7626
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
انا زينب .. يالعفت اختك سبيه
انا زينب .. هسه حضرتني المنيه
انا زينب .. ريتك وتحضر إليه
ياكفيلي .. ياكفيلي
@@@
يالعفتني بيوم عاشر بالظهيره
وخلفت لحسين يرجع بالكسيره
چنت اميره وبعدك اصبحت الاسيره
وعالهزل شالوني من ديره لديره
…
سحبوني .. والحديد ايرض اديه
سحبوني .. فرجه مابين البريه
انا زينب .. ريتك وتحضر إليه
ياكفيلي .. ياكفيلي
@@@
احتضر واشهك وانادي وين اخوتي
وما اجه العباس ليه وگت موتي
مدري تسمع يبوفاضل صدى صوتي
ابمروتك لمن انخه وابمروتي
…
صوتي يثگل .. وما بقه ياحيل بيه
صوتي يثگل .. وچان خدي عالوطيه
انا زينب .. ريتك وتحضر إليه
ياكفيلي .. ياكفيلي
@@@
ألتفت عنك ادور يابوفاضل
وين يلي من ابونه صرت كافل
المفترض للنعش خويه اتصير شايل
ترى نعشي چنه هودج صار مايل
…
من يعدله .. والاجت غربه عليه
من يعدله .. والتشيع اجنبيه
انا زينب .. ريتك وتحضر إليه
ياكفيلي .. ياكفيلي
@@@
يا اخويه وياكفيلي ويا ودادي
تذكر ابصغرك تجني بس انادي
يا مرادي وكلشي سويته ابمرادي
مو عذر ايديك گطعوها الاعادي
…
سهم عينك .. مو عذر من هذي جيه
سهم عينك .. شيله واتعنه يخويه
انا زينب .. ريتك وتحضر إليه
ياكفيلي .. ياكفيلي
@@@
يالگضيت ابلا چفوفك شوف چفي
من اثر ذيچ السلاسل حزها يكفي
والشمر چفه ابسطرته عاب طرفي
وبعد عامين ولهسه باقي نزفي
…
متني ينزف .. وانا بت شمس الثريه
متني ينزف .. من ضرب سوط آل أميه
انا زينب .. ريتك وتحضر إليه
ياكفيلي .. ياكفيلي
@@@
ياللي بالشاطي افضخوا من عنده هامه
ترى عطشانه اعله جودك للقيامه
ضنتي ابتشيعي تمشي بس يتامه
وبالچفن باقي اثر خدري و خيامه
…
بهالجنازه .. انا ويتامي سويه
بهالجنازه .. انشالت الچانت سبيه
انا زينب .. ريتك وتحضر إليه
ياكفيلي .. ياكفيلي
@@@
ريتك ألگبري تجي وتقرالي ياسين
لون تنعى مصرعك وي خويه لحسين
ترى ظهري بطيحتك مكسور نصين
وبعدك اخذوني اسيره للدواووين
…
وبالشماته .. راسك وانا سويه
وبالشماته .. سمعوني الناصبيه
انا زينب .. ريتك وتحضر إليه
ياكفيلي .. ياكفيلي
@@@
علي أحمد الحمود
١٩-١-٢٠٢٤
وفاة العقيلة ع
ماتت زينب بحسره والمها
وتعبت من يتاماكم والمها
لا عباس يم زينب ولا امها
ابدار الشام عفتوها سبيه
.
كمر مضوي عله زينب بسمها
لسانه دوم ضل يلهج بسمها
ياهي التشبه الزينب بسمها
ثالث ماكو الهن عل وطيه
.
عكب العز يهل زينب وحيده
تموت وللضعن ياهو وحيده
الصبر لا وين تاليته وحيده
ماتت بالغرب يهل الحميه
.
سهم تسديد من ايدك شكيته
يدهري وحالي بس لله شكيته
موش الثوب يبن امي شكيته
الكلب و اجروحك اماثرات بيه
.
حسين وصاح زينب ماتردين
عجب عباس ساكت ماتردين
ولدار اهلج يزينب ما تردين
شرد واديارهم وحشه وخليه
.
.
حسن صالح العيساوي
موشح للسيدة زينب عليها السلام ( ماتسد بيبانهه )
هاشميه والفخر عنوانهه
هاي زينب ماتسد بيبانهه
الهه كل الزود والعز والفخر
بت علي وماكو مثلهه بالبشر
خل اسولفلك يمن رايد خبر
عن قدرهه وعن اهلهه وشانهه
مثل اهل زينب ابد ماكو اهل
يعيش خادمهم عزيز ولايذل
هاي ابوها المرتضى خير العمل
اسباع واليوث الحرب خوانهه
بت سبع واخوانهه اسباع الحرب
صيح يازينب ويرتاح الگلب
تحضر الشدات واتحل الصعب
والكرامه امسطره بديوانهه
الهه ديوان وكرامه امجربه
خل نگلهه اگلوب عدنه امصوبه
بداعت المحد اميه شربه
شيعتچ تنخاچ شيلي احزانهه
شيعتچ تنخاچ وانتي امعدله
شافي كل عله واعدلي المايله
نقسم اعليچ بضحايه كربله
والنشامه النامت بميدانهه
نقسم اعليچ وقسمنه بالكفيل
وبالغريب حسين ووليده العليل
ضيعينه ادروبنه وانتي الدليل
ادخيلچ امن الاخره ونيرانهه
داخلين اعليچ دنيه واخره
وانتي يازينب ولامثلچ مره
اليوم كلنه انصيح سبع الگنطره
گوم لختك سلبو صيوانهه
من ديوان مسلوب العمامه الجزء الخامس
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
قصيدة للسيدة زينب "عليها السلام"
بِعنوان ▪️🖋️ضياع الأحبة▪️
هـلـي يالضيـعتـوني
براضه براض تانوني
عن حالي دسألوني
عن الصار … عن الصار
هلي ياشمعة سنيني
سهم الفگد عاميني
مايكسركم اونيني
خله الدار ... خله الدار
❥ـــــــــــــ❁🪬❁ـــــــــــــ❥❥
بعد يا ردتي للدار ماتسوه
عفت اعزازها الجانو الي تجوه
بعد ايامنه ماترجع الحلوة
تعرفوها المره معتازه للخوه
دمعتي بغصه اجريها
اصد للدار احاجيها
البعد محد يمر بيها
حمل عنها راعيها
بظهر سـار … بظهر سـار
❥ـــــــــــــ❁🪬❁ـــــــــــــ❥❥
ياضعن الأودهم سار جدامي
اعاين لخوتي واتذكر ايامي
وهسه شلون غالغبره بگلب ضامي
عفت حسين بس وياي ايتامي
يمن تسوالك الدمعه
اخيي الما سلم ضلعه
عضيدي وبس اله انعه
بطور الفاجده مضيعه
بگلب نار … بگلب نار
❥ـــــــــــــ❁🪬❁ـــــــــــــ❥❥
شوصف حالي يل عن حالتي تنشد
افزن عالحلم من نومتي واگعد
مثل ام اعله ابنها مفرفحه وتنشد
وادعي الله بسلامه احسين ليه ايرد
اروحن فدوه لعيونك
گوم ورجع اضعونك
ايـــــتامك يتانونك
عشنا بحزن من دونك
والكدار ..والكدار
❥ـــــــــــــ❁🪬❁ـــــــــــــ❥❥
لا انه المتت لا انه مرتاحه
يومي مااعرفه ليلي واصباحه
فگد گلبي اعزازه وراحت افراحه
مثل طير انذبح ويرفرف اجناحه
بعد ماظنا نـتلاگه
الغالي يصعب افراگه
وداع وصار عالناگة
انادي بدمعة حـــراگه
يكرار...يكرار
❥ـــــــــــــ❁🪬❁ـــــــــــــ❥❥
اميرتكم وانادي ابحرگه مقهوره
ليش ادياركم عفتوها مهجوره
جانت زاهيه وبالاهل معموره
هيبة حسين جان وحسن اسطوره
الكافل خيمه اعلينه
بجفه جان يروينه
اخلافه العده تولينه
اكبار الضيم مربينه
والزغار .... والزغار
❥ـــــــــــــ❁🪬❁ـــــــــــــ❥❥
🖇تـمــت بتـــوفيــــق الله
بـٲنـامـل شاعرات ٲهـل البيت عليهم السلام
🖋️الشـاعرة مـهـا الخـيـگاني
🖋️الشـاعرة زينـب الـواسطي
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫
💬ونسال الله التوفيق والقبول
وٲسالكم الدعاء
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
ابوذيات الى السيده زينب عليها السلام
أهــــل دمعـــي واجــرن آه وي آه
ودليلـي أبنـار زينــب ريـت ويــــاه
تمنــت لــو نعشــها الاخــو ويــــاه
مشه ويصرخ يخيّتي الهاشميه
*
اجـيبن يــا يتيــم يخــاف ويهــــاي *١
وعگب عباس اديرن وين ويهـــاي
اطفــي ابهــاي رد الشمــر وي هاي
خيامي ولا اخــو اليفــــزع اليـــه
___
١_ويهاي/ وهيج
*
الشاعر
موسى البديري
يابو فاضل ... ترضه شيعوني الغرب
يابو فاضل ... وانه عيني اعله الدرب
من زينبك اه ... ويلي ويلاه
......
