7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
مسلم ابن عقيل عليه السلام
دك بابي بحذر وبلوعه يمكن شي ورا
ماخذني العطش يا طوعه ومبين ضما
طب لا تبقه متاني
هلا بحسين الثاني
يا هلا ولا تبقه مستحي
مو كبل خادمكم الوحي
لو ردت من يمك انمحي
دارك وانت اوله بدارك
طب يمشيم خطارك
مو فشل من عمك الفحل
لو زعل من عندي لو زعل
لا تهم والعنده هيج أهل
سلطان وتاجه براسه
نار ويا فكره الجاسه
مسلم مو صدك والضاهر اسمك حيدره
مشيت الزلم يالقاهر مثل المسطره
يعجز بيك الساني
هلا بحسين الثاني
"""""""""""""""""""""""""""""""""""""""""""""""""
ما شفت كل عمري هجي صل
لا يفر من عركه لا يمل
لو زئر بالكوفه ما يقل
عن ذاك ابن البدويه
نفس الروح الحربيه
ما رجف من عسكر وحرس
لا قلق من فارس وفرس
لا قره على الخوه لا درس
هذا المن كاعه يوافي
راضع من مرضع صافي
من قبل الخلق متحضر ومحضر دما
هذا بكل وكت متصدر والوادم ورا
من كماطه يتاني
هلا بحسين الثاني
"""""""""""""""""""""""""""""""""""""""""""""""""
صده عزمك رج اميه رج
على مهلك والتخزره هج
نبي سيفك وبمرامه حج
كبر يم داري وصلا
يا شيطان اليوصلا
كضه خلكه وغيم ورعد
قره ايه توضه واستعد
اجه يومه وسرفن وصعد
فوك الشكره المعروفه
شاهين بنص الكوفه
صرر عاد اجت لو طير ونازل لبرهه
يامر والزلم تتراجف فارس ابهه
كلهم ياهوه اني
هلا بحسين الثاني
"""""""""""""""""""""""""""""""""""""""""""""""""
يغضب طب هزه مجسله
افه واليوصلك يخسه
يفحل طَب ديرة النسه
أسبعهم خوف محشه
من يشوفك يتغشه
مالكو بالكوفه ند الك
لا نسوا كل سطره من هلك
علي كبلك هم لعب فلك
خيبر ردت بالكوفه
رد القالع وجفوفه
عز الله القروا تاريخك كالو معجزه
مسلم ينذبح بس فنه اليذبح منجزه
اصرارك رباني
هلا بحسين الثاني
"""""""""""""""""""""""""""""""""""""""""""""""""
يخشن ومدرب وجسر
يترف وبمشيتك وقر
يبحر مو سهله تنحزر
يمفصل من يا طينه
والما ينهان تهينه
يقفل باب الله يا سخي
يشهم للعشره تنتخي
ما ثبت كدامك الرخي
والما يعرف تدبيره
حضه يطيح وتقديره
كالوا وحدك تتحاصر والكثره التعم
وانت الفارس اليتمشه على شوارب زلم
فوت بضهرك هاني
هلا بحسين الثاني
"""""""""""""""""""""""""""""""""""""""""""""""""
يوفي بنص شحة الوفه
ينجم بالضلمه ما خفه
يجرح بالكوفه ما شفه
موش ازلام الكتبولك
خيرهم فدوه لطولك
يعنب ما لاحك القزم
مو غبي القارعته وانهزم
ما طحت يا كلمة النعم
موت وضل رافع راسك
اكبر شارب ومداسك
قيمتهم صفر كدامك وانت بكد علي
كلهم يا اهل يالخنث تتقاس بهلي
معصومين اخواني
هلا بحسين الثاني
"""""""""""""""""""""""""""""""""""""""""""""""""
محمد رسول الحميري
لطمية / مسلم ١٤٤٦
💧💧💧💧💧💧💧💧
مسلمٌ إبنُ عقيلْ ثورةٌ في كلِّ جيلْ
ضد طاغوتِ الزمانْ
١/ حيدريٌّ في الهوية لا يبالي بالمنيّة
إسألوا عنهُ الحميّة والإبا والعنفوان ْ
٢/ثائرٌ حرٌّ معلِّم ضد طاغوتٍ ومجرمْ
أعلن الثورةَ مسلم ْ دمُهُ خَطَّ البيانْ
٣/مسلمٌ بات غريب ْهاتِفاً ما من مجيبْ
ذاكَ واللهِ عجيب ْ آهِ من غدرِ الزمانْ
٤/لا تقُل ْ كوفانُ تابَتْ حين شَبَّت ما استجابت ْ
وعلى الخذلانِ شابت ْ رسَبَت في الامتحان ْ !
٥/لهف نفسي للسفير ْ وحدَهُ الآنَ يسير ْ
تائهاً أين المسير ْ حاصروهُ بالسِنان ْ
٦/يا أميراً غدروهُ. وأسيراً قيدوهُ
ومن القصرِ رموهُ ليس للعهدِ ضمانْ
٧/ليس للكوفة ذِمّة إسألوا عنها الأئمة
إن للرزءِ تتمة... مسلمٌ دون أمانْ
٨/أخبروا المولى الحسينا مسلمٌ يبكيهِ عينا
صاحَ لا تأتِ إلينا لا وفاءَ للجبان ْ!
٩/مسلمٌ حيدرُ ثانِ من أذى الغدرِ يعاني
جُرَّ في السوقِ وهاني وأميرَ الأمسِ كان ْ !!!!
١٠/ مسلمٌ ألفُ مقاتل معنا اليومَ يقاتل
دكَّ بالنارِ المعاقل فعلا منها الدخان ْ!
١١/في طريقِ القدسِ جاءَ ينزفُ اليومَ الدماءَ
سيفُُهُ نوراً أضاءَ منهُ نصرُ اللهِ بان ْ!!
١٢/ إسمعوا قولَ الحسينِ في الجنوبِ الآنَ منّي
أنتمُ اليومَ بعيني والجنوبُ لا يُهان ْ !
محمد طالب العاملي
مجلس الأصحاب ١٤٤٦
💧💧💧💧💧💧💧
١/أهلُ الوفا أسماؤهم آياتُ
وبذكرِهم تتنزلُ البركاتُ
صَحبُ الحسينِ عليهمُ الصلوات ُ
بوفائهم قد أذهلوا الأزمانا
٢/حملوا لهُ أرواحَهم فوق اليدِ
واستبشروا بالموتِ عند الموعدِ
هتفوا بصوتٍ واحدٍ يا سيدي
نفديكَ ياابنَ المرتضى بدمانا!
٣/شيخٌ بريرٌ في الشدائدِ يمزحُ
وحبيبُ بالشيبِ المخضبِ يفرحُ
بابُ الجنانِ لهم بشوقٍ يُفتَح ُ
ومقامُهم قد شاهدوهُ عَيانا !
٤/هم في الطوافِ كأنهم حُجاجُ
حول الحسينِ وتنزفُ الأوداجُ
هنا مصرعٌ أم إنهُ المعراجُ
الروحُ تصعدُ تهجرُ الأبدانا!
٥/سعدٌ..سعيدُ..أبو ثمامةَ..مسلمُ
وهبٌ وسالمُ..جونُ..نافعُ..أسلَمُ
للموتِ ساروا فاشهدي يا فاطمُ
فهنا الشيوخُ تُزاحمُ الشبّانا !
٦/صدري بحبِّكَ سيدي يتنفسُ
بالعشقِ قبل السيفِ إني فارسُ
مجنونُ حبِّكَ يا حسينٌ عابسُ
للموتِ يمشي هائماً ولهانا !
٧/الصحبُ صرعى في الثرى امواتُ
ناداهمُ فاهتزت الفلواتُ
أنيامُ أنتم ما لكم أصواتُ؟
قم يا بريرُ ورتِّلِ القرآنا !
٨/يا خيرَصحبٍ بتُّ وحدي ها هنا
من بَعدِكم لا طابَ عيشٌ في الدنى
قد حاصروني بالاسِنّةِ والقنا
حرقوا الخيامَ وأرعبوا النسوانا!!
٩/لكَ يا حسينٌ يهتفُ الأبناء ُ
لبيك لبّى بالدما الشهداءُ
الكلُّ عابسُ والولاءُ دماءُ
لبيكَ تهتفُ في الجنوبِ قُرانا !!
١٠/مثلَ الخيامِ بيوتَنا إن أحرقوا
لو قطّعونا عنك َ لا نتفرّق ُ
ما هَمَّ إن أجسادُنا تتمزّق ُ
مِنّا تقبَّل سيدي القربانا !!
محمد طالب العاملي
((خويه الخيمه))
خويه الخيمه من لهبت غيرك روحي ماعدها
ادريبك غفت عينك گلت بروحي شيندها
نصد اسهامهم نگدر بس العين شيصدها
من ركضنه مدري ويــن
من اديـــه كلــــشي راح
هــــواي ادين امچلـبات
المـالزمنـي يعنـي طـاح
خـوله عـمه .. كضي بيه
سكنه عمـه .. هـاي هيه
راح ابوچن .. مـــن أديه
يـــــاصفيه .. ويــــارقيه
ياحسينآ .. ياحسينآ
"""""""""""""""""""""""""""""""""""''''''''''
مذعوره وعجاج الخيل ما خلانه نندلك
ماهمنه الحرگ يحسين بس كل همنه نوصلك
فدوه الطولك الخيمات كونك غافي شنگلك
جدمي مايمشي اعله گاع
طايره بروحـــي وحسرتي
امنــــــيتي بس آخر وداع
حتـــى اغطيك بدمعـــتي
صفنه تركض .. صفـنه طاحت
آنــــــــه ياهي .. روحي صاحت
چـــــم عفيفه .. أگـــبالي ماتت
ذيـــــچ ماتت .. وأستــــراحــت
ياحسينآ .. ياحسينآ
"""""""""""""""""""""""""""""""""""''''''''''
يمتعب خلگ متعوب توه من الحرگ طالع
هاك انضر النار اتلوح ياجفن الخيم دامع
شسويله الگلب ياخوي وي ضلوعي ويدافع
گلبي يركض گلي ذاك
يريد يوصل گلبـي ليك
من لگيتك يــــالحبيب
خويه ذب روحه عليك
هـــذا انـــته .. ويلي ويل
وين صدرك .. گلي خيل
وين چبـدك .. گلـي ماي
گتــله امشي .. جـانه ليل
ياحسينآ .. ياحسينآ
"""""""""""""""""""""""""""""""""""''''''''''
دَنيت اذني يم ثغره ولنه يقسم بجدي
زينب خويه يازينب ذاب من العطش چبدي
مابياش افتش العين ياسيف العطش گدي
لا علمــنه ولا چفــوف
والنهر مــــاينطي ماي
طابگ اعلينه الجروف
وذابح بروحي منــــاي
مـــوتي راحه .. ومــــا أموت
سيـــف هـذا .. ونحره صوت
يمه اجـــــاله .. وريجــــــه نار
بنحره يمشي .. وظــل يفوت
ياحسينآ .. ياحسينآ
عبد زينب
محمد الابراهيمي
تذكر الروايات ان الامام الجواد عليه السلام استشهد اواخر شهر ذو القعدة
وانه واسی جده الامام الحسين عليه السلام . بقيَ ثلاثا علی سطح الدار بلادفن تصهر جسده الشريف حرارة الشمس .
ابو ذيه ونعي
🏴🏴
وين اهل الشيّم عنّه والاجواد
لا ابل التعنتله ولا جواد
علي امنلنجف مايفزع وله جواد
جثته اعلسطح بالكاظميه
🏴🏴
نصاري
ثلثتيام فوگ السطح بالحر
بشمس الگيض جثته الله واكبر
ولا هاشم جريبه وليه تحضر
يشيلون الجواد المات بسّم
محد من هله حاضر ونينه
تمدد للمنيه وغمض عينه
وين اللي يصل لهل المدينه
هاشم بالسده خليهه تعلم
🏴🏴
هضيمه تريد فزعه ترد الحگوگ
فزعة ليل والخيال لاحوگ
فزعة زلم خشنه اتشگ الحلوگ
تجي عنوه لعدوها ومه اتّلثم
🏴🏴
هالولاد ها يسباع يحيود
ابنكم بعده فوگ الدار ممدود
مامنكم فزع للثار هادود
ولا غيض بسمه بغداد غيّم
🏴🏴
لاحول ولا قوة الا بالله العلي العظيم
✍ ام محمد الحجاج
منهاج محرم الحرام لعام 1446 هـ
السيدة العظيمة أم البنين (عليها السلام)
اتغير وجهها من الشمس وابلا سبي
گـدما تتاني اعله الدرب سبط النبي
ومن ترجـع المغرب
لونَّها الهوه امشيِّب
وابلا سبي
اتصـلـي الفجـر والليـل مـا نايمتـه
وتتوكل اعله الله الدرب حافظتـه
والدمـع يصـرخ يبني چا وين انت
بگد ونها حتى الحجر يسأل يمتى
يمتى تحضر ...يـابـو الاكبـر... حتى الدرب حَدّب
دومـه يسـأل...اوجهـه يذبـل...وتـتـأخر ويـتـعـب
يومـيه يتعـب كلشـي اكثـر مـن امس
تكسر الخاطر من رحت حتى الشمس
ولـجـيتـك تحـسـب
لونَّها الهوه امشيِّب
وابلا سبي
ــــــــــــــــــــــــــــــ١ــــــــــــــــــــــــــــــ
الماي البَلا لون احمـر اصبح عدها
من عينها الدم بـي نـزل وي خدها
وهـــي التِــون ابـيـتـهــا اوحــدها
ياهـو اليمـر واجروحها ايضـمـدها
من توضت...إلا شعـرت...خدها اصـبح امجَرّح
وتحچـي للدم...لونك اعلم...بي فاجـعه مـذبح
كون انا الف مـره والف بعد انذبح
وحسين يرجع سالم وما بي جرح
وبيها الحچي ايعذب
لونَّهـا الهـوه امشيِّب
وابلا سبي
ــــــــــــــــــــــــــــــ٢ــــــــــــــــــــــــــــــ
يـرجـع الليـل وللصـبـح يـبـدي العـد
وكل الحچي اتكرها وتحب كلمة رَد
وتجبـر جفنـها اتـسده بس ما ينسد
عالبـاب تـنـطـر بلـكـي ويـدگـه أحد
بلكي منهم ...بلكي عنهم...يوصل خبر يسعد
اويه همـها...وكــل ألمـهـا...بس تشكر وتحـمد
والصبـح يرجـع والدمع زايد دمع
واليوم اكثر عن امس بي تنفجع
واكـثـر بـعـد تـندب
لونَّها الهوه امشيِّب
وابلا سبي
ــــــــــــــــــــــــــــــ٣ــــــــــــــــــــــــــــــ
يعقوب عطر ابنه بمسافه وليه شم
وحـسـيـن أول ســهــم مـنــه اتـألم
ام الگـمـر صـاحـت اشـم ريحـة دم
واندعـت مـن ولدي واخوهم يسلم
وتدعي تبدي...فدوه ولدي...ويرجعـلي ابو اليمه
ربـي تـدري.. افدي عمـري...ومن كل جرح سلمه
ونبـضـة گـلبـها تنـسـمع مـن القـهـر
بس صوتها راح اويه طبرات النحر
وظلت فقط تكتب
لونَّها الهوه امشيِّب
وابلا سبي
ــــــــــــــــــــــــــــــ٤ــــــــــــــــــــــــــــــ
السجـاد مـن گـال لبِـشِـر بالرجـعـه
تـوگـف شرط يم گبر جدنه وتنعـه
يعرف تموت ام الوفه امن تسمعـه
وحتى النبي ايخفف عليها الوقعه
يدري جده...هواي عنده...شــايـل مــوده الـها
ولولـه هايه ...مـن البـدايه...چا ميته يجـعلها
لوما رسول الله الها ساعد والصمد
چا ماتـت بيا اهل يثرب مـن نِـشَد
وشـافو اهـل يثرب
لونَّها الهوه امشيِّب
وابلا سبي
ــــــــــــــــــــــــــــــ٥ــــــــــــــــــــــــــــــ
اعتنت زينب تمشي بس محنيه
واتـگـابـلـت ام فـاگـده ومسـبيه
واتــذكــــرت عــــز ودلال ارقـيه
ودورت عـلـيـهـا ابيـنهـن ما هيه
مو سويه...شـو رقـيه...مـا ردت اويـاكم
باقي احد...بعده ما رَد...ولهسه ما جاكم
وعبد الله وينه البي عطر من والده
وجـتـهـا الربـاب ونـادت انه الفاگده
وصار البجي امعزّب
لونَّها الهـوه امشيِّب
وابلا سبي
ــــــــــــــــــــــــــــــ٦ــــــــــــــــــــــــــــــ
نسألكم الدعاء والفاتحة لوالديَّ
أحمد البصراوي العبادي
ابو ذيات جدد للامام الجواد عليه السلام
اعله گلبه الما تمر بالبال ... مرات
الليالي اويه الجواد اهواي .. مُرات
مو مرّه تجرّع موت ... مرات
بسبب حزنه عله الراحت سبيه ....
الزمن طرّاده وامعطّل .. سكـٰنها
ابجواد اليمه والغربه .... سكنها
يون . او ونته محد ..... سكنها
او گضه مسموم ويلي ابهل مسيه ....
عگب ما دمعته اعله الطف .... وشلها
گضه . والسم خِوه اعظامه .. وشلها
منو لجنازته ايشيع ...... وشالها
اعله سطح الدار اله ثالث مسيه ...
تسيل ادموم دمعاته ... واهلها
على عمته السباها الطف .. واهلها
آه من الالم يصرخ ........ وآه الها
لحد موته يون اعله السبيه ......
الجواد النحلاه الوجع ....... وانهار
تسمم ضل يلوج الليل ....... وانهار
اشكثر فوگ الوطيه اشطوط .. وانهار
لچن عطشان مات ابهل مسيه ...
ابو فاطمة الطائي
مجلس وصول الركب إلى كربلاء ١٤٤٦
💧💧💧💧💧💧💧💧💧
(لسان حال صاحب الزمان عج):
١/أذرفُ الدمعاتِ في الغربةِ وحدي
سارَ نحو الطفِ بالأهلينَ جدّي
أيها الموفونَ في الأزمانِ عهدي
جددوا مع صاحبِ العصرِ العزاء !
٢/ أذِّنوا حيَّ على خيرِ العمل
لصلاةِ الدمعِ فالركبُ وصَل
لا تسلني بعدَهُ ماذا حصل
استعدوا الآنَ قد حَلَّ البلاء
٣/مثلَ جدي ليس في الدنيا أحد
بعد قتلٍ سحقوا منهُ الجسد
والدٌ في حِجرِهِ أغلى ولد
ذبحوهُ ظامئاً تحت السماء
٤/ في هواهُ قد مضى أوفى الصِحاب
في العراءِ وحدَهُ بين الذئاب
نهشوهُ..جرّدوا عنهُ الثياب
تنسجُ الريحُ لهُ الرملَ رداء
٥/زينبٌ بنتُ أميرِ المؤمنين
تنظرُ الشمرَ على صدرِ الحسين
وتنادي جَدَّها الهادي الأمين
ذبحوا خامسَ أصحابِ الكساء!!
٦/أين دارُ الأهلِ بل أين الوطن
أين أبناءُ حسينٍ والحسن
محنةٌ هانت لها كلُّ المحن
فابنةُ الزهراءِ باتت في العراء !
٧/رأسُ مولاها على رمحٍ طويل
دون كفٍّ في الثرى يغفو الكفيل
ظامئاً من عينِهِ النهرُ يسيل
خاطبَتهُ : شيبتني كربلاء !!!!
محمد طالب العاملي
في ذكرى استشهاد الإمام الجواد (ع)
يالجواد ابَّالي دوم أتذكرك
جنه خضره او دوه اجروحي أستشعرك
&&&&&
عالأرض جنه لأنك .. جيت بجروحي النديه
ماكو مثلك بالمحنَّه .. يا طبيب الكاظميه
لو تصيرن عندي حاجه .. بس أمدهن لك إديه
بين هاي الناس شفتك .. وحَّدك تعطف عليه
ابكل مكان ابكل زمان أتصوَّرك
جنه خضره او دوه اجروحي أستشعرك
&&&&&
من عشگتك يا إمامي .. العافيه عندك شفتها
زرتك ابگلبي او شعوري .. او روحي بيدك سلَّمِتها
كلشي لجلك آنه عفته .. بس خدمتك ما عفتها
اسنيني يمحلِّيِ اسنيني .. لو ما حبك ما عشتها
يا إمامي إسمي ضُمَّه ابدفترك
جنه خضره او دوه اجروحي أستشعرك
&&&&&
خدمتك رفعت لي راسي .. او حققت كل أمنياتي
يا إبن ضامن الجنه .. ادخيلك اضمن لي نجاتي
تدري لو ما آنه أحبك .. ألله ما يقبل صلاتي
و آنه لو ما صرت أخدمك .. چان مخنوگ ابحياتي
أختنگ والرِّيَّه عندي منبرك
جنه خضره او دوه اجروحي أستشعرك
&&&&&
اشما أخاف آنه ابحياتي .. ألگه يم بابك أماني
دنيتي اتعطِّش دليلي .. او بس نهر حبك رواني
ابحيرتي بس انته عندي .. او مالي غيرك والله ثاني
يالتعيش ابنص ضميري .. گبتك قبلة كياني
بالزياره ارحم دليل امحيّرك
جنه خضره او دوه اجروحي أستشعرك
&&&&&
ابمنحر احسين او دماءه .. وابسحگ أضلاع صدره
و ابرضيعه اعليك أقسم .. ردت من عيناك نظره
خلني أجي الگبرك وأزورك .. هذا گلبي لا تكسره
روحي تعثر بالمدامع .. و الفرح بس عدها حضره
ابمنظر الگبه فرحتي او منظرك
جنه خضره او دوه اجروحي أستشعرك
&&&&&
إبراهيم الدريس
في ذكرى استشهاد الإمام الجواد (ع)
يالجواد أهلك عجب ما جولك !
ابغربه رحت او شيعتك يبجولك
بالسطح ونِّ الحَمَام
وين أهلك و العَمَام ؟!
&&&&&
ياللي ما عاش الفرح لحظه ابدليلك
يتَّم النسمات يالغالي رحيلك
متت محَّد بالعَذِب برَّد غليلك
عالسطح ظليت ما واحد يشيلك
بالسطح محَّد إجاك او شالك
وين أعمامك غِدت و اَخوالك ؟!
وَحَّدك تلكه الحِمَام !
وين أهلك و العَمَام ؟!
&&&&&
لا تظن جمرةْ غيابك بينه تبرَد
او على امصابك من دِمَه يبجي مُحمَّد
امصيبتك لِجْمَت ضِلِعْنه ألله يشهَد
او حتى مدمعنه اليِهِل لابس لك أسوَد
ابمجلسك يبن الرضا تلكانه ..
كل سنه والزهره تبجي اوْيانه ..
بالشمِس يبني تنام !
وين أهلك و العَمَام ؟!
&&&&&
ابعِز شبابك أَخْذِتك هاي المنيه
غيبتك فطّرت جبْد الكاظميه
الغاضريه اعليك تبجي الغاضريه
او شال رايةْ حسره تلِّ الزينبيه
والألم واللوعه كلها ابمشهد
فرقد اينوح ابهظيمه الفرقد
بالدمِع صار الكلام
وين أهلك و العَمَام ؟!
&&&&&
فطّرالهاي السِّمه يالغالي سَمَّك
و الشمِس صِهْرَت ثلثةَ أيام جسمك
إلطيور اتظلِّل اعليك او تِكلْمَك
ليش محَّد من هَلَك يالوالي يمك ؟!
جاوَبِتْها اِبْعاد عني اهوايه
او هيج موتي بيْه عندي غايه
غايتي الطف و السلام
وين أهلك و العَمَام ؟!
&&&&&
صح متت بالغربه و أحوالك رَهيبه
لجن جثتك سالمه او ما هي سليبه
إنته صح مطروح بالحر او لهيبه
لجن من دمك لِحِيْتك مو خضيبه
امن القفا لا مَنْكِطَع لك نحرك
او لا حوافر هشِّمت لك صدرك
بالجِسِم ماكو سِهام
وين أهلك و العَمَام ؟!
&&&&&
ابغربه ألله كاتب العمرك نهايه
بس أُخُوْتك عالأرض ما هُم ضَحَايه
عيلتك ما شافت اهوال او رَزَايه
او عالهزل ما راحت اِبْناتك سِبايه
بعد موتك عيلتك مهيوبه
اِخْيَمْها ما محروكه لا مضروبه
ما إلك حركوا خِيام
وين أهلك و العَمَام ؟!
&&&&&
خادم الجواد (ع) : إبراهيم الدريس
في وفاة الإمام الجواد (ع)
حاجات .. يا سيدي
ابدمعات .. يا سيدي
& & & & &
ياللي بابك منوصف باب المراد
عدنه حاجات او إجيناك ابدمع
سيدي كل دمعه في ليل المصاب
إحنا وَجّيناها لعيونك شمع
والشمع منريده يالغالي يذوب
إلا والحاجه ابتحَقُقْها تشع
نقسم اعليك ابأبو اليمه الذبيح
او نقسم اعليك ابكسر ذاكَ الضلع
حاجات .. يا سيدي
ابدمعات .. يا سيدي
& & & & &
ندري بابك ما يرِدِّ السائلين
لأنْ بابُ الله بابك يالوِلي
او ما تسد بابك أمام اليِنْتُخوك
لأنْ ما سد بابه عالسائل علي
يرجع الأهله الفرح يسبُكـ خُطاه
إللي كل عمره حزين اومبتلي
واللي مد جفه اعله بابك يالجواد
ما يرد من جودك الطافح خِلي
حاجات .. يا سيدي
ابدمعات .. يا سيدي
& & & & &
عدنه أمراض اشكثر يبن السجين
هيه ما إلها دواء او لا شِفا
بس إذا جفك عليها اتمُر أكيد
تشفى كلها ابسُرعه يا راعي الوِفا
إنته مو بس للعلل صاير طبيب
حتى للأرواح تربك نوصفه
ياللي إسمك من يمرِّ اعله اللسان
إيطهِّره من كل دَنَس و يشرّفه
حاجات .. يا سيدي
ابدمعات .. يا سيدي
& & & & &
من كبُل ما نحجي تعرف شالنريد
لنّك انته العايش ابنص الكلُب
الحاجه تكضيها يبو الكلب الرحيم
من كبُل دمع المحب عالخد يصُب
إنته ما عندك طلب يصعب عليك
اتكول يا فاطم او ينزال الصعُب
امراد تنطيْه لليزورك من بعيد
مثل ما تنطي اليزورك من قُرُب
حاجات .. يا سيدي
ابدمعات .. يا سيدي
& & & & &
اعليك امشِّي السوِّدَوا إلها المُتُون
واللي حَيْرُوها ابعليل او عايله
بلّغ الخِدَّام عاشور الحسين
او زيد بيهُم حُب خِدامةْ (كربله)
ابـ آآآ يبو السجاد ومصابه الفظيع
خلهُم ايواسون فاطمةِ العُلا
او وفّق الخدام بيَّام العزاء
يندبون اللي شمر صدره اعتِلى
حاجات .. يا سيدي
ابدمعات .. يا سيدي
& & & & &
باقي أعظم حاجه يا شبل الكرام
و أخْتِصُر راح آنه وَيَّاك الكلام
سلّم النا اعله اللي هوه آخر إمام
او كله شيعتكم يعيشون ابظلام
كله ماكو نور هم ماكو سلام
من غبت يبن المظلل بالغمام
تظهر ايريدونك ابّيت الحرام
او يِنْصُرونك مثل عابس بالهيام
حاجات .. يا سيدي
ابدمعات .. يا سيدي
& & & & &
خادم الجواد (ع) : إبراهيم الدريس
قصيدة في حق الامام محمد الجواد عليه السلام
وداعاً وداعاً جرح شیع جرح
وداعاً وداعاً متت فوگ السطح
****
عالجواد ابچي و عله شوغة مصابه
ابوالهادي استشهد ابأول شبابه
بدره هاللیله علن رحلة غیابه
بعد ما عاش ابمحنته و ابــ عذابه
وداعاً وداعاً بقه دمعي یسح
وداعاً وداعاً متت فوگ السطح
****
الهادي انه و دمعتي بخدودي جمره
و الیفارگ والده ایامه حسره
و الجواد الشیعت بچفوفي عمره
احس روحي تنذبح لمن اذکره
وداعاً وداعاً یبو وجه السمِح
وداعاً وداعاً متت فوگ السطح
****
عالسطح مرمي ثلاثه و چبده ممرود
المات ابو ابسرعه بعد هیهات اله ایعود
اسود ابعیني صبح کل هاذه الأوجود
عله امصابه من الدمع جرحت الأخدود
وداعاً وداعاً انکسر مني الجنح
وداعاً وداعاً متت فوگ السطح
**
فوگ ما طایح بقه و یستعر چبده
الشمس تصهر جثته و عالترب خده
اعیونه تربي و ما حضر من اهله عنده
ایعالج ابروحه و صبح عالسطح وحده
وداعاً وداعاً فلا مثله یصح
وداعاً وداعاً متت فوگ السطح
***
ایعالج ابروحه صفه و چبده تفطر
وحده ظل من الألم وضعه تغیر
لونه شاحب صایر و دلاله یسعر
یالجواد اصرخ صرت الله و اکبر
وداعاً وداعاً فلا مثله یصح
وداعاً وداعاً متت فوگ السطح
***
الهسِه بسماعي بقت نبرة ونینه
مات ابویه و خلصت ابسرعه سنینه
للسمه صعدت شفت روحه الحزینه
فارگت اجمل حنان و عطف عینه
وداعاً وداعاً صعب صار الشرح
وداعاً وداعاً متت فوگ السطح
***
لخادم الحسين علي فلاح الواسطي
26ذي القعده
1445
#قصيدة_للأمام_الجواد
يا باب الحاجه اتلگانه
جبنه هموم الدنيا ويانه
****
جيناك يمعدل الحچي يا مدت الايد
ها يلجواد بحضرتك تدرينه شنريد
بداعت الكاظم سيدي يبن الاجاويد
كلمن يگلك حاجته تگضيهه وتزيد
ما يبقى بالحضره الخوف
تحل المشاكل معروف
شفنه الضريح وشنشوف
غير انتم رحمة دنيانه
جبنه هموم الدنيا ويانه
***
معروف يا ابن الرضا يا باب الاجواد
لوما عطركم سيدي ما تسوى بغداد
انتم مصابيح السمى وبالگاع الاوتاد
انتم سكنكم بالگلب ما صرتو ابعاد
ها يا ملاذ وبيبان
يا نعمه من الرحمن
كلمن گصدكم تعبان
تتلگونه ابشر خلصانه
جبنه هموم الدنيا ويانه
****
يم بابكم تگضي الشدد وتهود العين
ديوانكم مثل الحسن حيا المجبلين
ما تبطي يم باب الصحن لا شنهي بعدين
كل الحوائج تنگضي يم الجوادين
يهل الكرم للزوار
ما يبقى واحد محتار
ها يلتبردون النار
صرتو لكل عاجز عوانه
جبنه هموم الدنيا ويانه
***
لومرض تصعب علّته وميفيده دكتور
بس أگصد بدمعه وتطب للكاظم تزور
هو الجواد ايعالجك بالرحمه والنور
يلرايح بهمك وعد من ترد مجبور
كشفيته دمعه اعله حسين
مثل الزكاه دمع العين
بالمجلس اتوفي الدين
ندري حسين ولا ينسانه
جبنه هموم الدنيا ويانه
****
هلدنيا تولينه ونجي يم اطهر الناس
يگضون كل شده التمر يا رفعة الراس
اليگصد عليهم لو رجع متروس نوماس
بس حلف العتره بنظر وچفوف عباس
ما تبطي تاخذهه وياك
والحاجه بچفوفك هاك
وياك يلشيعي وياك
رايح للما سد بيبانه
جبنه هموم الدنيا ويانه
كلمات الخادم / #رعد #الفريجي
حـشـمـت بـويه علـي........آلخيل دآست عل آلولي
زينب آنه آلحشـمـيت..........بــويه شـتمـولي هـلي
حـشـمـت بويـه يآ حـيدر.... كوم شـوف آلي جـره
سـحـكت خـيول آل مـيه....وآلشـمـر حـز مـنحــره
وآنه صيح بـعآلي صوتي....يمـــه كطــعـو خنصره
وعــتـنـيـته آمشي مشي....حـشـمـت بـــويـه علي
عـتـنـيته ورحــت يـمـه......كــوم ورجـــع يـآآمـآم
لآ تـضـل نآيـم يآخـويـه.....مـو وكــت نـوم آليـنآم
آلكوم هجمـت يبن آمي.....وشـبـت علينه آلخـيـآم
ضـعـوني بــيه تنســبي.....حـشـمــت بـــويه علـي
.....
رحت يم جسم آلحسين.....مكطـعينه بل آلسـيوف
ردت آروف جـروح مـنه.....يـآجـــرح مـنه تـــروف
لآبـــكه عبــــآس يـمـــي.....وكطـعو حته آلجـفوف
كــوم شـدلي مـحـمـلـي.....حـشـمـت بــويـه عـلي
....
آنـوب وبـلهـفه عـتنـيته.....وگمت آدور عل آلكفـيل
شلون خـويه تنآم هسـه....ولـــهـزل عـكــبك يميـل
كآمـو يضـربــون مـتني.....وآلـدمـع خـويه يـسـيل
آنتـه تــرظـــآهــآ آلـــي..... حــشـمـت بـــويـه علي
....
عـتـنـيته وشـفت عينه.... شـلون صـآيبــه آلـسـهم
آعتذر خـويه عله عتبي....آدري يآلــكـلبــك شـــهم
جـنت يم حسـين هسه.....وجـسـمـه كـلـه مـنهشم
خـويه مـحـنه محـنتي.....حــشـمـت بـــويـه علـي
..............................................................
خـآدم آلحـسـين✍️ عبــآس آلسـعيدي
.............................................................
لاستشهاد الامام محمد الجواد عليه السلام
شلون حاله بهلمسيه ثامن اولاد الزچيه
صارت الدنيا ظلام من بعد سم الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه. ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه. بلوعته وشوگه وحنينه
الدنيا ماتسوه ملام. من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه. ينگطع نسل الامامه
عنده غايات ومرام. من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت. الدين وجماله
عاجلت بالسم على نهج العداله
من طبع جعده ومثلها هزت الكون بفعلها
ياعذر عدها وكلام. . من بعد سم الامام
ثامن اولاد الزچيه
الشاعر حسن لعيبي الحريشاوي
لون آصف انه عندي
مايظل دمعي عله خدي
چان هسه عله سحاب امشيلهم
اوصل اباب الخيم وحچيلهم
*******
ابدموعي امشي وماشفت
فوك الترب يهلي طحت
من الرگض جدمي تعب
يعني اله اكلكم متت
ضعن الاهل يحدي بغرب
ظليت اعاين عالدرب
امشي عله اثركم تيهت
ياهوه اليرجعلي الگلب
يافرحه التلم بيتي
راحت مني عافيتي
فرگتهم خذت عمري
مخنوك الهوه ابريتي
كون هدهدهم وصلني
حتى يخلص بيه حزني
اگعد الرب السمه وادعيلهم
اوصل اباب الخيم وحچيلهم
*******
حتى النسيم اشكد صلف
وياي ....ما شاف العرف
كل حادي لو مر أسأله
ودموعي غطاها الجرف
كون ابطرف عيني شفت
حسين.... واگف والتفت
بالصدفه لو شفته وصل
من لهفتي بحسره طحت
يهل الفزعه لو يمي
يمكم ينتهي همي
ظلت فاطمه ابحيره
بيت بلا اهل هضمي
لو عرش بلقيس حاضر
برمشت اعيوني اسافر
روحي من كثر الهجر تشكيلهم
اوصل اباب الخيم وحچيلهم
*******
ابابكم يهلي نمت
فوك التراب اتوسدت
اشتم عطركم من بُعد
عانيت واشگد اتعبت
صعبه اليتاني من السفر
اشگد ياكل بروحه الهجر
وعيوني ظلن عالدرب
ما بيين اگبالي الگمر
فرگاهم حنه ظلعي
اذان الصبح دمعي
محد گايل اشلونج
متخربط وصل وضعي
امنين اجيب الراح مني
اتعودت شو طال وني
اشگد دعيت ابدمعتي اوفيلهم
اوصل اباب الخيم وحجيلهم
*******
عبدالله لو فز بالمهد
بالرگبه شو سهمه گعد
چم مره يابويه متت
احسب دللوه يالولد
للخيمه راجع منجرح
وشلون اقيس انه الرمح
ازغير اخيي اشكد ترف
عطشان ويضوك الذبح
مخنوك الهوه بصدره
بويه منگطع نحره
مابرد غليله ومات
ظلت بالكلب حسره
كون بس ارگض وشبگه
اگماطه يمي وبيه شهگه
شوغتي ابدار المصايب ليلهم
اوصل اباب الخيم وحچيلهم
*******
يابويه رد خالي المهر
وشبعد كلبي ينتظر
من طيحتك كلبي انمرد
ظل ياكل ابروحي الهجر
سهم المثلث صوبك
والعطش اكثر عذبك
كل هذا ترگض عمتي
عالرمضه ثوبك سلبك
محد غمض اعيونك
شمسوي العطش لونك
تتوسط عليك الخيل
ما واحد وگف دونك
بالدمع لو بيدي ارويك
عالگلب ياريت اخليك
عالذبح متوچي صار بحيلهم
اوصل اباب الخيم وحچيلهم
*******
تمت بعون الله تعالى
#خادمكم........ يوسف الفتلاوي
مجلس مسلم ١٤٤٦
💧💧💧💧💧💧
في العينِ دمعٌ بل نزيفُ دماءِ
لمصابِ مسلمَ مأتمي وعزائي
ثقةُ الحسينِ حبيبُهُ وسفيرُهُ
روحي الفداءُ لأعظم ِ السفراءِ
صلى بهم في الفجرِ يالهفي لهُ
يبقى وحيداً في صلاةِ عِشاءِ !
أبكيهِ ما بين الأزقةِ حائراً
يا للغريبِ يدورُ في الأحياءِ
وتراه من بعد السقايةِ طوعةٌ
بالباب يجلسُ جلسةَ الغرباءِ
أنا مسلمٌ وانا الغريبُ بمِصرِكم
لا أهلَ لي في هذه الأنحاءِ !
لكِ طوعةٌ للأجرِ إني ضامنٌ
من حيدرٍ وشفاعة ِ الزهراءِ
قصرُ الإمارةِ يا حسينٌ شاهدٌ
تأتيكَ منه ُ أفجعُ الأنباءِ
يرمون من قصرِ التآمرِ مسلماً
صبغَ الثرى بالدمِّ لا الحنّاءِ !
وبرأسِهِ جابوا الأزقةَ ويحَهم
هذا سليلُ السادةِ النجباءِ
ويُجرُّ مع هاني بِذُلِّ مهانةٍ
فوق الثرى.تبت يدُ الحُقراءِ
في كربلا لكَ كان أولُ مجلسٍ
ينعاكَ فيهِ سيدُ الشهداءِ!!!!!
محمد طالب العاملي
لحن (خويه الخيمه)
بصوت
ملا عباس الطليباوي
بغداد
1445 لطمية الحج الأعظم / تلبيات الحسين ع
💧💧💧💧💧💧💧
الحجُّ في الطفوف والكعبةُ السيوف
وحجُّهُ مبرور بنحرهِ المنحور
حسين حسين حسين
1/سكنَ المثلثُ قلبَهُ والنزفُ خضَّبَ شيبَهُ
وحسين ُيهوي للثرى ظمآنَ ناجى ربَّهُ
لبيك ربَّ العالمين لبيك في حَزِّ الوتين
بالصدرِ تحت خيولهم لبيكَ في حَجَرِ الجبينْ !
فوق الثرى أتمددُ والشمرُ فوقي يقعدُ
في القبرِ يصرخُ أحمدُ حسين حسين حسين
2/لم يبق عندي من ولد هل من نصيرٍ لا أحد
الروحُ هامت والجسد ْ في "قل هو الله أحد"
لبيكَ عند المصرعِ بلسانِ فيضِ الأدمعِ
عباسُ حارسُ زينبٍ لبّى بقَطْعِ الأذرُعِ
بالسهمِ لبَّتْ عينُهُ في الجرحِ فاض حنينُهُ
أنفاسُهُ وأنينُهُ حسين حسين حسين
3/بجمال يوسفَ قد أتى كم يشبهُ الجدّ َ الفتى
سقطَ الشبيه ُ مُضرّجاً وهوى أمامي ميِّتا
سقط الجمالُ على الرمالْ منهُ عقيقُ الدمِّ سالْ
ولدي على الدنيا العفا يا ليتها تهوي الجبالْ!
كرار ُ ينعى الأكبرا اللهُ أكبر كبرا
تهوي السماء ُعلى الثرى حسين حسين حسين
4/لبيك طفلُ الملكوتْ ظمآنَ في حجري يموتْ
صلّت إليكَ دماؤهُ قرأت بكفيَّ القُنوتْ !
للطفلِ ذا سهمُ الخِياطْ قد خيَّطَ الموتَ قِماطْ
أرمي دماه للسما دمُه ُ إلى اللهِ الصراط ْ
دمهُ المسافرُ لن يعود ْ للهِ يمضي في الصعودْ
لو عادَ لاحترقَ الوجودْ !!! حسين حسين حسين
5/لبيك ربي في القيام ْ والجسمُ تملؤهُ السهامْ
لبيك أسقطُ للثرى والعينُ تنظرُ للخيامْ !
يُغمى عَليَّ وأستفيق ْ وأرى بعينيَّ الحريق ْ
بدخانِ خيمةِ زينبٍ في الصدرِ أنفاسي تضيق ْ
الخيلُ تسعى زاحفة من بعد سعيٍ واقِفة
للخيلِ صدري "عرفة " حسين حسين حسين
6/لبيك عند الضربةِ والسيفُ يكسرُ رقْبتي
والوجهُ يسجدُ في الثرى متعفراً بالتُربةِ
بدمِ الشهادةِ أسبَحُ طفلي بحِجْري يُذبَحُ
شكراً الهي سيدي ظمأى الشفاهِ تُسَبِّحُ
لبيكَ بالرأسِ يُطاف ْ والدمُّ ينزفُ في الطواف
نهراً يسيلُ بلا ضِفاف ْ حسين حسين حسين
7/لبيك تسُبى زينبُ وبسوطِ شمر ٍ تُضرَبُ
في الطف تركضُ في الفلا ولها خيامٌ تَلهَبُ
الخيلُ تركضُ خلفَها والشمسُ تُحرقُ وجهَها
وتعثرت بردائها بكتِ السماءُ دماً لها
الرملُ يشربُ دمعَها والأرضُ قد أنّت لها
قد زلزلزلت زلزالها حسين حسين حسين
محمد طالب العاملي
#رئيسية_للخدمة
فصلت الحزن عالروح وغير الدمعه ما اندل
ياراحه الضعن منهوب ونسوانه على الهِزل
تكتله عبرته العاشگ خيمه محترگه
يگلبي حبيبك اعله اهله كتلته الحرگه
بالحب الوادم مرتاحه
بس اني حبي بلا راحه
غربه وموت ودم وامتون
حسين العطشان الدامي
امنيتي اسمع بي مو ضامي
وما يوگع من الميمون
اليحبله بشر ضايع تحت خيل ال اميه
الحزن يتربع بگلبه وتخنگه الاعوجيه
مشه الناس العشگ بيها وانه حسين بيه
يمرني الليل وأتذكر ليل اهدعش والوادم
ركضت عالخيم وحسين ضل فوگ الترب نايم
تطشر توذر وخيل العسكر تسحگه
الضهيره ينازع اعله اهله كتلته الحرگه
.
.
.
.
سلبوها اثياب الحبيته
وردو حرگو بالطف بيته
وگطعو خنصر من الايد
واتگلب بالخيل العشره
صبغت رجليهن من صدره
ودنه ياگلبي بعيد
يجيبون العذب يمه ويبدونه أمامه
عدل بعده الخلگ صاحت انهبوهن خيامه
يگوم ويوگع الضامي ويلجمنه سهامه
حسين الجابته الزهره بالطف سبحه واطشر
ومثل ما نهبو العباس بخِيامه نهبت العسكر
الزجيه لهسه تلفظ اسمه وتشهگه
وتنادي فؤادي اعله اهله كتلته الحرگه
.
.
.
.
ثوبي الاسود ما ابدلنه
الا وجاسم بيده الحنه
ورمله تعلگ يمه اشموع
والا حسين ايرد بعياله
وما تفتر فوگه الخياله
ورأسه بجسمه وما مگطوع
بعد يا راحه اعيشنها وسبو ضعن العقيله
شِفَرِح گلبي واطوق بالهموم الثكيله
ومسافات الأرض عندي مسافات الهزيله
زغير وامي گالتلي ييمه الخدمه داريها
وعين الما بچت لحسين عميه وخير ما بيها
مقامي بخدمته مثل هالنعمه وين الگه
ومنوه الاشوفه اعله اهله كتلته الحرگه
.
.
.
.
مهموم حسيني باحزانه
أخذوا عالهزل نسوانه
وفترو من سوگ لسوگ
بسوط وغربه ودم وعبره
يسبوها ابنيات الزهره
وتعرج طول الممشه النوگ
أنه براسي ضعن يفتر وخرابه بلا محامي
ورمح ما تگدر تلوحه رقيه وكله دامي
ويدنگ الها ويگللها يبويه لسه ضامي
مرتاحه بنات ايزيد وبنات حسين مسبيه
وأبوهن عالعرش وحسين ضل بعازة اميه
مخضب ينازع ويابس بالفله حلگه
وعيونه الخيامه اعله اهله كتلته الحرگه
.
.
.
.
عفت الراحه لاهل الراحه
عشت ايامي طف وانياحه
ومن الخدمه ما مليت
ليليه ادموعي تواسيهم
متعافي الما يبچي عليهم
ويلبس حزنه اعله أهل البيت
ابنمن انت اليگلي اگله ابن المجالس
لمحني بغيرته الساگي وصرت مثل العوابس
مثل جونه صبح گلبي واحلى من النوارس
جنت ضايع وگلبي بعيد ومدلي اجفوفه ابو ارقيه
وصرت انسان من الگيت روحي بالحسينيه
قداسه ترافه حگها الوادم تعشگه
ودمعها لانه اعله اهله كتلته الحرگه
عبدالله الشويلي
منهاج محرم الحرام لعام 1446 هـ
السيدة العظيمة أم البنين (عليها السلام)
گِـعــدَت يَـمَـه...بـأخــر لـيـلــه...وترجـف كلها
إتسأله اتردلي..ويسكت صوته..ودمعه ايگلها
عذريني عذريني
ليلـه وتفـگديني
دمعه ايگلها
بـس ليـلـه....للـعـيـلـه
والسـكـتـه....تسـمعـها
عن صرخه هَم
وام كـافل....مـا راحـل
بس تبچي...امن الفرگه
مـن هـسـه دم
ولحـسـيـن اتـبــاوع مـا تـطـبـگ للجـفـن
وسفه اتگول ونظره اخسر من هالحِسِن
ليـلـه العنـدي وعـمـري القـادم بس حزن
بيَّـه شـلون ويـمـي حسيـني وليـه أحِـن
اتريد اتگـله..اوياكم أمشي..بس ما تگدر
اتموت بأول ..جرح اتشوفه..لإبنه الأكبر
وگَللها ودعِيني
ليله وتفگديني
دمعه ايگلها
ـــــــــــــــــــــــــــ١ـــــــــــــــــــــــــــ
تفتـرهـم....تنظـرهـم
من حجره...ولحجره
اتگـضيّـها ون
بكل لحظه...وكل نبضه
لعبد الله....وارقيه
گلب إلها حَن
بكل نَفَس اتشم ابعبد الله امن النحر
وَيَّـاي إبقـى الطـف اتگـله بـي خطـر
واعله حـسيـن ايأشـر تنظـر والگـمر
وگـالتله المـوت ولا اشـوفن هالسفر
واترد تنحب..يم ارقيه..واتشـم بيها
چنها وتعلم.. هاي النسمه..مَترِد ليها
واتگلها حضنيني
ليله وتـفگـديني
دمعه ايگلها
ـــــــــــــــــــــــــــ٢ــــــــــــــــــــــــــ
يم زينب....تتگرب
بالحسره.. والدمعه
مـا إلهـا عَـد
مولاتي.... آهاتي
اتگللها..امـن الليله
مـا حدها حَد
يمـچ چنت امـن اگـعد كل هم ينجلي
وبعد حسـين وبعـدچ ياهو ايظل إلي
ويه اجروحي ودمعي ونوحي أختلي
وانتـم أخـر نسـمـه الظـلـت مـن علي
وين الگـاكم..يالفرگاكم..جرحي الأعظم
وعن الشامت..دمع اعيوني..لا ما ينظم
وتبچي وتحاچيني
ليـلـه وتـفـگـدينـي
دمعه ايگلها
ـــــــــــــــــــــــــــ٣ـــــــــــــــــــــــــــ
يم رملـه....بس تعـله
ونـتـهـا....قـاسمـهـا
تنـظـرله هَـل
ونـتـها....ابسكتتها
تخفيها...والمدمع
ما لحظه قَل
اتباوع وجهه الأصفى واحلى امن الصبح
وتـسـمـــع أمــه اتـنــاديـه اهــلاً بـالســمح
نـادت ويـلاه واتحـس مـدري بـچـم جرح
يـا حـال امــه شـلـون اتـشـوفـه ويـنـذبح
شگد اتعذبت...يمها ونحبت..تعـرف كلشي
اتجرَّح خدها...ما ظل عدها..حيل وتمشي
وتنخاها عينيني
ليله وتفـگـديني
دمعه ايگلها
ـــــــــــــــــــــــــــ٤ـــــــــــــــــــــــــــ
بخطـوتها....كِلمـتها
يا دمـعـي....لا تهـده
مـن عينـي صُب
ومن رَدَّت...ابهَم گعدت
يـم اغـلى....يم أحلى
يم أوفى حُب
عـدهـا حسـين ومـحـد مثله اتحب أبد
وحان اوداعـه وصاحت أَبقى ابلا سند
گَـلها مـن اربـعـه خـل نـتـركلـچ لـو وَلَد
گـلـتـلـه ابـغـيــرك مـا افـكــر والصـمــد
انت اتهِـمني...ومَيألمني..افراگ لغيرك
يُمه اتنادي..هاي أولادي..فدوه لخيرك
يا يُمه إنعيـني
ليله وتفگديني
دمعه ايگلها
ـــــــــــــــــــــــــــ٥ـــــــــــــــــــــــــــ
نسألكم الدعاء والفاتحة لوالديَّ
أحمد البصراوي العبادي
*حج الامام الحسين ع لحن الجفيري~*
حجي بمحرم والطفوف
والكعبة جسمي والسيوف
حول الجسد راحت تطوف
وتتوضه من جسمي الطريح
〰️〰️〰️〰️〰️
مبيتي في حرّ العرا
بحر الشمس فوق الثره
وغسلي بدموم معفّره
حسين انه يا ربي ذبيح
〰️〰️〰️〰️〰️
حجي يصير على التراب
طعن الجسد سيف وحراب
وغسل النحر دم وخضاب
بيت الله يا ربي جريح
〰️〰️〰️〰️〰️
و بصوتي يتعالى النداء
ارزقني الشهادة بكربلاء
ونحري كبش لله فداء
ودمي يلبي لك يصيح
لبيك يا رب~
خادمة آل محمد ✍🏻
*طواف الامام الحسين ع حول الكعبة*
لبيك وانا المذبوح شايل ظعني وعياله
اجيتك يا إله الكون وانت تدريِ الحاله
ما بين الصفا ومروة جسمي اتوزع اوصاله
ورمي الجمرات خيماتي
هناك بكربله الميقات
〰️〰️〰️〰️〰️
فدوِ الحج عبدالله طفلي بالسهم مفطوم
وسعي زينب بأرض الطف و ما بين الجسوم تحوم
وبدل عرفات فوق التل تعاين عالتراب جسوم
كلها موزعه الاوصال بسيوف العدا الطعنات
〰️〰️〰️〰️〰️
تفك احرامها الحجاج وانه ثوبي يتسلّب
وجسمي مرضرضه اعظامه بدم النحر يتخضّب
لبيك بگطع راسي وريدي دمومه تتصبّب
لبيك وذبيح الله وجسمي عالتراب يبات
خادمة آل محمد✍🏻
▪️قصيدة لطم بحق الإمام الجواد (ع)
مَنَالُ الأماني...ببابِ الأمانِ
بالجوادْ
وحِرْزُ الزمان...وحِصْنُ المكانِ
بالجوادْ
فـدُنْـيـانـا زهــيّهْ
بشَمْسِ الكاظميهْ
بالجوادْ
١/تاسعٌ مِنْ آلِ (ياسينَ) و(عَمْ)
فضلُهُ قدْ غمَرَ الخلْقَ وعَمْ
إنَّهُ أَشْهَرُ مِنْ نارِ عَلَمْ*
فعلَى الجودِ لهُ رفَّ العلَمْ
كفُّه بابُ عطاءٍ ونِعَمْ
قبْلَ أَنْ تطرقَهُ..تأتي: "نَعَمْ"
فَمِنْ كلِّ نادي...أتيْنَا نُنَادي
للمُرَادْ
بسطْنَا الأيادي...لخَيْرِ العِبَادِ
للْمُرادْ
فمِفتَاحُ القَضِيَّهْ
بشمسِ الكاظميهْ
بالجَوادْ
*أشهرُ من نارٍ على علَمْ
مثلٌ قديم: يعني به أشهر من نارٍ على جبل.
٢/إنَّهُ والميْتُ في قعْرِ الحُبُوسْ
علَّما دهْرَ الخياناتِ الدُّروسْ :
آلُ طهَ وحدَهُمْ مَهوى النُّفوسْ
وعلى أعتابِهِمْ تحنو الرؤوسْ
وكفانا مثلاً: شمسُ الشُّموسْ
ذَلِكَ السُّلطانُ في مشهدِ طوسْ
عليُّ بنُ موسى...يضيئُ الشُّموسا
للعبادْ
يداوي النفوسا...طبيباً كعيسى
للعبادْ
وأعطـــانا هــديَّهْ
بشمسِ الكاظميهْ
بالجوادْ
٣/حدِّثي بغدادُ عنْ غدرِ الزَّمنْ
أَبْعَدَ الــطَّيِّبَ عنْ أرضِ الوطَنْ
قُرصُ خُبْزٍ عند طٰهَ المؤتمنْ
لا تساويهِ قصورٌ وجِنَنْ
والذي في قلْبِهِ زادَ المِحنْ
أَنَّهُ اشتاقَ إلى "أُمِّ الحسنْ"
بنفسي الشبابا...مِنَ الهمِّ شابا
في ابتعادْ
وذاقَ العذابا...مصاباً مصابا
في ابتعادْ
فما أَدْهَى الرزيَّهْ !
بشمسِ الكاظميهْ
بالجوادْ
٤/مَحْجِرُ العرشِ تَراءَى أبْيضا
يذرفُ الدمعَ على خدِّ الفضا
مثلَ طهَ، سيِّدُ الجودِ مضى
زوجُهُ دسَّتْ لهُ سُمَّ القضا
نَفُسها عادتْ ببُغضِ المُرتضى
نَفْسُها قدْ قتلتْ إبنَ الرِّضا !
تعــدَّتْ بقوْلِ...عَلَيْهِ وفِعْلِ
بالــعِنادْ
فلا "أمُّ فضلِ"..بلى "أمُّ قتْلِ"
بـالـعِنَادْ
بدتْ تِلكَ الأذيَّهْ
بشمسِ الكاظميهْ
بالجوادْ
٥/"جبلُ النورِ" هوى في الدَّكَّتينْ
لرَبيبِ الوَحْي نجْمِ الخافِقَيْنْ
ذا يدُ اللهِ وثـــاني الثَّقَلَيْنْ
مُثقلاً بالغصْبِ قدْ جرَّ اليديْنْ
زاحفاً للسَّطْحِ يُجري الُمقْلتينْ
وينادي "واحسيناً" واحُسينْ"
على السَّطحِ ينحَبْ...وأحشاهُ تلهبْ
باتِّقادْ
فــ"آهٍ لزينبْ"...وخِدْرٍ مُسلَّبْ
باتِّقادْ
دمــوعٌ زينبـــيّهْ
بشمسِ الكاظميهْ
بالجوادْ
٦/أقْبَلَ الضِّلْعُ بآلامِ الجدارْ
وانحنى يبكي لهُ ليلَ نهارْ
ينظُرُ الُملقى على سطْحِ الدِّيارْ
قدْ رمَوْهُ للثَّرى بئسَ القرارْ!
حرَّ قلْبي لحسينٍ في القفارْ
صدْرُهُ قَدْ صبغَ الخيلَ احمرارْ!
أَتَتْهُ الخيولُ...عَلَيْهِ تجولُ
في الوهادْ
فناحَ الرسولُ...لهُ والبتولُ
في الوهادْ
وَيَا جُرْحَ الزَّكيَّهْ!
بشمسِ الكاظميهْ
بالجوادْ
٧/أَيُّهَا المضْطَرُّ ما بيْنَ العبادْ
جرِّدِ الصَّمصامَ كمْ طالَ الحدادْ
قــدْ ملَـلْنا سيِّدي ثوْبَ السَّوادْ
ها هي الأكفانُ تشتاقُ الجهادْ
أينَ خيلُ اللهِ تجتاحُ البلادْ ؟
وتنادي "يا لثاراتِ الجوادْ"
مَتَى يا بْنَ حيدرْ؟...نرى السيفَ يُشْهَرْ
للرَّشادْ
بِكَ الكَسْرُ يُجْبَرْ...وذو العرشِ يثْأرْ
للرَّشادْ
سألنــاكَ العَـطِيَّهْ
بشمسِ الكاظميهْ
بالجوادْ
الشاعر علي عسيلي العاملي
#الامام_الجواد
#اللهم_عجل_لوليك_الفرج
في وفاة الإمام الجواد (ع)
عالجواد اَنحَب .. و الدمِع ينصَب
ابغُربته اتعذب .. او مات ظامي
& & & & &
عالجواد الليله ما تنشَف دَمِعْتي
و اعله فكدهْ ما تهيد او تخفهْ وَنْتي
على ذِكْر امصابه تتلاهَب حَسرْتي
و آآآه يا إبن الرضا تصرَخ مُهجْتي
راح اَبو الهادي .. مُهْجِتي اتنادي
او يَمهِ الهادي .. دمعه هامي
& & & & &
كضَّه اَبو الهادي ابمدامع كل حياته
عاش ما بين الهَظيمه او نايِباته
رَغُم كثره اجروحه ظل يرسم ثباته
الجود و العزه شِبِل موسى عباته
ابدمعه و ابحسره .. كضّه كل عمره
و الدهر شمره .. سَم إمامي
& & & & &
بعد ما سَمِّ الغدر وَذّرْها جبده
خادِمَةْ داره عَذِب رادت تِصَعْده
كامت امِّ الفَضِل سِطْرَتْها او تِبَدَّه
او عالجواد الباب كامت هِيْ تِسِدَّه
ظَل على سَطْحه .. وَحده وي جَرحه
حاله مَيْشِرحه .. كل كلامي
& & & & &
صار يصرخ آه باللحظه الأخيره
و اعله خده الدمعه تنزِل بيها حيره
اتذكّر الـ بعد الخدر صارت أسيره
او بالضرُب مشّوها من ديره لَـ ديره
دَمْعِته ابخده .. مو على جبده
عالمِشَت شِدّه .. ابلا محامي
& & & & &
المعتصم حين ابغدر يا ويلي سَمَّه
صارت اتفوت ابصعوبه الـ رِيته نسمه
ظل ثلثةَ اَيام مرمي ابحسره جسمه
راد اَبو الهادي يواسي بو الأيمه
امن الأجل ضَمّه .. ما أحد يَمه
أصرخ الـ همه .. ابنُص منامي
& & & & &
اهتزّت ابتشييعه أرض الكاظميه
او عالأرُض ظل بس غَريب الغاضريه
فوكـ ما دَمَّه صُبَغ وجه الوطيه
على صدر احسين صعدت خيل اميه
بسّ اَبو الأكبر .. خُنْصُره اتبتّر
او ظل ثلاثه ابحر .. طفّه دامي
& & & & &
خادم الجواد (ع) : إبراهيم الدريس
في ذكرى استشهاد الإمام الجواد (ع)
حاجتي ابدلالي
اِكضيها و انته الغالي
&&&&&
باب لِمْراد انته و آنه أطلُب مُراد
ياللي طبعك ما ترد جف يالجواد
إنته بس لجروحنه إسمك ضَماد
من نندبك تفتح السبع الشِّداد
ابيَمْنِتك آمالي
اِكضيها و انته الغالي
&&&&&
يا بَخَت ذاكه اليجيك او يوصلك
اتكِلَّه حاضر هوه و اشما حمِّلك
خالي والله ما يردِّ اليسألك
إنته رحمه امنين ما حَد أوَّلك
رحمه أول تالي
اِكضيها و انته الغالي
&&&&&
ما تسد بابك أبد يبن الرضا
هذا طبعك ماخذه امن المرتضى
ابعينك انته اللي يزورك تحفظه
او هم تخلصه امن اللظى يوم اللظى
راسه يبكه عالي
اِكضيها و انته الغالي
&&&&&
اعليَّه آنه هالزمان اشما يعيل
وجهي أديره صوبك او أصرخ دخيل
واكف ابابك شفت يدعو الخليل
صاح إكضي حاجتي ابجاه الكفيل
جفه ما رَد خالي
اِكضيها و انته الغالي
&&&&&
كلبي بسمك ينبض آنه امعلِّمه
إيدك الفوكانه هايه مو سِمه
إنته قِبلةْ عمري يا بن فاطمه
و اعله حبك خل تلوم اللايمه
إنته شاغل بالي
اِكضيها و انته الغالي
&&&&&
تكضي حاجاتي كبل ما أكول أريد
او هم تكِلِّي يالمحب هل من مزيد ؟
يالجواد انظَل نحبك شِي أكيد
غصبن اعله كُلَّ شيطانٍ مريد
ابرمشي دمعه اتلالي
اِكضيها و انته الغالي
&&&&&
خادم الجواد (ع) : إبراهيم الدريس
شهادة الامام محمد الجواد عليه السلام
كاني بمولاتي الزهراء حضرت عنده وهو يحتضر
رحم الله المنادي
وا جواداه
وا مسموماه
وا مصيبتاه
آه يبني .. ياغريب الكاظميه
آه يبني .. مثل ضامي الغاضريه
يبني يلبعدك شباب
يافجيعة هلمصاب
آه يبني آٓه يبني
🏴🏴
ليش يابعد امك المدمع تسيله
تون يمحمد او ونّاتك ثگيله
لونك اتغيّر اشوفنّه اعله حيله
راسك امن الگاع يبني لحضني شيله
آه يبني .. سكن يلغالي ونينك
آه يبني .. ليش ماتفتحلي عينك
يامحمد گلبي ذاب
يافجيعة هلمصاب
آه يبني آه يبني
🏴🏴
غمضت عينك وماتفتحلي عينك
سكّنت ياريع دلّالي ونينك
يلجواد وماتهنيت بسنينك
الزمان انعاد مابيني وبينك
آه يبني .. ثنينّه يبني نظلمنه
آه يبني .. من هوی الدنيه نحرمنه
كون ماحرگولي باب
يافجيعة هلمصاب
آه يبني آه يبني
🏴🏴
ارد انوح عليك وي نوح الحمامه
بالشمس مطروح ياحلو الجهامه
الميّت يحضرونه كل اهله وعمامه
بهيبه ميتهم يشيلونه وكرامه
آه يبني .. من هلك مد يجيلك
آه يبني .. للمغيسل من يشيلك
شبعي ياروحي عذاب
يافجيعة هلمصاب
آه يبني آه يبني
🏴🏴
يبني كون اهلك يجون من المدينه
لا يظل نعشك بهذا الحر رهينه
وليدك لوحده يون وين اليعينه
ينوح وياي وتهل مدمعها عينه
آه يبني .. ابنك الزييد ونيني
آه يبني .. وهيّج اعليّه حنيني
يواري ويهيل التراب
يافجيعة هلمصاب
آه يبني آه يبني
🏴🏴
عظم الله اجورنا واجوركم
ام محمد الحجاج
الجواد الطاهر وابن الطهر
شابه المظلوم جدّه بالامر
ـــــــــــــــــــــــــــــــ
ثنينهم من ال بيت المصطفى
ثنينهم نور الله ذاك الماطفه
الصار بيهم صعب والله انوصّفه
بيه ضل محتار ياناس الفكر
ــــــــــــــــــــ
مصابهم يصعب علينه والعجب
انظلموا أو راحوا ولا عدهم سبب
ناس ما تعرفه فحمهه من الذهب
ناس باعت دينهه بأبخس سعر
ـــــــــــــــــــ
الجره اعله حسين صح ماله مثيل
نحر دامي وعل ارض منبع يسيل
والجواد اتسمم وجسمه نحيل
ثنينهم ظلموهم اصحاب الكفر
ــــــــــــــ
حسين ثلث ايام ضل اعله الترب
وجسمه فوكَ الكاع امسى منكَلب
والجواد ايشابهه ابوادم غرب
ضل ثلث تيام لا ماي وسدر
ــــــــــــــــ
لجن ماحزوا يعالم ركَبته
ولاتدوس الخيل ضلّت مهجته
بالشمس ضلّت ثلاثا جثّته
مثل جده وجسمه اصبح منصهر
ــــــــــــــ
راسه ما رفعوه اويلي بالرمح
لجن نفس امصيبته ونفس الجرح
اوصافهم متبدّله بشمس الصبح
ثنينهم اجسادهم صارن حمر
ـــــــــــــــــــ
الشاعر محمد حسن ضيغم
/channel/kasaedalatharDaygham
الشاعر عباس السعيدي
بصوت حسين عدنان الكوبعي
لاستشهاد الإمام محمد الجواد عليه السلام. ( ميمر)
وگفت جميع الافلاك. تجري الدمع لغيابه
★★★★★
لايمه أهله ولاقريب العنده
برض العدة تچوي المدامع خده
ارض المدينه موحشه من بعده
ماوصلت الاهله اخبار ومحد وصل يم بابه
★★★★★
محد گدر علدين ينكر فضله
اصحاب واعادي بالعلم تشهدله
باصعب مسائلها. الخلگ ترجعله
عالم ابسر الرحمان. وكل مايخص اكتابه
★★★★★
الناظرك يقصد تنحرج من يسئل
يلگه الجواب بكل جهاته امفصل
يمك عواصيها المسائل. تنحل
والحسب بيهن تحتار. خايب رجع بحسابه
★★★★★
عونك محمد يلمحمد جدك
يامن خزائن كل علومه عندك
أيدلي التحير بالمسائل ردك
الطالب علم من كل صوب. يمك يحط ارچابه
★★★★★
يبن الرضا للناس. يابو الهادي
من الضلاله للمعارف حادي
لمن لگيت الخلگ كلمن وادي
المعتصم راد الموضوع حالا تزول اسبابه
★★★★★
ام الفضل مثل الاهل عادتها
شمعة الدين. بهلغدر طفتها
ايام جثه على السطح عافتها
لاعرفت بحاله الناس لامن دروا احبابه
الشاعر حسن لعيبي الحربشاوي
أبوذيات نعي للأمام الجواد ع
الجواد السم سره بدمه بلا ماه
وبلا والد وِجد حتفه بلا ماه
عطشان انمرد جبده بلا ماه
وعن شيعة محمد غاب فيه
.......................................
الفرض جان اعله كل وكته يصليه
بحميم السم اجه العاذل يصليه
ثلث تيام ما واحد يصليه
اعله سطح الدار لاكَاهه المنيه
......................................
الجواد ابشيعته عامر وصاله
الحاكم قرر ابقتله وصّاله
اجه وبعدين من عنده وصل له
بيد ام الفضل سم المنيه
الشاعر
ياسر العارضي