7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#جديد_حصريآ
قصيدة للأمام الباقر ع
{{ الشيعه اليوم }}
الشيعه اليوم للباقـر يـونـون
يستاهل بچينه ونعمي العيون
•───✧◐◐✧───•
حزنانين لمصابـه ونجـر ونــه
وينوح السلف لمصاب سيدنه
مسموم وعليه تكثر نـوائحنـه
[ الباقر يومه ماننساه ]
•───✧◐◐✧───•
ماننساه ويومه يوجع احبـابــه
والشيعي ينوح ويبچي لمصابه
هذا المات بالطف ويه اصحابه
[ ماننساه الطف واهاااتـه ]
•───✧◐◐✧───•
اتجدد كل مصاب الباقر اليلـه
مسموم ويون مهدوم كل حيله
الما ون اعله جده اليوم ونيلـه
[ لطمه وهوسات انسويله ]
•───✧◐◐✧───•
ننصب مآتمه وننصبله القرايـه
ونذكر محنته بطف كربله هوايه
ماننساه كتب تاريخ وحجايــه
[ صوره من الطف كاتب بيده ]
•───✧◐◐✧───•
حز بينه مصابه وماخذ الحيـل
وسفه اعليه تالي بمكبره يشيـل
ومهدوم الكبر مو بس هدم حيل
[ كبره وي الكاع مساوينه ]
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
نعي عن استشهاد الامام الباقر (عليه السلام )
**
بداية عمرك بطف تبدي واويلاه
طفل وگبال عينك شفت ما شفته
العاشر مر عليك شلون يا مولاي
يا سيدي الباقر تذبح السكته
شفت بعيونك الاكبر زغر بسيوف
وعليه ارماح چلت فوگ خاصرته
مر بيك الكفيل الراح بس من راح
كسر ظهر الحسين وگلب عايلته
حالك حال سكنه الواعداهه ومات
وظلت واگفه ويرجع امناطرته
شفت وداع زينب للحسين شلون
باخر لحظه چانت حيل شابگته ؟
سمعت اضلوع تتكسر بعيد هناك ؟
شفت حسين خيل وناس ساحگته ؟
دورت اعله خنصر من اديه مبتور ؟
ولو هيه السيوف بعيد ناثرته
حسين شلون حاله وهالسؤال أجزيه
مولاي احچي بله شلون حال اخته ؟
زينب شنهي ركضت طاحت اعللگاع
راحت يم اخوهه وعون عابرته ؟
ما لحگت تنوح گباله وتحاچيه
لان بالحجر هاي الناس دافنته
اه يا حزن زينب يا جرح عاشور
مو وكته العمر بس الحزن وكته
يا درب السبايا ويا ونين الشام
ويا گلبك الدامي وموت سالفته
كلمات الخادم / رعد الفريجي
استشهاد الامام الباقر ع
عشر اخيول والله موقليله
داسن صدر ابو اليمه ودليله
اعاين عله جدي وتهمل العين
بالحافر تهشم صدر الحسين
......................
عمري ازغِير جان ودمعتي بخدي
كدامي الشمر يرفس صدر جدي
الباقر انه احسن رفسته بجبدي
ياهلناس ضل بيه الألم يحدي
انه المفجوع وانه بذاكه عمري
ومن اشهك نفس يوجعني صدري
صارت راحتي امن الدنيا الونين
بالحافر تهشم صدر الحسين
...................
يريد ايكوم بس اجدامه متعينه
ضل مكسور ضهره وعينه لسكينه
بحجر صابو اجبينه ودم ترس عينه
اباب الخيمه اني واسمع اونينه
ينهض بس يطيح وعينه حمره
بده دمه يوشل كطره كطره
اجروحه هواي لاواحد وله ثنين
بالحافر تهشم صدر الحسين
.....................
اعاين عله جدي وشفت بس رسمه
مغطيته السهام النامت بجسمه
ثنعش طبره انطبر نحره ويصب دمه
وابو فاظل هذيج الساعه مو يمه
الشمر حز نحره ويصيح عليه
هذا حسينكم راسه ابأديه
هسه اعليكم احركهه الصواوين
بالحافر تهشم صدر الحسين
......................
شسولف عنه يوم العاشر وضيمه
طحنه بناس ماعدهم ابد شيمه
عله روس الهواشم حركو الخيمه
زغار كبار طشت كلهه بالهيمه
المالايحته نار بجدمه جمره
ركضنه بخوف وبكل خطوه عثره
ألم وياي عاش بكل السنين
بالحافر تهشم صدر الحسين
....................
الهسه بعيني ركضت عمتي عالتله
مره وتركض كبال الزلم موسهله
زينب عمتي هاي ام الخدر كله
سبوهه وشتموهه وصعدت الهزله
تمشي الناكه بيهه وهيه تنحب
اديهه مكيده وتطيح زينب
جبيره والعمر يتعده خمسين
بالحافر تهشم صدر الحسين
.....................
عايش اني واتنفس حزن عاشور
اجاني الموت شاف بروحي طف ايدور
عله حسين ومصابه جم كسر مكسور
اودع الدنيه والسم بدليلي ايفور
انه المسموم جبدي وحيلي ذايب
هواي ملوع بنوم الخرايب
اضل بهذا حزني ونوحي كل حين
بالحافر تهشم صدر الحسين
محمد هادي العقابي
انه المتت بالدنيه مرتين
وانه الشلت بعيوني جرحين
الباطف متت مهموم - هسه متت مسموم
،،،،،،،،،،،،،،
مايهده كَلبه وعينه ابد ماتكَدر تنام
المن زغره عايش كربله وجروح الخيام
انه الشفت جدي الحسين مترس سهام
سم الجبد أهون تره من الجمت الشام
منكم منو يهل الحميه
بين الزلم عمته سبيه
والله الكَلب مالوم - هسه متت مسموم
،،،،،،،،،،،،،
الباقر انه و بالحزن دم كَلبي محروكَ
والهسه صدري من المخيم بعده مخنوكَ
مايعرف الفركَه تره الماصاعد النوكَ
ومايعرف الزحمه شني الماداخل بسوكَ
عمتي اسيره وتسمع الناس
طلعت اخيتك ها يعباس
بس انه روحي تلوم - هسه متت مسموم
،،،،،،،،،،،،،،
مسموم جبدي وعالوساده تلوج ناري
بس جدي ثلث ايام نايم بالصحاري
مسلوب ثوبه وعالوطيه ينام عاري
والخيل تسحكَ فوكَ صدره بالضهاري
ماشيف انه بعمري والله
بالخيل سحكَو نعمت الله
وبجسمه ماكو اهدوم - هسه متت مسموم
،،،،،،،،،،،،،،،،
جرح الجبد بالله سهل والذكره صعبه
حين الشفت جدي عله التربان كَلبه
وبيد الكفر راسه تره مسوينه العبه
ومن واحد الواحد يهل وادم يذبه
صح انه هسه السم كتلني
لا منذبح لا حد سحكَني
بس الدمع مرسوم - هسه متت مسموم
،،،،،،،،،،،،،،،،،،،
حسره بدليلي امن الخيم هاكَد جبيره
حسرت طفل ضامي جوت نحره الضهيره
حسرت سبيه ابجف نذل ماعنده غيره
حسرت ملك جسمه تره انشال بحصيره
اتذكر سبيه اتكَوم واتطيح
يالباقر اشهد اسمع اتصيح
وانه عشت محروم - هسه متت مسموم
ابوفايز الرافضي
الباقر خلص عمره قهر
جاباهه ضيم امن النحر
يا راحه يلكاهه ابكبرته
الذبحوله من زغره فرحته
......
خلصت حياته بالقهر واللوعه والاه
من يومه عاش اويه الحزن والدمعه ترعاه
المسبية عمته ابكربله يا فرحه تدناه
راسه يشيب من الوجع ومن المعاناه
الشاهد حرك ذيج العبي
كل يوم يطلع للسبي
امن ابعيد مسموعه عبرته
الذبحوله من زغره فرحته
.......
