5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
جرحي باب وكربله
والدموع الهامله..... يشرحها المصاب
هالمصيبه مؤلمه
فاطمه يا فاطمه... يالوعة الباب
نوحي يعله بهل رزيه ،،، واليالي الفاطميه
باب من الغاضريه،،، والجروح
فاجعة أم وأبنها،،،، ورده طاحت من غصنها
گوه تحچي وتخفي ونها،، من تنوح
ياوسف أيــد الحـقد طالت عليها
من السقيفه الخانت وغدرت نبيها
مـارعـو بضعة نـبـي وكسرو ضلعها
والعرش وأهل العرش تبچي البچيها
بگلبي نار موجره
ضلوعي مامتكسره.... ولا شابع أونين
عل أقل كون أنفجع
من يمر طاري الضلع...ودموعي بالعين
هوه نوحي ودمعي منها،،، وهيه حزمتني الحزنها
شتحچي يا دلالي عنها،،، ياعذاب
عالمصيبه بگلبي حسره،،،من عدوها الما تبره
بالقيامه شنهو عذره،،، ياجواب
بلعنة أشباه الزلم عـنـدي عقيده
وعالجريمه ألي تستر مــاأريـده
واليحاول ينفي لو يخفي أمرها
ماهو شيعي وعذره باچر مايفيده
عندي كلشي مايهم
والبرائه تحب زلم... تجهر بالأسماء
مو دعايه ولاخبر
قاتل الزهره( عُمر)....ماحاجه أخفاء
عمر عالحايط عصرها،،، ضلوعها هوه كسرها
بچفه ياوسفه سطرها،،، هالزنيم
ويلي بسمار الفجيعه،،، نابت بصدر الوديعه
عالجريمه بكل شريعه،،، حد تقيم
المهدي باچر لـو ظهر ثاره يطلبه
الحد يقيمه والظلم فاطم يصلبه
وهوه اليدلي الخدم موضع قبرها
نسوي يمها العزه والمدمع نصبه
دمعتي التچوي الجفن
مقترن بيها الحزن .... ماتنزل شلون
الدمعه مصداق العشگ
گلبي باب ومحترگ...ومصابي ميهون
جرحي كون بهل ليالي،،،يبين الكسره بخيالي
شنهو نفعي وشنهو حالي،،، بلا عزاء
كون أموت من الهظيمه،،،الزهره للخدام خيمه
بالأرض مجلس نقيمه،،، وبالسماء
هـنـاك والأملاك هـم تنصب عزاها
بالسمه بمجلسها يحضر يبچي طه
على بنته البضعه تنزل دم دمعته
أم أبيها فــاطمه ومـحـد رعـاهـا
✍️حسين حمدان الدلفي
لطمية مربعة لديار الحسين
المستهل
رحت الدارهم ماكو زلم بيها
روحي اتمرمرت والضيم غاطيها
♦️♦️♦️♦️♦️♦️♦️♦️
رديت ابهضم والعين معميه
يتراوالي اوساعه انغمه اعليه
اخوي الشايل امقفل مبانيه
ظلمه دارهم صبحت تاليها
♦️♦️♦️♦️♦️♦️♦️♦️
الدار امسدده اوماكو هضل عالي
بكيت امحيره والظيم ياحالي
عله افراك الاحبه مدمعي سالي
شالو وانه روحي الهضم غاطيها
♦️♦️♦️♦️♦️♦️♦️♦️
احا يادارهم مزوده واتبجي
ماضل بيها والي بالعدل يحجي
كلهم كوضو جا انه بعد شحجي
ومن رديت خويه جيت اعازيها
♦️♦️♦️♦️♦️♦️♦️♦️
اعازيها واكلها ليش مزدوده
تكلي الراح عني بعد شيعود
عليهم بالدمع هالعين ممروده
روحي اخلافكم منهو اليسليها
♦️♦️♦️♦️♦️♦️♦️♦️
روحي اتمرمرت من شفت هاي الدار
مهجوره يخوتي اشكد عليها اغبار
جاوين المضيف اولمت الخاطر
عكب اهلي بعدياهو السكن بيها
♦️♦️♦️♦️♦️♦️♦️♦️
عكبكم للبيوت اشلون اطبنها
عاليها الغبار اشلون اسكننها
بتكم من عكبكم زودت ونها
ضلت بالغرب من ينشد اعليها
♦️♦️♦️♦️♦️♦️♦️♦️
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه على روح الشاعره ام تحسين
بصوت كامل السعيدي
ام زين العابدين اللامي
بصوت حسين العيساوي
ام زين العابدين اللامي
بصوت خادمكم الرادود
ظاهر الخيگاني
كلمات ام زين
العابدين اللامي
فزاعيه بحق شهادة الامام العسكري عليه السلام
نصبت فاتحه ام حسين
والمهدي وگف بيهه……….
