7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
نزال "انه قلبي دخيلك"
مولاتي العليلة
اجي وياك انا ارجاك يالغالي
انه قلبي دخيلك
ــــــــــــــــــ
يابوية من بعدك اضل يالرسمك بعيني
ترضاها اضل لوحدي ومحد يباريني
من تمشي تاخذ مهجتي واحلامي وسنيني
لتخاف بوية لصحتي نظرتك تشفيني
يالعايش بروحي يابلسم اجروحي
على الشوف يرد حيل دلالي
انه قلبي دخيلك
ــــــــــــــــــ
خنجر افرگك بالضلع يتوسد اضلوعي
مايهده وني ولا اچن لا تنشف ادموعي
ضليت ع الباب انتظر بس اني وشموعي
بوية بداعائي ونخوتي بس انته موضوعي
ابقى ابجي وادعيلك واقرة بتواسيلك
بويه حسين ترجع كون يالوالي
انه قلبي دخيلك
ــــــــــــــــــ
ايدي اعله خدي ومانمت لاطبگن جفوني
والسهر يشرب بالعمر ماخله بعيوني
ماحملت الفرگة ابد افكاري ومتوني
بويه احتمال من الالم بالگبر تلگوني
اتيتم بموتي بالغربة تابوتي
ولا صوت على الافراك يقرالي
انه قلبي دخيلك
ــــــــــــــــــ
مرسال الك وي الهوه تكتبلك ألالمي
يالماخذ وياك الضوه وأسودت ايامي
تعطش اعيوني لشوفتك يبقى النظر ضامي
ليش احس جنك منذبح ومگطع ودامي
متغيرة اوصافك ومفطرة اشفافك
بالاحساس والافكار في بالي
انه قلبي دخيلك
ــــــــــــــــــ
ضلت حزينة وخالية من دونك اديارك
ولايمر احد ينسئل واسئل عن اخبارك
ولانمت حتى بأي حلم يخبرني لو زارك
يحسين حتى اسمع خبر وبأسمك اتبارك
حتى اسمع شلونك مشتاگة لعيونك
دمع جان بالاحزان مرسالي
انه قلبي دخيلك
ــــــــــــــــــ
يومية ادير لكربلة وجهي واشيل ايدي
ويبعث سلامين القلب شرياني ووريدي
يا والدي وخيمة وفة ويا سلوتي وعيدي
يحسين يحسين ويضل بلساني ترديدي
مافارگ احروفك وابعث اعله اطفوفك
سلامين من اجروح أمالي
انه قلبي دخيلك
ــــــــــــــــــ
الشاعر زين العابدين الشمري
ابوذيات بحق العليله بنت الحسين عليه السلام
┄┉❈❥❀❥❈┉┄
هلي بتكم سليتوها تراكم
الم علتي بجفاكم تراكم
بعد ماضنن عيوني تراكم
منكم ايست اكطعتوا بيه
┄┉❈❥❀❥❈┉┄
الدمع بغيابكم ماجف ياره
يريت لحالتي حسين ياره
اون بسكوت ماسمعت ياره
تون وياي جدران الثنيه
┄┉❈❥❀❥❈┉┄
بقلم العلويه ✍👆أم رائد زوين
النّص المترجم: ar-ar
ابوذيات بحق العليله بنت الحسين عليه السلام
┄┉❈❥❀❥❈┉┄
هلي بتكم سليتوها تراكم
الم علتي بجفاكم تراكم
بعد ماضنن عيوني تراكم
منكم ايست اكطعتوا بيه
┄┉❈❥❀❥❈┉┄
الدمع بغيابكم ماجف ياره
يريت لحالتي حسين ياره
اون بسكوت ماسمعت ياره
تون وياي جدران الثنيه
┄┉❈❥❀❥❈┉┄
بقلم العلويه ✍👆أم رائد زوين
إذا رامَ الـفَـتــى مـجْــداً أثــيـــلا
إذاً لا غـــرْوَ أن يـمضــي قـتـيــلا
وســائــلــةٍ أنــــورٌ مـن ظــــلامٍ
وهل بالموتِ يـحـيــا مَن أُقــيــلا
نَعَم قَصَـد الممات سـلـيــلُ طـه
وقـدْ أحـيـا الـرسـالــةَ والـرّسـولا
تـفـجّــر نحرُه يـنـبــوعَ فــضــلٍ
لكـي يـسقـي المَـلا جـيلاً فَجـيـلا
جَـرتْ فـوق الـثـرى مـنـه دمـــاءٌ
فـصـار جديـبُـهــا روْضـاً خَـضـيلا
قضى بين الـقـنــا جسداً سـلـيـبـاً
فألـبـسَـه التُّـقـى صـبـراً جـمـيـلا
صـريعاً في هجيـر الشمس ملقـىً
وقـد وهـبَ الـدُنـى ظِـلّا ظَـلـيــلا
تـألَّـقـت الـجـراحُ و كــلُّ جــــرحٍ
شـهـابٌ للـهُــدى أضحـى دلـيــلا
وراح يـخـاطــب الأحـــرارَ هَــيّـــا
إلـى التخـلـيـدِ و ارتـسـمَ السبيـلا
و عـلّـمَـهـــا بـأن الـمــوتَ عِــــزٌّ
لـمـن سـامـوهُ أن يـحـيـا ذلـيـــلا
#جابر_الكاظمي
هَاللِّيلَه وِصْلَوْ كَرْبَلَه...............أَهْلِ الْمَحَنَّه
نَادَاهُمِ حْسِينِ بْعَجَلْ............نِصْبُو خِيَمْنَه
وَاجِبْ صُبَحْ هَاذِي الْأَرُضْ...يِرْوِيهَه دَمْنَه
بَاچِرْ عَلَى حَرِّ الثَّرَى................تُوگَعْ زِلِمْنَه
وِعْيَالِي يِسْبُوهَه...زِينَبْ يِسَلْبُوهَه
تِمْشِي وْيِرَافُگْهَه شِمُرْ
بِسْيَاطَه يَاذِيهَه...تِنْزِفْ بِوَاچِيهَه
أُمِّ الْخِدُرْ وِبْلَا خِدُرْ
تَالِيهَه زِينَبْ.......سِمْعَتْ وِلِيهَه
صَاحَتْ يَخُويَه......وِاتْعَنَّه لِيهَه
لِمْصَابَه تِبْچِي....وْيِبْچِي عَلِيهَه
عُگْبِ الْحَبَايِبْ...مِنْهُو الْيِجِيهَه
-----------------------
أَوِيلَاهْ...گَلْهَه يَا غَرِيبَه
أَوِيلَاهْ...تْعَايِنِي الْمُصِيبَه
أَوِيلَاهْ...شِيبِتِي خَضِيبَه
أَوِيلَاهْ...جِثِّتِي سِلِيبَه
عَلَى الرِّمَالِ تَرَيْنَ الْجِسْمَ قَدْ صُرِعَا
وَفِي الْقَنَاةِ تَرَيْنَ الرَّأْسَ قَدْ رُفِعَا
مِنْ ظَهْرِي السَّهْمُ يَا حَوْرَاءُ إِذْ نُزِعَا
فَقَلْبُ فَاطِمَةٍ مِنْ أَجْلِهِ انْخَلَعَا
تِوَدْعِينِ الْگُمَرْ گَلْبَه يَخَيْتِي ظَامِي
أَبُو فَاضِلْ أَبَدْ مَا يِرْجَعِ لْخِيَامِي
يِطَفُّوهَه بْسَهَمْ عِينِ الْأُخُو الْمُحَامِي
وْعَلَى الْغَبْرَه وِسَفْ چَفِّ الْكَفَالَه دَامِي
-----------------------
لَلْيِسُرْ فُوگِ الْهِزِيلَه مَشْيِتِچْ تِصْعَبْ عَلَيَّه
لَاچِنْ شْبِيدِي يَزِينَبْ لُو طِحِتْ فُوگِ الْوِطِيَّه
بِتْ عَلِي بِينِ الْأَجَانِبْ بِالْحَبِلْ تِطْلَعْ سِبِيَّه
وِبْنَفِسْ حَبْلِ الْمَهَانَه تِنْچِتِفْ بِنْتِي رُقَيَّه
