🌴تجمّع الزهراء ع العاشورائي🌴

07 сентября 2024 05:55

▪️تغير لونه ▪️

في استشهاد الامام العسكري عليه السلام


طاح ابو المهدي  وتغير لونه
اعليك يالغايب يدير اعيونه
———-
طاح ابو المهدي جبدته املوعه
ويلي من سموه واهله امروّعه
جن يون بسكوت وايهل مدمعه
گوم يا مهدينه شوف اشلونه
—————
اعليك دار بعينه وايهل الدمع
من سموم الطاغي قلبه منصدع
وانت بالوالد دليلك منفجع
وامك اتودعه وتظل محزونه
————
ويلي سامره تون  متألمه
شال راعي الدين والله  وعالمِه
لابقت روح بسمومه سالمه
والهواشم ليش ميحضرونه
———
منهو عنده غيرك ويحضر اله
ايعينه بالشده ودمعته سايله
ويلي وايوصيه ابهمَه الحامله
تمسح الدمعه وتسد اجفونه
———-
گوم شيل النعش وانصب فاتحه
هاي ايام الغوالي رايحه
ووحدك اتعيش الليالي الجارحه
وبلغياب احبابك  المسجونه

تمت__
بقــ✒️ــلم بنت الشمري

🌴تجمّع الزهراء ع العاشورائي🌴

07 сентября 2024 05:53

نعي
لشهادة الامام العسكري عليه السلام


اشحاله المنتظر ياناس هليوم
عينه تهل او گلبه مالوم
الغالي شال وخله الهموم

شال وفطر مني الگلب
يا راعي الوجه العذب
يا شيعه وافراگه صعب

ظلمه الليالي بدون عينه
راح وغدت ظلمه المدينه
وطيبه على فگده حزينه


ذكرنه گعدته وعزنه ودلاله
ذكرنه اسوالفه وهيبة جلاله
شفته يون مترادي حاله
—————-
فائزي


شايل يشيعه هالمسا والدي الغالي
ابن النبي المصطفى يا ويل حالي

هالليله ظلمه وموحشه  من غير الايام
شايل عزيزي وبالترب خلاني ونام
مسموم من بعد الصبر وايروح منضام
منضام ياشيعه ورحل والدمع هالي

عاش السنين ابكل الم ويروح مسموم
فوق الهموم واغربته زوًدنه اهموم
گلبي  ابرحيله منفطر  وابهمه ملچوم
وحشه المدينه ومنزله ينعاه خالي


نزلته بيدي للترب واشلون ليله
بيها تون كل الحرم ماالها حيله
لكن يايوم ابو علي ماكو مثيله
ظلن حريمه بالفلا من دون والي
————-

الفراق

آيبويه.       عني شايل هلمسيه
آيبويه.       اعليك دمعاتي جريه
آيبويه.       صعبه لحظات المنيه

آيبويه.     ينعه بيتك والله خالي
آيبويه.    والدمع ابحرگه هالي
آيبويه.     سوده بعدك هالليالي

آيبويه.    ماشي وامخليني وحدي
آيبويه.    تدري بس انت اللي عندي
آيبويه.    موحشه وأتلگه وعدي


آيبويه.    دنيتي الفگدك حزينه
آيبويه.    تنحب اعليك المدينه
آيبويه.    اظْلّمت ابفگدك علينه
—————
تمت بحمد الله تعالى
بقلم بنت الشمري

مكتبة بنت الشمري

🌴تجمّع الزهراء ع العاشورائي🌴

07 сентября 2024 05:18

شهادة مولاتي السيدة سكينة عليها السلام

تكتب اسم حسين وتفييله
وتكعد بدمعاتها تناغيله
………………………………
كضت كل اسنينها مشتاگة
ما تنام الا تون لفراگه
والفراك يطيب بس بملاگة
اتمنت اتلاگي وبس تحجيله
……..
الجانت بزوده وحنانه مدلله
من عگب ما طاح فيّة بكربله
بگت نعايه اتحدي للعايله
وتنكظي بس بالبواجي الليله
.……..
جانت يناوبها اخوها اعلى الونين
واخ من يون ابو كلب الحزين
شلون اذا مفگودهم جان الحسين
ونهم اكلوب الصخر تبجيله
.
سكنة من تحن تجي لمها الرباب
مكابل يكعدن على حر التراب
تگلها لو غمضت يكتلني العذاب
اذكره من يضحك واوميله
.
شكثر يجرحها اذا هب الهوه
تذكر بسفرتها ذيج لنينوى
لمن تمشي وفوكها يرف اللوه
عدها عم همها الثجيل يشيله
.
عمها المخليه ما تعرف عطش
من مشت عنه فجر يوم احدعش
شافته يم النهر دمه نفرش
من سهام الغربه رايح حيله
.
وهسه يم سكنه المنيه اتگربت
كبل لا تكطع  نفسها شكد بجت
اتمنت يحضرون يمها اهل البخت
وعمها بجفوفه التراب يهيله
.
اتمنت الياخويه تسمعها شكثر
بصوت الاكبر من ينزلها الكبر
ماتت وباقي كلها المنكسر
تحن لخوها تريد بس تشكيله

🌴تجمّع الزهراء ع العاشورائي🌴

06 сентября 2024 22:33

نعي عن الإمام العسكري عليه السلام

سَمَّوك  ياسيدي و متغيره الوانك
قصد العده ياجبل  تتهدم اركانك
يابوكلام العذب  مافارگ السانك
نكروك يلعسكري  وماردوا احسانك
من سجن بيك السجن يردون عدوانك
ظنوك تهتز  صدگ  لويضعف ايمانك
حرموك من الاهل  وابعدوا  خلانك
ثلاثين ماكملت  يلذبلت اغصانك
سم وخيانه وغدر   مافاز من خانك
انذلوا أسياد القصر وانته ارتفع شانك