مات وأثر حبل السبي بجفوفه موجود
يا كبر جرحه الماشفه للصابه عامود
ليله ونهاره يبجي دم الكطع الازنود
مات ويسولف عالكمر واليمنه والجود
عالمشرعه طاح الكمر
الباقر بحزنه كبر
عاليمنه واليسره حسرته
الذبحوله من صغره فرحته
......
مسموم ويصيح العطش مرَّد جبدته
جدي الحسين ابيا ذنب حزو ركبته
اشكد مرت اسنين وبعد يذكر ذبحته
والهل السبب ما ليله مرت بي فرحته
الميتله جد شابع ذبح
اجروحه تكعده امن الصبح
ما تنتهي وتخلص محنته
الذبحوله من زغره فرحته
........
يا ليلة الحادي عشر مصعبهه ليله
يحجيهه من كلبه انسبت بيهه العقيله
لا اخو الظل عده و كفيل التشتكيله
اه يا مصايب كربله الهدتله حيله
جم منظر الشاهد صعب
العماته نامن عالترب
بالعاشر انباكت ضحكته
الذبحوله من زغره فرحته
.......
هاليوم ودع دنيته باقر علومه
والصادق ابحركة كلب شيع ارسومه
وين اليواسي ابلطمته هاليوم يومه
اليكسر على الباقر ظلع محد يلومه
وين اليواسي فاطمه
وين الجفوف اللاطمه
عالباقر السمو جبدته
الذبحوله من زغره فرحته
.......
كلمات
موسى الخادم
استشهاد الامام الباقر ع
…………………………………………………………….
الباقر عمره بس لوعه . ابد ما نشفت دموعه
عمر حزنان •• على العطشان
ابد ما نشفت دموعه
……………………………………………………………
ازغير وشاف جيش الماخلص حده
اسيوف اتحاشمت تگطع نحره جده
ومثل جده العطش هم يحرگ ابجبده
ناطر عمه بس ما حصلت الرده
شاف الطفل وانياحه . سگاه ابسهم ذبّاحه
صُبح ذبلان •• على العطشان
ابد ما نشفت ادموعه
……………………………………………………………
هم استقبل الميمون رد خالي
هم نشداه وين احسينه الوالي
شويه وشاف راس وبالرمح عالي
ادموع الراس لجل العايله اتلالي
يذكر كل مسه وصبحه . جده امن الگفه ذبحه
ابوسط تربان •• على العطشان
ابد ما نشفت ادموعه
…………………………………………………………….
شاف الاعوجيه وبالعدد عشره
اعل جده ادوس طبكت صدره وي ظهره
جثه وبالحوافر صفت مطّشره
سمع آهات تطلع من وسط نحره
وعينه الحافر اتصده . بي وصله الگلب جده
بگه عريان •• على العطشان
ابد ما نشفت دموعه
…………… ..……………………………………………
ابد ما ينسه نار الحركت اخيامه
يشرد منها يلگه اسياط جدامه
منّه السوط اطول يوصل الهامه
ابجمر وبشوچ حمره امجرّحه اجدامه
ما يبچي اعل ضرباته . ينوح الحال عمّاته
دمعهن بان •• على العطشان
ابد ما نشفت دموعه
…………………………………………………………..
ابو الصادق يخلّص بالقهر ليله
تفيض اوسادته من دمع اليسيله
يذكر عمّته الصعدت على اهزيله
من كثر السياط المتن بي ميله
ابنص السوگ محتاره . اعليها ايگاطف احجاره
ضعن حيران •• على العطشان
ابد ما نشفت دموعه
……………………………………………………………
الباقر واعل ابوه ظل منكسر گلبه
السبي والمرض حيل امغيره و متعبه
ابرگبته الجامعه امن احديد و تعذبه
حمر مو خضر منها اهدومه منگلبه
نحل من السبي جسمه . الشام ابوالده اتشتمه
ويشب نيران •• على العطشان
ابد ما نشفت دموعه
……………………………………………………… ....
✍️ ( سيد خضر الزاملي )
{ *نزله لهلال شهر المحرم*}
*تُقرأ محل المربوعه باللطم*
{١٧}
*طور : ياطير خبر النبي*
*ملا باسم الكربلائي*
https://youtu.be/8h1z7qNkdr0
••••••••••••••••••••••••••••••••••••••••••
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
مِن لِفه اهلال الفاجعه .. والمهدي ماله مُستقَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
بالسِمه شاهَد غُرته .. ونَوّخ ابدّلاله الكِدَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
ايِگابل امه فاطمه .. ويندب مصايب هالشهَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
وياها يبچي مِن دِمه .. لحسين محزوز النحَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
يذكر رزايا بوعلي .. وصدره اللي بالخيل انكسَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
ولكبر شبيه المصطفى..وشبل الزكي ابسيف انطبَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
ويّه الزجيه ينتحب .. لچفوف عباس القُمَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
وزينب التركب عالهِزِل .. للشام يِسْبوها ابقهَر
*مُحرم اهلاله ظهَر .. وشلون حال المنتظَر*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطميه لمسير الامام الحسين*}
*عليه السلام الى ارض كربلاء*
{١}
*طور : جريمة قتل - ملا باسم الكربلائي*
https://youtu.be/njX6YJtJhW8
••••••••••••••••••••••••••••••••••••••••••
*بو اليمه سار ابهَلَه .. قاصد لارض كربله*
*المَثوى الچتِل والبَله .. مِتوجِهه الراحِله*
••••••••••••••••••••••••••••••••••••••••••
وَدَّع ابو اليمه مأوى الرِساله
ولارض الكُرب والمِحن شَد رِحاله
سار ابحريمه وخواته وعِياله
عازم لَعِد مُستقرِ اغتياله
مِن جده طه ضِعَن .. عاف الاهل والوطن
*بو الاكبر المَقْتله .. مِتوجِهه الراحِله*
••••••••••••••••••••••••••••••••••••••••••
بوسِكنه ماشي ابدروب المِنايا
متوجه الطف عظيم الرزايا
صُحبه وهَله بيها يَرحون ضمايا
بسيوف وبرماح فريق الغِوايا
لارض المُصايب نِوى .. قاصد فَله نينوى
*ابعباس ابو المرجله .. مِتوجِهه الراحِله*
••••••••••••••••••••••••••••••••••••••••••
شايل لَعِد قوس ونبلة رَضيعه
وصوب النهر والچفوف القطيعه
ولمصاب لاكبر او موت الفجيعه
الجاسم او وَيّه رزيته الفضيعه
ماضي ابسبيل الألم .. ويا الجزع واليِتِم
*وَيّه سهم حرمله .. مِتوجِهه الراحِله*
••••••••••••••••••••••••••••••••••••••••••
راحل لارض بيها تُسفك دِمائه
وبعد المنيه يِسلبون رِدائه
حِزب الضغينه يِحرقون خَبائه
ويَسْبون بناته وخواته ونِسائه
ودمع العقيله يِصب .. ابسوط الشمر تِنضرب
*للشِده و المُعضله .. مِتوجِهه الراحِله*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطمية وداع ابي عبدالله الحسين*}
*قبر أمه فاطمة الزهراء عليها السلام*
*راحلاً إلى أرض كربلاء*
{٣}
⚫ *جديد*⚫
*طور : راح أزيد النوح*
*ملا محمد الجنامي*
https://youtu.be/QT7G8afotqc
••••••••••••••••••••••••••••••••••••••••••
*جاي اودعِج والعِذر يالوالِده*
*وعلى امصابي قلبج الله ايساعِده*
*موتيِ الله امسجِله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
ساعة اوداعج ييُمه .. وشِقى افراقج يقترِب
أمُرْ الله اعليّه ماضي .. وبجَبيني منكتِب
ابنينوى يِنسِفك دمي .. ومِنّه شيبي يختضِب
الماي مَهرِج يالوديعه .. وانحرم شُرب العذِب
واللي سَّن ظُلمج او أذى افادج
ابكربله رايد يِبيد أولادج
*حِقده راد ايكمِله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
يُمه عنّج فرِقونه .. وشَملي رايح يفترِق
واللي طق ابچفه عينج .. مِثله أطفالي يطِق
واللي جوّز حرِق بابج .. اليشبِهَه اخيامي ايحرِق
ومِثل ما كسَّر اضلوعج ..ابخيل ضلعي ينسحِق
إلج يابنت النبي ذبحوا طفِل
ابسهم لِمْثلث اوليدي ينجتِل
*راح ايذبحه حرمله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
والهَضُم يُمه الجَرالج .. ابكربله اتشوفه الخِدِر
اشلون ظُلم انسطر خدج .. خد رقيه ينسطِر
عالوطيه انتثر قرطِرج .. و قِرِط بنتي ينتثِر
واللي طق متنِج ابسوطه .. وبمتِنها ايطق زجِر
واللي نابج حالف ايعيده القدَر
راح اشوفه ابعيلتي وحز النحَر
*راح ايأذي العايِله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
ودار سحبوا مِنها حيدر .. ابنينوى أهل الختِل
امن الخيم تِسحب عَليلي..وتربط اچفوفه ابحبِل
اتْركِبْ اعيالي وخواتي .. ويَ حريمي اعله الهزِل
ويأسر الخِدّر يزهره .. امْرُوَّه ماعِنده ونذِل
باجر امدلِلة حيدر تنسِبي
وتكفِل الحُره عِيالات النبي
*تورث الهم والبَله .. يالزجيه ابكربله*
*وعلى امصابي قلبج الله ايساعِده*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
خروج الإمام الحسين عليه السلام من مكة
حديث ونعي
......