-----------------------
#وصول_الحسين_إلى_كربلاء
#محرم_١٤٤٦هج
حسن خنافر العاملي
مَا عِنْدِي بِالْحَيَاةْ...غِيرِ انْتَه يَا حُسِينْ
عَيِّشْنِي بِالْعَزَاءْ.......وِالْخِدْمَه وِالْوِنِينْ
خَلَّه الدَّمِعْ فُرَاتْ.......لِمْصِيبِتَكْ رَهِينْ
وِبْمَجْلِسَكْ أَرِيدْ........أَگْضِيهِنِ السِّنِينْ
مِنْ زُغُرْ سِنِّي بِچِيتَكْ...تَايِهِ بْظَلْمَه وْلِگِيتَكْ
يَا جَرِحْ فَزِّ بْدِلِيلِي....حَگِّي لُو عُمْرِي نِعِيتَكْ
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
يَا قِبْلَةِ الدُّمُوعْ....وِالْحَسْرَه وِالنَّحِيبْ
مِثْلَكْ فَلَا يِصِيرِ.......يَا سَيِّدِي الْغَرِيبْ
ظَامِي عَلَى التُّرَابْ...مِتْوَذِّرِ وْخَضِيبْ
وِبْيَا ذَنِبْ تِنَامْ.....عَارِي الْجَسَدْ سَلِيبْ
بْصَدْرَكِ تْدُوسِ الْحَوَافِرْ...وِاخْتَكِ عْلَه التَّلْ تِنَاطِرْ
رَاحَ اظَلْ أَبْچِي لْمُصَابَكْ.....حَتَّى لُو تِعْمَه النِّوَاظِرْ
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
طَارِي السَّبِي عَذَابْ....شِيْصَبُّرِ الدِّلِيلْ
شْلُونِ الْخِدِرْ يِرُوحْ...وَيَّه الْغُرُبْ ذَلِيلْ
وِينِ الْگُمَرْ يِشُوفْ......زِينَبْ بَلا كَفِيلْ
يَمْدَلِّلِ الْخَوَاتْ.......دَرْبِ الْيِسُرْ طَوِيلْ
وَنِّتِي صُبْحِ وْمِسِيَّه............عَالْغَرِيبَه الْهَاشِمِيَّه
بِتْ عَلِي بِينِ الْأَجَانِبْ...بِتْ عَلِي رَاحَتْ سِبِيَّه
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
لَايْتَامَكِ الْعَوِيلْ..........يَا لُوعَةِ الْبَنَاتْ
فُوگِ الْهِزِلْ دَلَالْ........وِبْلَا خِيَمْ يِبَاتْ
مَگْيُودَه بِالْحِبَالْ.....مِنْ غَابَتِ الْحُمَاةْ
شْلُونِ الطِّفِلْ يِهِيدْ...وِمْحَاوَطِ بْطُغَاةْ
رُوحِي أَنْطِيهَه هَدِيَّه...فِدْوَه يَمْ دَمْعَةْ رُقَيَّه
هَالْعَزِيزَه مْنِ الْأَعَادِي...شِبْعَتِ سْيَاطِ وْأَذِيَّه
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
عِشْگِ الدَّمِعْ طَرِيقْ.........وَفِّقْنِي لِلْبُكَاءْ
كُونِ الْعُمُرْ يِرُوحْ.......يَمْ مَجْلِسِ الْعَزَاءْ
إِقْبَلْنِي يَا حُسِينْ.........وِارْزُقْنِي كَرْبَلَاءْ
بْرُوحِي إِلَكْ جُرُوحْ...مَا تِرْتِجِي الشِّفَاءْ
خِيمَةِ الْخِدْمَه حَيَاتِي...بِالْحَشُرْ تِضْمَنْ نَجَاتِي
أَنْدِعِي بْمَجْلِسْ عَزَاءَكْ.....رَبِّي يِرْزُقْنِي مَمَاتِي
يَا حَبِيبِي يَا حُسِينْ...يَا حَبِيبِي يَا حُسِينْ...
-----------------------
#محرم_١٤٤٦هج
الشاعر حسن خنافر العاملي
*قصيدة لليوم الثالث من محرم*
*من ديوان عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
*أحا من هذا الشهر زينب تنادي*
*الحر اجانه وبالدرب لازم الوادي*
❥━──➸➽❥❂❥━──➸➽❥❂
احا من هذا الشهر زينب حزينه
وتنادي يا عباس يا حامي الضعينه
جبتوني خويه لكربله ومن المدينه
خوفي يخويه بهالشهر تنسبي اولادي
❥━──➸➽❥❂❥━──➸➽❥❂
زينب حزينه وتنتحب والدمع همال
من يوم طبت كربله هيه والعيال
خافن يضل اعله النهر نايم الكفال
يحسين حومه لا تطب وارحم بحالي
❥━──➸➽❥❂❥━──➸➽❥❂
يحسين هايه كربله طبينه بيها
وشلون باجر تنسبي اه يا وليهه
وظلت عليله بالنزل ننحب عليها
خويه علينه اتحوم هالگوم الاعادي
❥━──➸➽❥❂❥━──➸➽❥❂
هاليوم روحي موجله من وادي الطفوف
كلها يتامه تصير بأجر عيني اتشوف
روحي عليك محيره وكاتلها الخوف
اجذب الونه والحزن حرگ افادي
❥━──➸➽❥❂❥━──➸➽❥❂
يا اهل المروه هنا ابد لتنزلوني
يا خويه ابو السجاد يفدنك عيوني
ابگه وحيده بكربله لا تخلوني
واطفالي خويه من الرعب تلزم الوادي
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
#من_ديوان_مسير_الفواطم_ج٥
قصيدة للمسير الى كربلاء(شايل رايته الخضره)*
❥━──➸➽❥❂❥━──➸➽❥❂
متعني الحرب عباس
شايل رايته الخضره
❥━──➸➽❥❂❥━──➸➽❥❂
تعنه الكربله بزوده
شايل رايته وجوده
والبيرغ على زنوده
وبيده يباري الحره
❥━──➸➽❥❂❥━──➸➽❥❂
بيده الگمر يحميهه
وحدها ما يخليهه
يعاينها ويباريهه
ينطيها الولي عمره
❥━──➸➽❥❂❥━──➸➽❥❂
بيده الگمر ماخذها
من ودعت گبر جدها
والدمعه على خدها
تون وبالگلب حسره
❥━──➸➽❥❂❥━──➸➽❥❂
تون وتگله رجعني
لارض الكدر ماخذني
اخافنك تضيعني
وگلبي عليك شيصبره
❥━──➸➽❥❂❥━──➸➽❥❂
شيصير الگلب شيهيد
يالغيرك ابد ما اريد
ردني للوطن يا حيد
ما اتحمل الكسره
❥━──➸➽❥❂❥━──➸➽❥
عگبك ينكسر ظهري
انت هيبتي وخدري
لوكت الموزمه ذخري
تنام شلون عالغبره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
*من ديوان📚 مسير الفواطم لارض المظالم الجزء الاول*
*قصيدة للمسير الى كربلاء(آه يالاولاد)*
❥━──➸➽❥❂❥━──➸➽❥❂
لسان حال مولاتنا ام البنين عندما ودعوها اولادها وسارو الى ارض كربلاء تگول:
ودعوني وسافروا ... وللمنيه حملوا
آه يالاولاد آه يالاولاد
❥━──➸➽❥❂❥━──➸➽❥❂
ودعوني وسافروا للغاضريه
وبگت دمعاتي عله خدي جريه
رحتو كلكم واضن متردون اليه
توادعت وياكم اوداع المنيه
هذا اضن آخر وداع ... صرت احسن بالضياع
آه يالاولاد آه يالاولاد
❥━──➸➽❥❂❥━──➸➽❥❂