¢¢¢¢¢
حظـرت بضعة المختار
أتشـــــيع غريب الـــدار
تلطم والقلب محـــــتار
الهم والحزن غاطيهه
¢¢¢¢¢
مكسورة ضلع وتنـوح
اه يگليبه المجــــروح
عالمسـموم والمذبوح
ما سكتت بواچـــيهه
¢¢¢¢¢
قطعه مـــن قلبه اليـــوم
ميت بالغرب مســــــموم
من ارض الوطن محروم
هنــــياله اليــــــــــعزيهه
¢¢¢¢¢
تصيح بصوت حياكم
يمـن جيتو المــولاكم
المهدي ابنه أيتلكاكم
حوائجكم انه اگضيهه
¢¢¢¢¢
تبچـــي وتون مفجوعه
گلبهه بيـــه چــــم لوعه
حسـين الرضو اضلوعه
لو زيـنب الســـابيـــــهه
¢¢¢¢¢
تم بعون الله تعالى وبركاته
محبوبي الامام المهدي عج
✍ام زين العابدين اللامي
والله ولي التوفيق
🏴🏴الفاتحه الى روح والدي،ووالدتي 🏴🏴
ذكرى استشهاد الامام الحسن العسكري ع
يالعسكري بنار المصاب
يالعسكري دلالـــي ذاب
يالحســـن رايـــات حزنك علگتهن
وحتى دمعاتي المصابك حظرتهن
*--*
للمجلس ابشوگ وبعبره اروحن
وجروحــي ويـاي گلهن ينـوحن
ابحبــك يمولاي كل يوم ابوحن
وعـذرني ابهاي كُنْ لِيْ سموحن
انته العشگ ونتـه الهوه
حبك صبح راحه ودوه
نعمه حبـك والفضائل بي شفتهن
حتى دمعاتي المصابك حضرتهن
*--*
ليلة حـزن هــاي حيل افجعتني
وجروحي الهواي والله ألچمتني
مـــن كثـر الدمــوع ذبلته جفني
ومن ثگل الهموم يوجعني متني
ننصب عزه لمصيبتك
يحله الطم بقرايــتك
عالطـــم جفـــــــين اديــه عودتهن
وحتى دمعاتي المصابك حضرتهن
*--*
وفقني كل عـام الهـاي المئــاتم
وعنــدك يمولاي سجلني خـادم
اشما الطم اعليك ماچني لاطم
والرايد ايلوم ابتفكــيره واهــم
گلبي انجوه ابنــار العشـگ
اسمك نَبُض ضل بيه يدگ
ابمجلسك كل المــــــواجع گلبتهن
وحتى دمعاتي المصابك حظرتهن
*--*
يا كوكب النــــور هليله مخســـــوف
ظلمه اصبح الكون وعيونك اتشوف
مفجــوعه الأمـلاك وبگبـرك اطـــوف
وفطرس يمولاي ضل دمعه مذروف
جمر القضى ابگلب المحب
بمصيـــبتك يلهـب لهــــب
اجروحي تبچي اجروح لجلك عودتهن
وحتى دمعــاتي المصــــابك حظــرتهن
*--*
عـاده الكم الموت وثوب الشهاده
گضـــيت الايـام طــاعه وعبــاده
مـــن اجلك الكون اعلن حــداده
يا عــروة الدين ونــوره اوتـــاده
اهموم الدهر ما ينتهن
طــول العمر يتجددن
كلهن ابداخـل ضريحــك سولفتهن
وحتى دمعاتي المصابك حضرتهن
*--*
الخادم
كامل السعيدي
يانكسة الضمير.
وذلة المصير
ايقتل الاشراف فيك كربلاء
ايقتل الاشراف فيك كربلاء
----------------------------------------------------
ياايها الناس اما تستحون
ان لم يكن دين لكم تعبدون
ان كنتم عربا كما تزعمون
هل نسل ال المصطفى يذبحون
فخطبهم عظيم
وامرهم جسيم
كيف السماء امطرتكم بالدماء
كيف السماء امطرتكم بالدماء
---------------------------------------------------
ال النبي قطعو بالسيوف
ورحلهم غارت عليه الحتوف
وزينب بالهم ظلت تطوف
وحيدة مابين تلك الالوف
وزينب غريبه
في ارضها عجيبه
سبية امست بايدي الجهلاء
سبية امست بايدي الجهلاء
---------------------------------------------------
جئتم بها شعواء بين الشعوب
ذبحتمو نورا يضيء الدروب
قتل الحسين كان ادهى الخطوب
لقتله ظلت تذوب القلوب
قلوبنا حيارى
ودمعنا تجارى
لمقتل الحبيب سيد الشهداء
لمقتل الحبيب سيد الشهداء
---------------------------------------------------
ياامة قد فعلت عظائما
وساندت كل اثيم ظالما
ال النبي حاربوهم بالضما
وشردو فيهم سفكا بالدما
قد ذبحو الشريعه
بفعلة شنيعه
سبط النبي قطعوه بالعراء
سبط النبي قطعوه بالعراء
---------------------------------------------------
ايقتل السبط ضمي صريع
وماله من دونهم من منيع
ذؤبانهم جاءو بامر مريع
قد قتلو سبط النبي الشفيع
فمالهم شفاعه
ومالهم مناعه
سيوردون نارها يوم النداء
سيوردون نارها يوم النداء
---------------------------------------------------
قد ذل من كان على الظلم بات
لاينتفض ان تسلب الحرمات
وزينب وسبيها للمات
وصمة عار في جبين الطغات
لاينتسى صداها.
للمحشر مداها
والشمر كان حاديا بالنساء
والشمر كان حاديا بالنساء
---------------------------------------------------
محمد دعبل النوري
استشهاد الامام العسكري ع
……………………………………………………………
اليوم يندب كل موالي وجعفري
السلام اعله الامام العسكري
وا اماماه •• وا اماماه
……………………………………………………………
السلام اعله الامام المنغدر
حتى للثلاثين ماجازي العمر
ورده ماتت وانجرح بيها العطر
عاشت ابليل وفلا شافت فجر
الحسن موسى وهمه گوم السامري
السلام اعله الامام العسكري
وا اماماه ••وا اماماه
……………………………………………………………
يا امام و مقتلك اكبر جرح
صار سمهم سيف وانت المنذبح
ليل همه وانته مشراگة صبح
ماصخه الدنيه و رحل عنها الملح
كربلاء ابموتك اتعازي الغري
السلام اعله الامام العسكري
وا اماماه •• وا اماماه
……………………………………………………………
الج يا سامره مشتاگ الگلب
بالبواجي البيت ابو محمد اطب
يا امامي الخلص عمرك بالغرب
انت عيسى ابوسط دارك منصلب
فدوه الك روحي ودليلي وناظري
السلام اعله الامام العسكري
واماماه •• وا اماماه
……………………………………………………………
تسقط الملويه وي المعتمد
وعاشت الگبه الشريفه وللابد
اشجاب عنوان النعامه اعله الاسد
ابو محمد سيف ماشاف الغمد
اسمه اية موت لمن ينقري
السلام اعله الامام العسكري
وا امامام •• وا اماماه
……………………………………………………………
السلام اعله الامام و دمعته
من ذكر جده السليب و ذبحته
طافحه الخيل بحوافر داسته
وثلث تيام الشموس الصهرته
ذكر عماته بهزايل تنسري
السلام اعله الامام العسكري
وا اماماه •• وا اماماه
……………………… .…………………………………
السلام اعله الامام و عل الابن
المهدي لفراگ الابو يبجي و يون
زغير ما شابع دلال و لا حضن
توم وي المهدي مولود الحزن
والهموم تبيع بيه و تشتري
السلام اعله الامام العسكري
وا اماماه ••وا ماماه
……………………………………………………………
السلام اعليك و اعله السيده
نرجس الحره الجليله الخالده
مثل مريم هي اميره ومسعده
لان للموعود هي الوالده
شما تريد الباري ويگلها ابشري
السلام اعله الامام العسكري
وا اماماه •• وا اماماه
……………………………………………………………
✍️ ( سيد خضر الزاملي )
#جديد
في استشهاد السيدة #سكينة عليها السلام
وزن : المثلث
الطور : جميع أطوار وزن المثلث + طور : ودعت الحسين أو يا زمن وين الأحباب
.
.
بويـــه اتـاني ممــاتي
اشتسوه بعدك حياتي
اشتسوه بعدك حياتي
____
من طحت يا بويه بأرض الغاضريه
وشفتك اعله الغبره يا بويه رميــه
چم جرح مجروح وادمومك جريه
اوياك تاخـذني ردت والله المنيـــه
والشمر ظل يطبرك .. وانگطع بويه نحرك
اشتسوه بعدك حياتي .. اشتسوه بعدك حياتي
___
عميه ريت او لا شفت يا بويه جسمك
ابلايــه راس ويِصــب مِنِّ النحر دمـك
بحيرتي ظليــت من يا صـوب أضمك
ريتــني ميتـــه يبـويـــه اهنــاك يمـك
والخِيام احرگوها .. واليتامه اضربوها
اشتسوه بعدك حياتي .. اشتسوه بعدك حياتي
___
بكربله أُمنِيَه ظلت بويه عندي
ينحفر وياك آيحسيـن لحــدي
بويه كلما ردت يمك أبگه گصدي
ابسوط يضربني العدو وایگول ردي
غصب عنك خذوني .. وعالهزل يسروني
اشتسوه بعدك حياتي .. اشتسوه بعدك حياتي
___
اشلون بعـدك يالأبــو مرّت اسنيني
اعليك كل لحظه دمع عيني وونيني
ليــك لو تدري اشكثــر بويه حنيني
الحَـمِدْ لـله الليله أغمّض والله عيني
عمري كله أتانيك .. بگبـري حتى ألاگیك
اشتسوه بعدك حياتي .. اشتسوه بعدك حياتي
___
تمت ببركات مولاتي سكينة سلام الله علیها
#فاطمة_كريم
٢٠٢٤ م
هوسات تأبينيه لاستشهاد الإمام الحسن العسكري عليه السلام
امامي العسكري والفاضل الشافي
السراج الطاهر الميمون والوافي
الامين الصادق وياعذب بشفافي
( بغيابك مفجوعه الشيعه )
★★★★★
تبچي اليوم سامره وتون وتنوح
كل ديره وكتر بيها عليك اجروح
امسَجَّل نور اسمك يلحسن باللوح
(ايجازونك بالسم تاليها )
★★★★★
ربيع أول ربيع الناس بألوانه
وعلى العتره خريف وكثرت احزانه
مفجوع الزمان بفگد مولانا
(ظلمه الدنيا وكل مابيها )
★★★★★
مظلمه اليوم سامره عگب عينك
يعين الله الامام المهدي ويعينك
بدر هاشم الماكملن اثلاثينك
(أمجَرَّع بالسم يبن الهادي)
الشاعر حسن لعيبي الحريشاوي
يا بداية غيبه واشواگ وحنين
ويا مدامع فاطمه وجرح الحسين
ياوصي ليث الغري
وا امامي العسكري
@@@
ابكتر سامره عدنه جرح مفتوح
وللقيامه باقي لجله تنزف اجروح
العسكري باسمه وجلاله اتشرف اللوح
الليله من الطاغي سَمه طلع الروح
…
يحتضر ولوانه متغيره ابصور
والزعاف بهالحشا لچبده فطر
گلبه بالسم منفري
وا امامي العسكري
@@@
ابسجون الغربه يمك چان لحساس
تشهگ وجمرة هضيمه بيك لنفاس
آه شالسوه جرمهم بني العباس
الحسن محروم حتى ابشوفة الناس
…
بالسجن شاف المآسي والگيود
لو سياط ولو عذابات او اسود
والعمر يجري جري
وا امامي العسكري
@@@
رغم كل ضغط واذيه والمصايب
چن سفينه وشگت امواج النوايب
يدرب الشيعه اذا المعصوم غايب
شلون تنجه من ضلالات المذاهب
…
بالعلم والمعرفه وفيض المداد
اسس ابعلمه معاني الاجتهاد
وللفرج من تحتري
وا امامي العسكري
@@@
علم الشيعه على غيبة وليده
شلون تبقى ثابته بأطهر عقيده
لان شبعت بالقتل آل الصميده
ابكل كتر متسسممه وذبحه وشهيده
…
عهد مثله ما سده چان ابقبل
وخلصوا ال النبي سم وقتل
ياگلوب اتفطري
وا امامي العسكري
@@@
فتح النه العسكري باب الهدايه
وترك للتقليد ياوادم روايه
بيها نبقه عالنجا لحد النهايه
وميز اعمامه السليمه امن الغوايه
…
يدري هالغيبه تجر عهد الفتن
والظلاله اتغير ابجور السنن
وللهدى اتغيب العري
وا امامي العسكري
@@@
المعتمد طاغي ولا يرحم گرابه
وبالعنب سمم چبد ابن النجابه
ودنت يم العسكري لحظه غيابه
وأمر ناعي ينعه لحسين مصابه
…
العسكري باخر وقت آمر عقيد
گبل موتي يالله ننعى عالشهيد
حسين دمعة ناظري
وا امامي العسكري
@@@
علي أحمد الحمود
٧-٩-٢٠٢٤
شهادة العسكري ع
غمض اعيونه🏴
الليله مهدينه. زايد اونينه
دمعته ابعينه. واويلاه
————
على مهدينه يشيعه اشلون ليله
ايودع ابن المصطفى ودمعه يسيله
ويلي شافه ايلوج واتصوب دليله
على ابوه الغالي وابحاله نحيله
غمض اعيونه. ابحاله محزونه
شال تدرونه. واويلاه
————
منهو يمه هالمسا ينشف دمعته
ايصبره عالفرگه ويهديها فجعته
غايب الليله الابو ونسمعها ونته
ياهو يمه الليله وايعينه ابوحدته
تسيل دمعاته. وعلاّ وناته
صعبه ساعاته. واويلاه
———-
اشلون عاش العسكري والدنيا ضده
عاش بين الناس لكن عاش وحده
منهو يمه ايخفف امصابه ويسنده
الغربه عاش وابنه عاش الغربه وحده
عاش أيامه. الغربه وأعوامه
صعبه آلامه. واويلاه
————-
عاش أيامه ابصبر ويلي وأسيه
يجرع ابضيم المصايب والرزيه
هذا ابن المرتضى وابن الزچيه
شايل وعنا رحل هاي المسيه
ورث اجداده. والصبر زاده
ياعلي ناده. واويلاه
—————-
عظم الله اجرك يغايب شال عنك
هلمسيه الغالي رايح والله منك
ياعظم جرح الدليل ويشجي ونك
وصار بغيابه يغالي النوح فنك
غايب الوالي. الابو الغالي
دمعه ظل هالي. وا وايلاه
—————
تمت بحمد الله تعالى
بقلم:بنت الشمري
📚مكتبة بنت الشمري
#جديد
استشهاد الإمام الحسن #العسكري عليه السلام
مجاريــد :
.
.
ابني وإجيت الليله يمك
وابكسري يا يمه أضمك
مسمـوم آ يا بعد أمــك
مسموم يبني اتروح مسموم
وابيا ذنب يا يمـه مظلـوم
گلبي عليك الليله ملچوم
يا يمه واتروح امن اديـه
شـاب وتعـالـج بالمنيـه
ما طاب گلبي امن الاذيه
يبني وشبع ضيم ورزيه
لليـوم دمعـاتي جريـه
توني بمصاب الغاضريه
الما خلّه يبني روح بيه
وجرحك جدد امصابي عليه
طايح ما ترد اجواب ليه
امدد على افراش المنيه
__
#فاطمة_كريم
٢٠٢٤ م
#جديد
استشهاد مولانا المظلوم الإمام #الحسن_العسكري عليه السلام
طور : أصل الرزيه ، حيدر البياتي
https://youtu.be/qFDgMi1qM5M?si=RN_LyFdha9zhuOaE
.
.
یالمهدي چبدي سمّــوها
گطعه اعله گطعه خلوها
هاي المسيه .. اوداع المنيه .. سمّــوها
____
يبني يغايب .. دلالي ذايب
وروحي بغربه
والفرگه حانت .. وهالليله صارت
الليله الصعبه
وحدك يمهدي ابهالأرض رايح تظل
وحدك غريب وما بگوا عندك أهل
وبالغربه باچر يبني امصابك جلل
تتنطر ثارك بجروحك
وكل ليله تطلع لن روحك
بنار الرزيه .. اوداع المنيه .. سمّــوها
____
باچر يمهدي .. هالغربه تبدي
وتبدي اجروحك
هالليله اودعك .. ايعز يبني دمعك
وايعز نوحك
يبدأ غيابك والگلب یالمهدي نار
وتبدأ جروح الغيبه ويّه الإنتظار
عندك يمهدي اويه العده چم ثار أو ثار
ثار الزچیه والمحسن
كل لحظه أمك ليك اتحن
وتدعي الزچیه .. اوداع المنيه .. سمّــوها
____
هالليله ارحل .. يالمهدي واتظل
يبني ابحزنك
مسمومه چبدي .. يبني يمهدي
رايح عنك
حرموني منك وانگضه عمري بعذاب
وهالليله أمشي ويبتدي جرح المصاب
ويّايّـه گلبـك يندفـن وسْـط التُـراب
هالليـله يبنـي تتيـتم
گلبي اويه گلبك يتألم
وعيني جريه .. اوداع المنيه .. سمّــوها
____
تمت ببركات مولاي الحسن العسكري عليه السلام
#فاطمة_كريم
٢٠٢٤ م
#من_ديوان_قربان
_الطف_ج٦
قصيدة للاحباب (فارگتهم) لسان حال مولاتنا زينب عليها السلام عندما رجعت إلى المدينة.
❥━──➸➽❥❂❥━──➸➽❥❂
فارگتهم ... والدمع من عيني يجري
فارگتهم ... من بعدهم ضاع عمري
اعزاز عن عيني ابعدو ... بالترب اهلي بقو
فارگتهم فارگتهم
❥━──➸➽❥❂❥━──➸➽❥❂
راحو احبابي من أدية وفارگوني
وسافروا عني وجفوني وضيعوني
اعليهم ابجي وأبد ما تسكت عيوني
ليش يا ناس الاحبنهم جفوني
ماخذوني ... بس اون وخلص صبري
ماخذوني ... وياهم احفر ريت كبري
ليش ناموا بالترب ... اعلية فرگاهم صعب
فارگتهم فارگتهم
❥━──➸➽❥❂❥━──➸➽❥❂
ناموا وخلوني دمعاتي جرية
المات ما يرجع ابد مرة علية
أيست ونگطع ظني وهاي هية
آه يحنان الگلوب اگطعوا بية
ياهجرهم ... صعب بي بس الله يدري
يا هجرهم ... سيف جنه بوسط صدري
گلبي ما يحمل هجر ... بعد ما اريد العمر
فارگتهم فارگتهم
❥━──➸➽❥❂❥━──➸➽❥❂
شلي انة بالعمر من عگب الاحباب
من مشوا لليوم دمع العين سجاب
فراگهم حط جرح بية وأبد ما طاب
بقيتي ظلمة وموحشة يا دا الأطياب
غابوا بساع ... الجنت اظن يبقون ذخري
غابوا بساع ... اوجهت للباري امري
غابوا وغاب الضوه ... الجانوا فياي وهوه
فارگتهم فارگتهم
❥━──➸➽❥❂❥━──➸➽❥❂
غابوا وغاب الضوه والدنيه ضلمه
وعلي حتى الهوى يخنكي امن اشمه
عيوني من عگب الاودهم كون تعمه
آه يا كلبي وعذابه وآ يهمه
آ يكلبي ... بيك نار الفرگه تسري
آ يكلبي ... والحزن كاسرلي ظهري
شاب راسي والدليل ... عزاز
هدموا إليّ الحيل
فارگتهم فارگتهم
❥━──➸➽❥❂❥━──➸➽❥❂
ذاب دلالي وتحطم من بعدهم
الف وسفة اعله التراب ينام خدهم
بين تربان اسكنوا ونسد لحدهم
آه منك يا زماني اعليه ردهم
يا زماني ... ردهم واجبرلي كسري
يا زماني ... لو وياهم تنهي امري
ردهم علية يازمن ... ما احمل هم ومحن
فارگتهم فارگتهم
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
قصيدة لرجوع السيدة زينب للمدينة خطاب السيده ام البنين عند ملاقاتها للسيدة زينب
من ديوان #مواجع_الطف_الجزء_الثاني
{{ يالمحد سمع صوتچ }}
يالمحد سمع صوتـچ يـعلويــه
تالي اويه الغرب تمشين مسبيه
حرامات اخت عباس وحسين
حرامات تمشي اويه الملاعين
يزينب يزينب 2
•───✧◐◐✧───•
يالعشتـي بدلال ابجـال اخوتـچ
وجارچ ماسمع همسات صوتچ
يااخت النـشامـه وعلي عـودچ
يـالماطـالعـه من باب بـيـتـچ
والأخوان على خيالچ يخافـون
والأخوان اثر جدمچ يمسحون
يزينب يزينب2
•───✧◐◐✧───•
يزينب سولفيلي شسوت اعداچ
كعدي احچيلي كلشي صار وياج
يـاهو الضاربـچ عـالمتن واذاچ
وچاوين الكفيل ام عــون وداچ
علامات عليچ مبينه هـواي
علامات چن ماشاربه الماي
يزينب يزينب2
•───✧◐◐✧───•
ام عـون الغالية چاوينه عــبـاس
كفيلچ وين ابو الغيره ونومــاس
وين الكلي يمه اختي عله الـراس
انه ابنـي اعرفه غيـره واحسـاس
ييمه خاف مقصر وياچ
ييمه كولي ويـن خــلاچ
يزينب يزينب2
•───✧◐◐✧───•
تجاوبها العقيله وتـدمع العيـن
تكلها ابنـچ وفّـي ماقـصر حنيـن
فده لحسين اخو وانطاله چفين
وانه بزوده شيخه وبت سلاطين
الهظيمه خلافه انه شفتها
الهظيمه بغـيابـه عشتهــا
يزينب يزينب2
•───✧◐◐✧───•
احچيلچ بعد بحسين وشصار
وحيد بكربلـه وما يمـه نـغــار
وجسمه بخيل أميه صارطشار
واحنـه أسرونــه صغـار وكبـار
وأجينه متعوبات كلنـه
وأجينه ماجبنـه اهلنـه
يزينب يزينب2
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
#شهادة_الامام_الحسن_العسكري_عليه_السلام
سيـــــــــدي.بگلبي.الجريح
امنـيتي اطـوفن عالضريح
بطور حمزه اقره الزياره
واكتــــب بابك عبــــاره
آنــــي جنني هواك
¢¢¢¢¢¢¢¢
عـــطرك اشمحلاته،،،،،،،مــــــن تهب نسماته
ايـــــردلي روحي وتــــرجع ابگلبي السعاده
ها يـــــوجه الباري،،،،،،، دمـعي لجلك جاري
الك كلــــشي ابــــداخلي اعلن حـــــــــداده
انتـــه نـور الله يشـــع وي نــورك
وروحــي اجتك يالحبيب اتزورك
تـــــوصل الحضر وتكض شباچك
وتشكـي لوعتهه وتلوذ ابســـورك
يالحســـــن حلمي الوحـــيد
اتردني مــــن گبرك سعــــيد
وتجلي كل اهمومي اليه
الخاطـــر الزهـره الزچيه
آنـــي جنني هواك
¢¢¢¢¢¢¢¢
الدنــيه ضاگت بيه،،،،،،وثگل هــــمي اعليه
اني وجــــــــــروحي اجيتك مـحني ظهري
گوه شايل روحي،،،،،،،جيتك اســمع نوحي
اهـــــواي تعبني الـــزمن وحـــــــتار فكري
الشــــوگ هــزني يا أعز كل ناسي
بـــسمك الهج ســــيدي وما ناسـي
يا هــــــــواي العايش ابنص ريتي
ســـاكن بروحي وملكت احساسي
حــــبي الك طعمه الوفاء
يـا وصـــــــــي الانبــــياء
عمــري الك كله نذرته
وبالگلب اسمك كتبته
آنــــي جنني هواك
¢¢¢¢¢¢¢
يا ألــــف هنـــيالي،،،،،ابخدمــــــتك يالغالي
يبو مــحمد هــــــــــاي هــم نعمه وفضـيله
الك تجري ادموعي،،،،وحزني حنه ضلوعي
امقصر وهـــل خـــــــدمه احـــــسنهه قليله
اعفــي عنــي وفـــدوه لاتنساني
ابيــوم يــعجز عالجواب الساني
بـــس رضاك وحـــــبك اينجيني
غـــير حبك كلشي يصـبح فاني
ارزقــــني بالدنيه رضـــاك
وبالحشر ضمـني ابحمــاك
انتـــه يا مـــولاي نعمه
عطرك ارتاح امن اشمه
آنـــي جنني هواك
¢¢¢¢¢¢¢¢
روحـي الك ملهوفه،،،،،، ودمعتي مــذروفهه
عله امصابك ســـــــــيدي اله اعــمي العيون
بگلبي تـسعر جمره،،،،،،،اعليك يـتــبن الزهره
وبــــصحن اتمنه اقــــــــــــره اويه التيعزون
كل نهــاري اوليلــي احـــن لزيارتك
روحـــي مشـــتاگه المنــــارة قبتك
يالخذت روحي وصـــرت محبوبي
كون بالحضـــره اقــــيم امــصيبتك
روحــــــي يمك تســـتراح
وعطــرك ايطـيب الجراح
بحضرتك ماأبقه حاير
سيـــدي سجلني زاير
انــي جنني هواك
¢¢¢¢¢¢¢¢
امـنيتي اعزي المهدي،،،،،اوياه اخطن عهدي
ارد اگله اويـــاك اضــــــــــــــل حــــد المنيه
والله يامـــــــحبوبي،،،،،،يالمـــضوي ادروبي
ابــــــــــين اديــك الروح اقـــدمهه هـــــديه
ادعي مـــن ربي يطـول اسنيني
والظهور اتمنه اشـــــوفه ابعيني
الروح للمهدي اشــــكثر مشتاگه
الله يعلـــم شــنهو بيـــنه وبيني
يالحــســن مهموم اجيت
اگعــدت يــم بابك بيچت
مذنب وخجلان مـنك
الله لا يبعــدني عــنك
انـــي جنني هواك
¢¢¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔
بصوت كامل السعيدي
✍ام زين العابدين اللامي
قصيدة رثاء لشهادة الامام الحسن العسكري عليه السلام
انتــه المعزى يا امـــام المنتــــظر
بالحزن تنعى ابالك اطوف الصور
لموت الامام العسكري
ويــــاك يهمل ناظـري
انته المعزى--------------- انته المعزى
¢¢¢¢¢¢
وي جرحك اليله الگلب ايلچــمه جرحه
والحزن والهم ســـيدي مـر بيـنه صبحه
من العمر راح الســــعد ضــــاعة الفرحه
خايف اگليبك ينلـــچم وجروحه تصحه
أتفــز الجــروح حين تذكر كربله
والزينب اتنوح يوم فرت بالفله
انته جرحك حيدري
ويـاك يهمل ناضـري
انته المعزى ------------انته المعزى
¢¢¢¢¢¢¢
لمصاب مولاي الحسـن تجري الدمـــعه
مفطور چبـده ومنضهد والســـم يجرعه
متـوسد افــراش الاجل ومترادي وضعه
وضمك الصدره اودعك وانتـــــه تـودعه
يعذبك مصابه صعبه فرگة والدك
ونتـــه ابغيابه راح تبقه الوحــدك
مكسور لجلك خاطري
ويـــاك يهمل ناظـــري
انته المعزى---------------انته المعزى
¢¢¢¢¢¢¢
اشحال گلبك سـيدي بهــاي المسيه
بيــــدك تغسل والدك بدمـــعه جريه
بعــــدك ازغير بالعمر وصعبه الرزيه
ألجيت ابوك اتشوقو اللـه ونبيــــــه
خلصت حياته ولقــاء ربه استــــعد
بليلـة ممــــاته گلبــك اهـواي انمـرد
بحر المدامع ضل جري
ويــاك يهمل ناظـــــري
انته المعزى -------------انته المعزى
¢¢¢¢¢¢¢
الروح شـاطــــت والگلب هليله مالـــــوم
تلجم اجروحي امصيبتك وينزفن ادموم
يا والدي ابصوتك صحت يا بـاب العلوم
تيـــتم المنـــبر والعلـــــم والدين مهدوم
يالمهدي جرحك تلچمه نسمات الهوه
انكســـــر ظهرك وبــــد ماصحله دوه
لجلك تغير منضري
ويـاك يهمل ناظري
انته المعزى ------------انته المعزى
¢¢¢¢¢¢¢
مشـتاگ گلبي الطلعتك يمته نشــوفك
ونزور سامــره ســـــوه وتكرم ضيوفك
كل لحظه ضلت سيدي تمرني طيوفك
يالاغله من روحي صرت مگــدر اعوفك
ليليــه ادعــي ونتضـــــــر يالطولت
يومك يمهـدي ابگلبي احسبله گمت
عـنه ابد ما يندري
وياك يهمل ناظري
انته المعزى. ---------------انته المعزى
¢¢¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
نزال ذكرى استشهاد الامام الحسن العسكري
نرفع تعازينه ...… للمهدي والينه
بمصاب ابوه العسكري
ابنار الحزن ننعه .. والغائب أنسمعه ــ هذا البكاء
ليلة عـزه اونه .. يالمهدي سجلنه ــ نحيي العزاء
بسامره نتحـزم .. يا سيدي ونلزم ــ بـاب الدعاء
بمصاب ابومحمد .. دمعتنه تجـدد ــ دمعة وفاء
نلطم على امصابه … ودمعتنه سچابه
بمصاب ابوه العسكري
آه اشكــثر بيـــنه ... لهفه اعله مهدينه ـــ زاد الهــرج
حتى الجرح يندب .. وبدمه ضل يكتب ــ يمته الفرج
چن بالحلــم شفته .. متحــزم ابخته .. ومهره انسرج
ويلـوح ابســيفه .. كلشي اصبح ابكيفه ــ ولعدا خرج
چايمته يجمعنه …… ويمسح مدامعنه
بمصاب ابوه العسكري
غاب الحسن نوره .... وليله عاشــــوره ـــ عالشيعه هل
فك الحزن بــابه ... ونفجـعت احبـــــابه ـــ ابليل الاجل
بمصيــبة الســاده ... ناعي الحزن نــاده ـــ الغـالي رحـل
افراگ الحسن جمره .. لوعه وبچي وحسره ــ لاموسهل
سهم الهجر يجرح …… لو عالمحب صبح
بمصاب ابوه العسكري
كل الحواس اتحس .. مهدينه بالمجلس ــ اويــانه حـظر
يبچي اويدگ راسه .. وتخنگه انفـــاسه ــ وظهره انكسر
وبت النبي البضعه .. ويــاه اجـت تنــعه ــ وشبعت قهــر
الكـل منــــهم اليله .. أن ونهـــدم حيـله ــ وگلبه انفطـــر
اويه للمهدي والزهره …… العـالم بچه بأســره
بمصاب ابوه العسكري
بذكره الصبح نبدي .. بـاب الله يالمهدي ــ يااحله باب
يمته الگلب ينسر .. وبن الحسن يظهر ــ طال الغيـاب
ناب الحقد كشر .. وزاد الظلم والشر ــ وشفنه العذاب
كل احنه انصاره ... ونطالب ابثـــاره ــ اليوم الحساب
عجـل يغالينه …… كل احنه نادينه
بنصاب ابوه العسكري
الخادم
كامل السعيدي
مظلومية السيدة فاطمة الزهراء عليها السلام .
قالت السيدة الزهراء عليها السلام
فجمعوا الحطب الجزل علی بابنا واتوه بالنار ليحرقوه ويحرقونا فوقفت بعضادة الباب . وناشدتهم بالله وبابي ان يكفّوا عنا وينصرونا . فاخذ (عمر) السوط من يد قنفذ مولی ابي بكر فضرب به عضدي فالتوی السوط علی عضدي حتی صار كالدملج وركل الباب برجله . فرده عَلَي وانا حامل
فسقطت لوجهي والنار تسعر وتسفع بوجهي فضربني بيده حتی انتثر قرطي من اُذني وجائني المخاض فاسقطت محسناً قتيلاً بغير جرم 😭😭
اجانه المشرچ . الظالم . وي الباب
طاح الباب . والمحسن . وي الباب
اجه بكبره جمر صاير . ويَ الباب انطبگ فوگي وكسر ضلعين بيّه
يا زهراء
مو بس ضربه وحده من ضربني
من الركله اهييس مِنْضر ابني
كسر گلبي وفجعني مَنضر ابني
من عاينته مييت عالوطيّه
لعن الله من احرق بابها
وقتل محسنها
واجری دمعها
ام محمد الحجاج
#جديد
استشهاد الإمام الحسن #العسكري عليه السلام
طور : جيتك ودموعي تصب ( في النعي واللطم )
الطور الأول من القصيدة فقط
https://youtu.be/iOaT0vVceak?si=bWKf0pbXqfNM7qxw
https://youtu.be/v0vraR1C42w?si=jLgBkKijJE4k3bXS
.
.
جيتك مكسور الگلب .. اوداعك يا بويه صعب
وحـدي بالدنيـا أظـل .. بفّادي اجروحي تشب
بعدك يا بويه غريب .. اوياكم ما لَيَّه نصيب
غايب والغيبه جرح .. بس ابثاراتي يطيب
.
.
الفاگد ميَصح له دوا .. ايخنْگه يا بويه الهوا
للرجعه بويه أرتقب .. حتى اوياك أگعد سوا
مسموم ابلايه ذنب .. تسكن يا بويه الترب
عني ابهالليله تغيب .. وابحزنه ايظل الگلب
.
.
آنه الفاگد كل هلي .. محد ظل منكم إلي
لثاري ذابت مهجتي .. وبس بالطلعه أملي
كل عمري اعليكم حِداد .. ولابس يا بويه السواد
وحزني يبگه ما يِقل .. كل يوم اليمضي لي زاد
___
#فاطمة_كريم
٢٠٢٤ م
بضعتك مارحموها و ابغیبتك أذوها
یابویه لو تدري اشصار
صوب دلیلي البسمار
***
یبوالزهره اجیت الــ گبرك ابدمعي
عگب عینك صُبح فَن البچي طبعي
نحیله من الألم ما ینوصف وضعي
علیه الباب دفعو و أنکسر ظلعي
من دم تهل أنظاري هجمو علیه ابداري
من صحت طه المختار
صوب دلیلي البسمار
*****
انه الزهره الزچیه الــ ما خلص حزني
حته الصخر یبچي لو سمع وني!!
و ابسرعه الدهر بویه أخطفك مني
أحادیث اشکثر تحچي چنت عني(۱)
(احجاب الزچیه احجابي) باب ام حسن من بابي
تالي أحترگ بابي ابــ نار
صوب دلیلي البسمار
*****
و اعله الدار فزعو یالنبي المختار
تعنت بالحطب یابویه هالأشرار
احرگو الباب ناده الطاغیه بالنار(۲)
گالو فاطمه الزهره تره بالدار
ناده و أن حرگوها لو عارضت ضربوها
اشعملت ابحالي الأشرار
صوب دلیلي البسمار
*****
هاك أسمع ونیني و لوعتي و همي
من هجمو علیه ریتك چنت یمي
انکسر ظلعي و جره ویه الدمع دمي
سطر خدي و دفعني اعله الترب خصمي
طیحو یبویه اجنیني چانت السطره ابعیني
حیدر امگید محتار
صوب دلیلي البسمار
*****
تمنیتك یبویه حاضر انته اویاي
ابهل حاله بقت تنبع دمه عیناي
یریت الموت یلفیني و تفض بلواي
حته من البچي منعتني گوم أعداي
و انصبت بیت الأحزان وابگلبي تسعر نیران
ظلیت أحن لیل أنهار
صوب دلیلي البسمار
*****
یبویه ابیا ذنب ضي عیني من طفوه
شفت حیدر علي گدامي من گادوه
رحت ارکض گلت بس لا علي ایغدروه
صحت یاناس ابوالحسنین بس خلوه
و ابعیني شفت اللطمه والدنیا صارت ظلمه
واعله الوصي بس اندار
صوب دلیلي البسمار
****
لخادم الحسين علي فلاح الواسطي
٢ربيع الأول
١٤٤٦
۱:قَالَ رْسُوْلْ اللّهْ صْلي اللّهُ عَلیهْ وَ آلهْ وَ سَلْم
ألاَ إنَ فاطمة بابُها بابي وْبيتُها بيتي
فمَن هَتكهُْ فقَدْ هَتكَ حجَابَ اللّهْ
: بحار الأنوار ج۲۲ ص۴۷۷
۲:ثُمَ أَقبَلَ عُمَرُ بِقَبَسٍ مِنْ نارْ(۱) وَ هُوَهْ یَقول،
وَ الّذْي نَفسُ عُمَرَ بِیدِهْ، لَتُخُرَجُنَ أوْ لأحرِقَنها،
مَنْ فیها. فَقیلَ لَهُ، إنَ في البیتِ فاطمةَ أَفَتُحْرِقُها!؟
قالَ وَ إن!!! سَنَلتَقي أنا وَ فاطمةُ!!!(۲)
۱:الأحتجاج ج۱ص۸۳،بحارالأنوار ج۲۸ص۲۶۹
۲:الشافي ج۴ص۱۷۳
هوسات تأبينيه لاستشهاد الإمام الحسن العسكري عليه السلام
امامي العسكري والفاضل الشافي
السراج الطاهر الميمون والوافي
الامين الصادق وياعذب بشفافي
( بغيابك مفجوعه الشيعه )
★★★★★
تبچي اليوم سامره وتون وتنوح
كل ديره وكتر بيها عليك اجروح
امسَجَّل نور اسمك يلحسن باللوح
(ايجازونك بالسم تاليها )
★★★★★
ربيع أول ربيع الناس بألوانه
وعلى العتره خريف وكثرت احزانه
مفجوع الزمان بفگد مولانا
(ظلمه الدنيا وكل مابيها )
★★★★★
مظلمه اليوم سامره عگب عينك
يعين الله الامام المهدي ويعينك
بدر هاشم الماكملن اثلاثينك
(أمجَرَّع بالسم يبن الهادي)
الشاعر حسن لعيبي الحريشاوي
▪️تغير لونه ▪️
في استشهاد الامام العسكري عليه السلام
طاح ابو المهدي وتغير لونه
اعليك يالغايب يدير اعيونه
———-
طاح ابو المهدي جبدته املوعه
ويلي من سموه واهله امروّعه
جن يون بسكوت وايهل مدمعه
گوم يا مهدينه شوف اشلونه
—————
اعليك دار بعينه وايهل الدمع
من سموم الطاغي قلبه منصدع
وانت بالوالد دليلك منفجع
وامك اتودعه وتظل محزونه
————
ويلي سامره تون متألمه
شال راعي الدين والله وعالمِه
لابقت روح بسمومه سالمه
والهواشم ليش ميحضرونه
———
منهو عنده غيرك ويحضر اله
ايعينه بالشده ودمعته سايله
ويلي وايوصيه ابهمَه الحامله
تمسح الدمعه وتسد اجفونه
———-
گوم شيل النعش وانصب فاتحه
هاي ايام الغوالي رايحه
ووحدك اتعيش الليالي الجارحه
وبلغياب احبابك المسجونه
تمت__
بقــ✒️ــلم بنت الشمري
نعي
لشهادة الامام العسكري عليه السلام
اشحاله المنتظر ياناس هليوم
عينه تهل او گلبه مالوم
الغالي شال وخله الهموم
شال وفطر مني الگلب
يا راعي الوجه العذب
يا شيعه وافراگه صعب
ظلمه الليالي بدون عينه
راح وغدت ظلمه المدينه
وطيبه على فگده حزينه
ذكرنه گعدته وعزنه ودلاله
ذكرنه اسوالفه وهيبة جلاله
شفته يون مترادي حاله
—————-
فائزي
شايل يشيعه هالمسا والدي الغالي
ابن النبي المصطفى يا ويل حالي
هالليله ظلمه وموحشه من غير الايام
شايل عزيزي وبالترب خلاني ونام
مسموم من بعد الصبر وايروح منضام
منضام ياشيعه ورحل والدمع هالي
عاش السنين ابكل الم ويروح مسموم
فوق الهموم واغربته زوًدنه اهموم
گلبي ابرحيله منفطر وابهمه ملچوم
وحشه المدينه ومنزله ينعاه خالي
نزلته بيدي للترب واشلون ليله
بيها تون كل الحرم ماالها حيله
لكن يايوم ابو علي ماكو مثيله
ظلن حريمه بالفلا من دون والي
————-
الفراق
آيبويه. عني شايل هلمسيه
آيبويه. اعليك دمعاتي جريه
آيبويه. صعبه لحظات المنيه
آيبويه. ينعه بيتك والله خالي
آيبويه. والدمع ابحرگه هالي
آيبويه. سوده بعدك هالليالي
آيبويه. ماشي وامخليني وحدي
آيبويه. تدري بس انت اللي عندي
آيبويه. موحشه وأتلگه وعدي
آيبويه. دنيتي الفگدك حزينه
آيبويه. تنحب اعليك المدينه
آيبويه. اظْلّمت ابفگدك علينه
—————
تمت بحمد الله تعالى
بقلم بنت الشمري
مكتبة بنت الشمري
شهادة مولاتي السيدة سكينة عليها السلام
تكتب اسم حسين وتفييله
وتكعد بدمعاتها تناغيله
………………………………
كضت كل اسنينها مشتاگة
ما تنام الا تون لفراگه
والفراك يطيب بس بملاگة
اتمنت اتلاگي وبس تحجيله
……..
الجانت بزوده وحنانه مدلله
من عگب ما طاح فيّة بكربله
بگت نعايه اتحدي للعايله
وتنكظي بس بالبواجي الليله
.……..
جانت يناوبها اخوها اعلى الونين
واخ من يون ابو كلب الحزين
شلون اذا مفگودهم جان الحسين
ونهم اكلوب الصخر تبجيله
.
سكنة من تحن تجي لمها الرباب
مكابل يكعدن على حر التراب
تگلها لو غمضت يكتلني العذاب
اذكره من يضحك واوميله
.
شكثر يجرحها اذا هب الهوه
تذكر بسفرتها ذيج لنينوى
لمن تمشي وفوكها يرف اللوه
عدها عم همها الثجيل يشيله
.
عمها المخليه ما تعرف عطش
من مشت عنه فجر يوم احدعش
شافته يم النهر دمه نفرش
من سهام الغربه رايح حيله
.
وهسه يم سكنه المنيه اتگربت
كبل لا تكطع نفسها شكد بجت
اتمنت يحضرون يمها اهل البخت
وعمها بجفوفه التراب يهيله
.
اتمنت الياخويه تسمعها شكثر
بصوت الاكبر من ينزلها الكبر
ماتت وباقي كلها المنكسر
تحن لخوها تريد بس تشكيله
نعي عن الإمام العسكري عليه السلام
سَمَّوك ياسيدي و متغيره الوانك
قصد العده ياجبل تتهدم اركانك
يابوكلام العذب مافارگ السانك
نكروك يلعسكري وماردوا احسانك
من سجن بيك السجن يردون عدوانك
ظنوك تهتز صدگ لويضعف ايمانك
حرموك من الاهل وابعدوا خلانك
ثلاثين ماكملت يلذبلت اغصانك
سم وخيانه وغدر مافاز من خانك
انذلوا أسياد القصر وانته ارتفع شانك
الشاعر حسن لعيبي الحريشاوي