5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#دارميات لسان حال السيده طوعه
طوعه انه وتمنيت مو حرمه رجال
بلكوفه ما جروك مسلم بلحبال
لوهاني حي ويشوف شنهي الجراله
ينجر ابنص السوك محد دناله
وين اله ذاك اليوم محد فزعله
مسلم نكول ابعاد مافز عو اهله
لو خلو المختار ما سا جنينه
جا خله اليجروك لبسو عبينه
#الشكرلله خادم الزهراء ع ملا علي
::
بويه يا مسلم ... راحوا اخواني
عليهم بكَلبي ... زادت احزاني
ــــــــــ
مصيبتك بويه ... هدّمت حيلي
وتدري من بعدك .. مانمت ليلي
يا دموع العين ... عالوجن سيلي
مصابك او وضعك ... حيل اذّاني
ــــــــ
بويه وخواني ... الّموا كلبي
مدوهنه عليهم .. وتيّهت دربي
صحنت رد بيهم .. واندبت ربي
بخبر من عدهم .... تطفى نيراني
ــــــــــ
وتالي يابويه ... يا عزيز الروح
اسمعت واحدهم ... عل نهر مذبوح
عمري الباقي ... راح اخلصه بنوح
والحزن بويه ... يصير عنواني
ــــــــ
اتيتّمت بويه ... والحزن جتال
وانحرمت آنه ... من اخوني بهل حال
شلون ما ابجي ... ويشت عندي البال
والفرح بعدك .... وحدي خلاني
ـــــــــ
انه اخوتي ثنين ... اطفال ادريهم
لسّه بعيوني ... كل معانيهم
لون والله يصير .... بروحي افديهم
والاجل يا ريت .... هسه يلفاني
ـــــــــــ
الشاعر محمد حسن ضيغم
وصف مسلم
مسـلم كل وصف روحه حـــــــميدة
ويســــمون ابو الغيرة و حــــــميدة
اشتعل بالكوفه اله صارم حــم يدة
ابكثر ما حده بركاب آل مــــــــــــــية
مسلم وطوعه ع
خــضعهه الامر ســــــــيفه وطـــــــوعة
الحــــومة صارت ابجفه وطـــــــوعة
مسلم للــــــــــحرب هزهه وطـــــــوعة
تذكره بزود حماي الحمية
حميدة
شفت ادموع تجري وصحت من راح
وجف احــــسين يعصر راح من راح
هدم حيلي ابوي اليوم مـن راح
وصرت اول يتيمه بهالــــــــــــــقضية
خادم الزهراء ع ابو احمد الطائي
*في مصاب نِعمَ السفير*
● *أبوذيـــــــــات* ●
على مسلم تزيد الروح وَنها
وعلى امصابه الهواشم حيل وَنها
حميده صاح أبو السجاد وَنها
انذبح والدها جیبوها إلیَّه
أويلي محنة المظلوم محنه
ولا ابقلب الأعادي اعليه محنه
من أعلى القصر يحسين امحنه
جسمه وصبت ادمومه جريه
● *نعـــــــــــي* ●
مسلم وقع يحسين وحده
ولا من نصير اللي يسنده
ومحد حضر ويلاه عنده
يحسين ظل ايدير عينه
ولا من نصير اللي يعينه
وقلبه إلك يجري ونينه
ايناديك لا تجبل علينه
الكوفه اغدرت يحسين بينه
وما بيهم الوافي إلينه
سَلَّم عليك وصاح يحسين
ودفعوه من أعلى الحياطين
قوم البغايا و الملاعين
چان وين حلال الكلافات
الما يعتذر بالشده هيهات
مسلم يبوالحمله غدر مات
وينك يحيدر تحضر الساع
يم مسلم تجي هاليوم فزاع
وتطوي عليهم ياعلي الگاع
ريتك تشوف اشلون حاله
مرمي الولي ومحد إجاله
مكسوره وامهشمه اوصاله
بحبال وايسحلون جسمه
وانصبغت الغبره ابدمه
ومحد حضر ياعلي يمه
___
تمت بحمد الله تعالی
فاطمہ كريم
*نسألكم الدعاء لتعجيل الفرج*
*يــــــــــا أبا عبـــــــــــــــدالله*
🏴 نواعي شهادة مسلم بن عقيل عليه السلام 🏴
#ليلة_ويوم ٥ محرم
● حديث :
- جاء في أكسير العبادات : ودار وجهه إلى المدينة وقال : السلام عليك يا ابن رسول الله ، هل تعلم ما جرى بإبن عمك أم لا ؟
● طور : لحظة يخويه(الجفيري) :
اشحال الغريب ابذبحته
اتوجه يَويلي ابدمعته
سَلَّم على احسين ابقهر
اينادي يغالي لا تِجي
الكوفه خانت نصرتك
أبچي يوالي لغربتك
يحسين روحي لك فدا
بس انته رجوه لا تجي
- وفي المنتخب : ثم أمر بمسلم أن يُصعد به إلى أعلى القصر ويرمي منه منكساً على رأسه ، فعند ذلك بكى مسلم على فراق الحسين (ع) .
● طور : لفى عاشور :
وداعاً يا ابن عمي .. واعذرني يضي عيناي
غريب وحاوطوني اعداي .. وغِدرت هالأرض وياي
٢ آه يا مسلم .. آه يا مسلم .. آه يا مسلم .. آه
يگله ومن گلب دامي .. يمك بالي آيحسين
أفكِّر والله بعيالك .. باچر تنذبح لبنين
وبعد يم زينب أفكاري .. يبن عمي وتهل العين
تِهون اعليه هالغربه .. أبچي لغربتك مولاي
٢ آه يا مسلم .. آه يا مسلم .. آه يا مسلم .. آه
- وفي المناقب : ثم أمر بصلبه منكوساً .
وفي المنتخب : ثم أنهم اخذوا مسلماً وهانياً يسحبونهما في الاسواق .
● طور الجفيري + يم الولد +ياكربله وطر الفجر :
مسلم رموه امن القصر
غدروه يا ويلي الكفر
وينه اليجيه ويدرِكه
وايشيل جسمه امن الأرض
آحااه عالماله أهل
ايجونه ويشيلونه ابعجل
وحده ويجرونه ابحبل
يا ويلي ابديرة غُرب
وينك يَسلطان النجف
مسلم ترى جسمه نزف
احضر يَحيدر يا علي
مسلم قِضى ابغدر الكفر
● طور : انتي أمي :
آيا مسلم ، يا حسافه .. طايح ومالك أحد
ابديره غربه ، ويلي حاير .. اوحيد ما عندك سند
حيرتك تدمي القلب .. ياللي طايح بالغُرب
〰️〰️〰️〰️〰️
لحيِتك مخضوبه وسفه .. بثغرك الينزف دمه
طحت يا مولاي طيحه .. بين قوم الظالمه
اشحالك وقلبك تِوَجه .. اتحاتي مهجة فاطمه
لا تجي يَحسين تنده .. لحربك الجيش استعد
حيرتك تدمي القلب .. ياللي طايح بالغُرب
〰️〰️〰️〰️
تالي يا مغدور جسمك .. ينرمي امن أعلى القصر
كل عظم منك تِكسَّر .. ما سِلَم منك شبر
ما كِفاهم تالي تنجر .. بالحبل يا بو طهر
والأرض دمك صبغها .. ولا إجى يمك أحد
حيرتك تدمي القلب .. ياللي طايح بالغُرب
〰️〰️〰️〰️
● وكأني بلسان حال حميده :
● مجاريد :
مذبوح بديار البعيده
ويلاه والحاله شديده
ايتيمه بُقت ويلي حميده
مذبوح ما لك وسفه شيال
جروك يا بويه بالاحبال
محد دفن جسمك بالارمال
محد يبويه الشال نعشك
وايغسِّلك بويه ويدفنك
ظليت وسفه بغربه وحدك
محد يبويه اعله النعش صاح
ويم القبر بويه الك ناح
ووج اعله القبر يابويه مصباح
محد إلك سَوّه عزيه
ينعاك والدمعه جريه
ويلاه يالرحت امن اديه
ونها ..
على مسلم تزید الروح ونها
بچت ليه الهواشم وارتفع ونها
حمیده صاح ابو السجاد ونها
انذبح والدها جیبوها إلیه
__
تمت بحمد الله تعالی
✒/ فاطمہ كريم
نسألكم الدعاء لتعجيل الفرج
يــــــــــا أبا عبـــــــــــــــدالله
.
*نعي لمسلم بن عقيل*
*من ديوان📚مسير الفواطم لأرض المظالم ج١*
قال الراوي جاءت طوعة تسأل عن ضيفها وما حلّ به فوجودته مرمي من أعلى القصر.. نادت
*نعي مجرد:*
*--------------*
اجيتك وادور وين ماوين
حسبالي عايش ياضوه العين
لگيتك تون وتنادي حسين
ارجع اتكله بالنسواين
مثلك يغدرونه الملاعين
وتحرگ اخيامه والصواوين
مسلم وكع لحكو يطيبين
وولاده مانامو محازين
من عودهم يتمهم البين
*-----------------------*
اما حال حميده بنت مسلم عندما سمعت بخبر أبيها صرخت ونادت ...
*نعي الفراق:🍃*
*-----------------*
آه يبويه ... يالرحت من بين اديه
آه يبويه ... رايح وما الك جيه
آه يبويه ... دمعتي عالخد جريه
آه يبويه ... وحدي اضل شلون بيه
آه يبويه ... يالچنت هيبه وتچيه
آه يبويه ... خيمه وتفيي عليه
آه يبويه ... عگبك انه شضل اليه
آه يبويه ... ريتها اخذتني المنيه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
#قصائد_في_خدمة_الخطباء
#محرم_١٤٤٤
#شعبي
#مسلم_بن_عقيل (ع)
(جفيري)
١/محتار انا بدمعي اليسيل
وِبْحزني والهَمِّ الثّگيل
بين الحُسين وبِن عَقيل
ياهو اذكر وأعْلِي النحيب؟!
٢/بالكوفه مُسلِم وَحدَه ظَل
ما كو عَشيره وْلا أَهَل
تاليها بالغُربَه انْچِتَل
وِحسين هَمْ چِتْلُو غَريب!
٣/مُسلِمْ مِنِ الماي انْحِرَم
وِحْسين ظامي بالخِيَم
يِتْشارِكون شْچَم ألَم!
مْصاب العَطَش هذا عَجيب!
٤/مُسلم تِحَمَّل چَم جَرِح
تاليها راسه عْلى الرُّمِح
وِحسين هَم ذاگ الذَّبِح
وْشالُو بْرُمُح راسه الخَضيب
٥/منّ القَصر مُسلم رِموه
وجِسمَه بِلَاْسواگ سْحَبوه
وِحسين جِسْمَه رَضِّضوه
بْخيل انْسِحَگ جِسمَه السَّليب
#عظم_الله_أجوركم ◾️
فاطمة رزق
نعي لمسلم ع جديد محرم 1445
لسان الشاعر عن حال حميده بنت مسلم عليه السلام في غياب ابيها
┄┉❈❥❀❥❈┉┄
يبويه تنطرة جيتك ولاجيت
عليك الخوف ماخذني ولاجيت
لاني اندل امجانك ولاجيت
واشوف شعطلك ماترد اليه
┄┉❈❥❀❥❈┉┄
مدري شعطلك للحين ماجيت
اناشد الرايح جاي ضليت
لشوفك تراني هواي حنيت
ياوالدي من الصبر مليت
┄┉❈❥❀❥❈┉┄
ياوالدي هد حيلي جفاك
شهرين مرن واني اتناك
تدري يعمي العين فركاك
شلون استجن واصبر بلياك
┄┉❈❥❀❥❈┉┄
شلون استجن ونام ليلي
موهين غيابك هدم حيلي
عليك موجره نار بدليلي
شنهي العطلك مدري يويلي
┄┉❈❥❀❥❈┉┄
بغياب الابو البنيه تنذل
مهضومه تضل والمدمع يهل
الفركه تهد الحيل تكتل
موهينه منها الحال ينشل
┄┉❈❥❀❥❈┉┄
((بقلم العلويه ✍👆أم رائد زوين))
نعي خطاب مسلم بن عقيل الى مولانا الحسین_عليه السلام
خویه لومني وصل لیك الخبر
چان بعدك بلوطن عید النظر
ولاتجیب اویاك زینب للسفر
خاف بلکوفه یمر بیهه الدهر
تره شی ابنار شی ترمی ابحجر
#الشاعر_الکبیر_عزیز_الفیصلي
(السلام عليك يا سفير الحسين_عليه السلام_يا مسلم بن عقيل)
▪️نعي عن لسان السيده حميدة بنت المولى مسلم بن عقيل عليها السلام▪️
▪️ لاعندي ابو ایگلی سکتي
▪️ ولا یمي اخو اینشف دمعتي
▪️ ما عندي ضره غیرچ یعمتي
▪️ من امصیبتچ گمت اخفي ونتي
▪️ یعمه وین انه وین انتي
▪️ فرد مصباح چم امصاب شفتي
#الشاعر_الکبیر_عزیز_الفیصلي
🔶 #محرم_1446هـ
🔸#طور_الفراق
🔸 عندما ربطوا مسلم بن عقيل وضربوه وارادوا رميه من فوق القصر كأني به بلسان الحال يحادث الحسين روحي فداه عن بعد وبلسان القلب يقول له💔..
خذها خويه.. و ياإمامـي هالوصيـة
خذها خويه.. وإرجــع ولاتلفي ليّــه
خذها خويه.. كلمة من أخ لأخيّـه
ــــــــــــــ ✿༺✿༻✿ ــــــــــــــ
لاتجيني.. هنانـه نــاس ابـلا حميــة
لا تجيني.. امـن القصر أصبح رميـة
لاتجيني.. ومـــن بُعُــد ســلّم عليــه
ــــــــــــــ ✿༺✿༻✿ ــــــــــــــ
هذا حالي.. استمـع يحسين حالــي
هذا حالي.. الكلمة خانــوهـا يغالــي
هذا حالي.. فــدوة لك بس لاتُبالــي
ــــــــــــــ ✿༺✿༻✿ ــــــــــــــ
بس امانة.. بْنَيتي مظلومة و يتيمة
بس امانة.. چـانت اتسمّيني خيمــة
بس امانة.. والأبــو فكده هضيمـة
ــــــــــــــ ✿༺✿༻✿ ــــــــــــــ
📝 #الشاعرة_زينب_الخفاجي
🌿 #اللهم_صل_على_محمد_وآله
((ابوذيات لمسلم ع))
___
زماني ما رحم بيه ........ولادار
بقيت بلا سكن وحدي.........ولادار
ادير الوجه عن شخصك.....ولادار
وصيح حسين خويه الحك عليه
***
حسافه الزمن مايرحم.........وخوان
ذبحني الشامت بعينه.........وخوان
لون عندي مثل عباس ......وخوان
يحضرون بفخر اهل الحميه
***
((جواب طوعه ))
امشي عليك حامي الجار.....ون سال
عليك الاشعث بحقده ......ون سال
معقوله الدمه من العين........ون سال
يفزع كل غيور بهالمسيه
***
يمسلم بالفخر والصيت .....هاميت
يبو طاهر دموع العين........هاميت
صدك من القصر مولاي........هاميت
على باب القصر جثتك رميه
***
يوسف الفتلاوي
#محرم1446
اسمع ياقصـــر
ياهو الينتصـــر
ياهو اليبقه شامخ انه لو انتـــه
وينصاغ الذهب باچر على گبته
ياهو الينتصر اسمع ياقصر
،،،،،،،،
الحكم والخصم انت وأحكم بهايه
ياهو يصير گبره مثل الولايــــــــه
ياهو التنصبله بكل عزه قرايـــــــه
ياهو التعتنيله ناس مشايــــــــــــه
انت ازغر عمر
اسمع ياقصـــر
ياهو الترتفع من عدنه منزلتـــه
وينصاغ الذهب باچر على گبته
،،،،،،،
ياهو اليندفن ياهو اليضل عالــــــي
فنك فتره تصمد شامخ گبالــــــــــي
نصيحه ومني اخذها وداعت اطفالي
اليخلدك بس الحسين الوفي الغالـي
اترك كل شمر
اسمع ياقصـر
جلباب الشهادة روحي لابســته
وينصاغ الذهب باچر على گبته
،،،،،،،
القصر زامط بحيل ايزيد وتبختر
وگال اني اضل طول الدهر اگــدر
يبنيني يزيد بچفه من ازغـــــــــــر
وصيرن ند وحارب دولة المنبـــــر
حكمك يندحر
اسمع ياقصــر
راسك عنفوانك بالجدم دســته
وينصاغ الذهب باجر على گبته
،،،،،،،
ضل يحچي القصر وي مسلم بحيله
راح تموت لاناصر ولاعيلـــــــــــــــــه
وجسمك ماكو واحد يفزع يشيلـــــه
وينجر بالحبل والناس توميـــــــــــله
بهل موته افتخر
اسمع ياقصـــــــر
جسمي خله ينجر بالحبل ردته
ينصاغ الذهب باجر على گبــته
،،،،،،
انه باب الحسين ورحمة البــــاري
مامحتاج تعرف انته مقـــــــــداري
عد طوعه عفت تاريخي وخــباري
اثارك تزول وتبقــــــــــــــــه اثاري
احنه اهل الذكر
اسمع ياقصـــــر
وداعآ ياقصر كل الحچي گلته
وينصاغ الذهب باچر على گبته
،،،،،،
لخادم الحسين ع
#محمد #الفهداوي
هذا عنواني ؟؟ ثابت أيماني ...
أنــــه مسلم والنعم
......
أنة مسلم والعدة أيهابوني لــــو لا كيهـم
أخطف الارواح أنة الموت أسيرعليـهــم
ماتهمني أعداي كثرة العندي أهم أكظيهم
أتحزم السيف بيميني جنة نـاوي أعليهـم
لو نوه القاهر ؟؟ يمحي كل كافر
أنة مسلم والنعم
.......
من نسل عدنان أنة الكل نســــل يغنيـني
عمي قالع باب خيبر هل الشرف يكفيني
مثل حمزة بالحرب مــا واحد أيلاويــني
طوعة تشهد عل الشجاعة أرض وسمة تحيني
ياهلة بزودك ؟؟؟ ياوفي وعودك
أنة مسلم والنعم
.........
من سطح قصر الامارة مايـهم يرموني
الاهم عندي رضات حسين نور عيوني
من زغر سني سفيـــرة خلهم يسمعوني
وأبقى حــد أخر حياتي وفنهم يمنعـوني
صاحب الغيرة ؟؟ صعبة تغيرة
أنة مسلم والنعم
........
من حسين أتعلمت ما أنحني العدواني
راسي مرفوع وأبد كل ذلة ما تدناني
بيدي رايات النصر رفت فقد تهواني
غيري ما تهوة أبد يشهد علي الرباني
أرفض الذلة ؟؟؟ تسمع الملة
أنة مسلم والنعم
..........
أنة غيرة وابقى غيرة ما أدنــك راسي
لأخر سنين العمر شامخ يظل نوماسي
خصمي يعرفني وأظن صولاتي لا ما ناسي
عزمي عزم الوالي حيدر والنفس عباسي
تشهد الكوفة ؟؟؟؟ حسيني ما عوفة ...
أنة مسلم والنعم
..........
........
؟؟؟؟؟؟؟؟؟؟؟
الحمد الله رب العالمين
اللهم صل على محمد وال محمد
موسى الخادم…
#محرم1446
مزاره مزاره خالد مزاره
المناره المناره اشكبرها المناره
****
ما طاحت مرفوعه بجفه رايته
ونشاهد بالكوفه مسلم كبته
كل زاير يتعنه يطوف بحضرته
دم نحره للعالم يرسم ثورته
تجاره تجاره امحبته تجاره
المناره المناره اشكبرها المناره
***
هالقائد عنوانه عالكبه انكتب
ونلاحظ هالمرقد ايه امن العجب
جم عاشك بالحضره هليله ندب
ما عوفه وحب مسلم اغله من الذهب
الاماره الاماره وين الاماره
المناره المناره اشكبرها المناره
*
تتوافد زواره وتتعنه الكبر
واليلزم شباجه ايشم اجمل عطر
بالعالم ما شايف ميت منتصر
ما يخضع للظالم ويبيع الامر
البشاره البشاره بحضرته البشاره
المناره المناره اشكبرها المناره
****
بصراره وايمانه شفنه التضحيه
وتقدس وترفع من كل ناحيه
روح اوكف يم بابه واقره الادعيه
يم مسلم تتحقق والله الامنيه
شعاره شعاره واضح شعاره
المناره المناره اشكبرها المناره
*
باب الله وكل حايره يمسح دمعته
واليكصد يم مسلم تنحل شدته
ما واحد دك بابه ورجع حاجته
معروف بوكفاته وحلمه وغيرته
جواره جواره الملائك جواره
المناره المناره اشكبرها المناره
***
يتردد ما يسكت صوته بكل زمن
ما يركع وبصبره اتحده اهل الفتن
والظالم وقصوره امن الكاع انمحن
بس مسلم ضل كبره للحاير وطن
العباره العباره كتبها العباره
المناره المناره اشكبرها المناره
***
تمت
تحسين الخفاجي
#محرم1446
((باعث إليكم)
باعثّ أليكم قُرتي
أخي حبيبي ثقتي
أعددتهُ لِ نُصرتي ... مسلمآ
"""""""""""""""""""""""""""""""""""''''''''''
وديت الضوه من شفــته وحشه الليل
صاعد عالعشگ ما صاعد اعله الخيل
رتـــــه يــــــروح گبلي حتى ينـثر هيل
رتّ بهاي اراوي الكوفه شنـــهو الحيل
قد تعلمون مــــن أنا
ومــــــن يَصفُ صفنا
سار الهوى في رحلنا ... مسلما
"""""""""""""""""""""""""""""""""""''''''''''
وديته بچفن وبموته يــــــــعرف زين
وعلى الرايه كتب مولايه بس حسين
الدنيا أسهام ترمي وهوه طوله العين
كتله الموت مســــلم گلي حبك وين
قال الحياةُ تنجــلي
والرأس فيكم يعتلي
يا ســــادتي آلَ علي ... مسلما
"""""""""""""""""""""""""""""""""""''''''''''
مـــــن طب ودمعته بالرمش تنـشاف
يعـــرف بالنوايه الناس موش اشـراف
ما خاف اعله روحه أعليه ضل يخاف
وبمعول بغضـــهم ساف يهـــدم سـاف
هَدو المباني العاليه
والقَدرِ تنعى الجاثيه
قد اوقدوها الحاميه ... مسلما
"""""""""""""""""""""""""""""""""""''''''''''
كتله الموت گلي يـــا حـلاةّ الموت
كلها أتراب بـس حبك غده ياقوت
أنذر للعشگ نحري وألــــف تابوت
يالحبك عــــذوبه وياغرام الصوت
يا من أليك المنتهى
ثــــم أليك المشتكى
من مبغضن وكافرى ... مسلما
"""""""""""""""""""""""""""""""""""''''''''''
كل بايه بصعوده للقصر فـــــرحان
مو عطشان ماي الشوفتي عطشان
وصلى الركــــعتين بنـــــيه اللهفان
لطفال وشباب وشيبه والنســــوان
يا لهـــفتاً في عينهِ
مات اشتياقٌ قــلبهِ
يا حسرةً الجرح بهِ ... مسلما
عبد زينب
#محمد #الابراهيمي
*نعي كرناوي لمسلم عليه السلام*
🚩🚩🚩🚩🚩
*چلچل الليل ابظلامه ومسلم احتار*
*يـديـر الـعين او ذايـب دلـيلـه*
&&
*المهجه بالعطش تسعر كما النار*
*ودمعـه علـوجن يجـري مسيلـه*
&&
*يباوع للسمه يرسل له مكتوب*
*يگل للنجمه وگفيه من رحيله*
&&
*بـالله خـبريه لا يجي الكوفان*
*غـدرو بـالـسفير يبن الجليلـه*
&&
*لا ناصر بقى يحسين مخذول*
*وجذب حسرتي وماليه حيله*
&&
*ومن فوگ الگصر امر يذبون*
*جـثتي علثرى ودمي يسيلـه*
&&
*ابگيدي منسحب وتتفرج الناس*
*ماواحـد يجـي جـسمي يشيلـه*
&&
*ومالي غير طوعه تنحب اتنوح*
*وتـبچـي للـجرى بـونـه ثجيلـه*
*عاشقة الولايه*
*نسالكم الدعاء*
هوسات لمسلم ابن عقيل عليه السلام
مسلم من علي صولاته معروفه
زلزال ورعيده خله بالكوفه
حتى الگابلاه خلاه بي خوفه
حيرانه ضلت عدوانه
احتارت بيه عدوان وغدت تلطم
عالهامه اوتصيح الجاينه مسلم
ابن عم الحسين الوالي المشيم
محد يگدر يدناله
شبه المرتضى من صال عالميدان
طشر روسهم وانهزمت الشجعان
نادوا مانگابل مسلم الريسان
يفنينه مسلم هليوم
ماگدروا يجوله بالغدر صابوه
حفروله حفيره المسلم اوطيحوه
ولقصر الاماره امجتفي واخذوه
ماون الروحه// بونينه
تمت الحمد لله
ام غيث الذبحاوي
نعي لمسلم بن عقيل ع
يامسلم الك هامل دمعنه
عيوني تهل الك يالمجنه
اذكر غربتك واجذب الونه
تمنيت يمك جمع الخوان
ولازم بظهرك كمر عدنان
مايدرون بحوالك يريسان
يطارشي عجل لخوتي
وكللهم ايحضرون موتي
بعيدين مايسمعون صوتي
من وصلت لبوطاهر منيته
وصه ولاحفظو وصيته
ودمعك يبوطاهر جريته
ياطارشي وصل سلامي
خل تحضر اخواني وعمامي
سحكو جثتي والنحر دامي
وصل الخبر لهل الحميه
وكلهم هاي من مسلم وصيه
يحسين عينك عالبنيه
لوسمعت بعلمي حميده
وتكول ابوي اليوم اريده
وناحت اونته شديده
خل زينب عليه تصبرها
تهود روعها وتمسح دمعها
ماتكدر عله اغيابي طبعها
حسبالها ارجع واجيها
وتشوفني ويسكن بجيها
هموم الدهر تكثر عليها
لوغاب الابو وتيه بناته
يشبعن هظيمه مدلاته
وعكبه يذلن غالياته
✍أم زينب كربلاء
من اطوار النعي
أبوذيات
غريب وضامي اببابج وسلماي
يطوعه وماالي منجى وسلماي
لحميده بلّغوا حبي وسلماي
اذا جتكم الى الكوفه سبيه
اهلن بالدمع لاجلك ووجره
وجمرات المصايب ليك وجره
يقولون الجسد بالسوق وجره
ابن الزياد والزمره البغيه
———————
مجردات
مسلم وقع مابين عدوان
ويلي غريب وماله اخوان
جاوين القالوله اعوان
مسلم غريب إلوحده خلوه
وشربة اميه ما يشربوه
لا بيت ونزل ويلي يدخلوه
جاًوين قوم الكاتبوه
يا وسف لابن زياد ودوه
مسلم عليمن يطلبوه
من عالي القصر يا ويلي ذبوه
ميت وجسمه يرضوه
وبحبال يا ويلي جروه
منهو يِخَبْر اهله وحسين
وعليه تهلن دمعة العين
فطّر مصابه القلب نصين
نعي فائزي
مسلم رميه والجسد بالشارع يدور
يا ويلي منّه ماكتفوا كل عظم مكسور
ذبوه من فوق القصرمسلم رميه
ويلاه ماضاق وشرب قطرة اميه
مفطور قلبه ومنكسر اعله الشفيه
يبعث سلامه من بعد والقلب مفطور
خانوه والله ماوفوا القالوااعوان
الكوفه كلها بس صفت ابعينه عدوان
لابيت لا دار ونزل لا يمه اخوان
اشحال الغريب اللي صبح كل دمه مهدور
بحبال جروا جثته والوادم اتشوف
بيهم ولا باقي رحم للميت تعوف
هذا سفير ابن الهدى بكل زوده معروف
لمصابه يا شيعه القلب بنيرانه مجمور
—————
نعي الفراق
آ يا مسلم. ابغربه وإتْغمض عيونك
آ يا مسلم كلها يا ويلي تخونك
آيا مسلم. باعوا العهد اويه دينك
آيا مسلم. ابغربه ويلي من يلمك
آيا مسلم. سيدي المهدور دمك
آيا مسلم. من يشيل الغربه همك
إيا مسلم. جثه ويلي ايجرجرونك
آيا مسلم. والحبل آ يسحبونك
آيا مسلم. ليش والله شيطلبونك
نعي الجفيري
يبويه مامنك خبر
قلبك نساني لو هجر
يمتى ترد امن السفر
آنه حميده يالولي
يبويه مليت انتظر
قلبي ابغيابك منفطر
بالكوفه خوفي تتغدر
مكسور قلبي يالولي
عمي يبو الاكبر عجب
تمسح عليّه شالسبب
دلالي صاير كاللهب
عندك خبر منه الولي
ايتيمه جن عندك علم
واعيونك اتسولف ألم
باللوح كتبوا والقلم
الوالاك يصبر يالولي
تمت بحمد الله تعالی*
*بقلم : بنت الشمري*
*___الكويت ___*
نعي ليلة مسلم عليه السلام
🏴
هود الليل
بويه حميده هود الليل
المدمع يسيل
حن الگلب والمدمع يسيل
ابعث مراسيل
اويالهوى الهاب ابعث مراسيل
دربچ اطويل
ماظن اشوفچ دربچ اطويل
بويه الزلم والخيل
محاوطتني الزلم والخيل
حسبالي اشوفچ
گبل الأجل حسبالي اشوفچ
والزم چفوفچ
واستقبلچ والزم چفوفچ
يامصعب ظروفچ
من بعدي يامصعب ظروفچ
ليل خوفچ
ماينحمل ياليل خوفچ
هواي مشتاگ
وجهچ اشوفه هواي مشتاگ
عذبني الفراگ
لبنيتي احن عذبني الفراگ
يلحگن الحاگ
نوايب زماني يلحگن الحاگ
بويه الگلب طاگ
اعله شوفتچ بويه الگلب طاگ
اشجابچ للعراگ
يمدلله شجابچ العراگ
ياالله
عظم الله أجورنا واجوركم
أم محمد الحجاج
متفرقات من النعي في مصاب مسلم بن عقيل
أبوذيه
خبر ماجا من الغالي يمر بي
واحس الگلب يابويه يمر بي
نشدت الراح والراجع يمر بيه
ورساله بلچن يجيبون اليه
————-
مجردات +عاشوري
راح الولي واعليّه ميعود
وما ظن بعد يرجع لي اردود
سال الدمع جرحها لخدود
سال الدمع والگلب لهفان
و دوّه الگلب يابوي نيران
غايب عليك الفكر حيران
قالوا يبويه بكوفه مطروح
وامن القصر ذبوك مذبوح
اعليك البجي والونه والنوح
اوحيّد يبويه ولا لك احباب
وكلهم عليك اجتمعوا اجناب
لمصيبتك والله الگلب ذاب
————
طور زينب اجت لحسينها
الشيخ زمان الحسناوي
علت حميده اونينها
ودمعتها تجرح عينها
ابنيه ولابوها حنّت
مشتاگه ليه وونت
من عمها تسأل دنت
شافت يوّن احسينها
مسلم خبر مامنه
روحي تدور عنه
ميت تگولن چنه
المهجه يدوّي احنينها
سمعت يگول الوالي
ودمعه ابحزن همالي
مذبوح ابوها الغالي
وبس جثته يذبونها
من القصر ذبوها
اعظام الولي امكسريها
بحبال وامربطيها
بالسوگ وايجرونها
ياروحي المشتاگه
فراك ومانتلاگه
اتهد الحنين اشواگه
ياروحه المعذبينها
————-
بين طوعه ومسلم عليه السلام
طور يابويه يابويه
واقف على بابج ياطوعه ومحتار
ضامي القلب شربيه مسلم غريب الدار
ياطوعه يا طوعه
ياطوعه يا طوعه
اغريب ولا احباب يا طوعه وعطشان
لاله اهل لا اگراب حاير ترى ولهفان
غيثي الغريب اليوم ايغيثج الرحمن
واقف على بابج وگلبه يشب بنار
اميه ياحره اعطيه ضيف وقصد بابج
هالهاشمي اتعرفيه واحد من احبابج
عمه علي الكرار وينطر اجوابج
مطلوب ياطوعه وتريده الاشرار
قلها انا مسلم آنه سفير حسين
اغريب يا طوعه هنا اوحيّد ولا لي امعين
ضايگ عليّه الكون ومدري اتجه لا وين
راسي انا المطلوب وماعندي اي انصار
—————
تمت بحمد الله تعالى
بقلم:بنت الشمري
نعي فائزي لمسلم ابن عقيل عليه السلام
مسلم باارض كوفه انغدر مايمه انصار
ويدير عينه اعله المدينه والكلب نار
يحجي الجره وياه يوم البقه محتار
عدوان ماعدهم حميه دارو اعليه
•───✧◐🕊🌻🕊◐✧───•
دارو عليّ كل صوب حفروله حفيره
خانو البيعه وخانو حسين ونصيره
مشمور ظل بالكاع مايمه عشيره
مكتوب بالكوفه يموت وماكو اهاليه
•───✧◐🕊🌻🕊◐✧───•
وين ال هاشم خلتجي وتشوف ابنهم
مغدور بالكوفه صبح وبعيد عنهم
بين الأزقه بجثته شدو حبلهم
ومن القصر شمروه ماعدهم رحم بي
•───✧◐🕊🌻🕊◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
#جديد
#نواعي في #التوسل بمولانا باب الحوائج باب أمير المؤمنين مولانا #مسلم بن عقيل عليه السلام
.
.
أبوذية
یباب المرتضى إنته والإمراد
وتشوف ابگلبي اشجاري والإمراد
اليجيلك تترس اچفوفه والإمراد
منك ياخِذَه وتگضي القضيه
#مجاريد :
لا تحتار يا من طحت بالهم
لمسلم توجه وإنته تِغنَم
ونادي بدَمِعْتك آيا بن عم
احسين التغسل جسمه بالدم
نادي يباب المرتضى جيت
بابك ادگه ودمعي هليت
للمحتاج يامه افزعت وانطيت
تفزع لي هذا اليوم يا ريت
نادي يمسلم جيتك اليوم
وتفزع إلي رايد يمظلوم
واللي يِگصِدَك مولاي مهموم
حاشه ترده والله محروم
وآنه إجيتك گلبي مكسور
ودمعاتي وسط اعيوني اتدور
يا من على الفزعات مشكور
حلها ودَخلِّي الگلب مسرور
فائزي :
کاصد إلى باب الأمير بطلبتي اليوم
وحاشه اليجيله ابطلبته وايعود محروم
يا مسلم اعليك المسيه طلبتي هاي
مهموم گلبي ومنهضم منها يمولاي
لبابك يباب الحاجه هذا اليوم عناي
وأدريك تفزع بالعجل والله يمظلوم
انته اليجيك بحاجته مگضيه بالحال
راعي العطيه سيدي وكشّاف الأهوال
وآنه دليلي چم ألم تدري وجرح شال
وإنته دوا المجروح إنته وكافي الهموم
طور : لفى عاشور
يا والد حميده انخاك .. إجيت ودمعتي بعيني
وحَگ دمعتها يا مولاي .. عليك الليله تآويني
يَباب المرتضى مآلوم .. وأريدنك تعافيني
بحنانك ادري يالغالي .. بحنانك طلبه خليني
دخيلك وابعلي الكرار .. بعلي لا لا تِخليني
امن اجيلك بالوصي انخاك .. وأدري ما تخيبني
وإذا أگصد له ابحگك .. احلفه وهوه يعطيني
طور : الجفيري
باب الحوائج بالشدد
من ايده والله كل مدد
هذا السفير المعتمد
بس حَلِّفه ابحگ الحسين
ما يعتذر يحضر إلك
هوه ملاذك كل هلك
ومن تِگصِدَه يستقبلك
مَيْگصر او حگ الحسين
سهله بدينه المشكله
ومَيْفشل اللي يسأله
الليله توجه بس إله
وينظر لك لعين الحسين
الحاير يسر ليه الگلب
ما يبگه يمه كل صعب
وحگ الخذوها اويه الغرب
ووياها لن راس الحسين
طور : جاوبني يا علي
يا مسلم الغريب
بحگ البگه سليب
من علتي أطيب
يا مسلم الحسين
لعيـــونه أنتخيـــك
وكل جرحي أشكي ليك
أتفرِّجها أرتجــــيك
يا مسلم الحسين
ابدمعة حميدتك
الذبحتها موتتك
رايدها نظرتك
يا مسلم الحسين
دلالي منكسر
وابدمعتي أنتظر
گلبي المسه تسر
يا مسلم الحسين
هالليله يا حنون
كل شدتي تهون
واتگرها للعِيون
يا مسلم الحسين
_
تمت ببركات مولاي مسلم بن عقيل عليه السلام
#فاطمة_كريم
٢٠٢٣ م
🔶 #محرم_1446هـ
🔶 #جفيري
🔸 #مسلم_بن_عقيل_ع
أبعث ســلامـي لأخوِتــي
فــدوة الرقبهـم رقبتي
ذوله عِزُوتــي و سادتـي
اتمنــى يوصلهــم خبـــر
┈┉┅━❀ـ◕ـ❀━┅┉┈
ريته خبــر موتــي يَصـل
لبن النبي حسين النًفــل
واسماع اخويه بو الفضل
ريت ويعرفــون اشصــدر
┈┉┅━❀ـ◕ـ❀━┅┉┈
من هالجماعــة الماكــرة
ريت اهلي سمعوا بالجـره
جمـرة بدليلــي موجّـــرة
خــــايف على ذاك النحــر
┈┉┅━❀ـ◕ـ❀━┅┉┈
نحــر الحبيب ابــن النبـي
اهنانـه يذبحــه الناصبــي
خــايف حريمــه تنسبــي
وزينب يضربوها بحجـر
┈┉┅━❀ـ◕ـ❀━┅┉┈
📝 #الشاعرة_زينب_الخفاجي
🌿 #اللهم_صل_على_محمد_وآله
#قصائد_في_خدمة_الخطباء
#ذو_الحجة١٤٤٥
#شهادة_مسلم_بن_عقيل(عليه السلام)
(لسان حال سيد الشهداء عليه السلام لمن كان معه عند وصول خبر شهادة مسلم بن عقيل عليه السلام)
[قصيدة عمودية]
خبرٌ فظيعٌ منهُ سالت أدمُعي
هذا كتابٌ فيه مسلمُ قد نُعي
قتلوهُ والجسمُ الخضيبُ رَمَوْا به
من سطحِ قصرٍ للدَّعيِّ ابنِ الدّعي
وكذاكَ قيسٌ من سعى برسائلي
أضحى شهيدًا في المقامِ الأرفعِ
بعضُ النجوم هوت وبعضٌ بانتظارِ
نداءِ مالِكها الرّحيمِ أنِ ارجِعي
إنّي لماضٍ والشّهادةُ مقصَدي
وبها المفازُ لكلِّ من يمضي معي
إنّي إلى أرض البلاءِ توجُّهي
منها يكونُ إلى حبيبي مَرْجِعي
لا نصرَ لي إلّا بقتلي ظامئًا
لا نصرَ إلّا بانكسارِ الأضلُعِ
لا نصرَ إلّا بالرؤوسِ على القنا
وبضربِ أطفالي وسلبِ البُرقُعِ
وبسبيِ زينبَ فوق ظَهر هزيلةٍ
وبشتمها جهرًا وشتمِ الأنزَعِ!
#عظم_الله_أجوركم
فاطمة رزق
اسألكم الدعاء
#الليلة_الرابعة
#قصيدة_رباعية
#محرم_1446
كُتبت بفضل مولاي مسلم ورعاية صاحب الأمر عجل الله فرجه
يرجى بعد إذن حضرتكم في حال الاستفادة إفادتنا بالتسجيل لتمام الفائدة
وصية أمير المؤمنين عليه السلام لابن أخيه مسلم بن عقيل:
١/ أمسلمُ إحفظن منِّي الوصيَّةْ
لنصرةِ وارثي وابنِ الزكيَّةْ
سفيرًا باسمِ ثورته الدميَّةْ
إلى كوفانَ فاسمعْ يا بنيَّا
٢/ غدًا تأتي رسائلُهُم ألوفا
فيرسِلُك الحسينُ ترى الظُروفا
فتلقى القومَ قد سلُّوا السيوفا
عليكَ لنصرةِ الطاغِي أميَّةْ
٣/ وحينَ تلوذُ عطشانًا بِطوعةْ
سكَبتَ لغربةِ العطشانِ دمعةْ
فبعدَك أوَّلُ الأحزانِ لوعةْ
بها لن تنتهِي آيُ العزِيّةْ
٤/ بها ذبحًا سيُنحَرُ رأسُ ديني
وفوقَ رغامِ طفٍ ذا حسيني
أراهُ فتسمعُ الحورا أنيني
وتسمَعُ جدَّها خيرَ البرِيَّةْ
٥/ هناكَ يُحاصِرونكَ كم تُقاوِمْ
ولابنِ زيادَ تُسحبُ لا تساوِمْ
كما الحوراءُ تُسحَبُ والفواطمْ
إلى شامِ المآسِي والرزِيّة
٦/ غدًا يرميكَ من قصرِ الإمارةْ
وترمِيك الجَهالةُ بالحِجارةْ
وبعدكَ عصرَ عاشورا الغيارى
شُتاتًا صُرَّعًا في الغاضِريَّة
٧/ إذا جاءَت نواعِيكَ البعيدَةْ
بعطفِ حسينِنا لاذَت حميدَةْ
أويلي في دروبِهِمُ البعيدَةْ
فمَن يَأوي عيالاتٍ سبيَّة؟
#في_خدمة_الخطباء
✍️قمر حسين
نسألكم الدعاء
#محرم1446
الكوفه اصبحت اهل الفيل
متاني الأمر عزرائــــيــــــل
بس مسلم يصيح بصـــوت
يمطر عليهم سجيـــــــــــــل
،،،،،،
من سرفن اردانــه
ضل يغلي بـركانــه
يستنگي ضل بيهم
ومدنكه عدوانــــه
بي من علي ملوحه
ابسلهم ايلوحـــــــه
وبصارمه يرســــــل
الوادي صقر روحـه
مسلم شبيه العبـــــــاس
غيره وشجاعه ونوماس
وعمامته حب حسيــــــن
تاج ولبسها اعله الـــراس
راواهم بسيفه الويـــــــــل
الكوفه اصبحت اهل الفيل
،،،،،،،
گلهم علي عمـــــي
يموت اليصل يمي
اله اشلع عيونـــــه
الرايد سفك دمـــي
انسابي معروفـــــه
خل تسمع الكوفـــه
موقف اريد اتــــرك
حته العمه يشوفــه
راح اني أترك عنـــوان
يقراه يضل كل انسان
انه ابقه ونتو تموتـون
هيجي بصريح القـرأن
يذكرني يبقه كل جيــــــل
الكوفه اصبحت اهل الفيل
،،،،،،،
حسين اشتره انفاسي
وتملك احساســــــــــي
وانه شلت حـــــــــــبه
ياوادم براســــــــــــــي
انتم ندبتولــــــــــــــــه
أقدم كتبتــــــــــــــــوله
من تنگضي الدنيــــــــه
كل چلمه مسؤلــــــــــــــه
عن سيفي وين تـــــــفرون
موهينه بينه تغـــــــــــدرون
القاضي سيفي اعله الروس
صَدر أحكام تموتـــــــــــــون
ما يسلم البينه ايعيـــــــــل
الكوفه اصبحت مثل الفيل
،،،،،،،
راح احكم بـصارم
متحمس وعــــازم
كتبوا وصـــــاياكم
يا ارذل الـــــــوادم
اسحگ جحافلكــم
ولوحدي انازلكـــــم
مومستواي انتـــــم
مجبور اقاتلـــــــكم
انه العشت بين ابطـــال
اكسر خشم كلمن عـــال
مسلم وبن عم حسيــــن
موجرمقان وبقـــــــــــال
من صولته كلها تميــــــــل
الكوفه اصبحت مثل الفيل
،،،،،،،
يدري بمگيدتهـــم
وعليها شردهـــــم
نص المعسكر طاح
منه بحفيرتهـــــــم
محد گرب صوبـــه
وما حركو ثوبــــــه
باسو رجل مهـــــره
يامسلم اتوبــــــــــــه
تهلهله طوعه تحيــه
بعمه علي من تناديه
يترك السيف بيمنــــا
يلزم الفارس يرميـــه
الروس اوصلت نجم سهيل
الكوفه اصبحت مثل الفيـل
،،،،،،
لخادم الحسين ع
#محمد #الفهـــداوي
مسلم السفير ... سلم على حسين بدموع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
..............................................
من فوك سطح المظلمة قصر الإمارة
مسلم توجه عــن بعـــد أدى الزيارة
نادى ســلامأ سيـدي ابــدمعة التجارة
آخـــر ســلام الوجه بأخــر نـهارة
………
مسلم السفير. .. نشعلة هالليلة الشموع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
........................................
أعظم سفير أعلى الأرض مسلم ولينه
تشهدلة طوعة بهمتة وعــزمة ويقينة
رأيت محمد رفــرفت عالي بيمـينه
ما جان خايف ينذبح خوفة اعلة دينة
مسلم السفير ... ودع حميدة إبلا رجوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
…… ..
مسلم سفير ابن النبي حجة عـلى الكون
حجة أعلى ظلم الناصبة وكل اليبغضون
بيه الحصل ما ينوصف تبجيلة العيون
جارت علية كوفة الغدر كثرة اليشهدون
مسلم السفير .... عنة تخلو بالركوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
...........................................
أرخص حياتة وما نقض بيعة إمــامة
بحسين أبو أليمة افتخر رغــم الملامة
مثل الجبل شامخ وكف شاهر حسامة
منة أرتعد جيش الكفر عـالي بمقامــة
مسلم السفير ... واجب نكسرلة الظلوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
........................................
نعم السفير البلشــدد مــا هـــبط الراس
مسلم وريث أهل العلم تشهدلة الارجاس
ثابت يقينة و غـيرتة منبعهه عـباس
بي حارت اشباه الـزلم والكوفة يا ناس
مسلم السفير ... حير اعاديه والجموع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
...........................................
حير جيوش ألعادتة بالكوفة حيــرة
ما همة أبد كثر العدد راضي بمصيرة
وراث شجاعة حيدرة صاحب بصيرة
ما مـنة يحصل لا يصح واحد نضيرة
مسلم السفير .... وكت الشدايد مو جزوع
مسلم السفير ... أدى الزيارة أبكل خشوع
يا سلام الله عليه ... يا سلام الله عليه .... مسلم السفير
......
الحمد لله رب العالمين
اللهم صل على محمد وال محمد
موسى الخادم
… ..
مسلم بالكوفة أيشوفونه
حيدر وأشلون أيلاكونه
سفير حسين
.................................................
جبل بركان أنفجر مسلم دخيلــه
هالله هالله ما كدر واحد يجيلــــه
أتوسط الميدان هوس رعب ليلة
أحنه غير حسين ماعدنه وسيلـه
واتوسط مسلم ميدانه
ماواحد بيهم كال انه
سفير حسين
......................................
حمل مسلم والزلم هابت خيالــــــه
واحد الواحد سأل عزريل اجالــــه
أعيونه تتجادح غضب ساعة نزاله
ألتفت لحسين ونشيد الطف قرالـــه
مسلم والكـــل أيسمونه
حيدر واشلون ايلاكونه
سفير حسين
.....................................................
ركضت الخياله مسلم هد وراهم
ابلا نفس من خوفهم موته لكاهم
عاين ابـن زياد جيشه وشدهاهم
واحد الواحــد يكله اشرد معاهم
موته ابلا سيفك تلكانه
مسلم هد اشرد ويانــه
سفير حسين
..........................................
عجت الكوفه وعجيج الجيش خيم
ومسلم بهيبة علي وصبره تحزم
عرف هاي الساعة موته وامره حتم
التفت لحسين واعله حسين سلم
بسمل سيفه وهل أدموعه
لبنيتة الضلت مفجوعه
سفير حسين
.......................................
بين طوعه ومسلم حسين شبعثلـه
حتى من البيت طلعت حيت اهلـه
مسلم امن ابعيد يسمع جن يكلـــه
يبن عمي أمن ومسلم دخلًــــــــه
من حيًت طوعـــــــه وحياها
خيمة امن الطف وطباها
سفير حسين
.......................................
خادم خدمة الحسين
الشاعر
محمد الموالي
دمعة عيني دمعة عيني
طارش للكوفه اتوديني
...................................................
يالعايفني وهجرك طـــــــــول
دمــــــــع أفراكك عالخد وشل
مسلــــــــــــم يا بويه وشتحمل
ليليه أطيوفك تبجينـــــــــــــي
.......................................................
آنه وكلبـــــــــــي ونار الفركه
جيت أركض بالطيف أمصدكه
أبيضت عينــــي الشوك الملكه
شمعة بيتـــــــي وحلم أسنيني
.............................................
دمع أعيونــــــي وشوفي أتبده
حلم أضنونـــــي ألمثل الورده
يفتــــــــــــر بين أطيوفك بعده
ذابحنــــــــي وهجرك جاويني
......................................................
يا لهفة شوكـــــي وأحساسي
مخنوكه من جــــــرة أنفاسي
ليش الـــــــوادم تمسح راسي
يا بويه أفراكك يا ذينــــــــــي
.......................................................
رحت أركض ركضة ولهانه
شفت حسيـــــن وفك ذرعانه
طحت بحضنه وسال أبجـانه
وعن هجرك ضل أيواسيني
.......................................................
سولفلـــي ودمعي دم يجري
الفكد الوالد كلــي أتحضري
يا بويه والكــــاسر ضهري
عن يوم الطف أيوصينـــي
...................................................
وصانـــــي عن يوم العاشر
وي زينب أبقه ومـــــا كابر
حرك أخيام وسبـــي وحافر
باجـــــــر ما بينه وما بيني
..............................................
خادم خدمة الحسين
الشاعر
محمد الموالي