كبل ما تغمض اعيوني ... لكيتك حاضر ابالي
جنت من اوكع ابضيجه ... اشوفك واكف اكبالي
احتاجيتك يا كافل ضعني
ساعت موتي اتغمض جفني
وتابوتي اتشيل اعله امتونك
غيرك ماردت اشيعيني
خوية خوية .... هاي جانت منيتي
خوية خوية .... تحمل انت اجنازتي
من زينبك اها ... وامصاباه
......
كثر ماهمني موتي اهنا .. اهمن جنت انه الشوفك
ردت راسي يبو الغيره ... تشيله ابراحته اجفوفك
ما حسبَّت ابقى انه الوحدي
ومحد يمسح دمعت خدي
جنت احسب كبري انت اتحفره
ابئيدك و اتنزلني اللحدي
مو غريبه .... انه زينب بت علي
مو غريبه .... احجايتك يا كافلي
من زينبك اه .... واغريباه
........
ابد ما نَزلَّت شوفي .... اعله بابي شابحه اعيوني
اتانيمن كبل موتج..... اتانيمن يسئلوني
وانه اتنطر خوية اشلونج
طابت لو لساهه امتونج
عباس انه التنتظرينه
كعدي اكبالي وفتحي عيونج
وانه اشمك .... اكعد ابأخر نفس
وانه اشمك .... احجي وياك بهمس
من زينبك اه .... واحسيناه
...
غرب شالو نعش زينب.. غرب مو من اهاليهه
وراهه ما طلع صايح .... ولا واحد بجه اعليهه
اجنازة زينب تكسر خاطر
طلعت وحدهه ابلا ناصر
مثل حسين الكسرو ضلعه
وجسمه امطشر ظل بالعاشر
بالحوافر .... طحنو اضلوعه طحن
بالحوافر .... لحم اخوي ابلا دفن
من زينبك اه .... هذا معناه
.......
عذرتك يا نبض كلبي ... عذرتك يا كمر ليلي
بعيده الشام وانت الحيل ... ماظلك بعد حيلي
شيجيبك وانت مكطعينك
عالشاطي ايسارك وايمينك
عفتك عالكاع ابلا طولك
وسهم الصابك بايك عينك
ماكو طولك .... عاينت عالمشرعه
ماكو طولك .... بس جفوف امكطعه
من زينبك اه ... واخضيباه
......
كلمات
موسى الخادم
#لشهادة السيده زينب
(قصيدة متعددة الاوزان)
ذكرياتي ..
موقف وعبره ودموع وغربه واهات
نايباتي ..
كلمه دوم اسمعها بدروب المعانات
زينب أنه وحيـــدر أبي
بت فاطمه وجدي النبي
وبكـربله آيـــة ســبي .... آنه العقيله
ـــــــــــــــــ ❁ ❁ ❁ ـــــــــــــ
چنت بعــظم منزله
بدار ابوي امدلـله
گبل لا باب المنيه ... یذبح أمـي الطـاهـره
.
صار عمري کربله
شفت نبلة حرمله
شفت اخوي اعله الوطيه...شمر يگطع منحره
.
آنه زینب یکتب السوط اعله متني
قصة احـزاني ودمــــوعي الألمتني
آنه كــل لحظه بحــياتي شيبـتني
والنوايب ســطرة اعيوني وعمتني
.
كل جروحي..
چن حلم مرن علیه ابهالمسیه
اعله روحي..
ارد اسولفهن گــبل یوم المنیه
.
هالیوم اموت ابلا أهل
لامن ابو وکافل وصل
یــاروحي لیلة الأجل ... ليله طويله.
ـــــــــــــــــ ❁ ❁ ❁ ـــــــــــــ
بفكري ظل هذا الأمر
شفت خد أمي انسطر
وياهه گمت اشهگ مصایب..عبره واتنفس دمع
والدي شــفته نأسر
سیـفه بگـرابه انقهر
نظر بسمار النوایب .. یضحك ويكسر ضلع
.
من غِدر چـف البغي أمـي وصـفعها
خله شوغة غربه مذبـوحه بدمعها
ويه كل جـرة نفس يصـرخ ضلعها
أمي لــو ونّت يمــوت الي سمعها
.
أدري بيها..
للمجـالس تحظـر وكـلش حريصه
وبأديـها..
خنصر احسين وعظم صدره وقميصه
.
تكتب أسم إلي انهظم
ولي بچه ولـــــي لطم
خلت سجل أسم الخدم..........بید العلیله.
ـــــــــــــــــ ❁ ❁ ❁ ـــــــــــــ
یوم أحـزاني أبتده
اعلن الطف مَولده
من ترك سيف المرادي..طـبّرته ابهامة أبـــي
.
استمع صوت الرِده
المـــنيه اتــــردده
بسمي ويصيح المنادي....تحظّري الدرب السبي
.
والدي شفته وشفت مشطوره هامه
قبّل أيدي وانظر بوجهه ابتـــسامه
لا يهـــزچ لو نِــــزف دم الإمـــامه
بویه زینب خلي عیــنچ عالیتامه
.
لا تصيحين..
بویه لوشفتي الشمر یذبح عضیدچ
لا تنوحين..
بویه بگماط الطفل لو چتف ایدچ
.
منچ تره نرید الصبر
لو شفتي چفين الگمر
مجبوره تمشین بسفر.......مالچ بدیله.
ـــــــــــــــــ ❁ ❁ ❁ ـــــــــــــ
عندي موقف بي عشت
یسعر بگلبي ویفت
آنه ادري چبد اخویه ... بعله والسم گـطّـعـه
لچــن کلما التــفـت
عني یخفون الطشت
لأن وصــاهم أبویه .. كـل ألـم مـا أسـمـعـه
.
آنه من بعد الحــسـن أتمـــنى مــوتي
كربله صارت طشت لجروح اخوتي
يمي الحســـين انذبح واعلن سكوتي
ما انوحن عالأخوا لا يعلى صــوتي
.
ها يشيعه..
آنه شميت الحسن من ودعيـته
عالشريعه..
رحت أدور عالگمر بس مالگیته
.
لا یســرته ولا یمنته
مصیوبه انظر هامته
والطاغیي حظر ناگته ... واعلن رحیله.
ـــــــــــــــــ ❁ ❁ ❁ ـــــــــــــ
هذا یومي چـن أمس
مثـل أمـي انـرفس
أمشي والگید بأدیـه .. آه یا درب الیســر
.
