7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ن.
.... لكن نار أشد من نار
نار احرقت خيمتنه.... ونار احرقت باب الدار
آنه اللي شفت صدرين... واحد صوبه المسمار
واحد كربلا تخربك.... اشلون الخيل رضنَّه
كم مصاب دهري الصاب... قلبي وانجسم نصين
آنه الحزن ذوبني.... وآنه الشاهدت طشتين
جبد الحسن واحد بيه... واحد بيه راس حسين
وسهام الدهر قلي... بفقد حسين صابنَّه
آنه اللي اوقفت مرتين..... والمرتين آذنِّي
وقفه بمجلس ابن زياد... متشمت نشد عنِّي
وقفه الثانيه بمجلس.... يزيد الكثرت ونِّي
وماظل من هلي واحد... بذيج الساعه يحشمنه
آنه اللي فجعني البين... بهلي وصرت مفجوعه
آنه الشاهدت كفين ....... للعباس مقطوعه
آنه الشفت خويه حسين..... كلّها امكسره ضلوعه
آنه الشاهدت رجسين ....... راس حسين ايقطعنَّه
آنه الشاهدت طفلين...... فوق القاع مطروحه
محسن سقط من أمي .... ورضيع ادماه مسفوحه
آنه الشاهدت راسين ....... بسمِّ الغدر مصيوبه
طبرة سيد الكونين ....... أوراس بعمد هشمنَّه
آنه المانسيت حسين..... آنه زينب الكبره
آنه البالصبر مثله..... وصبري نبع من صبره
آنه الدهر دولبني.... وبحسين اشعمل دهره
ما خلاّني ويا حسين.... لمن طاح أودعنَّه
بيت تخلص
أدرك تـرانك أيـها الموتورُ فـلكم بـكل يـدٍ دمٌ مـهدور
ألتمس دعاكم
دعاكم لي ولوالدي بالسفاعة
،https://telegram.me/joinchat/AAAAADujmZVwBO8_CKrZ5Q
الهالكين.
فقال (عليه السلام): إنّما أشكو بثّي وحزني إلى الله وأعلم من الله ما لا تعلمون، إنّي لم أذكر مصرعَ بني فاطمة إلا خنقتني لذلك عبرة .
أمر الخليفة المنصور عامله على المدينة أنْ يحرق دار الامام الصادق (عليه السّلام)، فجاءوا بالحطب الجزل ووضعوه على باب الدار وأضرموا فيه النار.
حيث ان النار حينما أخذت ما في الدهليز تصايحنَ العلويات داخل الدار وارتفعت أصواتهن، فخرج الإمام الصادق (عليه السّلام) وعليه قميص وإزار وفي رجليه نعلان وجعل يخمد النار ويطفئ الحريق حتّى قضى عليها وهو يقول "أنا ابن أعراق الثرى أنا ابن إبراهيم خليل الله عليه السلام".
دخل على الامام الصادق ع بعض شيعته فوجدوه حزيناً باكياً، فقالوا له "ممّن هذا التأثر والبكاء, أمِنْ جرأة القوم عليكم أهل البيت وليس منهم بأوّل مرة ؟"، فقال الإمام (عليه السّلام) : (لا، ولكن لمّا أخذت النار ما في الدهليز, نظرت إلى نسائي وبناتي يتراكضن في صحن الدار من حجرة إلى حجرة، ومن مكان إلى مكان هذا وأنا معهن في الدار، فتذكّرت روع عيال جدّي الحسين (عليه السّلام) يوم عاشوراء لمّا هجم القوم عليهنَّ، ومناديهم ينادي: أحرقوا بيوت الظالمين ).
فائزي
من شبوا النيران فرت كل العيال بس العقيلة اتحيرت والدمع همال
نـادى عـدوها اشحيرك يربات الادلال نـادت او مثل المطر يهمل مدمع العين
عدنه عليل امن المرض ما يگدر ايگوم نـايم طـريح اوسـادته بـالخيم يا گوم
هـوه الـبحيه من نسل هاشم او مخزوم او هو الشريده إلي بگت من خلفة احسين
ساعد الله قلب مولاتنا يوم العاشر عندما أضرم الاعداء النيران في المخيم من بعد قتل اخوتها وبنيها واصبحت بلا محام وكفيل وجنّ عليها ليل الحادي عشر .
بمن تستغيث وكأني بها توجهت نحن الغري الى والدها امير المؤمنين ع.
مجاريد
تگله
يبوية علية الليل هود وآنه حرمة غريبة ما لي حد
بيمن يبوية الگلب يضمد بالحسين هلعندي امدد
وابن والدي العباس ما رد خلصوا هلي الله ولحد
وحنّ قلبها واشتاقت لتلك الاجساد الطاهرة وتوجهت للحسين والعباس وهما على حر رمال كربلاء والظلام عمّ المكان واخذت تتعثر بجثث الشهداء حتى وصلت واخذت تشكوا همها وآلامها
لحن الشريعة
انه المذبوحه اخواني
انه المحروگ صيواني
انه المرعوبه رضعاني
الرمل ليهه انفرش
مرمرني العطش
……
ياگلبي اشعظم ضيمه
بالطف مابقت خيمه
چم ايتيم ويتيمه
بدمع خدي انخدش
مرمرني العطش
،،،،،،
باجر ياضوه عيوني
سبيه الگوم يسبوني
ويمكم مايخلوني
كل فكري اندهش
مرمرني العطش
……
بس الليل والحومه
واخوتي اعله الترب نومه
حسين انسلبت اهدومه
ضل بلا نعش
مرمرني،العطش
……
*الشاعر محمد حسن ضيغم
بيت تخلص
يا قلب زينب ما لاقيت من محن *** فيك الرزايا وكل الصبر قد جمعا
https://t.me/joinchat/AAAAADujmZVwBO8_CKrZ5Q
مقدمة الليلة الاولى
.
.
.
مو شهر نبچي دهر .. اويه الأمام المنتظر
على مگطوع النحر
حسين
***
حسين مـو فتـره وجيـــزه وتــنتـهــي أيـامه
حسين قصه ابلا نهــايه تبتـدي امـن اخيامه
قصه بيهـا السوط شيخ وشـايخ اعله ايتامه
وبيها جسم حسين مرمي امكسرات اعظامه
خيلــهم مارحـــمته .. روحه رده سحگته
وساوته صدر ابظهر
حسين
***
امحرم اتلاثيـن يـوم ويـگضي عند الوادم
ونبقه نبچي السنه كلهه احنــه ويه القائم
نبچـي ذاك الذي بجسمه مابقى شي سالم
عالرمـل والرمـل حار وعــلى وجــهه نايم
جروحه اذا فوك الألف .. اشيبقه بي من النزف
دمـه عالغبره انتـــثر
حسين
***
نبجي عالعطشان دم ونحزن اعله مصابه
ولهـــذا المهدي لســـه دمـعتــــه سچـــابه
والتكتــــلك بالقــضيه شـــغلــة الســـلابه
البِجـسمه الفيــن طبره شيــبقن من ثيابه
امسردات امن النبل .. واللــي سلبـــهن نذل
عاري ضل ابهالاثر
حسين
***
لو خمس تالاف عمر اشـعـيب الله انطانه
نبچي وشما نبچي تبـقى اعيونه عطشانه
عالذي امن العطش شفته امفطره وذبلانه
الـطبگ بينـه كل دقــيقه تــشتـــعل نيرانه
التنشف اعيونه دمع .. باللــطم يكسر ضلع
للذي صاير وذر
حسين
***
امن السـنه للسنــه عاشـــر مـو فــقط هالعــشره
نطبـــخ ونلطـــم ونبـچـــي ولبـــو اليــــمه نـقره
حسين بالطف خيل عشره طحـن طحنت صدره
ومن كثــر سحـگ الحوافر تــرس جسـمه الـغبره
بجسمه صله اشكم سهم .. بجسمه ويلي شگد الم
فاق الحدود وعبر
حسين
***
حيدر تركي الكربلائي
مقدمة الليلة الاولى
.
.
.