روحي صارت ضايعه من ودعتكم
ريت بوداع المنيه ما شفتكم
وريت لارض الغاضريه رافگتكم
من الزغر يولادي انه ما فارگتكم
ريت رافگت الضعن ... گلبي بآلاه امتحن
آه يالاولاد آه يالاولاد
❥━──➸➽❥❂❥━──➸➽❥❂
گلبي محزون النوايب تعبنه
البيت ضلمه وخالي من اهل المحنه
انه والطفله العليله نجر ونه
عله العتبه ننتظر تلفون النه
بعتبة الباب انتظر ... الگلب يتلاهب جمر
آه يالاولاد آه يالاولاد
❥━──➸➽❥❂❥━──➸➽❥❂
الگلب يتلاهب جمر ويريد الاحباب
راحو وخلو عيوني تربي عالباب
مر ابد ما ينحمل يفراگ الاطياب
آه يا عظم الرزيه وعظم المصاب
آه يا عظم البله ... منين اجتني كربله
آه يالاولاد آه يالاولاد
❥━──➸➽❥❂❥━──➸➽❥❂
منين اجتني كربله واخذتلي الاحنان
وخذت مني حسين ويه گمر عدنان
نعصر گلبي وخايفه انه على النسوان
من مشه وحمل ضعنهم حيلي ركدان
راح حيلي والگلب ... عليه فرگاهم صعب
آه يالاولاد آه يالاولاد
❥━──➸➽❥❂❥━──➸➽❥❂
*بقلم ✍ شاعرة اهل البيت ع*
*العلوية مريم النور نسألكم الدعاء الفاتحه الى روح اختي ولأمواتكم:🍃*
#مجالس_محرم_الحرام_١٤٤٦هـ
💫💫💫💫
<< العليله >>
يااهلي لاتنسوني .. ويه الضعن حسبوني
للعراق اخذوني .. انه العليله
🔹🔹🔹🔹
حضّرو كل الهوادج .. اهلي والأمر انعلن
بدت ساعة موتي تگرب .. من حده وسار الضعن
ودعوني وداع ميّت .. مايرجعولي اظن
للعراق انوو سفرهم .. شايلن من الوطن
شكد صحت تانوني .. چن ولاسمعوني
وفاض دمع عيوني .. انه العليله
🔹🔹🔹🔹
گلب المفارك حبيبه .. ينلچم كلما يحن
وانه احن الملتقاهم .. و اعلى شوفتهم اون
اهلي كلهم فاركوني .. وماغمض ساعه الجفن
بلا اهل طفله وعليله .. وينّي و وين الحزن
مالي حيل افراكهم .. وحشه ظلت دارهم
منين اجيب اخبارهم .. انه العليله
🔹🔹🔹🔹🔹
حسين مارد والله دنيا .. المرمرتني بروحته
حتى ايوب بفراشه .. مثلي ما ون ونتّه
بردت بروحي السوالف .. والجفن مل دمعته
وبيّه نار الشوگ تحرگ .. صايره صيف وشته
اطش هيل ابابي .. من تعود احبابي
واكتب اعلى اكتابي .. انه العليله
🔹🔹🔹🔹
الياوكت ابقه انه اتاني .. مو ذِبح عمري السهر
غايبين و آنه حالي .. حال المضيّع أثر
اندعي ونغمة دعائي .. تختلف عن البشر
اقره اللهم عجل .. للحسين وللكمر
بالصلاة دعواتي .. وركعتي وسجداتي
يحقق امنيّاتي .. انه العليله
🔹🔹🔹🔹
العيد مامر على بالي .. ولا ضكت طعم الهنه
تنحسب ديوان كامل .. كل رساله معنونه
عله اهلي واحبابي الجفوني .. بيت الاحزان انبنه
الثوب الاسود ماابدله .. من سنه الداير سنه
هالايام احلامي .. گلبي منهن دامي
حسين ميت ضامي .. انه العليله
🔹🔹🔹🔹
علي حسين المنصوري
#مجالس_محرم_الحرام_١٤٤٦هـ
💫💫💫
العليله///
💫💫💫💫
ضعن الاهل من افترگ .. خلاني شجره بلا ورگ
طشرهن احلامي الهوه .. بنار الهجر گلبي احترگ
🔹🔹🔹🔹
ماتن ابالي الخواطر .. والسوالف ذبلن
وعطشن بجفي الرسايل .. يرتون من ينقرن
عيوني جانن من يموتن .. من صورهم ينسكن
كاعده ابيتي وغريبه .. وحدي چني بلا وطن
من سافرو اهل البخت .. الدنيا بعيوني انطفت
ويه الضعن راح الضوه .. بنار الهجر گلبي احترگ
🔹🔹🔹🔹
يلتقن بيه بسفرهم .. اربعه في اربعه
جمرة فراك العقيله .. والكمر والمشرعه
وشوفة الوالد بعيده .. بيه ياهو اليجمعه
وبيه يعقوب وحسرته .. ويوسف اهوَ ومدمعه
والشوك بيه يشتعل .. كلما اشتاكن للطفل
ومحتاره وين الكه دوه .. بنار الهجر گلبي احترگ
🔹🔹🔹🔹
باتت بروحي المشاعر .. غافيه بكل قافيه
يمرني بطيوفي ظعنهم .. واكعد اركض حافيه
الكه مهجوره غرفهم .. والمشاعل طافيه
ديرة اهلي بلا ابوفاضل .. ماتجيها العافيه
وشلون ديره بلا گمر .. ليعيش بيها يابشر
انه عگب راعي اللوه .. بنار الهجر گلبي احترگ
🔹🔹🔹🔹
شلون اروحن جنت افكر .. و اوصل انه الكربله
مو مريضه ارد اكلهم .. بعده حيلي بأوله
بالخطر گلبي يكلي .. هناك كل العايله
وتنعرض جدامي صوره .. للحسين ومقتله
من اصفن اتخيل جرح .. وراس الحسين على الرمح
وبالخيمه كل طفل انجوه .. بنار الهجر گلبي احترگ
🔹🔹🔹🔹
طولت سفرة عمامي .. لهسه مابين اثر
اسئلت ام البنين .. وكالت وگلبي انعصر
شهر صارلهم وهسه .. بعد تقريباً شهر
ننتظر بشر ابن حذلم .. منهم يرد الخبر
أسئلتها ودمعي سايل .. شلون اوصل الهم رسايل
من جبت طاري نينوه .. بنار الهجر گلبي احترگ
🔹🔹🔹🔹
علي حسين المنصوري
يازينب
نعي
بظعن والروس مرفوعه اعله الرماح
بين اليون بين الغافي وطاح
ولا صوت أعله زينب بالعدا صاح
بظعن ال النبي ليوين ماشين
ابو ذيه
يحادي العيس بلله عليك وناي
اصيح وماكو واحد سمع وناي
أهلي وين وانا صرت وناي ( ويناي )
اسيره وبيد ناس بلا حميه
نعي
غربه ووحشه والحادين شمات
والتنطريه مايرجع بعد هيهات
ويصيحون راح حسين اخيج ومات
راح الوالي زينب لاتنطرين
نعي ابو ذيه
زينب من مشت محد وياها
ومشى المن كبل جان إلها وياها ( وجاها )
الشمر نيران على زينب وياها
نار الخيم وي نار السبيه
*-------------*-------------*----------*
محمد دعبل النوري
(هوسات )
تعبني الشمر وحسين هد حيلي
بعيوني النهار اصبح مثل ليلي
احجي بالضنون وضني يحجيلي
اسمع صوت بذني يكلي شوفيني
ام عون ياخويه يجويني الرمل
...........