یحدي بضعوني الرجس
واستمع صوت الهمس
هیه هاي الهاشمیه .. العقیله أم الــخـدر
.
کلمه تالمـــني بکـــثر مـــــا رددوها
هاذي زینب بت علي الحره السبوها
ذاك البعينه السـهم راس ابن ابوها
وذاك البرمح الشـمر حسين اخوها
.
آنه موتي..
بكربله من ضاگت اعلیهَ الوسیعه
وي اخوتي..
ینذبح نحري وچفوفي اعله الشریعه
.
عشت وشفت غدر الدهر
غربه وهظم دمعه واثر
وي ربـــي انظر بالقهر...........دمعة خليله.
ـــــــــــــــــ ❁ ❁ ❁ ـــــــــــــ
بعد موقــف اذكــره
فطر گلبـي ومرمره
سکنه تنشدني یعمّه....شنهي بچفوف الرِدي
.
شنهي عينچ تنظره
ذاکه شنهي ابخنصره
والله مشتاگه اشمّه...هذا خاتم والــدي
.
عمه عين أختــي رقــیه غــمّـضیها
من تشوف الخاتم اتموت ادري بیها
چانـت اتقــبله بمـــدامعها وبچـــیها
من ابـــوي اتنــزعه وتلبسه بأدیها
.
اخفي دمعچ..
عالأبو تنشد يعمه بدمـعة العين
لا تســـألچ...
هذا خاتم والدي چا خنصره وین
.
لو شافته تجــــري الدمع
بالشهگه تکسر چم ضلع
گلب الیتیمه ینشـلع .. شنهي الوسیله.
ـــــــــــــــــ ❁ ❁ ❁ ـــــــــــــ
حان تـوديـع المحن
وي دموعي الي جرن
راح اموت ابهالمسيه..وحدي مابين الغـــرب
.
اليوم انلف ابچفن
والتقي بم الحسن
من الحبل مفتوحه ادیه..وبالمتن طبع الضرب
.
اليوم راح ايغطي وجهي صـم التـراب
شگد تمــــنیت التهله اچـفوف الاحباب
گلبي من غـدر الزمـن ماعـرفو انصاب
حظـــرو بأرض الطـفوف ویمي غیاب
.
ما یجوني..
وحدي اظل بغربتي اي والله حيره
ايشيعوني..
والي يحفرلي الگبر بدر العشیره
.
فوگ الوجن دمعي اجتهد
وسط الچفن صلی وسجد
من المـــهد حـــــد اللحد........اقره العديله
.
.
تمت بحمد ربي وعطاء اهل البيت
لاتنسوني ووالدي من فضل دعائكم المبارك
.
حسن الموالي الفاطمي.
يم عون خلصت وانتهت
حاچيني روحچ غربت
يلرحتي بفراگچ عمت عيني
**
مات السلف كل العشيره
يا روحي هاي شلون حيره
زينب يكسرتنه الچبيره
يجنازة المتعوب بلوه
هاي الگتلهه الون والفراگ
هاي اليگلهه حسين مشتاگ
شافتني مدمي الرگبه والساگ
هاي الدمعهه هواي يسوى
هاي الحنينه الودعت عباس للموت
هاي الحظنهه بكربله للخوه زاتوت
حظنت حسين ومن راح
مات المطر والفلاح
زينب يگاع من البچي
من مات بالدنيا الحچي
علناگه چانت تنتچي ويلي
يازينب الله ايعينــچ… شيبت حته اسنينـچ
امنيتچ يجي للمگبرة…حسين ويسبع الگنطرة
وماي الورد🥀 بديهم
★★★★★★★★★★
يازينب الوادم تره ويالموته عدهم عاده
كلمن يموت ويندفن اهله تجي وولاده
بس انتي اميره ابلا اهل واخوتچ كلهم قاده
وفاتحتچ ابگاع الغرب ومحد اجه من الساده
ابغربه انبنه صيوانچ… .ومحد اجه من اخوانچ
الغالي عليچ اشأخرة … حسين ويسبع الگنطرة
وماي الورد🥀 بديهم
★★★★★★★★
عاده الجرت عد العرب عندچ فلا سووها
أول أميره التندفن واخوتها ابــــد مااجوها
ياهي الي مثلچ باالغرب يازينب ايدفنوها
وياهي الي مثلچ لاهل لرض الغرب وصلوها
ألمن تلافت عينچ…… ماظن يجيج احسينچ
كلمن نزف دم منحرة.. حسين ويسبع الگنطرة
وماي الورد🥀 بديهم
★★★★★★★★★★
كلمن تره ايحكمه الظرف يابت علي المحتاره
اخوانچ لمن اتأخروا الغايب اوياها اعذارة
معقوله ظل بيهم نفس مااجوا ليچ ازيارة
وحسين راجع راسله اله وعباس عنده ايسارة
يلفون الچ بالرايه…و من كربلاء مشايه
كل خطوه والمدمع جرة..حسين ويسبع الگنطرة
وماي الورد🥀 بديهم
★★★★★★★★★★
بس انتي حگچ عالاهل عينچ دمع غرگانه
من كربله الحد كربله عشتي العمر تعبانه
اعله حسينچ امزيده العتب واعله الكفل نسوانه
من عفتي اخوتچ عالترب زينب صدگ زعلانه
ماترهم ايزعلونچ….والدمع ترس اعيونچ
ابسدهم أميرة امخدرة…حسين ويسبع الگنطرة
وماي الورد🥀 بديهم
★★★★★★★★★★
كلشي جره عد الخلگ بس ماجرت هالحاله
شفتي اخوتچ باالطف سوه تسحگهم الخياله
عباس بعيونه السهم بس انتي چنتي اباله
ولمن اجه حسين وگعد يم راسه وشگلاله
گلاله ذن ذرعاني… الزينب فده ونسواني
وبس گل لختنه المعذرة... حسين ويسبع الگنطرة
وماي الورد🥀 بديهم
★★★★★★★★★★
اصعب مواقف كربله طيحت عمود اخيامه
ومن ردلچ حسين ابكسر ظهرة وامضيع احزامه
صدر الگمر كلش رحب ظيف ابگلبه اسهامه
وحسين رد حافي الچ يمشي بلايه اعمامه
من عدها گرب موتچ… ..وصار الهزل تابوتچ
ماتوا لان اميسرة… حسين ويسبع الگنطرة
وماي الورد🥀 بديهم
★★★★★★★★★★
ـــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
🖋️📃قصيدة لاستشهاد مولاتنا زينب "عليها السلام"
ودوني أشيع بت علي ودوني
للشام اروح وحيل ادگ امتوني
احمل نعشها وابچي المبچاها
ماتت غريبة والوگت أذاها
بالشام وتريد الأهل وياها
لا من اخو لا من وَلَدها الجاها
خلوني احضر بالدفن خلوني
ودوني أشيع بت علي ودوني
/_/_/_/_/_/_/_/_/_/_/_/_/
عطل الجنازة يالشلتها شوية
خلينا احنا نشيع العلوية
أخذ تراب امن الكفل بيديه
عالگبر ارشه من ابو الحنيه
واترس جربته من دموع اعيوني
ودوني أشيع بت علي ودوني
✍🏻زينب الواسطي
/_/_/_/_/_/_/_/_/_/_/_/_/
وبصوت اگلها هاي من الفراس
نامي بامان ومايعوفچ عباس
الجربه والتربان يمج حراس
حد العـقيله گال لاماينجاس
لتگول زينب يخوتي عفتوني
ودوني اشيع بت علي ودوني
