5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيده للطفل الرضيع عليه السلام
###########
عبد الله يبني اشذنبك اوبالنبله فطموك
حرموك من شم الهوى يوليدي حوموك
#############
شنهو الذنب يمه الجنيته يعبد الله
من العطش فرفحت واگليبك اتسله
تيهت دربي يالولد الشاهد الله
ترفس على نگطة اميه العده خلوك
###########
عبد الله يبني مادريت انحرم منك
لبالي تكبر يالولد واگعد ابفيك
اشهور ستة اوفرفحت يوليدي لنك
ظلموك من الزغر ياعبد الله ظلموك
############
حرموني يبني شوفتك ياسلوة الروح
امك جويه اوعاينت نحرك المذبوح
بصوتي صحت والدمع عالخدين مسفوح
ابدال العذب بالسهم ياعبد الله رووك
###########
للخيمه جابه حسين والدمعه يهلها
بصوته نده يم الولد گومي يگلها
مذبوح ابنج يارباب ابشر نبلها
ضمت ابنها عالصدر صاحت مرحموك
###########
زينب اجت يمها يويلي اوگابلتها
امصاب الولد يم الرضيع الروحي فتها
ياريتني نبلة وريده ماشفتها
انشلت اديتك حرمله وابداله صابوك
############
نعي للطفل
//////////////////
شذنبك يعبد الله اوفطموك
اومن الهوى يوليدي حرموك
تنازع بالسهم يايمه خلوك
///////////////
شنهو الجنيته يعبدالله
اگليبي على افراگك تسله
ماوجد الدربي يشهد الله
///////////////
مدريت يبني انحرم منك
گلت تكبر يالولد واگعد ابفيك
فرفحت من العطش لنك
///////////////
جابه ابوه والدمعه هلها
يم الولد گومي يگلها
مذبوح عبد الله ابنبلها
///////////////
لام الطفل زينب گابلتها
مصاب الولد للروح فتها
اوحياتي بعده ماردتها
///////////////
ماريد عگب الولد روحي
اوخزنت يبعد امك جروحي
طول العمر مايهده نوحي
///////////////
تمت بعون الله للشاعره خادمة الامام الحجه عجل الله فرجه ام منذرالحجار ✍✍✍
قصيده رجاليه بحق الرضيع عليه السلام
**
ياعبد الله. شذنبك بالنبله ايفطمونك
ياعبد •اللّـہ
صابوا دلالي اوخلوني
منك يوليدي حرموني
ياعبد •اللّـہ @ ياعبد •اللّـہ
*
ابسهم الصابوك @ صابوا گلبي
يوليدي اصيح @ والباري حسبي
الدربي ماشوف @ يشهد ربي
اتوجه وين @ تيهت دربي
ماادري وين همت اوحسراتي تبعتني
ماادري وين
نشفت دمعات البعيوني
منك يوليدي حرموني
ياعبد •اللّـہ. @ ياعبد •اللّـہ
***
غارت العيون.@ وآنه احتاريت
الصدري ضميتك@ الحالك حنيت
تفرفح عالماي@ شذنبك سويت
هم مثل گلبك@ صحت اوناديت
مثلك عطشان يابس گلبي اومايتحمل
مثلك عطشان
من دمع اعيوني رووني
منك يوليدي حرموني
ياعبد الله @ ياعبد الله
**
العمتك جيت @ انشد شلراي
يزينب لحسين @ گومي وياي
اثلثت ايام @ ماضگت الماي
مابيه اشوف @ سلوة دنياي
مانام الليل. سهرانه اسكت بوليدي
مانام الليل
ماغمضت لاوالله جفوني
منك يوليدي حرموني
ياعبد •اللّـہ @ ياعبد •اللّـہ
**
شلت يسراك @ شلت يمناك
يالصبت اوليدي@ اوسهم ابعيناك
اسٲل الباري @ حرمله يبلاك
گلبي گطعته @ الباري حسباك
گلبي اتگطع سباحه اودلالي اتفطر
گلبي اتگطع
ابدال ابني ريت يصوبوني
منك يوليدي حرموني
ياعبد •اللّـہ @ ياعبد •اللّـہ
**
لو ادري الصار @ ماوديتك
من دمع العين@ جان اسگيتك
ياغصن عمري@ اشگد باريتك
تالي ترجعلي @ امدمه اوريدك
ترجع مذبوح. يبني ماحسبت احسابي
ترجع مذبوح
تمنيت ابدالك ذبحوني
منك يوليدي حرموني
ياعبد •اللّـہ @ ياعبد •اللّـہ
*
تمت بعون الله للشاعره خادمة الامام الحجه عجل الله فرجه ام منذرالحجار ✍✍✍
عبد الله عطشان انذبح.
ابدم منحره. اوليدي سبح.
نايم ومرتاح الولد
وانعه واهزن بالمهد.
،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،،،،،،،،،،
جابه ليه حسين. ساكت وذبلان
گماطه احمر صار. لسه ظل عطشان.
نايم المذبوح. من امس نعسان.
ليله كله ينوح. من البچي تعبان.
بطل يناغي الماشرب
ماي وينام من التعب.
عبدالله خافنه انحسد.
وانعه واهزن بالمهد.
،،،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،،،
اشگد رخيص الماي. والطفل غالي..
السهم ما اجاني.انطيه دلالي.
ولايصيب ابني. ويذبح هلالي.
منحره ازغيرون. ينگطع تالي،،
بسكته أسولف لايفز.
كلساعه اقراله حرز.
وتحرسه عين الله الاحد.
وانعه واهزن بالمهد.
،،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،،،،،
من العطش والحر. غارن عيونه.
عمره ست شهور. مايرحمونه.
ابيش اذاهم. حتى ياذونه.
لاسگوه گطره. ولا يخلونه.
الله يساعد والده.
بحضنه يرفرف شاهده.
عبد الله مايگعد بعد.
وانعه واهزن بالمهد.
،،،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،
حسين ماگتلي . السهم هم بچاه
شفته يتألم. والألم اذاه.
گلي حتى أني. أمچانه اصيحن اه.
زغير ما يحچي. وتنسمع شكواه.
گاللها من صابه السهم.
گطع أگماطه من الألم.
والنفس ودعني وخمد.
وانعه واهزن بالمهد.
،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،،،
بروحه قصت ماي . هجرت شفافه.
يابس اللسانه . وذبلت أوصافه.
بعينه شاف الموت . الماي ماشافه.
عافني وليدي . وگلبي ما عافه.
من الهوه ليش أنفطم
ومن امه ياوسفه انحرم.
عن امه ساكت مانشد.
وانعه واهزن بالمهد.
،،،،،،،،،،،،،،،،،،،،،،،،،٦،،،،،،،،،،،،،،،،،،،،،،،،،،،،،
المگبره ظلمه. شلون بيها ينام.
طفل مايعرف. وحشت الاحلام.
من يلوليله. بعده بس الآم.
روحي يم گبره. وانسبي للشام.
بكربله مدفون الضوه.
لوبيدي ابقى ويا سوه.
فراگ الولد من موتي أشد.
وانعه واهزن بالمهد.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدرموسى الرميثي
ـــ
عمر الورد عمرك ليش أنكطع نحرك
عبدالله يبني عبدالله يبني
......................................
دللول ألولد يبنــــي ويضي عيناي
عدوك غـــــاد يمه وسكن بيه الداي
يا سباح كلب أمــــــــك يبعد أجلاي
نام بحضني يمه وأغفى بين أعضاي
خليني أشم عطرك ليش أنكطع نحرك
عبدالله يبني عبدالله يبني
...................................................
يتعب أرباي يبني ويا سهر ليلـــي
ليش أمن العطش ثغرك يبس ويلي
شنهو اليوجعك يوليدي دحجيلــــي
أهز مهدك يعبدالله انهدم حيلـــــــي
ضامي ويبس ثغرك ليش أنكطع نحرك
عبدالله يبني عبدالله يبني
.............................................
لبوك حسين شلتك بيدي وديتـــك
حرز بجفوفه يا عبدالله شديتـــــك
قريت القُل أعـــــــوذُ ويمه تانيتك
ومثل أهلال فجرك أنحني الجيتك
ترجعلي أنتضرك ليش أنكطع نحرك
عبدالله يبني عبدالله يبني
.........................................................
شفت بعيوني أبوك حسين من شالك
شمس وبجفه شفته أفيــــــاي سوالك
طفل كلهم لجن مـــــا رحموا أبحالك
وبدال المــــــــاي سهم رواك جتالك
كسرة كلب كسر ليش أنكطع نحرك
عبدالله يبني عبدالله يبني
.....................................................
رجع للخيمة محني ضهر أبوك حسين
وكلـــــــــــــــي يالرباب أبنج لفاه البين
ست أشهور عمرك لا سنـــــــه وسنتين
ليش بيا ذنب ذبحوك يضــــــــــي العين
الله اليعضم أجرك ليش أنكطع نحرك
عبدالله يبني عبدالله يبني
.........................................................
خادم خدمة الحسين
الشاعر
محمد الموالي
هاج اخذي الولد لحسين زينب ذبلت شفافه
گبل اشويه ابوه وياي هملت عينه من شافه
زينب اخذي عبدالله بلكت يشرب ميه
حيرني وحرت وياه ونشف كل عرج بيه
خوفي من يروح انوب روحه وما يرد ليه
من هسه الگلب محتار. .ما ادري شتواليه
يموتني القهر بجفاه وذكر شكله ووصافه
ماشايف شمس وشلون خافن هلشمس تاذي
وصي حسين كون يروح بجماغه الي اغطي
لو بيدي يخت عباس انه ومستحيل اطي
بس خافن يظل وياي وخاف من العطش يعمي
وگلبي تعلگ انه وياه وما لحضه ابد عافه
اردن للمهد وشلون كون الكه المهد خالي
الولي وماشوفه وياي وبجي برهدنه الحالي
رته وللكبر وياي يصبحلي السند والي
مو غفله ويروح اليوم وانه امرد بدلالي
هذا الحال هيج يصير وزود باجر خلافه
راح وشفت ابوه حسين دنك ونحنه ظهره
خافن طاح منه شلون طاح وسحكته المهره
ادعي الله ورسوله اليوم سالم والله ليستره
مااحمل ابد فركاه ويصعب من صدك هجره
وشفت الوالي دنك كام جابه واليه ماعافه
جابالي الولد مذبوح وسهمه البنحر وياه
شفته المن بعد يحسين جرح وليدي لو غاطاه
ريت بگلبي كون يصير سهمه وكون اموت وياه
ولاعيش الدهر بهموم راح وماضل برجاه
وگلبي منلحزن مفطور مارد الولي رافه
ابو سلام الجابري
#محرم1446
جم دللول بدللول عالمهد لولت يمدللول
امك اشگد صاحت اسم الله نوم العوافي يمه عبدالله
*
يعبدالله حسين اذكره بيده جابك للخيم نابت بنحرك سهم
صاح زينب الماي خويه بكربله عله وليدي شح وضامي عبدالله انذبح
حار السهم خويه وچوه اوريده
من شدته من اگماطه حل ايده
فرفح وصحت الماي ماريده
المن يظل الميت اوليده
زينب تگله الطفل غطيه مالي گلب يحسين اصد ليه
وآنه عله نار بخيمتي انتظرك ترجع لي تالي منگطع نحرك
*
مدري نايم مدري ميت اثنينهن نفس الألم گلي شيطلع السهم
شسوه بيه گطع نحرك بحضني خليتك ذبيح اهنا يعبدالله اصيح
ماتت دللولك وظل نوحي
عبدالله بعدك كثرت اجروحي
من شفت نحرك صحت ياروحي
طلعو السهم ونطوني مذبوحي
ذبحوك ضامي وبعدك ازغير اميه لو منطيك شيصير
تبجي ورضيع الكل يشوفونك ما حن گلبهم ماي ينطونك
***
يعبدالله ظلت امك تلولي وتهز بالمهد نام يمه يلولد
صحت وينك نشف دمعي لازمه گماطك وون الشوفتك يوليدي احن
خليتك بذاك الرمل غافي
مليت يبني من البجي كافي
مشتاگه انومنك على جتافي
ليش انحرم من صوتك الدافي
ارجع الحضني خل ادفيك حضن السهم مو دافي ياذيك
من فارگتني كبرت اجروحي ماريد روحي يالخذت روحي
*
يعبدالله تعب گلبي الك مشتاگه شكثر يبني تعبني الهجر
فارگتني وعذبتني بعد مابيه انتظر شظال بي يمه العمر
يبني بغيابك ماغفت عيني
نحرك يصبحني ويمسيني
يوميه اموت وذكره تحييني
من اذكر اناغيك وتناغيني
الشوفتك گلبي اهواي مشتاگ يوليدي ماينراد الفراگ
ماتدري يمه بحال المضيعه ما ألها غير الحسره والدمعه
*
يافرحتي من عفتني صارت ايامي عذاب ارجع الحضن الرباب
الفرگه صعبه بديره غربه شحال المضيعه ولد وتدري ما يرجع بعد
ارجعلي اصيح وارحم بحالي
عبدالله تكتل فرگت الغالي
بمهدك اهزن والمهد خالي
اشلون الوحك والرمح عالي
نزلو الرمح عبدالله عطشان يبست اشفافه وحيل ذبلان
ازغير نحره وشكبر رمحه ودري الرمح راح اشگد ايجرحه
**
تمت
#ميثم #العمري
📝 #محرم_1446هـ
💔 #عبدالله_الرضيع_ع
💔 #لسان_حال_الرباب
💔 #نعي
عمت عيــن السهــم مارحـم حالي
جنت ليّــه الضـــوه يمــه و تلالـي
سهمـــك ليش اجــالك مــاإجالــي
وبعــدك بالعمـــر ما كمّــلت عــــام
💔آه يمه يالولد ياعبد الله يايمه..
ـــــــــــــ ✿༺✿༻✿ ـــــــــــــ
رجــعت الخيمتـي يبنــي بــلا راي
أناغي لصورتــك بس ظلت ويــاي
واصيحـن آه يــا محــروم الفيــاي
هم عطشان هم تحت الشمس نام
ـــــــــــــ ✿༺✿༻✿ ـــــــــــــ
اويلي اعليــك يا مفطــوم بالـــدم
أمّــــك ثاكــلة وترثيـــك بالهــــــم
و دليل احسين ابــوك اشكد تألّــم
لمّــن صوبّــــوا نحـــرك الظُــــلّام
ـ... 💔 ...ـ
ـــــــــــــ ✿༺✿༻✿ ـــــــــــــ
💔 #طور_الفراق
ياصغيري.. يابعـد روحــي ودليــلي
ياصغيري.. ذَبحِتك هدت لي حيلي
ياصغيري.. اتخيّلك تِحبـي وتجيلي
ــــــــــــــ ✿༺✿༻✿ ــــــــــــــ
ياملاكي.. يالرِحَــلت ابغيــر اوانــك
ياملاكي.. دهري شو من هسه خانك
ياملاكي.. منهو يملـي لـي مكانـك
ــــــــــــــ ✿༺✿༻✿ ــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
نعي ( عبد الله الرضيع ) 1446
****
تعب الضنى وسهر الليالي
خلاني حال الضيم حالي
غالي الولد يا يمه غالي
للشيب مامش بعد والي
لوليت وانطر تغفى وتنام
بس العطش للنحر محتام
ها يا عبد بالروح تنسام
يمه الولد ما تحمل سهام
يا ماي سير لابني رويه
يرجف عطش لا لا تخليه
موت وحرب چا وين أوديه
غمض عيونه وماد رجليه
فرفح لحد ما طلعت الروح
مذبوح رد وليدي مذبوح
بچف الحسين الغالي مطروح
هسه اللطم ينراد والنوح
موهيچ تالي لا يلولد مو هيچ تالي
تعبي ودلالي رايح بعد تعبي ودلالي
شمسويه بيه هذا السهم شمسوي بيه
هاي المنيه خلصت ترى هاي المنيه
مصايب كربله يحسين شلحال
عطش عبد الله شنهي الراي شلحال ؟
اذا تنشد يبو السجاد شلحال ؟
الرضيع بطرگ نفسه أبين أديه
كلمات الخادم / رعد الفريجي
محرم الحرام 1446
ثوابها الى روح والدتي
▪️هاي الليالي▪️
في مصاب السيده الرباب عليها السلام
والرباب اشحالها بهاي الليالي
ابعينها شافت مصايب هالغوالي
———-
ابعينها شافت ياويلي جم مصيبه
وصعبه عالدلال من يفقد حبيبه
شافت احسين وبعد جثته السليبه
هم تظن وتستجن تحت الظلالي
———-
شافت حسين وتدوسه الاعوجيه
وظلت الجثه على الرمضا رميه
وانفطم عبدالله بانبال المنيه
فطّر الدلال ويلي سل احوالي
———
المن المن هالمهد بعدك نهزه
ومنهو مثلك يالولد عندي اعزه
اشلون شفت الراس يايمه يحزه
جرحك اضلوع وقلب يمه حنالي
————
بعدك ازغيرون واتفطر دليلك
لادمع ظل وضما هدهدلي حيلك
بلايا راس اشلون يايمه اشيلك
عميه عين امك يعبدااله يغالي
————
يمه نام واغفه بيد الهادي جدك
ادري بحضينه اجا يمه يوسدك
يمه نار ابگلبي من انظر المهدك
والمن المن يارضيعي اشلون الالي
———-
يمه نام واغفه بحضين الزجيه
وارتوي منها ييمه هالمسيه
اشلون يمه لو ثقل صدري عليه
يمه بعيونك تعال وشوفه حالي
———-
بقلم:بنت الشمري
#نعي #ليلة_الطفل_الرضيع
#بلحن #طور_المعاتيقي
#عاشورائيات
شَسُولِفلَك يا بو الاكبر
وانا طفلك بچيت هْواي
وِنيني بحِضنك تْفَسّر
طفِل الِحسين يِريد الْماي
حَسْبالي أَسولِفلَك
مِثِل عيسى بْحضن أمه
عسنّي گِلّك بْعاشور
شِنو ل يجري يا بو اليمة
يِهِل دمعي عَلى لْ يِجري
ي بويه بْكربلا وتِدري
صِغِر سني وِسَف ما راد
لِساني ينطق بْصغري
وْحتى لو چنت ويّاكْ
لأمرَكْ سلّمِت أمري
وقبل ما تِنحَرَكْ الِسْهامْ
نِحَر سهمِ الغدِر نحري
أنا يا بويه لَكْ فِدوة
وعمري بْلاكْ ما يِسوى
ظمايِ لْ چان فِداكْ وصار
ظمايِ بْدَمعَكِ تْروّى
زينب كل مصايبها
تَره بالنّوح كاتِبها
بِدَت لمّا رَحَل عبّاسْ
وْلَعينِ بْسوطَه يِضرِبها
مصايِب تِدري قصّتها
ودموعِ النّاس روِّتها
لُ مُصايِب نِندِبه بْعَشرة
عظيمة بْساعة شافِتها
#حوراءنصرالله
🌑السلام على الرباب ورضيعها
🏴لوّن اعليك دهري يالولد يبني
🏴ما لوم الخلگ لمن تعاتبني
يمر الليل سهرانه والوليلك
يطر الفجر يايمه واناغيلك
كل يوم انتظر وعيوني تربيلك
هذا الحال هو اليّ يتعبني
ساعه الزم اگماطك بيدي أشدنه
وساعه المهد يوليدي أهزنه
أرد اردود اشمه ونوب احضننه
واكولن ياوسف فرگاگ شيبني
من تسمع ونيني الناس والوفاد
تعاتبني وتگلي عاد بسچ عاد
على فگدك ييمه حرميت الزاد
تعال وشوف دهري شلون دولبني
رحت عطشان يبني ماشربت الماي
واجاك السهم ويلي وگطعالي إحشاي
ترد دامي النحر مفطوم يارجواي
مصابك ياوليدي العگل سالبني
تظل صورة ضحكتك وسط عين امك
متبارح خيالي و عايشه بحلمك
شلون اصبر ييمه ويا عظم همك
آه امن الهجر والهجر عذبني
#سمير_الصالحي
#النجف_الأشرف
————————————-
🏴مناغاة الأم الثاكلة لرضيعها ..
⚫️يبني وينك
أمك واشتاگ اشمك
⚫️يبني وينك
لويصح أندفن يمك
⚫️يبني وينك
ماترد يوليدي لامك
⚫️يبني وينك
چنت اناغيلك يروحي
⚫️يبني وينك
ضحكتك تشفي جروحي
⚫️يبني وينك
كثر همي وزاد نوحي
⚫️يبني وينك
صدگ نحرك گاطعينه
⚫️يبني وينك
بالوريد مصوبينه
⚫️يبني وينك
أبگه ولهانه وحزينه
⚫️يبني وينك
من اهز مهدك ييمه
⚫️يبني وينك
عطرك يفوح وأشمه
⚫️يبني وينك
أحضِنه ولصدري اضمه
⚫️يبني وينك
مساهره والنوح فني
⚫️يبني وينك
أندبك عبدالله يبني
⚫️يبني وينك
فرگتك زيدت وني
⚫️يبني وينك
من ألوليلك وأنعه
⚫️يبني وينك
أهجسك صوتي تسمعه
⚫️يبني وينك
تنزل من عيوني دمعه
⚫️يبني وينك
آه ياشمعة سنيني
⚫️يبني وينك
بعد مايبطل حنيني
⚫️يبني وينك
أنطر وما اظن تجيني
#سمير_الصالحي
#النجف_الأشرف
*تناول الحسين (ع) الأبُ ولدَه الرضيع، فهو لا يقوى على الحراك ويراوده الإغماء حيناً بعد حين،(من شدة الحرّ والظمأ) فانعطف الحسين بوجهه الكريم ناحية طفله هامساً يخاطبه: يا بني! ويل لهؤلاء القوم إذ كان غداً خصمهم جدّك محمد (ص).*
*والتفت به إلى ناحية القوم رافعاً الطفل بيديه،وبينما هو كذلك واذا بسهم ذبحه من الوريد الى الوريد*
*اي وا مظلومااه💔*
*قال حرملة: فوضعت سهماً في كبد القوس وتأمّلت أين أرمي الطفل فرأيت رقبته تلمع على عضد أبيه الحسين كأنّها إبريق فضّة- آجركم الله يا مؤمنون- يقول اللعين فرميت الطفل بسهمي وذبحته من الوريد إلى الوريد رحم الله المنادي وا حسيناه، وا عبد الله، وا شهيداه..*
*قيل لهذا اللعين حرملة (لمّا جيء به إلى المختار الثقفيّ رحمه الله والذي أخذ بثار الحسين وقتل كلّ المشاركين في قتله.. لمّا روى لهم هذه القصّة) قالوا له ويلك أما رقّ قلبك لهذا الرضيع؟! قال: بلى، قالوا: وكيف؟! قال: لأنّ الطفل كان مغمى عليه من شدّة العطش. فلمّا أحسّ بحرارة السهم أخرج يديه من قماطه، واعتنق رقبة أبيه الحسين عليه السلام وصار يرفرف بين يديه كالطير المذبوح..واعبدالله آه آه..*
يقله ..
هـالطّفل لـهفان ودنـت مـنّه الـمنيّه
هـالكثر مـاعدكم رحـم يَـجنود أميّه
غـارت عـيونه مـن ظماه وذبل عوده نـشْفَت اريـاقه و انمحت وَرْدَة اخدوده
و احـنا الـعلينا الـماي حرّمتوا وروده
و الـطّفل شـنهو جـرمته ردّوا عـليّه
*#ثمّ أنّ الحسين ملأ كفّه من دم الرضيع ورمى به إلى السماء وقال: هوّن ما نزل بي أنّه بعينك يا ربّ، اللهم لا يكن أهون عليك من فصيل ناقة صالح، يا ربّ إن كنت حبست عنّا النصر من السماء فاجعل ذلك لما هو خيرٌ منه وانتقم لنا من الظالمين، فنودي: دعه يا حسين فإنّ له مرضعاً في الجنّة..*
تلقى حسين دم الطفل بيده
اشحاله اليقتل ابحضنه اوليده
شاله وملا كفه من وريده
ارماه للسم وللقاع ماخر
*ثمّ أقبل الحسين برضيعه إلى المخيّم وقد حمله تحت ردائه، فاستقبلته ابنته سكينة قائلة: أبي لعلّك سقيت أخي الرضيع ماءً وجئتنا ببقيّته؟ فأخرجه الحسين من تحت ردائه وهو يقول*:
*بُنيّه خذي أخاك مذبوحاً، بنيّه عظّم الله لك الأجر، فصاحت: وا أخاه، وا عبد الله..*
يبويه الطفل للماي أخذته ابسهم العده مذبوح جبته
شنهو الذنب خويه العملته والماي حاضر ما شربته
يبويه الطفل عني دغطيه مالي قلب بالعين أصد ليه
اشوفه ذبيح أو ماد رجليه هذا الخفت منّه طحت
*ولكن الموقف الأصعب هو في إخبار أمّه الرباب, وكأنّي بالحوراء زينب جاءت إليها ضامّة الطفل تحت عباءتها وأخذت تمهّد لها قائلة: هذا اليوم يوم مصيبة وفجيعة, رباب تعلمين أنّ العبّاس قد قتل عليّ الأكبر قد قتل القاسم قد قتل ابني عون قد قتل هنا أحسّت الرباب بالشرّ قالت: سيّدتيهل لحق ولدي بإخوته وأعمامه؟ فقالت لها زينب: أعظم الله لك الأجر. وكأنّي بالرباب أخذت رضيعها المذبوح وضمّته إلى صدرها.. صرخت واولداه واذبيحاه*
طور اسمع عتابي
١/أصغر يا غالي .. أُنس الليالي
يا كلّ دلالي .. موتَكْ رماني
٢/يبني هظيمه .. بْقَلبي أليمه
مُوته عظيمه .. فقدَك عماني
٣/آهْ يا رضيعي .. إرحم دموعي
حنّت ضلوعي .. وشوقي كَواني
٤/حنّيت أشمّك .. لْصَدري أضمّك
نظرةْ لَأمّك .. ثَكلى تَرَاني
٥/اِبگي يا روحي .. واشفي جُرُوحي
اِسمع لَنُوحي .. يِنعى حناني
(زينب_فياض)
*#رحم الله ذلك الشاعر يصور أن عبدالله الرضيع توجه مخاطبا عمه المحسن يشكو له ما جرى عليه*:
# اطوار_ مختلفه
يا محسن عاين أحوالـــي ... رضيع وأنـذبح عطشـــان
كان اقماطي أجـفانـي ... ومنـي سلّبوا الأجفــان
يا عمي ليتك تعاين ... أمي تصيح صـــوب حسيــن
جف اللبن من صدري ... أرَضّـع هالولد من ويــن
لو أملك دمع والله ... أرضعـه من جفـــون العيــــن
ما روّانــي يا عمـــي ... غير السهم بالدمـــان
يامحسن ترضى يفطمني ... سهــم ميشــوم في نحــري
وأنا في جف أبو السجــاد ... ما وصل سنة عمــري
يا عمي تحتمل تسمع ... بحالــــي اُويش فعل دهــــري
حملت مصاب يا عمـــي ... ما يتحملــته انسان
*#واذا بالجواب من المحسن يفطر القلوب* 💔
إذا أنت لمحت أمك ... وابوك وجملة الأحبـــــــاب
أنا ما شفت حتى أمي ... وقع راسي على الأعتــاب
بعد ما صدري تهشم ... ويّا ضلوعها بالبــــــــــاب
هويت من الرحم مقتـول ... عمي بهعصرة الخَوان
*قتلته آل أمـــــــــــــــــــية ظام إلى جنـب الشريعه*
*ورضـيـعـه بـــــــــدم الـوريـد مـخـضب فاطـلب رضيعه*
نعي للرضيع
عندما ذبح الرضيع اخذ الحسين ع يكلمه
بكلمات
يكووول. بويه
😭😭😭😭😭😭😭😭😭
يبني يعبدالله دللول
نايم وكلبي عليك شيكول
خافن يبويه نومك يطول
وانه اضل بعدك اتحسر
😭😭😭😭😭😭😭
يبني السهم من صاب نحرك
بكلبي احفرت يالولد كبرك
خاف امك وليدي تنضرك
ودلالها منها يتفطر
😭😭😭😭😭😭😭😭
بويه افتح عيونك عليه
بصوابك احس جتني المنيه
لحالك صرت اصفك بديه
وانحب واكول شلون اصبر
😭😭😭😭😭😭😭
شصبر يبويه وتنشف العين
وشلون ارد للخيم هالحين
ولو ردت ارجعك للنساوين
بيا عين امك ليك تنضر
😭😭😭😭😭😭😭
لو شافتك والكلب مفتوت
خافن يبويه امك تموت
وتصيح بأعلى ونه وصوت
شذنبك يكطعونه المنحر
😭😭😭😭😭😭😭
ام زينب السعداوي
ناصريه
لسان حال الرباب تنعى ولدها المذبوح \لحن اسمع عتابي ♪
عبدالله يبني ~ يالرحت عني
مشتاگ اضمك ~ يبني لحضني
أهزنّه مهدك ~ وانحب لفقدك
تاليها يبني ~ نايم بلحدك
حرموني منك ~ ولا ٱقدر اضمك
يا ضوا عيني ~ لله أَسلْمك
شلتك بديّه ~ وانه بعزيّه
ونابت بنحرك ~ سهم المنيه
وا الداه واعبدالله~
خادمة آل محمد✍
*عبدالله الرضيع ع*
طور الجزع
شحاله من عاين ذبحة وريده
وسهم المنيه ذابح وْرِيْدَه
وبكفه دمه شايله بإيده
للباري قربان²
✵✵✵✵✵✵✵✵
سهم المنيه ويلي من صابه
ذابح دليله والدمه خضابه
تشعر يا ألم گلّي يا يابه
وليدي يعطشان²
خادمة آل محمد ✍🏻
ــــ السلام على عبد الله الرضيع ــــــ
ضل يبني وياي ـــــــــــ ماأحمـــل يوليـــدي الفركه
ضل يبني وياي ـــــــــــ تدري بروحي اتحب الملكه
ضـل يبني وياي ـــــــــــ ضل يبني وياي
ـــــــــــــــــــــــــــــــــــــــــــــــــــــــــــــــــــــــــ
چم شهكت امـــــــوادع تارسة ايامي
وچم تابوت بيه الشيــــــع أحــــلامي
شله بروحه النهر لو مايه ضل ضامي
تعــــال الليل حزنك عثرت أجدامي
ضل يبـــني وياي ـــــــــــ ياكـــعبة عمري وتربيتي
ضل يبنـي وياي ـــــــــــ يا محبوبي وشمعة بيـتي
ضل يبني وياي ـــــــــــ ضل يبني وياي
ـــــــــــــــــــــــــــــــــــــــــــــــــــــــــــــــــــــــ
يخنـــكني الهوة وبس عـــــطرك اشتمه
وبعـــيوني النــــجم مـــتخــظب بــــدمه
گلبي يشوف مايــه اومــــــا وصـل يــمه
وخذ عمره العطش ضــــل منتضــر عـمه
ضل يبني وياي ـــــــــــ رويت الكاع ابدمعاتي
ضل يبني وياي ـــــــــــ ونه حسره كل لحظاتي
ضل يبني وياي ـــــــــــ ضل يبني وياي
ــــــــــــــــــــــــــــــــــــــــــــــــــــــــــــــــــــــ
ياعبدالله العــــــطش مافارك اسنيني
اوشلي بعمري اذا ماشـــــافتك عيـني
بچفوفك ييمه احلـــــــم تغــــــطيني
بتــــــــراب اللحد خاطــــــر توافيني
ضل يبني وياي ـــــــــــ تحمل تابوتي على متونك
ضل يبني وياي ـــــــــــ ولاشـــــوفن عني يبعدونك
ضل يبني وياي ـــــــــــ ضل يبني وياي
ــــــــــــــــــــــــــــــــــــــــــــــــــــــــــــــــ
بيه اتسافر احـــــــــزاني مــن أذكرنك
وحلم ترجــع بعــــــد يبنــي واشوفنك
يماي وطــاح مـــــنــي اشلـــــون المنك
ويا نســــــمة اعـــذيبي اشلون اشــمنك
ضل يبني وياي ـــــــــــ وتنـــــــفس يوليد انفاسك
ضل يبني وياي ـــــــــــ احجايت امك خلها براسك
ضل يبني وياي ـــــــــــ ضل يبني وياي
ـــــــــــــــــــــــــــــــــــــــــــــــــــــــــــــــــــــــــــ
بس الــــــفاگد اوليده يـــــــــحس بيه
اويــــعرف ونـتــي المــــفگــــود واليه
اوياليل المــــــوادع طـــــول اشـــويه
گبــــــل ماروح عـــن ولــيدي مســـبيه
ضل يبني وياي ـــــــــــ من أشتاك اشتم قمصانك
ضل يبني وياي ـــــــــــ دلالـــــــي يرتــــــل قرانك
ضل يبني وياي ـــــــــــ ضل يبني وياي
ــــــــــــــــــــــــــــــــــــــــــــــــــــــــــــــــــــــــ
الشاعر خالد جودي العارضي
#محرم1446
يوليدي يالغالي ..... ظل المهد خالي
عبد الله يبني بموتتك
ذبحولي امالي
...... 1 ......
يوليدي تدري بموتتك باكو فرحتي
ما ظلي كلشي بدنيتي تشهد عبرتي
ما حسبت تمشي وتخليني ابحسرتي
خابت ضنوني يلولد بالغاضريه
يا فرحت ايامي .... باكوهن احلامي
من رجعوك الخيمتك ... مذبوح كدامي
..... 2 ....
سهر الليالي والتعب ذاكه التعبته
من عندي راح ابفركَتك ماي وشربته
من الله بس انت بدمع عيني طلبته
حاربني دهري وباكَك بسهم المنيه
بعدك يمحبوبي ... اسود صبح ثوبي
رحت وعفتني للمحن ... هذا انه مكتوب
.... 3....
اه شكثر مشتاكه الك بيك افجعوني
بكماطك اثار الـدمه تنظــر عيوني
ريت انه كَبلك بالسهم يمه اذبحوني
ولا شفتك ابدمك تخضبت المسيه
من جرحك اجروحي ... يا مصدر النوحي
سهم الي صابك بالنحر ... صوبني ابروحي
...... 4 .....
كل ساعه اصد المهدك وما بيه اشوفك
لا بيه اصدك ذبحتك لا بيه اعوفك
متعوده اناغيلك جنت والزم جفوفك
وبحضني اضمك يالولد بثنين اديه
موحش صبح ليلي ... موتك اخذ حيلي
جلمت دللوه يالولد ... حرموني يا ويلي
....... 5 .......
لو أدري ما ترجع ألي ما عفتك اتروح
جا بالدمع يبني رويتك وانت مطروح
شنهو الجنيته بروحتك يا سلوة الروح
فوك العطش ذبحوك يا فرحت رقيه
كل ضني يرونك ... مو نبله يرمونك
ما حسبت هيج الحقد .. بالما يحبونك
... تمت ...
......
موسى الخادم
سهرت أشكد على ارباك
يماخذ روحي وياك
*
يعــبد الله… المهد خالي … اسمعــنّه يـــون
يمحبوبي… على افراكك ... ييمة راح اجــن
صور رسمك… على بالي … اكلبهة واحن
خلص صبري…ركد ثوبي…عليك امن الحزن
هويتك وابقى اهواك
يماخذ روحي وياك
***
خذك مني…غصب دهري … تركني بلوعتي
بعد مـوتك ... فـلا نشفت … يغــالي دمعــتي
شسولفلك… سهم فكدك ... رمــاني بحيرتي
عليك اكظي ... العمر انحب ... يصاحب قصتي
ابد ما لحظة انساك
يماخذ روحي وياك
***
جـرح فكدك … يظل نازف … فـلا يشفة ابــد
بعد عينك … ذبل غصني ... يـ أحله امن الشهد
الك يبني … اريد امشي … وحك ربي الصمــد
حياتي بلا ... وجــــودك ما ... اريـــدنهة بعــــد
اريــدأ يبني ملكاك
يماخذ روحي وياك
***
دعاء ميت ... الك اقـــرأ ... صعب كلش صعب
رحت مني ... بعمر وردة ... يسباح الكـــلب
اجر ونه … والف حسرة ... الغرفتك من أطب
فلا يكفي … دمع عيني … عليك اشما يصب
لخلّص عمري أنعاك
يماخذ روحي وياك
****
امنذكرنك … يعبد الله … اصير ابلا فكر
المهد خالي ... عفت عندي ... امن شوفنه انعصر
عسن ميته… كبل موتك… شلي بهذا العمر
ليالي الهم … وراك اشكد … لفتني يا بدر
ذبح ذابحني فركاك
يماخذ روحي وياك
**
الحمد الله رب العالمين
اللهم صل على محمد وال محمد
موسى الخادم
1446 هـ
#قصيدة_لعبدلله_الرضيع_ع
كأني بمولاتي الرباب ع تخاطب السهم المثلث الذي ذبح طفلها الرضيع عليه السلام و تقول
بعـــده مـــا گايـلي يُمّه
و ابسـهم ماريد افطمه
لا تمر بي يَمّنه مـــا شافـــك قبل
يعرف اهله و منّك ايخاف الطفل
يسهمه يسهمه
ـــــــــــــــــــــــــــ ـــــــــ
عِطَش لـــب الگلُب. وضـــــع طفلي صعُب
وآنه احفرت الجفن . ردتـــــله مي شُـــــرب
بالخيم ظليت احـــوم ابلايه راي
دورتهن خيمة خيمة و ماكو ماي
و انه حتى ابلا دمع صــاير بچاي
ذابــل و يبســــت لهاته
و فرفحت روحه لخواته
لا يفــز نايــــم اتـــــــــركه يالنبِل
يعرف اهله و منك ايخاف الطفِل
يسهمه. يسهمه
ـــــــــــــــــــــــــــ ـــــــــ
سكت مــــن الضمه و صحت يأهل السمه
دخيــــلك يـــــا علي. و دخيـلچ فاطـــــــمه
شما اشــــــوفه وجـه للاصـفر يميل
أركض لصـــوب الگمر ركضة دخيل
ناسية ابلا عين ظـــــل عمه الكفيل
وينه عَمّه خـــل يشـــوفه
و چني ما ادري ابچفوفه
وضعي صاير عالــــولد ما ينعقل
يعرف اهله و منّك ايخاف الطفل
يسهمه يسهمه
ـــــــــــــــــــــــــــ ـــــــــ
شِفـــاهه اتفَطِرَن . و ضلوع امـه انحنَن
صرت انخه النبي. بكسرته اعله الحسن
شما سألني حسين گتله وليدي زين
و انه اشــوفه مــا ترفـله حتى عين
وين چانت هالمصــــايب عنّي وين
گلبه حــار و جسمه بارد
غافي مدري يموت گاعد
يُمه گتله لخاطر امــك ظل عدل
يعرف اهله و منك ايخاف الطفل
يسهمه. يسهمه
ـــــــــــــــــــــــــــ ـــــــــ
شِبَح وجه الضوه و احس گلبي انچوه
أشوفه مخــــتنگ و اعــــارك بالهــــوه
شايطة و اجدامي ظلت ما تسير
أمه انه و حيلي چـــا بله شيصير
يا سهــم مـــو لذبح نحره الزغير
ترفة روحه لا تجــــرحه
هذا گلبي و هاك اذبحه
و اگطع أوداجه ابداله امن الاصِل
يعرف اهله و منـك ايخاف الطفل
يسهمه يسهمه
ـــــــــــــــــــــــــــ ــــــــ
ردت وگـــت السبي يظَل يَمِّي ايحَبي
و اذا طلعت شمس أغــــطي بالعبي
صورة من حسين يصعد عالجمال
ابحضن عمــاته ينــام اويه العيال
و الهزيلة اتهزه و تگمــطه الحبال
يا سهـــم لا تــــدنه يَمَّه
خله غافي ابحضن امه
و انه الوليله و اسكته اعله الهزل
يعرف اهله و منك ايخاف الطفل
يسهمه. يسهمه
ـــــــــــــــــــــــــــــــــــ
الحمدلله
#علي_حسين_الكناني
#الرضيع
#ليلة_الرضيع
#شهادة_الرضيع (ع)
جفيري:
مَرّه أخيره يالولَد
خلّيني اْهِز بيك المَهَد
أشعُر مَتِرجَعلي بَعَد
يالعُمري فِدوَه لْضِحكِتَك
يالتِّمشي عَنّي مْنِ الزُّغُر
عْلى مْصابَك شلون الصَّبُر!
خلّيني اْضُمّك للصَّدُر
خلّيني اْقَبِّل وَجنِتَك
نَحرَك مَيِتحَمَّل سَهَم
و گلبَك زِغير عْلى الألَم
شْلون عْلى صَدرَك يِجري دَم!
مَتْحَمَّل آنه ذَبْحِتَك
خَلّيني اْشيلَك عالإدين
يابني و يَضَيْ عين الحُسين
وين آنه صير و إنته وين!
أوّل مُصابي مْصيبِتَك
آنه امَّك و إسمي الرّباب
بعدك أعيش اكبر عذاب
تدري يِسِلبوني الحجاب
وْ يِسبوني وَيَّه عمِّتَك
#عظم_الله_أجوركم ◾️
فاطمة رزق
بتوفيق الله وصاحب الأمر كله❤️
محرم ٢٠٢٤
لسان حال الرباب بعد استشهاد الرضيع
إبــجنح جــبريل لــفَّه إكـماطة
والـشِمر دكـَ حيل بيَّه إسياطه
آه يادم الرضيع آه يادم الرضيع
ذبـحو عـيون الصـبح صـارت ظـلام
ليــش ينزف مَنحـرك يَـبـن الإمـــام
انت بالخــيمة جـنـت مــثـل الـحمام
جـنت أشوف الخوف بس يمك سلام
كسر ظهري من صِرخ بـعـياطه
إبــجنح جــبريل لــفَّه إكـماطـه
آه يادم الرضيع آه يادم الرضيع
مــن غـٌفه الليـل وطلـع وجه الكٌمر
نــاغيته يــَوليدي عِمـه حتى النَظر
روحــي ويه عــيونكم تــجمع صور
وهـذا حـِضني يـريدكم مو بَس أثر
اه يا ضيم الـ الكلب ونيــاطــه
إبــجنح جــبريل لفَّـه إكـماطـه
آه يادم الرضيع آه يادم الرضيع
حـــسين جـان هــواي كَلـبه يِدللك
ويِـشهـك ابطاريـك لو حَــد زَعلـك
كلـــمة البــابــا صِغيرة و تــِسألك
لو رحـت بــس كـولها مَـرَّة الهـَلك
حرك كلبي وبس أشم اشياطه
إبــجنح جــبريل لفَّـه إكـماطـه
آه يادم الرضيع آه يادم الرضيع
ليش كلبك حـار يِنــبض بــَس ألـــم
هــو صح إكمــاط بـَس طِيـحة عَـلـم
يـَل ردت بس مــاي ذبــحـــوك بـسهم
روح بس شـوكك نِـبش روحي وهِدَم
ماسكت جرحي الغميج خياطه
إبــجنح جــبريل لــفَّـه إكـماطـه
آه يادم الرضيع آه يادم الرضيع
لٌــــبَابــَة آلــ يــاســين
من يدي ليد صاحب الزمان
بتوفيق الله وصاحب الزمان
محرم ٢٠٢٤
لسان حال الرَباب بعد استشهاد عبد الله الرضيع ع
وَلــولــيـلـَك يَــــعـبــد الله
وألـــولـي وِيــاك كِـل هَمَّي
يَــدم حــســين بِـــعروكَـك
يِــجـري ويِـــشــتِعل دَمـي
تَـــرٍف عـــودك يَـبـعد امك
كَـبـٌـل لاتــِنـذِبـِح سَـــمٍّــي!
يَـشجرة ووكـعت أغصانك
ذِبــْحــوا نــَـشـوِتــَك يَـمّي
راح الــوَجــنِــتــه اتـــلالي
وتـــكـلي دمــوعـكٌم لِــمّي
حِضن خالي يحس طاريك
يِخطها أحروفكم بأســمي
وَمـشي بهالدرب ماشـوف
وَحسها إتكطـِعَت جِــدمي
يَــعـبد الله اللِــبـَن بايِّـــت
يــرِضَـع هـاللبَــــن غَــمِّــي
بــِكـمــاطـَك أوَزِر الـــروح
وكِل لـِثـيـابـــكــٌم شِــمِّــي
أنـــام اللــيل بَــلكي اللـيل
يِشـوّف رسـومـكم حِلـمي
ووِّن آنه ابطريـج الـخوف
ودمعي من الحزن يِعـمي
وأبــكَه أتــذَكـَـرَك يَــربـاي
مـــاتَت ضِحكِــتك يـمِّي
لٌبــابة آلــ يــــاسين
وزن: طويل
من يدي ليد صاحب الزمان❤️
نعي گرناوي
《وزن نصاري》
++++++++++!+++
اهز مهدك والوليك واناغيك
واگلك هاك در ثديك يغالي
اهز بالمهد ما انام باليل
واهدومك اسطرهن اگبالي
واگدر علی طولك ثوب واگماط
واگول اشگد حلو اولیدي ودلالي
واحضرلك منامك وافرش اعطور
وحچبیک وانه راسي عالي
عندي اوليدي چنه لیلة العيد
ومثل شمس الضحه جيده يلالي
رضیع اوليدي ياهو الگال مذبوح
اشوفه ایصیحلي يمه تعالي
اثاري عالرمح راسك يمفطوم
واثاريني اهز بالمهد خالي
♡♡♡♡♡♡♡♡♡♡
✍...تمت بقلم الشاعره العلويه ام ضيغم المحنا لا نجیز حذف الاسم یتقابل مع العباس ابو فاضل✋
نعي في مصاب السيده الرباب عليها السلام
▪️ابوذيات▪️
مصابك فطر اگليبي وسله
ومثل سل السيوف ابروحي سله
ييمه اشلون انسى گلي واسله
يموتني الصدر من يثقل عليه
————
الدمع بالروح مو من عين اصبه
رضيعي امن الهوا خفت ويصبه
تاليها الرمح ضامي يصبه
ويصيب الروح واكليبي سويه
———-
▪️نعي▪️
اشحال الرباب ابيوم عاشر
بعد المصاب وعينها اتاظر
شنو بعد يجبر الخاطر
ميت ضناها وعمره اشهور
ضامي ياروحي القلب مفطور
واعله الرمال الجسد مشمور
تمشي ومعاها الراس مقطوع
وفوق الرماح اتشوفه مرفوع
ضيم وقلبها والله مشلوع
در الصدر وي دمعة العين
وتشلع قلبها شوفة احسين
نار وتشب بالروح للبين
—————
بقلم:بنت الشمري
ابوذيات فراس المحمداوي🏴:
٩٢١- مقتل عبد الله الرضيع (ع)
يعبد الله ترف خــــدّك وردماي
اخذتك بيدي يالضامي وردماي
السهم ريته سفك دمك وردماي
ولاشــــــــوفك ذبيح ابين اديّه
✍ فراس المحمداوي
٩٢٢- رضيع الحسين (ع)
يعــبد الله يـريت ويــــــــاي ماييت
ولا شفت اعله صدري ادماك ماييت
علـــــيّ صعـــبه اردّن بيـــك ماييت
وبدال المـــــــــاي تشرب سهم اميه
✍ فراس المحمداوي
نعي/ عبدالله
*
سمعني يمه ابچاك يبني احاچيك
حسره وصفت وياي اتمنه اناغيك
كل مااصد اگماط ياذيني طاريك
***
حــن گلبي وشتاگيت يبني وهوانه
يــوم الافــاك البيـن چلچل ضوانه
وليدي اجـاه الموت ظــالم زمــانه
***
كل ليلي يمه ادموع عبدالله وينك
بسهم المنيه اليـوم غمـضت عينك
يــاگلـبي راح ابعيد بطــل ونينــك
***
شتسوي تالــي اليـــل الـــدر لبنهــه
اليوجعهه گام الشوگ اتــريـد ابنهه
اتامــن تغمض العين كون بحضنهه
***
كثرن بيه اهموم حسباتي اهواي
مـن اذكر العطشان ياذيني الماي
شلون اصبر ابلياك ناديته يرباي
***
مخليني بس للنوح مبعـــد عليـــه
كــل مااشوف اسهام افـــرك بـديه
حالي صـفه بياحال والبيـــه بيـــه
****
ابوحيدر
الصبيحاوي
⚜️ *مجلس الطفل الرضيع(ع)- ١٤٤٥هـ*
⚜️ *خطباء المنبر الحسيني*
➖➖➖➖
◽ *المقدمة*
◽ *قصيدة¹*
لم أنس إذ ناديتَ في الأعداءِ
"من ذا يقدِّمُ قطرةً من ماءِ!"
و الطفلُ بين يديك ذبّلهُ الظما
و الموتُ لاحَ بهيئةِ الإغماءِ
إنّي حضرتُ بكربلا و شهدتُ ما
أبكاك يا جدّي من الأرزاءِ
و لِما رأيتُ بقيتُ أذرفُهُ دمي
إذ حقَّ أن أجري عليكَ دمائي
إنّي رأيتُ رضيعَكَ الطِّفلَ الّذي
جفَّت ملامِحُهُ من الإظماءِ
و رأيتُ عطفَكَ بالرِّدا ظلّلتَهُ
يا ليتني ظلَّلتُهُ بردائي
والله لا أنساكَ حين رفعتَهُ
حيثُ الظما كالجمر في الأحشاءِ
و إذا بسهمٍ من لعينٍ جاءَهُ
فمضى ليلقى عُصبَةَ الشهداءِ
لهفي عليه و قد تفجرت الدما
من نحره و لذاك طال بكائي!
و إذا ظهرتُ غدًا سأطلب ثاره
و بكربلاء غدًا يكونُ ندائي
ما ذنبُ "عبدالله" يُدمى نَحرُهُ؟!
ما الذنبُ لِمْ لَمْ يُسقَ عذبَ الماءِ !
يا جدُّ يومَ الثأر أجمعُ شيعتي
و عليكُمُ معهم أقيمُ عزائي
(فاطمة رزق)
◽ *قصيدة²*
نَم يا صغيري واسترِح في أَضلعي
أنعِم بِضلعي يا علي مِن مضجعِ
هدِّئْ أنينَ الخوفِ من غدرِ الورى
يا طفليَ المذبوحَ، نَم، لا تجزعِ
رحماك حرِّر من فؤادكَ نبضةً
إكسِر جدارَ الصّمتِ، طَمئِنْ مسمَعِي
واصبر، فديتُ العين غارت في الظّما،
أَسقيكَ من ماءِ البُكا، مِن أدمعي
إقصد شغافَ العرشِ وارقُبْ مقدَمي
آتيكَ بعد الذّبحِ، بعد المصرعِ
إنّ الملائكَ في انتظارِك كلَّها
لتُزيلَ سهمًا فيكَ لا لم يُنزَعِ
فَاشْكُ الظّلامةَ يا بُنيَّ إلى السَّما
هذا صنيعُ أميّةٍ بالرُّضّعِ!
(آية عواضة)
*أعظم الله لك الأجر سيدي يا صاحب الزمان بهذه المصيبة الأليمة..*
*تقول الرواية بعد أن يظهر عجّل الله فرجه في الكعبة ويتوجّه إلى كربلاء يجتمع النّاس من حوله وهو عند جدّه الحسين عليه السلام يضرب سيفه بالأرض يستخرج جثمان الرضيع المدفون على صدر والده الحسين أو إلى جنبه، يرفعه أمام النّاس على الحالة التي قتل وذُبح بها من الوريد إلى الوريد وينادي أيّها النّاس بأيّ ذنب يُذبح هذا الرضيع من الوريد إلى الوريد* :
(فائزي)
آنـه الرضيـع بلا ذنب گطعـوا رگبتي
من الظمى ومن السهم ذابت مهجتي
من يظهـر المـوعـود يطفيـها جمـرّتي
والمـهـدي ياخـذ ثـاري ويبـرّد لهفتـي
گلبه الفجيع. ينكسر يم مهدي
آنـه الرضيـع. دعوتي للمـهـدي
(سيد زيد الفحام)
*# ساعد الله قلبك ابا عبد الله..ما كان حالك عندما ذُبح ابنك عبدالله الرضيع وقد أصابه ذلك السهم المسموم و صار يفرفر كالطير المذبوح.. وضع كفّه تحت نحر ولده فلما امتلأت دمًا رمى به نحو السماء وقال : هوّن ما نزل بي أنّه بعين الله..اي وا حسينااااه*:
(نصاري)
يعبد الله يولدي ليش مذبوح (وا ويلاه)
شنو ذنبك وأشوفك ما إلك روح
ييمه و منحرك اگبالي مفتوح
شيداوي نحرك / يوليدي
أنوح اعليك لو الطم على الراس
شنو ايصبرني و انت ابلايه انفاس
سهم نحرك أشوفه يچوي الاحساس
يالذبحك ذابح / دلالي
و اشگد حرمله قاسي و بلا ذمه
ماخذ روحك الطاغي و بلا رحمه
هم ماخذها من اشفافك البسمه
ويلي رگبتك امخيِطه ابسهمه
على الراس ، على الراس ، صْرْت الطم على الراس
و الأنفاس ، و الأنفاس ، ما تصعد و الأنفاس
#أبو_ذية:
راسك وين دوّرته وشفتك
عيونك يبني ذبلانه وشفتك
مدلل والهوی اليچوي وشفتك
الي ياهو اليجيبك هل مسيه
*إنا لله وإنا إليه راجعون*
*من جملة الشهداء الّذين قدّمهم الحسين قرباناً إلى الله فداءً لدينه عبد الله الرضيع ولده.*
*والحسين عليه السلام أخبر عن شهادته وذكره في جملة من سيُقدِّمهم في سبيل الله، تلك الدّماء الطاهرة العزيزة على الله التي أحيت الدين كان من جملتها دماء الرضيع التي رمى بها الحسين إلى السماء فما رجع قطرة واحدة منها وسكنت في الخلد واقشعرّ لها أظلّة العرش، ولذلك هذه المصيبة وهذا الفداء ذكره الإمام الحجّة عجّل الله فرجه الشريف ولقد آلم قلبه الشريف كما كانت هذه المصيبة مذكورة عند أئمّة أهل البيت عليهم السلام في مجالسهم يشيرون إليها ويبكون عندها ويأمرون شيع تهم بالبكاء لها، حتّى أنّ الإمام الصادق عليه السلام عندما كان يعقد مجالس العزاء على جدّه الحسين كان يأمر بأن يؤتى بطفل رضيع يُرفع أمام النّاس ليتذكّر المؤمنون مصيبة عبد الله الرضيع..*
*نعم، فلما كان يوم العاشر من المحرم توجّه الإمام الحسين (ع) ناحية خيمة أم المصائب زينب (عليها السلام)،فناداها: أختاه، أوصيكِ بطفلي الصغيرِ عبد الله، ناوليني إيّاه لكي أشمّه وأضمّه وأودّعه...*
*دخلت زينب(ع) الخيمةَ، فأتت به للحسين تحمله، وتجرّ معها اللوعة والأسى على الطفل الرضيع..هاكَ رضيعك قد يبس لسانُه من شدّة الظمأ والجوع، فلم يشرب لبناً ولا ماء منذ ثلاثة أيام، وقد جفّ لبن أمّه من عطشها، فاحمل طفلك يا خيرة الباقين ورائحة الماضين إلى هؤلاء القوم لعلّ صحراء قلوبهم ترقّ لحاله*
عبد الله الرضيع
ست اشهور هنّــه وحـــاربـانـــي البين
يبني التنذبح وانت اعله صدر حسين
========================
ســت اشــهــور ياعـــمـر الــورد يبني
جـســه ويـاي الــزمـن هلبيك حاربني
ليـش ومــن ضـحـكـتك يـمه حارمني
شيـطـلبـنـي زمــــاني وياي ماله دين
========================
يايمه عــبــد صــوتـك أنـيــس الروح
هـيـــچ بساع يايـمـه تـــريـد اتـــروح
ابــــد ماحـسبـت بـيـهـا تـــرد مذبوح
ناوي اعـلـه السفر گـلّـي السفر ليوين
========================
ليوين الســفـر حسـبـت تـبـقـه ويـاي
دفـيـت المـهـد حـظــرت شربت ماي
بطاريك اعـلـه غـفـلـه ويـقـره النعـاي
بدموع الهجر غــرگــت چـفون العين
========================
بدموع الـهـجـر اقــرالك انــه ابـيــات
توه ابني بحضيني وهس ابني المات
و أون بحرگه تكتل ونّـت مـضـيـعـات
يانـجــمـة سماي البـيهـا تـضـوه سنين
========================
تضــوه اسنـيـن عـمـري گلت من تكبر
سنــد ليـه بـكــبرتي وبيــك اتبــخـتـر
آه بـيـــوم عـاشـــر ياســهـم الـكــشـر
ســهام الحـقـد تطـلـب ثارها بصـفـين
========================
تطـلـب ثارها ومـنـك تــوفــــي الثار
گوم بخيل هـجمـت گوم تدوي النار
يــبـنــي بكربله مامـثـلـه يـــومٍ صار
وحيد حسين ابوك ودايره الصوبين
========================
وحــيـد حــسين ضـل حاير بملگاها
حـــيره وكل هله اعـله الگاع خلاها
وهـــاي الخيل هجـمت وين منواها
مــره اعله اليسار يروح مــره يمين
~
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇
*مصاب الطفل الرضيع~ لحن اسمع عتابي♪*
شاله عا صدره~ ونبله بنحره
ودم نحره سايل~ الله يِصَبْره
يقبّل اوليده~ ولن ملوي جيده
وسهم الي صابه ~ اويلي بوريده
ومن طلعت امه~ تعاين لـ سهمه
نابت بنحره ~ مغسّل بدمه
مذهوله تنحب~ تصبرها زينب
وتصرخ آيبني~ گلبي تصوّب
رادت تضمه~ رادت تشمه
تعاين قماطه~ مغسّل بدمه
سهمك ذبحني~ يالرحت عني
من الروا محروم ~ عبدالله يبني
خادمة آل محمد✍
*السهم الذي أصاب الطفل الرضيع ع وكأني بذاك السهم قد أصاب قلب الحسين ع*
صاب حسين في گلبه
سهم عبدالله من صابه
وصوّب زينب الحرّه
لمن شافته صوابه
تعاين للطفل مذبوح
ودم من منحره خضابه
وحسين انعصر گلبه
وٱتفتّت على طفله
✵✵✵✵✵✵✵✵
نادى حسين يا زينب
گومي استقبلي المظلوم
ذبحو طفلي عا صدري
وبسهم العدا مفطوم
صاحت آه يا خويه
ومن نحره نجيع دموم
اتلوع بالعطش چبده
وبنحره نبت نبله
خادمة آل محمد✍🏻