جوابــي لليــسئلون .. اختـــصـره بكـــلمتـين
احب ياناس عباس .. واحب ياناس الحسين
گالو مستـفيد؟
گلت الهم اكيد
احب ياناس عباس .. واحب ياناس الحسين
---------
طفل وايام عمــري چــانت اشــويون
وتلـــوليلـي امــي بگـلـــي يالمــيمون
ربيت ابيت بيه طول السنه ايلطمون
وبالاسود اهلي اذكر چانو ايكـشخون
وكل ماشاهدت مــنبر ملامــح وجـهي تتغير
البيــئة بيـتهم عاشور ينسه شلون ابو الاكبر
رضعت احـــزان عاشور .. على اعتاب المخيم
لذلـــك حـــب الحســين .. لهسه يجــري بالدم
نافــذ بالـوريد
گلت الهم اكيد
احب ياناس عباس .. واحب ياناس الحسين
---------
ربيت ابسلف غيره وشيـخنه النوماس
ومــضايــفنه الحســينيات ياهالـــناس
مـــو إي ايــــد گــالـولي هــلـي تنـباس
وبست بس ايدي ابوي وعتبـة العباس
والـــيــتربه بالحـــظره اكيـــداً يرتفـــع قـدره
ولو رادت تزغره الناس ابو فاضل تره ايكبره
ابصحن عبــاس ياناس .. كبرت وعـله صيتي
اليــسئل بيتـــكم ويــن .. اگلــه الصحن بيتي
گالو مــو بعيد
گلت الهم اكيد
احب ياناس عباس .. واحب ياناس الحسين
---------
عندي احسين اسمه اجمل الاسماء
واحــب هذا الاسم مـن الالـف للياء
گالـــولي مرائــي وتـــعلـــم الزهراء
انه ابن الطبگ والبــچي وعاشوراء
احسيناوي الجزع ثوبي ولامــــاغيـــر اســـلوبي
ابچي شـــلون ما ابچي وتدوس الخيل محبوبي
قدوتي بحب الحسين .. شكــو انســان خير
مثـــل كاظم المنظــور .. ومثل حمزه الزغير
حچيك موجديد
گلـت الهـــم اكيد
احب ياناس عباس .. واحب ياناس الحسين
---------
مرات العــصر صـدري احسه ايضيج
واگصد للــرفيج الماكو مثــله ارفـيچ
ما امشي مشي اشــواگي مــن تهـيج
اركــض لبـو اليمه ركضــة طـويـريج
اركض واوگـع وانذل عاديــه ولا ازعـــــل
اريد ابهاي اواســيها الركضت حافيه للتل
فدوه العيـن الحسين .. خـــل اشما يگولون
واذا گالولي مجنون .. نعم هوه اني مجنون
مجنون الشهيد
گلت الـهم اكيد
احب ياناس عباس .. واحب ياناس الحسين
---------
السفر گالولي نعمه وراحه نفـسيه
اشـعندك كاضي عمرك بالحسينيه
مايـدرون عــندي ســــفره لـــيليه
الصحن عباس اخو زينب المسبيه
منـــاي واحـله ايــامي الگـمر لو شفــته گدامي
ضامي الشوفة الشباچ يمه وجاي احس ضامي
هنـــيئا للـــيشمون .. عطـر صحن ابو فاضل
يعيشون ويموتون .. اهـــل غــيره ومــراجل
وياهـــم تـريد
گلت الهم اكيد
احب ياناس عباس .. واحب ياناس الحسين
---------
حيدر تركي الكربلائي
صاحب الزمان (عج) وهلال محرم
فديتُكَ هلَّ الحـــــــزنُ حزنُ محرَّمِ
أعينــــــــــاكَ أم هــل الهلالُ بمأتمِ
وحيداً وتنعى والســــماءُ بكتْ على
فؤادكَ مفطــــــــــوراً وقلبٍ محطّمِ
فهل تندبُ المذبـــوحَ ظلماً من القفا
وعذراً ليشـــــــجيكَ الذي قالهُ فمي
أمِ الصحبَ والأهلينَ حينَ تجزروا
أمِ الطفلَ يشــــــــكو من ظماً بتألمِ
أم العينُ تبكي حالَ زينب وحدها
أمِ الفارسَ الســـــاقي بمقتلهِ ظمي
أتسمعُ أصواتَ الخيولِ ودوسها
على الصدر والأضلاعُ يطحنها العمي
أتبكي على تلكَ الصغيرةِ عندما
على الخوفِ لاذت بالحسينِ لتحتمي
أتبكي لآثار السياط ونهشها
من اللحمِ مع حر القيودِ بمعصمِ
تجرعتَ حزناً لا مثيلَ لحزنكم
نواسيكَ جئنا بالدموعِ وبالدمِ
سلاماً إمامَ العصرِ يقتلنا الجوى
وفي كل يومٍ لم نزل بمحرّمِ
فيا ليتَ أدركنا الحسين بكربلا
وياليتَ قطّعنا فداهُ ليسلمِ
فداكَ فعجّل ناشراً علمَ الهدى
لنطلبَ ثاراتِ الحسينِ فأقدمِ
................................محمد يحيى حجازي
#نعی روئت الاهلال
شفت الهلال والطمت الخدین
صحت یازهرا لحگیلی علحسین
اخوی ینذبح ویعوفنی بلدواوین
❥•••••••••••••••••••••✿*°🕊
عسی لا بینت یهلال المصایب
وبیک علخوتی گلبی ذایب
والحزن یلتم علیه والنوایب
❥•••••••••••••••••••••✿*°🕊
بیک یاشهر زینب صبت العین
ولزمت گلبها الفگد الحنین
وللیسر انا واخوتی مستعدین
❥•••••••••••••••••••••✿*°🕊
بیک یهلال الزمت علخوگلبی
وبطلعتک بعد ماشوف دربی
خلی حسین سالم یربی
❥•••••••••••••••••••••✿*°🕊
اظلم لیش یهلال شو علیه
وانا الهظم والظیم بیه
وادری جایب ویاک الاذیه
❥•••••••••••••••••••••✿*°🕊
صاحت یازهرا وینج یایمه
وعلیه الهلال جنه بین همه
ادری بیه ایعورنی اسهامه
❥•••••••••••••••••••••✿*°🕊
تمت بعون الله
✍ #علویه ام فاضل
❌غیرمبری الذمه الیحذف او یغیراسم الشاعره❌
بيت ابوذيه لاستقبال شهر محرم الحرام
گطــع گلبي أهـلال الحـزن مـن هـل
ومعــذور الدمــع لحسين مــن هــل
ضمايه احنه وشهر عاشــور منهل
يروّينــه عشــگ شــبل الـــزچيه
**
الشاعر
موسى البديري
{ *مجلس هلال المحرم*}
{ المقدمه الصلواتيه} :
صلى الله عليك يامولاي يارسول الله
وعلى آلك المظلومين
صلى الله عليك يامولاي يا اباعبدالله
روحي وارواح العالمين ، لك الفدا ياقتيل العدا
ويامسلوب العمامة والردا
ياصريع الدمعة الساكبه وياصاحب المصيبة الراتبه ، تبكيك عيني لا لأجل مثوبة ، لكنما عيني
لأجلك باكيه ، تبتل منكم كربلا بدمٍ ولا
تبتلُ مني بالدموع الجاريه
ياليتنا كنا معكم سيدي ، فنفوز والله
فوزا عظيما
--------------------------------------------
{ القصيد } :
وهلَّ هلالٌ الشؤم ِوالحزنُ نابَـنا
ويبقىٰ مصابُ السبط ِدوماً مُصابَـنا
محرمُ شهرُ اللهِ فيهِ تَجَرأَت
أمَيةُ والأشياعُ تبغي قِتالَنا
وإنَّ لـهُ في الجاهلياتِ حُرمةٌ
وأمةُ جدي قد أباحَت دمآءَنا
فيا ابنَ شبيبٍ إن بكِيتَ لحادِثٍ
ألآ فابكِ مَن في الطفِّ ِأدمىٰ قلوبَنا
فمقتَلُهُ ضجّت لهُ الأرضُ والسما
وقد أسبلَ المذبوحُ ظُلماً دموعَنا
غريباً قضىٰ كالكبشِ وآ إسفاً لهُ
وكم أقرَحَ الظامي السليبُ جُفونَنا
ونسوَتُهُ تُسبىٰ إلىٰ شـرِ ظالم ٍ
وواللهِ يومٌ قد أذلَّ عزيزَنا
وعمتيَ الحورآءُ باتَت أسيرةً
تُنادي أخاها ليتَ عاجَلني الفَنا
لقد كنتُ مابينَ الأسودِ كَلبوةٍ
وبينَ الأعادي اليومَ أُسبىٰ فَمَن أنا !
فأينَ تُرىٰ الباكونَ حقاً لِـمثلِـهِ !
فجُرحُ حُسينِ الطهرِ لا زالَ جُرحَنا
#الشيخ سمير_الصالحي
--------------------------------------------
● أبـــــوذيـــــــة ●
عسى اهلالك يَشهر الشوم لاهل
او إِلي والي فلا خليت لا هل
يچويني الدمع يهلال لا هل
امن أذكرن بيك إخواني رميه
● نعـــــــــــــي ●
عسه اهلال الشهر لا هل علينه
و لا احنه الكربله يحسين جينه
خويه العده إلتمت علينه
وانا قلبي يقول اتفارقينه
وبعينچ تشوفين ابو اسكينه
چثه اعله الثری و امقطعينه
قلبي انخمش من شفت الاهلال
وسال الدمع من عيني همال
هالشهر بيه تتذبح ارجال
وبيه راس اخيي برمح ينشال
وجسمه يظل ابحرِّ الرمال
وآنه انچتف للشام بحبال
تفجعني يشهر ابچم مصيبه
مسبيه أظل وأبگه غريبه
ودلالي مَيفارق نحيبه
عجيبه محنتي والله عجيبه
بعدك ما أذوقن طعم الأفراح
وجفني امن البچي مالحظه يرتاح
كل ليلي قهر يهلال وانياح
افارق بيك كل أهل المحنه
ومحد يظل يهلال إلنه
ويسلبوها بعد والله حرمنه
●● نعي فائزي ●●
هل الحزن و النوح لمن هل الهلال
وزينب حزينه ونايحه و الدمع همال
〰〰〰〰
ريتك يشهر النايبه لا جيت وهليت
وسط القلب چم نايبه چم جرح خليت
يامه علی فقد اخوتي يهلال ونيت
جدام عيني شفت اخيي اموسد ارمال
〰〰〰〰
شفته وبقت وسط القلب يهلال جمره
ما ودعيته ولا قدرت أقعد ابكتره
ظليت مالومه و أجر يهلال حسره
وتالي مشيت امچتفه يهلال بحبال
〰〰〰〰
يهلال ترميني بعد چم سهم وامصاب
ما خليت عندي لا ولد لا أخو ولا شاب
وأعظم عليه من رحت تحديني لأجناب
وكل ساعه يضرب متني آيهلال چتال
〰〰〰〰
تمت بحمد الله تعالی
✒/ فاطمہ كريم
•●● هل محرم ●●•
• نعي لدخول شهر محرم على وزن و طور : {الفراق} (مالي غيرك) .
.
.
هل محرم .. هل شهركم يامحبين
هل محرم .. لا تنشفوا دمعة العين
هل محرم .. صيحوا آيمصاب الحسين
.
.
هل محرم .. وهلت أيام المصايب
هل محرم .. كربله وذيج النوايب
هل محرم .. گوموا نصبوها المواكب
.
.
هل محرم .. ولاحت أيام المناحه
هل محرم .. حسين وامصابه وجراحه
هل محرم .. واقترب عاشر صباحه
.
.
هل محرم .. نزعوا اثياب المسره
هل محرم .. اتعاونوا وواسوا الزهره
هل محرم .. هذا يلطم هذا يقره
.
.
هل محرم .. وهلت أيام العزيه
هل محرم .. لاتقصروا اويه الزچيه
هل محرم .. ونوا كل صبح ومسيه
.
.
هل محرم .. وفاطمه اتجدد عزاها
هل محرم .. گوموا يا شيعه معاها
هل محرم .. شاركوا ونة بچاها
.
تم بحمد الله تعالی
✒ / فاطمہ كريم
نسألكم الدعاء لتعجيل الفرج
الفاتحة مع الصلوات إلى روح والدي
--------------------------------------------
{ خبر الهلال} :
إنا لله وإنا إليه راجعون ، ألف لاحول ولاقوة
إلا بالله العلي العظيم
روي أنه قيل للإمام الصادق ( عليه السلام ) : سيدي جعلت فداك ، إن الميت يجلسون له بالنياحة بعد موته أو قتله ، وأراكم تجلسون أنتم وشيعتكم من أول الشهر بالمأتم ولاعزاء على الحسين ( عليه السلام )
فقال ( عليه السلام) : يا هذا إذا هل هلال محرم نشرت الملائكة ثوب الحسين ( عليه السلام ) وهو مخرق من ضرب السيوف ، وملطخ بالدماء فنراه نحن وشيعتنا بالبصيرة لا بالبصر ، فتنفجر دموعنا
{رحم الله من نادت وا إماماه}
اي وا حسيناه
وقَالَ امامنا الرِّضَا ( عليه السَّلام ) :
" إِنَّ الْمُحَرَّمَ شَهْرٌ كَانَ أَهْلُ الْجَاهِلِيَّةِ يُحَرِّمُونَ فِيهِ الْقِتَالَ ، فَاسْتُحِلَّتْ فِيهِ دِمَاؤُنَا ، وَ هُتِ
هلال محرم والامام الحجة عج
بعينك يمهدينه الهلال\لحن الجفيري♪
بعينك يا مهدينه الهلال
يرسم دمع بدمومه سال
يبكي لربات الحجال
يصوّب سهم وسط الگلب
〰〰〰〰
تشوفه لبس ثوب الحزن
يلبس جلابيب ومحن
يبكي الذبيح بْلا دفن
نايم على حرّ الترب
〰〰〰〰
من تنظره تشوف الخيم
مسبيه اطفال وحرم
وزينب يلوّعها الألم
تعاين خيام تشب لهب
〰〰〰〰
يرسم نحر بدمه خضيب
وجسم الولي بالطف تريب
فوق الثره عاري وسليب
وتلفّه أكفان وترب
〰〰〰〰
خادمة آل محمد ✍🏻
*الزهراء ع تنشر قميص الحسين ع في كربلاء* لحن اسمع عتابي للشيخ البيابي~
الزهره الزچيه ~ تنصب عزيه
نِشْرت قميصه~ بالغاضريه
〰️〰️〰️〰️〰️
آنه ابني مظلوم~ ظامي ومحروم
وهذا قميصه ~ اْلـِ يتقاطر دموم
〰️〰️〰️〰️〰️
آنه ابني مذبوح~ عالغبره مطروح
مخضّب بدمه ~ ومن نحره مسفوح
〰️〰️〰️〰️〰️
ابني يا شيعه ~ ذبحوا رضيعه
مسلّب قميصه ~ جثه صريعه
〰️〰️〰️〰️〰️
مسلّب رداءه ~ في كربلاءه ~ وتبكي محنته أرضه وسماءه
〰️〰️〰️〰️〰️
نوحوا لْمِحِنته ~لابني وذبحْته
نصبوا المآتم ~حزوا رگبته
خادمة آل محمد✍
حال الزهراء ع في المآتم / لحن اسمع عتابي~
بالمجلس تدور~ والدمع منثور
تلطم على حسين ~ والضلع مكسور
وبثوب الاحزان~ تبچيِ العطشان
من نحره مذبوح~ موسّد التربان
ابني يا شيعه~ اوداجه گطيعه
بوسط،المآتم~ ابچي الفجيعه
تگعد على الباب~ والحزن جلباب
أنه ابني گلبه ~ بمثلث انصاب
دمعاتي عاشر ~ وابني بلا ناصر
داسوا عاصدره ~ حافر بحافر
صح ونادي صيحة فاطمة حسين ~ يا حسين
خادمة آل محمد✍🏻
قصيدة هلال شهرم محرم
تحضرو لشهر الحزن واللوعه
فاطمه بيه شكثر مفجوعه
واحسيناه ... واحسيناه
....................................
يبتدي شهر المحرم نشرو الاعلام
واسو ياشيعه الزجيه بهاي الآلام
يامصيبه الي جرت مرت بالاسلام
ذبحو حسين السبط يسبون الايتام
يامصاب العاشر وموضوعه
فاطمه بيه شكثر مفجوعه
واحسيناه ... واحسيناه
................................... ...... 1
ياشهر شفنه المصايب شفنه الاحزان
انت خليت العقيله بلايه وليان
ظلو بأرض الطفوف بغير اكفان
وابوالاكبر عالوطيه حسين عريان
ورگبته من العده مگطوعه
فاطمه بيه شكثر مفجوعه
واحسيناه ... واحسيناه
.................................... .... .... 2
ياشهر عبدالله بيك بنبله مذبوح
وأمه محتاره بقت مهمومه وتنوح
دمع من عيونهه عالوجنه مسفوح
من عظم هاي المصيبه الگلب مجروح
الونه من عدهه بألم مسموعه
فاطمه بيه شكثر مفجوعه
واحسيناه ... واحسيناه
.................................. ... ... .. 3
ياشهر بيك الگمر مگطوع الچفوف
طفو بعينه النظر ما يكدر يشوف
وراسه مفضوخ بعمد طايح عالجروف
وزينب اباب المخيم صابهه الخوف
تنتظر يالحظه الهه ارجوعه
فاطمه بيهه شكثر مفجوعه
واحسيناه ... واحسيناه
..................................... .... ... 4
ويلي ياجاسم الك تبچي الشباب
من الدمه حنتك صارت بالمصاب
وسفه يبن الحسن مرمي عالتراب
ورمله لأجلك تنتحب فگدك عذاب
عليهه آهات وقهر مجموعه
فاطمه بيه شكثر مفجوعه
واحسيناه ... واحسيناه
..................................... ... ... 5
خادمكم مالك السعيدي
موكب احزان السماء..
هل محرم.. بالعزاء...
..........هلال جرحج فاطمه
***
اتحضرت كل الملائك.......صوت واحد تعتلي
تنظر الروح القداسه.......والدمع منهه يهلي
اهلال بين بالمصيبه......اتفاجئ الطف مايلي
نحور قبلهن محمد........فاطمه ويمهه علي
نشرت أملاك السمه
جنح فطرس بي دمه
.......صوت واحد فاطمه
***
بالسمه شفت العلامه.......نحر مذبوح وسهم
والمصيبه الله اكبر......چم طفل بيها انفطم
الراوي بدموعه كتبهه.... نار محترگه وخيم
والمهر مكسور ظهره .....طاح شيال العلم
موسم جروح وبكاء
بالنعي يحلى الرثاء
......حسره تنحب فاطمه
***
شفت حيرتهه الفواطم.... هلال ريتك لاتهل
تبتدي برسم المصيبه ...منحني ظهرك
خجل
منهجك مطلوب فديه..... يامحرم دم طفل
تنذبح حسره السوالف..... بالنحر زارع نبل
عالي صوتي بالنداء
ضمي جرحج كربلاء
.........هاي لوعة فاطمه
***
اوچبت بيها المصايب.....حسره زينب بالجرح
وبخيالي شفت صوره.... هذا ياهو عله الرمح
اهلال أرحل ما اريدك........گلب زينب ينذبح
وتعدي ظلت غريبه.... بت علي ابوجه الصبح
مرت أشكال العذاب
هلال جرحك بالمصاب
........بلوعه مهجة فاطمه
***
عطش والصحره عله گاعج...بس مدامع
هامله
والضمير ايصير ميت.......ليش ناسج حرمله
شفت كل إنسان ظالم ..... لو يجي تستقبله
والعقل جاز بحدوده.....ضمي روحج كربله
اتشابكت بيها السهام
تحترك ليش الخيام
...........جمر تسعر فاطمه
***
ياجرح عاش ابدليلي.......دمعه ينزف كوكبي
والخيم متوجره صارت .....نار ابذيال العبي
وانه اشوف الوعه بيها.......حسره تل الزينبي
والفواطم والله حيره......چنهه زينب تنسبي
تنچوي شفت الزغار
اتفاجئت بالخيمه نار
.......... كلها تصرخ فاطمه
***
تمت بعون الله
خادمكم .....يوسف الفتلاوي
خَلْ نِخْلَعِ ثْيَابِ الصَّبُرْ
وْنِنْشُرْ سَوَادِ بْكِلْ كِتُرْ
هَاذَه شَهَرْ أُمِّ الْخِدُرْ
هَاذَه مُحَرَّمْ فَاطِمَه
-----------------------
شَهْرِ الذَّبِيحِ وْلُوعِتَه
فَاحَتْ عَلِينَه رِيحِتَه
هَاذَه قَمِيصَه نِشْرِتَه
چَفِّ الْمَلَكْ وَسْطِ السِّمَه
-----------------------
مَوْسِمْ حِزِنَّه وِالدَّمِعْ
كِلْ مَغْرِبِيَّه نِجْتِمِعْ
نِبْچِي الْغَرِيبِ الْمِنْصِرِعْ
نْوَاسِي الزِّچِيَّه الْهَايِمَه
-----------------------
نِبْچِي الْحُسِينِ وْطِيحِتَه
خْيُولِ الْأَعَادِي دَاسِتَه
وِاخْتَه الْحَزِينَه شَافِتَه
يِتْگَلَّبِ بْفِيضِ الدِّمَه
-----------------------
نِبْچِي عَلَى نَحْرِ الطِّفِلْ
بَاحْضَانَ ابَيَّه يِنْچِتِلْ
عَبْدَ الله يِرْمُونَه بْنَبِلْ
وِالنَّبْلَه حِيلِ تْأَلِّمَه
-----------------------
نِبْچِي الْكَفِيلِ وْرَايِتَه
طَاحَتْ يِسَارَه وْيِمْنِتَه
تَالِيهَه شَبَّوْ خِيمِتَه
ضَنْوَةْ عَلِي حَامِي الْحِمَه
-----------------------
نِبْچِي عَلَى عْيَالِ وْحَرَمْ
مَا عِدْهَه بِالْحُومَه خِيَمْ
رَاحَوْ سِبَايَه بْلَا عَلَمْ
مِنْهَه الْمُتُونِ مْوَرُّمَه
-----------------------
#الليلة_الأولى
#محرم_١٤٤٦هج
الشاعر حسن خنافر العاملي
#في_خدمة_الخطباء
#محرم_١٤٤٦
#الليلة_الأولى
١ / هذا بلالُ الحزنِ أذَّنَ للعزاءْ
واستعبرَ البيتُ العتيقُ لكربلاءْ
فلقدْ بكى للرّزءِ أصحابُ الكساءْ
وملائكُ الرّحمانِ تُجري الأدمُعا
٢ / نُشرَ القميصُ ويا لثوبٍ يُنشرُ
فبدا العزاءُ بوجهِ أحمدَ يُنظرُ
هذا محرّمُ ، والفؤادُ مفطّرُ
فمنِ الذي واسى فؤادًا رُوِّعا ؟
٣ / يعقوبُ عافاهُ القميصُ وأبصرا
أمّا محمّدُ ، أشعثًا ومغبَّرا
يهوي على ثوبٍ تلطّخَ أحمرا
حقٌّ عليهِ القلبُ أن يتوجّعا
٤ / ما لا يُرى أو ما يُرى يبكي الحُسين
من عاشرِ الأرزاءِ حتّى الأربعين *
خلقٌ وأملاكٌ وجنٌّ نادبين
مَن كأسَ طامّاتِ المصائبِ جُرِّعا
٥ / هوتِ الثّريّا والثّرى لمّا هوى
وتقطّعتْ أوصالُهُ في نينوى
آهٍ لقلبِ الأمِّ منهُ يُكتوى
وعليُّ جاءَ إلى المصارعِ مُسرِعا
٦ / وخيامُ زينبَ بالبراري تلهبُ
والعزُّ ماتَ وعزَّ تُسبى زينبُ
أوما شفقتَ لخدرِها يتسلّبُ
تبكي لحينٍ منهُ رضّوا الأضلعا
٧ / يا صاحبَ الثّاراتِ عجِّلْ طالبِا
عند البقيعِ على المصائبِ نادِبا
أمًّا وجدًّا ، عمّةً ، عمًّا ، أبا
ولكربلا نُحيي هناكَ المصرَعا
حسين مازح
🌴تجمًع الزهراء ع العاشورائي🌴
🌳الليلة الثانية الإمام المهدي عج وحادثة الطف
تنظيم🌾 منى يزبك
القصيدة الفصحى
هـذهِ دارُهُـم تُـهيجُ شُـجُوني كـيفَ حَبسُ الدموع بينَ الجُفونِ
جُـودي بالدمعِ فوقَ خدّيَّ جُودي هـذهِ دارُ صـحبِنا يـا عُيوني
بـعدوا والـبعاد أمـر مـريب وبـمـا لا أطـيـقُه حـمّلوني
واصـلُوني دهراً وما كُنتُ أدري بـعدَ وصـلٍ ورحمةٍ يهجروني
ودّعـوني وأودَعـوا السهم قلبي لـيتني مِـتُّ قـبل ما ودّعوني
أيُّـها الـلائمونَ كُـفّوا ولـكن بـمصابِ ابـنِ فـاطمٍ ذَكّروني
تـلكَ ذكـرى بها تَهونُ الرزايا وهـي مـن أُمهاتِ ريبِ المنونِ
تَـركتْ زيـنباً تُـنادي حُـسيناً يـا ابـنَ أُمي ووالدي روّعوني
غـيّرتني مـصائبُ الطف حتى أن مـن يـعرفوني لـم يعرفون
صرت أدعو بين العدى يا حُماتي وهـم راقـدون مـا سـمعوني
لـيتهم شـاهدوا عـنايَ وذُلـي وسـياط الـقساة فـوق مـتوني
كـنت مـا بـينهم جـليلة قدرٍ لـكن الـيوم فـي السبا تركوني
فـإذا مـا نَـدبتُ جـدّاً وعـمّاً وأبـاً فـي سـياطِهم ضَربوني
آه آه
مجاريد
آه من الزمان الغدر بخواني..او يسيرة بيد گوم الانذال خلاني
ريت اللحد گبل حين ضماني...عساها غمضت عيني گبل عبنه
🍃تگلة يمة يزهرة
عكراوي
تمنيچ يزهرة حاضرة ويانه...وشفتي احسين يوم الهوه ابميدانه
ثلث تيام ظل مطروح بمچانه...وسلبوا عيلته او حرگوا الصواوين
يا ريتچ حضرتي احسين ومصابه...تره سهم المثلث بالگلب صابه
يگعد فوگ ثظره الشمر ما هابه...وهالملعون بيده ذبح والينه
أبو ذية
مصاب إحسين أبد بالكون ياجــــد
مشه إبدرب الشهاده وعرف ياجد
صاح بصوت فتني العطش ياجـــد
يراعي الحوض يالتسكي البريـــّه
إعيوني إمن البجي ياناس كـفـّـــن
على اللي جاد دون حسين كفيـّـــن
إلك كفيــّــن يالعبـــــــاس كفـّـــــن
كفو مـنـّك يبـــن حامي الحميـــــّه
إيه يا زينب إيه يا قلب زينب
مولاتي كيف تحملتي ذلك المنظر العظيم
فديتك روحي يا زينب .. زينب عندما ساهدت الحسين بتلك الحالة بمن تستغيث
حولت وجهها الى ناحية امها الزهراء ع الى المدينة
ترى شو تگله
منو مثلي اخوه علگاع
نايم والشمر يمه
وعينه تنظر اعياله
وجسمه امسبّح بدمه
----
ياهو الي مثل زينب
گامت تلطم اعله العين
صاحت يمه يالزهره
من شافت اخوها حسين
يم جسمه الشمر واگف
ولن صار الجرح جرحين
جرح من الشماته اصعب
لو جرح الذي بجسمه
-----
شفت الخيل من داست
اخوي وسحگت بصدره
وشفت الشمر يا ويلي
وبسيفه يحز نحره
شفت حسين ضل جثه
فوگ الگاع متطشره
ومن ابعيد ماگدر
اصيح وروحي اتكلمه
-----
الشاعر محمد حسن ضيغم
🍃المصيبة🍃
الإمام الحجة (عج) ومصائب كربلاء
قال بعض الأكابر أن أحد المؤمنين رأى الإمام المنتظر (عج) في الرؤيا فسأله عن قوله في زيارة الناحية (فلئن أخرتني الدهور، وعاقني عن نصرك المقدور، ولم أكن لمن حارجك محاربا، ولمن نصب لك العداوة مناصبا، فلأندبنك صباحا ومساء، ولأبكين عليك بدل الدموع دما).
قال سيدي لأي مصيبة تبكي دماً؟ لمصيبة الحسين؟ قال: كلا، لو كان
الحسين حاضرا لبكى، سيدي أتبكي لمصيبة أبي الفضل العباس لأنه قطيع اليدين؟ قال: كلا، لو كان العباس حاضرا لبكى، سيدي أتبكي لمصيبة علي الأكبر؟ قال: كلا، لو كان الأكبر حاضرا لبكى، سيدي أتبكي لمصيبة القاسم؟ قال: كلا، لو كان القاسم حاضرا لبكى، إذن سيدي لأي مصيبة تبكي دما؟ قال: أبكي لسبي عمتي زينب.
للشام زينب تنسبي ما خطر علبال وتتفرج اعليها هند ياهو الذي گال
نعم ان من أعجب العجائب في هذه الدنيا أن مخدرات الرسالة يحملن على جمال عجف بغير غطاء، سبايا من بلد إلى بلد، والمنادي ينادي عليهن بالهوان وإذا بكت امرأة لفقد ولدها أو زوجها أو أخيها أو بكت يتيمة لفقد أبيها جاء إليها القوم فقنعوها بالسياط.
(أبوذية)
راعـي الـثار ما يظهر علامه يـنـشر لـلـيتانونه عـلامه
نـسه بـمتون عـماته عـلامه ابضرب اسياط زجر وجور أميه
(مجردات)
يبن الحسين شيل اللوه او گوم يـمندوب لأخـذ الثار كل يوم
تـنسه الـغريب المات مظلوم عـطشان ومن الماي محروم
تـنسه سـبي زينب او كلثوم سارت سبايه او تطوي الحزوم
مـن هـلجره ما جتك اعلوم
🌾يا صاحب العصر والزمان ايها المنتظر أترى مصائب زينب ما اكثرها واعظمها عحل بثارتك
🌾شو تگول زينب شو تعدد من مصائب..لقد زادت البنت على أمها
ما أعظم قلبك يا زينب ترين ما ترين وتبقي الجبل الصامد والصبر
يا كعبة الاحزان ايتها الغريبة في البلاد
آنه أم الحزن زينب.... ونيران الحزن بحشاي
تسري وعقب عين حسين... ماريدن بعد دنياي
آنه الفارقت جثته... ورحت ميسره ويا عداي
خليته وردت جسمه... بيدي القبره أنزلنه
مصاب حسين مثله مصاب ... لا صاير ولا يجرى
ياهو القبل ابو اليمه... ظامي وانقطع نحره
وادي كربلا والماي ..... مهر الزاكيه الزهره
وحسين إنذبح عطشان..... والماي إنمنع عنَّه
آنه ا
للي شفت ناري
🌴تجمع الزهراء ع العاشورائي🌴
💥مجلس الثاني من محرم 💥
تنظيم 🌱منى يزبك
القصيدة الفصحى
دعني أطيل بكربلاء وقوفا****دعني ازور مقامهم مشغوفا
دعني أنوح على الحسين وأهله****غُدروا ولاقوا في النحور سيوفا
دعني أيا مولاي ابكي فقدكم****دعني بشعري امقت المألوفا
قلبي وكل جوارحي مدمية *لو لاح رسمك في الخيال طيوفا
ناداك من ارض العراق لئامهم****نادوك تلبس للظلام صروفا
حتى اذا أعددت عدة مؤمن*لخلاص دين الأنبياء شغوفا
واتيتهم قد بدلوا إيمانهم*كفرا وما زادوا عليه حروفا
قاتلت جيش المارقين بعزة****وصنعت ذاك المجد والمعروفا
ما كنت تجبن ان تلاقي مصرعا****ما دمت ترفع للأباة انوفا
اكدت ان الحر ينصر عندما ****يلقى على ساح القتال حتوفا
واتوا الى قصر اللعين برأسكم*وضعوه فوق رماحهم مقطوفا
و(يزيد) في لهو وسكر دائم****قد كان يلهوا بالقرود عكوفا
واتوا اليه وقد اعد مباهجا*مستبشرا واستقبلتك دفوفا
وبرأس ذاك الطهر تلعب كفه*من للحسين يعيده منصوفا
وا حسرتا نفسي الفداء لسيدي****نفسي الفداء لزينبٍ ملهوفا
جرح على قلب الزمان مخلد*والدم يقطر من جواه صنوفا
يا سيدي لا تحسبنّي غافلا*عن حبكم والدمع ليس ذروفا
يا سيدي ربي سيشهد انني ****ما قلت شعري هكذا مكلوفا
شعري نذرتك للنبي واله*شعري لهم لرثائهم موقوفا
قصيدة فصحى أخرى (اختياري)
قد عاد حزني والبكاء وتألمي مذ ابصرت عيني هلال محرم
ولبست ثوب الحزن فيه مواسيا آل النبي الاطهرين بمأتمي
ثم انثنيت الى الهلال مخاطبا والدمع مني قد جرى كالعندم
بك يا هلال عدت جيوش أمية ولآل أحمد اهرقت أزكى دم
بك يا هلال هوى ابن بنت محمد تركته شر جماعة لم ترحم
بك جسمه فوق الصعيد مبضعا وبما به في قلبه سهم رمي
والرأس شيل على قناة بينهم يعظ العباد بآي ذكر محكم
قد حزه شمر عن الجسم الذي قدم النشا في حجر طه الأكرم
وغدى يفاخر صحبه في قطعه الرأس الشريف فياله من مجرم
بك يا هلال بيوت أحمد أحرقت وبقين ربات الخدور بلا حمي
مجاريد
هاليوم ما ادري شجاني
انه امحوربه ودمعي عماني
شفت عاشور وانخطفت الواني
♤♤♤♤♤♤♤♤♤♤♤♤
من هل الشهر هلن عيوني
واعاين لخوتي ويعاينوني
چنکم یخوتي تفارگوني
♤♤♤♤♤♤♤♤♤♤♤♤
عاشوري بالآه
عسه شهر الحزن لا هل وجاني
اشلون اظل عدله عفاني
بهذا الشهر ذبحت اخواني
♤♤♤♤♤♤♤♤♤♤♤♤
ميلة زماني بشهر عاشور
من جدي هذا الي مذكور
افگد جمع کل هاي البدور
ام ضيغم المحنة
في كل سنة نتحضر لحضور هذه المجالس المباركة حتى نهمل تلك الدموع الرحيمة ونبكي مولانا الحسين ع
ونتمنى ان يمد الله في اعمارنا لنزداد زادا لاخرتنا
الحمد لله وصل عاشور وأمتد العمر بيه
وأرد ألبس ثياب السود وأخدم بالحسينية
الحمد لله وصل عاشور وانا بهالسنه موجود
أروح لمأتمك ياحسين وأرد ألبس ثياب السود
وأزيد اعلة السواد سواد وألطم لو قرة الرادود
وبلجن بالخدم إسمي متسجل بتعزيه
يابو اليمة العمر ذابل وإكسر وأجمع بدهره
دخلك جاي وأترجاك باجي العمر لاخسره
كم عاشور باكيلي ابجي وي امك الزهره
ومنك ماأريد ثواب ولا إلي عليك منيه
منك لاأريد ثواب ولا أريد اندعي باأجري
بس يم منبرك خلني أبجي ودمعتي تجري
وأضل من مأتم لمأتم أوسم بالدمع عيني وأوسم بالطم صدري
وتكسر عبرتي مصابك كل مايمر طاريه
المصيبة
عن الصادق (عليه السلام) أنّه قال: انّ زين العابدين (عليه السلام) بكى على أبيه أربعين سنة صائماً نهاره وقائماً ليله، فإذا حضر الإفطار وجاء غلامه بطعامه وشرابه، فيضعه بين يديه، فيقول: كل يا مولاي! فيقول (عليه السلام): قُتِلَ ابنُ رسول الله (صلى الله عليه وآله) جائعاً، قُتِلَ ابن رسول الله (صلى الله عليه وآله) عطشاناً، فلا يزال يكرّر ذلك ويبكي حتى يبتلّ طعامه من دموعه، ثم يمزج شرابه بدموعه، فلم يزل كذلك حتى لحق بالله عزّ وجلّ .
كما حدّث مولى للإمام السجاد (عليه السلام) أنّه (عليه السلام) برز يوماً إلى الصحراء، قال [المولى]: فتبعته، فوجدته قد سجد على حجارة خشنة، فوقفت وأنا أسمع شهيقه وبكائه .. ثم رفع رأسه من سجوده وإنّ لحيته ووجهه قد غمرا بالماء من دموع عينيه، فقلت: يا سيدي! أما آنَ لحُزنك أن ينقضي ولبكائك أن يقل؟
فقال لي: ويحك إنّ يعقوب بن إسحاق بن إبراهيم كان نبياً ابن نبي، له اثني عشر ابنا، فغيّب الله واحداً منهم فشاب رأسه من الحزن، واحدودب ظهره من الغم، وذهب بصره من البكاء وابنه حيٌ في دار الدنيا، وأنا رأيت أبي وأخي وسبعة عشر من أهل بيتي صرعى مقتولين فكيف ينقضي حزني ويقل بكائي ؟!
وروي عن أبي عبد الله الصادق (عليه السلام)، أنّه قال: البكاءون خمسة: آدم ويعقوب ويوسف وفاطمة بنت محمد (صلى الله عليه وآله) وعلي بن الحسين (عليهما السلام) ... وأمّا علي بن الحسين فبكى على الحسين (عليهما السلام) عشرين سنة أو أربعين سنة، وما وُضِع بين يديه طعامٌ إلا بكى، حتى قال له مولى له: جعلت فداك يا بن رسول الله! إني أخاف عليك أن تكون من
نزلة الليله الاولى
.
.
.
مادگ بــاب غيـــرك وانـته تــدريها
ابابــك حاجــتي يحسيــن ابديــها
***
مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها
***
ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها
***
يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها
***
يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها
***
اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها
***
تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها
***
گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها
***
كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي
نزلة الليله الاولى
.
.
.
مادگ بــاب غيـــرك وانـته تــدريها
ابابــك حاجــتي يحسيــن ابديــها
***
مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها
***
ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها
***
يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها
***
يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها
***
اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها
***
تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها
***
گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها
***
كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي
وسِّد على حدّ الهلالِ مدامعي
واسمع فصمتُ الليلِ طحنُ أضالعي
والآه تخنقُ عبرتي وتهدُّني
وكأنّ روحي صورةٌ لبلاقعِ
أسجمتُ دمعاً مع هلالِ مُحرّمٍ
روّيتُ روحي من حميمٍ صارعِ
وأقمتُ في ألفٍ من الأعوام فو
ق رماد خيمةِ زينبٍ يا سامعي
طوراً أهمُّ لكي أصدّ سياطهم
طوراً أغضُّ الطرفَ ظلٌّ دافعي
وأودُّ لو دونَ الحسين على الثرى
جسدي يوزّعُ والخيولُ قوارعي
وأرى بسنّ الرمحِ قرآناً علا
وملائكٌ تهوي بهولِ تدافُعِ
هذا هلالُ محرمٍ خذني إلى
حجِّ الدموعِ أبيتُ حتّى التّاسعِ
وهناكَ أقضي ليلتي مع جمعهم
ما بينَ تالٍ أو مُصلٍّ خاشعِ
وإذا أتى يومُ ازدحامِ أسنةٍ
كيما تحزّ النحر دونَ تراجُعِ
أستأذنُ المولى الحسينَ سعادةً
بجنون عابسَ أستلذُّ مواجعي
أهوي إلى تربُ الطفوفِ وسادتي
كفَّ الحُسينِ وذاكَ خيرُ مواقعي
إنّي قصدتُ الطفّ حتّى أرتوي
عطشانها سقاءُ كلِّ مُراجِعِ
.....محمد يحيى حجازي
يا محرم
ياشهر بيك المصيبه
يا محرم
دمعتي ضلت سچيبه
يا محرم
بيك صرت آنه غريبه
يا محرم
وجثة الوالي سليبه
يا محرم
والخيم باجر لهيبه
يا محرم
الهادي من ينظر حبيبه
يا محرم
شيبته بالدم خضيبه
يا محرم
والكَمر دامي عجيبه
يا محرم
كَلبي ما يبطل نحيبه
يامحرم
والدي من وين اجيبه
ــــــــــــــ
الشاعر محمد حسن ضيغم
كَتْ فِيهِ حُرْمَتُنَا ، وَ سُبِيَ فِيهِ ذَرَارِيُّنَا وَ نِسَاؤُنَا ، وَ أُضْرِمَتِ النِّيرَانُ فِي مَضَارِبِنَا ، وَ انْتُهِبَ مَا فِيهَا مِنْ ثِقْلِنَا وَ لَمْ تُرْعَ لِرَسُولِ اللَّهِ حُرْمَةٌ فِي أَمْرِنَا "
"إِنَّ يَوْمَ الْحُسَيْنِ أَقْرَحَ جُفُونَنَا ، وَ أَسْبَلَ دُمُوعَنَا ، وَ أَذَلَّ عَزِيزَنَا بِأَرْضِ كَرْبٍ وَ بَلَاءٍ ، أَوْرَثَتْنَا الْكَرْبَ وَ الْبَلَاءَ إِلَى يَوْمِ الِانْقِضَاءِ
فَعَلَى مِثْلِ الْحُسَيْنِ فَلْيَبْكِ الْبَاكُونَ ، فَإِنَّ الْبُكَاءَ عَلَيْهِ يَحُطُّ الذُّنُوبَ الْعِظَامَ "
ثُمَّ قَالَ ( عليه السَّلام ) : كَانَ أَبِي إِذَا دَخَلَ شَهْرُ الْمُحَرَّمِ لَا يُرَى ضَاحِكاً ، وَ كَانَتِ الْكَآبَةُ تَغْلِبُ عَلَيْهِ حَتَّى يَمْضِيَ مِنْهُ عَشَرَةُ أَيَّامٍ ، فَإِذَا كَانَ يَوْمُ الْعَاشِرِ كَانَ ذَلِكَ الْيَوْمُ يَوْمَ مُصِيبَتِهِ وَ حُزْنِهِ وَ بُكَائِهِ ، وَ يَقُولُ هُوَ الْيَوْمُ الَّذِي قُتِلَ فِيهِ الْحُسَيْنُ صَلَّى اللَّهُ عَلَيْهِ "
اذا كان هذا حال مولانا الكاظم عليه السلام
عند دخول شهر المحرم
فما حال مولاتنا أم المصائب زينب
حينما ترى هلال المحرم ، تدير بوجهها ناحية
المدينه وتشكوا الى امها فاطمه ماسيجري عليها في شهر المحرم ، ماذا تقول لها :
● طور : حضريني يالزهره
امحرم يَيُمه هل .. ومني عمت لعيون
اتناديني لمصايب .. بيه يازهره اشلون
يا اهلاله لا تطلع .. گلبي صبح مذبوح
من اسمع باسمه .. روحي تفر وتنوح
شايل سيوف الموت .. وبيها عليه تلوح
تلوح المصايب بيك .. ونورك طلع مجروح
وَيْ طلعة اهلالك .. نشوف الفلك محزون
اسمع سوالف بيك .. وانظر قمر مصيوب
جادر حزن شفته .. وراية عزا منصوب
حمرا عِيون الكون .. جن فارگت محبوب
واتنفس الاحزان .. خوفي من المكتوب
خوفي على الوليان .. وإلدنيتي يودعون
قلبي انخمش يمه .. وروحي هِفَت لحسين
فدوه تروح اخته .. گلبي انجسم نصين
اهلاله يقول ايروح .. ووليانج اتفگدين
زينب ترى العباس .. واحسينج اتودعين
ريت العمر لاطال .. ولا اشوفن ايبعدون
بيه العجب مرسوم .. وصبرج صبح عنوان
فوق الذبح والموت .. صار الصدر ميدان
وابكتر المسنات ... جم والي لج ضميان
تمشي المنايا اوياج .. وما تبگه لج شبان
ابنبلة ألم وسهام .. لليرضع ايفطمون
ودرب السبي مكتوب .. ايقطعنه بس نسوان
واعله الهزل بحبال .. تحديهن العدوان
بسك يالإمحرم .. تحجي العذاب الوان
وزينب تسمت بيك .. ام الالم واحزان
موت وسبي وشِمّات .. جم نايبه اتعدون
__
تمت بحمد الله تعالى
بقلم / بنت الشمري
__
مولاتنا زينب تدير وجهها الى الغري
تشكي حزنها لأبيها أمير المؤمنين
ومصائب هلال المحرم :
● مجاريد + عاشوري + الهادي + گرناوي :
هل اعليّه بويه شهر الأخطار
محتاجتك يا حامي الجار
تحضرني هالليله يكرار
محتاجتك تمسح عليه
يابويه واتشوف اللي بيه
اخواني يرحون امن اديه
هل اعليه واخواني مَتِسْلم
بهالشهر بويه وانته أعلم
ويصبح غسلهم بويه من دم
شنهو الچاره يا حامي الحميه
وتدري الشهر شيسوي بيه
وشتسوي بيه الغاضريه
ما يرحمني يا بويه محرم
وكل أهلي يا بويه مَتِسْلم
يا علي ونبقى ابلا مخيم
وامشي يسيره بيد عدوان
واعله الهزل اقطع البلدان
يا علي وآنه عالِيَة شان
_____
تمت بحمد الله تعالى
بقلم : فاطمة كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي
----------------------------------------------------
*بحث واعداد وتنسيق*
*خادمة النبي الاكرم*
*صلى الله عليه وآله وسلم:*
*رقيه التركي*
(ومضه لاستقبال شهر محرم)
~
المآذن كبرت وارتفعت الرايات
والوادم مشت صوب الحسينيه
أظنْ زلزال صار وصلّـــو الآيات
وشفت الناس تبچي بعبره مخفيه
ومشاعر للحزن بالروح والاحساس
ونبضات الگلب دگات لطمية
گالو هل علينه اهلال شهر حسين
شهر اُم الخدر زينب المسبيه
و الخادم غداً يتحزم حزامين
ويدور وين مجلس وين تعّزيه
هدوم السود خلِ نبدل باليوم
ونلطم عل الحسين بكل صدق نيه
للموكب اروح وماخذ آنه وياي
زنجيلي اوشوف اشبيه ما بيه
واوگف بالوسط شادود مو لطام
وثلث دگات أدگ من یون ناعیه
شهر البي حُسين انذبح عالتربان
وجثته بالشمس ياويلي مرميه
وراسه اعله الرمح ويرتل الايات
قره القرآن ويفَسّر معانيه
شهر عباس بي چفینه مگطوعات
والهام ابعمد والعين مطفيه
الگمر ينزف وفائه مثل نهر الماي
َوحزنانه عليه الكره الارضيه
اوعلي الأكبر شبابه وطوله رفعت راس
والشافه يشوف النبي هاديه
القاسم والعرس والزفة والچكليت
شخلّي الحنّه لو دم ابصوانيه
لا تشعل بخور تعطر انته الناس
ابدخان الخيم مختنگه علويه
أنام اعله النواعي وگعد اعله الآه
وواسي فاطمه الراضيه المرضيه
~
حيدر بشار الدراجي
*الامام الحجة عج وهلال شهر محرم*
لحن يا ليلة الحادي عشر / للشيخ زمان الحسناوي
المهدي بحزنه ودمعته ناصب عزاء حسينه
يرسم هلال مصيبته
ولاحت دمعته بعينه
وتمر مشاهد محنته
صور الحزن بجبينه
كل مشهد بطف كربله
بوجه الهلال يشوفه
〰️〰️〰️〰️〰️
هلال الحزن يرسم صور
يفجع گلب مهدينه
عالمنذبح من النحر
يسمع ياويلي ونينه
عالغبره مرضوض الصدر
ودم يجري من وتينه
وراسه على الرمح اعتلا
وجمسه انعفر بطفوفه
خادمة آل محمد✍🏻
*هالليلة ناوي ~ أرفع لوائي* 🏴
*والزهره اواسي ~ بدمعي وندائي*
أي واحسينا أي واحسينا
أي واحسينا أي واحسينا
〰️〰️〰️〰️〰️〰️
بوسط المآتم توفقني فاطم
اذرف دموعي ~ ناعي ولاطم
وتحضرني زهرااا~ والمأتم أقرا
انصب عزاءه ~ الطم بحسره
وختم الخدامه~ بيوم القيامه
توسم جبينه ~ الزهره علامه
يمه يا زهرااا يمه يا زهرااا يمه يا زهراااا~²
〰️〰️〰️〰️〰️〰️
راح اقضي عمري ~ الطم عا صدري
بهاي المجالس~ دمعاتي تجري
تسجلني خادم ~ بهاي المآتم
وترضى عليّه ~ مولاتي فاطم
توفقني أخدم~ أنعي وألطم
واقرا القصيدة ~ بشهر المحرم
يمه يا زهرااا يمه يا زهرااا يمه يا زهراااا~²
〰️〰️〰️〰️〰️
كل أُمنياتي~ لساعة مماتي
بمجلس حسيني~ تخلص حياتي
اختم سنيني ~ خادم حسيني
يسجلّي إسمي~ يوسّم جبيني
عندي وصيّة ~ بـ نَص الهويه
عند احتضاري ~ اقروا العزيه
يمه يا زهرااا يمه يا زهرااا يمه يا زهراااا~²
〰️〰️〰️〰️〰️
عهداً عليّه ~ لحد المنية
بخيمة عزاءه~ نواسيه الزچيه
بدمع النواظر ~ قبة ومناير
بيوم اربعينه ~ يسجلني زاير
بمأتم عزائي ~ ارفع ندائي
لبيك حسين~ روحي وولائي
لبيك حسين~
كل الأريده ~ اكتب قصيدة
واجمع حروفي ~ بموكب عزائي
خادمة آل محمد ✍🏻
https://youtu.be/QnyDGxsJMlA
موشح الي الهلال محرم
(نوحيه للهلال )
*اه يا هلال الكدر هل ابحزن*
*جابلي امرار ومصايب والمحن*
☆☆☆☆☆☆
جابلي امرار ومحن وحرك الخيم
ضيعت دربي و ضايع كل الحلم
ياشهرعاشور بيك انه انهظم
*وهدميت الحيل كلبي الماسجن*
☆☆☆☆☆☆☆
هدميت الحيل وانه بت علي
اهلال ماريدك بعد تطلع الي
امحزمه بمصاب من ضاعو هلي
*علمتني اعله المصايب والمحن*
☆☆☆☆☆☆
بالمحن و النوح والهم والتعب
مظلم اهلالك تكله اشعجب
وين اروح بيانويه عليه صعب
*اهلال المكدر عليه من محن*
☆☆☆☆☆☆☆
اهلال لمكدر عليه و شوفته
حته كلبي اليوم حس ابونته
نزلت امصايب علينه ابهدته
*ناركلبي اشلون شبن ماطفن*
☆☆☆☆☆☆☆
ناركلبي ويالدموع السايله
بت علي انه التبجي وناحله
ناشديتك ياهلالي ابكربله
*ضيعت خوان زينب يازمن*
☆☆☆☆☆☆☆☆
تـــــمـت والحمـــــدللـــه
✍ *الشــــاعره ام آمـــنه*
واسالکم الدعاء🌹
شرعا"لایجوز حذف اسم خادمةاهل البیت علیـــــــهـم الســــــلامـــ
========================
.
قصيدة ( لا هليت ) ( وزن حمزه الزغير قصيدة ماتم حيل اه يا ليل )
بحــزن نــاديــت لا هليـــت
يهــلال الذبـــح هاليـــوم
۩ ♠️♠️♠️♠️ ۩ ♠️♠️♠️♠️ ۩
يهــلال الــذبــح يــاريت
لا هـــل بالسما إهــلالك
اصــد أعليــك بالشوغـات
تلچــم گلبــي أشمـالك
وگبل جسم الغريب حسين
ريت انگطعن أوصــالك
وياي مــن الزغـــر يهلال
ليــش الحــزن يبــرالك
بالدمعـــات والشــوغـــات
يهــلال الذبـــح هاليـــوم
۩ ♠️♠️♠️♠️ ۩ ♠️♠️♠️♠️ ۩
مـن اصد أعليــك اشـوفنك
سيــف ويگـطــع بنحــري
وخيل ألــي تــرض حسين
تـرض وتهشـم أبصــدري
اصبــر روحــي بالدمعـات
هــوه شباقي مــن صبـري
عمــر خلصتــه بــالآلام
الحزن خاويته من زغري
هــــم ونـــوح نحـــر مذبــوح
يهــلال الذبـــح هاليـــوم
۩ ♠️♠️♠️♠️ ۩ ♠️♠️♠️♠️ ۩
اصد أعليك اشوفــن بيـك
چفوف امگطعه ورايه
واشوفنــك سهــم بالعين
ونهر ما انطه من مايـه
يهــلال الــوفــه بعبــاس
صــار مــن الـزغر أيـه
الوفه باچر على التربان
المصايب بعــده اهوايه
حـــرم وأيتــام لـــرض الشــام
يهــلال الذبـــح هاليـــوم
۩ ♠️♠️♠️♠️ ۩ ♠️♠️♠️♠️ ۩
اصدلك سيف موش إهلال
تگطع ويلي چــم منحر
تذبــح رملــه وي جســـام
وتذبـــح ليلــى بالأكبــر
والك وي الـــرباب أحزان
رضيــع ودامــي المنحر
وتــوج خيمـاتي بالنيـران
وبالبــر شــارده الخــدّر
مرعـــوبــات مسلــوبــات
يهــلال الذبـــح هاليـــوم
۩ ♠️♠️♠️♠️ ۩ ♠️♠️♠️♠️ ۩
عسّــن مــا بينت بسمــاي
ولا طــولك شفت ضيه
الگمر لو غاب عن عيناي
اروحن وسفـه مسبيـه
ويصير اسم العقيله انوب
بكـــل لســان طـــاريه
وانــه ام الخــدر يـا حيف
وتصــد الوادم أعليـه
عگــب عبـــاس تصــد النــــاس
يهــلال الذبـــح هاليـــوم
۩ ♠️♠️♠️♠️ ۩ ♠️♠️♠️♠️ ۩
الشاعر
موسى البديري
فَاطِمَه بْهَالِّليلَه مَحْنِيَّةْ ظَهَرْ
تِعْتِبِ وْأَذَّاهَه يَا وَسْفَه الْقَهَرْ
يَا شَهَرْ عَاشُورْ مَا مِثْلَكْ شَهَرْ
هْلَالَكِ يْهَيِّجْ مُصَابِي وْلُوعِتِي
-----------------------
يَا شَهَرْ أَحْزَانِي وَآلَامِ الْگَلُبْ
بِيكَ ابُو الْيِمَّه يِطِيحِ عْلَه التُّرُبْ
يِنْذِبِحْ ظَامِي وْدِمَه نَحْرَه تِصُبْ
وَآنَه لِمْصَابَه أَهِلَّنْ دَمْعِتِي
-----------------------
رَاحَ اشُوفِ حْسِينِي جِثَّه مْخَضَّبَه
وِالْخُيُولِ الْأَعْوَجِيَّه تْگَلُّبَه
مِنْ بَعَدْ مُوتَه الْأَعَادِي تْسَلِّبَه
عَارِي يُبْگَه عَالتَّرَايِبْ مُهْجِتِي
-----------------------
يَا شَهَرْ بِيكِ الْگُمَرْ رَاعِي الْعَلَمْ
يُوگَعِ وْعِينَه يِطَفِّيهَه السَّهَمْ
خْلَافَ ابُو فَاضِلْ يِسَلْبُونِ الْحَرَمْ
وْتِنْسِبِي بِينِ الْأَجَانِبْ عِيلِتِي
-----------------------
يَا شَهَرْ لَا تُبْگَه خِيمَه وْلَا سِتِرْ
لَا دَلَالِ وْلَا عَفَافِ وْلَا خِدِرْ
بِتْ عَلِي بَاچِرْ يِعَايِنْهَه الشِّمِرْ
بْلَا أَهَلْ مَحَّدْ يِحَامِي بْنَيِّتِي
-----------------------
يَا شَهَرْ طَارِي السَّبِي يْشَيْبِ الطِّفِلْ
شْلُونْ زِينَبْ تِمْشِي وِبْوِلْيَةْ نَذِلْ
عَالْهِزِيلَه يْچَتِّفُوهَه بِالْحَبِلْ
عَالْغَرِيبَه رَاحَ امُوتِ بْحَسْرِتِي
-----------------------
#الليلة_الأولى
#محرم_١٤٤٦هج
الشاعر حسن خنافر العاملي
يَا شَهَرْ حِزْنِي وْمُصَابِي يَا حَنِينِي وْدَمْعِتِي
هَلَه بْعَاشُورِ الْنِّوَايِبْ هَلَه بْمَوْسِمْ خِدْمِتِي
-----------------------
مِنْ سَنَه لْجَيْتَكْ أَنَاطِرْ يَا حِزِنْ أَهْلِ السِّمَه
أَرْدَ ابَيِّضْ وَجْهِي تِدْرِي يَا شَهَرْ يَمْ فَاطِمَه
فَاطِمَه بِينِ الْمَجَالِسْ أَدْرِي بِيهَه هَايِمَه
وَآنَه لِعْيُونِ الزِّچِيَّه حَضَّرِتْ دِشْدَاشِتِي
-----------------------
دِنْيَه مَا بِيهَه مُحَرَّمْ وَالله مَا تِسْوَه أَبَدْ
وِالْگَلُبْ لَا مَا أَرِيدَه لُو عَلَى مْصَابَه بُرَدْ
مَجْلِسِ حْسِينِ شْحَلَاتَه عِنْدِي أَحْلَى مْنِ الشَّهَدْ
وَانْدِعِي بْهَايِ الْمَجَالِسْ تِنْكِتِبْلِي مُوتِتِي
-----------------------
مِنْ أَطُبِّ قْرَايَه چَنِّي ظَامِي بِالْمَايِ ارْتِوَه
چَنِّي مَخْنُوگِ وْعَزَاءَه يِنْفُخِ بْرِيْتِي هَوَه
يِنْگُلُبْ حَالِي مْنَ اشُوفَنْ لُونِ الَاحْمَرْ بِالضِّوَه
مُو بِدَيَّه دَمْعِي يِجْرِي هَمْ تِطُولَنْ صَفْنِتِي
-----------------------
عَايِشِ سْنِينِي عْلَه بَابَه خَادِمَه وْبِي أَفْتِخُرْ
فَتَّحِتْ عِينِي وْبِچِيتَه يَا شَهَرْ مِنِّ الزُّغُرْ
الْيِبْچِي لِحْسِينِ وْعِيَالَه وَالله مَبْخُوتِ شْكِثُرْ
وَآنَه بَسْ خِيمَةْ عَزَاءَه هِيَّه صَارَتْ خِيمِتِي
-----------------------
شْلُونَ اهِيدِ وْجَرْحِي يُبْرَه وْنَحْرَ ابُو الْيِمَّه نِزَفْ
وِالْعَطَشْ يَبَّسْ لَهَاتَه وْلُونَه يَا وَسْفَه اخْتِلَفْ
وِالصَّدُرْ بِخْيُولُ امَيَّه مْرَضْرَضِ وْحِيلِ انْخِسَفْ
حَگِّي مِنْ طَارِي الْحَوَافِرْ مَا أَبَطِّلْ وَنِّتِي
-----------------------
شْلُونَ اهِيدِ وْعِنْدِي زِينَبْ حُرْمَه طَاحَتْ بِالْفَلَه
مِنْ بَعَدْ عِينِ الْكِفَلْهَه يَسِّرُوهَه بْكَرْبَلَه
آهْ يَا گَلْبِ الْعَقِيلَه وِالسَّبِي نَارِ وْبَلَه
بِتْ عَلِي فُوگِ الْهِزِيلَه عَالْغَرِيبَه صَرْخِتِي
-----------------------
#إستقبال_محرم
#محرم_١٤٤٦هج
الشاعر حسن خنافر العاملي
قد قامت الرايه 00 واقرايه 00 سوّوله يشيعه
عاشور ابو الفزعه 00 والدمـعه 00 لحسين ورضيعه
ايّام ويجينه اليستاهل بچينه
ــــــــــــــــــــــــــــــــــــــ
شهر اليموت امن الضمه
وتنشر قميصه فاطمه
واتطوفه املاك السمه
بالدمعه الولائيه
شهر المحرم و العشگ
وينه ابو گلب المحترگ
باچر امامك ينسحگ
وزينب تمشي مسببه
وينه المن هذاك العام ينتظره
واعله احسين ماشابع لطم صدره
وينه المثل عابس حبه عالفطره
قرب عاشور واتريد البچي الزهره
والزهره هاي امه 00 عالخدمه 00 المسؤله الوحيده
واسيهه يالهايم 00 يالخادم 00تنطيك التريده
كل دمعه ابمدينه اليستاهل بچينه
ــــــــــــــــــــــــــــــــــــــ
گلوله بس انته الاصل
يمسوي عالعالم فضل
ماعدنه وي غيرك شغل
بس الخدمه غايتنه
الراتب اله ابراس الشهر
يطلع تقاعد لو كبر
واحنه بمحرمنه وصفر
تتجدد وظيفتنه
مانطلع تقاعد من مجالسنه
لوما احسين متنه وماتنفسنه
بيضه اگلوبنه وسوده ملابسنه
قدسنه الحسين والله قدسنه
الله يحب ذكره 00 ويعتبره 00 سيّد اوليائه
وايحب الايحبه 00 وايقربه 00 اليخدم في عزائه
گالنه نبينه اليستاهل بچينه
ــــــــــــــــــــــــــــــــــــــ
علگوهه رايات الحزن
عالماله تابوت ودفن
والام الامضيعه ابن
اتصيح ابعبره واسوني
اباب الحسينه تره
تگعد الزهره الطاهره
اتنادي يناعي منبره
اقره عالعمه اعيوني
مذبوح الولد والماي ماضاگه
وانه للمجــالس والله مشتاگه
اجه شهر المحرم وين عشاگه
آه يازينب وياعثرة الناگه
يافشلة الفشله 00 عالهزله 00 ستر الله وحجابه
زينبنه اذوهه 00 وخلوهه 00 تگعد بالخرابه
بت حيدر ولينه اليستاهل بچينه
ــــــــــــــــــــــــــــــــــــــ
باچر بنات ال النبي
يمشن سوه اوي الاجنبي
عالحرمه ميلوگ السبي
ختخضر مدامعنه
بالسوگ اذا تعثر مره
اعليهه الشتم يلزم سره
وزينب تصيح امحيره
بعدك يالگمر ضعنه
وراس احسين يجمد عالرمح دمه
يهتز الرمح لو يسمع الشتمه
والعباس لو يسمع بچت حرمه
البچّاهه يسطره ويسطر اليمه
جدّام ابوفاضل 00 يالعايل 00 لا تضرب خواته
الشام واهاليهه 00 يمحيهه 00 معروف بصفاته
يگلبهه بيمينه اليستاهل بچينه
ــــــــــــــــــــــــــــــــــــــ
اهلال الدمع باچر يهل
واتصور اختك عالهزل
ياشيعي تنجر بحبل
وماواحد فزع الهه
اوياهه النساء اتحيرت
لمن عشايرهم اجت
وزينب عله الناگه بقت
لان مذبوح كافلهه
خل توگع عگلهم ذوله مو گدهه
زينب بت ابوهه والنبي جدهه
ولايه امن السمه بت فاطمه عدهه
واتخلص نفسهه هيه وحدهه
اتذل الشمر تگدر 00 بت حيدر 00 ماواحد يذلهه
ناگتهه سجّاده 00 يالساده 00 وايسبح حبلهه
واخوهه امسلبينه اليستاهل بچينه
ــــــــــــــــــــــــــــــــــــــ
المنطينه اصبعه ورگبته
اعظم عباده خدمته
وياه نظل صيف وشته
العام اباربع افصوله
بهاي المجالس محتوه
اتميز اللب امن النوه
چنهن سرادق من ضوه
يعني الخدمه مقبوله
واحنه الشيعه معروفه قضيتنه
بالقران والعتره عقيدتنه
علامات ودليل النه ائمتنه
والنجمُ محمد بي هدايتنه
هالايه مذكوره 00 ومشهوره 00 وانطيك الاشاره
المجلسي العالم 00 والفاهم 00 ذاكرهه ابّحاره
وعله نهجه مشينه اليستاهل بچينه
محمد الجماسي
#اللهم_عجل_لوليك_الفرج