/_/_/_/_/_/_/_/_/_/_/_/_/
لاتضل عينج للدرب مشـبوحه
عباس من.كربله سمعوا نوحه
صدگي يحره ماتطيب اجروحه
ويه الجنازه بحزن تمشي روحه
ويصيح ياشيعة علي واسوني
ودوني اشيع بت علي ودوني
✍🏻ام علي البابلي
/_/_/_/_/_/_/_/_/_/_/_/_/
اتمنيـتها اخـوتهـا الــذي مشيعيـها
نصبوو الچـوادر فاتـــــــحة نسويها
قصتـچ عظيمـة منيـن اريد ابديـها
حبــل اليـــسر مطبوع ضـل بيديها
ام الصبر گالت أنه يسموني
ودوني اشيع بت علي ودوني
/_/_/_/_/_/_/_/_/_/_/_/_/
يم الصبر كل شيعـي يحضر موتچ
محـد. سمع وكت المنازع صـوتچ
باالغــرب منهو الي رفـع تابوتــچ
بكل حرف اكتب يالعقيلة مروتـچ
تقبلينه مني. وبالگـــبر حضــروني
ودوني اشيع بت علي ودوني
ام وليــ✍🏻ـد الموسوي
/_/_/_/_/_/_/_/_/_/_/_/_/
تمت بعون الله وتوفيقه بأقلام الخادمات
✍🏻ام علي البابلي
✍🏻ام وليد الموسوي
✍🏻زينب الواسطي
لانجيز حذف الأسماء ونسألكم الدعاء
يَخْتِي كَافِي لَا تْعِتْبِينْ...عَتْبِچْ زَيَّدِ وْنِينِي
آنَه الْكَافِلِ الْعَبَّاسْ...تِجْرِي دَمْعِتِي بْعِينِي
لُو مَا جِيتْ...وِاتْعَنِّيتْ...يَا زِينَبْ تِعِذْرِينِي
-----------------------
كَفِيلِچْ عَالنَّهَرْ نَايِمْ يَزِينَبْ مَا إِلَه ذِرْعَانْ
وِسَافَه لْطَاحَتِ زْنُودَه يِصِيرِ بْيَا وَضِعْ دَفَّانْ
دِنَه لِيچِ الْأَجَلْ يَا حِيفْ غَرِيبَه وْمَا إِلِچْ خُوِّانْ
هَضِيمَه بْدِيرَةِ الشِّمٍّاتْ تِنُوحِينِ وْتِنَخِّينِي
لُو مَا جِيتْ...وِاتْعَنِّيتْ...يَا زِينَبْ تِعِذْرِينِي
-----------------------
أَنَه بْعِينِي السَّهَمْ نَابِتْ وَاشَدْ مِنِّ السَّهَمْ يَخْتِي
مُصَابِچْ يَا ضِوَه عْيُونِي لَمَّنْ عَالتُّرُبْ طِحْتِي
طِلَعْتِي مْنِ الْمَدِينَه بْعِزْ وِاجِيتِي لْكَرْبَلَه بْبَخْتِي
أَوِيلِي وْفَرَّقِ الْمَقْدُورْ يَزِينِبْ بِينِچِ وْبِينِي
لُو مَا جِيتْ...وِاتْعَنِّيتْ...يَا زِينَبْ تِعِذْرِينِي
-----------------------
شِفِتْ ضِيمِ السَّبِي عْلَه النُّوگْ وْنَظْرَاتِ الشِّمِرْ كَلْفَه
لَوَنْ بِيدِي الْعَدُو مَا چَانْ عَلِيچِ يِنْرُفُعْ چَفَّه
وَحَگْ خِدْرِچْ يَا بِتْ حِيدَرْ جَرْحِي مَا بُطَلْ نَزْفَه
سِيَاطِ لْصَوُّبَتْ مَتْنِچْ بَعَدْهَه بْگَبْرِي تِچْوِينِي
لُو مَا جِيتْ...وِاتْعَنِّيتْ...يَا زِينَبْ تِعِذْرِينِي
-----------------------
أَبُو فَاضِلْ غَيُورِ شْلُونْ تِعَايِنْ عِيلِتَه الْأَرْجَاسْ
عِمَتْنِي وَگْفِتِچْ بِالشَّامْ وَحِيدَه مْدَنِّگَه لِلرَّاسْ
سْمَعِتْ چَمْ شَامِتِ يْگِلِّچْ چَا وِينَه الْگُمَرْ عَبَّاسْ
هُضَمْنِي دَمْعِچِ الْمَسْفُوحْ أَسِيرِ وْحِزْنِي سَابِينِي
لُو مَا جِيتْ...وِاتْعَنِّيتْ...يَا زِينَبْ تِعِذْرِينِي
-----------------------
يَزِينَبْ طَبَّتِ الدِّيوَانْ أَبَدْ مَا چَانَتِ عْلَه الْبَالْ
زِلِمْ مِتْجَمِّعَه وِتْرِيدْ تِشُوفِ الْحَرَمْ وِالْأَطْفَالْ
عَجِيبَه وْشِافِتِچْ هَالنَّاسْ سِبِيَّه مْچَتَّفَه بِحْبَالْ
دِرِتْ فُوگِ الرُّمُحْ رَاسِي شْبِدَيَّه وِانْتِي تِدْرِينِي
لُو مَا جِيتْ...وِاتْعَنِّيتْ...يَا زِينَبْ تِعِذْرِينِي
-----------------------
كِلْ أَيَّامِچِ الْرَاحَتْ صُوَرْ دَلَّالِي مَوْطِنْهَه
تِمَنِّيتِ شْكِثُرْ هَالْيُومِ أَخَيْتِي بْچَفِّي أَدْفِنْهَه
وَانُوحِ عْلَه الْگَبُرْ وَانْحَبْ وَاذَوِّبْ رُوحِي مِنْ وَنْهَه
لَچَنْ مِتْبَاعِدَه الْأَوْطَانْ يَزِينَبْ لَا تِحَشْمِينِي
لُو مَا جِيتْ...وِاتْعَنِّيتْ...يَا زِينَبْ تِعِذْرِينِي
-----------------------
#الليالي_الزينبية
الشاعر حسن خنافر العاملي
لسان حال السيده رقيه تستقبل عمتها زينب
…………………………………………………………...
من اهلي هبت بالهوه انسام
ريحة محنه الترست الشام
گالو قريب المرقدج ••• دفنوها زينب عمتج
…………………………………………………………...
ابكبري وبنص الخرابه . غربه و بگلبي كسر
فجأه صار اللحد ورده . مر على انفاسي عطر
لو لبوي العطر هذا . لو عطر عمي البدر
بس كلت بالغاضريه . ضمهم اتراب الگبر
معقوله زينب عمتي اهناه
من هل الارض مچويه الف اه
يا عمه عطر اعبايتج ••• دفنوها زينب عمتج
…………………………………………………………...
عطر بيه ريحة خيمنه . بيها دخان و حرگ
عطر بس ينشاف لونه . بلون المتون الزرگ
عرض صورة جدم حافي .عالجمر شابع سحگ
بيه عبايه اتراب كلها . من ركض يوم الطبگ
عل تل مره و تندب ببوها
اتشوف الشمر ينحر بخوها
ويكلها باجر ناخذج . دفنوها زينب عمتج
…………………………………………………………...
گومي گالو يا رقيه . عمتج ردها الزمن
ماتت ابلا حس حِبايب . لا خوات اللي بچن
ابلا چفافي اخوان خضره . ابلا حسين ولا حسن
على عگده ابأيد كافل . حسره بقماش الچفن
تبجي الجنازه اعله الهواشم
تريد ابجتف لكبر و جاسم
اتحضرين يمها اتمنتج ••• دفنوها زينب عمتج
…………………………………………………………..
ليش ياعمه و قدرنه . قاسي وي ال النبي
ليش من دون الاراضي . نندفن برض السبي
برض ما بيهاش ساده . بيها بس الناصبي
بالحجار استقبلونه . وماي حار اعله العبي
ياعمه ذوله الفرو النوگ
من سوگ ويدخلونه ابسوگ
ما انسه كسرة خاطرج ••• دفنوها زينب عمتج
…………………………………………………………...
