●●●●●●●●●●●●●●
بيه مذبوحه الجوارح.........ناري ماتطفه دهر
والعجب چبد النبوه.....ضامي يم جرف النهر
والنهر مشبوح شفته......مايه يم ضيفه الكمر
چان خجلان عله روحه.......لو رسمهن بالصور
شفت الشمس.......ظلت همس
نزلت تبوس اجبينه
منظر كلف............ضاع العرف
حيره اليشوف ابعينه
تنجرح بيض الصفاح
ابيا كتر طعن الرماح
اظلم انشوف الصباح
النار ظلت مضرمه
●●●●●●●●●●●●●●●●●●●●●●
اهلال چم خاطر تكسره.......فوهة الدنيا عدم
ونذبح عبدالله نحره......فوك عرش الله انرسم
مابقى كلشي نشوفه.........من العشيره ما سلم
حسين يم اخيامه ينحب......مابقه حيله انهدم
بخيمة علي .........طاح الولي
بدمه يشوف اخضابه
حنه وعرس.......حتى الشمس
حاجب تصير اعتابه
امطرحه شفت الشباب
موسم اجروح وخضاب
ينچوي بطيفه السراب
اظلوع كلها مهشمه
●●●●●●●●●●●●●●●●●●●●●●
تمت بعون الله تعالى
#يوسف عباس الفتلاوي
(( يا عاشور ))
……………………………………………………………
يا عاشور • وي اهلالك مني اعتاب اتودي
يا عاشور • گله امن امك يالموعود المهدي
وديله ادموعي التتجاره
يمته حسينك تاخذ ثاره
………………………………………………………
يهلال گل لوليدي
يسري الحزن بوريدي
من يوم عاشر لليوم . ارفع قميصه بأيدي
منخل يشوفه الناظر
واللون احمر صاير
ومشگگ وبي طبعات . من كثر سحگ الحافر
يالمهدي صارن كسرين . ضلعي وكسر دلالي
نستني جرح البسمار . شوفة قميص الغالي
غيابك طال . وطال وياه يوليدي الغايب نوحي
غيابك طال . بگد حسراتك تنعد يبني جروحي
گطع الخنصر تلهب ناره
يمته حسينك تاخذ ثاره
……………………………………………………………
لشوكت تبقى اتصابر
عالصار يوم العاشر
جدك ومن سحگ الخيل . فوگ الارض متناثر
فِزعت خيول العشره
خلطت صدر وي ظهره
واكثرهن التوجع حيل . حافر ركز نص نحره
يالمهدي جدك عريان . واتصور انت المنظر
والخيل لبسوها احديد . معناها جسمه اتوذر
للنسوان . وصلت اوصاله و زينب عرفتها
للنسوان . ريحة خوه وفاحت من شمتها
لهذا المنظر شنو الچاره
يمته حسينك تاخذ ثاره
…………………………………………………………
يهلال گله احجايه
ويه القميص اعبايه
امن لركض شبعت تربان . و ذيالها مچوايه
والسوط اثر بيها
راسم اخطوط اعليها
محد يرد عنها السوط . هذا اكثر امأذيها
من الشمس رگدت حيل . يالمهدي صارت حمره
من سوگ واطب ابسوگ . فروها مية فره
خجلانات . عمّاتك من كثر الشوف اعليهن
خجلانات . من العفه و تنگط ماي اعبيهن
الشام اعليهن يرامي احجاره
يمته حسينك تاخذ ثاره
…………………………………………………………
يهلال امك گله
بيها الف حسره وعله
من جرح محسن والباب . الرگبة عبد والنبله
كاروكه عذب حالي
وكماطه بيه يلالي
راعيّه وسط التربان . ومچانه وحشه وخالي
يالمهدي اسمعه من اينوح . ايموتني مية موته
حيل العطش أثر بيه . مبحوح صاير صوته
كل اهلال . مرسوم اعليه وجهك يا عبدالله
كل اهلال . وي كل صرخه اصرخ يايمه اصمله
يالمهدي ومخطوفه انواره
يمته حسينك تاخذ ثاره
…………………………………………………………
يهلال حزني الدايم
گل للامام القائم
احمل طبق بيه جفين . للگمر هيبة هاشم
ابعمك يمهدي اوصيتي
عباس نسمة ريتي
صب روحه وي ماي الجود . من اجل خدر ابنيتي
يالمهدي جدك من شاف . فوگ الارض عباسه
مثل الغريج ومخنوك . مامش هوه بأنفاسه
ياعباس . صاح ومثل اهلال اتحوّل ظهره
يا عباس . وياها ويمكن جر مية حسره
واشطوط اتفيض من انظاره
يمته حسينك تاخذ ثاره
…………………………………………………………
يالمهدي اذن ارقيه
ولا حيل خلت بيه
جروها روحي الظلّام . من جرو الترچيه
ترفات يا رجليها
والشوچ نابت بيها
بس توگف اطلّع بيه . خاف الشمر يوليها
منّا حريج و دخان . منّا خيول وعسكر
والسوط صار الها اخيال . يركض وراها ويفتر
وين تروح . زغيرونه وما تعرف المن تشچي
وين تروح . من گد ما خافت ما تگدر تحچي