ركضت الطف واجيت من التعب يمه
دخيله وجيت خوف بجيت الضلمه
اصيحن اااااه بويه واااااه يا يمه
مطشر جسم اخوي وحايره بلمه
وبيش المنه محتركه العباية
..............
طريت الزلم وتعثر بخوفي
ودم جروح متني تارس جفوفي
وين الدكلي صدره وكالي اوفي
كسر ضهري بفكدته ونطفه شوفي
وين ابو الغير ضربو اخته زينب
...........
حسين شبيه سوت ليلة العاشر
ضلمه وحالي كلش يكسر الخاطر
ضعت مادري ليه شضاملي باجر
الصاير بيه ما قبلي بشر صاير
ليلة العاشر كسرت ال هاشم
.............
بحبل واحد مشينه للسبي كوه
وراحت ونكضت ايامنه الحلوه
طحت بناس لا غيره ولا نخوه
شما طال الدرب بسياطهه اتلوه
مهدله متوني من سوط ال اميه
..........
تمت
الشاعر مصطفى الحسني
#شهر_محرم_الحرام
القصيدة الرابعة
شور _كعده _
خيم اعليه الحزن
مولاتي السيدة زينب تجلس المغربيه تعب
اخوه الحسين صلوات الله عليهم
لسان حال مولاتي
خيم اعليه الحزن
وبالخريب كمت اون
ليله وحده مانمت
عيني ماغمضت جفن
ليله ليله مانمت
بالظعن اتغربت
ضيعوني بالفله
انه وعيالي تهت
بالفله خويه وغريبه
مصيبه ذبتني بمصيبه
اخي اخي اخي
................................
اسروني عل هزل
وبالظعن يحدي النذل
كمت اشكف بالصيط
ويدي مشدوه بحبل
جفي بالصوط التوه
وبيه مخنوك الهواء
غيرك انته ياضماي
الجرحي مايرهم دوه
بلسم اجروحي الثجيله
ماكو غيرك اشتكيله
اخي اخي اخي
................................
غيم ابراسي الزمن
ويمطر اعليه محن
طشر اعيالي بغرب
بالفله طش الظعن
طشرنه بالدرب
تهنه مابين الغرب
وافترگ كل الظعن
والفراك اشكد صعب
ابنار الفراك انجوينه
والحزن خيم علينه
اخي اخي اخي
...................................
بين الفراك وصبر
ضاعن اسنين العمر
عيني تربي عل الدرب
ليلي مانام انتظر
عيني لحضه ماغفت
عيني بجفوفي طفت
بيها حسره ويه اللم
كلمه لكن ماحجت
كل سوالفها الايمه
بيها حزن الكون خيمه
اخي اخي اخي
...................................
خادم زينب
علي الحاتمي
ابو ذيات
مولاتي زينب عليها َلما وصلت الكوفة كاني بها وجهت عتبها لابيها امير المؤمنين عليه السلام ... بلسان حال الشاعر 😢😢
وشيله
تگله ياعلي يابويه
الضعن كل يوم اله حطّه وشَيله
وبعد بالعين ماظلت وشِيله
عبايه اريد يابويه وشيله
اخاف السوط ايشگ هاي العليّه
🏴🏴
دريت . الشمر ضعني اليوم ياباه
وكل سوط اليطگني الگلب ياب آه
انه زينب كتلني الهظم ياباه
اميره امس هسه ادخل سبيه
ياعلي يابويه
🏴🏴
سبيّه واصعدت هزله بلادين
اويه ناس المامش امروّه بلادِين
امن امس لليوم طرّينه بلادين
وبعد الشام ياحامي الحميّه
🏴🏴
ياعلي ياعلي يابويه
تسلّبنه ، انسبينه ، ونهظمنه
يفت الصخر بويه ون هظمنه
إن شمت بينه عدونه وإن هظمنه
يظل محفوظ خدر الفاطمية
🏴🏴
وادم رافگتنه لومه شينه
حچيهم بس مسبّه لو مُشبنه
يبويه شلون باچر لو مشينه
الموش اجواد باڿر تحدي بيّه
علي يابويه
يبويه ارّيد بالممشه حمه النه
ثجيل يريدله والي حملنه
عدونه اعله الهزل ترضه حمَلنه
ول اهل الشام باچر يحدي بيّه
🏴🏴
ام محمد الحِجّاج
لاتزال مولاتي زينب عليها السلام بالكوفة وخطابها لابيها امير المؤمنين سلام الله عليه ،،،
بلسان حال الشاعر،،،،
🏴🏴
علي بويه
الضعينه تريد ياحيدر حمه الهه
وبتك ياعلي طايح حملهه
مصايب كربله گلبي حملهه
لچن مايحمل اتسمّه سبيّه
🏴🏴
بعدچ عدله لو متّي يروحي
اخياط ودوه ماينفع يروحي
امشي اخيال والوادم يروه حي
بعد ياروح بالمذبوح اخيّه
🏴🏴
غدت كل يوم روحي ماتم الهه
الموت اويه ابو اليمه ماتم الهه
اليتامه تريد اشيّد ماتم الهه
وانه كل يوم اباتلّي بنويّه
🏴🏴
عمت عين الوكت ياناس لادار
وحگّه الدمع ليل نهار لادار
زينب صفت لا خوان لا دار
ومشيت ادروب ماترهم عليّه
🏴🏴
ام محمد الحِجّاج
لطمية للنزله (من امس لليوم)
من امس لليوم تهمل دمعتي
للهضم والضيم جابوني اخوتي
من امس لليوم عيني هامله
گلبي يتراجف وصلت الكربله
بين خواني عزيزه امدلله
والبطل عباس گال بعهدتي
من امس لليوم تهمل دمعتي
گال اجيتي اوياي وانتي بشاربي
شحده لخيامچ يطب الاجنبي
انه اخوچ الهاشمي والطالبي
ونزلاني وگام يبني بخيمتي
من امس لليوم تهمل دمعتي
نزلاني وگام يبني بالخيم
وگال لاتبچين شيال العلم
وانه من هسه تراوالي السهم
خايفه اعله عيون عزي وهيبتي
من امس لليوم تهمل دمعتي
خايفه اعله عيون عزي وكافلي
بالسهم تنصاب واحنه ننولي
گتله اريد انخاك گال ادللي
گتله ردني ابساع وارحم حالتي
من امس لليوم تهمل دمعتي
ردني ياعباس بيدك للنزل
گوم گوم بساع ماطولك عدل
مايضل صيوان باچر لاشمل
هاذه الفراگ وعذابي ولوعتي
من امس لليوم تهمل دمعتي
هاذه الفراگ وعذابي اتلملمن
نزلن بوادي الطفوف وغيمن
والسيوف اعله الغريب اتحزمن
كون گبله السيف يگطع رگبتي
من امس لليوم تهمل دمعتي
كون ينگص منحري ولامنحره
لااضل بدار غربه اميسره
من سمعهه اغتاض سبع الگنطره
وگال لفديچ بيميني وهامتي
