7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ها يروحي شلونها الماعدها اخو
ها يروحي وانه لا ام لا ابو
ارتفع صوتي وين اخوتي كرب موتي اشلون بيه
***
عندي اخو كلش حنين وعينه لخته
عمره ما زعلني من يوم العرفته
ذاك اخوي ال عالترب عطشان عفته
حسين جوه الخيل ويأشرلي شفته
كلي ارجعي عليج اخاف من السحك
كلي ارجعي دمعتج تحرك حرك
كطعوني وعطشوني وسلبوني آل اميه
**
ها يروحي اعزاز كلبي فاركتهم
بكربله وذيج الصحاري ضيعتهم
شلون بيه الموت اجاني وما شفتهم
جنازتي ايشيلونها اخواني ردتهم
بلايه اخوتي جنازتي وحشه تصير
بلايه اخوتي راح حتى ابموتي احير
فاركوني وضيعوني وما اجوني للمنيه
****
من يكلهم ماتت ام عون بحزنها
اخوان ماعدها وتجي تحضر دفنها
من يكلهم شدو بهيده جفنها
حيل زينب بعده يوجعها متنها
من يكلهم اصياطهم ترست كفاي
من يكلهم بهيده ديرو عليها ماي
الشمر ذبني وظل يسبني شكد ضربني وشد اديه
*
امنيتي ازورن كربله كبل المنيه
وبين اخوتي اكعد وراويهم اديه
راح اموت بغربتي ومحد اليه
وراحو ايدفنوني اكلهم يم رقيه
بنيت اخيي حسين جان ايحبها حيل
بنيت اخيي بالسبي راووها ويل
طشت شافت وبويه صاحت تالي ماتت حسره هيه
**
اوكف عله التل وصيحن ها يالعزاز
مو مثل باقي الجروح اجروحي تمتاز
يهلي تدرون الجنازه اجتاف تحتاز
وانه حتى اجنازتي ما بيها جناز
ها يخوتي تربي عالباب العيون
ها يخوتي يعني أيس ماتجون
ضاع كلشي ومنو بنعشي راح يمشي ويحن ليه
*
جنازتي عله الكاع ظلت يا حسرتي
ماكو واحد شالها وحن الغربتي
وكامو ايحشمون بالناس الدفنتي
وين جنتي وهسه زينب وين صرتي
ها يزينب ما كو اخو الليله اعتناج
ها يزينب وحتى محد شيعاج
ياهو انشدج حضر عندج وحفر لحدج يالسبيه
***
تمت
ميثم العمري
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
إلَى سَيِّدِي وَأَمَامِي الْعَاشِر الْإِمَامِ
عَلِيٍّ الْهَادِي عَلَيْهِ السَّلَامُ
(وزن المثلث)
مِنْ اللَّهِ هَذَا الْأَمُرِ سَيِّدِي طَاعَتَك
اتمنه كُلّ الْعُمْر ينگضي بِخِدْمَتَك
★★★★★
نُورٍ مِنْ الْبَارِي لِلدُّنْيَا وَأَرْضَهَا
عَلِيّ الْهَادِي طَاعَتَك رَبِّي فُرَضَها
طَاعَتَك مَوْلَاي اِرْفُض مِن رُفَظها
وَكُلّ مَوَدَّة مارعاها ولاحُفَظها
جِبَالٌ مِنْ الصَّبُر بالمحن مُهجتَك
اتمنه كُلّ الْعُمُر ينگضي بِخِدْمَتَك
★★★★★
بِخِدْمَتِك مَوْلَاي رَيْت يَطُول عُمْرِي
خادم آٌبِقَه يَنْحَنِي بِالْخِدْمَه ظَهْرِي
مِنْ سَوَادِ الشَّعْرِ حَدّ ميشيب شَعْري
ياوسيله وَنوُر. إلَيَّه ابليل گبري
وفوك رَأْسِي تمُر بِالْحَشْر يمنتَك
اتمنه كُلّ الْعُمْر ينگضي بِخِدْمَتِك
★★★★★
ياامامي الْهَادِي لِلْبَارِي وَسِيلَه
بِدَمْعَه جِيتُك تَصُبّ واعمالي قَلِيلَه
ياطريق الدِّين يانهجه وَسَبِيلَه
وَخَيْر مااگدر . أَوَفِي مِن جَمِيلَه
لوتهل مِنْ جَمُرِ دمعتي بِحَضْرَتَك
اتمنه كُلّ الْعُمْر ينگضي بِخِدْمَتِك
★★★★★
بِالْحَشْر حَمَاي لِلنَّاس وَسَلَامَه
لِلْعَجْزِ عَنْه لِسَانَه وشت كَلَامَه
وَكُلّ ذَلِيلٌ هنَاك يشْعر بِالْكَرَامه
مِن الْجَحِيم انْتَه دِرْعٌ يُوْم الْقِيَامَه
مِن الْمَهْد للگبر سَيِّدِي امحبَّتَك
اتمنه كُلّ الْعُمْر ينگضي بِخِدْمَتِك
★★★★★
شلون نَار الْحَشْر باچر تحتويني
يَوْم انخاك ودمعتي بِطَرَف عَيْنِي
يَوْم أَتْلَفَّت يَسَارِي وَعَنْ يَمِينِي
أَبَد ماتتركني وَحْدِي كُلّ يَقِينِي
كُلّ كَسْر يَنْجَبُر يشفه من نظرتك
اتمنه كُلّ الْعُمْر ينكضي بِخِدْمَتِك
★★★★★
ياامامي الْعَاشِر وَمِنْ خَيْرِ عِتْرَه
يَبْن طَه وَحَيْدَرَه وَفَاطِمَه الزَّهْرَه
يلگضيت الْعُمْر حَسْرَه بِأَثَر حَسْرَه
أَلَك بِالسَمّ ظالِم أَتَوَجَّه ابغدره
زَلَّه ماتنغفُر لِلذَّبْح شمعتك
اتمنه كُلّ الْعُمْر ينگضي بِخِدْمَتِك
الشاعر حسن لعيبي الحريشاوي
نعي
لاستشهاد الامام علي الهادي
علي الهادي شكثر مولاي
عانيت شكثر منهم
لگيت اخرهم ابغدرك
مثل اطباع أولهم
لاعندك ذنب مولاي
حتى تعتذر الهم
تحقيق وبحث يردون
تثبت انته موضدهم
يم دارك حرس وانته
كل مره تفهمهم
دارك لللعلم والخير
لاچن ياهو يقنعهم
خافوا ثورة من دارك
تجي يوم وتطشرهم
خافوا من دعائك يوم
ريح ابليل تاخذهم
خافوا من عباداتك
صلاتك دوم ترعبهم
وحدك لاچن يشوفون
دولة انت تحاربهم
مصدر قلق للظلَّام
وجودك مايناسبهم
رادوك شكثر تحتار
يلصبرك محيرهم
يعرفون الغدر بالسم
هاذي دوم لهجتهم
بدايه موتتك صارت
تعبر عن نهايتهم
الشاعر حسن لعيبي الحريشاوي
اجته الزجيه ◾️بدموع العزيه
فاطمه بسامره
🏴🏴🏴🏴🏴🏴🏴🏴🏴
اجت يم الهادي 🏴 فاطمه امه اتنادي
يبني ذاب افادي 🏴اليوم اجت يم داره
مات ابنها الليله 🏴وقررت تمشيله
اليوم نعشه تشيله 🏴والدمع يتجاره
تگله اجيتك ◾️ييمه اعتنيتك
فاطمه بسامره
🏴🏴🏴🏴🏴🏴🏴🏴🏴
والده ولهفانه 🏴والگلب نيرانه
هيجت احزانه 🏴روحتك يالغالي
اليوم رد امصابي 🏴والحزن دگ بابي
واحد امن احبابي 🏴غاب مثل اهلالي
مصيبه جبيره ◾️المشه اعدال عشيره
فاطمه بسامره
🏴🏴🏴🏴🏴🏴🏴🏴🏴
اليوم امام العتره 🏴ميت بسامره
حضرت امه الزهره🏴يلا اطلعو وياها
تصيح وين الشيعه 🏴تحضر لتشييعه
صحنه لامنبيعه 🏴والله ماعفناها
بنداها سمعنه ◾️واجينه بدمعنه
فاطمه بسامره
🏴🏴🏴🏴🏴🏴🏴🏴🏴
اجت كل احبابه🏴اتجمعت يم بابه
علي الهادي امصابه🏴هيجلها احزانها
نار وسط اگلوبها 🏴شيعت محبوبها
جان ضاوي ادروبها 🏴ضيعت عنوانها
يمولاي دخيلك ◾️صعب حيل رحيلك
فاطمه بسامره
🏴🏴🏴🏴🏴🏴🏴🏴🏴
المهدي هاي الليله 🏴بالفرج ندعيله
نصيح كلنه دخيله 🏴ابجاه جده الهادي
ندعي يابارينه 🏴عجل لمهدينه
يرد سالم لينه 🏴الشيعه كلها اتنادي
يجينه ونشوفه ◾️ونقبل جفوفه
فاطمه بسامره
🏴🏴🏴🏴🏴🏴🏴🏴🏴
✍️احمد علي البغدادي
ابوذيه لِلْإِمَامِ عَلِيٍّ الْهَادِي عَلَيْهِ السَّلَامُ
عَلِيّ الْهَادِي يَنَور الْعِلْم ودِين
يشافع يَوْم نَشَر الصُّحُف ودِين
أودَّك سَيِّدِي وَمَوْلاَيَ . ودَّين
لشخصك وانتسابك للزچيه
الشاعر حسن لعيبي الحريشاوي
قصيدة في إستشهاد الإمام علي الهادي عليه السلام
ــــــــــــــــــــــــــــــــــــــــــــــــــــــــــــــــــــــــــــــــ
حِزِن والام ودَمِع سَجّام
على الهادي على الهادي
ــــــــــــــــــــــــــــــــــــــــــــــــــــــــــــ
سَجِين المؤمِن بدِنياه
وهِنيالَه الذي ٱتصَبّر
ولازم ينطِي ويضَحّي
ويِرضَى بكِلشِي ٱمگدّر
ويِتحَمّل مَرَار وجور
ويِثبِت حَتّى لو يِعثَر
وبَس إيمانه وِخلاصَه
يِنِفعه ساعة المَحشَر
نَقيّ الثوب وگع مصيوب
الوحي ينادي على الهادي
ـــــــــــــــــــــــــــــــــــــــــــــــــــــــــــــــ
يا التسأل شنو الصّاير
ولِيشِ الدّنيا حَزنانه
كِلهه تِرتدي الأسود
ونَحيب الوادم أذّانه
بهَاليَوم ٱنفِجَع طٰه
وتنعه فاطمة اويانه
على الهادي حِزَن حيدر
ويِصيح بعَظمَة ٱلسانه
عِجيد الگوم وگع مسموم
الحزن بادي على الهادي
ـــــــــــــــــــــــــــــــــــــــــــــــــــــــــ
عَاش بفَترَة الطّاغِي
وبِالجّور ٱنعِرَف حُكمَه
وكِل مُبغِض لَهَل طه
حاقِد سانِدَه بظُلمَه
وهاَي الحَالة مَعروفة
عَليهَه دِأبَت الأمة
تِحَارِب كِل وَعِي وفكرة
شَرَف ما عِدهَه لا ذِمّة
يرفضونه يغدرونه
الحقد سادي على الهادي
ـــــــــــــــــــــــــــــــــــــــــــــــــــــــ
الله بعونَه مِن عَاصَر
الوَاثِق وبِن هارون
والمِتوكّل وإبنَه
والمُعتَز يِغِدرَه شلون
برَجَب بالثالث ٱيسمّه
ومِن فِعلَه رِجَف هالكون
فِزعَت كِلهه سامَرّا
وچَنهُم بالنّبي ٱيشيعون
النبي المختار يصيح بنار
يأولادي على الهادي
ـــــــــــــــــــــــــــــــــــــــــــــــــــــــــ
مِثِل ما حارُبوا جَدّه
علي حيدر أبو الحسنين
يِطُلبونه ٱبدُر ثارَات
وصِفّين وأُحُد وِحنين
قاطِع دابر النكثوا
واللي مُرقَوا من الدين
هَسّه ٱنعادَت الكرّة
بِالسّم تِنذبح طيبين
السّمَه ٱنفُطرَت بدَمع مُطرَت
ومِلَه الوَادي على الهادي
ـــــــــــــــــــــــــــــــــــــــــــــــــــــــــــ
بعَبرَة ٱجنازته ٱنشالَت
وتشييعه ٱنگلب مأتم
علي الهادي انغِدَر يا حيف
وِصيامه برَجَب ما تَم
صَارت ثلمة بالإسلام
هِتكوا حُرمة المسلم
كِلهه تنادي واويلاه
طاحِ ٱبنِ النبي الأكرم
نَحيب ونوح يِفتّ الروح
على الهادي على الهادي .
ــــــــــــــــــــــــــــــــــــــــــــــــــــ
بقلم الأستاذ / ستار عذاب الحچّامي
فاطمه بهذا اليوم عينوها
تبچي للهادي تنوح واسوها
فاطمه عادت عليها احزانها
ياجروح المايطيب امچانها
مارعت طه النبي عدوانها
ليش كل يوم اليمر ياذوها
ياجرح هذا الابد مو عادي
زاد حزن الزهره چبد الهادي
لأرض سامره اجت وتنادي
يبني چبدي وچبدتك سموها
تنعى وتنوح وتنادي بصوتها
مايدوم الظلم لا طاغوتها
موت ابنها الزهره أصبح موتها
ماكفاهم بالجذع عصروها
العسكري تشوفه ودمعته يزيدها
بياذنب بالسم يموت اوليدها
حالته كل المئاسي تعيدها
اتذكرت والدها من سطروها
انغدر والعالم اتحول كئيب
يشبه حسين البقه بالطف سليب
هالغريب يصير ابن ذاكه الغريب
فاطمه هذا المسه فجعوها
گومو ياعالم نشيل اجنازته
هالغريب ابعيده ناسه وعيلته
بالمدينه اتنطره اهله وشيعته
اجنازة الهادي بعجل شيلوها
الشاعر سيد حسين آل بوصلوات الحسيني
سامرا تبچي بحزن وتنادي
وين اليشيل النعش للهادي
ياشيعة الزهره ومحبيها
تبچي الزچيه من يواسيها
عالهادي ابنها خل نعزيها
منها الحزن لمصيبته بادي
سامرا بيها الحزن متعالي
للهادي سمه بحقده الوالي
ابعيد عن اهله اندفن تالي
ابوادي همه وهوه في وادي
بس الحسن ينعاه بالدمعه
والزهره امه حضرت اتشيعه
اونينك ييمه الگلبي ايگطعه
جرحك چبير وأبد مو عادي
نشيل النعش والدمعه نجريها
للعاشت بهمها وبواچيها
نقسم قسم نبقى نوافيها
مهما الزمان يضدنا ويعادي
مهما الزمان يضدنا والزمره
المهدي نبقى بلهفه ننتظره
نصبر وناخذ صبر من صبره
من عنده اخاذ قوتي وزادي
شعيه ونموت بدربه مانهتم
بس كون منهج حيدره يسلم
برايته باچر لو طلع نلتم
المهدي هوه اليهدي والهادي
الشاعر سيد حسين آل بو صلوات الأشبال الحسيني
عاشر بدر للشيعة غاب
جدد على المهدي المصاب
بثالث رجب سم جرعَّوه
واعليه بجه بحركه الكتاب
.......
سيرة حياته اترجمت ... من اول الاخر عمر
قاضي الحوائج للخلك ... ابكل المصادر ينذكر
ما واحد ابعسره كصد ... للهادي رد ما مبتشر
والسائل البابه حضر ... رد ابعطائته الكثر
ثوب الكرم لايك عليه
ميَّرجع المداله اديه
عامر مضيف ابن الجواد
كل الخلائق تعتنيه
......
القابه كثرة تنذكر ... الهادي النقي والمرتضى
عاش العمر عابد تقي ... تشهد سموات وفضه
تشبه صفاته والده ... ويشبه بعد جده الرضا
ماواحد العلمه وصل... ذاك العصر حد ما مضى
مرجع صبح ذاك الزمان
حل المسائل يمه جان
الهادي مدرسة الأصول
كثرت علومه بكل مكان
......
اتولى الامامه أبمقدرة.... من والده عنه رحل
وهو بعمر تسعه وأقل... من تسعه ابن خير العمل
ذل كل طواغيت العصر... بصبره الصبح مضرب مثل
بيمانه وبعلمه كدر ... يقضي على اعقول الجهل
صغير العمر لكن جبير
الوادم تكصده تستشير
ادره بطرق ارض وسماء
جبريل ينخاه من يحير
......
عاصر الهادي بحقبته .... كثره من حكام الظلم عاش بزمنه كل محن ....كل ظلم من جور الحكم
عشرين عام الي سكن ... سامرا كضاها بهضم
محبوس داره بكل وكت .... من كل زياره منحرم
منعو تزوره شيعته
خلَّص حياته بحجرته
بين العساكر عمره ضاع
مسجون ظل الموتته
........
نحبه قضه الهادي بغدر ... سم الخليفه المعتمد
ما راعه حرمة فاطمه .... خان العهد والمعتقد
باجر حساب الي ظلم .... ال الرسول ابلا عدد
بطلعت المهدي المنتضر .... كل حق لأهل بيته يرُد
باجر المهدي بالظهور
ياخذ أبثارات النحور
ويقيم دولة كلها خير
خاليه من اهل الفجور
........
كلمات
موسى الخادم
#شهادة_الامام_الهادي ع
(على لحن أخي سوف تبكي عليك العيون)
سلامٌ لقلبِ الإمامِ النّقي
سليلِ الهدى سيّدي المُتّقي
سلامٌ عليهِ مدى ما بَقِيتْ
وما الصبحُ والليلُ دهرًا بَقِي
سلامٌ سلامٌ إماميْ النّقي
أرى الكونَ يُكسى بثوبِ العزاءْ
وضجّت بصوتِ العويلِ السماء
على عاشرِ الحُجَجِ الأطيبين
ووارثِ أنوارِ أهلِ الكساءْ
سلامٌ سلامٌ إماميْ النّقي
سلامٌ عليه يواسي الحَسنْ
بسمٍّ فيقضي غريبَ الوطنْ
ألا عظّمَ اللهُ أجرَ ٱبنهِ
وكلُّ العزا للنّبيْ المؤتمن
سلامٌ سلامٌ إماميْ النّقِي
بسِرْ مَن رأى قبرُ هادي الورَى
ودمعٌ من العسكريِّ جرى
ينوحُ وينعى إمامَ التُّقى
ويَروي بليلِ الأسى ما جرى
سلامٌ سلامٌ إماميْ النّقي
لقائمِ آلِ الرّسولِ الأجَلّ
أليمُ العزاءِ بفيضِ المُقلْ
لعينِ الأنامِ إمامِ الزّمانْ
ننادي بشوقِ القلوبِ العجلْ
زينب
اهلا والله ويا حياكم
خدام احنه ونتلگاكم
اهلا زوار ،، اهلا زوار
**
اهلا بالگاصد للهيبه
شفنه الشاب وشفنه الشيبه
كلكم غيره وكلكم طيبه
يا تاج الراس
خدام الكم بس خلونه
زوار الكاظم شرفونه
واحدنه يعزب ابعيونه
يا تاج الراس
مليون اهلا مرحبا يلرايحين الداره
منا لحد باب الصحن علراس يا زواره
بغداد كلهه اتحزمت تستقبل بخطاره
احنه فراش واحنه غطاكم
خدام احنه ونتلگاكم
اهلا زوار ،، اهلا زوار
--------------------------------
خطار الكاظم خطاري
بديواني وما تبرد ناري
مشكور اليوصل لدياري
وانه اتلگاه
امسح تربان البچدامه
والليل اعله ضلوعي ينامه
لو يطلب يامر علهامه
وانه اتلگاه
كل البيوت اتلگتك خدام الك تدرينه
بكل خطوه مأجور ونعم منك يحيل البينه
هاي المواكب والخدم شرفنه مر اعلينه
هنيال الگاع الجواكم
خدام احنه ونتلگاكم
اهلا زوار ،، اهلا زوار
***
واسيتو العتره وكفيتو
للكاظم جيتو اوفيتو
گدام الشامت سويتو
ثورة شجعان
افواج ودخلت ميدانه
صار ازماط واحنه اهنانه
ياهو ايريد ايصير ويانه
ثورة شجعان
مشايه وي هاي الخدم بينو ذوله الشيعه
موسى ابن جعفر للابد زواره و منبيعه
قائدنه يبقى بخدمته وللموت كلنه انطيعه
وياكم للموت وياكم
خدام احنه ونتلگاكم
اهلا زوار ،، اهلا زوار
*
صاحب دار وصاحب ثايه
المر بالموكب يشرب مايه
منكم مشكورين هوايه
يا زود الزود
نورت الديره وما بيهه
يا زاير مشكور اعليهه
جيتك علراس انخليهه
يا زود الزود
كل عام ترجع يا شهم ونصير الك خدامك
مأجور يا عاشگ علي وحسين هوه اسلامك
كل خطوه تتسجل الك هنيال هاي اجدامك
ما تنسونه ولا ننساكم
خدام احنه ونتلگاكم
اهلا زوار ،، اهلا زوار
*
موسى الكاظم لا منعوفه
لا والظلت رايه چفوفه
قائد مو مسجون نشوفه
رمز الاحرار
خله الگيد يبوس بأيده
واقرب صارت كل بعيده
هذا الصوت وكلنه انعيده
رمز الاحرار
مسجون لكن تنسجن خليت كل عدوانك
يا نور من رب العرش معروف واضح شانك
يا بابهم صبح گبر بس انته يا بيبانك
ال البيت انتم نهواكم
خدام احنه ونتلگاكم
اهلا زوار ،، اهلا زوار
كلمات الخادم / رعد الفريجي
لليلة استشهاد الامام الهادي ع
لطميه سريعه
مطروح بفراش الاجل
نــــــــور الهدايه الليله.....
/////////////
مطروح ابن سيد المله
يـقره الحمــد والبسمله
اتشــــــاهد وابنه جبله
يالتحب كـــــوم ارثيله…..
///////////////
اكـتب بكل معنـه الحزن
خل قلمك يخــط ويون
يسولف المئسات ويحن
ديـــــوان اله ســـــــويله…..
///////////////
باب الحـــوائج والكرم
ابـطيحته الدين انهدم
الشيـــــعه تبچيله بألم
كـــل دمعه دم تجريله……
////////////////
دامـــي الگلب لمصابه
ودمعاتي اله ســـچابه
مفجوعه لجله احبابه
فــــدوه العمر نفديله…..
//////////////
سامره صارت مضلمه
من مات سبع الموزمه
والـحسن روحه هايمه
فــراگ الولي هد حيله…..
///////////////
✍ام زين العابدين اللامي
اسالكم الدعاء لي ولوالديه
الفاتحه الى روح والدي،ووالدتي،💔💔💔
رثاء الإمام الكاظم ع السلام
خادمكم عبدالهادي العريفاوي
ياذينه فركاك يابو الجوادين
بلدمعه تنعاك كل الموالين
بس الجره وياك مو مثل الحسين
-------‐-------------------------
صحيح انته بسجن اظلم وعليك الشيعه منتظره
وكضيت سنينك بزنزان وتزورك فاطمه الزهره
بظلام يشوفك السجان ويزهر نورك بقدره
ياكوكب يشع أنوار يسابع نوره بللعتره
ننصب عزه آليوم من هالمصيبه
لكن يمظلوم صبرك عجيبه
بس الجره وياك مو مثل الحسين
----------------‐------------
لعين بفعلته هارون أمامي احشاءه مسمومه
وتكول الموعد الجمعة وعليك الشيعه مالومه
بسلاسل عالجسر مكيود مصابك واضحه اعلومه
ويظل بهل فعل ملعون عليك احقاده مختومه
بكيد السلاسل ظل يجري دمك
وتعاين الحال الزهره أمك
بس الجره وياك مو مثل الحسين
----------------------------------
سجين بديرة البصره وحيد ومحد يشوفك
ملائكة السمه مولاي تجيك وتنزل اطوفك
وتكلك فاطمه الزهره ييمه اني ماعوفك
شجاها الوادم اتضدك نكوره وتدري معروفك
نور النبي شلون نكروا وجودك
صح مايفهمون أشتقره بسجودك
بس الجره وياك مو مثل الحسين
----------------------------------
اقارن بينك ومابين بوصافك ياابن جعفر
بمصاب الطف دريت شلون اليمه صورة المنظر
ابو اليمه عله التربان يويلي وكطعوا المنحر
ودريت بزينب الحره عكب واليها تتيسر
وذيج الضحايا بالغاضريه
عياله سبايا بيد ال أميه
بس الجره وياك مو مثل الحسين
-----------------------------
غريب انته بأرض بغداد لا خوتك ولا اعمام
لعينه كل بني العباس بحقدهم والضغينه شظام
ماعدهم شرف لادين خسروا ملة الاسلام
لان جدك علي الكرار وجفه أمهدم الاصنام
يابا الجوادين ياوسفه مكيود
بس الجره وياك مو مثل الحسين
---------------------------------
طريح نته بجسربغداد وعليك الشيعه مهظومه
ومصاب الطف تعرفه شلون وعندك واضحه اعلومه
دريت بحال ابو السجاد يويلي مسلبه اهدومه
انته اتغسلت مولاي وجدك باقي بالحومه
روس اعله الارماح مرفوعه أيام
حادي السبي راح يم ديرة الشام
بس الجره وياك مو مثل الحسين
-----------------------------
فزاعيه للهادي ع
اليوم عالمسموم
تبجي عيوني
.........
هليت دمع العين
ابجي عله الطيبين
شايل يركن الدين
الزهره تصيح بمجلسه عازوني
.........
ونيت ونه عليه
دمع الحزن اجريه
سم العده ماذيه
يحله ويلوك عليه دك متوني
..........
الكم يهالي الصيت
بونت حزن ونيت
يهل الشيم ناديت
دخيل عدكم بالحشر حضروني
..........
حضرونه يهل الجاه
سجلو الدمع والاه
الهادي مشه وننعاه
انعازي التصيح بموتتك لجموني
...........
انعازي الزجيه اليوم
ونبجي عله المسموم
الهادي رحل مظلوم
ون ويكول اعداي مارحموني
.✍ام زينب كربلاء غير مبري الذمه من ياخذ الكلام وينسبه له او يحذف الاسم
للشتمني وبالحجر ضرباني
الك يا شام الوكت ردّاني
غربه غربه ••• غربه غربه
……………………………………………………………
بس مجرد اسمك ايمثل جرح
انت ليل و ما شفت بيك الصبح
امعيده ناسك عالحسين المنذبح
صرت يا شام الجرح زينب ملح
الك حصة اسد من احزاني
الك يا شام الوكت ردّاني
غربه غربه ••• غربه غربه
……………………………………………………………
برض كلها اشواك مخنوگ الورد
و السنابل صعبه للمنجل ترد
شلون تسكن زينب ابديرة هند
برض شمات و غدر صار اللحد
بلد بي حتى الهوه سفياني
الك يا شام الوكت ردّاني
غربه غربه ••• غربه غربه
……………………………………………………………
شنسه منك يابلد ضيم و قهر
شنسه ماي الحار لو ضرب الحجر
شنسه ذاك السوك من غص ابشر
متنه من المستحه ابكثر النظر
وانا جنت مخدرت خواني
الك يا شام الوكت ردّاني
غربه غربه ••• غربه غربه
……………………………………………………………
انت شام ايزيد ماعندك شرف
امن المراجل والقيم مايك نشف
عالحرم واطفال تجمع بالسلف
البغض حيدر هل كثر بيكم شغف
ابسبنه كل واحد يوصي الثاني
الك يا شام الوكت ردّاني
غربه غربه ••• غربه غربه
……………………………………………………………
ما اريد السوطهم ورّم متن
يحضر ابتشييعي واعليه يمن
كون مثل الزهره بالليل اندفن
ولا يجيني الشامي واعليه يون
عگب عباس اتحضر عدواني
الك يا شام الوكت ردّاني
غربه غربه ••• غربه غربه
……………………………………………………………
مو وحيده وبعد ماخلصو هلي
انا ام واخت كل شيعه علي
صحني باجر بالمواكب يمتلي
بسم الحسين الحناجر تعتلي
افتخر بالشيعي لو زاراني
الك يا شام الوكت ردّاني
غربه غربه ••• غربه غربه
……………………………………………………………
✍️ ( سيد خضر الزاملي )
#شهادة
#قصيدة_عامودية
#الهادي
خُذ دموعي شُعلةَ الضوءِ الحزينِ
واحتسبني مـثـلَ عـبـدٍ تـشـتريني
واسكُبِ الهمَّ المـريرَ اليومَ صبًا
مِن دمائي، وانسُجِ الأحزانَ دِيني
في مصـابٍ صـار مأســاةَ الرزايا
والبُكا قد فاضَ من عينِ السنينِ
قُل هو "الهادي عليٌّ" عاشرٌ، مِن
عـاشـرٍ يـبـكي لمذبـوحِ الـوتيـنِ
كم بـ"سامراءَ" شوقٌ فاطميٌّ
غربةً عن تربِهـا إرثُ الحـنيـنِ
ضيَّقوا في داره سُـكـنـاه حتَّى
قُدوةُ الأحرارِ أمسى كالسجينِ
قيلَ بالرُّمانِ أو بالماءِ شمسٌ
غيِّبت مِن غدرِ "مُعتزٍّ" مَهينِ
مُذ قضى سمًّا وصوتي في عزاهُ
قـد عـلَا بوحًـا بـأنـواعِ الأنـيــنِ
جئتُ أنعاهُ أواسي في انتحابي
أمَّه الزهـراءَ أَي قلـبَ الأميـنِ
داعيًا للثارِ عـجِّـل يا إمـامي
سِر بعونِ اللهِ للنصرِ المُبينِ
✍️قمر حسين
نسألكم الدعاء
لاستشهاد الامام علي الهادي عليه السلام - (عگيلي)
ليش ايامك صارت مره يانور بظلمة سامره
صابر علمايعرف قدرك يلهادي محيَّرهُم صبرك
يانور بظلمة سامره
★★★★★
حنيّت الدار امفارگها دار المختار وطاريها
دار الكرار وطيبتها جبريل الچان ايمر بيها
يم العدوان الماترحم ايامك صارت تاليها
چم شبهه توضحها بعلمك واثار الباطل تمحيها
ال العباس وسطوتهم ماشفت الراحه ابدولتهم
جوراشگد يتحمل صدرك يلهادي محيَّرهُم صبرك
يانور بظلمه سامره
★★★★★
باخلاق وايمان وحكمه للاسلام اتشيَّد دوله
متأكد من ناتج علمك كل صعبات العالم سهله
ياجد المهدي الماتضعف والخط المرسوم تكمله
لهذي الاسباب المذكوره مرت ضدك ابشع حمله
يبن الانوار المظلومه حتما دولتهم مهزومه
مايكبر شان الي ايصغرك يلهادي محيرّهم صبرك
يانور بظلمه سامره
★★★★★
من چم سفياني وعباسي شگد شافت لوعات العتره
رحلات الهم مرت بيهم من اول يوم من الهجره
من دار المختار اولها لحد دار اخرها ابسامره
من بيت المتواضع ركنه ليش الحاكم مهتز قصره
تحقيق وتفتيش ابدارك چم جاسوس أيلم اخبارك
ناكر دينه الراد ينكرك يلهادي محيرّهم صبرك
يانور بظلمه سامره
★★★★★
مصلح الهم چنك عيسى يضيعونك ليش التصلحهم
مكسور الخاطر شاريهم رفضوا خيرك زادوا شرهم
مانصحوا وياك ابلحظه اجاهد كل وكتك تنصحهم
دومك للصح رايد بيهم وحاقد للظلمه ايرجعهم
تعطيل الدين وانواره مقصد هلناس الغداره
وهذا الحال الشاغل فكرك يلهادي محيرّهم صبرك.
يانور بظلمه سامره
★★★★★
للخير اتريد اتوصلهم لكن امر الحاكم يرفض
تبني الانسان وشخصيته لاترفع بيه ناس وتخفض
حيل الظالم زاد بجوره بأحكامه على الوادم يفرض
شنقارن معلومه الحاله بين الي أيضَيَّع واليحفظ
بالسم ياما غدروا مثلك چم معصوم تحارب قبلك
بالسم ينهي الحاكم عمرك يلهادي محيرّهم صبرك.
يانور بظلمه سامره
الشاعر حسن لعيبي الحريشاوي
ياحسين اتوسَّلَك
كون اضل خادم الك
بالمشاعر سيدي حُبك تِجَذَّر
اشما كُبَر عمري العشگ ويَّاي يكبر
(خادِمَك) عنواني أصبح يابو الاكبر
وآنه دنيا وآخره ابعنواني أفخر
إي وحگ الجاعِلَك
كون اضل خادم الك
ابخدمِتَك يابو العلا ويبن الأكارم
أهتدي وبيهه ارتقي بين العوالم
أسأل الله ابحيدره وبالزهره فاطم
لآخر انفاسي أضل يحسين خادم
ياكريم وأسأَلَك
كون اضل خادم الك
مجلسك هُوَّ الدُّوه الروحي العليله
ابدمعي أجبر خاطر الزهره امن اسيله
عالم الخدمه فلا يحصل مثيله
وآني غير الخدمه ماعندي وسيله
يا أَمَل واتأَمَّلَك
كون اضل خادم الك
سَنَد حُبك ياعزيز الزهره ليَّه
سيدي وماينحصي فضلك عليه
ياملاذي ابدنيتي وبالآخريه
كل وكت أطلب رضاك وهاي هيه
مِنَّك ارجي ومن هَلَك
كون اضل خادم الك
يافِرد والكون كله مايِلمَّك
يطمئن گلبي امن اگول احروف إسمك
هذا ذو حَظٍ عظيم اللي يخدمك
ومايخيب الإنته يَمَّه وهُوَّ يَمَّك
واعله كلشي امفَضِّلَك
كون اضل خادم الك.
سيد علي الموسوي
هالليله تبجي البضعه ◾️بسامره طفو شمعه
فوگ الجفن 🏴🏴🏴🏴🏴دمعة حزن
عالهادي عالهادي
🏴🏴🏴🏴🏴🏴🏴🏴🏴🏴🏴🏴🏴
الزهره بدموع الحزن◾️ بسامره هاي الليله
صح هيه مكسورة ضلع◾️بس للابن تمشيله
حضرت لبنها وشافته ◾️ولمن بدت تحجيله
تسولفله عن طف كربله ◾️وحسين من رك حيله
گالتله يوم العاشر ◾️◾️داس اعله صدره الحافر
واعله الوجن 🏴🏴🏴🏴🏴دمعة حزن
عالهادي عالهادي
🏴🏴🏴🏴🏴🏴🏴🏴🏴🏴🏴🏴
يايمه صح مصيبتك ◾️اشگد هيجتلي احساسي
بس من مصيبة كربله ◾️يايمه شيب راسي
من اذكر حسين انذبح ◾️توگف بريتي انفاسي
اشگد ناس عندي بدنيتي ◾️وحسين اعز كل ناسي
والهادي يبجي وياها ◾️◾️وحدها ماخلاها
تبجي وتون 🏴🏴🏴🏴🏴دمعة حزن
عالهادي عالهادي
🏴🏴🏴🏴🏴🏴🏴🏴🏴🏴🏴🏴
ولدي گضو سم وذبح ◾️يبني الحزن يبرالي
موسهله يمي وتحتضر ◾️موتك يعذب حالي
غالي انته يالهادي علي ◾️لا واغله من كل غالي
والنعم يابو العسكري ◾️كلش مقامك عالي
صح فاطمه مكسوره ◾️◾️لكن ابنها اتزوره
زرگة متن 🏴🏴🏴🏴🏴 دمعة حزن
عالهادي عالهادي
🏴🏴🏴🏴🏴🏴🏴🏴🏴🏴🏴🏴
من باوعت للعسكري ◾️شافته يبجي لوحده
حضنته امه فاطمه ◾️ومسحة دمعته بخده
گالتله حگك لوتون ◾️ الوالد يموت بعده
اني شفتها بوالدي ◾️يايمه جانت شده
بس انه مو بس دمعي ◾️◾️يايمه كسرو ضلعي
صاحو و ان🏴🏴🏴🏴🏴دمعة حزن
عالهادي عالهادي
🏴🏴🏴🏴🏴🏴🏴🏴🏴🏴🏴🏴
يوميه اهل بيت النبي ◾️تنطفي منهم شمعه
من حيدره للعسكري ◾️نذرف عليهم دمعه
بس ادخر ربك اسم ◾️وكلش قريبه الطلعه
وهم رجع لينه الناصبي ◾️وعالمهدي گالو بدعه
باجر يجي تشوفونه ◾️◾️تجدح شرار عيونه
ولمن يحن 🏴🏴🏴🏴🏴دمعة حزن
عالهادي عالهادي
🏴🏴🏴🏴🏴🏴🏴🏴🏴🏴🏴🏴
✍️احمد علي البغدادي
قصيدة في شهادة الإمام الهادي عليه السلام .
ـــــــــــــــــــــــــــــــــــــــــــــــــــــــــــــــ
فَاضِ الدّمِع بِينَه لِلحِزِن هَل ٱهلَال
والجَبَل والوَادِي ناحَوا على الهَادِي
وِنمُرَد كِل دَلّال
ـــــــــــــــــــــــــــــــــــــــــــــــــــــــــــــــ
دِنيا وأبَد ما تِنضُمِن مَحّد حِزَرهَه
يِغتَر بَشَرهَه
دَوّارَة لا ما يِستِقِر مَدهَه وجَزِرهَه
يِغتَر بَشَرهَه
دِنية زَوال وفانِيَة ورَايِح أثَرهَه
يِغتَر بَشَرهَه
وهذا البَشَر مِسكِين لَمّن عِقَد آمَال
بِيهَه اليِثِق خَسرَان يِگضِي العُمُر نَدمَان
وِنمُرَد كِل دَلّال
ـــــــــــــــــــــــــــــــــــــــــــــــــــــــــــــــ
عَانَدهَه الهَادِي ومَا رِضَخ مَرّة بحَياتَه
بحِلمَه وأنَاتَه
مَعصوم مِن كِل مَثلَبَة وطِهرَت صِفاتَه
بحِلمَه وأناتَه
صَفحَة مَفاخِر سِيرِتَه وتِشهَد سِمَاتَه
بحِلمَه وأنَاتَه
مَوقِف يِظل للدّوم تِتناقَلَه الأجيال
ما هَادَن الظّلام وِتحَمّل الآلام
وِنمُرَد كِل دَلّال
ـــــــــــــــــــــــــــــــــــــــــــــــــــــــــــــــ
عَاصَر طَواغِيت وشَهَد فَترَة حُكُمهُم
مَعروف إسِمهُم
مِثلِ الوَاثِق والمِتوَكّل جَرّب ظُلُمهُم
مَعروف إسِمهُم
وِالمُجتمَع شافِ المَرَارَات بجُرُمهُم
مَعروف إسِمهُم
دَيدَن بَنِي العَبّاس غَدر وقَتِل ما زَال
سُلطَة حَديد ونَار وِتحَارِب الأحرَار
وِنمُرَد كِل دَلّال
ـــــــــــــــــــــــــــــــــــــــــــــــــــــــــــــــ
عَثرَة بدَرُبهُم أيقِنَوا إبنِ النّجَابَة
وصَاحِب مَهَابَة
ومَخزَن عُلوم المُصطَفى وأولَى بكِتَابَه
وصَاحِب مَهَابَة
ما يِخضَع وِلحَيدَر عَلي هذا ٱنتِسَابَه
وصَاحِب مَهَابَة
صَرخَة إمام الدِّين بوَجِهِ الظّلُم زِلزَال
صَرخَة وَعِي ووجدَان تِقتِلِع كِل طُغيان
وِنمُرَد كِل دَلّال
ـــــــــــــــــــــــــــــــــــــــــــــــــــــــــــــــ
يَومِ المُصايِب والألَم لَاحَت غُيومَه
وبَيَّن قُدومَه
والهَادِي وِبهَجمَة غَدُر هِجمَت خُصومَه
وبَيّن قُدومَه
وظَلّ الحَقود الطّاغية ٱيدوف بسُمومَه
وبَيّن قُدومَه
طَاحِ الوَتَد مَسموم وِبتِشرَت الأنذَال
لِبنِ النّبي المُختار كِل گلُب يِلهَب نَار
وِنمُرَد كِل دَلّال
ـــــــــــــــــــــــــــــــــــــــــــــــــــــــــــــــ
مِن طاحِ إبن طٰه ٱنصِدَع صَرحِ الوِلايَة
تنوحِ الهِدايَة
بِالقُرآنِ ٱتنوحِ السّوَر آية على آية
تنوحِ الهِدايَة
حَتّى المَلائِك تِنحَب لهَاي الرّزايا
تنوحِ الهِدايَة
ودَمعِ المُحِب هَاليَوم فوگِ الوَجِن سَيّال
مَسموم إبن حَيدَر وَجهِ السّمَا ٱتغَيّر
وِنمُرَد كِل دَلّال
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
اليوم بـــت طــــه النــبــــي مـهــمــومــه
حـــــضرت الهادي تــداوي سمومه
🏴🏴🏴🏴🏴🏴🏴🏴🏴🏴🏴🏴🏴
اليوم بت طه النبي بنوح وحزن
على مصاب الهادي تصيح وتون
ماغمض منها ولا ساعه الجفن
مثل لچمات الظلع ملچومه
🏴🏴🏴🏴🏴🏴🏴🏴🏴🏴🏴🏴🏴
ينتهي عــــــندي جرح يبدي جرح
خلصو ولدي چتل سم وذبح
ابني نوره يشبه انوار الصبح
ويشبه إهلال الفلك ونـــــــجومه
🏴🏴🏴🏴🏴🏴🏴🏴🏴🏴🏴🏴🏴
ابني ماهم بالـــــسجن لاغربته
الهادي يهدي الناس بس بنضرته
خسة المتوكل اللي سمته
وصفت منه شيعته محرومه
🏴🏴🏴🏴🏴🏴🏴🏴🏴🏴🏴🏴🏴
عوفو كســــر الظلع ماهم بالظلع
حال ابني يختلف عن كل وظع
يالتشوف النعش هل خلفه الدمع
ويالدگ صدره ويون مالومه
🏴🏴🏴🏴🏴🏴🏴🏴🏴🏴🏴🏴🏴
شيعتچ يافاطمه توفي العهد
بينا جرحچ باقي يسعر مابرد
نبچي ونواسيچ لمــصاب الولد
چم ولد فگديتي يامظــــلومه
🏴🏴🏴🏴🏴🏴🏴🏴🏴🏴🏴🏴🏴
مارتاحيتي يبت سيد الملاء
بكل كتر دمعات منچ هامله
ساعة في سامرا ساعة بكربله
اطفال عندچ بالنبل مفطومه
🏴🏴🏴🏴🏴🏴🏴🏴🏴🏴🏴🏴
روحي للطف شوفي زينب والحرم
ظلن ابلا والي ماعدهن خيم
لاسلم واليها لا كافل ســـــــــلم
من بعد عزها اصبحت مشتومه
🏴🏴🏴🏴🏴🏴🏴🏴🏴🏴🏴🏴🏴
عايشه همــــــــوم بحياتچ والگبر
قصتچ صارت بدايتها العصر
كسر ظلعچ اشد لو سيف الشمر
لو اظلوع حسينچ المهشـــــومه
🏴🏴🏴🏴🏴🏴🏴🏴🏴🏴🏴🏴🏴
الخادم سيد حسين آل بوصلوات الحسيني
موشح نجفي استشهاد الامام الهادي ع
الـــيمـوت وماتجــي ناسة وهلة
يخضر بنص روحه مغرب كربلة
**
الليلة هــاي الليلة شــعضم نوحهه
على الهادي الدنيا طلعت روحهه
اليوم حته الزهرة تبجي جروحهه
لئـن شافـت جـبده بلـــسم أنملة
**
بقه الهادي الوحدة ساعة مصرعة
يـنـتــظر ناســة التـجــيه بمدمعة
ايـريـــد احـبابه التـــــمر وتودعة
وعلى الميت هاي أصعب مرحلة
**
مات وبنص گلبة لوعات الطفوف
يبجي عالعباس مگطوع الجفوف
يوم شاف حسين وحده بنص ألوف
شهگ شـهگة مــوت كلش قاتلة
**
عاش غـربة ومات بالغــربة الامام
اليوم حته ام عون تبجي والخيام
لئـن بـعــهد النــبي صـــار الخصام
نـسل احــمـــد مايــضل تتخايلة
**
اليوم ياشيعة علي نبجي ونصيح
وكــون كـل عـــيــــونه بابه تطيح
نبجي عالهادي وننوح اعله الذبيح
ونذكر اعله الـهزلة ذيج البسملة
**
✍️✍️
كلمات /الخادم محمد البنداوي
عالراس شالت گبتك سامراء
صرتلها تاج ولبستــك سامراء
،،،،،،
گبَتك للعرش يصعد نورهــــا
انته للامه صرت دســــتورها
قست وياك الاعادي بجــورها
بحر صبرك زاد كل بحـورها
تشبه الجنه حضرتك سامراء
صرتلها تاج ولبستــك سامراء
،،،،،،،
اليله يالهادي بدمع نادينـه
وجرحك بنص الگلب ياذيـنه
نواسي امك فاطمه تعنيـنه
شگد شباب الگبتك ضحينـه
تاج الخلود وشالتــك سامراء
صرتلها تاج ولبستــك سامراء
،،،،،،،،،
امك الزهره تهل عيناهــــا
شاب محسنها اجه وياهـــا
شابگ امه ويبچي وي مبچها
گوم يابو العسكري تلگلــها
تعنّت الزهره جدتــك سامراء
صرتلها تاج ولبستــك سامراء
،،،،،،،،
بگبتك حتى الذهب هم يختلـف
شايل حساس الورد كلش ترف
يبچي وي البيرغ شماضل يرف
چن ذهب گبة ابو الفيره الكلف
إلذهب ينعه مصيبتك. سامراء
صرتلها تاج ولبستــك سامراء
،،،،،،،،
الحچه حاضر يبچي وي مبچانـه
مانشوفه بس نحس ويانــــــه
ينحب اوسط الگلب نيرانـــــه
بجاهك ايعجل فرچ مولانـــــه
تفتخر شالت رايتـــك سامراء
صرتلها تاج ولبستــك سامراء
،،،،،،،،
يالچنت تعشگ تزور حسينك
وجرح يكبر سيدي بنص عينك
دوم تلطم للگمر چفيــــــــــــنك
والله يابو العسكري الله يعينك
صح تربه لكن شبگتك سامراء
صرتلها تاج ولبستــك سامراء
،،،،،،،
غتالك المعتز وسف بالحيله
وسمه گطع چبــــدتك ياويله
نشال نعشك والشمس تبچيله
العسكري للباري ضل يشكيله
وستقبلتها جنـــــازتك سامراء
صرتلها تاج ولبستــك سامراء
،،،،،،،،،
لخادم العسكريين ع
محمد الفــــهداوي
ياعلي وشچم علي ايغدرونه
وهذا اخرهم علي يسمونه
ــــــــــــــــــــــــــــــــــــــ
علي بالمحراب فاضت شيبته
والشقي نصين شك اعمامته
وابشهر رمضان هتكو حركته
ساجد الباريه وايطبرونه
ــــــــــــــــــــــــــــــــــــــ
وعلي الثاني چان حاضر كربله
وچتفو ايده ورگبته بسلسله
چتلو احبابه الشمر وي حرمله
وتارس تراب البقيع اعيونه
ــــــــــــــــــــــــــــــــــــــ
وعلي الثالث ذاك محبوب الخدم
والـمهيّج للبكاء وللالم
سممو چبده وبقه ابطوس العجم
گبره جنه الشيعته ايوصفونه
ــــــــــــــــــــــــــــــــــــــ
وعلي الرابع هذا هادينه النقي
بدر ضاوي وعلى العالم مرتقي
روحه شبت نار من سم الشقي
والحسن شـال النعش بمتونه
ــــــــــــــــــــــــــــــــــــــ
شگله ثوبه العسكري وحاسر طلع
بس على المذبوح ماواحد فزع
عالرمح راس ابو السجّاد انرفع
وبالحجاره ظلّو يضربونه
ــــــــــــــــــــــــــــــــــــــ
شالو الهادي هله واعياله
احسين محّد غسله ولاشاله
دنت انفسهم الهاي الحاله
رجعو اعله الخنصر ايگطعونه
ــــــــــــــــــــــــــــــــــــــ
آه يالزهره الزچيه ام الحسن
اليوم احضري الكربله وجيبي چفن
ولـملمي اضلوع ابنچ اليتطشرن
وروحي للهادي واسألي اشلونه
محمد الجماسي
#اللهم_عجل_لوليك_الفرج
زياره عالميه
عراق الكاظميه
عراق بأسم الحسين
عراق الكاظميه
***
ملايين ،، مجانيين ،، مواليين ،، أجو
مسافات ،، سماوات ،، محيطات ،، مشو
الانس والجان سكان الكواكب
بسماء السابعه أنصبت مواكب
وصل هذا الخبر مسموم راهب
اجت تمشي القدر وي الرغائب
المشي بأجواء قدسيه زياره
بأمر ذات الالهيه زياره
الزياره تصير كونيه زياره
الى الارض العراقيه زياره
بجباه أحمديه
عراق الكاظميه
عراق بأسم الحسين
عراق الكاظميه
**
مشي اليوم ،، يمسموم ،، والنجوم ، هون
على الطاح ،، الگمر صاح ،، والالواح ،، بچن
سيول الناس من كل الطوائف
سوالف شوگ يا محلى السوالف
بشعائرنا انتوحد ما نخالف
وصل مد البشر والسيل جارف
عجيب المنظر وأعجب مشينه
نحس بالراحه ما نتعب مشينه
الارض شيعية والكوكب مشينه
عباده والشكر للرب مشينه
عبرنه الابجديه
عراق الكاظميه
عراق بأسم الحسين
عراق الكاظميه
****
مشيناااه ،، لگيناااااه ،، عرفناه ، صدگ
نبض صار ،، وطن دار ،، يزواااار ، عشگ
رساله وتنكتب بيهه مشاعر
الورد فد يوم يحكم علخناجر
لنهج موسى ابن جعفر هل مناصر ؟
نرد لله ونعوف الكبائر
مشي استغفار للحضره وصلنه
بعلي ويا فاطمه الزهره وصلنه
دخيل عمامته الخضره وصلنه
يباب الحاجه للفقره وصلنه
يعشگ الجعفريه
عراق الكاظميه
عراق بأسم الحسين
عراق الكاظميه
*
المرض طاب ،، بالأعتاب ،، ولا خاب ، بشر
يمد أيد ،، للبعيد ،، شنو تريد ،، حضر
وصلنه الحضرتك يا راهب الدين
ما نتعب لون نمشيلك سنين
نشم بيك الكفيل وعطر الحسين
بس انته الاسم ماكو عناوين
صدگ مسجون بس انته مناره
السجن بعدين حولته مناره
يدين بصبر أسسته مناره
مثل ما رادك وردته مناره
للشيعه هويه
عراق الكاظميه
عراق بأسم الحسين
عراق الكاظميه
*
مشه الساق ،، والاحداق ،، بالعراق ،، سوى
نصل ليه ،، نحاچيه ،، نحس بيه ،، دوى
بعلي ويحسين مرفوعه الايادي
اللهي بفاطمه أتسلم بلادي
تعبنه من الفساد من الاعادي
نريد المهدي والامر السيادي
نعيش بلا ظلم كلنه دعينه
يصير المهدي قائدنه دعينه
الدموع ولا تمر خدنه دعينه
يجينه وچنه والدنه دعينه
قياده مهدويه
عراق الكاظميه
عراق بأسم الحسين
عراق الكاظميه
كلمات الخادم / رعد الفريجي
قصيدة ( الرساله )
--------------------------------------
خلوهه ترتاح
مو كافي الارماح
بعض الكلام الينكتب لم عون ذباح
-------------------------------------
هاي الخدر هاي
فوگ الحچي هواي
لا تختصر طف بمتن
لا جربه لا ماي
لتخلي زينب بس دمع زينب قياده
طبت قصرهم واحترگ ذرت رماده
اكتب كفيله وسيده اكتب شهاده
قدمت لحسين النصر بالطف جواده
غير اخت الحسين
ليث الميادين
زينب علم من يرتفع توگع سلاطين
----------------------------------------
من تكتب أم عون
تتوضى العيون
كل القداسه بهالأسم
يخشاهه فرعون
يمهدمه عرش الناصبي وگالو سبيه
كد كيدك بذاك القصر مشروع آميه
ما تمحي ذكر المنتصر والرافضيه
زينب ابد ما تنكسر اي هاشميه
يا متن يا سوط
تكتبهه مشروط
وحدهه تكتبهه بسطر وتشيل الخطوط
---------------------------------------
هاي اخت الارجال
كافلهه خيال
الجرت حكمهم هم تظن
جروهه بحبال ؟
يا ثوب هذا ويا هوى شنهل الصلافه
ادري انته شاعر لو سهم عصر الخلافه
غير انته خادم ما ألك حق اتعافى
وي سيدك چنك ردت هسه اتجافى
لحسين شتگول ؟
مو انته مسؤول
احترم صاحب نعمتك لا منك تزول
------------------------------------------
توصفهه بس بيش ؟
يا شمر يا جيش
هيه بثگل حيدر علي
وهمه الصفو ريش
زينب ثبات المرتضى بساحة قتاله
بچفوفهه حسين انرفع چانت رساله
قدمت قربان ونحر لله تعالى
ان كان يرضيك فخذ حتى الثكالى
خذ هاي الانفاس
يا خالق الناس
يمضوي دنيا وآخره بعيون عباس
------------------------------------------
لا تشمر أسهام
وتخوف الايتام
مو خاف باچر تنحسب
حارگ للخيام
ما بيه مجال الكل خطأ نصك أمانه
بس للذوات الطاهره توجد حصانه
نوعيه رايد منبر حسين ورصانه
لتبدل الثوره بشعر ذله ومهانه
للذله هيهات
وحسين ما مات
للمهدي تبقى وترتفع لله رايات
كلمات الخادم / رعد الفريجي
1 / رجب / 1445
ثوابها الى روح والدتي
أفـكـر بالجرالـه وتجـري الدموع
گـلبـهـم دوم آل البـيت مفـجوع
أعزيمن أواسيمن على الهادي
=========================
سلام الله.. يهل وادم.. الواله الهادي هنياله
لـعـنة الله.. على كلمن.. أذّه المصـطفى وآله
يـبـن الجواد اويـاك ... دنـيـا وآخــره
بهل مجلس اترجاك ... المهدي انصره
چم جرح بجرح طاعنته الايام
مسجونه الـترافـه بـأيـد ظِـلام
أناديمن أواسيمن على الهادي
=========================
گضه عمره.. بقـهر وآلام.. والأصعب وضع أمته
حِـزَم أمـره.. الإله الكون.. ظلمهم فسره صمته
دولـة كـفـر وارهاب ... عاشرها النقي
منـهم گلبنا انـصاب ... مـابيهم تـقـي
مصباح الهداية اتعدمه الاوهام
إسـلام ادّعـوا لـٰكــنــهــم أصنام
أداويمن أواسيمن على الهادي
=========================
حِزن روحه.. وضح دومه.. ألـطـف عـايـش بـروحـه
كـثـر نوحـه.. على حسينه.. وعلى البالشام مجروحه
من سوط آميه انهار ... عمته امـروّعه
والـمـالـه كــل أنـصار ... صعبه الفاجعه
كـل يـوم الـيـمر تتعالـه الاصـوات
بخياله حسين مات وصاح مامات
أحاچيمن أواسيمن على الهادي
=========================
رجب من هل.. عليه وجّــه.. وجهه الصوب ابو اليمه
نِـدب مـا مـل.. أيّــا جــداه.. وابـو الغيره حـضر يـمه
واتـعـالت الآهــات ... ون حتى الصخر
واتـلاگـن الدمعات ... يجرن چن نـهر
ياثـار الـطـفـل واتـــذكــروا آه
فـاطـم يـوم نـادت وآ حسينآه
أناجيمن أواسيمن على الهادي
=========================
علـى جـده.. أبو صالح.. يسوي الليله لطمية
الحزن هده.. يـذكـرنه.. بمجالسنه الحسينية
مـن عالم الأمكان ... الحد سابع سمه
ضجة بني عدنان ... مصيبة مـؤلـمـه
گـلب العسكري يـا وادم انصاب
مـن ذاك الجرح لـليوم مـا طاب
أهديمن أواسيمن على الهادي
=========================
15/1/2024 يوم الاثنين
3/رجب الأصب 1445 هــ
الشاعر الميرزا محمد الساعدي
للأستماع للحن القصيدة ((أضغط هنااا))
شهادة الإمام الهادي
عليه الصَّلاةُ والسَّلام ١٤٤٥ هـ
يا للمصيبةِ يا للمحنةِ الكبرى
يا عظمَ نائبةٍ في أرضِ سامرا
إنَّ النقيَّ قضَى بالسمِّ مُضطَهَدا
مِن أمرِ معتَمَدٍ مُتَعمِّداً شَرا
عَقُّوا بذا رَحِماً مِن وِلْدِ عَمِّهِمُ
يا بئسَ مِن رَحِمٍ ما راعَوا البِر ّا
غالُوا الإمامَ الَّذي الأملاكُ خاضِعةٌ
لهُ فَلا أحَدٌ يَعصي لهُ أمْرا
هل كانَ الّا وَليّاً للِأنامِ بِهِم
بَر ّاً رحيماَ وَيُجْلي عنهُمُ الضُّر ّا
وإنـَّما حَسَداً مِن عندِ أنـْفُسِهِم
لِما حوَى العِلمَ في مَكنونِهِ بَحرا
والعَسكريُّ عَليهِ دائبٌ حَزِنٌ
يَبكي عليهِ ويُجري أدمُعاً حُمْرا
وارَوهُ في اللَّحدِ والآلافُ قد حضَرَت
لِكَي تُشَيِّعَ نَجلَ البَضعةِ الزَّهرا
حينَ الخُروجِ بهِ إذْ صوتُ جاريةٍ
يا يومَ الاثْنينِ كَم جَرَّعـْتَنا مُر ّا
فرَدَّها والدُ المهديِّ مُكرَمةً
بِذاكَ يحفظ لِلمَحزونةِ السـِّترا
لَهْفي على السـًِبطِ في بَرِّ الطـُّفوفِ لُقىً
والخَيلُ جَالَت عليهِ تَهشِمُ الصـَّدرا
نِساؤهُ أُبرِزَت مِن خِدرِها ولَقَد
ساروا بِهِنَّ لِقَصرِ ابنِ الخَنا قَسرا
هلْ مُسلِمٌ نادَتِ الحَوراءُ باكِيةً
لِكَي يُهَيِّئَ لِابنِ المُصطفى قَبْرا
يا حُجَّةَ الله ِعجِّلْ كَم غدَا لَكُمُ
عندَ الَّذينَ سَعَوا في ظُلْمِكُم ثَأرا
جَرِّد حُسامَكَ قاتِلْهُم ولا تدَعَنْ
مِن جَمْعِهِم أحَداً أجْرِ الدِّما نَهرا
فإنْ تَدَعـْهُمْ يُضِلُّوا المُسلِمينَ إذَن
فلا ترَى غَيرَ مَن يَسـْتَمْرِئُ الكُفرا
صلّى الإلهُ على الهادي وعِترَتِهِ
عِدادَ ما غَيرُهُ لا يُحسِنُ الحَصـْرا
أبو عباس
إبراهيم غلوم لاري
الأحد ٢ رجب ١٤٤٥ هـ
الموافق ١٤ يناير ٢٠٢٤م
☘لاستشهاد الامام الكاظم ع☘
الوزن //الشموسي
وين اسد بغداد ادور والگلب هايم
گالوا الجثه بسلاسل علجسر نایم
✨❃❥❍✨❍❥❃ ✨.❃❥❍
ازرك من السم جبينه
ومحد ايشيله
لا اهل لاكو گرابه لامداليله
وين ابو محمد يدفنه اترابه ويهيله
بالتمر مسموم ويلي يفطر الصايم
✍☘ام فراس الساعدي ☘
✨❃❥❍✨❍❥❃ ✨.❃❥❍
ويلي ابويه اشلون حامل سنسله ثجيله
طبعت ابمتنه السلاسل وهدمت حيله
كل ظلم شاف واذيه لربه يشكيله
هز مصابه العرش كله حلو الجهايم
✍ام اسعد الشمري
✨❃❥❍✨❍❥❃ ✨.❃❥❍
وسفه بين اعداه ابونه يگضي ياعمره
بلگلب جمرةمصابه تبقى مستعره
روحي تشفه من ألمها لو تشم عطره
اشكي عاللي فارگانه الواحد الدايم
✍️ام محمد تقي الموسوي
✨❃❥❍✨❍❥❃ ✨.❃❥❍
بالتمر مسموم وسفه سابع اليمه
لا عمام ولاعشيره بس عده يمه
بالمنيه كون آخر لحضه واشتمه
بالسجن أيامه خلص للصلاه قايم
✍️ام صادق المنصوري
✨❃❥❍✨❍❥❃ ✨.❃❥❍
وسفه الكاظم ابسجنه والچبد مسموم
راحل وبعده بشبابه امگيد ومهموم
تبجي الـــزهره عله ابنها كاظـــم المظلوم
شاف انواع الماسي وضيم وهضايم
✍🏻الشاعره عاشقة كربلاء الطف ام محمد آل درويش
✨❃❥❍✨❍❥❃ ✨.❃❥❍
تمت باقلام شاعرات رابطة خادمات سيد الشهداء "ع"