بينما الإمام الحسين عليه السلام يطوف بالكعبة سمع مناديا ينادي في السماء.. رفع الإمام راسه قائلا من الهاتف.. قال له المنادي انا سادسكم في الكساء.. انا جبريل .. ياحسين حل من احرامك قبل ان تستحل محارمك.. فإن القوم عزموا على قتلك ولو كنت متعلقا باستار الكعبة.. طاف الامام بالبيت وسعى وحل من احرامه.. ثم اسند ظهره الى البيت.. بعد ان حمد الله واثنى عليه وذكر النبي وصلى عليه.. قال الامام ايها الناس خط الموت على ولدي آدم مخط القلادة على جيد الفتاة... ومااولهني الى اسلافي.. اشتاق يعقوب الى يوسف رضى الله رضانا اهل البيت وخيّر لي مصرع انا لاقيه.. كأني باوصالي تقطعها عسلان الفلوات بين النواويس وكربلاء .....
.....
نعي
حل احرامه ابو السجاد مضطر
عله ذبحه يعرف الگوم تفتر
طلع من بلد جده الله واكبر
توجه للطفوف بهل مسيه
.....
.....
ماتمم مناسك حجه الحسين
طلع يتلفت ودمعاته بالعين
وجده المصطفى المشيد الدين
وامه فاطمة الزهره الزچيه
.....
.....
سمع هاتف ينادي بصوت الاحزان
عليك الموت يامظلوم هل حان
بعيالك واهل بيتك والاخوان
سير الليله صوب الغاضريه
.....
.....
على البيت استند واحرامه حله
ابن الوحي مايقبل الذله
رضى الباري رضانه الموت يحله
ولا احط ايدي بيد ارجاس اميه
.....
.....
مشه والعين صوب الوطن تندار
من مكه طلع والكربله سار
حده حادي الضعون بليل الاخطار
اخذ كل اهل بيته للمنيه
.....
.....
عقيلتهم اوياهم حملوها
طلعت ومتكفلها اخوها
عباس وصاه عنهه ابوها
كفو منه كفيل الهاشمية
.....
.....
اعله هودجها يرف العلم خله
كل ساع محملها يعدله
مافارگاها الدرب كله
الوفاي ابو چفوف السخية
.....
.....
ام محمد الحجاج / العبادي
°°وداع مولانا الحسين "عليه السلام" لقبر جدّه المصطفى "صلّى الله عليه وآله" قبل خروجه من المدينة °°
طور *حضرنا وياك يا حيدر*
*يَجَدِّي فِي أَمَانِ الله، لَ وَادِي كَرْبَلَه مْسَافِر*
*صَعُب فَرْگَاك دُوهَنّي، إِجيتَك بِالدَّمِع زايِر*
*إِلَكْ شَكْوَايْ.. يَ ضَيْ عِينَايْ*
¤•¤•¤•¤
أَنَه وْلِيدَك عَلَى گَبرَك، أَحُط خَدِّي وَاهِل عَبرَه
أَلوذِ وْحَايِرِ ابْهَمِّي، وَابِث حِزنِي يَبو الزَّهرَه
رِبِيتِ ابْحِجْرَكِ وحُبَّك، امْنَ اشُوفَك كِل جَرِح يِبرَه
يَ بَسْمَاتِي فِي أَيَّامِي، يَ عَزْمِي سَاعَةِ العَسْرَه
أَبَد مَنْسَاكْ يَالغَالِي.. تِحِنِّ لْتُربِتَك رُوحِي
يِرِيتِ ابْكَربَلَه تِحضَر.. وتِسَكِّن بِيدَكِ جْروحِي
*وتِظَلْ وَيَّايْ.. يَ ضَيْ عِينَايْ*
¤•¤•¤•¤
يَجَدِّي ضَاگَتِ الوَسْعَه، أََزُورَك وَادْرِي تِسمَعْنِي
عَزِيزَك ضَيِّعَوْا حَگَّه، وجُموعِ النَّاس عَافَتْنِي
أَبَايِع طَاغِي هَالزُّمرَه، وَامِدِّ اچْفُوفِي يِرْدَنّي
إِمَامِ وحُجَّة نِكْرونِي، مَرَارِ وضِيمْ رَاوَنّي
صِحِت هَيْهَاتْ لِ الذِّلَّة.. النَّصُر لِلدِّين وَارْكَانَه
الشَّهادَة ابْعِينِي مَرسُومَه.. وتِظلِّ الرَّايَه وَيَّانَه
*وتِسيلِ ادْمَايْ.. يَ ضَيْ عِينَايْ*
¤•¤•¤•¤
العِدَى عَنَّك يِرَحلُونِي، المَدِينَه رُوحِي وِالسَّلْوَه
إِخِذْنِي ويَاك يَا جَدِّي، عَسَاهَا اتْزولْ هَالبَلْوَه
ابْضَرِيحَك رَايِدَ اتْوَارَى، نِخِيتَك يَا نَبِي الدَّعْوَه
مَا رَاعَوْا ذَوِي القُرْبَى، وَحِيدِ وْمَا إِلِي مَأْوَى
غَرِيبِ ادْيَارِي وَاوْطَانِي.. طَرِيدِ وْشَايِلِ اظْعُونِي
مَشَاعِر بِيَّه تِتْوَجَّر.. غَصُب عَنِّي يِطَلْعُونِي
*جَمُر بِحْشَايْ.. يَ ضَيْ عِينَايْ*
¤•¤•¤•¤
(هَلِّ المَدَامِع عَالگَبُر احْسِين وَحْدَه غَافِي
وْشَافِ بْنُومَه النّبِي مِچْبِلْ وِالمَلَك مَاشِي
گَطَّعِت گَلْبِي يِگِلَّه حَبِيبِ المُهْجَه كَافِي
إِجَالَه وضَمَّهِ لْصَدرَه وْقَبّلَه بينِ اعْيُونَه)
¤•¤•¤•¤
حَبِيبِي حْسِين يَا گَلْبِي، يِعِزِّ عْلَيَّه مِن تِنحَب
تِوَدِّعنِي وتِأَلّمنِي، وَاشُوفِ الفَاجِعَه الأَصْعَب
جَرِيحِ وْظَامِي مَا تُروَى، عَفِيرِ ابْدَمَّكِ امْخَضَّب
ذبِيحِ وْعَالرُّمُحْ رَاسَك، عَجِيبَه يَبْنِي تِتْسَلَّب
شْكِثُر مِشْتَاگ وَانْتَظْرَك.. أَضُمَّك بِيدِي مِنْ تِحضَر
الزِّچِيَّه هْنَانَه مِنْتَظْرَه.. وَابُوكِ المُرتَضَى حِيدَر
*أَشَرْبَكْ مَايْ.. يَ ضَيْ عِينَايْ*
