7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
مقدمة ليلة الهلال محرم ١٤٤٦هـ ٢٠٢٤م
مهيمن يوسف الموسوي
آه يا شهر المصايب و الألم
مني دمعاتي بقهر همّاله دم
*١*
من نسل آخر رسول اعله البشر
جعفر الصادق أنه بگلبي قهر
للحُسين المنذبح منّ النحر
منچتل من العده بحقد و ظلم
*٢*
من يهل شهر المُحرّم عالمَله
حزني و بگلبي و دمعتي هامله
اذكر الصار و جره بطف كربله
شلون بيها الخاين العتره انتقم
*٣*
رايد بذكري ابيّن هالأمر
ليش لحسين اعتنه لجل السفر
گاصد الأرض الطفوف اعله النصر
ينصر الدينه و رفض ظلم الحُكم
*٤*
دمعتي بونّ و ألم همّاله عين
أنصب المجلس عله جدي الحُسين
من يحاربها الاعادي الظالمين
وبعياله معتني بيه العزم
*٥*
جدي لحسين و تخونه شكد بشر
گالوا احضر سيدي واحنه الذخر
ظالم ايزيد و يأذّينه بكثر
لاچن و حين الوصلهم ما سِلم
*٦*
ضدّه آلاف وخيانه بالعهد
ما لگه منهم ينصره و يستند
قلّه قلّه حضرته بهاي الشدد
ينصر الثورة إمامه مفتهم
*٧*
ضدّ الحسين الولي كل العده
ضربته بسهم و رماح الحاقده
و العطش فتت چبدته و مرّده
عالأرض جسمه نزف و هواي دم
*٨*
بهالشهر اذكر مُصاب حسين حيل
من تكسّر صدره من رضّت الخيل
ومن نسائه تنقهر دمعه اليسيل
تنسبي و تصعد هزل اهل النقم
*٩*
هذا شهر احزان عندي أعظم جرح
مني لحسين الولي بنحره انذبح
بيه الاسلام و ثبت عالكل وضح
بتضحياته بالنصر واعله الامم
*١٠*
حزني للجد و الإمامي ما يروح
و بدليلي باقي كل قهري و جروح
صادق العتره و دليلي هواي نوح
دمعي عالخد و بقهر حين السجم
١٢:٢٩ص
مهيمن يوسف الموسوي
٢٤ شوال ١٤٤٥هـ
٢٠٢٤/٥/٣م يوم الخميس
نزلة ليلة الهلال محرم ١٤٤٦هـ ٢٠٢٤م
مهيمن يوسف الموسوي
يا هلال أحزاني شهرك الاذّاني
*١*
يا مُحرّم من تجينه زينب بيا حاله
روحي متلوعه و دليلي و دمعتي همّاله
گلبي من بعد الحُسين و بس قهر يصفاله
حزني للمذبوح نحره السحكته الخيّاله
ذكّرت خوّاني شهرك الاذّاني
*٢*
زينب الحُرّه بحزنها بكل سنه متلوعه
للأهل گلبي تأذّه منّي تسچب دمعه
كل دليلي بهالمصيبه بس قهر وبوضعه
للحُسين الروح عندي يا شهر منفجعه
من أذه عدواني شهرك الاذّاني
*٣*
يا شهر تدري بمصابي عالأهل حزنانه
روحي لحسين و كفيلي وشكثر ولهانه
والقدر عنهم بعدني من غدر عدوانه
گلبي مجروح و تأذّه بالقهر وأشجانه
وبألم خلّاني شهرك الاذّاني
*٤*
بهالشهر آلام عندي للولي و مصابه
دمعي و بحسره لاخويه عالوجن سچّابه
گلبي مشتاك و تلهّف و بكثر للأحبابه
هذا الحسين و اخويه يا صعوبه اغيابه
وبقهر سوّاني شهرك الاذّاني
*٥*
من هلالك يا محرم لو عيوني تشوفه
للگمر عباس أذكر من كطيعه چفوفه
عالنهر مرمي و تأذّه امن العده المعروفه
منهم الاحقاد تظهر بالغدر موصوفه
بالمناحه آني شهرك الاذّاني
*٦*
بعاشور تظهر كل همومي بالگلب آلامي
يا محرم للحُسين و بس ألم أيّامي
مات مذبوح و حسافه عالترايب دامي
والعده بغدره و خيانه هاجم اعله اخيامي
هجره من اوطاني شهرك الاذّاني
*٧*
يا شهر بيه العقيله و النسه متيسره
عالهزل نصعد حسافه والگلب بي حسره
من بعد عباس النه هالاعادي و شره
وكل گلب عدنه عجيبه ها كثر كل صبره
بت علي ينساني شهرك الاذّاني
١٠:٤٤ص
مهيمن يوسف الموسوي
١٤ ذو القعدة ١٤٤٥هـ
٢٠٢٤/٥/٢٤م يوم الجمعة ١٠:٤٤ص
للشعائر ، مهيمن يوسف الموسوي محرم ١٤٤٦هـ ٢٠٢٤م
اليحضر عزاء احسين ويهمل دموع العين
أجره على الزهره من ميّت اتحظره
*١*
بهاي المجالس فاطمه موجوده و بكل يوم
لحسين ابنها المنذبح عدها الگلب مهموم
روح الزجيه حاضره اتشاهد جميع الگوم
بهاي العقيده نعتقد هذا الأمر معلوم
بمجلس حسين المنجتل من العده المظلوم
ويانه فاطم بالعزه تشوف المحب مالوم
لابن النبي المذبوح حزنه ثبت بالروح
فاطم تره تنظره من ميّت اتحظره
*٢*
من ينذكر ابن النبي حسين الولي عادوه
اهل الخيانه و الغدر كلهم وسف اذوه
امه الزجيه تنقهر تسمع بشر غدروه
تبجي بألم وبهالوضع بخسه و حقد جازوه
شحال الزجيه الطاهره تسمع لابن ذبحوه
وفوك الترايب منذبح عاري الجسد خلوه
من الگفه منحور بحقد العده مغدور
والشيعه بالحسره من ميّت اتحظره
*٣*
بالمجلس الزهره اجت تنظر على الخدام
منهو اليواسي من صدك روحه و گلب بآلام
و النيته للمعرفه بين البشر و اعلام
توفيقه ما يبقى و يزل عايش يظل باوهام
واليحضر بلوعة گلب لجل العزه بكل عام
اجره يزيد و مرتفع طبّق جميع الأحكام
نيته صحيحه يكون وحسينه ما يهون
بفاطم كثر قدره من ميّت اتحظره
*٤*
عدنه عقيده ونعتقد بيها بمدى لسنين
حتماً اذا يلفي الأجل فكر الموالي وين
فكره بأهل آل النبي تشفع اله بهالحين
اولهم الزهره و تجي لشيعي الهل العين
الحاضر مجالس كل سنه يذكر مصاب احسين
تحازي الموالي فاطمه عدها الشفاعه دين
الشيعي على المظلوم عمره انتهه بهموم
واعله الولي الَعبره من ميّت اتحظره
*٥*
كل مجلس تحضره أجر من فاطمه موجود
بيوم القيامه والصعب لا ما يظل معكود
فاطم رضاها اعله البشر يرضه عليه المعبود
وهذا الحديث امن النبي متواتر و هم مسنود
كل المصادر راويه هذا الامر موجود
يعني عظيمه فاطمه منها الكرم و الجود
شحال الذكر لحسين تنطي الاجر ضعفين
عالي الشأن وأمره من ميّت اتحظره
*٦*
اظهر على كل الملا حزنك على المذبوح
وخلها الاعادي لو حجت باقي القهر ميروح
مصاب الشهيد المنذبح موجود عندك بالروح
من عينك بلوعه تهل دمعك كثر مسفوح
گلبك على حسين انقهر من الألم مجروح
بشهر المحرم كل سنه تبچي بقهر و تنوح
بحسره گلب و آهات لابن الرسول المات
والخادم اتصبره من ميّت اتحظره
*٧*
فضل الموالي و المحب الله يعظمه هواي
لنّه وفه بآل النبي وبكل أمر وفاي
وأعظم مصيبه بالدهر الها تعنّه جاي
للمجلس البي ينذكر مات و يريد الماي
فاطم شفيعه بالحشر و تگله انته وياي
بالجنه تسكن للأبد آنه الك حماي
لا ما تمسّك نار بفضله الجلاله الصار
من يمّه هالقدره من ميّت اتحظره
مهيمن يوسف الموسوي ٢٥ ذو القعدة ١٤٤٥هـ ٢٠٢٤/٦/٣م يوم الاثنين ٢:٠٨ص
نزله للمهدي
___
يايوم يالغايب تظهر
____
عن ياثار وعن يانار _عن يادم تشهر
ياباب وياخيمه ودار _ ياضلع ومنحر
وانت ابن الهادي المختار _ وبسيفك تكدر
ليث وجدك حامي الجار _ يرهب لو كبّر
وينك يبن ليوث الغاب_ ياخيمه احتركت ياباب
يالغايب ينتظر يومك باشبل القسور
يايوم يالغايب تظهر
××××××××
دار امك والبيها شصار _ والباب اتوجر
بين الحايط والبسمار_ والنار التسعر
ماصاحت وين الكرار_ لوصاحت يحضر
ولوجرد بيده الفقار_ ماواحد مافر
دم وضلوع وباب ونار_ يومك تنتظره الاحرار
من تطلع ثاراتك تطلع والبيرغ احمر
يايوم يالغايب تظهر
××××××××××××××
والتله وآلام الشام _ واطفال البالبر
تدري السووه الظلام_ كطعو يامنحر
وجفين الكافل والهام_ لعباس من انطر
سحك ايتام وحرك اخيام_ وبذاك المنظر
وزينب تنظر راس حسين_ ثاراتك يالغايب وين
وأنصاره الظلت بالحومه وجسمه اللي اتوذر
يايوم يالغايب تظهر
×××××××××××××
وهاي سنين البيها تشوف_ طغيان اهل الشر
ناس التنكر للمعروف_ والباغي اتأمر
مو كالعاده ولامألوف_ منها الله اليستر
ضاكت واصبح شي مكشوف_ والعقل اتحير
بجاه الزهره ادعي الرحمان_ طال اغيابك يا سلطان
يالبيك الآمال انعقدت وي فجرك لو طر
يايوم يالغايب تظهر
××××××××××××××××
محسن الجنابي ١٤٤٥ هج ح ز
قصيده جديده لمحرم الحرام
المستهل
حملي بفگد أخواني مال
المن ياليل أشكي الحال
حرمة وغريبه وي الناس
ومنين اجيب العباس
المن ياليل أشكي الحال
ــــــــــــــــــــــــــــــــــــــــــــــــــــــــــــ
أشكي المن حالي وأحزاني
وانه مضيعه كل خلاني
ماضل واحد من أخواني
وصفيت بولية عدواني
يحدوني الگوم الارجاس
ومنين أجيب العباس
المن ياليل أشكي الحال
ــــــــــــــــــــــــــــــــــــــــــــــــــــــــــــ
بلسوط اعدانه أتولوني
لوحشم الكافل ضربوني
والروؤس أتكابلها اعيوني
انهد حيلي وهد امتوني
من راح من ايدي النوماس
ومنين اجيب العباس
المن ياليل أشكي الحال
ــــــــــــــــــــــــــــــــــــــــــــــــــــــــــــ
چم طفل وطفله ينادونه
ياعمنا افزع ويحاجونه
شوف العدوان أيضربونه
وبحبال الخشنه يچتفونه
يحاچونه ويهتز الراس
ومنين أجيب العباس
ألمن ياليل أشكي الحال
ــــــــــــــــــــــــــــــــــــــــــــــــــــــــــــ
يهتز راسه وهو برمحه
نضرات الايتام تجرحه
ومعاتبهم فزز جرحه
ياخوفي اعله رقيه تلمحه
وتعرفه وتگطع الانفاس
ومنبن اجيب العباس
المن ياليل أشكي الحال
ــــــــــــــــــــــــــــــــــــــــــــــــــــــــــــ
كل ساعه وتسالني عنه
ياعمه نريد اليگفلنه
وين الجان يحامي النه
ردنه الماي وماحصلنه
وين الجربه وين الطاس
ومنين اجيب العباس
المن ياليل أشكي الحال
ــــــــــــــــــــــــــــــــــــــــــــــــــــــــــــ
وين العم اليوفي وعوده
لارد النه ولارد جوده
عفنه الماي نريد وجوده
هاي المنه مامعهوده
متني اخلافه بسوط انجاس
ومنين انجيب العباس
المن ياليل اشكي الحال
ــــــــــــــــــــــــــــــــــــــــــــــــــــــــــــ
🖇تـمــت بتـــوفيــــق الله
🖊بـٲنامــل شاعرة ٲهـــل البيت عليهم السلام
زهـــراء الحــــربي
تنويه لاخواني الرواديد
يمكنكم ذكر اسم الشاعر حامد الاسدي بدل اسمي لتجنب الاحراج ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫
💬ونسال الله التوفيق والقبول
وٲسالكم الدعاء👆
#مجالس_محرم_الحرام_١٤٤٦هـ
💫💫💫
بوجهك ملامح للذبح
يالشكلك بشكل الجرح
انته الخذيت اخواني
يااهلال شهر احزاني
يااهلال شهر احزاني
✳✳✳✳✳✳
كلما اشوفك انذبح .. واعلى الرمح اتصور
والخيل تسحكني سحك .. من الخيم للمنحر
يهلال ماظل لي گمر .. لونه بدماه اتغير
وشكد ورد سحكو الي .. وسحكولي اشكد عنبر
وشگد شمع طفوّلي .. بچم مهد خالي نلولي
كسروها كل اغصاني .. يااهلال شهر احزاني
✳✳✳✳✳✳
موشفت بعيونك دمه .. وشاهد جنت يدرونك
يااهلال جا گلي شعجب .. ماصاير احمر لو نك
لا لابس اسود لاخوتي .. ولا باجيات عيونك
ادعي الله يندار الألم .. من متني فوگ امتونك
لو تبچي لو لاتطلع .. وبمستحاك اتگبع
لاتدخل بديواني .. يااهلال شهر احزاني
✳✳✳✳✳✳
ماتدري ظهري من انكسر .. كسرة سفينه بطوفان
وبگلبي نيران العطش .. شيطفي نار العطشان
مچفيه جربة كافلي .. انترست تراب ودخان
مثل اعمه كمت ارد انتجي .. بس ماكو بالطف حيطان
الظهره انكسر ظهريه .. ماتنفعه العوچيه
ونوگ الهزيله اتّاني .. يااهلال شهر احزاني
✳✳✳✳✳✳
من الرضيع ازغر بعد .. بس تدري شهرك بلوه
بعيوني شفت على النهر .. طاحن چفوف الخوه
كل الاحباب اتطشرو .. حتى اليّرضع توه
ما صار راسه على الرمح .. شدوه عليه بالگوه
ابچي على عبدالله انه .. ويه امه اظل سهرانه
ومتغيرات الواني .. يااهلال شهر احزاني
✳✳✳✳✳✳
العايش محرم من صدگ .. من المآسي شينسه
انه الفگدت اسبعطعش .. والخنسه فگدت خمسه
گبل الحرب چان الضعن .. توگف شباب اتحرسه
بين ايد اخوي استشهدو .. وچم شاب غابت شمسه
لو عشره مثلك و اكثر .. ماتصير مثل الأكبر
هذا الحسين الثاني .. يااهلال شهر احزاني
✳✳✳✳✳✳
علي حسين المنصوري
#مجالس_محرم_الحرام_١٤٤٦هـ
💫💫
منهج دولة الخدام .. حسين الكاتبه بدمه
المايفهم شني عاشور .. بدنياه شنهي اليفهمه
🔹🔹🔹🔹
ثوره ومدرسه ودوله .. وملوك البيها تتتوج
راسم خارطتها حسين .. بدمه كاتب المنهج
نجح عابس بأول دور .. و اول طالب اتخرج
هنيئاً فاطمه تحبه
الزهره تشد اله الرتبه
وهيه تقدّر النسبه
حسب أيمانه و اجنونه .. وعشگه بحب ابو اليمه
🔹🔹🔹🔹
محرم منهج ودستور .. ومحرم ماهوه امحرم
محرم ثورة المظلوم .. ومحرم ماهوه امحرم (ماطاح)
محرم دمعة الزهراء .. ومحرم ماهوَ محرم ؟
محرم انتصار الدم
محرم بالأرض مأتم
محرم بالسمه اقدم
محرم حتى عرش الله .. المقتل ينقري يمه
🔹🔹🔹🔹
اول مأتم على حسين .. بي جبريل متحزم
ويم المنبر الزهراء .. بدمعها كل جرح ترسم
وضجت بالسمه الاملاك .. وموكب عدها متقدم
على السحكت عليه الخيل
بموكب يقره جبرائيل
من القران والانجيل
على نحره تنزف الايات .. الصحف يم صدره ملتمه
🔹🔹🔹🔹
حسين الجامع المجموع .. بي يم الله كل آذان
حسين اقرب درب لله .. حسين الماي بس عطشان
حسين الدين والايمان .. البي يتكامل الانسان
كعبه ومصنع الثوار
من ترمي بطريقه احجار
صيتك ياكله الزنجار
خدمه على الصراط هناك .. تاخذ بيدك الخدمه
🔹🔹🔹🔹
علي حسين المنصوري
مجلس /الزهراء وشهر المحرم ١٤٤٦
💧💧💧💧💧💧💧💧
أنا الزهراءُ فاطمةٌ حسينُ مصيبتي الكبرى
بدمعاتٍ وآهاتٍ مَعي فاستقبلوا الشهرا
مصابُ السبطِ أحضرُهُ وأسكبُ دمعتي الحمرا
نشرتُ قميصَهُ الدامي وعيني تنظرُ النحرا !
رموشُ العينِ أنسجُها لمسلوبِ الرِدا سِترا
رنينُ العَظمِ أسمعُهُ يرنُّ بمسمعي كسرا
بِجُردِ الخيلِ مطحونٌ فأين أُقبِّلُ الصدرا؟!
يقولُ فداكِ يا أمي فأنتِ بأضلُعي أدرى!!
أيهدرُ ماؤكَ الصافي تُعاتبُ مُقلتي النهرا
أيقضي السبطُ من ظمأ ٍ وكان الماءُ لي مهرا
ولي في كربلا قمرٌ وفاهُ حيَّرَ الدهرا
وأبناءٌ وأحبابٌ وأنصارٌ على الغبرا
وفي عاشورَ زينبُنا وتلك مصيبةٌ أخرى
لنارٍ في عباءتها بكفٍّ تُطفيءُ الجمرا
إذا ما هَلَّ عاشورٌ فقوموا واحفروا القبرا
بهذا الشهرِ من حزنٍ تموتُ البضغةُ الزهرا !!!!
محمد طالب العاملي
(( #طاعة_الأم )) أم البنين ع
……………………………………………………………
طاعة الام واجـبه . و انا اريد الطـاعه
حسين مو يوم وشهر . خدمته ابكل ساعه
الهمه يا اولادي .. الهمه يا اولادي
……………………………………………………………
هاي ابدن مو وصيه بل امر يولادي
احنا مخلوقين يمه وقف لبن الهادي
جبل ابن الزهره وانتو حدره مثل الوادي
اگبال عينه و خاف يطلب ما اريده اينادي
گبل لا يطلب و اقروا اعيونه
الغيم من بطن السمه اتجرونه
افياي من هاي الشمس . ما اريد اتلوحه
تره واحدكم عبد . خله يحسب روحه
الهمه يا اولادي .. الهمه يا اولادي
……………………………………………………………
عين وتشابگ رمشها هيجي وتحيطونه
وخيلكم هم عدها واجب تخدم ابـ ميمونه
دربه گبل ابميل يمه لازم اتفحصونه
والهوه الگاصد انفاسه واجب اتفتشونه
لو نزل من مهره واصبح گاعد
اربعه اتهفوله مو بس واحد
وگفه مامش گعده ابد . و خلفه مو جدامه
للخدامه اترقبوا . بس يحرك الهامه
الهمه يا اولادي .. الهمه يا اولادي
……………………………………………………………
يمه وكت الليل ظلمه انتو صيروا اقماره
ما اريده ابوحشه يشعر چنه وسطة داره
ينام يانوم العوافي لچن انتو اسهاره
تره هذا الكون بيته و ننحسب خطاره
يمه مصباح السعد مصباحه
شوفة عيونه اساس الراحه
والشمس وكت الصبح . تشرگ امن اجبينه
اليوم ما يبدي ابد . امتاني يفتح عينه
الهمه يا اولادي .. الهمه يا اولادي
……………………………………………………………
لو سمتعو ماي رايد حاضر اتگلوله
اسرع امن الصوت ركضه زمزم اتجيبوله
وخاف تمشون ابصحاري و قطره ما تلگوله
نهر من النيل اطول بالعجل حفروله
واحه كل واحد تشيل اجتافه
ولا يغير العطش لون اشفافه
مثل اسمكم واحفظوا . راح أكول احجايه
ابد ما حسبه اولدي . الگبله يشرب مايه
الهمه يا اولادي .. الهمه يا اولادي
……………………………………………………………
فدوه لا سبعين فدوه الزينب السلطانه
الناگه كون الهودج ابدن ما تهز اركانه
الخدر كل واحد اريده عايش ابوجدانه
كون واحدكم و يفحط من اسمها السانه
ما اريدن هودج اتحرسونه
كعبه بحرام الفده اطوفونه
فوگ كل هذا الحچي . يمه اريد ازياده
من اجل زينب تره . اتموت كل الساده
الهمه يا اولادي .. الهمه يا اولادي
……………………………………………………………
يمه هذا الضعن قدسي كلها ضنوة فاطم
يمه موتوا اثنعش موته كون الاكبر سالم
بزودكم وانتم عمامه امدلل ايظل جاسم
كون عبدالله شحلاته وعلى اديكم نايم
عاملوا السجاد مثل احسينه
بعده يتنصب امام اعلينه
ما اريدن تنهظم . بالسفر علويه
اطيح روس الاربعه . و لا دموع ارقيه
الهمه ياولادي .. الهمه يا اولادي
……………………………………………………………
✍️ ( سيد خضر الزاملي )
قصيده بحق الامام الجواد عليه السلام بطور فزاعي
***
توگفلك عراضه اليوم
لابن البارعه اعيونه
**
مشنه وننصب الماتم
نسويه العزاء ونلطم
بمصابه نجي ونلتم
ونعازي امه المحزونه
✍🏻العلويه ام علي
***
انعازيها على امصابه
ندك والدمعه سجابه
اليوم امفارك احبابه
بلطمه امعدله اشفونه
✍🏻ام حيدر العباديه عماره
***
دمعتنه تهـــل اليوم
بمصاب الجواد ادموم
ابو الهادي كظه مسموم
وين اهلا يحضرونه
✍🏻خادمة اهل البيت ام ابراهيم الحلفي
****
انعازي امه الزهره
كلها الدنيا متكدره
لجر اعليه الف حسره
وين أهله يشيعونه
✍🏻الشاعره عاشقة كربلاء الطف ام محمد آل درويش
***
كل احنه بحزن ودموم
ياصنديد ياجيدوم
سموك العده هاليوم
الدنيا عليك مرجونه
خادمه الزهراء ✍️ام علي الزيدي
***
تنوح عليك معصومه
تبجي عا الاخو ويومه
والفر گاه مالومه
الف ياحيف عدوانه يسمونه
✍️خادمة اهل البيت ام اسعد
♾️♾️♾️♾️♾️♾️♾️
تمت بعون الله وباقلام ربطة ام الحسن غير مبري الذمه من يحذف الاسماء وينسبه له
قصيدة للإمام الجواد(ننصب فاتحة)
❥━──➸➽❥❂❥━──➸➽❥❂
للجواد اليوم ننصب فاتحة
بمجلسه نبچي ونعلي الصايحة
مات مسموم ويون ... بي نعازي ام الحسن
بمجلسه نبچي ونعلي الصايحة
❥━──➸➽❥❂❥━──➸➽❥❂
اله هذا اليوم منصوب العزاء
انعازي امه فاطمة خير النساء
يالحياته گظت بالهم والعناء
شاف من اعداه أنواع البلاء
عايش بهم وبمحن .. بي نعازي ام الحسن
بمجلسه نبچي ونعلي الصايحة
❥━──➸➽❥❂❥━──➸➽❥❂
آه يمصابه صعب يبن الرضه
عمت عيني اعليه امام الرافضه
بيه نعازي ام الحسن والمرتضه
مات مسموم بغدر عمره گضه
خلص عمره بالحزن .. بي نعازي ام الحسن
بمجلسه نبچي ونعلي الصايحة
❥━──➸➽❥❂❥━──➸➽❥❂
ظل ثلث ايتام محد غسله
مثل جده حسين محد شايله
اعليه ندك والدمعه عالخد هامله
ياهضم گلبه وعذابه اليحمله
جاير اعليه الزمن .. بي نعازي ام الحسن
بمجلسه نبچي ونعلي الصايحة
❥━──➸➽❥❂❥━──➸➽❥❂
بالشمس مطروح ظل اعله السطح
صعب حاله بسم دليله منجرح
بس يجده حسين راسه اعله الرمح
من القفا ويلاه مولانه انذبح
وصدره بالخيل انطحن .. بي نعازي ام الحسن
بمجلسه نبچي ونعلي الصايحة
❥━──➸➽❥❂❥━──➸➽❥❂
شنهو ذنبه ليش سمو چبدته
تهد حتى الحيل تفجع حالته
لجده ابو السجاد يشبه قصته
بس اسر ما صار بعده لعيلته
حسين نسوانه انسبن .. بي نعازي ام الحسن
بمجلسه نبچي ونعلي الصايحة
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
( من ودعني ) ام البنين والحسين ع
الشاعر ذوالفقار جلعاوي
حسين اكبالي من ودعني ميت كلبي وظل يوجعني
رايح يدري بلا رجعه اتلفتلي وجفه يرفعه
اتعثر عله وجهه الوكعه
..................
عله الباب وعتبته وكفت اكبالي شفته
عله ضعنه يركب بالنساوين
وطرف عينه عليه يخاف ويدري بيه
أموت من البجي بوداع الحسين
اشوف جفوفه ترجف متنه مايل
وطرف لعمامه من متونه هادل
همس يأم البنين ابهيده اسمعه
جرح فركاج يمه بطولي شايل
بطارف عينه اتلفت شفته يصد اعليه وكض خاصرته
ودموعه اتغطي النظره بجفوفه إيسند ظهره
يا يمه فراكه اشكبره
....................
تعبت ابابي اتاني صدك بدويه آني
ليش اتجه كوه بمتني عالباب
احس ما منه يرجع وداع الغالي يوجع
المشاعر ويه طولي توكع تراب
حنين وليدي يوجع كلبي حبه
شحلاته المغرب يضمني اعله كلبه
وين الله ويكلي حسين امشي
منانه اكنس الكربله دربه
هيه التكتل وكت المغرب من ال يمه بداري اتغرب
والما تسمعها اليمه ولا عطر الأبن تشمه
كل مغرب خدها تلطمه
.....................
بدت خطواته تمشي وكع من عندي كلشي
اشيلن كلبي توكع مني الاكتار
ألملمهن بأديه طحت كلي عليه
طبع بدويه بيه والعشك حار
خفت عباس لا يكسرله ضهره
ويشوف الخيل من تركض تطشره
ويلم حسين كلبه من الحوافر
وقطع لضلوعه بس ما يلكه صدره
ماكو جفوفه وكلها تضربه وخيل التركض ترفس كلبه
يتعب ويلم أب خيه واليلكا منه شويه
مت عيني وعفته شبيه
...................
النهر خوفي يكسره ويرد إيده اعله ضهره
ومن مهره الخواته برجعته يطيح
ويضحكون العواذل جا وين ابو فاضل
ومشه العباس عني يبجي ويصيح
ومن كل صفحه صخره بجسمه توكع
وعالرمله أبوكعته وجها يطبع
وينبت واحد بخاصرته رمحه
وعليه يتجه و من الظهر يطلع
بمتنه وراسه وخده الصخره وسهم أمثلث ضلعه يكسره
والسهم الحبده إيشلعه لو جره ايهشم ضلعه
من متنه يدفعه يطلعه
.................
حسين يطيح وحده الرمل يجويله خده
وحرك طارف لحيته إيشمها عطاب
شويه شويه يزحف جسمه من العطش جف
تفطر قطع جسمه وتوكع تراب
الشمر يرفسله صدره وضلعه كسر
يشاكف ويده وي كل طبره تكصر
ضحك فوكا يثني وجر لحيته
يكلبه ومن كفا حزاله منحر
خيل التركض ترفس جسمه ياهي التوصل يمه تلمه
وبخيام حسين الوجت أحتركت نسوان وشردت
ومنو بيهن زينب طفت
......................
بقيت انطر خياله عشك بايت جماله
خفت لا خرّبنّه أحوافر الخيل
تسحكه الاعوجيه و شمسها الغاضريه
يتيهن كل ملامح وجها بالليل
وخذو زينب عله الناكه سبيه
مو علويه صاحو خارجيه
خفت لا راس الحسين اعله رمحه
وتموت ابشوفته ابنيته رقيه
موت كلبي الساكن كلبي كل يوم انطر جيته بدربي
وها يرجه ها ما يرجع روحي بكل مغرب تطلع
عشك حسين شكد يوجع
..................
..................
( ام البنين عليها السلام ) الشاعر ذوالفقار جلعاوي
أربع زلم ضحيت الك ومقصره تاج الراس
لو تعطش الكطرة نهر بديت الك عباس
ترباتي وكت الطك طيحت زلم عالحك
................
ما حجيت الأبو فاضل بيدي أأشر كلي صار
الهوه ما ترجم حجينه الحار بس ليفهمه حار
كتله طف وموت الأحمر ضحك بس عيونه نار
كلي يمه ادعيلي بلكت بيها مثلي الكه الكبار
هزيت ادي درت الوجه لا يمه مثلك وين
الله الخلق يمه وكسر قالب الك لحسين
من تزعل وتحمك طيحت زلم عالحك
................
بيرغ إيشيل العمامه وعون هوس مرتين
دكها رجلها وكتله نشمي أستنكي وين الراسه زين
كتله حيهم وجها غيم رعدت أجفوفه الثنين
يبني سطره امطر عليهم وعمي عين العنده عين
الخد الزلم هد يمنتك شد العمامه ألثام
وسطر عدل وين السبع جفك تبوسه أزلام
صلصل يعون أزهك طيحت زلم عالحك
................
الله يستر من صفنته البدوي لو سلطن سكوت
كض شوارب ركب راسه ودمدم وخزراته صوت
كتله جعفر كلي يمه كربله منين اردفوت
فشله اوصي وراسه دخن لو أموتن لو أموت
هوه الحجي براس الزلم ثار وجهب عاشور
ساده وتشب شمرة بدو شتطفي يا تنور
سن اعله سن طبك طيحت زلم عالحك
................
فرك عبد الله بجفوفه فدوه لله شلون شاب
دنك وهز راسه غندب ولجهنم فتح باب
من تراب الناس كلي واني أبنه الأبو تراب
ياهو ألزمه تراب أشمره وخوفي لا ينزع الثياب
علي من برز نزعو هدم زلم بحرب صفين
مو بس هدم بالطف وعد لنزع جلد سبعين
عبد الله موت أزرك طيحت زلم عالحك
................
أغرف حسين بأخوتك وين ما رايد تميل
يا ثكيل الطف ثكيله وما جبتلك بس ثكيل
سيد أبشر يابو هاشم تسوه أوزعلك سبيل
كون ما جابتهم امهم بيك لو واحد يعيل
تكشّخ عله السبعين الف سبعينك انته حكوك
لو جلمه بالطف غثتك يفركون الك لحلوك
للحك كصص تعرك طيحت زلم عالحك
................
................
أساسية ليلة الهلال محرم ١٤٤٦هـ ٢٠٢٤م
مهيمن يوسف الموسوي
محرّم من هلاله ايهل مصايب كربله اتذكّر
أنه الباقر يألّمني الشهر و بطلعته يقهر
حزينه الروح بگلب مجروح
*١*
يشيعه لو تحضروها مصيبة كربله الكبره
مصاب حسين يقهرني و يخلي بالكلب حسره
بمحرم كل سنه تذكر رزايا ودمعتي بعبره
حملت اهموم و بكلبي على اصعب و اشد ذكره
اشوف حسين من هجمو عليه اعداه يا وسفه
فلا عباس يحميله ذبيح و منكطع چفه
دمه مسفوح بگلب مجروح
*٢*
يشيعه الباقر شحاله لَوَن تدرون كل حالي
بمحرم هاجت آلامية حزن و النوح يصفالي
فلا انسه القهر و الهم ألم بالروح يندالي
بحياتي من بدت حزني فلا لاحباب تبقالي
همومي بگلبي وبروحي على آل النبي و حزنه
سبط طه اشوفنه عدوّه من يذبحنّه
ابد ميروح بگلب مجروح
*٣*
اشوف حسين بارض الطف وحيد بلا اخو ويّاه
بزغر عمري و يألمني غربته بكربله ويلاه
اشوفنه فلا ناصر بقه يمّه يضحي ادماه
القدر خله الولي بحيره وحيد بكربله خلاه
فلا أنصار لا اهله بقه بين العده يحارب
واذكر كل عطش عنده وبقه ولثورته راغب
اظل بالنوح بگلب مجروح
*٤*
محرم طلعته تصعب على گلبي قهر و هموم
اذكر چم مصيبه بي واشدهن مقتل المظلوم
سيوف الضربته بجسمه ضده هواي هجمت گوم
سهام و چن مطر نزلت على جسمه بحقد و سموم
مصاب حسين و آلامه عليه العين سچابه
اذكره بكل سنه جدي انوحن حيل لمصابه
يظل مسموح بگلب مجروح
*٥*
شهر عاشور يا حزني من ظل عالأرض مرمي
حسين و حالته صعبه اشاهد زاد كل همي
تحوط من كتابيهم وضعه بلا اخو و يحمي
وشاهد من يذبحونه جسد من العده مدمي
واشوف اعداي من هجمو على خيام النسه يحركون
سبايا اطفال و الخدّر صعب هذا الامر ميهون
فلا ممدوح بگلب مجروح
*٦*
أنه الباقر برغم عمري زغير او أنظلم منهم
سبايا اعله الهزل رحنه بدليلي بس حزن و الهم
يزيد و كلمن ينصره غضب ربنه بفعل يظلم
تعده اعله النبي و آله بفعلته و كل گلب مَهْتم
عجيبه شلون يسبونه رغم آل النبي احنه
وچتل لحسين و يغدره تظل هاي صعب محنه
بحقد مذبوح بگلب مجروح
*٧*
يا شيعة علي بشهره محرم يا ألم اذكر
همومي امن الزغر بيّه عليها هواي من اصبر
لَچَن عندي فلا تخمد جمر حزني يظل يسعر
شرارة حزني من تكثر محرم لو يهل انظر
مجالس للحسين انصب واذكر كل حدث مر بيه
اواسي فاطمه و حيدر ابنه بمقتله ماذيه
يظل مطروح بگلب مجروح
٨:٤١م
١١ ذو القعدة ١٤٤٥
٢٠٢٤/٥/٢١م يوم الثلاثاء
مهيمن يوسف الموسوي
مقدمة ليلة الشعائر : مهيمن يوسف الموسوي محرم ١٤٤٦هـ ٢٠٢٤م
يا سيدي بن فاطمه لجلك عمرنا انقدّمه
نحي الشعائر نستمر لو كلها النه لائمه
*١*
يا سيدي انقدم عهد ذكرك يظل عدنه
والباري يسندنه لا ما يبعّدنه
كلها الخدم انطت وعد نبقى نظل نخدم
ترضه علينه انهم بهذا الأمر نهتم
حال الموالي معتقد وبهالأمر فكره
ينصب عزه يبقى بگلبه الك حسره
كل خدمتك النه فخر بالدنيا عدنه و الحشر
بذكرك نردّد للأبد شاهد يظل ربِّ السمه
*٢*
بشهرك امامي يالولي وبكل عزه نحضر
بهذا الأمر نفخر حبنه الك يكثر
صوت الموالي يعتلي بذكرك يظل ردّد
بصوته فلا كل حد والخالق اليشهد
ليوم الحشر فخرك إلي خادم الك تدري
انذر أنه عمري يبقى يظل فكري
صوتك امامي انوحده بين المَلا صوتك سدى
ذكرك على الجن و إنس بهاي الشعائر قائمه
*٣*
بهذا الشهر وشكد ألم مني الدمع هامل
حزني شكثر واصل بدربي فلا مايل
كلمن سلك نهجك يهم رايد نصر أمرك
يكثر يظل فكرك يحجي على صبرك
حزن و مناحه بس تعم بشهرك ألم بينه
يحسين تدرينه امصابك يأذّينه
مذبوح من نحرك غدر يا سيدي صعب الامر
وانته ابن طه النبي هجمت عليك الظالمه
*٤*
ننصب مجالس سيدي نحي الشعائر هاي
يا منقذي و مولاي بيوم الحشر رجواي
وآنه افتخر وبقائدي بدربك مدى اسنيني
ويّاك خليني بالخدمه علّيني
بنهجك فلا مو وحّدي بكثره الك شيعه
امرك تره نذيعه ونجدد البيعه
عاشور شهرك بس حزن بيه الموالي شكد يون
لمصيبتك يبچي بقهر دمعه على الخد ساجمه
*٥*
ننصب مجالسنه بدمع واعله الصدر نلطم
وبكل عزه نحضر موتك ذبح يهضم
بكل الليالي بهالوضع يا سيدي نحزن
كل شيعي وبحسره اينوح المصابك ون
بيه الموالي لو سمع ذكرك على المنبر
گلبه بألم عنده ومصابك اليقهر
اعظم مصيبه بالزمن بيها الرزيّه و الشجن
باقي امامي هالألم يسري حزنّه بالدمه
*٦*
بشهرك مصايب و شكثر واليا شخص نذكر
كل واحد ايألّم ضده الاعادي الشر
بهاي المجالس نفتخر دنيا و حشر بيها
بيها اجر النه نبقه نسوّيها
بهاي المبادئ نستمر كله العمر ذكرك
من الزغر نحيي يا سيدي امرك
بالخدمه يحسين و نظل باقي دربنه بهالعمل
تقوى العقيده بكل سنه عكس اليضدنه الواهمه
*٧*
يا سيدي بهذا الزمن بالمجلس انصرك
دنيانه متغرنه نتبع نظل أمرك
بيك اعتقادي نأتمن دربك رضا ربنه
و المصطفى طه كلهم رضو عنّه
صوته ضميري من علن بدربك اظل تدري
هالخدمه ما اترك تبقى بمدى عمري
خلها البشر من كل بلد ينظر على هالمعتقد
بنص الگلب لا ما يزل روح الموالي سالمه
مهيمن يوسف الموسوي ٢٠ ذو القعدة ١٤٤٥هـ ٢٠٢٤م/٥/٣٠ يوم الخميس ٥:٠١م
ميمر نزلة ، مهيمن يوسف الموسوي محرم ١٤٤٦هـ ٢٠٢٤م
هاي الشعائر متروح تبقى ولو عادوها
*١*
كل الشعائر باقيه ما تنزال
يوم و بعد يوم و تظل باحسن حال
خله اليضدنه يعترض و شما گال
بامر الجلاله المعبود ظلّت فلا ايمنعوها
*٢*
مرّت على الشيعه شكثر ناس اظلام
شوف العصور الفانيه منهو الدام
ذكر الحُسين المنذبح لو حكّام
السلطه تروح و بحسين بذكره فلا يخلوها
*٣*
كل سلطة الظلام معروفه تروح
الضد النبي و آله يقيناً مفضوح
وبس التبع نهج الإمام المذبوح
يصبح وجيهاّ بحسين وكل الملا يذكروها
*٤*
صوت المنابر كل زمن من اسنين
يحي الشعائر والخدم بي مهتمين
الشيعه بمجالسها تظل وبكل حين
وهاي الاعادي الانذال منهم كثر أذوها
*٥*
هاي العقيده ثابته بينه تظل
بيها الموالي من صدك لا ميزل
وشكد صعوبات و منع عنده الحل
المجلس ينصبه بكل عام الشيعه تره يسووها
*٦*
لجل الحسين المنذبح ننطي الدم
نفدي عمرنه لنصرته بيه انهم
من ظالم نشوفه للحسين و يظلم
ضد كل ذكر للمظلوم لو هالعده يبغضوها
*٧*
نشوف الديانات شكثر و بهالكون
ماكو نفسنه بهالعقيده لا ما يكون
بهاي المبادئ نلتزم لا متهون
للعتره الشيعه شما تكون كلهم فلا يجازوها
*٨*
اليسلك درب ابن النبي لا ما يتيه
بالآخره و هم دنيته اجره بيه
يصبح وجيها بالحسين ايخليه
وشكد عظيمه واللّه الشيعه اذا يحصلوها
*٩*
لازم تكون و هالمجالس وبكل عام
بيها الحكم بيها المواعظ و الآلام
عَبره و عِبره بيها و حزن من تنقام
مو بس لطم لا بس نوح كلشي تره تنوعوها
*١٠*
نبعث رساله للخلق إنس و جان
للشيعه كل هاي المجالس عنوان
اليوم القيامه باقيه مهما كان
لجل الشريعة لاسلام ضد العده اينصروها
مهيمن يوسف الموسوي ٢ ذو الحجة ١٤٤٥هـ ٢٠٢٤/٦/٩م يوم الأحد ١٠:٥٣ص
مربعه إلى هلال عاشور
هل عاشور يازينب تونين
هلال اضلم مبين يعمي العين
🖊🖊🖊🖊🖊
هل عاشور يازينب تره عليج
يجون الكربلا وتروح اهاليج
ياضيم الدهر زينب مبجيج
لوهل الشهر اضلم تشوفين
🖊🖊🖊🖊🖊
اضلم من تشوفينه هالهلال
يازينب دموع العين همال
ياضيم الوكت للگلب عيال
مسبيه وعلئ الناگه تونين
🖊🖊🖊🖊🖊
هل عاشور ودمعه. بالعيون
اخاف اهلي من ايدي هم يروحون
هلال اضلم عليه يالتشوفون
بديت أنه الحزن لورتي تعنين
🖊🖊🖊🖊🖊
هل عاشور يلالبسو السوود
هاي ام الحزن والگلب ممرود
بيت اهلي يضل ياناس مسدود
هلال البين خيبلي مضانين
🖊🖊🖊🖊🖊
هلال البين بين بل مصايب
تنام اهلي ياناس علئ الترايب
من هذا الشهر والحيل ذايب
گضاني ومرمراني هلال هالبين
🖊🖊🖊🖊🖊
:
:
:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی
واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
موش هلال قميص حسين المخضب
ظهــر والكُــون كلّـه امكــدر وينحـب
*-----*-----*-----*
موش هــلال انظــر بالسمّـه وحــاير
قميص حسين أشوفه وبي اثر حافر
أنرسم بالكون والله بمحنـة العـــاشر
وخنصــر منگطـع والثــوب التسلــب
*-----*-----*-----*
قميص حسين هــذا الناگــع أبدمـه
وصوت يصيح آه يحسين يــا يمّـه
حرگ بالكون چن مـن انظر اشتمه
واناشد شنهي هــاي البگلب تلهـب
*-----*-----*-----*
أشمْ ريحة خيّم محتــرگـه بنفـاسي
ويهل دمع البواچي وتنتحب ناسـي
لراس حسـين ادنگ بالحــزن راسي
على راس الرمح مرفوع چم كوكب
*-----*-----*-----*
بــدت ريحة محــرم تتــرس الـــريه
واحس بالعاشــر وضيمــه ومأسيـه
اصــد چن بخيالــي الحــره مسبيــه
وتصد راس الكفلها الدامي ومخضب
*-----*-----*-----*
فتــح بـابــه لمصاب الـزهره دلالي
باچــر عالتراب تشــوف چـم غالي
حــزن عاشور حـدّ المـوت يبـرالي
مــو بس الشَعَر حتى الگلب شيّب
*-----*-----*-----*
هــلال انتظــره والله بصــافي النيه
يــــرد أيـــام گعــدتنـــا الحسينيــه
شحلات الدنيا بس لحسين مگضيه
ومن ماي السبيل بكل وكت اشرب
*-----*-----*-----*
الشاعر
موسى البديري
#مجالس_محرم_الحرام_١٤٤٦هـ
💫💫
اظل لهلالك امتاني .. يالحزنك حزن ثاني
يكبر بيه كل عام
روحي وياك مسبيه .. ودخان الخيم بيه
وبالي مترّس اسهام
🔵🔵
عايش عالعطش گلبي .. اموتن لوشربت الماي
يكتلني النهر طاريه .. لومرني اكرهت دنياي
شمعه ودمعتي من اتطيح .. تاخذ من حياتي هواي
بالهيمه ذبيح حسين .. شلون انه استجن بفياي
اظلّن للگبر ضامي .. العطش مافارگ احلامي
وبالي مترّس اسهام
🔵🔵🔵🔵
عاشرت الثياب السود .. صارن اهنه جنسيتي
عطرك ياشهر عاشور .. اشمه وتختنك ريتي
لو بالطيف اشمنه .. انصب فاتحه ابيتي
شنو فاگد يگلولي .. لو لفيت جفيتي
انه يجاوبهم انگابي .. وراية حزنك ابابي
وبالي مترس اسهام
🔵🔵🔵
رايه بگلبي الك تندار .. عندي وعالسطح رايه
آيه وحرز عن العين .. تنزل كل صفر آيه
انّا الرايه اعطيناك .. حته تروح مشايه
نعمه من الله ومن حسين .. واكبر نعمه الي هايه
من يتعبن عيوني .. اشيلن حزنه بمتوني
وبالي مترّس اسهام
🔵🔵🔵
عشرة ايام من عمري .. جنهن مو عشرة ايام
كل يوم اليمر بيه .. يذبحني مثل جسام
يلجمني ويظل مكسور .. گلبي مثل كسر الجام
وعلي يلتمن اجروحي .. لمن تلتم الخدام
وكل مااقره لطميه .. يتضمد جرح بيه
وبالي مترس اسهام
🔵🔵🔵
اخدمته ولو عثرت بيوم .. حسين ايكلي اسم الله
يمدلي ايده ويشد حيلي .. من كماط عبدالله
بشباچه الگلب مشدود .. روحي بروحه متصله
بسمه كلبي يتوضه ..لو فرض العشك صله
واركع و اسجد من الهم .. تربتي ارماد المخيم
وبالي مترّس اسهام
🔵🔵🔵
علي حسين المنصوري
#مجالس_محرم_الحرام_١٤٤٦هـ
💫💫💫
منك يابو الاكبر نظره تكفيني
من يوم الولاده اليوم تكفيني
🔶🔶🔶🔶
الك يارحمة الله ورحمتك محتاج
حاجة اعمى محتاج الضوه الوهّاج
نيتي وياك مثل التلبسه الحجاج
يقيني بالقيامه انتَ التزَكيّني
🔶🔶🔶🔶
يامولاي بيدك دفتر اعمالي
يمك من اموتن اول وتالي
منكر بالكبر لو راد يدنالي
انه انخاك اعرف بيك تحميني
🔶🔶🔶🔶
يالعطشان الك تنبع حُسن نيتي
و ماي تصير الك يحسين تربيتي
على المنبر اطوف انه بحسينيتي
من اعوفن مجلسك تختل موازيني
🔶🔶🔶🔶
تهزني الدنيا تلكاني جذع نخله
بمواقف مثمرات اترسلك السله
بكلا الباطل وهيهات للذله
اجيك محمل بذني شتجازيني
🔶🔶🔶🔶
شتنطيني انعم الله وكلشي اتقبل
انتَ اول ملك خدامه تتدلل
قصتي وياك تبدي بچاي المهيّل
وبالموكب شرف حبك يغذيني
🔶🔶🔶🔶
على ماي السبيل وياك اتغذه
خدمتك تختلف بيها احس لذّه
درب غيرك صعب ليسلكه يتأذه
ودربك جنه وبدربك تمشيني
🔶🔶🔶🔶
علي حسين المنصوري
#جديد
#نواعي #العليلة عليها السلام 💔
.
.
مجـــاريـــــد :
ويـــلاه يـا گلب العليــله
حين الضعن أنوى رحيله
ظلت المدمع بس تسيله
واتنادي بعدكم مالي حيله
ظلت دمعهـا بـس تصبـه
واعيونها اعله الوالي تربه
واتگول بعدك عمري غربه
وويّــاك حمّـلت الأحبــه
يا بوي خِلْتك بيش أسِدها
والمثلك أبو يا بوي عدها
ماظن فرگته تنسد بعدها
واجروحي بعدك من يشدها
ايهون المرض واتهون الآلام
انچان يمك أگضــي الأيــام
وابعيني اشوفك مو بالأحلام
حتى لو خذونــي تالي للشـام
فرگــاك يا بويـــه شـديـده
وأدري شوفتك تصبح بعيده
خلني وهالتعب بويه أريِـــده
وأمشي بضعن سكنه وحميده
بـس لا تخلـوني ابهالـدار
اوحيده يبويه ودمعي مدرار
وكل يوم اتنطـر على النار
انتظر منكـم تلفي أخبـار
طور : جاوبني يا علي
يا بويه لا تروح
وتتركني للجروح
منّي تُروح الروح
يا بويه يا حُسين
دمعي يظل جمر
وابابك أنتظـــر
مَگْدر على الهجر
يا بويه يا حُسين
خذني يَكل هلي
غيــرك فــلا إلي
ارحمني يالولــي
يا بويه يا حُسين
أتحمـل الألـم
وي حرگة الخيم
بس فرگتك سهم
يا بويه يا حُسين
بس فرگتك عذاب
يا بويه واغتــراب
خذني مع الأحباب
يا بويه يا حُسين
تــدري بعليلتــك
اتعيش اعله شوفتك
وتذبحــها فرگتــك
يا بويه يا حُسين
طور : يا ليل طول ساعاتك
يا ليل .. راحوا أحبابي
يا ليل .. وأنطر غيـابي
وحدي يا ليــل الأه
بين الهــــم والويلاه
يا ليل .. محــد بُگالي
يا ليل .. ظل بيتي خالي
وعيني ظلت عالباب
أتنطـــر الغيّــاب
يا ليل .. وأدري الراحولي
يا ليل .. هيهات إيجولي
أدري الرايــح مَيّعــود
ويبگه گلبـــي ممــرود
طور : الفراق ( مالي غيرك )
آيا بويه .. أبگه كل ليله بحنيني
آيا بويه .. وبس خبر أنطر يجيني
آيا بويه .. اعليك ما يِبطل ونيني
آيا بويه .. امتانيه تبگه العليله
آيا بويه .. اعليكم المدمع تسيله
آيا بويه .. تحسب الليله اعله ليله
بانتظارك .. وأدري لا طارش يجيني
بانتظارك .. حتى لو تِخْلَص سنيني
بانتظارك .. راح أظل يا ماي عيني
وأدري تبگه .. بويه نايم عالوطيه
أدري تبگه .. ابلا دفـن بالغاضريـه
أدري تبگه .. وريت يا روح الزچيه
أدري تبگه .. اوياك تاخذني المنيه
_
تمت ببركات مولاتي العليلة عليها السلام
#فاطمة_كريم
٢٠٢٤ م
(( امهاته )) للسيده ام البنين ع
………………………………………………………
امهاته اثنينه و سافر وَلَدنه
خاف يالزهره بعد ما يرجع النه
انتي دمعه ابنص گبر . وانا روح اعل الجمر
يا زهراء . يا زهراء
………………………………………………………
يم الحسين . مثل ضلعج منكسر دلالي
يم الحسين . وانعصرت بيوم راح الغالي
يم الحسين . عيني هم حمره و دمعها يلالي
يم الحسين . هم نحل جسمي وتغيَّر حالي
كوه اكومن لازمه اصفاحي ابأديه
راح كل الحيل وي والد رقيه
ورده فاركها العطر . و انا روح اعل الجمر
يا زهراء . يا زهراء
………………………………………………………
ودّعاني . وكال يمه وقبلاني ابراسي
ودّعاني . وضاع مني الهوه وخنگه انفاسي
ودّعاني . وكتله ريّض يا بعد كل ناسي
ودّعاني . هاي اخر شوفه كال احساسي
اصمله و الزهره اعله طولك ياضوه العين
گلبي من هذا السفر لاچمني يحسين
خيط شمعه وانتظر . و انا روح اعل الجمر
يا زهراء . يا زهراء
………………………………………………………
كتله عباس . لجل الحسين الله خالق وادم
كتله عباس . هو اميرك وانت اصغر خادم
كتله عباس . لا تردلي بدون اخيّك سالم
كتله عباس . فدوه انا وانت لبّـ نَي فاطم
هذا جودك لو فرغ بيه تعصر الروح
لا تردله ابلا عذب الا انت مذبوح
انت لحسينك نذر . و انا روح اعل الجمر
با زهراء . يا زهراء
………………………………………………………
و أجفت النوگ . وانا وابنيتي العليله اناظر
و أجفت النوگ . ولله يم حسين نكسر خاطر
و أجفت النوگ . بويه صاحت هم تردلي اباجر
و أجفت النوگ . صحته يمه ومن عدوك حاذر
و اخذ صوتي الريح و اتلفّت عليه
جن اسمعه يكول رايح للمنيه
يمه بالطف انحر . و انا روح اعل الجمر
يا زهراء . يا زهراء
………………………………………………………
بيها اشوفج . زينب السافرت روحي وياها
بيها اشوفج . اربيه عيني ظلت المگفاها
بيها اشوفج . خاف مثلج تنولي ابدنياها
بيها اشوفج . خاف سوط العذبج يدناها
حسين كلي تشبه الامنه الحبيبه
خاف هم اتشبهج اتعيش المصيبه
خافن يروح الخدر . و انا روح اعل الجمر
يا زهراء . يا زهراء
………………………………………………………
عيلة حسين . يم حسن هُمّه العمر وسنينه
عيلة حسين . شمحله جلمة جده من سكينه
عيلة حسين . ارقيه يا محله حچيها اشزينه
عيله حسين . شمحله عبد الله ويصدلي ابعينه
والشباب ابكل مسه ايسيرون ليّه
ايد بيد الاكبر وجسّام اخيّه
ولله مشتاگه اشكثر . وانا روح اعل الجمر
يا زهراء . يا زهراء
………………………………………………………
✍️ ( سيد خضر الزاملي
[١٣] ▪️قصيدة العباس (عليه السلام)
كأني بالحوراء زينب عليها السلام قادمة بعنان فرس أبي الفضل صلوات الله عليه :
هَلْ "زينبٌ" جاءتْ عَلى مهْلِ ؟
بالمُهْرِ تدْعُو : يا "أبَا الفضلِ"
و"سكينةٌ" في دربِها وقفتْ
تبكي معَ الأطفالِ في سُؤْلِ
أتُراهُ عباسٌ يعودُ لَنا ؟
أَمْ لا ! سيَرْحَلُ حارِسُ الرَّحْلِ ؟
ذي "أمُّ كلثومٍ" تُناشِدُها :
خَلِّي جوادَ كفيلِنا.. خَلِّي
مالتْ بهِ الحوراءُ تصرخُ يا
عمَدي ، عِمادي ، عُمْدَةَ الكُّلِّ
عبَّاسَنا ، رِفْقاً بسيِّدِنا
أضحى بِلا سنَدٍ ولا خِلِّ
رفقاً بِمَنْ تبكي لِغُرْبَتَهِ
أهلُ السَّماءِ غدا بلا أهْلِ
يأتي ، يروحُ ، يحومُ في قلَقٍ
فرداً ، ويصفِقُ راحةَ الثُّكْلِ
وإلى الغريِّ يُديرُ مُقْلَتَهُ
ويقولُ مَنْ لي ؟ يا أبيْ مَنْ ليْ ؟
عجباً ، أخٌ يحيا بدونِ أخٍ !!
فإذا قُتِلتَ ، يؤولُ لِلْقَتْلِ !
مِنْهُ يَصيرُ الظَّهْرُ منكسراً
كَضُلوعِ بَضْعةِ خاتَمِ الرُّسْلِ
والشمرُ يذبحهُ ويرفعُهُ
ويلاهُ ! إذْ تهوي على الرَّمْلِ
عانِقْهُ آخِرَ مرَّةٍ وَأَطِلْ
فالقلبُ يخشى غَدْرَةَ النَّخْلِ
زَنْداكَ يا ذا الجودِ إنْ قُطِعا
هيهاتَ للآمَالِ مِنْ وصْلِ !!
يا شَمْلَ آلِ البيتِ في رَجُلٍ
ألبيتُ بعدَكَ ضائعُ الشَّملِ
يا جامعاً للنُّبْلِ في بَطَلٍ
تُطفِيُ عُيونَكَ طَعْنَةُ النَّبْلِ
لا لَنْ تَرَى مِثْلَ الَّذِيْ سأرَى
في الرُّمْحِ تُغْرزُ رَقْبَةُ الطِّفْلِ !
عَبَّاسُ مَنْ مِثْليْ وأنْتَ معي ؟!
وإذا قَضَيْتَ أخاهُ مَنْ مِثْليْ ؟!
بنتُ الكسَاءِ أروحُ في عُجُفٍ
دونَ الوطاءِ لكَافرٍ نَذْلِ !
بالأمسِ كانتْ هِندُ تخدِمُني
عجباً لها أُهْدى ! فَوَاذُلِّيْ !
وخَطَا كأَنِّيْ بالعَقِيلةِ قدْ
نادَتْهُ : قِفْ وانزلْ على مهلِ
أمُّ البنينَ بقلبِها طلَبٌ
فَاقبَلْهُ يا عبَّاسُ مِنْ أجْليْ
دَعْنِي أُقبِّلُ منكَ كفَّكَ إذْ
وفَّيْتَها بالقولِ والفعلِ…
تمت بعناية الحجة (عجل الله تعالى فرجه الشريف)
الشاعر علي عسيلي العاملي
#محرم_١٤٤٦
#ليلة_العباس
#اللهم_عجل_لوليك_الفرج
اشوفك دمعتي وظلوعي محنيه
بغيابك چن قريت الفاتحه عليه
عله حبك هذا ديني
نطيت اربع بنيني
********
انه ام البنين الاربع اقمار بالطف اني
ضحيت
وكولن يمه اه يحسين بالروح خافن
ما انه جازيت
كون وياك بالطف احضر هناك يالغالي تمنيت
وصيرن بالخيم دمعات الايتام ماظن
انه وفيت
وفيت اربع بنيني واطلب امرادي
وخافن قصرت بالفديه اولادي
بعد تعرف حنيني
نطيت اربع بنيني
*********
وصيت الكمر لعيونك يروح وكولن بيك رجواي
اريد الكافل الطف يحچي بي زود بيده العلگمي جاي
انه ام الوفه وربيت اساطير ونظر للوفه بهاي
گص ايده الكمر وزود معروف والله ما شرب ماي
وصيت الكمر يايمه عد عينك
ييمه تروح انت فدوه لحسينك
السهم وافيته عيني
نطيت اربع بنيني
*********
نذر عندي اشوفك انه بالبيت اطش روحي هديه
يبو السجاد فدوه العمر لو راح بس ترجع عليه
اطب لدار والكه الدار زعلان اخلاف ابن الزجيه
راحو اربعتهم بالطف اقمار يوم الغاظريه
دمع عيني نذرته وياهم احجيلك
يبو اليمه دخيلك جرحي يشكيلك
جرح كلبي ونيني
نطيت اربع بنيني
*********
يارب السمه ادعوك ورجوك ترجع كل
بنيني
يا علام بيك الأمل مضمون مو ذايب
حنيني
لو منهم خبر يلفيني لو طيف اعدن كل سنيني
ما تنشف بعد دمعات العيون لايهدئ ونيني
يبو اليمه انشدك تدري بحالي
الهجر يذبح دليلي وغير احوالي
ولا طيفك يجيني
نطيت اربع بنيني
*********
يادار الاحبهم مايرجعون وظل امعاتبه الدار
ليش انه الاودهم مايردون ماوصلتني االاخبار
لو بيدي اروح الكربله حسين وطفي بالخيم نار
يازينب اشوفن صايره شلون اشسوت بيها الاقدار
عالتل .. اوچبت وسمعهه بالونه
تكول حسين خويه شلون اشوفنه
يزينب كل انيني
نطيت اربع بنيني
*********
انه ام البنين الطاهره وشوف دمعاتي
بغيابك
ما اكدر بعد اتحمل افراك من اذكر مصابك
اشاهد صورتك والكاها بالدار وعيوني عله بابك
اقره الفاتحه بدموع المصاب يالوعة عذابك
الجرح لا واحد ولا اعدن العشره
اشوف الف وتسعمية طعن ظهره
لطمت اني جبيني
نطيت اربع بنيني
********
تمت بعون الله
خادمكم .....يوسف الفتلاوي
منهاج محرم الحرام لعام 1446 هـ
مولاي أبا الفضل العباس (عليه السلام)
عـباس...عـباس ابا الفضـل
بس لِمَـع سيفه هنـاك....شِـردو زلمهم
وحـارو الشـرده منين....تيهو خيمهم
انطشو خرز عالگـاع....وبسيـفه لمهم
وبسجله ملك الموت....سَجَّل إسمهم
الـ بالحومه ظل ميت عدل...اسمه أصبح اويه الموته
وياهـو اليظـل مـنهـم عدل...مـاتو رَجـف مـن صـوته
عـباس...عـباس ابا الفضـل
ـــــــــــــــــــــــــــــــــــ١ــــــــــــــــــــــــــــــــــ
يتمشه ويركـضـون....بـس هُـمـه خلفه
ولِــوْ رَدوّ لأي صـوب....يلـگـونـه چـفـه
واللاحه چف عباس....مـن الدم ينشفه
ومـا يدري حـتـى منيـن....يا كتر نَـزفه
بسطره ويگع ناشف دِمه...وابلايه خد يلگونه
ومَـحـد عليه يـسأل بَعَـد...مـيـت لأن يـدرونه
عـباس...عـباس ابا الفضـل
ـــــــــــــــــــــــــــــــــــ٢ــــــــــــــــــــــــــــــــــ
شافه الفـرات وصـاح....لـو اصَـلي أسـلَم
ونِـسى روحـه بِـيِـه المـاي....گـام وتيـمم
وابـإذنــه صــاح الجــود....اتـوضــأ تِـعَـلَّم
وهاك اخذ ماي انطيك....من عندي زمزم
مايك ولا نحتاج اله...الماي العَذب بجبينه
وَحدي أنتِرِس لو أشرَن...ليَّه الگمر چفينه
عـباس...عـباس ابا الفضـل
ـــــــــــــــــــــــــــــــــــ٣ــــــــــــــــــــــــــــــــــ
ذَل الجـيــوش آلاف....مِــن للنـهـر طـب
وبچـفـه شال الماي....مـو نـيتـه يـشرب
رواهم أوصل ليه....بكيفي ومتى أرغب
وبالنهـر زاد المـاي....من گصته ليه صب
وخاف النهر يحچي بخبر...للگـمـر هـو امجـامل
الماي الخَذاه طشه بفخر...فوگ الشريعه الكافل
عـباس...عـباس ابا الفضـل
ـــــــــــــــــــــــــــــــــــ٤ــــــــــــــــــــــــــــــــــ
صــاح النـهــر مــولاي.... بس تمشي انشف
گـلـه انـــه دم ارويـك.... چـف وبـعـد چـف
ومن عيني ويه الراس....دم يرتـوي الطف
وبـاچـر تـجــي الـزوار.... وهـنانـه تصـطف
وتـنـظـر ملايـيـن التـجي...بچفوفي ذني ارويهم
وكلمن يجي بحاجه أَخَذ....ما اردلي واحـد بيهم
عـباس...عـباس ابا الفضـل
ـــــــــــــــــــــــــــــــــــ٥ــــــــــــــــــــــــــــــــــ
نسألكم الدعاء والفاتحة لوالديَّ
أحمد البصراوي العبادي
عندي امانه ابنيت الحسين
تهنه سويه والدرب وين
انه ورقيه گبال نارين
ومنين اجيب الرادته امنين
نوبه تنوح ونوبه ويلاه
رايح ابوها اوين تلگاه
اخ شكبرها طگت البين
عندي امانه ابنيت الحسين
……
بنيه زغيره وتبچي بليل
ويصبر المجروح بالويل
بيها الشماته گامت اتعيل
گلب الزغيره شيگدر يشيل
ويه ابوها وگبل بحماه
بنيه وتريد الوالد اهنا
ويه الونين ضلوعها تميل
……
فوگ الترابه نفرش اجروح
مره انه انوحن مره التنوح
خافن اگلها الابو مذبوح
وبين الصحاري تركض تروح
دورنه عنه ومالگيناه
متعوده من يتمشه وياه
بچف الترابه الوالي مطروح
…… ..
هاي الامانه الضلت وياي
مطرت بواچي بشحت الماي
تنشد بقت بالرايح وجاي
بلكت تلاگي ابواحد الراي
طلبت ابوها تريد ملگاه
لوتدري بيه چان اتعناه
ونتها حيل وموش بهداي
……
بين المواجع واللطم ذاك
ساعه تگلي هنانه وهناك
وشلون اصبرها بلياك
هيه تريدك صعبه تنساك
شبعت بواچي وهيه تنخاه
تتخيله وماترضه تنساه
صعبه تعيش الطفله لولاك
…… ..
يحسين من بين الامانات
شلعت دليلي هواي حسبات
ادري البنات شگد عزيزات
لاكن رقيه كلها شوغات
منا اكضها اطيح. منا
چلمتها بس احاه بحاه
مكسور ياگلب الحنينات
……
علي الحاج الصبيحاوي
( أم البنين عليها السلام ) الشاعر ذوالفقار جلعاوي
من داري اركض كوه حافي الجدم وتجوه
شفت الضعن مو هوه
دورته مرتين ما شفت الحسين
................
من تحجي يم بدوي بتعب تجرحله بالحيل احساس
شلون آنه بدوية نسب ومخلفه مثل العباس
من اسمعت رد الضعن أمشيبه وركضت ويالناس
ما شفت الحسين وطحت شجره وكسر ظهري الفاس
بجفوفي انهض وحدي بس حيلي ظل متبدي
ومسح تراب بخدي
الخطوه بعثرتين ما شفت الحسين
................
ما بيه اوصل للضعن غير الجدم ينجر كون
والفشله من تعثر مره وتتراكض اعليها عيون
عدلته طولي من أنحنه من كتاري هدلت لمتون
ياخذني ويردني الدفع توسل كمت ليركضون
تاه الضعن وندله من الزحمه كوه أوصله
بأم البنين أشخله
أتبده الدمع عين ما شفت الحسين
................
يم رمله وداني الجدم تلطم شفتها اعله ضلوع
أمحنايه أديها من الدمه وبخدها جويات شموع
ليلى اعله الأكبر سولفت جوه الحوافر مدفوع
كالتلي جابو للخيم من ضلوعه كلبه مشلوع
طاحن سوه من الناكه مشتاكه يم مشتاكه
آخ الضنه وفراكه
شلون أسأل او وين ما شفت الحسين
................
الناكة رباب أتوجهت تلولي الحضن فارغ جان
كالتلي عبد الله أبسهم مت عيني ذبحو عطشان
ولسكنه من درت الوجه مدت شفتها الذرعان
رجعت أختها أتخيلت وتشابكن بالأحضان
أتكلي اليجر ترجيه شكَها الأذنها شويه
وماتت أخيتي أرقيه
ومجويه الإيدين ما شفت الحسين
................
ونظر مره أمحدبه الظهر من عندي أكبر عالنوك
جفوف او وجهها والجدم وطرف العبايه محروك
كالتلي أي زينب أنه الفروني من سوك السوك
ومهشّمّه أعظام المتن وبحجاره راسي مشكوك
متني الرماح تلجمه وزلمه ودفعني الزلمه
وخدي السياط تلطمه
مابيني ما بين ما شفت الحسين
................
وجه بوجه شفت الحرم عاشور إيبجي بعاشور
صاحن حسين اعله الثره وعظم بعظم بي مكسور
جره الشمر من شيبته يرفسه او وريده منحور
وما خلن ضلوع بصدر بعشره أعوجيه مجرور
من شفته مابي يرجع حيل اعله وجهي اوكع
وي روحي مدري شيطلع
آنه أم البنين ما شفت الحسين
................
................
( أم البنين عليها السلام ) الشاعر ذوالفقار جلعاوي
عطشانه اشوفن يوسف الزهره مثل اليدور ماي بالصحره
دورت الحسين
................
كون الدمع من يوكع بصوت
بالخنكه ليش المغرب نموت
الفارك حبيبه جرحه تابوت
كل لجمه شيع روحه بسكوت
هوه اليفارك بله شيصبره مثل اليدور ماي بالصحره
دورت الحسين
................
السافرله غالي وما عرف وين
مو دمعه يبجي عالصور عين
طاحت عيوني من الحياطين
بكل ركن اشوفن وجه الحسين
ألكَلب صور ويدور الذكره مثل اليدور ماي بالصحره
دورت الحسين
................
راح وتركني أبعتبة الباب
تراب ويطشرني الهوه الهاب
يحسين لوما شم بالثياب
ما لمني عطرك ووكع تراب
الحن الحبيبه ويشتم بعطره مثل اليدور ماي بالصحره
دورت الحسين
................
شفتك نبي ما صرت الك غار
حضني فرشته الضمتك دار
يحسين كلبي مو من حجار
والبدوي تدري بالعشك حار
بأم البنين شسوت العشره مثل اليدور ماي بالصحره
دورت الحسين
................
الطف كربله مو مشت نسوان
خدامه أخذني الوين ما جان
عطشانه اطيح بحضن عطشان
والخيل تسحكنه اعله تربان
وصدري ويصدرك حافر إيطشره مثل اليدور ماي بالصحره
دورت الحسين
................
بالطف ردت الحكلي مخنوك
وبجفوفي الملم طفل مسحوك
وطارف عبايه اطفيلي محروك
وبمتني اصعد زينب النوك
وبيدي الحبل كلما شمر جره مثل اليدور ماي بالصحره
دورت الحسين
................
................