اثنينه اعله الراس متنه . راسي ابوي المنسلب
انا وسط الطبق شفته . شعره بالدم مختضب
وانتي شفتي الشجره ذيجه .أعليها اصبح منصلب
منصلب بس عين اخيج . ظلت لحالج تصب
عل الشجره ويهل ابدمعته
من شاف السياط اعله اخته
على الشجره صارت موتتج ••• دفنوها زينب عمتج
…………………………………………………………...
بعد ما هم بالخرابه . بعد راحت وحشتي
ما نستني واجت يمي . هله بجيتج عمتي
بعد ما خاف الليالي . وبنت فاطم جارتي
نور وليوم القيامه . من گبرها الحضرتي
يفنه اللي ضربانه و شتمنه
ويبقه ابسماهم بس علمنه
والنصر مو الهم الج ••• دفنوها زينب عمتج
…………………………………………………………….
✍️ ( سيد خضر الزاملي )
ابوذيات الى السيده زينب عليها السلام
أهــــل دمعـــي واجــرن آه وي آه
ودليلـي أبنـار زينــب ريـت ويــــاه
تمنــت لــو نعشــها الاخــو ويــــاه
مشه ويصرخ يخيّتي الهاشميه
*
اجـيبن يــا يتيــم يخــاف ويهــــاي *١
وعگب عباس اديرن وين ويهـــاي
اطفــي ابهــاي رد الشمــر وي هاي
خيامي ولا اخــو اليفــــزع اليـــه
___
١_ويهاي/ وهيج
*
الشاعر
موسى البديري
فائزي حال الإمام سيد الشهداء عليه السلام
طلب الوالده الملاية أم سيد حيدر "حفظها الله"
لو مات واحد ياخلق من هالبريه
اهل البلد كلهم يحضروا له سويه
ماقط سمعنا واحد امن الناس عطشان
وقت احتضاره ينطعن صدره بالسنان
والسيف من دمه شرب والقاع ريان
وانذبح ظامي اوماشرب قطرة اميه
شفتوا جسد ميت وقت ماتطلع الروح
بالنبل جسمه ينشحن طعنات واجروح
ويبقى على حر الثرى ياحيف مطروح
اوتلعب على صدره بنات الأعوجيه
شفتوا يشيعه واحد ابموته مايرتاح
اوحتى بعد موته يقطعونه بالسلاح
هم شفتوا ميت يرتفع راسه على ارماح
اوتالي بشاره يروح للطاغي هديه
يهل الضماير والضماير تشتعل نار
اطرح عليكم مسأله اتحير الأفكار
شفتوا اجنازه امعطله تبقى بالوعار
اوماتفزع الها اهل الضماير والحميه
ماقط بقى ميت على التربان جسمه
عاري اولحمه منسلب من فوق عظمه
اوتالي اتغسل ياوسف من فيض دمه
من عقب ماظل بالعرا جسمه رميه
ما يوم عن ميت خبر ياناس جانا
من تربة الرمضا وسف صارت اچفانه
اوحر الشمس ياحسرتي غير الوانه
وامخدراته عالهزل راحت سبيه
والله على مر الزمن ياهل البصيره
ما شفنا ميت يلتف ابقطعة حصيره
وماصار بالعالم مثل شيخ العشيره
جمعوا جسمه في حصيره امن الوطيه
الميت اذا اتشيع اوصار ابوسط قبره
ابخده انقبله اوما نِقَبِّلْ عظم نحره
بس الشهيد اتحير السجاد بامره
في وين ايقبله اوراسه ودوه للدعيه
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
والفاتحة لروح والدي الحاج السيد جعفر السلمان وذويه والمؤمنين والمؤمنات مسبوقة بالصلوات
السللاسل بيده حدالعضم وصلان
الجروح اصيام صامن بيه وصلان
هذني اخفاف عل سجاد وصلان
الثجيله من خذو عمته سبيه
.
حسن صالح العيساوي
ضاكت والفرج عندك يلاهاي
عكب عينه اليسليني يلاهاي
اعزازي من مشو عني يلاهاي
وبس انته تره الضليت اليه
.
.
حسن صالح العيساوي
استشهاد السيده زينب ع
لسان حال اموالبنين
عندما اتى الناعي للمدينه ينعى العقيله
++++++++
يا اهل يثرب صوّت الناعي
ينعه المصيبه وهيج اوجاعي
گتله دريت حسين مذبوح
لا گلي ماتت ام الاجروح
+++++++++
اهلَ يثرب ناده زيدو بالبچي حيل
ماتت وماگال اسمها ابونّته ايطيل
ماتت الماكو النعشها والي ليشيل
انرضت بحچي الشماته مو سحگ خيل
إچبير الفضل ماچان بچتافي
قبلي ركض صوب النعي وحافي
ها يمه گتله الكربله تروح
لاگلي ماتت ام الاجروح
++++++++
الناعي عني ما سألهم هالمره امنين
من وگعت اگباله ناده ام الابنين
عن سبب موتتها انصحچ لا تسألين
شافت الشجره العليها راس الاحسين
عالشجره بعده دمه يتجاره
ماتت قهر من شافت آثاره
ها گتله يعني حسين مجروح
لا گلي ماتت ام الاجروح
++++++++++
وارجعت محتاره واحچي بدمع الاعيون
يالفضل روح الخوالك گلهم ام عون
ماتت وخلصت زلمنه الفاتحه شلون
بالنيابه عن اخوها خل ينوحون
عباس اجينه افتحنه ديوانه
الفوگ السنه مسدوده بيبانه
ليهسه عطره بمجلسه يفوح
لا گلي ماتت ام الاجروح
++++++++
سمعت ابعمتها سكنه وموتت الشام
كلهم التموا عليها اتحاچي ليتام
ماتت الجمعت شملنه بحرگ الاخيام
ابچو تستاهل بواچي وشدت احزام
كل حيله واليلطم عله اعيونه
الموت الغريبه لاتلومونه
الگال الجزع لحسيني مسموح
لا گلي ماتت ام الاجروح
+++++++++
آنه ام عباس اگلهم ام الامصاب
اوياكم ارد ابچي عليها اخت الاحباب
مثلي هم مرت عليها گعدت الباب
ياهو ليزوره گبرها بگاع الاجناب
وحشه وگبرها ياهو ليزوره
تعمه عليها اعيوني معذوره
الينشدني عينچ بالبچي تروح
لاگلي ماتت ام الاجروح
ثائر الربيعي
نعي السيده زينب عليها السلام
اويلاه على الماتت غريبه
كافل. خدرها. منين. اجيبه
يشيع زينب. الطيب حليبه
وعليها. يون ويعلي. نحيبه
✨✨✨✨
وافاها الاجل. بديرة اجناب
وين العشيرة وين الاحباب
الحنان. كلها. عنها. غياب
ويلاه يهد. الحيل المصاب
✨✨✨✨
ماتت غريبه. دير. بالعين
مهضومه كضت. بت. الميامين
يمها. ماحضر. عباس وحسين
خلف النعش. مامش. مشيعين
✨✨✨✨
هضيمه.غريبه زينب تموت
ومامش. اخو. يحمل. التابوت
ولا ناعي. وراها. يعلي الصوت
شالو. نعش ام عون بسكوت
✨✨✨✨
اويلاه على الماعدها خوان
ماتت وحيده. بين. عدوان
الجنازه . غربه . يال عدنان