من امس لليوم تهمل دمعتي
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
عن لسان حال العليله نعي
•┈┈┈••✦•••💚✿💚•••✦••┈┈┈•
هلي حملو عني وجفوني
واره ضعونهم تربي عيوني
انده ياهلي وياكم خذوني
بديرانكم وحدي لا تعوفوني
•┈┈┈••✦•••💚✿💚•••✦••┈┈┈•
تدرون يهلي صعب الفراك
وعليه بعيده ديار العراك
كلبي شلون اصبر الكم شتاك
لشوفتكم احنن والصدر ضاك
•┈┈┈••✦•••💚✿💚•••✦••┈┈┈•
بويه ليش منكم عزلتوني
شكد توسلت يهلي خذوني
وكت المغربيه ياهلي توحشوني
والله غيابكم غير لوني
•┈┈┈••✦•••💚✿💚•••✦••┈┈┈•
يبويه وين وداكم زماني
عل درب اريد اكعد وتناني
فركاكم يابويه هدني وعماني
لاخبر لاطارش منكم لفاني
•┈┈┈••✦•••💚✿💚•••✦••┈┈┈•
عيني عل درب صبح ومسيه
وماضن بعد الكم جيه
كطعت الضنه وهاي هيه
وضلت دمعاتي بجفاكم جريه
•┈┈┈••✦•••💚✿💚•••✦••┈┈┈•
┈••●••┈
︴ ︴ ︴
︴ ︴ ☆
︴ ☆
☆
قناة 🎬
℘(✍)⇣✿ ℘الشــاعرة 🌹🕊
العلويه ام رائد زوين ✨
نوحية للمسير
المستهل
سارو ابليل إخوتي اوغرب ضعنهم
وانه احشم خاف محد يبقه منهم
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
ردو خويه بلعجل لاتمشوني
هالدرب كله عذاب اورجعوني
ديارهم توحشني اوتبجي اعيوني
صحنه عليهم مارضو ساير دربهم
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
يحسين عن البيت لا تبعد اوردلي
خلينه والديوان زاهي ابنزلت اهلي
اشلون نمشي يخوتي ابياحال كلي
ياهو اليجي شيكول اهلي اوياضعنهم
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
اشلون شيلتنه يخويه ادخيل يسباع
نسوان هايه اوما امعلمه الهاي الأوضاع
لو راحو اهلي نظل بعد بس السمه اوكاع
شيصير بيهن هل الغوالي من عكبهم
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
اشمحله الرفاكه وي هلي اشما طال دربي
فرحانه مابين اخوتي اوفرحان كلبي
ابكلبي اكولن دايمه هايه يربي
يين اخوتي ومدلله مافاركنهم
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
شحلاته رفجت الوالي يلتشوفون
رفجة نزيها اومالي غير اهلي تعرفون
يارت دامت هلمسيره يهل الفنون
خوان عندي وفتخر ماكو مثلهم
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
ياراحلين الكربله اوشديتو الرحال
هاي العراضه الي اجتنه تفجع الحال
وحنه حرم ماشايفين اربات الدلال
كلتلهم اخذوني اولا اضل بمحلهم
❤️🔥❤️🔥❤️🔥❤️🔥❤️🔥❤️🔥❤️🔥❤️🔥
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه على روح الشاعره ام تحسين
جديد بالقناة من كتب المرحومة
أَبَدَاً وَالله...لا نَنْسَى حُسَيْنَاهْ...
-----------------------
هَالْجَرِحْ فَزِّ بْدِمَانَه وِالضَّمَايِرْ
يُبْگَه وَيَّانَه مَلِكْ بِينِ الْمَشَاعِرْ
مَا نِسِينَه كَرْبَلَه وْگَطْعِ الْمَنَاحِرْ
وِالصَّدُرْ ذَاكَه الِّذِي تَحْتِ الْحَوَافِرْ
نَسْعَى لِرِضَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
كَرْبَلَه قِصَّةْ عِشِگْ مَاكُو مِثِلْهَه
وِالْجِفِنْ سَطَّرْهَه بِدْمُوعَه الْيِهِلْهَه
كَرْبَلَه يَعْنِي بِنِتْ ضَاعَوْ أَهَلْهَه
كَرْبَلَه يَعْنِي مَرَه ذِبْحَوْ طِفِلْهَه
قَسَمَاً بِدِمَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
فَاطِمَه أُمِّ الْحَسَنْ يِجْرِي دَمِعْهَه
بِالْمَجَالِسْ حَاضِرَه تِلْطُمْ ضِلِعْهَه
وِالله هِنْيَالَه تَرَه كِلْمَنْ سِمَعْهَه
بْگَلْبَه تِنْحَبْ وِالْحِزِنْ غَيَّرْ وَضِعْهَه
كَمَدَاً تَنْعَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
هَالرِّزِيَّه بَاقِيه لْيُومِ الْقِيَامَه
مَا يِهِمْنَه الْعَاذِلِ وْحَچْيِ الْمَلَامَه
إِحْنَه عِدْنَه وَالِدِ احْتِرْگَتْ خِيَامَه
وِالسِّيَاطِ تْكَسِّرَتْ فُوگِ الْيِتَامَه
كُلٌّ نَادَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
بِالْگَلُبْ ذَبْحِ الْوِلِي تَارِكْ حَرَارَه
كِلْ شَعِيرَه لِلسِّمَه تُبْقَه مَنَارَه
نِلْطُمِ وْنِبْچِي عَلَى دَمَّه الْتِجَارَه
وْبَارْبَعِينَه بِالْمَشِي تِحْلَه الزِّيَارَه
نَمْشِي لِنَرَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
نِنْتِظِرْ يَمْتَه يِجِي بَدْرِ الطَّلِيعَه
يِطْلُبِ بْثَارِ الْوِگَعْ يَمِّ الشِّرِيعَه
حَاشَه يِنْسَه ثَارَ ابُو الْيِمَّه وْرَضِيعَه
وِالْغَرِيبَه زِينَبِ الْحُرَّه الْوِدِيعَه
فَمَتَى نَلْقَاهْ...لا نَنْسَى حُسَيْنَاهْ...
أَبَدَاً وَالله...لا نَنْسَى حُسَيْنَاهْ...
-----------------------
#محرم_١٤٤٦هج
الشاعر حسن خنافر العاملي
العاشــر چم جــرح گلبـچ ترك بي
وشفتــي خيــولهم صدره ترك بي
چــم طفله وطفــل زينب تـركبيه
ويركبچ ســوط مرجــانه وأمــيه
*
الشاعر
موسى البديري
قســم بلّـي جعلــهـا قبله لحسين
فــاز البـل خــدامـه قبله الحسين
زينب يوم طبعـــت قبله لحسين
بـده اهناك الـذبـح لأل الزچــيه
.....................