يالمهدي وظلت محتاره
يمته حسينك تاخذ ثاره
…………………………………………………………
✍️ ( سيد خضر الزاملي)
لحسين الخدمه شمحلاها
ماتسوى الدنيه بلياها
لحسين الخدمه شمحلاها
*******
لحسين الخدمه اعظم نعمه
نزلها النه الخالق رحمه
تربينه احنه بهاي الخدمه
لحد الموت نظل وياها
لحسين الخدمه شمحلاها
*******
حد الموت ابقى اوي حسيني
وبالخدمه اگضب كل سنيني
بالمحشر هيه التنجيني
وبين العالم بيها اتباها
لحسين الخدمه شمحلاها
*******
اتباها ابخدمة بن الزهره
الخادم لحسين امه تحضره
وبدفتر نور اسمه تنشره
ولكتابه يوقع مولاها
لحسين الخدمه شمحلاها
*******
فايز بالمحشر كل خادم
من حسابه يطلع سالم
خل يعلم بيها الما عالم
هناك الخدمه عالي لواها
لحسين الخدمه شمحلاها
*******
عالي لواء الخدمه هوايه
مثل الكافل راعي الرايه
الدگ الها بيوم الطف ثايه
وݘفين اعله الشاطي انطاها
لحسين الخدمه شمحلاها
*******
بنيتي يارب انت التدري
خليني خادم كل عمري
لحسين او وفقني ابامري
وعبادك لترد دعواها
لحسين الخدمه شمحلاها
*******
خادم اهل البيت / ابومحمد العاشور (07810010732)
بعبدالله اقسم وبنحره
الخادم متعوفه الزهره
*******
بعبدالله اقسم ومصابه
وبدم عوده وبخضابه
فاطم تحضر لحبابه
خدام حسين الحره
بعبدالله اقسم وبمنحره
*******
كل خادم صافي النيه
متعوفه ام المسبيه
بكل شده تحضر هيه
وماتنساه دوم تحضره
بعبدالله اقسم وبمنحره
*******
الخام من ايغمض العين
تحضرله ام الدامي حسين
اوياها الوصي والحسنين
ويرحون اوياه الگبره
بعبدالله اقسم وبمنحره
*******
حيدر وحسين وفاطم
حاشه يعوفون الخادم
لوحان حساب الوادم
ومايصعب يسهل امره
بعبدالله اقسم وبمنحره
*******
الخادم ينظر للخدمه
تضويله هناك الظلمه
بجاه الحسين وامه
رب البريه ينظره
*******
بالمحشر كل الخدام
لاتحتار ولاتنضام
كل واحد مرفوع الهام
وللجنه يصبح حشره
بعبدالله اقسم وبمنحره
*******
خادم اهل البيت / ابومحمد العاشور (07810010732)
⬛️🔳القصيدة-1-🔳⬛️
يا ابنَ الرضا ياتاسعاً للآل ِ
يامَن جَمعتَ فضائِلا ً ولألي
ياشِبهَ يحيى في الإمامةِ حينما
ذكرَ الكتاب ُ مَقامَهُ كمِثال ِ
فصِباك َلم يمنَعكَ نيلَ خلافةٍ
إذ أنتَ معجزةٌ ولستُ أُغالي
أجوادُ يانعمَ التقيُ محمد ٌ
بابُ المرادِ رجاءُ كلِ موال ِ
كيفَ أستَفزَ عظيمُ شانِكَ مُلكَهُم
واللهُ أظهرَ قَدرَكَ المُتعالي
ياغُصنَ هاشمَ إنَّ معتصِماً طغى
ويرومُ قطعَ الغُصنِ في الإيغال ِ
معهُ الوشاةُ وكلُ بائعِ دينِهِ
نصبُوا العِداءَ فأُركِسوا بضلال ِ
فَبِكفِ أمِ الفضلِ دسُوا سُمَهُم
ياويلَها من حقدِها المتوالي
وبساعةِ الإفطار ِخذَمَت الحَشا
وتَجرأت بزُعافِها القَتّال ِ
وآ لهفتاهُ عليكَ تبقى عاطشاً
مَنعتكَ يالَ الله ِ شُربَ زُلال ِ
في سَطحِ دارِك َقد أتَتك َحمائِم ٌ
تحميكَ حرَّ الشمسِ مثل َظِلال ِ
ولقد أتمُوا جُرمَهُم مِن بعدِما
ألقَوا بجِسمِكَ مِن شَفيرٍ عال ِ
#سمير_الصالحي
#النجف_الأشرف
نقسم عليك بفاطمه وهادينه
يامعبود عجل فرج مهدينه
*******
بالمصطفى نقسم عليك وفاطم
عجل فرج ابن الهداة القائم
تنتظره ياربي جميع الوادم
فرحتنه تكبر لورجع والينه
يامعبود عجل فرج مهدينه
*******
لورد ترفرف بيده عالي الرايات
وكل الخلايق لورجع فرحانات
بالعدل يحكم ابن سيد السادات
ويطبق احكام الشريعه اعلينه
يامعبود عجل فرج مهدينه
*******
كل جمعه ندعيله بدعاء الندبه
ولجله دمعنه من العيون انصبه
تدري يلاه الكون كلنه نحبه
وعندك علم بمحبته تنجينه
يامعبود عجل فرج مهدينه
*******
واضح مثل ضي الشمس في نهجه
احسن عمل عدنه انتظار الحجه
يوم اليرد اعلينه يوم البهجه
مثل الگمر نور الوعد يضوينه
يامعبود عجل فرج مهدينه
*******
هاي امنيتنه من الزغرمعروفه
گبل الاجل مهدينه كون نشوفه
وعالروس يمسح من يجي بجفوفه
وجنوده ريت نصير لورد لينه
*******
ضاگت يلاهي وانت اعلم بيها
غير ابو صالح محد يصفيها
فرجله خل يصول صوله اعليها
اعداء الولايه اللي تحكمت بينه
*******
خادم اهل البيت / ابومحمد العاشور (07810010732)
١٠٩٤- كربلاء 👇
عن علي بن الحسين (ع) في قوله تعالى : (فَحَمَلَتۡهُ فَٱنتَبَذَتۡ بِهِۦ مَكَانٗا قَصِيّٗا)«١» قال : خرجت مريم من دمشق حتى اتت كربلاء فوضعته في موضع قبر الحسين عليه السلام ثم رجعت من ليلتها.«٢»
العـــــوالم لولا ذكر الطف مكاناً
وگبر حسین قد اصبح مكان أن
بعيسى انتبذت مريــــــم مكاناً
قصياً يعني وادي الغـــــــاضريه
✍ فراس المحمداوي
«١» سورة مريم / الآية ٢٢
«٢» وسائل الشيعة للحر العاملي ج١٠ ص٤٠٥
نضره من عينك يبو فاضل
----------------------
كبل اديه جيدي مديته الـــــــك
سيدي بنظرت عطف اتأملـك
الماتمد جفك إله ضاع وهلــك
باسم زينب والحسين اتوسلـك
مدلي جفينـــك يبو فاضل
---------------------
شلون اعزيكم بلا رخصه تصـح
بغير لطفك دمعت الناعي تشـــح
شلون اعيش الواقعه الكلهه ذبـح
انطيني من دمعت عيونك ياسمح
وابجي لحسينــك يبوفاضل
---------------------
اقسم عليك بضلوع الطاهــــــــره
خادم اقبلني يبن سيد الـــــــــورى
دمعي ما يكفي عله ابو اليمه جره
خلي نحري ينجوي لحز منحـــره
ونوحي لجبينــــك يبو فاضل
-----------------------
امس زينب جابت الجـــود واجت
وعلى مهرت غيرتك رايه اعتلت
ولمن الجربه عليها اتاخـــــــرت
عيالك بصبر العقيله اتصبــــرت
ونادتك وينك يبو فاضل
--------------------
بين مارحت وبكه حر الضمـــه
ويارقيه لشوفتك متعلمــــــــــــه
مادرت عل مشرعه جف انرمه
وباليسر طفله غريبه بلا حمـــه
تخاف تشكيلــك يبو فاضل
---------------------
نحر عبد الله اعتله عليه السهــــم
حسين ماضله عضيد ابهل الخيم
وسهم المثلث ترك جبده خـــــذم
ودار الك عينه يشيال العلــــــــم
وبيده يوميلـــك يبو فاضل
---------------------
وزينب وماسولف اعليهه اشجره
خاف اجرح بيك غيرت حيـــدره
ركبت الهزل يسبع الكنطــــــــره
وعرضه ﻻنظار الخلك المخـدره
المتن يحجيلك يبو فاضل
------------------
نذرت عيني ودمعي وانذرت العمر
وسمت من لوعت الطف الصـــــدر
انجان مااخدمك اشفرقي من الشمر
واني كل مجلس متاني وانتظـــــــر
بدمعي اناديلــــك يبو فاضل
كريم التميمي
حاجيني يا علي الأكبر
حاجيني يا علي الأكبر
........
حسين شافه من وگع من مهرته
سيوف وارماح وسهام اتلگته
حسين ابو يركض طلع من خيمته
شاف خياله عليه ملتمه
حاجيني يا علي الأكبر
حاجيني يا علي الأكبر
..............
شاهد الخياله ملتمه عليه
من السيوف ايشاگف الأكبر بديه
جالاسد راح ابو اليمه معتنيه
طاح من مهره على ابنه ايشمه
حاجيني يا علي الأكبر
حاجيني يا علي الأكبر
................
ياجرح يمسح ويترك ياجرح
يا سهم منه يطلعه ويارمح
والعطش جرحه صعب ماينمسح
طلب ماي وماي ماصح يمه
حاجيني يا علي الأكبر
حاجيني يا علي الأكبر
..........
يگلي احسن ناظري يبني انطفه
واني اشوف أعضاء جسمك نازفه
من بعد نورك يشبه المصطفى
على الدنيا العفى بعدك عتمه
حاجيني يا علي الأكبر
حاجيني يا علي الأكبر
.........
شلون شال ابنه عليه ضهر انكسر
شلون لم جسمه وعلي صاير وذر
خاف راسه يميل خنجر بالنحر
شلون ابوه ايوصله لخيَّمه
حاجيني يا علي الأكبر
حاجيني يا علي الأكبر
..........
من وصل خله علي ابنه ابخيمته
وين زينب صاح زينب سمعته
شلون لو امه يزينب شافته
واسي امه من تشوفه بدمه
حاجيني يا علي الأكبر
حاجيني يا علي الأكبر
........
ليلى تعثر بالدمع كل سا تطيح
بلكي تلگي علي مابي شي جريح
شافته يبني علي گامت تصيح
امين ماتلزم ابنها اتلجمه
حاجيني يا علي الأكبر
حاجيني يا علي الأكبر
كريم التميمي
لاستشهاد الامام محمد الجواد عليه السلام
(وزن تجليبه)
بغربه خلصت العمر ماتعبت من الصبر
ردوا عليك الفضل سمتك ام الفضل
ماتعبت من الصبر
★★★★★
اشظمالك يبو الهادي الزمان شظم
بعد غربه طويله ونايبات الهم
لااحباب يمك لاشمل ملتم
لا اخوان عندك لا ابن لاعم
اعداك هاي بكل كتر حاقده وكلها غدر
وين تلگه راحتك يوم طالت غربتك
ماتعبت من الصبر
★★★★★
سنين الجور لهل الجور ودنَّك
گلب ملچوم مامرتاح خلنَّك
شتنسه من الهموم المايعوفنَّك
جروح الطف خذن كل العمر منك
بدنيا مالحظه تسر مثل غصن المنكسر
ابلااهل يم الغرب علاهل دمعك يصب
ماتعبت من الصبر
★★★★★
هذا المعتصم من ارسل اذنابه
مراصد شر تراقب طلعته وبابه
من شعت علومه وفاحت اطيابه
خايف من صلاته وصومه وكتابه
العدو مايوم اعتذر شامت وگلبه حجر
ياعمر لون الورد ماشفت بس الحقد
ماتعبت من الصبر
★★★★★
ياكسر الزچيه الزاد من كسرك
وطبرة حيدر المافارگت عمرك
وذبيح حسين لمن وكتك يذكرك
گبل نحره تحس چن منذبح نحرك
ومن دريت ام الخدر ظعونها بيد الشمر
طيحت الاكبر طحت العفا على الدنيا گلت
ماتعبت من الصبر
★★★★★
ليالي على السطح يبن الرضا مطروح
مثل جدك الظل بكربلا مذبوح
لايمك اهل تبجي وعليك تنوح
وياهو بخبر عنك للمدينه يروح
من يروح بهلخبر غاب من هاشم گمر
گمر طاح على الارض ليش محد يعترض
ماتعبت من الصبر
الشاعر حسن لعيبي الحريشاوي
ابوذيات عن الامام محمد الجواد عليه السلام
الصبر ثوبك يبو الطيبات ورداك
عشرين على خمسه وذبل ورداك
راواك اللئيم الحتف ورداك
يبو الهادي يبن خير البريه
يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي ارداك ونهاك
العاداك وكسر گلب الزجيه
الجواد انته الكرم طبعك وجودك
سبب للناس والدنيا وجودك
اشرب جيت من چفك وجودك
يجود وخير بارض الكاظميه
الشاعر حسن لعيبي الحريشاوي
واحد محرم
هيه هيه/اشچان اسمها كربله لو غاضريه
هيه هيه/البيها ذبحي وغربة اختي الهاشميه
بهاي الارض عدنه وعد
اشـريـها يـا بنـي أسـد
+++++++++++
اشتريها بدم رضيعي وآنه بيدي شايله
مالي غايه غير حفره الدفني منها كربله
لو لگيتوا من ثيابي اوصال ضلت بالفله
بيها شدو خنصر ايدي للگبر لو نزَله
ماهي خشنه/حضروها كون من هسه الحصيره
ماهي خشنه/اولا چبيره اتلمني لو حته زغيره
وعبد الله وياي الولد
اشريـها يابـني اسـد
++++++++++++
ياهو مثلي يشري رمله بيها جرحه وذبحته
بيها اشمر دم رضيعي وراح ادفنه ابنبلته
ضامي الاكبر لو اجاني الساني يجرح شفته
وعالشريعه ايطيح ظهري وراسي تكثر شيبته
مو بعيده/ذيج هيه من اصد الها الشريعه
مو بعيده/وجدمي يثگل لو وگع تصبح وسيعه
لليمشي خطوات وگعد
اشـريـها يا بـني اسـد
++++++++++
كلها فتره ايام عشره وتخلص اوياي بضمه
والنهايه لو نظرتوا نار صعدت للسمه
گولو يعني حسين مييت واحترگله امخيمه
ركضت اخته وهسه صعدت فوگ تل بت فاطمه
لو سمعتو/طفله تبچي بحرگه عِرفوها رقيه
لو سمعتو/اصهيل عالي خيلهم داست عليه
فهموها ضل عاري الجسد
اشريـها يا بـني اسـد
++++++++++
اشلون جسمي اتميزونه بالدفن راسي برمح
مدري اگلكم حفظوا ثوبي وثوب فوگي مايصح
ياعلامه بجسمي تبقى بيها ما واصل جرح
وحده بس من ظهري ذبحي ميزوني امن الذبح
اهوايه يمي/احجار باقي امشمّر وصابغها دمي
اهوايه يمي/آثار گعده حرمه هاي الزهره امي
متفارگ الغالي ابد
اشريها يـا بـني أسد
++++++++++
ابو فاضل خيمة اخته حطها مابين الخيم
لو گضينه ومحد الهن يمها تلتم الحرم
باب ثاني فاتح الها حته لو عسكر هجم
منه تركض للبراري وجمره ماتچوي الجدم
احبال خشنه/من نصبها غايه اله ماخله بيها
احبال خشنه/هنه ذني تالي تَنشَد ابأديها
بچف العقيله اتسوي حد
اشـريـها يا بـني اسـد
ثائر الربيعي
كسر قلبك فلان؟ ما يحبك فلان ولا يودك ويوجع قلبك ؟ ما يريد وصالك فلان ولا يهتم؟ ما يهزه ألمك فلان؟ يراك سيء فلان ويذمك دوما؟ يفضل عليك فلان الجميع وأنت فضلته على الجميع؟! مريض وما جاي تطيب؟ تعبان وما يروح التعب؟ حيران وما تعرف الطريق؟ مبتلىٰ ببلاء أنت لم تقصر فيه؟ متسلط على رقبتك ظالم يظلمك؟ فقير؟ محتاج؟ مسكين ومالك أحد؟ مذنب وعاكف على ذنبك من سنين؟ مقصر بنصرة صاحب الزمان؟ ضعيف عن نصرته؟
- تعال إلى طبيبك! #الحسين_بن_علي..
- هو الحبيب إلي يحبك صدگ..
- هو الطبيب لمرضك..
- هو المشافي المعافي بأذن الله تعالى لك..
- هو إلي يخلصك من ذنوبك وتقصيرك وضعفك عن نصرة ولده عجل اللّٰه فرجه..
- هو إلي لطيف، رحيم وياك على شدة ذنوبك وتقصيرك! ما راح يطلع بيك عيوب الدنيا لو اختلفت شوية عن نهجه..
▪️صدق أو لا تصدق: هو #الحقيقية والباقي وهم في وهم...
لا تتخد من بيت العنكبوت ملجأ وعندك بيت الحسين!
لطميه فزاعيه للوليان
المستهل
احسين شد ارحاله والكربله اتعناها
💎💎💎💎💎💎💎💎
سدد مبانيه الضهر
حمل اعياله اعله المهر
ماراد عيشه اولاعمر
روحه للدين انطاها
💎💎💎💎💎💎💎💎
حمل ابليل ا بعيلته
روح المنايه اتلكته
للدين فادي ركبته
والديران سداها
💎💎💎💎💎💎💎💎
سدد ادياره من عصر
ويريد من ربه نصر
كل اخوته يمه تجر
ونصاره اتمنوها
💎💎💎💎💎💎💎💎
كل الزلم جاباهم
للدين يفدي اركابهم
ماقصرو كلالهم
الجنه اتنالوها
💎💎💎💎💎💎💎💎
زينب عليهم محزنه
للموت اهله امحزمه
عباس راعي الموزمه
النسوان اهو كفلاها
💎💎💎💎💎💎💎💎
عافو الديره وارحلو
للموت كلهم حملو
نسوان وطفال السرو
لديار غربه اخذوها
💎💎💎💎💎💎💎💎
تمت بعون الله تعاله
بقلم الشاعره أم تحسين البصره
غير مبري الذمه اليحذف اسم الشاعره وينسب الكلام له
قصيدة: لتراهن أبد
لتــراهن أبــد أحنــه...يـم احسينّا وبيته
نتــغير أبــد ماظِـن... أٌبونه وهاي تربيته
❀¸¸.•*¨*•.لٌبابة آل ياسين .•*¨*•.¸¸❀
درب واضح مشينه وبي احنه نكمله للاَخر
كل خطوة قٌــرب لِله ليوم وبـارحـة وباجر
هذا حسين يل تسأل عِبرة إتكّسِر الخـاطر
نـتجدد حِــزن كـل يـوم
نـمشي ومايجينة النوم
مواكبــنه وتِعــيش لدوم
نلطم عل صَدر حِركة بس لو نسمع بصيته
لتراهن أبد أحنه... يم أحسينه وبيـته
نـِتغير أبد ماظن...أٌبـونه وهاي تربيته
❀¸¸.•*¨*•.لٌبابة آل ياسين .•*¨*•.¸¸❀
حــركوا بل طفـوف أخيام بس ماحِركو الهِمة
راح حسين وي عَباس كرامة نعيـش من دمـه
سَيبوها النسة واطفال كل دمعة إِنِطت كلمة
كل دمعة لتِـصب كوثر
يبن فاطم يــبِن حـيدَر
عـِون بســاعة المحشر
هذا حــسين ابو اليِمه دروس بدربه ومشيته
لتراهن أبد أحنه ..يـم حسينه وبيته
نتغير أبد ماظن أُبونـه وهاي تـربيته
❀¸¸.•*¨*•.لٌبابة آل ياسين .•*¨*•.¸¸❀
لو طال الدرب شفناه كل خطوة بدرب نـوره
جينه نريد بس حسين نٌــعرٌف كَـدره ونـزوره
باب الله ليِظل مفتوح نمشي بنهجة وبشوره
منعوفه الدرب هيهات
قرآن يـِســولف أيــآت
ولشَافه إنعِدل مامات
من ضاع العمر يانــاس يم حسيَّنه إلكيته
لتراهن أبد أحنه.. يــَم حسينه وبيتـه
نتغير أبد ماظـن أبونه وهـاي تـربيته
❀¸¸.•*¨*•.لٌبابة آل ياسين .•*¨*•.¸¸❀
طِفــل يٌربه بولايــتهم من يكبر فخر شِيعي
يِصح جندي بعزيمتهم يِكلها هـالنفس طِيعي
شرينا المعتقد بدماه وماكِلها الدرس بــيعي
دروس حـسينا هوايـه
ومـنهن صـرنا مـشايـه
نمشي ونـُعرف الغايـه
بعت روحي عجب دنياي وبس حسينّا شريته
لتراهن أبد أحنه.. يم حسـينه وبيـته
نتغير أبد ماظن.. أبونه وهاي تربيته
❀¸¸.•*¨*•.لٌبابة آل ياسين .•*¨*•.¸¸❀
حَرٌب ماتخلص بموتاك بيها المعتقد قايم
ميفيد الدمع لو لاك نهـضة اتـجدد الوادم
هذا الخيــر من يمناك نـور و عالبشر دايم
نور حسين بالـظَلمـات
دمه و يِنزِف الغـايـات
رايـة تِــشرف الرايات
يااشرق نَجم بالكون لو تِــهت بـساع إلكيته
لتــراهن أبــد أحــنه ..يم حسينه وبيته
نــتغير أبد ماظـن أبــونه وهــاي تربيته
❀¸¸.•*¨*•.لٌبابة آل ياسين .•*¨*•.¸¸❀
كون تصير إنته انسان ميهدك وكـت عايِـــب
تخل حسينا بعيناك ضميرك مايـصـح غايــب
حلاةلخدمة كونك شاب موتخدم ونت شايب
نخـدم بالأهـل بالـروح
وبعطر الخِدامة نفوح
تـعبنا لو نــريده يروح
لبن فاطم عفت روحي شفته بمٌنيتي وجيته
لتراهن أبد أحنه... يـم حــسيـنه وبيته
نــتغير أبد ماظــن أبـونه وهاي تربيته
❀¸¸.•*¨*•.لٌبابة آل ياسين .•*¨*•.¸¸❀
لتراهن أبد أحــنه ..يم حسينه وبيته
نتغير أبد ماظـِن.. أبونه وهاي تربيته
مظلوم.. وعَزيز لدوم بيك الأمه تهديها
منصور بثباتك جيت بدمومـك تِفَـدِّيـها
مَشروعك وحَد فردوس بيدنك توديـها
فرودس وبسمك يحسين
نـوصلـها بـدمــوع العـين
تــخـتار ألشَـهـم والزيــن
دمعة وبِسمك يل مظلوم نور بكلبي حسِّيته
لتراهن أَبـد أحنـة .. يـم حـسينا وبيته
نتغير أبد مااظن.. أٌبـونه وهـاي تربيته
❀¸¸.•*¨*•لٌبابة آل ياسين•*¨*•.¸¸❀
لٌبابة آل ياسين ٢٠٢٤
من يدي ليد صاحب الزمان❤️
وزن : طويل
شوط كربلائي
موكب احزان السماء..
هل محرم.. بالعزاء...
..........هلال جرحج فاطمه
*******
اتحضرت كل الملائك.......صوت واحد تعتلي
تنظر الروح القداسه.......والدمع منهه يهلي
اهلال بين بالمصيبه......اتفاجئ الطف مايلي
نحور قبلهن محمد........فاطمه ويمهه علي
نشرت أملاك السمه
جنح فطرس بي دمه
.......صوت واحد فاطمه
*******
بالسمه شفت العلامه.......نحر مذبوح وسهم
والمصيبه الله اكبر......چم طفل بيها انفطم
الراوي بدموعه كتبهه.... نار محترگه وخيم
والمهر مكسور ظهره .....طاح شيال العلم
موسم جروح وبكاء
بالنعي يحلى الرثاء
......حسره تنحب فاطمه
*******
شفت حيرتهه الفواطم.... هلال ريتك لاتهل
تبتدي برسم المصيبه ...منحني ظهرك
خجل
منهجك مطلوب فديه..... يامحرم دم طفل
تنذبح حسره السوالف..... بالنحر زارع نبل
عالي صوتي بالنداء
ضمي جرحج كربلاء
.........هاي لوعة فاطمه
*******
اوچبت بيها المصايب.....حسره زينب بالجرح
وبخيالي شفت صوره.... هذا ياهو عله الرمح
اهلال أرحل ما اريدك........گلب زينب ينذبح
وتعدي ظلت غريبه.... بت علي ابوجه الصبح
مرت أشكال العذاب
هلال جرحك بالمصاب
........بلوعه مهجة فاطمه
*******
عطش والصحره عله گاعج...بس مدامع
هامله
والضمير ايصير ميت.......ليش ناسج حرمله
شفت كل إنسان ظالم ..... لو يجي تستقبله
والعقل جاز بحدوده.....ضمي روحج كربله
اتشابكت بيها السهام
تحترك ليش الخيام
...........جمر تسعر فاطمه
*******
ياجرح عاش ابدليلي.......دمعه ينزف كوكبي
والخيم متوجره صارت .....نار ابذيال العبي
وانه اشوف الوعه بيها.......حسره تل الزينبي
والفواطم والله حيره......چنهه زينب تنسبي
تنچوي شفت الزغار
اتفاجئت بالخيمه نار
.......... كلها تصرخ فاطمه
*******
تمت بعون الله
خادمكم .....يوسف الفتلاوي
مقطع صوتي من الشاعر ابومحمد العاشور
الرادود الحسيني منتظر المنصوري
مقطع صوتي من الشاعر ابومحمد العاشور
بصوت الرادود الحسيني منتظر المنصوري
⬛️◾️القصيدة-2-◾️⬛️
كانَت ظُلامَتُهُ أقسىٰ الظُلامات ِ
نَجلُ الرضا قد رأىٰ شَـرَّ البليات ِ
إذ في الصِبا مثلَ يحيىٰ كانَ معجزَةً
. لا ريب َ فهوَ حوىٰ كُلَّ الكمالات ِ
آه ٍ عليه ِ شباب ُ الآل ِ مُهتَضَماً
مرّتَ به ِ مِـحَن ٌرُغم َ المقامات ِ
فالمكرُ مكرُ بني العباسِ مُشتَهِرٌ
والفَتك ُعندَهُمُ إحدىٰ السجِيات ِ
قد كانَ مُعتَصِمُ الطاغينَ مُمتلِئاً
حقداً وغِلاً علىٰ أهل ِّ ِالكرامات ِ
شُلّت يداهُ وأمُ الفضلِّ ِ قد لُعـِنَت
مما جَنَت ويلَها بنتُ الخُبيثات ِ
دسَّت لهُ السُمَّ ممزوجاً وفي رُطَب ٍ
مُعانياً مِنهُ ألوانَ المعاناة ِ
إذ إنهُ صآئمٌ والحرُ أنهَكَهُ
كم نالَ مِنهُ الظما بعدَ العذابات ِ
ليٍصعدَ السطحَ فوقَ الدار ِ ملتَهِباً
من بعدِ ما غَلَقَت باباً لغايات ِ
مِثلَ الحُسينِ غدا والشمسُ تصهَرُهُ
لكنْ عليهِ بدا ظِلُ الحمامات ِ
ثاوٍ ثلاثاً ولم يُدفَنْ بمرقَدِه ِ
والأرضُ قد شاطَرَت نوحَ السموات ِ
هذا الجوادُ عليه ِالكائناتُ بَكَت
لم لا تسيلُ له ُ بالنعي دمعاتي
كما النقيّ ِ عليّ ٍ باتَ في كدر ٍ
ناداهُ يا أبتي فاسمعْ مناداتي
إني الغريب ُوهذي نكبتي ابتدأت
وبعدَكَ اليتُمُ يحكي عمقَ مأساتي
#سمير_الصالحي
#النجف_الأشرف
⚫️ نعي __ نصاري
يعين ابجي وسيلي دموعچ دموم
يگلبي اعله الجواد اتحسر هموم
امام وعگب صومه ينسگه سموم
ظل يلوج منه والچبد ذاب
تم وحده يعاني بسطح داره
وگلبه من العطش تلتهب ناره
نحيل من الالم خمدت انواره
صفه يعالج وحر الشمس لهاب
ثلث تيام محد دره بحاله
ولا واحد گرب يمه وبچاله
لمن علي الهادي هناك اجاله
ذب روحه عليه ودمعه سچاب
#سمير_الصالحي
#النجف_الأشرف
—————————
🏴 نعي ___ موشح
🌑ظل يويلي بمحنته والالم زاد
بالشمس مطروح ظل باب المراد
اعله السطح نايم ومسموم الجواد
واهله ماتدري اشحصل وشصابه
🌑عگب ماعلمت الشيعه بمصرعه
حضر يمه الهادي ويصب مدمعه
غسله وچفنه بيده وشيعه
نزله بلحده ويهيل ترابه
🌑لاچن الاصعب واشد ابكل زمان
حين نسمع كربله تهيج الاحزان
راس أبو السجاد ظل فوگ السنان
وجسمه عاري مسلبينه ثيابه
#سمير_الصالحي
#النجف_الأشرف
بالحياة وبالمماة انت مولاي النجاة
ياحسيناه ياحسيناه
*******
محبتك يابوعلي بيها نجاتي
بدنيتي سوري تظل انت ومماتي
ديني بيك اعرفته يالغالي وصلاتي
سيدي يبن الاباة بالحياة وبالمماة
ياحسيناه ياحسيناه
*******
نقسم بخالقنه الله الصمد
بغيرك الدنيه فلا تسوى ابد
صرت يابو اليمه للدين العمد
يااسير الكربات بالحياة وبالمماة
ياحسيناه ياحسيناه
*******
انت آيه للفداء بكربله
تشهد بهايه الك كل المله
يمن ضحه بروحه وانصاره وهله
والنساء ميسرات بالحياة وبالمماة
ياحسيناه ياحسيناه
*******
مانعوفك لا وحگ الذاريات
گلوبنه بحبك تراها هايمات
مثل عابس صرنه يبن الطاهرات
نمشي عالموت بثبات بالحياة وبالمماة
ياحسيناه ياحسيناه
*******
رحمة الله الواسعه يابوعلي
بحبك الوالاك عالي يعتلي
للحشر وياك نبقى يالولي
ياطريقا للهداة بالحياة وبالمماة
ياحسيناه ياحسيناه
*******
نعرف بدربك هو الحق المبين
نهتف باسمك نظل طول السنين
تبقى صرختنه تدوي ياحسين
يا امير التضحيات بالحياة وبالمماة
ياحسيناه ياحسيناه
*******
خادم اهل البيت / ابومحمد العاشور (07810010732)
عبدالله ماي العين امك انه امك
اكعد يبعد جـــلاي جيت انا يمك
*****
اكعد يماي العــين وفتح عيونك
ليش المنيه بساع غمضت جفونك
شتسوى بعد دنياي يوليدي دونك
وشيطفي جمر الاه شيطفي همك
*****
ماشوف عدهه ذات كوم اللعينه
بنبلة غدر ذبحوك كلهم ضغينه
ودمك رماه ليفوك عودك ولينه
وماوكع فوك الكاع عبدالله دمك
*****
ابجي ونوح اعليك وبكلبي حسره
وعبراتي لجلك دوم عبره اعله عبره
الفاكد عزيز الروح يبني شيصبره
احنلك حنين النوك وتمـــــنه اشمك
*****
عبدالله بيك البين بالطف فجعني
خله الحزن والاه بــــعدك اجني
اليوم المنيه وياي زيـــــدلي وني
ووجهي الطمه حيل لومرني اسمك
*****
مصابك يحز بالروح ومصاب الحسين
خلولي نص حشاي خولي جرحين
جرحك وجرح حسين صعبات الاثنين
وحالتي بعدك هاي جيت انا اعلمك
*****
المات ابنه بالدلال ناره سريه
يبقه يجر حسرات حد المــــــنيه
والونه اله اوي النوح تصبح سجيه
ريتك ترد لحظات وبصدري اضمك
*****
خادم اهل البيت / ابومحمد العاشور
[١١] ▪️قصيدة مولاتنا أمِّ البنين (عليها السلام)
عن الحسن بن خضر عن أبيه عن جعفر بن مُحَمَّد [الصادق] عليه السلام :بُكِيَ الحُسَينُ عليه السلام خَمسَ حِجَجٍ ، وكانَت اُمُّ جَعفَرٍ الكِلابِيَّةُ تَندُبُ الحُسَينَ عليه السلام وتَبكيهِ وقَد كُفَّ بَصَرُها..
الأمالي للشجري : ج ۱ ص ١٧٥ .
مَرْجعُ الدمعةِ بينَ العالمينْ
إنَّها فاطمةٌ أمُّ البنينْ
عينُها كُفَّتْ ، وهذي وحْدَها
عِبرةٌ بلْ عَبْرةٌ طولَ السنينْ !
جَسَّدتْ في وُلْدِها معْنى الظَّما
وحسينٌ وحْدَهُ الماءُ المَعِينْ
أرخصتْهُمْ للهدى في كربلا
فبجنبِ السبطِ ما كانَ ثمينْ
عينُها كُفَّتْ بما قدْ سمِعَتْ
ما بها لو نظرتْ حالَ الحسينْ ؟!
إنَّ وجهَ الشَّمسِ يا سيِّدَتي
بِحِجارٍ كسروا منهُ الجبينْ
إنَّ صدرَ العطفِ بل صدرَ السما
إرتقى أضلاعَهُ شمرُ اللعينْ
إنَّ رأسَ المجدِ أمسى في القنا
ونساهُ دونَ كهفٍ أوْ مُعينْ
هلْ نعى بشرٌ لكِ الخدر الذي
باتَ نهباً لأيادي السالبينْ ؟
هل نعى بشرٌ بناتِ المرتضى
ميِّتاتٍ بقيودِ الشاتمينْ ؟
آهِ لو شاهدتِ جهراً زينباً
أُدْخِلتْ في الشامِ قصرَ الشامتينْ
أُدْخِلتْ والرجسُ نشواناً دعا
أينَها بنتُ أميرِ المؤمنينْ ؟!
أعذريني ، وبحبلٍ شدَّها
فهوتْ بينَ جموعِ الظالمينْ
عبَسَ العبَّاسُ منْ فعلِ الخنا
آهِ لكنْ قطعوا منهُ اليمينْ ..
تمت بعناية الحجة عجل الله تعالى فرجه
الشاعر علي عسيلي العاملي
#قصيدة_أم_البنين
#محرم_١٤٤٦
#اللهم_عجل_لوليك_الفرج
السلام على فاطمة العليله
عافوني بغربتي يمهدي ودمعتي
ودموعك ودموعي دم تجري لعمتي
•••••••••••••
من طلع ضعن الهواشم والدمع مني يصب
خلصن ادموعي ولگيته ينزف ويبجي الگلب
ياالعايش اويانه بكل زمن ادري
إلك وحدك ياقائم اشتكي امري
لان مثلي اعله زينب دمعتك تجري
يمهدي
دمعاتي امجرحه عالنوگ الرايحه
وابابي لحبابي منتظره بلوعتي
•••••••••••••
فترة إلعافوني وانه جنت احس ابدمعتك
تدري لسه الدار وحشه وانت طالت غيبتك
داري بلا زلم بس انه اون فيها
يمهدي بكربله اندفنت اهاليها
ادور آثارهم أگعد اشم بيها
يمهدي
يا لعايش بالفله وديني لكربله
بچفوفك ودموعك انصبها إلخيمتي
•••••••••••••
عللهزل مچتوفه زينب راحت ابين الزلم
تنضرب والروس تهتز والمناحر تنلچم
تعاين عالجثث متوسده بغربه
تعاين عالحسين اهدومه متسلبه
بعد ذاك السهم شايل ثلث گلبه
گلبه يمهدي
يا المن دم دمعتك تجريها لعمتك
واسيني بجيني اشكيلك هضمتي
•••••••••••••
آه يا المهدي ورقيه بالخيام إلتحترگ
إلگال مامچويه كلها راح أگولن موصدگ
تركض عالجمر والشمس ظهريه
تضربها السياط وهيه مچويه
نادتهم بعد السوط مابيه
رقيه يمهدي
وعباس إعله النهر وحسين ابلا نحر
من وني ومن ونك مجلسنا إلعيلتي
•••••••••••••
من اجى الناعي وسمعته ايست من كل امل
الا انت ويمتى جيتك دمعتي تنادي العجل
عجل مابقى بالروح كل ونه
وابيت الزچيه يصير مجلسنه
صبح العاشر اعله حسين نتعنه
يمهدي
بكل من نمر لزهره ننتظر
وبونتك وبونتي وبونة جدتي
•••••••••••••
انتظر جيتك يمهدي اشعندي غير الانتظار
لهجتي وتسبيحي تدري من دعاء الندبه صار
اصليلك قضاء الحاجه كل ليله
متى الغايب يربي يصير تعجيله
عبد الله اريدن ماي اوديله
يمهدي
وبالشام اهناك اخت بحسرتها اني متت
وإلعمتي وإلإختي يالوعة حسرتي
•••••••••••••
الخادم
كريم التميمي
چنت ما اعطش اشوفك كافي
بچلمة الياخويه ارطب اشفافي
توني حسيت ابضماي
چلمة الياخويه ماي
يا ابو فاضل
.
العيله من تعطش تجيك
بجودها ادور عليك
تريد ترويها يبو فاضل عذب
وتگصد لشاطي الفرات
تجيب بالجربه الحياة
وطبة الكوثر على عيالك تطب
واني حسينك من چنت اضمه
اگصد شخصك اوگف يمه
ولو گتلك خويه بهالچلمه
اشرب ماي
يبو فاضل وارتوي من عيونك
چان موتني العطش من دونك
گوم ياحامل لواي
چلمة الياخويه ماي
يابو فاضل
.
من سمعت الصوت صاح
وشبچت عليك الرماح
خويه حسيت بعطش ماينوصف
لمن اني اوصلت ليك
ردت اگلك شنهو بيك
لگيت عامود الغدر خالع چتف
شمكسرها اسهام ابجسمك
شموصل للحافر دمك
ماي انته تطشر شيلمك
ياعباس
جيت عطشان وردت هالچلمه
گلي خويه بيها ابد ما اضمه
حسين منك راد هاي
چلمة الياخويه ماي
يابو فاضل
.
سهم عينك وصل وين
لهامتك وصَّل العين
شلون اجرن سهم واصل للعضم
من احركه بيه صوت
يگلي من اطلع يموت
ألعمود براسه بي كسر وهشم
ردت عيونك تنظر عيني
بچلمة ياخويه ترويني
حركها اشفافك حاچيني
يا رواي
كسرت ضهري وشمتت عدواني
مين اجيبن اخو مثلك ثاني
نار احس شمت هواي
چلمة الياخويه ماي
يا ابو فاضل
.
على گلبي حط اديك
ضامي شوفه اشگد عليك
لون چف سالم وما منگطع
من الضمه دلالي ذاب
حروفي من تطلع تراب
ومن اشوفك ارتوي حد الشبع
ارجع وحدي لصوب اخيامي
وتترك گلب الحبك ضامي
بچلمة خويه شد حزامي
يانوماس
ردت چلمة خويه ارجع بيها
ومنها كل اخيامنا اسگيهاز
ضامي عيالك وراي
چلمة الياخوي ماي
يابو فاضل
.
شلون يم زينب اروح
وبيدي من دم الجروح
خاف تتلگاني ولدمك تشم
روحها متعلگه بيك
خاف للشاطي تجيك
وهيه مثلي ترتوي بهاذا الاسم
چلمة ياخوي تكفينا
من حر هذا الطف تروينا
بياخويه الحره تلاگينه
تروينا
لما تلفظ اسم عباس الگمر
من عطش زينب احس ينبع نهر
گلي وياك اني جاي
چلمة الياخويه ماي
يبو فاضل
كريم التميمي