#أمنن #علينا #برضاه
#يا_صاحب_الزمان
#جديد_محرم_١٤٤٦هـ
#الخروج_من_المدينة_المنورة
وداع الإمام الحسين عليه السلام
لقبر جده المصطفى صل الله عليه وآله وسلم
جَـدِّي قَــالْ إِذْ يَنْوِي الرَحِيلاَ الرَحِيلاَ الرَحِيلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
خــــدّي عـلـى قبر النبي وادموعي تجري
حـــان الوداع اوجيت إله ابهمّي اوصبري
اعليّه العدا جـــارت اومنها ضاق صدري
وادعي واصلّي عنده حتّى اطلوع فجري
يَاجَدَّاهْ خُـذْ نَـوْحِـي طَـوِيـلاَ طَـوِيلاَ طَـوِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اوعند الفجر لن هوّمت من عندي العين
وجــانــي النبي اوياه الملايك والنبيّين
ونـــادى ثلاثاً يـاحبيبي يابني يــحسين
او أشّر إلي اوضمني إلى صدره بليدين
فِي لُقْيَاهْ صَارَ جِسْمِي نَحِيلاَ نَـحِـيلاَ نَـحِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
مــــنّـــه تــعــالــت ونّـتـه واتعاله ونّي
ابـلـهـفـه شبقته اوبـالألم لـيّـه شبقني
اونــاديـتـه يـاجـد للقبر ويّاك إخذني
ابحضنك أنا هاليوم وباچر من يلمني
بُــعْــدٌ آهْ قَــدْ كَـــانَ ثَــقِـيلاَ ثَــقِـيـلاَ ثَــقِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
يـابـنـي تــرى في كربله مرسوم رسمك
اوخـلــنـي قبل لاتروح ياوليدي أشمّك
عــجّـل قدومك والدك مشتاق او أمّك
ليك او أخوك المجتبى وكل همنا همّك
وَاشَــوْقَــاهْ إِلْـحَـقْـنَا عَـجُولاَ عَـجُولاَ عَـجُـولاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
أذكــر لـك اليجري ابسفركم منّ الأقدار
عـطشانه أطــفــالــك ولا ترحمها لشرار
اوتبقى وحيد ابــلا مناصر بعد الأنصار
اوظهرك يكسره طيحة الكافل المغوار
إِذْ تَلْقَاهْ فِـي الـطَـفِّ جَـدِيـلاَ جَـدِيـلاَ جَـدِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اوتفجعنا يـابني طيحتك محتار بامرك
ضـامـي ولاتُـروَى اوكَثْرَه اسهام صدرك
اوشـمر الخنا ابسيفه يحز أوداج نحرك
اوبِـدْمَــاكْ يـرجـع للمخيّم خـالـي مُهْرَك
والأصْوَاتْ قَدْ بُحَّتْ عَـوِيـلاَ عَــوِيـلاَ عَــوِيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
اورحـت الأهل بيتي بعد خير البريّه
أروي مــنـامـي والّـذي يـجـري عليّه
اونــادو بعد ماسمعو أهـوال الرزيّه
آه الـمـــصــابـك ياغريب الغاضريّه
قَـهْــراً سَـارْ مَـنْ كَانَ عَــلِيـلاَ عَـلِـيـلاَ عَــلِـيـلاَ
شَاءَ الله أَنْ يَــرَانِـي قَـتِـيـلاَ قَـتِـيـلاَ قَــتِـيـلاَ
ـــــــــــ
تمت بحمد الله ومنّه ١٤٤٥/١١/٢٣هـ
نظم خادم السيدة الزهراء عليها السلام
ياسين جواد العبد الرضا
#محرم_١٤٤٥
#الليلة_الثانية
#وداع_قبر_الزهراء
#نعي
#جواب_الزهراء_ع_لولدها الحسين ع عند وداع قبرها الشريف
معتادة ليّه تزور كل ليله يبني
ناوي السّفر معقول بُعدك يِفتني
يبني المسير ابعيد هيجلي حزني
بذبحك ييمّه يريد دهري يِهدّني
يوليدي صار النّوح واجب عليّه
وعدي أجيك اهناك بالغاضريّه
مو سهلة عني تروح تنام بوطيّه
عليك الذّبح مكتوب وانا العزيّه
قرّبلي شِمّ نحرك من قبل ما تروح
باكر برض الطفوف أوصلَك مذبوح
ابصدرك تِهشم الخيل والجرح مفتوح
ونحرك يفيض دموم مو بس الِجروح
#لحن إسمع عتابي
يوليدي أحضر .. بحزّة المنحر
وألطم ضلوعي .. جسمك تودز
خلني أشمّك .. يبني وأضمّك
واقره اعلى روحك .. باكر ألمك
واقعد انوحك .. وعدّد جروحك
ما يهدأ نوحي .. اسمالله على روحك
🖊خادمة أبي الفضل
#محرم_١٤٤٦
#اليوم_الثاني
#وداع_المدينة
مجلس #الخروج_من_المدينة
#قصيدة_عمودية
حسينٌ بكى عند قبر البتول
وَبثَّ اشتياقًا بدمعٍ هطول
كأنّ الجوابَ أتاهُ يقول
"بُنيَّ حبيبي إليّ تعال"
فردّ الحسينُ بماءِ الدّموع
"حنانيكِ أمّي وشدّي الضّلوع
وضمّي فؤادًا أتى في خشوع
يغالبُ قهرًا همومًا ثقال
دعينا نغيبُ معًا في الضّريح
بضلعٍ كسيرٍ و قلبٍ جريح
غريبٌ وبُحّ فؤادي يصيح
غريبٌ وظلم الطّواغيتِ طال
هبيني وِصالًا فكلّي اشتياقْ
حسينٌ أنا جئتُ أشكو الفراقْ
سأمضي حزينًا لأرضِ العراق
وداعًا، لنا في السّماءِ وِصال
وأصعب ما صبَّ فيّ الأسى
ونغّص صبحي فصار مسا
إلى الشّام بعديَ فخرُ النّسا
تُساقُ وَتؤذي يدَيها الحبال.."