الشاعر
موسى البديري
*
١_كربلاء
٢_قبل خدمته
٣_يوم قبلة نحره
#من_ديوان_قربان_الطف_ج٧
قصيدة للمسير إلى كربلاء(رايحين)
❥━──➸➽❥❂❥━──➸➽❥❂
رايحين / وجيت اودعكم يجدي
رايحين / والدمع يجري اعله خدي
گاصدين لكربله … تمشي كل العايله
رايحين / رايحين
❥━──➸➽❥❂❥━──➸➽❥❂
راح نمشي الكربله شديت الاضعون
وجيت اودعنك وصبت هاي العيون
خذت كل العايله والگلب محزون
هناك ادري الگوم بيه هم يغدرون
رايح ومابعد ارد ... هناك بالطف انفگد
رايحين / رايحين
❥━──➸➽❥❂❥━──➸➽❥❂
عفت دار اهلي وتعنيت ارض الاطفوف
وبگلب زينب احسه بين الخوف
خايف اعلي والهضيمه باچر اتشوف
بجسمي چم طعنه تجي من ضرب الاسيوف
وزلمي كلها اعله الثره ... وهيه تبقه حايره
رايحين / رايحين
❥━──➸➽❥❂❥━──➸➽❥❂
آه يا دار الاهل رحت وعفتهه
وبتي الطفله العليلة فارگتهه
تعاين اعله الدرب مالومه اتركتهه
ودعت گبرك ودمعاتي اهملتهه
وزرت امي فاطمه ... ودمعي ينزل من دمه
رايحين / رايحين
❥━──➸➽❥❂❥━──➸➽❥❂
بحسرتي ناديت يمه يازچيه
اوداعة الله ودمعتي عالخد جريه
حملت وامشيت لارض الغاضريه
هناك راح تحل عله راسي الرزيه
تسلب اثيابي العده ... وابگه جثه امدده
رايحين / رايحين
❥━──➸➽❥❂❥━──➸➽❥❂
ورحت يم گبر الحسن جريت وني
گتله يا خويه النوايب تعبني
عدل ريت تزيل كل احزاني مني
هاي زينب نادتك خويه اسمعني
صاحت بحسره وألم ... امودعينك يا شهم
رايحين / رايحين
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
#من_ديوان_مسير_الفواطم_ج٥
*قصيدة للمسير الى كربلاء(ودعنه الاوطان)*
❥━──➸➽❥❂❥━──➸➽❥❂
ودعنه الاوطان ... ودعنه الاوطان
ودعنه گبرچ فاطمه
والدمعه صبت من دمه
والگلب حزنان ... ودعنه الاوطان
❥━──➸➽❥❂❥━──➸➽❥❂
ودعنه كبرج يم حسن يمه وبچينه
وسدينه بيبان النزل كلنه ومشينه
تعنيه لطف كربله وعفنه المدينه
وعباس گايد ناگتي ويحدي الضعينه
عباس اخذني لكربله
ومنه المدامع هامله
وحسين حيران ... ودعنه الاوطان
❥━──➸➽❥❂❥━──➸➽❥❂
حيران الحسين السبط والدمع بالعين
يعاين علي طول الدرب واعله النسواين
گلي يخويه تصبري ولا لا تخافين
گلته خويه خايفه لا يغدر البين
وياه طلعت بهيبتي
وما ادري يمته رجعتي
وي آل عدنان ... ودعنه الاوطان
❥━──➸➽❥❂❥━──➸➽❥❂
ما ادري يمته رجعتي يبن امي للدار
حاچيته جاوبني وحچه والدمع نثار
گلي اليصير بكربله وخبرني بالصار
تشوفينه باچر عالثره والگلب محتار
اشوفيني نايم عالثره
وعباس اديه مبتره
ونايم بتربان ... ودعنه الاوطان
❥━──➸➽❥❂❥━──➸➽❥❂
تشوفينه نايم عالثره بوسطة الحومه
مطبورة منه هامته وتنزف دمومه
احا يعملة كربله واحا ييومه
يغدرونه الگوم الكفر الشاعت علومه
بعامود راسه ينضرب
المعروف ساعات الحرب
وتنسبي النسوان ... ودعنه الاوطان
❥━──➸➽❥❂❥━──➸➽❥❂
للكوفه يسبون الحرم ويچتفوها
واطفال ما تحمل تعب ويعذبوها
وبنتي رقيه تنضرب ويسلبوها
كفار ما عدهم رحم ما يرحموها
وانتِ اسيره اعله الهزل
وايديچ مچتوفه بحبل
وبعازة اخوان ... ودعنه الاوطان
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
▪️قصيدة العليلة فاطمة (عليها السلام)
أَمَضَّ القلبَ داءٌ أيُّ داءِ ؟!
وغيرَكَ لستُ أعرفُ من دواءِ
بِبُعْدِكَ صارتِ الدنيا ظلاماً
فلا أدري صباحي من مسائي
أُسائِلُ عنكَ أعتاباً تراني
بضعفٍ وانتحابٍ وانحناءِ
فهل يا والدي ستقرُّ عيني
وتملؤها قريباً بالضياءِ ؟
أجيبُ "نعَمْ" سترجع دونَ شكٍّ
فيرجع لي الصدى بجوابِ "لاءِ"
أبي أصبحتُ هذا اليومَ أبكي
ولا أقوى على منعِ البكاءِ
لماذا الكونُ يكسوهُ احمرارٌ ؟
كأنَّ الشمسَ تسبحُ في دماءِ
ترى ذبحوكَ أمْ ذبحوا الأماني ؟
وهل قطعوا وريدكَ أمْ رجائي ؟
أبي ، في الريحِ أسمعُ صوتَ كسرٍ
فهل رضُّوا ضلوعَكَ في العراءِ ؟
ضلوعُكَ كنَّ للدنيا سماءً
اذا رُضتْ بها انطبقتْ سمائي
لماذا الأفق يخنُقُهُ دخانٌ
فهلْ بالنّارِ محترقٌ خبائي ؟
أبي ، مهدُ الرضيعِ يسيلُ نزفاً
فهل فطمتهُ أقواسُ الشَّقاءِ ؟
على قلبي سياطُ البعدِ تُلوى
كما تلوى السياطُ على النساءِ
وهل صارتْ رُقيَّةُ في السبايا ؟
فحُجْرتُها غدتْ بيتَ العزاءِ
لقدْ راحتْ وبالموتِ استراحتْ
وبتُّ أموتُ دوماً في بقائي...
#قصيدة_العليلة
#اللهم_عجل_لوليك_الفرج
علي عسيلي العاملي
#مجالس_محرم_الحرام_١٤٤٦هـ
💫💫💫
<<العليله>>
صفنات الفاگد صفناتي .. وارسم بظنوني
أترس ايدي بدمعاتي .. ياماي عيوني
حسين .. عالماي اكتب اسم الغالي
حسين .. لعيونك يعطش دلالي
ياماي عيوني
✳✳✳✳✳✳✳
محد يطفيلي شوگي .. البيه يحرك من عفتني
تجوي مو بس بدليلي .. نار الفراگ اعلى متني
هدمت عمري البواجي .. ومن جفاكم شيبتني
كربله مني خذتك .. ودنيا من جفك خذتني
مجتوفه انه بسجن همومي .. ياقاضي جروحي
هم ترجع يابويه الدارك .. لو تاخذ روحي
حسين .. ظل يبجيلك حته اخيالي
حسين .. لعيونك يعطش دلالي
ياماي عيوني
✳✳✳✳✳✳✳
يالثنيتكم مظلمه .. الها يمته يرد كمركم
ويه الضعن مشدوده روحي .. وكاعده ابابي انتظركم
نسمه مامرتني منكم .. لارساله ولاعطركم
شگد احن الفيكم انه .. فدوه اروح انه لخيمكم
عبدالله بعيني ارسم طوله .. و دم يتراوالي
ومذبوحه بسيف الهلهوله .. وطايح جم غالي
حسين .. بضعنك مشدودات آمالي
حسين .. لعيونك يعطش دلالي
ياماي عيوني
✳✳✳✳✳
اعرف الهم والمدامع .. والله موزينه على صحتي
افتح القران واخذ .. خيره بلكي ترد ضحكتي
طيره جنت بظل ابوي .. وكسرت جناحي حسرتي
العلكمي ينشف زلاله .. وانه ماتنشف دمعتي
ماانامن يابويه بطيفي .. خاف يذبحونك
و اسم الله الزهره اسمع كالو .. بخيل يسحكونك
حسين .. وراسك عالرمح وعالي
حسين .. لعيونك يعطش دلالي
ياماي عيوني
✳✳✳✳✳✳✳✳
وين اروح بديرة اهلي .. عني سافر كل مؤانس
روحي ورده وذبلاها .. فراك اهلنه وغصني يابس
امنياتي رايده اعرف .. ياهو جون وياهو عابس
وبصلاته جنت اسمعه .. يندعي لاهل المجالس
من يكعد جان يسولفلي .. شكد عن صحبانه
سبعين وكلهم بالعاشر .. يفزعون ويانه
حسين .. ومن اصورهم اترس بالي
حسين .. لعيونك يعطش دلالي
ياماي عيوني
✳✳✳✳✳✳✳✳
علي حسين المنصوري
امشي بضعن مابي اخوو وانوووح
ونظر على ارماح العدووو بجروووح
حرام .. راسك يرفعونه
حرام .. منك يحرمووونه
*----------------------*---------------------*
من ارفعت راسي الك وانظر عيونك
احجي بدمع واتوسلك ياخوي وينك
هذي رقيه ابنيتك ضلت بدونك
تكعد يبعد اختك ترى محتاجه عونك
ياخويه شحجي واشجره وصار بيه
ضربوني عدوانك ترى ومجتوفه اديه
حبال ..شدو بديه
حبال... جتفو رقيه
*----------------------*---------------------*
بين الدروب تحيرت وأنظر للوجوه
عدوان دارت بالحرم وبالشر تلكوه
رأسك يخويه عالرمح كدامي رفعوه
يكولون هذا الخارجي وكليبي فطروه
مستبشره العدوان اجت تنظر للرماح
وأنا أنظر لراسك يصدلي والدمع طاح
الحنان ياحيف جافاني
الحنان بكلوب خواني
*--------------------*-------------------*
ياكافلي يا ابا الفضل انظر متوني
مورمه يخويه من الالم من يضربوني
لن صوت صاح من الرمح خيتي ارحميني
لو بيدي اكطعهم الج وداعت عيوني
عذريني يازينب ترى اسهام المنيه
كلهن اجن بيه ورمني اعله الوطيه
اشيل .. راسي ويضربوني
اشيل .. عيوني ويهضموني
*---------------------*--------------------*
امشي وأهل دمعي بصمت واتنفس الآه
وبروحي أضمن اخوتي وانزف الويلاه
محلى الاخو ويه الاخت لو تمشي وياه
هيبه إلها أخوها ولو مشى تنذل بلياه
يحسره تضل دون الاخو تجرع مراره
متيسره والاسراها يريد ثأره
يجون اهلي اللي عافوني
يجون بجرحي يشوفوني
*----------------------*---------------------*
للخرابه من خذونه احنا نهضمنه
هناك خويه حسين احنا اشكال شفنه
طفله من العطش ماتت وانتحبنه
ليلى رمله والرباب بصوت صحنه
لن شاهدت راسك علي خويه نظرته
يازينب بداعت ظلع امي سمعته
ضلوع ..من امي كسروها
ضلوع .. مني يهشموها
*--------------------*----------------------*
كلمات .. محمد النوري
كلمات..حاتم العتابي (طال الانتظار يامهدي )
يمظلوم اختك سبيه
يمظلوم بـالـغاضـريه
يمظلوم عفتك رميه
ـــــــــــــــــــــــــــــــــــــــــــــــــــــــ
سبـونـي خـويـه سـبـوني
سبـونـي ولـيـه ولــونــي
سبـونـي خـويـه اشتموني
سبوني واحمل اذيه
ــــــــــــــــــــــــــــــــــــــــــــــــــــــــ
عـلـى الأآه تـهـمـل دمـعـتي
عـلـى الأآه رحـت اپـغـربتي
عـلـى الأآه ضـلـت حسرتي
على الأآه لبن الزچيه
ــــــــــــــــــــــــــــــــــــــــــــــــــــــــ
رحت وين عـنـكـم يالأطياب
رحت وين ظل دمعي سچاب
رحت وين بـديـار الأجـناب
رحت وين عنكم سبيه
ــــــــــــــــــــــــــــــــــــــــــــــــــــــــ
يــدهــري خـويـه هـظمني
يــدهــري خـيـب ألي ضني
يــدهــري زيــدلــي ونـــي
يــدهــري حيل اگصه بيه
ــــــــــــــــــــــــــــــــــــــــــــــــــــــــ
يـعـبـاس خـويـه اشيجيبه
يـعـبـاس بـي شـح نصيبه
يـعـبـاس اخـتـك غـريـبـه
يـعـبـاس رحت امن اديه
ــــــــــــــــــــــــــــــــــــــــــــــــــــــــ
على الزان ابــن الـزچــيــه
على الزان. يـنـضـر عـلـيـه
على الزان ودوه هــديــــه
على الزان لـبـن الـدعـيـه
ــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خـالـد عـامـر الـزيـادي
#شهر_محرم_الحرام
القصيدة الثامنه 8
زينب حايره _شور
زينب حايره وتطي الوجه وين
بالطف طاحو العباس وحسين
الجانت عايشه بنص گلب عباس
هسه داخله بنص الدواوين
الجانت ريت حسين
دخلت بالدواوين
طاحت نده عل الكاع
طاحت وركت التين
طاحت.. مكسورت گلب
طاحت.. وبين الغرب
طاحت.. والمدمع يصب
ويلاه ويلاه
..........................................
من ديوان تطلع تدخل بسوك
تركض حافيه والجدم محروك
بنات الشام صاحن كلهن بصوت
صعدوه خطيه زينب بنوك
شماته هواي بشام
مايرحمون ضلام
صاحو كلهم بصوت
بهيمه زينب تنام
نامت.. مهمومه وتون
نامت.. متروسه حزن
نامت.. ماطبكت جفن
ويلاه ويلاه
...............................................
حتارت والمصيبه شتحجي وتكول
على جسم الحسين شوف الخيول
تسحك عل صدره بحيله دوس
وتفتر عل عياله الخيل وجول
زينب صاحت اب اه
اخيي الخيل فوكاه
الهندس صعد عل كمره
وخله النور جواه
صاحت.. الحك كافلي
صاحت.. طاح امدللي
صاحت.. محد ضال الي
ويلاه ويلاه
...............................................
صفنه اجيبه وتاخذنه صفنه
تفكر بالحسين شلون دفنه
حترت بالحسين وبين الايتام
تلم ايتامه حسين التجفنه
زينب تهب نسمه
تلم حسين جسمه
بعبايته تجفنه
ومن نحره تشمه
صارت.. لحسينه جفن
صارت.. وبكليبها ندفن
صارت.. لبن امه وطن
ويلاه ويلاه
...........................................
خادم العليلة
علي الحاتمي
مو عجيبه .. راسك تكلم
العجيبه .. خدري التهدم
مو عجب راسك قره چم آيه
والعجب كله يخويه اسبايه
وين لحسين .. وين عباس
@@@
مو عجبه المصرع .. وجسمك يتگطع
العجبه نطلع .. بلا اگناع
مو عجبه هچي .. لو راسك يحچي
العجبه نبچي .. بلا گناع
…
مو عجيبه البطل يوگع بالدمه
ومن حقد اعداءه صدره مهشمه
ومو عجيبه الربنه وحيه ألهمه
ميت ويحچي بسور من محكمه
العجب والتنطبگ بيه السمه
الشمر يضرب بنت حامي الحمه
…
العجب زينب .. هالاسيره
وهيه اخوها .. ابوغيره
شلون ضل ابنومته عالثايه
والعجب كله يخويه اسبايه
وين لحسين .. وين عباس
@@@
لونك يعيوني .. تسألني شلوني
بعدك اسروني .. بولكبر
وابرمحك آيه .. نقراها هوايه
بين السبّايه .. بولكبر
…
خويه بعدك كلشي صاير صعب
من طحت وخيامي چن ساحة حرب
بس نسا تركض كسيرات الگلب
وطبوا اعلينه ويسلبونه الغرب
والاشد غصبن علينه وننضرب
وراسك ابنص المخيم منصلب
…
هذا يشتم . وذاك بالسوط
وابدمانه .. الدمع مخلوط
بعدك اتعذبنه خويه اهوايه
والعجب كله يخويه اسبايه
وين لحسين .. وين عباس
@@@
واشعظم الليله .. بن سعد او خيله
حاطوا هالعيله .. سبايه
وحصروا للخدر .. ولطفالي تنهر
وخلونخ بالبر .. سبايه
…
ياللي عالرمح ونزف دم الوريد
جمعونه بهالفلا طغمة يزيد
ونسمع اصوات السلاسل والحديد
وربطونه بالحبل ايد اعله ايد
وخل اخبرك شالجره تالي وازيد
عاملونه چنه يا خويه عبيد
…
جمعونه .. بهيمة البر
والمتقبل .. گوه تنجر
وغصب عنك ننسحب مشايه
والعجب كله يخويه اسبايه
وين لحسين .. وين عباس
@@@
هذي محروگه .. هذي مطگوگه
وهذي مخنوگه .. ابحزنه
وانته بوالغيره .. وفجعتنه اكبيره
ما إلنه جيره .. ابحزنه
…
هذا يرگض وره بنت وسلباها
وشتم امها وشتم تالي هم اباها
وذيك في سلبي التراچي عذباها
جر اذنها ابليه رحمه وانهباها
وطلفه تحت اخيول اميه بنت طه
تركض وجاها الدعي ابخيله اوطاها
…
هذا ضامي .. ومات عطشان
وذاك ينخه .. گمر عدنان
وذاك ماسك من طرف بالرايه
والعجب كله يخويه اسبايه
وين لحسين .. وين عباس
@@@
صرنه عالهزل .. ابكل خطوه ننذل
وكافلني امنول .. بوفاضل
شماته اعلينه .. الشمر ايجينه
وينادي وينه .. بوفاضل
…
والله عجبه بت علي تحديها لرجاس
وحولنه ابسب وشتم مجتمعه حراس
والشمر تدري يخويه ابدون احساس
اگبالنه ايهز الرمح ويطيح الراس
يشمت اعلينه ويگلنه وين عباس
ولو بچينه تجتمع للفرجه هالناس
…
شلون تالي .. من عمرنه
بين اسواگ .. فرجه صرنه
خارجيه الناس بس حچايه
والعجب كله يخويه اسبايه
وين لحسين .. وين عباس
@@@
وانا مچتوفه .. طبيت الكوفه
وعيني مخطوفه .. يويلي
ديرة والدنه .. صارت موعدنه
بديوان الضدنه .. يويلي
…
ابن مرجانه فرح عنده نصر
وأمر خلوا بت علي گبالي تمر
وگال شوفي راس اخيچ منحر
وانا من شفتك تمنيت الگبر
گبالي راسك بالطشت حطه ابكتر
وثغرك ابضرب العصا دمه يخر
…
اتشفه بيه .. ابن مرجان
وكان يضحك .. وهو سكران
هاللي چان الذلتي بس رايه
والعجب كله يخويه اسبايه
وين لحسين .. وين عباس
@@@
علي احمد الحمود
٢٦-٧-٢٠٢٣
السبي
دخول الكوفه
محرم
نعي لسان حال مولاتي زينب عليها السلام
من وصلت للكوفة والناس طلغت تتفرج علی السبايا مولاتي تذكرت بالامس كانت اميرة الكوفة واليوم تاتيها علی ظهور عجف النياق . تلتفت يميناً ويساراً لم تجد احداً ذو رحمٍ يرأف بحالها ويرق قلبه عليها .. كاني بها قالت والالم يحرق قلبها والحسرة بانت بعينيها ..
آه آه آه يامولاتي
حسبالي هلي يتبعون ظعني
لسه ولا زلمه ال تبعني
ابوي اظنّه ماسمعني
درب السبي ذلّه شبعني
🏴
ياحيدر بطرگ العبايه
طبيت آنه والسبايه
وجه الخدر يتبدّه مايه
لاهودج او لا فوگه رايه
🏴
بويه
گوم واستقبل بناتك
غطّيهن بهيبة عباتك
ياحيدر وداعة غلاتك
الهظم مسنه ورايداتك
🏴
ممشه البراري ماهو انّه
من الفشل ميتات چَنّه
حته الهزل ونن الونّه
يابويه اجاك اعتاب منّه
🏴
امن المستحه يبست لهاتي
اخاف الهوه يحرّك عباتي
نندب الغوث آنه وخواتي
ماگلت حي الله بناتي
🏴
ماندري بعد الكوفه لا وين ؟
چم ليله چم يوم ومرحلين ؟
مانعلم ليا ديره ماشين
ياعلي جاي ادخل دواوين
🏴
لا حول ولا قوة الا بالله العلي العظيم
ام محمد الحجاج
ابو ذيه وصول السبايا للكوفة
لسان حال مولاتي زينب عليها اليلام
🏴🏴
يمن لا گالهه الله انطب // نجفهه
او وگفه بسوگهم لازم // نجفهه ( نوگفها )
الدموع سيول مانگدر // نجفهه
الحبل من هل سبيه لهل سبيه
🏴🏴
نصر عدهم تلگونه // يطبلون
لون يروح هلوادم// يطب لون
وجهي اطوار كل ساعة // يطبلون
اليبيع اليشيري يتفرّج علبّه
علي بويه
🏴🏴
اجيت وللظعن مامن // علم .. عون
اتّفرّج طلعت الكوفه // عَله ام عون
الهظم ياعلي ماتدري / عِله ام عون
تدير العين والدمعه جريّه
🏴🏴
انسبينه وفرهديتو // مال اهلنه
النجف مو مال اميّه // مال اهلنه
مافزعو ورانه // مال اهلنه
تره اضحايه اتركتهم عالوطيه
🏴🏴
العدكم هذن كلهن // خيل اهنّه
وماظل يرد بينه // خي لهنّه
من راسك اتعذّر // خي لهنّه
المصايب . يمن تنزف بس حميّه
🏴🏴
ام محمد الحجاج