خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ابوذيه للزهراء عليها السلام
( الزهراء 'ع' تخاطب أمير المؤمنين علي 'ع' )
الـگـلـب مـسـجـد ودهـري.. بي تله احزان
لـحـد مـا صـفـه ٱمـن الهم.. بـي تل احزان
بـثـلـث چـلـمــات عـشـتـه.. بيت الاحـزان
الـضـلـع والـمــحــســن وســيــد الـبــريــه
*---------------*---------------*
✍️خادم الحسين ع
الشاعر سعد هادي الشمري
بالحسره رديت . الگيت اظلم البيت
بالگبر نام الضوة ودنياي ظلمه.
مني راحت فاطمة گلبي شيسلمه.
ـــــــــــــــــــــــــــــــــــــــــــــــــــــــ١
ظلوا اولادي يتامه راحت امهم
من يسئلوني عليهه بعبره أگلهم
بليله ظلمه ادفنت أمكم وابچي يمهم
شلون اصبرهم اذا راح اليلمهم
لسه علباب. اثار الدمه
لسه علباب. قصت فاطمه
لسه علباب. ظلوع مهشمه
من ام الحسين. منكسر ظلعين
وظهري مكسور وبعد محد يحزمه.
مني راحت فاطمة گلبي شيسلمه.
ــــــــــــــــــــــــــــــــــــــــــــــــ٢
بيمن ابچي وبالگبر طميت العيون
من بعد أم الحسن ماعندي كل عون
من بعدهه راح اظل ابداري مسجون
الناس عافتني ومشت تسجد لفرعون.
وانه هارون. وصفني الوحي
وانه هارون. منزلتي الوصي
وانه هارون. من بعد النبي
داري محروگ. حگي مبيوگ.
انقلاب اعلينه صار واقسه هجمه
مني راحت فاطمة گلبي شيسلمه.
ــــــــــــــــــــــــــــــــــــــــــــــــــــــ٣
ربنه بالقرآن وصه الناس بينه
ليش من مات النبي هجموا علينه
احنه ما أذينه واحد واعتدينه
ليش كتلوا فاطمه وماتت حزينه.
ماتت ومات. حلم اهل الارض
ماتت ومات. گلبي وينقبض.
ماتت ومات. محسن والنبض
محسن يروح. وزينب تنوح
.
المحسن استشهد كتب اعلباب دمه.
مني راحت فاطمة گلبي شيسلمه.
ـــــــــــــــــــــــــــــــــــــــــــــــــــــــــ٤
شفت بسمار بصدرهه والنفس راح
صرت كلساع انذبح من غير ذباح
انگطت اوتار الگلب ماضلي سباح
ابوصط لحد الزهره گلبي يابشر طاح.
وياهه ياناس . چم موته متت
وياهه ياناس . حيل اتالمت
وياهه ياناس . انه اتصوبت.
جرحي ماطاب. يشهد الباب
هاي صدمة الما وراهه بعد صدمه.
مني راحت فاطمة گلبي شيسلمه.
ــــــــــــــــــــــــــــــــــــــــــــــــ٥
غسلتهه وشفت بعيوني ظلعهه
كاسره الباب واحس بيه وجعهه
الظالم بخدهه أثر چفه طبعهه
فاطمة المظلومة من حگهه منعهه
صوط الانذال. اثاره بقت.
صوط الانذال. منه اتلوعت
صوط الانذال. منه ماغفت.
بگد الاكوان. شافت احزان
.
بيت اهل بيت النبي محد يرحمه.
مني راحت فاطمة گلبي شيسلمه.
ــــــــــــــــــــــــــــــــــــــــــــــــــــــــــــ
حيدر موسى الرميثي.
جروح الزهره للوالي ...... تراون
أوونين الثكلى ون حيدر ... ترى ون
دفنت البضعه بعيونك؟.... تُرى وين؟
ودفنت وياها ضحكاتك سويه💔
قصيدة (سيدة الجنة) استشهاد فاطمة الزهراء عليها السلام
المن تشتكي همومك
ماتت سيدة يومك
ماظل بعد بالدار
غير الحطب والنار
المن تشتكي همومك
ه___
خلصت ياعلي وماتت
ودمعك ذبل عيونك
قالع خيبره و بيدك
هسه انته يگومونك
اول مره اشوفنك
اصفر وجهك ولونك
حقك شيعت بيتك
تطلع مايعرفونك
اخر لحظه چانت كسر الاضلوع
وي شيل الجنازه تشيل الادموع
غيبة فاطمة طالت
ودمعة حيدره سالت٠
عگبج علي محتار
غير الحطب والنار
المن تشتكي همومك
ه_
ظلمه وموحشه داره
فارگ خيمت عياله
چانت شمعته وبيته
تگعد يمه تبراله
يحجي بَهمه وياهه
تعرف كلشي بحواله
الباقي من النبي بروحه
ماتت تركت اطفاله
اول مره اشوفن حيدره يطيح
ذاك البلحرب لمن يهب ريح
بسمار ودخل گلبه
من تشيّعت حبه
يابويه شنهي الصار
غير الحطب والنار
المن تشتكي اهمومك
ه__
ماتت نسمة الهادي
العاشت يمه بس كمره
شوفتها العلي تسبيح
چنهه عمامته الخضره
يصلي ويقره بالكوثر
بيده سبحت الزهره
يعني بكلشي هي وياه
موضع مقدسه وأمره
الله يعينه فارگ لبت العين
شاف الزهره تبچي بدمع الحسين
داره موحشه الليله
حيدر منكسر حيله
يابويه عل الكرار
غير الحطب والنار
المن تشتكي همومك
ه_
انزع ياعلي الحلقه
والبس حزنك بروحك
جرحك بالحرب مضموم
وهسه مطشره جروحك
منهو اليعرف شياذيك
ومنهو الزيدت نوحك
راسم فاطمة ومكسور
بكلبك مووسط لوحك
اني اعرف تشمها بيت الاحزان
قران اندفن واليبجي قران
اتخيل وحدك اتخيل
حيدر شايف المقتل
طاح الدمع مدرار
غير الحطب والنار
المن تشتكي همومك
ه__
چانت فاطمة ولايه
هيه اعله الخلك ايه
حيدر چانت انياطه
تمشي بكلمته ورايه
موسهله يموت بسيف
بس اتكتله الحجايه
من ادگله عصره الباب
فاطم صارت ادمايه
يوگع ياابوذر وگوم تچي
حيدر منتهي مايگوه يمشي
الله يعظم امصابك
مرتك ماتت ابابك
كون الوجع يندار
غير الحطب والنار
المن تشتكي همومك
ه____
ينصب فاتحه بچادر
بس بگلبه موشارع
خاف يشوف ابن خطاب
شامت يطلع يباوع
دافنها بسواد الليل
محد شافه من راجع
جفونه مفطره بدموع
عليهه من البچي شابع
الله يساعده لمن دفنهه
گبل بساعه يشتمهه وحظنهه
ماينظم جرح غالي
طاحت دمعته تلالي
ويلي الجروح أكبار
غير الحطب والنار
المن تشتكي همومك
خادم رقية عليها السلام
الشاعر مهند الدريساوي
١٤/١١/٢٠٢٣
على طور (سدوا الماي ) للرادود حمزة الزغير
لاستشهاد فاطمة الزهراء عليها السلام
گصدوا الدار الدار ليش حرگوها
الدار بيها أم الحسن حقد منهم لوثار
ليش حرگوها
★★★★★
جمعوا الوادم حطب الوادم اشيردون
شنهي غايتهم
لكل امر لازم سبب لمن أيطبون
بيوت سادتهم
ياسبب هذا الوجب بلحطب يلفون
الزهره شافتهم
ام حسن ليش الگوم برهبه خلوها
الدفع باب وضرب والجمع بيده الحطب
بدارها شبت نار ليش حرگوها
★★★★★
والحقد هذا الحقد بهلشكل موجود
شنهي اسبابه
ظالم يروح ويرد ايهدد ابكل زود
كشر أنيابه
يحرگ الدار القصد بالنوايا السود
حشم اصحابه
رحمة الباري شلون ليش أذوها
حاربوا ليش الستر ودار وجت كل كتر
بيها كل هذا الصار ليش حرگوها
★★★★★
ظالم وطبعه الجفه الرحمه موطبعه
بالغدر خبره
يرهب الزهره لفه ما إله رجعه
من حزم أمره
نكر بنت المصطفى عذب البضعه
الطاهره الزهره
يازمرة الاحقاد تنوح عافوها
علضلع باب أنطبگ وكل كتر بيها أحترگ
دار التشع انوار ليش حرگوها
★★★★★
بگلبه مايملك أسف المعدنه الخذلان
شلون بيه رحمه
الخافي اصبح منكشف هجمت الغربان
تنشر الظلمه
ينهدم بيت الشرف تقصد العدوان
وينجلي رسمه
ام الرحم گصد الگوم مايرحموها
ابفدك حقها انحجب وحق ابوحسين انسلب
دار بنت المختار ليش حرگوها
★★★★★
ليل چن صار الصبح من يمر بيها
هاذي حالتها
بعد ماطاب الجرح عگب واليها
تشكي غربتها
بگوم ابد ماتنصلح صفوا تاليها
اسباب لوعتها
النكروا الهادي شلون ماينكروها
ليش ظالم مارحم بزمرته لمن هجم
ودار الوصي الكرار ليش حرگوها
الشاعر حسن لعيبي الحريشاوي
❇️ قصائد استشهاد مولاتنا الزهراء عليها السلام
يبن الحسن بالعبرة ينخاك ضلع الزهرة
اباب النبي شبت نار انهض يغايب للثار
ينخاك ضلع الزهرة
——————-
يبن الحسن أرويلك * اخبار ضلع الزهره * من دمع عيني اليجري
ليك ارد اصور موقف * عن هل مصيبه الكبره * وعبراتي نار بصدري
ارويلك واعرف بيك * انت يغايب ادره * بهاي المصايب تدري
لاچن أوجه عتبي والمغزه باقي بگلبي
راح ابدي من باب الدار انهض يغايب للثار
ينخاك ضلع الزهرة
——————-
چني اشوف الظالم * واتطلّع لاوضاعه * وچني اعيش الحاله
وانظر على باب الدار * الظالم جمع اتباعه * حيث الحقد أوحاله
صورته بنار اجهنم * وموقفه بيوم الساعه * وتابوته يتراواله
شاهد مصيره بعينه لم الحطب بيمينه
وآمر تعينه الاشرار انهض يغايب للثار
ينخاك ضلع الزهرة
——————-
لم الحطب بيمينه * والنار ظلت تسعر * وجّت اباب الرحمه
يعرف تظل هاي النار * ليوم الحشر تتوجر * وعليه تصبح نقمه
يدري ابوجود الزهره * لاچن ابّغضه لحيدر * ما راعه الهم حرمه
اعليهه دفع ذيج الباب ومحسن وگع بالاعتاب
وصوّب ضلعهه البسمار انهض يغايب للثار
ينخاك ضلع الزهرة
——————-
ليك اعرضت كل احداث * هذا المصاب المؤلم * ذكّرتك بآلامه
ادريك ابد ما تنسه * ضلع امك المتهشم * من نابيات ايامه
نعتب لچن من همنه * وليك الدامعه ترسم * هذا الزمن واوهامه
حبل الوهم چتفنه وعنك صبح يحرفنه
ونصرخ جرفنه التيار انهض يغايب للثار
ينخاك ضلع الزهرة
——————-
حبل الوهم چتفنه * عفنه يغايب حبلك * وظل الوهم يهلكنه
صرنه يغايب ننخاك * هذا اليصيح بدخلك * ذاك اليصيح ادركنه
واحنه سكتنه وندري * نظل ساكتين ونهلك * وغيرتنه متحركنه
ونسكّت اليهدينه من كثر خوف البينه
وندّعي لشخصك أنصار انهض يغايب للثار
ينخاك ضلع الزهرة
——————-
عقيل الكاظمي
ابوذيات على لسان السيده زينب( ع)
بعد فقد الزهراء (ع)
الـفـرح دمعاتي من عمري .. محنه
ومـثـل حنـي ابـد واحـد ... محنه
أشـوفـچ ويـن يالـگـلـچ .. محنه
أشـيعـودچ ياضوه الناظـر عـليـه
*------------------*-----------------*
وسيعه الـگـاع ووجودچ .. فضلهه
وعيني الدمع مـن عگبـچ .. فضلهه
الوحيده انتي العَلي زايد .. فضلهه
يـمـن چنتي سـكـف وفّياي ألـيـه
*-----------------*----------------*
✍بقلم خادم الزهراء ع
الشاعر رعد الجريخي
خليني اخدمچ يم حسن
ماريد شهره ولا ثمن
يافاطمه يافاطمه
وياچ مادور ثمن...شلي ابثمن مابي دمع
رايدلي دمعه يم حسن...وبالمجلس ابچي اعله الضلع
وادموعي لجلچ لو جرن
ماريد شهره ولا ثمن
يافاطمه...يافاطمه
خليني اذوبن بالعزه...واشبع بچي واشبع قهر
إنطيني دمعه ابمجلسچ...كون الدمع مثل المطر
واعيوني أقبل لو عمن
ماريد شهره ولا ثمن
يافاطمه يافاطمه
انطيني حيل اعله اللطم...شديلي عزمي من ادگ
باب الله ياحيف وأسف...بالنار گالو محترگ
بيهه السماوات انچون
ماريد شهره ولا ثمن
يافاطمه يافاطمه
يالزهره خسفيلي الصدر...خليني احسن بالوجع
عيشيني كسرة خاطرچ...بابچ عليچ امن اندفع
وصفحات الاحلام انطون
ماريد شهره ولا ثمن
يافاطمه يافاطمه
لوعيني لوعة محسنچ...يافاطمه وحين الهوه
دم البراءه من نزف...بالنار خافنه انچوه
عرش الله للمحسن حزن
ماريد شهره ولا ثمن
يافاطمه يافاطمه
موتيني موتت زينبچ...من فزت وإنتي ابگبر
خليني لحسين وحسن...لمصيبتچ أبچي اشكثر
أرد انتحب طول الزمن
ماريد شهره ولا ثمن
يافاطمه يافاطمه
سيد علي الموسوي
يامحسن الجروح..ضليت الك انوح
صار النهار ابدنيتي ليل ليل
يمه يامحسن أريد احچيـــــــــــــلك
ضلعي ماأنعاه راح انعيــــــــــــلك
فكري اشوفن زينب اتلوليـــــــــلك
يالرحت مني گبل ماشيـــــــــــــلك
وبحظني مو حرام..مالحَّگت تنام
صار النهار ابدنيتي ليل ليل
......................................
يبني حسبالي أشوف ارسومـــــــك
ومثل اخوتك ردت افصل اهدومك
الله لاينطي الفجعني ابيومــــــــــك
وخله دمي ايسيل ويه ادمومــــــك
من سالت الدمه..چن طاحت السمه
صار النهار ابدنيتي ليل ليل
.....................................
دللولك مالحگت احچيهــــــــــــــه
صارت ادموع وعليك ابچيهـــــه
اوداعة اضلوع امك التاذيهـــــــه
داري بعدك ماأضلن بيهـــــــــــه
چم ليله واعتنيك..وبحسرتي أجيك
صار النهار ابدنيتي ليل ليل
....................................
ياحسن يحسين ولدي الليلــــــــــه
وي علــي مأتم عزه انسويلـــــــــه
يلله يازينب اخــــــوچ انعيلـــــــه
واگعد آنه ابينكـــــــم وابچيلـــــــه
هالليله خل نون..عالمحسن ابحزن
صار النهار ابدنيتي ليل ليل
......................................
يولدي نار المُهَچ حَرَّاگه
والگلب ماتنوصف أشواگه
يمه لو تدري اشكثر مشتاگه
راح اجي وبجروحنه نتلاگه
طبع الهجر عذاب..مانحمل الغياب
صار النهار ابدنيتي ليل ليل
سيد علي الموسوي
بالشيلة اشم ريحة امان
غير امي هاي ام الحنان
ماتت ولا كنها اتركت
بصمة اعلة ايام الزمان
@@@@@@@@@@'
هنيالة كلمن عندة ام وياه تكون
وامن الصبح يلگاها المنورة الاعيون
تدعيلة ما تدعي النفسها بالسكون
ما ترضة يزعل والزعل عدها يهون
مرضاها من مرضى الالاه
امي وگلبها من سواه
ياهي المثلها وما غفت
تتنطرة وبكل مكان
@@@@@@@@@@@@
يا اول احچايت بخت امي الحياة
لو لاها ما عشنة ولا شفنة امنيات
بالدنية ما نلگة المثلها التضحيات
ثابت گلبها وما رجف اصل الثبات
يوم تعنتها الوفات
وصتنا امي اعلى الاخوات
گالتلي يمة كل اخت
تحرسها من كيد الزمان
@@@@@@@@@@@@
ردينة بس ردت غريب ابلاية روح
من كل كتر تنزف بقت هاي الجروح
الما عدة ام بهالحياة ابدمه نوح
شفنة الصخر من همنا ضل هوة ينوح
اخذي الگلب شوفي الدليل
من بعدچ اني اشگد عليل
والدنية بيها اشگد متت
يل چنتي بعونچ ضمان
@@@@@@@@@@@@@
حسن جابر السعيدي
لجرحك مالومه .. هذي المعصومه
فضل ومن الله معلوم
وعرّف قدرها المعصوم
لگلبك واهمومه .. هذي المعصومه
@@@
بيت النبوه والامامه الامثل
ايات بيهم واضحه تتنزل
وشرط اليجيهم ملتجي ماينذل
وابقم زچيه ما ترد من يسأل
…
ابقم كريمه .. حره وعليمه
بنت الامام الكاظم
بوالعله اترده سالم
تنطي المحرومه .. هذي المعصومه
@@@
ابقم زچيه ماترد اي طلاب
مقصد صفت لهل الحوايج محراب
يالصدرك ابزود الهضم گلبه ذاب
ماظن اجاها ملتجي ولا ما طاب
…
بنت الاجاويد .. ماتقبض الايد
بضعة نبينه الطاهر
ملجأ صفت للحاير
نور الله ايدومه .. هذي المعصومه
@@@
اخت الرضا وصارت رضا للباري
ونذره ايتحقق هالنذر بالطاري
بس انخه وانشد گاصدچ من داري
نار ابدليلي وانتي طفي ناري
…
من جاها بالآه .. مترده والله
حلفها بامها الزهره
العسره ابفضلها اتيسره
بضلع المهشومه .. هذي المعصومه
@@@
اهل المحنه والكرم والجيره
اقره ابفضلها المنذكر بالسيره
ماتت شهيده فاطمه وصغيره
ومن ديرة جدها اتهجرت لي ديره
…
تاريخ او اقره .. وتعرف بالفطره
الفگدت ابوها ابسجنه
ماتت لخوها ابونه
تالي مسمومه .. هذي المعصومه
@@@
بيام سوده وبالخطر محفوفه
اشتاگت لخوها وسافرت بتشوفه
ما تدري في نص السفر بتعوفه
واتصير ميته وبالچفن ملفوفه
…
ابدرب الطويله .. چنها العقيله
شالت على ضعون ونوگ
تمشي ابگلبها المحروگ
ويلي ومظلومه .. هذي المعصومه
@@@
علي أحمد الحمود
١٥-٩-٢٠٢٤
وفاة المعصومة ع
قصيده ثكيله لسان حال مولاتي الزهراء عليه السلام عن ابيها رسول لله عليه صلاه وسلام
يالعايش مابين جفوني ...عله فراكك عميانه،عيوني
مجانك خالي .....اه ياوالي
عله فراكك عميانه عيوني
.............................
مااحمل فراكك بويه تدريني
ليش تعوفني بمحنه وتخليني
تره غيابك ياوالي تدري ياذيني
من تروح بويه الكوم توليني
اصحابك بويه اذوني ....حركو بابي وهم عصروني
مجانك خالي .....اه ياوالي
عله فراكك عميانه عيوني
...................................
انه خلافك يابويه بكيت مهضومه،
من يوم رحت ضليت مهمومه
صعب يومك عليه خلاني مالومه
تراني عليك بويه ولله مصدومه
ارجع يانور البعيوني ....يابويه خلافك هضموني
مجانك خالي ....اه ياوالي
عله فراكك عميانه عيوني
............................
بيت احزاني يوميه انه انعاك
تمنيت بكبر واحد انه وياك
ماريد العمر يابويه ابلاياك
يالعايش بروحي شلون انه أنساك
باكبرك ريت يدفنوني....وجفنك ريت يلفوني
مجانك خالي ....اه ياوالي
عله فراكك عميانه عيوني
................................
صدك ضلعي يابويه هواي يوجعني
بس فركاك اكثر تدري الأمني
ماحسيت بويه بيوم تتركني
مصابك بلكلب ياحيل يوجعني
يمك ابجي ماخلوني ....يابويه وبره طلعوني
مجانك خالي ...اه ياوالي
عله فراكك عميانه عيوني
...........................
لود تدري يابويه شكثر اذوني
بين الباب ولبسمار عصروني
حركو داري عليه ويضربوني
وبره ولايتك يابويه طلعوني،
هجمو الدار وروعوني ....من ضلعي اتألم خلوني،
مجانك خالي ....اه ياوالي
عله فراكك عميانه عيوني
...................................
بقلم خادمة المنبر الحسيني المله الشاعره ام حسين المسعراويه من العماره لايجوز حذف لاسم نسالكم الدعاء
*قصيدة للرجوع للديار من ديوان 📚 عبرات وانين ج5*
عندما رجعت مولاتنا زينب(ع) للمدينة رأتها مولاتنا ام البنين(ع) ولكنها لم تعرفها فكأني بلسان حالها تقول:
هاي زينب بت علي حامي الدخيل
مااصدگ هيجي صارت مستحيل
❥━──➸➽❥❂❥━──➸➽❥❂
هاي معقوله العقيله بت علي حامي الحمه
مدلله عباس اخوها وورده امها فاطمه
هذا حال الحره ليش امتونهه تگطر دمه
اثر سوط وشد سلاسل حالها بچه السمه
من شفتها ذاب من عندي الدليل
مااصدگ هيچي صارت مستحيل
❥━──➸➽❥❂❥━──➸➽❥❂
زينب اتذكرها اني واذكر اني عيونها
ياما شميت العقيله وبست ذيج جفونها
هاي معقوله اهي زينب هيج صاير لونها
زرگه ومدمايه ليش وماتشيل امتونها
من جفنها دموم مو مدمع يسيل
مااصدگ هيچي صارت مستحيل
❥━──➸➽❥❂❥━──➸➽❥❂
تگربت منها بحسرتي ومني مذهول الفكر
من شفتها گوه تمشي ومنها محني الظهر
هلت دموعي عله خدي وسألتها شالخبر
ليش گوه اجر جدمها وچن جواب ام الخدر
عالجمر سحگيت من هجمت الخيل
مااصدگ هيچي صارت مستحيل
❥━──➸➽❥❂❥━──➸➽❥❂
نهدم حيلي عالعقيله والگلب من عندي ذاب
وين كفالچ ييمه ردي اعليه جواب
ليش ماشالچ يزينب ليش رحتي ويه الاجناب
وانتي يبنيتي امانه من علي داحي الباب
وينه عنچ راح يايمه الكفيل
مااصدگ هيچي صارت مستحيل
❥━──➸➽❥❂❥━──➸➽❥❂
لطمت الراس ودمعهه من دمه عالوجنه هل
جرت الحسره وتگلي ولا ولي ويايه ظل
لاتعتبين عله ابنچ والله ماقصر بطل
لاچن اچفوفه اگطعوها وصار بية اللي حصل
شرد اسولفلچ بعد ماظلي حيل
مااصدگ هيچي صارت مستحيل
❥━──➸➽❥❂❥━──➸➽❥❂
عذباني مصاب اخوتي وهيچ صار بحالي
من شفتهم ذبحوهم كل اخوتي گبالي
ويايه متعاهد زماني يصيبني بدلالي
صرت اسمي ام المصايب والدمع يبرالي
الطم عله الراس واتصارخ يويل
مااصدگ هيچ صارت مستحيل
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
#من_ديوان_قربان
_الطف_ج٦
قصيدة للاحباب (فارگتهم) لسان حال مولاتنا زينب عليها السلام عندما رجعت إلى المدينة.
❥━──➸➽❥❂❥━──➸➽❥❂
فارگتهم ... والدمع من عيني يجري
فارگتهم ... من بعدهم ضاع عمري
اعزاز عن عيني ابعدو ... بالترب اهلي بقو
فارگتهم فارگتهم
❥━──➸➽❥❂❥━──➸➽❥❂
راحو احبابي من أدية وفارگوني
وسافروا عني وجفوني وضيعوني
اعليهم ابجي وأبد ما تسكت عيوني
ليش يا ناس الاحبنهم جفوني
ماخذوني ... بس اون وخلص صبري
ماخذوني ... وياهم احفر ريت كبري
ليش ناموا بالترب ... اعلية فرگاهم صعب
فارگتهم فارگتهم
❥━──➸➽❥❂❥━──➸➽❥❂
ناموا وخلوني دمعاتي جرية
المات ما يرجع ابد مرة علية
أيست ونگطع ظني وهاي هية
آه يحنان الگلوب اگطعوا بية
ياهجرهم ... صعب بي بس الله يدري
يا هجرهم ... سيف جنه بوسط صدري
گلبي ما يحمل هجر ... بعد ما اريد العمر
فارگتهم فارگتهم
❥━──➸➽❥❂❥━──➸➽❥❂
شلي انة بالعمر من عگب الاحباب
من مشوا لليوم دمع العين سجاب
فراگهم حط جرح بية وأبد ما طاب
بقيتي ظلمة وموحشة يا دا الأطياب
غابوا بساع ... الجنت اظن يبقون ذخري
غابوا بساع ... اوجهت للباري امري
غابوا وغاب الضوه ... الجانوا فياي وهوه
فارگتهم فارگتهم
❥━──➸➽❥❂❥━──➸➽❥❂
غابوا وغاب الضوه والدنيه ضلمه
وعلي حتى الهوى يخنكي امن اشمه
عيوني من عگب الاودهم كون تعمه
آه يا كلبي وعذابه وآ يهمه
آ يكلبي ... بيك نار الفرگه تسري
آ يكلبي ... والحزن كاسرلي ظهري
شاب راسي والدليل ... عزاز
هدموا إليّ الحيل
فارگتهم فارگتهم
❥━──➸➽❥❂❥━──➸➽❥❂
ذاب دلالي وتحطم من بعدهم
الف وسفة اعله التراب ينام خدهم
بين تربان اسكنوا ونسد لحدهم
آه منك يا زماني اعليه ردهم
يا زماني ... ردهم واجبرلي كسري
يا زماني ... لو وياهم تنهي امري
ردهم علية يازمن ... ما احمل هم ومحن
فارگتهم فارگتهم
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
قصيدة للاحباب {رااااايدتكم}
رايدتكم ... تنعه روحي كل مسيه
امضيعتكم ... من وكت يهل الحميه
امضيعتكم بالمكابر ** وجيه من عدكم تناطر
رايدتكم ...........................رايدتكم
❥❥❥❥ـــــــــــــ❁❁ـــــــــــــ❥❥❥
امضيعتكم والدمع ينشدني عنكم
آخ يالعفتوني ما شبعانه منكم
روحي مختنگه واريد اشتم عطركم
ويا هظيمه ابعيده يا ديرة كبركم
الليل اخلصنه ابونين ** وحشه بالفرگه السنين
رايدتكم ...........................رايدتكم
❥❥❥❥ـــــــــــــ❁❁ـــــــــــــ❥❥❥
الليل اخلصنه ابونين اشتاگ اجيكم
وداعة المذبوح طگ گلبي عليكم
چانت امنيتي تضل ايدي ب ايديكم
بس بعد هسه الرمل شمسوي بيكم
نايمين اعله الترايب ** وانه احس دلالي ذايب
رايدتكم ...........................رايدتكم
❥❥❥❥ـــــــــــــ❁❁ـــــــــــــ❥❥❥
كلشي يوجعني بلاكم حته هالروح
ردوا من الفرگه بيه اغميچه الجروح
حملي من عفتوني الهل ساعه مطروح
والدمع طول الوكت عالوجنه مسفوح
تعبت موتي اشوالي ** يمي ماضل غالي
رايدتكم ...........................رايدتكم
❥❥❥❥ـــــــــــــ❁❁ـــــــــــــ❥❥❥
يمي ماضل غالي عوفوها الترابات
عمري من عفتوني خلص كله حسرات
رايدين ارتاح مال ارتاح هيهات
هوه اليفارگ يخلص عمره شوغات
حيل تعبني الهجر ** كوه ب انفاسي اجر
رايدتكم ...........................رايدتكم
❥❥❥❥ـــــــــــــ❁❁ـــــــــــــ❥❥❥
حيل ماضل عندي ردوا من المكابر
من بلياكم تراني اكسر خاطر
عيني تربي اعله الدرب ليكم تناطر
بعد مابيه عله اشواگي اصابر
ردوا يعزازي الي ** بهاي دنياتي شلي
رايدتكم ...........................رايدتكم
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
❇️ قصائد استشهاد مولاتنا الزهراء عليها السلام
يا موقف صار هالليله
بدار المختار هالليله
لوعه واكدار ** هالليله
حان الوداع
---------
اذا گلبك لهب جرحه * واذا خيّم عليك الهم
تِذَكّر ساعة البيهه * ضلع بنت النبي اتهشم
تعال اويايه نتعنّه * ويحملنه بساط الهم
ننشد من ارض يثرب * جوهه ليا سبب أظلم
نِشاهد عترة الهادي * مدامعهه تصب من دم
اويجاوبنه صده المِحنه * نِصَبنه للحزن مأتم
انشوف الكرار * هالليله
بموج الأفكار * هالليله
واگف محتار * هالليله
حان الـوداع
------------
عگب ما غسّل بدمعه * جسد بنت النبي الطاهر
وگبل ما بل چفن يخفي * ملامح نورهه الزاهر
ابو الحمله بگلب دامي * اودمع بهمومه متناثر
جِمَع ولده لوداع امهـم * اودليله بالحزن شاجر
تعال اويايه وتصوّر * المصاب الوجّر الضامر
يتامه ايودعون امهم * ويا گلب اليظل صابر
كل حيل انهار * هالليله
وسيل الاعبار * هالليله
ينزف انهار * هالليله
حان الـوداع
-----------
الحسن ريحانة الهادي * لهيب الهم سره بدمّه
اذا شفته بظهـر محني * اوطايح عـن يمين امه
انشده عن ضلع امّه * الكسير وشارِكه بهمه
وگله ليا سبب كسروا * ضلع بضعة نبي الرحمه
تسمع صوت آهاته * يجاوب من جمر هضمه
عگب غيبة رسول الله * علينه انقلبت الأمه
گوم الاشرار * هالليله
حصدت اثمار * هالليله
منّ البسمار * هالليله
حان الـوداع
-----------
وابو اليمه ابجمُر همّه * شبگ امّه وجِذَب حسره
اذا شفته ثِگل ونّه * اوحِنينه ويسچِب العَبره
انشده عن مصاب امّه * اوجنين الطاح عل غبره
انشده ليا سبب مِنعـوا * بچاهـا او گطعـوا السدره
انشده ليا سبب ماتت * حزينه فاطمه الزهره
يگلك إسأل الباب * الغدت بالنار مستعره
يم باب الدار * هالليله
تشاهد آثار * هالليله
من ذيچ النار * هالليله
حان الوداع
-----------
هـذا اليشهگ هـمومه * وذاك اليوِن والينحب
وتسمع بين هذا وذاك * صوت ام الحِزن زينب
عين تهل نهر من دم * عين تهل جمر يلهب
لوعـه لفرگة الزهره * او هضم للضلع المصوّب
تعال انشدهه ودموعك * مثل صب المطر تنصَب
اشسبب زهرة رسول الله * ضـواها الزاهر اتغيّب
عيون الازهار * هالليله
هلّت مِدرار * هالليله
لام الاطهار * هالليله
حان الـوداع
-----------
وابو الحمله اعلى هل حاله * صفه بگلبه جمر يسعر
وكل ذرّات هذا الكون * غِدَت ويّاه تتحسّر
الوصيه گيّدت عزمه * اوغَضَب بركانه يتفجّر
يشاهد لوعة ايتامه * اولهيب جروحه يتوجّر
اويِصِد للمشرق بعينه * اوينادي وگلبه يتفطّر
وكل احنه نصيح اوياه * يل غـايب متى تظهر
يبن الانوار * هالليله
إشهر بتّـــار * هاليله
واظهر للثار * هالليله
حـان الـوداع
-----------
#عقيل_الكاظمي / الشارقة
لمولاتي الزهراء عليها السلام
امي وين
صدك ماتت هل مسيه
امي وين
انا زينب يالزحيه
خلافج شلون استريح
عيني تتلفت واصيح
امي وين. امي وين
من ظلعج انصاب الكلب والباب صار احجابج
ولليوم بي ونة حزن لو مر ذكر لمصايج
يالزهره مامر الفرح ولايوصل اليم بابج
من رحتي لاكانه الحزن حط ابكلب احبابج
يالمصاب
تارس الدنيه بكبرهه
يالمصاب
امنه مانندل كبرهه
يالمصاب
خلافج شلون استريح
عيني تتلفت واصيح
امي وين. امي وين
من غبتي لفلفنه الحزن وغطتنه يمه همومه
والوالد بكلبه الكسر يوميه يومج يومه
وبخواني مخنوك الحجي يايمه انه المصدومه
وحشت افراكج بالكلب بينت بينه ارسومه
يمه هاي
جروح فركاج ابدليلي
يمه هاي
ضنون تسهر وي ليلي
خلافج شلون استريح
عيني تتلفت واصيح
امي وين. امي وين
يايمه من رحتي انهدم حيلي انقصت عافيتي
ضليت اون ليل وصبح يل مثلي هم ونيتي
يل متي مكسورة كلب هم انه مثلج صيتي
يايمه بغيابج تره حزن انترس كل بيتي
وياج اريد
شلي يايمه بحياتي
وياج اريد
كبلج اتمنى مماتي
وياج اريد
خلافج شلون استريح
عيني تتلفت واصيح
امي وين. امي وين
يايمه بالبيت الحزن يفتر على ليليه
وبعيونه يبات الدمع وتنشدني عيني شبيه
يتمني وكتي من الزغر تاليتي انا المسبيه
يمه انا شحجيلك بعد تدرينه انتي البيه
وين اروح
يمه بغيابج حزينه
وين اروح
ويلي يايمه شبدينه
وين اروح
خلافج شلون استريح
عيني تتلفت واصيح
امي وين. امي وين
من ضلعج الباب انعرف شاع انتشر كل صيته
بيد النذل يركض مشه غم اليخون ابيته
لو تسوه العتاب وصدك جلمة عتب حاجيته
لوما حقدهم والحسد يصبح حطب تاليته
كلي ليش
امي تنصاب بضلعه
كلي ليش
والألم يسبك دمعهه
كلي ليش
خلافج شلون استريح
عيني تتلفت واصيح
امي وين. امي وين
✍️حسين محمد الزهيري
أسألكم الدعاء
الوزن مجرشه
٢٠٢٣
لاستشهاد فاطمة الزهراء عليها السلام
(وزن الحدي )
يامحنه أشد من هلزمن
بلدنيا شافتها ام حسن
يامحنه أشد من هلزمن
★★★★★
يوم الرزية ابلاحذر
عن النبي گالوا هجر
مو أول ايام الخطر
ولا آخر ايام المحن
يامحنه أشد من هلزمن
★★★★★
ياگلب طاهر ضيعوا
للهادي كل حق مارعوا
يوم السقيفه اتجمعوا
وتآمروا اهل الفتن
يامحنه أشد من هلزمن
★★★★★
وياهي أشد كل موزمه
من جفوا حماي الحمه
وسلبوا فدك من فاطمة
يمشون گالوا علسنن
يامحنه أشد من هلزمن
★★★★★
وياهو أشد كسر الضلع
لوجيش علشر منجمع
لوگلب ذايب منفجع
وأيام بالونه گضن
يامحنه أشد من هلزمن
★★★★★
ياصعب مامثله صعب
طاح الجنين من الضرب
وللدار طاغيهم يطب
ظالم صلف عابد وثن
يامحنه أشد من هلزمن
★★★★★
ياعلة اشد كل العلل
لمن لفه لأمها الأجل
لو يوم والدها رحل
الچانوا سند إلها او وطن
يامحنه أشد من هلزمن
★★★★★
اصعب وأشد وأكثر عسر
طلبت گبرها يندثر
ولاتحضر وجوه الغدر
النعش لوليل اندفن
يامحنه أشد من هلزمن
الشاعر حسن لعيبي الحريشاوي
چلمتها ابخجل تحچها وتردها
وين امي ادفنتها وجيت من عدها
+++++++++++
ليش امي ادفنتها وبسواد الليل
راجع منحني بالممشه بويه اتميل
لو فگد الزچيه اخذ ذاك الحيل
اجروحك چانت الزهره التضمدها
+++++++++++
شلون وللـگبر مـن نزلـتها هناك
اشحچيت اويه الزچيه وشحچت وياك
ابخد امي جرح احچيلي بويه ارجاك
شلون اعله الترب من وسدت خدها
+++++++++++
احچيلچ يزينب كونچ اتگدرين
ريتچ يمنه وكت الدفن وتسمعين
اشلون اعله امه صاح بصوت يُمه حسين
لازم بالچفن مايقبل ايهدها
++++++++++
مو ونه اسمعت من عدها صوت النوح
گلت يمكن الزهره ردت الها الروح
مدت ايدها ولحسين بيها اتلوح
ارجع زينبك ضلت الوحدها
+++++++++++
اصعبهن يزينب بيها گلبي انصاب
من شافوني فوگ امهم اهيل اتراب
اثنعش يايمه صاح حسين بويه حساب
اخذ من ثوبه وصله وعالچفن شدها
++++++++++
وي الحسن گعدو عالگبر يبچون
ماضلت الواحدهم ابوجها اعيون
نرد الدارنه يالحسن خويه شلون
زينب لو درت الله يساعدها
++++++++++
امي ماتردلي او لا گبر ينزار
لو دافنها بويه بوسط هاي الدار
نغفه اعله الگبر انه واخوتي زغار
الدار ابلايه ام شلون اشاهدها
ثائر الربيعي
وصية الزهراء لزينب عليها السلام
.............هجري..........
هـــاي ...يالحره هــــاي أوصيتي
هـــاي...تكتـــــبها جمرة دمعــتي
هـــاي...ليلة وفـــــاتي ودفنــتي
.
يزينب........يزينب
.
.
هـــذا آخـــر يـــوم الـيهَ
وعمري كله اثمن طعش
بعـــد يمـــچ مــا أنامـن
راح أنــامن بالنـــــعـــش
يمـــه اوصــيچ أبـوصيه
مـن يمر يــوم العـــطش
من يظل احسـيني وحده
وبالـدمه دربــه انفــــرش
.
حـيل....ظمـي أعله ضلعچ عبرته
حــيل....شميلي صدره بغــــربته
حـيل...مـــن نحره قبـلي ذبحته
.
يزينب........يزينب
.
.
.
يمه تنــتظرچ مصــايب
ينكـــسر منـــها الظـــهر
شـــدي حيـــلچ يالعـقيله
يا جــــبل مــن الصبر
على صدر أحسين أخيچ
يـُمه يگــــــعد الشــــمر
واثنــعش طـــبره يطبره
من يحــــز بيـــده النـحر
.
نـار....تلهــب ييمه ابخيــمــتچ
نـار....تچـــويها جمـرة دمعـتچ
نــار....ترسم مـــــلامح غربتچ
.
يزينب........يزينب
.
.
.
شفتي فوگ الوجنـه لطمه
تطـــــفح بجـــمر الدمه
صعـــبه بعيـــونـچ يحره
ينســـطر خــــد السـمه
خلــف بـــاب الغاضريه
الف سطــــره ابـفاطمه
والعطش بسـماره يلهب
يهــــشم ابچبد الظــمى
.
آه ....من نحـر أخوچ الـدم يدر
آه ....طبــعت حـــوافر عالصدر
آه ....تهظمني ضحكات الشـــمر
.
يزينب........يزينب
.
.
.
يــاهــظــيـمه الـما مثـــلها
لو مشيــتي ويه الغــــرب
يُمه احمـلي هالـمصـــيبه.
وهــالدرب كـلش صــعب
غربه وجـروح ويـــتامه
عبره واحــــزان وضرب
اورقـــــيه دم أذنــــــــــها
تــرك دمعه اعله الـدرب
.
ليش ...تنـــشــد يعــمه انصــفع
ليش ...شو راح ابـوي وما رجع
ليش ..الصوتي شــو محد سمع
.
يزينب........يزينب
.
.
.
آنه يــوم الطـف أحـظره
بس أظل عالـمشــــرعه
يم أخـــوچ الــرابع احضر
بيــدي جســـمه أجمــعه
كُنيـته بـــــدر الهـــواشم
نشــــمي طــــاهر منبعه
أمه تهــــدي يُمه لبــــــني
البــــنـــــين الاربــــــعه
.
نـور ...نور وتشـع ابحــضرتچ
نور ...أم البنـــين ابخـــدمتچ
نــــور ...حره وتنشف دمعتچ
.
يزينب........يزينب
.
.
.
هــذا فجــر وداعي اســفر
لابــس اثيـــاب الظــــلام
شــــدي حيــلچ يالحبيــبه
يُمـــه يـــابنــــت الكـــرام
خـــل اشم عطـــرچ ييُمه
وأغفه بحضـــــانچ وانام
منچ اشـــــتم بالقــيامه
يُمه عطـــــاب الخــــــيام
.
راح ....راح العـــــمر لامــا يرد
راح ....ليـــوم الــمنيه اســتعد
راح ....جرح الـمصــيبه ينولد
.
يزينب........يزينب
.
.
.
انتهت ولله الحمد ...لاتنسوني ووالدي من فضل دعائكم المبارك
تمت في 1/جمادي الاول/1437
10/2/2016
.
حسن الموالي الفاطمي
#ابوذيه_للزهراء_ع_
#السلام_عليك_يا_ممتحنه
فاطمة وعلي ع
أنـه الـمـا عـاف لـحـظـه.. طرفـي الحجاب
و إلــي الـبـسـمـار خـلـه.. طر في الحجاب
أنـــه الـغـطـت جـفـنـهـه.. بطرف الحجاب
عــلــي عــن لا تــشــوف الــجـــرح بــيــه
*---------------*---------------*
✍️خادم الحسين ع
الشاعر سعد هادي الشمري
صارت دارنه الچانت زهيه
دار احزان من عگب الزچيه
ابيوم الماتت الزهره انهظمنه انهظمنه
وامست دارنه من غابت امنه أمنه
دار احزان من عگب الزچيه
نتمنه علي الرد الشمس يوم
لينه امنه يردهه
شجره امن المحنَّه واحنه ياناس
نجي ونگعد ابسدهه
شوفتهه ترد الروح والحيل
واتودنه او نودهه
يوميه يحيدر نبچي وانصيح
مانحمل فگدهه
شوفت فاطمه اتسر النواظر
روحتهه اشكثر كسرت خواطر
خيمه الوالده وچانت تلمنه تلمنه
وامست دارنه من غابت امنه أمنه
دار احزان من عگب الزچيه
من الباب للحجره الحزن ليل
واشبه بالمنيه
نطب لمچانهه وكل ساعه نشتاگ
بس ماكو الزچيه
تصب ادموعنه وايشوف الادموع
حماي الحميه
يگول آنه مثلكم ولدي مهظوم
من عُظم الرزيه
آنه الغسَّلت بيدي الزچيه
وابكسر الضلع مرت أديه
من الصار كل احنه انلچمنه انلچمنه
وامست دارنه من غابت امنه أمنه
دار احزان من عگب الزچيه
نصد الوجه ابونه اشما يمر يوم
مَعانِيَّه اتِّغَيَّر
معروف الوصف حيدر الكرار
ما چن ذاك حيدر
عله امصاب الزچيه حيله مهدوم
نار ابگلبه تسعر
اشما مرت اسنين امن المعانات
الشيب ابراسه يكثر
هيچ ايصير اليفارگ حبيبه
تجرح گلبه كل ساعه المصيبه
صدگ ماينحمل ياناس هَمنه هَمنه
وامست دارنه من غابت أمنه أمنه
دار احزان من عگب الزچيه
صح ليليه نگعد كلنه بالليل
بالدار الكئيبه
لكن نگعد ونبچي على الصار
بالزهره الحبيبه
تاخذ حيلنه ياباب الاحزان
تجرحنه المصيبه
خذت زهرة عمرنه ابعصرتك هاي
والراح اشيجيبه
صرنه ايتام نور الزهره من غاب
مشت كل عافيتنه اوياهه ياباب
كلنه اوياهه ياباب انضلمنه انضلمنه
وامست دارنه من غابت امنه أمنه
دار احزان من عگب الزچيه
حگنه اعله الزچيه انصب الادموع
حگنه لو جزعنه
كون انموت من حسرتنه ياناس
قليل انصب دمعنه
والبارينه نشكي اعله الضلمهه
واعله اللي فجعنه
ضلمه اتحولت دنيانه والدار
واتغير وضعنه
نشكي الصار للباري ونبيه
عاللي سبب الهم والأذيه
مات ابموتت الزهره حلمنه حلمنه
وامست دارت من غابت امنه أمنه
دار احزان من عگب الزچيه
سيد علي الموسوي
ياشيال نعش امي الزچيه
هونك بالله ياحامي الحميه
بويه زينب آني..عذبني زماني
هاجت اجروح الگلب وزداد همي
عله هونك ياعلي ابتشييع أمي
مايطاوعني على التوديع جدمي
ريت بس هالليله أشوف الزهره يمي
خلهه الليله أشبع شوف منهه
آخر نومه أحسبهه ابحظنهه
رايدهه حناني...عذبني زماني
............................
من تروح امي تروح اوياهه الاحلام
عمري خمس اسنين واحمل هَم الايام
بويه باب الدار ضل يرسملي آلآم
نفس هاي النار تحرگ باچر اخيام
هذا اليوم يرسملي مُحَرَّم
نفس النار تسعر بالمُخَيَّم
أعاني اشگد اعاني...عذبني زماني
.................................
من زغر عمري وبديت ابدمعة العين
واعرفت يابويه تجرح گلبي الاسنين
وادم الكسرت ضلع من امي بعدين
هم تدوس اخيولهم بضلوع الحسين
من اذكر مصاب الزهره بويه
اتخيل مصاب حسين اخويه
تجرحني الثواني...عذبني زماني
....................................
زينب وكل يوم تلچمني الليالي
يضل عالمحسن دمع لمصابه هالي
للطفل يتعذب ابكربله حالي
مهد عبدالله يضل من عنده خالي
من امي وگع محسن ابعصره
وعبدالله ابسهم ينصاب نحره
وكتي صَوّباني....عذبني زماني
...................................
خل يذكرني مصاب امي الزچيه
من يجيني امصاب يوم الغاضريه
ياعلي يابويه من امشي سبيه
راح اصيح احظرني ياحامي الحميه
من تمشي يتاماكم سبايه
تحظر ياعلي الضعني حمايه
واصيح الطف سباني...عذبني زماني
سيد علي الموسوي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
يا ربي عجل أمره
وينه عزيز الزهره
ــــــــــــــــــــــــــــــــــــــ
ازغيرون وامي اتسولف وتحچيلي
ابحب الامام الـمهدي شدت حيلي
بالليل ابچي وتگعد اتلوليلي
مهدي يمهدي اتگول واتناغيلي
وما اسأل اعله الفطره
وينه عزيز الزهره
ــــــــــــــــــــــــــــــــــــــ
عالحب كبرت اووالدي وصّاني
يوليدي گلي من اموتن اني
زوّرني حيدر علي لا تنساني
وبعدين للسهله أخذ جثماني
واهناكه إگعد واقره
وينه عزيز الزهره
ــــــــــــــــــــــــــــــــــــــ
ايگولون عد بيت الله يوم اظهوره
يتسند اعله الحايط بهالصوره
وجهه يشع إويترس المعموره
والشمس تتداين ضوه من نوره
واحنه نتاني البشره
وينه عزيز الزهره
ــــــــــــــــــــــــــــــــــــــ
بين الركن وامقامه يرفع رايه
ويم بير زمزمهه يگول احجايه
كون ابثواب احسين نشرب مايه
وبداخل الكعبه يسوي اقرايه
مل الصبر من صبره
وينه عزيز الزهره
ــــــــــــــــــــــــــــــــــــــ
وايروح يم گبر النبي وايقبله
مظلوم ياجدي الرسول ايگله
وايسوي گبر الزهره مثل القبله
هوه الامام المنتظر يندله
والمخفي يصبح حضره
وينه عزيز الزهره
ــــــــــــــــــــــــــــــــــــــ
يايوم يلتم الشمل وانشوفه
وگبر الحسين اوي الامام انطوفه
وعباس ابو فاضل دخيل احروفه
ايفك الجفن وايبوس عطر اچفوفه
والزينب ايهل عبره
وينه عزيز الزهره
محمد الجماسي
#اللهم_عجل_لوليك_الفرج
يم كبر جدهه اعتنت ام الخدر
بالمدامع رايده اترش الكبر
ــــــــــــــــ
للكبر راحت تهل دمع الحزن
عالنبي المختار مهظومه وتون
تصيح يرت وياك جسمي مندفن
والمدامع عالوجن ضل تنهدر
ــــــــــــــــــــ
تصيح ياجدي وكلبهه اصبح نحيل
والدمع فوك الكبر اصبح يسيل
ليش جدي ويانه اعلنت الرحيل
وي زينب بعد ما ينفع صبر
ـــــــــــــــــــــ
شالت اتراب الكبر والهم كثر
وحتى كلب الكون من صدهه انكسر
فكد جدهه بالكلب تارك اثر
تصيح بعدك جدي ما يسوه العمر
ـــــــــــــــــ
انه زينب امي جابتني الك
يا من مصابك فجع كل الفلك
راح اضل للموت اون واشتاكلك
اكضي ليلي ابونّي لطلوع الفجر
ــــــــــــــــــــــ
يا دمعتي ويا حسرتي الماهدت
يا مصيبها لما على بنادم سدت
ريت زينب بالتراب اتوسدت
كسر كلبي جبير ما ضن ينجبر
ــــــــــــــــــ
الشاعر محمد حسن ضيغم
خلص شهر الحزن وابتدت قصة باب
وانعصرت الورده بين ضلعانه
ناتجهه الجريمه الفجعت الاسلام
ام وطفل دمه يسيل بمچانه
سقط محسن وسف مابين.
نار، وباب
وحتارت الزهره بين نيرانه
نار الفاجعه ونار، الحطب بلباب
لسه موجره بنص گلب مولانه
الحجه المابطل دمعه يهل لليوم
الف عام المضى وبنوح بحزانه
يايوم ويعود وياخذ الثارات
ثار المحسن وثارات خوانه
وثار الداسته الخياله بلميدان
وتطشر وصل والراس بسنانه
يلولح عالرمل ومكابل اخته ام عون
بدروب اليسر مفجوعه خلصانه
تعاين للرماح البيها بس اعزاز
والاعضم صبرها البجه عدوانه
ــــــــــــــــــــــــــــــــــــــــــــ
🖇تـمــت بتـــوفيــــق الله
🖊بـٲنامــل شاعرة ٲهـــل البيت عليهم السلام
زهـــراء الحــــربي
تنويه لاخواني الرواديد
يمكنكم ذكر اسم الشاعر حامد الاسدي بدل اسمي لتجنب الاحراج ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫
💬ونسال الله التوفيق والقبول
وٲسالكم الدعاء
لطمية شدة للسيدة زينب عليها السلام عند رجوعها الى دار اهلها بعد رحلة السبي واالغاضرية
==================
اجيت بشوك والحسرة تجر بية
ادور علحنين وعيني اربية
===
رديت بهضم يوجعني دلالي
تجرني ريحت الخوة على الوالي
خلاني بحزن ودموعي اتلالي
وباليني زماني وشعمل بيه
===
فراكة الروح يمردهة ويجويهة
ولو مر الزمان وجاب طاريهة
ذكرت ايامنة وروحي شيضل بيها
راحت ماترد شيردهم عليه
===
بقت حسرة الجزت ايامنة الفاتن
واخياتك يخوية وياك ماماتن
يخوية اخلافكم كل الهضم شافن
كضانه افراك اهلنه ولا بعد جيه
===
كطع بية الحنين الشاعت اعلومة
والضايع وليهة تصير مالومة
تهل دمعاتهة من العين ملجومة
صعب ماينحمل يوم الوداعيه
===
حسك ضاع مني وغابت ارسومة
صدك يحني الضهر ماينحمل يومة
اجينة الدارهم والروح مالومة
بعد يمتة الزمان يعودهم لية
===
بعد شيرد وكتنة واكعد وياهم
وهيبة من اطب للدار والكاهم
ترد روحي لمن اوصل ثنياهم
خلوني اهل دمع المهضمية
===
اهل دمعي وعلية الدار خلوانة
صفيت اخلافهم بدار حيرانة
ضعنة من مشو والضيم غطانة
احا يفراكهم يمة شعمل بية
===
كوة انكوم من ضيم السدة علينه
والحسرات بدلال تجوينة
ضلمة اخلافهم صارت ليالينة
لان شال الحنين ومايرد ليه
===
تمت بحمد الله تعالى بقلم خادمة اهل البيت عليهم السلام ملة زينب الطويرجاوية ٢ ٩ ٢٤ ٠ ٢
قصيدة حال مولاتي فاطمة على اولادها #تقرأبجميع_المناسبات
{ كل يوم الج ونه }
كل يوم الج ونه يافاطمه الزهـره2
اولادج بسم وقتل الكل خلص عمره
•───✧◐◐✧───•
يوميه كلبج يم حسن متلوع بالامه
وحده اعله وحده تجمعن صارن جبل عالهامه
ويعينچ الله اعله الكظو اولادج العلامه
يكتل يوكت الغربو ظلمه تصير ايامه
حسره باأثر حسره
يافاطمه الزهره
اولادج بسم وقتل والكل خلص عمره
•───✧◐◐✧───•
للساعه ونتج عالحسن وحسين اخيه الظامي
يافاطمة ومحسن بقى عالكاع ينزف دامي
واحاه ياذاك الضلع من يومچ الأيامي
من اذكره ابچي ابحزن وتخيله بااحلامي
ياكلبچ المجروح
ينزف دمه من النوح
ويعينچ الله اعله الجره يافاطمة الزهره
•───✧◐◐✧───•
عمرچ خلص ويه اولدچ واحفادچ النشميه
شاهدتي الآم وغصص كلهن افد عصريه
عاشر محرم والسبي وابنيتچ المسبيه
وشاهدتي بالشام الجره موت وهظم رقيه
ياروحچ اشتحمل
ظيم وهظم يكتل
ماتنسه ايام المظت عينچ عليهم تبره
•───✧◐◐✧───•
من الكاظميه للرضا والمشهد تعنيتي
مره ونينچ عالجسر لموسى وجواد بچيتي
ومره البقيع الغرقدي لأربع كبور امشيتي
وسامره يم العسكري وللهادي هم ونيتي
ونيتي حيل عليهم
اولادچ تحبيهم
اصعب مصاب المرالج مصاب الحسين ونحره
•───✧◐◐✧───•
نوح وحزن عمرچ خلص آيالبتول البضعه
شفتي المصايب والألم ما بطليتي الدمعه
اعظم مصيبة المرتچ ذبح الحسين وربعه
من الكاع لميتي الوذر بكل كتر طاحت قطعه
يوجع المنظر شفتي
موذر حسين الكيتي
ولميتي الموذر وذر عظام ولحم متطشره
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لطميه للأمام الحسن العسكري عليه السلام
الدنيه أمغبره ... والشمس مكسوفه
وياهو العسكري أيسبلهن أچفوفه
❥━──➸➽❥💔❥━──➸➽❥💔
مكسوفه الشمس علحسن حزنانه
أبسامره أنچتل شلطبه عدوانه
أو بفراش الأجل ممدوده جثمانه
وميت بالغرب والهامه مكشوفه
❥━──➸➽❥💔❥━──➸➽❥💔
اليوم العسكري أمودع أبنياته
وفگدن گعدته أو فگدن حچاياته
أو شيطفي بعد نيران لوعاته
وعينه غمضت والوانه مخطوفه
❥━──➸➽❥💔❥━──➸➽❥💔
الدنيه موحشه شايل يبو الحجه
وصارت ضغبره أبسامره أو ضجه
ومات العسكري وأنفگدت البهجه
وأحزان الگلب بلگلب مصفوفه
❥━──➸➽❥💔❥━──➸➽❥💔
الحجه للگبر شاله عله أچتافه
أو بالتربان بيده وسده أو عافه
أخلافه مضلمه يا داره أخلافه
وبيهه المنتظر للدوم ميشوفه
❥━──➸➽❥💔❥━──➸➽❥💔
الحوزه أمقفله شايل يراعيهه
واليوم الحسن ما طب گعد بيهه
أو جاريهه تهل العين جاريهه
( أيون أعليه المهدي الليله )
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٣ من شهر ربيع الأول
الموافق / ٢٠٢٣/٩/١٩