وين الينصب لزينب. ديوان
✨✨✨✨✨
بقلم العلويه ام رائد زوين ✍✨✨
#يا_زينب
في أخر ليلة لمولاتي زينب صلوات الله عليها
نادت ابن اخيها وحبيبها مولانا السجاد صلوات الله عليه لتخبره بكل الاهات والمواجع وتعيد ذكرياتها الاليمه فنادته
وقالت::
عمه اكعد يسجاد
موتي الليلة ينراد
قبل لا قصري ينعاد..يا غالي
ما تنعاد هيهات
وگفه اباب ساعات
اموت ولا امتانات..يا غالي
علي رفجه جرح گضينه الايام
بس گلبي عليك شكد قهر ضام
اكعد خل افك جروحي وياك
اخر ليلة اريد اشكيلك الشام
اكعد واسولفلك جرح..ناگه ورمح..لمفرقه خوان
ما كتلك بجرحي ابد..حالك اشد..بگيودك احزان
بعلتك تركضلنه واسكت اجبار
بگلب زينب ولا كتلك شني الصار..يا عمه
____
بعمتك عالتل شصار
بين الذبح والنار
شكد جان الرمل حار..ما كتلك
الجرح مو جلمة ينكال
الجرح ينعاش جتال
شسوت بيدي الاحبال..ما كتلك
جنت عنك اضم يالجرحك الماي
ضعن كله نسه وبس انته حماي
خذو عوجية ايدك عمة وانطوك
سناسل فوك علتك والبجي هواي
اسكت واضم جنت بحزن..حبلي خشن..واكيدوك اهواي
وحال العقيلة ما يسر..ناكة وهجر..ويكتلني كل ماي
ومن شعلو يعمه بخيمتي النار
بگلب زينب ولا كتلك شني الصار..يا عمه
_
هذا الحال ميلوگ
محد نوخ النوگ
واصعد گلبي محروگ..مجبوره
عمه ايمين واشمال
گلبي اويه الهزل مال
وساكت گلبي ما گال..مجبوره
تره بليل الخرايب ما شفت نوم
شينومني واعلينه امخاطف الكوم
واغمض لا اجرحك من احس بيك
مثل طير الكطه فوك النسه تحوم
بليل الخرايب ما نمت..انعه جنت..خواني و الروس
اتأشر كضه دمعي الجره..ونعيي تره..هم مثلي محبوس
اسكت وانجوي بدمعي لأن حار
بگلب زينب ولا كتلك شني الصار..يا عمه
____
موتي الوحده موضوع
عمه عوف الدموع
ضعنك بعده موجوع..شيسكته
من حسين امانات
اطفال ومضعنات
شي بخيولهم مات..شي سكته
من اول خرابة لطلعت الروح
ننقص ليلة ليلة اطفال وجروح
بعز موت البنات وفكد الاولاد
يضل جرحي الجبير حسين مذبوح
انه وحليب ام الحسن..نكبر زمن..وننعه اعللحسين
لمصابه ما يكفي وكت..ولا نوح اخت..ولا دمعة العين
بگلوب الثكالى نعيي ما مار
بكلب زينب ولا كتلك شني الصار..يا عمه
____
گرّبلي امنازع الروح
وحبيبي حسين مذبوح
ماتت اخته التنوح..يا عمه
وصيتي بكل وكت دين
بلل عمه كل عين
غير الميت حسين..يا عمه
وسلملي اعلبوك وگله وياك
عدلة وميته مجبوره اعلفرگاك
رقية الخلت اختك ترجع لشام
لو ما موت بتك ميته فوگاك
وحدها والدنيا قصر..شام وكبر..واليمهه شمّات
امنيتي مو ابيض جفن..اسود لأن..عندي اخو مات
زوار اعلگبري مرو زوار
بگلب زينب ولا كتلك شنو الصار..يا عمه
اشلون زينب گالو اميسرينهه
ما نهض عباس ينشد وينهه
*******
ما فزع عباس حامي اضعونهه
ايشوف زينب بالمحن يسبونهه
الليل زينب بس دمع ابعيونهه
خاف هاشم باليسر ناسينهه
*******
حييهم انده بالعشيره والعمام
وين هاشم تفزع وتبدي اهتمام
اتكون جيتهم گبل طر الظلام
وين زينب تنشد امضيعنهه
*******
شلون هاشم ما لفت نسوانهه
اتشوف زينب حايره بأحزانهه
جروح.......باگت كربله وليانهه
ظلت بونهه تنوح احسينهه
*******
وين حماي الدخل....شد الرچاب
واسرج الخيل بعجل بعظم مهاب
هاي زينب حايره بثكل المصاب
اتريد فزعه من الغري وتعينهه
*******
عجل ابمسراك من وادي السلام
اكتاب من زينب وصلك بي كلام
گوم يابوحسين بس شد اللثام
عندك الاخبار دمعة عينهه
*******
كون وي خيط الفجر ينوي الرحال
يشوف زينب بالغرب يبدي السؤال
ليش يا هالناس ماعدكم رجال
ايشوف زينب ياتره امسلبينهه
*******
اجروح زينب تنحچي بمجره الدمع
تشبه الزهره واخذت تحني الظلع
ونهه........ عالعباس بس ما ينسمع
هاي مدرسة الخدر تبينهه
*******
هاي زينب بنت علي خير العمل
اتشوف بس ارماح ذبحوها الاهل
بطبت الكوفه انتهه منهه الامل
صارت الدمعه فرض بونينهه
*******
تمت بعون الله تعالى
خادمكم.....يوسف الفتلاوي
🏴زينب وياهي المثل زينب تكون الصبر بس من عدها يتعلم صبر🏴
ــــــــــــــــــــــــــــــــــــــــــــــــــــــــ
وفاة السيده زينب ع
آ يا ليل ماضل حيل
مكسورة خاطر اني
من راحو مني اخوني
آ يا ليل
................
اليل من يلفي الخلك للراحه
ولمن تجيني تزيد بيه انياحه
من كل كتر توجعني گلبي صفاحه
الليل اليمرني انتضر مصباحه
ضلمه وياي يادنياي
والروح بحسره اتاني
من راحو مني اخواني
آ يا ليل
...............
يادمعه التفيد وصدك ابجيهه
وياكلمه التردهم وحته احجيهه
ياليل روحي الالم زايد بيهه
وحته الهوه يلجمهه ويأذيهه
بيه جروح ترس الروح
خلتني بهاي احزاني
من راحو من اخواني
آ يا ليل
..............
خوان عندي مدلله ومهيوبه
وبگلبي هاي اسمائهم مكتوبه
ياليل ليش بيا ذنب مطلوبه
صار الغريبه اسمي وأنه المحبوبه
تعمه العين بعد حسين
عشت الغربه باوطاني
من راحو مني اخواني
آ يا ليل
.............
لحسين روحي اشتاكت وملهوفه
اخر وداع ويا صبح بطفوفه
حرموني منه وعني منعو شوفه
وكادوني من بلد البلد مجتوفه
بالعثرات والطيحات
السوط بمتني واذاني
من راحو مني اخواني
آ يا ليل
..............
ميته انه من ذاك الوكت انفاسي
بلون النوارس صار ابيض راسي
من ضلو اعله الغبره اهلي وناسي
وتحديني غربه وماحضر عباسي
صحت بصوت وين الموت
ماخذ روحي وخلاني
من راحو مني اخواني
آ يا ليل
.............
بس الجسد ضل والگلب نتاكه
كلش ضعف يمكنه حان افراكه
ياليل والله لخوتي مشتاكه
غمض عيوني وياهم ارد اتلاكه
باللوعات هالساعات
ردت الكافل دفاني
من راحو مني خواني
آ يا ليل
محمد هادي العقابي
نعي
تعالي الليله يم الحسن وحسين
وجيبي وياج كل ادموع العيون
وكصدي الشام شوفي ابنيتج هناك
وحيده وبالغرب مخطوفت اللون
وعلى حسين بطريقج مري حاجي
جا يمه لختكم يمته تمشون
زينب ناطرتهم همه الثنين
وبگلب العقيله وطيبه يدرون
شكد سهرت الليل وشافت الويل
ولهسه السوط ضل لونه اعله المتون
وتتحمل اذيه الزمن دوار
بس فكد الخوان اعليهه ميهون
اجاهه الموت رادت يمها عباس
وحسين بدمعته من يحضرون
الميت بالغرب يتمنه ويريد
يحضرونه هله ونعشه يشيعون
ماينحمل هل دنيه يمرها
بگلب زينب بقه يسعر يمرها
وين اخوتها شو محد يمرها
وماتت هضم لحسين واخيه
محمد هادي العقابي
السيدة زينب عليها السلام
.«««««»»»»»
وينك يابو فاضل الحك الها
الماتت غريبه بدون اهلها
ماتت زركه لمتون
الحك لختك ام عون
«««««»»»»»
زينبكم غريبه ابديرة الشام
مكسوره الاميره كسرة الجام
بقت نار بهدمها من الخيام
من يوم السبي ماكدرت اتنام
عميه اعليك العيون
الحك لختك ام عون
الما غمض ولا ساعه جفنها
«««««»»»»»
يعباس الجنازه تريد دفان
ليش ام عون ما وياها خوان
زينبكم وحدها و ماكو عوان
يدفنوها الغرب من غير عنوان
وانته ماكو اشلون
الحك لختك ام عون
ولا اخوان يمها و ماكو ابنها
«««««»»»»»
وين حسين عنها وينه عباس
تناديكم اختكم ها ينبراس
بديار الغريبه تموت يا ناس
دفنوها بشماته رفعت الراس
عليها اشلون ترضون
الحك لختك ام عون
و بديار الغريبه ابلا كفلها
«««««»»»»»
هاي اختك يعنوان الكفاله
ادتها ابفخر دور الرساله
ذلت عرش اميه و احتلاله
جليله الله خص الها الجلاله
الليله مضلم الكون
الحك لختك ام عون
طش بعدك يبو فاضل شملها
«««««»»»»»
تعال وشوفها مالومه لليوم
السوط امتنها تارك ارسوم
ما تكدر الحره بحيلها تكوم
زينب بالضهاري شافت انجوم
اضن ما بيها تدرون
الحك لختك ام عون
جبل لو شاف همها ماحملها
«««««»»»»»
حسن صالح العيساوي
الامام السجاد عليه السلام مخاطبآ جنازة العقيلة زينب عليها السلام
*
يم عون خلصت وانتهت
حاچيني روحچ غربت
يلرحتي بفراگچ عمت عيني
**
مات السلف كل العشيره
يا روحي هاي شلون حيره
زينب يكسرتنه الچبيره
يجنازة المتعوب بلوه
هاي الگتلهه الون والفراگ
هاي اليگلهه حسين مشتاگ
شافتني مدمي الرگبه والساگ
هاي الدمعهه هواي يسوى
هاي الحنينه الودعت عباس للموت
هاي الحظنهه بكربله للخوه زاتوت
حظنت حسين ومن راح
مات المطر والفلاح
زينب يگاع من البچي
من مات بالدنيا الحچي
علناگه چانت تنتچي ويلي
****
ياهو اليگلكم ماكو توديع
واستأجرت لام عون تشييع
خلف الجنازة الوادم تضيع
حتى الملائك نزلت الهه
شيعهه مرسل وي كتابه
وطفله وتصيح حسين بابا
ذيج التوفت بالخرابه
يا سالفه ومحد حملهه
حيدر اجاهه من النجف للشام عناي
وعباس اجاهه اعله الوعد متحزم بماي
راية ونهر بيمينه
ويصيح وين سكينه
مشتاگ اشوفچ مو نعش
من راحلچ فدوه العطش
يا لحد بدموع انفرش وسفه
*
فوگ الجنازه مچلچل الليل
چن عشره من اهلي مچاتيل
ارفع نعشهه بچفي ويميل
رادت تشوف اهل الحميه
يتوجه التابوت يندار
حسيت بيه معزب وصار
اول نعش ومتاني خطار
باهلآ وسهلآ ردو اليه
خليني يا لوح الخشب منتظره الاحباب
لتگلي بابچ من گبل ما اريدن الباب
يلفوني هسه اخواني
واحد يحشم الثاني
يا ريت محتاجه اخوتي
منتظره تبقى جنازتي
محتاره اظل بحيرتي آني
***
بعين المفارگ تصعب ال ليش
حگ المثلهه يموت ميعيش
كل المصايب يمهه بالريش
من يا مصيبه الگلب يسلم
ثكل الجنازه بثگل الهموم
شالت حزن مذبوح مسموم
تمنيت كون الغاليه تگوم
آه يا دليلي هواي تحلم
غطاهه التراب شبعد ما بيهه ظنه
هونچ يگاع المگبره هاي امن اهلنه
متحمله ضيم الما صار
طف وجرح والبسمار
شافت تره الما ينشاف
كلهن ثگل ماكو خفاف
عافت جسد ما ينعاف حيره
**
ها عمه نمتي ونامت الآه
هود ونينچ من دفناااه
ميته وچلمتچ واحسيناه
ما يبرى جرح الغاضريه
گبرچ ارشه بماي من جود
خنياب جاب العمر ويزود
عباس خلى العطش ممدود
لعيون اخيته الهاشميه
راية كفيل اعله الگبر خافن تبردين
ودالچ عيون بسهم وچفوفه الاثنين
يم الخدر الله وياچ
تنعين راح انه انعاچ
وابچي اعله گبرچ أيام
هوه اليحبچ ينلام ؟
يا شام دفنيت الشام بيدي
كلمات خادم زينب/ رعد الفريجي
لوفاة العقيلة زينب سلام الله عليها
ايعز علي هاي المسيه
اندب الحره الوفيه
شحال گلب الهاشميه
عليها مرت چم رزيه
اول الحسرات هيه
من رحل سيد البريه
وثاني حاله من الاذيه
كسر ظلع امها الزچيه
وبدت لوعتها الخفيه
من انطبر حامي الحميه
صارت الونه سجيه
الحسن غدروه ال اميه
بغدر سم اهل الرديه
وزادت الونه الخفيه
ونارها صارت سريه
حسين لمن علوطيه
انذبح يوم الغاضريه
واشد كل محنه وبليه
امچتفه راحت سبيه
العاشت بدار الخليه
مرت عليها المنيه
الشاعر حسن لعيبي الحريشاوي
بحيل الله هل عام اوصلج وسجد شكر يم دارج
بعون الله يم عون السنه انحسب من زوارج
يالدمعتج تجوي الجمر اجويني فدوه ابنارج
امن أرض الحسين وجاي الج ارد انحسب خطارج
يالماتردين اليجيلج
من حيلي يالحره عله حيلج
عينج عليه بروح الحسين
من ضيم دنياي اشتكيلج
زاير ان شاءالله العام انحسب
زاير مايهم طول الدرب
زاير دمعتي الحزنج تصب
ــــــــــــــــــــــــــــــــــــــــــــــــــــــــــــــــــــــ
هنيالي كون بهل سنه بكتابج اتكتبيني
وشلت عيني من الدمع رايد دمع تنطيني
حبل الوصل هوه الدمع مابينج ومابيني
خاف ازلك بهاذ الدرب كضت طفل كضيني
رايد ازورج سهلي أمري
بابج اريد ادموعي تجري
يمج اريد انعه على الحسين
ولطم لحد ما خسفه صدري
رايد اكعد البابج وون
رايد من حزن كلبج حزن
رايد اوصلج حته اطمئن
ــــــــــــــــــــــــــــــــــــــــــــــــــــــــــــــــــــــ
وين الله يم كبرج اجي ويم بابج أقره بعبره
مازايرج طول العمر وبكلبي ضلت حسره
سايم عليج الله وعلي وفقيني ازورج مره
مثل الخدم خليني اجي وبروحي تلهب جمره
هاي الهضيمه التشلع كلوب
بابج يسدونه ويالغروب
والخدم تبقه اتنوح وتنوح
ومثل الشمع يم بابج اتذوب
زينب حلم عمري ازيارتج
زينب روحي طيره بكبتج
زينب وطن كلبي حضرتج
ــــــــــــــــــــــــــــــــــــــــــــــــــــــــــــــــــــــ
ذبلانه وبوجهج تعب من ممشه ذيج الهيمه
ليهسه متعوبه تره من السبي ومن ضيمه
ياحيف كبرج بالغرب يخت الينكط شيمه
الشباج صحنج من نطب نشتم دخان الخيمه
ياضيم كلبج ياعذابه
يالمالج ضلو كرابه
اكبر هضيمه عليج يم عون
بت شيخنا وبتي بخرابه
ويلي ماكو مثل مصيبتج
ويلي لهسه تسجب دمعتج
ويلي الصخر يبجي الحيرتج
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
ابوذيه
يــخــويـــه اشــمــصــعــب ايــامــي.. يمرهن
وخــيــمــكــم يــســعـــر بـگـــلـبـــي.. يمرهن
الـحـرم يـحــســيــن لـــو شـــامـــت.. يمرهن
ســبـــيـــه اتـــلـــوذ يـبـن امـــي ابــســبــيــه
*---------------*---------------*
✍خادم الحسين ع
الشاعر رعد الجريخي
يازينب
مـرّه الـحـيـدر اعـيـونـي .. مـرلكـم
يـهـلي ما وصـل طـارش .. مـرلكـم
ويگـلـكـم بالسبي راحـت .. مـرلكـم
ونـه چـان الـمـثـل مضـروب بـيـه
*-----------------------*-----------------*
✍خـادم الـعـقـيلـه ع
الشاعر رعد الجريخي
الى سيدتي العقيله زينب عليها السلام
جبـــل صبــري تعالـــه لو عِلّى الشام
وعلى الطف انه انوحن لو على الشام
تظـــل بالــروح يهلــي لــوعه للشام
اشــد مـــن لـــوعتـــي بالغاضـــريه
الشاعر
موسى البديري
يابو فاضل ... ترضه شيعوني الغرب
يابو فاضل ... وانه عيني اعله الدرب
من زينبك اه ... ويلي ويلاه
......
كبل ما تغمض اعيوني ... لكيتك حاضر ابالي
جنت من اوكع ابضيجه ... اشوفك واكف اكبالي
احتاجيتك يا كافل ضعني
ساعت موتي اتغمض جفني
وتابوتي اتشيل اعله امتونك
غيرك ماردت اشيعيني
خوية خوية .... هاي جانت منيتي
خوية خوية .... تحمل انت اجنازتي
من زينبك اها ... وامصاباه
......
كثر ماهمني موتي اهنا .. اهمن جنت انه الشوفك
ردت راسي يبو الغيره ... تشيله ابراحته اجفوفك
ما حسبَّت ابقى انه الوحدي
ومحد يمسح دمعت خدي
جنت احسب كبري انت اتحفره
ابئيدك و اتنزلني اللحدي
مو غريبه .... انه زينب بت علي
مو غريبه .... احجايتك يا كافلي
من زينبك اه .... واغريباه
........
ابد ما نَزلَّت شوفي .... اعله بابي شابحه اعيوني
اتانيمن كبل موتج..... اتانيمن يسئلوني
وانه اتنطر خوية اشلونج
طابت لو لساهه امتونج
عباس انه التنتظرينه
كعدي اكبالي وفتحي عيونج
وانه اشمك .... اكعد ابأخر نفس
وانه اشمك .... احجي وياك بهمس
من زينبك اه .... واحسيناه
...
غرب شالو نعش زينب.. غرب مو من اهاليهه
وراهه ما طلع صايح .... ولا واحد بجه اعليهه
اجنازة زينب تكسر خاطر
طلعت وحدهه ابلا ناصر
مثل حسين الكسرو ضلعه
وجسمه امطشر ظل بالعاشر
بالحوافر .... طحنو اضلوعه طحن
بالحوافر .... لحم اخوي ابلا دفن
من زينبك اه .... هذا معناه
.......
عذرتك يا نبض كلبي ... عذرتك يا كمر ليلي
بعيده الشام وانت الحيل ... ماظلك بعد حيلي
شيجيبك وانت مكطعينك
عالشاطي ايسارك وايمينك
عفتك عالكاع ابلا طولك
وسهم الصابك بايك عينك
ماكو طولك .... عاينت عالمشرعه
ماكو طولك .... بس جفوف امكطعه
من زينبك اه ... واخضيباه
......
كلمات
موسى الخادم
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
الطفوف للقصائد المنبریة
❤️ @ininafwf
صوتیات الشیعة
❤️ @media313
ضلع الزهراء
❤️ @meiamom
دروس الحوزوية
❤️ @al_barara1
🕊 هـــ🔖ــــمســة_امـــل 🕊
❤️ @hamsat_amal
جنة الزهراء عليه السلام
❤️ @haa_alzahraa
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
اهل البيت عليهم السلام
❤️ @EYHYH
الشاعره ام علی المالكي
❤️ @typkj
اللهم صل على محمد وال محمد
❤️ @haha_haha2
فلسطين طوفان الاقصي غزة
❤️ @F_a7_1_4
عشاق الامام المهدي عج
❤️ @Rerqsty313
نحو الحلم
❤️ @Asooshmar_22
اعلاميات الحشد الشعبي
❤️ @alam_alhashid313
قناة للقصائد الحسينىة
❤️ @tyyuuiiopp
كن مع الله
🌹 @bewithAllah6
الشاعرة العلوية الموسوية
🌹@alweyaamosaweyarrrr2626
قناة العلوية ام ضيغم المحنا
🌹 @omdegim
الشجرة الطيبة
🌹 @T_O_Tjj
قصائد حسينية كتابة النساء فقط
🌹 @fffru1
طالبة حوزة
🌹 @nrjss_313
الشاعرة ام كرار الساعدي
🌹 @shrahpk
الحسين ع
🌹 @K_H_M313
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
ام عراق الشمري
🌹@kEc5VGVP81k2Nzgy
لبيك يا قائم ال محمد
🌹 @EAMAHDDE
قصص وعبر ... 💙
🌹 @methakamad555
خدام الامام الحسين (ع)
🌹 @labaykahoussein
اسرار و خفایا من اهل البیت (ع)
🌹 @ssoammar
النعي و الرثاء لمجالس سيد الشهداء
🌹 @AL_Nay_and_Alrthaa
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
أللهم عجل لوليك الفرج
🌹 @lmam1234567
ارشاد القلوب
🌹 @shjgbbgdsju
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
معهد القرآن و العترة
🌹 @Kalamukumnnur
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
ستوريات حسينيه
🌹 @qato2
الشاعره الحسينيه دمع الفواطم
🌹 @tteef
شاعره العلويه ام حسام
🌹 @sdghjjjvcdgghhhhggfff
القران الكريم من النجف
🌹 @tilaawtmenalngf
قصائد وعد الكفيل
🌹 @heznashwor
القران و العتره
🌹 @Qra_com
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
سفینة النجاة
❤️ @safenatalnajat
قصص علماء العرفانين
❤️ @alarfan
لقاء العاشقين
❤️ @jkhkll
قناة خادمة الزهراء (ع)
❤️ @fvyhbib
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة ثقافة آل البيت
❤️ @Thaqaft_alulbayt
قناة لااله الا الله
❤️ @imam313hussein
قناة فقه النساء
❤️ @fakhh1
قناة الياقوته الخضراء
❤️ @yaqotakhdraa
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قناة مــعـراج الــروح
❤️ @Aklam_rakiya
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
قناة مثقفو آخرالزمان لتعجيل الفرج
❤️ @yaimahde313
قناة طريق الحسين نبض الحياة
❤️ @sheaAli
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde