7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*القصيدة من ديوان 📚 مسير الفواطم لإرض المظالم الجزء الاول*
*قصيدة للنزول (نصبو خيم بيها)*
❥━──➸➽❥❂❥━──➸➽❥❂
نزلو كربله ونصبو خيم بيها
وزينب خايفه اليوم اعله واليها
❥━──➸➽❥❂❥━──➸➽❥❂
زينب خايفه اعله حسين وعياله
وصلت كربله و العين هماله
وخاف تميل بيهه الدنيا مياله
ضلت بس تون والعين تجريها
❥━──➸➽❥❂❥━──➸➽❥❂
ضلت بس تون ودموعها بخدها
عله الوليان بس الله يساعدها
وصلت كربله ولا حيل ضل عدها
باجر ضيم وامصايب تراويها
❥━──➸➽❥❂❥━──➸➽❥❂
تراويها مصايب وادي الطفوف
وذبح خوانها گدامها تشوف
وتشاهد رؤس اهلها مگطعه بسيوف
وحيده تظل ولا واحد يحاميها
❥━──➸➽❥❂❥━──➸➽❥❂
وحيده اتصير من عگب التكفلها
انزلي الخيمتچ راعي العلم گلها
ضلت حايره وادموعها تهلها
اخيام البين گالت مااطب ليها
❥━──➸➽❥❂❥━──➸➽❥❂
اخيام البين گالت ماريدنها
تون اليوم زينب عالزلم ونها
عازنها والطمن دوم عازنها
غريبه ورايده احباب التعازيها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
#جديد
#النزول_بكربلاء
وزن : الموشح
.
.
وصل من درب البعيد لكربله
ونزل بيها وَيَّه أصحابه وهله
اليوم للطف وصل عامود الشرف
وحوله كل جملة بني هاشم تحف
وسَلّم اعله الساكن ابأرض النجف
وفَزَّت أرض النايبـــه تستقــبلــه
نزل بيها حسين مَحله نــزلته
وابأمان اعيونه نزلت عيلته
وعلَّگ العبـاس يمـهم رايته
وبالهوا فاحت عُطور المرجله
ونزلت المهيوبه يحرسها الگمر
وابجلاله حط خِيَم بنت الفخر
ابعين أبو فاضل فلا ايمسها خطر
والضعن عباس هُوّه الكافله
حطَّوا ويدرون هاي أرض الأجل
وأرض بيها اجسومهم تصبح وِصَل
وينذبح شيـــخ العشيـــره والأهل
والرضيع اتصيبه نبـــلة حـــرمله
حطَّوا ويدرون شنهو اللي يصير
وغير هالأصحاب ما عدهم نصير
ومن عگبهم عالهزل زينب تسير
وتنسبي الحره اعله نوگ المايِله
___
تمت ببركات مولاي أبا الفضل العباس عليه السلام
#فاطمة_كريم
٢٠٢٤ م
#جديد
#النزول_بكربلاء
#فزاعية + طور : حسين ذب اعمامته
.
.
للطف أبو اليمه وصل
حيّاك صاحت كربله
__
بيها نزل وي عيلته
وويّاه نزلوا صُحبته
لأرض اللي بيها ذبحته
ويدري بهضمها والبله
__
أرض المنـايا نـادتـه
وبالدمعه چنها حيِّته
واستبشرت من نزلته
هالشرف وين اتحَصِّله
__
چن نادته أرض الطهر
ومن عنده ظلت تعتذر
واتگله مو طبعي الغدر
بس هالفجيعه امسجله
__
موعوده بيّه الفاجعه
وبارضي تصير الواقعه
وتُبگه الجُسوم امگطعه
واتظل دِماكم سايــله
__
اعذرني يبن المصطفه
لو شمع جسام انطفه
ورُگبة رضيعك نازفه
وجثة علي متفصله
__
اعذرني لو شفت الگمر
مذبـوح طايـح عالنهـر
ولو صرت مكسور الظهر
وشفت الأهالي امچتله
__
اعذرني يبن الطاهره
لو صار جسمك عالثره
وصدرك الخيل اتكسره
وبالغصب زينب راحله
__
تمت ببركات مولاي الحسين عليه السلام
٢٠٢٤ م
▪️أرض المنيه▪️
في نزول كربلاء
نزلونه الغاضريه
ودمعة اعيوني جريه
جنها هاي ارض المنيه
ودار الفراق
———-
اسم الله ياروحي عليهم لاتونين
هيبة الهادي اشوفن ويّه ابو حسين
وين مااصدن نجوم اتفرّح العين
هذا بو الاكبر شمسهم ويّه إلحنين
امعلگه بيهم ياروحي
فرحتي همّ اويه نوحي
جنها هاي ارض المنيه ودار الفراق
—————
ياهوا هونك عليهم كلهم احنان
والله اجابلهم وقلبي بعده لهفان
خاف شمسج ياسما اتغيّر هالالوان
حدرج اضمايا اشوف ابلايه اكفان
سولفت روحي مصايب
هنانه نبديها النوايب
جنها هاي ارض المنيه ودار الفراق
——
علي وي جسام حولي جنهم اورود
يمه واسم الله الشفايف ويّ الخدود
هم يفطرها الضما واتْغَيْر إلجلود
يازماني بالهضم وشمالك اتجود
ياصبر روحي الشجيه
يمه وينج يالزجيه
جنها هاي ارض المنيه ودار الفراق
———-
فدوه لعيونه كفيلي وفدوه للروح
اتصدن اعيونه عليه ايردلي وا يروح
مدري اشماله دليلي ايصد له واينوح
جنها يا زهره المنايا اعلينه اتلوح
عميه كون اعيوني يمه
اشلون احمل زهره همه
جنها هاي ارض المنيه
ودار الفراق
————
آه يمه وين اروح انشوفه دامي
بأخر انفاس المنيه ايصيح ظامي
آه ياسهم المثلث صدره رامي
والشمر يمه يحزه ابسيف أمامي
وتسحگ الخيل اعله صدره
كل عطم يمه تكسره
جنها هاي ارض المنيه ودار الفراق
————
شيل يابعد العقيله ابروحي اشلون
عفيه ظل الحيل خويه وظلت اعيون
فطرت قلبي طفوفك قبل ماتكون
امشي مسبيه يخويه وقبلي تمشون
امشي والروس انظر الها
كلشي روحي ظن كِتَلْها
جنها هاي ارض المنيه ودار الفراق
————-
بنت الشمري
٢٠٢٤
▪️دار احزان▪️
فزاعيه
في نزول كربلاء
ونت الليله العقيله
من وصلنه كربلايه
————
ونت ابدمعه شجيه
آه يايمه الزجيه
هاي ارض الغاضريه
دار احزان وبلايه
———-
شيل عنها يبو اسكينه
والنهر اسمع ونينه
بيها شو روحي حزينه
وجنها إالعزي النهايه
———-
بيها مكتوبه النوايب
كلها آلام ومصايب
منها قلبي خويه ذايب
وهاي ياخوي البدايه
———
قلبي يمه الله اليعينه
مصرعه ايخطه ابيمينه
ايغمض بهالقاع عينه
وكلها تتذبح ضمايه
————
شيل عنها آيغالي
كدرت كربله بالي
شيل ياعزي ودلالي
بيها لاحتلي المنايه
————
#بنت_الشمري
نعي نزول الامام الحسين عليه السلام في كربلاء
حين الوصل ضعن الحسين لكربله
گال ابواليمه ما اسم هاي الفله
گالوله ارض الغاضريه ونينوه
گال منعدهه احس گلبي انجوه
ها هنا حطو الرحال من السفر
ياصحبتي وياهلي وكل الفخر
هنا يحل بينه المصاب من الكفر
سمعو اوصيكم جميعن بالصبر
بالطفوف تسيل منعدنه الدموم
والحرم واطفال محتاره وتحوم
الروس مرفوعه برماح العاليات
والنسه يسبوهه وسط النايبات
.............................................
خادمكم مالك السعيدي
#حج_البيت ١
وضــع لـلـدين ربـنـه افـروعـه العشره
وفـرع من عِـدها حـج الـبيـت يعتبـره
حــج الـبيت واحـد مـن فـروع الـدين
للـعنده اسـتـطاعه ومـقـدره وتـمكين
فـرض واجـب يـصيـر وبيـه مـعتقدين
ويـسـقط هالـفرض عالـيفقد الـقـدره
إبــشِــر بـالسـعـاده يـالتـحـج الـبيـت
مــن لـطـف الـجـلاله لـواجـبك أدِّيـت
بـارينـه اطـلبك وانـته لـهالطلب لـبِّيت
وبــحـكـم الـفـريـضـه نــفَّــذِت أمـره
#جابر_الكاظمي
#حج_البيت ٢
فـرض الحج وجوده ابعالـم الـعـرفـان
للمـؤمـن يـمـهِّـد مــسـلـك الإيـمـان
إحـسـاس وشـعــور ايـراود الإنــسـان
مـــن يـنـظـر الـكـعبه يـنـشرح صدره
وآنـه اشـمـا أصــد لـلكعبـه وانـظرها
واشــوف الــوادم اتـطـوف ابـستايرها
يـهـل دمـعـي وخـيام حـسين أذكـرها
واذكـر عـالـخيم مــن طـافـت الـعتره
#جابر_الكاظمي
#حج_البيت ٣
وللإحـرام مـن ألـبـس تـهـيـج الــروح
واتـذكَّـر حسين ابــلا چفـن مـطـروح
أصيح ابصوت حزني والدمع مسفوح
جــرح الگلـب مــا يـتـشافه بـالـعبره
وعـنـد الـتـلبيه ابگلـبي الـهضم يـزداد
ولـو لـبِّيت أذكـر صـوت أبـو الـسجـاد
لـمّـن رفـع بـالـطف صرخة اسـتشهاد
هـتـف لـبّـيـك يــا ربـي وبـذل عُـمـره
#جابر_الكاظمي
#حج_البيت ٤
وبـين الصفا وبـين الـمروه مـن أسعه
تـحن روحـي وأصب دمعه بأثر دمعـه
وعبد الله أذكــره و حـالـتـه ووضـعـه
بـيـن احشاه نـار العطش مـسـتـعـره
#جابر_الكاظمي
#حج_البيت ٥
ولمّن سـعت هـاجر بـالـحزن والـهم
ارتـوه اسـماعيل ابنها وانـفجر زمـزم
وعـبد الله الرضيع ارتوه ابفيض الدم
وگلب أمه الـرباب اسعرت بيه جمره
وكلـما رِدِت أسعه وأگطـع الأشــواط
أذكــر زيــنـب وأذكــر گلـبـها الشاط
ولمّن سعت بـين حسين والفسطـاط
واخوها اعـله الـرمال امگطَّـع اتنظره
#جابر_الكاظمي
يا حسين رد العايلة...والخيام فلشوها
......
لا تبني يا حسين الخيم
باچر يسلبوها الحرم.
وتصيح وين اهل الشيم
من زينب يضربوها
...........
باچر اخيتك تنسبي
الحداي خويه اجنبي.
تبقى علينا بس عبي
وخيامنه يحرگوها
...........
باچر رقية تنضرب
وزينب عليها تنشعب
تركض اطفالك بالحرب
واطفالك يذبحوها
..........
باچر كفيلي انودعه
وهاي اكبر فاجعة
وزينب تضل مولعة
من جبهته يصوبوها
...............
باچر رضيعك ينذبح
وبالدم تشوفه منسدح
وبالرگبة نابت هالرمح
وسكينه يفجعوها
..............
زينب سبية وتنولي
تصيح وينك يا علي
عافوني بوية كل هلي
وكل اخوتي چتلوها
.............
اطفالك تبقى مطشرة
والنار بيها موجرة
وسفة حيدر ما درى
وبنته العده يشتموها
................
لخادمة الحسين عليه السلام اسمهان المالكي
😭😭😭😭😭😭😭😭😭😭😭😭😭😭😭😭😭😭😭😭😭
یرایح للحسین اویاك اومیلي
علی الشباچ گله العاگني حیلي
جسمي ما مشه بس روحي وادلیلي
بکل لوعة الفاگد چودرت یمه
✍️ام ضیغم المحنا
😭😭😭😭😭😭😭😭😭😭😭😭😭😭😭😭
#قصائد_في_خدمة_الخطباء
#محرم_١٤٤٦
#الوصول_الى_كربلاء
(طور البحراني)
يا جدّي هذي كربلا أرض النّوايب
بهاي أَنْمنِع عنّ العذب ويَّه الأطايب
اهنا كلشي عنّه خبّرت يجري عليّه
اهنا توگع اصحابي يجدّي عْلى الوطيّه
اهنا إبني لاكبر أنظر دموعه جريّه
وگلبي يظل من الحزن والحسره نايب
ابهاي الأرض يوگع على التّربان جاسم
وبهاي عبدالله الطّفل ما يلگى راحم
اوعبّاس جسمه عْلى النّهر ما يبقى سالم
يوگع عضيدي وتبتدي أصعب مصايب
عين العقيله تالي تشهد جسمي مطروح
فوگ الأرض تنظرها كثره بيّه لجروح
والأصعبِ عْليها إذا شافتني مذبوح
الرّاس عْلى لِرماح وْجسد فوگ التّرايب
#عظم_الله_أجوركم ◾️
فاطمة علي رزق
اسألكم الدعاء
فمن كان يدّعي الاتباع والمحبّة للنبيّ صلى الله عليه وآله وسلم لا ينبغي أن يظلم ويكفّر غيره من المسلمين باسم النبيّ صلى الله عليه وآله وسلم الّذي قال الله عنه: ﴿وَمَا أَرْسَلْنَاكَ إِلَّا رَحْمَةً لِّلْعَالَمِينَ﴾28، وعلى المسلمين منع إساءة المنكرين لنبوّته صلى الله عليه وآله وسلم ، فكيف يقومون هم بالإساءة؟!
▪تمهيد للمصيبة
نعم،لقد ادعوا محبة النبي ص وقد آذوه عندما دفعوا مولاتنا فاطمة خلف الباب وكسروا ضلعها واسقطوا جنينها..اي محبة هذه..منعوها من البكاء على ابيها ..ثم لم يتبعوا اوامر الرسول ص بما يختص بولاية امير المؤمنين علي ع ولم يكتفوا بذلك..بل سمموا الحسن المجتبى ع.. غدروا بالاماك الحسين ع واخرجوه من مدينة جده رسول الله..ارادوا قتله اثناء ادائه
الحج ولو كان معلقا في استار الكعبة..ترك المدينة وتوجه قاصدا كربلاء ..
الى ان وصل الى كربلاء،توقف جواد الحسين ع..نهره لم ينتهر،بدل الفرس وكذلك لم يتحرك الى ان بدل سبعة افراس،عندها سأل الامام الحسين عليه السلام عن اسم الارض التي وصلوا اليها..قالوا تسمى نينوى،فسأل: ألها اسم اخر،قالوا تسمى شط الفرات،قال الها اسم اخر،قالوا تسمى الغاضرية،قال الها اسم اخر،قالوا تسمى كربلاء...
عندها تنفس الصعداء وقال:نعوذ بالله من الكرب والبلاء..
حطوا الرحال فذا محط رجالنا وخيامنا
وهنا تكون مصارع الشهداء
انزلوا ها هنا محط رحالنا
ها هنا تسفك دماؤنا..
ها هنا تسبى نساؤنا
ها هنا تحرق خيامنا.
ومضت الليالي حتى كان ما اخبر به الحسين عليه السلام..من قتل وسفك دماء وحرق خيام ..هذا وزينب تجر اذيالها والفاطميات حولها..حائرات ..لا تدري ماذا تفعل.. دخلت كربلاء في عز ووقار..حولها اخوتها وحُماتها ولكن اليوم لا ولي يدافع عنها ولا محامي ولا كفيل..وهي تستغيث ولا تغاث..راحت تنادي امها الزهراء وابيها علي ..نادت جدها رسول الله
تعالوا لابنكم غسلوه والكفن ويّاكم دجيبوه
وجيبوا قطن للجرح نشفوه وعلى اكتافكم لحسين شيلوه
وبهداي وسط القبر خلّوه
لكن لهفى نفسي لتلك الغريبة..فلا من مجيب يجيب دعواها..
لاذن بالجسد المطروح على تراب كربلاء..
رأتهُ بتلك الحالة حجرٌ قد صَكَّ جبينه
وسهمٌ أصابَ قلبه الشريف
والسّهام والنّبال تدميه
وهي تحاكيه ،تناديه ولا تسمعُ جوابا
العيون غائرة..~
والشّفاه ذابلة..~
والخدُّ تريب..~
والبدن سليب..~
صاحت واحسيناه واغريباه وأخاه
ليت الموت أعدمني الحياة:
ذَبلانه العُيون هواي
ولا يِقدر يحاكيها...~
قلبَه من السّهم مجروح
ولا يدري شْ حصل ليها...~
مفجوعه بسهام عيون
يأَشرون العِدى عليها...~
يا ريت الصابك بقلبك
صوبني يا بعد الروح...
وصلت تِحسب جروحَه
وتتمنى وداع أحباب...~
ولن شافت شمر جاها
وقلبها مِن الرُّعب ماطاب...~
عساها طالت اللّحظه
ولا شافت نحر منصاب...~
اخوها موسّد التربان
ودمعها عالولي مسفوح...
عرفنا اللّي يحضره الموت
يجي يَمّه هله و خلاّن...
هذا يسكب دموعه
وهاذي ترتّل القران...~
هذا يعدل برجليه
وذاك يوسّده باحزان...~
لكن خويه بو اليمّه
نايم عالثّرى مطروح...
ساعد الله قلب زينب كيف تركت كربلاء بأية حالة.. راحت تودع جسد اخيها وهي على ظهر الناقة..
تودع زينب المظلوم
من فوگ الهزل وتنوح
عنّك راحله بهاليوم
وجسمك بالفلا مطروح
🔺🔺🔺
حال اختك يفت گلوب
تعال وشوف هالحاله
يمشوها الغرب بدروب
والدمعات همّاله
راسك عالرمح منصوب
وجسمك باقي برماله
وشيبك. بالدمه مخضوب
آه يا حسين يا مذبوح
🔺🔺🔺
الله وياك يبن امي
لوحدي وفاگده الولیان
عفتک عالثری مرمي
بروحي هاجت الاحزان
راسك عالرمح دامي
وخضيب الشيب يا عطشان
دمعي عله الوجن سچاب
وگلبی علیک ضل ینوح
🔺🔺🔺
ردت انصب عزيه عليك
يخويه حسين منعوني
خذوني بالغصب عنك
ولارض الشام ودوني
انه اتمنيت اظل يمك
ولا منك يحرموني
ارويك بدموع العين
وانشف دمك المسفوح
✍🏻خادمة آل محمد ص
ابيات الدعاء ونسألكم الدعاء
خلي قلبك مع ام المصائب زينب عليها السلام
ها يدنيا..ما رحمتي بهذا حالي
ها يدنيا..ساهرت كل الليالي
ها يدنيا..صرت حرمه بلايه والي
ها يدنيا..حالتي صعبه ورهيبه
ها يدنيا..زينب وأصبح غريبه
ها يدنيا..وعل هزل امشي سليبه
ها يدنيا..عفت اخوتي أعله الترايب
ها يدنيا..والگلب يا ويلّي ذائب
ها يدنيا..اسمي صار ام المصايب
ها يدنيا..زينب آنه وتعرفيني
ها يدنيا..ابد مابطّل ونيني
ها يدنيا..من الحزن دم تجري عيني
الشاعر محمد حسن ضيغم
مالي حمىً بعد الحماة بكربلا
فبمن الوذ وقد اتتني صعاب
يا الله
نسألكم الدعاء
إذا كنّا حقّاً نحبّ الله بحيث ظهرت آثار ذلك الحبّ في أعمالنا وأخلاقنا، من خلال اتباع من فرض الله طاعته: ﴿قُلْ إِن كُنتُمْ تُحِبُّونَ اللّهَ فَاتَّبِعُونِي﴾5، فإنّ الله تعالى سيحبّنا أيضاً بالمقابل: ﴿يُحْبِبْكُمُ اللّهُ﴾6، وسوف تظهر آثار حبّه لنا من خلال غفران الذنوب، وشمولنا برحمته الّتي وسعت كلّ شيء: ﴿
وَيَغْفِرْ لَكُم
ْ ذُنُوبَكُمْ وَاللّهُ غَفُورٌ رَّحِيمٌ﴾7، وهذا معنى شفاعة نبيّنا صلى الله عليه وآله وسلم.
فما هو معنى الحبّ؟
معنى الحبّ
فالحبّ: هو الوداد والمحبّة8 والميل الشديد، ويُقابله البغض والتنفّر. والتحبّب هو إظهار الودّ والحبّ.
فالحبّ: هو الميل القلبيّ والباطنيّ نحو المحبوب، فلا يكون الشيء محبوباً إلاّ إذا
مالت النفس إليه. وهذا الميل ذو درجات ومراتب، فإذا قوي هذا الميل واشتدّ سُمّي عشقاً9.
أي أنّ الحبّ هو تعلّق خاصّ وانجذاب مخصوص شعوريّ بين الإنسان وبين كماله10.
فمحبّة العبد لله تعالى لِما أنّ الذّات الإلهيّة هي الكمال المطلق غير المتناهي، والإنسان مفطور على حبّ الكمال والميل نحو كماله المطلق، ولا يرضى بكمال محدود حتّى يطلب كمالاً آخر أشدّ وجوداً وأكثر كمالاً.
وأما محبّة الله عبده فلِما أنّ الذات تحبّ آثارها، وصاحب الكمالات والأسماء الحسنى يحبّ مظاهر كماله وتجلّيات أسمائه، وكلّما كان الأثر أكثر دلالةً على ذي الأثر، والمظاهر على الكامل المطلق، اشتدّ الحبّ، والأثر لا يكون أكثر دلالةً على الذات إلّا
بالطاعة والفناء بها، وكذا المظاهر والتجلّيات لا يشتدّ تجلّيها وظهورها إلّا بالقرب من المتجلّي والظاهر. فأحبّ الموجودات إلى الله تعالى هو أقربهم إليه من حيث الكمال والمظهريّة والتجلّي، وهو النبيّ الأكرم صلى الله عليه وآله وسلم.
درجات الحبّ
لمّا كان الحبّ عبارة عن تعلّق وجوديّ بين المحبّ والمحبوب، فهو يسري في جميع الموجودات، وهو من المفاهيم المشكّكة أي له مراتب متفاوتة من حيث الشدّة والضعف والدرجة والمرتبة، لذا مراتب الحبّ عديدة ويمكن ذكر بعضها:
الدرجة الأولى: وهي ادعاء الحبّ على مستوى اللسان. وهذا ليس حبّاً حقيقيّاً، وليس درجة أو مرتبة حقيقيّة.
الدرجة الثانية: وهي الحبّ بمعنى التعلّق القلبي والميل النفسيّ، وهذا قد يكون منشؤه العصبيّة والشعور بالانتماء، وليس هذا هو الحبّ المطلوب.
الدرجة الثالثة: الحبّ القلبيّ الحقيقيّ، بحيث يسري الحبّ من القلب إلى سائر الجوارح، فتظهر آثار هذا الحبّ في عمل الإنسان وأخلاقه وسيرته، وهذا هو الحبّ المطلوب.
وقد يشتدّ هذا الحبّ من خلال المتابعة والالتزام بالتعاليم النبويّة، حتّى يصير المحبوب مقدمّاً على الأولاد والعشيرة والممتلكات والتجارات وغير ذلك، قال تعالى: ﴿وَالَّذِينَ آمَنُواْ أَشَدُّ حُبًّا لِّلّهِ﴾11، وقال تعالى: ﴿لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ﴾12.
حب النبيّ صلى الله عليه وآله وسلم بالعمل بأخلاقه
لما كان النبيّ محمّد صلى الله عليه وآله وسلم حبيب الله تعالى, فكلّ من يدّعي المحبّة لله لزمه حبّ النبيّ صلى الله عليه وآله وسلم واتباعه -كما سبق, ومحبّته إنّما تكون بمتابعته وسلوك سبيله, قولاً وعملاً وخُلُقاً وسيرةً وعقيدةً، ولا تصدق دعوى المحبّة إلّا بهذا, فمن لم يكن له من أخلاقه وسيرته صلى الله عليه وآله وسلم نصيب، لم يكن له من المحبّة نصيب، وإذا تابعه حقّ المتابعة ناسب باطنه وسرّه وقلبه ونفسه باطن النبيّ صلى الله عليه وآله وسلم وسرّه وقلبه ونفسه.
من تجلّيات الحبّ لرسول الله صلى الله عليه وآله وسلم
إنّش لحبّ رسول الله صلى الله عليه وآله وسلم تجلّيات وعلامات عدّة، منها:
1- طاعة الله والعمل الصالح الموصل لمحبّة الله
يقول الله تعالى: ﴿قُلْ أَطِيعُواْ اللّهَ وَالرَّسُولَ فإِن تَوَلَّوْاْ فَإِنَّ اللّهَ لاَ يُحِبُّ الْكَافِرِينَ﴾13.
أي ما دمتم تدّعون الحبّ لله, إذاً اتبعوا أمر الله ورسوله صلى الله عليه وآله وسلم, وإن لم تفعلوا فلستم تحبّون الله, والله لا يحبّ هؤلاء ﴿فإِن تَوَلَّوْاْ فَإِنَّ اللّهَ لاَ يُحِبُّ الْكَافِرِينَ﴾14.
ويستفاد من الآية أنّ إطاعة الله وإطاعة رسوله لا تنفصلان, وأن إطاعة الرسول صلى الله عليه وآله وسلم هي إطاعة الله, وإطاعة الله هي إطاعة رسول الله صلى الله عليه وآله وسلم.
ولطاعة الله والرسول صلى الله عليه وآله وسلم آثار عديدة، منها:
أ- دخول الجنّة، قال تعالى: ﴿وَمَن يُطِعِ اللّهَ وَرَسُولَهُ يُدْخِلْهُ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا وَذَلِكَ الْفَوْزُ الْعَظِيمُ﴾15.
ب- مرافقة النبيّين عليهم السلام والصدّيقين والشهداء، قال تعالى: ﴿وَمَن يُطِعِ اللّهَ﴾.
#قصائد_في_خدمة_الخطباء
#الوصول_إلى_كربلاء
#محرم_١٤٤٥
صورة شعرية: كأني بلسان خال الحسين عليه السلام لأخيه العباس عليه السلام عند وصولهم الى كربلاء.
(وزن الطويل)
يعباس انهض لزينب .. وانصب خويه خيمتها
واخذ بچفوفك ايديها .. والزمها بعبايَتها
١/ روح الها يبو فاضل .. بهاي الأرض خل تنزَل
وصّلها لَخيمتها .. تراها وْياك تتدلل
اجت مهيوبه يا عباس .. لچنها بْلا اهل ترحل
لو حل عاشر ويومه .. تضيع وتبدي غربتها
٢/هاليوم الخدر مكفول .. ومَحَّد يقترب منّه
بس يوم التطيح چفوف .. لا تسأل أبد عنّه
يِعين الله گلب زينب .. لو منها العدو تْدَنّه
تحتار بْجمع لاطفال .. وخلفها تصير ركضتها
٣/هاي الخيمه ما تبقى .. لن بيها تشب النار
وزينب بين خيمتها .. وبّين الشّمر تحتار
يگصدها وبديه السوط .. ويضربها وتصب اعبار
يا عباس دللها .. لن گربت مُصيبتها
#عظم_الله_أجوركم ◾️
فاطمة علي رزق
اسألكم الدعاء
#طور_زينب_إجت_لحسينها
#الوصول_الى_كربلاء
#لسان حال السيدة زينب ع
حَط الظّعن برض البله
وقلبي برزايا إمتلى
شنهو اليصير ابهالفله
مِنه تِفح ريحة جَلَل
صاحت له زينب يالولي
مو هذي ارضك بوعلي
بيها الشّدايد تِنجلي
بس همي يبقالي ويظل
بيها نجوم مطرّحه
مطروحه ويلي مذبّحه
وراية خِدِرنه سابحه
ومن عِدنه مقطوع الأمل
بعيني اشوفه للمصاب
نومه اُخوتي اعالتّراب
وحنّة شباب و بس خضاب
واعجنها من فيض المُقل
ابقى واسير ابلا زلم
وشامت يهزّن بالعلم
منهو الكِفلها هالحَرَم ؟؟؟
شنهو أجاوب يالبطل
#واذا بها نظرت الى كافلها وكافل خدرها :
بداعة ابونه حيدرة
وامُنه العزيزة الطّاهرة
ترضى أظل امّرمرة
وامشي سبيّه يالنفل
#آآآه يا عباس ارادا ان يهدئ من روعها وصار يتعذر منها ،،يقله :
سامحيني .. لو صعدتي .. عالهزيله بلا يمنتي
سامحيني .. لو نظرتي .. عالشّريعه ودم طبرتي
سامحيني .. وعذري ظرفي .. من تِجمد بعيني عبرتي
سامحيني .. يالحبيبة .. لا تّزيدي زينب حسرتي
🖊خادمة أبي الفضل
#محرم_١٤٤٦
#الوصول_الى_كربلاء
#طور_الجفيري
#حالة_ السيدة_ زبنب ع وقد إستشعرت الخوف والخطر
شصاير دمعتي سايله
ظني وصلنا كربله
موعوده بيها من الصغر
شاهد حبايب بالفله
بيها الحزن بيها الألم
وقلبي على إخواني إنلجم
قالوا ارض كرب وبلا
منها أشم ريحة خيّم
من صغري وادري بالخبَر
ترويلي أمي عن نحَر
و روؤس الحبايب عالرمح
وأجملهم الكافل قمر
#شصار مولاتي يا زينب !!!!
وَقَفْ جَواده بو علي
وقاللي يختي اتمهلي
حتى انصب اخِيامِك عَدِل
بعيني أشوفِك كل هلي
#لا حول ولا قوة إلا بالله 💔
🖊خادمة أبي الفضل
*قصيدة للنزول الى كربلاء(ردو اضعوني)*
من ديوان📚 مسير الفواطم لأرض المظالم جزء ٥
❥━──➸➽❥❂❥━──➸➽❥❂
لا تنزلوني لا تنزلوني
بكربله يحسين لاتنزلوني
ردو اضعوني ردو اضعوني
خايفه منها ردو اضعوني
❥━──➸➽❥❂❥━──➸➽❥❂
لا تنزلوني بهالارض يحسين
روحي مالومه وبس اهل العين
خاف افگدكم يخوتي الطيبين
لا تخلوني لا تخلوني
وحدي يالوليان لا تخلوني
❥━──➸➽❥❂❥━──➸➽❥❂
لا تخلوني وحدي يالوليان
للوطن ردني خويه يا ريسان
من وصلت الها والگلب وجعان
تهمل عيوني تهمل عيوني
ما نشف دمعي تهمل عيوني
❥━──➸➽❥❂❥━──➸➽❥❂
مانشف دمعي يصب عالوجنات
مختنگ صدري وبس اجر حسرات
خايفه بيكم تغدر الشمات
من تعوفوني من تعوفني
خويه اشوف الضيم من تعوفوني
❥━──➸➽❥❂❥━──➸➽❥❂
راح اشوف الظيم وامشي مسبيه
ما يخلوني يمك شويه
والزلم والخيل تفتر عليه
ما يرحموني ما يرحموني
يضربوني بسوط ما يرحموني
❥━──➸➽❥❂❥━──➸➽❥❂
يضربوني بسوط يخوتي الارجاس
واضل محتاره والطم اعله الراس
ساعه انادي حسين ساعه يا عباس
ماتسمعوني ماتسمعوني
وانتم منومين ماتسمعوني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
#جديد
#النزول_بكربلاء
وزن : التجليبه
.
.
اليوم بكربله ضعن المجد يِنزل
وباگي أيــام معدودات للمقتل
اليوم بكربله ينزل ضعن هاشم
وبگلب العقيــله الله العــــالِــم
تدعي ابكل وكت عساه يظل سالم
حسين ابن النبي والحزن يتبدل
اليوم بكربله نبني الخِيم كلها
بهيبه وابأمان اعيــون كافلها
لكن عگبه ياهو اللي يِظل إلها
ومن هاللحظه أيام الخطر تِجبل
باگي أيــام معدوده اعله فجعتنه
واعلينه العده ايحرگوها خيمتنه
وانشاهد على التربــــان إخوتنه
ويا گلب لجــرحهم والله يِــتحمل
چم يوم ويِحِـل العاشر وظهـــره
والمــاصار بينه ابهالأرض يِجــره
ابلا روس الغــوالي كلها عالغبــره
ووين حسيــن بيهم والله ما نندل
وعنهم بالغصــب يا ويلي نتيسر
وايمنعونه عنهم باچـــــر العسكر
واتظل الجثث مطروحه وسْط البر
ومن يمهم نظل ، الجيش ما يِقبل
____
تمت ببركات مولاتي زينب عليها السلام
#فاطمة_كريم
٢٠٢٤ م
▪️حطينه▪️
في نزول كربلاء
طور تعبانه ايوب الفريحي
رابط الطور : https://youtu.be/6vOiPH4xWkI?si=5Fwlb8C081QTeSSg
حطينه يزهره يمه للضعن حطينه
بنّينه الخيام كلها ابكربله بنّينه
ونينه روحي ودليلي والنَفَس ونينه
قلبي ابهضم ناح اهنا تبده إلحراج
اهنا تشوفين مذبوحه الافراح
يالغالي ياخويه
———-
لعيوني هاي المنايا لوّحن لعيوني
ايخلوني كلهم ذبايح بالفلا ايخلوني
ايهضموني بعد المعزه وهيبتي ايهضموني
دار الذبح هاي ومايبگه روّاي
كلهم يروحون اعمن يعيناي
——-
يالغالي ون القلب ويّه الهوه يالغالي
احوالي شومن نزلنه اتغيرت احوالي
بس هالي دمعي على اخدودي يظل بس هالي
اتروح الاصحاب وماتبگه احباب
واتسولف القاع نجم الفرح غاب
————
يذبحوني اهنا تأشر يالولي يذبحوني
يرموني بسيوف وارماح الحقد يرموني
ايروّني بدماي وادماكم تره ايروني
تتلوى بضْماك وتتروه بدماك
واعيوني اتشوف سهم العدا ارداك
يالغالي ياخويه
——-
ترسمها بيدك اماكن الذبح ترسمها
تفهمها واسوالف الريح الاجت تفهمها
تِألَمها ياخوي روحي هالارض تألمها
اهنا توّنون خويه وتظلّون
بالحر ذبايح احملهن اشلون
يالغالي ياخويه
—————
#بنت_الشمري
٢٠٢٤
▪️نزّل الخاتونه▪️
في نزول كربلاء
نزّل اضعونه وصاح الوالي
يبو فاضل نزل الخاتونه
——
صاح ابو الاكبر ونادى اعضيده
اعيوني افرشهن ابهاي البيده
نزل الخاتونه خويه ابهيده
وشوف محملها يخويه اشلونه
————
امدلله تدري يخويه بيها
اعيونك الثنتين خلها اعليها
انخاف اختنه امن الهوا ياذيها
لاتخلّي المحمل ايهزونه
————
سور شبان الهواشم خلها
خويه لا ينشاف طول و ظلها
فدوه اعيوني وبنيني كلها
ولا طرفها خويه ايشوفونه
———-
نزل الخاتون خويه بيدك
تدري بيها يا نفلنه اتريدك
اتصيح فدوه الك انا ولاعضيدك
خويه يادرة علي المكنونه
———
تدري بيها يبو الغيره امدلله
خاف من بعدك تصير امعلله
تدري جبناها يخويه الكربله
ومن بعد عزك تظل محزونه
——-
#بنت_الشمري
٢٠٢٤
#جديد
#النزول_بكربلاء
طور : شال الشهيد حسين
.
.
بطف كربله هاليوم .. نزلوا بني هاشم
ودمع العقيله لاح .. فوگ الوجن ساجم
حطّــوا أهاليـــها .. وبَنّوها لخيمــهم
وابعين زينب چن .. لاحت مصارعهم
بهاي الأرض تدري .. لن ينسفك دمهم
ومحد يظل ليها .. ايرد للوطن سالم
بهاي الأرض موعود .. من گبل ميلاده
ينذبح بيها حسين .. وي جملة أولاده
وكلها ضحايا اتصير .. وما تسلم الساده
وكلمن ابفيض ادماه .. فوگ الترب نايم
بهاي الأرض تدري .. كل الأهل يرحون
وعالغبره تتگطع .. ومحد يظل لأم عون
والروس فوگ ارماح .. جيش العدو ايرفعون
واگبالها اعداها .. اتهوس بالإعمايم
ويوم اهدعش بالويل .. للغربه تتيسر
وتركب هزيل النوگ .. وسفه بِنِت حيدر
عنهم غصب تمشي .. وتبگه الجثث بالبر
ويحفر متنها السوط .. وما بيهم الراحم
تتيســـر الحــره .. وعــنِّ الأهــل تِبْعــد
اتشوف المرار أشكال .. من عالهزل تصعد
بضيم الخرابه اشلون .. بت فاطمه تگعد
واتروح للشامات .. وتدخل على الظالم
____
تمت ببركات مولاتي العقيلة زينب عليها السلام
#فاطمة_كريم
٢٠٢٤ م
قصیدة:تدرون
(دخول الحسین ع الی کربلاء)
ـــــــــــــــــــــــــــــــــــــــــ
تـدورن..لضـعون..طبّت کربله اللیله
یاناس..عبـاس..حارس أخته والعیله
شایل علم بین الخیم علي أویاه
ماکو هوه ایطب نینوه بــلیـّاه
ـــــــــــــــــــــــــــــــــــــــــــــــــــــ
نوخ ضعن آل النبي..والرایه تحرس بالعبي
و ریشات ابوفاضل مثل غیمه اعله خدر الزینبي
حادي الضعینه ابیمنته..دگ خیمة اخته و خیمته
کض أید أخیته و ابتسم نزّل أخیته ابیمنته
گلها الخیام اترحّبچ..اختاري یاهي التعجبچ
نامي ابرغد یأم الخدر واعیوني تنطر معصبچ
مادام اشم آنه الهوه..تحت أمري تصبح نینوه
آنه الهوه و هذه الهوه بغیابي یصبح مو هوه
عباس..بحساس..هوّه واخته متواعد
روحین..گلبین..وایلـمـهم جسـد واحد
نعم الأخو گدها وکفو ابسجایاه
ماکو هوه ایطب نینوه بــلیـّاه
ـــــــــــــــــــــــــــــــــــــــــــــــــــــ
ما غمّضت عینه و غفت..کل ساعه للخیمه التفت
یشعلهن اعیونه ضوه لو نار الگباله طفت
بحساسه شایل چم نهر..یروي العقیله بالنظر
مرات أخیته اتضیّعه یاهو البشر یاهو الگمر
گلبه اعله خیته یختشي..غیر النعم ماگلها شي
یتبعـها حتي لو مشت یمحي أثرها بالمشي
کلساع ایگلها ادللي..خلّي الثجیله اهنا الي
مادام اخوچ ایشم هوه أستبشري یا بت علي
یرتاح..لو صاح..زینب واهیه تومیله
کفیــن..نعمـین..منـه و من مراجـیله
فارس شهم ضل ملتزم دعایاه
ماکو هوه ایطب نینوه بــلیـّاه
ـــــــــــــــــــــــــــــــــــــــــــــــــــــ
خیمه الچبیره ابهالفله..خیمة عزیزه امدللّه
بس الضوه عنده أذن یدخها چان ابکربله
فنّـه الیصد طول للخیم..وعباس یمهن دگ علم
لو حتی طیر امن السمه من الگمر لا ما سلم
خلّه النهر مثل العبد..کل وکته واگف مستعد
کافي یأشّـر عالنهر وحده یجي و وحده یرد
بس الي متوضّي ابستر..یم خیمة الحره یمر
زینب شرف أهل الشرف و أم النجابه والخدر
هیهات..لو فات..طیر اعله الخیم یسلم
وشـلون..لعـیون..تنــظر زینــب و تحلم
بیت الوحي ماتنـمـحي بقایاه
ماکو هوه ایطب نینوه بــلیـّاه
ـــــــــــــــــــــــــــــــــــــــــــــــــــــ
صار اللي ما صار و جره..واشسوه سبع الگنطره
راگ النضال ابیمنته ذبّـه اعله راگ المیسره
صاح آنه فارس هاشمي..واصوابي یعمیکم عمي
مو انتو ناس الي تسد عن وجهي نهر العلگمي
لو اکثر ایصیر العدد..ما أرتبک ربي شهد
افنیها کل الملحمه لو حشّمت حیدر مدد
مای الفرات و کلشي بي..یعرف مقالي و مطلبي
سیفي و جربتي و رایتي فدوه الحجاب الزینبي
سقّـاي..وفّـاي..مایبرح عزم زودي
للـماي..عنّـاي..طافح باللهب جودي
ما انسحب گلـبي یحب نوایاه
ماکو هوه ایطب نینوه بــلیـّاه
ـــــــــــــــــــــــــــــــــــــــــــــــــــــ
خط القلاده اعله الرگب..سیفه یخط موت الغضب
ویهوّه صاحت کربله لحدوده ما واحد گرب
طاف المنایه ابصولته..لفت عساکر رایته
رجلینه من امطهّـمه ضلت تخط ابحومته
وافه العقیله ابکربله..خلّه الحشود امجندله
طاح و لچن محد گدر عالشاطي خطوه یوصله
طاحت چفوفه اعله النهر..والنبله حازت بالنظر
کل هذه و ایحس بالـذنب صبره اشکثر هذه الگمر
عالگاع..مرتاع..طاح اعله الوجه دامي
یاحیف..بالسیف..مات اعله النهر ضامي
ضلـت أثر یم النــهر عــطایاه
ماکو هوه ایطب نینوه بــلیـّاه
ـــــــــــــــــــــــــــــــــــــــــــــــــــــ
لو یدري عباس اشحصل..بغیابه یا قاتل وصل
نحر الحسین ابکربله من جسمه یاویلي انفصل
شیباته حمره امن الدمه..لا والي یمّه ولا حمه
زینب من التل تنظره یم جسمه تنحب فاطمه
الله واکبر یاجسم..الخیل هشمته هشم
ینزف جرح گلبه دمه مسحوگ صدره ومنلچم
زینب بعیده و حایره..ابن أمها گطعو منحره
وصلت تودعه و شاهدت میّت اخوها اعله الثره
مجروح ..مذبوح..نحره و عالرمح راسه
لحسین..چاوین..مایفـزعله عبّـاسه
راعي الوفه بالطف وفه وصایاه
ماکو هوه ایطب نینوه بــلیـّاه
ـــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
يا حسين لا تبني الخيم باجر يحركوها
وزينب اخيتك تنضرب وعداك يسبوها
⭐⭐⭐⭐⭐⭐⭐⭐⭐⭐⭐
يا حسين بطل هالسفر والمن مجبلين
باچر حرمكم تنسبي وتعمى هالعين
ومتوني خوية تنضرب يمكن بسوطين
وبحبال اخيتك يالولي يجروها
⭐⭐⭐⭐⭐⭐⭐⭐⭐⭐⭐
ارجع يا اخوي بعيلتك وبطل رحيلك
مو تدري زينب تنسبي ويتعب عليلك
ومن الحوافر عالصدر ينهدم حيلك
وام الحسن وسفة العدة يشتموها
⭐⭐⭐⭐⭐⭐⭐⭐⭐⭐⭐
ام الحسن وحيدر يسبوهم
وبذبحتك يا حسين من فجعوهم
الاطفال تبقى مطشرة ما يرحموهم
وسكينه تبچي باليسر بالسوط ضربوها
⭐⭐⭐⭐⭐⭐⭐⭐⭐⭐⭐
رملة تون على العرس وليلة يفجعوها
وعبدلله باجر ركبته. يذبحوها.
وزينب ذليلة بكربلاء تخلوها.
يقبلها ابن حيدر علي زينب يهضموها
⭐⭐⭐⭐⭐⭐⭐⭐⭐⭐⭐⭐⭐
تقبلها يا خويه الشمر بالسوط ياذيني
يضربني حيل على المتن وتنعمي عيني
فوك القهر يحز ركبتك شلون يحسيني
واختك ذليلة على الهزل يخلوها
⭐⭐⭐⭐⭐⭐⭐⭐⭐⭐⭐⭐⭐⭐
سكينه تلطم عالوجه وعباس مطروح
وجسام باچر يا خلك نشوفه مذبوح
والسهم نابت بالگلب من طلعت الروح
وكل الحرم باچر تنسبي وبذبحته يفجعوها
⭐⭐⭐⭐⭐⭐⭐⭐⭐⭐⭐⭐⭐
تمت بعون الله
بقلمي ✍️ خادمة اهل البيت عليهم السلام
اسمهان المالكي
كل ما اكتبة هو اهداء الى سيدي ابا عبدلله الحسين عليه السلام وارجوا من ان يتقبل هذا القليل
قصيدة لسيدتي ومولاتي العليلة
مرض بيه وعليلة ودمعي سيال
انه بداري وابوي حسين من شال
💔💔💔💔💔💔💔💔💔
ابوي حسين شال وشالوا اخواني
وخلاني ذليلة والحزن عنواني
من گد الهجر زادت احزاني.
شالوا كل هلي وما ضلت عيال
💔💔💔💔💔💔💔💔💔
ضليت بحزن والدار مسدوده
انه نوحي على العباس وزنوده
خاف بكربلاء ينضرب جوده
وحال ام الخدر ما بعد من حال
💔💔💔💔💔💔💔💔💔
جيت لوالدي وحسبالي وياهم
واتعذر يا وسفة واهلي وداهم
خلاني اناشق بعد ممشاهم
وجمر عيني تصب مو دمع همال
💔💔💔💔💔💔💔💔💔
حمل خوته وشال الصغير
وانه كلبي نغزني شنهو الي يصير
ضليت بقلق وعيوني ادير
وآنه مأيسة ما عندي امال
💔💔💔💔💔💔💔💔💔💔
جيت لعمتي ودموعي سيالة
وكلتلها اخوج محمل عيالة
يا عمة الحمل لو طاح شياله
وتدرين العداء يا عمة انذال
💔💔💔💔💔💔💔💔💔
كلتلي يا عمة ضلي بالدار
حسين لكربلاء ماخذ الانصار
وماخذ كل حرمنه كبار وصغار
وبس انتي بقيتي والدمع سال
💔💔💔💔💔💔💔💔💔
شالوا كل هلي وطشت اللمه
لا خوان عندي ولا بقت عمه
ابوي حسين فدوة خلي اشمه
اودع بالحرم واحضنها لاطفال
💔💔💔💔💔💔💔💔💔💔
لخادمة اهل البيت عليهم السلام
اسمهان المالكي
اجرنا واجركم على الله
تمت قبل قليل
#قصائد_في_خدمة_الخطباء
#محرم_١٤٤٦
#تلبيات_الحسين(عليه السلام)
(وزن الطويل)
رافع إيده للمعبود .. يلبّي والدّمع بالعين
حبيبك آنه يا ربّي .. يربّ حسين آنه حسين
أطوف ببيتك وأدعي .. ما لَبّي مثل هالنّاس
تَلبِيْتي بأهل بيتي .. باصحابي وعلي وعباس
ألبّي بالجسد عالگاع .. وبْراس الرِّماح الرّاس
ألبّي بْرضَّةَ اضلاعي .. وگطْعِ يْساري وَيْ لِيْمين
لبيك بعلي الأكبر .. دامي وجسمه كلّه جروح
لبيك بجسد جاسم .. گبالي ممدّد بلا روح
لبيك بْأبو فاضل .. على شاطي النهر مطروح
لبيك برضيعي اللي .. أشوفه منگطع لِوْتين
لبّيك بْسَبي زينب .. وچفوف اليِگَيْدوها
وِبْكثرةْ بواچيها .. وْبِحبالِ اليِشِدّوها
بگلبها ال عالنّياگ يْذوب .. لو عنّي يِبعدوها
لبّيك بمَشي للشّام .. وبنوح وبچي وِوْنين
#عظم_الله_أجوركم ◾️
فاطمة علي رزق
اسألكم الدعاء
#قصائد_في_خدمة_الخطباء
#محرم_١٤٤٦
#الوصول_الى_كربلاء
[قصيدة عمودية]
قم يا رسولَ اللهِ هذي كربلا
وهنا علينا في غدٍ يقعُ البلا
هذي رمالٌ فوقها كَتبَ القضا
حُطَّ الرّحالَ أيا حسينُ لِتُقتَلا
قم يا رسول الله وانظر حالَنا
طيفُ المنايا نحوَنا قد أقبلا
في هذه أخبَرتني سأميلُ عن
ظهرِ الجوادِ إذا البلاءُ تنزَّلا
في هذه جسمي تُقطّعهُ السّيوفُ
وثمَّ يبقى بالدّماء مُرمّلا
جدّاهُ في هذي سيَقطعُ شمرُهم
رأسي ويُرفعُ بالرّماح مطوَّلا
وإلى العقيلةِ سوف يقصدُ شامتًا
جدّاهُ أدركها إذا ما عجَّلا
إن جاءَ بالنّيران نحوَ خيامها
والقلبُ منها بافتجاعٍ أعولا
وإذا على متنٍ لها أهوى السّياطَ
وإن بكت من ضربه لو أثقلا
جدّاهُ هذي كربلاءُ وهذه
فيها الزمانُ لنا المصارعَ قد تلا
#عظم_الله_أجوركم ◾️
فاطمة علي رزق
اسألكم الدعاء
ج- الفوز، قال تعالى: ﴿وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُوْلَئِكَ هُمُ الْفَائِزُونَ﴾16.
2- العمل بتعاليم وآداب الإسلام
فإنّ من علامة المحبّ العمل بما يحبّه محبوبه ويقرّبه منه، روى جابر عن أبي جعفر عليه السلام قال: قال لي: "يا جابر أيكتفي من ينتحل التشيّع أن يقول بحبّنا أهل البيت، فوالله ما شيعتنا إلّا من اتقى الله وأطاعه، وما كانوا يعرفون يا جابر إلّا بالتواضع والتخشّع والأمانة، وكثر
ة ذكر الله والصوم
والصلاة والبر بالوالدين، والتعاهد للجيران من الفقراء وأهل المسكنة والغارمين والأيتام، وصدق الحديث وتلاوة القرآن، وكفّ الألسن عن الناس إلّا من خير، وكانوا أمناء عشائرهم في الأشياء".
قال جابر: فقلت: يا ابن رسول الله ما نعرف اليوم أحداً بهذه الصفة، فقال: "يا جابر لا تذهبنّ بك المذاهب حسب الرجل أن يقول: أحبّ عليّاً وأتولاه ثمّ لا يكون مع ذلك فعّالاً؟ فلو قال: إنّي أحبّ رسول الله، فرسول الله صلى الله عليه وآله وسلم خيرٌ من عليّ عليه السلام ، ثمّ لا يتّبع سيرته ولا يعمل بسنّته، ما نفعه حبّه إيّاه شيئاً، فاتقوا الله واعملوا لما عند الله، ليس بين الله وبين أحد قرابة، أحبّ العباد إلى الله عزّ وجلّ (وأكرمهم عليه) أتقاهم وأعملهم بطاعته، يا جابر والله ما يتقرّب إلى الله تبارك وتعالى إلّا بالطاعة وما معنا براءة من النار ولا على الله لأحد من حجّة، من كان لله مطيعاً فهو لنا وليّ، ومن كان لله عاصياً فهو لنا عدوّ، وما تنال ولايتنا إلّا بالعمل والورع"17.
يقول الإمام الخميني قدس سره: "إنّ ادعاء المحبّة من دون دليل وبيّنة لا يكون مقبولاً، إذ لا يمكن أن أكون صديقك وأضمر لك الحبّ والإخلاص، ثمّ أقوم بكلّ ما هو مناقض لرغباتك وأهدافك. إنّ شجرة المحبّة تنتج وتثمر في الإنسان المحبّ، والعمل حسب درجة المحبّة ومستواها. فإذا لم تحمل تلك الشجرة هذه الثمرة فلا بدّ من معرفة أنّها لم تكن محبّة حقيقيّة، وإنّما هي محبّة وهميّة.. فمحبّ أهل البيت عليهم السلام هو الّذي يشاركهم في أهدافهم، ويعمل على ضوء أخبارهم وآثارهم... وإنّ المؤمن إذا لم يعمل بمتطلّبات الإيمان وما تستدعيه محبّة الله وأوليائه، لما كان مؤمناً ومحبّاً، وإنّ هذا الإيمان الشكليّ والمحبّة الجوفاء من دون جوهر ومضمون"18.
3- زيارة رسول الله صلى الله عليه وآله وسلم
لا يخفى على أحد ما للزيارة من ترسيخ علاقة أو ارتباط وتعلّق بمن نزوره، فكيف لو كان رسول الله صلى الله عليه وآله وسلم ، فإنّه الوسيلة إلى الله والشعيرة الّتي أُمرنا بتعظيمها: ﴿ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ﴾19.
وقد ورد في فضل وثواب زيارة النبيّ صلى الله عليه وآله وسلم روايات عدّة، منها ما عن الإمام الرضا عليه السلام: يا أبا الصلت إنّ الله فضّل نبيّه محمّداً صلى الله عليه وآله وسلم على جميع خلقه من النبيّين والملائكة، وجعل طاعته طاعته، ومتابعته متابعته، وزيارته في الدنيا والآخرة زيارته، فقال: ﴿مَّنْ يُطِعِ الرَّسُولَ فَقَدْ أَطَاعَ اللّهَ﴾20، وعن: ﴿إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ﴾21، وقال رسول الله صلى الله عليه وآله وسلم: "من زارني في حياتي أو بعد موتي فقد زار الله"22.
وعن الإمام أبي عبد الله عليه السلام قال: "قال رسول الله صلى الله عليه وآله وسلم: من أتاني زائراً كنت شفيعه يوم القيامة"23.
وعن الإمام أبي عبد الله عليه السلام قال: "بينا الحسين بن عليّ في حجر رسول الله صلى الله عليه وآله وسلم إذ رفع رأسه فقال: يا أبه ما لمن زارك بعد موتك؟ فقال: يا بنيّ من أتاني زائراً بعد موتي فله الجنّة، ومن أتى أباك زائراً بعد موته فله الجنّة، ومن أتى أخاك زائراً بعد موته فله الجنّة. ومن أتاك زائراً بعد موتك فله الجنّة"24.
عن الإمام محمّد بن عليّ بن الحسين عليهم السلام قال: "قال رسول الله صلى الله عليه وآله وسلم: من زارني أو زار أحداً من ذريّتي زرته يوم القيامة فأنقذته من أهوالها"25.
4- دفع الأذى عنه صلى الله عليه وآله وسلم
يقول صلى الله عليه وآله وسلم: "ما أوذي نبيّ مثل ما أوذيت"26.
فقد نال صلى الله عليه وآله وسلم من أمّته- أعمّ من كفّارهم ومؤمنيهم ومنافقيهم- من المصائب والمحن وأنواع الزجر والأذى ما ليس في وسع أحد أن يتحمّله إلّا نفسه الشريفة27.
وهو - أرواحنا فداه - ما زال يتمّ توجيه الأذى والإساءة إليه حتّى بعد رحيله صلى الله عليه وآله وسلم ، كما في زماننا هذا، سواء من قبل أعدائه أم من قبل بعض ممّن يدّعون اتباعه ومحبّته.
وكذلك ما نال عترته صلى الله عليه وآله وسلم وأهل بيته بعد ارتحاله من قتل وظلم وجور.
🏴قسم المنبر الحسيني
🏴مجلس الوصول الى كربلاء
(محرم-١٤٤٠)
#محرم_النزول
▪المقدمة
▪القصيدة
يا محنةً خشعت لها الأرزاءُ
وتواضعت لجلالها العلياءُ
عجزت عقول الخلق عن إدراكها
فطغى سكوتٌ والسكوت رثاءُ
هي محنة السبط الغريب وقد أتى
ارض الطفوف وأهلُه النجباءُ
فتوقفت خيلٌ لهم عن سيرها
تأبى مسيراً فالمُرادُ بقاءُ
ناداهم أيّ البقاعِ بقاعنا؟؟
قالوا له تتعدد الآراءُ
ألغاضريةُ والطفوف ونينوى
أو كربلاءُ فكلها اسماءُ
نادى اذاً هي كربلا فتهيأوا
كربٌ عظيمٌ ها هنا وبلاءُ
فهنا سنُذبح يا رفاق ومن هنا
تُسبى النساءُ وزينب الحوراءُ
وهنا سنُترَك دون غسل في العرا
ورؤوسنا يلهو بها السفهاء
بالهمسِ يوصي أختَه سبطُ الهدى
صبراً اذا ما جاءَ عاشوراءُ
فستُحملين بلا دثارٍ في الملا
والكل ينظر والرؤى استهزاءُ
وتُرحَّلين الى قصور أمية
لتسبَّ فيها فاطمُ الزهراءُ
فلتصبري يا بنت حيدر إنه
قدرٌ بأسفار البلا وقضاء...
شاء الإله بأن يراكِ سبيةً
ويرى رضيعي ضرّجتهُ دماءُ
ويرى وحوش الليل تشرب من دمي
فيقامُ لي عند البتول عزاءُ
--------------------------
◼نعي
خويه يازينب لارض الحزن جينا
حضري ثياب السود البسيهم اعلينه
يم الخدر يختي بهالبقعة مدفننا
وواجب عليه اوصيچ ياخويه واتمنى
اصبري يبعد الروح ابداعة الزهره امنا
ساعة تشوفينا محزوزة ارگبنا
وعباس من تلگيه امگطّعه ادينه
السهم لتجيسيه متوسّط بعينه
من تنظري جثتي ياخويه مرميه
خايف على گلبچ لاتنظري اليه
داري الخدر خويه وعينچ على ارقيه
امسحي دمعتها من تبچي اعليه
والليل لو چلچل خايف تجي لينه
واحنه جثث عالگاع بالدما امغسلينه
خويه يازينب لارض الحزن جينا
حضري ثياب السود البسيهم اعلينه
يم الخدر يختي بهالبقعة مدفننا
وواجب عليه اوصيچ ياخويه واتمنى
اصبري يبعد الروح ابداعة الزهره امنا
ساعة تشوفينا محزوزة ارگبنا
وعباس من تلگيه امگطّعه ادينه
السهم لتجيسيه متوسّط بعينه
لحن الجفيري
وصلت عزيزة حيدره
لارض الطفوف مخدره
تنحب تنادي مكدره
وعيونه ظلت سايله...
تذكر وصايا أم الحسن
صبري يا بنتي عالمحن
بالطف عذابات و شجن
ودمعة بجفنها هامله...
.اقعد يصاحب كل فخر
عيني انعمت ها يالقمر
خويه يا بن فارس مضر
طمّن دليل العايله..
ش رايده زينب؟؟
خوفي من الحادي عشر
وحدي اظل بهالخطر
ظهري على اخواني انكسر
وادعي ودموعي سايلة...
بيها اشوف آنه المصاب
مطعون اخويه ومنصاب
بنظرة الخدر هم ينصاب
يضربوني وانا مدلله...
آه يا كربله آه كربله
يمشّونا حسارى بالفله
يا مهدي إظهر للملا
وتأخذ بثار العايله...
آه يا كربله..آه يا كربله
➖➖➖➖➖➖➖
- -أبو ذية:
الدهر شتت شملنه اومن يلمه
افراك الوطن دلالي من يلمه
ريحانة رسول الله من يلمه
طلع خايف مشه للغاضريه
➖➖➖➖➖➖➖➖
▪ المحاضرة
📚شبكة المعارف الاسلامية
يقول الله تعالى في محكم كتابه: ﴿قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ وَيَغْفِرْ لَكُمْ ذُنُوبَكُمْ وَاللّهُ غَفُورٌ رَّحِيمٌ * قُلْ أَطِيعُواْ اللّهَ وَالرَّسُولَ فإِن تَوَلَّوْاْ فَإِنَّ اللّهَ لاَ يُحِبُّ الْكَافِرِينَ﴾1
ورد في سبب النزول أنّه ادعى جمع من الحاضرين في مجلس رسول الله صلى الله عليه وآله وسلم أنّهم يحبّون الله، مع أنّ العمل بتعاليم الله كان أقلّ ظهوراً في أعمالهم. فنزلت هاتان الآيتان بشأنهم2.
تقول الآية أنّ الحبّ لا يكون بالارتباط والميل القلبيّ فحسب، بل يجب أن تظهر آثاره في عمل الإنسان. فإنّ دعوى الحبّ لله إذا كانت صادقة ينبغي أن تظهر وتتجلّى في أعمال الشخص الّذي يدّعيه، هل يتبع النبيّ صلى الله عليه وآله وسلم حقّاً أم لا: ﴿قُلْ إِن كُنتُمْ تُحِبُّونَ اللّهَ فَاتَّبِعُونِي﴾3.
فإنّ من آثار الحبّ واقعاً ميل وانجذاب المحبّ نحو المحبوب، في أقواله وأفعاله وأعماله، بحيث يستجيب المحبّ للمحبوب في كلّ أوامره ونواهيه، وإلّا لو كان المحبّ للمحبوب عاصياً ومتمرّداً، فهذه علامة على أنّ حبّه غير حقيقيّ بل ادعائيّ لا يتجاوز لسانه.
وهذا ليس خاصّاً بمن نزلت فيهم الآيتان، بل يعمّ جميع العصور والشعوب، فإنّ الذّين يدّعون محبّة النبيّ صلى الله عليه وآله وسلم والأئمّة عليهم السلام والمجاهدين والشهداء والصالحين والمتّقين, ولكنّ أعمالهم أبعد ما تكون عن مشابهة أولئك, هم كاذبون.
ورد عن الإمام الصادق عليه السلام أنّه قال: "ما أحبّ الله عزّ وجلّ من عصاه".
ثمّ قرأ الأبيات:
تعصي الإله وأنت تظهر حبّه هذا لعمرك في الفعال بديع
لو كان حبّك صادقاً لأطعته إنّ المحبّ لمن يحبّ مطيع4
#في_الخدمة_المقدسة
#محرم_١٤٤٥ #نعي
(الوصول إلى كربلاء)
وصلت كربلا زينب .. وعليها بدت الهموم
شاهدها أبو فاضل .. وقلها ما تخافي دوم
آنه كافلك يختي .. وما عوفك بعد هاليوم
بعيوني يبت حيدر
أحرس خيمة الخدّر
وادفع عنكم العسكر
نادي بو الفضل عباس .. عند الحاجة تلقينه
&&&
لكن سامحي عيوني، لو غابت ضهر عاشر
ولو شافوكِ يا زينب، ظليتي بلا ناصر
ولو ناديتِ يا عباسْ، وما قلك بعد حاضر
عذريني أجيكي منين؟
وآنه مقطع الإيدين
والسهم انحفر بالعين
عذريني يا أغلى الناس .. وربي قلبك يعينه
&&&
وعذريني بعد يختي، لو مَشّوكِ مسبيه
وضربو متنكِ بْالِسياط، وعينك تعتني ليّه
تناجيني يا بو فاضل، الشمر يأشّر عليَّ
وعالرمح اعتلى راسي
تشوفه عينك يقاسي
لو قلتي يا عباسي
شاب بصرختك هالراس .. وسالت دمعته بعينه
#زينب_فياض
#جديد
هوسات طور : سحگته الخياله
#النزول_بكربلاء
.
.
عثر مهر الغريب وبانت الكسره
وعُرف بالأرض هاذي ينگطع نحره
والخيل اعله صدره تسحگ وظهره
( وتنهضم زينب .. واويلي اعله زينب )
.
.
نزلنه كربله وبانت مصايبنه
هاي الأرض بيها اتموت إخوتنه
وبيها تحترگ واتطيح خيمتنه
( آيا هيبتنه .. باچر يِسْلبونه )
.
.
نزلنه ونزلة الگشره يخال ابني
ومن هالليله احس خويه تودعني
وأظل بعدك غريبه وتنضرب متني
( وأمشي للكوفه .. يا خويه أسيره )
__
#فاطمة_كريم
نعي نزول الامام الحسين عليه السلام في كربلاء
حين الوصل ضعن الحسين لكربله
گال ابواليمه ما اسم هاي الفله
گالوله ارض الغاضريه ونينوه
گال منعدهه احس گلبي انجوه
ها هنا حطو الرحال من السفر
ياصحبتي وياهلي وكل الفخر
هنا يحل بينه المصاب من الكفر
سمعو اوصيكم جميعن بالصبر
بالطفوف تسيل منعدنه الدموم
والحرم واطفال محتاره وتحوم
الروس مرفوعه برماح العاليات
والنسه يسبوهه وسط النايبات
.............................................
خادمكم مالك السعيدي