الشاعر حسن لعيبي الحريشاوي

🌴تجمّع الزهراء ع العاشورائي🌴

06 сентября 2024 22:31

اويلاه عالعسكري ومصابه
اويلاه عالعسكري ومصابه
ـــــــــــــــــــــــــــــــــــــــــــ
نواسي هالليله بدمعنه ام الحسن
لبو المهدي ادموعنه ابحرگه جرن
گلوبنه الســــامره گصدن واعتنن
للعزيه ابلهفه وبشـــــوگ احضرن

والدموع فوگ الوجن سچابه
اويلاه عالعسكري ومصابه
ـــــــــــــــــــــــــــــــــــــــــــ
الليله مختنگه السمه لمصيبته
والارض حزنانه تبچـي المحنته
ويلي  بالسم صــــوبوها چبدته
وراح مظلوم الـحسن ياشيعته

والگلوب مثل الجمـــر لهابه
اويلاه عالعسكري ومصابه
ـــــــــــــــــــــــــــــــــــــــــــ
السم مرد چبده وتهدم حيله
ايلوج من شـــدة عذابه اليله
امن الوجــع ماظنه نايم ليله
المعتمد من هــــالعمل ياويله

بالاحزان ناحت عليه احبابه
اويلاه عالعسكري ومصابه
ـــــــــــــــــــــــــــــــــــــــــــ
الليله وحشه عالإمــــــام المنتظر
ابفگد ابوه العسكري حاني  الظهر
دفن جثته واختفه عـــــــن النظر
وين ناصب فاتحه او وين المقر

والجـروح كثرت تره بغيابه
اويلاه عالعسكري ومصابه
ـــــــــــــــــــــــــــــــــــــــــــ
هالهموم انگول يالوادم تخف
تره بس حسين ومصابه كلف
من كطع راسه الشمر ذاك الصلف
جسمه ظل ابديره مابيها عرف

والدموم صارت يويلي اخضابه
اويلاه عالعسكري ومصابه
ـــــــــــــــــــــــــــــــــــــــــــ
لبو محمد ماكو علويه انسبت
طفله ماعنده عله الهزّل مشت
ابكربله زينب يوسفه اتيسرت
وتالي اهل الشام بيها اتشمتت

والعيال  مـــاشافت السلابه
اويلاه عالعسكري ومصابه
ـــــــــــــــــــــــــــــــــــــــــــ

حيدر بشار الدراجي

🌴تجمّع الزهراء ع العاشورائي🌴

06 сентября 2024 21:39

نزززله  للأمام الحسن العسكري ع السلام
خادمكم  عبدالهادي العريفاوي
----------------------
للعسكري نتصب عزه 
ونكصد عليه ونزوره

يبقى اللطم لال النبي  طول الدهر وايامه
ونلبس سواد بكل عزه  وكل شيعي شاد احزامه
والمبغض لحيدر علي  خل يطلع من اسلامه

والامه ملعونه تظل  من تبعوا أهل الشورى
--------------------
ياكوكب الحادي عشر  يالنوره من هادينه
وموقف بني العباس اذن  شايل حقد ياذينه
مسجون مسموم الجبد  ماينسه طف حسينه

واللعنه ضد المعتضد  بكل الكتب مذكوره
-----------------------
شنهو الجره خلاف النبي  بأمر اللعين الثاني
لاذمه عنده ولاشرف فعله فعل شيطاني
ندعي الإمام المنتظر  ماتظهر وشمتاني

من الباطل واهل الدجل  شيعه اصبحت مخطوره
--------------------------
يابو الإمام المنتظر  يالجبدتك متوذره
وكل هذا ويهون الجره  بفعل الوجوه القذره
وحسينك بطف كربله  خيل التدوس بصدره

وايتامه في ليل هدعش  تتشارد ومذعوره
-----------------------------
تبقه المجالس للابد  ونواسي بيها المنتظر
وكلمن يضد ال النبي  يوم الحشر اين المفر
اصل الولايه لحيدره  ميهمنه زيد  ولاعمر

والاسسوا هذا الحقد  كلهم تره بطاموره
----------------------------
يبقه الولي حيدر علي  يحيي ويميت بكيفه
بأمرالله  هاي المعجره  أمر العلي وتكليفه

كالوا شرك كالو كفر  ميهمنه هاي الجيفه

اسماء اهل بيت النبي  موجوده في كل سوره
-------------------
وين الطغاة البل حكم  زمرة بني العباسي
جم ظالم بظلمه اندثر   ياطغمة الانجاسي
وسامره ظلت شامخه   يل بيها رفعة راسي

وراية علي بالحق ترف  راية عمر مكسوره
----------------------------------

🌴تجمّع الزهراء ع العاشورائي🌴

06 сентября 2024 20:52

عظيم ومحـد اليعـرف عظمتك
الوعـظ ما فاد ابامتـك عظمت
صدك كسرو يبو الزهره عظمتك
لمـن كسرو ضل ع من الزجيه
.......
الشاعر
اياد الفرح المهدوي

قرب موعد أوان الفرج وأن
عليك النوح ضل ينوح وأن
حـركو الدار كال النذل وأن
خلف الباب فاطم هاي هيه
.......
الشاعر
اياد الفرح المهدوي

🌴تجمّع الزهراء ع العاشورائي🌴

06 сентября 2024 20:48

#جديد
#تسقيط الزهراء عليها السلام واستشهاد #المحسن عليه السلام
طور : حسين خليني اعله بابك ( تُقرأ الأبيات في النعي واللطم )
.
.
سگطوها الزهره .. سگطوها الزهره .. سگطوها الزهره .. يبوي

الباب يا بويه ثگیله .. وألموني من طحت
وتدري بالعصره وألمها .. بويه چم مره اشهگت
وابكسر ضلعي وجُروحي .. آه چم مره متت
على العتبه سال دمي .. آه يا يالهادي ونِحِت

وألموها الزهره .. ألموها الزهره .. ألموها الزهره .. يبوي

بويه طگوني اعله عيني .. وسال من عيني الدمه
ابسوط يالهادي اضربوني .. وآنه بنتك فاطمه
دامي متني ودامي جفني .. والضُلوع امهشمه
ودفعة الباب اذبحتني .. وبالي يم حامي الحمه

واضربوها الزهره .. واضربوها الزهره .. واضربوها الزهره .. يبوي

اگبالي بويه ایگیدونه .. اشلون أنظر حيدره
خلفه رِحْت وآنه مني .. اضلوعي والله امكسره
رِدِت ارفع ايدي وأدعي .. ربي ابخير الورى
وفوگ راسي ارفع قميصه* .. ينتقم للي جره

واقهروها الزهره .. واقهروها الزهره .. واقهروها الزهره .. يبوي

بعد ما ليّه سلامه .. او لا كسر ضلعي يطيب
ولا لي بالدنيا بخِلافك .. آيبو الزهره نصيب
وآخر أيامي يبويه .. راح تگضي بالنحيب
وراحتي يالهادي تصبح .. لمن بگبري أغيب

واظلموها الزهره .. واظلموها الزهره .. واظلموها الزهره .. يبوي
___
تمت ببركات مولاتي الزهراء عليها السلام
#فاطمة_كريم
٢٠٢٤ م

*١ عن أبي عبد الله (عليه السلام)، وعن سلمان الفارسي أنه لما استخرج أمير المؤمنين (عليه السلام) من منزله خرجت فاطمة حتى انتهت إلى القبر فقالت: خلوا عن ابن عمي فوالذي بعث محمدا بالحق لئن لم تخلوا عنه لأنشرن شعري ولأضعن قميص رسول الله (صلى الله عليه وآله) على رأسي ولأصرخن إلى الله فما ناقة صالح بأكرم على الله من ولدي، قال سلمان: فرأيت والله أساس حيطان المسجد تقلعت من أسفلها حتى لو أراد رجل أن ينفذ من تحتها نفذ، فدنوت منها وقلت: يا سيدتي ومولاتي إن الله تبارك وتعالى بعث أباك رحمة فلا تكوني نقمة فرجعت الحيطان حتى سطعت الغبرة من أسفلها، فدخلت في خياشيمنا.  📚 بحار الأنوار ج ٤٣ ص ٤٧

🌴تجمّع الزهراء ع العاشورائي🌴

06 сентября 2024 20:06

بنت الشمري:
بنت الشمري:
*أبوذيات*

يا حادي الضعن بهداي لا وين
اضلوعي والقلب والله لاوين
يَضربوني وسِمَعْت حسين لا وين
يقول ابنيتي ما تحمل أسيه

طريجچ كربله لَنزِل واسكنه
ولهيب احشاي ما يهدا واسكنه
يصيح احسين يَرقيه وسكنه
ونشوفن دمعه لبناته جريه


*النعي*

يحسين بويه قوم لَيَّه
عمري قضى هم واسيه
بعدك لفتني مهضميه

اشلون انساك وانساها المصايب
وعقبك ترى دلالي ذايب
مَنساك لو حدر الترايب

شفتك يبويه والله بالعين
وياك الاهل واحد وسبعين
امطرحين واسمع إلكم ونين

شوف السياط وشوف المتون
واسمعت إلكم لن يسبون
فوق الجثث يابويه يمشون

عفيه عليه اتحمليت
وبديار غربه اتيسريت
اخلافك يبويه اتعذبيت

سكنه يَويلي غمضت العين
يجري دمعها ابلحظة البين
ماتنسى الدلال وعيشة حسين
قضت عمرها بس بالإونين


*فائزي*

هاي المسيه غمضت عين النجيبه
بنت الحسين الفاضله سكنه الحبيبه

عاشت عمرها بالألم ماتنسى يومه
والدها لحسين وبنينه وبعد قومه
عافتهم ابحر الترايب والله نومه
وتقول مايطفى الأبو والله لهيبه

عميَت اعيوني من شفت حزوا وريده
مفطور قلبه بالضمه ومايه يريده
ساعات مره عالقلب صعبه وشديده
ما عاف دلالي أبد منها نحيبه

واشلون انسى والدي واهلي ضحايا
امطرحين اعله الثره وكلهم ضمايا
وابعيني يا شيعه شفت كل الرزايا
ومنها عشت كل العمر والله غريبه


*التغريد الحزين + لفى عاشور*

ظلت بالهضم والنوح .. من بعدك يواليها
تبچي وتذكر امصابك .. وجرحك والله طاويها
ماتنسى الضمه والموت .. گلي وش ينسِّيها
يا اغلى بشر عدها .. مُصابك والله ياذيها
ما أنسى تقول اشلون .. لموتي العبره اجريها
اشلون أنسى الضلع والراس .. وعمْتِي والسده اعليها

بقلم بنت الشمري

🌴تجمّع الزهراء ع العاشورائي🌴

06 сентября 2024 20:05

#جديـــــــــــد

▪️يرضى بحالي▪️

في مصاب السيده سكينه عليها السلام




وين ابوي الغالي  يرضى ابحالي
امدلله ومسبيه اصبح تالي

عشت يابويه الالم والشوغه
ومن بعد عينك اعيش ابروعه
املوعه يالغالي مية لوعه
ضاع خدري بويه ذاك العالي
————-
امدلله والدنيا يابويه تدور
ضيعت ذيج المعزه والخدور
اسكينه آنه بنتك واخت البدور
اتقطعت ايديه خشنه احبالي
———-
ترفه والله وعشت ايامي دلال
وبحماكم امشي ابعز وجلال
شوفني يابوي مربوطه بحبال
والله ووياك اذبحوا آمالي
————
صعبه اتذل العزيزه وتنشتم
وصعبه والله اتشوفها اعيون الزلم
قوم شوف ابعينك اشلون الهضم
امدللاتك ظلن ابلا والي
———-
ادخل لديوان بيه يحكم يزيد
بويه راد يبيعني مثل العبيد
صحت وينك وانت يالغالي بعيد
بس يبويه راسك انت اگبالي
———
تمت بحمد الله تعالى
✍️:#بنت_الشمري

🌴تجمّع الزهراء ع العاشورائي🌴

06 сентября 2024 20:05

● نخوة للسيدة سكينه عليها السلام
● فزاعية + مربوعة + أطوار البحر الطويل


يا بنت الحُسين أنخاچ .. حاير لا تخليني
___
أنخه والدمع صبيت
اعليج اقسم ابأهل البيت
أنخه ابهمي وناديت
سمعي ليه اونيني


يا بنت حاير والگلب مهموم
من حزني بعد مالوم
مالي غيرچ بهاليوم
مولاتي يداوينييل


يا بداوي العله والآلام
جفج حقق الاحلام
ياخيمه ابخدرها انام
ابفيّچ كُون غطيني


يا بنتغطيني بحنان البيج
رايد فزعتچ وانخيچ
عيني تربي بس اعليج
وما ظنچ تردينيويل


يا معروفه يَبنت الجود
جفچ للنخى ممدود
منچ كل فضل مريود
ابچفچ ادري تعطينيويل


يا من عندچ ردت نظره
لخاطر دمعة الزهره
گلبي چفچ ايجبره
اتجودين وتخصينيالطويل


يتمت بحمد الله تعالى
بقلم : بنت الشمري و فاطمة كريم

🌴تجمّع الزهراء ع العاشورائي🌴

06 сентября 2024 18:20

قصائد مقدمة المجلس
#رقم_45

ذكرى شهادة #الإمام_الحسن_العسكري (عليه السلام)
الشيخ أحمد الدر العاملي

1_ يــا حــــاديَ الآلامِ والأرزاءِ
حُطَّ الرِّحــالَ بأرضِ سامرَّاءِ

2_ إنزِلْ بهـا وأقِمْ مآتِمَ لوعةٍ
حزناً لِوالدِ خاتـــمِ الأُُمَنــــاءِ

3_ رَوِّ الثرى بالدَّمع إنَّ مصابَهُ
أدمى مَدامـــعَ مُقلةِ الزَّهراءِ

4_ غدَرَت به كفٌّ قديمٌ عَهدُهـــا
بالغدرِ، يا شُلَّت يدُ البَغضاءِ

5_ قتلوهُ حيثُ رأوهُ بدرَ هدايـــةٍ
والجهلُ يَعشقُ عِيشةَ الظَّلماءِ

6_ لهفي لحالِ العسكريِّ إمامِنا
بالسُّمِ مَـــاتَ مُمزَّقَ الأحشاءِ

7_ لكنَّــــهُ لم يَعلُ شمرٌ صَـــدرَهُ
مـــا حُزَّ منحرُهُ بسيفِ شَقاءِ

8_ كلَّا ولا داستْ على أضلاعِهِ
خيلٌ، ولا مَنعوهُ شِربَ المَـــاءِ

9_ لم يتركوهُ على الصَّعيدِ ثلاثةً
آهٍ حسـينُ مقطَّعَ الأعضــــاءِ

10_ يا نادباً رُزءَ الحسينِ بكربـلا
في كلِّ صبحٍ سيدي وَمَساءِ

11_ يا مَن تفيضُ على مصيبةِ جدِّهِ
ـ بدلَ الدُّموعِ ـ عيونُهُ بدمــاءِ

12_ طالَ الغيابُ وطالَ حزنُكَ والأسى
لهفي لقلبِـكَ كعبـــــــــةِ الأرزاءِ

***

جم دوب تتحمل يغايب
شتريد اعددلك مصايب
ﮔلب الحسين بسهم ذايب
وزينب يسيره وي الغرايب

غيرك ما بگه وچم ثار الك چم ثار
ثار الدار لـــو ثار الــوگع بالدار
لو كسر الضلع والعين والبسمار
لو نار الغدت بالباب لهابه

يا جرح المخزّن وابد ما يلتام
عماتك خذوها اعللهزل للشام
آه يا بت علي شلون بخرابه تنام
وگبر البلخرابه ما بره اصوابه


مراثي الأطهار عليهم السلام

🌴تجمّع الزهراء ع العاشورائي🌴

06 сентября 2024 18:17

قصائد مقدمة المجلس
#رقم_46

شهادة #الإمام_الحسن_العسكري عليه السلام
الشيخ محمد سعيد المنصوري (١٤٢٨ هـ)

1_ قَدْ شَفَّنِي الوَجْدُ مِنْ قَرْنٍ إِلَى قَدَمِ
فَبِتُّ والطَّرْفُ لَمْ يَهْجَعْ وَلَمْ يَنَمِ

2_ أُصَارِعُ الهَمَّ في السَّلْوَى فَيَصْرَعُنِي
هَمِّي فَأَرْجِعُ مَغْلُوباً عَلَى هِمَمِي

3_ فَالعَيْنُ تَأْبَى بِأَنْ تَرْقَى مَدَامِعُهَا
وَالقَلْبُ يَأْبَى بِأَنْ يَشْفَى مِنَ السَّقَمِ

4_ حَتَّى أَرَى الطَّلْعَةَ الغَرَّاءَ قَدْ بَزَغَتْ
لِلَغائِبِ المُرْتَجَى مِنْ جَانِبِ الحَرَمِ

5_ لِيَأْخُذَ الثَّأْرَ حَتَّى ثَأْرَ والِدِهِ
مِنْ عُصْبَةٍ ما رَعَتْ حَقّاً لِذِي رَحِمِ

6_ يَا سَيِّدِي، لِأَبِيكَ "العَسْكَرِيِّ" لَقَدْ
أَسَاءَتِ القَوْمُ في فِعْلٍ وفي كَلِمِ

7_ أَنْتَ المُعَزَّى وما إِلَّاكَ مُنْتَظَرٌ
   يُحِيلُ أَعْداءَ دِينِ اللهِ لِلْعَدَمِ

8_ فَيَوْمُهُ كَانَ يَوْماً حَزَّ في كَبِدِ 
الإِسْلامِ جُرْحاً مِنَ الأَحْزانِ وَالأَلَمِ

9_ فَمَا غِيَابُكَ إِلَّا مِحْنَةٌ عَظُمَتْ
عَلَى مُحِبِّيكَ مِنْ عُرْبٍ ومِنْ عَجَمِ

10_ أللهُ أَكْبَرُ كَمْ قاسَيْتَ مِنْ مِحَنٍ!
ومِنْ كُرُوبٍ عَصَتْ عَدًّا عَلَى القَلَمِ؟

**

يبو صالح جزاك العِتَب واللّوم
تظل صابر على أخذ الثّار لليوم 
يا هو المِن هَلَك ما راح مظلوم
لو مذبوح لو مجتول بالسم  ‏‌

العجب كل العجب منك يمحجوب
ما تظهر تجيم إعليها الحروب
نسيت إلى سبوها وگطعت دروب
لو ناسي الضلع لمن تهشم

راعي الثار ما يظهر   علامه
وينشر لليتانونه      علامه
نسه بمتون عماته    علامه
بأثر اسياط زجر وجور اميه

مراثي الأطهار عليهم السلام

🌴تجمّع الزهراء ع العاشورائي🌴

06 сентября 2024 18:15

‌‏‌‌‏إن ضقت ذرعاً والبلاءُ دهاكا

بصوت الخطيب الشيخ عقيل الخاقاني

🌴تجمّع الزهراء ع العاشورائي🌴

06 сентября 2024 18:13

‌‏وَرَدَت بفضلِكَ أعظمُ الآثارِ

بصوت الشيخ سالم التوبي

🌴تجمّع الزهراء ع العاشورائي🌴

07 сентября 2024 05:55

غمض اعيونه🏴

الليله مهدينه.       زايد اونينه
دمعته ابعينه.         واويلاه
————

على مهدينه يشيعه اشلون ليله
ايودع ابن المصطفى ودمعه يسيله
ويلي شافه ايلوج واتصوب دليله
على ابوه الغالي وابحاله نحيله

غمض اعيونه.      ابحاله محزونه
شال تدرونه.         واويلاه

————

منهو يمه هالمسا ينشف دمعته
ايصبره عالفرگه ويهديها فجعته
غايب الليله الابو ونسمعها ونته
ياهو يمه الليله وايعينه ابوحدته

تسيل دمعاته.  وعلاّ وناته
صعبه ساعاته.   واويلاه
———-
اشلون عاش العسكري والدنيا ضده
عاش بين الناس لكن عاش وحده
منهو يمه ايخفف امصابه ويسنده
الغربه عاش وابنه عاش الغربه وحده

عاش أيامه.      الغربه وأعوامه
صعبه آلامه.      واويلاه
————-
عاش أيامه ابصبر ويلي وأسيه
يجرع ابضيم المصايب والرزيه
هذا ابن المرتضى وابن الزچيه
شايل وعنا رحل هاي المسيه

ورث اجداده.      والصبر زاده
ياعلي ناده.        واويلاه
—————-
عظم الله اجرك يغايب شال عنك
هلمسيه الغالي رايح والله منك
ياعظم جرح الدليل ويشجي ونك
وصار بغيابه يغالي النوح فنك

غايب الوالي.    الابو الغالي
دمعه ظل هالي.    وا وايلاه
—————
تمت بحمد الله تعالى
بقلم:بنت الشمري

📚مكتبة بنت الشمري

🌴تجمّع الزهراء ع العاشورائي🌴

07 сентября 2024 05:52

#جديد
استشهاد الإمام الحسن #العسكري عليه السلام
مجاريــد :
.
.
ابني وإجيت الليله يمك
وابكسري يا يمه أضمك
مسمـوم آ يا بعد أمــك

مسموم يبني اتروح مسموم
وابيا ذنب يا يمـه مظلـوم
گلبي عليك الليله ملچوم

يا يمه واتروح امن اديـه
شـاب وتعـالـج بالمنيـه
ما طاب گلبي امن الاذيه
يبني وشبع ضيم ورزيه
لليـوم دمعـاتي جريـه
توني بمصاب الغاضريه
الما خلّه يبني روح بيه
وجرحك جدد امصابي عليه
طايح ما ترد اجواب ليه
امدد على افراش المنيه
__
#فاطمة_كريم
٢٠٢٤ م

🌴تجمّع الزهراء ع العاشورائي🌴

06 сентября 2024 23:12

#جديد
استشهاد مولانا المظلوم الإمام #الحسن_العسكري عليه السلام
طور : أصل الرزيه ، حيدر البياتي
https://youtu.be/qFDgMi1qM5M?si=RN_LyFdha9zhuOaE
.
.
یالمهدي چبدي سمّــوها
گطعه اعله گطعه خلوها
هاي المسيه .. اوداع المنيه .. سمّــوها
____
يبني يغايب .. دلالي ذايب
وروحي بغربه
والفرگه حانت .. وهالليله صارت
الليله الصعبه

وحدك يمهدي ابهالأرض رايح تظل
وحدك غريب وما بگوا عندك أهل
وبالغربه باچر يبني امصابك جلل

تتنطر ثارك بجروحك
وكل ليله تطلع لن روحك

بنار الرزيه .. اوداع المنيه .. سمّــوها
____
باچر يمهدي .. هالغربه تبدي
وتبدي اجروحك
هالليله اودعك .. ايعز يبني دمعك
وايعز نوحك

يبدأ غيابك والگلب یالمهدي نار
وتبدأ جروح الغيبه ويّه الإنتظار
عندك يمهدي اويه العده چم ثار أو ثار

ثار الزچیه‌ والمحسن
كل لحظه أمك ليك اتحن

وتدعي الزچیه .. اوداع المنيه .. سمّــوها
____
هالليله ارحل .. يالمهدي واتظل
يبني ابحزنك
مسمومه چبدي .. يبني يمهدي
رايح عنك

حرموني منك وانگضه عمري بعذاب
وهالليله أمشي ويبتدي جرح المصاب
ويّايّـه گلبـك يندفـن وسْـط التُـراب

هالليـله يبنـي تتيـتم
گلبي اويه گلبك يتألم

وعيني جريه .. اوداع المنيه .. سمّــوها
____
تمت ببركات مولاي الحسن العسكري عليه السلام
#فاطمة_كريم
٢٠٢٤ م

🌴تجمّع الزهراء ع العاشورائي🌴

06 сентября 2024 22:32

وصول  الامام زين العابدين عليه السلام وعماته واخواته وبقية النساء الی المدينة  😭😭



ابو ذيه

كاني بمولاتي زينب عليها السلام حين وصلت لديار اهلها  قالت بلسان حال الشاعر
🏴🏴



هلي اهل المجد والعز وألانجاب
للشام انوخذ خدري واله انجاب
ونّت زينب بلوعه والن جاب
ام عباس ومحمد سويه

😭😭

اطب لديار خواني وليروح ؟
اليجي عنهم يناشدني وليروح
بضلوعي الهضم مچمن وليروح
الجرح فوگ الجرح يدون عليّه


😭😭


ام محمد الحجاج

🌴تجمّع الزهراء ع العاشورائي🌴

06 сентября 2024 22:04

عكيلي بحق الامام الحسن العسكري (ع)




للمجلس بالمدمع جينه
وانادي احضر يامهدينه

١

نحضر يامهدي بيادمعه
وانوح اعله والد ننعه
صوت الخدام انته تسمعه
نلطم عالوالد خلينه

٢

نلطم والعالم يسمعنه
يابو المهدي يامرجعنه
انته اتوحدنه وتجمعنه
وبأسمك احنه اتسمينه

٣

هالليله انوح اعله مصابك
ونتمنه انشم احنه اترابك
خدام ومن نوصل بابك
نتمنه اترد انته اعلينه

٤

يبن الهادي انلوذ بعطفك
محتارين ابيش انوصفك
من جودك نترجه ولطفك
تشمل خدامك والينه

٥

الخدام الليله بيا حاله
تنحب بدموع الهماله
لجلك واليلطم هنياله
هالليله المهدي الله ايعينه

٦
ودعناك ابدمعه وحسره
حزنك يابو المهدي اشكبره
الله يساعد گلب الزهره
والزهره انحبك تدرينه

٧

مسموم وترحل هالليله
والله ايساعد گلب العيله
للباري ابمدمع نشكيله
زين الباري يدري اشبينه





لاتنسون والدي ووالدتي
وابني عباس من الرحمه والمغفره





الشاعر سيد رياض الرسل الجابري



ليلة ٨/ربيع الاول /١٤٤٦هجري
الخميس 12 \9 \2024 ليلة
استشهاد الإمام الحسن العسكري
عليه السلام
#_نزله #قصائد__محرم_١٤٤٦_ه‍

🌴تجمّع الزهراء ع العاشورائي🌴

06 сентября 2024 21:34

ميمر ( شمس الكون ) إلى الامام الحسن العسكري عليه السلام


گبتك مثل شمس الكـون        
يالعسكـــري  بسامـــره

*

نــورك سطـــع للعـــالم وشـــع ضيّــه
أبنــور الجـــلاله أتشـعشـع القـدسيـه
آيـــه تظــل طـــول الــدهــر محميـه
حاميها رب الأكـــوان     
رغــم النفــاق ومـكره

*

شمــس الله تـفتـــر عالمنــاره أبلهفـــه
وكــت الغـــروب ابحضرتك چن تغفـه
تطفــه الشمس نــورك ابــد مـــا يطفه
شيطفي نور القران       
وعِدّله تظل العتره

*

راد الــظـــلام أنــــــوارك ايطـفيــهـا
لـــو گـبّتَـــك مـــن الأرض يمحيــها
مـــا تنمحــي ونــور الله ساكن بيها
نور الله نورك ظل دوم      
رب الجلالــه  ينشــــره
*

قبلــه ضريحـــك شيعتـــك حجـاجه
بحـــر الكــرم يتــلاطـــم بــأمـواجـه
مـــا تـــرد نــاس الگصدتك محتاجه
بابك يـــدگه المحتـــاج       
بالكـــرم گلبـــه أتســره

*

ظنــوا لــوّن تفجيـــر نـــورك يخمــد
ونـــور العــرش بيك  بفخـر يتجسد
نـــورك يبوالمهـــدي امتـــداد لأحمد
مـــا يطفه ابــد نـور الله      
وسر مصدره من الزهره

*

أبــدم المنــاحـــر مـرقـــدك حـراســه
والـــي وصــل يَمّــه سحگنـه بــراسه
عــونــه الـــذي لجلك رخــص أنفاسه
اليضحي لجــل الأطهــار       
وي العتـره ربــه يحشره

*

مــن گبتك أنــــادي ونهــل الدمعــه
يــــا ربــي عجــل  للــولــي الطلعــه
اگلوب التنطره كل وكـت ظل تنعه
يا ربي ندعي بدمعات        
مهدينا عجــل أمـــره

*
الشاعر
موسى البديري

🌴تجمّع الزهراء ع العاشورائي🌴

06 сентября 2024 20:50

#جديد
الهجوم على الدار وتسقيط مولاتنا #الزهراء عليها السلام
.
.

بالباب أذّوني
خلفه دفعوني
وتالي ضربوني
يبويه

ومحسن بالعصره
طاح اعله الغبره
واعتابي جمره
يبويه

داري حــرگـــوها
اضلوعي كِسْروها
امتـــوني طگـوها
يبويه

بالسوط ايطگني
ومدميّــه متني
اوحگك عذبني
يبويه

انهض واتعثر
ما بيّه اتصبر
بالي يم حيدر
يبويه
____
#فاطمة_كريم
٢٠٢٤ م

🌴تجمّع الزهراء ع العاشورائي🌴

06 сентября 2024 20:13

قصيدة لهجوم دار الزهراء ع{تاريخ انكساري}

تاريخ انكساري ... ابدفعة باب داري

ماهاب النبي وبنــــــته عجيبه
كسر گلبي الكسر ضلع الحبيبه

تلهب بيه ناري .....تاريخ انكساري
❥❥❥❥ـــــــــــــ❁❁ـــــــــــــ❥❥❥
هذاك انه القــــــوي قالع البيبان
بمصاب الحبيبه حــيلي خلصان
مو بالباب احــس بالـگلب نيران
الضلع متهشم وبــــدواه حيران

ضاع ادواها مني امنين اجيبه
كسر گلبي الكسر ضلع الحبيبه

عليها الدمع جاري ....تاريخ انكساري
❥❥❥❥ـــــــــــــ❁❁ـــــــــــــ❥❥❥
من اسمعها تون من عصرة الباب
يضل دمعي علئ الخدين سچاب
ضلعــي ولا ضلعها ريته منصاب
حبيبة روحي هيه واغله الاحباب

خذت حيلي احس هاي المصيبه
كسر گلبي الكسر ضـــلع الحبيبه

يا هظمي ومراري ..... تاريخ انكساري
❥❥❥❥ـــــــــــــ❁❁ـــــــــــــ❥❥❥
لزمت ايدي صاحت حيدر اشلون
شفت محــسن وگــع گدام العيون
وي ضلعي انمرد من بي يعصرون
چي بالباب حـــيل العده يدفعون

جــــمري لموتي ما يطفه لهيبه
كسر گلبي الكسر ضلع الحبيبه

احس اضلم نهاري ...تاريخ انكساري
❥❥❥❥ـــــــــــــ❁❁ـــــــــــــ❥❥❥
تون كلساعه وتنادي يبو احسين
بعتــــــبة باب داري طاح الجنين
وانسطرت هظيمة ابجفهم العين
بــــــخد بنت النبي خلوا نياشين

وضلعي امهشم وآيس طبيبه
كسر گلبي الكسر ضلع الحبيبه

بالدلال ناري ... تاريخ انكساري
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

🌴تجمّع الزهراء ع العاشورائي🌴

06 сентября 2024 20:06

● نخوة للسيدة سكينه عليها السلام
● وزن : الموشح
.
.
يا سكينه اليوم ننخى طالبين
لخاطر العباس واعيون الحسين
_
يا سكينه لخاطر اعيون القتيل
وطيحة الأكبر مع اچفوف الكفيل
جيتچ ابآلامي مجروح ودخيل
أرجع او حاجاتي منچ باليمين
_
يا حنينه ويمنتچ ممدوده
للي چبده امن الحزن ممروده
لخاطر العباس ويّه ازنوده
فرحي يا مولاتي اگلیبي الحزين 
_ياسكينه بعين عباس ودفاه
شوفي بعيونچ ألم گلبي وعناه
گلبچ أدري ما يخيّب من رجاه
ومن نخاچ اگليبه والله اتفرحين_
ياتفرحين افاد كلمن منكسر
اعليچ لمن يقسم ابأُم الخدر
وآنه گلبي يا سكينه منفطر
والجفن ذبلان من كثر الونينن
____يا عزيزة گلب ابو اليمه أنتخيچ
وأدري هالطلبه فلا تصعب عليچ
لا تخيبين المسيه اليرتجيچ
واگف اعله الباب ينطر تفزعين
_
انخه مولاتي ابحُسينج تنظرين
للدليل وحالي واگليبي الحزين
امراد من چفچ اريد توزعين
بإسم ابو فاضل وامير المؤمنين____
ياأدري أشرب من چفوفچ سلسبيل
ونظرتچ كل حزني مولاتي تشيل
وأدري منچ ترجع أفراح الدليل
مالي غيرچ انتي يم گلب الحنين____
ياتمت بحمد الله تعالى
بقلم : بنت الشمري و فاطمة كريم

🌴تجمّع الزهراء ع العاشورائي🌴

06 сентября 2024 20:05

🏴 موشح عاينت الالم 🏴

*انا العاينت الالم بعيوني*
*عالمصايب ابجي ويضريوني*


منهو مثلي عاش وافاده انظلم
وبالمصايب كلها قلبي ماسلم
اسكينه آنه بكربلا  عشت الالم
*وبالسبي سبوا ابويه ولوعوني*
__

شفت راسه والدي يوم انقطع
والله لفادي الشمر حز وشلع
اه جم اه القلب بالهم وقع
*والله بديار الالم اهلي جفوني*
__
جان عبدالله انا بحضني ينام
وشفته من قطعوا وريده بالسهام
نام يعيوني مع طير الحمام
*بالدمع وياي ابجوا وساعدوني*
____

يا مصايب كربلا منها العجب
شفت بعيوني خدر عمتي انسلب
شفت جمرات الحقد شبت غضب
*وبيها ياشيعه العمر كله احرقوني*
____

اسكينه شافت اللي ماشافه بشر
فراق اهلها واحضرت حز النحر
عاشت اهموم السبي ونار الصبر
*تقول ذكروها المصايب واذكروني*
___
تمت بحمد الله
بقلم:بنت الشمري

🌴تجمّع الزهراء ع العاشورائي🌴

06 сентября 2024 20:03

⬛️◼️القصيدة-2-◼️⬛️

رزءٌ تصَدّرَ حُزنَ كَلِِّ زمان ِ
                 وصدآهُ قد دوّىٰ بكُلَِّ  مكان ِ
قتلُ الحسينِ ويالَـهُ من مَقتَلٍ
                 بكَت السمآءُ عليه ِ والثقلان ِ
لم أنسَهُ عندَ النسآءِ مُوَدِِّعاً
                  وودآعُـهُ  ياسامعي   أبكاني
إذ راحَ ينعىٰ نفسَهُ ولزينبٍ
                  أوصىٰ  بحفظِ عيالِه ِ بـِتفان ِ  
وتفَقَّدَ المولىٰ هناكَ سَكينةً
                     وغدا يُصَبِِّرُها بكَفِ حنان ِ
(سيطولُ بعدي يا سُكينة ُ فاعلمي 
            منكِ البكاءُ إذا الحِمامُ دهاني
لا تُحرِِّقي قلبي بدَمعِكِ حَسرةً  
             ما دامَ منِّي الروحُ في جُثماني
فإذا قُتِلتُ فأنتِ أولىٰ بالذي 
                  تأتينَهُ  يا (خَيرةَ  النسوان ِ)
ياقَلبَها لمـّا رأتهُ مُبَضَّعاً
               نادَت مُصابُكَ ياأبي أضناني
هذا وفي ضَنْكِ السبا مكتوفةٌ
               مِنها  سنيناً  تشتكي  وتُعاني
حتىٰ قضَت مِن بعدِ والِدها أسىً
                 عُمُراً لها تنعاهُ   في أشجان ِ

🏴 نعي_ نصّاري

گضت سكنه تنوح وتهمل العين
إعله ابوها بكربله المذبوح الحسين
عمر بين السبي يخلص والونين
ولا عن بالها غابت الأحزان

عجيبه شلون بت خير البريه
تروح   ميسره   لبن  الدعيه
وزينب والحرم  تمشي سبيه
وحاديهن وسافه الشمر  وسنان

صور ذيچ المصايب مانستهه
طول العمر   ابد ما  فارگتهه
لحد يوم  المنيه من  لفتهه
مكسورة گلب من غير خوّان

#سمير_الصالحي
#النجف_الأشرف

🌴تجمّع الزهراء ع العاشورائي🌴

06 сентября 2024 18:19

‌‏قَدْ شَفَّنِي الوَجْدُ مِنْ قَرْنٍ إِلَى قَدَمِ

بصوت الخطيب الشيخ رياض الطليباوي

🌴تجمّع الزهراء ع العاشورائي🌴

06 сентября 2024 18:16

‌‌‌‏‌‌‏إن ضقت ذرعاً والبلاءُ دهاكا

بصوت الشيخ سالم التوبي

🌴تجمّع الزهراء ع العاشورائي🌴

06 сентября 2024 18:15

قصائد مقدمة المجلس
#رقم_143

رثاء #الإمام_الحسن_العسكري (عليه السلام)
الشيخ سمير الصالحي

1_ إن ضِقتَ ذرعاً والبلاءُ دَهاكا
والدهرُ في نصلِ الهمومِ رَماكا

2_ أُقصُد لسامِرا وعَجّل نحوَها
كيما  يزولَ الكربُ مِن  بَلواكا

3_ فيها الزكيُ العسكريُ ووالدُ الـ
مهديِِّ  فاطلُب  آنذاكَ  قِراكا

4_ وهوَ الوصيُ خليفةُ الهادي بهِ
وبفضلهِ الباري الجليلُ  هَداكا

5_ ومعاجزٌ ظهرَت لهُ قد أذهلَت
  كلَّ  العقُولِ  وفاقَتِ الإدراكا

6_ لكنَّ  حِقدَّ  الظالمينَ  أضَرَهُ
   لعنَ    الالهُ    الباغيَ    الأفاكا

7_ كم مرةٍ ذاقَ السجونَ وشايةً
لِدماهُ  رامُوا  حينَذاكَ   سِفاكا

8_ ويلٌ لِمعتَمدِ الخيانةِ غالَهُ
  وسَقاهُ  سِراً  سُمَّهُ  الفَتاكا

9_ إذ فَتَّ أحشاءَ الإمامِ وهكذا
يَقضي  غَريباً نائِياً مِن ذاكا

10_ وعليهِ بالأحزانِ ناحَ ملائِكٌ
   وكذا السماءُ فأظهرَت إرباكا

11_ والحجةُ المهديُ نادى يا أبي
نفسي وكلُ  العالمينَ  فِداكا

12_ يا والدي أفجعتَني وبِوَحدَتي
سأظَّلُ طولَ العُمرِ في ذِكراكا

**

بچه المهدي وصرخ ياوالدي تروح
اوتعوف ابنك يتيم وگلبه مجروح
عله فراگك  يبويه  شاغت  الروح
ومن   بعدك   لظل   بحزن   وبهم

يبويه    العلم    والغيره   صفاتك
يركن  الدين  وانته  الطيبه  ذاتك
يبويه  الما  شفت  راحه  بحياتك
من  عگب السجن  دسولك  السم

عليك    اليوم    سامره    حزينه
ولأجلك  كل  موالي  تسيل عينه
وعليك   من  القهر   زايد   ونينه
وعرش  الله  عله  مصابك  تولم

تفاركني  وانه   بالغربه   وحدي
واهلي  بعاد   لا   خوان   عندي
وين  اليوصل   الطيبه   ويودي
خبر  جتلك   لهاشم  كون  تعلم

حزينه  هتفت  الأملاك      باسماه
ومآتم  سوه  رب  الكون   باسماه
اعله ابو محمد المات اليوم  بِسُماه
غريب وجرع كاسات المنيه

مراثي الأطهار عليهم السلام

🌴تجمّع الزهراء ع العاشورائي🌴

06 сентября 2024 14:47

دعم قنوات دينيه فارس الحجاز


☘☘☘☘☘☘☘☘☘☘☘

ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ

الحسين طريقي
❤️ @H8A4B3SD9N
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN


🏴🏴🏴🏴🏴🏴🏴🏴🏴🏴🏴

⚠️#شروط_الدعم

1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله

🔺للاشتراك بدعم عبر معرف مثبت↙️
@ansar_313_m

@satobmnbot

🚩🚩🚩🚩🚩🚩🚩🚩🚩🚩

/channel/satob_mn_ajl_al_mahde