#كتابات_حسينية
(قد تُقرَأ أيضًا كقصيدة لطم على لحن قصيدة أخي سوف تبكي عليك العيون)
بالعرش صورة دماء
صافنه املاك السماء
فاطمه نصبت عزاء
اهلال يرسم بالدمه
●●●●●●●●●●●●●●●●●●●●●●
اول اجروح المصيبه.......اهلال خيم بالحزن
مابقت بالدنيا رحمه .....چن سنابك عالجفن
باعت الناس الضماير.....اگلوبهه سوده وتجن
غيمه چنهه بلا مطرها.....والليالي بس تون
كل الامر..........ضاع الصبر
مات القلب والنظره
حزن السمه.........يافاطمه
ظلت تون بالحسره
شفنه اشباه الرجال
عافت العز والدلال
العله چانت بالسلال
هاي ناس امحزمه
●●●●●●●●●●●●●●●●●●●●●●
يبدي تصوير المدامع...اشلون ظلت هامله
تنحني الزهره شفتهه......يم عظيم المنزله
بيدهه گامت تضمهن....چفوف حامي العايله
والمصيبه الله أكبر.......شنهي قصة كربله
بان الجرح..........صب الملح
زرع الجرح ومصابه
كلمن سأل........ اهلال الأجل
ماخذ جروح احبابه
التمت ارماح وسيوف
والنبل صاير يشوف
خيل ترهب والدفوف
شوف ثكل الموزمه
●●●●●●●●●●●●●●●●●●●●●●
وجه هالعالم تغير.......اهلال صعبه لاتهل
تنذبح بيه السوالف......امنين ما انظر نبل
امربع الديه نطلبك.......يامحرم دم طفل
كلشي ناتجهه نهايه......آجروح ظلت عالهزل
حيره المله.........طف كربله
شفنه العجب والمنظر
هول الفزع.......يجري الدمع
سائل وكف واتحير
شاف انواع المصاب
اجساد غطاها التراب
امنين ماتنظر خضاب
دمعه ظلت ساجمه
●●●●●●●●●●●●●●●●●●●●●●
بيه مذبوحه الجوارح.........ناري ماتطفه دهر
والعجب چبد النبوه.....ضامي يم جرف النهر
والنهر مشبوح شفته......مايه يم ضيفه الكمر
چان خجلان عله روحه.......لو رسمهن بالصور
شفت الشمس.......ظلت همس
نزلت تبوس اجبينه
منظر كلف............ضاع العرف
حيره اليشوف ابعينه
تنجرح بيض الصفاح
ابيا كتر طعن الرماح
اظلم انشوف الصباح
النار ظلت مضرمه
●●●●●●●●●●●●●●●●●●●●●●
اهلال چم خاطر تكسره.......فوهة الدنيا عدم
ونذبح عبدالله نحره......فوك عرش الله انرسم
مابقى كلشي نشوفه.........من العشيره ما سلم
حسين يم اخيامه ينحب......مابقه حيله انهدم
بخيمة علي .........طاح الولي
بدمه يشوف اخضابه
حنه وعرس.......حتى الشمس
حاجب تصير اعتابه
امطرحه شفت الشباب
موسم اجروح وخضاب
ينچوي بطيفه السراب
اظلوع كلها مهشمه
●●●●●●●●●●●●●●●●●●●●●●
تمت بعون الله تعالى
#يوسف عباس الفتلاوي
مولاي الوداع مولاي الوداع
**
ما ننسه يوم امصيبتك يالباقر
واشلون سمو جبتدك. يالباقر
جينه نشيع اجنازتك يالباقر
بالكلب تسعر جمرتك. يالباقر
مولاي الوداع مولاي الوداع
*
هليله ياهو الغسلك. يالباقر
وسيدي بكبرك نزلك يالباقر
سم وذبح خلصو هلك. يالباقر
تجري المدامع بس الك. يالباقر
مولاي الوداع. مولاي الوداع
-**
عالراس تلطم شيعتك. يالباقر
وكلها تنوح الغربتك. يالباقر
شفت العذاب بدنيتك يالباقر
عالمتن كلها شالتك يالباقر
مولاي الوداع مولاي الوداع
*
خلصت حياتك بس حزن. يالباقر
ولمصاب ابو اليمه تون. يالباقر
ما تنسي اصياط المتن. يالباقر
والعمتك زينب تحن. يالباقر
مولاي الوداع. مولاي الوداع
*
بالغربه كضيت العمر. يالباقر
وشفت العذاب امن الزغر. يالباقر
امن اسنين موتك تنظر. يالباقر
وشهل الصبر يابو الصبر يالباقر
مولاي الوداع مولاي الوداع
***
نعشك نشيعه بالدمع. يالباقر
واليوم نكسرلك ضلع يالباقر
ونينه والون ينسمع. يالباقر
وكل شيعي لجلك منفجع. يالباقر
مولاي الوداع مولاي الوداع
**
هليله مهظومه السمه يالباقر
لجلك يبن حامي الحمه يالباقر
تبجي المصابك فاطمه يالباقر
حته الارض تنزف دمه يالباقر
مولاي الوداع مولاي الوداع
***
تمت
تحسين الخفاجي
استشهاد الامام الباقر عليه السلام
مشتاك الگلب وعيوني الثنين
اشوفلك مناره تكحل العين
اتعناك وانه بلهفتي زاير
اجي وعالرايه كاتب زاير الباقر
....................
حلم عمري وحياتي تنبني حضره
واكحل عيني والله بگبتك الصفره
الماشاف اليحبه شله بي عمره
جمر بيه العشك وشيحمل الجمره
اليفتح گلبي يلكه بوسطه موجود
يالباقر احبك حب بله حدود
يمته الروح يمك سيدي اتسافر
اجي وعالرايه كاتب زاير الباقر
......................
ضريحك يمته اشوفه واكصد بهمه
وشباجك احضنه بگلبي واشتمه
عطر الجنه عطرك وانته ابو النعمه
آنه الحَبك وشال اسمك ابدمه
شلت اسمك حرز واتفاخر بهاي
واعيش بخير مادام انته وياي
شوفت كبرك تسر گلبي والناضر
اجي وعالرايه كاتب زاير الباقر
.........................
بعيد امن النضر بس يمي احسنك
الساني يعجز شما سولفت عنك
كل خيري ونعمتي سيدي منك
تنساني بنضرتك والله ماضنك
ماتنسه اليحبك انته مولاي
متفضل عليي وانطيتني هواي
ادعي الله ضريحك ينبني وعامر
اجي وعالرايه كاتب زاير الباقر
...................
كبرك منهدم يابو الانسانيه
وانه بگلبي الك حضرات مبنيه
ماينخفي كبرك بالعلانيه
ازورك من بعيد بدمعي ليليه
مناجات العشك اقراهه بمصاب
ووديهه الك ويه الهوه الهاب
جمره بروحي تلهب والگلب ناطر
اجي وعالرايه كاتب زاير الباقر
.....................
عندي طلبه وحده وعل طلب تكدر
توفقني السنه اخدم ابو الاكبر
اريد ادموعي تنزل وين مااحضر
عله حسين ومصابه وگطعة المنحر
ارزقني اعله جدك دمعة العين
ماتسوه الحيات ابدون الحسين
يالملجوم گلبك من ضهر عاشر
اجي وعالرايه كاتب زاير الباقر
.....................
مصابك مانسيته ويبست اشفافك
عشت الطف جرح للموت ماعافك
يمسموم الجبد ومغيره اوصافك
ذبل وجهك وهمك هادل اجتافك
تتعنه المنايه بجدمك تفوت
عاده امن الله الكم سيدي الموت
يضل حزني بدليلي كل وكت شاجر
اجي وعالرايه كاتب زاير الباقر
محمد هادي العقابي
قصيده في حق استشهاد الأمام محمد الباقر عليه السلام
عشت يالباقر وطن من ذكريات
يطفح ابعينك بقه شاطي الفرات
اجروحك اکبار تشرح الصار
*****
اشگد حزینه قصتك ما نوصف محنتك
بیها ترسم صورتك ابدمعة العین
جمر تنزل دمعتك و اشکبرها لوعتك
بقت تدوی صرختك آه یالحسین
وین ما تلتفت تلگه بس حزن
جرحت من البچي اشگد الجفن
لیل و انهار تشرح الصار
****
چنت راضي بالقدر و اجرعت چاس القهر
شفت یالباقر صور من مصایب
واشعمل بیك الدهر صرت مکسور الظهر
یطفح ابخدك نهر عالحبایب
ونته یالباقر شفت ذیچ البدور
عالثره مگطوع من عدها النحور
وین الاطهار تشرح الصار
**
چنت حاضر بالطفوف والحزن حولك یطوف
عینك امصایب تشوف طفل بعدك
اخیول و ارماح وسیوف اجیوش وگفت بالألوف
ابدور نالتها الخسوف ذبل خدك
و اسمعت جدك یلوج من العطش
عشت ذاکه المقتل و لیل اهدعش
ماکو نغار تشرح الصار
***
الماي گدامك سراب بعد تحمل یامصاب؟
گلبك من البچي ذاب ونته تنعه
شفت جسام الشباب حنته من الدم خضاب
والجسم فوگ التراب انطفت شمعه
اشبگت جثته و صرت تلطم هامتك
طاحت من البچي شفت اعمامتك
ابگلبك النار تشرح الصار
****
جفنك الــ هَل مدمعه عشت ذیچ الفاجعه
شفت یم المشرعه صاحب الجود
حسین شفته ودعه اچفوف ایديه متگطعه
و اعتنه یم مصرعه بعد میعود
عمتك زینب دمعها بس یهل
اتصیح گوم الحگ علیه یابالفضل
ضربو ازغار تشرح الصار
*****
بعد کل هاي المحن چبدك الیوم انسحن
مارحم بیك الزمن ونته مظلوم
ادموعك الیوم الجرن ابگلبك اسهام المضن
من البچي اعیونك عمن الچبد مسموم
و اجرعت من الألم هاذه الصبر
و اجه الصادق یحفر ابچفه الگبر
بقه محتار تشرح الصار
**
لخادم الحسين علي فلاح الواسطي
3ذي الحجه
1445
للباقر مصيبه وحسره مفجوعه
المابطل ونينه ونشفت ادموعه
،،،،،،،،،،،،
منين ابدي المصايب والله مادري
مرسومه المدامع والحزن فطري
عالباقر اريدن ينخسف صدري
للخلص حياته بحيره وبلوعه
،،،،،،،،،،،،
للباقر حزن ودموعي اجريها
سولف بالكَلب لو جبت طاريها
اكيد من البوجي عيوني اعميها
يطفن عالطفت ياوادم اشموعه
،،،،،،،،،،،،
للشاف الحُسين الوحده بهمومه
وصدره منسحكَ ونباكَت اهدومه
زغير وبالمصيبه اعيونه مصدومه
طايح جده ومكسريهن اضلوعه
،،،،،،،،،،،
الباقر خلصت بالغربه حسراته
شلون وللسبي امطلعيها عماته
سنينه حتركَت وطفتها دمعاته
عايش بالحزن والحيره موضوعه
،،،،،،،،،،،،
جده اعله الأرض والشيبه مدميه
طايح والجروح الف وتسعميه
وعمته اعله الهزيله تروح مسبيه
وعله ذيج الرماح الروس مرفوعه
،،،،،،،،،،،
حكَ انهل دمعنه ونسجب العبره
وعالباقر جبير الينكسر ضهره
تحضر بالطم وتشارك الزهره
وهنياله التصير الدمعه مشروعه
ابوفايز الرافضي
نزال للإمام الباقر ع
مضلوم يابن علي
..................
ياشمس الوجود ويا هوه الريه
روحك من جثير الضيم محنيه
شيهود ونينه العمته مسبيه
مضلوم يابن علي
...................
من اول ايامك كثرن جروحك
يالباقر ابد لا مابطل نوحك
الله يعين گلبك سيدي وروحك
مضلوم يابن علي
..................
انته البلطفوف الدمعه بعيونك
واجدامك تجوت ونخطف لونك
بسوط النايبه گامو يضربونك
مضلوم يابن علي
.....................
انته الهاشمي المارحمته الوادم
وانته صياغت الله سيدي العالم
بنهجك وبعلومك نلتزم لازم
مضلوم يابن علي
....................
يا رحمت الباري ونعمته الكبره
يااصل الوجود وخامس العتره
بعزائك تحضر امك فاطمه الزهره
مضلوم يابن علي
.....................
عشت عمرك مناحه وخلصت ايامك
مسموم الجبد وتلوج بالامك
ويوم العاشر انته تشوفه كدامك
مضلوم يابن علي
........................
هل حان الوداع الموتك اتسافر
صحنه بصوت الك من كل گلب شاجر
وداعا سيدي يمحمد الباقر
مضلوم يابن علي
محمد هادي العقابي
في حق الامام الباقر.
عمري ابتده بلحسره وهموم
وطف كربله. كبالي كل يوم
بروحي محروكه اخيام
وجروح بيه منل الشام
وطف كربله كبالي كل يوم
-----------------
بكربله فتحت عيني وشاهدت حرك الخيم
النار تلهب باليتامه وعمتي زينيب والحرم
ماكو والي البقه عدنه ودايره علينه الزلم
بلهفه عماتي يركظن ويجرن ادموع الهظم
عل جمر. اركض حافي ونار
والخيم بيه بس الزغار
بس خيل اشوف بعيني
ياهو الذي. يحمي
طف كربله اكبالي كل يوم
-----------------
من بعد حرك. المخيم. طلعن يدورن ستر
عمتي زينب ياوسافه تمشي حافي علجمر
جروح بيه ام المصايب ومنسلب منه الخدر
بس حرم وياهه ظلت بصوطه واليه الشمر
لمن يجني بحسرته اليل
وجروح تنزف مني تسيل
وي اليتامه حيران
والحرك بيه نيشان
وطف كربله اكبالي كل يوم
----------------
جدي شفته مسلبينه ويجري دم من منحره
طايح عله االترب دامي ولظلوع. امكسره
وعمتي زينب سلبوهه بلا كفيل. امحيره
شفت بعيوني مصايب الصار بالطف والجره
عل نهر. عمي شفته مطروح
والجسم ينزف من الجروح
مكطوعه منه الجفين
والسهم نابت بالعين
وطف كربله كيالي كل يوم
-----------------
راس جدي كبالي اشوفه مخظب وفوك الرمح
وجسمه ظل مطبرينه والجرح فوك. الجرح
ياوسافه مات ضامي جدي عطشان. انذبح
مرمي عاري مسلبينه دمه عل غبره سفح
بدرب السبي من تمشي النوك
وبلظعن وسفه الشامت يسوك
بيدينه مربوطه احبال
ماينوصف ذاك الحال
وطف كربله كبالي كل يوم
----------------
مشينه درب الشام كله نبجي ونوح ونون
برفجت انذال وشماته صياطهم فوك المتن
والحرم بعيوني اصدهن مبين عليهن حزن
كلمن امضيعه وليهه وتجري دمعات جفن
ولن ابخرابه صرنه بلشام
محتاره عمتي تصبر اليتام
طبينه احنه الديوان
وكفن حياره النسوان
وطف كربله كبالي كل يوم
------------------
الخادم
رحيم الصالحي
{ *موشح لتلبية حج الشهاده*}
*يُقرأ بعدة أطوار منها :*
*طور : ماقدرت اتزورها*
https://youtu.be/G0Up2kNxZb4
*طور : بقبري من تدفني*
*ملا باسم الكربلائي*
