7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#محرم1446
اسمع ياقصـــر
ياهو الينتصـــر
ياهو اليبقه شامخ انه لو انتـــه
وينصاغ الذهب باچر على گبته
ياهو الينتصر اسمع ياقصر
،،،،،،،،
الحكم والخصم انت وأحكم بهايه
ياهو يصير گبره مثل الولايــــــــه
ياهو التنصبله بكل عزه قرايـــــــه
ياهو التعتنيله ناس مشايــــــــــــه
انت ازغر عمر
اسمع ياقصـــر
ياهو الترتفع من عدنه منزلتـــه
وينصاغ الذهب باچر على گبته
،،،،،،،
ياهو اليندفن ياهو اليضل عالــــــي
فنك فتره تصمد شامخ گبالــــــــــي
نصيحه ومني اخذها وداعت اطفالي
اليخلدك بس الحسين الوفي الغالـي
اترك كل شمر
اسمع ياقصـر
جلباب الشهادة روحي لابســته
وينصاغ الذهب باچر على گبته
،،،،،،،
القصر زامط بحيل ايزيد وتبختر
وگال اني اضل طول الدهر اگــدر
يبنيني يزيد بچفه من ازغـــــــــــر
وصيرن ند وحارب دولة المنبـــــر
حكمك يندحر
اسمع ياقصــر
راسك عنفوانك بالجدم دســته
وينصاغ الذهب باجر على گبته
،،،،،،،
ضل يحچي القصر وي مسلم بحيله
راح تموت لاناصر ولاعيلـــــــــــــــــه
وجسمك ماكو واحد يفزع يشيلـــــه
وينجر بالحبل والناس توميـــــــــــله
بهل موته افتخر
اسمع ياقصـــــــر
جسمي خله ينجر بالحبل ردته
ينصاغ الذهب باجر على گبــته
،،،،،،
انه باب الحسين ورحمة البــــاري
مامحتاج تعرف انته مقـــــــــداري
عد طوعه عفت تاريخي وخــباري
اثارك تزول وتبقــــــــــــــــه اثاري
احنه اهل الذكر
اسمع ياقصـــــر
وداعآ ياقصر كل الحچي گلته
وينصاغ الذهب باچر على گبته
،،،،،،
لخادم الحسين ع
#محمد #الفهداوي
هذا عنواني ؟؟ ثابت أيماني ...
أنــــه مسلم والنعم
......
أنة مسلم والعدة أيهابوني لــــو لا كيهـم
أخطف الارواح أنة الموت أسيرعليـهــم
ماتهمني أعداي كثرة العندي أهم أكظيهم
أتحزم السيف بيميني جنة نـاوي أعليهـم
لو نوه القاهر ؟؟ يمحي كل كافر
أنة مسلم والنعم
.......
من نسل عدنان أنة الكل نســــل يغنيـني
عمي قالع باب خيبر هل الشرف يكفيني
مثل حمزة بالحرب مــا واحد أيلاويــني
طوعة تشهد عل الشجاعة أرض وسمة تحيني
ياهلة بزودك ؟؟؟ ياوفي وعودك
أنة مسلم والنعم
.........
من سطح قصر الامارة مايـهم يرموني
الاهم عندي رضات حسين نور عيوني
من زغر سني سفيـــرة خلهم يسمعوني
وأبقى حــد أخر حياتي وفنهم يمنعـوني
صاحب الغيرة ؟؟ صعبة تغيرة
أنة مسلم والنعم
........
من حسين أتعلمت ما أنحني العدواني
راسي مرفوع وأبد كل ذلة ما تدناني
بيدي رايات النصر رفت فقد تهواني
غيري ما تهوة أبد يشهد علي الرباني
أرفض الذلة ؟؟؟ تسمع الملة
أنة مسلم والنعم
..........
أنة غيرة وابقى غيرة ما أدنــك راسي
لأخر سنين العمر شامخ يظل نوماسي
خصمي يعرفني وأظن صولاتي لا ما ناسي
عزمي عزم الوالي حيدر والنفس عباسي
تشهد الكوفة ؟؟؟؟ حسيني ما عوفة ...
أنة مسلم والنعم
..........
........
؟؟؟؟؟؟؟؟؟؟؟
الحمد الله رب العالمين
اللهم صل على محمد وال محمد
موسى الخادم…
#محرم1446
مزاره مزاره خالد مزاره
المناره المناره اشكبرها المناره
****
ما طاحت مرفوعه بجفه رايته
ونشاهد بالكوفه مسلم كبته
كل زاير يتعنه يطوف بحضرته
دم نحره للعالم يرسم ثورته
تجاره تجاره امحبته تجاره
المناره المناره اشكبرها المناره
***
هالقائد عنوانه عالكبه انكتب
ونلاحظ هالمرقد ايه امن العجب
جم عاشك بالحضره هليله ندب
ما عوفه وحب مسلم اغله من الذهب
الاماره الاماره وين الاماره
المناره المناره اشكبرها المناره
*
تتوافد زواره وتتعنه الكبر
واليلزم شباجه ايشم اجمل عطر
بالعالم ما شايف ميت منتصر
ما يخضع للظالم ويبيع الامر
البشاره البشاره بحضرته البشاره
المناره المناره اشكبرها المناره
****
بصراره وايمانه شفنه التضحيه
وتقدس وترفع من كل ناحيه
روح اوكف يم بابه واقره الادعيه
يم مسلم تتحقق والله الامنيه
شعاره شعاره واضح شعاره
المناره المناره اشكبرها المناره
*
باب الله وكل حايره يمسح دمعته
واليكصد يم مسلم تنحل شدته
ما واحد دك بابه ورجع حاجته
معروف بوكفاته وحلمه وغيرته
جواره جواره الملائك جواره
المناره المناره اشكبرها المناره
***
يتردد ما يسكت صوته بكل زمن
ما يركع وبصبره اتحده اهل الفتن
والظالم وقصوره امن الكاع انمحن
بس مسلم ضل كبره للحاير وطن
العباره العباره كتبها العباره
المناره المناره اشكبرها المناره
***
تمت
تحسين الخفاجي
#محرم1446
((باعث إليكم)
باعثّ أليكم قُرتي
أخي حبيبي ثقتي
أعددتهُ لِ نُصرتي ... مسلمآ
"""""""""""""""""""""""""""""""""""''''''''''
وديت الضوه من شفــته وحشه الليل
صاعد عالعشگ ما صاعد اعله الخيل
رتـــــه يــــــروح گبلي حتى ينـثر هيل
رتّ بهاي اراوي الكوفه شنـــهو الحيل
قد تعلمون مــــن أنا
ومــــــن يَصفُ صفنا
سار الهوى في رحلنا ... مسلما
"""""""""""""""""""""""""""""""""""''''''''''
وديته بچفن وبموته يــــــــعرف زين
وعلى الرايه كتب مولايه بس حسين
الدنيا أسهام ترمي وهوه طوله العين
كتله الموت مســــلم گلي حبك وين
قال الحياةُ تنجــلي
والرأس فيكم يعتلي
يا ســــادتي آلَ علي ... مسلما
"""""""""""""""""""""""""""""""""""''''''''''
مـــــن طب ودمعته بالرمش تنـشاف
يعـــرف بالنوايه الناس موش اشـراف
ما خاف اعله روحه أعليه ضل يخاف
وبمعول بغضـــهم ساف يهـــدم سـاف
هَدو المباني العاليه
والقَدرِ تنعى الجاثيه
قد اوقدوها الحاميه ... مسلما
"""""""""""""""""""""""""""""""""""''''''''''
كتله الموت گلي يـــا حـلاةّ الموت
كلها أتراب بـس حبك غده ياقوت
أنذر للعشگ نحري وألــــف تابوت
يالحبك عــــذوبه وياغرام الصوت
يا من أليك المنتهى
ثــــم أليك المشتكى
من مبغضن وكافرى ... مسلما
"""""""""""""""""""""""""""""""""""''''''''''
كل بايه بصعوده للقصر فـــــرحان
مو عطشان ماي الشوفتي عطشان
وصلى الركــــعتين بنـــــيه اللهفان
لطفال وشباب وشيبه والنســــوان
يا لهـــفتاً في عينهِ
مات اشتياقٌ قــلبهِ
يا حسرةً الجرح بهِ ... مسلما
عبد زينب
#محمد #الابراهيمي
رسالة وكل حرف مصدر
ألـــــى شبه الوصي حيدر
سفير حسين ينور العين
يا مسلم
................................................
من الوالي ألى الوالي رسالة شوك أعله ضهر النوك شمس وأبدور متوجها
سور وآيات تترتل وحديث أيدور يضـــــــــــي النور
رواية وأنته مسندهـــــا
عجب يا ليث المهند ضـــــــــــلام أيسود يجود الجود
غبت يا طيف فرقدهـــا
خبر لا طارش اليوصل ألك يا حيف وكــــلام السيف
وصل نار المهج حدها
ألك يا مسلم أتوجه حرز طلسم بل أشبه
بدموع العين ينور العين
يا مسلم
........................................................
جواب أمن الوصي المرسل يحمله الهاب بلايه أكتاب
ألشعور أيفسر المطلع
ألكتب يحسين مطلعها عرين الموت لجن الصوت
عكس ما جنه نتوفع
عليك أسيوف تتجر على الميعاد ولأبن أزياد
حشود وجيش تتجمع
يبن عمي ألأمر حتم لونك جاي الحكم والراي
ألك تسلم لون ترجع
البشر دينار كل همها الخيانة تمشي وي دمها
ألضماير وين ينور العيــــن
يا مسلم
.........................................................
سفير حسين صولاته بــــــدت من وين لون لحسين
ألطريق أيمهد أدروبه
نزل والسيف بيمينه مشـــــــى وبزود ورسم لحدود
وجنود أعداه مرعوبه
ولا واحد وصل حده ورجيف الخوف عليها أيطوف
مغلوبــــــه مغلوبـــــه
مشى ليث الوغى وحده أعله جمرأضماه مشى وادماه
نذر لحسين محبوبه
لمــــــــع فقاره وأتبختر أعله روس القاده والعسكر
فنى الصوبين ينور العين
يا مسلم
.........................................................
بـــــدى جمر العطش يلهب سعير النار بدليله صار
وهدم جمر العطش حيله
نضر وأعيونه تتجادح مره أعله الباب تريد أجواب
تسأله وهـــــــل بدر ليله
تكله شعندك وألمن أجيـــــــــــت وليش عليك ألجيش
يدور وأهيــــــــه تحجيله
طلب كلها أريد الماي لـــــــــون تدرين بسفير حسين
أنه مسلم أنـــــــــه أدعيله
تكله والنعــــم وأبشر أنه طوعه لون تأمر
يياء السين ينور العين
يا مسلم
.........................................................
تحاوط مسلم وشاهد عليه الكــــوم تدور تحوم
حجر وأسهام يرمونه
شهر فقاره وبزوده حصد لركاب بلايه أحساب
غضب تتجادح أعيونه
بدت تتراكض العسكر تفر لاوين وسفير حسين
تروح الويـــــــن يلكونه
لحد ما خلصت أنفاسه وكف واحتار العطش غدار
ومثل شمعـــــــه يتانونه
ألتفت لحسين وأستبشر وعلى أجناح الأجل كبر
نذر للدين ينور العين
يا مسلم
.........................................................
ألقصر لمن دخل مسلم جبـــــــــل بركان أبد ما جان
يهاب الموت ألــــه عاده
وكف وأرعب مشايخهم وصليل السيف ملامح طيف
أبــــــــن مرجانه وأسياده
صعد فوك ألقصر لكـــن بدمع وأفراك الحميده أشتاك
وعلى أخدوده ألدمع ناده
لحد كطع النفس طيفه حمامة نــــــــــوح وحلم مذبوح
ومثل طيفه الأجل راده
مثل طبع النسر طبعه وكع وبعينه أثر دمعه
على الغالين ينور العين
يا مسلم
........................................................
خادم خدمة الحسين
الشاعر
محمد الموالي
عمي يحسين ...
وين ابوي الغالي وينة .. عنه هــم سامع خبر
عمي يحسين ...
تمسح اعلى الراس اشوفك .. شنهي يتمني الدهر
كلبي ما يحمل نحيب
وينة مسلم يل حبيب """
عنه هم سامع خبر
"""
ليش جفك عمي خليته أعلى راسي
لا تكلي اتيـــتمت تبـــدي المــأســي
انه مـن بعـــد الابــو افـــكد حواسي
مسلم أعظم شي أملكه واغلى ناسي
عمي يحسين ...وحشة دنياتي بغيابة ... بعدة يكسرلي الظهر
""""
خبر موتة بعينك انظر يا بو الاكــبر
وينة مسلم كـــلبي ما يتحــمل أكـــثر
عيني محتامه اعلى شوفة شــو تأخر
كلي يا بو سكينة كلي شوكت يحضر
0
عمي يحسين ... هم افز من نومي واسمع ... مسلم البنته حضر
"""
انه كل هل فـــترة ما كــتلك اريـــده
كمت احسن روحي بفراكه وحيــدة
هم يرد حاجيني لــــو جيته بعيــــدة
عمي يحسين البعــد شيـب حميـــدة
عمي يحسين ... كلة يرجع ليه سالم ... جفني ما يحمل سهر
"""
طفـــلة ما احمل مسافات الطــويلة
جا رحت يم والـدي بهمي اشتكيلة
يا حلات الكعدة وي محبوبي ليـلة
هم يجيني وحزني من كلبي يشـــيلة
عمي يحسين ... تدري باليفكد حبيبة ... عمرة يخلص بالقهر
""""
والله مشتاكه احضن الوالــد بدية
وعيني اغمضهة اعلى صدرة ابهل مسية
ما يحس بالامي بس بنتك رقــية
هيه من عمري وتعرف البيهة بيه
عمي يحسين ... قصتي وقصت رقية ... ما يترجمهه القدر
"""
لونك اتغــــير اشوفك مـن سألتك
عن ابوي ودمعتك سالت نظرتك
ميت الزينب تكلهه من وصلــتك
عني لا تخفي الخبر مو انه بنتك
عمي يحسين ... منذبح محبوبي كلي ... مو احس كلبي انعصر
…… ..
الحمد لله رب العالمين
اللهم صل على محمد وال محمد
موسى الخادم…
مسلم وروحي الحسين
اضرب بيسره ويمين
عن امامي الموت اسمي عن امامي
....
اضرب بصارمي ركاب الزلم واصرخ
ياحسين اله اخلي جيوشهم ترضخ
انه ابن طالب گبالي الجبل نوخ
اكشخ بزودي لو طب للحرب اكشخ
رايتي وي النجم
وروسهم سيفي يلم
عن امامي الموت اسمي عن امامي
....
الما عرفني انه مسلم بالحرب يسأل
يسأل الحومه تعرف جدمي لو زلزل
بالحرب ما تظل بس مهرتي تصهل
الموت يم سيفي برگاب الكفر حمل
مايضل واحد وراي
ولا گبلني وظل له راي
عن امامي الموت اسمي عن امامي
....
الكوفه المها بيميني واگطع الانفاس
اخبط البيها بيدي راس اطگ براس
الخاينه ابن النبوه ويلكم يا ناس
ربي بسمي كتبكم ما اعيفاً ساس
ارسم الموت بمزاج
انزل عليكم عجاج
عن امامي الموت اسمي عن امامي
......
اگلب اليمنه يسره وبشمسهم ليل
بيدي سجيل اقاتل ريح لجلي تميل
ضربتي الهاشميه عليها تنزل سيل
صبح جن قوم عاد وجنها اهل الفيل
غضب ايات الجليل
لجل امامي بكلبي اشيل
عن امامي الموت اسمي عن امامي
.....
تشهد العميه اخلي عيونهم عني
لمعت الضربه اراوي للنجم مني
بيها اصيحاً حسيني وعشگه جنني
انه مجنونه اگله الرايد يضدني
وافدي اله كلشي بفخر
اگلب بأسمه القدر
عن امامي الموت اسمي عن امامي
...
حيدر عيسى البديري
نزله لمسلم ع
------
والنعم منك نعم
وحدك مخوف الزلم
آ يمسلم آ يمسلم
والنعم منك نعم
.....
حارت الكوفه علسيفك وحدك وطلبو دعم
اعتذر ما بيه زلمه الكوفه بس ٱنت الزلم
والنعم ياطعم هاشم بيك وبجفك تلم
زودك من تصول بيهم يسره يمنه وجن حلم
طوعه نادة ياشهم
والنعم منك نعم
آ يمسلم آ يمسلم
.....
تكَبَر وتمشي علطولك تبتسم لو غبرت
تخطف بوسط الكتائب جنها لا صار وجرت
شما تشد يمك ضربها تمر جن ماي وجرت
منين طب منين تطلع والله كلها تحيرت
لا هو واقع لا حلم
والنعم منك نعم
آ يمسلم آ يمسلم
.....
محله طولك صوت طوعه شما تصد عله الصعب
ريح صرصر جنها عاد وتنزل عليهم تهب
تمر جن ليل بضلامه وتخطف عليهم شهب
تحرگ اليوگف بضدك تگلب الحومه گلب
بسيفك تهز النجم
والنعم منك نعم
آ يمسلم آ يمسلم
....
جن علي ورد ليهم انت مدري شالصار اعتقد
تمشي وتسكت كتائب حيره خلفك ما ترد
درعك بصدرك تشده جنه من هد ابن ود
تردد الرددها صوته لا بقاني وخلفي اشد
نازل وبيهم تسم
والنعم منك نعم
آ يمسلم آ يمسلم
.....
جيش انته بكل صفوفه لو نزلت بصولتك
تموت خوف الكوفه كلها لو زئرت بنخوتك
لو رفعت السيف تطلع روحهم من نضرتك
مو شرط بالسيف ينزل موت يسبگ ضربتك
نضر عينك ينتقم
والنعم منك نعم
آ يمسلم آ يمسلم
.....
جيشها الكوفه بصفوفه حار ما يكدر يجيك
لن يمينك جنه طه ويسرة الكرار بيك
وغيرة من كافل الحره وعزم حمزه ابين اديك
بس شجاعه كل صفاتك لايگه اوصافك عليك
الك مرسومه رسم
والنعم منك نعم
آ يمسلم آ يمسلم
.....
حيدر عيسى البديري
نعي لمسلم ع جديد محرم
لسان الشاعر عن حال حميده بنت مسلم عليه السلام في غياب ابيها
┄┉❈❥❀❥❈┉┄
يبويه تنطرة جيتك ولاجيت
عليك الخوف ماخذني ولاجيت
لاني اندل امجانك ولاجيت
واشوف شعطلك ماترد اليه
┄┉❈❥❀❥❈┉┄
مدري شعطلك للحين ماجيت
اناشد الرايح جاي ضليت
لشوفك تراني هواي حنيت
ياوالدي من الصبر مليت
┄┉❈❥❀❥❈┉┄
ياوالدي هد حيلي فركاك
شهرين مرن واني اتناك
تدري يعمي العين فركاك
شلون استجن واصبر بلياك
┄┉❈❥❀❥❈┉┄
شلون استجن ونام ليلي
موهين غيابك هدم حيلي
عليك موجره نار بدليلي
شنهي العطلك مدري يويلي
┄┉❈❥❀❥❈┉┄
بغياب الابو البنيه تنذل
مهضومه تضل والمدمع يهل
الفركه تهد الحيل تكتل
موهينه منها الحال ينشل
┄┉❈❥❀❥❈┉┄
((بقلم العلويه ✍👆أم رائد زوين))
لشهادة مسلم بن عقيل رضي الله عنه
الناعي من وصل لأرض المدينه
ينادي وين ابوالسجاد وينه
گله حسين يلمجبل علينه
شعندك من خبر يلمعتنينه
يگله وللدمع عينه رهينه
بمسلم خانت ارجال الظغينه
مسلم بالحبال امچتفينه
ولاواحد من الوادم يعينه
لعالي القصر مسلم ماخذينه
ابوطاهر عضيدك ذابحينه
وعلى الغبره امدد عايفينه
تخوصر منكسر گلبه ولينه
للكوفه بحزن يرفع يمينه
يودع مسلم ابنوحه اونينه
حميده تعنت العمها حزينه
يعمي والدي شومايجينه
المايسله ولاعنه سلينه
اظن عمي العساكر غادرينه
مسح دمعاتها ودمعته ابعينه
يگلها حسين يبنيتي الحنينه
يريحة فاطمة وشوفة سكينه
امگدر ياحميده اليمر بينه
اصبري وعاقبات الصبر زينه
ابوچ البطل ناذرهن اسنينه
النصرتنه ولجل مذهبه ودينه
الشاعر حسن لعيبي الحريشاوي
#قصائد_في_خدمة_الخطباء
#محرم_١٤٤٦
#شهادة_مسلم_بن_عقيل (عليه السلام)
(وزن النصاري)
قليله اشما تِصُبّ دْموعي وِتسيل
عَلى المِنّ النّزف ظل جسمهِ يْميل
عَلى القدَّم لجل محبوبه روحه
عگب ما كثرت بْجِسمَه جُروحه
عَلى اللي چان لجل حسين نوحه
اوفُگَد منّ اجله كلّ الگوّه والحيل
اشما عيشنْ مُصابه ببالي حاضر
وَاذُكره اشْما ذِكَرْتِ مْصاب عاشر
مثل لِحسين مات بْلايه ناصر
اوگضى وِبْگلبه همّ حسين لِثْگيل
گضى ولِلْيِجري دَمعاتَه جِرِيّه
گِضى يِنعى غريب الغاضِرِيّه
يدري بيه يُبقى عْلى الوِطِيّه
ويدري تنسحگ أضلاعه بالخيل
#عظم_الله_أجوركم ◾️
فاطمة علي رزق
اسألكم الدعاء
محرم_١٤٤٥_هـ
لمة عزه أو نزله
حوار مسلم مع طوعه رض
گومي أستقبلي ياطوعه خطارچ
مسلم بن عقيل الليله يم دارچ
__
مسلم ظل وحيد وحاير أبأمره
مابين الأزقه يجذب الحسره
عطشان ودليله يستعر جمره
لمن شاف طوعه گلها ياحره
أشوفچ حايره وتوزعي أنظارچ
مسلم بن عقيل الليله يم دارچ
__
ياطوعه آنه مسلم ماتعرفيني
مالي أي گرابه أهنانه تدريني
فضل منچ إذا عندچ تضيفيني
گالتله هلا بجيتك يضي عيني
كريمه وماتردين أدري زوارچ
مسلم بن عقيل الليله يم دارچ
__
مو داري يمسلم أحسبه دارك
ومو خطاري انته أني خطارك
وخلي هذا ليلي يضوي بأنوارك
أدخل لا تشع يامسلم أخبارك
ماقصرتي والله إيعلي مقدارچ
مسلم بن عقيل الليله يم دارچ
__
طب الدار طوعه ومنحني الهامه
مايندل حجرته وهيه گدامه
طاحت من خشوعه بيده العمامه
شايل غيره من أسلافه وأعمامه
والتاريخ باچر يذكر أخبارچ
مسلم بن عقيل الليله يم دارچ
__
خوفي عليك لا باچر يچتلونك
بالكوفة وشوارعها يسحبونك
غدارين أهلها وما يرحمونك
ومن قصر الإماره خوفي يرمونك
من دون النسه الله إلي أختارچ
مسلم بن عقيل الليله يم دارچ
__
إلچ ياطوعه هذهِ وصيه أوصيها
أمانه هالوصيه وزين أحفظيها
أوصيچ بحميده من تشوفيها
عني بالنيابه الهامه مسحيها
سلميلي عليها لو تجي أديارچ
مسلم بن عقيل الليله يم دارچ
____
الشاعر ( أسعد قاسم الكريعاوي )
1446 هـ
#قصيدة_لمحرم_الحرام
مسلم .. مسلم .. رفت راية مسلم
*
مسلم صبح راسه يفور لسابع سمه بركانه
غص ويبس ريجه يزيد اهتز القصر بأركانه
لو ينهدم قصره اعليه لو تنقلع بيبانه
تمشي وي راگ الحيطان وجه الفجر فرسانه
يرهب.. يرعب .. وبين الشافه ويهزم
*
طب شايل بجفه السيف وابن امه اليمد راسه
واليكرب لباب الدار. رد منكطع بانفاسه
والما تكض رجله الكاع عاش برعب وهواسه
بيده الركب مثل الماي يشمرها شمرة طاسه
يسطر ..يعبر .. وبيده السطرات اتعم
**
طشت خرز فوك الكاع روس الزلم خلاها
يتبخر بصوت الجيش مثل السحب سواها
غار وعليهم كرار نجوم الظهر راوها
للكوفه طب بصدرين ملكه الفحل لاكاها
وحده .. وبيده ..كام يطشر ويلم
**
نازل عليهم طوفان ويغرك السفانه
بقصر الاماره من غار تهتز جميع اركانه
والمنهم يصيح بصوت مسلم يكص لسانه
واحد واخذ كل الدور شحال و يجون اخوانه
بحيدر ..قرر .. من يهاجم يقسم
****
نار واجت لابراهيم. تشبع برد بجفوفه
بضحكة سماره المهيوب وجوه الزلم مخطوفه
من يلتفت صوب الجيش. تختل جميع صفوفه
مو سيفه جنه اسرافيل ينفخ بنص الكوفه
غصوا. فروا .. من اعليهم يهجم
****
كلمة علي بحلكه تلوك شهكت جميع القاده
كباله القصر ما مهيوب لا بجه حت اسياده
الهيبه بس لاهله تلوك حيوا سفير الساده
هوه اصل من داحي الباب ويزيد منهو اجداده
ساده .. وقاده.. كلهم بني هاشم
****
تمت
#احمد #الخفاجي
كعدية مسلم ابن عقيل
انصبلك مأتم يحسين ودموع ابجيلك
وتلطملك صدري الجفين وادموع ابجيلك
من دونك ياعافيتي
مخنوگة انفاس بريتي
ودموع ابجيلك ودموع ابجيلك
ــــــــــــــــــ
حسين طلسم روحي أسمك عايش بفكري وضميري
وين ما أصد أنتميلك أنته مولاي وأميري
تگلي يا مسلم حبيبي أنته وأيميني وسفيري
الحيل أنته وي الگمر
أحزامين أنتم بالضهر
ياتجوتي وعز وفخر
سري أنته وهوه بيري
من أوجاعي نشل الحيل وادموع ابجيلك
واسمع صوت أمراگض خيل وادموع ابجيلك
تنصبك مأتم روحي
بين اجروحي وجروحي
وأدموع ابجيلك وأدموع ابجيلك
ــــــــــــــــــ
حسين ياجمرة دليلي بالحزن يبن الصميدة
بالي يمك بيك أفكر سيدي وناسي حميدة
گمت مو مرسال ادزلك ع الفراگ اكتب قصيدة
اصبع قلم حبره الدمع
يحسين واهات وفجع
بفكاري حافر عله الضلع
وانفاسي من يمك بعيدة
اتخيل يحسين اسهام وادموع ابجيلك
واتخيل دمعات ألالم وادموع ابجيلك
من وحي احساسي البية
اسمع گطع الترجية
وادموع ابجيلك وادموع ابجيلك
ــــــــــــــــــ
كون يمك يا حبيبي بكربلة يحسين حاضر
اني عد عينك أكلك لا تنادي هل مناصر
بجفي اشيل اتراب واطفي بالمخيم نار باجر
أفديلك الدم بالنحر
وأبعد أطفال من خطر
وامشي وي خوي اعله النهر
درع للجود اليسافر
لو يوكع جود الوفاي وادموع ابجيلك
من ادموعي اترس ماي وادموع ابجيلك
ولجلك أكطع جفيني
والنبلة تصير بعيني
وادموع ابجيلك وادموع ابجيلك
ــــــــــــــــــ
صارت الكوفة بكبرها خنگة والله وجنها حفرة
والغريب وماله أحد گلي يحسين شيصبرة
لليحبك وطن انته الما يحبك يقضي عمره
ياوطن للماله وطن
والمايشوفك ممتحن
يامنبر ودمعه وشجن
وانته بالاهات عبرة
يامجلس حزني بأهات وادموع ابجيلك
ياباب وأقرب للذات وادموع ابجيلك
حزني فرضي و تسبيحي
يادمعه بعيني وطيحي
وادموع ابجيلك وادموع ابجيلك
ــــــــــــــــــ
يا حنين وماكو مثلك يا بشر شايل محنة
كلبك بگد العوالم وبالخلق كل نبضه جنة
أنته من اهل الله فطرة وحبك اليجمع شلمنه
يا راس مال ويا ربح
والخاسر يصير الرمح
حبك الغزر بالملح
المايحب شعلينة منه
ياحاكم بالحب أقلوب وادموع ابجيلك
ياغالي واغله محبوب وادموع ابجيلك
ياسلطان اعله الوادم
يا حرز وحب الخادم
وادموع ابجيلك وادموع ابجيلك
ــــــــــــــــــ
مأتم بدار العظيمة سيدي وذكرك أرفعه
وخادمة موكب عزائك طوعة يامولاي شمعة
اني اقرة عن غربتك من خواطر هية تنعه
انعى اعله كربك والبله
عايش الغربة بكربلة
واني الغريب الما اله
واحد الي يبجيلي دمعه
بس انته التبجيلي هناك وادموع ابجيلك
شگد اتمنى هسه وياك وادموع ابجيلك
عن حالك من تحجيلي
وعن حالي من تبجيلي
وادموع ابجيلك وادموع ابجيلك
ــــــــــــــــــ
الشاعر زين العابدين الشمري
#قصائد_في_خدمة_الخطباء
#ذو_الحجة١٤٤٥
#شهادة_مسلم_بن_عقيل(عليه السلام)
(لسان حال سيد الشهداء عليه السلام لمن كان معه عند وصول خبر شهادة مسلم بن عقيل عليه السلام)
[قصيدة عمودية]
خبرٌ فظيعٌ منهُ سالت أدمُعي
هذا كتابٌ فيه مسلمُ قد نُعي
قتلوهُ والجسمُ الخضيبُ رَمَوْا به
من سطحِ قصرٍ للدَّعيِّ ابنِ الدّعي
وكذاكَ قيسٌ من سعى برسائلي
أضحى شهيدًا في المقامِ الأرفعِ
بعضُ النجوم هوت وبعضٌ بانتظارِ
نداءِ مالِكها الرّحيمِ أنِ ارجِعي
إنّي لماضٍ والشّهادةُ مقصَدي
وبها المفازُ لكلِّ من يمضي معي
إنّي إلى أرض البلاءِ توجُّهي
منها يكونُ إلى حبيبي مَرْجِعي
لا نصرَ لي إلّا بقتلي ظامئًا
لا نصرَ إلّا بانكسارِ الأضلُعِ
لا نصرَ إلّا بالرؤوسِ على القنا
وبضربِ أطفالي وسلبِ البُرقُعِ
وبسبيِ زينبَ فوق ظَهر هزيلةٍ
وبشتمها جهرًا وشتمِ الأنزَعِ!
#عظم_الله_أجوركم
فاطمة رزق
اسألكم الدعاء
#محرم1446
الكوفه اصبحت اهل الفيل
متاني الأمر عزرائــــيــــــل
بس مسلم يصيح بصـــوت
يمطر عليهم سجيـــــــــــــل
،،،،،،
من سرفن اردانــه
ضل يغلي بـركانــه
يستنگي ضل بيهم
ومدنكه عدوانــــه
بي من علي ملوحه
ابسلهم ايلوحـــــــه
وبصارمه يرســــــل
الوادي صقر روحـه
مسلم شبيه العبـــــــاس
غيره وشجاعه ونوماس
وعمامته حب حسيــــــن
تاج ولبسها اعله الـــراس
راواهم بسيفه الويـــــــــل
الكوفه اصبحت اهل الفيل
،،،،،،،
گلهم علي عمـــــي
يموت اليصل يمي
اله اشلع عيونـــــه
الرايد سفك دمـــي
انسابي معروفـــــه
خل تسمع الكوفـــه
موقف اريد اتــــرك
حته العمه يشوفــه
راح اني أترك عنـــوان
يقراه يضل كل انسان
انه ابقه ونتو تموتـون
هيجي بصريح القـرأن
يذكرني يبقه كل جيــــــل
الكوفه اصبحت اهل الفيل
،،،،،،،
حسين اشتره انفاسي
وتملك احساســــــــــي
وانه شلت حـــــــــــبه
ياوادم براســــــــــــــي
انتم ندبتولــــــــــــــــه
أقدم كتبتــــــــــــــــوله
من تنگضي الدنيــــــــه
كل چلمه مسؤلــــــــــــــه
عن سيفي وين تـــــــفرون
موهينه بينه تغـــــــــــدرون
القاضي سيفي اعله الروس
صَدر أحكام تموتـــــــــــــون
ما يسلم البينه ايعيـــــــــل
الكوفه اصبحت مثل الفيل
،،،،،،،
راح احكم بـصارم
متحمس وعــــازم
كتبوا وصـــــاياكم
يا ارذل الـــــــوادم
اسحگ جحافلكــم
ولوحدي انازلكـــــم
مومستواي انتـــــم
مجبور اقاتلـــــــكم
انه العشت بين ابطـــال
اكسر خشم كلمن عـــال
مسلم وبن عم حسيــــن
موجرمقان وبقـــــــــــال
من صولته كلها تميــــــــل
الكوفه اصبحت مثل الفيل
،،،،،،،
يدري بمگيدتهـــم
وعليها شردهـــــم
نص المعسكر طاح
منه بحفيرتهـــــــم
محد گرب صوبـــه
وما حركو ثوبــــــه
باسو رجل مهـــــره
يامسلم اتوبــــــــــــه
تهلهله طوعه تحيــه
بعمه علي من تناديه
يترك السيف بيمنــــا
يلزم الفارس يرميـــه
الروس اوصلت نجم سهيل
الكوفه اصبحت مثل الفيـل
،،،،،،
لخادم الحسين ع
#محمد #الفهـــداوي
مسلم السفير ... سلم على حسين بدموع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
..............................................
من فوك سطح المظلمة قصر الإمارة
مسلم توجه عــن بعـــد أدى الزيارة
نادى ســلامأ سيـدي ابــدمعة التجارة
آخـــر ســلام الوجه بأخــر نـهارة
………
مسلم السفير. .. نشعلة هالليلة الشموع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
........................................
أعظم سفير أعلى الأرض مسلم ولينه
تشهدلة طوعة بهمتة وعــزمة ويقينة
رأيت محمد رفــرفت عالي بيمـينه
ما جان خايف ينذبح خوفة اعلة دينة
مسلم السفير ... ودع حميدة إبلا رجوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
…… ..
مسلم سفير ابن النبي حجة عـلى الكون
حجة أعلى ظلم الناصبة وكل اليبغضون
بيه الحصل ما ينوصف تبجيلة العيون
جارت علية كوفة الغدر كثرة اليشهدون
مسلم السفير .... عنة تخلو بالركوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
...........................................
أرخص حياتة وما نقض بيعة إمــامة
بحسين أبو أليمة افتخر رغــم الملامة
مثل الجبل شامخ وكف شاهر حسامة
منة أرتعد جيش الكفر عـالي بمقامــة
مسلم السفير ... واجب نكسرلة الظلوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
........................................
نعم السفير البلشــدد مــا هـــبط الراس
مسلم وريث أهل العلم تشهدلة الارجاس
ثابت يقينة و غـيرتة منبعهه عـباس
بي حارت اشباه الـزلم والكوفة يا ناس
مسلم السفير ... حير اعاديه والجموع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
...........................................
حير جيوش ألعادتة بالكوفة حيــرة
ما همة أبد كثر العدد راضي بمصيرة
وراث شجاعة حيدرة صاحب بصيرة
ما مـنة يحصل لا يصح واحد نضيرة
مسلم السفير .... وكت الشدايد مو جزوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
......
الحمد لله رب العالمين
اللهم صل على محمد وال محمد
موسى الخادم
… ..
مسلم بالكوفة أيشوفونه
حيدر وأشلون أيلاكونه
سفير حسين
.................................................
جبل بركان أنفجر مسلم دخيلــه
هالله هالله ما كدر واحد يجيلــــه
أتوسط الميدان هوس رعب ليلة
أحنه غير حسين ماعدنه وسيلـه
واتوسط مسلم ميدانه
ماواحد بيهم كال انه
سفير حسين
......................................
حمل مسلم والزلم هابت خيالــــــه
واحد الواحد سأل عزريل اجالــــه
أعيونه تتجادح غضب ساعة نزاله
ألتفت لحسين ونشيد الطف قرالـــه
مسلم والكـــل أيسمونه
حيدر واشلون ايلاكونه
سفير حسين
.....................................................
ركضت الخياله مسلم هد وراهم
ابلا نفس من خوفهم موته لكاهم
عاين ابـن زياد جيشه وشدهاهم
واحد الواحــد يكله اشرد معاهم
موته ابلا سيفك تلكانه
مسلم هد اشرد ويانــه
سفير حسين
..........................................
عجت الكوفه وعجيج الجيش خيم
ومسلم بهيبة علي وصبره تحزم
عرف هاي الساعة موته وامره حتم
التفت لحسين واعله حسين سلم
بسمل سيفه وهل أدموعه
لبنيتة الضلت مفجوعه
سفير حسين
.......................................
بين طوعه ومسلم حسين شبعثلـه
حتى من البيت طلعت حيت اهلـه
مسلم امن ابعيد يسمع جن يكلـــه
يبن عمي أمن ومسلم دخلًــــــــه
من حيًت طوعـــــــه وحياها
خيمة امن الطف وطباها
سفير حسين
.......................................
خادم خدمة الحسين
الشاعر
محمد الموالي
دمعة عيني دمعة عيني
طارش للكوفه اتوديني
...................................................
يالعايفني وهجرك طـــــــــول
دمــــــــع أفراكك عالخد وشل
مسلــــــــــــم يا بويه وشتحمل
ليليه أطيوفك تبجينـــــــــــــي
.......................................................
آنه وكلبـــــــــــي ونار الفركه
جيت أركض بالطيف أمصدكه
أبيضت عينــــي الشوك الملكه
شمعة بيتـــــــي وحلم أسنيني
.............................................
دمع أعيونــــــي وشوفي أتبده
حلم أضنونـــــي ألمثل الورده
يفتــــــــــــر بين أطيوفك بعده
ذابحنــــــــي وهجرك جاويني
......................................................
يا لهفة شوكـــــي وأحساسي
مخنوكه من جــــــرة أنفاسي
ليش الـــــــوادم تمسح راسي
يا بويه أفراكك يا ذينــــــــــي
.......................................................
رحت أركض ركضة ولهانه
شفت حسيـــــن وفك ذرعانه
طحت بحضنه وسال أبجـانه
وعن هجرك ضل أيواسيني
.......................................................
سولفلـــي ودمعي دم يجري
الفكد الوالد كلــي أتحضري
يا بويه والكــــاسر ضهري
عن يوم الطف أيوصينـــي
...................................................
وصانـــــي عن يوم العاشر
وي زينب أبقه ومـــــا كابر
حرك أخيام وسبـــي وحافر
باجـــــــر ما بينه وما بيني
..............................................
خادم خدمة الحسين
الشاعر
محمد الموالي
لمسلم ابن عقيل عليه السلام
لكيت ابمنظرك __هيبه وخجل_ما تنوصف
رغم العدد بس ما خفت __ ياسيدي لكيت
قدوتنه خلاك _ ربنه
چي هيبه شفناك __ عدنه سيدي
**
قائد __راهب _ بجفوفه رايات النصر
شامخ__واضح _ مابين ابجيشه الكسر
المثله منطي من حياته__ يا حلاته شكد حمل
المايعرفه يشوفه اصعب من صعود اعله الجبل
دنيا مابيها الحسين تحسها دنيا ابلا امل
سيوف ال لاكتك _ عبدت هبل_ ما تنلزم
عدها الصنم صاحب فضل ياسيدي لكيت
كلّـوله ويّاك __ردنه
چي هيبه شفناك __ عدنه سيدي
*
شاهد _حاكم _ غير انته ماتظلم بخت
عازم _ بيهن _ تلوي الصعاب اشما اجت
انته اكبر من وصفنه __ياهدفنه المو جذب
شنهي تعطش وانته مسلم تنحط ابصحره تشب
العنده ابو فاظل يمينه يگلب اليابس عذب
غريب لوحدك _ تعطش افا _ بنص الغرب
ونته الشهم وابن الهله _ياسيدي _غريب
لو ما لكيناك _ضعنه
چي هيبه شفناك _عدنه سيدي
****
كافل _ عندك _ ريشاته شافت بس سمه
واكف _ناصر ___جي امه اسمها فاطمه
ياهو مثله اعله الكفاله __حط دلاله ابلا عذر
هوايه فيءها اعله الجيوب وهو فيّه اعله الستر
ايحبك احسين ابشموخك وبوكفتك يفتخر
حبيب اعله الگلب _ بيدك نصر _غيّم ستر
منه الشمس تاخذ عزم _ياسيدي __حبيب
للغيره سواك __خلنه
چي هيبه شفناك __عدنه سيدي
***
صامد __قائم _تاريخك انخط من ذهب
حارس _ دينك __متعلي اسمك عالرتب
قله صارت عد يمنتك __ چي وكفتك تندرس
حكها ربعك ماتعوفك چي عمك ايرد شمس
انته قائد ماتميز لا شكل، لون ، ولبس
يجيك العنده حظ __والما يجي _ وجه بسقر
ماتجبر ابنادم الك _ يا سيدي يجيك
يامحله يمناك __ گلنه
چي هيبه شفناك __عدنه سيدي
***
اسمك _ قاهر_ مرعوبه من عنده البعض
هاشم _كلهم__ اجبال وثبات اعله الارض
ياهو منهم من تحشمه __تشوفه زلمه اشما زغر
هيه هاشم درستنه شنهو افعال البشر
للكرامه للشجاعه بيهم الچلّب عبر
ملاذ ومستقر __واليفتهم_ بيهم لگه
كل الامور البيها حُب __ياسيدي ملاذ
تعلمنه ودّاك __ النه
چي هيبه شفناك _عدنه سيدي
***
ليث كريم جحالي
حيا الله مسلم يا الله
حيا الله مسلم
—————
ليث الهواشم بالحرب معروف طبعه
بين الفصايله ظلمه كلها وهو شمعه
ومعروف دربه لو مشه الوادم تتبعه
بوكت النزال مخيم على اعداه سمعه
حيا الله مسلم يالله
حيا الله مسلم
—————
بالكوفه جان لوحده واكف بين الاعداء
ما هزه جيش گباله نازل محد ويا
سرفن ذراعه الجيش خاف ورجع خلا
طوعه تشد عزمه وتنادي وهيه تبراه
حيا الله مسلم يا الله
حيا الله مسلم
———————
ماخذ شجاعة حيدره وما خذ صفاته
قالع الكوفه من العزم تشهد رواته
حير الجيش بهمته وحير رماته
چم مسلم البلمعركة بهيبه وثباته
حيا الله مسلم .. يا الله ..
حيا الله مسلم
——————
مسلم اليمنه يردها مسلم رد الشمال
مسلم هنا وهناك حارو شنهو الحال
كل الرفع صمصامه مسلم رده بالحال
بهيبه وشجاعه بجدمه يمشي وجنه خيال
حيا الله مسلم .. يا الله ..
حيا الله مسلم
——————
اده الرساله وجنه بالطف حاضر هناك
ناده سلامي لسيدي ولحامل لواك
بالروح لبن المصطفى وبالنفس لباك
يا فرض طاعه يعشگك الي فهم معناك
حيا الله مسلم .. يا الله ..
حيا الله مسلم
——————
حيدر عيسى البديري
مسلم ابن عقيل ع
يا مسلم .. طوعه تنادي بزودك
يا مسلم .. اعرف توفي وعودك
يمنه اطبگ بيسرتها
بالضدتك صرختها
طوعه تنادي بزودك
...
مسلم السيف بيمنتك عن حسين
شد ضربتك يم النحر موش اثنين
ضربت علي بصفين بدر وي حنين
خيبر تجر بجفوفك
حيدر اله اليشوفك
يعرفها ما تروفك
عدوانك .. ما توصل الملكاها
عدوانك .. بالضربه وبهواها
يا مسلم .. حته الهوه من جنودك
يا مسلم .. طوعه تنادي بزودك
........
حيرهم ٱنت وخل تحير الكوفه
اضرب فداك الكون لا تعوفه
انت التدافع عن علي تشوفه
عن النبي واسلامه
عن الفزع كلامه
يتصده بالعمامه
عن حسين .. ضرباتك وعن اله
عن حسين .. سيفك صبح رساله
يا مسلم .. كل البقه بوجودك
يا مسلم .. طوعه تنادي بزودك
.....
ليك السفاره تلوگ يا راعيها
بس كلمتك تحله بوزن حجيها
من تنذكر بس اسمك اليجيها
مسلم سفير وهايه
بس انت الك وفايه
اسمك يسد الغايه
بحروفك .. مرسومه الك لوحتها
بحروفك .. مقيوسه الك كلمتها
يا مسلم .. محفوره وي وجودك
يا مسلم .. طوعه تنادي بزودك
.....
شد العمامه ورايك بيسارك
ابن الهواشم ما غمض من جارك
العاده دينك ضاگ من بتارك
بتارك بحده يصير
عدوانك عليه تحير
وخيولكم بس تغير
بالحومه .. ٱنتم اهل نخوتها
بالحومه .. من الزلم خيرتها
يا مسلم .. سيف ورمحها شهودك
يا مسلم .. طوعه تنادي بزودك
....
واگف تقسم جيشك عله التهوا
البليمنه الك واليسره والجاي ويا
قائد الجيش بضربتك لا تنسا
جيش ويقابل جيشك
من تحمل الكل يشك
يم نحره سيفك يوشك
هذا الموت .. مو مسلم الاجاهم
هذا الموت .. ما ينحصي برؤاهم
يا مسلم .. ما تنعرف حدودك
يا مسلم .. طوعه تنادي بزودك
....
حيدر عيسى البديري
يمسلم هذا يومك .. صوت طوعه
تراويهم عزومك .. صوت طوعه
يا شبل الرساله
يالبسيفك رساله
قضيت حسين سيفك
يمسلم .. يمسلم ٣
————————————
رجفت كلب المعسكر .. وهو اجه ماله عدد
طالع بهيبة محمد .. صحت بس ذوله وبعد
وهمه صاحو هذا حمزه .. لا علي هذا ارتعد
خطوه قدم جدمه ليهم .. ورجع هاي الخطو رد
بچه وكفكف دموعه .. وصاح يحسين
تئذنلي ابارز .. صاح يحسين
الك امري امتثاله
يا شبل الرساله
يمسلم .. يمسلم
————————————
"قل اعوذُ" عليك طالع .. صوت طوعه وي الدمع
يبن هاشم شفت حيدر .. مره بارزله جمع
اي وحگك هيجي شفته .. اي نفس هذا الطبع
گال لا حوله وتسرفن .. همه ذابو جن شمع
نفس صوتك تكبر .. بين الجموع
حيرها وتحِيِر .. بين الجموع
ضرباته وفعاله
يا شبل الرساله
يمسلم .. يمسلم
————————————
ليل سويت المدينه .. وطالع عليهم شمس
مو بضربه ترد جمعهم .. هيج تلمسهم لمس
نار صرت عليهم انت .. وبيك صار الهم درس
عالشجاعه عله البطوله .. وعله تهذيب النفس
درس من حيدر انت .. بكل صفاتك
بكلماته وضربته .. بكل صفاتك
وبهيبة دلاله
يا شبل الرساله
يمسلم .. يمسلم
————————————
سرفن ذراعك يغالي .. واقره "قل يا ايها"
"الكافرون" اليوم بيكم .. طير ابابيل ابرهه
سيفي اخلي صور ينفخ .. صيح اصير الواقعه
كالجراد يصير منك .. چن فزعهم فاجعه
القيامه تصير منك .. يبن الاكرام
وكلشي تحت طوعك .. يبن الاكرام
ما تبقى استحاله
يا شبل الرساله
يمسلم .. يمسلم
————————————
ذَكر السيف وقبضته .. بهاشم علوم الزلم
اشطر بضربتك بيهم .. مثل حمزه ياشهم
حير الدنيا واهلها .. واقعك شنهو الحلم
الينضر لطولك براعه .. راسك بعلو النجم
الكمر حار بعيونك .. والكواكب
تمنت فوگ متنك .. والكواكب
اتعيش بجماله
يا شبل الرساله
————————————
حيدر عيسى البديري
هوسات بحق بطل الكوفه مسلم ابن عقيل ع
جديد محرم
┄┉❈❥❀❥❈┉┄
سفير حسين ارض كوفان طباها
حي الله البطل الرايه علاها
موت احمر أشباه الزلم راواها
الهامات تطاير بحريح السيف خلاها
من يرفع سيفه يزلزلها
┄┉❈❥❀❥❈┉┄
سفير حسين وحده ماله صاحب
بصولاته عليهم جن أسد غاضب
يا زلمه اليواجه مسلم يحارب
منه مانجه بس اليفر هارب
والفر هارب مصفر لونه
┄┉❈❥❀❥❈┉┄
غريب اوحده وذيج الزلم ذلها
من فوك المتون الروس نزلها
بس طوعه تحشمه وبشري كاللها
يلوح العار اخلي جيالهم كلها
العنه تحل)) خليها عليهم
┄┉❈❥❀❥❈┉┄
لنصره عكدت طوعه أطراف شيلتها
دخيلك ياعلي بكل عكده عكدتها
يداحي الباب النصره هاي ساعتها
مريوده العشيره اليوم وكفتها
ولمسلم تفزع خليها
ولمسلم تفزع. خليها
بقلم العلويه ام رائد زوين 👆✍
#قصائد_في_خدمة_الخطباء
#محرم_١٤٤٦
#شهادة_مسلم_بن_عقيل (عليه السلام)
[قصيدة عمودية]
جرى دمعي لغُربَتِهِ وسالا
فلا عَجَبٌ إذا ما النَّوْحُ طالا
مُصابٌ منهُ ذابَ القلبُ حُزنًا
فكيفَ لِمُسلمٍ جَمَعوا الرِّجالا؟!
أحاطوا بالغريبِ وكانَ فردًا
وقيلَ بلى هو الكرّارُ صالا!
إلى أن مالَ من طعنٍ ونزفٍ
كمن مِن ضربةِ المحرابِ مالا
فحوصِرَ مُنهَكًا وهوى جريحًا
بنزفِ جراحهِ اختتَمَ النّزالا
وكفٌّ منه ما زالت تعاني
بها وضعوا السّلاسلَ والحبالا
إلى المَلعونِ قادوهُ أسيرًا
أسيرٌ زادَ في أسرٍ جلالا
فقامَ بِشَتْمِهِ ابْنُ زيادَ حقدًا
وسبَّ أمامَهُ للهَديِ آلا!
وثمّ بأمرهِ ألقَوا بجسمِ ال
كريمِ ورُزؤهُ أحنى الجبالا!
#عظم_الله_أجوركم ◾️
فاطمة علي رزق
اسألكم الدعاء
مولاتنا حميدة لم تودع أباها💔
وكأنها قد بقيت في فمها كلمة( أحبك يا أبي) 💔
فبین الفخر بأبيها والإشتياق له توجهت الى الكوفه فور وصول
خبر مقتل مسلم💔
تقول :
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
هلي و علو المراتب ....... لاگت إلهم
لچن لا ودعتهم .......... لا گتلهم
أحبكم و المنايا ...... لاگت الهم
وبقى حظنك يبا حسره عليه 💔
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
يسألكم الدعاء
لسان حال مولاي مسلم ابن عقيل عليه السلام
صوره گبالي. وشيب حالي. طفله وطفلين
طفله بحيرة. حيل اجبيرة. شتشوف العين
يابويه وحين اخذوني. من قصر الذل يرموني
==========
بعد رحلة عذابي وقصتي اجبيرة
وشحال الغريب وغربة هالديره
حميده كبال عيني طفله وازغيرة
ناظرها احسه للغري اديره
هاي جروحي. تعيش بروحي واشكد تانيت
تدعي واسمع. بلكت يرجع. مسلم للبيت
بعيدين وميشوفوني من قصر الذل يرموني
==========
حميده بويه اشوفن صورتج يمي
يبعد الروح بويه ويابعد اسمي
يتصور خيالي بيج كل همي
وعلم عندج يبويه من وكع دمي
حالي شصاير. وحدي وحاير. ماعندي انصار
هاي الصعبة. بعيد وغربه. وبگلبي النار
ياحيف و متودعوني من قصر الذل يرموني
==========
يعين الله يبويه گلبج الفاجد
يصبر گلبج وادعيلج وساجد
الامر بيد الاله القاهر الواحد
عليّ رب العرش يابويه بس شاهد
ادعي وانحب. گلبي شيب. حالج ياحال
مسلم مارد. گلبج ردد. گلبج وشگال
يابويه وماتلگوني. من قصر الذل يرموني
==========
بعين حسين عينج والامر يصعب
وحاله من ونينج بويه هم شيب
طفلة زغيره بس شو ظهرج الحدب
وگلبج بوية من نار البعد يلهب
كلبج جمره. عينج حمره. دم تصب العين
اول طفلة. بنوح الثكله. تنوحين وي حسين
كل ساع من اتذكروني. من قصر الذل يرموني
==========
بدرب ذاك الاجيتي لكربله بحسرة
من دون البنات بلوعة منكسره
وصلتوا لكربله والعيله متحظره
تنصب بالخيم وانتي ناصبه العبره
عبره بعينج. كل اسنينج. يبسن من الويل
لوعه وحسرة هاي الجمره وتلچمج بالليل
يابويه گبالي عيوني. من قصر الذل يرموني
==========
انكسر گلبج يبوية وخيمتج طاحت
واحلام البراءه بدنيتج ماتت
ياشمعة بليالي الضيم من ذابت
بمناحه اجم رزية طفلتي ناحت
شمعه عمري. كسرت ظهري. من بعيد تنوح
ليل وظلمه. زايد همه. گلبي اتلچمه جروح
بالغربه امن يذبحوني. من قصر الذل يرموني
==========
الشاعر علي النائلي
ليلة مسلم عليه السلام
وين رايح بويه اموتن لو عفتني
وين رايح بويه مسلم ما اخذتني
الفركه شلت حالي ..واليتم يبرا
وين رايح
1***
بويه رايح والدمع يجري اعله خدي
عكب عينك راح اضلن بويه وحدي
غيرك انته بدنيتي ياهوه عندي
بس حادي الهجر ضل بيه يحدي
يا افراكك هد كياني وعذباني
يا افراكك جمره وبكلبي جواني
فركتك للتالي.. واليتم يبرالي
وين رايح
*2*
انه طفله شلون اضل ابلاي ولي
بعد عينك منو ايكلي بويه ادللي
بويه بعدك ياهو يبقى يحاملي
انته وحدك كل كياني وكل هلي
شلون اضلن وحدي ما احمل بعد
شلون اضلن وانه روح بلا جسد
لا هلي ولا والي .. واليتم يبرالي
وين رايح.. وين رايح
3
عيني ما متعلمه أخبرك عالبواجي
شكد بجيت بفركتك حلو المحاجي
ياهو اليلبسني من بعدك تراجي
دمعي فوك الخد حفر لجلك سواجي
على خدودي انه اون ويجري دمعي
على خدودي الطم ويلجمني ضلعي
بجفني ضل يلالي.. واليتم يبرالي
وين رايح.. وين رايح
*4*
بويه ياهو البعدك ايصبر عليه
من يجيني الليله وديارك خليه
كضة بالفركه المحنه وهاي هيه
عكب ما جنه انتسامر كل مسيه
هاي هيه يالخذت كلبي بحنانك
هاي هيه بويه ضل خالي مجانك
بس حزن يصفالي.. واليتم يبرالي
وين رايح.. وين رايح
5*
هذا اخر موعد اتسمعه بكلا مي
بويه من ابعيد وابعثلك سلامي
الك ياخذني الفجر شوكي وهيامي
ابد ما يرهم بعد عينك منامي
عيني ذبلت من البواجي والسهر
عيني ذبلت عليها كلب اهلي نكسر
الك فدوه الغالي.. واليتم يبرالي
وين رايح
***
خادم الحسين عليه السلام
كرار عبد الحسن المحمداوي
🔶 #محرم_1446هـ
🔸#طور_الفراق
🔸 عندما ربطوا مسلم بن عقيل وضربوه وارادوا رميه من فوق القصر كأني به بلسان الحال يحادث الحسين روحي فداه عن بعد وبلسان القلب يقول له💔..
خذها خويه.. و ياإمامـي هالوصيـة
خذها خويه.. وإرجــع ولاتلفي ليّــه
خذها خويه.. كلمة من أخ لأخيّـه
ــــــــــــــ ✿༺✿༻✿ ــــــــــــــ
لاتجيني.. هنانـه نــاس ابـلا حميــة
لا تجيني.. امـن القصر أصبح رميـة
لاتجيني.. ومـــن بُعُــد ســلّم عليــه
ــــــــــــــ ✿༺✿༻✿ ــــــــــــــ
هذا حالي.. استمـع يحسين حالــي
هذا حالي.. الكلمة خانــوهـا يغالــي
هذا حالي.. فــدوة لك بس لاتُبالــي
ــــــــــــــ ✿༺✿༻✿ ــــــــــــــ
بس امانة.. بْنَيتي مظلومة و يتيمة
بس امانة.. چـانت اتسمّيني خيمــة
بس امانة.. والأبــو فكده هضيمـة
ــــــــــــــ ✿༺✿༻✿ ــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
آهٍ لِفَقدِكَ يَبنَ عَمّي وَنَاصِري
قَطَّعتَ قَلبي مُذ سَمِعتُ قَتِيلُ ..
قَالوا قَضَى عَطَشًا غَرِيبَاً مُفرَداً
أبكي لِفَقدِكَ وَالدُمُوعُ تَسِيلُ ..
وَا مُسلِمًا نَاديتٌ آهٍ يا أخي
أحنَيتَ ضَهري والفِرَاقُ طَويلُ ..
كُنّا وَ في رَغَدِ الحَياةِ سَويَّةً
في حُلوِها والمُرِ أنتَ خَلِيلُ ..
هَذه يَتامَاكَ تنادي وَالدي
هَل لِي بإخبَار ِالصِغارِ سَبيلُ ..
نَادًيتُ أولادي تعالوا سارِعوا
قُتِلَ السَفِيرُ فالمُصابُ جليلُ ..
=======+=========
نعي
الميت بالدفن اهلة يحضرون
واخير وداع للغالي يودعون
ومسلم ضل غريب ايدير العيون
اهلة بعاد عنة وموش يدرون
=================
كل ميت هلة تطلع تشييعة
وفوكَ متون اخوتة يصير رفعة
وكل واحد يصب اعليه دمعة
ومسلم وحدة ومحد يتبعة
===================
عد اهلة اليموت يوادعونة
واولادة واخوتة اليحضرونة
ومن رجليه مسلم يجرونة
بالسوكَ وشماتة ايشاهدونة
==================
الميت للگبر تتعنة اهلة
ودوم الفاتحة يقرون لجلة
مسلم بالگبر محد وصلة
بطوا عنة وبقت بالروح علة
================
يتاني اهلة يجون من المدينة
شابح بالنضر صوب الضعينة
يجون احبابة ضنة وگاصدينة
وعيونة تصب دم وحزينة
===================
ما يدري تطشر ضعن الاحباب
وعزيزة حسين نايم فوكَ التراب
واهلة وكل اخوتة الصفوة الاطياب
وبنيتة حميدة بين الاجناب
====================
(ابو ذية)
يدي وما هدالة ير حميدة (جرحة مدة)
يريت بهاي مسلم ير حميدة (يرة حميدة)
شلون الشمر بيدة ير حميدة (جر حميدة)
وتناديلك يبوة الحكَ علية
==================
اسألكم الدعاء رائد الاسدي