https://youtu.be/qOK9Y37ni8A
••••••••••••••••••••••••••••••••••••••••••
*إلك يا بارينه لبيت النداء*
*وكون تِقبلها ذَبِحْتي ابكربلاء*
••••••••••••••••••••••••••••••••••••••••••
لجل مرضاتك رضيت ابذَبْحِتي
وبأَرِضْ لِطفوف صارت حِجتي
يا الهي وكون تِنجى شيعتي
*ويوم عاشوراء اتريا اللقاء*
••••••••••••••••••••••••••••••••••••••••••
للمنيه لَبَتْ اعيالي وهَلي
وچان ما يرضيك الا مقتلي
فوق صدري الشمر سيفه يعتلي
*إخِذ حتى ترضى يارب السماء*
••••••••••••••••••••••••••••••••••••••••••
انجان دينك يا الهي يستقيم
ابقطع نحري وترضى عني يارحيم
ابذلِت دمي حتى تقبل ياكريم
*وقدمت اولادي قربان وفداء*
••••••••••••••••••••••••••••••••••••••••••
بين اصحابي اظل اسعى واطوف
واعله جِثْتِ الاكبر اتصلي السيوف
وجاسم وعباس مقطوع الچفوف
*والرضيع الغُسله من فيض الدماء*
••••••••••••••••••••••••••••••••••••••••••
جثتي امن الخيل عالغبره اتهوِي
ومن حوافر لاعوجيه تِلتوي
ابدال زمزم من دمائي ارتوي
*وابقى يا ربي صريع ابلا رداء*
••••••••••••••••••••••••••••••••••••••••••
يا الهي رايد ارضاك اشتري
يوم عاشر ليك اضحي ابمنحري
بالطفوف الموت فرضي ومَشعري
*وللسبي قدمِت زينب والنساء*
••••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *لطميه لوداع وفراق الامام الحسين*}
*مدينة جده رسول الله*
*صلى الله عليه وآله وسلم*
{٢}
*طور : علي راح - ملا محمد بوجباره*
https://youtu.be/HEc3UKiMYG8
••••••••••••••••••••••••••••••••••••••••••
*وداعاً .. يجَدي ماشي لأرض الغاضريه*
*وداعاً .. للقَطِع راسي تِتاني آل اميه*
*وخواتي ايسِروها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
ياجدي عَلَيْ ضاقت الوسعه
زاير مرقدك رايد اودعه
رايح للطفوف ابلايه رجعه
وكاس الموت لابد واجُرعه
وداعاً .. يِذِبْحوني واظل اعله الوطيه
وداعاً .. او تِسحگ جِثِتي اخيول اعوجيه
*وبناتي يِشتموها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
نحري اقبال زينب يحزونه
وفوق الرمح راسي يرفعونه
وبعد الذبح ثوبي ايسلبونه
وصبعي يبو الزهره يِقطعونه
وداعاً .. يِحرقون الخيم يابو الزجيه
وداعاً .. واسياط العِدا تاذي رُقيه
*وحريمي يِضِربوها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
ياجدي رضيت آنه بالمقدور
تتذبح اعيالي ابيوم عاشور
و انظرها دِماهم عالثرى اتفور
وبالغربه تِظَل زينب ولِخدور
وداعاً .. يجدي وطفلي قدمته ضحيه
وداعاً .. اريد اكسب رِضا رب البريه
*وعِيالي ايْرَوعوها .. ابحِبال ايچتِفوها*
*ابحِبال ايچتِفوها .. وداعاً*
••••••••••••••••••••••••••••••••••••••••••
انموت ابكربله حسره ضِمايا
وانصاري على الغبره ضحايا
ابيا ذنب وجُرم وابيا جنايه؟
وحريمي عالهِزِل يِرحَن سِبايا
وداعاً .. بنات الزهره تركب عالمُطيه
وداعاً .. لراضي الشام ايودوها سِبيه
*ابخرابه ايقعدوها .. ابحِبال ايچتِفوها*
*ابحِبال ايچتِفوها .. وداعاً*
•••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
{ *وَداعك / لطميه لوداع والد التسعه*}
*قبر أخيه الحسن عليهما السلام*
{٤}
⚫ *جديد*⚫
*طور : حرامات - ملا محمد الجنامي*
https://youtu.be/UVt5UO4G3Ro
••••••••••••••••••••••••••••••••••••••••
ابوعلي قاعد يم قبر اخوه الحسن
يودعه وداع الآلام ، وداع الجِراحات
شيگِل لبومحمد :
*وَداعك .. ياضَنى الزِچيّه*
*وَداعك .. موسَهِل عَليّه*
*وَداعك .. روحه مَهْضُميّه*
••••••••••••••••••••••••••••••••••••••••
يا چِبير الزهره لَتْظن .. وَكت لِمْوادَع سَهِل
مُوُش اي اوداع هذا .. اوداع مَيْلِمه شَمِل
اوداع لمفارِق حَبيبه .. اوداع ما بعده وَصِل
الكربله قرّب رَحيلي .. ورايِح الخُوه تِفِل
بالِفراق .. مِنْرِسِم عُمرنه
بالِفراق .. مِنكِتِب قَدرنه
*بالِفراق .. نِنوِلي سِويه*
••••••••••••••••••••••••••••••••••••••••
جاي اواسيك ابمُصابي .. ومِنّك أعذار التمِس
اوياك فَد احچايه عِندي .. عن ظُلامات الأمِس
مقدر انسى يوم يا اللي .. اسهام نَعشك مِنترِس
مِثل نَعشك خويه جِسمي .. اسهام رايح يِنغرِس
وِلَحجار .. كِل جِهة تِجيني
وِلَحجار .. تِدمي لي جَبيني
*وِلَحجار .. تِنرِمي عَليّه*
••••••••••••••••••••••••••••••••••••••••
إنت عِشت العُمر غُربه .. وآنه بالطف اغترُب
ويالذي مَطعون فِخْذك .. راح بِسْيوف انضرُب
وچان سمّوا خويه چَبدك .. چبدي مَتْذوق الشُرُب
وجِثِتي تحت الحَوافِر .. يوم عاشر تنقِلُب
يِكِسرون .. عالوِطيه صدري
يِكِسرون .. حوضي وَيّه ظهري
*يِكِسرون .. عظمي لأعوجيه*
••••••••••••••••••••••••••••••••••••••••
واذا جِثمانك عَزيزي .. كِتر جَدنه مَندِفَن
ثَلث تيام ابْنُوِيَّه .. راح ايظل مني البَدَن
صار إلك مجلس عَزيه .. وبيه نِساوينَك بِچَن
اخواتَك اليِرحَن سِبايه .. على النوق ايوَلْوِلَن
دِواوين .. تدخل الفَواطِم
دِواوين .. تِشتِم الهواشِم
*دِواوين .. بيها آل أُميه*
••••••••••••••••••••••••••••••••••••••••
📓 *ديوان المَراثي النَّبويه*📓
لخادمة النبي الاكرم
صلى الله عليه وآله وسلم
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
#العليله
في ملاقاة العليله لعمتها زينب حين عادت من كربلاء
اشمالج يعمه امغيره اللون
محروق الوجه ومزورگه اجفون
وابكثر الدمع غارت لج اعيون
امحدب مشيج اموَرْمه إلمتون
هاي انت زينب لا تقولين
وحدج دخلتي ووين الحسين
ووين الحياده عمه چا وين
ظلج يحرسه جان إلحنين
———-
▪️حدي▪️
طور الجفيري
اشبيچن يعمه امغيرات
اشبعتن هضم واملوعات
لا حيل اشوف امهدهدات
وامن الظهور امحدبات
وين الحياده عمه وين
چانوا لظلج حايطين
وين النفل عمي الحنين
ويت اتركوجن حايرات
عبدالله مااسمع نغاه
عمه ولا صوت لبچاه
يايمه وينه وشل دهاه
شو منه اديجن خاليات
مااشوف الاكبر والشباب
وعمي القمر مااشوفه
اشبعتن اظن امن العذاب
جنتن اظن ميسرات
لابويه لا اشوف الزلم
ويمشي اويه ظلچن بس الم
ياعمه يا ريته حلم
ويمي اشوف مخدرات
———
#بنت_الشمري
"*وأُقيمَت لكَ المآتمُ فِي أَعلَى عِلِّيّين*"
*العقيلة زينب الكبرى(عليها السلام) وهلال محرّم*
طور: "يُمّه ذكريني"
يَهْلاَلَ احزانِي.. زَيَّدِت جَرْحِ الفُؤَاد
رِجْعَتِ الذِّكْرَى.. وحَنَّتِ السَّبْعِ الشِّدَاد
يَاريتَه مُوتِي.. بْ كَربَلَه گَبْرِي
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
ابْعِينِي خُويَه حْسِين.. شَايِلِ ابْچَفَّه الرَّضِيع
وِانْذِبَح يَا حِيف.. بَاحْضَانَه ايْرَفرِف صَرِيع
عَبدَلله ظَامِي.. ذِبلَتِ اعْيُونَه
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
يَهْلاَلِ امْحَرَّم.. مِشْتَاگَه شُوفِ العَبَّاس
وَاقَبْلِ اچْفُوفَه.. وَالْثِمِ اجْبِينَه وِالرَّاس
سَاگِي العطَاشَى.. وِانْطُفَت عِينَه
ذِبْحَوَا اعْزَازِي.. واِخْيَامِي نَارِ ورَمَاد
¤•¤•¤•¤
رَاحَ اخُويَه حْسِين.. عَطشَانِ وخَدَّه تَرِيب
وِالنَّحَر مَدمِي.. وِانْرُفَع رَاسِ الحَبِيب
چَم طَعْنَه وضَرْبَه.. صَوِّبَت گَلبَه
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
وَاتْذَكَّر جَاسِم.. عِرِّيسِ وزِينِ الشَّبَاب
زَفِّتَه رَملَه.. بِ شمُوعِ ودَمَّه الخِضَاب
صَاحَت يَولِيدي.. إرجعْ يَا يُمَّه
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
وَاعْظَم مصِيبَه.. مِن شِفِت لَاكْبَر طَرِيح
وِاحْسِينِ امَّدَّد.. يَم جِسمِ وْلِيدَه الجَرِيح
نَادِيتَه خُويَه.. بَالله حَاچِينِي
ذِبْحَوَا اعْزَازِي.. وِاخْيَامِي نَارِ ورَمَاد
¤•¤•¤•¤
#أمنن #علينا #برضاه #يا_صاحب_الزمان
(الليله الثانيه)
الليله ثاني ليله زينب ياغريبه
🏴🏴🏴🏴🏴🏴🏴🏴🏴
الليله هيئات ومواكب حضروها
ليلة الخدام هايه استقبلوها
الله گال اعله الشعائر عظموها
__
الگاعد ابيته تره هايه مصيبه
الليله ثاني ليله زينب ياغريبه
🏴🏴🏴🏴🏴🏴🏴🏴🏴
ليله بالمجلس احس حسين حاضر
يشكر اصحاب المجالس والمنابر
دمعة الخادم تطفي النار باجر
__
واليشكره حسين هنياله بنصيبه
الليله ثاني ليله زينب ياغريبه
🏴🏴🏴🏴🏴🏴🏴🏴🏴
والنعم منكم كفو يهل المجالس
بالخدامه والله ماالكم منافس
وبلطمكم انه اشوف اجنون عابس
__
وبالمدامع والله غيرتكم عجيبه
الليله ثاني ليله زينب ياغريبه
🏴🏴🏴🏴🏴🏴🏴🏴🏴
📝احمد البغدادي
#_محرم_الحرام1444هـ
الليلة الثانية من محرم
(قصة قارورة تربة الحسين ع)
بليلة من ذيچ الليالي انطاني قارورة النبي
وگـالي بعـاشر محـرم هــواي الـهـا راقـبي
تـراب بيـها وگـالي يـام سلمه
المصيبة تصير من تگلب دمه
……………………………
ابـو الزهــره شفـته اشعث دمعـته فوگ الوجن
يـا رسـول الرحمـة گـتـله ليـش اسمـعـنك تــون
وگـالـي جـبـريـل اســرى بـيــه هالـيـلـة بـحـزن
لكربله وشفت الي شفته وگـلبي احسه منطحن
ومن هذيچ البقعة جبته حفظي يمچ هالترب
والمصيـبة تصـير بـيـها هـذا مـن دم ينگـلب
بكربله تـقـوم بمـحـرم ملحمه
المصيبة تصير من تگلب دمه
……………………………
يبچي ويدگ عله راسه يصيح ياطف كربله
شعـندك وي حسين ابني شعندك وي العايله
گـتله سولفـلي يروحي شبـيك يا خـير المله
هاي اول مره اشوفـك هـيـچ عيـنك هامله
يـبو الزهره يا مصيـبة الهـيچ حالك گـلبته
حچيلي بحسين شيصير هناك هو وعيلـته
حچيلي يابو الزهره هاي الموزمه
المصيبة تصير من تگـلب دمه
……………………………
ومقـتل حسين وبـنـيه صار طـه يروي الي
وكل مصيبة يروي اليه اني اصيحن ياعلي
وگالي صبري واسمعي راح اسولف مقتلي
انـذبح وي ابـني باچـر الـف مـره حسبيلي
كل رمح كل طعنه بيه بگلبي احسن كل سهم
واني الاركض وي عيالي من تـشب نـار الخيم
واني وياهم اموت من الضمه
المصيبة تصير من تگلب دمه
……………………………
حسين مـني واني منه عالمـنابـر من گـلت
بضعـة مني وبضعـة منه هـوي الـهـم أكـدت
ليش چا بضعة محمد بعـيني بالطف شاهدت
نداست بذيچ الحوافر يعني اني الي اندست
صدري وي صدر ابو اليمه بالحوافر ينسحگ
وهذا ضلعي بالمخـيم زينب اتسمـعـه يطگ
لطگت اضلوعي العقيله مألمه
المصيبة تصير من تگلب دمه
……………………………
باچـر حسين بمـحـرم ضامي گـلـبه ينـذبـح
واني گـلبي بهل مصيبة ينزف يضل منجرح
وجـثـتـه تبـقـه سلـيبه وراسه ينشال برمـح
ودمه فوگ الگاع يجري وللحشر يبقه يسح
جروحه تبـقـه للقيامه شاهده بكـل مـاجرى
دمه يشهد ، لحمه يشهد مصاب گطعة منحره
الكائـنـات اتنـوح لجله بالسمه
المصيبة تصير من تگلب دمه
……………………………
وسبب كـل هاي المصيـبه الثاني والاول تـره
من السقيفه يـبدي كلشي بهالجريمه السافره
من حـرگ داري عله بنـتي فاطمـه هالطاهره
ضلوع لو ما يكسر الها الثاني ما صار وجرى
صدر الحسين بمحرم بالحوافر ينسحگ
وخيمة الحره العقيله بنـار باچر تحـترگ
وبالبـراري بنـتي زينب هايمه
المصيبة تصير من تگلب دمه
الشاعر عقيل الحسناوي..
.
#الليلة_الثانية
#قصيدة_رباعية
#محرم_1446
كتبت بفضل تراب المدينة ورعاية صاحب الأمر عجل الله تعالى فرجه
يرجى بعد إذن حضرتكم في حال الاستفادة إفادتنا بالتسجيل لتمام الفائدة
١/ روحُ الرسولِ أتى إلى قبرِ الرسول
هذا الصفا، أوَمروةٌ قبرُ البتول؟
نزَلَ البلا، والسعيُ بينهما يطول
يحكي لهم عن حالِه في نينوى
٢/ إني أنا إبنٌ لـ "لو كُشف الغَطا"
ببصيرة أطوي إلى أجلي الخُطا
قل إنَّما "هيهاتَ لو تُرك القَطا
لغفَا ونامَ" ولم يظلَّ بلا رِوى
٣/ وبلا رواءٍ كيف أبقى مُفردا؟
فبلا صِحابٍ بعدَ أن رَوُّوا الفِدا
والحزنُ مائي أرتويهِ سرمدا
فالنجمُ تِلوَ النجمِ للأعلى هوى
٤/ يعلو ندايَ لأكبرٍ ولقاسمِ
ولكافلِ الحوراءَ عباسَ الظمِي
ألقاهُمُ قِطَعًا تُخضَّبُ بالدمِ
وأنا أجاهدُ دونَ ظهري واللوا
٥/ مِن ثمَّ أبكي: "يا لأمة أحمدِ"
والرأسُ يُرفعُ للسما بتورُّدِ
وعليَّ خيلُ الأعوجيَّةِ تعتدي
حتَّى تراني فاطمٌ وترى الجوى
٦/ نارٌ عَلَت في خَيمِ أصحابِ الصراط
فتقطَّعت بفؤادِنا كلُّ النياط
وكما على متنِ البتولِ هوَت سِياط
سوطٌ على متنِ السبيَّاتِ التوى
#في_خدمة_الخطباء
✍️قمر حسين
نسألكم الدعاء
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
اجمل صور
❤️ @Afubxev
نعي +ابو ذيات
❤️ @htyyu1
درب اهل البيت عليهم السلام
❤️ @GtG1T
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde